DKR-KABUM-19-DZA-015

🚧 This website is under continued development. We appreciate your patience!

Previous Text Back to Volume PageNext Text

Wylie title	'chi med pad+ma tshe yi snying thig las/ phyi nang gsang ba'i sgrub thabs bka' srung dang bcas pa'i smin byed kyi phreng ba dkyus gcig tu bkod pa 'chi med ye shes rdo rje'i srog sbyin
Location	dil mgo mkhyen brtse bka' 'bum Volume 19, Text 15, Pages 147-241 (Folios 1a to 95a4)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo)
Citation	Khyentse, Dilgo. 'chi med pad+ma tshe yi snying thig las phyi nang gsang ba'i sgrub thabs bka' srung dang bcas pa'i smin byed kyi phreng ba dkyus gcig tu bkod pa 'chi med ye shes rdo rje'i srog sbyin. In Skyabs rje dil mgo mkhyen brtse rin po che'i bka' 'bum, Vol. 19: 147-241. Delhi: Shechen Publications, 1994.
Genre	Empowerment Ritual - dbang chog - dbang skur
Cycle	འཆི་མེད་པདྨ་ཚེ་ཡི་སྙིང་ཐིག་ ('chi med pad+ma tshe yi snying thig)
Colophon	།ཅེས་རྒྱལ་ཀུན་གསུང་གི་རྡོ་རྗེའི་གསང་མཛོད་ལ་མངའ་དབང་བསྒྱུར་བའི་མགོན་པོ་ཀུན་ཏུ་གཟིགས་འཇམ་པའི་དབྱངས་དངོས་པདྨ་ཡེ་ཤེས་རྡོ་རྗེས་ཐུན་མོང་མ་ཡིན་པའི་ཐུགས་བརྩེ་དང་བཀའ་དྲིན་གྱིས་རྗེས་སུ་བཟུང་སྟེ། ཚེ་སྒྲུབ་པདྨའི་སྙིང་ཐིག་གི་དབང་ཕྲེང་ཡོངས་རྫོགས་ཆོག་ཁྲིགས་སུ་གནང་ཟིན་གྱི་དཔེ་བོད་ཁམས་དུས་ཀྱི་འཕོ་འཇིག་གིས་མི་སྣང་བར་གྱུར་པ། སླར་ཡང་ལུང་རྟོགས་ཀྱི་བདག་ཉིད་སྟོན་དང་བསྟན་པ་ཚད་མ་ལ་ཡང་དག་གཟིགས་པའི་ཆོས་ཀྱི་སྤྱན་མངའ་མཚུངས་མེད་དགེ་བའི་བཤེས་གཉེན་ཞྭ་དེའུ་འཁྲུལ་ཞིག་འགྱུར་མེད་ཆོས་ཀྱི་བློ་གྲོས་རིན་པོ་ཆེས་སྐུ་རྟེན་ཛྷེ་ཀྵིཾ་ལས་གྲུབ་པའི་འཆི་མེད་མྱུར་མ་དཔའ་མོའི་སྣང་བརྙན། གསུང་རྟེན་བྱང་ཆུབ་སེམས་ཀྱི་མངའ་བདག་ཟེ་ཆེན་རྒྱལ་ཚབ་རིན་པོ་ཆེའི་གསུང་བློ་སྦྱོངས་སྦྲང་རྩིའི་བུམ་བཟང་གི་གླེགས་བམ་དང༌། བསྔོ་སྨོན་བཀྲ་ཤིས་སྐོར་གྱི་གླེགས་བམ། ཐུགས་རྟེན་གནམ་ལྕགས་རྡོ་རྗེ་བཅས་ནང་མཛོད་ཀྱིས་བཏེགས་པའི་གནང་སྐྱེས་དང༌། ཁྱད་པར་ཐུགས་དམ་རྒྱུན་གྱི་ཉམས་བཞེས་དང༌། ཚེ་ཁྲིད་པར་དུ་བསྐྲུན་པའི་ཞལ་བཞེས་ཀྱིས་གསུང་བསྐུལ་གནང་བ་དང༌། ངེས་དོན་སྙིང་པོའི་རྣལ་འབྱོར་ཀུན་སྤང་མཁྱེན་ལྡན་ཀློང་ཆེན་ཡེ་ཤེས་རྡོ་རྗེས་རྩ་གསུམ་འཆི་མེད་ཚེ་ཡི་ཕྱི་ནང་གསང་སྒྲུབ་ཀྱི་ལས་བྱང་རིགས་པར་བསྐྲུན་མཛད་པ་དང༌། སྒྲུབ་བརྩོན་དམ་པ་ཀུན་དགའ་ཚེ་དབང་བསྟན་འཕེལ། དད་བློ་ལྡན་པ་འགྱུར་མེད་ཐེག་མཆོག་བསྟན་འཛིན། བློ་གསལ་ཨོ་རྒྱན་གཞན་ཕན་སོགས་རང་སློབ་རྣམས་ནས་བསྙེན་སྒྲུབ་ཉམས་ལེན་དང་འབྲེལ་ཡང་ཡང་རྟེན་དང་བཅས་ཏེ་བསྐུལ་བའི་རྐྱེན་དང༌། པདྨའི་རྒྱལ་ཚབ་འཇམ་མགོན་དྷརྨ་མ་ཏིས་རང་གཏེར་འདི་རིགས་ཡལ་བར་མ་དོར་དང་བསྟན་འགྲོར་ཕན་པའི་དགོས་པ་ཡོད་ཅེས་རྡོ་རྗེའི་བཀའ་ལུང་རྗེས་སུ་སྒྲུབ་པ་དང༌། རྩ་བའི་ཆོས་བདག་རྗེ་བླ་མ་ཉིད་ཀྱི་མཆོག་སྤྲུལ་དང༌། ཞེ་ཆེན་རབ་འབྱམས་སྤྲུལ་པའི་སྐུ་རྣམས་ཀྱི་སྐུ་ཚེའི་རྟེན་འབྱུང་ལའང་ཕན་སྲིད་སྙམ་པས་རྙིང་སྔགས་རྒན་པོ་པདྨ་གར་དབང་འོད་གསལ་མདོ་སྔགས་གླིང་པས་གསར་བསྒྲིགས་བགྱིས་སྐབས་ཡི་གེའི་མཐུན་སྦྱོར་འོད་གསལ་རྡོ་རྗེ་སྙིང་པོའི་སྟོན་དང་བསྟན་པ་ལ་རྒྱུ་མཚན་ཤེས་པའི་མཁྱེན་དཔྱོད་དང་བློ་གྲོས་མཚུངས་མེད་བྱང་གནམ་མཚོའི་དོ་སྐྱ་མཆོག་སྤྲུལ་འགྱུར་མེད་པདྨ་དྲི་མེད་དང༌། སྔགས་སྒོམ་འཇིགས་མེད་སྐལ་བཟང་ཚེ་དབང་གཉིས་ཀྱིས་བགྱིས་ཏེ་རང་ལོ་བཅུ་ཕྲག་དྲུག་དང་གཅིག་གིས་ལྷག་པའི་སྟེང་ལྷོ་ལྗོངས་ཙནྡན་གྱི་ནགས་ཚལ། བཀྲ་ཤིས་དགའ་འཁྱིལ་གྱི་བསམ་གཏན་ཁང་བུར་པདྨ་ཚེ་མཐའ་ཡས་པའི་དཀྱིལ་འཁོར་གྱི་བསྙེན་སྒྲུབ་ལ་གཞོལ་བའི་ཐུན་གསེང་རྣམས་སུ་བྲིས་པ་འདིས་ཀྱང་མཁའ་ཁྱབ་ཡིད་ཅན་ཀུན་གྱི་ཚེ་དང་ཡེ་ཤེས་འདོད་དགུའི་དངོས་གྲུབ་ཀྱི་དཔལ་ཡོན་ལ་ཅི་དགར་རྩེན་པའི་རྒྱུར་གྱུར་ཅིག །སརྦ་མངྒ་ལཾ། དགེའོ།།
	/ces rgyal kun gsung gi rdo rje'i gsang mdzod la mnga' dbang bsgyur ba'i mgon po kun tu gzigs 'jam pa'i dbyangs dngos pad+ma ye shes rdo rjes thun mong ma yin pa'i thugs brtse dang bka' drin gyis rjes su bzung ste/_tshe sgrub pad+ma'i snying thig gi dbang phreng yongs rdzogs chog khrigs su gnang zin gyi dpe bod khams dus kyi 'pho 'jig gis mi snang bar gyur pa/_slar yang lung rtogs kyi bdag nyid ston dang bstan pa tshad ma la yang dag gzigs pa'i chos kyi spyan mnga' mtshungs med dge ba'i bshes gnyen zhwa de'u 'khrul zhig 'gyur med chos kyi blo gros rin po ches sku rten dz+he k+ShiM las grub pa'i 'chi med myur ma dpa' mo'i snang brnyan/_gsung rten byang chub sems kyi mnga' bdag ze chen rgyal tshab rin po che'i gsung blo sbyongs sbrang rtsi'i bum bzang gi glegs bam dang*/_bsngo smon bkra shis skor gyi glegs bam/_thugs rten gnam lcags rdo rje bcas nang mdzod kyis btegs pa'i gnang skyes dang*/_khyad par thugs dam rgyun gyi nyams bzhes dang*/_tshe khrid par du bskrun pa'i zhal bzhes kyis gsung bskul gnang ba dang*/_nges don snying po'i rnal 'byor kun spang mkhyen ldan klong chen ye shes rdo rjes rtsa gsum 'chi med tshe yi phyi nang gsang sgrub kyi las byang rigs par bskrun mdzad pa dang*/_sgrub brtson dam pa kun dga' tshe dbang bstan 'phel/_dad blo ldan pa 'gyur med theg mchog bstan 'dzin/_blo gsal o rgyan gzhan phan sogs rang slob rnams nas bsnyen sgrub nyams len dang 'brel yang yang rten dang bcas te bskul ba'i rkyen dang*/_pad+ma'i rgyal tshab 'jam mgon d+harma ma tis rang gter 'di rigs yal bar ma dor dang bstan 'gror phan pa'i dgos pa yod ces rdo rje'i bka' lung rjes su sgrub pa dang*/_rtsa ba'i chos bdag rje bla ma nyid kyi mchog sprul dang*/_zhe chen rab 'byams sprul pa'i sku rnams kyi sku tshe'i rten 'byung la'ang phan srid snyam pas rnying sngags rgan po pad+ma gar dbang 'od gsal mdo sngags gling pas gsar bsgrigs bgyis skabs yi ge'i mthun sbyor 'od gsal rdo rje snying po'i ston dang bstan pa la rgyu mtshan shes pa'i mkhyen dpyod dang blo gros mtshungs med byang gnam mtsho'i do skya mchog sprul 'gyur med pad+ma dri med dang*/_sngags sgom 'jigs med skal bzang tshe dbang gnyis kyis bgyis te rang lo bcu phrag drug dang gcig gis lhag pa'i steng lho ljongs tsan+dan gyi nags tshal/_bkra shis dga' 'khyil gyi bsam gtan khang bur pad+ma tshe mtha' yas pa'i dkyil 'khor gyi bsnyen sgrub la gzhol ba'i thun gseng rnams su bris pa 'dis kyang mkha' khyab yid can kun gyi tshe dang ye shes 'dod dgu'i dngos grub kyi dpal yon la ci dgar rtsen pa'i rgyur gyur cig_/sarba mang+ga laM/_dge'o//

Tibetan Text

Wylie

[edit]

༄༅། །འཆི་མེད་པདྨ་ཚེ་ཡི་སྙིང་ཐིག་ལས། ཕྱི་ནང་གསང་བའི་སྒྲུབ་ཐབས་བཀའ་སྲུང་དང་བཅས་པའི་སྨིན་བྱེད་ཀྱི་ཕྲེང་བ་དཀྱུས་གཅིག་ཏུ་བཀོད་པ་འཆི་མེད་ཡེ་ཤེས་རྡོ་རྗེའི་སྲོག་སྦྱིན་ཞེས་བྱ་བ་བཞུགས་སོ།།

༄༅། །གང་མཚན་ལེགས་བྲིས་བདུད་རྩིའི་ཟིལ་མངར་དད་བརྒྱའི་སྙིམས་པས་མྱང་ཙམ་གྱིས། །དུས་ཀྱི་ཞགས་པའི་གདུང་བ་བཅིལ་ནས་འཆི་མེད་ལང་ཚོའི་བརྟན་པ་མཆོག །ཡུད་ལ་སྟེར་མཛད་བླ་མ་ཚེ་འོད་དཔག་མེད་དཀྱིལ་འཁོར་ཀུན་གྱི་བདག །ཡིད་ཆེས་དད་པའི་སྲི་ཞུས་བསྙེན་ལ་དགེ་ལེགས་དཔལ་གྱི་ཆར་འབེབས་མཛོད། །མཆོག་གི་བྱིན་རླབས་སྐྱ་རེངས་དང་འགྲོགས་པའི། །ཟབ་གསང་ཉིན་མོར་བྱེད་པའི་དཀྱིལ་འཁོར་ལ། །སྨིན་བྱེད་འོད་ཀྱི་ཕྲེང་བ་བསྟར་འདི་ཡང༌། །སྐལ་བཟང་ཨུཏྤལ་འཛུམ་པའི་དཔལ་དུ་ཤར། །འདི་ལ་ཕྱི་སྒྲུབ་ཚེ་དཔག་མེད་སྤྲུལ་སྐུ་ལྷ་དགུ། ནང་སྒྲུབ་ལོངས་སྐུ་ཚེ་དཔག་མེད་ལྷ་བཅུ་བདུན་མ། དེའི་ཡན་ལག་རིགས་ལྔ་ཚེ་དཔག་མེད་སོ་སོའི་སྒོས་སྒྲུབ། དབང་ཆེན་རྟ་མགྲིན་རིགས་ལྔའི་སྒྲུབ་ཐབས། གསང་སྒྲུབ་མཁའ་འགྲོ་མནྡཱ་ར་བ་རིགས་ལྔའི་ཚེ་སྒྲུབ། ཡང་ཟབ་རིག་འཛིན་བླ་མའི་ཚེ་སྒྲུབ། བཀའ་སྲུང་ཙཎྜ་ལིའི་རྗེས་གནང་བཅས་ཡོད་པ་ལས་རྩ་གསུམ་འགྲེས་བསྡེབས་ཏེ་རིམ་བཞིན་འཆད་པའི་དང་པོ་བྱིན་རླབས་ཀྱི་སྒོ་འབྱེད་ཕྱིར་བླ་མ་རིག་འཛིན་ཚེ་སྒྲུབ་ཀྱི་དབང་ལ་གཉིས་ལས། དང་པོ་ཡོ་བྱད་ཀྱི་བཤམས་བཀོད་ནི། གཞུང་མཐུན་སྐུ་རྟེན་ནམ་གུ་རུའི་སྣང་བརྙན་བྲིས་འབུར་གང་རིགས་ཀྱི་སྤྱན་སྔར་ཞི་དཀྱིལ་གཞུང་མཐུན་གྱི་རས་བྲིས་སམ་ཚོམ་བུ་གཙོ་འཁོར་བཅུ་གསུམ་ཅན་བཀོད་པའི་དབུས་སུ་མཉྫི་ལ་ཚེ་བུམ། ལྷ་ཙཀ་ཡོངས་རྫོགས། སྔགས་ཕྲེང༌། རྡོ་རྗེ། གཡས་སུ་བྷནྡྷར་བདུད་རྩི། གཡོན་དུ་ཚེ་རིལ། ཚེ་མདའ། མཐའ་སྐོར་ཉེར་སྤྱོད་མཆོད་པས་བསྐོར། མདུན་དུ་བླ་གཏོར་དམར་པོ་གཡས་གཡོན་དུ་ཆད་བརྟན། བཀའ་སྲུང་གི་གཏོར་འབུལ། སྨན་རཀ །དཀར་བགེགས་ཚོགས་མཆོད་བཅས། སྒྲུབ་པ་པོའི་མདུན་དུ་མདའ་དར། ལས་བུམ། ཌཱ་དྲིལ་སོགས་འདུ་བྱས་ལ། གཉིས་པ་དབང་སྒྲུབ་དངོས་ལ། བརྒྱུད་འདེབས་སྔོན་དུ་འགྲོ་བས་བདག་མདུན་དབྱེར་མེད་དུ་སྒྲུབ་པས་ལས་གཞུང་བསྲངས། བཟླས་པའི་སྐབས་སུ་བབས་པ་དང༌། སརྦ་མ་ཧཱ་གུ་རུ་མཎྜལ་ལ་ཕཊ་ཛཿས་ཛཔ་ཁང་ཕྱེས་ལ་བསྙེན་སྒྲུབ་ལས་གསུམ་གྱི་བཟླས་པ་དང༌། གྲངས་ཚད་སྒྲུབ་པའི་བཟླས་པ་མང་དུ་བྱ། ལས་བུམ་ལ་དམིགས་པས། ལས་བུམ་ནང་དུ་པད་ཉིའི་སྟེང༌། །པདྨ་དབང་ཆེན་སྐུ་མདོག་དམར། །པདྨའི་དབྱུག་ཏོ་ཞགས་པ་འཛིན། །འདོར་ཐབས་ཡེ་ཤེས་མེ་ཀློང་འགྱིང༌། །སྐུ་ལས་རྡོ་རྗེ་བདུད་རྩིའི་རྒྱུན། །བབས་པས་བུམ་པ་གང་བར་གྱུར། །ཨོཾ་བཛྲ་ཀྲོ་དྷ་ཧ་ཡ་གྲཱྀ་བ་ཧཱུྃ་ཕཊ། ཅེས་བརྒྱ་རྩ་ཙམ་བཟླས་མཐར་མཆོད་བསྟོད་བྱ། ཡིག་བརྒྱ་བརྗོད། ཨོཾ་ཨཱཿཧཱུྃ་གིས་དུང་ཆུ་ཕུལ་བས། ལས་ཀྱི་བུམ་པའི་ལྷ་རྣམས་བདེ་བ་ཆེན་པོའི་ངོ་བོར་ཞུ་ནས་བུམ་ཆུ་དང་དབྱེར་མེད་དུ་གྱུར་བར་བསམ། དབང་གཞུང་ལྟར་བདག་འཇུག་དང༌། བསྡུ་ན་རིག་པའི་མེ་ཏོག་དོར་ཏེ་སློབ་མ་འཇུག་པར་གནང་བ་ཞུ། བཀའ་གཏེར་སྲུང་མའི་གཏོར་འབུལ་དང་ཚོགས་བསྐང་གཞུང་ལྟར་གྲུབ་རྗེས། སློབ་མ་རྣམས་སྒོ་དྲུང་དུ་འཁོད་པར་ཁྲུས་བྱས་ལ་ནང་དུ་འཁོད་པ་ན་བགེགས་གཏོར་བཏང་ཞིང་བཀའ་བསྒོ། ཐུན་སྔགས་ཀྱིས་གཟིར། གུ་གུལ་བདུག །སྲུང་འཁོར་བསྒོམ། མེ་ཏོག་བཀྱེ་བསྡུ་དང་ཆོས་བཤད་ཇི་ལྟར་རིགས་པ་སྔོན་དུ་འགྲོ་བས། དེ་ཡང་ཐམས་ཅད་མཁྱེན་པའི་གོ་འཕང་མཆོག་སྒྲུབ་པར་འདོད་པའི་སྐྱེས་བུ་བློ་དང་ལྡན་པ་རྣམས་རིང་དུ་འཚོ་བའི་ཚེ་ཡི་དཔལ་ཐོབ་ན་ཇི་ལྟར་འདོད་པའི་དངོས་གྲུབ་ཉམས་འོག་ཏུ་ཆུད་པར་གདོན་མི་ཟ་བས་ཐོག་མ་ཉིད་ནས་དོན་དུ་གཉེར་བྱའི་གཙོ་བོ་ཚེ་སྒྲུབ་པ་གལ་ཆེ་ཞིང༌། དེ་ལའང་སྨན་སྔགས་ཏིང་ངེ་འཛིན་གྱི་སྒྲུབ་ཚུལ་སྒོ་དུ་མ་ཞིག་མཆིས་པ་ལས། ཐབས་ཀྱི་རིམ་པ་དེ་ཐམས་ཅད་གཅིག་དྲིལ། ལྟ་སྒོམ་གྱི་ཟབ་ཁྱད་དུ་མས་འཕགས་པ་གསང་བ་སྔགས་ཀྱི་རྒྱུད་སྡེ་རིན་པོ་ཆེ་རྣམས་ནས་གསུངས་པའི་རྡོ་རྗེའི་ཚེ་སྒྲུབ་པའི་རིམ་པ་རྣམས་ཆེས་ཟབ་ཅིང་མྱུར་བ་འབད་པ་ཆུང་ངུས་གྲུབ་འབྲས་མངོན་དུ་འགྱུར་ཞིང༌། ད་ལྟའང་སྒྲུབ་པའི་དྲོད་ཚད་མ་ཉམས་པ་མཆིས་བཞིན་པ་ལས་སྐབས་སུ་བབས་པ་འདི་ནི་འཆི་མེད་ཡེ་ཤེས་རྡོ་རྗེའི་སྐུ་བརྙེས་པའི་རིག་འཛིན་ཆེན་པོ་བི་མ་ལ་མི་དྲ་དང༌། འཆི་མེད་པདྨ་འོད་འབར་རྣམས་དང་དོན་གྱི་གསང་བ་དབྱེར་མེད་ཅིང་རྣམ་པའི་སྣང་ཆར་རྡོ་རྗེ་ཚེ་ཡི་དཀྱིལ་འཁོར་གྱི་ལྷ་དང་རིག་པ་འཛིན་པ་རྣམས་ཀྱིས་མངོན་སུམ་དུ་དབང་བསྐུར་ཏེ་འཆི་མེད་བདུད་རྩིའི་རྒྱུན་གྱིས་སྐུ་ཚེའི་དཔལ་བསྐྱེད་པ་དང༌། ཐུན་མོང་དང་ཁྱད་པར་གྱི་ཚེ་ཡི་དངོས་གྲུབ་སྒྲུབ་པའི་ཆོས་ཀྱི་སྒོ་དུ་མས་རྡོ་རྗེའི་རིགས་ཅན་གྱི་སྐལ་བ་མཆོག་ལྡན་དག་ལ་རིང་དུ་འཚོ་བའི་དངོས་གྲུབ་མངོན་སུམ་དུ་སྟེར་ནུས་པ་སོགས་ཚེ་ལ་དབང་ཐོབ་པའི་གྲུབ་རྟགས་མངོན་དུ་གྱུར་པའི་བདག་ཉིད་ཆེན་པོ་པདྨ་འོད་གསལ་མདོ་སྔགས་གླིང་པས་ཡེ་ཤེས་རྡོ་རྗེའི་ཉིན་བྱེད་ཀྱི་བྱིན་རླབས་ཟབ་མོས་དབུགས་དབྱུང་བ་ལས། འཆི་མེད་པདྨ་གར་དབང་བདེ་ཆེན་མདོ་སྔགས་གླིང་པའི་རིག་གསང་རྡོ་རྗེའི་གསང་མཛོད་ལས་བརྡོལ་བའི་ཚེ་སྒྲུབ་འཆི་མེད་པདྨ་ཚེ་ཡི་སྙིང་ཐིག་ལ། རྩ་གསུམ་ཞི་ཁྲོ་བཀའ་སྲུང་དང་བཅས་པའི་ཚེ་སྒྲུབ་པའི་རིམ་གཉིས་ལས་ཚོགས་དང་བཅས་པ་ཟབ་རྒྱས་སུ་བཞུགས་པ་ལས། ཐོག་མར་བྱིན་རླབས་ཀྱི་སྒོ་འབྱེད་པའི་ཕྱིར་ཡང་ཟབ་རིག་འཛིན་བླ་མའི་དཀྱིལ་འཁོར་གྱི་ཚེ་སྒྲུབ་ཟབ་མོའི་སྨིན་བྱེད་སྒྲུབ་པ་སྐབས་སུ་བབས་པ་སྟེ། སྤྱིར་རིག་འཛིན་བླ་མའི་ཐུགས་སྒྲུབ་ཀྱི་རིམ་པའང༌། སྒྲུབ་བྱེད་ཀྱི་ཆོས་སྒོ་ཐབས་དང་ཏིང་ངེ་འཛིན་གྱི་ཟབ་ཁྱད་ཀྱི་དབྱེ་བས་ཕྱི་ནང་གསང་བའི་ཚུལ་དུ་སྒྲུབ་པ་དང༌། བསྒྲུབ་བྱའི་ལྷ་སྤྲུལ་གཞི་དང་སྤྲུལ་པའི་ངེས་པས་བླ་མ་སྐུ་གསུམ་དུ་སྒྲུབ་པ་དང༌། སྒྲུབ་པ་པོ་གདུལ་བྱའི་ཡུལ་ཚར་གཅོད་དང་རྗེས་འཛིན་གྱི་ཕྲིན་ལས་ཀྱི་སྣང་ཚུལ་ལྟར་གུ་རུ་ཞི་བ་དང་ཁྲོ་བོར་སྒྲུབ་པའི་ཚུལ་གྱིས་དབྱེ་བ་ལས་འདི་ནི་ཡང་ཟབ་རིག་འཛིན་བླ་མ་སྤྲུལ་སྐུ་ཞི་བའི་ཚུལ་དུ་སྒྲུབ་པ། འཕགས་བོད་ཀྱི་ལྗོངས་སུ་འཆི་མེད་ཡེ་ཤེས་རྡོ་རྗེའི་གོ་འཕང་མངོན་སུམ་དུ་མཛད་པའི་རིག་འཛིན་བླ་མ་འདུས་པའི་དྲིལ་སྒྲུབ་སྟེ། སངས་རྒྱས་བྱང་སེམས་རྩ་བ་གསུམ་པོ་ཀུན་ལས་བླ་མ་ཉིད་སྒྲུབ་ཐག་ཉེ་ཞིང་ཐུགས་རྗེའི་རྩལ་མྱུར་བྱིན་རླབས་རྟགས་མཚན་ཆེ་བ་དང་གཏེར་ཁ་གསར་རྙིང་ཀུན་ལས་རིག་འཛིན་བླ་མའི་ཚེ་སྒྲུབ་ཟབ་རྒྱས་ངོ་མཚར་ཅན་དུ་མ་བྱོན་པ་ལྟར་ལ་རིག་འཛིན་བླ་མའི་ཚེ་སྒྲུབ་ཀྱི་ཟབ་ཆོས་འདི་ཉིད་ཀུན་མཁྱེན་བླ་མས་བསྙེན་སྒྲུབ་ཉམས་བཞེས་ཀྱི་ཚུལ་མཛད་པས་རྟགས་མཚན་དགེ་བར་བྱུང་ཞེས་རྡོ་རྗེའི་བཀའ་བསྩལ་བའི་སྨར་ཆོས་ཀྱི་དབང་བསྐུར་སྦྱིན་པ་ལ་ཐོག་མར་མཎྜལ་ཕུལ། བླ་མ་འཆི་མེད་ཚེ་ཡི་དཀྱིལ་འཁོར་གྱི་ཁྱབ་བདག་རིག་པ་འཛིན་པའི་དབང་ཕྱུག་ལ་གསོལ་བ་གདབ་པ་འདི་ཡི་རྗེས་ཟློས་མཛོད། དཀྱིལ་འཁོར་རྒྱ་མཚོའི་གཙོ་བོ་མཆོག༔ རིག་འཛིན་བླ་མ་བདག་ལ་དགོངས༔ འཆི་མེད་རྟག་པའི་ཚེ་སྒྲུབ་ཕྱིར༔ ཡེ་ཤེས་མཆོག་གི་དབང་བསྐུར་སྩོལ༔ དེ་ཡང་ཤུལ་རིང་གི་ལམ་དུ་ཞུགས་པ་ལ་འཇིགས་པ་སྐྱོབས་པའི་དེད་དཔོན་ཚོལ་བ་བཞིན་རྡོ་རྗེ་ཚེ་ཡི་དངོས་གྲུབ་སྒྲུབ་པའི་ཐོག་མར་སྐྱབས་ཀྱི་མཆོག་དཀོན་མཆོག་རྩ་གསུམ་ཀུན་འདུས་རིག་འཛིན་བླ་མའི་ལྷ་ཚོགས་ལ་བདག་གཞན་ཡིད་ཅན་ཐམས་ཅད་སྒོ་གསུམ་གུས་པས་བྱང་ཆུབ་མ་ཐོབ་བར་སྐྱབས་སུ་མཆི་སྙམ་པའི་ཀུན་སློང་དང་དོན་དམ་གནས་ལུགས་རང་ངོ་ཤེས་པའི་སྐྱབས་འགྲོ་ཟུང་དུ་འཇུག་པས་འདིའི་རྗེས་ཟློས་མཛོད། ཧྲཱིཿ རང་རིག་འོད་གསལ་ཆོས་ཀྱི་སྐུ༔ སོགས། སྲིད་ཞིའི་མཐའ་ལས་འདས་པའི་འཆི་མེད་རྟག་པ་དམ་པའི་གོ་འཕང་མཆོག་སྒྲུབ་པའི་ཕྱིར་རིག་འཛིན་བླ་མའི་གསང་གསུམ་རྡོ་རྗེ་ཚེ་ཡི་དཀྱིལ་འཁོར་དུ་འཇུག་སྟེ་མཁའ་ཁྱབ་ཀྱི་ཡིད་ཅན་གནས་སྐབས་དང་མཐར་ཐུག་གི་སྡུག་བསྔལ་འཇིགས་ཚོགས་ལས་སྐྱོབ་པའི་སླད་དུ་སེམས་བསྐྱེད་པར་དམ་བཅའ་བ་འདི་ཡི་རྗེས་ཟློས་མཛོད། ཧྲཱིཿ མཁའ་མཉམ་སེམས་ཅན་མ་ལུས་ཀུན༔ སོགས། ཚོགས་ཞིང་མཁའ་ཁྱབ་ཏུ་སད་པའི་སྤྱན་སྔར་བསགས་སྦྱང་གི་སྙིང་པོ་ཡན་ལག་བདུན་གྱི་དམིགས་རྣམ་ལ་ཐུགས་གཞོལ་བས་འདིའི་རྗེས་ཟློས་མཛོད། ཧྲཱིཿ ཡེ་ཤེས་དབྱིངས་ལས་རང་ཤར་ལྷར༔ སོགས། སྡོམ་པ་བཟུང་བའི་ཡུལ་སྐྱབས་ཡུལ་མཁའ་ཁྱབ་ཏུ་སད་པའི་སྤྱན་སྔར་བཟུང་བྱ་ངེས་འབྱུང་སོ་ཐར། གཞན་ཕན་བྱང་སེམས། དག་མཉམ་སྔགས་ཀྱི་སྡོམ་པ་རྒྱ་མཚོ་ཚུལ་བཞིན་བཟུང་ཞིང་བསྲུང་བས་དགོས་པ་འགྲོ་ཀུན་མཐའ་གཉིས་ལས་འདས་པའི་བླ་ན་མེད་པའི་གོ་འཕང་ལ་འགོད་སྙམ་པས་འདིའི་རྗེས་ཟློས་མཛོད། བདེ་བར་གཤེགས་པ་ཁྱེད་ཅི་འདྲ། །དེ་འདྲ་ཁོ་ནར་བདག་གྱུར་ཅིག །སྤྱོད་པ་རྨད་བྱུང་བསམ་ཡས་པ། །འགྲོ་ལ་ཕན་ཕྱིར་བདག་གིས་སྤྱད། །བྱང་ཆུབ་སེམས་མཆོག་དམ་པ་དང༌། །སྐུ་གསུང་ཐུགས་ཀྱི་ཕྱག་རྒྱ་ནི། །སྲོག་གི་ཕྱིར་ཡང་མི་གཏོང་ན། །རྡོ་རྗེ་རྒྱལ་པོས་བྱིན་རླབས་མཛོད། །ལན་གསུམ། དེ་དག་གི་སྔོན་འགྲོ་འཇུག་པའི་ཆོས་རྣམས་གྲུབ་ནས། དངོས་གཞིའི་དབང་བསྐུར་བ་ལ། ཐོག་མར་དབང་གི་གཞི་འགོད་པ་ཡེ་ཤེས་དབབ་པ་ལ་སྒོ་གསུམ་གྱི་གནད་བཅིངས་ཏེ་ཐུགས་གཞན་དུ་མ་ཡེངས་པས་དམིགས་པ་འདི་བཞིན་དུ་མཛོད། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། ཁྱེད་རང་གི་གདོས་བཅས་ཕུང་ཁམས་ཀྱི་མཚོན་པའི་མ་དག་འཁྲུལ་རྟོག་གི་ཆོས་ཀུན་སྟོང་པ་ཉིད་དུ་སྦྱངས། སྟོང་པའི་ངང་ལས་སྣོད་བཅུད་དག་ཆེན་ཡེ་ཤེས་ཀྱི་རོལ་མོ་འོད་གསལ་བདེ་བ་ཆེན་པོའི་བཀོད་པ་འབྱམས་ཀླས་པའི་དབུས་སུ་སེང་ཁྲི་པད་ཟླའི་སྟེང་ལ་རང་རིག་ཧྲཱིཿཡིག་དཀར་གསལ་ཡོངས་སུ་གྱུར་པ་ལས་སྐྱབས་གནས་རྩ་གསུམ་རྒྱ་མཚོའི་ཁྱབ་བདག་འཆི་མེད་པདྨ་འོད་འབར་སྐུ་མདོག་སྟོན་ཟླ་གསར་པའི་མདངས་ཅན་ལང་ཚོའི་མཛེས་སྡུག་གི་གཟི་བྱིན་མཚུངས་པ་མེད་པ་ཞི་འཛུམ་མཚན་དཔེའི་དཔལ་ཅན་དགྱེས་ཡེ་རེ་བཞུགས་པ། སྐུ་ལ་དར་གྱི་ཤམ་ཐབས་དང་རིན་ཆེན་རུས་པའི་རྒྱན་ཕྲེང་གིས་མཛེས་པར་སྤུད་པ། ཕྱག་གཡས་ཡེ་ཤེས་ལྔ་ལྡན་གྱི་མདའ་དར་གཡབ་ཅིང༌། གཡོན་པས་འཆི་མེད་བདུད་རྩིའི་བཅུད་ཀྱིས་གང་བའི་བུམ་བཟང་དཀུར་བརྟེན་པ། ཞབས་གཉིས་རྡོ་རྗེའི་སྐྱིལ་མོ་ཀྲུང་གིས་འཇའ་ཟེར་འོད་ལྔའི་སྤྲིན་ཕུང་འཁྲིགས་པའི་ཀློང་ན་བཞུགས་པའི་པང་དུ་བདེ་ཆེན་ཚེ་ཡི་དགྱེས་སྡེ་ལྷ་ལྕམ་མནྡཱ་ར་བ་མཛེས་སྡུག་ལང་ཚོའི་བརྟན་པ་རྒྱས་པ་དང་གཉིས་མེད་སྦྱོར་བའི་ཕྱག་གཡས་མདའ་དར་དང་གཡོན་ཚེ་བུམ་འཛིན་པ་སྣང་སྟོང་སྒྱུ་མའི་ཡེ་ཤེས་སྐུ་ཅན་གསལ་བའི་གནས་གསུམ་གྱི་ཡིག་འབྲུའི་འོད་ཟེར་དང༌། ལྷ་དང་སློབ་དཔོན་ལ་མོས་གུས་དྲག་ཏུ་བསྐྱེད་པའི་བྱེད་ལས་ཀྱིས་ཕྱོགས་དུས་རྩ་གསུམ་རྒྱལ་བའི་ཞིང་རབ་འབྱམས་ན་བཞུགས་པའི་བླ་མ་ཡི་དམ་སངས་རྒྱས་བྱང་སེམས་དཔའ་བོ་རྣལ་འབྱོར་རྡོ་རྗེའི་ཆོས་སྐྱོང་བའི་ཚོགས་དང་བཅས་པ་ལྷ་སྔགས་ཕྱག་མཚན་གྱི་རྣམ་པས་ནམ་མཁའ་བར་སྣང་ས་གཞི་ཁྱབ་པར་སྤྱན་དྲངས་ནས་གཉིས་མེད་དུ་ཐིམ་པས་རྡོ་རྗེ་གསུམ་གྱི་ཡེ་ཤེས་ཆེན་པོའི་བྱིན་ཐོབ་པར་མོས་མཛོད། སྤོས་རོལ་གདུང་ཤུགས་དབྱངས་དང་བཅས་ཏེ་ལས་བྱང་གི་བྱིན་འབེབས། ཧྲཱིཿ ཀ་དག་དབྱིངས་ཀྱི་ཕོ་བྲང་ནས༔ སོགས་སྔགས་བཅས་བརྗོད་པས་བྱིན་དབབ། ཏིཥྛ་བཛྲས་བརྟན་པར་བྱ། དེ་ནས་དབང་དངོས་ལ་འཆི་མེད་ཚེ་ཡི་དབང་བཞི་ཟབ་མོས་སྨིན་པར་བྱེད་པ་ལས། ཐོག་མར་ཚེ་འགུགས་ཤིང་བཅུད་བསྡུ་བའི་སླད་དུ་ཐུགས་དམིགས་འདི་ལྟར་མཛོད། བདག་མདུན་འཆི་མེད་པདྨ་འབྱུང་གནས་སུ་གསལ་བ་ལས་འོད་ཟེར་བསམ་གྱིས་མི་ཁྱབ་པ་དང༌། ལྷ་མོ་མགྱོགས་མའི་སྤྲུལ་པ་ཉི་ཟེར་གྱི་རྡུལ་ལྟར་སྤྲོས་པས་ཁྱེད་རང་རྣམས་ཀྱི་བླ་ཚེ་ཆད་ཉམས་ཡར་བ་དང༌། འབྱུང་བ་བཞིའི་དྭངས་མ་འཁོར་འདས་ཀྱི་བཅུད་དང་དགེ་མཚན་ཐམས་ཅད་འཆི་མེད་ཚེ་ཡི་བདུད་རྩི་འོད་ཟེར་ཁ་དོག་སྣ་ཚོགས་པའི་རྣམ་པར་སྤྱན་དྲངས། ཁྱེད་རང་རྣམས་ཀྱི་སྤྱི་བོ་ནས་ཞུགས། ལུས་ཀྱི་ནང་ཐམས་ཅད་གང་བས་འཆི་མེད་ཚེ་ཡི་དངོས་གྲུབ་ཐོབ། མདུན་གྱི་ཚེ་རྫས་ལ་ཐིམ་པས་རྡོ་རྗེ་ཚེའི་བཅུད་ལེན་དུ་གྱུར་པའི་མོས་པ་མཛོད། ཅེས་དང༌། མདའ་དར་གཡབ། ཧྲཱིཿ ཀ་དག་དབྱིངས་ཀྱི་ཕོ་བྲང་ནས༔ སོགས་ཚེ་འགུགས་ལས་བྱང་བཞིན་བརྗོད། དབང་དངོས་ཀྱི་དང་པོ་འཆི་མེད་ཚེ་ཡི་བུམ་པ་བདེ་ཆེན་དབང་གི་ཕོ་བྲང་ཆེན་པོར་གྱུར་པའི་ནང་དུ་ཚེ་ཡི་རིག་འཛིན་བརྒྱུད་པ་རྣམས་གཙོ་འཁོར་དུ་བཞུགས་པ། བདག་མདུན་དཀྱིལ་འཁོར་གྱི་ལྷ་ཡི་ཐུགས་ཀ་ནས་སྤྲོས་པའི་ཚེ་ཡི་ལྷ་མོ་རྣམས་ཀྱི་ཕྱག་ན་ཐོགས་ཏེ་ཁྱེད་རང་རྣམས་ཀྱི་སྤྱི་བོར་དབང་བསྐུར་བས། བུམ་ནང་གི་ལྷའི་སྐུ་ལས་བྱུང་བའི་འཆི་མེད་བདུད་རྩིའི་རྒྱུན་གྱིས་བུམ་པ་ཁེངས། ཁ་ནས་ལྷུད་ཀྱིས་ལུད་པ་སློབ་མའི་སྤྱི་བོའི་ཚངས་བུག་ནས་ཞུགས། ལུས་ཀྱི་ནང་ཐམས་ཅད་གང༌། རྩ་ཁམས་ཡེ་ཤེས་ཀྱི་དྷཱུ་ཏིར་དག་ཅིང་སྨིན་པས་སྐུ་སྐྱེ་འཆི་མེད་པ་རྡོ་རྗེ་ཚེ་ཡི་བུམ་དབང་ཐོབ། སྣང་སྟོང་མཁའ་ཁྱབ་ཡེ་ཤེས་རྡོ་རྗེའི་སྐུ་ཡི་ལང་ཚོར་སྨིན་པར་བྱས་པའི་མོས་པ་མཛོད། ཚེ་བུམ་སྤྱི་བོར་བཞག་ལ། ཧྲཱིཿ རིན་ཆེན་བུམ་པ་བཅུད་དང་ལྡན༔ རིག་འཛིན་ཚེ་ཡི་ལྷ་ཚོགས་བཞུགས༔ སྐལ་ལྡན་བུ་ལ་དབང་བསྐུར་བས༔ འཆི་མེད་རྡོ་རྗེའི་སྐུ་ཐོབ་ཤོག༔ ཀ་ལ་ཤ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ དེ་དག་གིས་སྣང་བཅས་ཕུང་ཁམས་སྐྱེ་མཆེད་ཀྱི་ཆོས་ཀུན་འཆི་མེད་རྟག་པ་དམ་པའི་ཡེ་ཤེས་ཀྱི་སྐུ་ཡི་དཀྱིལ་འཁོར་མཆོག་ཏུ་ཤར་བ་གཞི་བུམ་པའི་དབང་གི་ནུས་པས་མངོན་དུ་བྱས་པ་གོང་འཕེལ་དུ་བྱ་བའི་ཕྱིར་ལྷ་སྐུ་ཕྱག་རྒྱའི་དབང་བསྐུར་བ་ལ། མདུན་བསྐྱེད་ལྷ་ཚོགས་རྣམས་ལས་རང་འདྲའི་ཡེ་ཤེས་ཀྱི་སྐུ་གཉིས་པ་རེ་སྤྲོས་ནས་ཁྱེད་རང་རྣམས་ལ་ཐིམ་པས་འཆི་མེད་རྡོ་རྗེའི་སྐུ་རུ་དབང་བསྐུར་བྱིན་གྱིས་བརླབས་པར་མོས་མཛོད། སྐུ་ཙཀ་རྣམས་ཐོགས་ཏེ། ཧྲཱིཿ འོད་གསལ་དབྱིངས་ཀྱི་ཕོ་བྲང་ནས། །འཆི་མེད་དྭངས་མའི་མཚན་དཔེའི་གཟུགས། །དཀྱིལ་འཁོར་ཀུན་བདག་ཧེ་རུ་ཀཿ ཐོད་ཕྲེང་རྩལ་གྱིས་དབང་བསྐུར་རོ། །ཨོཾ་བཛྲ་མ་ཧཱ་གུ་རུ་པདྨ་ཐོད་ཕྲེང་རྩལ་ཀཱ་ཡ་ཨ་བྷི་ཥིཉྩ་ཧཱུྃ། ཧྲཱིཿ རྡོ་རྗེ་སེམས་དཔའ་ནམ་མཁའ་ཆེ། །མཆོག་གི་སྤྲུལ་པའི་ཚུལ་འཆང་བ། །འཆི་མེད་ཡེ་ཤེས་ཆེ་བརྙེས་པ། །དགའ་རབ་རྡོ་རྗེས་དབང་བསྐུར་རོ། །ཨོཾ་བཛྲ་མ་ཧཱ་གུ་རུ་པྲ་ཧེ་བཛྲ་ཀཱ་ཡ་ཨ་བྷི་ཥིཉྩ་ཧཱུྃ། ཧྲཱིཿ ཡེ་ཤེས་ཕྱག་རྒྱ་རྒྱ་ཆེན་དབྱིངས། །འཆི་མེད་རྡོ་རྗེའི་སྐུ་མཆོག་གྲུབ། །རྡོ་རྗེའི་ཚེ་གྲུབ་ཆེ་བའི་མཆོག །བི་མ་མི་ཏྲས་དབང་བསྐུར་རོ། །ཨོཾ་བཛྲ་མ་ཧཱ་གུ་རུ་བི་མ་ལ་མི་ཏྲ་ཀཱ་ཡ་ཨ་བྷི་ཥིཉྩ་ཧཱུྃ། ཧྲཱིཿ འཁོར་འདས་ཆོས་ཀུན་ཡེ་ཤེས་ཀྱིས། །ཟིལ་གནོན་འཇམ་དཔལ་གྲུབ་པའི་མཆོག །གསང་སྔགས་ཆོས་ཀྱི་མཛོད་ཆེན་པོ། །སངས་རྒྱས་ཡེ་ཤེས་དབང་བསྐུར་རོ། །ཨོཾ་བཛྲ་མ་ཧཱ་གུ་རུ་ཛྙཱ་ན་བུདྡྷ་ཀཱ་ཡ་ཨ་བྷི་ཥིཉྩ་ཧཱུྃ། ཧྲཱིཿ བདེ་བ་ཆེན་པོ་རྡོ་རྗེའི་དབྱིངས། །མི་འགྱུར་དགོངས་པ་མཁའ་ལྟར་ཁྱབ། །དཔལ་ཆེན་ཧེ་རུ་ཀཿདཔལ་དངོས། །ནམ་མཁའི་སྙིང་པོས་དབང་བསྐུར་རོ། །ཨོཾ་བཛྲ་མ་ཧཱ་གུ་རུ་ག་ག་ན་གརྦྷ་ཀཱ་ཡ་ཨ་བྷི་ཥིཉྩ་ཧཱུྃ། ཧྲཱིཿ སངས་རྒྱས་ཀུན་གྱི་བདེ་ཆེན་དབྱིངས། །མཆོག་གྲུབ་རྡོ་རྗེ་དགྱེས་མའི་དཔྱིད། །འཆི་མེད་ཌཱ་ཀིའི་ལང་ཚོ་གྲུབ། །ཡེ་ཤེས་མཚོ་རྒྱལ་དབང་བསྐུར་རོ། །ཨོཾ་བཛྲ་མ་ཧཱ་གུ་རུ་ཛྙཱ་ན་ས་ག་ར་ཛ་ཡ་ཀཱ་ཡ་ཨ་བྷི་ཥིཉྩ་ཧཱུྃ། ཧྲཱིཿ ཚོགས་བརྒྱད་ཡེ་ཤེས་ཀློང་སྒྲོལ་ནས། །རིག་རྩལ་དབང་གི་མཆོག་ཐོབ་པས། །རྡོ་རྗེའི་ཡེ་ཤེས་གཟུགས་སྨིན་པ། །ཤྲཱི་སེང་ཧས་དབང་བསྐུར་རོ། །ཨོཾ་བཛྲ་མ་ཧཱ་གུ་རུ་ཤྲཱི་སེངྷ་ཀཱ་ཡ་ཨ་བྷི་ཥིཉྩ་ཧཱུྃ། ཧྲཱིཿ འཁོར་འདས་ཆོས་ཀུན་དབྱིངས་སྡོམ་པའི། །བདེ་ཆེན་མཆོག་གི་ཕྱག་རྒྱ་གྲུབ། །ཐུགས་ཀྱི་རྡོ་རྗེ་ཧེ་རུ་ཀཿ ཧཱུྃ་ཀཱ་ར་ཡིས་དབང་བསྐུར་རོ། །ཨོཾ་བཛྲ་མ་ཧཱ་གུ་རུ་ཧཱུྃ་ཀཱ་ར་ཀཱ་ཡ་ཨ་བྷི་ཥིཉྩ་ཧཱུྃ། ཧྲཱིཿ འཆི་མེད་རྡོ་རྗེའི་གསང་གསུམ་གྲུབ། །ཟབ་རྒྱས་ཆོས་ཀྱི་མིག་ཆེན་པོ། །འོད་གསལ་དགོངས་ཀློང་མཁའ་ཁྱབ་བརྡལ། །བཻ་རོ་ཙཱ་ནས་དབང་བསྐུར་རོ། །ཨོཾ་བཛྲ་མ་ཧཱ་གུ་རུ་བཻ་རོ་ཙཱ་ན་ཀཱ་ཡ་ཨ་བྷི་ཥིཉྩ་ཧཱུྃ། ཧྲཱིཿ རྒྱལ་ཀུན་ཡེ་ཤེས་ཕུང་པོའི་གཏེར། །ཚངས་ཆེན་འཁོར་ལོས་བསྒྱུར་ཆེན་པོ། །བོད་ཡུལ་མུན་སེལ་མཉྫུ་ཤྲཱི། །ཆོས་རྒྱལ་ཆེན་པོས་དབང་བསྐུར་རོ། །ཨོཾ་བཛྲ་མ་ཧཱ་གུ་རུ་བྲཧྨ་དེ་ཝ་པུཥྤེ་ཀཱ་ཡ་ཨ་བྷི་ཥིཉྩ་ཧཱུྃ། ཧྲཱིཿ ཚད་མེད་བདེ་ཆེན་ཕྲིན་ལས་ཀྱིས། །ཚར་གཅོད་རྗེས་འཛིན་དངོས་གྲུབ་སྟེར། །དཔལ་གྱི་དཀྱིལ་འཁོར་སྒོ་སྐྱོང་ཚུལ། །དབང་ཆེན་རིགས་བཞིས་དབང་བསྐུར་རོ། །ཧྲཱིཿབཛྲ་རཏྣ་པདྨ་ཀརྨ་ཧ་ཡ་གྲཱྀ་ཝ་ཀཱ་ཡ་ཨ་བྷི་ཥིཉྩ་ཧཱུྃ། ཀུན་མཁྱེན་འཇམ་དབྱངས་བླ་མར་ཐོག་མའི་ཆོས་སྒོ་འབྱེད་པའི་སྐབས་རྡོ་རྗེ་གསུམ་གྱི་དབང་བསྐུར་མཐའ་རྟེན་དུ་སྦྱོར་ན་ལེགས་ཞེས་བཀའ་བསྩལ་བཞིན་རང་ཚིག་གིས་བྲིས་ཏེ་ཁ་སབ་བྱས་པའོ། །དེ་དག་གིས་སྣང་བཅས་མཚན་མའི་དཀྱིལ་འཁོར་དུ་སྒྲུབ་པའི་རྫས་ལ་བརྟེན་ཏེ། སྐུ་བུམ་པའི་དབང་བསྐུར་བས། དག་བྱ་ལུས་ཀྱི་སྒྲིབ་པ་ཕྲ་རགས་དག །བསྐྱེད་བཟླས་ཕྲིན་ལས་དང་བཅས་པ་ལམ་དུ་བྱེད་པ་ལ་དབང༌། འབྲས་བུ་སྐྱེ་འཆི་མེད་པ་རྡོ་རྗེའི་སྐུ་ཡི་ཚེ་དང་སྤྲུལ་པའི་སྐུ་ཐོབ་པའི་སྐལ་པ་ཅན་དུ་བྱས་པའོ། །དེ་ལྟར་བུམ་དབང་མཐའ་རྟེན་དང་བཅས་པས་ལུས་སྐུ་རྡོ་རྗེར་བྱིན་བརླབས་བརྟན་པའི་ཕྱིར་འདི་ལྟར་སྣང་བའི་སྣོད་ཀྱི་འཇིག་རྟེན་འཆི་མེད་པདྨ་དྲྭ་བ། བཅུད་ཀྱི་སྐྱེ་འགྲོ་ཐམས་ཅད་རིག་འཛིན་བླ་མའི་དཀྱིལ་འཁོར་དུ་ཤར་བས། སྣང་གྲགས་རིག་པའི་ཆོས་ཐམས་ཅད་རིག་འཛིན་བླ་མའི་སྐུ་གསུང་ཐུགས་རྡོ་རྗེ་གསུམ་གྱི་ཡེ་ཤེས་ཆེན་པོའི་རྣམ་རོལ་སྣོད་བཅུད་དག་པ་ལྷའི་དཀྱིལ་འཁོར་རྟེན་དང་བརྟེན་པར་བཅས་པའི་ངོ་བོར་སད་པར་མོས་ལ་དེའི་གསལ་སྣང་ལ་ཅུང་ཟད་མཉམ་པར་ཞོག་ཅིག །ཅེས་བསྐུལ་ལ་གསལ་སྣང་ལ་སེམས་བཟུང༌། གཉིས་པ་གསང་དབང་ནི། ཚེ་ཡི་རིག་འཛིན་ཐམས་ཅད་རང་འོད་ཤེས་རབ་ཀྱི་ཕྱག་རྒྱ་དང་གཉིས་མེད་བདེ་བ་ཆེན་པོས་སྦྱོར་བའི་སེམས་སྤྲིན་གྱིས་སངས་རྒྱས་ཐམས་ཅད་ཀྱང་རྗེས་ཆགས་ཆེན་པོའི་གནས་ལ་བསྐུལ་ཏེ་ཡབ་ཡུམ་སྦྱོར་བའི་བྱང་ཆུབ་སེམས་ཀྱི་རྒྱུན་དང་ཆབས་ཅིག་འཁོར་འདས་བརྟན་གཡོའི་དྭངས་མའི་ཐིག་ལེའི་ཟེགས་མ་འདུས་པ་བྷཉྫའི་བདུད་རྩི་དང་རོ་གཅིག་ཏུ་གྱུར་བའི་ཤེས་རབ་ཚེ་ཡི་བཏུང་བ་ལྗགས་ལ་བྱིན་པས་གསང་དབང་བསྐུར་བར་མོས་མཛོད། ཧྲཱིཿ ཡེ་ཤེས་བདུད་རྩི་བཅུད་ཆེན་པོ༔ རྒྱལ་ཀུན་བདེ་ཆེན་ཞུ་བའི་བཅུད༔ རྟོག་པ་བྲལ་བས་རོལ་པའི་མཐུས༔ རླུང་སྔགས་གཞོམ་མེད་སྲོག་ཐོབ་ཤོག༔ ཨ་མྲྀ་ཏ་ཨ་བྷི་ཥིཉྩ་ཨཱཿ བདུད་རྩི་མྱང་དུ་གཞུག །མགྲིན་པ་ནས་ཐིག་ལེ་འཕེལ་བས་རྩ་ཁམས་ཐམས་ཅད་གང༌། དུག་གསུམ་གྱི་རྟོག་པ་འགགས། ཞུ་བདེ་ལྷན་སྐྱེས་ཀྱི་ཡེ་ཤེས་ཉམས་སུ་མྱོང་བ་གསང་དབང་གི་ཡེ་ཤེས་ཏེ། དེའི་ངོ་བོ་གསལ་སྟོང་རྣམ་པར་མི་རྟོག་པའི་ངང་དུ་དར་གཅིག་མཉམ་པར་འཇོག་འཚལ། རྗེས་འབྲེལ་གསུང་བཟླས་པའི་ལུང་སྦྱིན་པའི་སླད་དུ། མདུན་བསྐྱེད་རིག་འཛིན་བླ་མ་པདྨ་ཐོད་ཕྲེང་རྩལ་གྱི་ཐུགས་ཀར་པད་ཟླའི་སྟེང་གསེར་གྱི་རྡོ་རྗེ་རྩེ་ལྔ་པའི་ལྟེ་བར་ཟླ་གདན་ཧྲཱིཿཡིག་དཀར་གསལ་གྱི་མཐའ་བསྐོར་སྔགས་ཀྱི་ཕྲེང་བས་བསྐོར་བ་ལ་སེམས་གཏད་དེ་དད་མོས་བྱས་པས། ཐུགས་ཀའི་སྔགས་ཕྲེང་ལས་གཉིས་པ་བྱུང༌། འགལ་མེའི་འཁོར་ལོ་ལྟར་བརྒྱུད་པ་ཞལ་ནས་ཐོན། སློབ་མ་ལྷར་གསལ་བའི་ཞལ་དུ་ཞུགས། ཐུགས་ཀར་སོན་པ་དང་པད་ཟླར་གསེར་གྱི་རྡོ་རྗེའི་ལྟེ་བར་ཟླ་བ་ལ་གནས་པའི་ཧྲཱིཿཡིག་སྔགས་ཕྲེང་དང་བཅས་པར་གྱུར་ནས་བཀྲ་ལམ་གྱིས་གསལ་བ་ལ་སེམས་གཏད་དེ་བསྙེན་པའི་བཟླས་པ་འདིའི་རྗེས་ཟློས་ལན་གསུམ་མཛོད། ཨོཾ་ཨཱཿཧཱུྃ་བཛྲ་གུ་རུ་པདྨ་ཨཱ་ཡུརྫྙཱ་ན་སིདྡྷི་ཧཱུྃ༔ སླར་ཡང་མདུན་བསྐྱེད་རིག་འཛིན་གཙོ་འཁོར་གྱི་ཐུགས་སྲོག་ཧྲཱིཿལ་སྒྲུབ་པའི་སྔགས་ཀྱིས་བསྐོར་བ་ལས་འོད་ཟེར་སྤྲོ་བསྡུས་དོན་གཉིས་བྱས་ཤིང་སྣང་གྲགས་རིག་པ་རིག་འཛིན་སྒྱུ་འཕྲུལ་དྲྭ་བའི་རྡོ་རྗེའི་གསང་བ་གསུམ་གྱི་དཀྱིལ་འཁོར་འཁོར་ལོར་སད་པར་མོས་ལ་སྒྲུབ་སྔགས་ལན་གསུམ་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཨཱ་ཡུརྫྙཱ་ན་སརྦ་སིདྡྷི་ཧཱུྃ༔ སླར་ཡང་ལྷ་ཚོགས་ཐམས་ཅད་ཀྱི་ཐུགས་ཀ་ནས་འོད་ཟེར་གྱི་ཕྲེང་བ་དཀར་སེར་དམར་ལྗང་མཐིང་ག་ལྔས་ཕྲིན་ལས་བཞི་མཐར་ཕྱིན་པའི་དངོས་གྲུབ་སྩོལ་བར་མོས་ལ་ལས་སྦྱོར་གྱི་སྔགས་འདིའི་རྗེས་ཟློས་ལན་གསུམ་མཛོད། སྒྲུབ་སྔགས་མཐར་ལས་བཞིའི་ཤམ་བུ་ལ། ཤཱནྟིཾ་ཀུ་རུ་ཧཱུྃ༔ པུཥྚིཾ་ཀུ་རུ་ཨོཾ༔ ཝཱ་ཤཾ་ཀུ་རུ་ཧྲཱིཿ མཱ་ར་ཡ་ཕཊ༔ དེ་དག་གི་ནུས་པ་བརྟན་པར་བྱ་བའི་ཕྱིར་གསུང་སྔགས་ཀྱི་ཕྲེང་བ་མགྲིན་པར་བཞག་སྟེ་དབང་བསྐུར་བར་མོས་མཛོད། ཧྲཱིཿ ཐབས་ཤེས་ཨེ་ཝཾ་སྡོམ་པའི་རྒྱུད། །རྡོ་རྗེའི་གསང་བ་སྔགས་མཆོག་གིས། །རིགས་ཀྱི་བུ་ལ་དབང་བསྐུར་བས། །གྲགས་སྟོང་རྡོ་རྗེའི་གསུང་འགྲུབ་ཤོག །ཨོཾ་བཛྲ་མ་ཧཱ་གུ་རུ་ཝཱཀ་མནྟྲ་མཱ་ལ་ཨ་བྷི་ཥིཉྩ་ཨཱཿ དེ་དག་གིས་ནང་བྱང་ཆུབ་སེམས་ཀྱི་དཀྱིལ་འཁོར་དུ་ཞུ་བདེའི་རྫས་ལ་བརྟེན་ནས་གསང་བའི་དབང་མཐའ་རྟེན་དང་བཅས་པ་བསྐུར་བས་དག་བྱ་ངག་གི་སྒྲིབ་པ་དག །རླུང་སེམས་སྒྱུ་མ་ལྟ་བུའི་བདག་བྱིན་བརླབ་པའི་རྣལ་འབྱོར་བསྒོམ་པ་ལ་དབང༌། འབྲས་བུ་གསུང་གཞོམ་གཞིག་བྲལ་བའི་རྡོ་རྗེ་ནཱ་དའི་ཚེ་དང་ལོངས་སྐུ་ཐོབ་པའི་སྐལ་བ་ཅན་དུ་བྱས་པའོ། །དེ་ལྟར་གསང་དབང་མཐའ་རྟེན་དང་བཅས་པས་ངག་གསུང་རྡོ་རྗེར་བྱིན་བརླབས་བརྟན་པའི་ཕྱིར་རང་ལུས་ཐབས་ལྡན་གྱི་ལམ་འབར་འཛག་གིས་ཚེ་བཅུད་བསྡུ་བསྟིམ་གྱི་དམིགས་པ་འདི་ལྟར་མཛོད། རང་ཉིད་འཆི་མེད་པདྨ་འབྱུང་གནས་ཡབ་ཡུམ་དུ་བསྒོམ་པའི་སྐུ་དབུས་ཨ་ཝ་དྷཱུ་ཏི་མཚན་ཉིད་བཞི་ལྡན་འཁོར་ལོ་བཞི་དང་བཅས་པ་གསལ་བའི་གཡས་གཡོན་དུ་རོ་རྐྱང་གི་མར་སྣེ་དབུ་མའི་སྦུབས་སུ་ཆུད་པའི་སྟོང་ར་ལེགས་པར་གསལ་བའི་ཡར་སྣེ་སྣ་བུག་ཏུ་ཟུག་པ་ལས་དུག་གསུམ་གྱི་རླུང་རོ་སོལ་མཛོད། རླུང་རོ་གསུམ་བསལ། སླར་ཡང་སྟེང་རླུང་རྔུབ་པས་ལྟེ་བའི་གཏུམ་མོ་བསྐུལ་ཏེ་འབར། འཁོར་ལོ་བཞི་བརྒྱུད། སྤྱི་བོའི་ཧྃ་ལ་རེག་པས་ཞུ་བདེའི་ཉམས་རྒྱས་བདུད་རྩིའི་དྭངས་མ་གནས་ནས་གཡོས། ཡས་བབ་ཀྱི་དགའ་བཞི་ཉམས་སུ་མྱོང༌། བདེ་བའི་འོད་ཀྱིས་བརྟན་གཡོ་ཀུན་ལ་ཁྱབ། བདེ་ཆེན་དྭངས་མའི་བཅུད་དུ་ཞུ་བ་རང་གི་སྒོ་གསུམ་ལ་སིབ་ཀྱིས་ཐིམ་པས་རྩ་རླུང་ཐིག་ལེའི་ཁམས་ཉམས་པ་གསོས། རླུང་ཡོ་བ་བསྲང༌། འཕོ་མེད་བདེ་བ་ཆེན་པོའི་ལང་ཚོ་ཐོབ། དཀར་དམར་གྱི་དྭངས་མ་ཐམས་ཅད་མི་ཤིགས་ཐིག་ལེའི་ཀློང་དུ་རྒྱས་བཏབ་པར་བསམ་ལ་དྲག་རླུང་བུམ་པ་ཅན་ལ་གནད་དུ་བསྣུན་པར་མཛོད་ཅིག །དཔོན་སློབ་ཀུན་ནས་བུམ་ཅན་བདུན་ནམ་གསུམ་བཟུང་ལ་དམིགས་པ་གཅུན། གསུམ་པ་ཤེས་རབ་ཡེ་ཤེས་ཀྱི་དབང་བསྐུར་བ་ལ། བདེ་སྟོང་གཉིས་སུ་མེད་པའི་དྭངས་མའི་དཀར་དམར་གྱི་ཐིག་ལེ་ཚེ་ཡི་དངོས་གྲུབ་སྦྱིན་པའི་རིལ་བུ་བྱིན་པ་རྡོ་རྗེའི་ལྕེ་ཡི་ལམ་བརྒྱུད་སྙིང་གར་སོན་པས་བདེ་སྟོང་ཡེ་ཤེས་ཆེན་པོའི་དགོངས་པའི་རྩལ་འབྱོང་ཞུ་བདེ་རྗེས་ཆགས་ཀྱི་ཉམས་རྒྱས། ལྷན་སྐྱེས་ནམ་མཁའ་ལྟ་བུའི་དོན་གྱི་ཡེ་ཤེས་འདྲེན་བྱེད་དཔེའི་ཡེ་ཤེས་ཉམས་སུ་མྱོང་བར་མོས་ཤིག །ཚེ་རིལ་སྦྱིན་ལ། ཧྲཱིཿ རྡོ་རྗེ་མི་ཤིགས་སྲོག་གི་ཁམས༔ ཐིག་ལེའི་དྭངས་མ་རིལ་བུར་འདྲིལ༔ ཡེ་ཤེས་སེམས་དཔའི་ཚུལ་ཉིད་དུ༔ ཙིཏྟའི་དབུས་སུ་བརྟན་པར་བཞུགས༔ ས་མ་ཡ་ཛྙཱ་ན་ཧྲཱིཿཧྲཱིཿཧྲཱི༔ ཐུགས་ཡེ་ཤེས་ཀྱི་ཕྱག་རྒྱའི་ནུས་པ་བརྟན་པའི་ཕྱིར། རིག་འཛིན་བླ་མའི་ཐུགས་ཀ་ནས་ཡེ་ཤེས་རྡོ་རྗེའི་བདག་ཉིད་ཕྱག་མཚན་གྱི་རྣམ་པར་བྱུང༌། སྙིང་གར་ཐིམ་པས་རིལ་བུ་དང་དབྱེར་མེད་གྱུར་ནས་པད་ཟླའི་སྟེང་དུ་རྡོ་རྗེ་རྩེ་ལྔའི་ལྟེ་བར་ཧྲཱིཿལ་ཐིམ་པས་ཐུགས་རྣམ་པར་མི་རྟོག་པའི་གནས་ལུགས་མངོན་སུམ་དུ་རྟོགས་པར་མོས་མཛོད། ཕྱག་མཚན་རྡོ་རྗེ་སྙིང་གར་བཞག་ལ། ཧྲཱིཿ གཉིས་སུ་མེད་པའི་ཡེ་ཤེས་ནི། །མི་ཕྱེད་རྡོ་རྗེའི་ཕྱག་རྒྱར་ཤར། །བུ་ཡི་སྙིང་གར་བཞག་པ་ཡིས། །དོན་གྱི་གནས་ལུགས་རྟོགས་པར་ཤོག །ཨོཾ་བཛྲ་མ་ཧཱ་གུ་རུ་ཙིཏྟ་བཛྲ་ཨ་བྷི་ཥིཉྩ་ཧཱུྃ། དེས་ཕྱག་རྒྱ་བྷ་གའི་དཀྱིལ་འཁོར་དུ་ཁ་སྦྱོར་གྱི་བདེ་བ་ལ་བརྟེན་ནས། གསུམ་པ་ཤེས་རབ་ཡེ་ཤེས་ཀྱི་དབང་བསྐུར་བས་དག་བྱ་ཡིད་ཀྱི་སྒྲིབ་པ་དག །འཕོ་མེད་བདེ་བ་ཆེན་པོའི་ཡེ་ཤེས་ལམ་དུ་བྱེད་པ་སྣ་ཚོགས་གཟུགས་ཀྱི་ཕྱག་རྒྱ་བསྟེན་པ་ལ་དབང༌། འབྲས་བུ་ཐུགས་གཡོ་འཁྲུལ་མེད་པ་ཆོས་སྐུ་ཐོབ་པའི་སྐལ་བ་ཅན་དུ་བྱས་པའོ། །དེ་ལྟར་ཤེར་དབང་གིས་ཡིད་ཐུགས་རྡོ་རྗེར་བྱིན་བརླབས་བརྟན་པའི་ཕྱིར་གཞན་ལུས་མཉམ་སྦྱོར་གྱི་དམིགས་པས་ཚེ་བཅུད་བསྡུ་བའི་ཏིང་འཛིན་ནི། སློབ་མ་རང་ཉིད་འཆི་མེད་པདྨ་ཐོད་ཕྲེང་དུ་གསལ་བའི་པང་དུ་རང་འོད་ཀྱི་ཕྱག་རྒྱ་མནྡ་ར་བ་གཞོན་མཛེས་ལང་ཚོའི་མཛེས་པ་རྨད་དུ་བྱུང་བའི་མཁའ་གསང་རྡོ་རྗེ་པདྨ་སྦྱོར་ཞིང་རེག་པའི་བདེ་བས་བདེ་སྟོང་ལྷན་སྐྱེས་ཀྱི་དེ་ཉིད་མངོན་དུ་བྱའོ་སྙམ་པའི་འདུ་ཤེས་གསུམ་གྱིས་སྙོམས་པར་ཞུགས་པའི་རྐྱེན་གྱིས་སྐུ་དང་སྦྱོར་མཚམས་ནས་བྱུང་བའི་འོད་ཟེར་གྱིས། བརྟན་གཡོ་སྲིད་ཞིའི་དྭངས་མ་བདེ་སྟོང་རྡོ་རྗེའི་སྤྲིན་དུ་བཞུས་པའི་བཅུད་ཐམས་ཅད་རྩ་རླུང་ཐིག་ལེའི་ཁམས་ལ་ཐིམ་པས་ཚེ་ཉམས་གུད་གསོས། ལུས་ཀྱི་ཟུངས་དང་སེམས་ཀྱི་སྟོབས་རྒྱས་པའི་བདེ་སྟོང་གི་རྩལ་ཤུགས་དྲག་ཏུ་འབར་ནས་ཡས་བབ་དང་མས་བརྟན་གྱི་དགའ་བཞི་ལུགས་འབྱུང་ལྡོག་གི་རིམ་པ་ཉམས་སུ་མྱོང༌། དཔེ་ལ་བརྟེན་ནས་དོན་གྱི་ཡེ་ཤེས་རྒྱུད་ལ་འདྲེན་པའི་དམིགས་པ་གསལ་ཐོབ་མཛོད། ཅེས་དམིགས་པ་འཛིན་དུ་བཅུག །བཞི་པ་ཚིག་དབང་རིན་པོ་ཆེའི་ངོ་སྤྲོད་འབོག་པ་ལ། ཚེ་མདའ་སྤྱི་བོར་རྒྱ་གྲམ་དུ་བཞག་སྟེ་རྒྱས་བཏབ་པས། ཁྱེད་རྣམས་ཀྱི་ལུས་མི་ཤིགས་རྡོ་རྗེའི་གོ་ཆས་གཡོགས། དྭངས་མའི་རྩ་རླུང་ཐིག་ལེའི་བཅུད་བདེ་ཆེན་འོད་གསལ་གྱི་སྲོག་ཏུ་བསྟིམ། གཉུག་མ་མི་འགྱུར་རིག་པའི་རང་ངོ་སྐྱེ་འཆིའི་མཚན་མ་གདོད་ནས་མ་གྲུབ་པ་ཡེ་ཤེས་རྡོ་རྗེ་འཆི་མེད་གཉུག་མའི་དོན་ལ་མཉམ་པར་འཇོག་མཛོད། ཨཿ ཕྱོགས་བཅུར་སྤྲོས་པའི་ཁྱབ་བརྡལ་ཚེ༔ གཉུག་མའི་ཐིག་ལེར་རོ་གཅིག་བསྟིམ༔ འདུ་འབྲལ་མེད་པའི་ཆོས་ཉིད་ཀློང༔ རིག་སྟོང་ཡེ་ཤེས་དགོངས་པར་ཨ༔ ཚེ་མདའ་སྤྱི་བོར་བཀོད་ལ་མཉམ་ཉིད་ཀྱི་ལྟ་བས་རྒྱས་བཏབ། དཔོན་སློབ་ཀུན་རིག་སྟོང་ཡེ་ཤེས་ཀྱི་དགོངས་པ་ལ་མཉམ་པར་ཞོག་ལ་རྡོ་རྗེའི་ཚིག་འདིས་ངོ་སྤྲོད་གདབ་པར་མོས་མཛོད། ཀ་དག་རང་བྱུང་དབྱིངས་ཀྱི་ཀློང༌། །ལྷུན་གྲུབ་ཐིག་ལེ་བརྡལ་བ་ཆེ། །གཉིས་མེད་དོན་གྱི་དགོངས་པ་འདི། །གདོད་ནས་འཕོ་འགྱུར་མེད་པར་བཞུགས། དྷརྨ་དྷཱ་ཏུ་ཛྙཱ་ན་ཨཿ ཞེས་དགོངས་པ་བསྐྱངས་པས། སྣོད་བཅུད་ཐམས་ཅད་འོད་དུ་མེར་གྱིས་ཞུ་ནས་ཆོས་ཉིད་སྟོང་པའི་ངང་དུ་འཇའ་ཡལ་བ་ལྟར་སོང་བར་བསམ་ལ་ཅུང་ཟད་མཉམ་པར་བཞག །སླར་ཡང་སྣང་གྲགས་རིག་གསུམ་དག་པའི་ལྷ་སྔགས་ཡེ་ཤེས་ཀྱི་རོལ་པར་ལམ་གྱིས་ཤར་བར་མོས་ཤིག །དེས་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་བརྡ་དོན་ཐབས་ལ་བརྟེན་ནས་བཞི་པ་ཚིག་གི་དབང་བསྐུར་བས་དག་བྱ་ཤེས་བྱའི་སྒྲིབ་པ་དག །ཟུང་འཇུག་མི་གནས་ཕྱག་རྒྱ་ཆེན་པོའི་ཏིང་འཛིན་སྒོམ་པ་ལ་དབང༌། འབྲས་བུ་བདེ་ཆེན་ཡེ་ཤེས་ངོ་བོ་ཉིད་སྐུ་འགྲུབ་པའི་སྐལ་བ་ཅན་དུ་བྱས་པའོ། །རྗེས་ཤིས་པ་བརྗོད་ཅིང་དམ་ཚིག་ཁས་བླང་གཏང་རག་ཡོན་འབུལ་དགེ་བསྔོ་བཅས་སྤྱི་ལྟར་བྱ། སློབ་མ་རྣམས་རང་གནས་སུ་བཏང༌། སློབ་དཔོན་གྱིས་ལྷག་མ་ནས་བརྩམས་ཆོ་གའི་རྗེས་ཀྱི་ལས་རིམ་མཐར་དབྱུང་བས་གྲུབ་པའོ། །འདིར་ནི་གསང་བ་གཞན་ལྟར་སྨིན་སློབ་ཀྱི་དབང་དུ་བྱས་ཀྱི། ཐུན་མོང་གི་གདུལ་བྱ་དང་བསྐྱེད་རིམ་གྱི་བསྙེན་སྒྲུབ་གཙོ་བོར་དོན་དུ་གཉེར་བ་ལ་དབང་བཞི་སོ་སོའི་མཐའ་རྟེན་གྱི་དམིགས་པ་རྣམས་མ་སྦྱར་ཀྱང་རུང་ངོ༌། །འཆི་མེད་རིག་འཛིན་བླ་མའི་རྡོ་རྗེའི་ཚེའི། །འཆི་མེད་དངོས་གྲུབ་དཔལ་ལ་སྤྱོད་བྱེད་དབང༌། །འཆི་མེད་གརྃ་དབྃང་མྃདོ་སྔགྃས་གླིངྃ་པས་སྦྱར། །འཆི་མེད་གྲུབ་པའི་དགའ་སྟོན་རྒྱས་གྱུར་ཅིག །ཅེས་བྱིན་རླབས་ཀྱི་རྩ་བ་རིག་འཛིན་བླ་མ་འདུས་པའི་དཀྱིལ་འཁོར་གྱི་སྨིན་ལམ་དབང་གི་ཕྲེང་བའི་ལེའུ་ཚན་དང་པོའོ། ༈ འོད་མཚན་སྟོང་འབར་མཚན་གྱི་ཉིན་བྱེད་རྡུལ། །རེག་པ་ཙམ་གྱིས་ཚེ་དང་ཡེ་ཤེས་ཀྱི། །བདུད་རྩིས་དགེ་བར་བྱེད་པའི་གྲགས་སྙན་སྤྲིན། །རབ་འབྱམས་རྒྱལ་བའི་ཞིང་མཛེས་འདྲེན་པ་རྒྱལ། །གང་གི་ཐུགས་རྗེའི་དཔལ་གྱི་འདབ་མ་ལས། །དངོས་གྲུབ་གྲུ་ཆར་འཇོ་བས་ཀུན་དགའི་དཔྱིད། །སྦྱིན་བྱེད་རྡོ་རྗེ་ཐེག་པའི་འཇུག་སྒོའི་ཕུལ། །རིམ་པ་དབང་གི་ཆོ་ག་གསར་པ་དབྱེ། །འདི་ལ་གཉིས། དང་པོ་སྦྱོར་བ་ཡོ་བྱད་ཀྱི་བཤམ་བཀོད་ནི། གང་དུ་བྱ་བའི་གནས་ཁང་བྱི་དོར་རྒྱན་བཀོད་སྤྲས་པའི་གུང་དུ་གཞུང་མཐུན་རྟེན་གྱི་སྤྱན་སྔར་རྡུལ་ཚོན་ནམ་རས་བྲིས་ཀྱི་པདྨ་འདབ་བརྒྱད་མཛེས་ཚོན་བྲིས་པའི་ལྟེ་བར་མཉྫིའི་སྟེང་བུམ་པ་ཉེར་ལྔའི་བཅུད་ལྡན། མགུལ་ཆིངས་དམར་པོ་ཁ་རྒྱན་གཟུངས་རྡོར་དུང་ཞལ་བཅས་བཀོད། མདུན་དུ་སྐུ་ཙཀ །གཟུངས་མདོའམ་སྔགས་བྱང༌། ཐུགས་རྟེན་མཆོད་སྡོང་ཚེ་གཟུངས་ཀྱི་ནང་གཞུག་ཅན། ནོར་བུའི་དབུ་རྒྱན། བཀྲ་ཤིས་རྫས་རྟགས་རྒྱལ་སྲིད་བདུན་གྱི་ཙཀླི་བཅས་བཤམ། ཚེ་དབང་དང་འབྲེལ་ན། ཚེ་བུམ། ཚེ་རིལ། འོ་མའི་ཚེ་ཆང༌། ཚེ་མདའ་བཅས་བུམ་པའི་མདུན་དུ་བཀོད། ཉེར་སྤྱོད་ཀྱི་མཆོད་པས་གཡས་སུ་བསྐོར། ཞི་གཏོར་དམར་པོ་དཀར་མངར་ཟས་སྣས་བསྐོར་བ་དང༌། མཐའ་བསྐོར་དུ་མར་མེ་སོགས་མཆོད་རྫས་རིགས་བརྒྱ་རྩ་བརྒྱད་འབྱོར་ན་ལེགས། ཁྲུས་ཆས་མཆོད་པའི་མཎྜལ་དྲི་བཟང་གིས་སྦག་པའི་འབྲུ་བཅས་འདུ་བྱས་ལ་ཕྱི་སྒྲུབ་ཀྱི་ལས་བྱང་གཞུང་བསྲངས་བསྙེན་པ་གྲུབ་པ་དང་གཟུངས་བུམ་ལ་དམིགས་ཏེ། ཨ༔ མདུན་དུ་རིན་ཆེན་བུམ་པ་ཆེ༔ མཚན་ཉིད་རྫོགས་པའི་གཞལ་ཡས་ཁང༔ བདུད་རྩིའི་རྒྱ་མཚོ་ཡངས་པའི་དབུས༔ པདྨའི་སྡོང་བུ་འདབ་རྒྱས་སྟེང༔ ཧྲཱིཿལས་བཅོམ་ལྡན་ཚེ་དཔག་མེད༔ སྣང་མཐའ་ཡས་པ་སྤྲུལ་སྐུའི་ཆས༔ དམར་སེར་མཚན་དཔེའི་གཟི་བྱིན་འབར༔ ཞབས་གཉིས་རྡོ་རྗེའི་སྐྱིལ་ཀྲུང་བཞུགས༔ སྐུ་ལ་ཆོས་གོས་རྣམ་གསུམ་གསོལ༔ ཕྱག་གཉིས་མཉམ་བཞག་ཕྱག་རྒྱའི་སྟེང༔ བུམ་པ་བདུད་རྩིས་གང་བ་བསྣམས༔ ཤིན་ཏུ་ཞི་འཛུམ་དགྱེས་པའི་ཚུལ༔ སྣང་སྟོང་འོད་ཀྱི་ཕུང་པོར་གསལ༔ ཐུགས་ཀར་ཟླ་སྟེང་ཧྲཱིཿཡིག་མཐར༔ སྔགས་ཀྱི་ཕྲེང་བས་བསྐོར་བར་གསལ༔ རྩེ་གཅིག་གསོལ་བ་བཏབ་པ་ཡི༔ སྐུ་ལས་ཡེ་ཤེས་འོད་ཀྱི་ཕྲེང༔ བདུད་རྩིའི་ཟེགས་མ་ཆར་ལྟར་བྲུལ༔ བུམ་པའི་གཟུངས་ཆབ་ལ་ཐིམ་ནས༔ ནད་གདོན་སྡིག་སྒྲིབ་ཀུན་སེལ་བྱེད༔ ཡེ་ཤེས་ངོ་བོར་བྱིན་བརླབས་བསམ༔ མཚན་བརྒྱ་རྩ་བརྒྱད་པའི་གཟུངས་ཅི་ནུས་བཟླས་མཐར། དམིགས་བསལ་ཚེ་སྒྲུབ་སྦྱོར་ན། བདག་ཐུགས་འོད་ཀྱིས་མདུན་བསྐྱེད་ཐུགས་རྒྱུད་བསྐུལ། །ལྷ་ཚོགས་སྐུ་ཡི་འོད་ཀྱིས་ཞིང་ཀུན་ཁྱབ། །བདག་གི་བླ་ཚེ་ཆད་ཉམས་ཡར་བ་དང༌། །འབྱུང་བཞིའི་དྭངས་བཅུད་འཁོར་འདས་ཐམས་ཅད་ཀྱི། །ཚེ་བསོད་དཔལ་འབྱོར་ཡེ་ཤེས་ཡོན་ཏན་ཀུན། །འོད་ཟེར་སྣ་ལྔའི་རྣམ་པར་སྤྱན་དྲངས་ལ། །མདུན་གྱི་ཚེ་རྫས་རང་གི་སྒོ་གསུམ་ཐིམ། །ནད་གདོན་སྡིག་སྒྲིབ་འཆི་བའི་རྒྱུ་འབྲས་སྦྱངས། །བླ་ཚེ་ཆད་ཉམས་ཡར་བ་རང་སོར་ཆུད། །ཚེ་བསོད་དཔལ་འབྱོར་ལུང་རྟོགས་ཡོན་ཏན་རྒྱས། །འཆི་མེད་གཉུག་མའི་གོ་འཕང་ཐོབ་པར་གྱུར། །ཞེས་སྦྱར་ལ་ཚེ་གཟུངས་བཟླ། དབང་གི་སྐབས་འབྱུང་བའི་ཚེ་འགུགས་ཀྱང་སྦྱར་ན་ལེགས། གང་ལྟར་ཡང་མཐར་མཆོད་བསྟོད་ནི། ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་བཞིན་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལས། །ངེས་པར་ཀུན་ཏུ་འབྱུང་གྱུར་ཅིག །མཆོད་ཡོན། ཨོཾ་ཨཱཿཧཱུྃ་གིས་ཕུལ་བས། ལྷ་འོད་དུ་ཞུ་བ་བུམ་ཆུ་ལ་ཐིམ་པས་ཡེ་ཤེས་བདུད་རྩིའི་ཆུ་རྒྱུན་སངས་རྒྱས་ཀྱི་ཕྲིན་ལས་ཐོགས་མེད་དུ་སྒྲུབ་པའི་ནུས་པ་དང་ལྡན་པར་གྱུར། ཅེས་བརྗོད། ཨོཾ་ཧ་ཡ་གྲཱྀ་བ་ཧཱུྃ་ཕཊ། ཅི་ནུས་བཟླས་པས་ལས་བུམ་གྱི་ཆུ་བྱིན་གྱིས་བརླབ། དབང་ལེན་གྱི་དམིགས་པ་ནི། མདུན་བསྐྱེད་ལྷ་ཚོགས་རྣམས་ལས་སྐུ་དང་སྔགས་ཕྲེང་ཕྱག་མཚན་གྱི་རྣམ་པའི་འོད་ཟེར་བར་མ་ཆད་པ་བྱོན་ཏེ་རང་གི་གནས་གསུམ་དུ་ཐིམ་པས་རྡོ་རྗེ་གསུམ་གྱི་དབང་དང་བྱིན་རླབས་དངོས་གྲུབ་མ་ལུས་པ་ཐོབ་པར་མོས་ལ། ཨོཾ༔ བཅོམ་ལྡན་མགོན་པོ་སྣང་མཐའ་ཡས༔ དཀྱིལ་འཁོར་ལྷ་ཚོགས་བསམ་ཡས་པའི༔ སྐུ་གསུང་ཐུགས་ཡོན་ཕྲིན་ལས་ཀྱི༔ ཡེ་ཤེས་དབྱིངས་སུ་བདག་སྦྱོར་ཅིག༔ ཅེས་གསོལ་བ་གདབ་པས་གསང་བ་གསུམ་དབྱེར་མེད་དུ་གྱུར་པར་མོས། གཉིས་པ་དབང་གི་ལས་རིམ་དངོས་ནི། སློབ་མ་རྣམས། ཇི་ལྟར་བལྟམས་པ་སོགས་དང་ལས་སྔགས་བརྗོད་པས་ཁྲུས་བྱ། བགེགས་གཏོར་བྱིན་བརླབ་ནི། ཨོཾ་ཧ་ཡ་གྲཱྀ་བ་ཧཱུྃ་ཕཊཿ ཀྱིས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བར་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ། ལན་གསུམ་གྱིས་བརླབ། ཨོཾ་སརྦ་བྷཱུ་ཏ་ཨཱ་ཀརྵ་ཡ་ཛཿ ས་མགྲོན་བཀུག ཨོཾ་སརྦ་བིགྷྣཱན་བ་ལིཾ་ཏ་ཁཱ་ཧི། ལན་གསུམ་གྱིས་བསྔོ། དཀོན་མཆོག་གསུམ་གྱི་བདེན་པ་དང༌། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་རླབས་དང༌། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང༌། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས་དེང་འདིར་སློབ་མ་རྗེས་སུ་འཛིན་པའི་ཆོ་ག་བགྱི་བ་ལ་བར་དུ་གཅོད་པའི་གདོན་བགེགས་ཐམས་ཅད་གཏོར་མ་འདིས་ཚིམ་པར་གྱིས་ལ་དཔག་ཚད་དང་རྒྱང་གྲགས་སུ་མ་གནས་པར་གཞན་དུ་སོང་ཞིག །ཅེས་དང༌། ཨོཾ་ཧ་ཡ་གྲཱྀ་བ་ཧཱུྃ་ཕཊཿ དང༌། སུམ་བྷ་སོགས་བརྗོད་པས་བསྐྲད། ཨོཾ་བཛྲ་རཀྵ་རཀྵ་བྷྲུྃཿ ཕྱོགས་མཚམས་སྟེང་འོག་ཐམས་ཅད་རྡོ་རྗེ་སྲུང་བའི་གུར་ཁང་ཡངས་ཤིང་རྒྱ་ཆེ་བ་ཅིས་ཀྱང་མ་ཆོད་མི་ཤིགས་པར་གྱུར་པར་བསམ། འོ་རང་གཞན་ཡིད་ཅན་ཐམས་ཅད་སྲིད་ཞིའི་མཐའ་གཉིས་ལ་མི་གནས་པའི་བྱང་ཆུབ་ཆེན་པོའི་གོ་འཕང་ཐོབ་པར་བྱ་བའི་སླད་དུ་དབང་བསྐུར་ཟབ་མོ་གསན་པར་བྱ་སྙམ་པའི་ཐུགས་བསྐྱེད་དང༌། ཆོས་གསན་པའི་ཀུན་ཏུ་སྤྱོད་པ་རྣམས་ཀྱང་མ་ནོར་བར་ལེགས་པར་གསལ་བཏབ་སྟེ་གསན་འཚལ། དེ་ལ་བཅོམ་ལྡན་འདས་མགོན་པོ་འོད་དཔག་ཏུ་མེད་པ་ཉིད་ངེས་པའི་དོན་དུ་སངས་རྒྱས་ཐམས་ཅད་ཀྱི་གསུང་རྡོ་རྗེ་གར་གྱི་དབང་ཕྱུག་པདྨ་རིགས་ཀྱི་འཁོར་ལོས་བསྒྱུར་བ་ཆེན་པོ་སྟེ། འོད་གསལ་རྡོ་རྗེ་སྙིང་པོའི་ཞིང་དུ་ཆོས་སྐུ་འོད་མི་འགྱུར་བ་དེ་ཉིད་ལོངས་སྐུ་ཚངས་པ་རྔ་སྒྲའི་ཞིང་གི་བཀོད་པ་ཆེན་པོའི་སྐུ་དང་ཡེ་ཤེས་ཀྱི་ཞིང་ཁམས་རྒྱ་མཚོ་ལ་མངའ་དབང་བསྒྱུར་ཞིང༌། ཐུན་མོང་མདོ་ཡི་སྐབས་སུ་སྔོན་བྱང་ཆུབ་ཀྱི་སྤྱོད་པ་སྤྱད་པ་ན། དེ་བཞིན་གཤེགས་པ་འཇིག་རྟེན་དབང་ཕྱུག་རྒྱལ་པོའི་སྤྱན་སྔར་སངས་རྒྱས་ཀྱི་ཞིང་ཡོངས་སུ་བཟུང་བའི་ཐུགས་བསྐྱེད་དང་སྨོན་ལམ་གྱི་དམ་བཅའ་རླབས་པོ་ཆེ་མཛད་པར་གསུངས་ཤིང༌། ད་ལྟ་དག་པའི་ཞིང་མཆོག་བདེ་བ་ཅན་དུ་འཚོ་ཞིང་གཞེས་ལ་ཆོས་ཀྱང་སྟོན་པའི་སངས་རྒྱས་འདིའི་མཚན་ཙམ་ཐོས་པས་ཀྱང་དུས་མ་ཡིན་པའི་འཆི་བའི་འཇིགས་པ་ལས་སྐྱོབས་པ་དང༌། ལོ་བརྒྱ་ཡི་བར་དུ་འཚོ་བ་དང༌། བུད་མེད་ཀྱི་ལུས་ཀྱི་ཐ་མར་འགྱུར་བ་དང༌། ཚེ་རབས་ཐམས་ཅད་དུ་ཞིང་བཟང་པོར་སྐྱེ་བ་དང༌། བསོད་ནམས་ཀྱི་དངོས་པོ་རྒྱ་ཆེར་བསྐྲུན་པ་སོགས་ཐུགས་བསྐྱེད་དང་སྨོན་ལམ་བསམ་གྱིས་མི་ཁྱབ་པ་དང༌། གསང་སྔགས་ཀྱི་རྒྱུད་སྡེ་ཆེན་པོ་བཞིར་པདྨའི་རིགས་ཀྱི་གཙོ་བོའི་ཚུལ་དུ་སྒྲུབ་པའི་ཐབས་མཐའ་ཀླས་པ་ཞིག་གསུངས་པ་ལས། འདིར་སློབ་དཔོན་ཆེན་པོ་ཛེ་ཏཱ་རི་དགྲ་ལས་རྣམ་པར་རྒྱལ་བའི་ལུགས་ཀྱི་ཚེ་དཔག་མེད་ལྷ་དགུ་པའི་དཀྱིལ་འཁོར་དང༌། གསུང་རྡོ་རྗེ་པདྨ་སམ་བྷ་བའི་ཐུགས་བཅུད་ཆུ་བོ་གཅིག་འདྲེས་སུ་གྱུར་པ་ཚེ་སྒྲུབ་པདྨའི་སྙིང་ཐིག་ཅེས་པདྨ་གར་དབང་འོད་གསལ་མདོ་སྔགས་གླིང་པའི་དགོངས་གཏེར་དུ་བཀའ་བབས་པ་ལས། རྩ་བ་གསུམ་གྱི་སྒོ་ནས་རྡོ་རྗེའི་ཚེ་ཡི་སྒྲུབ་ཐབས་ཀྱི་སྐོར་ཟབ་རྒྱས་སུ་བཞུགས་པ་ལས་དངོས་གྲུབ་ཀྱི་རྩ་བ་ཡི་དམ་གྱི་སྒྲུབ་ཐབས་ཀྱི་ནང་གསེས་ཐོག་མ་ཕྱི་སྒྲུབ་ཚེ་འོད་དཔག་མེད་སྤྲུལ་སྐུ་ལྷ་དགུ་པའི་དཀྱིལ་འཁོར་དུ་སློབ་མ་རྗེས་འཛིན་གྱི་རིམ་པ་ལ་སློབ་དཔོན་གྱི་བྱ་བ་གྲུབ་ནས། ཁྱེད་རང་རྣམས་ཀྱི་ངོ་སྐལ་དུ་གྱུར་པ་ཐོག་མར་མཎྜལ་ཕུལ་མཛོད། ཅེས་བརྡ་སྦྱར་ལ་མཎྜལ་འབུལ་དུ་གཞུག དེ་ནས་དབང་གི་སྣོད་རུང་དུ་རྒྱུད་ཡོངས་སུ་དག་པར་བྱེད་པ་ལ་མཐུན་རྐྱེན་སྒྲུབ་པ་དང་འགལ་རྐྱེན་བསལ་བ་གཉིས་ལས། དང་པོའི་དོན་དུ་ཐོག་མར་གསོལ་བ་འདེབས་པ་འདིའི་རྗེས་ཟློས་མཛོད། མགོན་པོ་དཀྱིལ་འཁོར་དབང་ཕྱུག་དགོངས༔ བདག་ནི་ངེས་པར་རྡོ་རྗེའི་རིགས༔ སྐལ་པ་བཟང་པོའི་སྣོད་ལྡན་ཕྱིར༔ བདག་ཅག་ཡང་དག་སྨིན་པར་མཛོད༔ ལན་གསུམ། དེ་ལྟར་གསོལ་བ་བཏབ་པས་མདུན་རྟེན་དང་དབྱེར་མེད་དུ་བཞུགས་པའི་བཅོམ་ལྡན་འདས་ཚེ་འོད་དཔག་མེད་ལ་སངས་རྒྱས་དང་བྱང་སེམས་དཀྱིལ་འཁོར་གྱི་ལྷ་ཚོགས་རྣམས་ཀྱིས་བསྐོར་བའི་སྤྱན་སྔར་བདག་སོགས་སེམས་ཅན་ཐམས་ཅད་འཁོད་པ་སྒོ་གསུམ་གུས་པ་ཆེན་པོས་འདི་ནས་བྱང་ཆུབ་སྙིང་པོའི་བར་སྐྱབས་སུ་མཆི་སྙམ་པ་དང༌། ཕ་མར་གྱུར་པའི་སེམས་ཅན་ཐམས་ཅད་ཀྱང་རྫོགས་པའི་བྱང་ཆུབ་ཆེན་པོའི་གོ་འཕང་ལ་འགོད་པར་བྱ་བའི་ཕྱིར་གསང་སྔགས་ཀྱི་དཀྱིལ་འཁོར་དུ་འཇུག་ནས་བྱང་ཆུབ་སེམས་དཔའི་སྤྱོད་པ་རྒྱ་ཆེན་པོ་ལ་སློབ་སྙམ་པས་འདིའི་རྗེས་ཟློས་ལན་གསུམ་མཛོད། དཀོན་མཆོག་གསུམ་ལ་བདག་སྐྱབས་མཆི། སོགས། གཉིས་པ་འགལ་རྐྱེན་བསལ་བའི་སླད་དུ་ཉེས་ཚོགས་ཞི་བྱེད་ཁྲུས་ཀྱི་ཆོ་ག་བགྱིད་པ་ལ་བཀྲུ་བྱབས་སྲུང་གསུམ་ལས། དང་པོའི་སླད་དུ་ཁྱེད་རང་རྣམས་ཐ་མལ་དུ་གནས་པ་ལ་དཀྱིལ་འཁོར་གྱི་ལྷ་ཡི་ཐུགས་ཀ་ནས་སྤྲོས་པའི་རིག་པའི་ལྷ་མོ་རྣམས་ཀྱི་ཕྱག་ན་རིན་པོ་ཆེའི་བུམ་པ་དག་བྱེད་བདུད་རྩིའི་རྒྱུན་གྱིས་གང་བ་བསྣམས་ཏེ་སྤྱི་བོ་ནས་ཁྲུས་མཛད་པས་འཆི་མེད་ཚེ་ཡི་འགལ་རྐྱེན་མི་མཐུན་ཕྱོགས་དང་ནད་གདོན་སྡིག་སྒྲིབ་ཐམས་ཅད་ནག་ཉིལ་གྱིས་ཕྱི་རོལ་དུ་ཐོན་ནས་ལུས་ཤེལ་བུམ་བདུད་རྩིས་གང་བ་ལྟར་གྱུར་པར་མོས་ཤིག །གཟུངས་བུམ་གྱིས་བཀྲུས་ཏེ། ཧཱུྃ༔ བདུད་ལས་རྣམ་རྒྱལ་བྱང་ཆུབ་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ རྣམ་རྟོག་དྲི་མ་ཀུན་བྱང་སྟེ༔ མི་མཐུན་ཕྱོགས་རྣམས་ཞི་གྱུར་ཅིག༔ ཚེ་གཟུངས་མཐར། སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ནད་རིམས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གདོན་བགེགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ དུས་མ་ཡིན་པར་འཆི་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ རྨི་ལྟས་མཚན་མ་ངན་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གྲིབ་དང་མི་གཙང་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ བྱད་ཕུར་རྦོད་གཏོང་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ འདི་ནི་སྦྱིན་པའི་རང་བཞིན་ཆུ། །སེར་སྣའི་དྲི་མ་སྦྱོང་མཛད་པ། །གཏོང་བ་དྲི་ཡིས་ལེགས་བགོས་ཆུ། ཁྲུས་ལེགས་མཛད་ཀྱིས་ཁྲུས་བགྱིའོ། །ཚེ་གཟུངས། སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ནད་རིམས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གདོན་བགེགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ དུས་མ་ཡིན་པར་འཆི་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ རྨི་ལྟས་མཚན་མ་ངན་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གྲིབ་དང་མི་གཙང་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ བྱད་ཕུར་རྦོད་གཏོང་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ འདི་ནི་ཚུལ་ཁྲིམས་རང་བཞིན་ཆུ། །ཁྲིམས་འཆལ་དྲི་མ་སྦྱོངས་མཛད་པ། །ཚུལ་ཁྲིམས་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཚེ་གཟུངས། སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ནད་རིམས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གདོན་བགེགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ དུས་མ་ཡིན་པར་འཆི་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ རྨི་ལྟས་མཚན་མ་ངན་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གྲིབ་དང་མི་གཙང་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ བྱད་ཕུར་རྦོད་གཏོང་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ འདི་ནི་བཟོད་པའི་རང་བཞིན་ཆུ། །ཁོང་ཁྲོའི་དྲི་མ་སྦྱོང་མཛད་པ། །བཟོད་པ་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཚེ་གཟུངས། སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ནད་རིམས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གདོན་བགེགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ དུས་མ་ཡིན་པར་འཆི་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ རྨི་ལྟས་མཚན་མ་ངན་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གྲིབ་དང་མི་གཙང་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ བྱད་ཕུར་རྦོད་གཏོང་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ འདི་ནི་བརྩོན་འགྲུས་རང་བཞིན་ཆུ། །ལེ་ལོའི་དྲི་མ་སྦྱོང་མཛད་པ། །བརྩོན་འགྲུས་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཚེ་གཟུངས། སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ནད་རིམས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གདོན་བགེགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ དུས་མ་ཡིན་པར་འཆི་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ རྨི་ལྟས་མཚན་མ་ངན་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གྲིབ་དང་མི་གཙང་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ བྱད་ཕུར་རྦོད་གཏོང་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ འདི་ནི་བསམ་གཏན་རང་བཞིན་ཆུ། །རྣམ་གཡེང་དྲི་མ་སྦྱོང་མཛད་པ། །བསམ་གཏན་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཚེ་གཟུངས། སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ནད་རིམས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གདོན་བགེགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ དུས་མ་ཡིན་པར་འཆི་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ རྨི་ལྟས་མཚན་མ་ངན་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གྲིབ་དང་མི་གཙང་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ བྱད་ཕུར་རྦོད་གཏོང་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ འདི་ནི་ཤེས་རབ་རང་བཞིན་ཆུ། །ཤེས་འཆལ་དྲི་མ་སྦྱོང་མཛད་པ། །ཤེས་རབ་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །ཚེ་གཟུངས། སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ནད་རིམས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གདོན་བགེགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ དུས་མ་ཡིན་པར་འཆི་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ རྨི་ལྟས་མཚན་མ་ངན་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གྲིབ་དང་མི་གཙང་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ བྱད་ཕུར་རྦོད་གཏོང་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ གཉིས་པ་བྱབས་པའི་སླད་དུ། ཀུ་ཤའི་ཆུན་པོ་རྨ་བྱའི་སྒྲོ་གཡབ་དང་བཅས་པའི་དབུས་སུ་ཟླ་བ་ལ་གནས་པའི་ཧཱུྃ་ལ་གཟུངས་སྔགས་རྣམས་ཀྱིས་བསྐོར་བ་ལས་འོད་དང་རླུང་བྱུང་བས་བསྒྲུབ་བྱའི་སྒོ་གསུམ་གྱི་ནད་གདོན་ཐམས་ཅད་དུ་བ་རླུང་གིས་བདས་པ་ལྟར་ཁྲུས་ཆུ་ལ་ཤར་བའི་གཟུགས་ལ་སྤོ་བའི་ཚུལ་དུ་ཐིམ་པར་གྱུར་པར་བསམ་ལ། ཧཱུྃ༔ དཀོན་མཆོག་གསུམ་གྱི་བདེན་པ་དང༔ རྩ་བ་གསུམ་གྱི་བྱིན་རླབས་ཀྱིས༔ བསྒྲུབ་བྱའི་ནད་གདོན་སྡིག་སྒྲིབ་དང༔ གྲིབ་དང་མི་གཙང་དུས་མིན་འཆི༔ བྱད་ཕུར་རྦོད་གཏོང་ལ་སོགས་པ༔ མི་མཐུན་ཕྱོགས་ཀུན་དག་གྱུར་ཅིག༔ ཉི་ཟླ་གཟའ་ལས་གྲོལ་བ་བཞིན༔ ཞི་དང་བཀྲ་ཤིས་བདེ་ལེགས་མཛོད༔ ཚེ་གཟུངས་མཐར། སྡིག་པ་དང་སྒྲིབ་པ་ཐམས་ཅད་ཨ་པ་ན་ཡེ་སྭཱ་ཧཱ༔ ནད་རིམས་ཐམས་ཅད་ཨ་པ་ན་ཡེ་སྭཱ་ཧཱ༔ གདོན་བགེགས་ཐམས་ཅད་ཨ་པ་ན་ཡེ་སྭཱ་ཧཱ༔ དུས་མ་ཡིན་པར་འཆི་བ་ཐམས་ཅད་ཨ་པ་ན་ཡེ་སྭཱ་ཧཱ༔ རྨི་ལྟས་མཚན་མ་ངན་པ་ཐམས་ཅད་ཨ་པ་ན་ཡེ་སྭཱ་ཧཱ༔ གྲིབ་དང་མི་གཙང་བ་ཐམས་ཅད་ཨ་པ་ན་ཡེ་སྭཱ་ཧཱ༔ བྱད་ཕུར་རྦོད་གཏོང་ཐམས་ཅད་ཨ་པ་ན་ཡེ་སྭཱ་ཧཱ༔ མི་མཐུན་པའི་ཕྱོགས་ཐམས་ཅད་ཨ་པ་ན་ཡེ་སྭཱ་ཧཱ༔ ཞེས་བཏགས་ལ་ཀུ་ཤ་དང་རྨ་བྱས་བྱབ་བོ། །དེ་ལྟར་བཀྲུས་ཤིང་བྱབས་པས་སྒོ་གསུམ་གྱི་ཉེས་སྒྲིབ་བྱང་སྟེ་ལུས་འོད་ཀྱི་རང་བཞིན་དུ་གྱུར་པ་ལ་སྲུང་བའི་སླད་དུ་ཕྱག་མཚན་རྡོ་རྗེ་ལས་རྡོ་རྗེ་གྲངས་མེད་པར་འཕྲོས། ལུས་ཀྱི་ཕྱི་ནང་ཐམས་ཅད་རྡོ་རྗེའི་རྡུལ་ཕྲ་རབ་ཀྱིས་གཏམས་པས་ཅིས་ཀྱང་མི་ཚུགས་པའི་རང་བཞིན་དུ་གྱུར་པར་བསམ་མོ། ཧཱུྃ༔ མ་སྐྱེས་འཇིག་པ་མེད་པ་ཡི༔ ཡེ་ཤེས་རྡོ་རྗེའི་གོ་ཆ་ཆེས༔ ལུས་ངག་ཡིད་ལ་རྒྱས་བཏབ་པས༔ མི་མཐུན་ཕྱོགས་ཀུན་སྲུང་གྱུར་ཅིག༔ ཚེ་གཟུངས་མཐར། སྡིག་པ་དང་སྒྲིབ་པ་ཐམས་ཅད་རཀྵ་རཀྵ་སྭཱ་ཧཱ༔ ནད་རིམས་ཐམས་ཅད་རཀྵ་རཀྵ་སྭཱ་ཧཱ༔ གདོན་བགེགས་ཐམས་ཅད་རཀྵ་རཀྵ་སྭཱ་ཧཱ༔ དུས་མ་ཡིན་པར་འཆི་བ་ཐམས་ཅད་རཀྵ་རཀྵ་སྭཱ་ཧཱ༔ རྨི་ལྟས་མཚན་མ་ངན་པ་ཐམས་ཅད་རཀྵ་རཀྵ་སྭཱ་ཧཱ༔ གྲིབ་དང་མི་གཙང་བ་ཐམས་ཅད་རཀྵ་རཀྵ་སྭཱ་ཧཱ༔ བྱད་ཕུར་རྦོད་གཏོང་ཐམས་ཅད་རཀྵ་རཀྵ་སྭཱ་ཧཱ༔ མི་མཐུན་པའི་ཕྱོགས་ཐམས་ཅད་རཀྵ་རཀྵ་སྭཱ་ཧཱ༔ ཞེས་གནས་གསུམ་དུ་རྡོ་རྗེ་རྒྱ་གྲམ་དུ་བཏབ་བོ། །དེ་ནས་དབང་དངོས་ལ་ཐོག་མར་དབང་གི་གཞི་འགོད་པའི་སླད་དུ་ཐུགས་དམིགས་འདི་བཞིན་མཛོད། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ། སྣོད་བཅུད་སློབ་མའི་ཕུང་ཁམས་དང་བཅས་པ་མི་དམིགས་པ་སྟོང་པར་སྦྱངས། སྟོང་པའི་ངང་ལས་སྣོད་རྣམ་པར་དག་པ་ངོ་མཚར་བདེ་ཆེན་པདྨོ་བཀོད་པའི་ཞིང་གི་དབུས་སུ་རྨ་བྱ་ཆེན་པོ་བརྒྱད་ཀྱིས་བཏེགས་པའི་རིན་པོ་ཆེའི་ཁྲི་དང་པད་ཟླའི་སྟེང་དུ་བཅུད་རྣམ་པར་དག་པ་ལྷ་ཡི་ཕྱག་རྒྱ་སྒྲུབ་པའི་སླད་དུ་ཁྱེད་རྣམས་ཀྱི་སེམས་ཉིད་ཀྱི་ངོ་བོ་ཐུགས་སྲོག་ཧྲཱིཿཡིག་དམར་པོ་ཡོངས་སུ་གྱུར་པ་ལས་བཅོམ་ལྡན་འདས་ཚེ་དང་ཡེ་ཤེས་འོད་དཔག་ཏུ་མེད་པའི་མགོན་པོ་སྐུ་མདོག་དམར་པོ་བྱེ་རུའི་ལྷུན་པོ་ལ་ཉིན་བྱེད་བྱེ་བས་འཁྱུད་པ་ལྟ་བུའི་མཚན་དཔེའི་གཟི་བྱིན་རབ་ཏུ་རྒྱས་པའི་སྐུ་ལ་ཆོས་གོས་རྣམ་གསུམ་གསེར་གྱི་ཁ་དོག་ལྟ་བུས་མཛེས་པར་བཀླུབས་པའི་ཕྱག་གཉིས་མཉམ་བཞག་གི་ཕྱག་རྒྱའི་སྟེང་རིན་པོ་ཆེ་བཻ་ཌཱུརྻའི་ལྷུང་བཟེད་འཆི་མེད་ཡེ་ཤེས་ཀྱི་བདུད་རྩིས་མཛེས་པར་གང་བ་འཛིན་པ་ཞབས་གཉིས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་སྐུ་ལས་བྱུང་བའི་ཡེ་ཤེས་ཀྱི་སྣང་བ་ཆེན་པོའི་ཞིང་རབ་འབྱམས་ཁྱབ་པར་བརྡལ་བའི་བདག་ཉིད་ཅན་གྱི་གནས་གསུམ་རྡོ་རྗེའི་ཡིག་འབྲུ་གསུམ་གྱིས་མཚན་པ་ཅན་དུ་གསལ་ཐོབ་མཛོད། རྒྱུད་རྣམ་པར་དག་པ་ཡེ་ཤེས་ལྷ་ཡི་གཟི་བྱིན་དབབ་པའི་སླད་དུ། ཁྱེད་རྣམས་ཀྱིས་སློབ་དཔོན་དཀྱིལ་འཁོར་གྱི་ལྷ་ཚོགས་གཉིས་སུ་མེད་པ་ལ་མོས་གུས་ཤུགས་དྲག་ཏུ་བསྐྱེད་པས་དཀྱིལ་འཁོར་པའི་གནས་གསུམ་ནས་ཡེ་ཤེས་ཀྱི་སྣང་བ་མཐའ་ཀླས་པ་སྤྲོས་ཏེ་ནུབ་ཕྱོགས་བདེ་ལྡན་པདྨོ་བཀོད་པའི་ཞིང་སོགས་ཕྱོགས་བཅུའི་ཞིང་རབ་འབྱམས་ན་བཞུགས་པའི་བླ་མ་རྒྱལ་བ་སྲས་དང་བཅས་པའི་ཐུགས་རྒྱུད་རང་དབང་མེད་པར་བསྐུལ་ནས་གསུང་རྡོ་རྗེ་འོད་སྣང་མཐའ་ཡས་པའི་སྐུ་སྔགས་ཕྱག་མཚན་གྱི་རྣམ་པ་ཁ་བ་བུ་ཡུག་འཚུབས་པ་བཞིན་བྱོན་ནས་ཁྱེད་རང་རྣམས་ལ་ཐིམ་པས་སྐུ་གསུང་ཐུགས་ཡེ་ཤེས་རྡོ་རྗེའི་དབང་དང་བྱིན་རླབས་དངོས་གྲུབ་ཐམས་ཅད་ཐོབ་ནས་ཚེ་དང་ཡེ་ཤེས་ཀྱི་སྣང་བ་འདོད་དགུར་རྒྱས་པར་མོས་མཛོད་ཅིག །སྤོས་དང་རོལ་མོའི་སྒྲས་བསྐུལ་ཏེ། ཨོཾ། མ་ལུས་སེམས་ཅན་ཀུན་གྱི་མགོན་སོགས། ཚེ་གཟུངས་མཐར། ཛྙཱ་ན་ཨ་བེ་ཤ་ཡ་ཨ་ཨ། བརྗོད་པས་བྱིན་དབབ། ཏིཥྛ་བཛྲས་བརྟན་པར་བྱ། དེ་ནས་བླ་མ་མགོན་པོ་ཚེ་དང་ཡེ་ཤེས་དཔག་ཏུ་མེད་པའི་སྨིན་མཚམས་ཀྱི་མཛོད་སྤུ་ནས་སྤྲོས་པའི་རིག་པའི་ལྷ་མོ་རྣམས་ཀྱིས་བཀྲ་ཤིས་པའི་རྣམ་པ་དུ་མ་དང་ལྡན་པའི་རིན་པོ་ཆེའི་བུམ་པ་འཆི་མེད་ཡེ་ཤེས་བདུད་རྩིའི་བཅུད་ཀྱིས་གང་བས་དབང་བསྐུར་བར་མོས་ཤིག །གཟུངས་བུམ་ཐོགས་ལ། ཨོཾ༔ བུམ་པ་བཟང་པོ་ཆེ་བའི་མཆོག༔ ཡེ་ཤེས་བདུད་རྩིའི་བཅུད་ཀྱིས་གཏམས༔ སྐལ་ལྡན་བུ་ལ་དབང་སྦྱིན་པས༔ ཡང་དག་སྣོད་དང་ལྡན་པར་ཤོག༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ བུམ་ཆུས་བཀྲུ་ཞིང་ལྕེ་ལ་སྦྱིན། དེ་ལྟར་བུམ་པ་བཟང་པོ་ལས་བྱུང་བའི་ཡེ་ཤེས་བདུད་རྩིའི་ཆུ་རྒྱུན་གྱིས་དབང་བསྐུར་བས་བདུད་རྩིའི་རྒྱུན་སྤྱི་བོ་ནས་ཞུགས། ལུས་ཐམས་ཅད་གང༌། དྲི་མ་བག་ཆགས་དང་བཅས་པ་བཀྲུས། ཐོབ་བྱའི་ཡེ་ཤེས་མཐའ་དག་མངོན་དུ་བྱས། ཆུའི་ཟེགས་མ་སྤྱི་བོར་ཡར་ལུད་དེ་འཁྱིལ་བ་རིགས་ཀྱི་བདག་པོའི་ཚུལ་དུ་བཞུགས་པར་གྱུར། སྨིན་ལམ་དབང་གི་བྱེད་ལས་ཀྱིས་ཐུགས་རྒྱུད་ལ་ཟག་མེད་རྒྱལ་བའི་འབྱོར་པ་དུ་མས་བརྒྱན་པའི་དཔལ་ལ་དབང་བསྒྱུར་བའི་ཡོན་ཏན་ཡོངས་སུ་རྫོགས་པའི་མཚོན་བྱེད་དུ་རིན་པོ་ཆེའི་དབུ་རྒྱན་བཅིངས་པར་མོས་མཛོད། ནོར་བུའི་ཅོད་པན་བཅིངས་ཏེ། ཨོཾ༔ སངས་རྒྱས་ཡེ་ཤེས་རིགས་མཆོག་ལྔ༔ མཚོན་བྱེད་རིན་ཆེན་ཅོད་པན་འདིས༔ སྐལ་ལྡན་བུ་ལ་དབང་བསྐུར་བས༔ ཆོས་ཀྱི་རྒྱལ་པོ་དབང་བསྒྱུར་ཤོག༔ ཨོཾ་རཏྣ་མུ་ཀུ་ཊ་ཨ་བྷི་ཥིཉྩ་ཧཱུྃ༔ མཐའ་རྟེན་བཟླས་པའི་ལུང་སྦྱིན་པའི་སླད་དུ་དམིགས་པ་འདི་ལྟར་མཛོད། བཅོམ་ལྡན་འདས་ཀྱི་མགྲིན་པ་ནས་གཟུངས་སྔགས་ཀྱི་ཕྲེང་བ་དཔག་ཏུ་མེད་པ་བྱུང༌། ཁྱེད་རང་རྣམས་ཀྱི་མགྲིན་པ་ནས་ཐིམ་པར་མོས་པས་སྔགས་འདིའི་རྗེས་ཟློས་ལན་གསུམ་མཛོད། ཨོཾ་ན་མོ་བྷ་ག་བ་ཏེ་ཨ་པ་ར་མི་ཏ་ཨཱ་ཡུརྫྙཱ་ན་སུ་བི་ནིཤྩི་ཏ་ཏེ་ཛོ་རཱ་ཛ་ཡ༔ ཏ་ཐཱ་ག་ཏ་ཡ༔ ཨརྷ་ཏེ་སམྱཀྶཾ་བུདྡྷ་ཡ༔ ཏདྱ་ཐཱ༔ ཨོཾ་པུཎྱེ་པུཎྱེ་མ་ཧཱ་པུཎྱེ༔ ཨ་པ་རི་མི་ཏ་པུཎྱེ་ཨ་པ་རི་མི་ཏ་པུཎྱེ་ཛྙཱ་ན་སམྦྷ་རོ་པ་ཙི་ཏེ༔ ཨོཾ་སརྦ་སཾ་སྐཱ་ར་པ་རི་ཤུདྡྷ་དྷརྨ་ཏེ་ག་ག་ན་ས་མུ⁽1419⁾རྣ1$0000240ག1$0000300་ཏེ་སྭ་བྷཱ་ཝ༔ བི་ཤུདྡྷེ༔ མ་ཧཱ་ན་ཡ་པ་རི་ཝ་རེ་སྭཱ་ཧཱ༔ བཟླས་པའི་ལུང་སྦྱིན་པའི་གཏང་རག་ཏུ་མེ་ཏོག་གི་ཕྲེང་བ་ཕུལ་བའི་མོས་པས་འདིའི་རྗེས་ཟློས་མཛོད། བཅོམ་ལྡན་བདག་གིས་བཟུང་ལགས་ཀྱིས། །བདག་ལ་འགོ་བར་མཛད་དུ་གསོལ། །སློབ་དཔོན་ལ་ཕུལ་བའི་མེ་ཏོག་གི་ཕྲེང་བ་སྔགས་ཕྲེང་དུ་བྱིན་གྱིས་བརླབས་ཏེ་སྤྱི་བོར་བཅིངས་པར་མོས་མཛོད། བཅོམ་ལྡན་འདི་ལ་བསྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། །དེང་ནས་ཡི་དམ་ལྷག་པའི་ལྷ་འདིའི་རྣལ་འབྱོར་ལ་བརྩོན་ཞིང་གཟུངས་སྔགས་ཇི་ལྟར་ནུས་པ་བཟླ་སྙམ་པས་འདིའི་རྗེས་ཟློས་མཛོད། སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བས་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོའི་བར་དུ་བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པའི་མཚན་བརྒྱ་རྩ་བརྒྱད་པའི་གཟུངས་སྔགས་ཅི་ནུས་སུ་བཟླ་བར་དམ་བཅའ་བ་ལགས་སོ། །ལན་གསུམ། མཐའ་རྟེན་ཚེ་ཡི་དངོས་གྲུབ་སྦྱིན་པའི་དབང་བསྐུར་བ་ནི། མདུན་གྱི་བདེ་གཤེགས་ཚེ་མཐའ་ཡས་པའི་དཀྱིལ་འཁོར་གྱི་ལྷ་ཚོགས་རྣམས་ཀྱི་སྐུ་ལས་ཡེ་ཤེས་འོད་ཟེར་གྱི་སྣང་བས་ཕྱོགས་བཅུའི་ཞིང་རབ་འབྱམས་རྣམས་སུ་ཁྱབ། ཕྱི་འབྱུང་བ་བཞི། ནང་ལྷ་ཀླུ་དང་དྲང་སྲོང༌། རིག་འཛིན་ཚེ་ལ་དབང་བའི་དངོས་གྲུབ། གསང་བ་རྒྱལ་བ་སྲས་དང་བཅས་པའི་དབང་དང་སྟོབས་བཅུའི་ཚེ་དཔལ། མཁྱེན་བརྩེ་ནུས་པའི་ཡེ་ཤེས་ཀྱི་གཟི་བྱིན་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བསྡུས་པ་ལྟར་འུབ་ཀྱིས་བསྡུས་ནས་མདུན་གྱི་ཚེ་རྫས་དང༌། ཁྱེད་རང་སློབ་མ་རྣམས་ཀྱི་སྒོ་གསུམ་ལ་ཐིམ་པས་ཚེ་དང་ཡེ་ཤེས་ཀྱི་སྣང་བ་རྒྱས་པར་གྱུར་པའི་མོས་པ་མཛོད། མདའ་དར་གཡབ་ཅིང༌། ཧྲཱིཿ ཆོས་སྐུ་མི་འགྱུར་རྡོ་རྗེའི་ཚེ་ཁུག་ཅིག །ལོངས་སྐུ་མི་འགག་པདྨའི་ཚེ་ཁུག་ཅིག །སྤྲུལ་སྐུ་མི་འགྱུར་གཡུང་དྲུང་ཚེ་ཁུག་ཅིག །ཕྱི་སྣོད་བརྟན་པ་འབྱུང་ལྔའི་ཚེ་བཅུད་ཁུག །ནང་བཅུད་གཡོ་བ་སྐྱེ་འགྲོའི་ཚེ་བཅུད་ཁུག །མདོར་ན་སྲིད་ཞིའི་བདེ་སྐྱིད་དཔལ་དང་གཡང༌། །མ་ལུས་འདིར་ཁུག་འདིར་སྡུས་འདིར་ཚོགས་ལ། །མཆོག་དང་ཐུན་མོང་དངོས་གྲུབ་ཀུན་སྩོལ་ཅིག །ཚེ་གཟུངས་བརྗོད། ཚེ་བུམ་ཐོགས་ཏེ། བཅོམ་ལྡན་འདས་མགོན་པོ་ཚེ་མཐའ་ཡས་པས་ཕྱག་མཉམ་བཞག་གི་སྟེང་ལྷུང་བཟེད་བདུད་རྩིས་གང་བའི་དབུས་པད་སྡོང་ལས་སྐྱེས་པའི་ཚེ་བུམ་ཡེ་ཤེས་བདུད་རྩིའི་བཅུད་ཀྱིས་གང་བ་སྤྱི་བོར་བཞག་ཅིང་དབང་བསྐུར་བའི་དགོངས་པ་མཛད་པས་ཚེ་བཅུད་རྣམས་སོར་གྱིས་ཁོལ་བ་ཁ་ནས་ལུད་ཚངས་བུག་ནས་ཞུགས་ཏེ་ལུས་ནང་ཐམས་ཅད་དྭངས་མས་ཁྱབ་སྟེ་སྐྱེ་འཆི་མེད་པའི་ཚེ་ཡི་དབང་མཆོག་དམ་པ་ཐོབ་པར་མོས་མཛོད་ཅིག །ཚེ་བུམ་སྤྱི་བོར་བཞག་ལ། ཧྲཱིཿཧྲཱིཿཧྲཱིཿ འོད་སྣང་མཐའ་ཡས་བཅོམ་ལྡན་ཚེ་དཔག་མེད༔ འཆི་མེད་རྔ་སྒྲ་གསུང་གི་རྡོ་རྗེའི་ལྷ༔ གར་གྱི་དབང་ཕྱུག་པདྨའི་དཀྱིལ་འཁོར་གཙོ༔ འཆི་མེད་མགྱོགས་མ་ལྷ་མོའི་ཚོགས་བཅས་ཀྱིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ སྐྱེ་འཆི་མེད་པ་ཚེ་ཡི་དབང་ཐོབ་ནས༔ འཆི་བདག་ལ་སོགས་བདུད་བཞི་ལས་རྒྱལ་ཏེ༔ དངོས་གྲུབ་མཆོག་གི་སྐལ་བར་ལྡན་པར་ཤོག༔ ཨོཾ་ཛྙཱ་ན་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ། ཕྱག་གཡོན་དུ་ཤེས་རབ་ཀྱི་རྫས་ཚེ་ཡི་བདུད་རྩིའི་བཏུང་བ་ཕུལ་བས་གསུང་འགག་པ་མེད་པ་གཞོམ་མེད་རྡོ་རྗེ་སྟོང་ཉིད་ཀྱི་ཚེ་དབང་ཐོབ་པར་མོས་མཛོད། ཧྲཱིཿ འབྱུང་ལྔའི་དྭངས་མ་སྙིང་པོའི་ཚེ༔ ཡེ་ཤེས་བདུད་རྩིའི་བཅུད་དུ་བསྐྱིལ༔ སྐལ་ལྡན་བུ་ལ་བྱིན་པ་ཡིས༔ འཆི་མེད་མཆོག་གི་གནས་ཐོབ་ཤོག༔ ཨ་མྲྀ་ཏ་ཨ་བྷི་ཥིཉྩ་ཧོ༔ ཕྱག་གཡས་སུ་ཐབས་ཀྱི་རྫས་ཚེ་ཡི་བཟའ་བ་ཕུལ་བས་ཐུགས་འཕོ་འགྱུར་མེད་པ་རྡོ་རྗེ་བདེ་བ་ཆེན་པོ་ཐབས་ཀྱི་ཚེ་ལ་དབང་ཐོབ་པར་མོས་མཛོད། ཧྲཱིཿ ཡེ་ཤེས་སེམས་དཔའ་ཚེ་ཡི་ལྷ༔ སྙིང་གི་དཀྱིལ་དུ་གཉིས་མེད་བཞུགས༔ དངོས་གྲུབ་བརྡ་ཡི་རིལ་བུ་འདིས༔ དོན་གྱི་གནས་ལུགས་རྟོགས་པར་ཤོག༔ ར་ས་ཡ་ན་ཨ་བྷི་ཥིཉྩ་ཧོ༔ དེ་དག་གིས་སློབ་མའི་སྒོ་གསུམ་འཆི་མེད་རྡོ་རྗེ་ཚེ་ལྷའི་གསང་བ་གསུམ་དང་གཉིས་སུ་མེད་པར་བྱིན་གྱིས་བརླབས་པའི་དབང་མཆོག་ཐོབ་པར་མོས་མཛོད། གནས་གསུམ་དུ་ཚེ་མདའ་རྒྱ་གྲམ་དུ་བཞག་ལ། ཧྲཱིཿ ལུས་ལ་རྡོ་རྗེའི་རྒྱས་བཏབ་པས༔ གཞོམ་གཞིག་བྲལ་བའི་དཔལ་ཐོབ་ཤོག༔ ངག་ལ་སྔགས་ཀྱིས་རྒྱས་བཏབ་པས༔ རབ་འབྱམས་ཕྲིན་ལས་ཡོངས་གྲུབ་ཤོག༔ ཡིད་ལ་ཡེ་ཤེས་རྒྱས་བཏབ་པས༔ མི་ཤེས་འཁྲུལ་རྟོག་མུན་སངས་ཤོག༔ སྲིད་པར་ཞི་བའི་རྒྱས་བཏབ་པས༔ སྡུག་བསྔལ་རྒྱུ་འབྲས་ཡོངས་དག་ཤོག༔ དེ་དག་གིས་ཁྱེད་རང་རྣམས་བཅོམ་ལྡན་འདས་མགོན་པོ་འོད་དཔག་ཏུ་མེད་པའི་སྐུར་གྱུར་ཏེ་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་དང་སྐལ་བ་མཉམ་པར་གྱུར་པ་ལ་ཕྱོགས་བཅུའི་རྒྱལ་བ་སྲས་དང་བཅས་པའི་ཐུགས་ཀ་ནས་རིག་པའི་ལྷ་མོ་དཔག་ཏུ་མེད་པ་སྤྲོས་ཏེ་བཀྲ་ཤིས་རྫས་རྟགས་རིན་ཆེན་བདུན་གྱི་འབྱོར་བ་དང་བཅས་པས་ཁམས་གསུམ་ཆོས་ཀྱི་རྒྱལ་པོའི་རྒྱལ་སྲིད་ལ་མངའ་གསོལ་ཞིང༌། ཤིས་པ་བརྗོད་པའི་ཚིགས་སུ་བཅད་པ་དུ་མས་ཀྱང་དགེ་ལེགས་ཀྱི་སྣང་བ་རྒྱས་པར་སྤེལ་བའི་མོས་པ་མཛོད། སོ་སོའི་ཙཀ་ལི་ཐོགས་ལ། བཅོམ་ལྡན་ཤཱཀྱ་སེང་གེས་བྱིན་བརླབས་པའི༔ འཕགས་ལམ་ཡན་ལག་བརྒྱད་ལྡན་བཀྲ་ཤིས་རྫས༔ རེག་པས་མི་མཐུན་ཕྱོགས་ཀུན་ཞི་བ་དང༔ དགེ་ལེགས་ཡོན་ཏན་རྟག་ཏུ་འཕེལ་གྱུར་ཅིག༔ ཨོཾ་མངྒ་ལ་ཀུ་རུ་ཨ་བྷི་ཥིཉྩ་མཱི༔ བསོད་ནམས་ཡོངས་རྫོགས་སངས་རྒྱས་རྣམས་ཀྱི་མཚན༔ རྣམ་ཐར་བརྒྱད་ལྡན་བཀྲ་ཤིས་རྟགས་བརྒྱད་ཀྱིས༔ བྱང་ཆུབ་སེམས་མའི་ཚོགས་བཅས་མངའ་གསོལ་བས༔ འཇིག་རྟེན་ཀུན་ན་རྟག་ཏུ་བདེ་ལེགས་ཤོག༔ ཨོཾ་ཨཥྚ་མངྒ་ལ་ཨ་བྷི་ཥིཉྩ་མཱི༔ འཕགས་པའི་སར་གནས་འཁོར་ལོས་བསྒྱུར་རྣམས་ཀྱི༔ བྱང་ཆུབ་ཡན་ལག་བདུན་ལྡན་རིན་ཆེན་གྱིས༔ དེང་འདིར་ཉོན་མོངས་དགྲ་ལས་རྣམ་རྒྱལ་ཞིང༔ སྲིད་ཞིའི་དཔལ་གྱིས་འབྱོར་པས་དབང་བསྐུར་རོ༔ ཨོཾ་མ་ཧཱ་རཏྣ་སཔྟ་ཨ་བྷི་ཥིཉྩ་མཱིཿ ཞེས་སྦྱིན་ཞིང༌། ཆེ་བའི་ཆེ་མཆོག་སོགས་མདོ་རྒྱུད་ལས་འབྱུང་བའི་བཀྲ་ཤིས་ཇི་ལྟར་རིགས་པ་བརྗོད་ཅིང་མེ་ཏོག་གི་ཆར་ཕབ། དེས་ཚེ་སྒྲུབ་རང་བྱུང་པདྨའི་སྙིང་ཐིག་རྡོ་རྗེ་ཚེ་ཡི་རྒྱུད་ཀྱི་དགོངས་པ་ཕྱི་སྒྲུབ་བཅོམ་ལྡན་འདས་ཚེ་དང་ཡེ་ཤེས་འོད་དཔག་ཏུ་མེད་པ་ལྷ་དགུའི་དཀྱིལ་འཁོར་གྱི་དབང་བསྐུར་ལེགས་པར་ཐོབ་པ་ཡིན་པས། དུས་རྟག་ཏུ་ལྷག་པའི་ལྷ་འདི་ཉིད་ལ་ཕྱག་མཆོད་ཐུགས་དམ་བསྐུལ་ཞིང༌། བསགས་སྦྱང་གི་སྟོབས་ཕུལ་དུ་ཕྱིན་པས་ཚེ་ཡི་དངོས་གྲུབ་ཀྱི་དཔལ་ལ་སྤྱོད་ངེས་པའི་གཡར་དམ་ལྷུར་བླང་བ་འདིའི་རྗེས་ཟློས་མཛོད། གཙོ་བོས་ཇི་ལྟར་སོགས་ནས་གཏང་རག་ལུས་འབུལ་དགེ་བསྔོ་བཅས་མཐར་དབྱུང་ལ་སློབ་མ་རྣམས་གྲོལ། སློབ་དཔོན་གྱིས་ཆོ་གའི་རྗེས་རིམ་མཐར་དབྱུང་བར་བྱའོ། ༈ ཡང་སྐབས་འགའ་ཞིག་ཏུ་བྱབ་ཁྲུས་ཁ་རྐྱང་དུ་བྱེད་ན་བཤམ་བཀོད་སྐབས། མཎྜལ་སྟེང་ཚོམ་བུ་དགུ་བཀོད་པ་ལ་མཉྫིའི་ཁར་བུམ་པ་ཉེར་ལྔའི་རྫས་ལྡན་ཁ་རྒྱན་མགུལ་ཆིངས་གཟུངས་རྡོར་དང་བཅས་པ་བཀོད། མཐར་ཉེར་སྤྱོད་དང་གཏོར་མས་བསྐོར་ལ་ཕྱི་སྒྲུབ་དབང་གི་སྐབས་ལྟར་བུམ་པ་སྒྲུབ་རྗེས་བསྒྲུབ་བྱ་མདུན་དུ་བོས་ལ། ཞི་དྲག་གི་སྦྱོང་བ་གསུམ་སྔོན་དུ་འགྲོ་བས། འོ། ཁྱེད་རང་རྣམས་ལ་ཚེ་དང་ཡེ་ཤེས་དཔག་ཏུ་མེད་པའི་གཟུངས་སྔགས་ཀྱི་ནུས་པས་མི་མཐུན་པའི་ཚོགས་ཞི་བར་བྱེད་པ་ཁྲུས་ཀྱི་ཆོ་གས་རྗེས་སུ་འཛིན་པ་ལ། བཀྲུ་བྱབ་སྲུང་གསུམ་ལས་དང་པོའི་སླད་དུ། སློབ་དཔོན་སངས་རྒྱས་སྣང་བ་མཐའ་ཡས་སུ་གསལ་བའི་མདུན་དུ་ཁྱེད་རང་རྣམས་ཐ་མལ་དུ་གནས་པ་སོགས་ནས། སྲུང་བ་གནས་གསུམ་དུ་རྡོ་རྗེ་རྒྱ་གྲམ་བཞག་པས་རྒྱས་བཏབ་པའི་བར་དབང་གི་སྐབས་བཞིན་དུ་བྱ། སློབ་དཔོན་དང་ནམ་མཁའ་གང་བའི་ལྷ་དང་དྲང་སྲོང་བདེན་ཚིག་གྲུབ་པའི་ཚོགས་ཀྱིས། ཞལ་ནས་ཤིས་བརྗོད་ཀྱི་རྡོ་རྗེའི་གླུ་དང་ལྷ་ཡི་མེ་ཏོག་གི་ཆར་སིལ་མ་བསྙིལ་བས་ཁྱེད་རང་བདེ་གཤེགས་འོད་མཚན་སྟོང་འབར་གྱི་སྐུར་གྱུར་པར་མོས་མཛོད། སྤྲོ་ན་བཀྲ་ཤིས་རྫས་རྟགས་རིན་ཆེན་བདུན་གྱིས་མངའ་འབུལ་བྱ། མཐར་ཤིས་བརྗོད། བསྡུ་ན། ཡེ་དྷརྨ་སོགས། ཆེ་བའི་ཆེ་མཆོག་སོགས་ཀྱིས་ཤིས་བརྗོད་རྒྱས་པར་བྱའོ། ༈ ཡང་ཚེ་དབང་ཁོ་ན་སྒེར་དུ་བྱ་དགོས་བྱུང་ན་བཤམ་བཀོད་སྐབས་ཚེ་བུམ་དང༌། ཚེ་རིལ་ཚེ་ཆང༌། མདའ་དར། མཆོད་པས་བསྐོར། ལས་གཞུང་བསྲངས། ཚེ་རྫས་རྣམས་ལ་ཚེ་བཅུད་བསྡུ་བསྟིམ་གྱི་དམིགས་པ་བྱ། བསྙེན་པའི་རྗེས་ཚེ་འགུགས་ཀྱང་སྦྱར། ལས་བུམ་སྒྲུབ་ནས། དབང་དངོས་ལ་ཁྲུས་བགེགས་བསྐྲད་སྲུང་འཁོར་རྗེས་ལོ་རྒྱུས་སྐབས། སྤྲུལ་སྐུ་ལྷ་དགུ་པའི་དཀྱིལ་འཁོར་དུ་འཆི་མེད་ཚེ་ཡི་དབང་བསྐུར་སྒྲུབ་པ་ལ་སློབ་དཔོན་གྱི་བྱ་བ་གྲུབ་སོགས་ནས་དབང་དཀྱུས་ལྟར་ལ། བྱབ་ཁྲུས་མི་དགོས། སློབ་མ་ལྷར་བསྐྱེད་བྱིན་འབེབས་རྗེས། དེ་ནས་འཆི་མེད་ཚེ་ཡི་དབང་བསྐུར་སྦྱིན་པ་ནི། མདུན་གྱི་བདེ་གཤེགས་སོགས་མཐའ་རྟེན་བར་སྦྱར་བས་རུང་བའང་ཞར་ལས་འཕྲོས་པའོ། །པྃདྨྃའི་རིགས་ཀྱི་འཁོར་ལོས་བསྒྱུར་བ་ཡི། །ལྷ་སྔགས་ཏིང་འཛིན་དུ་མས་འཇུག་པའི་སྒོ། །མྃདོ་སྔགྃས་ཟུང་འཇུག་ལམ་གྱི་སྨིན་བྱེད་འདིས། །ཚེ་དཔལ་སྡེ་བཞིའི་གླིྃང་ཀུན་མཛེས་གྱུར་ཅིག །ཅེས་དངོས་གྲུབ་ཀྱི་རྩ་བ་ཡི་དམ་གྱི་རྡོ་རྗེའི་ཚེ་རྒྱུད་ལས་ཕྱི་ཆགས་བྲལ་སྤྲུལ་སྐུ་ལྟར་སྒྲུབ་པའི་དཀྱིལ་འཁོར་གྱི་སྨིན་ལམ་དབང་གི་ཕྲེང་བ་ལེའུ་ཚན་གཉིས་པའོ།

༈ དགེ་ལེགས་རྟག་པ་དམ་པའི་ཡེ་ཤེས་ནི། །འཆི་མེད་ཚེ་མཆོག་ཟིལ་མངར་འབུམ་འཇོ་བས། །སྲིད་ཞིའི་གདུང་སེལ་བདེ་ཆེན་གར་གྱི་དབང༌། །པདྨའི་དཀྱིལ་འཁོར་ཁྱབ་བདག་འཆར་ལ་འདུད། །མཆོག་གི་གསང་གསུམ་རྡོ་རྗེའི་དབྱིངས་འཇུག་ཐབས། །སྨིན་བྱེད་ངོ་མཚར་སྣང་བའི་སྒོ་འཕར་མཆོག །བླ་མ་ལྷག་པའི་ལྷ་ཡིས་བསྩལ་བ་བཞིན། །སྐལ་བཟང་ཀུན་དགའི་དཔྱིད་དུ་སྤྲོ་བས་དབྱེ། །རང་བྱུང་པདྨའི་སྙིང་ཐིག་རྡོ་རྗེ་ཚེ་ཡི་རྒྱུད་ཆེན་པོའི་རྩ་བའི་ཕྲིན་ལས་ནང་སྒྲུབ་ལྷ་བཅུ་བདུན་པའི་སྨིན་བྱེད་རྒྱས་པར་ཁྲིགས་སུ་བསྡེབ་པ་ལ། རྡོ་རྗེ་སློབ་དཔོན་མཚན་ཉིད་དང་ལྡན་པས་བསྒྲུབ་བྱའི་ལྷ་དུས་གྲངས་མཚན་མའི་བསྙེན་པ་ལས་སུ་རུང་བ་གང་གིས། དད་བརྩོན་ཤེས་རབ་དང་ལྡན་པའི་སློབ་མ་སྣོད་ལྡན་དབང་གི་རིམ་པའི་ཆོ་གས་རྗེས་སུ་བཟུང་བ་ལ་གཉིས། ཡུལ་དང་ཡུལ་ཅན་ལྷག་གནས། དཀྱིལ་འཁོར་དུ་འཇུག་ཅིང་དབང་བསྐུར་བ་གཉིས་ལས། དང་པོ་ཡུལ་ཅན་ལྷ་དང༌། བུམ་པ། ཡུལ་སློབ་མ་ལྷག་གནས་གསུམ་ལས། དང་པོ་ལྷ་ལྷག་གནས་ནི། བཀྲ་ཤིས་བྱིན་ཆགས་དགེ་པའི་སྒྲུབ་གནས་ཀྱི་ཁང་པ་རྒྱན་བཀོད་ཀྱིས་སྤྲས་པར། ཉི་མ་བྱང་བགྲོད་ཡར་ངོའི་དུས་ཚེས་བཟའ་སྐར་དགེ་ཞིང་ཤིས་པར་གཞུང་མཐུན་རྟེན་གྱི་མདུན་དཀྱིལ་འཁོར་གྱི་སྟེགས་བུར་མཎྜལ་ལ་ཚོམ་བུ་འབྲུ་གཤེར་གྱིས་ལྷ་གནས་མ་འཆོལ་བར། དབུས་དང༌། ཕྱོགས་བཞིར་བཞི། དེ་བཞིའི་གཡས་གཡོན་དུ་རེ་རེ། དེ་རྒྱབ་བཞི་བཅས་དེའི་ཉེ་ལོགས་སུ་བུམ་པ་རྒྱན་ལྡན་ཆུས་སུམ་གཉིས་གང་བ་གཉིས་བཤམ། བདག་བསྐྱེད་གཏོར་མ་ཟླུམ་གཏོར་དམར་པོ། གཡས་གཡོན་དུ་སྨན་རཀ །མཐའ་ཉེར་སྤྱོད་ཀྱིས་བསྐོར། མདུན་དུ་དཀར་གཏོར་གསེར་སྐྱེམས་བཅས་བཤམ། བརྒྱུད་འདེབས་སྔོན་དུ་འགྲོ་བས་རྒྱུན་ཁྱེར་གྱི་བསྐྱེད་བཟླས་བསྡུ་ལྡང་བཅས་བྱས་ལ། དཀར་གཏོར་ཆབ་ཀྱིས་བྲན། རྃ་ཡྃ་ཁྃ། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ། ལན་གསུམ། ལོ་ཀ་པཱ་ལ་ས་པ་རི་ཝཱ་ར་བཛྲ་ས་མ་ཡ་ཛཿས་མགྲོན་སྤྱན་དྲངས། སྠ་ན་པ་ཏི་ཀྵེ་ཏྲ་པཱ་ལ་ན་མཿསརྦ་ཏ་ཐཱ་ག་ཏ་བྷྱོ་སོགས་ནམ་མཁའ་མཛོད་སྔགས། གྷྲྀཧྞ་དཾ་བ་ལིཾ་ཏ་སྭཱ་ཧཱ། ལན་གསུམ། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོའམ་གཞན་དག་ལ། །དཀྱིལ་འཁོར་དོན་དུ་ས་ཕྱོགས་འདི། །བདག་ཞུ་ཁྱེད་ཀྱིས་བསྩལ་དུ་གསོལ། །སརྦ་བྷཱུ་ཏ་གཙྪས་ཕྲིན་ལས་གསོལ་ཞིང་གཤེགས་སུ་གསོལ་བས་ས་སློང་གི་དོན་ཡང་ཚང་ངོ༌། །དེ་ནས་ལས་བྱང་ལྟར་མཆོད་པ་བྱིན་རླབས་བཏང༌། ཚོམ་བུ་ལས་སྔགས་ཀྱིས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་མདུན་གྱི་རྟེན། ནམ་མཁའ་རླུང་མེ་ས་རི་རབ༔ སོགས་ལས་བྱང་ལྟར་དམ་ཚིག་པ་བསྐྱེད་ཅིང་ཡེ་ཤེས་པ་སྤྱན་དྲངས་བསྟིམ་ཕྱག་མཆོད་བསྟོད་པའི་བར་དཀྱུས་ལྟར་ལ། རྡོར་དྲིལ་དང་སྤོས་ཐོགས་པས། ཨོཾ༔ མགོན་པོ་ཀུན་གཟིགས་ཐམས་ཅད་མཁྱེན༔ དཀྱིལ་འཁོར་ལྷ་ཚོགས་དགོངས་སུ་གསོལ༔ བདག་གིས་གནས་འདིར་ཡེ་ཤེས་ལྷའི༔ ཕོ་བྲང་ཆེན་པོ་བཞེངས་འཚལ་གྱིས༔ བདག་ཅག་རྡོ་རྗེའི་རིག་པ་འཛིན༔ ཡང་དག་མཆོག་གི་ལམ་འདོད་ཀྱིས༔ བརྩེ་བ་ཆེན་པོས་དགོངས་ནས་ཀྱང༔ ས་ཡི་གནས་འདིར་དཀྱིལ་འཁོར་བཞེངས༔ བསྙེན་སྒྲུབ་གཞུང་བཞིན་བགྱིད་ལགས་ཀྱིས༔ དགྱེས་པའི་གར་གྱིས་གནང་བ་དང༔ དངོས་གྲུབ་སྐལ་པ་བཟང་པོར་སྩོལ༔ ཅེས་གསོལ་བ་བཏབ་པས། དཀྱིལ་འཁོར་གྱི་ལྷ་རྣམས་དགྱེས་པ་ཆེན་པོས་རིག་པ་འཛིན་པ་ཁྱོད་ཀྱིས་དཀྱིལ་འཁོར་གྱི་ལས་ཇི་ལྟར་འོས་པ་གྱིས་ཤིག་ཅེས་བཀས་གནང་བ་བསྩལ་ནས་བར་སྣང་འོད་ཀྱི་དྲྭ་བ་ལ་བཀྲ་ལམ་མེར་བཞུགས་པར་གྱུར། གཉིས་པ་བུམ་པ་ལྷག་གནས་ནི། རིན་པོ་ཆེའི་བུམ་པ་དྲིའི་ཆབ་དང་སོ་ལྔའི་བཅུད་ལྡན་གཉིས་མགུལ་ཆིངས་དང་བཅས་པ་བཀོད་ནས་མཆོད་པ་རྣམས་སྔར་ལྟར་གསར་དུ་བཤམ་པའམ་ཁ་གསོ། དུང་ཞལ་གཟུངས་ཐག་བཅས་འདུ་བྱས་ལ། བསང་སྦྱང༌། སྟོང་པའི་ངང་ལས་པད་ཟླའི་སྟེང༔ བྷྲཱུྃ་ལས་རིན་ཆེན་བུམ་པ་ཆེ༔ མཚན་ཉིད་རྫོགས་པའི་གཞལ་ཡས་ཁང༔ བདུད་རྩིའི་རྒྱ་མཚོ་ཡངས་པའི་དབུས༔ པདྨའི་སྡོང་བུ་འདབ་རྒྱས་སྟེང༔ ཧྲཱིཿལས་བཅོམ་ལྡན་ཚེ་དཔག་མེད༔ དམར་གསལ་མཚན་དཔེའི་གཟི་བྱིན་འབར༔ ལོངས་སྤྱོད་རྫོགས་པའི་རྒྱན་ཆས་མཛེས༔ ཞི་འཛུམ་གཞོན་ནུའི་ངང་ཚུལ་ཅན༔ རྡོ་རྗེའི་སྐྱིལ་མོ་ཀྲུང་གིས་བཞུགས༔ ཕྱག་གཉིས་མཉམ་བཞག་ཕྱག་རྒྱའི་སྟེང༔ འཆི་མེད་ཚེ་ཡི་བུམ་པ་བསྣམས༔ པང་དུ་རང་འོད་གོས་དཀར་མོ༔ དམར་གསལ་གཞོན་ནུ་མ་ཡི་གཟུགས༔ གཅེར་བུ་རུས་པའི་ཕྱག་རྒྱ་ཅན༔ པད་ཕྲེང་ཚེ་ཡི་བུམ་པ་འཛིན༔ གཉིས་མེད་འཁྲིལ་སྦྱོར་བདེ་བས་དགྱེས༔ འོད་ཀྱི་ཕུང་པོ་འབར་བ་ལས༔ ཕོ་ཉ་མགྱོགས་མ་འཕྲོ་ཞིང་འདུ༔ ཡབ་ཡུམ་སྦྱོར་བའི་བྱང་ཆུབ་སེམས༔ ཧཱུྃ་ཏྲཱྃ་ཨོཾ་ཨཱཿཡབ་ཀྱི་སྙིང༔ མཱུྃ་ལཱྃ་མཱྃ་ཏཱྃ་ཡུམ་གྱི་སྙིང༔ ཟུང་རེ་འཕྲོས་པ་ཕྱོགས་བཞིར་བབས༔ ཤར་དུ་མི་བསྐྱོད་ཚེ་དཔག་མེད༔ མཱ་ཀི་ཡུམ་དང་བཅས་པ་མཐིང༔ ལྷོ་རུ་རིན་འབྱུང་ཚེ་དཔག་མེད༔ སྤྱན་མ་ཡུམ་དང་བཅས་པ་སེར༔ ནུབ་ཏུ་རྣམ་སྣང་ཚེ་དཔག་མེད༔ དབྱིངས་ཕྱུག་ཡུམ་དང་བཅས་པ་དཀར༔ བྱང་དུ་དོན་གྲུབ་ཚེ་དཔག་མེད༔ སྒྲོལ་མ་ཡུམ་དང་བཅས་པ་ལྗང༔ ཀུན་ཀྱང་ཆ་ལུགས་གཙོ་དང་མཚུངས༔ མཉམ་བཞག་ཕྱག་རྒྱས་ཚེ་བུམ་འཛིན༔ ཡུམ་རྣམས་པད་ཕྲེང་བུམ་པ་བཅས༔ བདེ་སྟོང་སྦྱོར་བའི་ཆོ་འཕྲུལ་མཛེས༔ ཚེ་བདག་རིགས་བཞིའི་གཡས་ཀྱི་ཟུར༔ རྡོ་རྗེ་སྒེག་མོ་སྐུ་མདོག་དཀར༔ རྡོ་རྗེ་ཕྲེང་བ་མཐིང་ལ་མཛེས༔ རྡོ་རྗེ་གླུ་མ་དམར་མོ་སྒེག༔ རྡོ་རྗེ་གར་མ་ལྗང་གུའི་མདོག༔ ལོངས་སྤྱོད་རྫོགས་པའི་གཞོན་ཚུལ་གྱིས༔ ཕྱེད་སྐྱིལ་ཚེ་ཡི་བུམ་པ་འཛིན༔ གཡོན་གྱི་ཟུར་བཞིར་མགྱོགས་མ་བཞི༔ དཀར་མཐིང་དམར་ལྗང་ལྷ་མོའི་ཆས༔ པདྨའི་དཀྱིལ་ཀྲུང་ཚེ་བུམ་ཅན༔ ཀུན་ཀྱང་པད་ཟླའི་སྟེང་ན་བཞུགས༔ སྒོ་བཞིར་རྡོ་རྗེ་ལྕགས་ཀྱུ་མ༔ ཞགས་པ་ལྕགས་སྒྲོག་དྲིལ་བུ་ཅན༔ ཕྱག་རྒྱ་བཞི་དང་མདའ་དར་འཛིན༔ བརྐྱང་བསྐུམ་གར་གྱིས་པད་ཉིར་བཞེངས༔ བར་མཚམས་ཚེ་ཡི་རིག་འཛིན་དང༔ འཆི་མེད་ཡེ་ཤེས་ལྷ་ཡི་ཚོགས༔ ཉི་ཟེར་རྡུལ་གྱི་ཕུང་པོ་བཞིན༔ བསམ་ཡས་བཀོད་པ་འཕྲོ་ཞིང་འདུ༔ གནས་གསུམ་ཨོཾ་ཨཱཿཧཱུྃ་གི་འབྲུས༔ སྐུ་གསུང་ཐུགས་ཀྱི་བྱིན་རླབས་བསྡུས༔ སྤྱི་བོའི་གནས་ལྔར་ས་བོན་ལྔ༔ ཡོངས་གྱུར་རིགས་ལྔའི་ཆོ་འཕྲུལ་གྱི༔ བྱང་ཆུབ་སེམས་ཀྱི་བདུད་རྩི་ཡིས༔ དབང་བསྐུར་རིགས་ཀྱི་འཁོར་ལོས་བསྒྱུར༔ སྣང་མཐའ་ཡས་པའི་རྒྱས་བཏབ་སྟེ༔ དཀྱིལ་འཁོར་ཆེན་པོ་རྫོགས་པར་གྱུར༔ བཛྲ་ཛྙཱ་ན་ཀཱ་ཡ་ཨོཾ༔ བཛྲ་ཛྙཱ་ན་ཝཱཀ་ཨཱཿ བཛྲ་ཛྙཱ་ན་ཙིཏྟ་ཧཱུྃ༔ ཧྲཱིཿཧཱུྃ་ཏྲཱྃ་ཨོཾ་ཨཱཿ ཨ་བྷི་ཥིཉྩ་མི༔ ཡེ་ཤེས་པ་སྤྱན་འདྲེན་བཞུགས་གསོལ་ཕྱག་མཆོད་བསྟོད་པའི་བར་ལས་བྱང་ལྟར་བཏང༌། རང་གི་ཐུགས་ནས་སྔགས་ཀྱི་ཕྲེང༔ རྡོ་རྗེའི་གཟུངས་ཐག་ལ་བརྒྱུད་དེ༔ བུམ་ལྷའི་ཐུགས་དམ་རྒྱུད་བསྐུལ་བས༔ བདེ་སྟོང་རོལ་པའི་འོད་ཟེར་སྤྲིན༔ མཁའ་ཁྱབ་ཀུན་ཏུ་སྣང་བ་ཡིས༔ འཕགས་མཆོད་འགྲོ་བའི་དོན་ཀུན་བསྒྲུབས༔ ཚུར་འདུས་ཐུགས་ཀྱི་དཔལ་བེར་འཁྱིལ༔ སྐུ་དང་སྔགས་ལས་བདུད་རྩིའི་རྒྱུན༔ དཔག་མེད་བྱུང་ནས་བུམ་པའི་བཅུད༔ དངོས་གྲུབ་ཀུན་གྱི་སྙིང་པོར་གྱུར༔ གཟུངས་ཐག་བླང་ལ་བསྙེན་སྒྲུབ་ལས་གསུམ་གྱི་སྔགས་ཅི་ནུས་བཟླ། ཨོཾ་ཨཱཿཧཱུྃ། ཞེས་དུང་ཞལ་གྱི་ཆུ་མཆོད་ཡོན་དུ་ཕུལ་བས་ལྷ་ཚོགས་བདེ་བ་ཆེན་པོའི་ངོ་བོར་འོད་དུ་ཞུ་བས་འཆི་མེད་ཚེ་དང་ཡེ་ཤེས་ཀྱི་དངོས་གྲུབ་སྟེར་བའི་རྡོ་རྗེ་བདུད་རྩིའི་ཆུ་རྒྱུན་དུ་གྱུར། ཅེས་མོས། ལས་བུམ་ནང་དུ་པད་ཉིའི་སྟེང༔ པདྨ་རྟ་མགྲིན་སྐུ་མདོག་དམར༔ ཕྱག་གཉིས་པདྨ་དྲིལ་བུ་འཛིན༔ དུར་ཁྲོད་ཆས་རྫོགས་དོར་སྟབས་བཞུགས༔ སྐུ་ལས་རྡོ་རྗེ་བདུད་རྩིའི་རྒྱུན༔ བབས་པས་བུམ་པ་གང་བར་བསམ༔ ཨོཾ་ཧྲཱིཿཔདྨཱནྟ་ཀྲྀཏ་སརྦ་བིགྷྣཱན་ཧ་ན་ཧ་ན་ཧཱུྃ་ཕཊ྄ཿ ཅེས་བརྒྱ་རྩ་བརྒྱད་བཟླ། དཔལ་ཁྲོ་བོའི་རྒྱལ་པོ་རྟ་མགྲིན་གྱིས་དབང་བསྐུར་གྱི་བྱ་བ་མ་གྲུབ་ཀྱི་བར་དུ་བར་གཅོད་ཀྱི་བགེགས་ཐམས་ཅད་བཟློག་པའི་ཕྲིན་ལས་མཛད་དུ་གསོལ། ཅེས་ལས་བཅོལ་ནས་བཞག །གསུམ་པ་ནི། སྟ་གོན་རྫས་བཞི་དང༌། སློབ་མ་མཆོད་པ་བཅས་འདུ་བྱས་ལ། སློབ་མ་དམ་ཚིག་སྲུང་ནུས་ཤིང་དྲང་དོན་ཆོས་ཀྱི་རྒྱུད་སྦྱངས་པ་འོས་སུ་གྱུར་པ་ཇི་ལྟར་རིགས་པ་བོས་ལ་སྒོའི་ཕྱི་རོལ་དུ་ཁྲུས་ནས་དབྱུང༌། ཡོལ་བའི་ཕྱི་རོལ་དུ་འཁོད་པ་ལ་མཎྜལ་བཀྱེ་བསྡུ་དང་སེམས་བསྐྱེད་གསལ་གདབ། ཆོས་བཤད་ཅི་རིགས་སྔོན་དུ་འགྲོ་བས། དེ་ཡང་རྡོ་རྗེ་ཐེག་པ་སྔགས་ཀྱི་གསང་བ་ཟབ་མོའི་དབང་དང་བསྐྱེད་རྫོགས་ཐམས་ཅད་ཀྱི་ལམ་གྱི་རྟེན་ཁྱད་པར་ཅན་ནི་ཁམས་དྲུག་དང་ལྡན་པའི་འཛམ་གླིང་ལས་ཀྱི་ས་པའི་དལ་འབྱོར་གྱི་ཡོན་ཏན་རྫོགས་པ་འདི་ཉིད་དེ། རྟེན་འདི་ནི་རྒྱུ་དཔེ་གྲངས་གསུམ་གྱི་སྒོ་ནས་བསམ་ན་ཤིན་ཏུ་རྙེད་དཀའ་ཞིང་རྙེད་པ་ཉིད་མྱུར་དུ་དོན་དང་ལྡན་པར་མ་བྱས་ན་ལུས་འདིས་མཚོན་པའི་ཕྱི་སྣོད་ཀྱི་འཇིག་རྟེན་ནང་བཅུད་ཀྱི་ཚེ་སྲོག །བདེ་སྡུག་རྐྱེན་གྱི་འགྱུར་བ་ཐམས་ཅད་སོ་མ་བཏང་བའི་ཆུ་སྣོད་ལྟར་གཡོ་ཞིང་འཇིག་པར་འགྱུར་བའི་བདག་ཉིད་ཅན་ལ་ཕན་ངེས་པ་ནི་དམ་པའི་ཆོས་ཁོ་ན་ལས་མེད་ལ། ཆོས་དེ་ད་ལྟ་ན་འཆིའི་མ་གཏུག་པའི་སྔོན་རོལ་བདེ་ཞིང་སྐྱིད་པ་གསོན་དུས་སུ་མ་བྱས་ན་འཆི་ཁར་ཆོས་ཡང་དག་པ་སྒྲུབ་མི་ནུས་ཤིང༌། སྒྲུབ་པའི་ལོང་ཁོམ་མེད་ལ། འཆི་ནས་བར་དོར་སླེབ་ན་དགེ་སྡིག་སྟོབས་གང་ཆེས་གནས་རིས་མཐོ་དམན་དུ་བགྲོད་པ་ལས་རང་ལ་རང་དབང་མེད་པའི་རྒྱུ་མཚན་ཤེས་པས་ད་ལྟའི་སྐབས་འདིར་སྐྱེས་བུ་གསུམ་གྱི་ལམ་ལ་འདམ་ཀ་མེད་པར་ཅི་ནུས་སུ་བརྩོན་པ་གལ་ཆེ་ཞིང༌། ད་ལྟའི་དུས་འདིར་ཡང་དག་པའི་དགེ་བའི་བཤེས་གཉེན་གྱི་རྗེས་སུ་ཟིན། མདོ་སྔགས་ཀྱི་ཆོས་ལ་ཐོས་བསམ་བསྒོམ་པ་ཕྱོགས་མེད་དུ་བྱེད་པའི་ལེགས་ཚོགས་མཐའ་དག་ངང་གིས་འབྱོར་བ་དེད་དཔོན་རིན་པོ་ཆེའི་གླིང་དུ་ཕྱིན་པ་ལྟ་བུ་འདི་ངོ་ཤེས་པས་ཐེག་པ་ཆེན་པོ་གསང་སྔགས་བླ་མེད་ཀྱི་སྒོར་ཞུགས་ནས་མི་སློབ་ཟུང་འཇུག་གི་གོ་འཕང་རྟེན་འདིར་མངོན་དུ་བྱ་བ་ནི་འདུན་མ་མ་ནོར་བ་ཡིན་ཅིང༌། རྡོ་རྗེ་ཐེག་པ་ལའང་རྒྱུད་དང་སྒྲུབ་སྡེས་ཕྱེ་བའི་མན་ངག་གི་བཀའ་སྲོལ་རྣམ་པ་གཉིས་སུ་བཞུགས་པ་ལས་སྐབས་འདིར་ཕྱི་མའི་བྱེ་བྲག་སྟེ། དེ་ལའང་སྒྲུབ་སྡེ་བཀའ་བརྒྱད་དུ་གྲགས་པ་ལས། གསུང་རྡོ་རྗེ་པདྨ་འཁོར་ལོས་བསྒྱུར་བ་ཞི་བ་རིགས་ལྔ་སྒྱུ་འཕྲུལ་དྲྭ་བའི་རྒྱུད་ལུང་མན་ངག་ལ་བསྟེན་པའི་བསྐྱེད་རྫོགས་རྫོགས་ཆེན་དང་བཅས་པའི་ལམ་གྱིས་འཆི་མེད་རྡོ་རྗེའི་ཚེ་ཡི་དངོས་གྲུབ་སྒྲུབ་པའི་རིམ་པ་པདྨ་ཚེ་ཡི་སྙིང་ཐིག་ཏུ་གྲགས་པ་འདི་ནི་སྐུ་ཚེ་འདི་ཉིད་ལ་འཆི་མེད་ཡེ་ཤེས་རྡོ་རྗེའི་སྐུ་མངོན་དུ་བརྙེས་ཤིང་སངས་རྒྱས་ཀུན་གྱི་མཁྱེན་བརྩེ་ནུས་པའི་ཕྲིན་ལས་མ་ལུས་པ་གཅིག་ཏུ་རྫོགས་པས་ད་ལྟའང་འཛམ་གླིང་ལྷོ་ནུབ་ཟངས་མདོག་དཔལ་རིར་མངོན་སུམ་དུ་བཞུགས་པའི་ཨོ་རྒྱན་གྱི་སློབ་དཔོན་ཆེན་པོ་པདྨ་སམ་བྷ་ཝ་དང༌། འཆི་མེད་གྲུབ་པའི་པཎྜི་ཏ་ཆེན་པོ་ཛེ་ཏཱ་རི་དགྲ་ལས་རྣམ་པར་རྒྱལ་བ་གཉིས་ཀྱི་དགོངས་བཅུད་གཅིག་དྲིལ་རང་བྱུང་པདྨ་ཚེ་ཡི་སྙིང་ཐིག་ཅེས་རྩ་བ་གསུམ་ལ་བརྟེན་ནས་ཚེ་སྒྲུབ་པའི་བསྐྱེད་རྫོགས་མན་ངག་དང་བཅས་པ་པདྨ་གར་དབང་འོད་གསལ་མདོ་སྔགས་གླིང་པར་བཀའ་བབས་པའི་ཆོས་སྐོར་ལས། ཡི་དམ་ཚེ་དཔག་མེད་པ་ལ་བརྟེན་པའི་ཚེ་ཡི་ནང་སྒྲུབ་རིགས་ལྔ་ཚེ་དཔག་མེད་ལྷ་བཅུ་བདུན་པའི་དཀྱིལ་འཁོར་དུ་དབང་བསྐུར་སྦྱིན་པའི་སྔོན་འགྲོ་ལྷག་གནས་ཀྱི་སྐབས་སུ་བབས་པ་སྟེ། དེ་ལའང་ལྷ་དང་བུམ་པའི་ལྷག་གནས་ཀྱི་རིམ་པ་གྲུབ་ནས། གསུམ་པ་སློབ་མ་ལྷག་གནས་ཀྱི་རིམ་པ་གསན་པའི་སླད་དུ་མཎྜལ་ཕུལ། ཅེས་མཚམས་སྦྱར་ལ་མཎྜལ་འབུལ་དུ་གཞུག ཐལ་མོ་མེ་ཏོག་དང་བཅས་ཏེ་གུས་པ་ཆེན་པོས་གསོལ་བ་འདེབས་པ་འདིའི་རྗེས་ཟློས་མཛོད། པདྨའི་རིགས་མཆོག་བཅོམ་ལྡན་འདས༔ རྡོ་རྗེའི་བླ་མ་དགོངས་སུ་གསོལ༔ བདག་ཅག་འཁོར་བ་ལས་བསྒྲལ་ཕྱིར༔ ཐུགས་རྗེ་ཆེན་པོས་རྗེས་བཟུང་འཚལ༔ ལན་གསུམ། དེ་ལྟར་གསོལ་བ་བཏབ་པ་ལ་གདམས་པའི་གནད་དགྲོལ་བཀའི་གནང་བ་སྦྱིན་པ་ལགས་ཏེ། བསམ་ཡས་ཐེག་པའི་འཇུག་སྒོ་ནི༔ བློ་དང་འཚམ་པར་སྣང་བ་ལས༔ མཐར་ཐུག་རྡོ་རྗེའི་དཀྱིལ་འཁོར་དུ༔ འཇུག་པའི་སྐལ་ལྡན་ཤིན་ཏུ་དཀོན༔ དད་དང་དམ་ཚིག་མཆོག་ལྡན་ཅིང༔ རྡོ་རྗེ་འཛིན་པའི་བསླབ་པ་ལས༔ ནམ་ཡང་འདའ་བར་མི་བགྱིད་ན༔ སངས་རྒྱས་རྣམས་ནི་ཐམས་ཅད་ཀྱི༔ མངོན་པར་བྱང་ཆུབ་ལམ་གྱི་མཆོག༔ ཡང་དག་ངེས་པའི་གསང་བ་བཞིན༔ ཐར་པ་ཆེན་པོའི་གྲོང་ཁྱེར་དུ༔ བདག་གི་སྣོད་དུ་རུང་བའི་ཕྱིར༔ ལྷག་པར་གནས་པའི་ཆོ་ག་བྱ༔ ཞེས་གདམས་པའི་ལན་གསོལ་བ་འདིའི་རྗེས་ཟློས། བདག་ནི་གཙོ་བོ་ཁྱོད་ཉིད་ལས༔ སྐྱབས་གནས་གཞན་ན་མ་མཆིས་ཕྱིར༔ ཇི་ལྟར་བཀའ་བསྩལ་བསྒྲུབ་བགྱིད་ན༔ ངེས་པར་དགོངས་ཏེ་གནང་དུ་གསོལ༔ དེ་ནས་ཐོག་མར་རྒྱུད་རྣམ་པར་དག་པར་བྱ་བའི་སླད་དུ་བླ་མ་དང༌། མདུན་གྱི་ནམ་མཁར་བཅོམ་ལྡན་འདས་ཚེ་དཔག་ཏུ་མེད་པའི་དཀྱིལ་འཁོར་ལ་རྩ་གསུམ་རྒྱལ་བ་སྲས་དང་བཅས་པས་བསྐོར་ཏེ་སྤྲིན་གཏིབས་པ་བཞིན་བཞུགས་པ་ལ། བདག་གཞན་མཁའ་ཁྱབ་ཀྱི་ཡིད་ཅན་མཐའ་དག་དེང་ནས་བྱང་ཆུབ་མ་ཐོབ་ཀྱི་བར་དུ་ཅི་མཛད་ཁྱེད་མཁྱེན་བློ་གཏད་ལིང་བསྐྱུར་གྱིས་སྐྱབས་སུ་འགྲོ་བའི་འདུན་པས་འདིའི་རྗེས་ཟློས་ལན་གསུམ་མཛོད། ན་མོ༔ བདག་ནི་དེང་ནས་བྱང་ཆུབ་བར༔ བླ་མ་དཀོན་མཆོག་རྣམ་གསུམ་ལ༔ མི་ཕྱེད་དད་དང་དྭངས་བའི་བློས༔ རྩེ་གཅིག་གུས་པས་སྐྱབས་སུ་མཆི༔ ཞེས་ལན་གསུམ། ཐོག་མེད་ཀྱི་དུས་ནས་ཕ་མར་གྱུར་པའི་ནམ་མཁའི་མཐའ་ཁྱབ་ཀྱི་སེམས་ཅན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་ཏེ་བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པའི་གོ་འཕང་ལ་འགོད་པར་བྱ། དེའི་ཆེད་དུ་བླ་ན་མེད་པའི་དཀྱིལ་འཁོར་གཉེན་པོ་འདིར་འཇུག་ཅིང་སྨིན་བྱེད་ཀྱི་དབང་བསྐུར་ནོད་ལ་གྲོལ་བྱེད་ལམ་གྱི་རིམ་པ་གཉིས་བསྒོམ་པར་བགྱིའོ་སྙམ་དུ་སྨོན་འཇུག་བྱང་ཆུབ་མཆོག་ཏུ་སེམས་བསྐྱེད་པ་གསལ་ཐོབ་ལ་འདིའི་རྗེས་ཟློས་མཛོད། ཧོཿ ནམ་མཁའ་མཉམ་པའི་སེམས་ཅན་རྣམས༔ མ་རྟོགས་བདག་ཏུ་བཟུང་བའི་བློས༔ སྐྱེ་འཆི་མཚན་མའི་ཆོས་ལ་ཞེན༔ བསྒྲལ་ཕྱིར་སེམས་ཀྱིས་དམ་བཅའ་བཟུང༔ འགྲོ་ཀུན་བདག་གི་ཕ་མ་སྟེ༔ དེ་དག་བྱང་ཆུབ་འགོད་པའི་བློས༔ སྦྱིན་སོགས་ཕ་རོལ་ཕྱིན་པ་ཡི༔ རྒྱལ་སྲས་སྤྱོད་ལ་བསླབ་པར་བགྱི༔ ལན་གསུམ། ཚོགས་ཀྱི་ཞིང་ཁྱད་པར་ཅན་དེ་དག་གི་སྤྱན་སྔར། བདག་སོགས་སེམས་ཅན་ཐམས་ཅད་ཀྱི་ལུས་ཞིང་གི་རྡུལ་སྙེད་དུ་སྤྲུལ་ནས་སྒོ་གསུམ་གུས་པ་ཆེན་པོས་ཕྱག་འཚལ་ཞིང༌། ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་རྒྱ་མཚོས་མཆོད་པ་དང༌། སྔར་བྱས་ཀྱི་སྡིག་ལྟུང་མཐའ་དག་སྙིང་ནས་འགྱོད་པས་བཤགས་ཤིང་ཕྱིན་ཆད་མི་བགྱི་བར་དམ་འཆའ་བ་དང༌། ཚོགས་གཉིས་ཀྱིས་བསྡུས་པའི་དགེ་སྤྱོད་ལ་རྗེས་སུ་ཡི་རང་ཞིང༌། བླ་ན་མེད་པའི་ཆོས་ཀྱི་འཁོར་ལོ་བསྐོར་བར་བསྐུལ་བ་དང༌། འཁོར་བ་ཇི་སྲིད་བར་དུ་མྱ་ངན་ལས་མི་འདའ་བར་བཞུགས་པར་གསོལ་ཞིང༌། དགེ་རྩ་བྱང་ཆུབ་ཆེན་པོར་ཡོངས་སུ་བསྔོ་བ་བཅས་བདུན་རྣམ་དག་ཚུལ་བཞིན་བགྱི་བའི་བློས་འདིའི་རྗེས་ཟློས། ཧོཿ ཕྱོགས་དུས་རྒྱལ་བ་སྲས་བཅས་དང༔ ཚེ་དཔག་མེད་མགོན་ཞབས་པདྨོར༔ ཞིང་རྡུལ་ཀུན་གྱི་གྲངས་སྙེད་ཀྱི༔ སྒོ་གསུམ་གུས་པས་ཕྱག་འཚལ་ལོ༔ ཕྱི་ནང་གསང་བ་བླ་མེད་པའི༔ ཀུན་བཟང་མཆོད་སྤྲིན་རྒྱ་མཚོས་མཆོད༔ སྡིག་སྒྲིབ་ཉེས་ལྟུང་མཐོལ་ཞིང་བཤགས༔ ཚོགས་གཉིས་སྤྱོད་ལ་རྗེས་ཡི་རང༔ ཆོས་ཀྱི་འཁོར་ལོ་བསྐོར་བཞིན་དུ༔ མྱ་ངན་མི་འདའ་བཞུགས་གསོལ་འདེབས༔ དགེ་ཚོགས་བྱང་ཆུབ་ཆེན་པོར་བསྔོ༔ གཞན་དོན་སངས་རྒྱས་མྱུར་འགྲུབ་ཤོག༔ ལན་གསུམ། དབང་གི་ཡེ་ཤེས་སྐྱེ་བརྟན་གོང་འཕེལ་དུ་འགྱུར་བ་ལ་རྒྱུད་སྡོམ་པ་དང་ལྡན་པ་དགོས་པས། ཚོགས་ཞིང་དེ་རྣམས་དཔང་པོར་བྱས་ཏེ་ཕྱི་སོ་སོ་ཐར་པའི་སྡོམ་པ། ནང་བྱང་ཆུབ་སེམས་ཀྱི་བསླབ་པ། གསང་བ་བླ་མེད་རྡོ་རྗེ་ཐེག་པའི་དམ་ཚིག་རྣམས་ལེགས་པར་བླངས་ནས་ཚུལ་བཞིན་བསྲུང་སྙམ་པས་འདིའི་རྗེས་ཟློས། སྲས་བཅས་སངས་རྒྱས་ཐམས་ཅད་དང༔ དཔའ་བོ་རྣལ་འབྱོར་མ་རྣམས་ཀུན༔ བདག་ལ་དགོངས་པར་མཛད་དུ་གསོལ། རིག་པ་འཛིན་པ་བདག་གིས་ནི༔ ངེས་འབྱུང་བསམ་པ་མཆོག་ལྡན་པའི༔ སོ་སོ་ཐར་པའི་སྡོམ་པ་དང༔ གཞན་ཕན་བློ་གྲོས་མི་འགྱུར་བའི༔ བྱང་ཆུབ་སེམས་དཔའི་ཚུལ་ཁྲིམས་དང༔ ཐ་མལ་སྣང་ཞེན་སྡོམ་པའི་མཆོག༔ རིག་པ་འཛིན་པའི་སྡེ་སྣོད་ཀྱི༔ དམ་ཚིག་གནས་རྣམས་མ་ལུས་པ༔ བདག་གིས་ཡང་དག་བཟུང་བར་བགྱི༔ ཚུལ་བཞིན་སྲུང་ཞིང་བསླབ་པ་ཡིས༔ རང་རྒྱུད་དག་པར་མཛད་དུ་གསོལ༔ ལན་གསུམ། དྲི་དང་བ་བྱུང་གིས་བྱུག་པའི་མཎྜལ་མདུན་དུ་བཀོད། སོ་ཤིང་ཚད་ལྡན་ལས་སྔགས་དང་ལས་ཆུས་བསང༌། དེ་ནས་དངོས་གྲུབ་ཀྱི་སྣོད་བརྟགས་པའི་ཕྱིར་དུ། དྲི་ལྡན་གྱི་ཤིང་ལ་སོར་བཅུ་གཉིས་པའི་ཚད་དང་མེ་ཏོག་གི་ཅོད་པན་ཅན་གྱི་སོ་ཤིང་འདི་ཉིད་ཁྱེད་རང་རྣམས་ལ་བྱིན་པ་མཁའ་དབྱིངས་ཀྱི་རྒྱས་ཐོགས་ཏེ། རྩེ་མོས་སོ་བྲུ་བའི་ཚུལ་བྱས་པས་དེ་ལས་འཕྲོས་པའི་འོད་ཟེར་གྱིས་ལུས་ཀྱི་ནང་གང༌། སྡིག་སྒྲིབ་ཉེས་ལྟུང་ཐམས་ཅད་སྐད་ཅིག་གིས་སྦྱངས་པར་མོས་པ་དང་བདག་ལ་དངོས་གྲུབ་ཀྱི་ལྟས་གསལ་བར་བསྟན་དུ་གསོལ་སྙམ་པས་སྔགས་འདིའི་རྗེས་ཟློས་དང་བཅས་ཏེ་མཎྜལ་དབུས་སུ་ལྟོས་མེད་དུ་དོར་མཛོད། བཛྲ་ཧ་ས་ཧ༔ ཞེས་འདོར་དུ་གཞུག །དེ་ལྟར་དོར་བའི་སོ་ཤིང་གི་རྩེ་མོ་ཤར་དུ་བསྟན་ན་ཞི་བ། ལྷོར་རྒྱས་པ། ནུབ་ཏུ་དབང༌། བྱང་དུ་དྲག་པོའི་ཕྲིན་ལས། མཚམས་རྣམས་སུ་ཕྲ་མོའི་དངོས་གྲུབ། རང་དང་བླ་མ་ལ་བསྟན་ན་མཆོག་གི་དངོས་གྲུབ་འགྲུབ་པའི་ལྟས་སུ་ཡིན་པར་གསུངས་སོ། །དུང་ཞལ་དྲི་ལྡན་ཆུའི་གང་བ་ལས་སྔགས། ཨོཾ་པདྨ་ཀྲོ་དྷ་ཧྱ་གྲཱྀ་ཝ་ཧཱུྃ་ཕཊ྄༔ བཟླས་པས་བྱིན་བརླབས་ལ། རྨི་ལམ་བརྟགས་པའི་སྔོན་འགྲོར་ཁྱོར་ཆུ་སྦྱིན་པ་ནི། དྲི་བཟང་དང་སྦྱར་བའི་ཆུས་ཁ་བཤལ་ལ་ལྷག་མ་རྒྱབ་ཏུ་དོར་བས་སྒོ་གསུམ་གྱི་ཉེས་པའི་ཚོགས་སྤྱི་དང་ཁྱད་པར་ངག་གི་ཉེས་སྐྱོན་སྤྱི་དང་བྱེ་བྲག་ཐམས་ཅད་ལྷག་མེད་དུ་བྱང་བའི་མོས་པ་མཛོད། ཨོཾ་ཧྲཱིཿབི་ཤུདྡྷ་སརྦ་དྷརྨ་སརྦ་པཱ་པཾ་ནཤྩཱ་སཾ་ཤོ་དྷ་ཡ་སརྦ་བི་ཀལྤཱན་ཨ་པ་ན་ཡ་ཧཱུྃ༔ ཞེས་དུང་ཆུ་ལན་གསུམ་དུ་སྦྱིན་ལ་ཁ་བཤལ། སྐུད་པ་དམར་པོ་སུམ་བསྒྲིལ་རྡོ་རྗེའི་མདུད་པ་སུམ་བཏབ་པར་ལས་སྔགས་བཟླས་པས་བྱིན་གྱིས་བརླབ། བྱིན་གྱིས་བརླབས་པའི་རྡོ་རྗེའི་མདུད་པ་འདི་ཉིད་ཕོ་ཡི་དཔུང་པ་གཡོན་དང་མོའི་གཡས་སུ་བཅིངས་པས་སྒོ་གསུམ་ལ་བར་དུ་གཅོད་པའི་ཚོགས་སྤྱི་དང་ཁྱད་པར་ཁམས་འཕོ་བའི་གེགས་ལས་བསྲུང་བར་བྱས་པར་མོས་ཤིག །ལས་སྔགས་བཟླ་བཞིན་དུ་འཆིང༌། མདུད་མཚམས་རྡོ་རྗེ་བཞག་ལ། བཛྲ་རཀྵ། ཞེས་བརྟན་པར་བྱ། ཀུ་ཤའི་ཕོན་པོ་ཆེ་ཆུང་གཉིས་བསང༌། དྷཱིཿདང་ཧཱུྃ་ལས་སྐྱེས་པའི་ཀུ་ཤའི་ཆུན་པོ་ཆུང་བ་སྔས་དང་ཆེ་བ་སྟན་གྱི་དོན་དུ་ཟུངས་ཤིག ཨོཾ༔ དག་བྱེད་བཀྲ་ཤིས་ལྷ་ཡི་རྫས༔ ངོ་མཚར་འཇིག་རྟེན་དགེ་བའི་མཆོག༔ རིགས་ཀྱི་བུ་ཡི་སྟན་དུ་གྱིས༔ བཟང་པོའི་རྨི་ལམ་མཐོང་ཡང་སྲིད༔ དྷཱིཿཧཱུྃ༔ ཞེས་ལག་གཡས་གཡོན་དུ་སྦྱིན། དེ་དག་གིས་དབང་བསྐུར་བའི་སྣོད་དུ་རུང་བར་བྱས་ནས་གཞི་ལུས་ལྷར་བསྐྱེད་པ་ལ་དམིགས་པ་འདི་ལྟར་མཛོད། སྟོང་པའི་ངང་ལས་རང་ཅག་རྣམས་ཀྱི་གནས་ཁང་འདི་ཉིད་འོག་མིན་བདེ་བ་ཅན་གྱི་ཞིང་ཁམས་དེ་ཡང་ས་གཞི་ཐམས་ཅད་ལག་མཐིལ་ལྟར་མཉམ་ཞིང༌། རིན་པོ་ཆེ་ལས་གྲུབ་པའི་བཀོད་པའི་ཁྱད་པར་བསམ་གྱིས་མི་ཁྱབ་པ་དང་ལྡན་པའི་དབུས་སུ་རྨ་བྱས་བཏེགས་པའི་རིན་པོ་ཆེའི་ཁྲིའི་སྟེང་དུ་སྣ་ཚོགས་པདྨ་གེ་སར་ཉི་མ་དང་ཟླ་བ་བརྩེགས་པའི་གདན་ལ་ཁྱེད་རང་རྣམས་ཀྱི་རྣམ་ཤེས་ཡི་གེ་ཧྲཱིཿཡིག་དམར་པོ་གཅིག་ཏུ་གྱུར་པ་འོད་དུ་ཞུ་བ་ལས། མགོན་པོ་ཚེ་དང་ཡེ་ཤེས་དཔག་ཏུ་མེད་པ་སྐུ་མདོག་དམར་པོ་ཉིན་བྱེད་དབང་པོའི་དཀྱིལ་འཁོར་ལྟར་གསལ་ཞིང་འོད་ཟེར་གྱི་ཕྲེང་བ་རྣམ་པ་མང་དུ་འཕྲོ་བ་ཞལ་གཅིག་ཕྱག་གཉིས་མཉམ་བཞག་གི་སྟེང་ན་ཚེའི་བུམ་པ་བསྣམས་པ། ཡུམ་གོས་དཀར་མོ་དམར་གསལ་པདྨ་ཚེ་བུམ་འཛིན་པ་དང་གཉིས་སུ་མེད་པར་མཉམ་པར་སྦྱོར་ཞིང༌། ཡབ་རྡོ་རྗེའི་སྐྱིལ་ཀྲུང་དང་ཡུམ་པདྨའི་སྐྱིལ་ཀྲུང་གིས་འཁྲིལ་སྦྱོར་གྱི་སྟབས་སུ་བཞུགས་པ། དབུ་སྐྲ་རལ་པའི་ཐོར་ཚུགས་ཀྱི་ལྷག་མ་ལྕང་ལོའི་ཚུལ་དུ་བྲེས་ཤིང༌། ལྷ་རྫས་ལས་གྲུབ་པའི་དར་གྱི་སྟོད་གཡོགས། ཤམ་ཐབས། གསང་ཁེབས། ཅོད་པན། ཟི་ལྡིར་ལྔ་དང༌། རིན་པོ་ཆེའི་དབུ་རྒྱན། ཅོད་པན་སྙན་ཆ། མགུར་ཆུ། དོ་ཤལ། ཕྲེང་བ། དཔུང་རྒྱན། སེ་མོ་དོ། ཕྱག་གདུབ་བརྒྱད་ཀྱིས་བརྒྱན་པ། ཤིན་ཏུ་ལྷན་ནེ་ལྷང་ངེ་ལྷམ་མེ་ཞི་བའི་ཉམས་དགུ་དང་ལྡན་ཅིང་མཚན་དཔེའི་གཟི་བྱིན་རབ་ཏུ་འབར་བ་སྣང་ལ་རང་བཞིན་མ་གྲུབ་པ་ཞིག་ཏུ་བསྒོམ། དེའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོས་མཚན་པ་ལས་འོད་ཟེར་འཕྲོས་སངས་རྒྱས་ཐམས་ཅད་ཀྱི་རྡོ་རྗེ་གསུམ་གྱི་བྱིན་རླབས་མ་ལུས་པ་ཡི་གེ་འབྲུ་གསུམ་གྱི་རྣམ་པར་སྤྱན་དྲངས་ཏེ་ཐིམ་པས་སྒོ་གསུམ་རྡོ་རྗེ་གསུམ་གྱི་རང་བཞིན་དུ་བྱིན་གྱིས་བརླབ་པར་གྱུར་པ་ལ་མཆོད་པའི་ཡོ་བྱད་རྣམས་ཀྱིས་མཆོད་ཅིང་མངའ་དབུལ་བར་མོས་ཤིག །མེ་ཏོག་ལ་སོགས་གནས་སོ་སོར་སྦྱིན་ལ། ཨོཾ་བཛྲ་པུཥྤེ་པྲ་ཏཱིཙྪ་སྭཱ་ཧཱ། ཞེས་སོགས་ཉེར་སྤྱོད་ལྔས་མཆོད་ལ། ཕྱིར་མི་ལྡོག་པའི་སླད་དུ་ཟབ་མོའི་ཆོས་བཤད་ཅིང་སྤྲོ་བ་སྐྱེད་ལ་གདམས་ངག་བརྗོད་པ་ལགས་པས་འདི་ལ་གསན་འཚལ། འཇིག་རྟེན་ཁམས་ནི་ཐམས་ཅད་དུ༔ འདྲེན་པ་སངས་རྒྱས་འབྱུང་བ་དང༔ ཆོས་དང་འཕགས་པའི་ཚོགས་དཀོན་ཏེ༔ དེ་ལས་ཀྱང་ནི་རྡོ་རྗེ་ཐེག༔ ཟབ་མོ་སྟོན་དང་སྒྲུབ་པ་ནི༔ མ་བྱུང་འབྱུང་བར་ཤིན་ཏུ་དཀའ༔ བསོད་ནམས་བློ་གྲོས་དྲི་མེད་པའི༔ སྣོད་དུ་གྱུར་པ་རྙེད་པ་གང༔ ཚུལ་ཆེན་འདི་ལས་མི་འདའ་ན༔ དཀྱིལ་འཁོར་མཐོང་བ་ཙམ་གྱིས་ཀྱང༔ བསྐལ་མང་སྡིག་སྒྲིབ་ཟད་བྱེད་ཕྱིར༔ ཚུལ་བཞིན་དབང་བླང་དམ་ཚིག་དང༔ སྡོམ་པ་ལྡན་ན་སྨྲོས་ཅི་དགོས༔ དེ་བས་གཞན་དོན་སངས་རྒྱས་ཀྱི༔ གོ་འཕང་མཆོག་ཏུ་དོན་གཉེར་བས༔ རྡོ་རྗེའི་ལམ་འདི་བླང་བར་གྱིས༔ ཞེས་དང༌། བུ་ཁྱོད་ཀུ་ཤའི་སྔས་སྟན་ལ༔ གཙང་ཞིང་དགེ་བའི་སེམས་ཀྱིས་ཉོལ༔ རྨི་ལམ་ཡུལ་དུ་གང་མཐོང་བ༔ ནང་པར་སྨོས་ཤིག་ལུང་བསྟན་འགྱུར༔ དོ་ནུབ་སྔར་བྱིན་པའི་ཀུ་ཤའི་སྔས་དང་སྟན་ལ་བླ་མ་དང་དཀྱིལ་འཁོར་ལ་མགོ་ཕྱོགས་ཏེ་དགེ་བའི་སེམས་ཀྱིས་ཉོལ་ལ་ཐོ་རང་རྨི་ལམ་གང་བྱུང་བ་དེ་ངེད་ལ་སྨྲོས་ཤིག །དེ་དག་གིས་སྔོན་འགྲོ་སྟ་གོན་གྱི་བྱ་བ་རྣམས་གྲུབ་པ་ལགས་པས་དགེ་བ་གཞན་དོན་དུ་བསྔོ་བར་ཞུ། ཞེས་དགེ་བསྔོ་བྱས་ལ་སློབ་མ་རྣམས་གྱེས། སློབ་དཔོན་གྱིས་བདག་བསྐྱེད་བསྡུ་ལྡང་དང་བསྔོ་སྨོན་བྱས་པས་གྲུབ་བོ། ༈ གཉིས་པ་དངོས་གཞིའི་ལས་རིམ་ལ་གསུམ། དཀྱིལ་འཁོར་དང་དབང་རྫས་དགོད་པ། དབང་དོན་དུ་སྒྲུབ་ཅིང་མཆོད་པ། བདག་ཉིད་འཇུག་ཅིང་སློབ་མ་གཞུག་པའོ། །དང་པོ་ནི། སྟེགས་བུའི་སྟེང་དུ་རས་བྲིས་ཀྱི་དཀྱིལ་འཁོར་མཚན་ཉིད་ལྡན་པ་བཀྲམ། ཅིང་ཀྱང་མ་འབྱོར་ན་གོང་དུ་སྨོས་པ་ལྟར་འབྲུའི་ཚོམ་བུ་ལྷ་གྲངས་བཀོད་པའི་དབུས་སུ་མཉྫིའི་ཁར་སྟ་གོན་བྱས་པའི་རྣམ་བུམ་བཞག །ཤར་དུ་དབུ་རྒྱན། ལྷོར་རྡོ་རྗེ། ནུབ་ཏུ་དྲིལ་བུ། བྱང་དུ་རྡོར་དྲིལ་ལྷན་ཅིག་པ། དབུས་སུ་ལྷ་ཙཀ་བཅུ་བདུན། ཕྲེང་བ་དང་སྔགས་བྱང༌། མེ་ལོང༌། མཚམས་སུ་གསང་དབང་ཐོད་པ་ཆང་དང་ཨ་མྲྀ་ཏ་མངར་གསུམ་སྦྱར་བས་བཀང་བ། རིག་ཙཀ །ཤེལ་རྡོ། མར་ཟན་ལས་བཅོས་པའི་ཤ་ལྔའི་གཟུགས་དང༌། ཆོས་སྨན་གྱིས་སྦག་པའི་བྷཉྫ་བདུད་རྩིས་བཀང་བ། ཐོད་སྐམ་གྱི་དབུ་རྒྱན། རུས་པའི་ཕྱག་རྒྱ་ལྔ། ཁ་ཊྭཱཾ། ཅང་ཏེའུ། རྐང་གླིང༌། སྟག་ཤམ། ཞིང་ལྤགས་བཅས་པ་དངོས་པོའམ་ཙཀླི། མདུན་ལོགས་སུ་ཚེ་འབྲང༌། ཚེ་རིལ། ཚེ་ཆང༌། ཚེ་མདའ་རྣམས་བཀོད། སྨན་རཀ་གཏོར་གསུམ། ཆུ་གཉིས་ཉེར་སྤྱོད་བསྐོར་བཤམ་བྱ། ཕྱོགས་གང་བདེར་རྗེས་གནང་ཆས། གདུགས། གླེགས་བམ། དུང་དཀར། དྲིལ་བུ། འཁོར་ལོ་རྣམས་དང༌། ལས་བུམ། སྔོན་འགྲོ་བགེགས་གཏོར། ཚོགས་ཀྱི་ཡོ་བྱད་སོགས་ལས་བྱང་ལ་དགོས་པ་དང༌། མིག་དར་མེ་ཏོག་སོགས་ཉེ་བར་མཁོ་བའི་ཡོ་བྱད་རྣམས་སྤྱི་ལྟར་ཚོགས་པར་བྱའོ། །གཉིས་པ་ནི། གསོལ་འདེབས་སྔོན་དུ་འགྲོ་བའི་ལས་བྱང་འཆི་མེད་པདྨའི་ཕྲེང་བ་ལྟར་སྐྱབས་སེམས་ཚོགས་བསགས་འཕྲོས། བགེགས་གཏོར་བྱིན་བརླབ་དགུག་པ་སྔགས་བསྔོས་སྤྱི་ལྟར་བྱས་ལ། བཀའ་བསྒོ་ཞིང་སྲུང་འཁོར་བསྒོམ། བདག་གནས་ཡོ་བྱད་ཐམས་ཅད་ལ་ཡེ་ཤེས་ཆེན་པོའི་གཟི་བྱིན་འབེབས་པའི་ཏིང་འཛིན་ལྷག་པར་གསལ་བས་བྱིན་དབབ། མཆོད་རྫས་བྱིན་བརླབས། ཏིང་འཛིན་རྣམ་གསུམ་གྱིས་ཁོག་དབུབ་ལ་བདག་དང་མདུན་རྟེན་དབྱེར་མེད་དམ་ཚིག་གི་དཀྱིལ་འཁོར་བསྐྱེད། ཡེ་ཤེས་པ་སྤྱན་དྲངས་ལ་བསྟིམ། ཕྱག་དང་མཆོད་ཕྲེང་རྒྱས་པར་འབུལ། བསྟོད་པའི་གླུས་བསྟོད། ཛཔ྄་ཁང་ཕྱེས་ལ་བདག་མདུན་གཉིས་ཀར་དམིགས་ཏེ་བསྙེན་པའི་བཟླས་པ་ཅི་འགྲུབ། སྒྲུབ་པའི་བཟླས་པ་ལ་དངོས་གཞི་བྱས་ཏེ་ཅི་མང༌། དེའི་བཅུ་ཆ་ལས་སྦྱོར་གྱི་བཟླས་པ་བྱ། བུམ་བཟླས་སྟ་གོན་ལྟར་གསལ་འདེབས་དང་སྤྲོ་བསྡུའི་དམིགས་པ་བྱས་ལ་བསྙེན་སྒྲུབ་ལས་གསུམ་གྱི་བཟླས་པ་བརྒྱ་རྩ་སོགས་བྱ། ཁ་སྐོང་དང་སྟོང་ཚིགས་ཕུལ་ལ་ཚེ་འགུགས་བཏང༌། བུམ་བཟླས་འོད་ཞུ་སོགས་གོང་སྨོས་ལྟར་གྲུབ་ནས། བཀའ་གཏེར་སྲུང་མའི་གཏོར་ཆོག་རྒྱས་བསྡུས་གང་འོས་དང༌། ཚོགས་བྱིན་རླབས་ནས་མཆོད་བཤགས་བསྒྲལ་བ་བཅས་གཏང༌། ལས་བུམ་བསྐྱེད་བཟླས་ཕྲིན་བཅོལ་གོང་ལྟར་བྱའོ། །གསུམ་པ་ནི་བདག་འཇུག་དོན་དབང་ལྟར་གྲུབ་ན་ལེགས། མི་ནུས་ན་དཀྱིལ་འཁོར་པ་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་དང་རང་གི་སྒོ་གསུམ་བྱ་བྱེད་དང་བཅས་པ་གདོད་ནས་དབྱེར་མེད་རོ་མཉམ་ཆེན་པོར་ཤེས་པས། ཨོཾ༔ བཅོམ་ལྡན་མགོན་པོ་སྣང་མཐའ་ཡས༔ དཀྱིལ་འཁོར་ལྷ་ཚོགས་བསམ་ཡས་པའི༔ སྐུ་གསུང་ཐུགས་ཡོན་ཕྲིན་ལས་ཀྱི༔ ཡེ་ཤེས་དབྱིངས་སུ་བདག་སྦྱོར་ཅིག༔ ཨོཾ་བཛྲ་ས་མ་ཡ་ཨོཾ༔ ཨཱ་བཛྲ་ས་མ་ཡ་ཨཱཿ ཧཱུྃ་བཛྲ་ས་མ་ཡ་ཧཱུྃ༔ སྭཱ་བཛྲ་ས་མ་ཡ་སྭཱ༔ ཧཱ་བཛྲ་ས་མ་ཡ་ཧཱ༔ ཨོཾ༔ རྡོ་རྗེ་བཞི་ཡི་ཡེ་ཤེས་དབྱིངས༔ དེ་བཞིན་གཤེགས་པ་ཐམས་ཅད་ཀྱི༔ སྙིང་པོའི་དཀྱིལ་འཁོར་དམ་པ་འདིར༔ བདག་གི་སློབ་མ་འཇུག་པར་བགྱི༔ ཨོཾ་བཛྲ་ས་མ་ཡ་ཧཱུྃ༔ ཨོཾ་བཛྲ་ས་མ་ཡ་སྟྭྃ༔ ཨོཾ་བཛྲ་ས་མ་ཡ་ཧོ༔ སླར་ཡང་མེ་ཏོག་དང་བཅས་པའི་ཐལ་མོ་སྦྱར་ལ། ཨོཾ༔ བླ་ན་མེད་པའི་ཡེ་ཤེས་ཀྱི༔ གོ་འཕང་ཆེན་པོའི་མཆོག་བསྒྲུབ་ཕྱིར༔ སྣོད་ལྡན་སློབ་མ་འཇུག་འཚལ་ན༔ ཐུགས་རྗེས་དགོངས་ཏེ་སྨིན་མཛད་གསོལ༔ ཅེས་གསོལ་བ་བཏབ་པས། དཀྱིལ་འཁོར་པ་རྣམས་དགྱེས་པ་ཆེན་པོས་རྡོ་རྗེ་འཛིན་པ་ཁྱོད་ཀྱིས་སློབ་མ་རྣམས་ཅི་བདེ་བར་དཀྱིལ་འཁོར་དུ་ཆུག་ཅིག་ཅེས་གནང་བ་བསྩལ་བར་གྱུར། ཅེས་མོས། དཀྱིལ་འཁོར་ཡོལ་བས་བསྒྲིབ། དེ་ནས་སྔར་སྟ་གོན་བྱས་པའི་སློབ་མ་རྣམས་བོས་ལ་སྒོའི་ཕྱི་རོལ་དུ་ཁྲུས་བྱ། བགེགས་གཏོར་བཏང་ལ་བཀའ་བསྒོ་ཞིང་དྲག་སྔགས་རོལ་མོ་གུལ་ཡུངས་བཅས་བགེགས་བསྐྲད། སྲུང་བའི་འཁོར་ལོས་མཚམས་བཅད། གྲལ་ལ་འཁོད་ནས་མེ་ཏོག་བཀྱེ་བསྡུ་དང་སེམས་བསྐྱེད་གསལ་གདབ། དབང་བཤད་ཇི་ལྟར་འོས་པ་དང༌། ཁྱད་པར། དེ་ཡང་སློབ་དཔོན་ཆེན་པོ་ངག་དབང་གྲགས་པས། འཚོ་བ་ལས་གཞན་སྙིང་པོ་ནི། །འཁོར་བར་ཅུང་ཟད་མ་མཐོང་ངོ༌། །དེ་ཕྱིར་མྱུར་དུ་ཐབས་མང་པོས། །འཆི་བ་བསླུ་བར་བརྩོན་པར་བྱ། །ཞེས་གསུངས་པ་ལྟར་མི་དང་ལྷ་ཡི་ཆོས་ཀྱི་ཡོན་ཏན་ཀུན་གྱི་རྟེན་དུ་གྱུར་པ་མཐོ་རིས་ཡོན་ཏན་བདུན་གྱི་ཡ་གྱལ་ནི་ཚེ་རིང་དུ་འཚོ་བ་སྟེ་དེ་ལ་ཡང་སྒྲུབ་བྱའི་དབང་གིས་དབྱེ་ན། རྒྱུད་ལས། མི་འགྱུར་རྟག་པ་གཉུག་མའི་ཚེ། །ཉམས་ཤིང་འཕོ་བ་ཐིག་ལེའི་ཚེ། །གློ་བུར་ལྟར་སྣང་སྲོག་གི་ཚེ། །ཞེས་གསུམ་དུ་གསུངས། སྒྲུབ་བྱེད་ཐབས་ཀྱིས་དབྱེ་ན། འཁོར་བ་དང་མྱང་འདས་ཀྱི་ཚེ་སྒྲུབ་པ་གཉིས་ལས། དང་པོ་ལ་ཕྱི་འབྱུང་བ་ལྔ། སྨན་དང་རྩི་ཤིང༌། གྲུབ་པའི་དངུལ་ཆུ། ནང་རང་བྱུང་གི་བདུད་རྩི་གཉིས་སོགས་བཅུད་ལེན་བརྒྱ་རྩར་གྲགས་པ་དང༌། མྱང་འདས་ཀྱི་ཚེ་སྒྲུབ་བསོད་ནམས་བསགས་པ། བྱང་ཆུབ་ཏུ་སེམས་བསྐྱེད་པ། ལྷག་པའི་ལྷའི་བསྐྱེད་རྫོགས་རྗེས་འབྲེལ་དང་བཅས་པར་གྲགས་པ་ལས། སྐབས་སུ་བབས་པ་འདི་ནི་འཁོར་འདས་ཀྱི་རྡོ་རྗེའི་ཚེ་མཆོག་སྒྲུབ་བྱེད་ཀྱི་ཐབས་མཐའ་དག་ཡོངས་སུ་རྫོགས་པའི་གཞི་བཟུང༌། རྡོ་རྗེ་ཐེག་པའི་ཐུན་མོང་དང་ཐུན་མིན་གྱི་ཟབ་དབང་དང༌། ཕྱི་བསྐྱེད་རིམ་དབྱིབས་ཀྱི་རྣལ་འབྱོར་རྒྱས་བསྡུས་ཀྱིས་གློ་བུར་ལྟར་སྣང་སྲོག་གི་ཚེ་བསྲིང་བ། ནང་ཐབས་གྲོལ་གྱི་རྫོགས་པའི་རིམ་པས་འཕོ་བཅས་ཐིག་ལེའི་འགྲོ་འོང་དབུ་མར་འཕོ་མེད་ཀྱི་སྲོག་ཏུ་རྒྱས་བཏབ་པས་ནང་གི་ཚེ་སྒྲུབ་པ། གསང་བ་ཡེ་ཤེས་རིག་པའི་སྣང་བ་དབྱིངས་ཀྱི་སྲོག་ཏུ་སྦྱོར་བས་མི་འགྱུར་རྟག་པ་གཉུག་མ་རྡོ་རྗེ་ཚེ་ཡི་གནས་ལུགས་མངོན་དུ་བྱ་བའི་ལམ་ཡོངས་སུ་རྫོགས་ཤིང་བདེ་གཤེགས་རྒྱལ་བ་རིགས་ལྔའི་ཚེ་ཡི་སྒོས་སྒྲུབ་དང་མི་ཟད་རྒྱན་འཁོར་ལྔའི་ཚེ་ཡི་མཐུན་རྐྱེན་གྱི་དཔལ་བསྐྱེད་པ་དང༌། འཆི་བ་བསླུ་ཞིང་བླ་ཚེ་འགུགས་པས་ཚེ་ཡི་འགལ་རྐྱེན་སེལ་བ་སོགས་ཐབས་ཀྱི་ཁྱད་པར་དུ་མ་དང་ལྡན་པས་རྡོ་རྗེའི་ལམ་ཡོངས་སུ་རྫོགས་པའི་ཟབ་གནད་ཁྱད་པར་འཕགས་པ་དུ་མས་མཛེས་པ། འཕགས་ཡུལ་འཆི་མེད་གྲུབ་པའི་སློབ་དཔོན་ཆེན་པོ་ཛེ་ཏཱ་རི་དགྲ་ལས་རྣམ་པར་རྒྱལ་བ་དང༌། ཨོ་རྒྱན་གྱི་སློབ་དཔོན་པདྨ་སཾ་བྷ་ཝའི་བཀའ་སྲོལ་གཅིག་ཏུ་དྲིལ་ནས་ཟབ་མོ་དགོངས་པའི་གཏེར་དུ་རྒྱས་བཏབ་པ་གང༌། འཆི་མེད་ཡེ་ཤེས་རྡོ་རྗེའི་སྐུ་ཅན་པཎ་གྲུབ་ལྔ་བརྒྱའི་གཙུག་རྒྱན་བི་མ་ལ་མི་ཏྲ་རྩོད་དུས་ཀྱི་བསྟན་འགྲོའི་དཔལ་མགོན་དུ་བསམ་བཞིན་སྲིད་པ་ཉེ་བར་བཟུང་བ་འཇམ་དབྱངས་མཁྱེན་བརྩེའི་དབང་པོ་དེ་ཉིད་འཕགས་བོད་ཀྱི་མཁས་གྲུབ་རྣམས་ལ་བཀའ་བབས་པའི་མདོ་རྒྱུད་ཀྱི་མན་ངག་བཀའ་གཏེར་གྱི་ཚེ་སྒྲུབ་གསར་རྙིང་རིས་སུ་མ་ཆད་པ་གངས་ཅན་དུ་བཞུགས་སོ་ཅོག་གི་སྨིན་གྲོལ་གྱི་རྒྱུན་མཐའ་དག་ཐུགས་བརྩོན་ཆེན་པོས་གསན། ཚེ་དཀྱིལ་བརྒྱ་དང་བརྒྱད་ཀྱི་བསྙེན་སྒྲུབ་མཐར་ཕྱིན་པས་ལྷ་དང་རིག་འཛིན་རྣམས་ཀྱིས་རྡོ་རྗེ་ཚེ་ཡི་དབང་བསྐུར་ཞིང་བྱིན་གྱིས་བརླབས། རྡོ་རྗེའི་ཚེ་སྒྲུབ་པའི་ཟབ་གསང་གི་ཆོས་སྒོ་རྡོལ། ནམ་མཁའ་ནས་འཆི་མེད་ཚེ་ཡི་ཡེ་ཤེས་ཀྱི་བདུད་རྩི་དངོས་སུ་བབས་པ་དང༌། དད་སྐལ་བཟང་པོའི་སློབ་མས་ཚེ་སྦྱིན་ཡིད་བཞིན་འཁོར་ལོར་དངོས་སུ་མཇལ་བ་དང༌། མཆོག་གི་རྡོ་རྗེའི་རིག་པ་འཛིན་པ་ཆེན་པོར་ཚེ་ལམ་གྱི་རྟོགས་པ་སྤར་བས་སྐུ་ཚེ་མཐར་སོན་པ་སོགས་གྲུབ་པ་ཆེན་པོའི་ས་བརྙེས་པའི་སྐྱེས་བུ་ཆེན་པོའི་གསང་བ་གསུམ་གྱི་རྡོ་རྗེའི་ཡེ་ཤེས་འཕོས་པའི་དབང་གིས་བདག་ཉིད་པདྨ་གར་དབང་བདེ་ཆེན་འོད་གསལ་མདོ་སྔགས་གླིང་པ་ལ། ཛེ་ཏཱ་རི་དགྲ་ལས་རྣམ་པར་རྒྱལ་བའི་ཚེ་སྒྲུབ་ཐམས་ཅད་མཁྱེན་གཟིགས་མཁྱེན་བརྩེའི་དབང་པོའི་ཕྱག་བྲིས་ཤིག་མཇལ་བར་རྨིས་པའི་རྐྱེན་གྱིས་རིག་ཁམས་ལས་བརྡོལ་བ་ཅུང་ཟད་ཉམས་སུ་བླངས་པས། མདོ་ཁམས་གནས་ཆེན་ཉེར་ལྔའི་བྱེ་བྲག་འཆི་མེད་གྲུབ་པའི་གནས་སུ་ཆེད་དུ་བསྔགས་པ་ཞི་མཛད་རྡོ་རྗེ་རིགས་ཀྱི་དཀྱིལ་འཁོར་རྒྱམ་རྒྱལ་པདྨ་ཤེལ་རིའི་མདུན་བཀྲ་ཤིས་འོ་མའི་མཚོ་ཁར་ཚོགས་ཀྱི་འཁོར་ལོའི་སྐབས་མཚོ་དཀར་གསལ་ལ་དཀྱིལ་འཁོར་སྒོ་རྫོགས་ཅན་གྱི་རེ་ཁཱ་མཐིང་ཞུན་དུ་གསལ་བ་ཀུན་གྱིས་མཐོང་བ་སོགས་ཚེ་ཡི་བདག་པོའི་བྱིན་རླབས་ཀྱིས་དབུགས་དབྱུང་དང༌། གསུང་གི་ཡོན་ཏན་གནས་མཆོག་སྨད་ཤོད་ཛམ་ནང་པདྨ་ཤེལ་ཕུག་གི་མདུན་བཻ་རོའི་སྒྲུབ་ཕུག་གཡས་བསྐོར་དུ་ཕྱིན་པའི་བྲག་ལོགས་ལས་མཚོ་རྒྱལ་གྱིས་ཤོག་སེར་བསྒྲིལ་ཁ་ཆུང་ངུ་བསྩལ་བ་ཁར་བཅུག་པ་རྨིས་པ་སོགས་བྱིན་རླབས་ཀྱི་མཚན་མ་མང་དུ་མཐོང་བས་ངེས་པ་རྙེད་པ་ལྟར། འཇམ་མགོན་ཆོས་ཀྱི་རྒྱལ་པོ་པདྨ་ཡེ་ཤེས་རྡོ་རྗེས་བཀའ་བསྩལ་བཞིན་གཏན་ལ་ཕབ་ནས་ཐོག་མའི་སྨིན་གྲོལ་རྫོགས་པར་ཕུལ་བས་ལེགས་པའི་དབུགས་འབྱིན་ཡང་ཡང་བསྩལ་ཞིང་ཐུགས་དམ་ཉམས་བཞེས་མཛད་ནས། ཀུན་མཁྱེན་འཇམ་པའི་དབྱངས་ཀྱི་གཏེར་གྱི་འཕྲོ་ཡིན་ཚུལ་དགྱེས་པ་ཆེན་པོས་བཀའ་བསྩལ་བའི་བཀའ་དྲིན་གྱིས་བསྐྱངས་པའི་ཐུན་མོང་མ་ཡིན་པའི་ཚེ་མཆོག་སྒྲུབ་པའི་གསེང་ལམ་རང་བྱུང་པདྨ་ཚེ་ཡི་སྙིང་ཐིག་ལ་ཕྱི་ནང་གསང་བ་ཡང་ཟབ་ཀྱི་སྒྲུབ་ཚུལ་བཞིར་བཞུགས་པའི་རྩ་བ་ནང་སྒྲུབ་ཚེ་དཔག་ཏུ་མེད་པའི་དཀྱིལ་འཁོར་དུ་དབང་བསྐུར་བ་སྐབས་སུ་བབས་པ་སྟེ། འདི་ལ་ཡང་སྔོན་འགྲོ། དངོས་གཞིའི་དབང་ཆེན། ཡང་ཟབ་ཚེ་ཡི་དོན་དབང༌། མཐའ་བརྟེན་ཚེ་ཡི་བྱིན་རླབས་རྣམས་སུ་བཞུགས་པའི་སྔོན་འགྲོ་སློབ་མ་ལྷག་གནས་ཀྱི་རིམ་པ་གྲུབ་ནས་དངོས་གཞིའི་དབང་རྣམས་རིམ་པར་བསྐུར་བ་ལ་མཎྜལ་ཕུལ། མཚམས་སྦྱོར་དང་སྔགས་སྤྱི་ལྟར་བྱས་ལ་གདོང་དགབ་ཅིང་མེ་ཏོག་གཏད་ལ་ཆས་སུ་འཇུག བླ་མ་དང་དཀྱིལ་འཁོར་གྱི་གཙོ་བོ་གཉིས་སུ་མེད་པ་ལ་དད་མོས་གདུང་ཤུགས་དྲག་པོས་པུས་གཙུག་ཐལ་སྦྱར་དང་བཅས་གསོལ་བ་འདེབས་པ་འདིའི་རྗེས་ཟློས་མཛོད། གསུང་གི་རྡོ་རྗེ་གར་གྱི་དབང༔ པདྨ་སེམས་གཙོ་ཁྱོད་ལ་འདུད༔ ཡང་དག་ཐར་པའི་ལམ་འདོད་པས༔ བྱང་ཆུབ་རྡོ་རྗེས་བརྩེར་དགོངས་ཏེ༔ མགོན་པོ་དཀྱིལ་འཁོར་གཙོ་བོ་ཡིས༔ བདག་ཉིད་འཇུག་པར་བསྩལ་དུ་གསོལ༔ ལན་གསུམ། བླ་མས། ཨེ་མ་རྡོ་རྗེའི་རིགས་ཀྱི་བུ༔ ཁྱོད་ནི་ཚུལ་ཆེན་སྣོད་ཡིན་ཏེ༔ འཆི་མེད་མཆོག་གི་དངོས་གྲུབ་ཕྱིར༔ དཀྱིལ་འཁོར་ཆེན་པོར་སྨིན་པར་བྱ༔ འདིར་སྐྱབས་སེམས་ཚོགས་བསགས་སྡོམ་པ་བཟུང་བ་རྣམས་གོང་གི་སྟ་གོན་སྐབས་སུ་འབྱུང་བ་ལྟར་དམིགས་པའི་མཚམས་སྦྱོར་བཅས་རྗེས་ཟློས་བྱར་གཞུག །གསང་སྔགས་ཀྱི་སེམས་བསྐྱེད་པ་ནི། ཁྱེད་རང་རྣམས་ཀྱི་སྙིང་གར་ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་གྱི་སྟེང་དུ་དོན་དམ་བྱང་ཆུབ་སེམས་ཀྱི་ངོ་བོ་རྡོ་རྗེ་དཀར་པོ་རྩེ་ལྔ་པ་རེས་མཚན་པར་བསྒོམ་ལ་བདེན་གཉིས་དབྱེར་མེད་དུ་སེམས་བསྐྱེད་པར་མོས་ལ་འདིའི་རྗེས་ཟློས། ཨོཾ་སརྦ་ཡོ་ག་ཙིཏྟ་ཨུཏྤ་ད་ཡཱ་མི། ལན་གསུམ། རྡོ་རྗེ་མེ་ཏོག་བཅས་སྙིང་གར་བཞག་ལ། སེམས་བསྐྱེད་པ་དེ་ཉིད་བརྟན་པར་བྱས་པར་མོས་ཤིག །སུ་ར་ཏེ་ས་མ་ཡ་སྟྭྃཿཧོ་སིདྡྷི་བཛྲ་ཡ་ཐཱ་སུ་ཁཾ། གསང་བའི་དེ་ཁོ་ན་ཉིད་བསྒོ་བའི་དོན་ཐུགས་ལ་ངེས་པར་མཛོད་ཅིག ཀྱེ་ཧོ་ཡང་དག་ལམ་འདོད་པས༔ དངོས་གྲུབ་གནས་ལ་བརྩོན་པ་ནི༔ ངེས་པར་སྐལ་པ་མཆོག་གི་རིགས༔ རྡོ་རྗེ་ཐེག་པའི་གསེང་ལམ་ལས༔ རིག་པ་འཛིན་པའི་གནས་འདོད་ན༔ འཇུག་པར་དཀའ་ཡང་ཁེ་ཉེན་ཆེ༔ དམ་ཚིག་རིམ་པ་བགྲངས་ལས་འདས༔ ཉམས་ན་སྡུག་བསྔལ་ཚོར་བ་རགས༔ དེ་ཕྱིར་ཡང་དག་བློ་གྲོས་དང༔ ལྡན་པས་དཔྱོད་ལ་ལན་སྨྲོས་ཤིག༔ ལན་དུ་གུས་པས་གསོལ་གདབ་པ༔ རང་གི་རྒྱུད་དུ་དཔྱད་དེ་སྨྲ༔ དཔའ་བོ་ཆེན་པོ་བདག་ལ་དགོངས༔ བླ་མེད་འབྲས་བུ་ངེས་པའི་ལམ༔ བདེ་མྱུར་ཐོབ་པའི་ཐབས་ཆེན་པོ༔ གསང་ཆེན་སྔགས་ཀྱི་རྣལ་འབྱོར་ཏེ༔ ལྷ་དང་བླ་མར་རྟག་ཏུ་གུས༔ དམ་ཚིག་མིག་གི་འབྲས་བཞིན་སྲུང༔ དངོས་གྲུབ་གནས་ལ་གཡེལ་མེད་བརྩོན༔ གསང་བ་མཆོག་གི་ལམ་ཡང་སྲུང༔ དེ་ཕྱིར་སྣོད་དང་སྐལ་པ་བཟང༔ དབང་མཆོག་བདག་ལ་བསྩལ་དུ་གསོལ༔ ཞེས་གསོལ་བ་བཏབ་པས། པྲ་བེ་ཤ་ཡ༔ དཀྱིལ་འཁོར་ཆེན་པོའི་སྒོ་བཞི་ཤག་གིས་ཕྱེས་པར་མོས་ཤིག །ཡོལ་བ་བསལ། ཛ༔ཧཱུྃ་བྃ་ཧོཿ ལས་ཀྱི་རྡོ་རྗེས་སྣ་དྲངས་ཏེ་དཀྱིལ་འཁོར་གྱི་ཤར་སྒོ་ནས་བརྩམས་ཏེ་གཡས་བསྐོར་དུ་བྱམས་པ་སོགས་ཚད་མེད་བཞིའི་འཇུག་པས་རིམ་པར་ཞུགས་ཤིང་ལྷ་ཚོགས་རྣམས་ཀྱི་ཞབས་ལ་ཕྱག་འཚལ་བའི་མོས་པས་ཐལ་མོ་གནས་གསུམ་དུ་སྦྱོར་ལ་སྔགས་འདིའི་རྗེས་ཟློས་མཛོད། ཨོཾ་ན་མ་སྟེ་ཧཱུྃ། ན་མ་མི་ཧཱུྃ། ན་མོ་ན་མ་ཧཱུྃ་སྭཱ་ཧཱ། ལན་བཞི། སླར་ཡང་ཤར་སྒོའི་དྲུང་དུ་འཁོད་པ་ལ་སྔགས་ཀྱི་དམ་ཚིག་བསྲུང་བའི་ཕན་ཡོན། དེ་ལས་འདས་པའི་ཉེས་དམིགས། གཉིས་ཀ་དང༌། སློབ་དཔོན་བཀའ་གཉན་པར་བསྒྲག་པའི་དམ་བཞག་བཞི་པོ་རིམ་པར་འབྱུང་བ་ལ་སྙན་གཏོད་ཅིག །རྡོ་རྗེ་སྤྱི་བོར་བཞག་ལ། ཨོཾ༔ དེ་རིང་འཆི་མེད་མགོན་པོ་ཡི༔ ཡེ་ཤེས་ཁྱེད་ལ་བསྐྱེད་པར་བྱ༔ གསང་བ་མཆོག་གི་དམ་ཚིག་ལས༔ བླ་མེད་འབྲས་བུ་ཐོབ་ཕྱིར་ཟུངས༔ ཛྙཱ་ན་བཛྲ་ས་མ་ཡ་ཧཱུྃ༔ རྡོ་རྗེ་སྙིང་གར་བཞག་ལ། ཨཱཿ འདི་ནི་དམ་ཚིག་རྡོ་རྗེ་སེམས༔ ཁྱོད་ཀྱི་སྙིང་ལ་དབྱེར་མེད་གནས༔ གལ་ཏེ་དམ་ལས་འདས་གྱུར་ན༔ དེ་མ་ཐག་ཏུ་བཀས་ཏེ་གཤེགས༔ ས་མ་ཡ་བཛྲ༔ ནང་མཆོད་སྦྱར་བའི་དུང་ཆུ་སྦྱིན་ལ། ཧཱུྃ༔ འཐུངས་ཤིག་རྡོ་རྗེ་བདུད་རྩིའི་ཆུ༔ ལྕེ་ལ་བཞག་ཀྱང་སྙིང་དཀྱིལ་ཐིམ༔ མ་སྲུང་འདོད་པའི་དངོས་གྲུབ་ཉམས༔ སྲུང་ན་ཡེ་ཤེས་ཚེ་འདིར་རྙེད༔ ས་མ་ཡ་ཨ་མྲྀ་ཏ་ཨུ་ད་ཀ་ཧཱུྃ༔ རྡོ་རྗེ་གདེངས་ཤིང་མགོར་བཞག་ལ། ཧོཿ དེ་རིང་ཕྱིན་ཆད་བུ་ཁྱོད་ཀྱི༔ འཆི་མེད་མགོན་པོ་ང་ཡིན་པས༔ ཇི་སྐད་བསྒོ་བའི་དམ་ཚིག་ལས༔ ནམ་ཡང་འདའ་བར་མ་བྱེད་ཅིག༔ མ་ཧཱ་ས་མ་ཡ་ཧཱུྃ༔ དེ་ནས་དབང་གི་གཞི་འགོད་ཅིང་ཡེ་ཤེས་དབབ་པ་ཡིན་པས་ཁྱེད་རང་རྣམས་ལུས་གནད་དྲང་པོར་བསྲང༌། ངག་གནད་རླུང་ཁ་སྦྱོར་བཅིངས། སེམས་ཀྱི་གནད་ཚོགས་དྲུག་གི་ཡུལ་ལ་མ་ཡེངས་པར་དམིགས་པ་འདི་རྩེ་གཅིག་ཏུ་སྒོམས་ཤིག །ལས་སྔགས་ཀྱིས་བསང༌། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ། གཟུང་འཛིན་གཉིས་བསྡུས་ཀྱི་ཆོས་ཐམས་ཅད་སྟོང་པར་གྱུར། དེའི་ངང་ལས་སྣོད་རྣམ་པར་དག་པ་འོག་མིན་པདྨ་བཀོད་པའི་ཞིང་དང་གཞལ་མེད་རྒྱན་དང་བཀོད་པ་ཚད་མེད་པའི་དབུས་སུ་རྨ་བྱས་བཏེགས་པའི་རིན་པོ་ཆེའི་ཁྲིའི་སྟེང་དུ་སྣ་ཚོགས་པདྨའི་གེ་སར་ཉི་མ་དང་ཟླ་བ་བརྩེགས་པའི་གདན་ལ་ཁྱེད་རང་རྣམས་ཀྱི་རྣམ་ཤེས་ཡི་གེ་ཧྲཱིཿཡིག་དམར་པོ་གཅིག་ཏུ་གྱུར་པ་འོད་དུ་ཞུ་བ་ལས། བཅུད་དག་པ་ལྷ་ཡི་ཕྱག་རྒྱར་བསྒྲུབ་པའི་ཕྱིར་སློབ་མའི་གཞི་ལུས་ཀྱི་ཕུང་ཁམས་སྐྱེ་མཆེད་རྣམས་མགོན་པོ་ཚེ་དང་ཡེ་ཤེས་དཔག་ཏུ་མེད་པ་སྐུ་མདོག་དམར་པོ་ཉིན་བྱེད་དབང་པོའི་དཀྱིལ་འཁོར་ལྟར་གསལ་ཞིང་འོད་ཟེར་རྣམ་མང་དུ་འཕྲོ་བ། ཞལ་གཅིག་ཕྱག་གཉིས་པ་མཉམ་བཞག་གི་སྟེང་ན་ཚེའི་བུམ་པ་བསྣམས་པ་ཡུམ་གོས་དཀར་མོ་དམར་གསལ་པདྨ་བུམ་པ་འཛིན་པ་དང་གཉིས་སུ་མེད་པར་མཉམ་པར་སྦྱོར་ཞིང༌། ཡབ་རྡོ་རྗེའི་སྐྱིལ་ཀྲུང་དང་ཡུམ་པདྨའི་སྐྱིལ་ཀྲུང་གིས་འཁྲིལ་སྦྱོར་གྱི་སྟབས་སུ་བཞུགས་པ། དབུ་སྐྲ་རལ་པའི་ཐོར་ཚུགས་ཀྱི་ལྷག་མ་ལྕང་ལོའི་ཚུལ་དུ་བྲེས་ཤིང༌། ལྷ་རྫས་ལས་གྲུབ་པའི་དར་གྱི་སྟོད་གཡོགས། ཤམ་ཐབས། གསང་ཁེབས། སྐ་རགས། ཟི་ལྡིར་ལྔ་དང༌། རིན་པོ་ཆེའི་དབུ་རྒྱན། ཅོད་པན་སྙན་ཆ། མགུར་ཆུ། དོ་ཤལ། ཕྲེང་བ། དཔུང་རྒྱན། སེ་མོ་དོ། ཕྱག་གདུབ་བརྒྱད་ཀྱིས་བརྒྱན་པ། ཤིན་ཏུ་ལྷན་ནེ་ལྷང་ངེ་ལྷམ་མེ་ཞི་བའི་ཉམས་དགུ་དང་ལྡན་ཞིང་མཚན་དཔེའི་གཟི་བྱིན་རབ་ཏུ་འབར་བ་སྣང་ལ་རང་བཞིན་མ་གྲུབ་པ་ཞིག་ཏུ་བསྒོམ། དེའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོས་མཚན་པ་ལ་སེམས་རྩེ་གཅིག་ཏུ་གཏོད་མཛོད། དེ་ནས་རྒྱུད་རྣམ་པར་དག་པ་ཡེ་ཤེས་ལྷའི་གཟི་བྱིན་དབབ་པའི་སླད་དུ་ཡབ་ཡུམ་སྙོམས་པར་ཞུགས་པའི་དགའ་བའི་སྒྲ་དང་བདེ་བའི་འོད་ཟེར་ནམ་མཁའི་ཁམས་གང་བ་དང་མོས་གུས་གདུང་ཤུགས་ཚད་མེད་པའི་རྡོ་རྗེའི་གླུ་ཡིས་ཐུགས་དམ་བསྐུལ་བས། ཕྱོགས་བཅུ་དུས་བཞིའི་རབ་འབྱམས་རྒྱལ་བ་སྲས་དང་བཅས་པ་རྣམས་དང༌། ཁྱད་པར་བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པའི་དཀྱིལ་འཁོར་གྱི་ལྷ་ཚོགས་རྣམས་ཀྱི་སྐུ་གསུང་ཐུགས་ཀྱི་བྱིན་རླབས་དང་དངོས་གྲུབ་མ་ལུས་པ་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་ཐིག་ལེ་འོད་ཟེར་གྱི་རྣམ་པ་དཔག་ཏུ་མེད་པ་ཆར་ཆེན་པོ་བབས་པ་བཞིན་བྱོན་ནས་ཁྱེད་རང་རྣམས་ལ་དབྱེར་མེད་དུ་ཐིམ་པས་ཡེ་ཤེས་ཆེན་པོའི་བྱིན་རླབས་རྒྱུད་ལ་ཞུགས་པར་མོས་ཤིག །ཅེས་བྱས་ལ་འབེབས་པའི་རྫས་བསྲེགས། དབྱངས་དང་རོལ་མོས་བསྐུལ་ལ་ལས་བྱང་གི་བྱིན་འབེབས་དང་སྔགས་མང་དུ་བརྗོད། དེས་ཀྱང་མ་ཕེབས་ན་སྤོག་པའི་ཆོ་ག་ནི། སླར་ཡང་དམིགས་པ་འདི་བཞིན་དུ་མཛོད། ཁྱེད་རང་རྣམས་ཚེ་དང་ཡེ་ཤེས་དཔག་ཏུ་མེད་པ་སྔར་ལྟར་གསལ་བའི་སྙིང་གའི་དབུས་སུ་རླུང་སེམས་དབྱེར་མེད་པའི་ངོ་བོ་དགའ་བ་འཁྱིལ་པ་དཀར་ལ་དམར་བའི་མདངས་ཅན་གཡོན་བསྐོར་དུ་དྲག་ཏུ་འཁོར་བ་ལ་སེམས་གཏོད་ལ་དབྱིངས་རིག་དབྱེར་མེད་ཀྱི་ངང་དུ་མཉམ་པར་ཞོག་ཅིག ཧཱུྃ་གི་གླུ་བླངས་ལ་དབབ་པས་ངེས་པར་ཕེབས་པའི་རྟགས་སྒོ་གསུམ་བདེ་བ་ཆེན་པོའི་ཉམས་འབར་བ་སོགས་བྱུང་ན་རྩོལ་མེད་དུ་བསྐྱང་གཞུག དེ་ལྟར་ཕབ་པའི་ཡེ་ཤེས་པའི་བྱིན་རླབས་ཀྱི་རྒྱུན་སྒོ་གསུམ་ལ་རབ་ཏུ་གནས་པར་བྱས་པར་མོས་ཤིག །ཨོཾ་བཛྲ་ཛྙཱ་ན་ཏིཥྛ་བྷྲཱུྃ་ཞེས་སྤྱི་བོར་རྡོ་རྗེ་རྒྱ་གྲམ་དུ་བཞག །མེ་ཏོག་འདོར་བའི་དཀྱིལ་འཁོར་འདུ་བྱས་ལ། ཁྱེད་རང་རྣམས་ལ་སྔར་བྱིན་པའི་མེ་ཏོག་དེ་ཉིད། ཡེ་ཤེས་ཀྱི་དཀྱིལ་འཁོར་ལ་གཙོ་འཁོར་རང་རྒྱུད་པའི་བཟང་ངན་གྱི་བྱེ་བྲག་མེད་ཀྱང་རྣམ་པ་རང་རང་གི་ཚེ་རབས་སྔོན་ནས་འབྲེལ་བའི་རིགས་གང་ཡིན་པའི་ལྷ་ལ་ཕོག་པར་ཤོག་ཅིག་སྙམ་པས་ཚིག་འདིའི་རྗེས་ཟློས་དང་བཅས་ཏེ་འདོར་བ་ཞུ། ཨོཾ༔ རིན་ཆེན་མེ་ཏོག་ཡིད་འོང་ཕྲེང༔ རང་བྱུང་དཀྱིལ་འཁོར་ལྷ་ལ་འབུལ༔ ཚེ་རབས་འབྲེལ་བའི་རིགས་ཀྱི་ལྷས༔ ཐུགས་རྗེས་དགོངས་ཏེ་བཞེས་སུ་གསོལ༔ ཨོཾ་རཏྣ་པུཥྤེ་པྲ་ཏཱིཙྪ་ཧོ༔ ཞེས་འདོར་དུ་གཞུག་ལ། དེ་ལྟར་དོར་བའི་མེ་ཏོག་དབུས་སུ་བབས་ན་པདྨའི་རིགས་ཀྱི་གཙོ་བོ་སྣང་བ་མཐའ་ཡས་ཚེ་དཔག་མེད། ཤར་དུ་རྡོ་རྗེ་ཚེ་དཔག་མེད། ལྷོར་རིན་ཆེན་ཚེ་དཔག་མེད། ནུབ་ཏུ་བདེ་གཤེགས་ཚེ་དཔག་མེད། བྱང་དུ་ལས་རབ་ཚེ་དཔག་མེད་དེ་གང་ལ་བབས་པ་ཉིད་ལྷག་པའི་ལྷར་ཟུངས་ཤིག །རིགས་དང་མཐུན་པའི་གསང་མཚན་གདགས། མེ་ཏོག་ཅོད་པན་སླར་བཅིངས་ལ། མེ་ཏོག་ལྷག་པའི་ལྷས་བཞེས་ཏེ་སླར་ཡང་དབང་རྟགས་ཅོད་པན་གྱི་ཚུལ་དུ་སྤྱི་བོར་བཅིངས་པར་མོས་ཤིག ཧོཿ འདི་ནི་ཁྱོད་ཀྱི་བབས་པའི་ལྷ༔ དེང་ནས་བཟུང་སྟེ་བྱང་ཆུབ་བར༔ འབྲལ་མེད་བྱིན་གྱིས་རློབ་པའི་ཕྱིར༔ རིན་ཆེན་ཅོད་པན་ཚུལ་དུ་སྦྱིན༔ ཨོཾ་པྲ་ཏི་གྲྀཧྞཨི་མཾ་སཏྭ་མ་ཧཱ་བ་ལ་ཏིཥྛ་ཨོཾ༔ སློབ་དཔོན་གྱི་ཐུགས་ཀ་ནས་ཡེ་ཤེས་ཀྱི་འོད་ཟེར་གསེར་གྱི་ཐུར་མ་ལྟ་བུར་འཕྲོས། ཁྱེད་རང་རྣམས་ཀྱི་མ་རིག་པའི་སྒྲིབ་གཡོགས་དང་མིག་དར་ལྷན་ཅིག་བསལ་བར་མོས་ཤིག །མིག་ཐུར་ཐོགས་ལ། ཨོཾ༔ ཚེ་དཔག་མེད་པའི་ཡེ་ཤེས་ཀྱི༔ སྣང་བས་མ་རིག་སྒྲིབ་བསལ་ནས༔ རང་བཞིན་དཀྱིལ་འཁོར་དོན་དང་རྟགས༔ མངོན་སུམ་ཉིད་དུ་མཐོང་གྱུར་ཅིག༔ ཨོཾ་བཛྲ་ཛྙཱ་ན་ཙཀྵུཿཔྲ་བེ་ཤ་ཡ་ཕཊ྄༔ ཅེས་གདོང་གཡོགས་བསལ། དེ་ལྟར་རྣམ་དག་ཡེ་ཤེས་ཀྱི་སྤྱན་གསར་དུ་ཐོབ་པ་ལ་དཀྱིལ་འཁོར་བསྟན་ཅིང་སྤྲོ་བ་བསྐྱེད་པ་ལགས་ཏེ། ཧོཿ གདོད་ནས་རྣམ་དག་རང་བཞིན་དབྱིངས༔ ཡེ་ཤེས་གཟུགས་བརྙན་ཚུལ་དུ་ཤར༔ མཚོན་བྱེད་རྟགས་ཀྱི་དཀྱིལ་འཁོར་ནི༔ ཏིང་འཛིན་མཆོག་གི་རོལ་མོ་ལས༔ ལྷག་པའི་ཆོ་འཕྲུལ་བསམ་ཡས་སྤྲོ༔ བྱང་ཆུབ་སེམས་དང་ཚོམ་བུ་ཚོགས༔ ཕྱི་ནང་གཞན་གསུམ་དབྱེར་མེད་པ༔ ཚེ་མཐའ་ཡས་པའི་མཎྜལ་ལ༔ འདིར་ཞུགས་འདི་ལྟོས་འདི་དོན་སྒོམས༔ མཐོང་བས་སྐལ་མང་སྡིག་སྒྲིབ་དག༔ དབང་བསྐུར་ཡེ་ཤེས་རྒྱུད་ལ་སྨིན༔ བསྒོམས་པས་དངོས་གྲུབ་མྱུར་དུ་འགྲུབ༔ དེ་ཕྱིར་དད་བརྩོན་སྐལ་ལྡན་རྣམས༔ ལྷ་སྔགས་ཕྱག་རྒྱར་མཉམ་སྦྱར་ནས༔ རང་གཞན་དོན་གཉིས་བརྩོན་པར་གྱིས༔ ཞེས་བསྐུལ་ལ། དེའང་ཡུམ་ལྔའི་རང་བཞིན་འབྱུང་བ་རིམ་ལྔ་བརྩེགས་པའི་སྟེང་དུ་བྱང་ཆུབ་ཕྱོགས་ཆོས་རྣམ་པར་དག་པའི་ཐར་པ་ཆེན་པོའི་གཞལ་མེད་ཁང་རྒྱན་དང་བཀོད་པ་ཡོངས་སུ་རྫོགས་ཤིང་ཕྱི་རོལ་འཇིག་རྟེན་སྐྱོང་བའི་ཁོར་ཡུག་གིས་བསྐོར་བའི་དབུས་སུ། པདྨ་དང་ཟླ་བའི་གདན་ལ་དཀྱིལ་འཁོར་འཁོར་ལོའི་དབང་ཕྱུག་བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པ་ལ་རང་འོད་ཡུམ་མཆོག་གོས་དཀར་མོས་འཁྱུད་པ། དེའི་ཤར་དུ་རྡོ་རྗེ་ཚེ་དཔག་མེད། ལྷོར་རིན་ཆེན་ཚེ་དཔག་མེད། ནུབ་ཏུ་བདེ་གཤེགས་ཚེ་དཔག་མེད། བྱང་དུ་ལས་རབ་ཚེ་དཔག་མེད་ཡབ་ཡུམ་གྱི་གཡས་གཡོན་དུ་སྒེག་ཕྲེང་གླུ་གར་མ་དང༌། མགྱོགས་མ་བཞི། སྒོ་བཞིར་སྒོ་མ་བཞི་བཅས་རང་རིགས་ཀྱི་སྐུ་མདོག་ཕྱག་མཚན་ཞི་བ་ལོངས་སྤྱོད་རྫོགས་སྐུའི་རྒྱན་ཆ་ལུགས་རྣམ་འགྱུར་མ་འདྲེས་ཡོངས་སུ་རྫོགས་པ། བར་མཚམས་སུ་འཆི་མེད་ཚེ་ཡི་ལྷ་ཚོགས་རྩ་གསུམ་ཆོས་སྲུང་རྒྱ་མཚོའི་ཚོགས་རྣམས་ཉི་མ་དང་འོད་ཟེར་གྱི་ཚུལ་དུ་ཡེ་ཤེས་ཀྱི་རོལ་པ་ཚད་མེད་པས་བཞུགས་པ་སྟེ། དེ་ལྟར་ན་བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པའི་དཀྱིལ་འཁོར་རྟེན་དང་བརྟེན་པར་བཅས་པ་མངོན་སུམ་དུ་མཇལ་བར་མོས་ལ་དད་གུས་སྤྲོ་བ་རྒྱ་ཆེན་པོ་སྐྱེད་ཅིག །དེ་དག་རྣམས་ཀྱིས་ལྷ་དང་སྐལ་བ་མཉམ་པའི་ཕྱིར་དུ་དཀྱིལ་འཁོར་ཕྱི་ནང་དུ་འཇུག་པའི་ཆོས་རྣམས་ལེགས་པར་གྲུབ་པ་ལགས། ཞུགས་ནས་མངོན་པར་དབང་བསྐུར་བ་ཞུ་བའི་ཡོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། ཧོཿ རིགས་རྣམས་ཀུན་བདག་སློབ་དཔོན་གྱིས༔ ཐུགས་རྗེས་བརྩེ་བས་ཉེར་བཟུང་ནས༔ གོ་འཕང་མཆོག་ཏུ་དབུགས་དབྱུང་ཕྱིར༔ ཡེ་ཤེས་དབང་བསྐུར་བསྩལ་དུ་གསོལ༔ ལན་གསུམ། དེ་ལྟར་གསོལ་བ་བཏབ་པ་ལ་བུམ་གསང་ཤེར་ཡེ་བཞི་པ་དང་འབྲེལ་བའི་ཕན་ནུས་ཟབ་མོའི་དབང་རྣམས་རིམ་པར་བསྐུར་བའི་དང་པོ་བུམ་པའི་དབང་ལ་ཕྱི་ཕན་པ་དང༌། ནང་ནུས་པ་འཇུག་པའི་དབང་གཉིས། དང་པོ་ཕྱི་ཕན་པ་རྡོ་རྗེ་སློབ་མའི་དབང་ལ་རིགས་པའི་དབང་ལྔ་རིམ་པར་བསྐུར་བའི་སླད་དུ་དམིགས་པ་འདི་ལྟར་མཛོད། བདག་མདུན་གྱི་ཐུགས་ཀ་ནས་འཕྲོས་པའི་འོད་ཟེར་གྱིས་ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་དཀྱིལ་འཁོར་པའི་རྣམ་པར་སྤྱན་དྲངས། བཛྲ་ས་མཱ་ཛཿ ཐུགས་ཀ་ནས་སྤྲོས་པའི་ལྷ་མོ་རྣམས་ཀྱིས་མཆོད་ཅིང་བསྟོད་པར་གྱུར། ཨོཾ་བཛྲ་ཨརྒྷཾ་པྲ་ཏཱིཙྪ་སྭཱ་ཧཱ། དེས་འགྲེས་ཏེ། པཱ་དྱཾ། ནས་ཤབྡའི་བར་བརྗོད། ཕུང་ཁམས་དག་པ་གཤེགས་པ་གཤེགས་མའི་གདན༔ དབང་ཡུལ་དག་པ་སེམས་དཔའ་སེམས་མ་སྟེ༔ ལས་ཀྱི་བདག་པོ་ཁྲོ་བོ་ཁྲོ་མོའི་ཚོགས༔ གདན་གསུམ་ཡོངས་རྫོགས་ལྷ་ལ་ཕྱག་འཚལ་བསྟོད༔ གསོལ་གདབ་ནི། རྡོ་རྗེ་ཅན་གྱིས་སངས་རྒྱས་ལ༔ འགྲོ་བ་སྐྱོབས་པའི་ཆེད་དུ་དབང༔ ཡོན་ཏན་འབྱུང་གནས་ཇི་ལྟར་བསྩལ༔ དེ་ལྟར་འདི་ལའང་བསྩལ་དུ་གསོལ༔ ཅེས་གསོལ་བ་བཏབ་པས། དེ་བཞིན་གཤེགས་པ་རྣམས་ཀྱིས་དབང་གི་དགོངས་པ་མཛད། གཤེགས་མ་རྣམས་ཀྱིས་དབང་བསྐུར། སེམས་དཔའ་རྣམས་ཀྱིས་བཀྲ་ཤིས་བརྗོད། སེམས་མ་རྣམས་ཀྱིས་རྡོ་རྗེའི་གླུ་གར་བསྒྱུར། ཁྲོ་བོ་ཁྲོ་མོ་རྣམས་ཀྱིས་བགེགས་བསྐྲད་ཅིང་དབང་གི་ཕྲིན་ལས་ལ་འཇུག་པར་གྱུར། །བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་གྱི་བདག་ཉིད་རིགས་ཀུན་གྱི་ནི་བདག་པོ་མཆོག །མ་ལུས་སེམས་ཅན་སྐྱེད་མཛད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །ཅེས་མེ་ཏོག་འཐོར་ཞིང་རོལ་མོ་བྱ། སློབ་མ་སྐད་ཅིག་གིས་རྡོ་རྗེ་ཚེ་དཔག་མེད་མཐིང་ག་ཞི་བའི་ཉམས་ཅན། ཕྱག་མཉམ་བཞག་གིས་རྡོ་རྗེས་མཚན་པའི་ཚེ་བུམ་བསྣམས་པ། དར་དང་རིན་པོ་ཆེའི་རྒྱན་ཅན་ཞབས་རྡོར་སྐྱིལ་གྱིས་པད་ཟླ་ལ་བཞུགས་པར་སྒོམས། རྣམ་རྒྱལ་བུམ་པའི་ཆུ་མི་བསྐྱོད་པའི་བདག་ཉིད་ཅན་གྱི་སྤྱི་བོར་དབང་བསྐུར་བར་མོས་ཤིག །རྣམ་བུམ་ཐོགས་ལ། ཧཱུྃཿ རྣམ་ཤེས་ཞེ་སྡང་དག་བྱའི་ཕྱིར༔ རྡོ་རྗེ་ཚེ་ལྷའི་ངོ་བོ་ཉིད༔ མི་བསྐྱོད་ཆུ་ཡིས་དབང་བསྐུར་བས༔ མེ་ལོང་ཡེ་ཤེས་མངོན་གྱུར་ཤོག༔ ཨོཾ་བཛྲ་ཨཀྵོ་བྷྱཿཨ་བྷི་ཥིཉྩ་ཧཱུྃ༔ བུམ་པས་དབང་བསྐུར་བུམ་ཆུ་འཐོར་ཞིང་སྦྱིན། བཛྲ་ཀ་ལ་ཤ་ཨ་བྷི་ཥིཉྩ་ཧཱུྃ་སུ་ར་ཏ་སྟྭྃ་ཨ་ཧཾ༔ ཞེས་བུམ་ཆུ་སྤྱི་བོར་བླུགས་པའམ་འཐོར། དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་གང༌། ཡིད་ཀྱི་དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པ་ལ་མཆོད་པར་གྱུར། ཨོཾ་བཛྲ་ཨརྒྷཾ་སོགས། ཤབྡ་པྲ་ཏཱིཙྪ་སྭཱ་ཧཱ། རྡོ་རྗེའི་རང་བཞིན་རྡོ་རྗེའི་དབྱིངས༔ རྡོ་རྗེའི་འོད་ཟེར་མཐའ་ཡས་པའི༔ རྡོ་རྗེས་བདུད་སྡེ་ཕམ་མཛད་པ༔ རྡོ་རྗེ་ཚེ་ལྷའི་བཀྲ་ཤིས་ཤོག༔ ཅེས་ཤིས་པ་བརྗོད། དེས་སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། ཉོན་མོངས་པ་ཞེ་སྡང་དག །རྣམ་ཤེས་ཀྱི་ཕུང་པོ་མེ་ལོང་ཡེ་ཤེས་སུ་གནས་གྱུར། ཐུགས་རྡོ་རྗེའི་རིགས་ཀྱི་ལས་དང་དངོས་གྲུབ་སྒྲུབ་པ་ལ་དབང་བ་ཡིན་ནོ། །ཞེས་རྟོགས་པ་བརྗོད། དེ་བཞིན་དུ། སློབ་མ་སྐད་ཅིག་གིས་རིན་ཆེན་ཚེ་དཔག་མེད་གསེར་མདོག་རྒྱས་པའི་ཉམས་ཅན། ཕྱག་གཉིས་མཉམ་བཞག་གིས་ཚེ་བུམ་རིན་པོ་ཆེས་མཚན་པ་འཛིན་པ། དར་དང་རིན་པོ་ཆེས་བརྒྱན་ཅིང་ཞབས་རྡོར་སྐྱིལ་གྱིས་པད་ཟླ་ལ་བཞུགས་པར་སྒོམས། དབུ་རྒྱན་རིན་ཆེན་འབྱུང་ལྡན་གྱི་བདག་ཉིད་ཅན་སྤྱི་བོར་བཅིངས་ཏེ་དབང་བསྐུར་བར་མོས་ཤིག །དབུ་རྒྱན་བསྐོན་ལ། ཏྲཱྃ༔ ཚོར་བ་ང་རྒྱལ་དག་བྱའི་ཕྱིར༔ རིན་ཆེན་ཚེ་ལྷའི་ངོ་བོ་ཉིད༔ ལོངས་སྤྱོད་དབུ་རྒྱན་དབང་བསྐུར་བས༔ མཉམ་ཉིད་ཡེ་ཤེས་མངོན་གྱུར་ཤོག༔ ཨོཾ་རཏྣ་སཾ་བྷ་ཝ་ཨ་བྷི་ཥིཉྩ་ཏྲཱྃ༔ བཛྲ་ཀ་ལ་ཤ་སོགས་ཀྱི་ཆུ་དབང༌། དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་གང༌། ཤེས་བྱའི་སྒྲིབ་པ་དག །ཆུའི་ལྷག་མ་ཡར་ལུད་པ་ལས་རིན་ཆེན་འབྱུང་ལྡན་གྱིས་དབུ་བརྒྱན་པ་ལ་མཆོད་པར་གྱུར། གོང་ལྟར་མཆོད། རིན་ཆེན་ལས་སྐྱེས་རིན་ཆེན་བདག༔ རིན་ཆེན་སྙིང་པོའི་འོད་ཟེར་གྱིས༔ རིན་ཆེན་ཡིད་བཞིན་འཕེལ་མཛད་པ༔ རིན་ཆེན་ཚེ་ལྷའི་བཀྲ་ཤིས་ཤོག༔ དེས་སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཉོན་མོངས་པ་ང་རྒྱལ་དག །ཚོར་བའི་ཕུང་པོ་མཉམ་ཉིད་ཡེ་ཤེས་སུ་གནས་གྱུར། ཡོན་ཏན་རིན་ཆེན་རིགས་ཀྱི་ལས་དང་དངོས་གྲུབ་སྒྲུབ་པ་ལ་དབང་བ་ཡིན་ནོ། །སློབ་མ་སྐད་ཅིག་གིས་པདྨ་ཚེ་དཔག་མེད་དམར་པོ་དབང་གི་ཉམས་ཅན་ཕྱག་གཉིས་མཉམ་བཞག་གིས་ཚེ་བུམ་ལྕགས་ཀྱུས་མཚན་པ་བསྣམས་པ། དར་དང་རིན་པོ་ཆེས་བརྒྱན་ཅིང་ཞབས་རྡོར་སྐྱིལ་གྱིས་པད་ཟླ་ལ་བཞུགས་པར་བསྒོམས། རྡོ་རྗེ་སྣང་བ་མཐའ་ཡས་ཀྱི་བདག་ཉིད་ཅན་ཕྱག་གཡས་སུ་གཏད་པར་མོས་ཤིག །རྡོ་རྗེ་གཏད་ལ། ཧྲཱིཿ འདུ་ཤེས་འདོད་ཆགས་དག་བྱའི་ཕྱིར༔ པདྨ་ཚེ་ལྷའི་ངོ་བོ་ཉིད༔ ཐབས་ཀྱི་རྡོ་རྗེས་དབང་བསྐུར་བས༔ སོར་རྟོག་ཡེ་ཤེས་མངོན་གྱུར་ཤོག༔ ཨོཾ་པདྨ་ཨ་མི་ཏ་བྷ་ཨ་བྷི་ཥིཉྩ་ཧྲཱིཿ བཛྲ་ཀ་ལ་ཤ་སོགས་ཆུ་དབང༌། དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་གང༌། ངག་རླུང་གི་དྲི་མ་དག །ཆུའི་ལྷག་མ་ཡར་ལུད་པ་ལས་འོད་དཔག་ཏུ་མེད་པས་དབུ་བརྒྱན་པ་ལ་མཆོད་པར་གྱུར། གོང་ལྟར་མཆོད། པདྨའི་འབྱུང་གནས་པདྨའི་སྒྲ༔ པདྨ་ཟབ་པའི་རྒྱ་མཚོའི་འོད༔ པདྨའི་དཔལ་དུ་འགུགས་མཛད་པ༔ པདྨ་ཚེ་ལྷའི་བཀྲ་ཤིས་ཤོག༔ དེས་སངས་རྒྱས་ཐམས་ཅད་ཀྱི་གསུང་གི་དབང་ཐོབ། ཉོན་མོངས་པ་འདོད་ཆགས་དག །འདུ་ཤེས་ཀྱི་ཕུང་པོ་སོ་སོར་རྟོག་པའི་ཡེ་ཤེས་སུ་གནས་གྱུར། གསུང་པདྨའི་རིགས་ཀྱི་ལས་དང་དངོས་གྲུབ་སྒྲུབ་པ་ལ་དབང་བ་ཡིན་ནོ། །སློབ་མ་སྐད་ཅིག་གིས་ལས་ཀྱི་ཚེ་དཔག་མེད་ལྗང་གུ་དྲག་པོའི་ཉམས་ཅན། ཕྱག་གཉིས་མཉམ་བཞག་གིས་ཚེ་བུམ་རྒྱ་གྲམ་གྱིས་མཚན་པ་བསྣམས་པ། དར་དང་རིན་པོ་ཆེས་བརྒྱན་ཅིང་ཞབས་རྡོར་སྐྱིལ་གྱིས་པད་ཟླར་བཞུགས་པར་སྒོམས། དྲིལ་བུ་དོན་ཡོད་གྲུབ་པའི་བདག་ཉིད་ཅན་ཕྱག་གཡོན་དུ་གཏད་པར་མོས་ཤིག །དྲིལ་བུ་སྦྱིན་ལ། ཨཿ འདུ་བྱེད་ཕྲག་དོག་དག་བྱའི་ཕྱིར༔ ལས་ཀྱི་ཚེ་ལྷའི་ངོ་བོ་ཉིད༔ ཤེས་རབ་དྲིལ་བུས་དབང་བསྐུར་བས༔ བྱ་གྲུབ་ཡེ་ཤེས་མངོན་གྱུར་ཤོག༔ ཨོཾ་ཀརྨ་ཨཱ་མོ་གྷ་ཨ་བྷི་ཥིཉྩ་ཨཱ༔ བཛྲ་ཀ་ལ་ཤ་སོགས་ཆུ་དབང༌། དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་གང༌། ཀུན་གཞིའི་སྒྲིབ་པ་དག །ཆུའི་ལྷག་མ་ཡར་ལུད་པ་ལས་དོན་ཡོད་གྲུབ་པས་དབུ་བརྒྱན་པ་ལ་མཆོད་པར་གྱུར། གོང་ལྟར་མཆོད། ལས་ཀྱི་རོལ་པ་ལས་ཀྱི་ཐབས༔ ལས་ཀུན་དབང་སྒྱུར་གྲུབ་པའི་འོད༔ ལས་དང་ཡེ་ཤེས་དངོས་གྲུབ་སྟེར༔ ལས་ཀྱི་ཚེ་ལྷའི་བཀྲ་ཤིས་ཤོག༔ དེས་སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། ཉོན་མོངས་པ་ཕྲག་དོག་དག །འདུ་བྱེད་ཀྱི་ཕུང་པོ་བྱ་གྲུབ་ཡེ་ཤེས་སུ་གནས་གྱུར། ཕྲིན་ལས་ཀྱི་རིགས་ཀྱི་ལས་དང་དངོས་གྲུབ་སྒྲུབ་པ་ལ་དབང་བ་ཡིན་ནོ། །སློབ་མ་སྐད་ཅིག་གིས་བདེ་གཤེགས་ཚེ་དཔག་མེད་དཀར་པོ་བརྗིད་པའི་ཉམས་ཅན། ཕྱག་གཉིས་མཉམ་བཞག་གིས་ཚེ་བུམ་འཁོར་ལོས་མཚན་པ་བསྣམས་པ། དར་དང་རིན་པོ་ཆེས་བརྒྱན་ཅིང་ཞབས་རྡོར་སྐྱིལ་གྱིས་པད་ཟླ་ལ་བཞུགས་པར་སྒོམས། རྣམ་པར་སྣང་མཛད་ཀྱི་བདག་ཉིད་ཅན་གྱི་མིང་གིས་དབང་བསྐུར་བར་མོས་ཤིག རྡོ་རྗེ་དང་བཅས་པའི་དྲིལ་བུ་ཐོགས་ཏེ། ཨོཾ༔ གཟུགས་ཕུང་གཏི་མུག་དག་བྱའི་ཕྱིར༔ བདེ་གཤེགས་ཚེ་ལྷའི་ངོ་བོ་ཉིད༔ རྡོ་རྗེ་མིང་གིས་དབང་བསྐུར་བས༔ ཆོས་དབྱིངས་ཡེ་ཤེས་མངོན་གྱུར་ཤོག༔ །རྡོར་དྲིལ་བསྣོལ་མ་སྤྱི་བོར་འཁྲོལ་ལ། ཨོཾ་བུདྡྷ་བཻ་རོ་ཙཱ་ན་ཨ་བྷི་ཥིཉྩ་ཨོཾ༔ གསང་བའི་མཚན་བསྒྲག བཛྲ་ཀ་ལ་ཤ་སོགས་ཀྱི་ཆུ་དབང༌། དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་གང༌། ཆུའི་ལྷག་མ་ཡར་ལུད་པ་ལས་རྣམ་པར་སྣང་མཛད་ཀྱིས་དབུ་བརྒྱན་པ་ལ་མཆོད་པར་གྱུར། གོང་ལྟར་མཆོད། བདེ་གཤེགས་ཡབ་གྱུར་བདེ་གཤེགས་གསུང༔ བདེ་གཤེགས་ཚེ་ལྷའི་འོད་ཟེར་སྤྲིན༔ བདེ་གཤེགས་དགྱེས་པ་སྒྲུབ་མཛད་པའི༔ བདེ་གཤེགས་ཚེ་ལྷའི་བཀྲ་ཤིས་ཤོག༔ དེས་སངས་རྒྱས་ཐམས་ཅད་ཀྱི་སྐུའི་དབང་ཐོབ། ཉོན་མོངས་པ་གཏི་མུག་དག །གཟུགས་ཀྱི་ཕུང་པོ་ཆོས་དབྱིངས་ཡེ་ཤེས་སུ་གནས་གྱུར། སྐུ་བདེ་གཤེགས་རིགས་ཀྱི་ལས་དང་དངོས་གྲུབ་སྒྲུབ་པ་ལ་དབང་བ་ཡིན་ནོ། །གཉིས་པ་ནང་ནུས་པ་འཇུག་པའི་དབང་ལ་སྤྱི་དང་བྱེ་བྲག་ཁྱད་པར་གསུམ་ལས། དང་པོ་རྡོ་རྗེ་སློབ་དཔོན་བདག་པོ་ཆེན་པོར་དབང་བསྐུར་ཞིང་དབུགས་དབྱུང་བ་ལ་དམིགས་པ་འདི་ལྟར་མཛོད། རྒྱས་པར་སྤྲོ་ན་གཙོ་བོ་བསྐྱེད་པའི་ཚིག་གོང་གསལ་ལྟར་བརྗོད། བསྡུ་ན། ཁྱེད་རང་སྐད་ཅིག་གིས་པདྨ་དང་ཟླ་བའི་གདན་ལ་དཀྱིལ་འཁོར་འཁོར་ལོའི་དབང་ཕྱུག་བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པ་ལ་རང་འོད་ཡུམ་མཆོག་གོས་དཀར་མོས་འཁྱུད་པ། རང་རྟགས་ཕྱག་མཚན་དང་རྒྱན་ཆ་ལུགས་ཡོངས་སུ་རྫོགས་ཤིང་མཚན་དཔེའི་གཟི་བྱིན་འབར་བར་གྱུར་པ་ལ་ཐབས་བདེ་བ་ཆེན་པོ་རྡོ་རྗེ་ཐུགས་ཀྱི་དམ་ཚིག་བྱིན་པར་མོས། རྡོ་རྗེ་ལག་གཡས་སུ་གཏད་ནས་གསོར་དུ་གཞུག ཧཱུྃ༔ ཐོག་མཐའ་མེད་པའི་བྱང་ཆུབ་སེམས༔ དོན་གྱི་རྡོ་རྗེ་རབ་བཟུང་ནས༔ དཀྱིལ་འཁོར་ཀུན་གྱི་འོད་གསལ་ཐུགས༔ ཤིན་ཏུ་རྣམ་པར་རྟོགས་པར་གྱིས༔ ཨོཾ་མ་ཧཱ་བཛྲ་ཛྙཱ་ན་ཧཱུྃ༔ ཤེས་རབ་སྟོང་པ་ཉིད་དྲིལ་བུ་གསུང་གི་དམ་ཚིག་བྱིན་པར་མོས། དྲིལ་བུ་ལག་གཡོན་དུ་གཏད་ལ་དཀྲོལ་དུ་གཞུག ཨཱཿ སྲིད་པའི་རླུང་བཅུ་རྣམ་དག་པ༔ གྲགས་སྟོང་ངེས་དོན་དྲིལ་བུའི་སྒྲ༔ མི་ཤིག་ནཱ་དའི་གསུང་དབྱངས་ཀྱིས༔ འགྲོ་བ་ཐམས་ཅད་སད་པར་གྱིས༔ ཨོཾ་བཛྲ་གྷཎྜེ་ཛྙཱ་ན་ཨཱཿ བདེ་སྟོང་ཟུང་འཇུག་ཕྱག་རྒྱ་སྐུའི་དམ་ཚིག་བྱིན་པར་མོས་ཤིག །རྡོར་དྲིལ་ཐུགས་ཀར་བསྣོལ་ཏེ་འཁྱུད་པའི་ཕྱག་རྒྱ་བྱར་གཞུག་ལ། ཧཱུྃ༔ ཕུང་ཁམས་སྐྱེ་མཆེད་གདོད་མ་ནས༔ སྣང་རིག་ཟུང་འཇུག་སྒྱུ་མའི་ཚུལ༔ བདེ་སྟོང་ཡེ་ཤེས་ཕྱག་རྒྱའི་སྐུས༔ ཁ་སྦྱོར་བདེ་བའི་ཏིང་འཛིན་སྒྲུབ༔ ཨོཾ་མ་ཧཱ་མུ་དྲ་ཛྙཱ་ན་ཨཱཏྨ་ཀོ྅་ཧཾ༔ སླར་ཡང་དབང་གི་ལྷ་རྣམས་ཀྱིས་བཀྲ་ཤིས་པའི་རྣམ་པ་དུ་མ་དང་ལྡན་པས་རིན་པོ་ཆེའི་བུམ་པ་བདུད་རྩིའི་ཆུ་རྒྱུན་གྱི་གང་བས་དབང་བསྐུར་བར་མོས་ཤིག །རྣམ་བུམ་གྱི་དབང་བསྐུར་ལ། ཧོ༔ རིན་ཆེན་བུམ་པ་བཅུད་དང་ལྡན༔ འཆི་མེད་ཚེ་ཡི་ལྷ་ཚོགས་བཞུགས༔ སྐལ་ལྡན་ཁྱོད་ལ་དབང་བསྐུར་བས༔ ཡེ་ཤེས་བདུད་རྩིས་རྒྱུད་སྨིན་ཤོག༔ ཀ་ལ་ཤ་ཛྙཱ་ན་ཨ་བྷི་ཥིཉྩ་ཨོཾ༔ དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་གང་སྒྲིབ་པ་བཞིའི་ས་བོན་བག་ཆགས་དང་བཅས་པ་དག །ཆུའི་ལྷག་མ་གྱེན་དུ་འཁྱིལ་བ་ལས་རྡོ་རྗེ་སེམས་དཔས་དབུར་བརྒྱན། ནམ་མཁར་བཞུགས་པའི་དབང་གི་ལྷ་རྣམས་ཀྱང་ཐིམ་པར་གྱུར། རྟེན་སྙིང་དང༌། སུ་པྲ་ཏིཥྛ་བརྗོད། མེ་ཏོག་འཐོར་ལ་རབ་ཏུ་གནས། གོང་ལྟར་མཆོད། དཀོན་མཆོག་གསུམ་གྱི་ཤིས་བརྗོད་བྱ། གཉིས་པ་བྱེ་བྲག་གི་རྗེས་སུ་གནང་བ་ལ། ཁྱེད་རང་རྣམས་ཀྱི་སྤྱི་བོར་བཀྲ་ཤིས་པའི་གདུགས་དབུབ། ལག་གཡས་སུ་དུང་དཀར། གཡོན་དུ་དྲིལ་བུ། པང་དུ་སྔགས་ཀྱི་གླེགས་བམ། རྐང་འོག་ཏུ་འཁོར་ལོ་བྱིན་ཏེ་དེ་ཉིད་བཅུ་སོགས་རྡོ་རྗེ་སློབ་དཔོན་གྱི་ཕྲིན་ལས་རབ་འབྱམས་སྒྲུབ་པར་བཀའ་གནང་བར་མོས་ཤིག །ཆས་རྣམས་སོ་སོར་གཏད་ལ། ཧོཿ དེང་ནས་བརྩམས་ཏེ་རིགས་ཀྱི་བུ༔ ཁྱོད་ནི་སྒྲིབ་དག་ཡེ་ཤེས་བརྙེས༔ དཀྱིལ་འཁོར་ཀུན་གྱི་བདག་པོ་ཆེ༔ རྡོ་རྗེ་སློབ་དཔོན་མཆོག་ཏུ་གྱུར༔ ལྟ་སྤྱོད་དཀྱིལ་འཁོར་སྨིན་གྲོལ་དང༔ ལས་ཀྱི་ཡན་ལག་ཐམས་ཅད་ལ༔ བདེ་ཆེན་སྒྱུ་མའི་རོལ་པས་སྒྲུབས༔ སྙིང་རྗེ་ཆེན་པོས་གཞན་དོན་གྱིས༔ འཁོར་བ་རྒྱུད་ལྔ་དྲངས་པའི་ཕྱིར༔ བསྡུ་བ་རྣམ་བཞིའི་དུང་བུས་ལ༔ ཐེག་མཆོག་ཆོས་ཀྱི་དྲིལ་བུ་སྒྲོགས༔ རྡོ་རྗེའི་སྔགས་རྒྱུད་རབ་འབྱམས་ཀྱིས༔ རིགས་ཅན་གསུམ་གྱི་གདུལ་བྱ་ཀུན༔ བྱང་ཆུབ་སྙིང་པོར་དབུགས་ཕྱུངས་ཤིག༔ ཨོཾ་བཛྲ་དྷརྨ་བྷཱ་ཥཱ་ཛྙཱ་ན་ས་མ་ཡ་ཧོ༔ ཞེས་གདམས། གསུམ་པ་ཁྱད་པར་བ་སྐུ་གསུང་ཐུགས་ཀྱི་བྱིན་རླབས་དང་ནུས་པ་རྒྱུད་ལ་འཇུག་པའི་ཕྱིར་ལྷ་སྔགས་རིག་པའི་དབང་བསྐུར་སྦྱིན་པའི་ཐོག་མར་སྐུ་ཕྱག་རྒྱའི་དབང་བསྐུར་བ་ལ། མདུན་བསྐྱེད་ལྷ་ཚོགས་གཙོ་འཁོར་རྣམས་ལས་ཡེ་ཤེས་ཀྱི་སྐུ་མར་མེ་གཅིག་ལས་གཉིས་མཆེད་ཀྱི་ཚུལ་དུ་བྱོན་ནས་ཁྱེད་རང་ལ་ཐིམ་པས་ཡེ་ཤེས་ཀྱི་ཕྱག་རྒྱ་དང་གཉིས་མེད་དུ་གྱུར་པར་མོས་ཤིག །ལྷ་ཙཀ་རྣམས་ཀྱིས་དབང་རིམ་པར་བསྐུར་ལ། ཧྲཱིཿ གསུང་གི་རྡོ་རྗེ་བཅོམ་ལྡན་འདས༔ ཚེ་མཐའ་ཡས་པས་དབང་བསྐུར་བས༔ འཆི་མེད་རྟག་པ་རྡོ་རྗེའི་སྐུར༔ འགྲུབ་པའི་སྐལ་བ་ལྡན་པར་ཤོག༔ ཨོཾ་ཛྙཱ་ན་ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ། ཐུགས་ཀྱི་རྡོ་རྗེ་བཅོམ་ལྡན་འདས། །མི་བསྐྱོད་རྡོ་རྗེས་དབང་བསྐུར་བས། །རྣམ་ཤེས་རྣམ་དག་འགྱུར་བ་མེད། །མེ་ལོང་ཡེ་ཤེས་ཚེ་ཐོབ་ཤོག །ཨོཾ་བཛྲ་ཨཀྵོ་བྷྱཿཨ་བྷི་ཥིཉྩ་ཨོཾ། ཏྲཱྃ། ཡོན་ཏན་རྡོ་རྗེ་བཅོམ་ལྡན་འདས། །རིན་ཆེན་འབྱུང་ལྡན་དབང་བསྐུར་བས། །ཚོར་བ་རྣམ་དག་ལྷུན་གྱིས་གྲུབ། །མཉམ་ཉིད་ཡེ་ཤེས་ཚེ་ཐོབ་ཤོག །ཨོཾ་རཏྣ་སཾ་བྷ་ཝ་ཨ་བྷི་ཥིཉྩ་ཨོཾ། ཨོཾ། སྐུ་ཡི་རྡོ་རྗེ་བཅོམ་ལྡན་འདས། །རྣམ་པར་སྣང་མཛད་དབང་བསྐུར་བས། །གཟུགས་ཕུང་རྣམ་དག་སྐྱེ་འཆི་བྲལ། །ཆོས་དབྱིངས་ཡེ་ཤེས་ཚེ་ཐོབ་ཤོག །ཨོཾ་བཻ་རོ་ཙཱ་ན་ཨ་བྷི་ཥིཉྩ་ཨོཾ། ཨཱ། ཕྲིན་ལས་རྡོ་རྗེ་བཅོམ་ལྡན་འདས། །དོན་ཡོད་གྲུབ་པས་དབང་བསྐུར་བས། །འདུ་བྱེད་རྣམ་དག་གཡོ་རྩོལ་བྲལ། །བྱ་གྲུབ་ཡེ་ཤེས་ཚེ་ཐོབ་ཤོག །ཨོཾ་ཨ་མོ་གྷ་སིདྡྷི་ཨ་བྷི་ཥིཉྩ་ཨོཾ། ཧྲཱིཿ དགའ་བའི་རང་བཞིན་ཡེ་ཤེས་དབྱིངས། །རྡོ་རྗེ་སྒེག་མོ་ཚེ་ཡི་ལྷས། །རིགས་ཀྱི་བུ་ལ་དབང་བསྐུར་བས། །ཆུ་ཁམས་མཱ་ཀིའི་དབྱིངས་གྲོལ་ཤོག །ཨོཾ་བཛྲ་ལཱ་སྱ་ཧཱུྃ་ཨ་བྷི་ཥིཉྩ་ཧཱུྃ། ཧྲཱིཿ མཆོག་ཏུ་དགའ་བའི་ཡེ་ཤེས་དབྱིངས། །རྡོ་རྗེ་ཕྲེང་བ་ཚེ་ཡི་ལྷས། །རིགས་ཀྱི་བུ་ལ་དབང་བསྐུར་བས། །ས་ཁམས་སྤྱན་མའི་དབྱིངས་གྲོལ་ཤོག །ཨོཾ་བཛྲ་མཱ་ལྱ་ཧཱུྃ་ཨ་བྷི་ཥིཉྩ་ཧཱུྃ། ཧྲཱིཿ ཁྱད་པར་དགའ་བའི་ཡེ་ཤེས་དབྱིངས། །རྡོ་རྗེ་གླུ་མ་ཚེ་ཡི་ལྷས། །རིགས་ཀྱི་བུ་ལ་དབང་བསྐུར་བས། །མེ་ཁམས་གོས་དཀར་དབྱིངས་གྲོལ་ཤོག །ཨོཾ་བཛྲ་གཱིརྟི་ཧཱུྃ་ཨ་བྷི་ཥིཉྩ་ཧཱུྃ། ཧྲཱིཿ ལྷན་སྐྱེས་དགའ་བའི་ཡེ་ཤེས་དབྱིངས། །རྡོ་རྗེ་གར་མ་ཚེ་ཡི་ལྷས། །རིགས་ཀྱི་བུ་ལ་དབང་བསྐུར་བས། །རླུང་ཁམས་སྒྲོལ་མའི་དབྱིངས་གྲོལ་ཤོག །ཨོཾ་བཛྲ་ནཱིརྟི་ཧཱུྃ་ཨ་བྷི་ཥིཉྩ་ཧཱུྃ། ཧྲཱི༔ བྱམས་པ་ཆེན་པོའི་ཡེ་ཤེས་དབྱིངས༔ རྡོ་རྗེའི་མགྱོགས་མ་ཚེ་ཡི་ལྷས༔ སྐལ་ལྡན་བུ་ལ་དབང་བསྐུར་བས༔ ཚེ་མཆོག་འགུགས་པའི་དབང་ཐོབ་ཤོག༔ ཨོཾ་བཛྲ་ཨཾ་ཀུ་ཤ་ཛཿཨ་བྷི་ཥིཉྩ་ཧཱུྃ། ཧྲཱི༔ སྙིང་རྗེ་ཆེན་པོའི་ཡེ་ཤེས་དབྱིངས༔ རིན་ཆེན་མགྱོགས་མ་ཚེ་ཡི་ལྷས༔ སྐལ་ལྡན་བུ་ལ་དབང་བསྐུར་བས༔ འཕོ་མེད་སྡོམ་པའི་དབང་ཐོབ་ཤོག༔ ཨོཾ་རཏྣ་པཱ་ཤ་ཧཱུྃ་ཨ་བྷི་ཥིཉྩ་ཧཱུྃ། ཧྲཱི༔ དགའ་བ་ཆེན་པོའི་ཡེ་ཤེས་དབྱིངས༔ པདྨའི་མགྱོགས་མ་ཚེ་ཡི་ལྷས༔ སྐལ་ལྡན་བུ་ལ་དབང་བསྐུར་བས༔ མི་ཕྱེད་མཉམ་པའི་དབང་ཐོབ་ཤོག༔ ཨོཾ་པདྨ་སྥོ་ཊ་བཾ་ཨ་བྷི་ཥིཉྩ་ཧཱུྃ༔ ཧྲཱི༔ བཏང་སྙོམས་ཆེན་པོའི་ཡེ་ཤེས་དབྱིངས༔ ལས་ཀྱི་མགྱོགས་མ་ཚེ་ཡི་ལྷས༔ སྐལ་ལྡན་བུ་ལ་དབང་བསྐུར་བས༔ བཏང་སྙོམས་ཆེན་པོའི་དབང་ཐོབ་ཤོག༔ ཨོཾ་ཀརྨ་གྷཎྜེ་ཧོ་ཨ་བྷི་ཥིཉྩ་ཧཱུྃ། ཛཿ སྦྱིན་པའི་ཕྲིན་ལས་ཆེན་པོའི་གཟུགས། །རྡོ་རྗེ་སྒོ་མ་ལྕགས་ཀྱུ་མས། །རིགས་ཀྱི་བུ་ལ་དབང་བསྐུར་བས། །ཞི་བའི་ཕྲིན་ལས་མཐར་ཕྱིན་ཤོག །ཨོཾ་ཤཱནྟིཾ་ཀུ་རུ་ཧཱུྃ་ཨ་བྷི་ཥིཉྩ་ཧཱུྃ། ཧཱུྃ། སྙན་པར་སྨྲ་བའི་ཕྲིན་ལས་གཟུགས། །རྡོ་རྗེ་སྒོ་མ་ཞགས་པ་མས། །རིགས་ཀྱི་བུ་ལ་དབང་བསྐུར་བས། །རྒྱས་པའི་ཕྲིན་ལས་མཐར་ཕྱིན་ཤོག །བྷྲཱུྃ་པུཥྚིཾ་ཀུ་རུ་ཧཱུྃ་ཨ་བྷི་ཥིཉྩ་ཧཱུྃ། བྃ། དོན་སྤྱོད་ཕྲིན་ལས་མཐར་ཕྱིན་གཟུགས། །རྡོ་རྗེ་སྒོ་མ་ལྕགས་སྒྲོག་མས། །རིགས་ཀྱི་བུ་ལ་དབང་བསྐུར་བས། །དབང་གི་ཕྲིན་ལས་མཐར་ཕྱིན་ཤོག །ཧྲཱིཿཝ་ཤཾ་ཀུ་རུ་ཧཱུྃ་ཨ་བྷི་ཥིཉྩ་ཧཱུྃ། ཧོཿ དོན་མཐུན་ཕྲིན་ལས་མཐར་ཕྱིན་གཟུགས། །རྡོ་རྗེ་སྒོ་མ་དྲིལ་བུ་མས། །རིགས་ཀྱི་བུ་ལ་དབང་བསྐུར་བས། །དྲག་པོའི་ཕྲིན་ལས་མཐར་ཕྱིན་ཤོག །ཧཱུྃ་མཱ་ར་ཡ་ཕཊ྄་ཨ་བྷི་ཥིཉྩ་ཧཱུྃ། དེ་ལྟར་ལྷ་སྐུ་ཕྱག་རྒྱའི་དབང་བསྐུར་བས། དེང་ནས་བཟུང་སྟེ་རང་ལུས་སྣང་སྟོང་ལྷའི་སྐུ་བསྒོམ་པ་དང་མ་བྲལ་བས་སྣང་བ་ཐམས་ཅད་ལ་ལྷ་སྐུ་ཕྱག་རྒྱའི་གཟེར་གྱིས་ཐེབས་པར་གྱིས་ཤིག །གསུང་བཟླས་པའི་ལུང་སྦྱིན་པ་ལ་དམིགས་པ་འདི་རྣམས་གསལ་ཐོབ། བདག་མདུན་གྱི་ཐུགས་ཀར་སྣ་ཚོགས་རྡོ་རྗེའི་ལྟེ་བར་ཉི་ཟླའི་གྭའུའི་དབུས་སུ་ཧྲཱིཿཡིག་དམར་གསལ་སྔགས་ཕྲེང་གིས་བསྐོར་བ་གསལ་ཐོབ། སློབ་དཔོན་དང་ལྷ་ལ་མོས་གུས་བྱས་པའི་རྐྱེན་གྱིས་སྔགས་ཕྲེང་ལས་སྔགས་ཕྲེང་གཉིས་པ་བྱུང་ཞལ་ནས་ཐོན། ཁྱེད་རང་རྣམས་ཀྱི་ཞལ་དུ་ཞུགས་ཐུགས་ཀའི་ཧྲཱིཿཡིག་གི་མཐར་འཁོད། བཟླས་པའི་རྐྱེན་གྱིས་འོད་ཟེར་སྤྲོ་བསྡུས་དོན་གཉིས་བསྒྲུབས། འཁོར་འདས་བརྟན་གཡོའི་དྭངས་བཅུད་བསྡུས་ཏེ་དྭངས་མའི་སྒོ་གསུམ་ལ་ཐིམ་པས་རང་གཞན་སེམས་ཅན་ཀུན་གྱི་སྐྱེ་འཆིའི་སྡུག་བསྔལ་མིང་མེད་དུ་སྦྱངས། ཚེ་དང་ཡེ་ཤེས་ཀྱི་དངོས་གྲུབ་ཐོབ་པར་མོས་ལ་བསྙེན་སྔགས་འདིའི་རྗེས་ཟློས་མཛོད། བསྙེན་སྔགས་ལན་གསུམ་བཟླར་གཞུག སླར་ཡང་གཙོ་བོ་རིགས་ལྔ་ཡབ་ཡུམ་གྱི་ཐུགས་ཀར་རྒྱ་གྲམ་སྟེང་ཉི་ཟླའི་གྭའུར་རིགས་ཀྱི་ས་བོན་ལ་སྔགས་ཕྲེང་གིས་བསྐོར་བ་ལས་འོད་ཟེར་སྤྲོ་བསྡུས་སྣོད་བཅུད་སྣང་གྲགས་རྟོག་ཚོགས་ཐམས་ཅད་ལྷ་སྔགས་ཡེ་ཤེས་ཀྱི་རོལ་མོར་ཤར། ཕྱི་འབྱུང་ལྔ། ནང་ཕུང་ཁམས། གསང་བ་སྐུ་གསུང་ཐུགས་ཡོན་ཏན་ཕྲིན་ལས་ཀྱི་ཚེ་ཡི་དངོས་གྲུབ་ཐོབ་སྟེ་མཆོག་ཐུན་གྱི་ལས་རབ་འབྱམས་འགྲུབ་པར་མོས་ལ་སྒྲུབ་སྔགས་ལན་གསུམ་རྗེས་ཟློས། སྒྲུབ་སྔགས་དང༌། སླར་ཡང་དཀྱིལ་འཁོར་གྱི་ཐུགས་ཀའི་འོད་ཀྱིས་སྒོ་མ་བཞི་བསྐུལ་ཚེ་ཡི་མགྱོགས་མ་ནམ་མཁའ་གང་བ་སྤྲོས་ཏེ་ཐུན་མོང་ཕྲིན་ལས་རྣམ་པ་བཞི་བསྒྲུབས་པས་ཚེ་ཡི་འགལ་རྐྱེན་བསལ་ཞིང༌། ལེགས་ཚོགས་རྒྱས་པར་མོས་ལ་ལས་སྦྱོར་གྱི་སྔགས་རྣམས་ཀྱི་རྗེས་ཟློས་མཛོད། ལས་སྔགས་ལན་གསུམ་བཟླར་གཞུག སྔགས་ཀྱི་ཕྲེང་བ་གཏད་པས་བཟླས་བརྗོད་ཀྱི་ནུས་པ་བསྐྱེད་ཅིང་བརྟན་པར་བྱས་པར་མོས་ཤིག །ཕྲེང་བ་གཏད་ལ། ཨཱ༔ ཡེ་ཤེས་རྣམ་པ་ཐམས་ཅད་པ༔ རྡོ་རྗེ་རིག་པའི་སྔགས་སུ་ཤར༔ སྐལ་ལྡན་ངག་ལ་དབང་བསྐུར་བས༔ འཆི་མེད་རྡོ་རྗེའི་སྐལ་ལྡན་ཤོག༔ བིདྱ་མནྟྲ་ཨ་བྷི་ཥིཉྩ་ཨ༔ དེ་ལྟར་གསུང་སྔགས་ཀྱི་དབང་བསྐུར་བས་དེང་ཕྱིན་ཆད་གྲགས་སྟོང་སྔགས་ཀྱི་བཟླས་པ་ཆུ་བོའི་རྒྱུན་བཞིན་དུ་བརྩོན་ནས་བརྟན་གཡོའི་སྒྲ་སྐད་ཐམས་ཅད་ལ་རྡོ་རྗེའི་སྔགས་ཀྱི་གཟེར་གྱིས་ཐེབས་པར་གྱིས་ཤིག །ཐུགས་རང་བྱུང་གི་དགོངས་པ་ངོ་སྤྲད་པའི་སླད་དུ། མེ་ལོང་དྭངས་པའི་ངོས་སུ་གཟུགས་བརྙན་སྣ་ཚོགས་སུ་སྣང་ཡང་རང་བཞིན་མ་གྲུབ་པའི་དཔེས་མཚོན་ནས། རང་སེམས་སྟོང་པའི་རང་རྩལ་ལས་གཟུང་འཛིན་འཁྲུལ་པའི་སྣང་བ་སྣ་ཚོགས་སུ་ཤར་ཡང་གདོད་མ་ནས་སྐྱེ་འགགས་གནས་གསུམ་དང་བྲལ་བའི་དོན་ཤེས་པར་གྱིས་ལ་སྣང་རིག་ཟུང་འཇུག་རང་བྱུང་འོད་གསལ་ཆེན་པོའི་ངང་དུ་མཉམ་པར་ཞོག་ཅིག །མེ་ལོང་བསྟན་ལ། ཨ༔ སེམས་ནི་དུས་གསུམ་སྐྱེ་བ་མེད༔ ཡང་དག་ཡེ་ཤེས་སྙིང་པོའི་སྲོག༔ རྟག་ཏུ་ཆོས་ཀྱི་དབྱིངས་སུ་བཞུགས༔ རང་ལ་གནས་པའི་དེ་ཉིད་ལྟོས༔ ཨ་ཨ་ཨཿ དེ་ལྟར་ཐུགས་ཡེ་ཤེས་ཀྱི་དགོངས་པ་ངོ་སྤྲད་པས། དེང་ནས་བཟུང་སྟེ་རིག་སྟོང་ཡེ་ཤེས་ཆེན་པོའི་ངང་ལ་རྟག་ཏུ་མཉམ་པར་བཞག་པ་ལས་མ་གཡོས་པས་རྟོག་ཚོགས་ཐམས་ཅད་ལ་དགོངས་པ་མི་འགྱུར་བའི་གཟེར་དང་འཕྲོ་འདུ་ཏིང་ངེ་འཛིན་གྱི་གཟེར་གྱིས་ཐེབ་པར་གྱིས་ཤིག །དེ་རྣམས་ཀྱི་ཕྱི་མཚན་མའི་དཀྱིལ་འཁོར་དུ་བུམ་པའི་དབང་ཐོབ། ལུས་རྩའི་དྲི་མ་སྦྱངས། བསྐྱེད་རིམ་ལྷའི་འཁོར་ལོ་བསྒོམ་པ་ལ་དབང༌། འབྲས་བུ་སྐུ་རྡོ་རྗེ་སྤྲུལ་པའི་སྐུ་འཐོབ་པའི་ས་བོན་རྒྱུད་ལ་བཞག་པ་ཡིན་ནོ། །གཉིས་པ་གསང་བ་ཟབ་མོའི་དབང་གི་དོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་མཛོད། ཨེ་མ་དཀྱིལ་འཁོར་དབང་ཕྱུག་གཙོ༔ བདེ་བ་ཆེན་པོ་བླ་མ་དགོངས༔ བདག་ནི་སེམས་དཔའ་ཆེན་པོ་སྟེ༔ གསང་བ་ཟབ་མོའི་སྐལ་བར་ལྡན༔ ཁྱོད་ལ་ཡང་དག་སྐྱབས་སུ་མཆི༔ བླ་མེད་ངེས་པའི་ལམ་འདོད་པས༔ སྙིང་པོའི་དཀྱིལ་འཁོར་འཇུག་ལ་སྤྲོ༔ མཉམ་ཉིད་བརྟུལ་ཞུགས་སྤྱོད་པའི་ཕྱིར༔ གསང་བའི་དབང་མཆོག་བདག་ལ་སྩོལ༔ ཞེས་གསོལ་བ་གདབ་པ་ལ་དགྱེས་པས་གནང་བ་བྱིན་པར་མོས་ཤིག །བླ་ན་མེད་པ་གསང་བའི་ལམ༔ སངས་རྒྱས་བྱང་ཆུབ་བདེ་བ་ཆེའི༔ སྐལ་བ་མཆོག་ཏུ་ཁྱོད་སྒྲུབ་ན༔ དེ་རིང་ཕ་ཡི་གམ་དུ་ཤོག༔ གསང་བའི་དབང་སྦྱིན་པའི་སླད་དུ་དམིགས་པ་འདི་ལྟར་མཛོད་ཅིག །བླ་མ་ཚེ་བདག་ཡབ་ཡུམ་སྒོམས༔ གནས་ལྔར་རིགས་ལྔའི་སྟངས་དཔྱལ་ཏེ༔ གཉིས་མེད་རོལ་པའི་འོད་དང་སྒྲས༔ སངས་རྒྱས་ཐམས་ཅད་སྙོམས་པར་ཞུགས༔ བྱང་ཆུབ་སེམས་ཀྱི་བདུད་རྩིའི་ཆར༔ བབས་པ་བདག་པོའི་ལུས་ལ་ཞུགས༔ ཆགས་པའི་མེ་ཡིས་བཞུས་པ་ཡི༔ བྱང་ཆུབ་སེམས་ཀྱི་བདུད་རྩིར་འདྲེས༔ མཁའ་གསང་ལྷག་པའི་སེམས་ཀྱི་སྤྲིན༔ ཐོད་པའི་བདུད་རྩིར་གཉིས་མེད་གྱུར། །བྱང་སེམས་ལྕེ་ལ་བྱིན་པར་མོས། ཨཱཿ མཚན་ལྡན་པདྨ་བྷཉྫའི་སྣོད༔ ལྷག་པའི་སེམས་ཀྱི་བདུད་རྩི་བསྐྱིལ༔ བུ་ཡི་རྡོ་རྗེའི་ལྕེ་ལ་བཞག༔ གཉིས་སུ་མེད་པར་རོལ་ཏེ་བླང༔ བོ་དྷི་ཙིཏྟ་ཨ་ལ་ལ་ཧོ༔ བྷན་དྷའི་བདུད་རྩི་གནས་བཞིར་བཞག་ལྕེ་ལ་བྱིན་ཏེ། བུ་ཡིས་བདུད་རྩི་འཐུང་བའི་མོད༔ ཚེ་དཔག་མེད་པ་སྟངས་དཔྱལ་གྱི༔ འཁོར་ལོ་ལྔ་རུ་དཀྱིལ་འཁོར་བཀོད༔ རང་བྱུང་རང་ཤར་ཚེ་ཡི་ལྷ༔ མ་འདྲེས་གསལ་རྫོགས་ཚུལ་དུ་ཤར༔ ལྕེ་ནི་རྡོ་རྗེ་རྩེ་གསུམ་པའི༔ ལམ་བརྒྱུད་བདུད་རྩིའི་ལུས་གང་སྟེ༔ ལྷ་ཚོགས་ཐམས་ཅད་དགྱེས་པ་བསྐྱེད༔ དྭངས་མའི་བདུད་རྩིས་ཕུང་ཁམས་སྦྱངས༔ སྣང་སྟོང་སྒྱུ་མའི་ཏིང་འཛིན་ལ༔ རྩེ་གཅིག་མཉམ་བཞག་རང་ངོ་ལྟོས། །ཞེས་པའི་དམིགས་པ་ལ་སེམས་འཛིན་མཛོད་ཅིག །དེ་ལྟར་གསལ་ཐེབས་པ་དང་ནད་གདོན་སྡིག་སྒྲིབ་ཁྱད་པར་ཉོན་མོངས་པའི་རླུང་དུག་སྣ་བུག་ནས་ཕྱིར་སོང་བར་མོས་ལ་རླུང་རོ་ལན་གསུམ་སོལ་མཛོད་ཅིག །རླུང་རོ་ལན་གསུམ་བསལ། རླུང་བུམ་ཆེན་བཟུང་དུ་བཅུག་ལ། གཞི་ལུས་ཚེ་དཔག་མེད་ཡབ་ཡུམ་རྩ་གསུམ་འཁོར་ལོ་ལྔ་དང་བཅས་པ་གསལ་ལ་རླུང་ཁ་སྦྱོར་དུ་འཆིང་བས་ལྟེ་བའི་གཏུམ་མོ་བསྐུལ། སྤྱི་བོའི་ཧཾ་བཞུས་པའི་དྭངས་མ་དཀར་དམར་འདྲེས་པས་འཁོར་ལོ་བཞིར་ཁྱབ་པས། བྱང་ཆུབ་སེམས་ཀྱི་ཟེགས་མ་ཡིས༔ ལུས་དཀྱིལ་ལྷ་རྣམས་དགྱེས་པ་བསྐྱེད༔ བདེ་ཆེན་རོལ་པས་སྦྱོར་བ་ཡི༔ སེམས་ཀྱི་ཆུ་རྒྱུན་རྩ་རྣམས་གང༔ རགས་པའི་ཕུང་ཁམས་ཐམས་ཅད་སྦྱངས༔ དྭངས་མའི་དབང་ཤེས་ལྷ་རུ་སད༔ ཡེ་ཤེས་སྒྱུ་མའི་སྐུ་ཐོབ་བསམ༔ དེ་ལྟར་དམིགས་པའི་སྟོབས་ཀྱིས་ནང་རང་གི་ལུས་ཀྱི་འཁོར་ལོ་ལྔར། ཕུང་ཁམས་དག་པ་ཚེ་བདག་རིགས་ལྔའི་དཀྱིལ་འཁོར་ལ་བྱང་ཆུབ་སེམས་ཀྱི་བདུད་རྩིའི་དབང་བསྐུར་བས་དྭངས་མ་སྒྲིབ་བྲལ་དུ་སྨིན་པར་བྱས་པ་ལ། ཐུན་མོང་མ་ཡིན་པའི་བྱིན་རླབས་ཀྱི་སླད་དུ། རིགས་ལྔའི་བྱང་ཆུབ་སེམས་ཀྱི་བདུད་རྩིའི་བཅུད་ལེན་མྱོང་བས་བདེ་སྟོང་གི་ནུས་པ་གསོས་ཐེབས་ཏེ་ལྷན་སྐྱེས་བདེ་བ་ཆེན་པོ་ཡེ་ཤེས་ལྔ་ཡི་ཚེའི་སྟོབས་རྒྱས་པར་མོས་ཤིག ཧྲཱིཿ བདུད་རྩིའི་སྙིང་པོ་རང་བྱུང་བ༔ དཀར་རྩི་དམར་རྩི་དྲི་ཆུ་དང༔ དྲི་ཆེན་གོ་རོ་ཙ་ན་ཡི༔ སྙིང་པོའི་བཅུད་ལེན་རོལ་བར་གྱིས༔ བི་མུ་མ་ར་ཤུ་ཨ་མྲྀ་ཏ་ཨ་ལ་ལ་ཧོ༔ བདུད་རྩི་མྱོང་དུ་གཞུག་ལ། བདེ་བ་ཆེན་པོའི་ཡེ་ཤེས་ཀྱི་སྟོབས་ལྷག་པར་རྒྱས་པར་བྱས་པའི་རྐྱེན་གྱིས། རང་ཉིད་དཀྱིལ་འཁོར་སྟངས་དང་དཔྱལ༔ གཉིས་མེད་སྦྱོར་བའི་བདེ་བ་ཡིས༔ ལུས་དཀྱིལ་ལྷ་ཚོགས་མཆོག་ཏུ་དགྱེས༔ འོད་ཀྱིས་བརྟན་གཡོའི་དྭངས་མ་བསྡུས༔ ཐིག་ལེའི་རྣམ་པར་ལུས་ལ་ཐིམ༔ དྭངས་མས་ནང་གང་འཆི་མེད་ཀྱི༔ གྲུབ་པའི་བདུད་རྩིས་ལུས་སེམས་རྒྱས༔ སྙིང་པོ་མི་འགྱུར་སྲོག་ལྡན་དམིགས༔ ལུས་དཀྱིལ་གྱི་ལྷ་ཚོགས་རྗེས་སུ་ཆགས་པའི་འོད་དང་སྒྲས་འཁོར་འདས་བརྟན་གཡོའི་དྭངས་མ་དང་བདེ་སྟོང་གི་ཁམས་འཕེལ་རྒྱས་བརྟན་པ་ཡེ་ཤེས་དྭངས་མའི་ཐིག་ལེར་བྱིན་གྱིས་བརླབ་པའི་ཕྱིར་ཤ་ཆེན་རིགས་ལྔའི་བཅུད་ལེན་བྱིན་པའང་རྡོ་རྗེ་སྲོག་གི་ཟུངས་སུ་སྨིན་པར་མོས། ཧྲཱི༔ ལུས་ཀྱི་སྙིང་པོ་ཤ་ཆེན་ལྔ༔ ངོ་མཚར་བཅུད་ཀྱི་ལེན་པའི་མཆོག༔ སྒྲུབ་པའི་དམ་ཚིག་རྫས་ཆེན་པོ༔ རོལ་ཅིག་དངོས་གྲུབ་མཆོག་ཐོབ་ཤོག༔ གོ་ཀུ་ད་ཧ་ན་ཨ་མྲྀ་ཏ་མ་ཧཱ་སུ་ཁ་ཧོ༔ ཞེས་ཤ་ལྔ་མྱོང་དུ་གཞུག དེ་ལྟར་མྱངས་པས་བྱང་སེམས་ཀྱིས་རྩ་ཁམས་ཐམས་ཅད་ལ་ཁྱབ། གསལ་སྟོང་རྣམ་པར་མི་རྟོག་པའི་བདེ་བའི་ཡེ་ཤེས་རྒྱུད་ལ་སྐྱེས་པ་ནི། བདེ་བའི་རང་ངོ་སྟོང་པ་ཉིད༔ སྟོང་ཉིད་གང་དུའང་མི་གནས་པའི༔ ཡེ་ཤེས་བསམ་མི་ཁྱབ་པའི་དབྱིངས༔ མཉམ་པར་བཞག་ལ་རང་ངོ་བསྐྱང༔ རྡོ་རྗེའི་ཚིག་གིས་ངོ་སྤྲད་པ༔ ཨ༔ ཡང་དག་ཡེ་ཤེས་རྒྱ་ཆེ་བ༔ སྙིང་པོའི་མཆོག་ནི་འགྱུར་བ་མེད༔ རང་བྱུང་རྡོ་རྗེའི་སེམས་ཆེན་པོ༔ སྐྱེ་འགགས་མེད་པའི་ཆོས་འདིའོ༔ ཨ་ཨ་ཨ༔ དཔོན་སློབ་གཉིས་ཀས་མཉམ་པར་བཞག༔ དོན་གྱི་གནས་ལུགས་རང་ངོ་སྤྲད༔ ཡེ་ཤེས་མཆོག་གི་གཤིས་ལུགས་སྐྱོང༔ དེས་ནང་ལུས་ཀྱི་དཀྱིལ་འཁོར་དུ་གསང་བའི་དབང་ཐོབ། ངག་རླུང་གི་དྲི་མ་སྦྱངས། རང་བྱིན་བརླབས་པའི་རྣལ་འབྱོར་སྒོམ་པ་ལ་དབང༌། འབྲས་བུ་གསུང་རྡོ་རྗེ་ལོངས་སྤྱོད་རྫོགས་པའི་སྐུ་འགྲུབ་པའི་ས་བོན་རྒྱུད་ལ་བཞག་པ་ཡིན་ནོ། །གསུམ་པ་དངོས་གཞི་དཔེའི་ཡེ་ཤེས་མཚོན་པའི་ཤེས་རབ་ཡེ་ཤེས་དབང་གི་དོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། ཨེ་མ་བདེ་མཆོག་དཀྱིལ་འཁོར་གཙོ༔ ལྷན་ཅིག་སྐྱེས་པའི་དགྱེས་པ་ཅན༔ གསང་བ་ཤེས་རབ་དབང་བསྐུར་གྱིས༔ བདག་ལ་སྨིན་པར་མཛད་དུ་གསོལ༔ ཞེས་གསོལ་བ་བཏབ་པས་བླ་མས་གསང་བ་མཆོག་གི་ཐེག་པར་མོས་པའི་རིགས་ཅན་དུ་དགོངས་ནས་གནང་བ་སྦྱིན་པ་ནི། ཀྱཻ་ཧོ་ཡང་དག་མཆོག་གི་ལམ༔ སྲས་བཅས་སངས་རྒྱས་ཐམས་ཅད་ཀྱི༔ གསང་བ་བླ་ན་མེད་པ་ཡིས༔ ངེས་པར་ཁྱེད་ཅག་སྨིན་པར་བྱ༔ ཞེས་གསུངས་ཏེ། གཟུགས་དང་ལང་ཚོའི་མཛེས་སྡུག་ཕུལ་དུ་བྱུང་ཞིང་མཚན་ཉིད་མཆོག་དང་ལྡན་པའི་རིག་མ་ཚེ་ཡི་ཡུམ་མཆོག་ཙཎྜ་ལིའི་ངོ་བ་ཕྱག་གཡོན་དུ་བྱིན་པས་འདི་སྐད་གསུང་བར་མོས་མཛོད། ཕྱག་རྒྱའི་གཟུགས་བརྙན་གཏད་ལ། ཨེ་མ་རྡོ་རྗེའི་རིགས་ཀྱི་བུ༔ ཡང་དག་དོན་ལ་སྦྱོར་འདོད་ན༔ དུས་གསུམ་རྒྱལ་བ་ཐམས་ཅད་ཀྱང༔ ང་ལ་མ་བརྟེན་སུ་ཞིག་མཆིས༔ ཐབས་ཀྱི་གསང་བ་རྨད་བྱུང་བའི༔ ལམ་ལ་བརྟེན་པར་ཁྱོད་སྤྲོའམ༔ ཞེས་དྲིས་པ་ལ་རྡོ་རྗེ་ཐེག་པའི་ལྟ་སྤྱོད་ལ་སྤྲོ་ཞིང་བདེ་ཆེན་མཆོག་གི་བརྟུལ་ཞུགས་ལ་དྭངས་པའི་སེམས་ཀྱིས་ལན་གསོལ་བར་མོས་ལ་འདིའི་རྗེས་ཟློས། རྡོ་རྗེ་ནམ་མཁའ་སེམས་ཆེན་པོ༔ བདེ་ཆེན་པདྨའི་རེག་བྱ་ཡིས༔ དྲངས་ཏེ་བཙན་ཐབས་སྦྱོར་ནུས་ན༔ ལམ་འདིར་བདག་ཀྱང་སྤྲོ་བས་འཇུག༔ སླར་ཡང་ཕྱག་རྒྱ་མས་འདི་སྐད་གསུང་བར་མོས། གཙང་དམེ་གཉིས་སུ་འཛིན་པའི་བློ༔ ཀུན་ཀྱང་རྟོག་པས་བཏགས་པ་ཙམ༔ དོན་ལ་ཐམས་ཅད་མཉམ་ཉིད་ཕྱིར༔ བྱང་སེམས་བདུད་རྩི་བཟའ་ནུས་སམ༔ བྷ་གའི་པདྨར་འོ་བྱེད་ཅིང༔ ཆོས་ཀུན་འབྱུང་གནས་བདག་ཉིད་ལ༔ གུས་པས་མཆོད་ཅིང་བསྟེན་ནུས་སམ༔ ཞེས་དྲིས་པའི་ལན་གསོལ་བར་མོས་ལ་འདི་ཡི་རྗེས་ཟློས་མཛོད། བདག་ནི་ཡང་དག་ལམ་འདོད་པས༔ ཁྱོད་ཀྱིས་ཇི་ལྟར་བསྒོ་བ་བཞིན༔ རང་བྱུང་བདུད་རྩིའི་ཟས་ལ་སྤྱོད༔ དཔལ་མོ་ཁྱོད་ལ་ངེས་པར་གུས༔ ཞེས་ལན་བཏབ་པས་ཕྱག་རྒྱ་མ་དེས་ཀྱང་རྡོ་རྗེ་ཐེག་པའི་བརྟུལ་ཞུགས་བླ་ན་མེད་པ་ལ་རྗེས་སུ་སྤྲོ་བའི་ཡིད་ཀྱིས། དགའ་བའི་གནས་སྦྱིན་པདྨ་ཅན༔ སྣ་ཚོགས་གཟུགས་ཅན་ལྷན་ཅིག་སྐྱེས༔ གཉིས་མེད་རོལ་པའི་བློ་གྲོས་ཅན༔ སྤྲོ་དགས་རོལ་ལ་མཆོད་པར་གྱིས༔ པདྨ་བྷཉྫ་མོཀྵ་ཧོ༔ ཞེས་གསུངས་ཏེ་པང་དུ་བྱོན་པས་སློབ་མ་བཅོམ་ལྡན་འདས་ཚེ་དཔག་མེད་དང་རིག་མ་ཚེ་ཡུམ་ཙཎྜ་ལིར་གསལ་བའི་ཡབ་ཀྱི་གསང་བ་ཧཱུྃ་ལས་རྡོ་རྗེ་རྩེ་ལྔ་པ་བུ་གར་ཕཊ྄་ཀྱིས་མཚན་པ། ཡུམ་གྱི་མཁའ་གསང་པྃ་ལས་པདྨ་འདབ་མ་གསུམ་པ་ཟེའུ་འབྲུར་ཨྃཿགིས་མཚན་པར་གསལ་ཐོབ། ཐབས་འདི་ལ་བརྟེན་ནས་རང་གནས་ཀྱི་ཡེ་ཤེས་བདེ་བ་ཆེན་པོ་མངོན་དུ་བྱའོ་སྙམ་དུ་ཡབ་ཡུམ་འདོད་པ་མཉམ་པས། ས་མ་ཡ་ཧོ། ས་མ་ཡ་སྟྭྃ། ཨ་ནུ་རཱ་ག་ཡ་ཧོཿ ཨ་ནུ་རཱ་ག་ཡ་མི། ཞེས་ཕན་ཚུན་བརྡ་བཞིས་བསྣོལ་མར་བསྐུལ། ཛཿཧཱུྃ་བྃ་ཧོཿ ཞེས་འཁྱུད་སྡོམ་སྤྲད་ནས་སྙོམས་པར་ཞུགས་པས་རྗེས་ཆགས་ཀྱི་མེས་བྱང་སེམས་ཐིག་ལེ་གཡོས། སྤྱི་བོ་ལ་སོགས་པའི་གནས་རྣམས་སུ་ཡས་བབ་རྒྱུའི་དགའ་བ་བཞི་ཉམས་སུ་མྱོང༌། རྡོ་རྗེ་ནོར་བུའི་རྩེར་ལྷན་ཅིག་སྐྱེས་པའི་བདེ་ཆེན་དཔེའི་ཡེ་ཤེས་མངོན་དུ་བྱས། སླར་གྱེན་དུ་ལྡོག་པས་གསང་བ་ནས་སྤྱི་བོར་དྲངས། དེའི་རྐྱེན་གྱིས་མས་བརྟན་འབྲས་བུའི་དགའ་བཞི་དང་ཟུང་འཇུག་པའི་སྟོང་པ་བཞིའི་འོད་གསལ་གྱི་མཐར་ཐུག་བརྗོད་བྲལ་ལྷན་སྐྱེས་ཀྱི་ཡེ་ཤེས་མངོན་དུ་མཐོང་བར་མོས་ཤིག །དེ་ལྟར་ཤེས་རབ་ཡེ་ཤེས་ཀྱི་དབང་གཅིག་ལ་དབང་བཞིའི་ཡེ་ཤེས་རྫོགས་པར་བསྐུར་བ་སྟེ། དཔའ་མོ་གདན་གསུམ་དཀྱིལ་འཁོར་གྱི༔ ཁྱབ་བདག་ཤེས་པ་བུམ་པའི་དབང༔ ཕྱག་རྒྱ་བཞི་ཡིས་འཁྱུད་སྡོམ་སྤྲད༔ རོལ་པའི་ལུས་ཀྱི་དཀྱིལ་འཁོར་བཅས༔ སྦྱོར་བའི་བྱང་ཆུབ་སེམས་ཆེན་པོ༔ རི་བོང་འཛིན་པ་གཙུག་ནས་གཡོས༔ ཡས་བབ་རྒྱུ་ཡི་དགའ་བ་བཞི༔ ངོ་སྤྲད་བསྐྱོད་ཅིང་བསྐྱོད་པ་ཡི༔ རྡོ་རྗེ་ནོར་བུའི་བུམ་པ་གང༔ འཛག་ཏུ་མི་གཞུག་བདེ་བ་ཆེས༔ རྟོག་པའི་རྒྱུ་བ་བཀག་ལ་བལྟ༔ གཡོ་དུས་སྲུབ་འཕྲོ་བཅད་ནས་སུ༔ སེམས་ཀྱི་གཤིས་ལུགས་མ་ཉམས་སྐྱོངས༔ རླུང་གི་ལྕགས་ཀྱུས་ཐིག་ལེ་བཟློག༔ མས་བརྟན་འབྲས་བུའི་དགའ་བཞི་ཡིས༔ ལུགས་ལྡོག་འཁོར་ལོ་བཞིར་དྲངས་ཏེ༔ རྩ་གནས་ཀུན་ཏུ་ཁྱབ་པར་བཀྲམ༔ དྭངས་མ་ཛ་ལནྡྷ་རར་བསྡུ༔ ཧ་སྤྲུག་གདབ་ཆུང་མང་དུ་བྱ༔ རླུང་སེམས་ཐིག་ལེ་དབྱེར་མེད་པའི༔ རིག་སྟོང་ངོ་བོར་བསྐྱངས་ནས་སུ༔ མཉམ་པར་བཞག་པ་གསང་བའི་དབང༔ སླར་ཡང་བདེ་བ་སྤེལ་བའི་ཕྱིར༔ བལྟ་དགོད་ལག་བཅང་སྒྱུ་རྩལ་སྦྱང༔ འཁྱུད་དང་འོ་བྱ་གསང་ཚིག་སྨྲ༔ བདེ་བ་རྒྱས་པའི་དེ་མ་ཐག༔ སླར་ཡང་རོལ་པས་བྱང་ཆུབ་སེམས༔ ཡས་བབ་མས་བརྟན་དགའ་བཞི་སྦྱངས༔ ལུས་དཀྱིལ་ལྷ་རྣམས་བདེ་བ་གཡོས༔ རྗེས་ཆགས་མེ་ཡིས་བཞུས་ནས་ཀྱང༔ རང་གི་ལུས་དང་ཕྱག་རྒྱ་མ༔ གཉིས་ཀ་འོད་དུ་ལྟེམ་གྱིས་ཞུ༔ དཔའ་བོ་སྤྱི་བོའི་ཧྃ་ལ་ཐིམ༔ རྣལ་འབྱོར་མ་ནི་ཙཎྜ་ལིར༔ ཐིམ་སྟེ་ཟླ་ཉི་ཐིག་ལེའི་གཟུགས༔ བར་སྣང་གནས་བཞིན་ལྷམ་མེར་གསལ༔ ཐིག་ལེར་སེམས་བཟུང་མཉམ་པར་བཞག༔ ཤེས་རབ་དབང་གི་གྲུབ་མཐའ་སྟེ༔ དེ་ཡང་མི་དམིགས་སྟོང་པར་ཡལ༔ སྟོང་ཞེས་བྱ་བ་བཏགས་པ་ཙམ༔ དོན་ལ་གཉིས་མེད་ཆོས་ཀྱི་སྐུ༔ འོད་གསལ་ཟང་ཐལ་བརྡལ་བ་ཆེའི༔ དེ་ཉིད་བལྟས་ལ་མཉམ་པར་བཞག༔ གོམ་པ་ཆུང་བའི་བློ་ཅན་དག༔ བདེ་བ་ཞེས་ཀྱང་བློས་བཏགས་ཏེ༔ སྐྱེ་འགགས་གནས་པ་ཐམས་ཅད་བྲལ༔ ཡེ་ནས་སྟོང་པ་ཉིད་དུ་གནས༔ དེ་ཕྱིར་བདེ་སྟོང་གཉིས་སུ་མེད༔ མཉམ་པའི་རང་ངོ་བསྐྱངས་ནས་སུ༔ དོན་ལ་མི་གནས་དེ་ཁོ་ན༔ ངོ་སྤྲོད་བཞི་པ་ཞེས་སུ་དབྱེ༔ དེ་ལྟར་ཕོ་ཉའི་མྱུར་ལམ་གྱི་བརྟུལ་ཞུགས་རོལ་པ་ཆེན་པོའི་དབང་བསྐུར་བས་རྡོ་རྗེའི་གསང་བ་སྤྱོད་པ་ལ་དགྱེས་པའི་དཔའ་བོ་ཌཱ་ཀི་དང་སྐལ་བ་མཉམ་པ་མཚོན་ཕྱིར་བརྟུལ་ཞུགས་སྤྱོད་པའི་རྣལ་འབྱོར་པའི་ཆ་བྱད་རྣམས་ཀྱིས་དབང་བསྐུར་བར་མོས་ཤིག །བརྟུལ་ཞུགས་སྤྱོད་པའི་ཆས་རྣམས་གཏད་ལ། ཧྲཱིཿ གནས་ཡུལ་དཔའ་བོ་རྣལ་འབྱོར་མ༔ ཀུན་ཀྱང་སྤྱོད་པས་དབང་སྡུད་ཕྱིར༔ རྣལ་འབྱོར་དམ་པའི་ཕྱག་རྒྱ་འདི༔ སྐལ་པ་ཅན་ལ་གཏད་དོ་ལོངས༔ ཡོ་གི་ནི་ཨཱ་ལངྐ་ར་ཨ་བྷི་ཥིཉྩ་ཧོ༔ ཡུལ་བཟང་ངན་ལ་སྒོ་ལྔའི་དབང་པོས་གཟུང་འཛིན་རང་རྒྱུད་དུ་སྤྱོད་པའི་ཆགས་སྡང་གི་མདུད་པ་གྲོལ་བས་དག་མཉམ་དབྱེར་མེད་ལྷ་ལ་ལྷ་རོལ་པས་སྤྱོད་པའི་བརྡར་རྡོ་རྗེའི་འདོད་ཡོན་ལྔས་དབང་བསྐུར་བར་མོས། འདོད་ཡོན་ལྔ་བསྟན་ཏེ། ཧྲཱིཿ རྡོ་རྗེའི་འདོད་ཡོན་ཐམས་ཅད་པ༔ རོལ་ཞིང་སྤྱོད་པས་དགྱེས་པ་བསྐྱེད༔ ཞེན་མེད་སྒྱུ་མའི་དགའ་སྟོན་ལ༔ སྤྱོད་དེ་རྡོ་རྗེའི་བཅུད་སྒྲུབས་ཤིག༔ མ་ཧཱ་སུ་ཁ་ཧོ༔ དེས་གསང་བ་བྷ་གའི་དཀྱིལ་འཁོར་དུ་ཤེས་རབ་ཡེ་ཤེས་ཀྱི་དབང་ཐོབ། ཡིད་ཐིག་ལེའི་དྲི་མ་དག །གཞན་ལུས་ཕོ་ཉའི་ལམ་བསྒོམ་པ་ལ་དབང༌། འབྲས་བུ་ཐུགས་རྡོ་རྗེ་ཆོས་ཀྱི་སྐུ་ཐོབ་པའི་སྐལ་བ་རྒྱུད་ལ་བཞག་པ་ཡིན་ནོ། །བཞི་པ་རྗེས་དོན་གྱི་ཡེ་ཤེས་ངོ་སྤྲོད་གདབ་པ་ནི། སྔར་དཔེ་ལས་སྐྱེས་པའི་ཡེ་ཤེས་དྲན་པར་བྱས་ཏེ་དེའི་རང་ངོ་ལ་མཉམ་པར་འཇོག་པ་དང༌། རྡོ་རྗེ་སེམས་དཔའི་མེ་ལོང་གི་དཔེས་མཚོན་ཏེ་སེམས་དང་ཆོས་རྣམས་ཀྱི་དབྱིངས་གདོད་ནས་དག་ཅིང་དབྱེར་མེད་སྟོང་པ་ཤེལ་ལྟ་བུ་ལས། རིག་པའི་ཡེ་ཤེས་གསལ་སྣང་འགག་མེད་དུ་འཇའ་ཚོན་ལྟར་ཤར་བ། གཉིས་ཀའང་ཡེ་ནས་ཟུང་འཇུག་འདུས་མ་བྱས་པ་གཞི་གྲོལ་ཀུན་ཏུ་བཟང་པོའི་ཀློང་ཆེན་པོའི་ངང་དུ་མཉམ་པར་ཞོག་ཅིག །ཤེལ་རྡོ་དང་མེ་ལོང་བསྟན་ལ། ཧྲཱིཿ འཆི་མེད་གཉུག་མ་དོན་གྱི་ཚེ༔ རིག་པ་འོད་གསལ་བྱང་ཆུབ་སེམས༔ ཡེ་ནས་ལྷུན་གྲུབ་ཆོས་ཀྱི་དབྱིངས༔ རང་ལ་གནས་ཤིང་བྲི་གང་བྲལ༔ ཨ་ཨ་ཨ་དྷརྨ་དྷཱ་ཏུ་ཨ༔ ཡེ་ཤེས་དགོངས་པ་བརྡས་མཚོན་པ༔ བུམ་པའི་དབང་སྟེ་དོན་དམ་གྱི༔ མྱོང་བ་སྐྱེས་པ་གསང་བའི་དབང༔ གནས་ལུགས་རང་ངོ་རྒྱུན་མི་ཆད། རྣལ་འབྱོར་བྱ་བ་གསུམ་པའི་ལམ༔ ཡིད་དཔྱོད་ཤུན་པ་དང་བྲལ་བ༔ དེ་ཉིད་རྩལ་རྫོགས་བཞི་པའོ༔ དབྱིངས་རིག་གཉིས་མེད་འོད་གསལ་གསང་བ་ཆེན་པོའི་ལམ་རྡོ་རྗེ་སེམས་དཔའི་མེ་ལོང་གིས་མཚོན་པར་མོས་ཤིག །མན་ཤེལ་ཉི་མའི་ཟེར་ལ་བསྟན་ཏེ། ཧྲཱིཿ རང་སྣང་འོད་གསལ་སྒྲོན་མའི་སྤྲིན༔ མངོན་སུམ་ལམ་བྱེད་སྐལ་བ་ཆེ༔ ཟག་པ་ཟད་པ་རྡོ་རྗེའི་སྐུ༔ མཆོག་ཏུ་མི་འགྱུར་གསེང་ལམ་བསྟན༔ ཨ་ཏི་ཧོ༔ དེ་ལྟར་ན་མཐར་ཐུག་ཡེ་ཤེས་ཀྱི་དཀྱིལ་འཁོར་དུ་དབང་བཞི་པ་ཐོབ། བག་ཆགས་ཀྱི་དྲི་མ་སྦྱངས་ཤིང་དག །ལམ་སྒྲུབ་པ་ཆེན་པོ་དབྱིངས་རིག་ཟུང་འཇུག་བསྒོམ་པ་ལ་དབང༌། འབྲས་བུ་ངོ་བོ་ཉིད་སྐུ་འགྲུབ་པའི་སྐལ་བ་ཅན་དུ་བྱས་པའོ། །དེ་ནས་མཚམས་སྦྱོར་སྤྱི་ལྟར་བྱས་ལ་བཀྲ་ཤིས་པའི་ཚིག་བཅད་རྒྱས་པར་བརྗོད་ཅིང་མེ་ཏོག་འཐོར་ལ་རོལ་མོ་བསྒྲག དེ་ལྟར་ན་དེ་དག་རྣམས་ཀྱི་སྒོ་ནས་འཆི་མེད་པདྨ་ཚེ་ཡི་སྙིང་ཐིག་གི་རྩ་བའི་དབང་བསྐུར་ཆེན་མོ། རྒྱས་པར་གྲུབ་པ་ལགས་པས་དབང་གི་སྲོག་གམ་གཞི་རྟེན་དུ་གྱུར་པ་སྤྱི་དང་ཁྱད་པར་ལྷག་པས་བསྡུས་པའི་རྩ་བ་དང་ཡན་ལག་གི་སྡོམ་པ་དང་དམ་ཚིག་མཐའ་དག་ཚུལ་བཞིན་དུ་བསྲུང་བར་བགྱིའོ་སྙམ་པས་འདིའི་རྗེས་ཟློས། གཙོ་བོས་ཇི་ལྟར་སོགས་གསུམ། གཏང་རག་མཎྜལ། ལུས་ལོངས་སྤྱོད་འབུལ་བ། དགེ་བ་བསྔོ་བ་རྣམས་མཚམས་སྦྱོར་བཅས་སྤྱི་འགྲེ་བྱས་ལ་སློབ་མ་གྱེས་སོ། ༈ གཉིས་པ་ཚེ་ཡི་དོན་དབང་བྱ་བའི་ཚུལ་ནི་དབང་གཞུང་རྒྱས་པ་ལས་ཇི་ལྟར་འབྱུང་བ་བཞིན། ཁྲུས་བྱ། བགེགས་བསྐྲད། སྲུང་འཁོར་བསྒོམ། ལོ་རྒྱུས་མདོར་བསྡུས་བརྗོད་པའི་རྗེས་མཎྜལ་གསོལ་གདབ། སྐྱབས་སེམས་ཚོགས་བསགས་སྡོམ་བཟུང་རྣམས་གྲུབ་རྗེས། ཨོཾ་ཙཀྵུཿབྷནྡྷ་བ་ར་མ་ཎཱ་ཡ་སྭཱ་ཧཱ། དང༌། ཨཱ་ཁཾ་བཱི་ར་ཧཱུྃ་གིས་མིག་དར་འཆིང་ཞིང༌། མེ་ཏོག་བླངས། ཧཱུྃ༔ འཐུངས་ཤིག་རྡོ་རྗེ་སོགས་དམ་ཆུ། བྱིན་དབབ་བརྟན་རྗེས། ཨོཾ་རཏྣ་པུཥྤེ་པྲ་ཏཱིཙྪ་ཧོ༔ མེ་ཏོག་དོར་ཞིང༌། ཨོཾ་པྲ་ཏི་གྲྀཧྞ་ཨི་མཾ་སཏྭ་མ་ཧཱ་བ་ལ་ཏིཥྛ་ཨོཾ༔གྱིས་འཆིང༌། ཨོཾ་བཛྲ་ཛྙཱ་ན་ཙཀྵུཿཔྲ་བེ་ཤ་ཡ་ཕཊ྄་ཀྱིས་མིག་དར་བསལ། བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པའི་དཀྱིལ་འཁོར་རྟེན་དང་བརྟེན་པར་བཅས་པ་མངོན་སུམ་དུ་མཐོང་བར་གྱུར། དེ་ནས་བུམ་དབང་ལ། བདག་མདུན་གྱི་ཐུགས་ཀ་ནས་སོགས་ཤིས་བརྗོད་རྗེས། ནམ་མཁའ་གང་བའི་དབང་གི་ལྷ་རྣམས་ཀྱིས་བཀྲ་ཤིས་པའི་རྣམ་པ་དུ་མ་དང་ལྡན་པས་རིན་པོ་ཆེའི་བུམ་པ་བདུད་རྩིའི་སོགས། སུ་པྲ་ཏིཥྛ། བར། ཅུང་ཟད་སྤྲོ་ན་ཁྱད་པར་བ་སྐུ་གསུང་ཐུགས་ཀྱི་བྱིན་རླབས་སྦྱར། གསང་བའི་དབང་གི་དོན་དུ། བླ་མ་ཚེ་བདག་ཡབ་ཡུམ་སྒོམས༔ སོགས། བོ་དྷི་ཙིཏྟ་ཨ་ལ་ལ་ཧོ༔ བདུད་རྩི་མྱང་དུ་གཞུག དེ་ལྟར་མྱངས་པས་བྱང་སེམས་ཀྱིས་རྩ་ཁམས་ཐམས་ཅད་ལ་ཁྱབ། གསལ་སྟོང་རྣམ་པར་མི་རྟོག་པའི་ཡེ་ཤེས་རྒྱུད་ལ་སྐྱེས་པར་མོས་ཤིག །དེ་ནས་ལུས་ཀྱི་དཀྱིལ་འཁརོ་དུ། ཤེས་རབ་ཡེ་ཤེས་ཀྱི་དབང་གི་སླད་དུ། གཟུགས་དང་ལང་ཚོའི་མཛེས་སྡུག་ཕུལ་དུ་བྱུང་ཞིང་མཚན་ཉིད་མཆོག་དང་ལྡན་པའི་རིག་མ་ཚེ་ཡི་ཡུམ་མཆོག་ཙཎྜ་ལིའི་ངོ་བོ་ཕྱག་གཡོན་དུ་བྱིན་པས་འདི་སྐད་གསུང་བར་མོས་ལ། རིག་ཙཀ་གཏད་དེ། དགའ་བའི་གནས་སྦྱིན་སོགས། པདྨ་བྷཉྫ་མོཀྵ་ཧོ༔ དེ་ལྟར་གཏད་པའི་ཕྱག་རྒྱ་དང་འདུ་ཤེས་གསུམ་གྱིས་སྙོམ་པར་ཞུགས་པས། རྒྱུ་འབྲས་ཀྱི་དགའ་བཞི་ལུགས་འབྱུང་ལྡོག་གི་ཉམས་སུ་མྱོང་བར་མོས། དེས་གསང་བ་བྷ་གའི་དཀྱིལ་འཁོར་དུ་སོགས། དབང་བཞི་པའི་སླད་དུ། སྔར་དཔེ་ལས་སྐྱེས་པའི་ཡེ་ཤེས་སོགས། ཨ་ཨ་ཨ་དྷརྨ་དྷཱ་ཏུ་ཨ༔ དེ་ལྟར་ན་མཐར་ཐུག་ཡེ་ཤེས་ཀྱི་དཀྱིལ་འཁོར་དུ་དབང་བཞི་པ་སོགས། མཐའ་རྟེན་རྡོ་རྗེ་ཚེ་ཡི་དངོས་གྲུབ་ཀྱི་དབང་སྦྱིན་པའི་སླད་དུ་ཐོག་མར་ཚེ་འགུགས་ཤིང་བཅུད་བསྡུ་བ་ལ། བདག་མདུན་ལྷ་ཚོགས་སོགས་ཚེ་འགུགས་ལས་བྱང་ལྟར་སྦྱར། ཚེ་འབྲང་སྤྱི་བོར་བཞག་སྟེ། ཚེ་འབྲང་ཟླ་གམ་དབང་གི་ཕོ་བྲང་དུ་འཆི་མེད་པདྨ་ཚེ་ཡི་ལྷ་ཚོགས་བཞུགས་པ་སྤྱི་བོར་བཞག་སྟེ་དབང་བསྐུར་བས་རྡོ་རྗེའི་ཕུང་ཁམས་ཐམས་ཅད་མི་ཤིགས་འཆི་མེད་ཚེ་ཡི་ལྷ་ཚོགས་རྣམས་ཀྱི་སྐུ་གསུང་ཐུགས་ཡེ་ཤེས་རྡོ་རྗེའི་གསང་བ་གསུམ་དང་གཉིས་སུ་མེད་པར་བྱིན་གྱིས་བརླབ་པར་མོས་ཤིག ཧྲཱིཿཧྲཱིཿཧྲཱིཿ འོད་སྣང་མཐའ་ཡས་བཅོམ་ལྡན་ཚེ་དཔག་མེད༔ འཆི་མེད་རྔ་སྒྲ་གསུང་གི་རྡོ་རྗེའི་ལྷ༔ གར་གྱི་དབང་ཕྱུག་པདྨའི་དཀྱིལ་འཁོར་གཙོ༔ འཆི་མེད་མགྱོགས་མ་ལྷ་མོའི་ཚོགས་བཅས་ཀྱིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ སྐྱེ་འཆི་མེད་པ་ཚེ་ཡི་དབང་ཐོབ་ནས༔ འཆི་བདག་ལ་སོགས་བདུད་བཞི་ལས་རྒྱལ་ཏེ༔ དངོས་གྲུབ་མཆོག་གི་སྐལ་བ་ལྡན་པར་ཤོག༔ ཨོཾ་ཛྙཱ་ན་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ༔ ཕྱི་ནང་གི་འབྱུང་ལྔའི་དྭངས་མ་དབྱིངས་ཕྱུག་ཡུམ་ལྔའི་བདེ་ཆེན་བྱང་ཆུབ་སེམས་ཀྱི་བདུད་རྩིའི་རོ་མྱོང་བས་དྭངས་མའི་རླུང་ལྔ་གཞོམ་མེད་དྷཱུ་ཏིའི་སྲོག་འགྲུབ་པར་མོས་ལ། ཚེ་ཡི་བདུད་རྩི་བྱིན་ཏེ། ཧྲཱི༔ འབྱུང་ལྔའི་དྭངས་མ་སྙིང་པོའི་ཚེ༔ ཡེ་ཤེས་བདུད་རྩིའི་བཅུད་དུ་བསྐྱིལ༔ སྐལ་ལྡན་བུ་ལ་བྱིན་པ་ཡིས༔ འཆི་མེད་མཆོག་གི་གནས་ཐོབ་ཤོག༔ ཨ་མྲྀ་ཏ་ཨ་བྷི་ཥིཉྩ་ཧོ༔ བདེ་ཆེན་ཡེ་ཤེས་རྡོ་རྗེའི་དྭངས་མ་མི་ཤིགས་རྡོ་རྗེ་ཚེ་ཡི་རིལ་བུ་རྡོ་རྗེའི་ལྕེ་ཡི་ལམ་བརྒྱུད་སྙིང་དབུས་མི་ཤིགས་ཐིག་ལེ་འཕོ་འགྱུར་བྲལ་བ་སྲོག་གི་ཟུངས་སུ་བྱིན་པར་མོས་ལ། ཚེ་རིལ་གཏད་དེ། ཧྲཱི༔ ཡེ་ཤེས་སེམས་དཔའ་ཚེ་ཡི་ལྷ༔ སྙིང་གི་དཀྱིལ་དུ་གཉིས་མེད་བཞུགས༔ དངོས་གྲུབ་བརྡ་ཡི་རིལ་བུ་འདིས༔ དོན་གྱི་གནས་ལུགས་རྟོགས་པར་ཤོག༔ ར་ས་ཡ་ན་ཨ་བྷི་ཥིཉྩ་ཧོ༔ དེས་སློབ་མའི་སྒོ་གསུམ་འཆི་མེད་རྡོ་རྗེ་ཚེ་ལྷའི་གསང་བ་གསུམ་དང་གཉིས་སུ་མེད་པར་བྱིན་གྱིས་བརླབས་པའི་དབང་མཆོག་ཐོབ་པར་མོས་མཛོད། གནས་གསུམ་དུ་ཚེ་མདའ་རྒྱ་གྲམ་དུ་བཞག་ལ། ཨ༔ རྣམ་ཀུན་མཆོག་ལྡན་དབྱིངས་ཀྱི་ཀློང༔ ཡེ་ཤེས་ཆེན་པོའི་རྒྱས་བཏབ་པས༔ རྟག་ཏུ་འཕོ་འགྱུར་མེད་པ་ཡི༔ ཐིག་ལེ་གཅིག་ཏུ་གནས་པར་ཤོག༔ དྷརྨ་དྷཱ་ཏུ་ཨ༔ ཤིས་བརྗོད་དམ་ཚིག་ཁས་བླང་གཏང་རག་ལུས་འབུལ་དགེ་བསྔོ་བཅས་བྱའོ། ༈ གསུམ་པ་མཐའ་རྟེན་ཚེ་ཡི་བྱིན་རླབས་རྐྱང་པ་རྐྱེན་སེལ་ཙམ་དུ་བྱེད་ན། ཁྲུས་བགེགས་བསྐྲད་སྲུང་འཁོར་རྗེས་ལོ་རྒྱུས་ལ། དེ་ཡང་མཐོ་རིས་ཡོན་ཏན་བདུན་གྱི་དང་པོ་རིང་དུ་འཚོ་བའི་ཚེའི་དངོས་གྲུབ་སྒྲུབ་པ་ལ་ཕྱི་སྨན་སྔགས་རྫས་ལ་བསྟེན་པ། ནང་རྟེན་འབྲེལ་རྩ་རླུང་གི་སྦྱངས་པ། གསང་བ་བསྐྱེད་རྫོགས་ཏིང་འཛིན་ཟབ་མོ་ལ་བརྟེན་པ་རྣམས་ལས། གཙོ་བོ་ནང་གི་རྣལ་འབྱོར་ལ་རྫས་སྔགས་གྲོགས་སུ་བསྟེན་པའི་ཚེ་སྒྲུབ་ཀྱི་དབང་བསྐུར་བགྱིད་པ་ལ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་མཛོད། རིགས་རྣམས་ཀུན་བདག་སློབ་དཔོན་གྱིས། །ཐུགས་རྗེ་བརྩེ་བས་ཉེར་དགོངས་ནས། །ཡེ་ཤེས་རྡོ་རྗེར་དབུགས་དབྱུང་ཕྱིར། །ཡེ་ཤེས་ཚེ་ཡི་དབང་བསྐུར་སྩོལ། །ལན་གསུམ། སྐྱབས་སེམས་ཚོགས་བསགས་བྱིན་འབེབས་རྗེས། འཆི་མེད་ཡེ་ཤེས་རྡོ་རྗེའི་སྲོག་སྒྲུབ་པའི་ཚེ་ཡི་དབང་བསྐུར་ཟབ་མོ་སྦྱིན་པ་ལ། ཐོག་མར་ཚེ་འགུགས་ཤིང་བཅུད་བསྡུ་བའི་ཕྱིར། བདག་མདུན་ལྷ་ཚོགས་སོགས་ཚེ་འགུགས་ལས་བྱང་ལྟར་སྦྱར། ཚེ་འབྲང་ཟླ་གམ་དབང་གི་ཕོ་བྲང་དུ་འཆི་མེད་པདྨ་ཚེ་ཡི་ལྷ་ཚོགས་བཞུགས་པ་སྤྱི་བོར་བཞག་སྟེ་དབང་བསྐུར་བས་རྡོ་རྗེའི་ཕུང་ཁམས་ཐམས་ཅད་མི་ཤིགས་འཆི་མེད་ཚེ་ཡི་ལྷ་ཚོགས་རྣམས་ཀྱི་སྐུ་གསུང་ཐུགས་ཡེ་ཤེས་རྡོ་རྗེའི་གསང་བ་གསུམ་དང་གཉིས་སུ་མེད་པར་བྱིན་གྱིས་བརླབ་པར་མོས་ཤིག །ཚེ་འབྲང་སྤྱི་བོར་བཞག་སྟེ། ཧྲཱིཿཧྲཱིཿཧྲཱིཿ འོད་སྣང་མཐའ་ཡས་བཅོམ་ལྡན་ཚེ་དཔག་མེད༔ འཆི་མེད་རྔ་སྒྲ་གསུང་གི་རྡོ་རྗེའི་ལྷ༔ གར་གྱི་དབང་ཕྱུག་པདྨའི་དཀྱིལ་འཁོར་གཙོ༔ འཆི་མེད་མགྱོགས་མ་ལྷ་མོའི་ཚོགས་བཅས་ཀྱིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ སྐྱེ་འཆི་མེད་པ་ཚེ་ཡི་དབང་ཐོབ་ནས༔ འཆི་བདག་ལ་སོགས་བདུད་བཞི་ལས་རྒྱལ་ཏེ༔ དངོས་གྲུབ་མཆོག་གི་སྐལ་བ་ལྡན་པར་ཤོག༔ ཨོཾ་ཛྙཱ་ན་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ༔ ཕྱི་ནང་གི་འབྱུང་ལྔའི་དྭངས་མ་དབྱིངས་ཕྱུག་ཡུམ་ལྔའི་བདེ་ཆེན་བྱང་ཆུབ་སེམས་ཀྱི་བདུད་རྩིའི་རོ་མྱོང་བས་དྭངས་མའི་རླུང་ལྔ་གཞོམ་མེད་དྷཱུ་ཏིའི་སྲོག་འགྲུབ་པར་མོས་ལ། ཧྲཱི༔ འབྱུང་ལྔའི་དྭངས་མ་སྙིང་པོའི་ཚེ༔ ཡེ་ཤེས་བདུད་རྩིའི་བཅུད་དུ་བསྐྱིལ༔ སྐལ་ལྡན་བུ་ལ་བྱིན་པ་ཡིས༔ འཆི་མེད་མཆོག་གི་གནས་ཐོབ་ཤོག༔ ཨ་མྲྀ་ཏ་ཨ་བྷི་ཥིཉྩ་ཧོ༔ ཚེ་ཆང་སྦྱིན། བདེ་ཆེན་ཡེ་ཤེས་རྡོ་རྗེའི་དྭངས་མ་མི་ཤིགས་རྡོ་རྗེ་ཚེ་ཡི་རིལ་བུ་རྡོ་རྗེའི་ལྕེ་ཡི་ལམ་བརྒྱུད་སྙིང་དབུས་མི་ཤིགས་ཐིག་ལེ་འཕོ་འགྱུར་བྲལ་བའི་སྲོག་གི་ཟུངས་སུ་བྱིན་པར་མོས་ལ། ཧྲཱི༔ ཡེ་ཤེས་སེམས་དཔའ་ཚེ་ཡི་ལྷ༔ སྙིང་གི་དཀྱིལ་དུ་གཉིས་མེད་བཞུགས༔ དངོས་གྲུབ་བརྡ་ཡི་རིལ་བུ་འདིས༔ དོན་གྱི་གནས་ལུགས་རྟོགས་པར་ཤོག༔ ར་ས་ཡ་ན་ཨ་བྷི་ཥིཉྩ་ཧོ༔ ཚེ་རིལ་སྦྱིན། དཀྱིལ་འཁོར་གྱི་ལྷ་ཚོགས་རྣམས་ཀྱིས་བྱིན་རླབས་གྲུབ་པའི་རྫས་ཀྱི་དབང་བསྐུར་ཞིང་མྱངས་པས་བླ་ཚེ་སྲོག་དབུགས་ཉམས་པ་ཐམས་ཅད་གསོས། རྩ་རླུང་ཐིག་ལེ་དྭངས་མའི་སྟོབས་ནུས་རྒྱས། སྙིང་པོའི་ཡང་བཅུད་ཐམས་ཅད་རིག་སྟོང་གཉུག་མའི་ཡེ་ཤེས་དང་གཉིས་སུ་མེད་པར་རྒྱས་བཏབ་པས་རྡོ་རྗེའི་ཚེ་དང་ཡེ་ཤེས་མཆོག་གི་སྐལ་བ་ལ་དབང་ཐོབ་པར་བསམ། ཨ༔ རྣམ་ཀུན་མཆོག་ལྡན་དབྱིངས་ཀྱི་ཀློང༔ ཡེ་ཤེས་ཆེན་པོའི་རྒྱས་བཏབ་པས༔ རྟག་ཏུ་འཕོ་འགྱུར་མེད་པ་ཡི༔ ཐིག་ལེ་གཅིག་ཏུ་གནས་པར་ཤོག༔ དྷརྨ་དྷཱ་ཏུ་ཨ༔ ཞེས་དང་རྟེན་འབྲེལ་སྙིང་པོ་བརྗོད། ཚེ་མདའ་སྤྱི་བོར་རྒྱ་གྲམ་དུ་བཀོད། ཨོཾ༔ འགྲུབ་པར་གྱུར་ཅིག་རྡོ་རྗེའི་ཡེ་ཤེས་ཚེ༔ མི་འགྱུར་མི་ཤིགས་མཁའ་ལྟར་ཀུན་ལ་ཁྱབ༔ ཡོན་ཏན་དཔག་ཡས་ཕྲིན་ལས་བསམ་མི་ཁྱབ༔ པདྨ་ཚེ་དཔག་མེད་མགོན་མྱུར་འགྲུབ་ཤོག༔ ཅེས་བདེན་ཚིག་སྨོན་ལམ་གྱི་རྒྱས་གདབ་པར་བྱའོ། །མཐའ་རྟེན་བཀྲ་ཤིས་རྫས་རྟགས་རིན་ཆེན་བདུན་གྱི་མངའ་འབུལ་སྤྲོ་ན་བྱ། ཤིས་བརྗོད་དམ་ཚིག་ཁས་བླང་གཏང་རག་ལུས་འབུལ་སོགས་སྤྱི་ལྟར་བྱ་ཞིང་དགེ་བ་བསྔོ། ཚོགས་ལ་རོལ་ཞིང་ལྷག་མ་ནས་བརྩམ་ལས་བྱང་གི་རྗེས་རིམ་རྣམས་མཐའ་རྒྱས་སུ་བྱའོ། །པྃདྨྃའི་ཐུགས་བཅུད་ཟབ་རྒྱས་དག་བྱེད་གཏེར། །བཀའ་གཏེར་མྃདོ་སྔགསྃ་ནོར་བུའི་གསང་མཛོད་ལས། །འཆི་མེད་ཚེ་མཆོག་སྒྲུབ་པའི་རྩ་བ་ཡི། སྨིན་བྱེད་སྣང་བས་གླིངྃ་འདི་མཛེས་གྱུར་ཅིག །ཅེས་ཡི་དམ་གྱི་ཚེ་ཡི་ནང་སྒྲུབ་ལོངས་སྐུ་ཚེ་དཔག་མེད་རིགས་ལྔ་གཅིག་དྲིལ་གྱི་དབང་གི་ཕྲེང་བ་ལེའུ་ཚན་གསུམ་པའོ།

༈ རིགས་གཅིག་བདེ་ཆེན་ཐིག་ལེའི་ཆོ་འཕྲུལ་ལས། །རིགས་ལྔ་སྒྱུ་འཕྲུལ་དྲྭ་བའི་མཚན་དང་སྐུའི། །རིགས་མཆོག་ཐུན་མོང་ཁྱད་པར་ཕྲིན་ལས་དབང༌། །རིགས་ཀྱི་འཁོར་ལོས་བསྒྱུར་མཆོག་རྣམ་ལྔ་རྒྱལ། །གང་གི་སྐུ་གསུང་ཐུགས་མཆོག་དབྱིངས། །འཇུག་པའི་ཐབས་ཚུལ་རྨད་བྱུང་བ། །སྨིན་བྱེད་དབང་གི་ལས་ཀྱི་ཁྲིགས། །འཇུག་བདེའི་བཙས་སུ་སྦྱིན་གྱིས་ལོངས། །ཚེ་སྒྲུབ་པདྨ་ཚེ་ཡི་སྙིང་ཐིག་གི་ནང་སྒྲུབ་ཀྱི་ཡན་ལག་རིགས་ལྔ་ཚེ་དཔག་མེད་སྒོས་སྒྲུབ་ཀྱི་དབང་ཕྲེང་དགོད་པ་ལས། དང་པོ་རྣམ་སྣང་ཚེ་དཔག་མེད་ཀྱི་དབང་བསྐུར་ལ། དཀྱིལ་འཁོར་གཞུང་མཐུན་ནམ། ཚོམ་བུ་འཁོར་སོ་གཉིས། སྒོ་བ་བཞིའི་མཚན་མ་བཀོད་པར་མཉྫའི་ཁར་བུམ་པ་སོ་ལྔའི་བཅུད་ལྡན། གཞུང་མཐུན་སྐུ་ཙཀ །ཕྱག་མཚན་འཁོར་ལོ། ཚེ་བུམ། གཞུང་མཐུན་བཅུད་ལེན་རིལ་བུའམ་མ་འབྱོར་ན་ཆོས་སྨན་བསྲེས་པའི་ཚེ་རིལ། གསང་ཐོད། རིག་ཙཀ ཤེལ་རྡོ་བཅས་ལ་མཆོད་པས་བསྐོར། ཚོགས་དང་གཏོར་མ་སྤྱི་མཐུན་ལྟར་བཤམས་ལ། ནང་སྒྲུབ་ཀྱི་བརྒྱུད་འདེབས་སྔོན་དུ་འགྲོ་བས་སྤྱིའི་ལས་རིམ་པདྨའི་དོ་ཤལ་ལྟར་སྔོན་ཆིངས་སྐྱབས་སེམས་ནས། མཆོད་པ་བྱིན་རླབས་བར་བཏང་རྗེས། རྣམ་སྣང་ཚེ་དཔག་མེད་སྒོས་ཀྱི་ལས་བྱང་གི་ཏིང་འཛིན་རྣམ་གསུམ་ནས། དབང་བསྐུར་རྒྱས་གདབ་བར་བྱ། ལས་བྱང་པདྨའི་དོ་ཤལ་ལྟར་གྱི་བར་ཆིངས་སྤྱན་འདྲེན་ནས་བསྟོད་པའི་བར་བཏང་སྟེ། བྷྲཱུྃ་བི་ཤྭ་བི་ཤུདྡྷེ་ཨོཾ་ཨ་མཱ་ར་ཎི་ཛཱི་བནྟི་ཡེ་བུདྡྷ་ ༈ རཏྣ་ པདྨ་ ཀརྨ་ བཛྲ་ ཨ་ཡུརྫྙཱ་ན་ཚེ་བྷྲཱུྃ་ཨོཾ ༈ ཏྲཱཾ་ ཧྲཱིཿ ཨཱ་ ཧཱུྃ་ ཕཊ་ཛཿས་ཛཔ་ཁང་དབྱེ། བདག་ཉིད་ལས་མདུན་རྟེན་དུ་བསྒོམས་པ་དང་འདྲ་བའི་ཡེ་ཤེས་ཀྱི་འཁོར་ལོ་གཉིས་པ་ཕྱེ་སྟེ་མེ་རི་འདབས་འབྱོར་དུ་བཞུགས་པར་གྱུར་བསམ་ལ། ཛཔ་བསྐུལ་ནི། ཧྲཱིཿ ཚེ་ཡི་ལྷ་ཚོགས་དབྱིངས་ནས་བཞེངས༔ བཟླས་པའི་ཕྲིན་ལས་དུས་ལ་བབ༔ བསྙེན་སྒྲུབ་ལས་ཀྱི་སྦྱོར་བ་ཡིས༔ སྐྱེ་འཆི་མེད་པ་རྡོ་རྗེའི་ལུས༔ འགག་མེད་ཚངས་དབྱངས་རྡོ་རྗེའི་གསུང༔ བསམ་ཡས་ཏིང་འཛིན་རྡོ་རྗེའི་ཐུགས༔ སྟན་ཐོག་འདི་རུ་འགྲུབ་པར་མཛོད༔ བཟླས་པ་སོ་སོའི་གཞུང་བཞིན་བྱ༔ རྣམ་སྣང་ཚེ་དཔག་མེད་སོགས་བསྙེན་སྒྲུབ་ལས་ཀྱི་བཟླས་པ་དང༌། བུམ་པ་རང་བྱུང་གི་གཞལ་ཡས་ཁང་དུ། སྐུ་རྡོ་རྗེ་བདེ་གཤེགས་རྣམ་སྣང་ཚེ་དཔག་མེད་པ་ལ་སངས་རྒྱས་ཌཱ་ཀི་སུམ་ཅུ་རྩ་གཉིས། སྒོ་བ་དབང་ཆེན་རིགས་བཞིའི་ལྷ་ཚོགས་དང་བཅས་པ། དྭངས་པའི་མཚོ་ལ་གཟའ་སྐར་ཤར་བ་བཞིན་གསལ་བའི་སྐུ་ལས་འཆི་མེད་བྱང་ཆུབ་སེམས་ཀྱི་རྒྱུན་ཟླ་བ་ལྟར་བབས་པས་བུམ་པ་གང་བར་གྱུར། གཟུངས་ཐག་བླང་ལ་བསྙེན་སྒྲུབ་ལས་གསུམ་གྱི་བཟླས་པ་ཁྱུག་ཙམ་བྱ། ལས་བུམ་ནང་དུ་པད་ཉིའི་སྟེང༌། །པདྨ་དབང་ཆེན་སྐུ་མདོག་དམར། །པདྨའི་དབྱུག་ཐོ་ཞགས་པ་འཛིན། །འདོར་སྟབས་ཡེ་ཤེས་མེ་ཀློང་འགྱིང༌། །སྐུ་ལས་རྡོ་རྗེ་བདུད་རྩིའི་རྒྱུན། །བབས་པས་བུམ་པ་གང་བར་གྱུར། །ཨོཾ་བཛྲ་ཀྲོ་དྷ་ཧ་ཡ་གྲཱྀ་བ་ཧཱུྃ་ཕཊཿ ཅེས་བརྒྱ་རྩ་ཙམ་བཟླས། ཧྲཱིཿ དཀར་མོ་མགྱོགས་མ་རྡོ་རྗེ་རིགས་ཀྱི་ཡུམ༔ ཞི་བའི་ལས་མཛད་མདའ་དར་ཚེ་བུམ་བསྣམས༔ རང་འདྲའི་སྤྲུལ་པ་འཇིག་རྟེན་ཁྱབ་པར་འགེངས༔ ཤར་ཕྱོགས་སྣོད་བཅུད་འཇིག་རྟེན་རབ་འབྱམས་ཀྱི༔ བརྟན་གཡོའི་དཔལ་དང་ཚེ་བསོད་དྭངས་མའི་ཚོགས༔ ཁྱད་པར་བསྒྲུབ་བྱའི་བླ་ཚེ་ཡར་བ་ཁུག༔ སྡེ་བརྒྱད་འབྱུང་པོས་བརྐུས་ཤིང་ཕྲོགས་པ་ཁུག༔ བྱད་ཕུར་གདོན་གྱིས་གཟིར་དང་ཉམས་པ་ཁུག༔ ཕྱོགས་བཅུའི་འཇིག་རྟེན་རབ་འབྱམས་ཀུན་ནས་ཁུག༔ བསྒྲུབ་བྱའི་ལུས་ངག་ཡིད་ལ་གཉིས་མེད་བསྟིམ༔ རྡོ་རྗེའི་ཚེ་མཆོག་འགྲུབ་པའི་ལས་མཛོད་ཅིག༔ ཧྲཱིཿ སེར་མོ་མགྱོགས་མ་རིན་ཆེན་རིགས་ཀྱི་ཡུམ༔ རྒྱས་པའི་ལས་མཛད་མདའ་དར་ཚེ་བུམ་བསྣམས༔ རང་འདྲའི་སྤྲུལ་པ་འཇིག་རྟེན་ཁྱབ་པར་འགེངས༔ ལྷོ་ཕྱོགས་སྣོད་བཅུད་འཇིག་རྟེན་རབ་འབྱམས་ཀྱི༔ བརྟན་གཡོའི་དཔལ་དང་ཚེ་བསོད་དྭངས་མའི་ཚོགས༔ ཁྱད་པར་བསྒྲུབ་བྱའི་བླ་ཚེ་ཡར་བ་ཁུག༔ སྡེ་བརྒྱད་འབྱུང་པོས་བརྐུས་ཤིང་ཕྲོགས་པ་ཁུག༔ བྱད་ཕུར་གདོན་གྱིས་གཟིར་དང་ཉམས་པ་ཁུག༔ ཕྱོགས་བཅུའི་འཇིག་རྟེན་རབ་འབྱམས་ཀུན་ནས་ཁུག༔ བསྒྲུབ་བྱའི་ལུས་ངག་ཡིད་ལ་གཉིས་མེད་བསྟིམ༔ རིན་ཆེན་ཚེ་མཆོག་འགྲུབ་པའི་ལས་མཛོད་ཅིག༔ ཧྲཱིཿ དམར་མོ་མགྱོགས་མ་པདྨའི་རིགས་ཀྱི་ཡུམ༔ དབང་གི་ལས་མཛད་མདའ་དར་ཚེ་བུམ་བསྣམས༔ རང་འདྲའི་སྤྲུལ་པ་འཇིག་རྟེན་ཁྱབ་པར་འགེངས༔ ནུབ་ཕྱོགས་སྣོད་བཅུད་འཇིག་རྟེན་རབ་འབྱམས་ཀྱི༔ བརྟན་གཡོའི་དཔལ་དང་ཚེ་བསོད་དྭངས་མའི་ཚོགས༔ ཁྱད་པར་བསྒྲུབ་བྱའི་བླ་ཚེ་ཡར་བ་ཁུག༔ སྡེ་བརྒྱད་འབྱུང་པོས་བརྐུས་ཤིང་ཕྲོགས་པ་ཁུག༔ བྱད་ཕུར་གདོན་གྱིས་གཟིར་དང་ཉམས་པ་ཁུག༔ ཕྱོགས་བཅུའི་འཇིག་རྟེན་རབ་འབྱམས་ཀུན་ནས་ཁུག༔ བསྒྲུབ་བྱའི་ལུས་ངག་ཡིད་ལ་གཉིས་མེད་བསྟིམ༔ པདྨ་ཚེ་མཆོག་འགྲུབ་པའི་ལས་མཛོད་ཅིག༔ ཧྲཱིཿ ལྗང་མོ་མགྱོགས་མ་ལས་ཀྱི་རིགས་ཀྱི་ཡུམ༔ དྲག་པོའི་ལས་མཛད་མདའ་དར་ཚེ་བུམ་བསྣམས༔ རང་འདྲའི་སྤྲུལ་པ་འཇིག་རྟེན་ཁྱབ་པར་འགེངས༔ བྱང་ཕྱོགས་སྣོད་བཅུད་འཇིག་རྟེན་རབ་འབྱམས་ཀྱི༔ བརྟན་གཡོའི་དཔལ་དང་ཚེ་བསོད་དྭངས་མའི་ཚོགས༔ ཁྱད་པར་བསྒྲུབ་བྱའི་བླ་ཚེ་ཡར་བ་ཁུག༔ སྡེ་བརྒྱད་འབྱུང་པོས་བརྐུས་ཤིང་ཕྲོགས་པ་ཁུག༔ བྱད་ཕུར་གདོན་གྱིས་གཟིར་དང་ཉམས་པ་ཁུག༔ ཕྱོགས་བཅུའི་འཇིག་རྟེན་རབ་འབྱམས་ཀུན་ནས་ཁུག༔ བསྒྲུབ་བྱའི་ལུས་ངག་ཡིད་ལ་གཉིས་མེད་བསྟིམ༔ ལས་རབ་ཚེ་མཆོག་འགྲུབ་པའི་ལས་མཛོད་ཅིག༔ ཧྲཱིཿ སྔོན་མོ་མགྱོགས་མ་བདེ་གཤེགས་རིགས་ཀྱི་ཡུམ༔ མཆོག་གི་ལས་མཛད་མདའ་དར་ཚེ་བུམ་བསྣམས༔ རང་འདྲའི་སྤྲུལ་པ་འཇིག་རྟེན་ཁྱབ་པར་འགེངས༔ ཕྱོགས་མཚམས་སྣོད་བཅུད་འཇིག་རྟེན་རབ་འབྱམས་ཀྱི༔ བརྟན་གཡོའི་དཔལ་དང་ཚེ་བསོད་དྭངས་མའི་ཚོགས༔ ཁྱད་པར་བསྒྲུབ་བྱའི་བླ་ཚེ་ཡར་བ་ཁུག༔ སྡེ་བརྒྱད་འབྱུང་པོས་བརྐུས་ཤིང་ཕྲོགས་པ་ཁུག༔ བྱད་ཕུར་གདོན་གྱིས་གཟིར་དང་ཉམས་པ་ཁུག༔ ཕྱོགས་བཅུའི་འཇིག་རྟེན་རབ་འབྱམས་ཀུན་ནས་ཁུག༔ བསྒྲུབ་བྱའི་ལུས་ངག་ཡིད་ལ་གཉིས་མེད་བསྟིམ༔ བདེ་གཤེགས་ཚེ་མཆོག་འགྲུབ་པའི་ལས་མཛོད་ཅིག༔ རྩ་སྔགས་མཐར། ཛྙཱ་ན་བཛྲ་ཨཱ་ཡུ་ཥེ་ཛཿཛཿ ཛཿཧཱུྃ་བྃ་ཧོཿ ཞེས་ཚེ་འགུགས་ཤིང་ཚེ་གཟུངས་བཟླས། ཨོཾ་ཨཱཿཧཱུྃ། བུམ་པའི་ལྷ་བདེ་སྟོང་ཆེན་པོའི་ངོ་བོར་འོད་དུ་ཞུ་བར་གྱུར། མཆོད་བསྟོད་ཡིག་བརྒྱ་ལས་བྱང་ལྟར། ཚོགས་མཆོད་བཅས་གྲུབ་རྗེས། སློབ་མ་རྣམས་ཁྲུས་བྱས། བགེགས་བསྐྲད། སྲུང་འཁོར་བསྒོམས་ལ། ཁྱད་པར་གྱི་ལོ་རྒྱུས་ནི། དེ་ཡང་སྙིང་པོའི་རྒྱུད་ལས། རྡོ་རྗེ་ཕུང་པོའི་ཡན་ལག་ནི། རྫོགས་པའི་སངས་རྒྱས་ལྔ་རུ་གྲགས། །ཞེས་གསུངས་པ་ལྟར་སྦྱང་གཞི་སྣོད་བཅུད་རྒྱུད་གསུམ་གྱིས་བསྡུས་པའི་ཕྱི་ནང་གི་ཕུང་པོ་ལྔ་དང་ཁམས་ལྔ་ལ། སྦྱོང་བྱེད་བདེ་གཤེགས་རྒྱལ་བ་རིགས་ལྔའི་བསྐྱེད་རྫོགས་ཀྱི་ཐབས་ཟབ་མོ་གནད་དུ་བསྣུན་པའི་ནུས་པས། སྦྱངས་འབྲས་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་གསང་བ་མི་ཟད་རྒྱན་གྱི་འཁོར་ལོས་བསྒྱུར་བའི་རིགས་ལྔ་ཚེ་དང་ཡེ་ཤེས་དཔག་ཏུ་མེད་པའི་གོ་འཕང་མངོན་དུ་བྱེད་པའི་ཐབས་ཀྱི་སྒོ་རྒྱུད་ལུང་མན་ངག་དུ་མས་བསྟན་པའི་སྙིང་པོ་ཚེ་སྒྲུབ་པདྨ་ཚེ་ཡི་སྙིང་ཐིག་གི་ནང་སྒྲུབ་ཚེ་དཔག་མེད་རིགས་ལྔ་གཅིག་དྲིལ་གྱི་ཡན་ལག་གི་ཆོས་སྡེ་བདེ་གཤེགས་རྒྱལ་བ་རིགས་ལྔ་སོ་སོའི་སྒོས་སྒྲུབ་རྡོ་རྗེ་ཚེ་ཡི་ཕྲེང་བ་་པདྨའི་དོ་ཤལ་ལས། དང་པོ་སྐུ་རྡོ་རྗེ་རྣམ་པར་སྣང་མཛད། ༈ གཉིས་པ་ཡོན་ཏན་རྡོ་རྗེ་རིན་ཆེན་འབྱུང་ལྡན། གསུམ་པ་གསུང་རྡོ་རྗེ་སྣང་བ་མཐའ་ཡས། བཞི་པ་ཕྲིན་ལས་རྡོ་རྗེ་དོན་ཡོད་གྲུབ་པ། ལྔ་པ་ཐུགས་རྡོ་རྗེ་མི་བསྐྱོད་པ་ །ཞེས་སྐབས་ཐོབ་བསྒྱུར་དགོས། མཆན། ཚེ་དཔག་ཏུ་མེད་པའི་སྒོས་བཀའི་དབང་བསྐུར་བའི་སྐབས་སུ་བབ་པ་སྟེ། དེའི་དགོས་པ་ཡང་གཞུང་ལས། དུས་ཀྱི་ཐ་མའི་སྐྱེས་བུ་རྣམས༔ མི་རུང་སྒོ་གསུམ་བྱེད་སྤྱོད་ཀྱིས༔ ཕྱི་ཡི་འབྱུང་བ་སྒང་གཤོངས་ཆེ༔ སྣོད་ཀྱི་བཅུད་ཡལ་ཞག་ཀྱང་སྐམ༔ དེ་ཡིས་ནང་གི་འབྱུང་བ་འཁྲུགས༔ སྣ་ཚོགས་ནད་དང་སྡུག་བསྔལ་མང༔ དེ་ཚེ་ཤ་ཡི་ཚེ་ཉམས་ན༔ ལུས་ལྕི་མདོག་ནག་བད་ཀན་འཁྲུག༔ ཤེས་པ་བྱིང་འཐིབས་གཉིད་ཆེ་ཞིང༔ དབང་པོའི་སྒོ་ནས་དྲི་ང་བ༔ འབྱུང་ཚེ་ཐབས་ཀྱི་གདམས་པ་ནི༔ རྣལ་འབྱོར་ལྡན་པས་རྩེ་གཅིག་སྒོམས༔ ཞེས་དང༌། དེ་ལྟར་བརྩོན་པས་རྒས་སྲ་ཞིང༔ ཤ་རྒྱས་གཉེར་མ་མེད་པ་དང༔ འགྱུར་མེད་ཚེ་ཡི་མཆོག་ཐོབ་འགྱུར༔ ༈ རིན་འབྱུང་སྐབས། མ་འོངས་གདུལ་བྱ་ཐམས་ཅད་ཀུན༔ ཁྲག་གི་ཁམས་ནས་ཚེ་ཉམས་ན༔ ལུས་རེངས་ཡན་ལག་དབང་པོ་ཉམས༔ པགས་པའི་རེག་བྱ་རྩུབ་པ་དང༔ རྨུ་ཆུ་གྲང་བའི་ནད་ཟུག་ཆེ༔ ཤེས་པ་རྣམ་རྟོག་མང་ལ་རྒོད༔ གཉིད་ཡེར་སེམས་འཁྲུགས་དུས་ཀྱི་ཚེ༔ སྙིང་པོའི་རྣལ་འབྱོར་འདི་གནད་ཟབ༔ ཞེས་དང༌། རིམ་པ་གཉིས་ཀྱི་ཐབས་མཁས་ལས༔ ལུས་མཉེན་ཡན་ལག་ལྕུག་པ་དང༔ བཀྲག་དང་མདངས་འཕེལ་ཚེ་ཡི་མཆོག༔ རྒྱུན་རིང་དབང་པོ་རྣམ་པར་གསལ༔ འོད་གསལ་ཡེ་ཤེས་ཐོབ་པར་འགྱུར༔ ༈ སྣང་མཐའི་སྐབས། དུས་ཀྱི་ཐ་མའི་སེམས་ཅན་རྣམས༔ དྲོད་ཀྱི་ཁམས་ནས་ཚེ་ཉམས་ན༔ ལུས་ལ་དྲོད་མེད་གཟི་བྱིན་ཆུང༔ སྟོབས་ཞན་ཟས་ཀྱང་མི་འཇུ་ཞིང༔ གཅོང་ནད་དུ་མས་མནར་བའི་ཚེ༔ སེམས་ཀྱི་སྣང་བ་དཔའ་ཞུམ་འགྱུར༔ དེ་ཚེ་ཡང་དག་བསྐྱེད་པའི་རིམ༔ རྩེ་གཅིག་རྣལ་འབྱོར་འདི་ལྟར་སྒོམས༔ ཞེས་དང༌། གཟི་བྱིན་རྒྱས་ཤིང་སེམས་སྟོབས་འཕེལ༔ དྲོད་ཆེ་གྲང་བའི་ནད་རིགས་ཞི༔ པགས་པའི་མདོག་བཟང་ཚེ་འཕེལ་ནས༔ པདྨ་ཚེ་ཡི་གནས་ཐོབ་འགྱུར༔ ༈ དོན་འགྲུབ་སྐབས། ཕྱི་མའི་གདུལ་བྱ་དབུགས་ཁམས་ཀྱི༔ ཚེ་ཉམས་ལུས་ལྗི་ཤེས་པ་འཕྱོ༔ སྐད་འཛེར་རྒྱུ་བ་ཐུང་ལ་རྒོད༔ ཤེས་པ་འཕྱོ་ཞིང་རྟོགས་ཚོགས་རྒོད༔ སྨྲ་བརྗོད་ལོག་པར་སྨྲ་བ་འབྱུང༔ དེ་ཚེ་དེ་ཡི་གཉེན་པོ་ནི༔ རྡོ་རྗེའི་ཏིང་འཛིན་མཆོག་འདིས་བྱེད༔ ཞེས་དང༌། དེས་ནི་ལུས་ཡང་སྟོབས་རྩལ་ལྡན༔ ཡན་ལག་མཉེན་ལྕུག་ངག་ཚིག་བཙན༔ སྐད་ཀྱི་གདངས་གསལ་ལས་ཀུན་འགྲུབ༔ ཁམས་དྭངས་མདངས་ལེགས་སྟོབས་འཕེལ་འབྱུང༔ ༈ མི་བསྐྱོད་པའི་སྐབས། དུས་མཐའི་འགྲོ་བ་སེམས་སྟོབས་ཉམས༔ རྟགས་སུ་སྙིང་ལ་རླུང་གིས་སྤུར༔ བློ་སྣ་འགྱུར་ཞིང་བྱིང་རྒོད་རགས༔ དོན་མེད་ཤུགས་རིང་འདོན་སོགས་འབྱུང༔ དེ་ལས་སྐྱོབས་པའི་གདམས་པ་ནི༔ རྩེ་གཅིག་ཡིད་ཀྱིས་འདི་ལྟར་སྒོམས༔ ཞེས་དང༌། དེ་ལྟར་བརྩོན་པས་འགྲུབ་པའི་རྟགས༔ རིག་པའི་ངར་རྒྱས་ཉམས་དགའ་དྭངས༔ ཏིང་འཛིན་འཕེལ་ཞིང་སེམས་སྟོབས་རྒྱས༔ ཤེས་རབ་རྣོ་མྱུར་ཟབ་སོགས་འབྱུང༔ ཞེས་བསྒྱུར། མཆན། ཞེས་འབྱུང་བ་ལྟར་བསྐྱེད་རྫོགས་ཟབ་མོ་སྒོམ་པའི་སྔོན་འགྲོར་དབང་གིས་ཐུགས་རྒྱུད་སྨིན་པར་བྱ་དགོས་པས། དེ་ཉིད་གསན་པའི་ཡོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་མཛོད། བྱང་ཆུབ་རྡོ་རྗེ་བདེ་གཤེགས་གཙོ༔ ༈ རིན་ཆེན༔ པདྨའི༔ ལས་ཀྱི༔ རྡོ་རྗེའི༔ དཀྱིལ་འཁོར་དབང་ཕྱུག་དགོངས་སུ་གསོལ༔ བདག་ཅག་སྐལ་ལྡན་རིག་པ་འཛིན༔ ཚེ་ཡི་དཀྱིལ་འཁོར་འཇུག་པར་གསོལ༔ ལན་གསུམ། དེ་ལྟར་གསོལ་བ་བཏབ་པ་སྔོན་དུ་སོང་ནས་ཐེག་པ་ཐུན་མོང་དང་ཐུན་མོང་མ་ཡིན་པའི་ལམ་གྱི་གཞི་འགོད་པ་སྐྱབས་སུ་འགྲོ་ཞིང་སེམས་བསྐྱེད་པའི་སླད་དུ། བླ་མ་དང་མདུན་བསྐྱེད་ཚེ་དང་ཡེ་ཤེས་དཔག་ཏུ་མེད་པའི་དཀྱིལ་འཁོར་པ་ལ་རྩ་གསུམ་རྒྱལ་བ་རབ་འབྱམས་ཀྱིས་བསྐོར་ཏེ་མངོན་སུམ་བཞིན་དུ་བཞུགས་པའི་སྤྱན་སྔར་བདག་གཞན་སེམས་ཅན་ཐམས་ཅད་བྱང་ཆུབ་མ་ཐོབ་ཀྱི་བར་དུ་སྐྱབས་སུ་མཆིའོ་སྙམ་པའི་ཡིད་རྩེ་གཅིག་པས་འདིའི་རྗེས་ཟློས། ན་མོ༔ རང་རིག་གཉུག་མ་ཆོས་ཀྱི་དབྱིངས༔ ངོ་བོ་རང་བཞིན་ཐུགས་རྗེའི་རྩལ༔ སྐུ་གསུམ་ཡེ་ཤེས་ཚེ་ཡི་ལྷར༔ རང་ངོ་ཤེས་པས་སྐྱབས་སུ་མཆི༔ ལན་གསུམ། སེམས་ཅན་ཐམས་ཅད་སྡུག་བསྔལ་འཁོར་བའི་རྒྱ་མཚོ་ལས་བསྒྲལ་ཏེ་མི་གནས་པའི་མྱང་འདས་ཆེན་པོ་ལ་འགོད་པར་བྱ། དེའི་ཐབས་མཆོག་ཏུ་གྱུར་པ་བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པའི་སྨིན་བྱེད་ཀྱི་རིམ་པ་ནོད་ནས་ལམ་གྱི་རྣལ་འབྱོར་ལ་འཇུག་པར་བགྱིའོ་སྙམ་པས་འདིའི་རྗེས་ཟློས། ཧོཿ གདོད་ནས་སྐྱེ་འཆི་ལས་འདས་ཀྱང༔ མེད་སྣང་འཁྲུལ་པ་ལུ་གུ་རྒྱུད༔ རྟག་ཏུ་སྤྱོད་པའི་ཡིད་ཅན་ཀུན༔ བསྒྲལ་ཕྱིར་ཟབ་མོའི་རྣལ་འབྱོར་བསྒོམ༔ ལན་གསུམ། རྒྱུད་རྣམ་པར་དག་པར་བྱ་བའི་སླད་དུ། བླ་མ་དཀྱིལ་འཁོར་གྱི་ལྷ་ཚོགས་རྒྱལ་བ་སྲས་དང་བཅས་པའི་སྤྱན་སྔར་བདག་གཞན་མཁའ་ཁྱབ་ཀྱི་ཡིད་ཅན་མཐའ་དག་སྒོ་གསུམ་གུས་པའི་ཚུལ་རྩེ་གཅིག་པས། ཚོགས་བསགས་ཡན་ལག་བདུན་པ་ཚུལ་བཞིན་དུ་བྱ་བའི་འདུན་པ་དང་བཅས་ཏེ་འདིའི་རྗེས་ཟློས། ཧྲཱིཿ རང་སྣང་ཚེ་ཡི་ལྷ་ཚོགས་ལ༔ རང་གསལ་ཆོས་དབྱིངས་ཕྱག་འཚལ་ཞིང༔ སྣང་སྲིད་ཀུན་བཟང་མཆོད་སྤྲིན་འབུལ༔ ཚེ་རབས་བློས་བྱས་སྡིག་ལྟུང་བཤགས༔ དྲན་པ་རང་ཟད་རྗེས་ཡི་རང༔ ཟབ་གསལ་ཆོས་ཀྱི་འཁོར་ལོ་བསྐོར༔ སྐྱེ་འགགས་གནས་བྲལ་བཞུགས་གསོལ་འདེབས༔ རང་བྱུང་བྱང་ཆུབ་ཆེན་པོར་བསྔོ༔ འཁོར་འདས་ཆོས་ཉིད་ཀློང་གྲོལ་ཤོག༔ ལན་གསུམ། གཉིས་པ་ཚེའི་དངོས་གྲུབ་སྦྱིན་པའི་དབང་གི་གཞི་དགོད་ཅིང་ཡེ་ཤེས་པ་དབབ་པ་ཡིན་པས་དམིགས་པ་རྣམས་རྩེ་གཅིག་ཏུ་སྒོམས་ཤིག །ལས་སྔགས་དང་བུམ་ཆུས་བསངས། ཨོཾ་སྭ་བྷཱ་ཝ་སོགས། སྟོང་པའི་ངང་ལས་གནས་ཁང་འོག་མིན་པདྨ་དྲྭ་བའི་ཞིང་དང་གཞལ་ཡས་ཆེན་པོར་ཁྱེད་རང་གང་དུ་གནས་པའི་གོ་སར་སེང་གེས ༈ རྟ་མཆོག་གིས་ རྨ་བྱས་ ཤང་ཤང་གིས་ གླང་པོས་ བཏེག་པའི་རིན་པོ་ཆེའི་ཁྲི་དང་པདྨ་དང་ཟླ་བའི་སྟེང་དུ་ཁྱེད་རང་གི་རིག་པའི་ངོ་བོ་ཨོཾ་ཡིག་དཀར་པོ་ ༈ ཏྲཱཾ་ཡིག་སེར་པོ་ ཧྲཱིཿཡིག་དམར་པོ་ ཨཱ་ཡིག་ལྗང་གུ་ ཧཱུྃ་ཡིག་མཐིང་ག་ དེ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་དོན་བྱས། དུས་མ་ཡིན་པའི་འཆི་བའི་སྡུག་བསྔལ་གྱི་རྒྱུ་འབྲས་བསལ། འཆི་མེད་རིག་འཛིན་གྱི་གོ་འཕང་ལ་བཀོད། ཚུར་འདུས་ཡོངས་སུ་གྱུར་པ་ལས་ཁྱེད་རང་བཅོམ་ལྡན་འདས་བདེ་གཤེགས་ ༈ རིན་འབྱུང་ སྣང་མཐའ་ དོན་འགྲུབ་ མི་བསྐྱོད་ ཚེ་དཔག་མེད་སྐུ་མདོག་དཀར་གསལ། ༈ སེར་གསལ། དམར་གསལ། ལྗང་གསལ། མཐིང་གསལ། ཕྱག་གཉིས་མཉམ་བཞག་གི་མཐིལ་ན་ཚེ་བུམ་བདུད་རྩིས་གང་བ་འཁོར་ལོས་མཚན་པ་ ༈ རིན་པོ་ཆེས་མཚན་པ་ པདྨས་མཚན་པ་ རྒྱ་གྲམ་གྱིས་མཚན་པ་ རྡོ་རྗེས་མཚན་པ་ འཛིན་པ། ཞབས་རྡོ་རྗེའི་སྐྱིལ་ཀྲུང་གིས་བཞུགས་པ་དེའི་པང་དུ་འཆི་མེད་སངས་རྒྱས་སྤྱན་མ་དཀར་གསལ་འཁོར་ལོ་དང་ ༈ མ་ཀཱི་སེར་གསལ་རིན་པོ་ཆེ་དང་ ན་བཟའ་དཀར་མོ་དམར་གསལ་པདྨ་དང་ དམ་ཚིག་སྒྲོལ་མ་ལྗང་གསལ་རྒྱ་གྲམ་དང་ དབྱིངས་ཕྱུག་མ་མཐིང་གསལ་རྡོ་རྗེ་དང་ ཚེ་བུམ་འཛིན་པ་དང་མཉམ་པར་སྦྱོར་བ། གཉིས་ཀའང་ཞི་འཛུམ་རྗེས་སུ་ཆགས་པའི་ཉམས་ལྡན་དར་དང་རིན་པོ་ཆེའི་རྒྱན་ཅན་མཚན་དཔེའི་གཟི་བྱིན་མཆོག་ཏུ་འབར་བའི་སྐུར་གྱུར། ཐུགས་ཀར་བུདྡྷ་ཐོད་ཕྲེང་རྩལ་དཀར་གསལ་ ༈ རཏྣ་ཐོད་ཕྲེང་རྩལ་སེར་གསལ་ པདྨ་ཐོད་ཕྲེང་རྩལ་དམར་གསལ་ ཀརྨ་ཐོད་ཕྲེང་རྩལ་ལྗང་གསལ་ རྡོ་རྗེ་ཐོད་ཕྲེང་རྩལ་མཐིང་གསལ་ གཅེར་བུ་རུས་རྒྱན་ཅན་མདའ་དར་དང་ཚེ་བུམ་བསྣམས་པ་ཡུམ་བདེ་གཤེགས་ ༈ རིན་ཆེན་ པདྨ་ ཀརྨ་ རྡོ་རྗེ་ ཌཱ་ཀི་མ་དང་འཁྲིལ་བ། དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་དང༌། ཐུགས་དབུས་ཨོཾ་དཀར་པོ་ ༈ ཏྲཱྃ་སེར་པོ་ ཧྲཱིཿདམར་པོ་ ཨཱ་ལྗང་གསལ་ ཧཱུྃ་མཐིང་ག་ གསལ་བ་དང༌། བདག་མདུན་གྱི་ཐུགས་ཀའི་འོད་ཟེར་གྱིས་ནུབ་ཕྱོགས་བདེ་བ་ཅན་སོགས་ཕྱོགས་བཅུའི་ཞིང་རབ་འབྱམས་ནས་བཅོམ་ལྡན་འདས་བདེ་གཤེགས་ ༈ རིན་ཆེན་ པདྨ་ ལས་ཀྱི་ མི་བསྐྱོད་ ཚེ་དཔག་ཏུ་མེད་པ་སོགས་སངས་རྒྱས་བྱང་སེམས་རྩ་གསུམ་རྒྱ་མཚོའི་ཐུགས་རྒྱུད་བསྐུལ། དེ་རྣམས་ཀྱི་གནས་གསུམ་ནས་མགོན་པོ་ཚེ་དཔག་ཏུ་མེད་པའི་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པ་དཔག་ཏུ་མེད་པ་ཉི་ཟེར་གྱི་རྡུལ་འཁྲིགས་པ་ལྟར་སྤྱན་དྲངས་པ་དང་མདུན་བསྐྱེད་ཀྱི་ཐུགས་ཀ་ནས་རང་འདྲ་དཔག་ཏུ་མེད་པ་བྱུང་སྟེ་ཁྱེད་རང་གི་སྤྱི་བོ་ནས་སིབ་སིབ་ཐིམ་པས་རྒྱུད་བྱིན་གྱིས་བརླབ་པའི་མོས་པ་མཛོད་ཅིག །སྤོས་རོལ་དང་བཅས་ཏེ། ཧྲཱིཿ ཆོས་དབྱིངས་གཞོན་ནུ་བུམ་སྐུ་ནས༔ ཆོས་སྐུ་འོད་སྣང་མཐའ་ཡས་ཀྱིས༔ ཡེ་ཤེས་རང་གསལ་བྱིན་ཕོབ་ལ༔ འཁྲུལ་པ་མེད་པའི་དབང་མཆོག་བསྐུར༔ ལྔ་ལྡན་རང་སྣང་ཕོ་བྲང་ནས༔ རིགས་ལྔའི་རྒྱལ་བ་གངས་ཆེན་མཚོས༔ བདེ་སྟོང་ཁ་སྦྱོར་བྱིན་ཕོབ་ལ༔ ཟག་མེད་ཆོས་དབྱིངས་དབང་མཆོག་བསྐུར༔ འགྲོ་འདུལ་ཐུགས་རྗེའི་རོལ་པ་ནས༔ སྤྲུལ་སྐུ་རྡོ་རྗེ་ཐོད་ཕྲེང་གིས༔ འཆི་མེད་འོད་སྐུའི་བྱིན་ཕོབ་ལ༔ སྐྱེ་འཆི་མེད་པའི་དབང་མཆོག་བསྐུར༔ སྐུ་གསུམ་བླ་མའི་ལྷ་ཚོགས་རྣམས༔ ཡེ་ཤེས་དབྱིངས་ནས་ཐུགས་རྗེའི་རྩལ༔ འགག་མེད་སྒྱུ་འཕྲུལ་དྲྭ་བའི་གར༔ གནམ་ས་བར་སྣང་ཁྱབ་པར་བསྒྱུར༔ འཇའ་འོད་མེ་ཏོག་སྤོས་སྤྲིན་འཐུལ༔ དངོས་གྲུབ་བདུད་རྩིའི་སྦྲང་ཆར་འབེབས༔ མ་གཡེལ་ཐུགས་རྗེའི་རྩལ་གྱིས་བྱོན༔ སྐུ་གསུང་ཐུགས་ཀྱི་དབང་བཞི་བསྐུར༔ སྣོད་བཅུད་རྡོ་རྗེར་བྱིན་ཆེན་ཕོབ༔ རྣལ་འབྱོར་འཆི་མེད་ཡེ་ཤེས་སྐུ༔ མངོན་སུམ་འགྲུབ་པར་བྱིན་གྱིས་རློབས༔ ཨོཾ་ཨཱཿཧཱུྃ་བཛྲ་གུ་རུ་དྷེ་ཝ་དྷཱ་ཀི་ནི་ཛྙཱ་ན་ཨ་བེ་ཤ་ཡ་ཨ་ཨ་ཨཿ ཧྲཱིཾ་ཧྲཱིཾ༔ ཕཻཾ་ཕཻཾ༔ ས་མ་ཡ་ཧོ༔ ས་མ་ཡ་སྟྭྃ༔ ཧཱུྃ་ཧཱུྃ་ཧཱུྃ༔ ཨ་ཨ་ཨ༔ ཞེས་མང་དུ་བཟླ། དེ་ལྟར་དབབ་པའི་ཡེ་ཤེས་པའི་བྱིན་རླབས་སྒོ་གསུམ་ལ་རབ་ཏུ་གནས་པར་བྱས་པར་མོས་ཤིག །ཏིཥྛ་བཛྲ། ཞེས་རྡོ་རྗེ་སྤྱི་བོར་བཞག །དེ་ནས་ཚེ་འགུགས་པའི་སླད་དུ་དམིགས་པ་འདི་བཞིན་དུ་མཛོད། བླ་མ་མགོན་པོ་ཚེ་དཔག་ཏུ་མེད་པ་ལ་མོས་གུས་བྱས་པས་དེའི་ཐུགས་ཀ་ནས་ཕོ་ཉ་མགྱོགས་མའི་ཚོགས་དང་འོད་ཟེར་སྟེང་འོག་ཕྱོགས་མཚམས་ཁྱབ་པར་སྤྲོས། ཁྱེད་རང་རྣམས་ཀྱི་བླ་ཚེ་ཆད་ཉམས་ཡར་བ། སྡེ་བརྒྱད་མཐུ་བོ་ཆེས་བརྐུས་འཕྲོག་གཞོམ་པ་རྣམས་དང༌། སྣོད་བཅུད་ཀྱི་དཔལ་དང་དྭངས་མ་འཁོར་འདས་ཀུན་གྱི་ཚེའི་དངོས་གྲུབ་ཐམས་ཅད་བདུད་རྩིའི་འོད་ཟེར་གྱི་རྣམ་པར་ནམ་མཁའ་གང་བ་བསྡུས། བ་སྤུའི་བུ་ག་ནས་སིབ་ཀྱིས་ཐིམ། སྲོག་རྟེན་མི་ཤིགས་པའི་ཐིག་ལེར་ཐིམ་པས་འཆི་མེད་ཚེའི་རིག་འཛིན་ཐོབ་པར་མོས་ཤིག །མདའ་དར་གཡབ་ལ། ཧྲཱིཿ དཀར་མོ་མགྱོགས་མ་བདེ་གཤེགས་རིགས་ཀྱི་ཡུམ༔ སོགས་རིགས་ལྔ་སོ་སོའི་ཚེ་འགུགས་ཁ་ཕྲལ་ཏེ་བཏང་ཚེ་ཛཔ་ཀྱང་བརྗོད་དོ། །བླ་མ་དཀྱིལ་འཁོར་གྱི་གཙོ་བོ་དབྱེར་མེད་པའི་ཐུགས་ཀ་ནས་འོད་ཟེར་འཕྲོས་པས་དབང་གི་ལྷ་ནམ་མཁའ་གང་བར་སྤྱན་དྲངས་ནས་བཀྲ་ཤིས་པའི་རྣམ་པ་དུ་མ་དང་བཅས་དགྱེས་བཞིན་དུ་དབང་བསྐུར་བར་གྱུར། བུམ་པ་སྤྱི་བོར་བཞག་ལ། ཨོཾ༔ བཀྲ་ཤིས་བུམ་པ་ལྷའི་གཞལ་ཡས༔ བདེ་གཤེགས་ ༈ རིན་ཆེན་ པདྨ་ ལས་རབ་ རྡོ་རྗེ་ ཚེ་ཡི་དཀྱིལ་འཁོར་བཞུགས༔ ཐུགས་རྗེ་ཡེ་ཤེས་རིག་པའི་ཆུས༔ གཏོར་ཞིང་སྐལ་པ་མཆོག་དབང་སྦྱིན༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ དེ་ལྟར་ན་བུམ་པའི་དབང་ཐོབ། ལུས་ཀྱི་དྲི་མ་དག །ལམ་བསྙེན་པའི་རྣལ་འབྱོར་བསྐྱེད་རིམ་བསྒོམ་པ་ལ་དབང༌། འབྲས་བུ་སྐུ་རྡོ་རྗེ་སྤྲུལ་པའི་སྐུ་འགྲུབ་པའི་སྐལ་བ་ཅན་དུ་བྱས་པའོ། །དེ་དང་རྗེས་སུ་འབྲེལ་བ་སྐུ་ཕྱག་རྒྱའི་བྱིན་གྱིས་བརླབ་པའི་ཕྱིར་མདུན་བསྐྱེད་མགོན་པོ་ཚེ་དཔག་ཏུ་མེད་པའི་སྐུ་ལས་སྐུ་གཉིས་པ་འཕྲོས། ཁྱེད་རང་རྣམས་ཀྱི་དཔྲལ་བར་ཐིམ་པས་སྐུ་སྐྱེ་འཆི་མེད་པ་ ༈ ཡོན་ཏན་ལྷུན་གྱིས་གྲུབ་པ་ གསུང་འགག་པ་མེད་པ་ ཕྲིན་ལས་རྟག་ཅིང་ཁྱབ་པ་ ཐུགས་འཁྲུལ་པ་མེད་པ་ རྡོ་རྗེའི་ཚེ་ཐོབ་པར་མོས་མཛོད། སྐུ་ཙཀ་སྤྱི་བོར་བཞག །ཨོཾ༔ བདེ་གཤེགས་རྒྱལ་བའི་སྐུ་ཡི་ ༈ ཡོན་ཏན་ གསུང་གི་ ཕྲིན་ལས་ ཐུགས་ཀྱི་ དབྱིངས༔ བཅོམ་ལྡན་རྣམ་པར་སྣང་མཛད་ ༈ རིན་ཆེན་འབྱུང་ལྡན་ སྣང་བ་མཐའ་ཡས་ དོན་ཡོད་གྲུབ་པ་ རྡོ་རྗེ་མི་བསྐྱོད་ ཆེ༔ དཀྱིལ་འཁོར་དབང་ཕྱུག་དམ་པ་ཡིས༔ སྐལ་ལྡན་བུ་ལ་དབང་བསྐུར་རོ༔ ཀཱ་ཡ་ཨ་བྷི་ཥིཉྩ་ཨོཾ༔ སྐུ་མི་ཟད་པ་རྒྱན་གྱི་འཁོར་ལོ་དང་གཉིས་སུ་མེད་པ་འཆི་མེད་ཚེའི་དབང་མཆོག་ཐོབ་པར་གྱུར་ཅིག །གསུང་བཟླས་པའི་ལུང་སྦྱིན་པ་ལ། མདུན་བསྐྱེད་བདེ་གཤེགས་ ༈ རིན་འབྱུང་ པདྨ་ ལས་རབ་ རྡོ་རྗེ་ ཚེ་དཔག་མེད་ཀྱི་ཐུགས་ཀར་ཡེ་ཤེས་སེམས་དཔའ་བུདྡྷ། ༈ རཏྣ་ པདྨ་ ཀརྨ་ རྡོ་རྗེ་ ཐོད་ཕྲེང་གི་ཐུགས་དབུས་ཉི་ཟླའི་གྭའུའི་དབུས་སུ་ཨོཾ་ ༈ ཏྲཱྃ་ ཧྲཱིཿ ཨཱ་ ཧཱུྃ་ ལ་རྡོ་རྗེའི་སྔགས་ཀྱིས་བསྐོར་བ་ལས་སྔགས་ཀྱི་ཕྲེང་བ་བྱུང༌། ཞལ་ནས་ཐོན། ཁྱེད་རང་གི་ཞལ་དུ་ཞུགས། སྙིང་གའི་ཡེ་ཤེས་སེམས་དཔའི་ཐུགས་དབུས་ཨོཾ་ ༈ ཏྲཱྃ་ ཧྲཱིཿ ཨཱ་ ཧཱུྃ་ ལ་ཐིམ། འོད་ཟེར་སྤྲོ་བསྡུས་དོན་གཉིས་བྱས་ཏེ་ཕྱི་ནང་གི་འབྱུང་བ་ས་ཡི ༈ ཆུའི་ མེའི་ རླུང་གི་ ནམ་མཁའི་ ཁམས་ཐམས་ཅད་ལ་ཁྱབ་པས་ཀུན་ཀྱང་བདེ་གཤེགས་ ༈ རིན་འབྱུང་ སྣང་མཐའ་ དོན་གྲུབ་ མི་བསྐྱོད་ ཚེ་དཔག་ཏུ་མེད་པའི་དཀྱིལ་འཁོར་དུ་སད་པའི་འོད་ཀྱི་སྤྲོ་བསྡུས་ལུས་ཤ་ཡི ༈ ཁྲག་གི དྲོད་ཀྱི་ དབུགས་ཀྱི་ སེམས་ཀྱི་ ཁམས་ཀྱི་ཚེ་ཉམས་པ་ཐམས་ཅད་གསོས་ཤིང་སྐུ་བདེ་གཤེགས་ ༈ ཡོན་ཏན་རིན་ཆེན་ གསུང་པདྨའི་ ཕྲིན་ལས་ཀརྨ་ ཐུགས་རྡོ་རྗེའི་ རིགས་ཀྱི་ཚེ་དང་ཡེ་ཤེས་རྒྱས་ཤིང་བརྟན་པར་བསམ་ལ། བསྙེན་པའི་སྔགས་འདིའི་རྗེས་ཟློས་ལན་གསུམ་མཛོད། ཨོཾ་ཨ་མཱ་ར་ཎི་སོགས་ལན་གསུམ། སླར་ཡང་བདེ་གཤེགས ༈ རིན་ཆེན་ པདྨའི་ ལས་ཀྱི་ རྡོ་རྗེའི་ རིགས་ཀྱི་དཀྱིལ་འཁོར་ལྷ་ཚོགས་ཐམས་ཅད་ཀྱི་སྐུ་ལས་འོད་བྱུང༌། བརྟན་གཡོ་སྣོད་བཅུད་ཀྱི་ཞིང་རབ་འབྱམས་ཁྱབ། སྲ་བ་ས་ཡི་ ༈ གཤེར་བ་ཆུའི་ འབར་བ་མེའི་ གཡོ་བ་རླུང་གི་ སྟོང་དབྱིངས་ནམ་མཁའི་ ཁམས་ཐམས་ཅད་བདེ་གཤེགས་ ༈ རིན་ཆེན་ པདྨ་ ལས་རབ་ རྡོ་རྗེ་ ཚེ་བདག་ཡབ་ཡུམ་གྱི་སྐུར་བཞེང་པ་སྟེ་རྡོ་རྗེའི་སྔགས་ཀྱི་སྒྲ་དང་ཟག་མེད་ཡེ་ཤེས་ཀྱི་དགོངས་པས་སྐུ་བདེ་གཤེགས་ ༈ ཡོན་ཏན་རིན་ཆེན་ གསུང་པདྨའི་ ཕྲིན་ལས་ལས་ཀྱི་ ཐུགས་རྡོ་རྗེའི་ རིགས་ཀྱི་ཚེ་དང་ཡེ་ཤེས་སྤེལ། ལྷ་ཚོགས་རྣམས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་གསང་བ་མི་ཟད་རྒྱན་གྱི་འཁོར་ལོར་མངོན་པར་བྱང་ཆུབ་པའི་བྱིན་རླབས་བདུད་རྩིའི་དྭངས་མ་འོད་ཀྱི་སྤྲིན་ཁ་དོག་སྣ་ཚོགས་པའི་རྣམ་པར་ཁྱེད་རང་ལ་ཐིམ་པས་ལུས་ཀྱི ༈ ཁྲག་གི་ དྲོད་ཀྱི་ དབུགས་ཀྱི་ སེམས་ཀྱི ཁམས་ཉམས་པ་གསོས་ཤིང་ཚེ་དང་ཡེ་ཤེས་འཕེལ་རྒྱས་བརྟན་པར་བསམ་ལ། སྒྲུབ་སྔགས་ཀྱི་རྗེས་ཟློས་ལན་གསུམ་མཛོད། ཨོཾ་ཛི་ན་ཛྀཀ་སོགས་ལན་གསུམ། སླར་ཡང་ལྷ་སྔགས་ཕྱག་མཚན་འོད་ཟེར་སྤྲོ་བསྡུས་མཁའ་ཁྱབ་ཀྱི་འགྲོ་བའི་ལུས་ཀྱི ༈ སྒོ་གསུམ་ཆ་མཉམ་གྱི་ ངག་གི ལས་དང་བྱ་བའི་ ཡིད་ཀྱི་ ཚེ་ཉམས་པ་གསོས། སྐུ་བདེ་གཤེགས་ ༈ ཡོན་ཏན་རིན་ཆེན་ གསུང་པདྨའི་ ཕྲིན་ལས་ཀརྨའི་ ཐུགས་རྡོ་རྗེའི་ རིགས་ཀྱི་ཚེ་དང་ཡེ་ཤེས་ཀྱི་དངོས་གྲུབ་དབང་དུ་བྱས་ཤིང་རྒྱས་པར་སྤེལ། ཚེ་བདུད་བར་ཆད་ཀྱི་ཚོགས་བསྒྲལ་བར་མོས་ལ་ལས་སྔགས་ཀྱི་རྗེས་ཟློས་མཛོད། ཨོཾ་བུདྡྷ་ཨ་ཡུརྫྙཱ་ན་སོགས་ལན་གསུམ། དེས་གསུང་མི་ཟད་པ་རྒྱན་གྱི་འཁོར་ལོ་ལྷ་དང་གཉིས་སུ་མེད་པ་འཆི་མེད་ཚེའི་དབང་མཆོག་ཐོབ་པར་གྱུར་ཅིག །འཁོར་ལོ་ ༈ རིན་ཆེན་ པདྨ་ རྒྱ་གྲམ་ རྡོ་རྗེ་ སྙིང་གར་བཞག་པས་ཡེ་ཤེས་ཀྱི་ཕྱག་མཚན་སྙིང་གར་ཐིམ། མགོན་པོ་ཚེ་དཔག་མེད་པའི་ཐུགས་ཀྱི་དབང་དང་བྱིན་རླབས་ཐོབ་པར་མོས་ཤིག །འཁོར་ལོ་སོགས་ཕྱག་མཚན་སོ་སོ་སྙིང་གར་བཞག་སྟེ། ཧཱུྃ༔ སངས་རྒྱས་ཀུན་གྱི་ཡེ་ཤེས་ནི༔ ཆོས་དབྱིངས་ཁྱབ་པ་ ༈ མཉམ་ཉིད་དབྱིངས་ སོ་སོར་རྟོག་པ་ བྱ་བ་གྲུབ་པ་ མེ་ལོང་ལྟ་བུ་ ཕྱག་རྒྱའི་གཟུགས༔ རིགས་ཀྱི་བུ་ལ་གཏད་པ་ཡིས༔ ཡེ་ཤེས་དགོངས་པ་མངོན་གྱུར་ཤོག༔ ཙིཏྟ་ཨ་བྷི་ཥིཉྩ་ཧཱུྃ། ཐུགས་མི་ཟད་པ་རྒྱན་གྱི་འཁོར་ལོ་ལྷ་དང་གཉིས་སུ་མེད་པ་འཆི་མེད་ཚེའི་དབང་མཆོག་ཐོབ་པར་གྱུར་ཅིག །འཁོར་འདས་ཚེ་བཅུད་ཀྱི་བདུད་རྩིས་བཀང་བའི་ཚེ་བུམ་ཕྱག་ཏུ་གཏད་པས་མགོན་པོ་ཚེ་དཔག་མེད་པའི་ཡོན་ཏན་གྱི་དབང་དང་དངོས་གྲུབ་ཐོབ་པར་མོས་ཤིག །ཚེ་བུམ་ལྟེ་བར་བཞག་ལ། ཧྲཱིཿ རྒྱལ་ཀུན་ཟག་མེད་ཡོན་ཏན་གྱི༔ བདུད་རྩིས་གང་བའི་ཚེའི་འབྲང་རྒྱས༔ རང་བྱུང་མཆོག་གིས་དབང་བསྐུར་བས༔ འབྲས་བུའི་གོ་འཕང་ཐོབ་པར་ཤོག༔ གུ་ཎ་ཨ་བྷི་ཥིཉྩ་ཏྲཱྃ༔ ཡོན་ཏན་མི་ཟད་པ་རྒྱན་གྱི་འཁོར་ལོ་ལྷ་དང་གཉིས་སུ་མེད་པ་འཆི་མེད་ཚེའི་དབང་མཆོག་ཐོབ་པར་གྱུར་ཅིག །བརྟན་གཡོའི་དྭངས་བཅུད་འདུས་པའི་ཚེ་ཡི་རིལ་བུ་དང་བདུད་རྩི་མྱོང་བས་མགོན་པོ་ཚེ་དཔག་མེད་པའི་ཕྲིན་ལས་ཀྱི་དབང་དང་དངོས་གྲུབ་ཐོབ་པར་མོས་ཤིག །ཚེ་རིལ་དང་བདུད་རྩི་སྦྱིན་ལ། ཧྲཱིཿ རྣམ་པ་ཐམས་ཅད་ཡེ་ཤེས་ནི༔ ཅོང་ཞི་བཅུད་ལེན་ ༈ རིགས་གཞན་དག་ལ། རྡོ་རྗེའི་བཅུད་ལེན་ ཞེས་བསྒྱུར་ན་ལེགས། རྫས་སུ་ཤར༔ དགེ་ལེགས་སྙིང་པོས་དབང་བསྐུར་བས༔ འཆི་མེད་རྡོ་རྗེའི་སྲོག་ཐོབ་ཤོག༔ ཀརྨ་ཨ་བྷི་ཥིཉྩ་ཨཱ༔ ཕྲིན་ལས་མི་ཟད་པ་རྒྱན་གྱི་འཁོར་ལོ་ལྷ་དང་གཉིས་སུ་མེད་པ་འཆི་མེད་ཚེའི་དབང་མཆོག་ཐོབ་པར་གྱུར་ཅིག །གསང་དབང་ནི། བླ་མ་དང་དཀྱིལ་འཁོར་གྱི་གཙོ་བོ་ཐ་མི་དད་པ་རང་འོད་ཀྱི་ཡུམ་དང་སྙོམས་པར་ཞུགས་པའི་བྱང་ཆུབ་སེམས་ཀྱི་བདུད་རྩི་ལྕེ་ཐོག་ཏུ་བཞག་པར་གྱུར། ཐོད་པའི་བདུད་རྩི་ཐོགས་ལ། སྟངས་དཔྱལ་སྦྱོར་བའི་བདེ་བ་ཆེ༔ དྭངས་མ་བྱང་ཆུབ་སེམས་ཀྱི་ཆུ༔ རོལ་ཅིག་སྐལ་པ་མཆོག་ལྡན་བུ༔ གཙང་དམེའི་རྟོག་པ་བྲལ་བས་སྤྱོད༔ ཨ་ཧོ་མ་ཧཱ་སུ་ཁ་ཧོ༔ བདུད་རྩི་མྱང༌། དེ་ལྟར་ན་གསང་བའི་དབང་ཐོབ། ངག་གི་དྲི་མ་དག །ལམ་ཉེ་བསྙེན་རྩ་རླུང་གཏུམ་མོ་སྒོམ་པ་ལ་དབང༌། འབྲས་བུ་གསུང་རྡོ་རྗེ་ལོངས་སྤྱོད་རྫོགས་སྐུ་འགྲུབ་པའི་སྐལ་པ་ཅན་དུ་བྱས་པའོ། །ཤེར་དབང་ནི། ཁྱེད་རང་རྣམས་སྐད་ཅིག་གིས་ཚེ་དཔག་མེད་ཀྱི་སྐུར་གསལ་བ་ལ། མདུན་བསྐྱེད་ཀྱི་ཐུགས་ཀ་ནས་རིགས་དང་ལང་ཚོ་རྫོགས་པའི་རིག་མ་ཚེ་ཡི་ལྷ་མོའི་ངོ་བོ་ཅན་རེ་སྤྲོས་ཏེ་ཐར་པ་བསྟེན་པར་བསྐུལ་བར་གྱུར། རིག་ཙཀ་ཐོགས་ལ། སྣ་ཚོགས་གཟུགས་ཅན་མཚན་དང་ལྡན༔ སྒེག་བཞད་ལང་ཚོའི་མཆོག་གྱུར་མ༔ འདིས་ནི་སངས་རྒྱས་ཐམས་ཅད་བསྐྱེད༔ དགའ་བཞིའི་རོལ་རྩེད་རྟག་ཏུ་གྱིས༔ པདྨ་བྷཉྫ་མོཀྵ་ཧོ༔ རིག་མ་དང་འདུ་ཤེས་གསུམ་ལྡན་གྱིས་སྙོམས་པར་ཞུགས་པས་དགའ་བ་བཞིའི་རིམ་པས་ལྷན་སྐྱེས་ཀྱི་བདེ་བ་རྒྱུད་ལ་སྐྱེ་བར་གྱུར། འཁྱུད་རྒྱ་བྱ། དེ་ལྟར་ན་ཤེས་རབ་ཡེ་ཤེས་ཀྱི་དབང་ཐོབ། ཡིད་ཀྱི་དྲི་མ་དག །ལམ་སྒྲུབ་པ་ཕོ་ཉའི་རྣལ་འབྱོར་སྒོམ་པ་ལ་དབང༌། འབྲས་བུ་ཐུགས་རྡོ་རྗེ་ཆོས་ཀྱི་སྐུ་འགྲུབ་པའི་སྐལ་པ་ཅན་དུ་བྱས་པའོ། །དབང་བཞི་པ་ནི། རྡོ་རྗེ་སེམས་དཔའི་མེ་ལོང་བཟུང་ལ། རང་བྱུང་རྡོ་རྗེ་སེམས་དཔའི་མེ་ལོང་གི་བརྡ་དང་རྡོ་རྗེའི་ཚིག་གིས་ངོ་སྤྲད་པར་མོས་མཛོད། ཨ༔ དབྱིངས་ནི་རྟག་ཏུ་སྐྱེ་བ་མེད༔ རིག་པ་རང་གསལ་ལྷུན་གྱིས་གྲུབ༔ གཉིས་མེད་ཤེལ་གྱི་བརྡས་མཚོན་ཏེ༔ རང་ལ་གནས་པ་རྟོགས་པར་གྱིས༔ དྷརྨ་དྷཱ་ཏུ་ཨ་ཨ་ཨ༔ ཞེས་དགོངས་པ་བསྐྱང༌། དེ་ལྟར་ན་དབང་བཞི་པ་ཐོབ། བག་ཆགས་ཀྱི་དྲི་མ་དག །ལམ་སྒྲུབ་པ་ཆེན་པོ་དབྱིངས་རིག་ཟུང་འཇུག་སྒོམ་པ་ལ་དབང༌། འབྲས་བུ་ངོ་བོ་ཉིད་སྐུ་འགྲུབ་པའི་སྐལ་བ་ཅན་དུ་བྱས་པའོ། །སློབ་མའི་སྒོ་གསུམ་དཀྱིལ་འཁོར་ལྷ་ཚོགས་རྣམས་ཀྱི་གསང་བ་མི་ཟད་རྒྱན་གྱི་འཁོར་ལོ་དང་གཉིས་སུ་མེད་པར་རྒྱས་བཏབ་པའི་ཕྱིར་ཚེ་མདའ་གནས་ལྔར་བཞག་པར་མོས་ཤིག ཨ༔ སྤྲོས་པས་སྣང་སྲིད་ཁྱབ་པའི་ཚེ༔ བསྡུས་པའི་ཐིག་ལེ་ཉག་གཅིག་ཀློང༔ འཕོ་འགྱུར་མེད་པར་རྒྱས་བཏབ་པས༔ ཡེ་ཤེས་ཆེན་པོའི་སྲོག་འགྲུབ་ཤོག༔ མཁའ་དབྱིངས་གང་བར་ཁྱབ་པའི་འོད་ཟེར་གྱི་སྣང་བའི་རྩེ་མོར་རྒྱལ་བ་སྲས་དང་བཅས་པའི་སྐུ་གྲངས་མེད་ཉི་ཟེར་གྱི་རྡུལ་ལྟ་བུ་ཕྱོགས་བཅུ་ཀུན་ཏུ་འཕྲོས་པ་རྣམས་ཀྱིས་བཀྲ་ཤིས་པའི་གླུ་དབྱངས་ལེན་ཅིང་ལྷའི་མེ་ཏོག་གི་ཆར་ཆེན་པོ་ཕབ་པས་འཆི་མེད་ཚེ་དང་ཡེ་ཤེས་ཀྱི་དངོས་གྲུབ་མཆོག་གི་དགའ་སྟོན་ཡར་ངོའི་ཟླ་བ་ལྟར་གོང་ནས་གོང་དུ་འཕེལ་ཞིང་རྒྱས་པར་གྱུར་པའི་འདུན་པ་མཛོད་ཅིག །རྟེན་སྙིང་དང༌། ཤིས་བརྗོད་མཐར་སྙན་པའི་རོལ་མོ་རྒྱུན་རིང་དུ་འཁྲོལ་བར་བྱའོ། །དགའ་སྟོན་བཀྲ་ཤིས་གྲུབ་པའི་རྫས་རྟགས་རིན་ཆེན་བདུན་གྱི་འབྱོར་པས་མངའ་གསོལ་བར་མོས་མཛོད། ཕྱི་ལྟར་བཀྲ་ཤིས་རྟགས་ཀྱི་རེ་ཁཱ་བརྒྱད། །ནང་ལྟར་བཀྲ་ཤིས་རྒྱལ་བའི་མཚན་བཟང་དཔལ། །དོན་གྱི་བཀྲ་ཤིས་འཕགས་ལམ་ཡན་ལག་བརྒྱད། །བཀྲ་ཤིས་གྲུབ་པའི་རྫས་ཀྱིས་མངའ་གསོལ་ལོ། །ཨཥྚ་མངྒ་ལཾ་ཀུ་རུ་ཨ་བྷི་ཥིཉྩ་མི། བཀྲ་ཤིས་དོན་ཀུན་གྲུབ་པའི་རྒྱལ་བ་ཡིས། །བཀྲ་ཤིས་ངོ་མཚར་མཛད་བཟང་བསྟན་པའི་ཚེ། །བཀྲ་ཤིས་སྤེལ་བའི་རྫས་སུ་བྱིན་བརླབས་པས། །བཀྲ་ཤིས་དགེ་མཚན་རྒྱས་ཕྱིར་དབང་བསྐུར་རོ། །དྲ་བྱཾ་མངྒ་ལཾ་ཀུ་རུ་ཨ་བྷི་ཥིཉྩ་མི། ཕུན་ཚོགས་ཆོས་ཀྱི་རྒྱལ་ཐབས་དབང་བསྒྱུར་ཕྱིར། །ཕུན་ཚོགས་བྱང་ཆུབ་ཡན་ལག་བདུན་གྱི་གཟུགས། །ཕུན་ཚོགས་རིན་ཆེན་བདུན་གྱིས་དབང་བསྐུར་བས། །ཕུན་ཚོགས་ཚེ་དཔལ་ཆོས་ནོར་སྡེ་འཕེལ་ཤོག །མ་ཧཱ་རཏྣ་ཨ་བྷི་ཥིཉྩ་ཧཱུྃ། དེ་དག་གིས་ཚེ་དཔག་མེད་རིགས་ལྔ་སྒྱུ་འཕྲུལ་དྲྭ་བའི་སྒོས་ཀྱི་དབང་བསྐུར་གྱི་རིམ་པ་གྲུབ་པས་ཇི་ལྟར་ཞལ་གྱིས་བཞེས་པའི་དམ་ཚིག་གི་རིམ་པ་ལས་མི་འདའ་བར་དམ་འཆའ་བའི་རྗེས་ཟློས། གཙོ་བོས་ཇི་ལྟར་སོགས་གཏང་རག་ལུས་འབུལ་དགེ་བསྔོ་བཅས་བྱས་ལ་སློབ་མ་གྲོལ། སློབ་དཔོན་གྱིས་ཚོགས་ཀྱི་ལྷག་མ་ནས་བརྩམ་ཆོ་གའི་རྗེས་རིམ་རྣམས་མཐར་དབྱུང་བར་བྱའོ། །རིགས་ལྔ་སོ་སོར་ཁ་བསྒྱུར་མཆན་གསལ་ལྟར་བྱ་དགོས་སོ། །རིགས་ལྔ་སྒྱུ་འཕྲུལ་དྲྭ་བའི་རོལ་མོ་ཡིས། །ཚེ་དང་ཡེ་ཤེས་དགའ་སྟོན་ལེགས་སྤེལ་བས། །ཕུང་ཁམས་བདེ་ཆེན་དྭངས་མར་སྨིན་བྱེད་པའི། །ཐབས་ཀྱི་དང་པོ་དབང་གི་རིམ་པའོ། །ཅེས་རིགས་ལྔ་ཚེ་དཔག་མེད་སྒོས་སྒྲུབ་ཀྱི་དབང་གི་ཕྲེང་བའི་ལེའུ་ཚན་བཞི་པའོ། ༈ མ་ཆགས་པདྨའི་ཡེ་ཤེས་སོ་སོར་རྟོག །བདེ་ཆེན་དབང་གི་མེ་ཟེར་རྟ་མཆོག་ཞལ། །བདུད་སྡེའི་དཔུང་པ་ཟིལ་གནོན་ཧེ་རུ་ཀ །རང་བྱུང་ཁྲག་འཐུང་ཆེན་པོར་གུས་བཏུད་ནས། །བྱིན་རླབས་འཆར་ཀའི་སྣང་བས་ཡིད་སྲུབ་མུན། །སེལ་ནས་ཚེ་དང་ཡེ་ཤེས་ཉིན་མོར་བྱེད། །དངོས་གྲུབ་གཟི་བྱིན་འབར་བའི་ཐབས་ཀྱི་སྒོར། །འཇུག་བདེའི་ཕྲིན་དབང་ཁྲིགས་སུ་བསྡེབ་ལ་སྤྲོ། །འདི་ལ་གཉིས། སྒྲུབ་པའི་ཐབས་དང༌། སྨིན་བྱེད་དངོས་སོ། །དང་པོ་ནི། བསྙེན་སྒྲུབ་བཟླས་པའི་སྐབས་དཔལ་གཏོར། སྨན་རཀ །ཉེར་སྤྱོད་བཅས་པ་འདུ་བྱ། རྒྱུན་གྱི་རྣལ་འབྱོར་ལ་དེ་དག་མེད་ཀྱང་རུང་ཞིང༌། གང་ལྟར་ཡང་ཐོག་མར་སྐྱབས་སེམས་ནི། ན་མོ༔ བདག་དང་ཁམས་གསུམ་འགྲོ་བ་ཀུན༔ རྩ་བ་གསུམ་ལ་སྐྱབས་སུ་མཆི༔ གཞན་དོན་སངས་རྒྱས་ཐོབ་བྱའི་ཕྱིར༔ པདྨ་ཁྲོས་པའི་རྣལ་འབྱོར་བསྒོམ༔ ལན་གསུམ། རྡོ་རྗེ་སློབ་དཔོན་སངས་རྒྱས་དཔལ༔ སོགས་གསུམ། གནས་ཡོ་མཆོད་པ་བྱིན་བརླབ་ནི། ཨོཾ་ཨཱཿཧཱུྃ༔ སྣོད་བཅུད་ཕུན་ཚོགས་བདེ་ཆེན་ཞིང༔ རང་སྣང་ཀུན་བཟང་མཆོད་པའི་སྤྲིན༔ ཟག་མེད་ནམ་མཁའ་གང་བའི་ཚོགས༔ ཡེ་ཤེས་ཆེན་པོའི་རོལ་པར་ཤར༔ ཨོཾ་བཛྲ་ཨརྒྷཾ་ནས་ཤབྡ་སརྦ་ས་མ་ཡ་པཱུ་ཛ་ཛྙཱ་ན་ཨཱཿཧཱུྃ༔ ཨོཾ་སརྦ་པཉྩ་ཨ་མྲྀ་ཏ་ཨཱཿཧཱུྃ༔ ཨོཾ་མ་ཧཱ་རཀྟ་ཨཱཿཧཱུྃ༔ ཨོཾ་མ་ཧཱ་བ་ལིང་ཏ་ཨཱཿཧཱུྃ༔ དངོས་གཞི་ལྷ་བསྐྱེད་ནི། ཧྲཱིཿ དེ་བཞིན་ཉིད་དབྱིངས་ཀ་ནས་དག༔ ཀུན་སྣང་སྙིང་རྗེ་སྒྱུ་མའི་གདང༔ ཟུང་འཇུག་ས་བོན་ཡི་གེ་ཧྲཱིཿ འོད་ཀྱིས་སྣོད་བཅུད་གཟུང་འཛིན་སྦྱངས༔ སྟོང་པའི་ངང་ལས་ཡེ་ཤེས་ཀྱི༔ རང་སྣང་དབང་གི་ཕོ་བྲང་ཆེ༔ པདྨ་རཱ་ག་ལས་གྲུབ་པའི༔ གཞལ་ཡས་ཟླ་གམ་སྒོ་གཅིག་པ༔ རིན་ཆེན་རྒྱན་གྱི་བཀོད་པ་རྫོགས༔ དབུས་སུ་པདྨ་འདབ་བཞི་པའི༔ ལྟེ་བར་བདུད་བཞི་པད་ཉིའི་སྟེང༔ ཧྲཱིཿཡིག་ཡོངས་གྱུར་སྐད་ཅིག་གིས༔ པདྨ་དབང་ཆེན་རྟ་སྐད་འཚེར༔ དམར་ནག་དུས་མཐའི་མེ་ལྟར་འབར༔ ཕྱག་གཡས་པདྨའི་ལྕགས་ཀྱུ་གདེང༔ སྣང་སྲིད་ཐམས་ཅད་དབང་དུ་སྡུད༔ གཡོན་པས་ཚེ་ཡི་བུམ་པ་ནི༔ རྒྱ་གྲམ་ཕྱག་རྒྱས་མཚན་པ་འཛིན༔ དཔལ་དང་དུར་ཁྲོད་རོལ་པའི་ཆས༔ གཟི་བྱིན་འབར་བའི་འོད་ཕྲེང་ཅན༔ ཞབས་གཉིས་བརྐྱང་བསྐུམ་རོལ་པའི་སྟབས༔ རང་འོད་པདྨ་གཟི་ལྡན་སྦྱོར༔ པད་ཕྲེང་དུང་ཁྲག་བསྣམས་པས་འཁྱུད༔ ཕྱོགས་བཞིར་རྡོ་རྗེ་རིན་པོ་ཆེ༔ བདེ་གཤེགས་ལས་ཀྱི་ཧྱ་གྲཱྀ༔ དཀར་སེར་མཐིང་ལྗང་གཙོ་དང་མཚུངས༔ རིགས་ཀྱི་ཌཱ་ཀི་མཉམ་པར་སྦྱོར༔ སྒོ་སྲུང་པདྨ་དབྱིངས་ཕྱུག་མ༔ ལྕགས་ཀྱུ་ཞགས་གདེངས་སྒེག་བཞད་ཁྲོ༔ གར་གྱི་སྟང་སྟབས་སྒྱུར་བཞིན་དུ༔ རུས་པ་མེ་ཏོག་ཕྲེང་བས་བརྒྱན༔ དབང་གི་ཞིང་ཁམས་སྐྱོང་བ་ཡི༔ དབང་མཛད་དབང་གི་ལྷ་ཚོགས་ཀུན༔ ཉི་ཟེར་རྡུལ་ལྟར་འཁྲིགས་པ་ཡིས༔ བར་ཆད་བདུད་བགེགས་ཐམས་ཅད་འདུལ༔ གནས་གསུམ་རྡོ་རྗེའི་ཡིག་འབྲུ་གསུམ༔ སྐུ་གསུང་ཐུགས་ཀྱི་ཕྱག་རྒྱར་རྫོགས༔ སྤྱི་བོའི་གནས་ལྔར་རིགས་ལྔ་ཡི༔ ས་བོན་ལས་གྱུར་རིགས་ལྔ་ཡི༔ བྱང་སེམས་བདུད་རྩིས་དབང་བསྐུར་བས༔ ཕུང་ཁམས་རིགས་ཀྱི་འཁོར་ལོས་བསྒྱུར༔ བདེ་གཤེགས་ལྔ་ཡི་ངོ་བོར་རྫོགས༔ ཨོཾ་ཨཱཿཧཱུྃ༔ ཧྲཱིཿཧཱུྃ་ཏྲཱྃ་ཨོཾ་ཨཱ༔ ཧྲཱིཿ བདེ་ཆེན་ཕྱོགས་ལྷུང་བྲལ་བའི་ཞིང༔ འོད་གསལ་སྒྱུ་འཕྲུལ་དྲྭ་བའི་ལྷ༔ རྟ་མཆོག་རོལ་པའི་དཀྱིལ་འཁོར་ལྷ༔ ཡེ་ཤེས་དབྱིངས་ནས་གཤེགས་སུ་གསོལ༔ གནས་མཆོག་འདི་རུ་བྱིན་ཕོབ་ལ༔ སྒྲུབ་མཆོག་བདག་ལ་དབང་བཞི་བསྐུར༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་སྩོལ༔ སརྦ་མཎྜ་ལ་ས་མ་ཡ་ཛཿ ཛཿཧཱུྃ་བྃ་ཧོཿཏིཥྛ་ལྷན༔ ན་མོ་ན་མ་མི༔ ཧྲཱིཿ བདེ་ཆེན་སྒྱུ་མའི་ཆོ་འཕྲུལ་ལས༔ འཆར་བའི་རྨད་བྱུང་མཆོད་པའི་སྤྲིན༔ ཕྱི་ནང་གསང་བ་བླ་མེད་པས༔ རང་བྱུང་རང་ཤར་ཆེན་པོར་མཆོད༔ ཧྲཱིཿཧ་ཡ་གྲཱྀ་ཝ་ས་པ་རི་ཝ་ར་ཨརྒྷཾ་ནས་ཤབྡ་སརྦ་པཱུ་ཛ་ཧོ༔ མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ དྷརྨ་དྷཱ་ཏུ་ཨ༔ ཧྲཱིཿ གསུང་གི་རྡོ་རྗེ་དཀྱིལ་འཁོར་བདག༔ དབང་ཆེན་འབར་བ་གར་དགུའི་གཟུགས༔ བདེ་ཆེན་ཕྱག་རྒྱ་ཆེན་པོའི་དབྱིངས༔ འདུ་འབྲལ་མེད་པའི་ལྷ་ལ་བསྟོད༔ དེ་ལྟར་ལས་རིམ་རྫོགས་པར་བྱས་ཏེ་གསལ་སྣང་སྒྲུབ། སྤྲོ་ན་དག་དྲན་དང༌། ང་རྒྱལ་བརྟན་པོ་ལ་བསླབ། བཟླས་པ་ནི། རྟ་མཆོག་རོལ་པའི་ཐུགས་ཀ་རུ༔ པད་ཉིའི་སྟེང་དུ་ཧྲཱིཿདམར་གསལ༔ རྡོ་རྗེའི་སྔགས་ཀྱི་ཕྲེང་བས་བསྐོར༔ འོད་ཟེར་སྤྲོ་བསྡུས་དོན་གཉིས་བྱས༔ དབང་ཆེན་རོལ་པའི་ལྷ་ཚོགས་ཀྱི༔ སྐུ་དང་ཡིག་འབྲུ་ཕྱག་མཚན་གྱི༔ ཕོ་ཉ་ནམ་མཁའ་ཁྱབ་པར་སྤྲོས༔ ཚེ་བདུད་བར་ཆད་དབྱིངས་སུ་བསྒྲལ༔ གཟུང་འཛིན་འབྱུང་པོ་སྲུང་མཚམས་བཅད༔ བྱད་ཕུར་རྦོད་གཏོང་བཟློག་ཅིང་བསྒྱུར༔ སྣང་སྲིད་སྐུ་གསུང་ཐུགས་ཀྱི་དབྱིངས༔ མཉམ་ཉིད་དགོངས་པའི་རྩལ་རྫོགས་གྱུར༔ ཧྲཱིཿཔདྨཱནྟ་ཀྲྀཏ་བཛྲ་ཀྲོ་དྷ་ཧྱ་གྲཱྀ་ཝ་སརྦ་བིགྷྣཱན་ཧ་ན་ཧ་ན་ཧཱུྃ་ཕཊ༔ ཅི་ནུས་སྐབས་བསྟུན་བཟླ། ཐུན་མཐར་དབྱངས་གསལ་རྟེན་སྙིང་དང་མཆོད་བསྟོད་མདོར་བསྡུས་བྱ། ཡིག་བརྒྱ་བཟླས་པས་ནོངས་པ་བཤགས། རྗེས་རིམ་ནི། སྣོད་བཅུད་འོད་ཞུ་རང་ལ་ཐིམ། །དེ་ཡང་མི་དམིགས་འོད་གསལ་ངང༌། །ཁྲོ་རྒྱལ་སྣང་སྟོང་ཆེན་པོར་ཤར། །མི་མཐུན་ཕྱོགས་ཀུན་སྲུང་བར་གྱུར། །བཛྲ་ཀཱ་ཝཱ་ཙི་རཀྵ་བྷྲཱུྃ༔ གྱིས་གོ་ཆ་བགོ །དགེ་བ་འདི་ཡིས་མྱུར་དུ་བདག །དབང་ཆེན་རྟ་མཆོག་འགྲུབ་གྱུར་ནས། །སོགས་སྔོ་སྨོན་དང་ཤིས་བརྗོད་བྱ། ཚུལ་འདིས་ཐུན་བཞི་ཁྲིགས་བཅད་ཀྱིས་བསྙེན་བཟླས་འབུམ་བཞི་བྱས་ན་གྲངས་བསྙེན་གྱི་ཚད་རྫོགས་ལ། བསྙེན་པ་མ་བྱུང་ཡང་བར་ཆད་སེལ་ཕྱིར་དགོང་མོ་ལྟ་བུར་ཁྱུག་ཙམ་བཟླས་ཀྱང་དགོས་པ་དང་ལྡན་པ་གཏེར་གཞུང་དུ་གསལ་བ་ལྟར་རོ། །གཉིས་པ་སྨིན་བྱེད་དངོས་ནི། མཎྜལ་ཚོམ་བུ་གཅིག་པའམ་རྡུལ་ཚོན་གྱི་པདྨ་འདབ་བརྒྱད་སྟེང༌། མཉྫིའི་ཁར་བུམ་པ་བཅུད་ལྡན་བཞག །སྨན་གཏོར་རཀྟ་མཆོད་པ་བཅས་སྔར་བཞིན་བཤམ་ལ། བཟླས་པའི་དབུར་ཛཔ་ཁང་ཕྱེས་ཏེ་མདུན་བསྐྱེད་ལ་གཙོ་བོར་དམིགས་བཟླས་དང༌། བུམ་པ་རང་བྱུང་ལྷུན་རྫོགས་དབང་གི་ཕོ་བྲང་དུ་དཔལ་རྟ་མཆོག་རོལ་པའི་ལྷ་ཚོགས་དྭངས་པའི་མཚོ་ལ་གཟའ་སྐར་ཤར་བ་བཞིན་བཞུགས་པའི་སྐུ་ལས་བདུད་རྩིའི་རྒྱུན་བབས་པས་བུམ་པ་ཡོངས་སུ་གང་བར་གྱུར། ཞེས་དམིགས་ཏེ་བཟླས་པ་ཅི་རིགས་མཐར། ཨོཾ་ཨཱཿཧཱུྃ་གིས་མཆོད་ཡོན་ཕུལ་བས། བུམ་ལྷ་བདེ་བ་ཆེན་པོར་འོད་དུ་ཞུ་སྟེ་བུམ་ཆུ་དང་རོ་གཅིག་ཏུ་གྱུར། ལས་བུམ་འཁྱིལ་པས་བརླབས། སྨིན་འོས་ཀྱི་སློབ་མ་ཁྲུས་ནས་དབྱུང༌། བགེགས་བསྐྲད་སྲུང་འཁོར་དང༌། སེམས་བསྐྱེད་གསལ་བཏབ་རྗེས། འདོད་དགུའི་ནོར་ཐོབ་པའི་ཕྱིར་ཤུལ་རིང་གི་མགྲོན་པོ་ལམ་དུ་ཞུགས་པ་ལ་བགྲོད་ཡུལ་བདེ་བཟར་སྣ་ཚོགས་འབྱུང་བ་ཆོས་ཉིད་ལྟར་ཚེ་དང་ཡེ་ཤེས་དཔག་ཏུ་མེད་པའི་གོ་འཕང་བསྒྲུབ་པ་ལ་བར་ཆད་མང་བ་ཆོས་ཉིད་ཡིན་ཀྱང༌། དེ་ཉིད་ཀྱི་དབང་དུ་མ་ཤོར་བར་ལམ་དུ་ཁྱེར་ཤེས་ན་དངོས་གྲུབ་ཀྱི་སྔ་ལྟས་དང༌། ཉམས་རྟོགས་ཀྱི་བོགས་འབྱིན་དུ་འགལ་རྐྱེན་གྲོགས་སུ་ཤར་བ་དངོས་གྲུབ་ཀྱི་སྣ་འདྲེན་ཉམས་རྟོགས་ཀྱི་རྒྱན་དུ་ཁྱེར་ཤེས་པ་འབྱུང་བའི་ཕྱིར། སྐབས་འདིར་ཡང་བར་ཆད་སྲུང་ཕྱིར་དབང་གི་རྒྱལ་པོ་རྟ་མཆོག་དཔལ་གྱི་ལྷ་སྔགས་ཏིང་ངེ་འཛིན་ལ་བརྩོན་པས་སྲུང་སྐྱོབས་ར་མདའི་ཚུལ་དུ་མཛད་པས་བྱིན་གྱིས་བརླབས་ཤིང་བར་ཆད་སེལ་བར་ངེས་པ་སྟེ། གཏེར་གཞུང་རྡོ་རྗེ་ཚེ་ཡི་སྙིང་པོའི་རྒྱུད་ལས། ཟབ་མོའི་དངོས་གྲུབ་བསྒྲུབ་པ་ལ༔ བར་དུ་གཅོད་པའི་བདུད་འདུལ་ཕྱིར༔ དབང་གི་རྒྱལ་པོའི་ཏིང་འཛིན་གྱིས༔ བགེགས་ཚོགས་འདུལ་བའི་ཏིང་འཛིན་ནི༔ ཞེས་གསུངས་པ་ལྟར་ལ་ལམ་དེ་ཉམས་སུ་ལེན་པ་ལའང་དབང་བསྐུར་སྔོན་དུ་འགྲོ་དགོས་པས་དེ་ཉིད་སྒྲུབ་པའི་སྐབས་སུ་བབས་པ་གསན་པའི་ཕྱིར་མཎྜལ་ཕུལ། ཞེས་མཚམས་སྦྱར་ནས་མཎྜལ་འབུལ་དུ་གཞུག །གསོལ་བ་འདེབས་པ་འདིའི་རྗེས་ཟློས། པདྨ་དཀྱིལ་འཁོར་གཙོ་བོ་མཆོག༔ དབང་ཆེན་ཧེ་རུ་ཀཿདཔལ་དགོངས༔ རྡོ་རྗེའི་དཀྱིལ་འཁོར་ཆེན་པོ་རུ༔ སྨིན་ཅིང་གྲོལ་བར་མཛད་དུ་གསོལ༔ ལན་གསུམ། བླ་མ་ཁྲོ་བོའི་རྒྱལ་པོ་རྟ་མཆོག་རོལ་པ་རྩ་གསུམ་རྒྱ་མཚོའི་བདག་ཉིད་ཆེན་པོར་གསལ་བ་ལ་མི་ཕྱེད་གུས་པའི་ཡིད་ཀྱིས་སྐྱབས་སུ་འགྲོ་བ་དང༌། འཁྲུལ་པའི་གཞན་དབང་དུ་གྱུར་པའི་སེམས་ཅན་ཐམས་ཅད་སངས་རྒྱས་ཀྱི་ས་ལ་འགོད་པར་བྱ་བའི་ཆེད་དུ་ཁྲོ་བོའི་རྒྱལ་པོའི་དཀྱིལ་འཁོར་དུ་འཇུག་པར་བགྱིའོ་སྙམ་དུ་སེམས་བསྐྱེད་པ་འདིའི་རྗེས་ཟློས། ན་མོ༔ བདག་དང་ཁམས་གསུམ་འགྲོ་བ་ཀུན༔ རྩ་གསུམ་ལྷ་ལ་སྐྱབས་སུ་མཆི༔ གཞན་དོན་སངས་རྒྱས་ཐོབ་བྱའི་ཕྱིར༔ པདྨ་ཁྲོས་པའི་རྣལ་འབྱོར་བསྒོམ༔ ལན་གསུམ། རྒྱུན་བཤགས་སྔོན་དུ་འགྲོ་བས་བྱང་ཆུབ་ཏུ་སེམས་བསྐྱེད་པ་འདིའང་ཚིག་རྗེས་སུ་དོན་དྲན་བཞིན་པས་རྗེས་ཟློས། རྡོ་རྗེ་སློབ་དཔོན་སངས་རྒྱས་དཔལ། །སོགས་དང༌། སེམས་ཅན་བདེ་དང་ལྡན་གྱུར་ཅིག །སོགས་ལན་གསུམ། ཡེ་ཤེས་པ་དབབ་པའི་སླད་དུ་དམིགས་པ་འདི་བཞིན་དུ་མཛོད། ལས་ཆུ་གཏོར་ལ་བསང་སྦྱང༌། གཉིས་བསྡུས་ཀྱི་ཆོས་ཐམས་ཅད་སྤྲོས་བྲལ་ཀ་དག་སྟོང་པ་ཉིད་དུ་གྱུར་པའི་ངང་ལས་འོད་གསལ་གྱི་རང་མདངས་ཕྱི་སྣོད་ཁྲག་འཐུང་རོལ་པའི་དུར་ཁྲོད་ཆེན་པོའི་དབུས་སུ་པད་ཉི་བདུད་བཞིའི་སྟེང་དུ་ཁྱེད་རང་རྣམས་སྐད་ཅིག་གིས་འཇིགས་བྱེད་པདྨ་དབང་ཆེན་སྲིན་པོ་ལྟར་ཁྲོས་པ་ཁྲོ་གཏུམ་བཟོད་པར་དཀའ་བའི་ཉམས་འགྱུར་ཅན། སྐུ་མདོག་དམར་ནག་དུས་མཐའི་མེ་ལྟར་འབར་བ། དབུ་སྐྲ་དམར་སེར་གྱེན་དུ་བརྫེས་པའི་ཁྲོད་དུ་རྟ་མགོ་ལྗང་གུ་རྟ་སྐད་དྲག་ཏུ་འཚེར་བ། ཕྱག་གཡས་པདྨའི་ལྕགས་ཀྱུ་གདེང་སྟབས་སུ་འཛིན་ཅིང་གཡོན་ཚེ་བུམ་རྒྱ་གྲམ་གྱིས་མཚན་པ་བསྣམས་པ། དཔལ་དང་དུར་ཁྲོད་རོལ་པའི་ཆས་ཐམས་ཅད་ཀྱིས་བརྒྱན་ཅིང༌། ཞབས་གཉིས་བརྐྱང་བསྐུམ་རོལ་པའི་སྟབས་ཀྱིས་འགྱིངས་པ། ཡུམ་པདྨ་གཟི་ལྡན་མ་པད་ཕྲེང་དང་དུང་དམར་འཛིན་པས་འཁྱུད་པ། བསྐལ་པའི་མེ་དཔུང་འབར་བའི་ཀློང་ན་ཆེ་བཙན་འགྲན་ཟླ་དང་བྲལ་བའི་གནས་གསུམ་ཨོཾ་ཨཱཿཧཱུྃ་གིས་མཚན་པ། ཐུགས་སྲོག་ཧྲཱིཿདམར་ནག་དང༌། བླ་མ་ལྷག་པའི་ལྷའི་ཐུགས་ཀ་ནས་ཀྱང་འོད་ཟེར་དཔག་ཏུ་མེད་པ་འཕྲོས། ཕྱོགས་བཅུའི་རྩ་གསུམ་རྒྱལ་བ་རབ་འབྱམས་ཀྱི་ཐུགས་རྒྱུད་བསྐུལ། སྐད་ཅིག་དེ་ཉིད་ལ་དབང་ཆེན་རྟ་མཆོག་རོལ་པའི་སྐུར་བཞེངས་ཏེ་མཚོ་ཆེན་པོ་ལ་ཁ་བ་བབས་པ་ལྟར་ཁྱེད་རང་རྣམས་ཀྱི་སྒོ་གསུམ་ལ་དབྱེར་མེད་དུ་ཐིམ་པའི་མོས་པ་མཛོད་ཅིག །ཧྲཱིཿ བདེ་ཆེན་ཕྱོགས་ལྷུང་བྲལ་བའི་ཞིང༔ འོད་གསལ་སྒྱུ་འཕྲུལ་དྲྭ་བའི་ལྷ༔ རྟ་མཆོག་རོལ་པའི་དཀྱིལ་འཁོར་ལྷ༔ ཡེ་ཤེས་དབྱིངས་ནས་གཤེགས་སུ་གསོལ༔ གནས་མཆོག་འདི་རུ་བྱིན་ཕོབ་ལ༔ སྒྲུབ་མཆོག་འདི་ལ་དབང་བཞི་བསྐུར༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་སྩོལ༔ རྩ་སྔགས་མཐར། བཛྲ་ཛྙཱ་ན་ཨ་བེ་ཤ་ཡ་ཨ་ཨ། ཧཱུྃ་ཧཱུྃ་ཧཱུྃ། ཞེས་དྲག་ཏུ་བརྗོད། རོལ་མོ་འཁྲོལ། ཕེཾ་ཕེཾ། ཞེས་ཡང་ཡང་བརྗོད་ལ་སྤོས་བཏུལ། ཡེ་ཤེས་པ་བརྟན་པར་གྱུར། ཏིཥྛ་བཛྲ་ཧཱུྃ། ཞེས་དང༌། རྡོ་རྗེའི་རྒྱས་བརྟན་པར་བྱ། བུམ་པ་བཏེགས་ལ། བུམ་པ་དུར་ཁྲོད་དྲག་པོའི་གཞལ་ཡས་ཁང་དུ་པདྨ་དབང་ཆེན་རྟ་མཆོག་རོལ་པའི་ལྷ་ཚོགས་སྒྱུ་འཕྲུལ་རྡོ་རྗེའི་རོལ་མོ་འོད་དུ་ཞུ་བའི་བདུད་རྩིས་སྤྱི་བོ་ནས་དབང་བསྐུར་བས། དྲི་མ་ཉོན་མོངས་པ་ཐམས་ཅད་གཏོར། ཡེ་ཤེས་ཆེན་པོའི་བྱིན་རླབས་རྒྱུད་ལ་བླུག་པར་མོས་ཤིག །ཧྲཱིཿ རང་བྱུང་བུམ་པ་གཞལ་མེད་ཁང༔ ཡེ་ཤེས་ལྷ་ཚོགས་བདུད་རྩིར་འཁྱིལ༔ སྐལ་ལྡན་བུ་ལ་དབང་བསྐུར་བས༔ སྨིན་གྲོལ་ཡོན་ཏན་རྫོགས་པར་ཤོག༔ ཀ་ལ་ཤ་ཨ་བྷི་ཥིཉྩ་ཨོཾ༔ མགོར་བཞག་ལ་བུམ་ཆུ་སྦྱིན། བདག་མདུན་དབྱེར་མེད་ཀྱི་ཐུགས་ཀའི་སྔགས་ཕྲེང་ལས་སྔགས་ཕྲེང་གཉིས་པ་ཞིག་འཕྲོས། ཁྱེད་རང་ལྷར་གསལ་བའི་ཞལ་དུ་ཞུགས། ཐུགས་ཀའི་ཧྲཱིཿཡིག་དམར་པོའི་མཐར་གཡས་བསྐོར་དུ་འཁོད་པར་མོས་ལ་རྗེས་ཟློས་མཛོད། རྩ་སྔགས་ལན་གསུམ། པདྨ་དབང་ཆེན་རྟ་མཆོག་རོལ་པའི་མཐུ་སྟོབས་ནུས་པའི་བྱིན་རླབས་ཐམས་ཅད་རྡོ་རྗེའི་སློབ་མ་འདི་རྣམས་ལ་ཞུགས་ནས་ལས་རབ་འབྱམས་ཐོགས་མེད་དུ་འགྲུབ་པར་གྱུར་ཅིག །དབྱངས་གསལ་ཡེ་དྷར་བརྗོད་ཅིང་མེ་ཏོག་འཐོར། ཐུགས་ཀྱི་བྱིན་བརླབ་བརྟན་པའི་ཕྱིར་རང་རིག་དུས་གསུམ་གྱི་རྟོག་པས་མ་བསླད་པའི་གཉུག་མ་དོན་གྱི་རྟ་མཆོག་རོལ་པ་རྡོ་རྗེའི་ཚིག་འདིས་ངོ་སྤྲད་པར་མོས་མཛོད། ཨ༔ རང་རིག་ཡེ་ཤེས་བདེ་བ་ཆེ༔ གདོད་ནས་རང་གི་སེམས་སུ་བཞུགས༔ གཉིས་མེད་དགོང་པས་ངོ་སྤྲད་ན༔ ཤེས་པར་གྱིས་ཤིག་རིགས་ཀྱི་བུ༔ ཞེས་དགོངས་པ་ལ་མཉམ་པར་བཞག །མེ་ཏོག་འཐོར་ལ་ཤིས་བརྗོད་རྟེན་སྙིང་གིས་བརྟན་པར་བྱ། དེ་དག་གིས་པདྨ་དབང་ཆེན་རྟ་མཆོག་རོལ་པའི་སྨིན་བྱེད་ལེགས་པར་གྲུབ་པ་ལགས་པས་སོགས་ཀྱིས་མཚམས་སྦྱར་ལ་དམ་ཚིག་བཟུང་བ་ཕྱིན་ཆད་དང་ཕྲིན་ལས་ཀྱི་རྗེས་རིམ་བཅས་སྤྱི་ལྟར་བྱའོ། །ཚེ་དང་ཡེ་ཤེས་མཆོག་གི་དབྱིག་ཐོབ་ཕྱིར། །རྡོ་རྗེའི་ལམ་ཞུགས་བར་ཆད་སེལ་བའི་ཐབས། །དབང་གི་རྒྱལ་པོའི་གཡས་འཁྱིལ་མཚོ་འདི་ཡང༌། །སྐལ་བཟང་རིན་ཆེན་གྲུ་ཡི་བཙས་སུ་སྦྱིན། །དེ་དག་བར་ཆད་སེལ་བ་རྟ་མགྲིན་གྱི་དབང་གི་རིམ་པ་ལེའུ་ཚན་ལྔ་པའོ། ༈ ལྷན་གཅིག་སྐྱེས་པ་དོན་གྱི་མཛའ་ན་མོ། །བདེ་ཆེན་ཀུན་དགའི་རོལ་རྩེད་སྟེར་བ་ལ། །ཆེས་མྱུར་ཤེས་རབ་དཔལ་མོའི་འཛུམ་དཀར་གྱིས། །ཚེ་རབས་ཀུན་ཏུ་ལྷག་པར་སྐྱོངས་གྱུར་ཅིག །གང་གི་གསང་བ་ཟབ་མོའི་དགའ་ཚལ་དུ། །རྩེན་འདོད་མཆོག་གི་དབང་བཞིའི་རྒྱུད་སྨིན་ཕྱིར། །ཟབ་ལམ་གླིང་བུའི་དབྱངས་ཀྱིས་དེང་བསྐུལ་ན། །ཀྱེ་ཀྱེ་རིངས་པ་བཞིན་དུ་དགའ་བས་ལོངས། །པདྨ་ཚེ་ཡི་སྙིང་ཐིག་གི་ཡུམ་བཀའ་ཚེ་སྦྱིན་དཔལ་མོ་རིགས་ལྔའི་སྨིན་བྱེད་བྱ་བར་འདོད་པས་དམར་ཕྱོགས་ཀྱི་ཚེས་བཅུ་སོགས་དུས་བཟང་པོར་གཙང་མའི་གནས་སུ་སྟེགས་བུར་གཞུང་མཐུན་གྱི་དཀྱིལ་འཁོར་དང་ཚོམ་བུ་གང་འབྱོར་བཀོད་པའི་སྟེང༌། མཉྫིའི་ཁར་བདེ་སྐྱོང་གི་སྣོད་དུ་བུམ་རྫས་སོ་ལྔ་དང་ཚེ་རྫས་བཏབ་པའི་ཛ་གད་ཀྱིས་བཀང་བའི་ཁར་མེ་ལོང་སིནྡྷཱུ་རའི་རྡུལ་གྱིས་བྱུགས་པ་ལ་ཆོས་འབྱུང་བསྣོལ་མའི་དབུས་ཧྲཱིཿ མཱྃ་ལཱྃ་པཱྃ་ཏཱྃ་ཕྱོགས་བཞིར་མགོ་ཕྱིར་བསྟན་དུ་བྲིས་པས་བཀབ་པའི་སྟེང་མན་ཤེལ་བཞག་པ་དར་དམར་གྱིས་བཀབ། ཚེ་འབྲང༌། ཚེ་རིལ་ཆང༌། མདའ་དར་རྣམས་ཀྱང་བཀོད་མཐར་ཉེར་སྤྱོད་ཀྱིས་བསྐོར། མཁའ་འགྲོའི་གཏོར་མ་སྨན་རཀ་དང༌། བཀའ་གཏེར་སྲུང་མའི་མཆོད་གཏོར། སྔོན་གཏོར་གཉིས། ཚོགས་བཅས་འདུ་བྱས་ལ་བདག་མདུན་གྱི་གཞུང་བསྲང༌། ཛཔ་ཁང་ཕྱེས་ལ་བསྙེན་སྒྲུབ་ལས་གསུམ་གྱི་བཟླས་པ་བྱ། བུམ་བཟླས་བསྡུ་ན། རང་བྱུང་བདེ་སྐྱོང་གི་བུམ་པར་འཆི་མེད་ཡེ་ཤེས་ཌཱ་ཀིའི་ལྷ་ཚོགས་དྭངས་པའི་མཚོ་ལ་གཟའ་སྐར་ཤར་བ་བཞིན་དགྱེས་པར་བཞུགས་པའི་སྐུ་ལས་འཆི་མེད་བདུད་རྩིའི་རྒྱུན་བབས་པ་བུམ་ཆུ་དང་རོ་གཅིག་ཏུ་གྱུར་པར་མོས་ལ་བཟླ། ལས་བུམ་འཁྱིལ་པས་བརླབས། ཚེ་འགུགས་སྦྱར། ཧྲཱིཿ ཆོས་དབྱིངས་ཁྱབ་བརྡལ་ཕྱོགས་ལྷུང་བྲལ་བའི་ཀློང༌། །བདེ་ཆེན་དགྱེས་མ་འབུམ་ཕྲག་མཁའ་འགྲོའི་གཙོ། །འཆི་མེད་གྲུབ་པའི་མེ་ཏོག་མནྡ་ར། །རབ་འབྱམས་སྐུ་གསུམ་རྒྱལ་བའི་ཞིང་ནས་བཞེངས། །སྐྱེ་འཆིའི་མཚན་མ་ཡོངས་དག་ཆོས་སྐུའི་མཁར། །ལྷན་སྐྱེས་གྲུབ་པའི་རྒྱལ་མོའི་ཡེ་ཤེས་སྤྲིན། །དབང་བཅུའི་བདུད་རྩི་བྲི་གང་མི་མངའ་བའི། །རྡོ་རྗེ་ཚེ་ཡི་བྱིན་རླབས་ད་ལྟ་སྩོལ། །ཕྱག་གཡས་ཚེ་དཔལ་འགུགས་པའི་མདའ་དར་ལས། །རིགས་ལྔའི་ཕོ་ཉ་ཞིང་ཁམས་ཡོངས་ཁྱབ་སྤྲོས། །སྲིད་དང་ཞི་བའི་བརྟན་གཡོའི་དྭངས་བཅུད་བསྡུས། །ཕྱག་གཡོན་ཚེ་ཡི་བུམ་པའི་ནང་དུ་བསྐྱིལ། །སྒྲུབ་མཆོག་ལུས་ངག་ཡིད་ལ་རྡོ་རྗེའི་དབང༌། །འཕོ་མེད་རྟག་པ་དམ་པའི་མཆོག་གྱུར་པ། །ཐབས་ཤེས་དམ་རྫས་བདེ་སྟོང་ཡེ་ཤེས་དངོས། །མྱོང་གྲོལ་གྲུབ་པའི་རྫས་ཀྱི་བཅུད་ལེན་སྩོལ། །སྒོ་གསུམ་མི་ཤིགས་དྭངས་མའི་ལང་ཚོར་སྨིན། །ཟག་བཅས་འཁྲུལ་པའི་སྐྱེ་འཆི་མིང་ཡང་མེད། །ལྷུན་གྲུབ་ཡེ་ཤེས་འཕོ་ཆེན་རྡོ་རྗེའི་སྐུ། །མངོན་སུམ་ཉིད་དུ་འགྲུབ་པར་མཛད་དུ་གསོལ། །ཨོཾ་ཛྙཱ་ན་ཌཱ་ཀི་ནི་པདྨ་མནྡ་ར་སརྦ་སིདྡྷི་ཧཱུྃ་ཧ་རི་ནི་ས་བཛྲ་ཨཱ་ཡུ་ཥེ་སྭཱ་ཧཱ། ཞེས་ཚེ་བཅུད་བསྡུས་ཏེ། མཁའ་ཁྱབ་ཡེ་ཤེས་སྒྱུ་འཕྲུལ་དྲྭ་བའི་ཚེ། །གཏིང་གསལ་གཞོན་ནུ་བུམ་སྐུའི་དབྱིངས་སུ་སྦ། །མི་འགྱུར་རྡོ་རྗེའི་ཀློང་དུ་རྒྱས་བཏབ་པས། །ཟག་མེད་འདུས་མ་བྱས་པར་ལྷུན་གྱིས་གྲུབ། །དྷརྨ་དྷཱ་ཏུ་ཨ། ཚོགས་མཆོད་བཏང་ཞིང་བདག་འཇུག་གམ་རིག་པའི་མེ་ཏོག་དོར་ནས་སློབ་མ་འཇུག་པར་གནང་བ་ཞུས་ལ། སྨིན་པར་འོས་པའི་སློབ་མ་ཁྲུས་ནས་དབྱུང༌། བགེགས་བསྐྲད། སྲུང་འཁོར་བསྒོམ་སྟེ་སེམས་བསྐྱེད་གསལ་གདབ་སྔོན་དུ་འགྲོ་བས། དེ་ལ་འདིར་འཆི་མེད་རྡོ་རྗེ་ཚེ་ཡི་མཆོག་བསྒྲུབ་པའི་ཐབས་མཐར་ཐུག་ནི་རྣམ་ཀུན་མཆོག་ལྡན་ལྷན་སྐྱེས་བདེ་སྟོང་ཆེན་པོའི་ཡེ་ཤེས་ཀྱི་གསང་བ་ཟབ་མོ་མངོན་སུམ་བྱེད་པ་ཁོ་ན་ཡིན་ཞིང༌། དེ་ཉིད་རྣམ་བཅས་དཔལ་མོའི་གཟུགས་ཀྱི་སྐུར་བཞེངས་པའི་རྡོ་རྗེ་གསུམ་གྱི་རྣལ་འབྱོར་ལ་བརྩོན་ན་མཆོག་གི་དངོས་གྲུབ་ཀྱི་གནས་ལ་བདེ་མྱུར་དུ་སྦྱོར་བའི་རྒྱུ་མཚན་གྱིས་ཡུམ་བཀའ་མཁའ་འགྲོའི་སྲོག་སྒྲུབ་བཀའ་གཏེར་དག་སྣང་གི་བབས་སོའི་བྱིན་རླབས་ཀྱི་ཚན་ཀ་དང་ལྡན་པ་མཐའ་ཀླས་པ་བཞུགས་པ་ལས། འདིར་ནི་བཀའ་བབས་བདུན་གྱི་མངའ་བདག་པདྨ་འོད་གསལ་མདོ་སྔགས་གླིང་པའི་ཟབ་གཏེར་གྱི་ཆ་ཤས་འཆི་མེད་པདྨ་ཚེ་ཡི་སྙིང་ཏིག་གི་རྫོགས་རིམ་གྱི་སྔོན་འགྲོའི་ཚུལ་དུ་གདམས་པ་གུ་རུའི་ཐུགས་ལས་བྱོན་པའི་དགྱེས་སྡེ་ལྔ་དང་རིགས་ལྔའི་རྡོ་རྗེ་བཙུན་མོ་དབྱེར་མེད་དུ་སྒྲུབ་པའི་དཀྱིལ་འཁོར་དུ། ཟབ་མོའི་དབང་གི་ཆོ་གས་སྨིན་པར་བྱ་བའི་ཕྱིར་མཎྜལ་ཕུལ། གསོལ་བ་གདབ་པ་འདིའི་རྗེས་ཟློས་མཛོད། བླ་མ་བདེ་ཆེན་དགྱེས་པ་ཅན༔ རྣལ་འབྱོར་མ་དཔལ་དགོངས་སུ་གསོལ༔ བདག་ཅག་ཡང་དག་ལམ་ཟབ་མོར༔ འཇུག་པའི་ཆོ་ག་བསྩལ་དུ་གསོལ༔ ལན་གསུམ། མདུན་གྱི་ནམ་མཁར་འཕགས་བཞིའི་བསྐྱེད་ཡུམ་ཡེ་ཤེས་མཁའ་འགྲོའི་དཀྱིལ་འཁོར་ལ་སངས་རྒྱས་བྱང་སེམས་ཡི་དམ་དཔའ་བོ་ཌཱ་ཀིའི་ཚོགས་དང་བཅས་པའི་སྐྱབས་ཡུལ་ལ་དྭངས་འདོད་ཡིད་ཆེས་ཀྱི་དད་པས་བྱང་ཆུབ་སྙིང་པོའི་བར་སྐྱབས་སུ་འགྲོ་བ་དང༌། མཁའ་ཁྱབ་ཕ་མར་གྱུར་པའི་འགྲོ་ཀུན་བདེ་ཆེན་ཡེ་ཤེས་ཀྱི་ས་ལ་འགོད་པར་བྱ། དེའི་ཆེད་དུ་རྡོ་རྗེ་ཐེག་པའི་ལམ་ལ་འཇུག་པས་གཞན་ཕན་གྱི་སྤྱོད་པ་རླབས་པོ་ཆེར་སློབ་སྙམ་པས་སྨོན་འཇུག་གི་སེམས་བསྐྱེད་པའི་དམ་བཅའ་བཟུང་བ་འདིའི་རྗེས་ཟློས་ལན་གསུམ་མཛོད། ཨ༔ རྣམ་ཐར་གསུམ་ལྡན་རྡོ་རྗེ་བཙུན་མོའི་དབྱིངས༔ ཡེ་ཤེས་མཁའ་འགྲོའི་ལྷ་ལ་སྐྱབས་སུ་མཆི༔ འགྲོ་ཀུན་སྲིད་ཞིའི་འཇིགས་ལས་དབུགས་དབྱུང་ཕྱིར༔ འཆི་མེད་མཁའ་འགྲོའི་རྣལ་འབྱོར་བསྒོམ་པར་བགྱི༔ ལན་གསུམ། བསགས་སྦྱང་གི་སྙིང་པོ་ཡན་ལག་བདུན་པས་རྒྱུད་སྦྱོང་བའི་ཕྱིར་སོ་སོའི་དམིགས་རྣམ་དང་བཅས་ཚིག་འདིའི་རྗེས་ཟློས་མཛོད། ཕྱོགས་དུས་རྒྱལ་བ་སྲས་བཅས་དང༔ ཡེ་ཤེས་མཁའ་འགྲོའི་ལྷ་ཚོགས་ལ༔ ཞིང་རྡུལ་ཀུན་གྱི་གྲངས་སྙེད་ཀྱི༔ སྒོ་གསུམ་གུས་པས་ཕྱག་འཚལ་ལོ༔ ཕྱི་ནང་གསང་བ་བླ་མེད་པའི༔ ཀུན་བཟང་མཆོད་སྤྲིན་རྒྱ་མཚོས་མཆོད༔ སྡིག་སྒྲིབ་ཉེས་ལྟུང་མཐོལ་ཞིང་བཤགས༔ ཚོགས་གཉིས་སྤྱོད་ལ་རྗེས་ཡི་རང༔ ཆོས་ཀྱི་འཁོར་ལོ་བསྐོར་བཞིན་དུ༔ མྱ་ངན་མི་འདའ་བཞུགས་གསོལ་འདེབས༔ དགེ་ཚོགས་བྱང་ཆུབ་སྙིང་པོར་བསྔོ༔ གཞན་དོན་སངས་རྒྱས་མྱུར་འགྲུབ་ཤོག༔ ལན་གསུམ། དབང་གི་བཅུད་སྡོམ་པས་བཟུང་དགོས་པའི་ཕྱིར་ཀུན་འབྱུང་སྲིད་པའི་གཡང་ས་ལས་བརྒལ་འདོད་ཀྱི་ངེས་འབྱུང་དང༌། ཞི་བ་ཕྱོགས་གཅིག་པའི་མཐའ་བཀག་སྟེ་འགྲོ་ཀུན་བྱང་ཆུབ་ཆེན་པོར་འགོད་འདོད་ཀྱི་གཞན་ཕན་བྱང་ཆུབ་སེམས་ཀྱི་གཡར་དམ་ཟུང་དུ་འཇུག་པས། སྣང་སྤྱོད་ཡེ་ཤེས་ཀྱི་འཁོར་ལོར་སྦྱོང་བའི་དག་སྣང་གིས་སོ་བྱང་སྔགས་ཀྱི་འདུལ་སྡོམ་རྒྱ་མཚོ་ལྟ་བུ་བཟུང་སྙམ་པས་འདིའི་རྗེས་ཟློས་མཛོད། སྲས་བཅས་སངས་རྒྱས་ཐམས་ཅད་དང༔ དཔའ་བོ་རྣལ་འབྱོར་མ་རྣམས་ཀུན༔ བདག་ལ་དགོངས་པར་མཛད་དུ་གསོལ༔ རིག་པ་འཛིན་པ་བདག་གིས་ནི༔ ངེས་འབྱུང་བསམ་པ་མཆོག་ལྡན་པའི༔ སོ་སོ་ཐར་པའི་སྡོམ་པ་དང༔ གཞན་ཕན་བློ་གྲོས་མི་འགྱུར་བའི༔ བྱང་ཆུབ་སེམས་དཔའི་ཚུལ་ཁྲིམས་དང༔ ཐ་མལ་སྣང་ཞེན་སྡོམ་པའི་མཆོག༔ རིག་པ་འཛིན་པའི་སྡེ་སྣོད་ཀྱི༔ དམ་ཚིག་གནས་རྣམས་མ་ལུས་པ༔ བདག་གིས་ཡང་དག་བཟུང་བར་བགྱི༔ ཚུལ་བཞིན་སྲུང་ཞིང་བསླབ་པ་ཡིས༔ རང་རྒྱུད་དག་པར་མཛད་དུ་གསོལ༔ ལན་གསུམ། དེ་ནས་དབང་གི་གཞི་འགོད་པ་ཡེ་ཤེས་དབབ་པའི་ཆོ་ག་ལ་སློབ་དཔོན་གྱི་ཐུགས་ཀའི་འོད་ཟེར་གྱིས་སློབ་མའི་རྣམ་སྨིན་གྱི་ཕུང་པོ་མི་དམིགས་པའི་དབྱིངས་སུ་སྦྱངས། རྣམ་པར་ཤེས་པ་ཧྲཱིཿཡིག་གི་རྣམ་པས་ཞལ་དུ་ཞུགས། རང་འོད་པདྨ་ཧེ་རུ་ཀར་སྦྱོར་བའི་རྗེས་སུ་ཆགས་པའི་མེས་ཞུ་སྟེ་མཁའ་གསང་ནས་ཐོན་པ་དཀྱིལ་འཁོར་གྱི་མདུན་ཤར་སྒོའི་དབང་སྟེགས་ཆོས་འབྱུང་བསྣོལ་མའི་ལྟེ་བར་པད་ཉི་ལ་བབས་པ་ཡོངས་སུ་གྱུར་པ་ལས། ངོ་བོ་གསུང་པདྨ་རིགས་ཀྱི་རྡོ་རྗེ་བཙུན་མོ་ན་བཟའ་དཀར་མོ་ལ་རྣམ་པ་རྡོ་རྗེའི་བླ་མ་བདེ་བ་ཆེན་པོ་པདྨཱ་ཀ་རའི་དགྱེས་སྡེ་འཆི་མེད་ཌཱ་ཀིའི་དབང་ཕྱུག་ལྷ་ལྕམ་མནྡ་ར་བ་གཞོན་ནུ་མ་ལང་ཚོ་དར་ལ་བབ་པའི་མཛེས་སྡུག་མཚུངས་པ་མེད་པ་ཆགས་སྒེག་དགྱེས་པའི་ཉམས་དང་ལྡན་པའི་ཞལ་རས་འཛུམ་ཁྲོ་སྤྱན་གསུམ་དབྱིངས་ལ་གཟིར་ཞིང་མཆེ་བའི་མྱུ་གུ་ཡིད་ཙམ་མངོན་པ་ལ་ལྗགས་ཀྱི་བུང་བ་གཡོ་བས་ཕཻཾ་སྒྲ་སྒྲོག་པ། ཕྱག་གཡས་ཡུམ་ལྔའི་ཡེ་ཤེས་ཀྱི་ཚེ་མཆོག་འགུགས་པའི་མདའ་དར་གཡབ་ཅིང༌། གཡོན་པས་ཚེ་དང་ཡེ་ཤེས་ཀྱི་བདུད་རྩིའི་དྭངས་མས་གང་བའི་རིན་པོ་ཆེའི་ཚེ་བུམ་ཐུགས་ཀར་གཏོད་པ། ཞབས་བརྐྱང་བསྐུམ་གྱིས་འཇའ་འོད་མེ་ཟེར་གྱི་སྤྲིན་ཕུང་འཁྲུགས་པའི་ཀློང་ན་པད་ཉིའི་སྟེང་གར་སྟབས་ཀྱིས་རོལ་ཅིང༌། དབུ་ལ་ཐོད་སྐམ་རིགས་ལྔའི་ཅོད་པན་དང༌། དར་དང་རིན་པོ་ཆེ་མེ་ཏོག་གི་རྒྱན་གྱིས་མཛེས་པའི་གནས་གསུམ་གྱི་ཡིག་འབྲུ་དང༌། ལྟེ་བར་འོད་ཀྱི་སྟོང་གཟུགས་ཆོས་འབྱུང་གི་དབུས་སུ་ཧྲཱིཿཡིག་བདེ་དྲོད་འོད་དུ་འཚེར་བ་ལས་བྱུང་བའི་འོད་ཟེར་གྱིས་སྐུ་གསུམ་རྒྱལ་བའི་ཞིང་རབ་འབྱམས་ན་བཞུགས་པའི་སྐུ་གསུམ་རྒྱལ་བ་ཞི་ཁྲོ་ཐམས་ཅད་བདེ་བ་ཆེན་པོའི་ཡེ་ཤེས་རྗེས་སུ་ཆགས་པའི་ཉམས་ཀྱིས་བསྐུལ་ཏེ་འཆི་མེད་ཌཱ་ཀིའི་དབང་ཕྱུག་གི་སྐུ་སྔགས་ཕྱག་མཚན་གྱི་རྣམ་པ་ཆར་དྲག་ཏུ་བབ་པ་བཞིན་བྱུང་བས་སྒོ་གསུམ་དང༌། ཁྱད་པར་ལྟེ་བའི་ས་བོན་ལ་ཐིམ་པའི་འོད་ཀྱིས་ལུས་གང་བདེ་བ་བཟོད་མེད་དུ་འབར་བའི་ཟིལ་གྱིས་ལྷན་སྐྱེས་ཀྱི་རྟོགས་པ་མངོན་དུ་གྱུར་པར་མོས་ཤིག །སྤོས་རོལ་ཌཱ་དྲིལ་སྙན་པའི་དབྱངས་དང་བཅས་ཏེ་ལས་བྱང་གི་སྤྱན་འདྲེན་མཐར། ཨོཾ་ཛྙཱ་ན་ཌཱ་ཀི་ནི་པདྨ་མནྡ་ར་སརྦ་སིདྡྷི་ཧཱུྃ༔ ཨཱ་ཡུ་ཥེ་སྭཱ་ཧཱ༔ ཛྙཱ་ན་ཨ་བེ་ཤ་ཡ་ཨ་ཨཿ ཞེས་ཡང་ཡང་བརྗོད་པས་དབབ། ཕེབས་པའི་རྟགས་བྱུང་བ་དང༌། ཏིཥྛ་བཛྲ་རྡོ་རྗེ་སྤྱི་བོར་བཞག་སྟེ་བརྟན་པར་བྱ། དེ་ནས་དབང་དངོས་ལ་བཞི་ལས་དང་པོ་སྣང་བཅས་སྐུའི་དཀྱིལ་འཁོར་ལ་བརྟེན་ཏེ་རང་བྱུང་བདེ་སྐྱོང་གི་བུམ་པས་དབང་བསྐུར་བ་ནི། བླ་མ་རྡོ་རྗེ་རྣལ་འབྱོར་མའི་རྣམ་པས་བྷཉྫར་ཡུམ་ལྔའི་དཀྱིལ་འཁོར་གསལ་རྫོགས་སུ་བཞུགས་པ་བསྣམས་ཏེ་སྤྱི་བོར་བཞག་པས་ལྷ་རྣམས་རང་འོད་ཐབས་ཀྱི་ཧེ་རུ་ཀ་དང་སྙོམས་པར་ཞུགས་པའི་བྱང་སེམས་བདུད་རྩིའི་སྤྲིན་གྱིས་གང་བའི་རྒྱུན་སྤྱི་བོ་ནས་ཞུགས་ཏེ་བདུད་རྩིས་ལུས་གང་བའི་དབང་བསྐུར་བར་མོས། བྷཉྫ་སྤྱི་བོར་བཞག་ལ། ཧྲཱིཿ རང་བྱུང་ལྷུན་གྲུབ་ཀ་པཱ་ལ༔ བྱང་སེམས་བདུད་རྩིའི་སྤྲིན་ཆེན་པོ༔ རྡོ་རྗེའི་རིགས་ཀྱི་བུ་ལ་སྦྱིན༔ གཉིས་མེད་མཉམ་པའི་ཚུལ་གྱིས་རོལ༔ ཀ་ལ་ཤ་ཨ་བྷི་ཥིཉྩ་ཧཱུྃ༔ ཞེས་དབང་བསྐུར་བས་བྷཉྫའི་བདུད་རྩི་ཕྱུར་བའི་རྒྱུན་ཚངས་པའི་སྒོ་ནས་ཞུགས་བདེ་ཆེན་འཁོར་ལོའི་རྩ་གནས་བརྒྱུད། ལུས་ཐམས་ཅད་ཁེངས། སྣང་སྟོང་ཨ་ཝ་དྷཱུ་ཏིའི་ཡེ་ཤེས་མངོན་དུ་བྱས། ས་འོག་སྤྱོད་པ་སྐུ་ཡི་གྲོང་ཁྱེར་གྱི་དཔའ་བོ་རྣལ་འབྱོར་མ་དང་སྐལ་པ་མཉམ་པར་བྱས། སྣང་སྲིད་རྡོ་རྗེ་བཙུན་མོའི་ཞིང་སྐུ་སྒོམ་པ་ལ་དབང༌། འབྲས་བུ་སྤྲུལ་སྐུ་རྡོ་རྗེ་ཕག་མོའི་ཚེ་དང་ཡེ་ཤེས་ཀྱི་གོ་འཕང་མངོན་དུ་གྱུར་པར་མོས་ཤིག །འོད་དམར་སྟོང་གཟུགས་ཀྱི་ལྷ་སྐུའི་གསལ་སྣང་ལ་སེམས་འཛིན་བྱར་གཞུག །གཉིས་པ་ཕྱེད་སྣང་གསུང་གི་དཀྱིལ་འཁོར་ལ་བརྟེན་ནས་བདེ་སྟོང་བདུད་རྩིས་དབང་བསྐུར་བ་ནི། བྷཉྫའི་ནང་དུ་སྔགས་སྐྱེས་ཡེ་ཤེས་མཁའ་འགྲོའི་ལྷ་ཚོགས་རང་འོད་ཀྱི་ཧེ་རུ་ཀ་དང་མཉམ་པར་སྦྱར་བའི་བྱང་སེམས་བདུད་རྩིའི་ཟེགས་མ་སངས་རྒྱས་ཐམས་ཅད་འདུས་པའི་ངོ་བོ་ལྗགས་ལ་བྱིན་པར་མོས། བདུད་རྩི་མྱང་དུ་གཞུག་ལ། ཨོཾ་ཛྙཱ་ན་ཌཱ་ཀི་ནི་པདྨ་མནྡ་ར་སརྦ་སིདྡྷི་ཧཱུྃ༔ ཨཱ་ཡུ་ཥེ་སྭཱ་ཧཱ༔ ཨ་ཧོ་མ་ཧཱ་སུ་ཁ་ཧོ། ཞེས་རོལ་པས་རྡོ་རྗེ་ལྕེ་ཡི་ལམ་བརྒྱུད། མགྲིན་པའི་རྩ་གནས་སུ་ཐིམ་པས་ཁམས་ཞུ་བའི་བདེ་བས་རྩ་ཐམས་ཅད་ལ་ཁྱབ། གཞོམ་མེད་རྡོ་རྗེ་ནཱ་དའི་ཡེ་ཤེས་མངོན་དུ་བྱས། ས་སྟེང་སྤྱོད་པ་གསུང་གི་གྲོང་ཁྱེར་གྱི་དཔའ་བོ་རྣལ་འབྱོར་མ་དང་སྐལ་པ་མཉམ་པར་བྱས། བརྟན་གཡོའི་སྒྲ་སྐད་སྐྱེ་མེད་རང་བྱུང་རྡོ་རྗེའི་བཟླས་པ་སྒོམ་པ་ལ་དབང༌། འབྲས་བུ་ལོངས་སྤྱོད་རྫོགས་པ་གསུང་རྡོ་རྗེ་ཕག་མོའི་ཚེ་དང་ཡེ་ཤེས་ཀྱི་གོ་འཕང་མངོན་དུ་བྱས་པར་མོས་ཤིག །ལྟེ་བར་དབུ་མའི་མར་སྣར་ཆོས་འབྱུང་གི་ནང་དུ་ཧྲཱིཿལས་བྱུང་བའི་གཏུམ་མོའི་མེ་ལྕེས་འཁོར་ལོ་བཞིར་ཁྱབ། སྤྱི་བོའི་ཧྃ་ཞུ་བའི་བདེ་རྒྱུན་གནས་བཞིར་སོན་པས་དགའ་བ་བཞིའི་ཉམས་སྐྱེས། གཉིས་མེད་ཡེ་ཤེས་ཀྱི་རྟོགས་པའི་དེ་ཉིད་མངོན་དུ་གྱུར་པར་མོས་ལ་བུམ་ཅན་ཟུངས། བཟུང་དུ་གཞུག །གསུམ་པ་མི་སྣང་ཐུགས་ཀྱི་དཀྱིལ་འཁོར་ལ་བརྟེན་ནས་ཤེས་རབ་ཡེ་ཤེས་ཀྱི་དབང་བསྐུར་བ་ནི། ཐུགས་སིན་དྷཱུ་རའི་དཀྱིལ་འཁོར་ལྷན་སྐྱེས་ཌཱ་ཀིའི་ལྷ་ཚོགས་རྣམས་ལས་རང་འདྲ་གཉིས་པ་རེ་སྤྲོས་པའི་རིགས་ཀྱི་ཕྱག་རྒྱ་ལྔ་མཚན་ཉིད་ཡོངས་སུ་རྫོགས་པའི་ཤེས་རབ་མ་གཅིག་ཏུ་གྱུར་ནས་རང་ཉིད་པདྨ་དཔའ་བོར་གནས་གྱུར་པའི་སྐུ་ལ་འཁྲིལ་ཏེ་འདུ་ཤེས་གསུམ་གྱིས་རོལ་པར་མོས། སིནྡྷཱུ་རའི་དཀྱིལ་འཁོར་སྙིང་གར་བཞག་ལ། ཧྲཱིཿ རྣམ་ཐར་གསུམ་གྱི་མེ་ལོང་དུ༔ བདེ་ཆེན་ལི་ཁྲིའི་ཐིག་ལེ་བཀོད༔ གཉིས་མེད་སྦྱོར་བའི་དབང་བསྐུར་བས༔ ལྷན་སྐྱེས་དགའ་བཞི་རྒྱས་པར་ཤོག༔ ཀརྨ་མུ་དྲ་ཛྙཱ་ན་སིདྡྷི་ཧོ༔ ཐིག་ལེ་གནས་གསུམ་དུ་བྱུག །ཕྱག་རྒྱ་དང་མཉམ་པར་སྦྱོར་བས་དགའ་བཞི་ལུགས་འབྱུང་ལྡོག་གིས་དཔེ་ཡི་ཡེ་ཤེས་མངོན་དུ་གྱུར། མཁའ་སྤྱོད་ཐུགས་ཀྱི་གྲོང་ཁྱེར་གྱི་དཔའ་བོ་རྣལ་འབྱོར་མ་དང་སྐལ་པ་མཉམ་པར་བྱས། ཉེ་རྒྱུ་ཕོ་ཉའི་ལམ་ཟབ་མོ་སྒོམ་པ་ལ་དབང༌། འབྲས་བུ་ཆོས་སྐུ་རྡོ་རྗེ་ཕག་མོའི་ཚེ་དང་ཡེ་ཤེས་དཔག་ཏུ་མེད་པའི་གོ་འཕང་མངོན་དུ་བྱས་པར་མོས་ཤིག །སིན་དྷཱུ་རའི་དཀྱིལ་འཁོར་ལས་བདེ་དྲོད་ཀྱི་འོད་ཅུང་འབར་བས་ཕག་མོ་དམར་མོ་མེ་ཟེར་འཁྲུགས་པ་བདེ་བའི་ཉམས་དང་བཅས་ཏེ་གར་སྟབས་ཁྱུག་ཁྱུག་གིས་བྱོན། ལྟེ་བའི་ཧྲཱིཿལ་རེག་པས་མེ་ལྕེའི་ཟེགས་མ་བདེ་བའི་རང་འོད་འཕྲོ་བ་ལྷག་གིས་འབར། ལུས་ཀྱི་ནང་ཐམས་ཅད་ཁེངས། མ་དག་པའི་རྩ་རླུང་ཐིག་ལེའི་ཆ་ཐམས་ཅད་བསྲེགས། ཞུ་བདེའི་དྭངས་མ་རབ་ཏུ་རྒྱས་པའི་འོད་ཀྱི་ཟེགས་མས་རྩ་གནས་ཐམས་ཅད་ཁེངས། བདེ་གསལ་ཡེ་ཤེས་ཀྱི་མྱོས་པའི་ཕོ་ཉའི་གཟུགས་ཅན་དུ་ལྷག་པར་གསལ་ལ་བུམ་པ་ཅན་ཟུངས་ཤིག །དྲག་རླུང་ཁུག་པ་གསུམ་དང་བདུན་གང་འོས་བཟུང༌། བཞི་པ་དོན་དམ་ཡེ་ཤེས་ཀྱི་དཀྱིལ་འཁོར་ལ་བརྟེན་ནས་བཞི་པ་ཚིག་གི་དབང་བརྡ་ལ་བརྟེན་ནས་བསྐུར་བ་ནི། མན་ཤེལ་བསྟན་ལ། ཧྲཱིཿ འོད་གསལ་དྭངས་མའི་ཡེ་ཤེས་ནི༔ གང་དུ་མི་གནས་ས་ལེར་གསལ༔ གཉིས་སུ་མེད་པའི་དོན་རྟོགས་ན༔ འོད་གསལ་དེ་ཉིད་འདི་ཀའོ༔ དྷརྨ་དྷཱ་ཏུ་ཨ༔ རང་བྱུང་རྡོ་རྗེ་སེམས་དཔའི་མེ་ལོང་ཡེ་ཤེས་ཌཱ་ཀིའི་ཐུགས་ཀྱི་དེ་ཁོ་ན་ཉིད་མཚོན་བྱེད་བརྡ་རུ་བསྟན་པས། མཚོན་བྱ་དཔེ་ལ་བརྟེན་ནས་དོན་དམ་རྡོ་རྗེ་ནམ་མཁའི་ཡེ་ཤེས་ཀྱི་གནས་ལུགས་སོ་སོ་རང་རིག་པའི་མྱོང་བས་མངོན་དུ་བྱས། རྣམ་ཀུན་མཆོག་ལྡན་ཡེ་ཤེས་ཀྱི་ཕག་མོའི་ཞལ་མཐོང༌། བདེ་སྟོང་མཉམ་སྦྱོར་ཧེ་རུ་ཀའི་གྲོང་ཁྱེར་གྱི་དཔའ་བོ་རྣལ་འབྱོར་མ་དང་སྐལ་པ་མཉམ་པར་བྱས། དེ་ཁོ་ན་ཉིད་ཡེ་ཤེས་ཀྱི་ཕག་མོའི་དོན་སྒོམ་པ་ལ་དབང༌། འབྲས་བུ་ངོ་བོ་ཉིད་སྐུ་རྡོ་རྗེ་ཕག་མོའི་ཚེ་དང་ཡེ་ཤེས་དཔག་ཏུ་མེད་པའི་གོ་འཕང་མངོན་དུ་བྱས་པའོ། །སྔར་རྩོལ་བཅས་ཀྱི་དམིགས་པས་བསྐྱེད་པའི་བདེ་གསལ་མི་རྟོག་པའི་ཉམས་ཀྱི་རང་ངོ་ལྷོད་ཀྱིས་ཀློད་ལ་དབྱིངས་རིག་གཉིས་མེད་ངང་དུ་མཉམ་པར་བཞག །རླུང་རིག་སེམས་གསུམ་གཅིག་ཏུ་བསྲེས། རྗེས་ཤེས་སྣང་སྲིད་སྣོད་བཅུད་ཀྱི་ཆོས་སྣང་གྲགས་རིག་པའི་དཀྱིལ་འཁོར་རྡོ་རྗེ་རྣལ་འབྱོར་མའི་སྐུ་སྔགས་ཡེ་ཤེས་ཀྱི་རོལ་པར་བལྟས་ལ་ཤིས་བརྗོད་ཀྱིས་མངའ་གསོལ་བྱའོ། །རྗེས་འབྲེལ་དུ་དམིགས་བསལ་ཚེ་ཡི་དངོས་གྲུབ་སྦྱིན་པར་སྤྲོ་ན། བདག་མདུན་འཆི་མེད་ཡེ་ཤེས་ཀྱི་ཌཱ་ཀིའི་ལྷ་ཚོགས་རྣམས་ཀྱི་སྐུ་ལས་བྱུང་བའི་བདེ་སྟོང་འོད་ཀྱི་ཟེར་ཕྲེང་གི་རྩེར་ཚེ་འགུགས་ལྷ་མོ་མགྱོགས་མའི་ཕོ་ཉ་ལྕགས་ཀྱུ་དང་ཚེ་བུམ་འཛིན་པ་ཉི་ཟེར་གྱི་རྡུལ་ཕྲེང་བཞིན་འཁྲིགས་པ་མཁའ་ཁྱབ་ཏུ་སྤྲོས་ཏེ་ཕྱི་སྣོད་ཀྱི་འབྱུང་ལྔའི་དབྱིངས་སུ་གནས་པའི་ཡུམ་ལྔའི་ཀློང་ཆེན་དབྱིངས་ཀྱི་ཚེ་བཅུད། ནང་སྐྱེ་འགྲོའི་ཕུང་ཁམས་སྐྱེ་མཆེད་ཚེ་བསོད་དྭངས་མ་ཡེ་ཤེས་ཀྱི་ཚེ། བར་སྲིད་ཞིའི་དཔལ་འབྱོར་ལོངས་སྤྱོད་ལྷ་དང་དྲང་སྲོང་རིག་འཛིན་གྲུབ་པའི་ཚེ་དང་དངོས་གྲུབ་རྫས་ཀྱི་ནུས་པ། གསང་བ་རྒྱལ་བ་སྲས་དང་བཅས་པའི་མཁྱེན་བརྩེའི་ནུས་པ། དབང་བཅུའི་ཚེ་དཔལ། ཁྱད་པར་ཁྱེད་རྣམས་ཀྱི་བླ་ཚེ་སྡེ་བརྒྱད་མ་རུངས་པས་འཕྲོག་པ། འབྱུང་པོ་དམ་སྲིས་བརྐུས་པ། རིགས་སྔགས་ཀྱི་ནུས་པས་བཅོམ་པ། བྱ་བ་དང་སྤྱོད་ལམ་མ་རུངས་པས་ཉམས་འཐོར་ཞིག་རལ་དུ་གྱུར་པ་ཀུན་རང་དབང་བརྟན་པ་དང་བྲལ་བས་ཁབ་ལེན་གྱིས་ལྕགས་ཕྱེ་བླང་བ་བཞིན་བསྡུས། དྭངས་མ་ཡེ་ཤེས་ཀྱི་བདུད་རྩིར་བསྒྱུར། ཚེའི་རྟེན་དང་སྲོག་གི་ཟུངས་སུ་བྱིན་གྱིས་བརླབས་ནས་བདུད་རྩི་ཁ་དོག་སྣ་ཚོགས་པའི་ཟེགས་མའི་རྣམ་པས་སློབ་མའི་སྒོ་གསུམ་དང༌། ཚེ་རྟེན་དངོས་གྲུབ་ཀྱི་རྫས་ལ་བསྟིམས་པས་མཆོག་དང་ཐུན་མོང་ཡེ་ཤེས་ཚེ་ཡི་དངོས་གྲུབ་རྫས་ཀྱི་དབྱིག་ཏུ་གྱུར་པར་མོས་ཤིག །མདའ་དར་གཡབ་སྟེ། ལས་བྱང་ལྟར་ཚེ་འགུགས་སྦྱར། རྩ་སྔགས་མཐར། ཛྙཱ་ན་བཛྲ་ཨཱ་ཡུ་ཥེ་ཛཿཛཿ ཛཿཧཱུྃ་བྃ་ཧོཿ ཚེ་འབྲང་བདེ་ཆེན་དབང་གི་གཞལ་མེད་ཁང་དུ་འཆི་མེད་ཚེ་དང་ཡེ་ཤེས་ཀྱི་བདག་ཉིད་ལྷན་སྐྱེས་རྡོ་རྗེ་བཙུན་མོའི་དཀྱིལ་འཁོར་གྱི་ལྷ་ཚོགས་བཞུགས་པས་སྤྱི་བོར་དབང་བསྐུར་ནས་ལྷ་ཚོགས་རྣམས་ཀྱི་གནས་གསུམ་ནས་བྱུང་བའི་འོད་ཟེར་འཆི་མེད་ཡེ་ཤེས་བདུད་རྩིའི་ཆུ་རྒྱུན་དཔག་ཏུ་མེད་པ་བྱུང༌། ལུས་ཀྱི་ནང་གང་སྐྱེ་འཆི་གཞོམ་གཞིག་དང་བྲལ་བའི་ཟུང་འཇུག་བདེ་བ་ཆེན་པོའི་ཡེ་ཤེས་མཆོག་གི་ཚེ་ལ་དབང་ཐོབ་པར་མོས་ཤིག །ཧྲཱིཿཧྲཱིཿཧྲཱིཿ འོད་སྣང་མཐའ་ཡས་བཅོམ་ལྡན་ཚེ་དཔག་མེད༔ འཆི་མེད་རྔ་སྒྲ་གསུང་གི་རྡོ་རྗེའི་ལྷ༔ གར་གྱི་དབང་ཕྱུག་པདྨའི་དཀྱིལ་འཁོར་གཙོ༔ འཆི་མེད་མགྱོགས་མ་ལྷ་མོའི་ཚོགས་བཅས་ཀྱིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ སྐྱེ་འཆི་མེད་པ་ཚེ་ཡི་དབང་ཐོབ་ནས༔ འཆི་བདག་ལ་སོགས་བདུད་བཞི་ལས་རྒྱལ་ཏེ༔ དངོས་གྲུབ་མཆོག་གི་སྐལ་བ་ལྡན་པར་ཤོག༔ ཨོཾ་ཛྙཱ་ན་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱཿ ཚེ་འབྲང་སྤྱི་བོར་བཞག །སྐྱེ་འཆིའི་མཚན་མ་ཀ་ནས་དག་པའི་ཤེས་རབ་སྟོང་པ་ཆེན་པོའི་རང་གཟུགས་དབྱིངས་ཕྱུག་ཡུམ་གྱི་བརྡ་དོན་འཆི་མེད་ཚེ་ཡི་བདུད་རྩི་བྱིན་པས་རྣམ་ཀུན་མཆོག་ལྡན་དོན་གྱི་ཌཱ་ཀིའི་ཚེ་ལ་དབང་ཐོབ་པར་མོས་ཤིག །ཧྲཱིཿ འབྱུང་ལྔའི་དྭངས་མ་སྙིང་པོའི་ཚེ༔ ཡེ་ཤེས་བདུད་རྩིའི་བཅུད་དུ་བསྐྱིལ༔ སྐལ་ལྡན་བུ་ལ་བྱིན་པ་ཡིས༔ འཆི་མེད་མཆོག་གི་གནས་ཐོབ་ཤོག༔ ཨ་མྲྀ་ཏ་ཨ་བྷི་ཥིཉྩ་ཧོ༔ ཞེས་བདུད་རྩི་སྦྱིན། བདེ་ཆེན་འཕོ་འགྱུར་མེད་པའི་ཡེ་ཤེས་ཀྱི་སྙིང་པོ་ཐབས་ཀྱི་དཔའ་བོའི་དམ་རྫས་ཚེ་ཡི་རིལ་བུ་བྱིན་པས་སྐྱེ་འཆི་འཕོ་འགྱུར་གྱི་སྡུག་བསྔལ་ཀུན་དང་བྲལ་བའི་བདེ་མཆོག་དོན་གྱི་ཚེ་ལ་དབང་ཐོབ་པར་མོས་ཤིག །ཧྲཱིཿ ཡེ་ཤེས་སེམས་དཔའ་ཚེ་ཡི་ལྷ༔ སྙིང་གི་དཀྱིལ་དུ་གཉིས་མེད་བཞུགས༔ དངོས་གྲུབ་བརྡ་ཡི་རིལ་བུ་འདིས༔ དོན་གྱི་གནས་ལུགས་རྟོགས་པར་ཤོག༔ ར་ས་ཡ་ན་ཨ་བྷི་ཥིཉྩ་ཧོ༔ ཚེ་རིལ་སྦྱིན། དེ་ལྟར་ཐབས་དང་ཤེས་རབ་ཟུང་འཇུག་སྐུ་གསུང་ཐུགས་རྡོ་རྗེའི་ཚེའི་བྱིན་རླབས་དངོས་གྲུབ་ཀྱི་ཚུལ་དུ་བྱིན་པས་ཟག་བཅས་ཀྱི་ཕུང་ཁམས་སྐྱེ་མཆེད། དྭངས་མ་མི་ཤིགས་པའི་རྡོ་རྗེའི་གསང་བ་གསུམ་དང་དབྱེར་མེད་དུ་རྒྱས་བཏབ་པར་མོས་ལ། ཨཿ ཞེས་རྒྱས་བཏབ། སྤྲོ་ན་བཀྲ་ཤིས་རྫས་རྟགས་རིན་ཆེན་བདུན་ཡང་ཚིགས་སུ་བཅད་པས་སྦྱིན་ལ་ཤིས་པ་བརྗོད་ཅིང་མེ་ཏོག་འཐོར། རོལ་མོ་རྒྱུན་རིང་དུ་བྱ། མཁའ་འགྲོ་ལ་བསྟེན་པའི་དབང་དངོས་གཞི་ཀུན་ལ་སྤེལ་དུ་མི་རུང་ཞིང༌། ཐུན་མོང་གི་གདུལ་བྱ་ལ་ཚེ་དབང་ཁོ་ན་བྱ་བར་འདོད་ན། དབང་གི་ལོ་རྒྱུས་སྐྱབས་སེམས་བསག་སྦྱང་སྡོམ་བཟུང་ལྷ་བསྐྱེད་བྱིན་རླབས་དབབ་བརྟན་རྗེས་ཚེ་འགུགས་མན་ཆད་བྱས་ཀྱང་རུང་བ་ཞར་ལས་འཕྲོས་པའོ། །དེ་དག་གིས་རང་བྱུང་སངས་རྒྱས་པདྨའི་ཐུགས་བཅུད་ཚེ་སྒྲུབ་འཆི་མེད་པདྨ་ཚེ་ཡི་སྙིང་ཐིག་གི་མཁའ་འགྲོའི་ཚེ་སྒྲུབ་ཟབ་མོའི་དབང་བསྐུར་ཕུལ་གྲུབ་པ་ལགས་པས་དམ་ཚིག་གི་གནས་ལས་མི་འདའ་བར་ཁས་ལེན་པ་འདིའི་རྗེས་ཟློས་མཛོད། གཙོ་བོས་ཇི་ལྟར་སོགས། མཎྜལ་ལུས་ལོངས་སྤྱོད་འབུལ་བ་དགེ་བསྔོ་བཅས་བྱ། ཚོགས་ལ་རོལ་ཞིང་ལྷག་མ་སོགས་རྗེས་རིམ་རྫོགས་པར་བྱའོ། །མཆོག་བདེའི་ཡེ་ཤེས་རིན་ཆེན་དང་པོའི་རྩིས། །ཕུང་ཁམས་རྡོ་རྗེའི་ཚེ་དང་ཡེ་ཤེས་དབྱིག །སྒྱུར་བྱེད་ཟབ་མྱུར་ཌཱ་ཀིའི་ཚེ་སྒྲུབ་ཀྱི། །སྨིན་བྱེད་བདུད་རྩིའི་སྐྱེས་འདི་ཀུན་དགའི་གསོས། །དེ་དག་གིས་མྱུར་བདེའི་རྫོགས་རིམ་ཟབ་མོའི་སྔོན་འགྲོ་ལྷན་སྐྱེས་འཆི་མེད་ཌཱ་ཀིའི་ཚེ་ཡི་དབང་བསྐུར་ཁྱད་པར་བ་དང་ཐུན་མོང་བཅས་ཁྲིགས་སུ་བསྡེབས་པའི་ལེའུ་ཚན་དྲུག་པའོ།། །། ༈ རྗེས་ཆགས་པདྨའི་ཟིལ་མངར་ལས་སྨིན་པའི། །དབང་གི་མཛེས་མ་འཆར་ཀའི་སྤྲིན་མདངས་ཅན། །ཙཎྜ་ལི་ཞེས་ནང་གི་ཉིན་མོར་བྱེད། །ཕྲིན་ལས་སྣང་བས་ས་གསུམ་ཁྱབ་པར་མཛོད། །རྡོ་རྗེའི་ཚེ་མཆོག་སྒྲུབ་པའི་མན་ངག་པདྨ་ཚེ་ཡི་སྙིང་ཐིག་གི་བཀའ་སྲུང་དབང་གི་ཌཱ་ཀིའི་བཀའ་གཏད་བྱ་བར་འདོད་པས་ཟངས་ཀྱི་མཎྜལ་ལ་པདྨ་འདབ་བརྒྱད་རྡུལ་ཚོན་གྱིས་བྲིས་པའི་ལྟེ་བར་ཧྲཱིཿས་མཚན་པའམ། འབྲུ་དམར་གྱི་ཚོམ་བུ་གཅིག་བཀོད་པའི་སྟེང་གཏོར་མ་དམར་ཟླུམ་རྒྱན་སྤྲོས་ཅན་དཀར་མངར་བཟའ་བཏུང་གིས་བརྒྱན་ཅིང་སྐུ་དང་དར་གདུགས་དམར་པོའི་སྤྲས་པ་མཆོད་པས་བསྐོར། བདག་ཉིད་ལྷའི་རྣལ་འབྱོར་ལ་གནས་པ་སྔོན་དུ་འགྲོ་བས་མཆོད་པ་བྱིན་རླབས། རྃ་ཡྃ་ཁྃ། གནས་ཡུལ་པདྨོ་བཀོད་པའི་ཞིང༌། །དབྱིབས་དང་རྒྱན་བཀོད་ཚད་མེད་པར། །ལྷ་རྫས་ཏིང་འཛིན་ལས་གྲུབ་པའི། །མཆོད་སྤྲིན་བསམ་མི་ཁྱབ་པར་གྱུར། །ཨོཾ་བཛྲ་ཨརྒྷཾ་ནས། ཤབྡ་ཨཱཿཧཱུྃ། ཨོཾ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཨཱཿཧཱུྃ། ལན་གསུམ་བྱ། མདུན་བསྐྱེད་ནི། མ་ཧཱ་ཤཱུ་ནྱ་ཏཱས་སྦྱངས། སྟོང་པའི་ངང་ལས་སྣོད་བཅུད་འཆི་མེད་ཌཱ་ཀིའི་ཞིང་ཁམས་བལྟ་ན་སྡུག་པའི་སྐྱེད་མོའི་ཚལ་ཉམས་སུ་དགའ་བ། དཔག་བསམ་གྱི་ཤིང་ལོ་འབྲས་མེ་ཏོག་རྒྱས་པས་བསྐོར་ཞིང༌། མཛེས་སྡུག་མེ་ཏོག་གི་ཕྲེང་བ། བདུད་རྩིའི་ཆུ་ཀླུང་དང་རྫིང་བུའི་ངོགས་སུ་བྱ་དང་རི་དྭགས་བག་ཕེབས་པས་རྩེ་བའི་དབུས་སུ་ཨུཏྤལ་དམར་པོ་འདབ་མ་རབ་ཏུ་རྒྱས་པའི་ཟེའུ་འབྲུར་ཉིན་བྱེད་དབང་པོའི་དཀྱིལ་འཁོར་གྱི་སྟེང་ཧྲཱིཿཡིག་དམར་གསལ་ཡོངས་སུ་གྱུར་པ་ལས་འཆི་མེད་ཌཱ་ཀིའི་དབང་ཕྱུག་ཉེ་དབང་ཙཎྜི་ཀ་གཞོན་ནུ་མྱོས་མའི་ལང་ཚོ་དར་ལ་བབ་པའི་འཇོ་སྒེག་ཅན། དར་དང་རིན་ཆེན་མེ་ཏོག་སྣ་ཚོགས་པའི་རྒྱན་དང་ན་བཟས་བཀླུབས་པ། མཛེས་འཛུམ་ཆགས་པའི་ཉམས་ཀྱིས་སྒྲུབ་པ་པོར་རྗེས་སུ་བརྩེ་བའི་སྤྱན་ཟུང་ཟིམ་བུའི་གཟིགས་པ། ཕྱག་གཡས་པདྨའི་དབང་གི་ལྕགས་ཀྱུ་ནམ་མཁར་གདེངས་བས་སྲིད་ཞིའི་དཔལ་ཡོན་དྭངས་བཅུད་དབང་མེད་དུ་འགུགས་པ། གཡོན་པས་འཆི་མེད་བདུད་རྩིའི་གང་བའི་བུམ་པ་ཐུགས་ཀར་བཟུང་བའི་ཁ་ནས་དངོས་གྲུབ་བདུད་རྩིའི་རྒྱུན་གྱི་ཟིལ་མངར་འབེབས་པ། ཞབས་གཡོན་བརྐྱང་གཡས་བསྐུམ་སྟེ་བཙུན་མོ་རོལ་པའི་འགྱིང་སྟབས་ཀྱིས་བཞུགས་པའི་འཁོར་དུ་རང་འདྲའི་ཌཱ་ཀི་མ་གཞོན་ནུ་མཆེད་བདུན་སོགས་འབུམ་ཕྲག་ཡངས་པས་བསྐོར་བའི་གནས་གསུམ་དང་ཐུགས་སྲོག་ས་བོན་ལས་བྱུང་བའི་འོད་ཀྱིས་ནུབ་ཕྱོགས་ཨུ་རྒྱན་གྱི་ཡུལ་ནགས་ཚལ་དྲྭ་བ་ཅན་པདྨས་ཁེབས་པའི་རྫིང་དྲུང་ནས་ཡེ་ཤེས་ཌཱ་ཀི་འཁོར་དང་བཅས་པ་སྤྱན་དྲངས་པར་གྱུར། ཧྲཱིཿ བདེ་ཆེན་འབར་བ་དབང་གི་ཞིང༔ པདྨ་དྲྭ་བས་ཁེབས་པ་ནས༔ འཆི་མེད་ཉེ་དབང་ཙཎྜི་ཀ༔ འཁོར་དང་བཅས་པ་གཤེགས་སུ་གསོལ༔ བཛྲ་ས་མ་ཡ་ཛཿས་སྤྱན་དྲངས། ཧྲཱི༔ བདེ་ཆེན་དབང་གི་མཁའ་འགྲོ་མ༔ དབྱིངས་ནས་སྤྱན་དྲངས་ཡེ་ཤེས་ལྷ༔ དམ་ཚིག་རྟེན་ལ་གཉིས་མེད་དུ༔ བཞུགས་ནས་ཚེ་དབང་རྒྱས་པར་མཛོད༔ ཛཿཧཱུྃ་བྃ་ཧོཿཏིཥྛནྟུ༔ ཧཱུྃ༔ དངོས་སུ་འབྱོར་དང་ཡིད་ལས་བྱུང༔ ཀུན་བཟང་སྒྱུ་འཕྲུལ་དྲྭ་བའི་གཏེར༔ བདེ་ཆེན་སྒྱུ་མར་རོལ་པ་ཡི༔ དགྱེས་པའི་མཆོད་པ་བཞེས་སུ་གསོལ༔ ཨོཾ་མ་ཧཱ་སུ་ཁ་ཨརྒྷཾ་ནས་ཤབྡ་པཱུ་ཛ་ཧོ༔ མ་ཧཱ་ཨ་མྲྀ་ཏ་ཁཱ་ཧི། མ་ཧཱ་རཀྟ་ཁཱ་ཧི། ཌཱ་ཀི་འཁོར་དང་བཅས་པའི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་དྲངས་ཏེ་མཉེས་པར་གྱུར། ཨོཾ་ཨ་མཱ་ར་ཙཎྜི་ཀ་ཛཿ ས་པ་རི་ཝཱ་ར་ཨི་དམ་ལན་གསུམ་མམ་བདུན་གྱིས་གཏོར་མ་འབུལ། འཆི་མེད་ཡེ་ཤེས་དབང་གི་དངོས་གྲུབ་ཀྱི་དཔལ་འཛིན་ཉེ་དབང་ཙཎྜི་ཀ་འཁོར་འབུམ་ཕྲག་ཡངས་པའི་མཁའ་འགྲོ་དང་བཅས་པས་མཆོད་སྦྱིན་གྱི་གཏོར་མ་ཡེ་ཤེས་བདུད་རྩིའི་རང་བཞིན་འདོད་དགུའི་གཏེར་ཆེན་པོ་འདི་བཞེས་ལ་སངས་རྒྱས་ཀྱི་བསྟན་པ་སྲུངས་སོགས་ཀྱིས་ཕྲིན་ལས་བཅོལ། ཧྲཱིཿ གསུང་གི་རྡོ་རྗེ་འཇིག་རྟེན་དབང༔ རྗེས་ཆགས་སིན་དྷཱུ་ཝ་རའི་མདངས༔ དམར་གསལ་པདྨའི་ཞལ་བཟང་ཅན༔ འཆི་མེད་ལྷ་ཡི་ལྷ་ལ་བསྟོད༔ ཡིད་འོང་ལང་ཚོ་བལྟ་ན་སྡུག༔ སྒེག་བཞད་ཞལ་གྱིས་གཞན་ཡིད་འགུགས༔ ལྷ་རྫས་རིན་ཆེན་ནོར་བུའི་རྒྱན༔ ཕུན་ཚོགས་དཔལ་གྱིས་མཛེས་ལ་བསྟོད༔ ཕྱག་གཡས་པདྨའི་ལྕགས་ཀྱུ་གདེངས༔ གཡོན་པས་ཚེ་བུམ་བཅུད་ལྡན་འཛིན༔ ཞབས་གཉིས་བཙུན་མོའི་རོལ་སྟབས་ཀྱིས༔ པད་ཉིའི་སྟེང་ན་འགྱིངས་ལ་བསྟོད༔ རྣམ་ཀུན་མཆོག་ལྡན་དབྱིངས་ཀྱི་ཀློང༌། །པདྨ་དབང་གི་བཀའ་སྲུང་ཚུལ། །ཚེ་དང་ཡེ་ཤེས་དཔལ་ཀུན་སྩོལ། །དབྱིངས་ཡུམ་གསང་བ་ཡེ་ཤེས་ཆེ། །ཁྲག་འཐུང་དགྱེས་སྡེ་ཙཎྜི་ཀ །འཆི་མེད་ཉེ་དབང་བདེ་ཆེན་སྟེར། །ལྷ་མོ་མེ་ཏོག་མནྡ་ར། །རྣམ་འཕྲུལ་ཅིར་ཡང་སྟོན་ལ་འདུད། །རྩ་བརྒྱུད་བླ་མའི་བཀའ་བཞིན་དུ། །རབ་འབྱམས་ཕྲིན་ལས་མངའ་དབང་བསྒྱུར། །ཐུན་མོང་ཁྱད་པར་དངོས་གྲུབ་སྒོ། །ཐོགས་མེད་སྩོལ་བར་མཛད་ལ་བསྟོད། །འཁོར་དུ་དབང་མཛད་མཁའ་འགྲོ་མ༔ བསམ་ཡས་སྤྲུལ་པའི་ཆོ་འཕྲུལ་ཅན༔ འདོད་དགུའི་ཕྲིན་ལས་རྩོལ་མེད་དུ༔ སྟེར་མཛད་ཀུན་ལ་བསྟོད་པར་བགྱི༔ གཞན་ཡང་ཡེ་ཤེས་འཇིག་རྟེན་གྱི། །འབུམ་ཕྲག་ཡངས་པའི་ཌཱ་ཀི་མ། །ལྷ་ཀླུ་དྲི་ཟའི་བུ་མོ་སོགས། །འཁོར་ཚོགས་རྒྱ་མཚོས་བསྐོར་ལ་བསྟོད། ཅེས་དང༌། མཆོད་སྦྱིན་བཟང་པོ་འདི་བཞེས་ལ༔ རྣལ་འབྱོར་པ་ལ་རྟག་ཏུ་སྲུངས༔ ནད་གདོན་བར་གཅོད་ཞི་བ་དང༔ ཚེ་དཔལ་བསོད་ནམས་ཡེ་ཤེས་སྤེལ༔ སྣང་སེམས་སྲིད་ཞི་དབང་དུ་སྡུས༔ གནོད་བྱེད་བྱད་མ་རྡུལ་དུ་རློག༔ ཁྱད་པར་འཆི་མེད་གྲུབ་པའི་ལམ༔ བརྩོན་ལ་སྡོང་གྲོགས་གཡེལ་མེད་མཛོད༔ ས་མ་ཡ་ཧོ༔ མདུན་བསྐྱེད་ཌཱ་ཀི་འཁོར་དང་བཅས་པའི་ཐུགས་ཀར་ཉི་མའི་སྟེང་ཧྲཱིཿལ་སྔགས་ཀྱི་ཕྲེང་བས་བསྐོར་བ་ལ་བདག་ཡི་དམ་དུ་གསལ་བའི་ཐུགས་ཀའི་འོད་ཀྱིས་རེག་པས་སྔོན་གྱི་ཐུགས་དམ་གནད་ནས་བསྐུལ་ཏེ་འདོད་དགུའི་ཕྲིན་ལས་རབ་འབྱམས་ཐོགས་མེད་དུ་མཛད་པར་མོས་ལ། གོང་གནོན་གྱི་བཟླས་པ་སྔོན་དུ་འགྲོ་བས། ཨོཾ་ཨ་མཱ་ར་ཎི་ཙཎྜི་ཀ་ཛཿསིདྡྷི་ཕ་ལ་ཧཱུྃ༔ སྐབས་འདིར་རྗེ་བླ་མའི་གསུང་བསྐང་བཤགས་དང་ཕྲིན་བཅོལ་སྦྱར། བཀའ་གཏད་དངོས་ལ། ཁྲུས་དང་བགེགས་བསྐྲད་སྲུང་འཁོར་གསལ་འདེབས་དང་བཅས་ལོ་རྒྱུས་ཀྱི་ཁྱད་པར། དེ་ཡང་གསུང་རྡོ་རྗེ་ཚེ་མཐའ་ཡས་པའི་སོ་སོར་རྟོག་པའི་ཡེ་ཤེས་ཀྱིས་རང་རྩལ་འབྲས་བུའི་སེམས་དཔའ་པདྨའི་སྤྱན་ཅན་ལག་ན་ཆུ་སྐྱེས་ལ་གསུངས་པའི་རྡོ་རྗེ་ཚེ་ཡི་ཏནྟྲ། རང་བྱུང་གི་སངས་རྒྱས་པདྨཱ་ཀ་རས་ཟབ་གཏེར་དུ་རྒྱས་བཏབ་པ་འཆི་མེད་ཡེ་ཤེས་ཀྱི་སྐུ་ཅན་བི་མ་ལ་མི་ཏྲ་དང༌། མངའ་བདག་ཆོས་ཀྱི་རྒྱལ་པོ་ཁུ་དབོན་གྱི་ཐུགས་རྗེའི་ཡེ་ཤེས་ཀྱི་ནུས་པ་གདུལ་བྱའི་ཡུལ་ལ་སད་པའི་རྟེན་འབྱུང་གིས་སྣང་བ་ཟབ་གསང་པདྨ་ཚེ་ཡི་སྙིང་ཐིག་གི་བཀའ་སྲུང་ཉེ་དབང་ཙཎྜི་ཀའི་བཀའ་གཏད་བགྱིད་པ་སྟེ། དེ་ཡང་ལྷ་མོ་འདི་ཉིད་ངེས་པའི་དོན་དུ་གསུང་རྡོ་རྗེ་བཙུན་མོ་གོས་དཀར་མོ་ཉིད་ནུབ་ཕྱོགས་ཨོ་རྒྱན་གྱི་ཡུལ་ན་པདྨ་གར་གྱི་དབང་ཕྱུག་གི་ཡུམ་གསང་བ་ཡེ་ཤེས་ཞེས་མཁའ་འགྲོ་ཀུན་གྱི་གཙོ་མོ་དང༌། སངས་རྒྱས་གཉིས་པ་སློབ་དཔོན་ཆེན་པོ་འཛམ་གླིང་ལྷོ་ནུབ་འོ་མ་ཅན་གྱི་རྒྱ་མཚོར་འཁྲུངས་པའི་ཚེ་རྡོ་རྗེ་ཚེ་མཆོག་སྒྲུབ་པའི་རྟེན་འབྲེལ་སྒྲིག་པའི་ཚེ་ཡུམ་ཙཎྜ་ལི་དང༌། ལྷོ་ཕྱོགས་ཀུ་རུ་ཀུལླེའི་བྲག་ཕུག་ཏུ་བཞུགས་པའི་ཚེ་དབང་གི་ལྷ་མོ་རིག་བྱེད་མ་དང༌། དཔལ་ཡེ་ཤེས་ཀྱི་མགོན་པོ་ཕྱག་བཞི་པའི་ཡུམ་མ་མོའི་ཚོགས་རྗེ་ཙཎྜི་ཀ་དང༌། མ་གཅིག་དཔལ་ལྡན་ལྷ་མོ་རང་བྱུང་རྒྱལ་མོའི་མིང་བརྒྱ་མཚན་སྟོང་གི་བྱེ་བྲག་སུམ་ཅུ་རྩ་གསུམ་གྱི་ལྷ་ཡུལ་ན་ལྷ་ཡི་བུ་མོ་མེ་ཏོག་མནྡ་ར་དང༌། དྲང་སྲོང་དྲི་མེད་ཀུན་ཏུ་དགེ་བ་བཞུགས་པའི་གནས་ནུབ་ཕྱོགས་པདྨས་ཁེབས་པའི་མཚོ་འགྲམ་ནགས་ཚལ་དྲྭ་བ་ཅན་ན་ཞིང་སྐྱོང་ཌཱ་ཀིའི་རྒྱལ་མོ་དབང་གི་ལྷ་མོ་ཙཎྜ་ལི་སོགས་སྐུ་དང་མཚན་གྱི་བཀོད་པ་དུ་མར་སྟོན་པ་ཉིད་ཚེ་ཡི་མཆོག་ཐུན་སྒྲུབ་པའི་ཟབ་ལམ་འཆི་མེད་པདྨ་ཚེ་ཡི་སྙིང་ཐིག་གི་བཀའ་སྲུང་ཞིང་སྐྱེས་ཙཎྜི་ཀའི་བཀའ་གཏད་ཞུ་བའི་ཡོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་མཛོད། རྡོ་རྗེ་འཛིན་པ་དགོངས་སུ་གསོལ། །བདག་ནི་འགྲོ་ལ་ཕན་དོན་དུ། །བརྩེ་ཆེན་ཁྱོད་ལ་གསོལ་འདེབས་ཀྱིས། །མ་ལུས་རྗེས་གནང་བཀའ་དྲིན་སྩོལ། །ལན་གསུམ། བཀའ་གཏད་ཁོ་ན་སྒེར་དུ་བྱེད་ཚེ། རྒྱུད་རྣམ་པར་དག་པའི་སླད་དུ་སྐྱབས་སེམས་བསགས་སྦྱང་ཡན་ལག་བརྒྱད་པའི་སྙིང་པོ་འདིའི་རྗེས་ཟློས་མཛོད། རྡོ་རྗེ་སློབ་དཔོན་སངས་རྒྱས་དཔལ། །སོགས་ལན་གསུམ། དེ་ནས་སྐུ་ཉིད་རྣམས་ཐབས་ཆེན་པདྨ་ཧེ་རུ་ཀ་དབང་གི་རྒྱལ་པོའི་སྐུ་འདི་ལྟར་གསལ་ཐོབ་མཛོད། སྣོད་བཅུད་འོད་གསལ་སྟོང་པའི་དབྱིངས་སུ་རྣམ་པར་དག་པའི་སྣང་ཆ། ཕྱི་སྣོད་ཁྲག་འཐུང་རོལ་པའི་དུར་ཁྲོད་ཆེན་པོའི་དབུས་སུ་པད་ཉི་བདུད་བཞིའི་སྟེང་དུ་ཁྱེད་རང་རྣམས་སྐད་ཅིག་གིས་འཇིགས་བྱེད་པདྨ་དབང་ཆེན་སྲིན་པོ་ལྟར་ཁྲོས་པ་ཁྲོ་གཏུམ་བཟོད་པར་དཀའ་བའི་ཉམས་འགྱུར་ཅན། སྐུ་མདོག་དམར་ནག་དུས་མཐའི་མེ་ལྟར་འབར་བ། དབུ་སྐྲ་དམར་སེར་གྱེན་དུ་བརྫེས་པའི་ཁྲོད་དུ་རྟ་མགོ་ལྗང་གུ་རྟ་སྐད་དྲག་ཏུ་འཚེར་བ། ཕྱག་གཡས་པདྨའི་ལྕགས་ཀྱུ་གདེངས་སྟབས་སུ་འཛིན་ཅིང་གཡོན་ཚེ་བུམ་རྒྱ་གྲམ་གྱིས་མཚན་པ་བསྣམས་པ། དཔལ་དང་དུར་ཁྲོད་རོལ་པའི་ཆས་ཐམས་ཅད་ཀྱིས་བརྒྱན་ཅིང༌། ཞབས་གཉིས་བརྐྱང་བསྐུམ་རོལ་པའི་སྟབས་ཀྱིས་འགྱིངས་པ། ཡུམ་པདྨ་གཟི་ལྡན་མ་པད་ཕྲེང་དང་དུང་དམར་འཛིན་པས་འཁྱུད་པ། བསྐལ་པའི་མེ་དཔུང་འབར་བའི་ཀློང་ན་ཆེ་བཙན་འགྲན་ཟླ་དང་བྲལ་བའི་གནས་གསུམ་ཨོཾ་ཨཱཿཧཱུྃ་གིས་མཚན་པ། ཐུགས་སྲོག་ཧྲཱིཿདམར་ནག་དང༌། བླ་མ་ལྷག་པའི་ལྷའི་ཐུགས་ཀ་ནས་ཀྱང་འོད་ཟེར་དཔག་ཏུ་མེད་པ་འཕྲོས། ཕྱོགས་བཅུའི་རྩ་གསུམ་རྒྱལ་བ་རབ་འབྱམས་ཀྱི་ཐུགས་རྒྱུད་བསྐུལ། སྐད་ཅིག་དེ་ཉིད་ལ་དབང་ཆེན་རྟ་མཆོག་རོལ་པའི་སྐུར་བཞེངས་ཏེ་མཚོ་ཆེན་པོ་ལ་ཁ་བ་བབས་པ་ལྟར་ཁྱེར་རང་རྣམས་ཀྱི་སྒོ་གསུམ་ལ་དབྱེར་མེད་དུ་ཐིམ་པའི་མོས་པ་མཛོད་ཅིག །ཧྲཱིཿ བདེ་ཆེན་ཕྱོགས་ལྷུང་བྲལ་བའི་ཞིང༔ འོད་གསལ་སྒྱུ་འཕྲུལ་དྲྭ་བའི་ལྷ༔ རྟ་མཆོག་རོལ་པའི་དཀྱིལ་འཁོར་ལྷ༔ ཡེ་ཤེས་དབྱིངས་ནས་གཤེགས་སུ་གསོལ༔ གནས་མཆོག་འདི་རུ་བྱིན་ཕོབ་ལ༔ སྒྲུབ་མཆོག་འདི་ལ་དབང་བཞི་བསྐུར༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་སྩོལ༔ རྩ་སྔགས་མཐར། བཛྲ་ཛྙཱ་ན་ཨ་བེ་ཤ་ཡ་ཨ་ཨ། ཧཱུྃ་ཧཱུྃ་ཧཱུྃ། ཞེས་དྲག་ཏུ་བརྗོད། རོལ་མོ་འཁྲོལ། ཕེཾ་ཕེཾ། ཞེས་ཡང་ཡང་བརྗོད་ལ་སྤོས་བཏུལ། ཡེ་ཤེས་པ་བརྟན་པར་གྱུར། ཏིཥྛ་བཛྲ་ཧཱུྃ། ཞེས་རྡོ་རྗེའི་རྒྱས་བརྟན་པ་བྱ། བཀའ་གཏད་དངོས་ལ་མདུན་གྱི་གཏོར་མའི་གནས་སུ་སྣོད་བཅུད་འཆི་མེད་ཌཱ་ཀིའི་ཞིང་ཁམས་བལྟ་ན་སྡུག་པའི་སྐྱེད་མོའི་ཚལ་ཉམས་སུ་དགའ་བ། དཔག་བསམ་གྱི་ཤིང་ལོ་འབྲས་མེ་ཏོག་རྒྱས་པས་བསྐོར་ཞིང༌། མཛེས་སྡུག་མེ་ཏོག་གི་ཕྲེང་བ། བདུད་རྩིའི་ཆུ་ཀླུང་དང་རྫིང་བུའི་ངོགས་སུ་བྱ་དང་རི་དྭགས་བག་ཕེབས་པས་རྩེ་བའི་དབུས་སུ་ཨུཏྤལ་དམར་པོ་འདབ་མ་རབ་ཏུ་རྒྱས་པའི་ཟེའུ་འབྲུར་ཉིན་བྱེད་དབང་པོའི་དཀྱིལ་འཁོར་གྱི་སྟེང་ཧྲཱིཿཡིག་དམར་གསལ་ཡོངས་སུ་གྱུར་པ་ལས་འཆི་མེད་ཌཱ་ཀིའི་དབང་ཕྱུག་ཉེ་དབང་ཙཎྜི་ཀ་གཞོན་ནུ་མྱོས་མའི་ལང་ཚོ་དར་ལ་བབ་པའི་འཇོ་སྒེག་ཅན། དར་དང་རིན་ཆེན་མེ་ཏོག་སྣ་ཚོགས་པའི་རྒྱན་དང་ན་བཟས་བཀླུབས་པ། མཛེས་འཛུམ་ཆགས་པའི་ཉམས་ཀྱིས་སྒྲུབ་པ་པོར་རྗེས་སུ་བརྩེ་བའི་སྤྱན་ཟུང་ཟིམ་བུའི་གཟིགས་པ། ཕྱག་གཡས་པདྨའི་དབང་གི་ལྕགས་ཀྱུ་ནམ་མཁར་གདེངས་པས་སྲིད་ཞིའི་དཔལ་ཡོན་དྭངས་བཅུད་དབང་མེད་དུ་འགུགས་པ། གཡོན་པས་འཆི་མེད་བདུད་རྩིའི་གང་བའི་བུམ་པ་ཐུགས་ཀར་བཟུང་བའི་ཁ་ནས་དངོས་གྲུབ་བདུད་རྩིའི་རྒྱུན་གྱི་ཟིལ་མངར་འབེབས་པ། ཞབས་གཡོན་བརྐྱང་གཡས་བསྐུམ་སྟེ་བཙུན་མོ་རོལ་པའི་འགྱིང་སྟབས་ཀྱིས་བཞུགས་པའི་འཁོར་དུ་རང་འདྲའི་ཌཱ་ཀི་མ་གཞོན་ནུ་མཆེད་བདུན་སོགས་འབུམ་ཕྲག་ཡངས་པས་བསྐོར་བའི་གནས་གསུམ་དང་ཐུགས་སྲོག་ས་བོན་ལས་བྱུང་བའི་འོད་ཀྱིས་ནུབ་ཕྱོགས་ཨུ་རྒྱན་གྱི་ཡུལ་ནགས་ཚལ་དྲྭ་བ་ཅན་པདྨས་ཁེབས་པའི་རྫིང་དྲུང་ནས་ཡེ་ཤེས་ཌཱ་ཀི་འཁོར་དང་བཅས་པ་སྤྱན་དྲངས་པར་གྱུར། ཧྲཱིཿ བདེ་ཆེན་འབར་བ་དབང་གི་ཞིང༔ པདྨ་དྲྭ་བས་ཁེབས་པ་ནས༔ འཆི་མེད་ཉེ་དབང་ཙཎྜི་ཀ༔ འཁོར་དང་བཅས་པ་གཤེགས་སུ་གསོལ༔ བཛྲ་ས་མ་ཡ་ཛཿས་སྤྱན་དྲངས། ཧྲཱིཿ བདེ་ཆེན་དབང་གི་མཁའ་འགྲོ་མ༔ དབྱིངས་ནས་སྤྱན་དྲངས་ཡེ་ཤེས་ལྷ༔ དམ་ཚིག་རྟེན་ལ་གཉིས་མེད་དུ། །བཞུགས་ནས་ཚེ་དབང་རྒྱས་པར་མཛོད། །ཛཿཧཱུྃ་བྃ་ཧོ༔ ཏིཥྛནྟུ༔ ཧཱུྃ༔ དངོས་སུ་འབྱོར་དང་ཡིད་ལས་བྱུང༔ ཀུན་བཟང་སྒྱུ་འཕྲུལ་དྲྭ་བའི་གཏེར༔ བདེ་ཆེན་སྒྱུ་མར་རོལ་པ་ཡི༔ དགྱེས་པའི་མཆོད་པ་བཞེས་སུ་གསོལ༔ ཨོཾ་མ་ཧཱ་སུ་ཁ་ཨརྒྷཾ་ནས་ཤབྡ་པཱུ་ཛ་ཧོ༔ མ་ཧཱ་བ་ལིཾ་ཏ་རཀྟ་ཁཱ་ཧི༔ ཧྲཱིཿ གསུང་གི་རྡོ་རྗེ་གར་གྱི་དབང༔ རྗེས་ཆགས་སིན་དྷཱུའི་ཝཱ་རའི་མདངས༔ དམར་གསལ་པདྨའི་ཞལ་བཟང་ཅན༔ འཆི་མེད་ལྷ་ཡི་ལྷ་ལ་བསྟོད༔ ཡིད་འོང་ལང་ཚོ་བལྟ་ན་སྡུག༔ སྒེག་བཞད་ཞལ་གྱིས་གཞན་ཡིད་འགུགས༔ ལྷ་རྫས་རིན་ཆེན་ནོར་བུའི་རྒྱན༔ ཕུན་ཚོགས་དཔལ་གྱིས་མཛེས་ལ་བསྟོད༔ ཕྱག་གཡས་པདྨའི་ལྕགས་ཀྱུ་གདེངས༔ གཡོན་པས་ཚེ་བུམ་བཅུད་ལྡན་འཛིན༔ ཞབས་གཉིས་བཙུན་མོའི་རོལ་སྟབས་ཀྱིས༔ པད་ཉིའི་སྟེང་ན་འགྱིང་ལ་བསྟོད༔ འཁོར་དུ་དབང་མཛད་མཁའ་འགྲོ་མ༔ བསམ་ཡས་སྤྲུལ་པའི་ཆོ་འཕྲུལ་ཅན༔ འདོད་དགུའི་ཕྲིན་ལས་རྩོལ་མེད་དུ༔ སྟེར་མཛད་ཀུན་ལ་བསྟོད་པར་བགྱི༔ སློབ་དཔོན་དབང་ཆེན་དུ་གསལ་བའི་ཐུགས་ཀའི་འོད་ཟེར་གྱིས་གཏོར་མ་འཆི་མེད་ཡེ་ཤེས་ཀྱི་ཌཱ་ཀིར་གསལ་བའི་ཐུགས་རྒྱུད་བསྐུལ། དེ་ལས་ལྷ་མོའི་སྐུ་དཔག་ཏུ་མེད་པ་ཉི་ཟེར་ལ་རྡུལ་འཁྲིགས་པ་ལྟ་བུ། ཁྱེད་རང་དབང་ཆེན་དུ་གསལ་བའི་དཔྲལ་བར་ཐིམ་པས་སྐུའི་བྱིན་རླབས་དང་ནུས་མཐུ་ཐམས་ཅད་ཐོབ་པར་སྒོམས་ཤིག །ཧྲཱིཿ གསུང་གི་རྡོ་རྗེ་འཇིག་རྟེན་དབང༔ རྗེས་ཆགས་སིན་དྷཱུ་ཝཱ་རའི་མདངས༔ འཆི་མེད་ཌཱ་ཀི་ཙཎྜི་ཀའི༔ སྐུ་ཡི་དབང་མཆོག་ཐོབ་པར་ཤོག༔ ཨོཾ་ཨ་མཱ་ར་ཎི་ཙཎྜི་ཀ་ཧཱུྃ༔ ཨཱ་བེ་ཤ་ཡ་ཨ་ཨ༔ ཞེས་དྲག་ཏུ་བཟླ་ཞིང་སྤོས་རོལ་བྱ། སློབ་དཔོན་དབང་ཆེན་དུ་གསལ་བའི་ཐུགས་ཀའི་འོད་ཟེར་གྱིས་གཏོར་མ་འཆི་མེད་ཡེ་ཤེས་ཌཱ་ཀིར་གསལ་བའི་ཐུགས་རྒྱུད་བསྐུལ། མགྲིན་པ་ནས་སྔགས་ཀྱི་ཕྲེང་བ་མགལ་མེ་ལྟ་བུ་བྱུང༌། ཁྱེད་རང་གི་མགྲིན་པར་ཐིམ་པས་གསུང་གི་བྱིན་རླབས་དང་ནུས་མཐུ་ཐམས་ཅད་ཐོབ་པར་སྒོམས་ཤིག །ཧྲཱིཿ གསུང་གི་རྡོ་རྗེ་འཇིག་རྟེན་དབང༔ རྗེས་ཆགས་སིན་དྷཱུ་ཝཱ་རའི་མདངས༔ འཆི་མེད་ཌཱ་ཀི་ཙཎྜི་ཀའི༔ གསུང་གི་དབང་མཆོག་ཐོབ་པར་ཤོག༔ ཅེས་བསྒྱུར་ནས་སྔགས་དང་སྤོས་རོལ་བྱ། སྔགས་ཀྱི་བཟླས་ལུང་གི་སླད་དུ་གསོལ་བ་འདེབས་པ་འདིའི་རྗེས་ཟློས། ཌཱ་ཀི་བདག་གིས་བཟུང་ལགས་ཀྱིས། །ཌཱ་ཀིས་བདག་ལ་བྱིན་གྱིས་རློབས། །ལན་གསུམ། གཏོར་མ་ལྷར་གསལ་བའི་ཐུགས་ཀར་ཉི་མའི་སྟེང་ཧྲཱིཿལས་སྔགས་ཕྲེང་བར་མ་ཆད་དུ་བྱུང་ཞལ་ནས་ཐོན། ཁྱེད་རང་གི་ཞལ་ནས་སྙིང་གར་ཐིམ་པར་མོས་ལ། སློབ་དཔོན་གྱི་ཕྲེང་བ་ལ་བཟུང་སྟེ་སྲོག་སྔགས་ཀྱི་རྗེས་ཟློས་ལན་གསུམ་བྱ། མེ་ཏོག་གཏོར་ལ། འཆི་མེད་ཡེ་ཤེས་ཀྱི་ཌཱ་ཀིའི་གསུང་རིགས་སྔགས་ཀྱི་མཐུ་ནུས་དང་བྱིན་རླབས་ཐམས་ཅད་ད་ལྟ་ཉིད་དུ་འཇུག་པར་གྱུར་ཅིག །ཡང་གཏོར་མ་ལྷ་མོ་ཙཎྜི་ཀར་གསལ་བའི་ཐུགས་སྲོག་ཧྲཱིཿལས་འཇའ་ཚོན་ལྟ་བུའི་འོད་ཟེར་དང་ལྕགས་ཀྱུ་ཚེ་བུམ་རྣམས་བྱུང༌། སློབ་མའི་སྙིང་གར་ཐིམ་པས་མཐར་ལྷ་མོ་ཉིད་ཀྱང་འོད་དུ་ཞུ་ནས་ཐུག་སྲོག་ལ་ཐིམ། ཧྲཱིཿཡིག་ཀྱང་ཁྱེད་རང་གི་ཐུགས་ཀར་ཐིམ་པས་ཐུགས་ཀྱི་བྱིན་རླབས་དང་ནུས་མཐུ་ཐམས་ཅད་ཐོབ་པར་མོས་ཤིག །ཧྲཱིཿ གསུང་གི་རྡོ་རྗེ་འཇིག་རྟེན་དབང༔ རྗེས་ཆགས་སིན་དྷཱུ་ཝཱ་རའི་མདངས༔ འཆི་མེད་ཌཱ་ཀི་ཙཎྜི་ཀའི༔ ཐུགས་ཀྱི་དབང་མཆོག་ཐོབ་པར་ཤོག༔ སྔགས་དང་སྤོས་རོལ་བྱ། སླར་ཡང་གཏོར་མ་སྐད་ཅིག་གིས་འཆི་མེད་ཌཱ་ཀིའི་རྒྱལ་མོ་སྔར་བཞིན་གསལ་བ་ལ་ནང་མཆོད་ཀྱི་བདུད་རྩིས་བྲན་པས་དགྱེས་ཤིང་ཆགས་པའི་མདངས་གཡོས་ཏེ་སྔོན་གྱི་ཐ་ཚིག་བཞིན་བཅོལ་བའི་ཕྲིན་ལས་སྒྲུབ་པ་ལ་དགྱེས་ཤིང་ངོ་ཐོན་དུ་བཞུགས་པར་མོས་ལ། ཧྲཱིཿ གསུང་གི་རྡོ་རྗེ་འཇིག་རྟེན་དབང༔ རྗེས་ཆགས་སིན་དྷཱུ་ཝཱ་རའི་མདངས༔ དམར་གསལ་པདྨའི་ཞལ་བཟང་ཅན༔ འཆི་མེད་ལྷ་ཡི་ལྷ་ལ་བསྟོད༔ ཡིད་འོང་ལང་ཚོ་བལྟ་ན་སྡུག༔ སྒེག་བཞད་ཞལ་གྱིས་གཞན་ཡིད་འགུགས༔ ལྷ་རྫས་རིན་ཆེན་ནོར་བུའི་རྒྱན༔ ཕུན་ཚོགས་དཔལ་གྱིས་མཛེས་ལ་བསྟོད༔ ཕྱག་གཡས་པདྨའི་ལྕགས་ཀྱུ་གདེངས༔ གཡོན་པས་ཚེ་བུམ་བཅུད་ལྡན་འཛིན༔ ཞབས་གཉིས་བཙུན་མོའི་རོལ་སྟབས་ཀྱིས༔ པད་ཟླའི་སྟེང་ན་འགྱིངས་ལ་བསྟོད༔ འཁོར་དུ་དབང་མཛད་མཁའ་འགྲོ་མ༔ བསམ་ཡས་སྤྲུལ་པའི་ཆོ་འཕྲུལ་ཅན༔ འདོད་དགུའི་ཕྲིན་ལས་རྩོལ་མེད་དུ༔ སྟེར་མཛད་ཀུན་ལ་བསྟོད་པར་བགྱི༔ མཆོད་སྦྱིན་བཟང་པོ་འདི་བཞེས་ལ༔ རྣལ་འབྱོར་པ་ལ་རྟག་ཏུ་སྲུངས༔ ནད་གདོན་བར་ཆད་ཞི་བ་དང༔ ཚེ་དཔལ་བསོད་ནམས་ཡེ་ཤེས་སྤེལ༔ སྣང་སེམས་སྲིད་ཞི་དབང་དུ་སྡུས༔ གནོད་བྱེད་བྱད་མ་རྡུལ་དུ་རློག༔ ཁྱད་པར་འཆི་མེད་གྲུབ་པའི་ལམ༔ བརྩོན་ལ་སྡོང་གྲོགས་གཡེལ་མེད་མཛོད༔ ས་མ་ཡ་ཧོ༔ འཆི་མེད་ཚེ་དང་བདེ་ཆེན་ཡེ་ཤེས་ཀྱི་དཔལ་བསྐྱེད་པའི་འཆི་མེད་ཌཱ་ཀིའི་དབང་ཕྱུག་ཙཎྜི་ཀ་འཁོར་དང་བཅས་པ་རྣམས་ཀྱིས་ཆོས་སྐུ་ཚེ་འོད་མཐའ་ཡས། ལོངས་སྐུ་གར་གྱི་དབང་ཕྱུག །སྤྲུལ་སྐུ་འཆི་མེད་པདྨ་ཐོད་ཕྲེང༌། ལས་ཅན་རྗེ་འབངས་གྲོགས་ལྔ། འོད་གསལ་སྤྲུལ་པའི་རྡོ་རྗེ། གར་དབང་མདོ་སྔགས་གླིང་པ། འཇམ་མགོན་ཆོས་ཀྱི་བློ་གྲོས་སོགས་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་དང་དམ་ལས་མ་འདའ་བར་སྤྱིར་སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་དང་ཆོས་ཀྱི་རྒྱལ་སྲིད་སྐྱོངས། སྣོད་ཀྱི་དགེ་བཅུ་སྒྲུབས། བཅུད་ཀྱི་ཕན་བདེ་སྤེལ། གདུག་པ་ཅན་གྱི་གཉའ་གནོན། དམ་ཚིག་ཅན་གྱི་སྡོང་གྲོགས་མཛོད། ཐར་འདོད་ཀྱི་རེ་བ་སྐོངས། ཕན་སེམས་ཅན་གྱི་ཕྲིན་ལས་སྒྲུབས། ཁྱད་པར་རྡོ་རྗེའི་སློབ་མ་འདིའི་ཚེ་དང་བསོད་ནམས་སྤེལ། ནད་གདོན་བར་ཆད་སོལ། མདོར་ན་བྱང་ཆུབ་མ་ཐོབ་བར་དུ་ལུས་དང་གྲིབ་མ་བཞིན་དུ་འགྲོགས་ཏེ་ཕུན་སུམ་ཚོགས་པའི་བསམ་སྦྱོར་ཐམས་ཅད་ཡིད་བཞིན་དུ་འགྲུབ་པའི་ཕྲིན་ལས་གཡེལ་མེད་དུ་སྒྲུབ་པར་མཛོད་ཅིག །ཅེས་བཀའ་བསྒོས་ནས་དེ་བཞིན་ཞལ་གྱིས་བཞེས་པར་བསམ་ལ། གཏོར་མ་ལག་ཏུ་གཏད་ཅིང༌། གཏོར་མའི་ཆ་ཤས་ཅུང་ཟད་སྦྱིན། དེ་ལྟར་གཏོར་མ་གནས་གསུམ་དུ་བཞག་ནས་དབང་བསྐུར་བས་སྐུ་གསུང་ཐུགས་ཀྱི་བྱིན་རླབས་དང༌། སླར་ཡང་བཀའ་བསྒོས་ཤིང་རོལ་པས་ཕྲིན་ལས་རྣམ་པ་བཞིའི་དངོས་གྲུབ་ཐོབ་པ་ཡིན་ནོ། །རྗེས་དམ་ཚིག་བསྒྲག་ཅིང་ཁས་བླང་ཡོན་འབུལ་དང༌། ཆོ་གའི་འཇུག་ཆོག་གཏོར་འབུལ་གཏང་རག་བཟོད་གསོལ་རྟེན་བཞུགས་སྨོན་ལམ་ཤིས་བརྗོད་བཅས་བྱའོ། །བདེ་ཆེན་ཚེ་དང་ཡེ་ཤེས་རྨད་བྱུང་གི །མཆོག་ཐུན་དངོས་གྲུབ་སྒྲུབ་པའི་གསང་མཛོད་ཀྱི། །བཀའ་སྲུང་འཆི་མེད་ཌཱ་ཀིའི་སྲོག་དབང་མཆོག །ཟབ་གཉན་རྨད་བྱུང་དགེ་ལེགས་དཔལ་གྱི་བཙས། །ཚེ་སྒྲུབ་པདྨ་ཚེ་ཡི་སྙིང་ཐིག་གི་བཀའ་སྲུང་འཆི་མེད་ཌཱ་ཀི་ཙཎྜི་ཀའི་བཀའ་གཏད་ཀྱི་རིམ་པ་ལེའུ་ཚན་བདུན་པ་སྟེ་འཕགས་ནོར་རིན་ཆེན་བདུན་གྱི་གྲངས་ཀྱི་རྫོགས་སོ།། །།རྒྱུད་དང་གྲུབ་པའི་མན་ངག་ཆུ་གཏེར་མཐའ། །ལེགས་བརྒལ་བཀའ་གཏེར་ནོར་བུའི་གླིང་སོན་ནས། །ཟབ་རྒྱས་གདམས་པའི་དབྱིག་མཆོག་མང་ཐོབ་པས། །རྟོག་བཟོས་ཆོས་འདི་རི་མོའི་མར་མེ་དངོས། །འོན་ཀྱང་བླ་མ་ལྷག་པའི་ལྷ་རྣམས་ཀྱི། །བྱིན་རླབས་འོད་ཀྱིས་བློ་གྲོས་འདབས་རྒྱ་བཀྲལ། །མན་ངག་སྦྲང་རྩིའི་ཟེགས་མ་ཡིན་རློམས་ཀྱིས། །རས་སུ་མ་བོར་ཆ་ཙམ་སྣང་བར་བྱས། །བསམ་སྦྱོར་ནག་པོའི་དྲི་མས་མ་ནོངས་པའི། །རྣམ་དཀར་སྟོན་ཟླའི་མཛེས་སྡུག་གསར་པ་ལས། །ཕན་བདེའི་བདུད་རྩིའི་དགའ་སྟོན་འདོད་དགུའི་སྐྱེས། །རིས་མེད་བསྟན་འགྲོའི་དཔྱིད་དུ་སིམ་གྱུར་ཅིག །དེ་སྐད་དུས་མཐའི་མུན་རུམ་ཆེས་བརྣག་སྦུབས། །ཆོས་བཟང་ཀློག་གི་རྩེ་གར་གྱ་གྱུ་ཅན། །ལས་ཀྱིས་ཕྱོགས་མེད་རྒྱལ་ཁམས་རྐང་འཁྱལ་ཚེ། །བུང་བའི་སུག་རྗེས་འདི་ཡང་བྲིས་ནས་སོང༌། །བདག་ཀྱང་གང་མཚན་སྒྲ་ཡིས་དུས་མཐའི་མུན། །འཇོམས་མཛད་མཚོ་སྐྱེས་རྡོ་རྗེ་ཚེ་མཐའ་ཡས། །འཆི་མེད་རྩ་གསུམ་རྒྱལ་བའི་བདེན་མཐུ་ཡིས། །གཞོམ་མེད་རྡོ་རྗེའི་གསང་གསུམ་མངོན་གྱུར་ཤོག །ལམ་འདིར་འབྲེལ་ཚད་འོད་མཚན་སྟོང་འབར་བའི། །མཁྱེན་བརྩེའི་སྐྱ་རེངས་དང་པོས་ཉེར་བསུས་ནས། །དངོས་གྲུབ་ཟད་མི་ཤེས་པའི་ཉིན་བྱེད་དང༌། །འགྲོགས་ཏེ་དོན་གཉིས་ལྷུན་གྲུབ་བཀྲ་ཤིས་ཤོག །ཅེས་རྒྱལ་ཀུན་གསུང་གི་རྡོ་རྗེའི་གསང་མཛོད་ལ་མངའ་དབང་བསྒྱུར་བའི་མགོན་པོ་ཀུན་ཏུ་གཟིགས་འཇམ་པའི་དབྱངས་དངོས་པདྨ་ཡེ་ཤེས་རྡོ་རྗེས་ཐུན་མོང་མ་ཡིན་པའི་ཐུགས་བརྩེ་དང་བཀའ་དྲིན་གྱིས་རྗེས་སུ་བཟུང་སྟེ། ཚེ་སྒྲུབ་པདྨའི་སྙིང་ཐིག་གི་དབང་ཕྲེང་ཡོངས་རྫོགས་ཆོག་ཁྲིགས་སུ་གནང་ཟིན་གྱི་དཔེ་བོད་ཁམས་དུས་ཀྱི་འཕོ་འཇིག་གིས་མི་སྣང་བར་གྱུར་པ། སླར་ཡང་ལུང་རྟོགས་ཀྱི་བདག་ཉིད་སྟོན་དང་བསྟན་པ་ཚད་མ་ལ་ཡང་དག་གཟིགས་པའི་ཆོས་ཀྱི་སྤྱན་མངའ་མཚུངས་མེད་དགེ་བའི་བཤེས་གཉེན་ཞྭ་དེའུ་འཁྲུལ་ཞིག་འགྱུར་མེད་ཆོས་ཀྱི་བློ་གྲོས་རིན་པོ་ཆེས་སྐུ་རྟེན་ཛྷེ་ཀྵིཾ་ལས་གྲུབ་པའི་འཆི་མེད་མྱུར་མ་དཔའ་མོའི་སྣང་བརྙན། གསུང་རྟེན་བྱང་ཆུབ་སེམས་ཀྱི་མངའ་བདག་ཟེ་ཆེན་རྒྱལ་ཚབ་རིན་པོ་ཆེའི་གསུང་བློ་སྦྱོངས་སྦྲང་རྩིའི་བུམ་བཟང་གི་གླེགས་བམ་དང༌། བསྔོ་སྨོན་བཀྲ་ཤིས་སྐོར་གྱི་གླེགས་བམ། ཐུགས་རྟེན་གནམ་ལྕགས་རྡོ་རྗེ་བཅས་ནང་མཛོད་ཀྱིས་བཏེགས་པའི་གནང་སྐྱེས་དང༌། ཁྱད་པར་ཐུགས་དམ་རྒྱུན་གྱི་ཉམས་བཞེས་དང༌། ཚེ་ཁྲིད་པར་དུ་བསྐྲུན་པའི་ཞལ་བཞེས་ཀྱིས་གསུང་བསྐུལ་གནང་བ་དང༌། ངེས་དོན་སྙིང་པོའི་རྣལ་འབྱོར་ཀུན་སྤང་མཁྱེན་ལྡན་ཀློང་ཆེན་ཡེ་ཤེས་རྡོ་རྗེས་རྩ་གསུམ་འཆི་མེད་ཚེ་ཡི་ཕྱི་ནང་གསང་སྒྲུབ་ཀྱི་ལས་བྱང་རིགས་པར་བསྐྲུན་མཛད་པ་དང༌། སྒྲུབ་བརྩོན་དམ་པ་ཀུན་དགའ་ཚེ་དབང་བསྟན་འཕེལ། དད་བློ་ལྡན་པ་འགྱུར་མེད་ཐེག་མཆོག་བསྟན་འཛིན། བློ་གསལ་ཨོ་རྒྱན་གཞན་ཕན་སོགས་རང་སློབ་རྣམས་ནས་བསྙེན་སྒྲུབ་ཉམས་ལེན་དང་འབྲེལ་ཡང་ཡང་རྟེན་དང་བཅས་ཏེ་བསྐུལ་བའི་རྐྱེན་དང༌། པདྨའི་རྒྱལ་ཚབ་འཇམ་མགོན་དྷརྨ་མ་ཏིས་རང་གཏེར་འདི་རིགས་ཡལ་བར་མ་དོར་དང་བསྟན་འགྲོར་ཕན་པའི་དགོས་པ་ཡོད་ཅེས་རྡོ་རྗེའི་བཀའ་ལུང་རྗེས་སུ་སྒྲུབ་པ་དང༌། རྩ་བའི་ཆོས་བདག་རྗེ་བླ་མ་ཉིད་ཀྱི་མཆོག་སྤྲུལ་དང༌། ཞེ་ཆེན་རབ་འབྱམས་སྤྲུལ་པའི་སྐུ་རྣམས་ཀྱི་སྐུ་ཚེའི་རྟེན་འབྱུང་ལའང་ཕན་སྲིད་སྙམ་པས་རྙིང་སྔགས་རྒན་པོ་པདྨ་གར་དབང་འོད་གསལ་མདོ་སྔགས་གླིང་པས་གསར་བསྒྲིགས་བགྱིས་སྐབས་ཡི་གེའི་མཐུན་སྦྱོར་འོད་གསལ་རྡོ་རྗེ་སྙིང་པོའི་སྟོན་དང་བསྟན་པ་ལ་རྒྱུ་མཚན་ཤེས་པའི་མཁྱེན་དཔྱོད་དང་བློ་གྲོས་མཚུངས་མེད་བྱང་གནམ་མཚོའི་དོ་སྐྱ་མཆོག་སྤྲུལ་འགྱུར་མེད་པདྨ་དྲི་མེད་དང༌། སྔགས་སྒོམ་འཇིགས་མེད་སྐལ་བཟང་ཚེ་དབང་གཉིས་ཀྱིས་བགྱིས་ཏེ་རང་ལོ་བཅུ་ཕྲག་དྲུག་དང་གཅིག་གིས་ལྷག་པའི་སྟེང་ལྷོ་ལྗོངས་ཙནྡན་གྱི་ནགས་ཚལ། བཀྲ་ཤིས་དགའ་འཁྱིལ་གྱི་བསམ་གཏན་ཁང་བུར་པདྨ་ཚེ་མཐའ་ཡས་པའི་དཀྱིལ་འཁོར་གྱི་བསྙེན་སྒྲུབ་ལ་གཞོལ་བའི་ཐུན་གསེང་རྣམས་སུ་བྲིས་པ་འདིས་ཀྱང་མཁའ་ཁྱབ་ཡིད་ཅན་ཀུན་གྱི་ཚེ་དང་ཡེ་ཤེས་འདོད་དགུའི་དངོས་གྲུབ་ཀྱི་དཔལ་ཡོན་ལ་ཅི་དགར་རྩེན་པའི་རྒྱུར་གྱུར་ཅིག །སརྦ་མངྒ་ལཾ། དགེའོ།། །།

[edit]

@#/__/'chi med pad+ma tshe yi snying thig las/_phyi nang gsang ba'i sgrub thabs bka' srung dang bcas pa'i smin byed kyi phreng ba dkyus gcig tu bkod pa 'chi med ye shes rdo rje'i srog sbyin zhes bya ba bzhugs so//

@#/__/gang mtshan legs bris bdud rtsi'i zil mngar dad brgya'i snyims pas myang tsam gyis/_/dus kyi zhags pa'i gdung ba bcil nas 'chi med lang tsho'i brtan pa mchog_/yud la ster mdzad bla ma tshe 'od dpag med dkyil 'khor kun gyi bdag_/yid ches dad pa'i sri zhus bsnyen la dge legs dpal gyi char 'bebs mdzod/_/mchog gi byin rlabs skya rengs dang 'grogs pa'i/_/zab gsang nyin mor byed pa'i dkyil 'khor la/_/smin byed 'od kyi phreng ba bstar 'di yang*/_/skal bzang ut+pal 'dzum pa'i dpal du shar/_/'di la phyi sgrub tshe dpag med sprul sku lha dgu/_nang sgrub longs sku tshe dpag med lha bcu bdun ma/_de'i yan lag rigs lnga tshe dpag med so so'i sgos sgrub/_dbang chen rta mgrin rigs lnga'i sgrub thabs/_gsang sgrub mkha' 'gro man+dA ra ba rigs lnga'i tshe sgrub/_yang zab rig 'dzin bla ma'i tshe sgrub/_bka' srung tsaN+Da li'i rjes gnang bcas yod pa las rtsa gsum 'gres bsdebs te rim bzhin 'chad pa'i dang po byin rlabs kyi sgo 'byed phyir bla ma rig 'dzin tshe sgrub kyi dbang la gnyis las/_dang po yo byad kyi bshams bkod ni/_gzhung mthun sku rten nam gu ru'i snang brnyan bris 'bur gang rigs kyi spyan sngar zhi dkyil gzhung mthun gyi ras bris sam tshom bu gtso 'khor bcu gsum can bkod pa'i dbus su many+dzi la tshe bum/_lha tsaka yongs rdzogs/_sngags phreng*/_rdo rje/_g.yas su b+han+d+har bdud rtsi/_g.yon du tshe ril/_tshe mda'/_mtha' skor nyer spyod mchod pas bskor/_mdun du bla gtor dmar po g.yas g.yon du chad brtan/_bka' srung gi gtor 'bul/_sman raka_/dkar bgegs tshogs mchod bcas/_sgrub pa po'i mdun du mda' dar/_las bum/_DA dril sogs 'du byas la/_gnyis pa dbang sgrub dngos la/_brgyud 'debs sngon du 'gro bas bdag mdun dbyer med du sgrub pas las gzhung bsrangs/_bzlas pa'i skabs su babs pa dang*/_sarba ma hA gu ru maN+Dal la phaT dzaHsa dzapa khang phyes la bsnyen sgrub las gsum gyi bzlas pa dang*/_grangs tshad sgrub pa'i bzlas pa mang du bya/_las bum la dmigs pas/_las bum nang du pad nyi'i steng*/_/pad+ma dbang chen sku mdog dmar/_/pad+ma'i dbyug to zhags pa 'dzin/_/'dor thabs ye shes me klong 'gying*/_/sku las rdo rje bdud rtsi'i rgyun/_/babs pas bum pa gang bar gyur/_/oM badz+ra kro d+ha ha ya gr-I ba hU~M phaT/_ces brgya rtsa tsam bzlas mthar mchod bstod bya/_yig brgya brjod/_oM AHhU~M gis dung chu phul bas/_las kyi bum pa'i lha rnams bde ba chen po'i ngo bor zhu nas bum chu dang dbyer med du gyur bar bsam/_dbang gzhung ltar bdag 'jug dang*/_bsdu na rig pa'i me tog dor te slob ma 'jug par gnang ba zhu/_bka' gter srung ma'i gtor 'bul dang tshogs bskang gzhung ltar grub rjes/_slob ma rnams sgo drung du 'khod par khrus byas la nang du 'khod pa na bgegs gtor btang zhing bka' bsgo/_thun sngags kyis gzir/_gu gul bdug_/srung 'khor bsgom/_me tog bkye bsdu dang chos bshad ji ltar rigs pa sngon du 'gro bas/_de yang thams cad mkhyen pa'i go 'phang mchog sgrub par 'dod pa'i skyes bu blo dang ldan pa rnams ring du 'tsho ba'i tshe yi dpal thob na ji ltar 'dod pa'i dngos grub nyams 'og tu chud par gdon mi za bas thog ma nyid nas don du gnyer bya'i gtso bo tshe sgrub pa gal che zhing*/_de la'ang sman sngags ting nge 'dzin gyi sgrub tshul sgo du ma zhig mchis pa las/_thabs kyi rim pa de thams cad gcig dril/_lta sgom gyi zab khyad du mas 'phags pa gsang ba sngags kyi rgyud sde rin po che rnams nas gsungs pa'i rdo rje'i tshe sgrub pa'i rim pa rnams ches zab cing myur ba 'bad pa chung ngus grub 'bras mngon du 'gyur zhing*/_da lta'ang sgrub pa'i drod tshad ma nyams pa mchis bzhin pa las skabs su babs pa 'di ni 'chi med ye shes rdo rje'i sku brnyes pa'i rig 'dzin chen po bi ma la mi dra dang*/_'chi med pad+ma 'od 'bar rnams dang don gyi gsang ba dbyer med cing rnam pa'i snang char rdo rje tshe yi dkyil 'khor gyi lha dang rig pa 'dzin pa rnams kyis mngon sum du dbang bskur te 'chi med bdud rtsi'i rgyun gyis sku tshe'i dpal bskyed pa dang*/_thun mong dang khyad par gyi tshe yi dngos grub sgrub pa'i chos kyi sgo du mas rdo rje'i rigs can gyi skal ba mchog ldan dag la ring du 'tsho ba'i dngos grub mngon sum du ster nus pa sogs tshe la dbang thob pa'i grub rtags mngon du gyur pa'i bdag nyid chen po pad+ma 'od gsal mdo sngags gling pas ye shes rdo rje'i nyin byed kyi byin rlabs zab mos dbugs dbyung ba las/_'chi med pad+ma gar dbang bde chen mdo sngags gling pa'i rig gsang rdo rje'i gsang mdzod las brdol ba'i tshe sgrub 'chi med pad+ma tshe yi snying thig la/_rtsa gsum zhi khro bka' srung dang bcas pa'i tshe sgrub pa'i rim gnyis las tshogs dang bcas pa zab rgyas su bzhugs pa las/_thog mar byin rlabs kyi sgo 'byed pa'i phyir yang zab rig 'dzin bla ma'i dkyil 'khor gyi tshe sgrub zab mo'i smin byed sgrub pa skabs su babs pa ste/_spyir rig 'dzin bla ma'i thugs sgrub kyi rim pa'ang*/_sgrub byed kyi chos sgo thabs dang ting nge 'dzin gyi zab khyad kyi dbye bas phyi nang gsang ba'i tshul du sgrub pa dang*/_bsgrub bya'i lha sprul gzhi dang sprul pa'i nges pas bla ma sku gsum du sgrub pa dang*/_sgrub pa po gdul bya'i yul tshar gcod dang rjes 'dzin gyi phrin las kyi snang tshul ltar gu ru zhi ba dang khro bor sgrub pa'i tshul gyis dbye ba las 'di ni yang zab rig 'dzin bla ma sprul sku zhi ba'i tshul du sgrub pa/_'phags bod kyi ljongs su 'chi med ye shes rdo rje'i go 'phang mngon sum du mdzad pa'i rig 'dzin bla ma 'dus pa'i dril sgrub ste/_sangs rgyas byang sems rtsa ba gsum po kun las bla ma nyid sgrub thag nye zhing thugs rje'i rtsal myur byin rlabs rtags mtshan che ba dang gter kha gsar rnying kun las rig 'dzin bla ma'i tshe sgrub zab rgyas ngo mtshar can du ma byon pa ltar la rig 'dzin bla ma'i tshe sgrub kyi zab chos 'di nyid kun mkhyen bla mas bsnyen sgrub nyams bzhes kyi tshul mdzad pas rtags mtshan dge bar byung zhes rdo rje'i bka' bstsal ba'i smar chos kyi dbang bskur sbyin pa la thog mar maN+Dal phul/_bla ma 'chi med tshe yi dkyil 'khor gyi khyab bdag rig pa 'dzin pa'i dbang phyug la gsol ba gdab pa 'di yi rjes zlos mdzod/_dkyil 'khor rgya mtsho'i gtso bo mchog:_rig 'dzin bla ma bdag la dgongs:_'chi med rtag pa'i tshe sgrub phyir:_ye shes mchog gi dbang bskur stsol:_de yang shul ring gi lam du zhugs pa la 'jigs pa skyobs pa'i ded dpon tshol ba bzhin rdo rje tshe yi dngos grub sgrub pa'i thog mar skyabs kyi mchog dkon mchog rtsa gsum kun 'dus rig 'dzin bla ma'i lha tshogs la bdag gzhan yid can thams cad sgo gsum gus pas byang chub ma thob bar skyabs su mchi snyam pa'i kun slong dang don dam gnas lugs rang ngo shes pa'i skyabs 'gro zung du 'jug pas 'di'i rjes zlos mdzod/_hrIH_rang rig 'od gsal chos kyi sku:_sogs/_srid zhi'i mtha' las 'das pa'i 'chi med rtag pa dam pa'i go 'phang mchog sgrub pa'i phyir rig 'dzin bla ma'i gsang gsum rdo rje tshe yi dkyil 'khor du 'jug ste mkha' khyab kyi yid can gnas skabs dang mthar thug gi sdug bsngal 'jigs tshogs las skyob pa'i slad du sems bskyed par dam bca' ba 'di yi rjes zlos mdzod/_hrIH_mkha' mnyam sems can ma lus kun:_sogs/_tshogs zhing mkha' khyab tu sad pa'i spyan sngar bsags sbyang gi snying po yan lag bdun gyi dmigs rnam la thugs gzhol bas 'di'i rjes zlos mdzod/_hrIH_ye shes dbyings las rang shar lhar:_sogs/_sdom pa bzung ba'i yul skyabs yul mkha' khyab tu sad pa'i spyan sngar bzung bya nges 'byung so thar/_gzhan phan byang sems/_dag mnyam sngags kyi sdom pa rgya mtsho tshul bzhin bzung zhing bsrung bas dgos pa 'gro kun mtha' gnyis las 'das pa'i bla na med pa'i go 'phang la 'god snyam pas 'di'i rjes zlos mdzod/_bde bar gshegs pa khyed ci 'dra/_/de 'dra kho nar bdag gyur cig_/spyod pa rmad byung bsam yas pa/_/'gro la phan phyir bdag gis spyad/_/byang chub sems mchog dam pa dang*/_/sku gsung thugs kyi phyag rgya ni/_/srog gi phyir yang mi gtong na/_/rdo rje rgyal pos byin rlabs mdzod/_/lan gsum/_de dag gi sngon 'gro 'jug pa'i chos rnams grub nas/_dngos gzhi'i dbang bskur ba la/_thog mar dbang gi gzhi 'god pa ye shes dbab pa la sgo gsum gyi gnad bcings te thugs gzhan du ma yengs pas dmigs pa 'di bzhin du mdzod/_slob dpon gyi thugs ka nas 'od zer 'phros/_khyed rang gi gdos bcas phung khams kyi mtshon pa'i ma dag 'khrul rtog gi chos kun stong pa nyid du sbyangs/_stong pa'i ngang las snod bcud dag chen ye shes kyi rol mo 'od gsal bde ba chen po'i bkod pa 'byams klas pa'i dbus su seng khri pad zla'i steng la rang rig hrIHyig dkar gsal yongs su gyur pa las skyabs gnas rtsa gsum rgya mtsho'i khyab bdag 'chi med pad+ma 'od 'bar sku mdog ston zla gsar pa'i mdangs can lang tsho'i mdzes sdug gi gzi byin mtshungs pa med pa zhi 'dzum mtshan dpe'i dpal can dgyes ye re bzhugs pa/_sku la dar gyi sham thabs dang rin chen rus pa'i rgyan phreng gis mdzes par spud pa/_phyag g.yas ye shes lnga ldan gyi mda' dar g.yab cing*/_g.yon pas 'chi med bdud rtsi'i bcud kyis gang ba'i bum bzang dkur brten pa/_zhabs gnyis rdo rje'i skyil mo krung gis 'ja' zer 'od lnga'i sprin phung 'khrigs pa'i klong na bzhugs pa'i pang du bde chen tshe yi dgyes sde lha lcam man+dA ra ba mdzes sdug lang tsho'i brtan pa rgyas pa dang gnyis med sbyor ba'i phyag g.yas mda' dar dang g.yon tshe bum 'dzin pa snang stong sgyu ma'i ye shes sku can gsal ba'i gnas gsum gyi yig 'bru'i 'od zer dang*/_lha dang slob dpon la mos gus drag tu bskyed pa'i byed las kyis phyogs dus rtsa gsum rgyal ba'i zhing rab 'byams na bzhugs pa'i bla ma yi dam sangs rgyas byang sems dpa' bo rnal 'byor rdo rje'i chos skyong ba'i tshogs dang bcas pa lha sngags phyag mtshan gyi rnam pas nam mkha' bar snang sa gzhi khyab par spyan drangs nas gnyis med du thim pas rdo rje gsum gyi ye shes chen po'i byin thob par mos mdzod/_spos rol gdung shugs dbyangs dang bcas te las byang gi byin 'bebs/_hrIH_ka dag dbyings kyi pho brang nas:_sogs sngags bcas brjod pas byin dbab/_tiSh+Tha badz+ras brtan par bya/_de nas dbang dngos la 'chi med tshe yi dbang bzhi zab mos smin par byed pa las/_thog mar tshe 'gugs shing bcud bsdu ba'i slad du thugs dmigs 'di ltar mdzod/_bdag mdun 'chi med pad+ma 'byung gnas su gsal ba las 'od zer bsam gyis mi khyab pa dang*/_lha mo mgyogs ma'i sprul pa nyi zer gyi rdul ltar spros pas khyed rang rnams kyi bla tshe chad nyams yar ba dang*/_'byung ba bzhi'i dwangs ma 'khor 'das kyi bcud dang dge mtshan thams cad 'chi med tshe yi bdud rtsi 'od zer kha dog sna tshogs pa'i rnam par spyan drangs/_khyed rang rnams kyi spyi bo nas zhugs/_lus kyi nang thams cad gang bas 'chi med tshe yi dngos grub thob/_mdun gyi tshe rdzas la thim pas rdo rje tshe'i bcud len du gyur pa'i mos pa mdzod/_ces dang*/_mda' dar g.yab/_hrIH_ka dag dbyings kyi pho brang nas:_sogs tshe 'gugs las byang bzhin brjod/_dbang dngos kyi dang po 'chi med tshe yi bum pa bde chen dbang gi pho brang chen por gyur pa'i nang du tshe yi rig 'dzin brgyud pa rnams gtso 'khor du bzhugs pa/_bdag mdun dkyil 'khor gyi lha yi thugs ka nas spros pa'i tshe yi lha mo rnams kyi phyag na thogs te khyed rang rnams kyi spyi bor dbang bskur bas/_bum nang gi lha'i sku las byung ba'i 'chi med bdud rtsi'i rgyun gyis bum pa khengs/_kha nas lhud kyis lud pa slob ma'i spyi bo'i tshangs bug nas zhugs/_lus kyi nang thams cad gang*/_rtsa khams ye shes kyi d+hU tir dag cing smin pas sku skye 'chi med pa rdo rje tshe yi bum dbang thob/_snang stong mkha' khyab ye shes rdo rje'i sku yi lang tshor smin par byas pa'i mos pa mdzod/_tshe bum spyi bor bzhag la/_hrIH_rin chen bum pa bcud dang ldan:_rig 'dzin tshe yi lha tshogs bzhugs:_skal ldan bu la dbang bskur bas:_'chi med rdo rje'i sku thob shog:_ka la sha a b+hi She ka te sa ma ya shrI ye hU~M:_de dag gis snang bcas phung khams skye mched kyi chos kun 'chi med rtag pa dam pa'i ye shes kyi sku yi dkyil 'khor mchog tu shar ba gzhi bum pa'i dbang gi nus pas mngon du byas pa gong 'phel du bya ba'i phyir lha sku phyag rgya'i dbang bskur ba la/_mdun bskyed lha tshogs rnams las rang 'dra'i ye shes kyi sku gnyis pa re spros nas khyed rang rnams la thim pas 'chi med rdo rje'i sku ru dbang bskur byin gyis brlabs par mos mdzod/_sku tsaka rnams thogs te/_hrIH_'od gsal dbyings kyi pho brang nas/_/'chi med dwangs ma'i mtshan dpe'i gzugs/_/dkyil 'khor kun bdag he ru kaH_thod phreng rtsal gyis dbang bskur ro/__/oM badz+ra ma hA gu ru pad+ma thod phreng rtsal kA ya a b+hi Shiny+tsa hU~M/_hrIH_rdo rje sems dpa' nam mkha' che/_/mchog gi sprul pa'i tshul 'chang ba/_/'chi med ye shes che brnyes pa/_/dga' rab rdo rjes dbang bskur ro/__/oM badz+ra ma hA gu ru pra he badz+ra kA ya a b+hi Shiny+tsa hU~M/_hrIH_ye shes phyag rgya rgya chen dbyings/_/'chi med rdo rje'i sku mchog grub/_/rdo rje'i tshe grub che ba'i mchog_/bi ma mi tras dbang bskur ro/__/oM badz+ra ma hA gu ru bi ma la mi tra kA ya a b+hi Shiny+tsa hU~M/_hrIH_'khor 'das chos kun ye shes kyis/_/zil gnon 'jam dpal grub pa'i mchog_/gsang sngags chos kyi mdzod chen po/_/sangs rgyas ye shes dbang bskur ro/__/oM badz+ra ma hA gu ru dz+nyA na bud+d+ha kA ya a b+hi Shiny+tsa hU~M/_hrIH_bde ba chen po rdo rje'i dbyings/_/mi 'gyur dgongs pa mkha' ltar khyab/_/dpal chen he ru kaHdpal dngos/_/nam mkha'i snying pos dbang bskur ro/__/oM badz+ra ma hA gu ru ga ga na gar+b+ha kA ya a b+hi Shiny+tsa hU~M/_hrIH_sangs rgyas kun gyi bde chen dbyings/_/mchog grub rdo rje dgyes ma'i dpyid/_/'chi med DA ki'i lang tsho grub/_/ye shes mtsho rgyal dbang bskur ro/__/oM badz+ra ma hA gu ru dz+nyA na sa ga ra dza ya kA ya a b+hi Shiny+tsa hU~M/__hrIH_tshogs brgyad ye shes klong sgrol nas/_/rig rtsal dbang gi mchog thob pas/_/rdo rje'i ye shes gzugs smin pa/_/shrI seng has dbang bskur ro/__/oM badz+ra ma hA gu ru shrI seng+ha kA ya a b+hi Shiny+tsa hU~M/_hrIH_'khor 'das chos kun dbyings sdom pa'i/_/bde chen mchog gi phyag rgya grub/_/thugs kyi rdo rje he ru kaH_hU~M kA ra yis dbang bskur ro/__/oM badz+ra ma hA gu ru hU~M kA ra kA ya a b+hi Shiny+tsa hU~M/_hrIH_'chi med rdo rje'i gsang gsum grub/_/zab rgyas chos kyi mig chen po/_/'od gsal dgongs klong mkha' khyab brdal/_/bai ro tsA nas dbang bskur ro/__/oM badz+ra ma hA gu ru bai ro tsA na kA ya a b+hi Shiny+tsa hU~M/_hrIH_rgyal kun ye shes phung po'i gter/_/tshangs chen 'khor los bsgyur chen po/_/bod yul mun sel many+dzu shrI/_/chos rgyal chen pos dbang bskur ro/__/oM badz+ra ma hA gu ru brah+ma de wa puSh+pe kA ya a b+hi Shiny+tsa hU~M/_hrIH_tshad med bde chen phrin las kyis/_/tshar gcod rjes 'dzin dngos grub ster/_/dpal gyi dkyil 'khor sgo skyong tshul/_/dbang chen rigs bzhis dbang bskur ro/__/hrIHbadz+ra rat+na pad+ma karma ha ya gr-I wa kA ya a b+hi Shiny+tsa hU~M/_kun mkhyen 'jam dbyangs bla mar thog ma'i chos sgo 'byed pa'i skabs rdo rje gsum gyi dbang bskur mtha' rten du sbyor na legs zhes bka' bstsal bzhin rang tshig gis bris te kha sab byas pa'o/__/de dag gis snang bcas mtshan ma'i dkyil 'khor du sgrub pa'i rdzas la brten te/_sku bum pa'i dbang bskur bas/_dag bya lus kyi sgrib pa phra rags dag_/bskyed bzlas phrin las dang bcas pa lam du byed pa la dbang*/_'bras bu skye 'chi med pa rdo rje'i sku yi tshe dang sprul pa'i sku thob pa'i skal pa can du byas pa'o/__/de ltar bum dbang mtha' rten dang bcas pas lus sku rdo rjer byin brlabs brtan pa'i phyir 'di ltar snang ba'i snod kyi 'jig rten 'chi med pad+ma drwa ba/_bcud kyi skye 'gro thams cad rig 'dzin bla ma'i dkyil 'khor du shar bas/_snang grags rig pa'i chos thams cad rig 'dzin bla ma'i sku gsung thugs rdo rje gsum gyi ye shes chen po'i rnam rol snod bcud dag pa lha'i dkyil 'khor rten dang brten par bcas pa'i ngo bor sad par mos la de'i gsal snang la cung zad mnyam par zhog cig_/ces bskul la gsal snang la sems bzung*/_gnyis pa gsang dbang ni/_tshe yi rig 'dzin thams cad rang 'od shes rab kyi phyag rgya dang gnyis med bde ba chen pos sbyor ba'i sems sprin gyis sangs rgyas thams cad kyang rjes chags chen po'i gnas la bskul te yab yum sbyor ba'i byang chub sems kyi rgyun dang chabs cig 'khor 'das brtan g.yo'i dwangs ma'i thig le'i zegs ma 'dus pa b+hany+dza'i bdud rtsi dang ro gcig tu gyur ba'i shes rab tshe yi btung ba ljags la byin pas gsang dbang bskur bar mos mdzod/_hrIH_ye shes bdud rtsi bcud chen po:_rgyal kun bde chen zhu ba'i bcud:_rtog pa bral bas rol pa'i mthus:_rlung sngags gzhom med srog thob shog:_a mr-i ta a b+hi Shiny+tsa AH_bdud rtsi myang du gzhug_/mgrin pa nas thig le 'phel bas rtsa khams thams cad gang*/_dug gsum gyi rtog pa 'gags/_zhu bde lhan skyes kyi ye shes nyams su myong ba gsang dbang gi ye shes te/_de'i ngo bo gsal stong rnam par mi rtog pa'i ngang du dar gcig mnyam par 'jog 'tshal/_rjes 'brel gsung bzlas pa'i lung sbyin pa'i slad du/_mdun bskyed rig 'dzin bla ma pad+ma thod phreng rtsal gyi thugs kar pad zla'i steng gser gyi rdo rje rtse lnga pa'i lte bar zla gdan hrIHyig dkar gsal gyi mtha' bskor sngags kyi phreng bas bskor ba la sems gtad de dad mos byas pas/_thugs ka'i sngags phreng las gnyis pa byung*/_'gal me'i 'khor lo ltar brgyud pa zhal nas thon/_slob ma lhar gsal ba'i zhal du zhugs/_thugs kar son pa dang pad zlar gser gyi rdo rje'i lte bar zla ba la gnas pa'i hrIHyig sngags phreng dang bcas par gyur nas bkra lam gyis gsal ba la sems gtad de bsnyen pa'i bzlas pa 'di'i rjes zlos lan gsum mdzod/_oM AHhU~M badz+ra gu ru pad+ma A yur+dz+nyA na sid+d+hi hU~M:_slar yang mdun bskyed rig 'dzin gtso 'khor gyi thugs srog hrIHla sgrub pa'i sngags kyis bskor ba las 'od zer spro bsdus don gnyis byas shing snang grags rig pa rig 'dzin sgyu 'phrul drwa ba'i rdo rje'i gsang ba gsum gyi dkyil 'khor 'khor lor sad par mos la sgrub sngags lan gsum rjes zlos mdzod/_oM AHhU~M badz+ra ma hA gu ru A yur+dz+nyA na sarba sid+d+hi hU~M:_slar yang lha tshogs thams cad kyi thugs ka nas 'od zer gyi phreng ba dkar ser dmar ljang mthing ga lngas phrin las bzhi mthar phyin pa'i dngos grub stsol bar mos la las sbyor gyi sngags 'di'i rjes zlos lan gsum mdzod/_sgrub sngags mthar las bzhi'i sham bu la/_shAn+tiM ku ru hU~M:_puSh+TiM ku ru oM:_wA shaM ku ru hrIH_mA ra ya phaT:_de dag gi nus pa brtan par bya ba'i phyir gsung sngags kyi phreng ba mgrin par bzhag ste dbang bskur bar mos mdzod/_hrIH_thabs shes e waM sdom pa'i rgyud/_/rdo rje'i gsang ba sngags mchog gis/_/rigs kyi bu la dbang bskur bas/_/grags stong rdo rje'i gsung 'grub shog_/oM badz+ra ma hA gu ru wAka man+t+ra mA la a b+hi Shiny+tsa AH_de dag gis nang byang chub sems kyi dkyil 'khor du zhu bde'i rdzas la brten nas gsang ba'i dbang mtha' rten dang bcas pa bskur bas dag bya ngag gi sgrib pa dag_/rlung sems sgyu ma lta bu'i bdag byin brlab pa'i rnal 'byor bsgom pa la dbang*/_'bras bu gsung gzhom gzhig bral ba'i rdo rje nA da'i tshe dang longs sku thob pa'i skal ba can du byas pa'o/__/de ltar gsang dbang mtha' rten dang bcas pas ngag gsung rdo rjer byin brlabs brtan pa'i phyir rang lus thabs ldan gyi lam 'bar 'dzag gis tshe bcud bsdu bstim gyi dmigs pa 'di ltar mdzod/_rang nyid 'chi med pad+ma 'byung gnas yab yum du bsgom pa'i sku dbus a wa d+hU ti mtshan nyid bzhi ldan 'khor lo bzhi dang bcas pa gsal ba'i g.yas g.yon du ro rkyang gi mar sne dbu ma'i sbubs su chud pa'i stong ra legs par gsal ba'i yar sne sna bug tu zug pa las dug gsum gyi rlung ro sol mdzod/_rlung ro gsum bsal/_slar yang steng rlung rngub pas lte ba'i gtum mo bskul te 'bar/_'khor lo bzhi brgyud/_spyi bo'i ha~M la reg pas zhu bde'i nyams rgyas bdud rtsi'i dwangs ma gnas nas g.yos/_yas bab kyi dga' bzhi nyams su myong*/_bde ba'i 'od kyis brtan g.yo kun la khyab/_bde chen dwangs ma'i bcud du zhu ba rang gi sgo gsum la sib kyis thim pas rtsa rlung thig le'i khams nyams pa gsos/_rlung yo ba bsrang*/_'pho med bde ba chen po'i lang tsho thob/_dkar dmar gyi dwangs ma thams cad mi shigs thig le'i klong du rgyas btab par bsam la drag rlung bum pa can la gnad du bsnun par mdzod cig_/dpon slob kun nas bum can bdun nam gsum bzung la dmigs pa gcun/_gsum pa shes rab ye shes kyi dbang bskur ba la/_bde stong gnyis su med pa'i dwangs ma'i dkar dmar gyi thig le tshe yi dngos grub sbyin pa'i ril bu byin pa rdo rje'i lce yi lam brgyud snying gar son pas bde stong ye shes chen po'i dgongs pa'i rtsal 'byong zhu bde rjes chags kyi nyams rgyas/_lhan skyes nam mkha' lta bu'i don gyi ye shes 'dren byed dpe'i ye shes nyams su myong bar mos shig_/tshe ril sbyin la/_hrIH_rdo rje mi shigs srog gi khams:_thig le'i dwangs ma ril bur 'dril:_ye shes sems dpa'i tshul nyid du:_tsit+ta'i dbus su brtan par bzhugs:_sa ma ya dz+nyA na hrIHhrIHhrI:_thugs ye shes kyi phyag rgya'i nus pa brtan pa'i phyir/_rig 'dzin bla ma'i thugs ka nas ye shes rdo rje'i bdag nyid phyag mtshan gyi rnam par byung*/_snying gar thim pas ril bu dang dbyer med gyur nas pad zla'i steng du rdo rje rtse lnga'i lte bar hrIHla thim pas thugs rnam par mi rtog pa'i gnas lugs mngon sum du rtogs par mos mdzod/_phyag mtshan rdo rje snying gar bzhag la/_hrIH_gnyis su med pa'i ye shes ni/_/mi phyed rdo rje'i phyag rgyar shar/_/bu yi snying gar bzhag pa yis/_/don gyi gnas lugs rtogs par shog_/oM badz+ra ma hA gu ru tsit+ta badz+ra a b+hi Shiny+tsa hU~M/_des phyag rgya b+ha ga'i dkyil 'khor du kha sbyor gyi bde ba la brten nas/_gsum pa shes rab ye shes kyi dbang bskur bas dag bya yid kyi sgrib pa dag_/'pho med bde ba chen po'i ye shes lam du byed pa sna tshogs gzugs kyi phyag rgya bsten pa la dbang*/_'bras bu thugs g.yo 'khrul med pa chos sku thob pa'i skal ba can du byas pa'o/__/de ltar sher dbang gis yid thugs rdo rjer byin brlabs brtan pa'i phyir gzhan lus mnyam sbyor gyi dmigs pas tshe bcud bsdu ba'i ting 'dzin ni/_slob ma rang nyid 'chi med pad+ma thod phreng du gsal ba'i pang du rang 'od kyi phyag rgya man+da ra ba gzhon mdzes lang tsho'i mdzes pa rmad du byung ba'i mkha' gsang rdo rje pad+ma sbyor zhing reg pa'i bde bas bde stong lhan skyes kyi de nyid mngon du bya'o snyam pa'i 'du shes gsum gyis snyoms par zhugs pa'i rkyen gyis sku dang sbyor mtshams nas byung ba'i 'od zer gyis/_brtan g.yo srid zhi'i dwangs ma bde stong rdo rje'i sprin du bzhus pa'i bcud thams cad rtsa rlung thig le'i khams la thim pas tshe nyams gud gsos/_lus kyi zungs dang sems kyi stobs rgyas pa'i bde stong gi rtsal shugs drag tu 'bar nas yas bab dang mas brtan gyi dga' bzhi lugs 'byung ldog gi rim pa nyams su myong*/_dpe la brten nas don gyi ye shes rgyud la 'dren pa'i dmigs pa gsal thob mdzod/_ces dmigs pa 'dzin du bcug_/bzhi pa tshig dbang rin po che'i ngo sprod 'bog pa la/_tshe mda' spyi bor rgya gram du bzhag ste rgyas btab pas/_khyed rnams kyi lus mi shigs rdo rje'i go chas g.yogs/_dwangs ma'i rtsa rlung thig le'i bcud bde chen 'od gsal gyi srog tu bstim/_gnyug ma mi 'gyur rig pa'i rang ngo skye 'chi'i mtshan ma gdod nas ma grub pa ye shes rdo rje 'chi med gnyug ma'i don la mnyam par 'jog mdzod/_aH_phyogs bcur spros pa'i khyab brdal tshe:_gnyug ma'i thig ler ro gcig bstim:_'du 'bral med pa'i chos nyid klong:_rig stong ye shes dgongs par a:_tshe mda' spyi bor bkod la mnyam nyid kyi lta bas rgyas btab/_dpon slob kun rig stong ye shes kyi dgongs pa la mnyam par zhog la rdo rje'i tshig 'dis ngo sprod gdab par mos mdzod/_ka dag rang byung dbyings kyi klong*/_/lhun grub thig le brdal ba che/_/gnyis med don gyi dgongs pa 'di/_/gdod nas 'pho 'gyur med par bzhugs/_d+harma d+hA tu dz+nyA na aH_zhes dgongs pa bskyangs pas/_snod bcud thams cad 'od du mer gyis zhu nas chos nyid stong pa'i ngang du 'ja' yal ba ltar song bar bsam la cung zad mnyam par bzhag_/slar yang snang grags rig gsum dag pa'i lha sngags ye shes kyi rol par lam gyis shar bar mos shig_/des don dam byang chub sems kyi dkyil 'khor du brda don thabs la brten nas bzhi pa tshig gi dbang bskur bas dag bya shes bya'i sgrib pa dag_/zung 'jug mi gnas phyag rgya chen po'i ting 'dzin sgom pa la dbang*/_'bras bu bde chen ye shes ngo bo nyid sku 'grub pa'i skal ba can du byas pa'o/__/rjes shis pa brjod cing dam tshig khas blang gtang rag yon 'bul dge bsngo bcas spyi ltar bya/_slob ma rnams rang gnas su btang*/_slob dpon gyis lhag ma nas brtsams cho ga'i rjes kyi las rim mthar dbyung bas grub pa'o/__/'dir ni gsang ba gzhan ltar smin slob kyi dbang du byas kyi/_thun mong gi gdul bya dang bskyed rim gyi bsnyen sgrub gtso bor don du gnyer ba la dbang bzhi so so'i mtha' rten gyi dmigs pa rnams ma sbyar kyang rung ngo*/__/'chi med rig 'dzin bla ma'i rdo rje'i tshe'i/_/'chi med dngos grub dpal la spyod byed dbang*/_/'chi med gara~M dba~Mng ma~Mdo sngaga~Ms glinga~M pas sbyar/_/'chi med grub pa'i dga' ston rgyas gyur cig_/ces byin rlabs kyi rtsa ba rig 'dzin bla ma 'dus pa'i dkyil 'khor gyi smin lam dbang gi phreng ba'i le'u tshan dang po'o/__!__'od mtshan stong 'bar mtshan gyi nyin byed rdul/_/reg pa tsam gyis tshe dang ye shes kyi/_/bdud rtsis dge bar byed pa'i grags snyan sprin/_/rab 'byams rgyal ba'i zhing mdzes 'dren pa rgyal/_/gang gi thugs rje'i dpal gyi 'dab ma las/_/dngos grub gru char 'jo bas kun dga'i dpyid/_/sbyin byed rdo rje theg pa'i 'jug sgo'i phul/_/rim pa dbang gi cho ga gsar pa dbye/_/'di la gnyis/_dang po sbyor ba yo byad kyi bsham bkod ni/_gang du bya ba'i gnas khang byi dor rgyan bkod spras pa'i gung du gzhung mthun rten gyi spyan sngar rdul tshon nam ras bris kyi pad+ma 'dab brgyad mdzes tshon bris pa'i lte bar many+dzi'i steng bum pa nyer lnga'i bcud ldan/_mgul chings dmar po kha rgyan gzungs rdor dung zhal bcas bkod/_mdun du sku tsaka_/gzungs mdo'am sngags byang*/_thugs rten mchod sdong tshe gzungs kyi nang gzhug can/_nor bu'i dbu rgyan/_bkra shis rdzas rtags rgyal srid bdun gyi tsakli bcas bsham/_tshe dbang dang 'brel na/_tshe bum/_tshe ril/_'o ma'i tshe chang*/_tshe mda' bcas bum pa'i mdun du bkod/_nyer spyod kyi mchod pas g.yas su bskor/_zhi gtor dmar po dkar mngar zas snas bskor ba dang*/_mtha' bskor du mar me sogs mchod rdzas rigs brgya rtsa brgyad 'byor na legs/_khrus chas mchod pa'i maN+Dal dri bzang gis sbag pa'i 'bru bcas 'du byas la phyi sgrub kyi las byang gzhung bsrangs bsnyen pa grub pa dang gzungs bum la dmigs te/_a:_mdun du rin chen bum pa che:_mtshan nyid rdzogs pa'i gzhal yas khang:_bdud rtsi'i rgya mtsho yangs pa'i dbus:_pad+ma'i sdong bu 'dab rgyas steng:_hrIHlas bcom ldan tshe dpag med:_snang mtha' yas pa sprul sku'i chas:_dmar ser mtshan dpe'i gzi byin 'bar:_zhabs gnyis rdo rje'i skyil krung bzhugs:_sku la chos gos rnam gsum gsol:_phyag gnyis mnyam bzhag phyag rgya'i steng:_bum pa bdud rtsis gang ba bsnams:_shin tu zhi 'dzum dgyes pa'i tshul:_snang stong 'od kyi phung por gsal:_thugs kar zla steng hrIHyig mthar:_sngags kyi phreng bas bskor bar gsal:_rtse gcig gsol ba btab pa yi:_sku las ye shes 'od kyi phreng:_bdud rtsi'i zegs ma char ltar brul:_bum pa'i gzungs chab la thim nas:_nad gdon sdig sgrib kun sel byed:_ye shes ngo bor byin brlabs bsam:_mtshan brgya rtsa brgyad pa'i gzungs ci nus bzlas mthar/_dmigs bsal tshe sgrub sbyor na/_bdag thugs 'od kyis mdun bskyed thugs rgyud bskul/_/lha tshogs sku yi 'od kyis zhing kun khyab/_/bdag gi bla tshe chad nyams yar ba dang*/_/'byung bzhi'i dwangs bcud 'khor 'das thams cad kyi/_/tshe bsod dpal 'byor ye shes yon tan kun/_/'od zer sna lnga'i rnam par spyan drangs la/_/mdun gyi tshe rdzas rang gi sgo gsum thim/_/nad gdon sdig sgrib 'chi ba'i rgyu 'bras sbyangs/_/bla tshe chad nyams yar ba rang sor chud/_/tshe bsod dpal 'byor lung rtogs yon tan rgyas/_/'chi med gnyug ma'i go 'phang thob par gyur/_/zhes sbyar la tshe gzungs bzla/_dbang gi skabs 'byung ba'i tshe 'gugs kyang sbyar na legs/_gang ltar yang mthar mchod bstod ni/_ji ltar 'jam dbyangs la sogs pas/_/rgyal ba rnams la mchod mdzad pa/_/de bzhin bdag gis de bzhin gshegs/_/mgon po sras dang bcas rnams mchod/_/yon tan rgya mtsho rnams la bdag_/bstod dbyangs yan lag rgya mtshos bstod/_/bstod dbyangs snyan sprin de dag las/_/nges par kun tu 'byung gyur cig_/mchod yon/_oM AHhU~M gis phul bas/_lha 'od du zhu ba bum chu la thim pas ye shes bdud rtsi'i chu rgyun sangs rgyas kyi phrin las thogs med du sgrub pa'i nus pa dang ldan par gyur/_ces brjod/_oM ha ya gr-I ba hU~M phaT/_ci nus bzlas pas las bum gyi chu byin gyis brlab/_dbang len gyi dmigs pa ni/_mdun bskyed lha tshogs rnams las sku dang sngags phreng phyag mtshan gyi rnam pa'i 'od zer bar ma chad pa byon te rang gi gnas gsum du thim pas rdo rje gsum gyi dbang dang byin rlabs dngos grub ma lus pa thob par mos la/_oM:_bcom ldan mgon po snang mtha' yas:_dkyil 'khor lha tshogs bsam yas pa'i:_sku gsung thugs yon phrin las kyi:_ye shes dbyings su bdag sbyor cig:_ces gsol ba gdab pas gsang ba gsum dbyer med du gyur par mos/_gnyis pa dbang gi las rim dngos ni/_slob ma rnams/_ji ltar bltams pa sogs dang las sngags brjod pas khrus bya/_bgegs gtor byin brlab ni/_oM ha ya gr-I ba hU~M phaTaH_kyis bsang*/_swa b+hA was sbyang*/_stong pa'i ngang las b+h+rU~M las rin po che'i snod yangs shing rgya che bar gtor ma kha dog dri ro nus pa phun sum tshogs par gyur/_oM AHhU~M/_lan gsum gyis brlab/_oM sarba b+hU ta A kar+Sha ya dzaH_sa mgron bkug__oM sarba big+h+nAn ba liM ta khA hi/_lan gsum gyis bsngo/_dkon mchog gsum gyi bden pa dang*/_sangs rgyas dang byang chub sems dpa' thams cad kyi byin gyis rlabs dang*/_tshogs gnyis yongs su rdzogs pa'i mnga' thang chen po dang*/_chos kyi dbyings rnam par dag cing bsam gyis mi khyab pa'i stobs kyis deng 'dir slob ma rjes su 'dzin pa'i cho ga bgyi ba la bar du gcod pa'i gdon bgegs thams cad gtor ma 'dis tshim par gyis la dpag tshad dang rgyang grags su ma gnas par gzhan du song zhig_/ces dang*/_oM ha ya gr-I ba hU~M phaTaH_dang*/_sum b+ha sogs brjod pas bskrad/_oM badz+ra rak+Sha rak+Sha b+h+ru~MH_phyogs mtshams steng 'og thams cad rdo rje srung ba'i gur khang yangs shing rgya che ba cis kyang ma chod mi shigs par gyur par bsam/_'o rang gzhan yid can thams cad srid zhi'i mtha' gnyis la mi gnas pa'i byang chub chen po'i go 'phang thob par bya ba'i slad du dbang bskur zab mo gsan par bya snyam pa'i thugs bskyed dang*/_chos gsan pa'i kun tu spyod pa rnams kyang ma nor bar legs par gsal btab ste gsan 'tshal/_de la bcom ldan 'das mgon po 'od dpag tu med pa nyid nges pa'i don du sangs rgyas thams cad kyi gsung rdo rje gar gyi dbang phyug pad+ma rigs kyi 'khor los bsgyur ba chen po ste/_'od gsal rdo rje snying po'i zhing du chos sku 'od mi 'gyur ba de nyid longs sku tshangs pa rnga sgra'i zhing gi bkod pa chen po'i sku dang ye shes kyi zhing khams rgya mtsho la mnga' dbang bsgyur zhing*/_thun mong mdo yi skabs su sngon byang chub kyi spyod pa spyad pa na/_de bzhin gshegs pa 'jig rten dbang phyug rgyal po'i spyan sngar sangs rgyas kyi zhing yongs su bzung ba'i thugs bskyed dang smon lam gyi dam bca' rlabs po che mdzad par gsungs shing*/_da lta dag pa'i zhing mchog bde ba can du 'tsho zhing gzhes la chos kyang ston pa'i sangs rgyas 'di'i mtshan tsam thos pas kyang dus ma yin pa'i 'chi ba'i 'jigs pa las skyobs pa dang*/_lo brgya yi bar du 'tsho ba dang*/_bud med kyi lus kyi tha mar 'gyur ba dang*/_tshe rabs thams cad du zhing bzang por skye ba dang*/_bsod nams kyi dngos po rgya cher bskrun pa sogs thugs bskyed dang smon lam bsam gyis mi khyab pa dang*/_gsang sngags kyi rgyud sde chen po bzhir pad+ma'i rigs kyi gtso bo'i tshul du sgrub pa'i thabs mtha' klas pa zhig gsungs pa las/_'dir slob dpon chen po dze tA ri dgra las rnam par rgyal ba'i lugs kyi tshe dpag med lha dgu pa'i dkyil 'khor dang*/_gsung rdo rje pad+ma sam b+ha ba'i thugs bcud chu bo gcig 'dres su gyur pa tshe sgrub pad+ma'i snying thig ces pad+ma gar dbang 'od gsal mdo sngags gling pa'i dgongs gter du bka' babs pa las/_rtsa ba gsum gyi sgo nas rdo rje'i tshe yi sgrub thabs kyi skor zab rgyas su bzhugs pa las dngos grub kyi rtsa ba yi dam gyi sgrub thabs kyi nang gses thog ma phyi sgrub tshe 'od dpag med sprul sku lha dgu pa'i dkyil 'khor du slob ma rjes 'dzin gyi rim pa la slob dpon gyi bya ba grub nas/_khyed rang rnams kyi ngo skal du gyur pa thog mar maN+Dal phul mdzod/_ces brda sbyar la maN+Dal 'bul du gzhug__de nas dbang gi snod rung du rgyud yongs su dag par byed pa la mthun rkyen sgrub pa dang 'gal rkyen bsal ba gnyis las/_dang po'i don du thog mar gsol ba 'debs pa 'di'i rjes zlos mdzod/_mgon po dkyil 'khor dbang phyug dgongs:_bdag ni nges par rdo rje'i rigs:_skal pa bzang po'i snod ldan phyir:_bdag cag yang dag smin par mdzod:_lan gsum/_de ltar gsol ba btab pas mdun rten dang dbyer med du bzhugs pa'i bcom ldan 'das tshe 'od dpag med la sangs rgyas dang byang sems dkyil 'khor gyi lha tshogs rnams kyis bskor ba'i spyan sngar bdag sogs sems can thams cad 'khod pa sgo gsum gus pa chen pos 'di nas byang chub snying po'i bar skyabs su mchi snyam pa dang*/_pha mar gyur pa'i sems can thams cad kyang rdzogs pa'i byang chub chen po'i go 'phang la 'god par bya ba'i phyir gsang sngags kyi dkyil 'khor du 'jug nas byang chub sems dpa'i spyod pa rgya chen po la slob snyam pas 'di'i rjes zlos lan gsum mdzod/_dkon mchog gsum la bdag skyabs mchi/_sogs/_gnyis pa 'gal rkyen bsal ba'i slad du nyes tshogs zhi byed khrus kyi cho ga bgyid pa la bkru byabs srung gsum las/_dang po'i slad du khyed rang rnams tha mal du gnas pa la dkyil 'khor gyi lha yi thugs ka nas spros pa'i rig pa'i lha mo rnams kyi phyag na rin po che'i bum pa dag byed bdud rtsi'i rgyun gyis gang ba bsnams te spyi bo nas khrus mdzad pas 'chi med tshe yi 'gal rkyen mi mthun phyogs dang nad gdon sdig sgrib thams cad nag nyil gyis phyi rol du thon nas lus shel bum bdud rtsis gang ba ltar gyur par mos shig_/gzungs bum gyis bkrus te/_hU~M:_bdud las rnam rgyal byang chub chus:_deng 'dir khyod la khrus bgyis pas:_rnam rtog dri ma kun byang ste:_mi mthun phyogs rnams zhi gyur cig:_tshe gzungs mthar/_sdig pa dang sgrib pa thams cad shAn+tiM ku ru swA hA:_nad rims thams cad shAn+tiM ku ru swA hA:_gdon bgegs thams cad shAn+tiM ku ru swA hA:_dus ma yin par 'chi ba thams cad shAn+tiM ku ru swA hA:_rmi ltas mtshan ma ngan pa thams cad shAn+tiM ku ru swA hA:_grib dang mi gtsang ba thams cad shAn+tiM ku ru swA hA:_byad phur rbod gtong thams cad shAn+tiM ku ru swA hA:_mi mthun pa'i phyogs thams cad shAn+tiM ku ru swA hA:_'di ni sbyin pa'i rang bzhin chu/_/ser sna'i dri ma sbyong mdzad pa/_/gtong ba dri yis legs bgos chu/_khrus legs mdzad kyis khrus bgyi'o/_/tshe gzungs/_sdig pa dang sgrib pa thams cad shAn+tiM ku ru swA hA:_nad rims thams cad shAn+tiM ku ru swA hA:_gdon bgegs thams cad shAn+tiM ku ru swA hA:_dus ma yin par 'chi ba thams cad shAn+tiM ku ru swA hA:_rmi ltas mtshan ma ngan pa thams cad shAn+tiM ku ru swA hA:_grib dang mi gtsang ba thams cad shAn+tiM ku ru swA hA:_byad phur rbod gtong thams cad shAn+tiM ku ru swA hA:_mi mthun pa'i phyogs thams cad shAn+tiM ku ru swA hA:_'di ni tshul khrims rang bzhin chu/_/khrims 'chal dri ma sbyongs mdzad pa/_/tshul khrims dri yis legs bgos chu/_/khrus legs mdzad kyis khrus bgyi'o/_/tshe gzungs/_sdig pa dang sgrib pa thams cad shAn+tiM ku ru swA hA:_nad rims thams cad shAn+tiM ku ru swA hA:_gdon bgegs thams cad shAn+tiM ku ru swA hA:_dus ma yin par 'chi ba thams cad shAn+tiM ku ru swA hA:_rmi ltas mtshan ma ngan pa thams cad shAn+tiM ku ru swA hA:_grib dang mi gtsang ba thams cad shAn+tiM ku ru swA hA:_byad phur rbod gtong thams cad shAn+tiM ku ru swA hA:_mi mthun pa'i phyogs thams cad shAn+tiM ku ru swA hA:_'di ni bzod pa'i rang bzhin chu/_/khong khro'i dri ma sbyong mdzad pa/_/bzod pa dri yis legs bgos chu/_/khrus legs mdzad kyis khrus bgyi'o/_/tshe gzungs/_sdig pa dang sgrib pa thams cad shAn+tiM ku ru swA hA:_nad rims thams cad shAn+tiM ku ru swA hA:_gdon bgegs thams cad shAn+tiM ku ru swA hA:_dus ma yin par 'chi ba thams cad shAn+tiM ku ru swA hA:_rmi ltas mtshan ma ngan pa thams cad shAn+tiM ku ru swA hA:_grib dang mi gtsang ba thams cad shAn+tiM ku ru swA hA:_byad phur rbod gtong thams cad shAn+tiM ku ru swA hA:_mi mthun pa'i phyogs thams cad shAn+tiM ku ru swA hA:_'di ni brtson 'grus rang bzhin chu/_/le lo'i dri ma sbyong mdzad pa/_/brtson 'grus dri yis legs bgos chu/_/khrus legs mdzad kyis khrus bgyi'o/_/tshe gzungs/_sdig pa dang sgrib pa thams cad shAn+tiM ku ru swA hA:_nad rims thams cad shAn+tiM ku ru swA hA:_gdon bgegs thams cad shAn+tiM ku ru swA hA:_dus ma yin par 'chi ba thams cad shAn+tiM ku ru swA hA:_rmi ltas mtshan ma ngan pa thams cad shAn+tiM ku ru swA hA:_grib dang mi gtsang ba thams cad shAn+tiM ku ru swA hA:_byad phur rbod gtong thams cad shAn+tiM ku ru swA hA:_mi mthun pa'i phyogs thams cad shAn+tiM ku ru swA hA:_'di ni bsam gtan rang bzhin chu/_/rnam g.yeng dri ma sbyong mdzad pa/_/bsam gtan dri yis legs bgos chu/_/khrus legs mdzad kyis khrus bgyi'o/_/tshe gzungs/_sdig pa dang sgrib pa thams cad shAn+tiM ku ru swA hA:_nad rims thams cad shAn+tiM ku ru swA hA:_gdon bgegs thams cad shAn+tiM ku ru swA hA:_dus ma yin par 'chi ba thams cad shAn+tiM ku ru swA hA:_rmi ltas mtshan ma ngan pa thams cad shAn+tiM ku ru swA hA:_grib dang mi gtsang ba thams cad shAn+tiM ku ru swA hA:_byad phur rbod gtong thams cad shAn+tiM ku ru swA hA:_mi mthun pa'i phyogs thams cad shAn+tiM ku ru swA hA:_'di ni shes rab rang bzhin chu/_/shes 'chal dri ma sbyong mdzad pa/_/shes rab dri yis legs bgos chu/_/khrus legs mdzad kyis khrus bgyi'o/_/tshe gzungs/_sdig pa dang sgrib pa thams cad shAn+tiM ku ru swA hA:_nad rims thams cad shAn+tiM ku ru swA hA:_gdon bgegs thams cad shAn+tiM ku ru swA hA:_dus ma yin par 'chi ba thams cad shAn+tiM ku ru swA hA:_rmi ltas mtshan ma ngan pa thams cad shAn+tiM ku ru swA hA:_grib dang mi gtsang ba thams cad shAn+tiM ku ru swA hA:_byad phur rbod gtong thams cad shAn+tiM ku ru swA hA:_mi mthun pa'i phyogs thams cad shAn+tiM ku ru swA hA:_gnyis pa byabs pa'i slad du/_ku sha'i chun po rma bya'i sgro g.yab dang bcas pa'i dbus su zla ba la gnas pa'i hU~M la gzungs sngags rnams kyis bskor ba las 'od dang rlung byung bas bsgrub bya'i sgo gsum gyi nad gdon thams cad du ba rlung gis bdas pa ltar khrus chu la shar ba'i gzugs la spo ba'i tshul du thim par gyur par bsam la/_hU~M:_dkon mchog gsum gyi bden pa dang:_rtsa ba gsum gyi byin rlabs kyis:_bsgrub bya'i nad gdon sdig sgrib dang:_grib dang mi gtsang dus min 'chi:_byad phur rbod gtong la sogs pa:_mi mthun phyogs kun dag gyur cig:_nyi zla gza' las grol ba bzhin:_zhi dang bkra shis bde legs mdzod:_tshe gzungs mthar/_sdig pa dang sgrib pa thams cad a pa na ye swA hA:_nad rims thams cad a pa na ye swA hA:_gdon bgegs thams cad a pa na ye swA hA:_dus ma yin par 'chi ba thams cad a pa na ye swA hA:_rmi ltas mtshan ma ngan pa thams cad a pa na ye swA hA:_grib dang mi gtsang ba thams cad a pa na ye swA hA:_byad phur rbod gtong thams cad a pa na ye swA hA:_mi mthun pa'i phyogs thams cad a pa na ye swA hA:_zhes btags la ku sha dang rma byas byab bo/_/de ltar bkrus shing byabs pas sgo gsum gyi nyes sgrib byang ste lus 'od kyi rang bzhin du gyur pa la srung ba'i slad du phyag mtshan rdo rje las rdo rje grangs med par 'phros/_lus kyi phyi nang thams cad rdo rje'i rdul phra rab kyis gtams pas cis kyang mi tshugs pa'i rang bzhin du gyur par bsam mo/_hU~M:_ma skyes 'jig pa med pa yi:_ye shes rdo rje'i go cha ches:_lus ngag yid la rgyas btab pas:_mi mthun phyogs kun srung gyur cig:_tshe gzungs mthar/_sdig pa dang sgrib pa thams cad rak+Sha rak+Sha swA hA:_nad rims thams cad rak+Sha rak+Sha swA hA:__gdon bgegs thams cad rak+Sha rak+Sha swA hA:_dus ma yin par 'chi ba thams cad rak+Sha rak+Sha swA hA:_rmi ltas mtshan ma ngan pa thams cad rak+Sha rak+Sha swA hA:_grib dang mi gtsang ba thams cad rak+Sha rak+Sha swA hA:_byad phur rbod gtong thams cad rak+Sha rak+Sha swA hA:_mi mthun pa'i phyogs thams cad rak+Sha rak+Sha swA hA:_zhes gnas gsum du rdo rje rgya gram du btab bo/__/de nas dbang dngos la thog mar dbang gi gzhi 'god pa'i slad du thugs dmigs 'di bzhin mdzod/_oM ma hA shU n+ya tA dz+nyA na badz+ra swa b+hA wa at+ma ko\u0f85 haM/_snod bcud slob ma'i phung khams dang bcas pa mi dmigs pa stong par sbyangs/_stong pa'i ngang las snod rnam par dag pa ngo mtshar bde chen pad+mo bkod pa'i zhing gi dbus su rma bya chen po brgyad kyis btegs pa'i rin po che'i khri dang pad zla'i steng du bcud rnam par dag pa lha yi phyag rgya sgrub pa'i slad du khyed rnams kyi sems nyid kyi ngo bo thugs srog hrIHyig dmar po yongs su gyur pa las bcom ldan 'das tshe dang ye shes 'od dpag tu med pa'i mgon po sku mdog dmar po bye ru'i lhun po la nyin byed bye bas 'khyud pa lta bu'i mtshan dpe'i gzi byin rab tu rgyas pa'i sku la chos gos rnam gsum gser gyi kha dog lta bus mdzes par bklubs pa'i phyag gnyis mnyam bzhag gi phyag rgya'i steng rin po che bai DUr+Ya'i lhung bzed 'chi med ye shes kyi bdud rtsis mdzes par gang ba 'dzin pa zhabs gnyis rdo rje'i skyil mo krung gis bzhugs pa'i sku las byung ba'i ye shes kyi snang ba chen po'i zhing rab 'byams khyab par brdal ba'i bdag nyid can gyi gnas gsum rdo rje'i yig 'bru gsum gyis mtshan pa can du gsal thob mdzod/_rgyud rnam par dag pa ye shes lha yi gzi byin dbab pa'i slad du/_khyed rnams kyis slob dpon dkyil 'khor gyi lha tshogs gnyis su med pa la mos gus shugs drag tu bskyed pas dkyil 'khor pa'i gnas gsum nas ye shes kyi snang ba mtha' klas pa spros te nub phyogs bde ldan pad+mo bkod pa'i zhing sogs phyogs bcu'i zhing rab 'byams na bzhugs pa'i bla ma rgyal ba sras dang bcas pa'i thugs rgyud rang dbang med par bskul nas gsung rdo rje 'od snang mtha' yas pa'i sku sngags phyag mtshan gyi rnam pa kha ba bu yug 'tshubs pa bzhin byon nas khyed rang rnams la thim pas sku gsung thugs ye shes rdo rje'i dbang dang byin rlabs dngos grub thams cad thob nas tshe dang ye shes kyi snang ba 'dod dgur rgyas par mos mdzod cig_/spos dang rol mo'i sgras bskul te/_oM/_ma lus sems can kun gyi mgon sogs/_tshe gzungs mthar/_dz+nyA na a be sha ya a a/_brjod pas byin dbab/_tiSh+Tha badz+ras brtan par bya/_de nas bla ma mgon po tshe dang ye shes dpag tu med pa'i smin mtshams kyi mdzod spu nas spros pa'i rig pa'i lha mo rnams kyis bkra shis pa'i rnam pa du ma dang ldan pa'i rin po che'i bum pa 'chi med ye shes bdud rtsi'i bcud kyis gang bas dbang bskur bar mos shig_/gzungs bum thogs la/_oM:_bum pa bzang po che ba'i mchog:_ye shes bdud rtsi'i bcud kyis gtams:_skal ldan bu la dbang sbyin pas:_yang dag snod dang ldan par shog:_oM sarba ta thA ga ta a b+hi She ka te sa ma ya shrI ye hU~M:_bum chus bkru zhing lce la sbyin/_de ltar bum pa bzang po las byung ba'i ye shes bdud rtsi'i chu rgyun gyis dbang bskur bas bdud rtsi'i rgyun spyi bo nas zhugs/_lus thams cad gang*/_dri ma bag chags dang bcas pa bkrus/_thob bya'i ye shes mtha' dag mngon du byas/_chu'i zegs ma spyi bor yar lud de 'khyil ba rigs kyi bdag po'i tshul du bzhugs par gyur/_smin lam dbang gi byed las kyis thugs rgyud la zag med rgyal ba'i 'byor pa du mas brgyan pa'i dpal la dbang bsgyur ba'i yon tan yongs su rdzogs pa'i mtshon byed du rin po che'i dbu rgyan bcings par mos mdzod/_nor bu'i cod pan bcings te/_oM:_sangs rgyas ye shes rigs mchog lnga:_mtshon byed rin chen cod pan 'dis:_skal ldan bu la dbang bskur bas:_chos kyi rgyal po dbang bsgyur shog:_oM rat+na mu ku Ta a b+hi Shiny+tsa hU~M:_mtha' rten bzlas pa'i lung sbyin pa'i slad du dmigs pa 'di ltar mdzod/_bcom ldan 'das kyi mgrin pa nas gzungs sngags kyi phreng ba dpag tu med pa byung*/_khyed rang rnams kyi mgrin pa nas thim par mos pas sngags 'di'i rjes zlos lan gsum mdzod/_oM na mo b+ha ga ba te a pa ra mi ta A yur+dz+nyA na su bi nish+tsi ta te dzo rA dza ya:_ta thA ga ta ya:_ar+ha te samyak+saM bud+d+ha ya:_tad+ya thA:_oM puN+ye puN+ye ma hA puN+ye:_a pa ri mi ta puN+ye a pa ri mi ta puN+ye dz+nyA na sam+b+ha ro pa tsi te:_oM sarba saM skA ra pa ri shud+d+ha d+harma te ga ga na sa mu[⁽1419⁾]rna[1$0000240]ga[1$0000300] te swa b+hA wa:_bi shud+d+he:_ma hA na ya pa ri wa re swA hA:_bzlas pa'i lung sbyin pa'i gtang rag tu me tog gi phreng ba phul ba'i mos pas 'di'i rjes zlos mdzod/_bcom ldan bdag gis bzung lags kyis/_/bdag la 'go bar mdzad du gsol/_/slob dpon la phul ba'i me tog gi phreng ba sngags phreng du byin gyis brlabs te spyi bor bcings par mos mdzod/_bcom ldan 'di la bstsal lags kyis/_/'di la 'go bar mdzad du gsol/_/deng nas yi dam lhag pa'i lha 'di'i rnal 'byor la brtson zhing gzungs sngags ji ltar nus pa bzla snyam pas 'di'i rjes zlos mdzod/_slob dpon dgongs su gsol/_bdag ming 'di zhes bgyi bas dus 'di nas bzung ste ji srid byang chub snying po'i bar du bcom ldan 'das mgon po tshe dang ye shes dpag tu med pa'i mtshan brgya rtsa brgyad pa'i gzungs sngags ci nus su bzla bar dam bca' ba lags so/__/lan gsum/_mtha' rten tshe yi dngos grub sbyin pa'i dbang bskur ba ni/_mdun gyi bde gshegs tshe mtha' yas pa'i dkyil 'khor gyi lha tshogs rnams kyi sku las ye shes 'od zer gyi snang bas phyogs bcu'i zhing rab 'byams rnams su khyab/_phyi 'byung ba bzhi/_nang lha klu dang drang srong*/_rig 'dzin tshe la dbang ba'i dngos grub/_gsang ba rgyal ba sras dang bcas pa'i dbang dang stobs bcu'i tshe dpal/_mkhyen brtse nus pa'i ye shes kyi gzi byin thams cad rdo khab len gyis lcags phye bsdus pa ltar 'ub kyis bsdus nas mdun gyi tshe rdzas dang*/_khyed rang slob ma rnams kyi sgo gsum la thim pas tshe dang ye shes kyi snang ba rgyas par gyur pa'i mos pa mdzod/_mda' dar g.yab cing*/_hrIH_chos sku mi 'gyur rdo rje'i tshe khug cig_/longs sku mi 'gag pad+ma'i tshe khug cig_/sprul sku mi 'gyur g.yung drung tshe khug cig_/phyi snod brtan pa 'byung lnga'i tshe bcud khug_/nang bcud g.yo ba skye 'gro'i tshe bcud khug_/mdor na srid zhi'i bde skyid dpal dang g.yang*/_/ma lus 'dir khug 'dir sdus 'dir tshogs la/_/mchog dang thun mong dngos grub kun stsol cig_/tshe gzungs brjod/_tshe bum thogs te/_bcom ldan 'das mgon po tshe mtha' yas pas phyag mnyam bzhag gi steng lhung bzed bdud rtsis gang ba'i dbus pad sdong las skyes pa'i tshe bum ye shes bdud rtsi'i bcud kyis gang ba spyi bor bzhag cing dbang bskur ba'i dgongs pa mdzad pas tshe bcud rnams sor gyis khol ba kha nas lud tshangs bug nas zhugs te lus nang thams cad dwangs mas khyab ste skye 'chi med pa'i tshe yi dbang mchog dam pa thob par mos mdzod cig_/tshe bum spyi bor bzhag la/_hrIHhrIHhrIH_'od snang mtha' yas bcom ldan tshe dpag med:_'chi med rnga sgra gsung gi rdo rje'i lha:_gar gyi dbang phyug pad+ma'i dkyil 'khor gtso:_'chi med mgyogs ma lha mo'i tshogs bcas kyis:_skal ldan rigs kyi bu la dbang bskur bas:_skye 'chi med pa tshe yi dbang thob nas:_'chi bdag la sogs bdud bzhi las rgyal te:_dngos grub mchog gi skal bar ldan par shog:_oM dz+nyA na a mA ra Ni dzI wan+ti ye swA hA/_phyag g.yon du shes rab kyi rdzas tshe yi bdud rtsi'i btung ba phul bas gsung 'gag pa med pa gzhom med rdo rje stong nyid kyi tshe dbang thob par mos mdzod/_hrIH_'byung lnga'i dwangs ma snying po'i tshe:_ye shes bdud rtsi'i bcud du bskyil:_skal ldan bu la byin pa yis:_'chi med mchog gi gnas thob shog:_a mr-i ta a b+hi Shiny+tsa ho:_phyag g.yas su thabs kyi rdzas tshe yi bza' ba phul bas thugs 'pho 'gyur med pa rdo rje bde ba chen po thabs kyi tshe la dbang thob par mos mdzod/_hrIH_ye shes sems dpa' tshe yi lha:_snying gi dkyil du gnyis med bzhugs:_dngos grub brda yi ril bu 'dis:_don gyi gnas lugs rtogs par shog:_ra sa ya na a b+hi Shiny+tsa ho:_de dag gis slob ma'i sgo gsum 'chi med rdo rje tshe lha'i gsang ba gsum dang gnyis su med par byin gyis brlabs pa'i dbang mchog thob par mos mdzod/_gnas gsum du tshe mda' rgya gram du bzhag la/_hrIH_lus la rdo rje'i rgyas btab pas:_gzhom gzhig bral ba'i dpal thob shog:_ngag la sngags kyis rgyas btab pas:_rab 'byams phrin las yongs grub shog:_yid la ye shes rgyas btab pas:_mi shes 'khrul rtog mun sangs shog:_srid par zhi ba'i rgyas btab pas:_sdug bsngal rgyu 'bras yongs dag shog:_de dag gis khyed rang rnams bcom ldan 'das mgon po 'od dpag tu med pa'i skur gyur te sku gsung thugs yon tan phrin las mi zad pa rgyan gyi 'khor lo dang skal ba mnyam par gyur pa la phyogs bcu'i rgyal ba sras dang bcas pa'i thugs ka nas rig pa'i lha mo dpag tu med pa spros te bkra shis rdzas rtags rin chen bdun gyi 'byor ba dang bcas pas khams gsum chos kyi rgyal po'i rgyal srid la mnga' gsol zhing*/_shis pa brjod pa'i tshigs su bcad pa du mas kyang dge legs kyi snang ba rgyas par spel ba'i mos pa mdzod/_so so'i tsaka li thogs la/_bcom ldan shAkya seng ges byin brlabs pa'i:_'phags lam yan lag brgyad ldan bkra shis rdzas:_reg pas mi mthun phyogs kun zhi ba dang:_dge legs yon tan rtag tu 'phel gyur cig:_oM mang+ga la ku ru a b+hi Shiny+tsa mI:_bsod nams yongs rdzogs sangs rgyas rnams kyi mtshan:_rnam thar brgyad ldan bkra shis rtags brgyad kyis:_byang chub sems ma'i tshogs bcas mnga' gsol bas:_'jig rten kun na rtag tu bde legs shog:_oM aSh+Ta mang+ga la a b+hi Shiny+tsa mI:_'phags pa'i sar gnas 'khor los bsgyur rnams kyi:_byang chub yan lag bdun ldan rin chen gyis:_deng 'dir nyon mongs dgra las rnam rgyal zhing:_srid zhi'i dpal gyis 'byor pas dbang bskur ro:_oM ma hA rat+na sap+ta a b+hi Shiny+tsa mIH__zhes sbyin zhing*/_che ba'i che mchog sogs mdo rgyud las 'byung ba'i bkra shis ji ltar rigs pa brjod cing me tog gi char phab/_des tshe sgrub rang byung pad+ma'i snying thig rdo rje tshe yi rgyud kyi dgongs pa phyi sgrub bcom ldan 'das tshe dang ye shes 'od dpag tu med pa lha dgu'i dkyil 'khor gyi dbang bskur legs par thob pa yin pas/_dus rtag tu lhag pa'i lha 'di nyid la phyag mchod thugs dam bskul zhing*/_bsags sbyang gi stobs phul du phyin pas tshe yi dngos grub kyi dpal la spyod nges pa'i g.yar dam lhur blang ba 'di'i rjes zlos mdzod/_gtso bos ji ltar sogs nas gtang rag lus 'bul dge bsngo bcas mthar dbyung la slob ma rnams grol/_slob dpon gyis cho ga'i rjes rim mthar dbyung bar bya'o/__!__yang skabs 'ga' zhig tu byab khrus kha rkyang du byed na bsham bkod skabs/_maN+Dal steng tshom bu dgu bkod pa la many+dzi'i khar bum pa nyer lnga'i rdzas ldan kha rgyan mgul chings gzungs rdor dang bcas pa bkod/_mthar nyer spyod dang gtor mas bskor la phyi sgrub dbang gi skabs ltar bum pa sgrub rjes bsgrub bya mdun du bos la/_zhi drag gi sbyong ba gsum sngon du 'gro bas/_'o/_khyed rang rnams la tshe dang ye shes dpag tu med pa'i gzungs sngags kyi nus pas mi mthun pa'i tshogs zhi bar byed pa khrus kyi cho gas rjes su 'dzin pa la/_bkru byab srung gsum las dang po'i slad du/_slob dpon sangs rgyas snang ba mtha' yas su gsal ba'i mdun du khyed rang rnams tha mal du gnas pa sogs nas/_srung ba gnas gsum du rdo rje rgya gram bzhag pas rgyas btab pa'i bar dbang gi skabs bzhin du bya/_slob dpon dang nam mkha' gang ba'i lha dang drang srong bden tshig grub pa'i tshogs kyis/_zhal nas shis brjod kyi rdo rje'i glu dang lha yi me tog gi char sil ma bsnyil bas khyed rang bde gshegs 'od mtshan stong 'bar gyi skur gyur par mos mdzod/_spro na bkra shis rdzas rtags rin chen bdun gyis mnga' 'bul bya/_mthar shis brjod/_bsdu na/_ye d+harma sogs/_che ba'i che mchog sogs kyis shis brjod rgyas par bya'o/__!__yang tshe dbang kho na sger du bya dgos byung na bsham bkod skabs tshe bum dang*/_tshe ril tshe chang*/_mda' dar/_mchod pas bskor/_las gzhung bsrangs/_tshe rdzas rnams la tshe bcud bsdu bstim gyi dmigs pa bya/_bsnyen pa'i rjes tshe 'gugs kyang sbyar/_las bum sgrub nas/_dbang dngos la khrus bgegs bskrad srung 'khor rjes lo rgyus skabs/_sprul sku lha dgu pa'i dkyil 'khor du 'chi med tshe yi dbang bskur sgrub pa la slob dpon gyi bya ba grub sogs nas dbang dkyus ltar la/_byab khrus mi dgos/_slob ma lhar bskyed byin 'bebs rjes/_de nas 'chi med tshe yi dbang bskur sbyin pa ni/_mdun gyi bde gshegs sogs mtha' rten bar sbyar bas rung ba'ang zhar las 'phros pa'o/__/pa~Md+ma~M'i rigs kyi 'khor los bsgyur ba yi/_/lha sngags ting 'dzin du mas 'jug pa'i sgo/_/ma~Mdo sngaga~Ms zung 'jug lam gyi smin byed 'dis/_/tshe dpal sde bzhi'i gli~Mng kun mdzes gyur cig_/ces dngos grub kyi rtsa ba yi dam gyi rdo rje'i tshe rgyud las phyi chags bral sprul sku ltar sgrub pa'i dkyil 'khor gyi smin lam dbang gi phreng ba le'u tshan gnyis pa'o/

!__dge legs rtag pa dam pa'i ye shes ni/_/'chi med tshe mchog zil mngar 'bum 'jo bas/_/srid zhi'i gdung sel bde chen gar gyi dbang*/_/pad+ma'i dkyil 'khor khyab bdag 'char la 'dud/_/mchog gi gsang gsum rdo rje'i dbyings 'jug thabs/_/smin byed ngo mtshar snang ba'i sgo 'phar mchog_/bla ma lhag pa'i lha yis bstsal ba bzhin/_/skal bzang kun dga'i dpyid du spro bas dbye/_/rang byung pad+ma'i snying thig rdo rje tshe yi rgyud chen po'i rtsa ba'i phrin las nang sgrub lha bcu bdun pa'i smin byed rgyas par khrigs su bsdeb pa la/_rdo rje slob dpon mtshan nyid dang ldan pas bsgrub bya'i lha dus grangs mtshan ma'i bsnyen pa las su rung ba gang gis/_dad brtson shes rab dang ldan pa'i slob ma snod ldan dbang gi rim pa'i cho gas rjes su bzung ba la gnyis/_yul dang yul can lhag gnas/_dkyil 'khor du 'jug cing dbang bskur ba gnyis las/_dang po yul can lha dang*/_bum pa/_yul slob ma lhag gnas gsum las/_dang po lha lhag gnas ni/_bkra shis byin chags dge pa'i sgrub gnas kyi khang pa rgyan bkod kyis spras par/_nyi ma byang bgrod yar ngo'i dus tshes bza' skar dge zhing shis par gzhung mthun rten gyi mdun dkyil 'khor gyi stegs bur maN+Dal la tshom bu 'bru gsher gyis lha gnas ma 'chol bar/_dbus dang*/_phyogs bzhir bzhi/_de bzhi'i g.yas g.yon du re re/_de rgyab bzhi bcas de'i nye logs su bum pa rgyan ldan chus sum gnyis gang ba gnyis bsham/_bdag bskyed gtor ma zlum gtor dmar po/_g.yas g.yon du sman raka_/mtha' nyer spyod kyis bskor/_mdun du dkar gtor gser skyems bcas bsham/_brgyud 'debs sngon du 'gro bas rgyun khyer gyi bskyed bzlas bsdu ldang bcas byas la/_dkar gtor chab kyis bran/_ra~M ya~M kha~M/_stong pa'i ngang las b+h+rU~M las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs par gyur/_oM AHhU~M/_lan gsum/_lo ka pA la sa pa ri wA ra badz+ra sa ma ya dzaHsa mgron spyan drangs/_s+tha na pa ti k+She tra pA la na maHsarba ta thA ga ta b+h+yo sogs nam mkha' mdzod sngags/_g+hr-ih+Na daM ba liM ta swA hA/_lan gsum/_gang dag 'dir gnas lha dang klu/_/gnod sbyin srin po'am gzhan dag la/_/dkyil 'khor don du sa phyogs 'di/_/bdag zhu khyed kyis bstsal du gsol/_/sarba b+hU ta gats+tshas phrin las gsol zhing gshegs su gsol bas sa slong gi don yang tshang ngo*/__/de nas las byang ltar mchod pa byin rlabs btang*/_tshom bu las sngags kyis bsang*/_swa b+hA was sbyang*/_stong pa'i ngang las mdun gyi rten/_nam mkha' rlung me sa ri rab:_sogs las byang ltar dam tshig pa bskyed cing ye shes pa spyan drangs bstim phyag mchod bstod pa'i bar dkyus ltar la/_rdor dril dang spos thogs pas/_oM:_mgon po kun gzigs thams cad mkhyen:_dkyil 'khor lha tshogs dgongs su gsol:_bdag gis gnas 'dir ye shes lha'i:_pho brang chen po bzhengs 'tshal gyis:_bdag cag rdo rje'i rig pa 'dzin:_yang dag mchog gi lam 'dod kyis:_brtse ba chen pos dgongs nas kyang:_sa yi gnas 'dir dkyil 'khor bzhengs:_bsnyen sgrub gzhung bzhin bgyid lags kyis:_dgyes pa'i gar gyis gnang ba dang:_dngos grub skal pa bzang por stsol:_ces gsol ba btab pas/_dkyil 'khor gyi lha rnams dgyes pa chen pos rig pa 'dzin pa khyod kyis dkyil 'khor gyi las ji ltar 'os pa gyis shig ces bkas gnang ba bstsal nas bar snang 'od kyi drwa ba la bkra lam mer bzhugs par gyur/_gnyis pa bum pa lhag gnas ni/_rin po che'i bum pa dri'i chab dang so lnga'i bcud ldan gnyis mgul chings dang bcas pa bkod nas mchod pa rnams sngar ltar gsar du bsham pa'am kha gso/_dung zhal gzungs thag bcas 'du byas la/_bsang sbyang*/_stong pa'i ngang las pad zla'i steng:_b+h+rU~M las rin chen bum pa che:_mtshan nyid rdzogs pa'i gzhal yas khang:_bdud rtsi'i rgya mtsho yangs pa'i dbus:_pad+ma'i sdong bu 'dab rgyas steng:_hrIHlas bcom ldan tshe dpag med:_dmar gsal mtshan dpe'i gzi byin 'bar:_longs spyod rdzogs pa'i rgyan chas mdzes:_zhi 'dzum gzhon nu'i ngang tshul can:_rdo rje'i skyil mo krung gis bzhugs:_phyag gnyis mnyam bzhag phyag rgya'i steng:_'chi med tshe yi bum pa bsnams:_pang du rang 'od gos dkar mo:_dmar gsal gzhon nu ma yi gzugs:_gcer bu rus pa'i phyag rgya can:_pad phreng tshe yi bum pa 'dzin:_gnyis med 'khril sbyor bde bas dgyes:_'od kyi phung po 'bar ba las:_pho nya mgyogs ma 'phro zhing 'du:_yab yum sbyor ba'i byang chub sems:_hU~M trA~M oM AHyab kyi snying:_mU~M lA~M mA~M tA~M yum gyi snying:_zung re 'phros pa phyogs bzhir babs:_shar du mi bskyod tshe dpag med:_mA ki yum dang bcas pa mthing:_lho ru rin 'byung tshe dpag med:_spyan ma yum dang bcas pa ser:_nub tu rnam snang tshe dpag med:_dbyings phyug yum dang bcas pa dkar:_byang du don grub tshe dpag med:_sgrol ma yum dang bcas pa ljang:_kun kyang cha lugs gtso dang mtshungs:_mnyam bzhag phyag rgyas tshe bum 'dzin:_yum rnams pad phreng bum pa bcas:_bde stong sbyor ba'i cho 'phrul mdzes:_tshe bdag rigs bzhi'i g.yas kyi zur:_rdo rje sgeg mo sku mdog dkar:_rdo rje phreng ba mthing la mdzes:_rdo rje glu ma dmar mo sgeg:_rdo rje gar ma ljang gu'i mdog:_longs spyod rdzogs pa'i gzhon tshul gyis:_phyed skyil tshe yi bum pa 'dzin:_g.yon gyi zur bzhir mgyogs ma bzhi:_dkar mthing dmar ljang lha mo'i chas:_pad+ma'i dkyil krung tshe bum can:_kun kyang pad zla'i steng na bzhugs:_sgo bzhir rdo rje lcags kyu ma:_zhags pa lcags sgrog dril bu can:_phyag rgya bzhi dang mda' dar 'dzin:_brkyang bskum gar gyis pad nyir bzhengs:_bar mtshams tshe yi rig 'dzin dang:_'chi med ye shes lha yi tshogs:_nyi zer rdul gyi phung po bzhin:_bsam yas bkod pa 'phro zhing 'du:_gnas gsum oM AHhU~M gi 'brus:_sku gsung thugs kyi byin rlabs bsdus:_spyi bo'i gnas lngar sa bon lnga:_yongs gyur rigs lnga'i cho 'phrul gyi:_byang chub sems kyi bdud rtsi yis:_dbang bskur rigs kyi 'khor los bsgyur:_snang mtha' yas pa'i rgyas btab ste:_dkyil 'khor chen po rdzogs par gyur:_badz+ra dz+nyA na kA ya oM:_badz+ra dz+nyA na wAka AH_badz+ra dz+nyA na tsit+ta hU~M:_hrIHhU~M trA~M oM AH_a b+hi Shiny+tsa mi:_ye shes pa spyan 'dren bzhugs gsol phyag mchod bstod pa'i bar las byang ltar btang*/_rang gi thugs nas sngags kyi phreng:_rdo rje'i gzungs thag la brgyud de:_bum lha'i thugs dam rgyud bskul bas:_bde stong rol pa'i 'od zer sprin:_mkha' khyab kun tu snang ba yis:_'phags mchod 'gro ba'i don kun bsgrubs:_tshur 'dus thugs kyi dpal ber 'khyil:_sku dang sngags las bdud rtsi'i rgyun:_dpag med byung nas bum pa'i bcud:_dngos grub kun gyi snying por gyur:_gzungs thag blang la bsnyen sgrub las gsum gyi sngags ci nus bzla/_oM AHhU~M/_zhes dung zhal gyi chu mchod yon du phul bas lha tshogs bde ba chen po'i ngo bor 'od du zhu bas 'chi med tshe dang ye shes kyi dngos grub ster ba'i rdo rje bdud rtsi'i chu rgyun du gyur/_ces mos/_las bum nang du pad nyi'i steng:_pad+ma rta mgrin sku mdog dmar:_phyag gnyis pad+ma dril bu 'dzin:_dur khrod chas rdzogs dor stabs bzhugs:_sku las rdo rje bdud rtsi'i rgyun:_babs pas bum pa gang bar bsam:_oM hrIHpad+mAn+ta kr-ita sarba big+h+nAn ha na ha na hU~M phaTa?H_ces brgya rtsa brgyad bzla/_dpal khro bo'i rgyal po rta mgrin gyis dbang bskur gyi bya ba ma grub kyi bar du bar gcod kyi bgegs thams cad bzlog pa'i phrin las mdzad du gsol/_ces las bcol nas bzhag_/gsum pa ni/_sta gon rdzas bzhi dang*/_slob ma mchod pa bcas 'du byas la/_slob ma dam tshig srung nus shing drang don chos kyi rgyud sbyangs pa 'os su gyur pa ji ltar rigs pa bos la sgo'i phyi rol du khrus nas dbyung*/_yol ba'i phyi rol du 'khod pa la maN+Dal bkye bsdu dang sems bskyed gsal gdab/_chos bshad ci rigs sngon du 'gro bas/_de yang rdo rje theg pa sngags kyi gsang ba zab mo'i dbang dang bskyed rdzogs thams cad kyi lam gyi rten khyad par can ni khams drug dang ldan pa'i 'dzam gling las kyi sa pa'i dal 'byor gyi yon tan rdzogs pa 'di nyid de/_rten 'di ni rgyu dpe grangs gsum gyi sgo nas bsam na shin tu rnyed dka' zhing rnyed pa nyid myur du don dang ldan par ma byas na lus 'dis mtshon pa'i phyi snod kyi 'jig rten nang bcud kyi tshe srog_/bde sdug rkyen gyi 'gyur ba thams cad so ma btang ba'i chu snod ltar g.yo zhing 'jig par 'gyur ba'i bdag nyid can la phan nges pa ni dam pa'i chos kho na las med la/_chos de da lta na 'chi'i ma gtug pa'i sngon rol bde zhing skyid pa gson dus su ma byas na 'chi khar chos yang dag pa sgrub mi nus shing*/_sgrub pa'i long khom med la/_'chi nas bar dor sleb na dge sdig stobs gang ches gnas ris mtho dman du bgrod pa las rang la rang dbang med pa'i rgyu mtshan shes pas da lta'i skabs 'dir skyes bu gsum gyi lam la 'dam ka med par ci nus su brtson pa gal che zhing*/_da lta'i dus 'dir yang dag pa'i dge ba'i bshes gnyen gyi rjes su zin/_mdo sngags kyi chos la thos bsam bsgom pa phyogs med du byed pa'i legs tshogs mtha' dag ngang gis 'byor ba ded dpon rin po che'i gling du phyin pa lta bu 'di ngo shes pas theg pa chen po gsang sngags bla med kyi sgor zhugs nas mi slob zung 'jug gi go 'phang rten 'dir mngon du bya ba ni 'dun ma ma nor ba yin cing*/_rdo rje theg pa la'ang rgyud dang sgrub sdes phye ba'i man ngag gi bka' srol rnam pa gnyis su bzhugs pa las skabs 'dir phyi ma'i bye brag ste/_de la'ang sgrub sde bka' brgyad du grags pa las/_gsung rdo rje pad+ma 'khor los bsgyur ba zhi ba rigs lnga sgyu 'phrul drwa ba'i rgyud lung man ngag la bsten pa'i bskyed rdzogs rdzogs chen dang bcas pa'i lam gyis 'chi med rdo rje'i tshe yi dngos grub sgrub pa'i rim pa pad+ma tshe yi snying thig tu grags pa 'di ni sku tshe 'di nyid la 'chi med ye shes rdo rje'i sku mngon du brnyes shing sangs rgyas kun gyi mkhyen brtse nus pa'i phrin las ma lus pa gcig tu rdzogs pas da lta'ang 'dzam gling lho nub zangs mdog dpal rir mngon sum du bzhugs pa'i o rgyan gyi slob dpon chen po pad+ma sam b+ha wa dang*/_'chi med grub pa'i paN+Di ta chen po dze tA ri dgra las rnam par rgyal ba gnyis kyi dgongs bcud gcig dril rang byung pad+ma tshe yi snying thig ces rtsa ba gsum la brten nas tshe sgrub pa'i bskyed rdzogs man ngag dang bcas pa pad+ma gar dbang 'od gsal mdo sngags gling par bka' babs pa'i chos skor las/_yi dam tshe dpag med pa la brten pa'i tshe yi nang sgrub rigs lnga tshe dpag med lha bcu bdun pa'i dkyil 'khor du dbang bskur sbyin pa'i sngon 'gro lhag gnas kyi skabs su babs pa ste/_de la'ang lha dang bum pa'i lhag gnas kyi rim pa grub nas/_gsum pa slob ma lhag gnas kyi rim pa gsan pa'i slad du maN+Dal phul/_ces mtshams sbyar la maN+Dal 'bul du gzhug_thal mo me tog dang bcas te gus pa chen pos gsol ba 'debs pa 'di'i rjes zlos mdzod/_pad+ma'i rigs mchog bcom ldan 'das:_rdo rje'i bla ma dgongs su gsol:_bdag cag 'khor ba las bsgral phyir:_thugs rje chen pos rjes bzung 'tshal:_lan gsum/_de ltar gsol ba btab pa la gdams pa'i gnad dgrol bka'i gnang ba sbyin pa lags te/_bsam yas theg pa'i 'jug sgo ni:_blo dang 'tsham par snang ba las:_mthar thug rdo rje'i dkyil 'khor du:_'jug pa'i skal ldan shin tu dkon:_dad dang dam tshig mchog ldan cing:_rdo rje 'dzin pa'i bslab pa las:_nam yang 'da' bar mi bgyid na:_sangs rgyas rnams ni thams cad kyi:_mngon par byang chub lam gyi mchog:_yang dag nges pa'i gsang ba bzhin:_thar pa chen po'i grong khyer du:_bdag gi snod du rung ba'i phyir:_lhag par gnas pa'i cho ga bya:_zhes gdams pa'i lan gsol ba 'di'i rjes zlos/_bdag ni gtso bo khyod nyid las:_skyabs gnas gzhan na ma mchis phyir:_ji ltar bka' bstsal bsgrub bgyid na:_nges par dgongs te gnang du gsol:_de nas thog mar rgyud rnam par dag par bya ba'i slad du bla ma dang*/_mdun gyi nam mkhar bcom ldan 'das tshe dpag tu med pa'i dkyil 'khor la rtsa gsum rgyal ba sras dang bcas pas bskor te sprin gtibs pa bzhin bzhugs pa la/_bdag gzhan mkha' khyab kyi yid can mtha' dag deng nas byang chub ma thob kyi bar du ci mdzad khyed mkhyen blo gtad ling bskyur gyis skyabs su 'gro ba'i 'dun pas 'di'i rjes zlos lan gsum mdzod/_na mo:_bdag ni deng nas byang chub bar:_bla ma dkon mchog rnam gsum la:_mi phyed dad dang dwangs ba'i blos:_rtse gcig gus pas skyabs su mchi:_zhes lan gsum/_thog med kyi dus nas pha mar gyur pa'i nam mkha'i mtha' khyab kyi sems can thams cad 'khor ba sdug bsngal gyi rgya mtsho las bsgral te bcom ldan 'das mgon po tshe dang ye shes dpag tu med pa'i go 'phang la 'god par bya/_de'i ched du bla na med pa'i dkyil 'khor gnyen po 'dir 'jug cing smin byed kyi dbang bskur nod la grol byed lam gyi rim pa gnyis bsgom par bgyi'o snyam du smon 'jug byang chub mchog tu sems bskyed pa gsal thob la 'di'i rjes zlos mdzod/_hoH_nam mkha' mnyam pa'i sems can rnams:_ma rtogs bdag tu bzung ba'i blos:_skye 'chi mtshan ma'i chos la zhen:_bsgral phyir sems kyis dam bca' bzung:_'gro kun bdag gi pha ma ste:_de dag byang chub 'god pa'i blos:_sbyin sogs pha rol phyin pa yi:_rgyal sras spyod la bslab par bgyi:_lan gsum/_tshogs kyi zhing khyad par can de dag gi spyan sngar/_bdag sogs sems can thams cad kyi lus zhing gi rdul snyed du sprul nas sgo gsum gus pa chen pos phyag 'tshal zhing*/_kun tu bzang po'i rnam par thar pa las byung ba'i mchod pa'i sprin rgya mtshos mchod pa dang*/_sngar byas kyi sdig ltung mtha' dag snying nas 'gyod pas bshags shing phyin chad mi bgyi bar dam 'cha' ba dang*/_tshogs gnyis kyis bsdus pa'i dge spyod la rjes su yi rang zhing*/_bla na med pa'i chos kyi 'khor lo bskor bar bskul ba dang*/_'khor ba ji srid bar du mya ngan las mi 'da' bar bzhugs par gsol zhing*/_dge rtsa byang chub chen por yongs su bsngo ba bcas bdun rnam dag tshul bzhin bgyi ba'i blos 'di'i rjes zlos/_hoH_phyogs dus rgyal ba sras bcas dang:_tshe dpag med mgon zhabs pad+mor:_zhing rdul kun gyi grangs snyed kyi:_sgo gsum gus pas phyag 'tshal lo:_phyi nang gsang ba bla med pa'i:_kun bzang mchod sprin rgya mtshos mchod:_sdig sgrib nyes ltung mthol zhing bshags:_tshogs gnyis spyod la rjes yi rang:_chos kyi 'khor lo bskor bzhin du:_mya ngan mi 'da' bzhugs gsol 'debs:_dge tshogs byang chub chen por bsngo:_gzhan don sangs rgyas myur 'grub shog:_lan gsum/_dbang gi ye shes skye brtan gong 'phel du 'gyur ba la rgyud sdom pa dang ldan pa dgos pas/_tshogs zhing de rnams dpang por byas te phyi so so thar pa'i sdom pa/_nang byang chub sems kyi bslab pa/_gsang ba bla med rdo rje theg pa'i dam tshig rnams legs par blangs nas tshul bzhin bsrung snyam pas 'di'i rjes zlos/_sras bcas sangs rgyas thams cad dang:_dpa' bo rnal 'byor ma rnams kun:_bdag la dgongs par mdzad du gsol/_rig pa 'dzin pa bdag gis ni:_nges 'byung bsam pa mchog ldan pa'i:_so so thar pa'i sdom pa dang:_gzhan phan blo gros mi 'gyur ba'i:_byang chub sems dpa'i tshul khrims dang:_tha mal snang zhen sdom pa'i mchog:_rig pa 'dzin pa'i sde snod kyi:_dam tshig gnas rnams ma lus pa:_bdag gis yang dag bzung bar bgyi:_tshul bzhin srung zhing bslab pa yis:_rang rgyud dag par mdzad du gsol:_lan gsum/__dri dang ba byung gis byug pa'i maN+Dal mdun du bkod/_so shing tshad ldan las sngags dang las chus bsang*/_de nas dngos grub kyi snod brtags pa'i phyir du/_dri ldan gyi shing la sor bcu gnyis pa'i tshad dang me tog gi cod pan can gyi so shing 'di nyid khyed rang rnams la byin pa mkha' dbyings kyi rgyas thogs te/_rtse mos so bru ba'i tshul byas pas de las 'phros pa'i 'od zer gyis lus kyi nang gang*/_sdig sgrib nyes ltung thams cad skad cig gis sbyangs par mos pa dang bdag la dngos grub kyi ltas gsal bar bstan du gsol snyam pas sngags 'di'i rjes zlos dang bcas te maN+Dal dbus su ltos med du dor mdzod/_badz+ra ha sa ha:_zhes 'dor du gzhug_/de ltar dor ba'i so shing gi rtse mo shar du bstan na zhi ba/_lhor rgyas pa/_nub tu dbang*/_byang du drag po'i phrin las/_mtshams rnams su phra mo'i dngos grub/_rang dang bla ma la bstan na mchog gi dngos grub 'grub pa'i ltas su yin par gsungs so/_/dung zhal dri ldan chu'i gang ba las sngags/_oM pad+ma kro d+ha h+ya gr-I wa hU~M phaTa?:_bzlas pas byin brlabs la/_rmi lam brtags pa'i sngon 'gror khyor chu sbyin pa ni/_dri bzang dang sbyar ba'i chus kha bshal la lhag ma rgyab tu dor bas sgo gsum gyi nyes pa'i tshogs spyi dang khyad par ngag gi nyes skyon spyi dang bye brag thams cad lhag med du byang ba'i mos pa mdzod/_oM hrIHbi shud+d+ha sarba d+harma sarba pA paM nash+tsA saM sho d+ha ya sarba bi kalpAn a pa na ya hU~M:_zhes dung chu lan gsum du sbyin la kha bshal/_skud pa dmar po sum bsgril rdo rje'i mdud pa sum btab par las sngags bzlas pas byin gyis brlab/_byin gyis brlabs pa'i rdo rje'i mdud pa 'di nyid pho yi dpung pa g.yon dang mo'i g.yas su bcings pas sgo gsum la bar du gcod pa'i tshogs spyi dang khyad par khams 'pho ba'i gegs las bsrung bar byas par mos shig_/las sngags bzla bzhin du 'ching*/_mdud mtshams rdo rje bzhag la/_badz+ra rak+Sha/_zhes brtan par bya/_ku sha'i phon po che chung gnyis bsang*/_d+hIHdang hU~M las skyes pa'i ku sha'i chun po chung ba sngas dang che ba stan gyi don du zungs shig_oM:_dag byed bkra shis lha yi rdzas:_ngo mtshar 'jig rten dge ba'i mchog:_rigs kyi bu yi stan du gyis:_bzang po'i rmi lam mthong yang srid:_d+hIHhU~M:_zhes lag g.yas g.yon du sbyin/_de dag gis dbang bskur ba'i snod du rung bar byas nas gzhi lus lhar bskyed pa la dmigs pa 'di ltar mdzod/_stong pa'i ngang las rang cag rnams kyi gnas khang 'di nyid 'og min bde ba can gyi zhing khams de yang sa gzhi thams cad lag mthil ltar mnyam zhing*/_rin po che las grub pa'i bkod pa'i khyad par bsam gyis mi khyab pa dang ldan pa'i dbus su rma byas btegs pa'i rin po che'i khri'i steng du sna tshogs pad+ma ge sar nyi ma dang zla ba brtsegs pa'i gdan la khyed rang rnams kyi rnam shes yi ge hrIHyig dmar po gcig tu gyur pa 'od du zhu ba las/_mgon po tshe dang ye shes dpag tu med pa sku mdog dmar po nyin byed dbang po'i dkyil 'khor ltar gsal zhing 'od zer gyi phreng ba rnam pa mang du 'phro ba zhal gcig phyag gnyis mnyam bzhag gi steng na tshe'i bum pa bsnams pa/_yum gos dkar mo dmar gsal pad+ma tshe bum 'dzin pa dang gnyis su med par mnyam par sbyor zhing*/_yab rdo rje'i skyil krung dang yum pad+ma'i skyil krung gis 'khril sbyor gyi stabs su bzhugs pa/_dbu skra ral pa'i thor tshugs kyi lhag ma lcang lo'i tshul du bres shing*/_lha rdzas las grub pa'i dar gyi stod g.yogs/_sham thabs/_gsang khebs/_cod pan/_zi ldir lnga dang*/_rin po che'i dbu rgyan/_cod pan snyan cha/_mgur chu/_do shal/_phreng ba/_dpung rgyan/_se mo do/_phyag gdub brgyad kyis brgyan pa/_shin tu lhan ne lhang nge lham me zhi ba'i nyams dgu dang ldan cing mtshan dpe'i gzi byin rab tu 'bar ba snang la rang bzhin ma grub pa zhig tu bsgom/_de'i spyi bor oM dkar po/_mgrin par AHdmar po/_thugs kar hU~M sngon pos mtshan pa las 'od zer 'phros sangs rgyas thams cad kyi rdo rje gsum gyi byin rlabs ma lus pa yi ge 'bru gsum gyi rnam par spyan drangs te thim pas sgo gsum rdo rje gsum gyi rang bzhin du byin gyis brlab par gyur pa la mchod pa'i yo byad rnams kyis mchod cing mnga' dbul bar mos shig_/me tog la sogs gnas so sor sbyin la/_oM badz+ra puSh+pe pra tIts+tsha swA hA/_zhes sogs nyer spyod lngas mchod la/_phyir mi ldog pa'i slad du zab mo'i chos bshad cing spro ba skyed la gdams ngag brjod pa lags pas 'di la gsan 'tshal/_'jig rten khams ni thams cad du:_'dren pa sangs rgyas 'byung ba dang:_chos dang 'phags pa'i tshogs dkon te:_de las kyang ni rdo rje theg:_zab mo ston dang sgrub pa ni:_ma byung 'byung bar shin tu dka':_bsod nams blo gros dri med pa'i:_snod du gyur pa rnyed pa gang:_tshul chen 'di las mi 'da' na:_dkyil 'khor mthong ba tsam gyis kyang:_bskal mang sdig sgrib zad byed phyir:_tshul bzhin dbang blang dam tshig dang:_sdom pa ldan na smros ci dgos:_de bas gzhan don sangs rgyas kyi:_go 'phang mchog tu don gnyer bas:_rdo rje'i lam 'di blang bar gyis:_zhes dang*/_bu khyod ku sha'i sngas stan la:_gtsang zhing dge ba'i sems kyis nyol:_rmi lam yul du gang mthong ba:_nang par smos shig lung bstan 'gyur:_do nub sngar byin pa'i ku sha'i sngas dang stan la bla ma dang dkyil 'khor la mgo phyogs te dge ba'i sems kyis nyol la tho rang rmi lam gang byung ba de nged la smros shig_/de dag gis sngon 'gro sta gon gyi bya ba rnams grub pa lags pas dge ba gzhan don du bsngo bar zhu/_zhes dge bsngo byas la slob ma rnams gyes/_slob dpon gyis bdag bskyed bsdu ldang dang bsngo smon byas pas grub bo/__!_gnyis pa dngos gzhi'i las rim la gsum/_dkyil 'khor dang dbang rdzas dgod pa/_dbang don du sgrub cing mchod pa/_bdag nyid 'jug cing slob ma gzhug pa'o/__/dang po ni/_stegs bu'i steng du ras bris kyi dkyil 'khor mtshan nyid ldan pa bkram/_cing kyang ma 'byor na gong du smos pa ltar 'bru'i tshom bu lha grangs bkod pa'i dbus su many+dzi'i khar sta gon byas pa'i rnam bum bzhag_/shar du dbu rgyan/_lhor rdo rje/_nub tu dril bu/_byang du rdor dril lhan cig pa/_dbus su lha tsaka bcu bdun/_phreng ba dang sngags byang*/_me long*/_mtshams su gsang dbang thod pa chang dang a mr-i ta mngar gsum sbyar bas bkang ba/_rig tsaka_/shel rdo/_mar zan las bcos pa'i sha lnga'i gzugs dang*/_chos sman gyis sbag pa'i b+hany+dza bdud rtsis bkang ba/_thod skam gyi dbu rgyan/_rus pa'i phyag rgya lnga/_kha T+wAM/_cang te'u/_rkang gling*/_stag sham/_zhing lpags bcas pa dngos po'am tsakli/_mdun logs su tshe 'brang*/_tshe ril/_tshe chang*/_tshe mda' rnams bkod/_sman raka gtor gsum/_chu gnyis nyer spyod bskor bsham bya/_phyogs gang bder rjes gnang chas/_gdugs/_glegs bam/_dung dkar/_dril bu/_'khor lo rnams dang*/_las bum/_sngon 'gro bgegs gtor/_tshogs kyi yo byad sogs las byang la dgos pa dang*/_mig dar me tog sogs nye bar mkho ba'i yo byad rnams spyi ltar tshogs par bya'o/__/gnyis pa ni/_gsol 'debs sngon du 'gro ba'i las byang 'chi med pad+ma'i phreng ba ltar skyabs sems tshogs bsags 'phros/_bgegs gtor byin brlab dgug pa sngags bsngos spyi ltar byas la/_bka' bsgo zhing srung 'khor bsgom/_bdag gnas yo byad thams cad la ye shes chen po'i gzi byin 'bebs pa'i ting 'dzin lhag par gsal bas byin dbab/_mchod rdzas byin brlabs/_ting 'dzin rnam gsum gyis khog dbub la bdag dang mdun rten dbyer med dam tshig gi dkyil 'khor bskyed/_ye shes pa spyan drangs la bstim/_phyag dang mchod phreng rgyas par 'bul/_bstod pa'i glus bstod/_dzapa? khang phyes la bdag mdun gnyis kar dmigs te bsnyen pa'i bzlas pa ci 'grub/_sgrub pa'i bzlas pa la dngos gzhi byas te ci mang*/_de'i bcu cha las sbyor gyi bzlas pa bya/_bum bzlas sta gon ltar gsal 'debs dang spro bsdu'i dmigs pa byas la bsnyen sgrub las gsum gyi bzlas pa brgya rtsa sogs bya/_kha skong dang stong tshigs phul la tshe 'gugs btang*/_bum bzlas 'od zhu sogs gong smos ltar grub nas/_bka' gter srung ma'i gtor chog rgyas bsdus gang 'os dang*/_tshogs byin rlabs nas mchod bshags bsgral ba bcas gtang*/_las bum bskyed bzlas phrin bcol gong ltar bya'o/__/gsum pa ni bdag 'jug don dbang ltar grub na legs/_mi nus na dkyil 'khor pa rnams kyi sku gsung thugs yon tan phrin las mi zad pa rgyan gyi 'khor lo dang rang gi sgo gsum bya byed dang bcas pa gdod nas dbyer med ro mnyam chen por shes pas/_oM:_bcom ldan mgon po snang mtha' yas:_dkyil 'khor lha tshogs bsam yas pa'i:_sku gsung thugs yon phrin las kyi:_ye shes dbyings su bdag sbyor cig:_oM badz+ra sa ma ya oM:_A badz+ra sa ma ya AH_hU~M badz+ra sa ma ya hU~M:_swA badz+ra sa ma ya swA:_hA badz+ra sa ma ya hA:_oM:_rdo rje bzhi yi ye shes dbyings:_de bzhin gshegs pa thams cad kyi:_snying po'i dkyil 'khor dam pa 'dir:_bdag gi slob ma 'jug par bgyi:_oM badz+ra sa ma ya hU~M:_oM badz+ra sa ma ya s+t+wa~M:_oM badz+ra sa ma ya ho:_slar yang me tog dang bcas pa'i thal mo sbyar la/_oM:_bla na med pa'i ye shes kyi:_go 'phang chen po'i mchog bsgrub phyir:_snod ldan slob ma 'jug 'tshal na:_thugs rjes dgongs te smin mdzad gsol:_ces gsol ba btab pas/_dkyil 'khor pa rnams dgyes pa chen pos rdo rje 'dzin pa khyod kyis slob ma rnams ci bde bar dkyil 'khor du chug cig ces gnang ba bstsal bar gyur/_ces mos/_dkyil 'khor yol bas bsgrib/_de nas sngar sta gon byas pa'i slob ma rnams bos la sgo'i phyi rol du khrus bya/_bgegs gtor btang la bka' bsgo zhing drag sngags rol mo gul yungs bcas bgegs bskrad/_srung ba'i 'khor los mtshams bcad/_gral la 'khod nas me tog bkye bsdu dang sems bskyed gsal gdab/_dbang bshad ji ltar 'os pa dang*/_khyad par/_de yang slob dpon chen po ngag dbang grags pas/_'tsho ba las gzhan snying po ni/_/'khor bar cung zad ma mthong ngo*/_/de phyir myur du thabs mang pos/_/'chi ba bslu bar brtson par bya/_/zhes gsungs pa ltar mi dang lha yi chos kyi yon tan kun gyi rten du gyur pa mtho ris yon tan bdun gyi ya gyal ni tshe ring du 'tsho ba ste de la yang sgrub bya'i dbang gis dbye na/_rgyud las/_mi 'gyur rtag pa gnyug ma'i tshe/_/nyams shing 'pho ba thig le'i tshe/_/glo bur ltar snang srog gi tshe/_/zhes gsum du gsungs/_sgrub byed thabs kyis dbye na/_'khor ba dang myang 'das kyi tshe sgrub pa gnyis las/_dang po la phyi 'byung ba lnga/_sman dang rtsi shing*/_grub pa'i dngul chu/_nang rang byung gi bdud rtsi gnyis sogs bcud len brgya rtsar grags pa dang*/_myang 'das kyi tshe sgrub bsod nams bsags pa/_byang chub tu sems bskyed pa/_lhag pa'i lha'i bskyed rdzogs rjes 'brel dang bcas par grags pa las/_skabs su babs pa 'di ni 'khor 'das kyi rdo rje'i tshe mchog sgrub byed kyi thabs mtha' dag yongs su rdzogs pa'i gzhi bzung*/_rdo rje theg pa'i thun mong dang thun min gyi zab dbang dang*/_phyi bskyed rim dbyibs kyi rnal 'byor rgyas bsdus kyis glo bur ltar snang srog gi tshe bsring ba/_nang thabs grol gyi rdzogs pa'i rim pas 'pho bcas thig le'i 'gro 'ong dbu mar 'pho med kyi srog tu rgyas btab pas nang gi tshe sgrub pa/_gsang ba ye shes rig pa'i snang ba dbyings kyi srog tu sbyor bas mi 'gyur rtag pa gnyug ma rdo rje tshe yi gnas lugs mngon du bya ba'i lam yongs su rdzogs shing bde gshegs rgyal ba rigs lnga'i tshe yi sgos sgrub dang mi zad rgyan 'khor lnga'i tshe yi mthun rkyen gyi dpal bskyed pa dang*/_'chi ba bslu zhing bla tshe 'gugs pas tshe yi 'gal rkyen sel ba sogs thabs kyi khyad par du ma dang ldan pas rdo rje'i lam yongs su rdzogs pa'i zab gnad khyad par 'phags pa du mas mdzes pa/_'phags yul 'chi med grub pa'i slob dpon chen po dze tA ri dgra las rnam par rgyal ba dang*/_o rgyan gyi slob dpon pad+ma saM b+ha wa'i bka' srol gcig tu dril nas zab mo dgongs pa'i gter du rgyas btab pa gang*/_'chi med ye shes rdo rje'i sku can paN grub lnga brgya'i gtsug rgyan bi ma la mi tra rtsod dus kyi bstan 'gro'i dpal mgon du bsam bzhin srid pa nye bar bzung ba 'jam dbyangs mkhyen brtse'i dbang po de nyid 'phags bod kyi mkhas grub rnams la bka' babs pa'i mdo rgyud kyi man ngag bka' gter gyi tshe sgrub gsar rnying ris su ma chad pa gangs can du bzhugs so cog gi smin grol gyi rgyun mtha' dag thugs brtson chen pos gsan/_tshe dkyil brgya dang brgyad kyi bsnyen sgrub mthar phyin pas lha dang rig 'dzin rnams kyis rdo rje tshe yi dbang bskur zhing byin gyis brlabs/_rdo rje'i tshe sgrub pa'i zab gsang gi chos sgo rdol/_nam mkha' nas 'chi med tshe yi ye shes kyi bdud rtsi dngos su babs pa dang*/_dad skal bzang po'i slob mas tshe sbyin yid bzhin 'khor lor dngos su mjal ba dang*/_mchog gi rdo rje'i rig pa 'dzin pa chen por tshe lam gyi rtogs pa spar bas sku tshe mthar son pa sogs grub pa chen po'i sa brnyes pa'i skyes bu chen po'i gsang ba gsum gyi rdo rje'i ye shes 'phos pa'i dbang gis bdag nyid pad+ma gar dbang bde chen 'od gsal mdo sngags gling pa la/_dze tA ri dgra las rnam par rgyal ba'i tshe sgrub thams cad mkhyen gzigs mkhyen brtse'i dbang po'i phyag bris shig mjal bar rmis pa'i rkyen gyis rig khams las brdol ba cung zad nyams su blangs pas/_mdo khams gnas chen nyer lnga'i bye brag 'chi med grub pa'i gnas su ched du bsngags pa zhi mdzad rdo rje rigs kyi dkyil 'khor rgyam rgyal pad+ma shel ri'i mdun bkra shis 'o ma'i mtsho khar tshogs kyi 'khor lo'i skabs mtsho dkar gsal la dkyil 'khor sgo rdzogs can gyi re khA mthing zhun du gsal ba kun gyis mthong ba sogs tshe yi bdag po'i byin rlabs kyis dbugs dbyung dang*/_gsung gi yon tan gnas mchog smad shod dzam nang pad+ma shel phug gi mdun bai ro'i sgrub phug g.yas bskor du phyin pa'i brag logs las mtsho rgyal gyis shog ser bsgril kha chung ngu bstsal ba khar bcug pa rmis pa sogs byin rlabs kyi mtshan ma mang du mthong bas nges pa rnyed pa ltar/_'jam mgon chos kyi rgyal po pad+ma ye shes rdo rjes bka' bstsal bzhin gtan la phab nas thog ma'i smin grol rdzogs par phul bas legs pa'i dbugs 'byin yang yang bstsal zhing thugs dam nyams bzhes mdzad nas/_kun mkhyen 'jam pa'i dbyangs kyi gter gyi 'phro yin tshul dgyes pa chen pos bka' bstsal ba'i bka' drin gyis bskyangs pa'i thun mong ma yin pa'i tshe mchog sgrub pa'i gseng lam rang byung pad+ma tshe yi snying thig la phyi nang gsang ba yang zab kyi sgrub tshul bzhir bzhugs pa'i rtsa ba nang sgrub tshe dpag tu med pa'i dkyil 'khor du dbang bskur ba skabs su babs pa ste/_'di la yang sngon 'gro/_dngos gzhi'i dbang chen/_yang zab tshe yi don dbang*/_mtha' brten tshe yi byin rlabs rnams su bzhugs pa'i sngon 'gro slob ma lhag gnas kyi rim pa grub nas dngos gzhi'i dbang rnams rim par bskur ba la maN+Dal phul/_mtshams sbyor dang sngags spyi ltar byas la gdong dgab cing me tog gtad la chas su 'jug_bla ma dang dkyil 'khor gyi gtso bo gnyis su med pa la dad mos gdung shugs drag pos pus gtsug thal sbyar dang bcas gsol ba 'debs pa 'di'i rjes zlos mdzod/_gsung gi rdo rje gar gyi dbang:_pad+ma sems gtso khyod la 'dud:_yang dag thar pa'i lam 'dod pas:_byang chub rdo rjes brtser dgongs te:_mgon po dkyil 'khor gtso bo yis:_bdag nyid 'jug par bstsal du gsol:_lan gsum/_bla mas/_e ma rdo rje'i rigs kyi bu:_khyod ni tshul chen snod yin te:_'chi med mchog gi dngos grub phyir:_dkyil 'khor chen por smin par bya:_'dir skyabs sems tshogs bsags sdom pa bzung ba rnams gong gi sta gon skabs su 'byung ba ltar dmigs pa'i mtshams sbyor bcas rjes zlos byar gzhug_/gsang sngags kyi sems bskyed pa ni/_khyed rang rnams kyi snying gar kun rdzob byang chub sems kyi ngo bo zla ba'i dkyil 'khor gyi steng du don dam byang chub sems kyi ngo bo rdo rje dkar po rtse lnga pa res mtshan par bsgom la bden gnyis dbyer med du sems bskyed par mos la 'di'i rjes zlos/_oM sarba yo ga tsit+ta ut+pa da yA mi/_lan gsum/_rdo rje me tog bcas snying gar bzhag la/_sems bskyed pa de nyid brtan par byas par mos shig_/su ra te sa ma ya s+t+wa~MHho sid+d+hi badz+ra ya thA su khaM/__gsang ba'i de kho na nyid bsgo ba'i don thugs la nges par mdzod cig__kye ho yang dag lam 'dod pas:_dngos grub gnas la brtson pa ni:_nges par skal pa mchog gi rigs:_rdo rje theg pa'i gseng lam las:_rig pa 'dzin pa'i gnas 'dod na:_'jug par dka' yang khe nyen che:_dam tshig rim pa bgrangs las 'das:_nyams na sdug bsngal tshor ba rags:_de phyir yang dag blo gros dang:_ldan pas dpyod la lan smros shig:_lan du gus pas gsol gdab pa:_rang gi rgyud du dpyad de smra:_dpa' bo chen po bdag la dgongs:_bla med 'bras bu nges pa'i lam:_bde myur thob pa'i thabs chen po:_gsang chen sngags kyi rnal 'byor te:_lha dang bla mar rtag tu gus:_dam tshig mig gi 'bras bzhin srung:_dngos grub gnas la g.yel med brtson:_gsang ba mchog gi lam yang srung:_de phyir snod dang skal pa bzang:_dbang mchog bdag la bstsal du gsol:_zhes gsol ba btab pas/_pra be sha ya:_dkyil 'khor chen po'i sgo bzhi shag gis phyes par mos shig_/yol ba bsal/_dza:hU~M ba~M hoH_las kyi rdo rjes sna drangs te dkyil 'khor gyi shar sgo nas brtsams te g.yas bskor du byams pa sogs tshad med bzhi'i 'jug pas rim par zhugs shing lha tshogs rnams kyi zhabs la phyag 'tshal ba'i mos pas thal mo gnas gsum du sbyor la sngags 'di'i rjes zlos mdzod/_oM na ma ste hU~M/_na ma mi hU~M/_na mo na ma hU~M swA hA/_lan bzhi/_slar yang shar sgo'i drung du 'khod pa la sngags kyi dam tshig bsrung ba'i phan yon/_de las 'das pa'i nyes dmigs/_gnyis ka dang*/_slob dpon bka' gnyan par bsgrag pa'i dam bzhag bzhi po rim par 'byung ba la snyan gtod cig_/rdo rje spyi bor bzhag la/_oM:_de ring 'chi med mgon po yi:_ye shes khyed la bskyed par bya:_gsang ba mchog gi dam tshig las:_bla med 'bras bu thob phyir zungs:_dz+nyA na badz+ra sa ma ya hU~M:_rdo rje snying gar bzhag la/_AH_'di ni dam tshig rdo rje sems:_khyod kyi snying la dbyer med gnas:_gal te dam las 'das gyur na:_de ma thag tu bkas te gshegs:_sa ma ya badz+ra:_nang mchod sbyar ba'i dung chu sbyin la/_hU~M:_'thungs shig rdo rje bdud rtsi'i chu:_lce la bzhag kyang snying dkyil thim:_ma srung 'dod pa'i dngos grub nyams:_srung na ye shes tshe 'dir rnyed:_sa ma ya a mr-i ta u da ka hU~M:_rdo rje gdengs shing mgor bzhag la/_hoH_de ring phyin chad bu khyod kyi:_'chi med mgon po nga yin pas:_ji skad bsgo ba'i dam tshig las:_nam yang 'da' bar ma byed cig:_ma hA sa ma ya hU~M:_de nas dbang gi gzhi 'god cing ye shes dbab pa yin pas khyed rang rnams lus gnad drang por bsrang*/_ngag gnad rlung kha sbyor bcings/_sems kyi gnad tshogs drug gi yul la ma yengs par dmigs pa 'di rtse gcig tu sgoms shig_/las sngags kyis bsang*/_oM ma hA shU n+ya tA dz+nyA na badz+ra swa b+hA wa at+ma ko\u0f85 haM/_gzung 'dzin gnyis bsdus kyi chos thams cad stong par gyur/_de'i ngang las snod rnam par dag pa 'og min pad+ma bkod pa'i zhing dang gzhal med rgyan dang bkod pa tshad med pa'i dbus su rma byas btegs pa'i rin po che'i khri'i steng du sna tshogs pad+ma'i ge sar nyi ma dang zla ba brtsegs pa'i gdan la khyed rang rnams kyi rnam shes yi ge hrIHyig dmar po gcig tu gyur pa 'od du zhu ba las/_bcud dag pa lha yi phyag rgyar bsgrub pa'i phyir slob ma'i gzhi lus kyi phung khams skye mched rnams mgon po tshe dang ye shes dpag tu med pa sku mdog dmar po nyin byed dbang po'i dkyil 'khor ltar gsal zhing 'od zer rnam mang du 'phro ba/_zhal gcig phyag gnyis pa mnyam bzhag gi steng na tshe'i bum pa bsnams pa yum gos dkar mo dmar gsal pad+ma bum pa 'dzin pa dang gnyis su med par mnyam par sbyor zhing*/_yab rdo rje'i skyil krung dang yum pad+ma'i skyil krung gis 'khril sbyor gyi stabs su bzhugs pa/_dbu skra ral pa'i thor tshugs kyi lhag ma lcang lo'i tshul du bres shing*/_lha rdzas las grub pa'i dar gyi stod g.yogs/_sham thabs/_gsang khebs/_ska rags/_zi ldir lnga dang*/_rin po che'i dbu rgyan/_cod pan snyan cha/_mgur chu/_do shal/_phreng ba/_dpung rgyan/_se mo do/_phyag gdub brgyad kyis brgyan pa/_shin tu lhan ne lhang nge lham me zhi ba'i nyams dgu dang ldan zhing mtshan dpe'i gzi byin rab tu 'bar ba snang la rang bzhin ma grub pa zhig tu bsgom/_de'i spyi bor oM dkar po/_mgrin par AHdmar po/_thugs kar hU~M sngon pos mtshan pa la sems rtse gcig tu gtod mdzod/_de nas rgyud rnam par dag pa ye shes lha'i gzi byin dbab pa'i slad du yab yum snyoms par zhugs pa'i dga' ba'i sgra dang bde ba'i 'od zer nam mkha'i khams gang ba dang mos gus gdung shugs tshad med pa'i rdo rje'i glu yis thugs dam bskul bas/_phyogs bcu dus bzhi'i rab 'byams rgyal ba sras dang bcas pa rnams dang*/_khyad par bcom ldan 'das mgon po tshe dang ye shes dpag tu med pa'i dkyil 'khor gyi lha tshogs rnams kyi sku gsung thugs kyi byin rlabs dang dngos grub ma lus pa sku phyag rgya/_gsung yig 'bru/_thugs phyag mtshan thig le 'od zer gyi rnam pa dpag tu med pa char chen po babs pa bzhin byon nas khyed rang rnams la dbyer med du thim pas ye shes chen po'i byin rlabs rgyud la zhugs par mos shig_/ces byas la 'bebs pa'i rdzas bsregs/_dbyangs dang rol mos bskul la las byang gi byin 'bebs dang sngags mang du brjod/_des kyang ma phebs na spog pa'i cho ga ni/_slar yang dmigs pa 'di bzhin du mdzod/_khyed rang rnams tshe dang ye shes dpag tu med pa sngar ltar gsal ba'i snying ga'i dbus su rlung sems dbyer med pa'i ngo bo dga' ba 'khyil pa dkar la dmar ba'i mdangs can g.yon bskor du drag tu 'khor ba la sems gtod la dbyings rig dbyer med kyi ngang du mnyam par zhog cig_hU~M gi glu blangs la dbab pas nges par phebs pa'i rtags sgo gsum bde ba chen po'i nyams 'bar ba sogs byung na rtsol med du bskyang gzhug_de ltar phab pa'i ye shes pa'i byin rlabs kyi rgyun sgo gsum la rab tu gnas par byas par mos shig_/oM badz+ra dz+nyA na tiSh+Tha b+h+rU~M zhes spyi bor rdo rje rgya gram du bzhag_/me tog 'dor ba'i dkyil 'khor 'du byas la/_khyed rang rnams la sngar byin pa'i me tog de nyid/_ye shes kyi dkyil 'khor la gtso 'khor rang rgyud pa'i bzang ngan gyi bye brag med kyang rnam pa rang rang gi tshe rabs sngon nas 'brel ba'i rigs gang yin pa'i lha la phog par shog cig snyam pas tshig 'di'i rjes zlos dang bcas te 'dor ba zhu/_oM:_rin chen me tog yid 'ong phreng:_rang byung dkyil 'khor lha la 'bul:_tshe rabs 'brel ba'i rigs kyi lhas:_thugs rjes dgongs te bzhes su gsol:_oM rat+na puSh+pe pra tIts+tsha ho:_zhes 'dor du gzhug la/_de ltar dor ba'i me tog dbus su babs na pad+ma'i rigs kyi gtso bo snang ba mtha' yas tshe dpag med/_shar du rdo rje tshe dpag med/_lhor rin chen tshe dpag med/_nub tu bde gshegs tshe dpag med/_byang du las rab tshe dpag med de gang la babs pa nyid lhag pa'i lhar zungs shig_/rigs dang mthun pa'i gsang mtshan gdags/_me tog cod pan slar bcings la/_me tog lhag pa'i lhas bzhes te slar yang dbang rtags cod pan gyi tshul du spyi bor bcings par mos shig_hoH_'di ni khyod kyi babs pa'i lha:_deng nas bzung ste byang chub bar:_'bral med byin gyis rlob pa'i phyir:_rin chen cod pan tshul du sbyin:_oM pra ti gr-ih+Na.i maM satwa ma hA ba la tiSh+Tha oM:_slob dpon gyi thugs ka nas ye shes kyi 'od zer gser gyi thur ma lta bur 'phros/_khyed rang rnams kyi ma rig pa'i sgrib g.yogs dang mig dar lhan cig bsal bar mos shig_/mig thur thogs la/_oM:_tshe dpag med pa'i ye shes kyi:_snang bas ma rig sgrib bsal nas:_rang bzhin dkyil 'khor don dang rtags:_mngon sum nyid du mthong gyur cig:_oM badz+ra dz+nyA na tsak+ShuHpra be sha ya phaTa?:_ces gdong g.yogs bsal/_de ltar rnam dag ye shes kyi spyan gsar du thob pa la dkyil 'khor bstan cing spro ba bskyed pa lags te/_hoH_gdod nas rnam dag rang bzhin dbyings:_ye shes gzugs brnyan tshul du shar:_mtshon byed rtags kyi dkyil 'khor ni:_ting 'dzin mchog gi rol mo las:_lhag pa'i cho 'phrul bsam yas spro:_byang chub sems dang tshom bu tshogs:_phyi nang gzhan gsum dbyer med pa:_tshe mtha' yas pa'i maN+Dal la:_'dir zhugs 'di ltos 'di don sgoms:_mthong bas skal mang sdig sgrib dag:_dbang bskur ye shes rgyud la smin:_bsgoms pas dngos grub myur du 'grub:_de phyir dad brtson skal ldan rnams:_lha sngags phyag rgyar mnyam sbyar nas:_rang gzhan don gnyis brtson par gyis:_zhes bskul la/_de'ang yum lnga'i rang bzhin 'byung ba rim lnga brtsegs pa'i steng du byang chub phyogs chos rnam par dag pa'i thar pa chen po'i gzhal med khang rgyan dang bkod pa yongs su rdzogs shing phyi rol 'jig rten skyong ba'i khor yug gis bskor ba'i dbus su/_pad+ma dang zla ba'i gdan la dkyil 'khor 'khor lo'i dbang phyug bcom ldan 'das mgon po tshe dang ye shes dpag tu med pa la rang 'od yum mchog gos dkar mos 'khyud pa/_de'i shar du rdo rje tshe dpag med/_lhor rin chen tshe dpag med/_nub tu bde gshegs tshe dpag med/_byang du las rab tshe dpag med yab yum gyi g.yas g.yon du sgeg phreng glu gar ma dang*/_mgyogs ma bzhi/_sgo bzhir sgo ma bzhi bcas rang rigs kyi sku mdog phyag mtshan zhi ba longs spyod rdzogs sku'i rgyan cha lugs rnam 'gyur ma 'dres yongs su rdzogs pa/_bar mtshams su 'chi med tshe yi lha tshogs rtsa gsum chos srung rgya mtsho'i tshogs rnams nyi ma dang 'od zer gyi tshul du ye shes kyi rol pa tshad med pas bzhugs pa ste/_de ltar na bcom ldan 'das mgon po tshe dang ye shes dpag tu med pa'i dkyil 'khor rten dang brten par bcas pa mngon sum du mjal bar mos la dad gus spro ba rgya chen po skyed cig__/de dag rnams kyis lha dang skal ba mnyam pa'i phyir du dkyil 'khor phyi nang du 'jug pa'i chos rnams legs par grub pa lags/_zhugs nas mngon par dbang bskur ba zhu ba'i yon du maN+Dal phul/__gsol ba 'debs pa 'di'i rjes zlos/_hoH_rigs rnams kun bdag slob dpon gyis:_thugs rjes brtse bas nyer bzung nas:_go 'phang mchog tu dbugs dbyung phyir:_ye shes dbang bskur bstsal du gsol:_lan gsum/_de ltar gsol ba btab pa la bum gsang sher ye bzhi pa dang 'brel ba'i phan nus zab mo'i dbang rnams rim par bskur ba'i dang po bum pa'i dbang la phyi phan pa dang*/_nang nus pa 'jug pa'i dbang gnyis/_dang po phyi phan pa rdo rje slob ma'i dbang la rigs pa'i dbang lnga rim par bskur ba'i slad du dmigs pa 'di ltar mdzod/__bdag mdun gyi thugs ka nas 'phros pa'i 'od zer gyis phyogs bcu'i rgyal ba sras dang bcas pa thams cad gdan gsum tshang ba'i dkyil 'khor pa'i rnam par spyan drangs/_badz+ra sa mA dzaH_thugs ka nas spros pa'i lha mo rnams kyis mchod cing bstod par gyur/_oM badz+ra ar+g+haM pra tIts+tsha swA hA/_des 'gres te/_pA d+yaM/_nas shab+da'i bar brjod/_phung khams dag pa gshegs pa gshegs ma'i gdan:_dbang yul dag pa sems dpa' sems ma ste:_las kyi bdag po khro bo khro mo'i tshogs:_gdan gsum yongs rdzogs lha la phyag 'tshal bstod:_gsol gdab ni/_rdo rje can gyis sangs rgyas la:_'gro ba skyobs pa'i ched du dbang:_yon tan 'byung gnas ji ltar bstsal:_de ltar 'di la'ang bstsal du gsol:_ces gsol ba btab pas/_de bzhin gshegs pa rnams kyis dbang gi dgongs pa mdzad/_gshegs ma rnams kyis dbang bskur/_sems dpa' rnams kyis bkra shis brjod/_sems ma rnams kyis rdo rje'i glu gar bsgyur/_khro bo khro mo rnams kyis bgegs bskrad cing dbang gi phrin las la 'jug par gyur/_/bkra shis gang zhig sems can kun gyi snying la gnas/_/kun gyi bdag nyid rigs kun gyi ni bdag po mchog_/ma lus sems can skyed mdzad bde ba chen po ste/_/des ni deng khyod dbang bskur mchog la bkra shis shog_/ces me tog 'thor zhing rol mo bya/_slob ma skad cig gis rdo rje tshe dpag med mthing ga zhi ba'i nyams can/_phyag mnyam bzhag gis rdo rjes mtshan pa'i tshe bum bsnams pa/_dar dang rin po che'i rgyan can zhabs rdor skyil gyis pad zla la bzhugs par sgoms/_rnam rgyal bum pa'i chu mi bskyod pa'i bdag nyid can gyi spyi bor dbang bskur bar mos shig_/rnam bum thogs la/_hU~MH_rnam shes zhe sdang dag bya'i phyir:_rdo rje tshe lha'i ngo bo nyid:_mi bskyod chu yis dbang bskur bas:_me long ye shes mngon gyur shog:_oM badz+ra ak+Sho b+h+yaHa b+hi Shiny+tsa hU~M:_bum pas dbang bskur bum chu 'thor zhing sbyin/_badz+ra ka la sha a b+hi Shiny+tsa hU~M su ra ta s+t+wa~M a haM:_zhes bum chu spyi bor blugs pa'am 'thor/_de ltar dbang bskur ba'i chu rgyun gyis lus kyi nang gang*/_yid kyi dri ma dag_/chu'i lhag ma yar lud pa las mi bskyod pas dbu brgyan pa la mchod par gyur/_oM badz+ra ar+g+haM sogs/_shab+da pra tIts+tsha swA hA/_rdo rje'i rang bzhin rdo rje'i dbyings:_rdo rje'i 'od zer mtha' yas pa'i:_rdo rjes bdud sde pham mdzad pa:_rdo rje tshe lha'i bkra shis shog:_ces shis pa brjod/_des sangs rgyas thams cad kyi thugs kyi dbang thob/_nyon mongs pa zhe sdang dag_/rnam shes kyi phung po me long ye shes su gnas gyur/_thugs rdo rje'i rigs kyi las dang dngos grub sgrub pa la dbang ba yin no/_/zhes rtogs pa brjod/_de bzhin du/_slob ma skad cig gis rin chen tshe dpag med gser mdog rgyas pa'i nyams can/_phyag gnyis mnyam bzhag gis tshe bum rin po ches mtshan pa 'dzin pa/_dar dang rin po ches brgyan cing zhabs rdor skyil gyis pad zla la bzhugs par sgoms/_dbu rgyan rin chen 'byung ldan gyi bdag nyid can spyi bor bcings te dbang bskur bar mos shig_/dbu rgyan bskon la/_trA~M:_tshor ba nga rgyal dag bya'i phyir:_rin chen tshe lha'i ngo bo nyid:_longs spyod dbu rgyan dbang bskur bas:_mnyam nyid ye shes mngon gyur shog:_oM rat+na saM b+ha wa a b+hi Shiny+tsa trA~M:_badz+ra ka la sha sogs kyi chu dbang*/_de ltar dbang bskur ba'i chu rgyun gyis lus kyi nang gang*/_shes bya'i sgrib pa dag_/chu'i lhag ma yar lud pa las rin chen 'byung ldan gyis dbu brgyan pa la mchod par gyur/_gong ltar mchod/_rin chen las skyes rin chen bdag:_rin chen snying po'i 'od zer gyis:_rin chen yid bzhin 'phel mdzad pa:_rin chen tshe lha'i bkra shis shog:_des sangs rgyas thams cad kyi yon tan gyi dbang thob/_nyon mongs pa nga rgyal dag_/tshor ba'i phung po mnyam nyid ye shes su gnas gyur/_yon tan rin chen rigs kyi las dang dngos grub sgrub pa la dbang ba yin no/__/slob ma skad cig gis pad+ma tshe dpag med dmar po dbang gi nyams can phyag gnyis mnyam bzhag gis tshe bum lcags kyus mtshan pa bsnams pa/_dar dang rin po ches brgyan cing zhabs rdor skyil gyis pad zla la bzhugs par bsgoms/_rdo rje snang ba mtha' yas kyi bdag nyid can phyag g.yas su gtad par mos shig_/rdo rje gtad la/_hrIH_'du shes 'dod chags dag bya'i phyir:_pad+ma tshe lha'i ngo bo nyid:_thabs kyi rdo rjes dbang bskur bas:_sor rtog ye shes mngon gyur shog:_oM pad+ma a mi ta b+ha a b+hi Shiny+tsa hrIH_badz+ra ka la sha sogs chu dbang*/_de ltar dbang bskur ba'i chu rgyun gyis lus kyi nang gang*/_ngag rlung gi dri ma dag_/chu'i lhag ma yar lud pa las 'od dpag tu med pas dbu brgyan pa la mchod par gyur/_gong ltar mchod/_pad+ma'i 'byung gnas pad+ma'i sgra:_pad+ma zab pa'i rgya mtsho'i 'od:_pad+ma'i dpal du 'gugs mdzad pa:_pad+ma tshe lha'i bkra shis shog:_des sangs rgyas thams cad kyi gsung gi dbang thob/_nyon mongs pa 'dod chags dag_/'du shes kyi phung po so sor rtog pa'i ye shes su gnas gyur/_gsung pad+ma'i rigs kyi las dang dngos grub sgrub pa la dbang ba yin no/__/slob ma skad cig gis las kyi tshe dpag med ljang gu drag po'i nyams can/_phyag gnyis mnyam bzhag gis tshe bum rgya gram gyis mtshan pa bsnams pa/_dar dang rin po ches brgyan cing zhabs rdor skyil gyis pad zlar bzhugs par sgoms/_dril bu don yod grub pa'i bdag nyid can phyag g.yon du gtad par mos shig_/dril bu sbyin la/_aH_'du byed phrag dog dag bya'i phyir:_las kyi tshe lha'i ngo bo nyid:_shes rab dril bus dbang bskur bas:_bya grub ye shes mngon gyur shog:_oM karma A mo g+ha a b+hi Shiny+tsa A:_badz+ra ka la sha sogs chu dbang*/_de ltar dbang bskur ba'i chu rgyun gyis lus kyi nang gang*/_kun gzhi'i sgrib pa dag_/chu'i lhag ma yar lud pa las don yod grub pas dbu brgyan pa la mchod par gyur/_gong ltar mchod/_las kyi rol pa las kyi thabs:_las kun dbang sgyur grub pa'i 'od:_las dang ye shes dngos grub ster:_las kyi tshe lha'i bkra shis shog:_des sangs rgyas thams cad kyi phrin las kyi dbang thob/_nyon mongs pa phrag dog dag_/'du byed kyi phung po bya grub ye shes su gnas gyur/_phrin las kyi rigs kyi las dang dngos grub sgrub pa la dbang ba yin no/__/slob ma skad cig gis bde gshegs tshe dpag med dkar po brjid pa'i nyams can/_phyag gnyis mnyam bzhag gis tshe bum 'khor los mtshan pa bsnams pa/_dar dang rin po ches brgyan cing zhabs rdor skyil gyis pad zla la bzhugs par sgoms/_rnam par snang mdzad kyi bdag nyid can gyi ming gis dbang bskur bar mos shig_rdo rje dang bcas pa'i dril bu thogs te/_oM:_gzugs phung gti mug dag bya'i phyir:_bde gshegs tshe lha'i ngo bo nyid:_rdo rje ming gis dbang bskur bas:_chos dbyings ye shes mngon gyur shog:_/rdor dril bsnol ma spyi bor 'khrol la/_oM bud+d+ha bai ro tsA na a b+hi Shiny+tsa oM:_gsang ba'i mtshan bsgrag_badz+ra ka la sha sogs kyi chu dbang*/_de ltar dbang bskur ba'i chu rgyun gyis lus kyi nang gang*/_chu'i lhag ma yar lud pa las rnam par snang mdzad kyis dbu brgyan pa la mchod par gyur/_gong ltar mchod/_bde gshegs yab gyur bde gshegs gsung:_bde gshegs tshe lha'i 'od zer sprin:_bde gshegs dgyes pa sgrub mdzad pa'i:_bde gshegs tshe lha'i bkra shis shog:_des sangs rgyas thams cad kyi sku'i dbang thob/_nyon mongs pa gti mug dag_/gzugs kyi phung po chos dbyings ye shes su gnas gyur/_sku bde gshegs rigs kyi las dang dngos grub sgrub pa la dbang ba yin no/__/gnyis pa nang nus pa 'jug pa'i dbang la spyi dang bye brag khyad par gsum las/_dang po rdo rje slob dpon bdag po chen por dbang bskur zhing dbugs dbyung ba la dmigs pa 'di ltar mdzod/_rgyas par spro na gtso bo bskyed pa'i tshig gong gsal ltar brjod/_bsdu na/_khyed rang skad cig gis pad+ma dang zla ba'i gdan la dkyil 'khor 'khor lo'i dbang phyug bcom ldan 'das mgon po tshe dang ye shes dpag tu med pa la rang 'od yum mchog gos dkar mos 'khyud pa/_rang rtags phyag mtshan dang rgyan cha lugs yongs su rdzogs shing mtshan dpe'i gzi byin 'bar bar gyur pa la thabs bde ba chen po rdo rje thugs kyi dam tshig byin par mos/_rdo rje lag g.yas su gtad nas gsor du gzhug_hU~M:_thog mtha' med pa'i byang chub sems:_don gyi rdo rje rab bzung nas:_dkyil 'khor kun gyi 'od gsal thugs:_shin tu rnam par rtogs par gyis:_oM ma hA badz+ra dz+nyA na hU~M:_shes rab stong pa nyid dril bu gsung gi dam tshig byin par mos/_dril bu lag g.yon du gtad la dkrol du gzhug_AH_srid pa'i rlung bcu rnam dag pa:_grags stong nges don dril bu'i sgra:_mi shig nA da'i gsung dbyangs kyis:_'gro ba thams cad sad par gyis:_oM badz+ra g+haN+De dz+nyA na AH_bde stong zung 'jug phyag rgya sku'i dam tshig byin par mos shig_/rdor dril thugs kar bsnol te 'khyud pa'i phyag rgya byar gzhug la/_hU~M:_phung khams skye mched gdod ma nas:_snang rig zung 'jug sgyu ma'i tshul:_bde stong ye shes phyag rgya'i skus:_kha sbyor bde ba'i ting 'dzin sgrub:_oM ma hA mu dra dz+nyA na At+ma ko\u0f85 haM:_slar yang dbang gi lha rnams kyis bkra shis pa'i rnam pa du ma dang ldan pas rin po che'i bum pa bdud rtsi'i chu rgyun gyi gang bas dbang bskur bar mos shig_/rnam bum gyi dbang bskur la/_ho:_rin chen bum pa bcud dang ldan:_'chi med tshe yi lha tshogs bzhugs:_skal ldan khyod la dbang bskur bas:_ye shes bdud rtsis rgyud smin shog:_ka la sha dz+nyA na a b+hi Shiny+tsa oM:_de ltar dbang bskur ba'i chu rgyun gyis lus kyi nang gang sgrib pa bzhi'i sa bon bag chags dang bcas pa dag_/chu'i lhag ma gyen du 'khyil ba las rdo rje sems dpas dbur brgyan/_nam mkhar bzhugs pa'i dbang gi lha rnams kyang thim par gyur/_rten snying dang*/_su pra tiSh+Tha brjod/_me tog 'thor la rab tu gnas/_gong ltar mchod/_dkon mchog gsum gyi shis brjod bya/_gnyis pa bye brag gi rjes su gnang ba la/_khyed rang rnams kyi spyi bor bkra shis pa'i gdugs dbub/_lag g.yas su dung dkar/_g.yon du dril bu/_pang du sngags kyi glegs bam/_rkang 'og tu 'khor lo byin te de nyid bcu sogs rdo rje slob dpon gyi phrin las rab 'byams sgrub par bka' gnang bar mos shig_/chas rnams so sor gtad la/_hoH_deng nas brtsams te rigs kyi bu:_khyod ni sgrib dag ye shes brnyes:_dkyil 'khor kun gyi bdag po che:_rdo rje slob dpon mchog tu gyur:_lta spyod dkyil 'khor smin grol dang:_las kyi yan lag thams cad la:_bde chen sgyu ma'i rol pas sgrubs:_snying rje chen pos gzhan don gyis:_'khor ba rgyud lnga drangs pa'i phyir:_bsdu ba rnam bzhi'i dung bus la:_theg mchog chos kyi dril bu sgrogs:_rdo rje'i sngags rgyud rab 'byams kyis:_rigs can gsum gyi gdul bya kun:_byang chub snying por dbugs phyungs shig:_oM badz+ra d+harma b+hA ShA dz+nyA na sa ma ya ho:_zhes gdams/_gsum pa khyad par ba sku gsung thugs kyi byin rlabs dang nus pa rgyud la 'jug pa'i phyir lha sngags rig pa'i dbang bskur sbyin pa'i thog mar sku phyag rgya'i dbang bskur ba la/_mdun bskyed lha tshogs gtso 'khor rnams las ye shes kyi sku mar me gcig las gnyis mched kyi tshul du byon nas khyed rang la thim pas ye shes kyi phyag rgya dang gnyis med du gyur par mos shig_/lha tsaka rnams kyis dbang rim par bskur la/_hrIH_gsung gi rdo rje bcom ldan 'das:_tshe mtha' yas pas dbang bskur bas:_'chi med rtag pa rdo rje'i skur:_'grub pa'i skal ba ldan par shog:_oM dz+nyA na kA ya a b+hi Shiny+tsa oM:_hU~M/_thugs kyi rdo rje bcom ldan 'das/_/mi bskyod rdo rjes dbang bskur bas/_/rnam shes rnam dag 'gyur ba med/_/me long ye shes tshe thob shog_/oM badz+ra ak+Sho b+h+yaHa b+hi Shiny+tsa oM/_trA~M/_yon tan rdo rje bcom ldan 'das/_/rin chen 'byung ldan dbang bskur bas/_/tshor ba rnam dag lhun gyis grub/_/mnyam nyid ye shes tshe thob shog_/oM rat+na saM b+ha wa a b+hi Shiny+tsa oM/_oM/_sku yi rdo rje bcom ldan 'das/_/rnam par snang mdzad dbang bskur bas/_/gzugs phung rnam dag skye 'chi bral/_/chos dbyings ye shes tshe thob shog_/oM bai ro tsA na a b+hi Shiny+tsa oM/_A/_phrin las rdo rje bcom ldan 'das/_/don yod grub pas dbang bskur bas/_/'du byed rnam dag g.yo rtsol bral/_/bya grub ye shes tshe thob shog_/oM a mo g+ha sid+d+hi a b+hi Shiny+tsa oM/_hrIH_dga' ba'i rang bzhin ye shes dbyings/_/rdo rje sgeg mo tshe yi lhas/_/rigs kyi bu la dbang bskur bas/_/chu khams mA ki'i dbyings grol shog_/oM badz+ra lA s+ya hU~M a b+hi Shiny+tsa hU~M/_hrIH_mchog tu dga' ba'i ye shes dbyings/_/rdo rje phreng ba tshe yi lhas/_/rigs kyi bu la dbang bskur bas/_/sa khams spyan ma'i dbyings grol shog_/oM badz+ra mA l+ya hU~M a b+hi Shiny+tsa hU~M/_hrIH_khyad par dga' ba'i ye shes dbyings/_/rdo rje glu ma tshe yi lhas/_/rigs kyi bu la dbang bskur bas/_/me khams gos dkar dbyings grol shog_/oM badz+ra gIrti hU~M a b+hi Shiny+tsa hU~M/_hrIH_lhan skyes dga' ba'i ye shes dbyings/_/rdo rje gar ma tshe yi lhas/_/rigs kyi bu la dbang bskur bas/_/rlung khams sgrol ma'i dbyings grol shog_/oM badz+ra nIrti hU~M a b+hi Shiny+tsa hU~M/_hrI:_byams pa chen po'i ye shes dbyings:_rdo rje'i mgyogs ma tshe yi lhas:_skal ldan bu la dbang bskur bas:_tshe mchog 'gugs pa'i dbang thob shog:_oM badz+ra aM ku sha dzaHa b+hi Shiny+tsa hU~M/_hrI:_snying rje chen po'i ye shes dbyings:_rin chen mgyogs ma tshe yi lhas:_skal ldan bu la dbang bskur bas:_'pho med sdom pa'i dbang thob shog:_oM rat+na pA sha hU~M a b+hi Shiny+tsa hU~M/_hrI:_dga' ba chen po'i ye shes dbyings:_pad+ma'i mgyogs ma tshe yi lhas:_skal ldan bu la dbang bskur bas:_mi phyed mnyam pa'i dbang thob shog:_oM pad+ma s+pho Ta baM a b+hi Shiny+tsa hU~M:_hrI:_btang snyoms chen po'i ye shes dbyings:_las kyi mgyogs ma tshe yi lhas:_skal ldan bu la dbang bskur bas:_btang snyoms chen po'i dbang thob shog:_oM karma g+haN+De ho a b+hi Shiny+tsa hU~M/_dzaH_sbyin pa'i phrin las chen po'i gzugs/_/rdo rje sgo ma lcags kyu mas/_/rigs kyi bu la dbang bskur bas/_/zhi ba'i phrin las mthar phyin shog_/oM shAn+tiM ku ru hU~M a b+hi Shiny+tsa hU~M/__hU~M/_snyan par smra ba'i phrin las gzugs/_/rdo rje sgo ma zhags pa mas/_/rigs kyi bu la dbang bskur bas/_/rgyas pa'i phrin las mthar phyin shog_/b+h+rU~M puSh+TiM ku ru hU~M a b+hi Shiny+tsa hU~M/__ba~M/_don spyod phrin las mthar phyin gzugs/_/rdo rje sgo ma lcags sgrog mas/_/rigs kyi bu la dbang bskur bas/_/dbang gi phrin las mthar phyin shog_/hrIHwa shaM ku ru hU~M a b+hi Shiny+tsa hU~M/__hoH_don mthun phrin las mthar phyin gzugs/_/rdo rje sgo ma dril bu mas/_/rigs kyi bu la dbang bskur bas/_/drag po'i phrin las mthar phyin shog_/hU~M mA ra ya phaTa? a b+hi Shiny+tsa hU~M/__de ltar lha sku phyag rgya'i dbang bskur bas/_deng nas bzung ste rang lus snang stong lha'i sku bsgom pa dang ma bral bas snang ba thams cad la lha sku phyag rgya'i gzer gyis thebs par gyis shig__/gsung bzlas pa'i lung sbyin pa la dmigs pa 'di rnams gsal thob/_bdag mdun gyi thugs kar sna tshogs rdo rje'i lte bar nyi zla'i gwa'u'i dbus su hrIHyig dmar gsal sngags phreng gis bskor ba gsal thob/_slob dpon dang lha la mos gus byas pa'i rkyen gyis sngags phreng las sngags phreng gnyis pa byung zhal nas thon/_khyed rang rnams kyi zhal du zhugs thugs ka'i hrIHyig gi mthar 'khod/_bzlas pa'i rkyen gyis 'od zer spro bsdus don gnyis bsgrubs/_'khor 'das brtan g.yo'i dwangs bcud bsdus te dwangs ma'i sgo gsum la thim pas rang gzhan sems can kun gyi skye 'chi'i sdug bsngal ming med du sbyangs/_tshe dang ye shes kyi dngos grub thob par mos la bsnyen sngags 'di'i rjes zlos mdzod/_bsnyen sngags lan gsum bzlar gzhug_slar yang gtso bo rigs lnga yab yum gyi thugs kar rgya gram steng nyi zla'i gwa'ur rigs kyi sa bon la sngags phreng gis bskor ba las 'od zer spro bsdus snod bcud snang grags rtog tshogs thams cad lha sngags ye shes kyi rol mor shar/_phyi 'byung lnga/_nang phung khams/_gsang ba sku gsung thugs yon tan phrin las kyi tshe yi dngos grub thob ste mchog thun gyi las rab 'byams 'grub par mos la sgrub sngags lan gsum rjes zlos/_sgrub sngags dang*/_slar yang dkyil 'khor gyi thugs ka'i 'od kyis sgo ma bzhi bskul tshe yi mgyogs ma nam mkha' gang ba spros te thun mong phrin las rnam pa bzhi bsgrubs pas tshe yi 'gal rkyen bsal zhing*/_legs tshogs rgyas par mos la las sbyor gyi sngags rnams kyi rjes zlos mdzod/_las sngags lan gsum bzlar gzhug_sngags kyi phreng ba gtad pas bzlas brjod kyi nus pa bskyed cing brtan par byas par mos shig_/phreng ba gtad la/_A:_ye shes rnam pa thams cad pa:_rdo rje rig pa'i sngags su shar:_skal ldan ngag la dbang bskur bas:_'chi med rdo rje'i skal ldan shog:_bid+ya man+t+ra a b+hi Shiny+tsa a:_de ltar gsung sngags kyi dbang bskur bas deng phyin chad grags stong sngags kyi bzlas pa chu bo'i rgyun bzhin du brtson nas brtan g.yo'i sgra skad thams cad la rdo rje'i sngags kyi gzer gyis thebs par gyis shig__/thugs rang byung gi dgongs pa ngo sprad pa'i slad du/_me long dwangs pa'i ngos su gzugs brnyan sna tshogs su snang yang rang bzhin ma grub pa'i dpes mtshon nas/_rang sems stong pa'i rang rtsal las gzung 'dzin 'khrul pa'i snang ba sna tshogs su shar yang gdod ma nas skye 'gags gnas gsum dang bral ba'i don shes par gyis la snang rig zung 'jug rang byung 'od gsal chen po'i ngang du mnyam par zhog cig_/me long bstan la/_a:_sems ni dus gsum skye ba med:_yang dag ye shes snying po'i srog:_rtag tu chos kyi dbyings su bzhugs:_rang la gnas pa'i de nyid ltos:_a a aH_de ltar thugs ye shes kyi dgongs pa ngo sprad pas/_deng nas bzung ste rig stong ye shes chen po'i ngang la rtag tu mnyam par bzhag pa las ma g.yos pas rtog tshogs thams cad la dgongs pa mi 'gyur ba'i gzer dang 'phro 'du ting nge 'dzin gyi gzer gyis theb par gyis shig__/de rnams kyi phyi mtshan ma'i dkyil 'khor du bum pa'i dbang thob/_lus rtsa'i dri ma sbyangs/_bskyed rim lha'i 'khor lo bsgom pa la dbang*/_'bras bu sku rdo rje sprul pa'i sku 'thob pa'i sa bon rgyud la bzhag pa yin no/___/gnyis pa gsang ba zab mo'i dbang gi don du maN+Dal phul/_gsol ba 'debs pa 'di'i rjes zlos mdzod/_e ma dkyil 'khor dbang phyug gtso:_bde ba chen po bla ma dgongs:_bdag ni sems dpa' chen po ste:_gsang ba zab mo'i skal bar ldan:_khyod la yang dag skyabs su mchi:_bla med nges pa'i lam 'dod pas:_snying po'i dkyil 'khor 'jug la spro:_mnyam nyid brtul zhugs spyod pa'i phyir:_gsang ba'i dbang mchog bdag la stsol:_zhes gsol ba gdab pa la dgyes pas gnang ba byin par mos shig_/bla na med pa gsang ba'i lam:_sangs rgyas byang chub bde ba che'i:_skal ba mchog tu khyod sgrub na:_de ring pha yi gam du shog:_gsang ba'i dbang sbyin pa'i slad du dmigs pa 'di ltar mdzod cig__/bla ma tshe bdag yab yum sgoms:_gnas lngar rigs lnga'i stangs dpyal te:_gnyis med rol pa'i 'od dang sgras:_sangs rgyas thams cad snyoms par zhugs:_byang chub sems kyi bdud rtsi'i char:_babs pa bdag po'i lus la zhugs:_chags pa'i me yis bzhus pa yi:_byang chub sems kyi bdud rtsir 'dres:_mkha' gsang lhag pa'i sems kyi sprin:_thod pa'i bdud rtsir gnyis med gyur/_/byang sems lce la byin par mos/_AH_mtshan ldan pad+ma b+hany+dza'i snod:_lhag pa'i sems kyi bdud rtsi bskyil:_bu yi rdo rje'i lce la bzhag:_gnyis su med par rol te blang:_bo d+hi tsit+ta a la la ho:_b+han d+ha'i bdud rtsi gnas bzhir bzhag lce la byin te/_bu yis bdud rtsi 'thung ba'i mod:_tshe dpag med pa stangs dpyal gyi:_'khor lo lnga ru dkyil 'khor bkod:_rang byung rang shar tshe yi lha:_ma 'dres gsal rdzogs tshul du shar:_lce ni rdo rje rtse gsum pa'i:_lam brgyud bdud rtsi'i lus gang ste:_lha tshogs thams cad dgyes pa bskyed:_dwangs ma'i bdud rtsis phung khams sbyangs:_snang stong sgyu ma'i ting 'dzin la:_rtse gcig mnyam bzhag rang ngo ltos/_/zhes pa'i dmigs pa la sems 'dzin mdzod cig_/de ltar gsal thebs pa dang nad gdon sdig sgrib khyad par nyon mongs pa'i rlung dug sna bug nas phyir song bar mos la rlung ro lan gsum sol mdzod cig_/rlung ro lan gsum bsal/_rlung bum chen bzung du bcug la/_gzhi lus tshe dpag med yab yum rtsa gsum 'khor lo lnga dang bcas pa gsal la rlung kha sbyor du 'ching bas lte ba'i gtum mo bskul/_spyi bo'i haM bzhus pa'i dwangs ma dkar dmar 'dres pas 'khor lo bzhir khyab pas/_byang chub sems kyi zegs ma yis:_lus dkyil lha rnams dgyes pa bskyed:_bde chen rol pas sbyor ba yi:_sems kyi chu rgyun rtsa rnams gang:_rags pa'i phung khams thams cad sbyangs:_dwangs ma'i dbang shes lha ru sad:_ye shes sgyu ma'i sku thob bsam:_de ltar dmigs pa'i stobs kyis nang rang gi lus kyi 'khor lo lngar/_phung khams dag pa tshe bdag rigs lnga'i dkyil 'khor la byang chub sems kyi bdud rtsi'i dbang bskur bas dwangs ma sgrib bral du smin par byas pa la/_thun mong ma yin pa'i byin rlabs kyi slad du/_rigs lnga'i byang chub sems kyi bdud rtsi'i bcud len myong bas bde stong gi nus pa gsos thebs te lhan skyes bde ba chen po ye shes lnga yi tshe'i stobs rgyas par mos shig__hrIH_bdud rtsi'i snying po rang byung ba:_dkar rtsi dmar rtsi dri chu dang:_dri chen go ro tsa na yi:_snying po'i bcud len rol bar gyis:_bi mu ma ra shu a mr-i ta a la la ho:_bdud rtsi myong du gzhug la/_bde ba chen po'i ye shes kyi stobs lhag par rgyas par byas pa'i rkyen gyis/_rang nyid dkyil 'khor stangs dang dpyal:_gnyis med sbyor ba'i bde ba yis:_lus dkyil lha tshogs mchog tu dgyes:_'od kyis brtan g.yo'i dwangs ma bsdus:_thig le'i rnam par lus la thim:_dwangs mas nang gang 'chi med kyi:_grub pa'i bdud rtsis lus sems rgyas:_snying po mi 'gyur srog ldan dmigs:_lus dkyil gyi lha tshogs rjes su chags pa'i 'od dang sgras 'khor 'das brtan g.yo'i dwangs ma dang bde stong gi khams 'phel rgyas brtan pa ye shes dwangs ma'i thig ler byin gyis brlab pa'i phyir sha chen rigs lnga'i bcud len byin pa'ang rdo rje srog gi zungs su smin par mos/_hrI:_lus kyi snying po sha chen lnga:_ngo mtshar bcud kyi len pa'i mchog:_sgrub pa'i dam tshig rdzas chen po:_rol cig dngos grub mchog thob shog:_go ku da ha na a mr-i ta ma hA su kha ho:_zhes sha lnga myong du gzhug_de ltar myangs pas byang sems kyis rtsa khams thams cad la khyab/_gsal stong rnam par mi rtog pa'i bde ba'i ye shes rgyud la skyes pa ni/_bde ba'i rang ngo stong pa nyid:_stong nyid gang du'ang mi gnas pa'i:_ye shes bsam mi khyab pa'i dbyings:_mnyam par bzhag la rang ngo bskyang:_rdo rje'i tshig gis ngo sprad pa:_a:_yang dag ye shes rgya che ba:_snying po'i mchog ni 'gyur ba med:_rang byung rdo rje'i sems chen po:_skye 'gags med pa'i chos 'di'o:_a a a:_dpon slob gnyis kas mnyam par bzhag:_don gyi gnas lugs rang ngo sprad:_ye shes mchog gi gshis lugs skyong:_des nang lus kyi dkyil 'khor du gsang ba'i dbang thob/_ngag rlung gi dri ma sbyangs/_rang byin brlabs pa'i rnal 'byor sgom pa la dbang*/_'bras bu gsung rdo rje longs spyod rdzogs pa'i sku 'grub pa'i sa bon rgyud la bzhag pa yin no/__/gsum pa dngos gzhi dpe'i ye shes mtshon pa'i shes rab ye shes dbang gi don du maN+Dal phul/_gsol ba 'debs pa 'di'i rjes zlos/_e ma bde mchog dkyil 'khor gtso:_lhan cig skyes pa'i dgyes pa can:_gsang ba shes rab dbang bskur gyis:_bdag la smin par mdzad du gsol:_zhes gsol ba btab pas bla mas gsang ba mchog gi theg par mos pa'i rigs can du dgongs nas gnang ba sbyin pa ni/_kyai ho yang dag mchog gi lam:_sras bcas sangs rgyas thams cad kyi:_gsang ba bla na med pa yis:_nges par khyed cag smin par bya:_zhes gsungs te/_gzugs dang lang tsho'i mdzes sdug phul du byung zhing mtshan nyid mchog dang ldan pa'i rig ma tshe yi yum mchog tsaN+Da li'i ngo ba phyag g.yon du byin pas 'di skad gsung bar mos mdzod/_phyag rgya'i gzugs brnyan gtad la/_e ma rdo rje'i rigs kyi bu:_yang dag don la sbyor 'dod na:_dus gsum rgyal ba thams cad kyang:_nga la ma brten su zhig mchis:_thabs kyi gsang ba rmad byung ba'i:_lam la brten par khyod spro'am:_zhes dris pa la rdo rje theg pa'i lta spyod la spro zhing bde chen mchog gi brtul zhugs la dwangs pa'i sems kyis lan gsol bar mos la 'di'i rjes zlos/_rdo rje nam mkha' sems chen po:_bde chen pad+ma'i reg bya yis:_drangs te btsan thabs sbyor nus na:_lam 'dir bdag kyang spro bas 'jug:_slar yang phyag rgya mas 'di skad gsung bar mos/_gtsang dme gnyis su 'dzin pa'i blo:_kun kyang rtog pas btags pa tsam:_don la thams cad mnyam nyid phyir:_byang sems bdud rtsi bza' nus sam:_b+ha ga'i pad+mar 'o byed cing:_chos kun 'byung gnas bdag nyid la:_gus pas mchod cing bsten nus sam:_zhes dris pa'i lan gsol bar mos la 'di yi rjes zlos mdzod/_bdag ni yang dag lam 'dod pas:_khyod kyis ji ltar bsgo ba bzhin:_rang byung bdud rtsi'i zas la spyod:_dpal mo khyod la nges par gus:_zhes lan btab pas phyag rgya ma des kyang rdo rje theg pa'i brtul zhugs bla na med pa la rjes su spro ba'i yid kyis/__dga' ba'i gnas sbyin pad+ma can:_sna tshogs gzugs can lhan cig skyes:_gnyis med rol pa'i blo gros can:_spro dgas rol la mchod par gyis:_pad+ma b+hany+dza mok+Sha ho:_zhes gsungs te pang du byon pas slob ma bcom ldan 'das tshe dpag med dang rig ma tshe yum tsaN+Da lir gsal ba'i yab kyi gsang ba hU~M las rdo rje rtse lnga pa bu gar phaTa? kyis mtshan pa/_yum gyi mkha' gsang pa~M las pad+ma 'dab ma gsum pa ze'u 'brur a~MHgis mtshan par gsal thob/_thabs 'di la brten nas rang gnas kyi ye shes bde ba chen po mngon du bya'o snyam du yab yum 'dod pa mnyam pas/_sa ma ya ho/_sa ma ya s+t+wa~M/_a nu rA ga ya hoH_a nu rA ga ya mi/_zhes phan tshun brda bzhis bsnol mar bskul/_dzaHhU~M ba~M hoH_zhes 'khyud sdom sprad nas snyoms par zhugs pas rjes chags kyi mes byang sems thig le g.yos/_spyi bo la sogs pa'i gnas rnams su yas bab rgyu'i dga' ba bzhi nyams su myong*/_rdo rje nor bu'i rtser lhan cig skyes pa'i bde chen dpe'i ye shes mngon du byas/_slar gyen du ldog pas gsang ba nas spyi bor drangs/_de'i rkyen gyis mas brtan 'bras bu'i dga' bzhi dang zung 'jug pa'i stong pa bzhi'i 'od gsal gyi mthar thug brjod bral lhan skyes kyi ye shes mngon du mthong bar mos shig_/de ltar shes rab ye shes kyi dbang gcig la dbang bzhi'i ye shes rdzogs par bskur ba ste/_dpa' mo gdan gsum dkyil 'khor gyi:_khyab bdag shes pa bum pa'i dbang:_phyag rgya bzhi yis 'khyud sdom sprad:_rol pa'i lus kyi dkyil 'khor bcas:_sbyor ba'i byang chub sems chen po:_ri bong 'dzin pa gtsug nas g.yos:_yas bab rgyu yi dga' ba bzhi:_ngo sprad bskyod cing bskyod pa yi:_rdo rje nor bu'i bum pa gang:_'dzag tu mi gzhug bde ba ches:_rtog pa'i rgyu ba bkag la blta:_g.yo dus srub 'phro bcad nas su:_sems kyi gshis lugs ma nyams skyongs:_rlung gi lcags kyus thig le bzlog:_mas brtan 'bras bu'i dga' bzhi yis:_lugs ldog 'khor lo bzhir drangs te:_rtsa gnas kun tu khyab par bkram:_dwangs ma dza lan+d+ha rar bsdu:_ha sprug gdab chung mang du bya:_rlung sems thig le dbyer med pa'i:_rig stong ngo bor bskyangs nas su:_mnyam par bzhag pa gsang ba'i dbang:_slar yang bde ba spel ba'i phyir:_blta dgod lag bcang sgyu rtsal sbyang:_'khyud dang 'o bya gsang tshig smra:_bde ba rgyas pa'i de ma thag:_slar yang rol pas byang chub sems:_yas bab mas brtan dga' bzhi sbyangs:_lus dkyil lha rnams bde ba g.yos:_rjes chags me yis bzhus nas kyang:_rang gi lus dang phyag rgya ma:_gnyis ka 'od du ltem gyis zhu:_dpa' bo spyi bo'i ha~M la thim:_rnal 'byor ma ni tsaN+Da lir:_thim ste zla nyi thig le'i gzugs:_bar snang gnas bzhin lham mer gsal:_thig ler sems bzung mnyam par bzhag:_shes rab dbang gi grub mtha' ste:_de yang mi dmigs stong par yal:_stong zhes bya ba btags pa tsam:_don la gnyis med chos kyi sku:_'od gsal zang thal brdal ba che'i:_de nyid bltas la mnyam par bzhag:_gom pa chung ba'i blo can dag:_bde ba zhes kyang blos btags te:_skye 'gags gnas pa thams cad bral:_ye nas stong pa nyid du gnas:_de phyir bde stong gnyis su med:_mnyam pa'i rang ngo bskyangs nas su:_don la mi gnas de kho na:_ngo sprod bzhi pa zhes su dbye:_de ltar pho nya'i myur lam gyi brtul zhugs rol pa chen po'i dbang bskur bas rdo rje'i gsang ba spyod pa la dgyes pa'i dpa' bo DA ki dang skal ba mnyam pa mtshon phyir brtul zhugs spyod pa'i rnal 'byor pa'i cha byad rnams kyis dbang bskur bar mos shig_/brtul zhugs spyod pa'i chas rnams gtad la/_hrIH_gnas yul dpa' bo rnal 'byor ma:_kun kyang spyod pas dbang sdud phyir:_rnal 'byor dam pa'i phyag rgya 'di:_skal pa can la gtad do longs:_yo gi ni A lang+ka ra a b+hi Shiny+tsa ho:_yul bzang ngan la sgo lnga'i dbang pos gzung 'dzin rang rgyud du spyod pa'i chags sdang gi mdud pa grol bas dag mnyam dbyer med lha la lha rol pas spyod pa'i brdar rdo rje'i 'dod yon lngas dbang bskur bar mos/_'dod yon lnga bstan te/_hrIH_rdo rje'i 'dod yon thams cad pa:_rol zhing spyod pas dgyes pa bskyed:_zhen med sgyu ma'i dga' ston la:_spyod de rdo rje'i bcud sgrubs shig:_ma hA su kha ho:__des gsang ba b+ha ga'i dkyil 'khor du shes rab ye shes kyi dbang thob/_yid thig le'i dri ma dag_/gzhan lus pho nya'i lam bsgom pa la dbang*/_'bras bu thugs rdo rje chos kyi sku thob pa'i skal ba rgyud la bzhag pa yin no/__/bzhi pa rjes don gyi ye shes ngo sprod gdab pa ni/_sngar dpe las skyes pa'i ye shes dran par byas te de'i rang ngo la mnyam par 'jog pa dang*/_rdo rje sems dpa'i me long gi dpes mtshon te sems dang chos rnams kyi dbyings gdod nas dag cing dbyer med stong pa shel lta bu las/_rig pa'i ye shes gsal snang 'gag med du 'ja' tshon ltar shar ba/_gnyis ka'ang ye nas zung 'jug 'dus ma byas pa gzhi grol kun tu bzang po'i klong chen po'i ngang du mnyam par zhog cig_/shel rdo dang me long bstan la/_hrIH_'chi med gnyug ma don gyi tshe:_rig pa 'od gsal byang chub sems:_ye nas lhun grub chos kyi dbyings:_rang la gnas shing bri gang bral:_a a a d+harma d+hA tu a:_ye shes dgongs pa brdas mtshon pa:_bum pa'i dbang ste don dam gyi:_myong ba skyes pa gsang ba'i dbang:_gnas lugs rang ngo rgyun mi chad/_rnal 'byor bya ba gsum pa'i lam:_yid dpyod shun pa dang bral ba:_de nyid rtsal rdzogs bzhi pa'o:___dbyings rig gnyis med 'od gsal gsang ba chen po'i lam rdo rje sems dpa'i me long gis mtshon par mos shig_/man shel nyi ma'i zer la bstan te/_hrIH_rang snang 'od gsal sgron ma'i sprin:_mngon sum lam byed skal ba che:_zag pa zad pa rdo rje'i sku:_mchog tu mi 'gyur gseng lam bstan:_a ti ho:_de ltar na mthar thug ye shes kyi dkyil 'khor du dbang bzhi pa thob/_bag chags kyi dri ma sbyangs shing dag_/lam sgrub pa chen po dbyings rig zung 'jug bsgom pa la dbang*/_'bras bu ngo bo nyid sku 'grub pa'i skal ba can du byas pa'o/__/de nas mtshams sbyor spyi ltar byas la bkra shis pa'i tshig bcad rgyas par brjod cing me tog 'thor la rol mo bsgrag_de ltar na de dag rnams kyi sgo nas 'chi med pad+ma tshe yi snying thig gi rtsa ba'i dbang bskur chen mo/_rgyas par grub pa lags pas dbang gi srog gam gzhi rten du gyur pa spyi dang khyad par lhag pas bsdus pa'i rtsa ba dang yan lag gi sdom pa dang dam tshig mtha' dag tshul bzhin du bsrung bar bgyi'o snyam pas 'di'i rjes zlos/_gtso bos ji ltar sogs gsum/_gtang rag maN+Dal/_lus longs spyod 'bul ba/_dge ba bsngo ba rnams mtshams sbyor bcas spyi 'gre byas la slob ma gyes so/__!__gnyis pa tshe yi don dbang bya ba'i tshul ni dbang gzhung rgyas pa las ji ltar 'byung ba bzhin/_khrus bya/_bgegs bskrad/_srung 'khor bsgom/_lo rgyus mdor bsdus brjod pa'i rjes maN+Dal gsol gdab/_skyabs sems tshogs bsags sdom bzung rnams grub rjes/_oM tsak+ShuHb+han+d+ha ba ra ma NA ya swA hA/_dang*/_A khaM bI ra hU~M gis mig dar 'ching zhing*/_me tog blangs/_hU~M:_'thungs shig rdo rje sogs dam chu/_byin dbab brtan rjes/_oM rat+na puSh+pe pra tIts+tsha ho:_me tog dor zhing*/_oM pra ti gr-ih+Na i maM satwa ma hA ba la tiSh+Tha oM:gyis 'ching*/_oM badz+ra dz+nyA na tsak+ShuHpra be sha ya phaTa? kyis mig dar bsal/_bcom ldan 'das mgon po tshe dang ye shes dpag tu med pa'i dkyil 'khor rten dang brten par bcas pa mngon sum du mthong bar gyur/_de nas bum dbang la/_bdag mdun gyi thugs ka nas sogs shis brjod rjes/_nam mkha' gang ba'i dbang gi lha rnams kyis bkra shis pa'i rnam pa du ma dang ldan pas rin po che'i bum pa bdud rtsi'i sogs/_su pra tiSh+Tha/_bar/_cung zad spro na khyad par ba sku gsung thugs kyi byin rlabs sbyar/_gsang ba'i dbang gi don du/_bla ma tshe bdag yab yum sgoms:_sogs/_bo d+hi tsit+ta a la la ho:_bdud rtsi myang du gzhug_de ltar myangs pas byang sems kyis rtsa khams thams cad la khyab/_gsal stong rnam par mi rtog pa'i ye shes rgyud la skyes par mos shig__/de nas lus kyi dkyil 'kharo du/_shes rab ye shes kyi dbang gi slad du/_gzugs dang lang tsho'i mdzes sdug phul du byung zhing mtshan nyid mchog dang ldan pa'i rig ma tshe yi yum mchog tsaN+Da li'i ngo bo phyag g.yon du byin pas 'di skad gsung bar mos la/_rig tsaka gtad de/_dga' ba'i gnas sbyin sogs/_pad+ma b+hany+dza mok+Sha ho:_de ltar gtad pa'i phyag rgya dang 'du shes gsum gyis snyom par zhugs pas/_rgyu 'bras kyi dga' bzhi lugs 'byung ldog gi nyams su myong bar mos/_des gsang ba b+ha ga'i dkyil 'khor du sogs/___dbang bzhi pa'i slad du/_sngar dpe las skyes pa'i ye shes sogs/_a a a d+harma d+hA tu a:_de ltar na mthar thug ye shes kyi dkyil 'khor du dbang bzhi pa sogs/_mtha' rten rdo rje tshe yi dngos grub kyi dbang sbyin pa'i slad du thog mar tshe 'gugs shing bcud bsdu ba la/_bdag mdun lha tshogs sogs tshe 'gugs las byang ltar sbyar/_tshe 'brang spyi bor bzhag ste/_tshe 'brang zla gam dbang gi pho brang du 'chi med pad+ma tshe yi lha tshogs bzhugs pa spyi bor bzhag ste dbang bskur bas rdo rje'i phung khams thams cad mi shigs 'chi med tshe yi lha tshogs rnams kyi sku gsung thugs ye shes rdo rje'i gsang ba gsum dang gnyis su med par byin gyis brlab par mos shig__hrIHhrIHhrIH_'od snang mtha' yas bcom ldan tshe dpag med:_'chi med rnga sgra gsung gi rdo rje'i lha:_gar gyi dbang phyug pad+ma'i dkyil 'khor gtso:_'chi med mgyogs ma lha mo'i tshogs bcas kyis:_skal ldan rigs kyi bu la dbang bskur bas:_skye 'chi med pa tshe yi dbang thob nas:_'chi bdag la sogs bdud bzhi las rgyal te:_dngos grub mchog gi skal ba ldan par shog:_oM dz+nyA na a mA ra Ni dzI ban+ti ye swA hA:_phyi nang gi 'byung lnga'i dwangs ma dbyings phyug yum lnga'i bde chen byang chub sems kyi bdud rtsi'i ro myong bas dwangs ma'i rlung lnga gzhom med d+hU ti'i srog 'grub par mos la/_tshe yi bdud rtsi byin te/_hrI:_'byung lnga'i dwangs ma snying po'i tshe:_ye shes bdud rtsi'i bcud du bskyil:_skal ldan bu la byin pa yis:_'chi med mchog gi gnas thob shog:_a mr-i ta a b+hi Shiny+tsa ho:_bde chen ye shes rdo rje'i dwangs ma mi shigs rdo rje tshe yi ril bu rdo rje'i lce yi lam brgyud snying dbus mi shigs thig le 'pho 'gyur bral ba srog gi zungs su byin par mos la/_tshe ril gtad de/_hrI:_ye shes sems dpa' tshe yi lha:_snying gi dkyil du gnyis med bzhugs:_dngos grub brda yi ril bu 'dis:_don gyi gnas lugs rtogs par shog:_ra sa ya na a b+hi Shiny+tsa ho:_des slob ma'i sgo gsum 'chi med rdo rje tshe lha'i gsang ba gsum dang gnyis su med par byin gyis brlabs pa'i dbang mchog thob par mos mdzod/_gnas gsum du tshe mda' rgya gram du bzhag la/_a:_rnam kun mchog ldan dbyings kyi klong:_ye shes chen po'i rgyas btab pas:_rtag tu 'pho 'gyur med pa yi:_thig le gcig tu gnas par shog:_d+harma d+hA tu a:_shis brjod dam tshig khas blang gtang rag lus 'bul dge bsngo bcas bya'o/__!__gsum pa mtha' rten tshe yi byin rlabs rkyang pa rkyen sel tsam du byed na/_khrus bgegs bskrad srung 'khor rjes lo rgyus la/_de yang mtho ris yon tan bdun gyi dang po ring du 'tsho ba'i tshe'i dngos grub sgrub pa la phyi sman sngags rdzas la bsten pa/_nang rten 'brel rtsa rlung gi sbyangs pa/_gsang ba bskyed rdzogs ting 'dzin zab mo la brten pa rnams las/_gtso bo nang gi rnal 'byor la rdzas sngags grogs su bsten pa'i tshe sgrub kyi dbang bskur bgyid pa la maN+Dal phul/_gsol ba 'debs pa 'di'i rjes zlos mdzod/_rigs rnams kun bdag slob dpon gyis/_/thugs rje brtse bas nyer dgongs nas/_/ye shes rdo rjer dbugs dbyung phyir/_/ye shes tshe yi dbang bskur stsol/_/lan gsum/_skyabs sems tshogs bsags byin 'bebs rjes/_'chi med ye shes rdo rje'i srog sgrub pa'i tshe yi dbang bskur zab mo sbyin pa la/_thog mar tshe 'gugs shing bcud bsdu ba'i phyir/_bdag mdun lha tshogs sogs tshe 'gugs las byang ltar sbyar/_tshe 'brang zla gam dbang gi pho brang du 'chi med pad+ma tshe yi lha tshogs bzhugs pa spyi bor bzhag ste dbang bskur bas rdo rje'i phung khams thams cad mi shigs 'chi med tshe yi lha tshogs rnams kyi sku gsung thugs ye shes rdo rje'i gsang ba gsum dang gnyis su med par byin gyis brlab par mos shig_/tshe 'brang spyi bor bzhag ste/_hrIHhrIHhrIH_'od snang mtha' yas bcom ldan tshe dpag med:_'chi med rnga sgra gsung gi rdo rje'i lha:_gar gyi dbang phyug pad+ma'i dkyil 'khor gtso:_'chi med mgyogs ma lha mo'i tshogs bcas kyis:_skal ldan rigs kyi bu la dbang bskur bas:_skye 'chi med pa tshe yi dbang thob nas:_'chi bdag la sogs bdud bzhi las rgyal te:_dngos grub mchog gi skal ba ldan par shog:_oM dz+nyA na a mA ra Ni dzI ban+ti ye swA hA:_phyi nang gi 'byung lnga'i dwangs ma dbyings phyug yum lnga'i bde chen byang chub sems kyi bdud rtsi'i ro myong bas dwangs ma'i rlung lnga gzhom med d+hU ti'i srog 'grub par mos la/_hrI:_'byung lnga'i dwangs ma snying po'i tshe:_ye shes bdud rtsi'i bcud du bskyil:_skal ldan bu la byin pa yis:_'chi med mchog gi gnas thob shog:_a mr-i ta a b+hi Shiny+tsa ho:_tshe chang sbyin/_bde chen ye shes rdo rje'i dwangs ma mi shigs rdo rje tshe yi ril bu rdo rje'i lce yi lam brgyud snying dbus mi shigs thig le 'pho 'gyur bral ba'i srog gi zungs su byin par mos la/_hrI:_ye shes sems dpa' tshe yi lha:_snying gi dkyil du gnyis med bzhugs:_dngos grub brda yi ril bu 'dis:_don gyi gnas lugs rtogs par shog:_ra sa ya na a b+hi Shiny+tsa ho:_tshe ril sbyin/_dkyil 'khor gyi lha tshogs rnams kyis byin rlabs grub pa'i rdzas kyi dbang bskur zhing myangs pas bla tshe srog dbugs nyams pa thams cad gsos/_rtsa rlung thig le dwangs ma'i stobs nus rgyas/_snying po'i yang bcud thams cad rig stong gnyug ma'i ye shes dang gnyis su med par rgyas btab pas rdo rje'i tshe dang ye shes mchog gi skal ba la dbang thob par bsam/_a:_rnam kun mchog ldan dbyings kyi klong:_ye shes chen po'i rgyas btab pas:_rtag tu 'pho 'gyur med pa yi:_thig le gcig tu gnas par shog:_d+harma d+hA tu a:_zhes dang rten 'brel snying po brjod/_tshe mda' spyi bor rgya gram du bkod/_oM:_'grub par gyur cig rdo rje'i ye shes tshe:_mi 'gyur mi shigs mkha' ltar kun la khyab:_yon tan dpag yas phrin las bsam mi khyab:_pad+ma tshe dpag med mgon myur 'grub shog:_ces bden tshig smon lam gyi rgyas gdab par bya'o/__/mtha' rten bkra shis rdzas rtags rin chen bdun gyi mnga' 'bul spro na bya/_shis brjod dam tshig khas blang gtang rag lus 'bul sogs spyi ltar bya zhing dge ba bsngo/_tshogs la rol zhing lhag ma nas brtsam las byang gi rjes rim rnams mtha' rgyas su bya'o/__/pa~Md+ma~M'i thugs bcud zab rgyas dag byed gter/_/bka' gter ma~Mdo sngagasa~M nor bu'i gsang mdzod las/_/'chi med tshe mchog sgrub pa'i rtsa ba yi/_smin byed snang bas glinga~M 'di mdzes gyur cig_/ces yi dam gyi tshe yi nang sgrub longs sku tshe dpag med rigs lnga gcig dril gyi dbang gi phreng ba le'u tshan gsum pa'o/

!__rigs gcig bde chen thig le'i cho 'phrul las/_/rigs lnga sgyu 'phrul drwa ba'i mtshan dang sku'i/_/rigs mchog thun mong khyad par phrin las dbang*/_/rigs kyi 'khor los bsgyur mchog rnam lnga rgyal/_/gang gi sku gsung thugs mchog dbyings/_/'jug pa'i thabs tshul rmad byung ba/_/smin byed dbang gi las kyi khrigs/_/'jug bde'i btsas su sbyin gyis longs/_/tshe sgrub pad+ma tshe yi snying thig gi nang sgrub kyi yan lag rigs lnga tshe dpag med sgos sgrub kyi dbang phreng dgod pa las/_dang po rnam snang tshe dpag med kyi dbang bskur la/_dkyil 'khor gzhung mthun nam/_tshom bu 'khor so gnyis/_sgo ba bzhi'i mtshan ma bkod par many+dza'i khar bum pa so lnga'i bcud ldan/_gzhung mthun sku tsaka_/phyag mtshan 'khor lo/_tshe bum/_gzhung mthun bcud len ril bu'am ma 'byor na chos sman bsres pa'i tshe ril/_gsang thod/_rig tsaka_shel rdo bcas la mchod pas bskor/_tshogs dang gtor ma spyi mthun ltar bshams la/_nang sgrub kyi brgyud 'debs sngon du 'gro bas spyi'i las rim pad+ma'i do shal ltar sngon chings skyabs sems nas/_mchod pa byin rlabs bar btang rjes/_rnam snang tshe dpag med sgos kyi las byang gi ting 'dzin rnam gsum nas/_dbang bskur rgyas gdab bar bya/_las byang pad+ma'i do shal ltar gyi bar chings spyan 'dren nas bstod pa'i bar btang ste/_b+h+rU~M bi shwa bi shud+d+he oM a mA ra Ni dzI ban+ti ye bud+d+ha _!_rat+na _pad+ma _karma _badz+ra _a yur+dz+nyA na tshe b+h+rU~M oM_!_trAM _hrIH_A _hU~M _phaT dzaHsa dzapa khang dbye/_bdag nyid las mdun rten du bsgoms pa dang 'dra ba'i ye shes kyi 'khor lo gnyis pa phye ste me ri 'dabs 'byor du bzhugs par gyur bsam la/_dzapa bskul ni/_hrIH_tshe yi lha tshogs dbyings nas bzhengs:_bzlas pa'i phrin las dus la bab:_bsnyen sgrub las kyi sbyor ba yis:_skye 'chi med pa rdo rje'i lus:_'gag med tshangs dbyangs rdo rje'i gsung:_bsam yas ting 'dzin rdo rje'i thugs:_stan thog 'di ru 'grub par mdzod:_bzlas pa so so'i gzhung bzhin bya:_rnam snang tshe dpag med sogs bsnyen sgrub las kyi bzlas pa dang*/_bum pa rang byung gi gzhal yas khang du/_sku rdo rje bde gshegs rnam snang tshe dpag med pa la sangs rgyas DA ki sum cu rtsa gnyis/_sgo ba dbang chen rigs bzhi'i lha tshogs dang bcas pa/_dwangs pa'i mtsho la gza' skar shar ba bzhin gsal ba'i sku las 'chi med byang chub sems kyi rgyun zla ba ltar babs pas bum pa gang bar gyur/_gzungs thag blang la bsnyen sgrub las gsum gyi bzlas pa khyug tsam bya/_las bum nang du pad nyi'i steng*/_/pad+ma dbang chen sku mdog dmar/_/pad+ma'i dbyug tho zhags pa 'dzin/_/'dor stabs ye shes me klong 'gying*/_/sku las rdo rje bdud rtsi'i rgyun/_/babs pas bum pa gang bar gyur/_/oM badz+ra kro d+ha ha ya gr-I ba hU~M phaTaH_ces brgya rtsa tsam bzlas/_hrIH_dkar mo mgyogs ma rdo rje rigs kyi yum:_zhi ba'i las mdzad mda' dar tshe bum bsnams:_rang 'dra'i sprul pa 'jig rten khyab par 'gengs:_shar phyogs snod bcud 'jig rten rab 'byams kyi:_brtan g.yo'i dpal dang tshe bsod dwangs ma'i tshogs:_khyad par bsgrub bya'i bla tshe yar ba khug:_sde brgyad 'byung pos brkus shing phrogs pa khug:_byad phur gdon gyis gzir dang nyams pa khug:_phyogs bcu'i 'jig rten rab 'byams kun nas khug:_bsgrub bya'i lus ngag yid la gnyis med bstim:_rdo rje'i tshe mchog 'grub pa'i las mdzod cig:_hrIH_ser mo mgyogs ma rin chen rigs kyi yum:_rgyas pa'i las mdzad mda' dar tshe bum bsnams:_rang 'dra'i sprul pa 'jig rten khyab par 'gengs:_lho phyogs snod bcud 'jig rten rab 'byams kyi:_brtan g.yo'i dpal dang tshe bsod dwangs ma'i tshogs:_khyad par bsgrub bya'i bla tshe yar ba khug:_sde brgyad 'byung pos brkus shing phrogs pa khug:_byad phur gdon gyis gzir dang nyams pa khug:_phyogs bcu'i 'jig rten rab 'byams kun nas khug:_bsgrub bya'i lus ngag yid la gnyis med bstim:_rin chen tshe mchog 'grub pa'i las mdzod cig:_hrIH_dmar mo mgyogs ma pad+ma'i rigs kyi yum:_dbang gi las mdzad mda' dar tshe bum bsnams:_rang 'dra'i sprul pa 'jig rten khyab par 'gengs:_nub phyogs snod bcud 'jig rten rab 'byams kyi:_brtan g.yo'i dpal dang tshe bsod dwangs ma'i tshogs:_khyad par bsgrub bya'i bla tshe yar ba khug:_sde brgyad 'byung pos brkus shing phrogs pa khug:_byad phur gdon gyis gzir dang nyams pa khug:_phyogs bcu'i 'jig rten rab 'byams kun nas khug:_bsgrub bya'i lus ngag yid la gnyis med bstim:_pad+ma tshe mchog 'grub pa'i las mdzod cig:_hrIH_ljang mo mgyogs ma las kyi rigs kyi yum:__drag po'i las mdzad mda' dar tshe bum bsnams:_rang 'dra'i sprul pa 'jig rten khyab par 'gengs:_byang phyogs snod bcud 'jig rten rab 'byams kyi:_brtan g.yo'i dpal dang tshe bsod dwangs ma'i tshogs:_khyad par bsgrub bya'i bla tshe yar ba khug:_sde brgyad 'byung pos brkus shing phrogs pa khug:_byad phur gdon gyis gzir dang nyams pa khug:_phyogs bcu'i 'jig rten rab 'byams kun nas khug:_bsgrub bya'i lus ngag yid la gnyis med bstim:_las rab tshe mchog 'grub pa'i las mdzod cig:_hrIH_sngon mo mgyogs ma bde gshegs rigs kyi yum:_mchog gi las mdzad mda' dar tshe bum bsnams:_rang 'dra'i sprul pa 'jig rten khyab par 'gengs:_phyogs mtshams snod bcud 'jig rten rab 'byams kyi:_brtan g.yo'i dpal dang tshe bsod dwangs ma'i tshogs:_khyad par bsgrub bya'i bla tshe yar ba khug:_sde brgyad 'byung pos brkus shing phrogs pa khug:_byad phur gdon gyis gzir dang nyams pa khug:_phyogs bcu'i 'jig rten rab 'byams kun nas khug:_bsgrub bya'i lus ngag yid la gnyis med bstim:_bde gshegs tshe mchog 'grub pa'i las mdzod cig:_rtsa sngags mthar/_dz+nyA na badz+ra A yu She dzaHdzaH_dzaHhU~M ba~M hoH_zhes tshe 'gugs shing tshe gzungs bzlas/_oM AHhU~M/_bum pa'i lha bde stong chen po'i ngo bor 'od du zhu bar gyur/_mchod bstod yig brgya las byang ltar/_tshogs mchod bcas grub rjes/_slob ma rnams khrus byas/_bgegs bskrad/_srung 'khor bsgoms la/_khyad par gyi lo rgyus ni/_de yang snying po'i rgyud las/_rdo rje phung po'i yan lag ni/_rdzogs pa'i sangs rgyas lnga ru grags/_/zhes gsungs pa ltar sbyang gzhi snod bcud rgyud gsum gyis bsdus pa'i phyi nang gi phung po lnga dang khams lnga la/_sbyong byed bde gshegs rgyal ba rigs lnga'i bskyed rdzogs kyi thabs zab mo gnad du bsnun pa'i nus pas/_sbyangs 'bras sangs rgyas thams cad kyi sku gsung thugs yon tan phrin las gsang ba mi zad rgyan gyi 'khor los bsgyur ba'i rigs lnga tshe dang ye shes dpag tu med pa'i go 'phang mngon du byed pa'i thabs kyi sgo rgyud lung man ngag du mas bstan pa'i snying po tshe sgrub pad+ma tshe yi snying thig gi nang sgrub tshe dpag med rigs lnga gcig dril gyi yan lag gi chos sde bde gshegs rgyal ba rigs lnga so so'i sgos sgrub rdo rje tshe yi phreng ba pad+ma'i do shal las/_dang po sku rdo rje rnam par snang mdzad/_!_gnyis pa yon tan rdo rje rin chen 'byung ldan/_gsum pa gsung rdo rje snang ba mtha' yas/_bzhi pa phrin las rdo rje don yod grub pa/_lnga pa thugs rdo rje mi bskyod pa _/zhes skabs thob bsgyur dgos/_mchan/_tshe dpag tu med pa'i sgos bka'i dbang bskur ba'i skabs su bab pa ste/_de'i dgos pa yang gzhung las/_dus kyi tha ma'i skyes bu rnams:_mi rung sgo gsum byed spyod kyis:_phyi yi 'byung ba sgang gshongs che:_snod kyi bcud yal zhag kyang skam:_de yis nang gi 'byung ba 'khrugs:_sna tshogs nad dang sdug bsngal mang:_de tshe sha yi tshe nyams na:_lus lci mdog nag bad kan 'khrug:_shes pa bying 'thibs gnyid che zhing:_dbang po'i sgo nas dri nga ba:_'byung tshe thabs kyi gdams pa ni:_rnal 'byor ldan pas rtse gcig sgoms:_zhes dang*/_de ltar brtson pas rgas sra zhing:_sha rgyas gnyer ma med pa dang:_'gyur med tshe yi mchog thob 'gyur:_!_rin 'byung skabs/_ma 'ongs gdul bya thams cad kun:_khrag gi khams nas tshe nyams na:_lus rengs yan lag dbang po nyams:_pags pa'i reg bya rtsub pa dang:_rmu chu grang ba'i nad zug che:_shes pa rnam rtog mang la rgod:_gnyid yer sems 'khrugs dus kyi tshe:_snying po'i rnal 'byor 'di gnad zab:_zhes dang*/_rim pa gnyis kyi thabs mkhas las:_lus mnyen yan lag lcug pa dang:_bkrag dang mdangs 'phel tshe yi mchog:_rgyun ring dbang po rnam par gsal:_'od gsal ye shes thob par 'gyur:_!_snang mtha'i skabs/_dus kyi tha ma'i sems can rnams:_drod kyi khams nas tshe nyams na:_lus la drod med gzi byin chung:_stobs zhan zas kyang mi 'ju zhing:_gcong nad du mas mnar ba'i tshe:_sems kyi snang ba dpa' zhum 'gyur:_de tshe yang dag bskyed pa'i rim:_rtse gcig rnal 'byor 'di ltar sgoms:_zhes dang*/_gzi byin rgyas shing sems stobs 'phel:_drod che grang ba'i nad rigs zhi:_pags pa'i mdog bzang tshe 'phel nas:_pad+ma tshe yi gnas thob 'gyur:_!_don 'grub skabs/_phyi ma'i gdul bya dbugs khams kyi:_tshe nyams lus lji shes pa 'phyo:_skad 'dzer rgyu ba thung la rgod:_shes pa 'phyo zhing rtogs tshogs rgod:_smra brjod log par smra ba 'byung:_de tshe de yi gnyen po ni:_rdo rje'i ting 'dzin mchog 'dis byed:_zhes dang*/_des ni lus yang stobs rtsal ldan:_yan lag mnyen lcug ngag tshig btsan:_skad kyi gdangs gsal las kun 'grub:_khams dwangs mdangs legs stobs 'phel 'byung:_!_mi bskyod pa'i skabs/_dus mtha'i 'gro ba sems stobs nyams:_rtags su snying la rlung gis spur:_blo sna 'gyur zhing bying rgod rags:_don med shugs ring 'don sogs 'byung:_de las skyobs pa'i gdams pa ni:_rtse gcig yid kyis 'di ltar sgoms:_zhes dang*/_de ltar brtson pas 'grub pa'i rtags:_rig pa'i ngar rgyas nyams dga' dwangs:_ting 'dzin 'phel zhing sems stobs rgyas:_shes rab rno myur zab sogs 'byung:_zhes bsgyur/_mchan/_zhes 'byung ba ltar bskyed rdzogs zab mo sgom pa'i sngon 'gror dbang gis thugs rgyud smin par bya dgos pas/_de nyid gsan pa'i yon du maN+Dal phul/_gsol ba 'debs pa 'di'i rjes zlos mdzod/_byang chub rdo rje bde gshegs gtso:_!_rin chen:_pad+ma'i:_las kyi:_rdo rje'i:_dkyil 'khor dbang phyug dgongs su gsol:_bdag cag skal ldan rig pa 'dzin:_tshe yi dkyil 'khor 'jug par gsol:_lan gsum/_de ltar gsol ba btab pa sngon du song nas theg pa thun mong dang thun mong ma yin pa'i lam gyi gzhi 'god pa skyabs su 'gro zhing sems bskyed pa'i slad du/_bla ma dang mdun bskyed tshe dang ye shes dpag tu med pa'i dkyil 'khor pa la rtsa gsum rgyal ba rab 'byams kyis bskor te mngon sum bzhin du bzhugs pa'i spyan sngar bdag gzhan sems can thams cad byang chub ma thob kyi bar du skyabs su mchi'o snyam pa'i yid rtse gcig pas 'di'i rjes zlos/_na mo:_rang rig gnyug ma chos kyi dbyings:_ngo bo rang bzhin thugs rje'i rtsal:_sku gsum ye shes tshe yi lhar:_rang ngo shes pas skyabs su mchi:_lan gsum/_sems can thams cad sdug bsngal 'khor ba'i rgya mtsho las bsgral te mi gnas pa'i myang 'das chen po la 'god par bya/_de'i thabs mchog tu gyur pa bcom ldan 'das mgon po tshe dang ye shes dpag tu med pa'i smin byed kyi rim pa nod nas lam gyi rnal 'byor la 'jug par bgyi'o snyam pas 'di'i rjes zlos/_hoH_gdod nas skye 'chi las 'das kyang:_med snang 'khrul pa lu gu rgyud:_rtag tu spyod pa'i yid can kun:_bsgral phyir zab mo'i rnal 'byor bsgom:_lan gsum/_rgyud rnam par dag par bya ba'i slad du/_bla ma dkyil 'khor gyi lha tshogs rgyal ba sras dang bcas pa'i spyan sngar bdag gzhan mkha' khyab kyi yid can mtha' dag sgo gsum gus pa'i tshul rtse gcig pas/_tshogs bsags yan lag bdun pa tshul bzhin du bya ba'i 'dun pa dang bcas te 'di'i rjes zlos/_hrIH_rang snang tshe yi lha tshogs la:_rang gsal chos dbyings phyag 'tshal zhing:_snang srid kun bzang mchod sprin 'bul:_tshe rabs blos byas sdig ltung bshags:_dran pa rang zad rjes yi rang:_zab gsal chos kyi 'khor lo bskor:_skye 'gags gnas bral bzhugs gsol 'debs:_rang byung byang chub chen por bsngo:_'khor 'das chos nyid klong grol shog:_lan gsum/_gnyis pa tshe'i dngos grub sbyin pa'i dbang gi gzhi dgod cing ye shes pa dbab pa yin pas dmigs pa rnams rtse gcig tu sgoms shig_/las sngags dang bum chus bsangs/_oM swa b+hA wa sogs/_stong pa'i ngang las gnas khang 'og min pad+ma drwa ba'i zhing dang gzhal yas chen por khyed rang gang du gnas pa'i go sar seng ges_!_rta mchog gis _rma byas _shang shang gis _glang pos _bteg pa'i rin po che'i khri dang pad+ma dang zla ba'i steng du khyed rang gi rig pa'i ngo bo oM yig dkar po _!_trAM yig ser po _hrIHyig dmar po __A yig ljang gu _hU~M yig mthing ga __de las 'od zer 'phros/_sems can thams cad kyi don byas/_dus ma yin pa'i 'chi ba'i sdug bsngal gyi rgyu 'bras bsal/_'chi med rig 'dzin gyi go 'phang la bkod/_tshur 'dus yongs su gyur pa las khyed rang bcom ldan 'das bde gshegs _!_rin 'byung _snang mtha' _don 'grub _mi bskyod _tshe dpag med sku mdog dkar gsal/_!_ser gsal/_dmar gsal/_ljang gsal/_mthing gsal/_phyag gnyis mnyam bzhag gi mthil na tshe bum bdud rtsis gang ba 'khor los mtshan pa _!_rin po ches mtshan pa _pad+mas mtshan pa _rgya gram gyis mtshan pa _rdo rjes mtshan pa _'dzin pa/_zhabs rdo rje'i skyil krung gis bzhugs pa de'i pang du 'chi med sangs rgyas spyan ma dkar gsal 'khor lo dang _!_ma kI ser gsal rin po che dang _na bza' dkar mo dmar gsal pad+ma dang _dam tshig sgrol ma ljang gsal rgya gram dang _dbyings phyug ma mthing gsal rdo rje dang _tshe bum 'dzin pa dang mnyam par sbyor ba/_gnyis ka'ang zhi 'dzum rjes su chags pa'i nyams ldan dar dang rin po che'i rgyan can mtshan dpe'i gzi byin mchog tu 'bar ba'i skur gyur/_thugs kar bud+d+ha thod phreng rtsal dkar gsal _!_rat+na thod phreng rtsal ser gsal _pad+ma thod phreng rtsal dmar gsal _karma thod phreng rtsal ljang gsal _rdo rje thod phreng rtsal mthing gsal _gcer bu rus rgyan can mda' dar dang tshe bum bsnams pa yum bde gshegs _!_rin chen _pad+ma _karma _rdo rje _DA ki ma dang 'khril ba/_de'i dpral bar oM dkar po/_mgrin par AHdmar po/_thugs kar hU~M sngon po dang*/_thugs dbus oM dkar po _!_trA~M ser po _hrIHdmar po _A ljang gsal _hU~M mthing ga _gsal ba dang*/_bdag mdun gyi thugs ka'i 'od zer gyis nub phyogs bde ba can sogs phyogs bcu'i zhing rab 'byams nas bcom ldan 'das bde gshegs _!_rin chen __pad+ma _las kyi _mi bskyod _tshe dpag tu med pa sogs sangs rgyas byang sems rtsa gsum rgya mtsho'i thugs rgyud bskul/_de rnams kyi gnas gsum nas mgon po tshe dpag tu med pa'i sku phyag rgya/_gsung yig 'bru/_thugs phyag mtshan gyi rnam pa dpag tu med pa nyi zer gyi rdul 'khrigs pa ltar spyan drangs pa dang mdun bskyed kyi thugs ka nas rang 'dra dpag tu med pa byung ste khyed rang gi spyi bo nas sib sib thim pas rgyud byin gyis brlab pa'i mos pa mdzod cig_/spos rol dang bcas te/_hrIH_chos dbyings gzhon nu bum sku nas:_chos sku 'od snang mtha' yas kyis:_ye shes rang gsal byin phob la:_'khrul pa med pa'i dbang mchog bskur:_lnga ldan rang snang pho brang nas:_rigs lnga'i rgyal ba gangs chen mtshos:_bde stong kha sbyor byin phob la:_zag med chos dbyings dbang mchog bskur:_'gro 'dul thugs rje'i rol pa nas:_sprul sku rdo rje thod phreng gis:_'chi med 'od sku'i byin phob la:_skye 'chi med pa'i dbang mchog bskur:_sku gsum bla ma'i lha tshogs rnams:_ye shes dbyings nas thugs rje'i rtsal:_'gag med sgyu 'phrul drwa ba'i gar:_gnam sa bar snang khyab par bsgyur:_'ja' 'od me tog spos sprin 'thul:_dngos grub bdud rtsi'i sbrang char 'bebs:_ma g.yel thugs rje'i rtsal gyis byon:_sku gsung thugs kyi dbang bzhi bskur:_snod bcud rdo rjer byin chen phob:_rnal 'byor 'chi med ye shes sku:_mngon sum 'grub par byin gyis rlobs:_oM AHhU~M badz+ra gu ru d+he wa d+hA ki ni dz+nyA na a be sha ya a a aH_hrIM hrIM:_phaiM phaiM:_sa ma ya ho:_sa ma ya s+t+wa~M:_hU~M hU~M hU~M:_a a a:_zhes mang du bzla/_de ltar dbab pa'i ye shes pa'i byin rlabs sgo gsum la rab tu gnas par byas par mos shig_/tiSh+Tha badz+ra/_zhes rdo rje spyi bor bzhag_/de nas tshe 'gugs pa'i slad du dmigs pa 'di bzhin du mdzod/_bla ma mgon po tshe dpag tu med pa la mos gus byas pas de'i thugs ka nas pho nya mgyogs ma'i tshogs dang 'od zer steng 'og phyogs mtshams khyab par spros/_khyed rang rnams kyi bla tshe chad nyams yar ba/_sde brgyad mthu bo ches brkus 'phrog gzhom pa rnams dang*/_snod bcud kyi dpal dang dwangs ma 'khor 'das kun gyi tshe'i dngos grub thams cad bdud rtsi'i 'od zer gyi rnam par nam mkha' gang ba bsdus/_ba spu'i bu ga nas sib kyis thim/_srog rten mi shigs pa'i thig ler thim pas 'chi med tshe'i rig 'dzin thob par mos shig_/mda' dar g.yab la/_hrIH_dkar mo mgyogs ma bde gshegs rigs kyi yum:_sogs rigs lnga so so'i tshe 'gugs kha phral te btang tshe dzapa kyang brjod do/__/bla ma dkyil 'khor gyi gtso bo dbyer med pa'i thugs ka nas 'od zer 'phros pas dbang gi lha nam mkha' gang bar spyan drangs nas bkra shis pa'i rnam pa du ma dang bcas dgyes bzhin du dbang bskur bar gyur/_bum pa spyi bor bzhag la/_oM:_bkra shis bum pa lha'i gzhal yas:_bde gshegs _!_rin chen _pad+ma _las rab _rdo rje _tshe yi dkyil 'khor bzhugs:_thugs rje ye shes rig pa'i chus:_gtor zhing skal pa mchog dbang sbyin:_oM sarba ta thA ga ta a b+hi She ka te sa ma ya shrI ye hU~M:_de ltar na bum pa'i dbang thob/_lus kyi dri ma dag_/lam bsnyen pa'i rnal 'byor bskyed rim bsgom pa la dbang*/_'bras bu sku rdo rje sprul pa'i sku 'grub pa'i skal ba can du byas pa'o/__/de dang rjes su 'brel ba sku phyag rgya'i byin gyis brlab pa'i phyir mdun bskyed mgon po tshe dpag tu med pa'i sku las sku gnyis pa 'phros/_khyed rang rnams kyi dpral bar thim pas sku skye 'chi med pa _!_yon tan lhun gyis grub pa _gsung 'gag pa med pa _phrin las rtag cing khyab pa _thugs 'khrul pa med pa _rdo rje'i tshe thob par mos mdzod/_sku tsaka spyi bor bzhag_/oM:_bde gshegs rgyal ba'i sku yi _!_yon tan _gsung gi _phrin las _thugs kyi _dbyings:_bcom ldan rnam par snang mdzad _!_rin chen 'byung ldan _snang ba mtha' yas _don yod grub pa _rdo rje mi bskyod _che:_dkyil 'khor dbang phyug dam pa yis:_skal ldan bu la dbang bskur ro:_kA ya a b+hi Shiny+tsa oM:_sku mi zad pa rgyan gyi 'khor lo dang gnyis su med pa 'chi med tshe'i dbang mchog thob par gyur cig_/gsung bzlas pa'i lung sbyin pa la/_mdun bskyed bde gshegs _!_rin 'byung _pad+ma _las rab _rdo rje _tshe dpag med kyi thugs kar ye shes sems dpa' bud+d+ha/_!_rat+na _pad+ma _karma _rdo rje _thod phreng gi thugs dbus nyi zla'i gwa'u'i dbus su oM _!_trA~M _hrIH_A _hU~M _la rdo rje'i sngags kyis bskor ba las sngags kyi phreng ba byung*/_zhal nas thon/_khyed rang gi zhal du zhugs/_snying ga'i ye shes sems dpa'i thugs dbus oM _!_trA~M _hrIH_A _hU~M _la thim/_'od zer spro bsdus don gnyis byas te phyi nang gi 'byung ba sa yi_!_chu'i _me'i _rlung gi _nam mkha'i _khams thams cad la khyab pas kun kyang bde gshegs _!_rin 'byung _snang mtha' _don grub _mi bskyod _tshe dpag tu med pa'i dkyil 'khor du sad pa'i 'od kyi spro bsdus lus sha yi_!_khrag gi_drod kyi _dbugs kyi _sems kyi _khams kyi tshe nyams pa thams cad gsos shing sku bde gshegs _!_yon tan rin chen _gsung pad+ma'i _phrin las karma _thugs rdo rje'i _rigs kyi tshe dang ye shes rgyas shing brtan par bsam la/_bsnyen pa'i sngags 'di'i rjes zlos lan gsum mdzod/_oM a mA ra Ni sogs lan gsum/_slar yang bde gshegs_!_rin chen _pad+ma'i _las kyi _rdo rje'i __rigs kyi dkyil 'khor lha tshogs thams cad kyi sku las 'od byung*/_brtan g.yo snod bcud kyi zhing rab 'byams khyab/_sra ba sa yi _!_gsher ba chu'i _'bar ba me'i _g.yo ba rlung gi _stong dbyings nam mkha'i _khams thams cad bde gshegs _!_rin chen _pad+ma _las rab _rdo rje _tshe bdag yab yum gyi skur bzheng pa ste rdo rje'i sngags kyi sgra dang zag med ye shes kyi dgongs pas sku bde gshegs _!_yon tan rin chen _gsung pad+ma'i _phrin las las kyi _thugs rdo rje'i _rigs kyi tshe dang ye shes spel/_lha tshogs rnams sku gsung thugs yon tan phrin las kyi gsang ba mi zad rgyan gyi 'khor lor mngon par byang chub pa'i byin rlabs bdud rtsi'i dwangs ma 'od kyi sprin kha dog sna tshogs pa'i rnam par khyed rang la thim pas lus kyi_!_khrag gi _drod kyi _dbugs kyi _sems kyi_khams nyams pa gsos shing tshe dang ye shes 'phel rgyas brtan par bsam la/_sgrub sngags kyi rjes zlos lan gsum mdzod/_oM dzi na dz-ika sogs lan gsum/_slar yang lha sngags phyag mtshan 'od zer spro bsdus mkha' khyab kyi 'gro ba'i lus kyi_!_sgo gsum cha mnyam gyi _ngag gi_las dang bya ba'i _yid kyi _tshe nyams pa gsos/_sku bde gshegs _!_yon tan rin chen _gsung pad+ma'i _phrin las karma'i _thugs rdo rje'i _rigs kyi tshe dang ye shes kyi dngos grub dbang du byas shing rgyas par spel/_tshe bdud bar chad kyi tshogs bsgral bar mos la las sngags kyi rjes zlos mdzod/_oM bud+d+ha a yur+dz+nyA na sogs lan gsum/_des gsung mi zad pa rgyan gyi 'khor lo lha dang gnyis su med pa 'chi med tshe'i dbang mchog thob par gyur cig_/'khor lo _!_rin chen _pad+ma _rgya gram _rdo rje _snying gar bzhag pas ye shes kyi phyag mtshan snying gar thim/_mgon po tshe dpag med pa'i thugs kyi dbang dang byin rlabs thob par mos shig_/'khor lo sogs phyag mtshan so so snying gar bzhag ste/_hU~M:_sangs rgyas kun gyi ye shes ni:_chos dbyings khyab pa _!_mnyam nyid dbyings _so sor rtog pa _bya ba grub pa _me long lta bu _phyag rgya'i gzugs:_rigs kyi bu la gtad pa yis:_ye shes dgongs pa mngon gyur shog:_tsit+ta a b+hi Shiny+tsa hU~M/_thugs mi zad pa rgyan gyi 'khor lo lha dang gnyis su med pa 'chi med tshe'i dbang mchog thob par gyur cig_/'khor 'das tshe bcud kyi bdud rtsis bkang ba'i tshe bum phyag tu gtad pas mgon po tshe dpag med pa'i yon tan gyi dbang dang dngos grub thob par mos shig_/tshe bum lte bar bzhag la/_hrIH_rgyal kun zag med yon tan gyi:_bdud rtsis gang ba'i tshe'i 'brang rgyas:_rang byung mchog gis dbang bskur bas:_'bras bu'i go 'phang thob par shog:_gu Na a b+hi Shiny+tsa trA~M:_yon tan mi zad pa rgyan gyi 'khor lo lha dang gnyis su med pa 'chi med tshe'i dbang mchog thob par gyur cig_/brtan g.yo'i dwangs bcud 'dus pa'i tshe yi ril bu dang bdud rtsi myong bas mgon po tshe dpag med pa'i phrin las kyi dbang dang dngos grub thob par mos shig_/tshe ril dang bdud rtsi sbyin la/_hrIH_rnam pa thams cad ye shes ni:_cong zhi bcud len _!_rigs gzhan dag la/_rdo rje'i bcud len _zhes bsgyur na legs/_rdzas su shar:_dge legs snying pos dbang bskur bas:_'chi med rdo rje'i srog thob shog:_karma a b+hi Shiny+tsa A:_phrin las mi zad pa rgyan gyi 'khor lo lha dang gnyis su med pa 'chi med tshe'i dbang mchog thob par gyur cig_/gsang dbang ni/_bla ma dang dkyil 'khor gyi gtso bo tha mi dad pa rang 'od kyi yum dang snyoms par zhugs pa'i byang chub sems kyi bdud rtsi lce thog tu bzhag par gyur/_thod pa'i bdud rtsi thogs la/_stangs dpyal sbyor ba'i bde ba che:_dwangs ma byang chub sems kyi chu:_rol cig skal pa mchog ldan bu:_gtsang dme'i rtog pa bral bas spyod:_a ho ma hA su kha ho:_bdud rtsi myang*/_de ltar na gsang ba'i dbang thob/_ngag gi dri ma dag_/lam nye bsnyen rtsa rlung gtum mo sgom pa la dbang*/_'bras bu gsung rdo rje longs spyod rdzogs sku 'grub pa'i skal pa can du byas pa'o/__/sher dbang ni/_khyed rang rnams skad cig gis tshe dpag med kyi skur gsal ba la/_mdun bskyed kyi thugs ka nas rigs dang lang tsho rdzogs pa'i rig ma tshe yi lha mo'i ngo bo can re spros te thar pa bsten par bskul bar gyur/_rig tsaka thogs la/_sna tshogs gzugs can mtshan dang ldan:_sgeg bzhad lang tsho'i mchog gyur ma:_'dis ni sangs rgyas thams cad bskyed:_dga' bzhi'i rol rtsed rtag tu gyis:_pad+ma b+hany+dza mok+Sha ho:_rig ma dang 'du shes gsum ldan gyis snyoms par zhugs pas dga' ba bzhi'i rim pas lhan skyes kyi bde ba rgyud la skye bar gyur/_'khyud rgya bya/_de ltar na shes rab ye shes kyi dbang thob/_yid kyi dri ma dag_/lam sgrub pa pho nya'i rnal 'byor sgom pa la dbang*/_'bras bu thugs rdo rje chos kyi sku 'grub pa'i skal pa can du byas pa'o/__/dbang bzhi pa ni/_rdo rje sems dpa'i me long bzung la/_rang byung rdo rje sems dpa'i me long gi brda dang rdo rje'i tshig gis ngo sprad par mos mdzod/_a:_dbyings ni rtag tu skye ba med:_rig pa rang gsal lhun gyis grub:_gnyis med shel gyi brdas mtshon te:_rang la gnas pa rtogs par gyis:_d+harma d+hA tu a a a:_zhes dgongs pa bskyang*/_de ltar na dbang bzhi pa thob/_bag chags kyi dri ma dag_/lam sgrub pa chen po dbyings rig zung 'jug sgom pa la dbang*/_'bras bu ngo bo nyid sku 'grub pa'i skal ba can du byas pa'o/__/slob ma'i sgo gsum dkyil 'khor lha tshogs rnams kyi gsang ba mi zad rgyan gyi 'khor lo dang gnyis su med par rgyas btab pa'i phyir tshe mda' gnas lngar bzhag par mos shig__a:_spros pas snang srid khyab pa'i tshe:_bsdus pa'i thig le nyag gcig klong:_'pho 'gyur med par rgyas btab pas:_ye shes chen po'i srog 'grub shog:_mkha' dbyings gang bar khyab pa'i 'od zer gyi snang ba'i rtse mor rgyal ba sras dang bcas pa'i sku grangs med nyi zer gyi rdul lta bu phyogs bcu kun tu 'phros pa rnams kyis bkra shis pa'i glu dbyangs len cing lha'i me tog gi char chen po phab pas 'chi med tshe dang ye shes kyi dngos grub mchog gi dga' ston yar ngo'i zla ba ltar gong nas gong du 'phel zhing rgyas par gyur pa'i 'dun pa mdzod cig_/rten snying dang*/_shis brjod mthar snyan pa'i rol mo rgyun ring du 'khrol bar bya'o/__/dga' ston bkra shis grub pa'i rdzas rtags rin chen bdun gyi 'byor pas mnga' gsol bar mos mdzod/_phyi ltar bkra shis rtags kyi re khA brgyad/_/nang ltar bkra shis rgyal ba'i mtshan bzang dpal/_/don gyi bkra shis 'phags lam yan lag brgyad/_/bkra shis grub pa'i rdzas kyis mnga' gsol lo/_/aSh+Ta mang+ga laM ku ru a b+hi Shiny+tsa mi/_bkra shis don kun grub pa'i rgyal ba yis/_/bkra shis ngo mtshar mdzad bzang bstan pa'i tshe/_/bkra shis spel ba'i rdzas su byin brlabs pas/_/bkra shis dge mtshan rgyas phyir dbang bskur ro/_/dra byaM mang+ga laM ku ru a b+hi Shiny+tsa mi/_phun tshogs chos kyi rgyal thabs dbang bsgyur phyir/_/phun tshogs byang chub yan lag bdun gyi gzugs/_/phun tshogs rin chen bdun gyis dbang bskur bas/_/phun tshogs tshe dpal chos nor sde 'phel shog_/ma hA rat+na a b+hi Shiny+tsa hU~M/_de dag gis tshe dpag med rigs lnga sgyu 'phrul drwa ba'i sgos kyi dbang bskur gyi rim pa grub pas ji ltar zhal gyis bzhes pa'i dam tshig gi rim pa las mi 'da' bar dam 'cha' ba'i rjes zlos/_gtso bos ji ltar sogs gtang rag lus 'bul dge bsngo bcas byas la slob ma grol/_slob dpon gyis tshogs kyi lhag ma nas brtsam cho ga'i rjes rim rnams mthar dbyung bar bya'o/__/rigs lnga so sor kha bsgyur mchan gsal ltar bya dgos so/__/rigs lnga sgyu 'phrul drwa ba'i rol mo yis/_/tshe dang ye shes dga' ston legs spel bas/_/phung khams bde chen dwangs mar smin byed pa'i/_/thabs kyi dang po dbang gi rim pa'o/__/ces rigs lnga tshe dpag med sgos sgrub kyi dbang gi phreng ba'i le'u tshan bzhi pa'o/__!__ma chags pad+ma'i ye shes so sor rtog_/bde chen dbang gi me zer rta mchog zhal/_/bdud sde'i dpung pa zil gnon he ru ka_/rang byung khrag 'thung chen por gus btud nas/_/byin rlabs 'char ka'i snang bas yid srub mun/_/sel nas tshe dang ye shes nyin mor byed/_/dngos grub gzi byin 'bar ba'i thabs kyi sgor/_/'jug bde'i phrin dbang khrigs su bsdeb la spro/_/'di la gnyis/_sgrub pa'i thabs dang*/_smin byed dngos so/__/dang po ni/_bsnyen sgrub bzlas pa'i skabs dpal gtor/_sman raka_/nyer spyod bcas pa 'du bya/_rgyun gyi rnal 'byor la de dag med kyang rung zhing*/_gang ltar yang thog mar skyabs sems ni/_na mo:_bdag dang khams gsum 'gro ba kun:_rtsa ba gsum la skyabs su mchi:_gzhan don sangs rgyas thob bya'i phyir:_pad+ma khros pa'i rnal 'byor bsgom:_lan gsum/_rdo rje slob dpon sangs rgyas dpal:_sogs gsum/_gnas yo mchod pa byin brlab ni/_oM AHhU~M:_snod bcud phun tshogs bde chen zhing:_rang snang kun bzang mchod pa'i sprin:_zag med nam mkha' gang ba'i tshogs:_ye shes chen po'i rol par shar:_oM badz+ra ar+g+haM nas shab+da sarba sa ma ya pU dza dz+nyA na AHhU~M:_oM sarba pany+tsa a mr-i ta AHhU~M:_oM ma hA rak+ta AHhU~M:_oM ma hA ba ling ta AHhU~M:_dngos gzhi lha bskyed ni/_hrIH_de bzhin nyid dbyings ka nas dag:_kun snang snying rje sgyu ma'i gdang:_zung 'jug sa bon yi ge hrIH_'od kyis snod bcud gzung 'dzin sbyangs:_stong pa'i ngang las ye shes kyi:_rang snang dbang gi pho brang che:_pad+ma rA ga las grub pa'i:_gzhal yas zla gam sgo gcig pa:_rin chen rgyan gyi bkod pa rdzogs:_dbus su pad+ma 'dab bzhi pa'i:_lte bar bdud bzhi pad nyi'i steng:_hrIHyig yongs gyur skad cig gis:_pad+ma dbang chen rta skad 'tsher:_dmar nag dus mtha'i me ltar 'bar:_phyag g.yas pad+ma'i lcags kyu gdeng:_snang srid thams cad dbang du sdud:_g.yon pas tshe yi bum pa ni:_rgya gram phyag rgyas mtshan pa 'dzin:_dpal dang dur khrod rol pa'i chas:_gzi byin 'bar ba'i 'od phreng can:_zhabs gnyis brkyang bskum rol pa'i stabs:_rang 'od pad+ma gzi ldan sbyor:_pad phreng dung khrag bsnams pas 'khyud:_phyogs bzhir rdo rje rin po che:_bde gshegs las kyi h+ya gr-I:_dkar ser mthing ljang gtso dang mtshungs:_rigs kyi DA ki mnyam par sbyor:_sgo srung pad+ma dbyings phyug ma:_lcags kyu zhags gdengs sgeg bzhad khro:_gar gyi stang stabs sgyur bzhin du:_rus pa me tog phreng bas brgyan:_dbang gi zhing khams skyong ba yi:_dbang mdzad dbang gi lha tshogs kun:_nyi zer rdul ltar 'khrigs pa yis:_bar chad bdud bgegs thams cad 'dul:_gnas gsum rdo rje'i yig 'bru gsum:_sku gsung thugs kyi phyag rgyar rdzogs:_spyi bo'i gnas lngar rigs lnga yi:_sa bon las gyur rigs lnga yi:_byang sems bdud rtsis dbang bskur bas:_phung khams rigs kyi 'khor los bsgyur:_bde gshegs lnga yi ngo bor rdzogs:_oM AHhU~M:_hrIHhU~M trA~M oM A:_hrIH_bde chen phyogs lhung bral ba'i zhing:_'od gsal sgyu 'phrul drwa ba'i lha:_rta mchog rol pa'i dkyil 'khor lha:_ye shes dbyings nas gshegs su gsol:_gnas mchog 'di ru byin phob la:_sgrub mchog bdag la dbang bzhi bskur:_bgegs dang log 'dren bar chad sol:_mchog dang thun mong dngos grub stsol:_sarba maN+Da la sa ma ya dzaH_dzaHhU~M ba~M hoHtiSh+Tha lhan:_na mo na ma mi:_hrIH_bde chen sgyu ma'i cho 'phrul las:_'char ba'i rmad byung mchod pa'i sprin:_phyi nang gsang ba bla med pas:_rang byung rang shar chen por mchod:_hrIHha ya gr-I wa sa pa ri wa ra ar+g+haM nas shab+da sarba pU dza ho:_ma hA pany+tsa a mr-i ta rak+ta ba liM ta khA hi:_d+harma d+hA tu a:_hrIH_gsung gi rdo rje dkyil 'khor bdag:_dbang chen 'bar ba gar dgu'i gzugs:_bde chen phyag rgya chen po'i dbyings:_'du 'bral med pa'i lha la bstod:_de ltar las rim rdzogs par byas te gsal snang sgrub/_spro na dag dran dang*/_nga rgyal brtan po la bslab/_bzlas pa ni/_rta mchog rol pa'i thugs ka ru:_pad nyi'i steng du hrIHdmar gsal:_rdo rje'i sngags kyi phreng bas bskor:_'od zer spro bsdus don gnyis byas:_dbang chen rol pa'i lha tshogs kyi:_sku dang yig 'bru phyag mtshan gyi:_pho nya nam mkha' khyab par spros:_tshe bdud bar chad dbyings su bsgral:_gzung 'dzin 'byung po srung mtshams bcad:_byad phur rbod gtong bzlog cing bsgyur:_snang srid sku gsung thugs kyi dbyings:_mnyam nyid dgongs pa'i rtsal rdzogs gyur:_hrIHpad+mAn+ta kr-ita badz+ra kro d+ha h+ya gr-I wa sarba big+h+nAn ha na ha na hU~M phaT:_ci nus skabs bstun bzla/_thun mthar dbyangs gsal rten snying dang mchod bstod mdor bsdus bya/_yig brgya bzlas pas nongs pa bshags/_rjes rim ni/_snod bcud 'od zhu rang la thim/_/de yang mi dmigs 'od gsal ngang*/_/khro rgyal snang stong chen por shar/_/mi mthun phyogs kun srung bar gyur/_/badz+ra kA wA tsi rak+Sha b+h+rU~M:_gyis go cha bgo__/dge ba 'di yis myur du bdag_/dbang chen rta mchog 'grub gyur nas/_/sogs sngo smon dang shis brjod bya/_tshul 'dis thun bzhi khrigs bcad kyis bsnyen bzlas 'bum bzhi byas na grangs bsnyen gyi tshad rdzogs la/_bsnyen pa ma byung yang bar chad sel phyir dgong mo lta bur khyug tsam bzlas kyang dgos pa dang ldan pa gter gzhung du gsal ba ltar ro/__/gnyis pa smin byed dngos ni/_maN+Dal tshom bu gcig pa'am rdul tshon gyi pad+ma 'dab brgyad steng*/_many+dzi'i khar bum pa bcud ldan bzhag_/sman gtor rak+ta mchod pa bcas sngar bzhin bsham la/_bzlas pa'i dbur dzapa khang phyes te mdun bskyed la gtso bor dmigs bzlas dang*/_bum pa rang byung lhun rdzogs dbang gi pho brang du dpal rta mchog rol pa'i lha tshogs dwangs pa'i mtsho la gza' skar shar ba bzhin bzhugs pa'i sku las bdud rtsi'i rgyun babs pas bum pa yongs su gang bar gyur/_zhes dmigs te bzlas pa ci rigs mthar/_oM AHhU~M gis mchod yon phul bas/_bum lha bde ba chen por 'od du zhu ste bum chu dang ro gcig tu gyur/_las bum 'khyil pas brlabs/_smin 'os kyi slob ma khrus nas dbyung*/_bgegs bskrad srung 'khor dang*/_sems bskyed gsal btab rjes/_'dod dgu'i nor thob pa'i phyir shul ring gi mgron po lam du zhugs pa la bgrod yul bde bzar sna tshogs 'byung ba chos nyid ltar tshe dang ye shes dpag tu med pa'i go 'phang bsgrub pa la bar chad mang ba chos nyid yin kyang*/_de nyid kyi dbang du ma shor bar lam du khyer shes na dngos grub kyi snga ltas dang*/_nyams rtogs kyi bogs 'byin du 'gal rkyen grogs su shar ba dngos grub kyi sna 'dren nyams rtogs kyi rgyan du khyer shes pa 'byung ba'i phyir/_skabs 'dir yang bar chad srung phyir dbang gi rgyal po rta mchog dpal gyi lha sngags ting nge 'dzin la brtson pas srung skyobs ra mda'i tshul du mdzad pas byin gyis brlabs shing bar chad sel bar nges pa ste/_gter gzhung rdo rje tshe yi snying po'i rgyud las/_zab mo'i dngos grub bsgrub pa la:_bar du gcod pa'i bdud 'dul phyir:_dbang gi rgyal po'i ting 'dzin gyis:_bgegs tshogs 'dul ba'i ting 'dzin ni:_zhes gsungs pa ltar la lam de nyams su len pa la'ang dbang bskur sngon du 'gro dgos pas de nyid sgrub pa'i skabs su babs pa gsan pa'i phyir maN+Dal phul/_zhes mtshams sbyar nas maN+Dal 'bul du gzhug_/gsol ba 'debs pa 'di'i rjes zlos/_pad+ma dkyil 'khor gtso bo mchog:_dbang chen he ru kaHdpal dgongs:_rdo rje'i dkyil 'khor chen po ru:_smin cing grol bar mdzad du gsol:_lan gsum/_bla ma khro bo'i rgyal po rta mchog rol pa rtsa gsum rgya mtsho'i bdag nyid chen por gsal ba la mi phyed gus pa'i yid kyis skyabs su 'gro ba dang*/_'khrul pa'i gzhan dbang du gyur pa'i sems can thams cad sangs rgyas kyi sa la 'god par bya ba'i ched du khro bo'i rgyal po'i dkyil 'khor du 'jug par bgyi'o snyam du sems bskyed pa 'di'i rjes zlos/_na mo:_bdag dang khams gsum 'gro ba kun:_rtsa gsum lha la skyabs su mchi:_gzhan don sangs rgyas thob bya'i phyir:_pad+ma khros pa'i rnal 'byor bsgom:_lan gsum/_rgyun bshags sngon du 'gro bas byang chub tu sems bskyed pa 'di'ang tshig rjes su don dran bzhin pas rjes zlos/_rdo rje slob dpon sangs rgyas dpal/_/sogs dang*/_sems can bde dang ldan gyur cig_/sogs lan gsum/_ye shes pa dbab pa'i slad du dmigs pa 'di bzhin du mdzod/_las chu gtor la bsang sbyang*/_gnyis bsdus kyi chos thams cad spros bral ka dag stong pa nyid du gyur pa'i ngang las 'od gsal gyi rang mdangs phyi snod khrag 'thung rol pa'i dur khrod chen po'i dbus su pad nyi bdud bzhi'i steng du khyed rang rnams skad cig gis 'jigs byed pad+ma dbang chen srin po ltar khros pa khro gtum bzod par dka' ba'i nyams 'gyur can/_sku mdog dmar nag dus mtha'i me ltar 'bar ba/_dbu skra dmar ser gyen du brdzes pa'i khrod du rta mgo ljang gu rta skad drag tu 'tsher ba/_phyag g.yas pad+ma'i lcags kyu gdeng stabs su 'dzin cing g.yon tshe bum rgya gram gyis mtshan pa bsnams pa/_dpal dang dur khrod rol pa'i chas thams cad kyis brgyan cing*/_zhabs gnyis brkyang bskum rol pa'i stabs kyis 'gyings pa/_yum pad+ma gzi ldan ma pad phreng dang dung dmar 'dzin pas 'khyud pa/_bskal pa'i me dpung 'bar ba'i klong na che btsan 'gran zla dang bral ba'i gnas gsum oM AHhU~M gis mtshan pa/_thugs srog hrIHdmar nag dang*/_bla ma lhag pa'i lha'i thugs ka nas kyang 'od zer dpag tu med pa 'phros/_phyogs bcu'i rtsa gsum rgyal ba rab 'byams kyi thugs rgyud bskul/_skad cig de nyid la dbang chen rta mchog rol pa'i skur bzhengs te mtsho chen po la kha ba babs pa ltar khyed rang rnams kyi sgo gsum la dbyer med du thim pa'i mos pa mdzod cig_/hrIH_bde chen phyogs lhung bral ba'i zhing:_'od gsal sgyu 'phrul drwa ba'i lha:_rta mchog rol pa'i dkyil 'khor lha:_ye shes dbyings nas gshegs su gsol:_gnas mchog 'di ru byin phob la:_sgrub mchog 'di la dbang bzhi bskur:_bgegs dang log 'dren bar chad sol:_mchog dang thun mong dngos grub stsol:_rtsa sngags mthar/_badz+ra dz+nyA na a be sha ya a a/_hU~M hU~M hU~M/_zhes drag tu brjod/_rol mo 'khrol/_pheM pheM/_zhes yang yang brjod la spos btul/_ye shes pa brtan par gyur/_tiSh+Tha badz+ra hU~M/_zhes dang*/_rdo rje'i rgyas brtan par bya/_bum pa btegs la/_bum pa dur khrod drag po'i gzhal yas khang du pad+ma dbang chen rta mchog rol pa'i lha tshogs sgyu 'phrul rdo rje'i rol mo 'od du zhu ba'i bdud rtsis spyi bo nas dbang bskur bas/_dri ma nyon mongs pa thams cad gtor/_ye shes chen po'i byin rlabs rgyud la blug par mos shig_/hrIH_rang byung bum pa gzhal med khang:_ye shes lha tshogs bdud rtsir 'khyil:_skal ldan bu la dbang bskur bas:_smin grol yon tan rdzogs par shog:_ka la sha a b+hi Shiny+tsa oM:_mgor bzhag la bum chu sbyin/_bdag mdun dbyer med kyi thugs ka'i sngags phreng las sngags phreng gnyis pa zhig 'phros/_khyed rang lhar gsal ba'i zhal du zhugs/_thugs ka'i hrIHyig dmar po'i mthar g.yas bskor du 'khod par mos la rjes zlos mdzod/_rtsa sngags lan gsum/_pad+ma dbang chen rta mchog rol pa'i mthu stobs nus pa'i byin rlabs thams cad rdo rje'i slob ma 'di rnams la zhugs nas las rab 'byams thogs med du 'grub par gyur cig_/dbyangs gsal ye d+har brjod cing me tog 'thor/_thugs kyi byin brlab brtan pa'i phyir rang rig dus gsum gyi rtog pas ma bslad pa'i gnyug ma don gyi rta mchog rol pa rdo rje'i tshig 'dis ngo sprad par mos mdzod/_a:_rang rig ye shes bde ba che:_gdod nas rang gi sems su bzhugs:_gnyis med dgong pas ngo sprad na:_shes par gyis shig rigs kyi bu:_zhes dgongs pa la mnyam par bzhag_/me tog 'thor la shis brjod rten snying gis brtan par bya/_de dag gis pad+ma dbang chen rta mchog rol pa'i smin byed legs par grub pa lags pas sogs kyis mtshams sbyar la dam tshig bzung ba phyin chad dang phrin las kyi rjes rim bcas spyi ltar bya'o/__/tshe dang ye shes mchog gi dbyig thob phyir/_/rdo rje'i lam zhugs bar chad sel ba'i thabs/_/dbang gi rgyal po'i g.yas 'khyil mtsho 'di yang*/_/skal bzang rin chen gru yi btsas su sbyin/_/de dag bar chad sel ba rta mgrin gyi dbang gi rim pa le'u tshan lnga pa'o/__!__lhan gcig skyes pa don gyi mdza' na mo/_/bde chen kun dga'i rol rtsed ster ba la/_/ches myur shes rab dpal mo'i 'dzum dkar gyis/_/tshe rabs kun tu lhag par skyongs gyur cig_/gang gi gsang ba zab mo'i dga' tshal du/_/rtsen 'dod mchog gi dbang bzhi'i rgyud smin phyir/_/zab lam gling bu'i dbyangs kyis deng bskul na/_/kye kye rings pa bzhin du dga' bas longs/_/pad+ma tshe yi snying thig gi yum bka' tshe sbyin dpal mo rigs lnga'i smin byed bya bar 'dod pas dmar phyogs kyi tshes bcu sogs dus bzang por gtsang ma'i gnas su stegs bur gzhung mthun gyi dkyil 'khor dang tshom bu gang 'byor bkod pa'i steng*/_many+dzi'i khar bde skyong gi snod du bum rdzas so lnga dang tshe rdzas btab pa'i dza gad kyis bkang ba'i khar me long sin+d+hU ra'i rdul gyis byugs pa la chos 'byung bsnol ma'i dbus hrIH_mA~M lA~M pA~M tA~M phyogs bzhir mgo phyir bstan du bris pas bkab pa'i steng man shel bzhag pa dar dmar gyis bkab/_tshe 'brang*/_tshe ril chang*/_mda' dar rnams kyang bkod mthar nyer spyod kyis bskor/_mkha' 'gro'i gtor ma sman raka dang*/_bka' gter srung ma'i mchod gtor/_sngon gtor gnyis/_tshogs bcas 'du byas la bdag mdun gyi gzhung bsrang*/_dzapa khang phyes la bsnyen sgrub las gsum gyi bzlas pa bya/_bum bzlas bsdu na/_rang byung bde skyong gi bum par 'chi med ye shes DA ki'i lha tshogs dwangs pa'i mtsho la gza' skar shar ba bzhin dgyes par bzhugs pa'i sku las 'chi med bdud rtsi'i rgyun babs pa bum chu dang ro gcig tu gyur par mos la bzla/_las bum 'khyil pas brlabs/_tshe 'gugs sbyar/_hrIH_chos dbyings khyab brdal phyogs lhung bral ba'i klong*/_/bde chen dgyes ma 'bum phrag mkha' 'gro'i gtso/_/'chi med grub pa'i me tog man+da ra/_/rab 'byams sku gsum rgyal ba'i zhing nas bzhengs/_/skye 'chi'i mtshan ma yongs dag chos sku'i mkhar/_/lhan skyes grub pa'i rgyal mo'i ye shes sprin/_/dbang bcu'i bdud rtsi bri gang mi mnga' ba'i/_/rdo rje tshe yi byin rlabs da lta stsol/_/phyag g.yas tshe dpal 'gugs pa'i mda' dar las/_/rigs lnga'i pho nya zhing khams yongs khyab spros/_/srid dang zhi ba'i brtan g.yo'i dwangs bcud bsdus/_/phyag g.yon tshe yi bum pa'i nang du bskyil/_/sgrub mchog lus ngag yid la rdo rje'i dbang*/_/'pho med rtag pa dam pa'i mchog gyur pa/_/thabs shes dam rdzas bde stong ye shes dngos/_/myong grol grub pa'i rdzas kyi bcud len stsol/_/sgo gsum mi shigs dwangs ma'i lang tshor smin/_/zag bcas 'khrul pa'i skye 'chi ming yang med/_/lhun grub ye shes 'pho chen rdo rje'i sku/_/mngon sum nyid du 'grub par mdzad du gsol/_/oM dz+nyA na DA ki ni pad+ma man+da ra sarba sid+d+hi hU~M ha ri ni sa badz+ra A yu She swA hA/_zhes tshe bcud bsdus te/_mkha' khyab ye shes sgyu 'phrul drwa ba'i tshe/_/gting gsal gzhon nu bum sku'i dbyings su sba/_/mi 'gyur rdo rje'i klong du rgyas btab pas/_/zag med 'dus ma byas par lhun gyis grub/_/d+harma d+hA tu a/_tshogs mchod btang zhing bdag 'jug gam rig pa'i me tog dor nas slob ma 'jug par gnang ba zhus la/_smin par 'os pa'i slob ma khrus nas dbyung*/_bgegs bskrad/_srung 'khor bsgom ste sems bskyed gsal gdab sngon du 'gro bas/_de la 'dir 'chi med rdo rje tshe yi mchog bsgrub pa'i thabs mthar thug ni rnam kun mchog ldan lhan skyes bde stong chen po'i ye shes kyi gsang ba zab mo mngon sum byed pa kho na yin zhing*/_de nyid rnam bcas dpal mo'i gzugs kyi skur bzhengs pa'i rdo rje gsum gyi rnal 'byor la brtson na mchog gi dngos grub kyi gnas la bde myur du sbyor ba'i rgyu mtshan gyis yum bka' mkha' 'gro'i srog sgrub bka' gter dag snang gi babs so'i byin rlabs kyi tshan ka dang ldan pa mtha' klas pa bzhugs pa las/_'dir ni bka' babs bdun gyi mnga' bdag pad+ma 'od gsal mdo sngags gling pa'i zab gter gyi cha shas 'chi med pad+ma tshe yi snying tig gi rdzogs rim gyi sngon 'gro'i tshul du gdams pa gu ru'i thugs las byon pa'i dgyes sde lnga dang rigs lnga'i rdo rje btsun mo dbyer med du sgrub pa'i dkyil 'khor du/_zab mo'i dbang gi cho gas smin par bya ba'i phyir maN+Dal phul/_gsol ba gdab pa 'di'i rjes zlos mdzod/_bla ma bde chen dgyes pa can:_rnal 'byor ma dpal dgongs su gsol:_bdag cag yang dag lam zab mor:_'jug pa'i cho ga bstsal du gsol:_lan gsum/_mdun gyi nam mkhar 'phags bzhi'i bskyed yum ye shes mkha' 'gro'i dkyil 'khor la sangs rgyas byang sems yi dam dpa' bo DA ki'i tshogs dang bcas pa'i skyabs yul la dwangs 'dod yid ches kyi dad pas byang chub snying po'i bar skyabs su 'gro ba dang*/_mkha' khyab pha mar gyur pa'i 'gro kun bde chen ye shes kyi sa la 'god par bya/_de'i ched du rdo rje theg pa'i lam la 'jug pas gzhan phan gyi spyod pa rlabs po cher slob snyam pas smon 'jug gi sems bskyed pa'i dam bca' bzung ba 'di'i rjes zlos lan gsum mdzod/_a:_rnam thar gsum ldan rdo rje btsun mo'i dbyings:_ye shes mkha' 'gro'i lha la skyabs su mchi:_'gro kun srid zhi'i 'jigs las dbugs dbyung phyir:_'chi med mkha' 'gro'i rnal 'byor bsgom par bgyi:_lan gsum/_bsags sbyang gi snying po yan lag bdun pas rgyud sbyong ba'i phyir so so'i dmigs rnam dang bcas tshig 'di'i rjes zlos mdzod/_phyogs dus rgyal ba sras bcas dang:_ye shes mkha' 'gro'i lha tshogs la:_zhing rdul kun gyi grangs snyed kyi:_sgo gsum gus pas phyag 'tshal lo:_phyi nang gsang ba bla med pa'i:_kun bzang mchod sprin rgya mtshos mchod:_sdig sgrib nyes ltung mthol zhing bshags:_tshogs gnyis spyod la rjes yi rang:_chos kyi 'khor lo bskor bzhin du:_mya ngan mi 'da' bzhugs gsol 'debs:_dge tshogs byang chub snying por bsngo:_gzhan don sangs rgyas myur 'grub shog:_lan gsum/_dbang gi bcud sdom pas bzung dgos pa'i phyir kun 'byung srid pa'i g.yang sa las brgal 'dod kyi nges 'byung dang*/_zhi ba phyogs gcig pa'i mtha' bkag ste 'gro kun byang chub chen por 'god 'dod kyi gzhan phan byang chub sems kyi g.yar dam zung du 'jug pas/_snang spyod ye shes kyi 'khor lor sbyong ba'i dag snang gis so byang sngags kyi 'dul sdom rgya mtsho lta bu bzung snyam pas 'di'i rjes zlos mdzod/_sras bcas sangs rgyas thams cad dang:_dpa' bo rnal 'byor ma rnams kun:_bdag la dgongs par mdzad du gsol:_rig pa 'dzin pa bdag gis ni:_nges 'byung bsam pa mchog ldan pa'i:_so so thar pa'i sdom pa dang:_gzhan phan blo gros mi 'gyur ba'i:_byang chub sems dpa'i tshul khrims dang:_tha mal snang zhen sdom pa'i mchog:_rig pa 'dzin pa'i sde snod kyi:_dam tshig gnas rnams ma lus pa:_bdag gis yang dag bzung bar bgyi:_tshul bzhin srung zhing bslab pa yis:_rang rgyud dag par mdzad du gsol:_lan gsum/_de nas dbang gi gzhi 'god pa ye shes dbab pa'i cho ga la slob dpon gyi thugs ka'i 'od zer gyis slob ma'i rnam smin gyi phung po mi dmigs pa'i dbyings su sbyangs/_rnam par shes pa hrIHyig gi rnam pas zhal du zhugs/_rang 'od pad+ma he ru kar sbyor ba'i rjes su chags pa'i mes zhu ste mkha' gsang nas thon pa dkyil 'khor gyi mdun shar sgo'i dbang stegs chos 'byung bsnol ma'i lte bar pad nyi la babs pa yongs su gyur pa las/_ngo bo gsung pad+ma rigs kyi rdo rje btsun mo na bza' dkar mo la rnam pa rdo rje'i bla ma bde ba chen po pad+mA ka ra'i dgyes sde 'chi med DA ki'i dbang phyug lha lcam man+da ra ba gzhon nu ma lang tsho dar la bab pa'i mdzes sdug mtshungs pa med pa chags sgeg dgyes pa'i nyams dang ldan pa'i zhal ras 'dzum khro spyan gsum dbyings la gzir zhing mche ba'i myu gu yid tsam mngon pa la ljags kyi bung ba g.yo bas phaiM sgra sgrog pa/_phyag g.yas yum lnga'i ye shes kyi tshe mchog 'gugs pa'i mda' dar g.yab cing*/_g.yon pas tshe dang ye shes kyi bdud rtsi'i dwangs mas gang ba'i rin po che'i tshe bum thugs kar gtod pa/_zhabs brkyang bskum gyis 'ja' 'od me zer gyi sprin phung 'khrugs pa'i klong na pad nyi'i steng gar stabs kyis rol cing*/_dbu la thod skam rigs lnga'i cod pan dang*/_dar dang rin po che me tog gi rgyan gyis mdzes pa'i gnas gsum gyi yig 'bru dang*/_lte bar 'od kyi stong gzugs chos 'byung gi dbus su hrIHyig bde drod 'od du 'tsher ba las byung ba'i 'od zer gyis sku gsum rgyal ba'i zhing rab 'byams na bzhugs pa'i sku gsum rgyal ba zhi khro thams cad bde ba chen po'i ye shes rjes su chags pa'i nyams kyis bskul te 'chi med DA ki'i dbang phyug gi sku sngags phyag mtshan gyi rnam pa char drag tu bab pa bzhin byung bas sgo gsum dang*/_khyad par lte ba'i sa bon la thim pa'i 'od kyis lus gang bde ba bzod med du 'bar ba'i zil gyis lhan skyes kyi rtogs pa mngon du gyur par mos shig_/spos rol DA dril snyan pa'i dbyangs dang bcas te las byang gi spyan 'dren mthar/_oM dz+nyA na DA ki ni pad+ma man+da ra sarba sid+d+hi hU~M:_A yu She swA hA:_dz+nyA na a be sha ya a aH_zhes yang yang brjod pas dbab/_phebs pa'i rtags byung ba dang*/_tiSh+Tha badz+ra rdo rje spyi bor bzhag ste brtan par bya/_de nas dbang dngos la bzhi las dang po snang bcas sku'i dkyil 'khor la brten te rang byung bde skyong gi bum pas dbang bskur ba ni/_bla ma rdo rje rnal 'byor ma'i rnam pas b+hany+dzar yum lnga'i dkyil 'khor gsal rdzogs su bzhugs pa bsnams te spyi bor bzhag pas lha rnams rang 'od thabs kyi he ru ka dang snyoms par zhugs pa'i byang sems bdud rtsi'i sprin gyis gang ba'i rgyun spyi bo nas zhugs te bdud rtsis lus gang ba'i dbang bskur bar mos/_b+hany+dza spyi bor bzhag la/_hrIH_rang byung lhun grub ka pA la:_byang sems bdud rtsi'i sprin chen po:_rdo rje'i rigs kyi bu la sbyin:_gnyis med mnyam pa'i tshul gyis rol:_ka la sha a b+hi Shiny+tsa hU~M:_zhes dbang bskur bas b+hany+dza'i bdud rtsi phyur ba'i rgyun tshangs pa'i sgo nas zhugs bde chen 'khor lo'i rtsa gnas brgyud/_lus thams cad khengs/_snang stong a wa d+hU ti'i ye shes mngon du byas/_sa 'og spyod pa sku yi grong khyer gyi dpa' bo rnal 'byor ma dang skal pa mnyam par byas/_snang srid rdo rje btsun mo'i zhing sku sgom pa la dbang*/_'bras bu sprul sku rdo rje phag mo'i tshe dang ye shes kyi go 'phang mngon du gyur par mos shig_/'od dmar stong gzugs kyi lha sku'i gsal snang la sems 'dzin byar gzhug_/gnyis pa phyed snang gsung gi dkyil 'khor la brten nas bde stong bdud rtsis dbang bskur ba ni/_b+hany+dza'i nang du sngags skyes ye shes mkha' 'gro'i lha tshogs rang 'od kyi he ru ka dang mnyam par sbyar ba'i byang sems bdud rtsi'i zegs ma sangs rgyas thams cad 'dus pa'i ngo bo ljags la byin par mos/_bdud rtsi myang du gzhug la/_oM dz+nyA na DA ki ni pad+ma man+da ra sarba sid+d+hi hU~M:_A yu She swA hA:_a ho ma hA su kha ho/_zhes rol pas rdo rje lce yi lam brgyud/_mgrin pa'i rtsa gnas su thim pas khams zhu ba'i bde bas rtsa thams cad la khyab/_gzhom med rdo rje nA da'i ye shes mngon du byas/_sa steng spyod pa gsung gi grong khyer gyi dpa' bo rnal 'byor ma dang skal pa mnyam par byas/_brtan g.yo'i sgra skad skye med rang byung rdo rje'i bzlas pa sgom pa la dbang*/_'bras bu longs spyod rdzogs pa gsung rdo rje phag mo'i tshe dang ye shes kyi go 'phang mngon du byas par mos shig_/lte bar dbu ma'i mar snar chos 'byung gi nang du hrIHlas byung ba'i gtum mo'i me lces 'khor lo bzhir khyab/_spyi bo'i ha~M zhu ba'i bde rgyun gnas bzhir son pas dga' ba bzhi'i nyams skyes/_gnyis med ye shes kyi rtogs pa'i de nyid mngon du gyur par mos la bum can zungs/_bzung du gzhug_/gsum pa mi snang thugs kyi dkyil 'khor la brten nas shes rab ye shes kyi dbang bskur ba ni/_thugs sin d+hU ra'i dkyil 'khor lhan skyes DA ki'i lha tshogs rnams las rang 'dra gnyis pa re spros pa'i rigs kyi phyag rgya lnga mtshan nyid yongs su rdzogs pa'i shes rab ma gcig tu gyur nas rang nyid pad+ma dpa' bor gnas gyur pa'i sku la 'khril te 'du shes gsum gyis rol par mos/_sin+d+hU ra'i dkyil 'khor snying gar bzhag la/_hrIH_rnam thar gsum gyi me long du:_bde chen li khri'i thig le bkod:_gnyis med sbyor ba'i dbang bskur bas:_lhan skyes dga' bzhi rgyas par shog:_karma mu dra dz+nyA na sid+d+hi ho:_thig le gnas gsum du byug_/phyag rgya dang mnyam par sbyor bas dga' bzhi lugs 'byung ldog gis dpe yi ye shes mngon du gyur/_mkha' spyod thugs kyi grong khyer gyi dpa' bo rnal 'byor ma dang skal pa mnyam par byas/_nye rgyu pho nya'i lam zab mo sgom pa la dbang*/_'bras bu chos sku rdo rje phag mo'i tshe dang ye shes dpag tu med pa'i go 'phang mngon du byas par mos shig_/sin d+hU ra'i dkyil 'khor las bde drod kyi 'od cung 'bar bas phag mo dmar mo me zer 'khrugs pa bde ba'i nyams dang bcas te gar stabs khyug khyug gis byon/_lte ba'i hrIHla reg pas me lce'i zegs ma bde ba'i rang 'od 'phro ba lhag gis 'bar/_lus kyi nang thams cad khengs/_ma dag pa'i rtsa rlung thig le'i cha thams cad bsregs/_zhu bde'i dwangs ma rab tu rgyas pa'i 'od kyi zegs mas rtsa gnas thams cad khengs/_bde gsal ye shes kyi myos pa'i pho nya'i gzugs can du lhag par gsal la bum pa can zungs shig_/drag rlung khug pa gsum dang bdun gang 'os bzung*/_bzhi pa don dam ye shes kyi dkyil 'khor la brten nas bzhi pa tshig gi dbang brda la brten nas bskur ba ni/_man shel bstan la/_hrIH_'od gsal dwangs ma'i ye shes ni:_gang du mi gnas sa ler gsal:_gnyis su med pa'i don rtogs na:_'od gsal de nyid 'di ka'o:_d+harma d+hA tu a:_rang byung rdo rje sems dpa'i me long ye shes DA ki'i thugs kyi de kho na nyid mtshon byed brda ru bstan pas/_mtshon bya dpe la brten nas don dam rdo rje nam mkha'i ye shes kyi gnas lugs so so rang rig pa'i myong bas mngon du byas/_rnam kun mchog ldan ye shes kyi phag mo'i zhal mthong*/_bde stong mnyam sbyor he ru ka'i grong khyer gyi dpa' bo rnal 'byor ma dang skal pa mnyam par byas/_de kho na nyid ye shes kyi phag mo'i don sgom pa la dbang*/_'bras bu ngo bo nyid sku rdo rje phag mo'i tshe dang ye shes dpag tu med pa'i go 'phang mngon du byas pa'o/__/sngar rtsol bcas kyi dmigs pas bskyed pa'i bde gsal mi rtog pa'i nyams kyi rang ngo lhod kyis klod la dbyings rig gnyis med ngang du mnyam par bzhag_/rlung rig sems gsum gcig tu bsres/_rjes shes snang srid snod bcud kyi chos snang grags rig pa'i dkyil 'khor rdo rje rnal 'byor ma'i sku sngags ye shes kyi rol par bltas la shis brjod kyis mnga' gsol bya'o/__/rjes 'brel du dmigs bsal tshe yi dngos grub sbyin par spro na/_bdag mdun 'chi med ye shes kyi DA ki'i lha tshogs rnams kyi sku las byung ba'i bde stong 'od kyi zer phreng gi rtser tshe 'gugs lha mo mgyogs ma'i pho nya lcags kyu dang tshe bum 'dzin pa nyi zer gyi rdul phreng bzhin 'khrigs pa mkha' khyab tu spros te phyi snod kyi 'byung lnga'i dbyings su gnas pa'i yum lnga'i klong chen dbyings kyi tshe bcud/_nang skye 'gro'i phung khams skye mched tshe bsod dwangs ma ye shes kyi tshe/_bar srid zhi'i dpal 'byor longs spyod lha dang drang srong rig 'dzin grub pa'i tshe dang dngos grub rdzas kyi nus pa/_gsang ba rgyal ba sras dang bcas pa'i mkhyen brtse'i nus pa/_dbang bcu'i tshe dpal/_khyad par khyed rnams kyi bla tshe sde brgyad ma rungs pas 'phrog pa/_'byung po dam sris brkus pa/_rigs sngags kyi nus pas bcom pa/_bya ba dang spyod lam ma rungs pas nyams 'thor zhig ral du gyur pa kun rang dbang brtan pa dang bral bas khab len gyis lcags phye blang ba bzhin bsdus/_dwangs ma ye shes kyi bdud rtsir bsgyur/_tshe'i rten dang srog gi zungs su byin gyis brlabs nas bdud rtsi kha dog sna tshogs pa'i zegs ma'i rnam pas slob ma'i sgo gsum dang*/_tshe rten dngos grub kyi rdzas la bstims pas mchog dang thun mong ye shes tshe yi dngos grub rdzas kyi dbyig tu gyur par mos shig_/mda' dar g.yab ste/_las byang ltar tshe 'gugs sbyar/_rtsa sngags mthar/_dz+nyA na badz+ra A yu She dzaHdzaH_dzaHhU~M ba~M hoH_tshe 'brang bde chen dbang gi gzhal med khang du 'chi med tshe dang ye shes kyi bdag nyid lhan skyes rdo rje btsun mo'i dkyil 'khor gyi lha tshogs bzhugs pas spyi bor dbang bskur nas lha tshogs rnams kyi gnas gsum nas byung ba'i 'od zer 'chi med ye shes bdud rtsi'i chu rgyun dpag tu med pa byung*/_lus kyi nang gang skye 'chi gzhom gzhig dang bral ba'i zung 'jug bde ba chen po'i ye shes mchog gi tshe la dbang thob par mos shig_/hrIHhrIHhrIH_'od snang mtha' yas bcom ldan tshe dpag med:_'chi med rnga sgra gsung gi rdo rje'i lha:_gar gyi dbang phyug pad+ma'i dkyil 'khor gtso:_'chi med mgyogs ma lha mo'i tshogs bcas kyis:_skal ldan rigs kyi bu la dbang bskur bas:_skye 'chi med pa tshe yi dbang thob nas:_'chi bdag la sogs bdud bzhi las rgyal te:_dngos grub mchog gi skal ba ldan par shog:_oM dz+nyA na a mA ra Ni dzI ban+ti ye swA hAH_tshe 'brang spyi bor bzhag_/skye 'chi'i mtshan ma ka nas dag pa'i shes rab stong pa chen po'i rang gzugs dbyings phyug yum gyi brda don 'chi med tshe yi bdud rtsi byin pas rnam kun mchog ldan don gyi DA ki'i tshe la dbang thob par mos shig_/hrIH_'byung lnga'i dwangs ma snying po'i tshe:_ye shes bdud rtsi'i bcud du bskyil:_skal ldan bu la byin pa yis:_'chi med mchog gi gnas thob shog:_a mr-i ta a b+hi Shiny+tsa ho:_zhes bdud rtsi sbyin/_bde chen 'pho 'gyur med pa'i ye shes kyi snying po thabs kyi dpa' bo'i dam rdzas tshe yi ril bu byin pas skye 'chi 'pho 'gyur gyi sdug bsngal kun dang bral ba'i bde mchog don gyi tshe la dbang thob par mos shig_/hrIH_ye shes sems dpa' tshe yi lha:_snying gi dkyil du gnyis med bzhugs:_dngos grub brda yi ril bu 'dis:_don gyi gnas lugs rtogs par shog:_ra sa ya na a b+hi Shiny+tsa ho:_tshe ril sbyin/_de ltar thabs dang shes rab zung 'jug sku gsung thugs rdo rje'i tshe'i byin rlabs dngos grub kyi tshul du byin pas zag bcas kyi phung khams skye mched/_dwangs ma mi shigs pa'i rdo rje'i gsang ba gsum dang dbyer med du rgyas btab par mos la/_aH_zhes rgyas btab/_spro na bkra shis rdzas rtags rin chen bdun yang tshigs su bcad pas sbyin la shis pa brjod cing me tog 'thor/_rol mo rgyun ring du bya/_mkha' 'gro la bsten pa'i dbang dngos gzhi kun la spel du mi rung zhing*/_thun mong gi gdul bya la tshe dbang kho na bya bar 'dod na/_dbang gi lo rgyus skyabs sems bsag sbyang sdom bzung lha bskyed byin rlabs dbab brtan rjes tshe 'gugs man chad byas kyang rung ba zhar las 'phros pa'o/__/de dag gis rang byung sangs rgyas pad+ma'i thugs bcud tshe sgrub 'chi med pad+ma tshe yi snying thig gi mkha' 'gro'i tshe sgrub zab mo'i dbang bskur phul grub pa lags pas dam tshig gi gnas las mi 'da' bar khas len pa 'di'i rjes zlos mdzod/_gtso bos ji ltar sogs/_maN+Dal lus longs spyod 'bul ba dge bsngo bcas bya/_tshogs la rol zhing lhag ma sogs rjes rim rdzogs par bya'o/__/mchog bde'i ye shes rin chen dang po'i rtsis/_/phung khams rdo rje'i tshe dang ye shes dbyig_/sgyur byed zab myur DA ki'i tshe sgrub kyi/_/smin byed bdud rtsi'i skyes 'di kun dga'i gsos/_/de dag gis myur bde'i rdzogs rim zab mo'i sngon 'gro lhan skyes 'chi med DA ki'i tshe yi dbang bskur khyad par ba dang thun mong bcas khrigs su bsdebs pa'i le'u tshan drug pa'o//__//__!__rjes chags pad+ma'i zil mngar las smin pa'i/_/dbang gi mdzes ma 'char ka'i sprin mdangs can/_/tsaN+Da li zhes nang gi nyin mor byed/_/phrin las snang bas sa gsum khyab par mdzod/_/rdo rje'i tshe mchog sgrub pa'i man ngag pad+ma tshe yi snying thig gi bka' srung dbang gi DA ki'i bka' gtad bya bar 'dod pas zangs kyi maN+Dal la pad+ma 'dab brgyad rdul tshon gyis bris pa'i lte bar hrIHsa mtshan pa'am/_'bru dmar gyi tshom bu gcig bkod pa'i steng gtor ma dmar zlum rgyan spros can dkar mngar bza' btung gis brgyan cing sku dang dar gdugs dmar po'i spras pa mchod pas bskor/_bdag nyid lha'i rnal 'byor la gnas pa sngon du 'gro bas mchod pa byin rlabs/_ra~M ya~M kha~M/_gnas yul pad+mo bkod pa'i zhing*/_/dbyibs dang rgyan bkod tshad med par/_/lha rdzas ting 'dzin las grub pa'i/_/mchod sprin bsam mi khyab par gyur/_/oM badz+ra ar+g+haM nas/_shab+da AHhU~M/_oM sarba pany+tsa a mr-i ta rak+ta ba liM ta AHhU~M/_lan gsum bya/_mdun bskyed ni/_ma hA shU n+ya tAs sbyangs/_stong pa'i ngang las snod bcud 'chi med DA ki'i zhing khams blta na sdug pa'i skyed mo'i tshal nyams su dga' ba/_dpag bsam gyi shing lo 'bras me tog rgyas pas bskor zhing*/_mdzes sdug me tog gi phreng ba/_bdud rtsi'i chu klung dang rdzing bu'i ngogs su bya dang ri dwags bag phebs pas rtse ba'i dbus su ut+pal dmar po 'dab ma rab tu rgyas pa'i ze'u 'brur nyin byed dbang po'i dkyil 'khor gyi steng hrIHyig dmar gsal yongs su gyur pa las 'chi med DA ki'i dbang phyug nye dbang tsaN+Di ka gzhon nu myos ma'i lang tsho dar la bab pa'i 'jo sgeg can/_dar dang rin chen me tog sna tshogs pa'i rgyan dang na bzas bklubs pa/_mdzes 'dzum chags pa'i nyams kyis sgrub pa por rjes su brtse ba'i spyan zung zim bu'i gzigs pa/_phyag g.yas pad+ma'i dbang gi lcags kyu nam mkhar gdengs bas srid zhi'i dpal yon dwangs bcud dbang med du 'gugs pa/_g.yon pas 'chi med bdud rtsi'i gang ba'i bum pa thugs kar bzung ba'i kha nas dngos grub bdud rtsi'i rgyun gyi zil mngar 'bebs pa/_zhabs g.yon brkyang g.yas bskum ste btsun mo rol pa'i 'gying stabs kyis bzhugs pa'i 'khor du rang 'dra'i DA ki ma gzhon nu mched bdun sogs 'bum phrag yangs pas bskor ba'i gnas gsum dang thugs srog sa bon las byung ba'i 'od kyis nub phyogs u rgyan gyi yul nags tshal drwa ba can pad+mas khebs pa'i rdzing drung nas ye shes DA ki 'khor dang bcas pa spyan drangs par gyur/_hrIH_bde chen 'bar ba dbang gi zhing:_pad+ma drwa bas khebs pa nas:_'chi med nye dbang tsaN+Di ka:_'khor dang bcas pa gshegs su gsol:_badz+ra sa ma ya dzaHsa spyan drangs/_hrI:_bde chen dbang gi mkha' 'gro ma:_dbyings nas spyan drangs ye shes lha:_dam tshig rten la gnyis med du:_bzhugs nas tshe dbang rgyas par mdzod:_dzaHhU~M ba~M hoHtiSh+Than+tu:_hU~M:_dngos su 'byor dang yid las byung:_kun bzang sgyu 'phrul drwa ba'i gter:_bde chen sgyu mar rol pa yi:_dgyes pa'i mchod pa bzhes su gsol:_oM ma hA su kha ar+g+haM nas shab+da pU dza ho:_ma hA a mr-i ta khA hi/_ma hA rak+ta khA hi/_DA ki 'khor dang bcas pa'i ljags 'od zer gyi sbu gus gtor ma'i bcud drangs te mnyes par gyur/_oM a mA ra tsaN+Di ka dzaH_sa pa ri wA ra i dam lan gsum mam bdun gyis gtor ma 'bul/_'chi med ye shes dbang gi dngos grub kyi dpal 'dzin nye dbang tsaN+Di ka 'khor 'bum phrag yangs pa'i mkha' 'gro dang bcas pas mchod sbyin gyi gtor ma ye shes bdud rtsi'i rang bzhin 'dod dgu'i gter chen po 'di bzhes la sangs rgyas kyi bstan pa srungs sogs kyis phrin las bcol/_hrIH_gsung gi rdo rje 'jig rten dbang:_rjes chags sin d+hU wa ra'i mdangs:_dmar gsal pad+ma'i zhal bzang can:_'chi med lha yi lha la bstod:_yid 'ong lang tsho blta na sdug:_sgeg bzhad zhal gyis gzhan yid 'gugs:_lha rdzas rin chen nor bu'i rgyan:_phun tshogs dpal gyis mdzes la bstod:_phyag g.yas pad+ma'i lcags kyu gdengs:_g.yon pas tshe bum bcud ldan 'dzin:_zhabs gnyis btsun mo'i rol stabs kyis:_pad nyi'i steng na 'gyings la bstod:_rnam kun mchog ldan dbyings kyi klong*/_/pad+ma dbang gi bka' srung tshul/_/tshe dang ye shes dpal kun stsol/_/dbyings yum gsang ba ye shes che/_/khrag 'thung dgyes sde tsaN+Di ka_/'chi med nye dbang bde chen ster/_/lha mo me tog man+da ra/_/rnam 'phrul cir yang ston la 'dud/_/rtsa brgyud bla ma'i bka' bzhin du/_/rab 'byams phrin las mnga' dbang bsgyur/_/thun mong khyad par dngos grub sgo/_/thogs med stsol bar mdzad la bstod/_/'khor du dbang mdzad mkha' 'gro ma:_bsam yas sprul pa'i cho 'phrul can:_'dod dgu'i phrin las rtsol med du:_ster mdzad kun la bstod par bgyi:_gzhan yang ye shes 'jig rten gyi/_/'bum phrag yangs pa'i DA ki ma/_/lha klu dri za'i bu mo sogs/_/'khor tshogs rgya mtshos bskor la bstod/_ces dang*/_mchod sbyin bzang po 'di bzhes la:_rnal 'byor pa la rtag tu srungs:_nad gdon bar gcod zhi ba dang:_tshe dpal bsod nams ye shes spel:_snang sems srid zhi dbang du sdus:_gnod byed byad ma rdul du rlog:_khyad par 'chi med grub pa'i lam:_brtson la sdong grogs g.yel med mdzod:_sa ma ya ho:_mdun bskyed DA ki 'khor dang bcas pa'i thugs kar nyi ma'i steng hrIHla sngags kyi phreng bas bskor ba la bdag yi dam du gsal ba'i thugs ka'i 'od kyis reg pas sngon gyi thugs dam gnad nas bskul te 'dod dgu'i phrin las rab 'byams thogs med du mdzad par mos la/_gong gnon gyi bzlas pa sngon du 'gro bas/_oM a mA ra Ni tsaN+Di ka dzaHsid+d+hi pha la hU~M:_skabs 'dir rje bla ma'i gsung bskang bshags dang phrin bcol sbyar/_bka' gtad dngos la/_khrus dang bgegs bskrad srung 'khor gsal 'debs dang bcas lo rgyus kyi khyad par/_de yang gsung rdo rje tshe mtha' yas pa'i so sor rtog pa'i ye shes kyis rang rtsal 'bras bu'i sems dpa' pad+ma'i spyan can lag na chu skyes la gsungs pa'i rdo rje tshe yi tan+t+ra/_rang byung gi sangs rgyas pad+mA ka ras zab gter du rgyas btab pa 'chi med ye shes kyi sku can bi ma la mi tra dang*/_mnga' bdag chos kyi rgyal po khu dbon gyi thugs rje'i ye shes kyi nus pa gdul bya'i yul la sad pa'i rten 'byung gis snang ba zab gsang pad+ma tshe yi snying thig gi bka' srung nye dbang tsaN+Di ka'i bka' gtad bgyid pa ste/_de yang lha mo 'di nyid nges pa'i don du gsung rdo rje btsun mo gos dkar mo nyid nub phyogs o rgyan gyi yul na pad+ma gar gyi dbang phyug gi yum gsang ba ye shes zhes mkha' 'gro kun gyi gtso mo dang*/_sangs rgyas gnyis pa slob dpon chen po 'dzam gling lho nub 'o ma can gyi rgya mtshor 'khrungs pa'i tshe rdo rje tshe mchog sgrub pa'i rten 'brel sgrig pa'i tshe yum tsaN+Da li dang*/_lho phyogs ku ru kul+le'i brag phug tu bzhugs pa'i tshe dbang gi lha mo rig byed ma dang*/_dpal ye shes kyi mgon po phyag bzhi pa'i yum ma mo'i tshogs rje tsaN+Di ka dang*/_ma gcig dpal ldan lha mo rang byung rgyal mo'i ming brgya mtshan stong gi bye brag sum cu rtsa gsum gyi lha yul na lha yi bu mo me tog man+da ra dang*/_drang srong dri med kun tu dge ba bzhugs pa'i gnas nub phyogs pad+mas khebs pa'i mtsho 'gram nags tshal drwa ba can na zhing skyong DA ki'i rgyal mo dbang gi lha mo tsaN+Da li sogs sku dang mtshan gyi bkod pa du mar ston pa nyid tshe yi mchog thun sgrub pa'i zab lam 'chi med pad+ma tshe yi snying thig gi bka' srung zhing skyes tsaN+Di ka'i bka' gtad zhu ba'i yon du maN+Dal phul/_gsol ba 'debs pa 'di'i rjes zlos mdzod/_rdo rje 'dzin pa dgongs su gsol/_/bdag ni 'gro la phan don du/_/brtse chen khyod la gsol 'debs kyis/_/ma lus rjes gnang bka' drin stsol/_/lan gsum/_bka' gtad kho na sger du byed tshe/_rgyud rnam par dag pa'i slad du skyabs sems bsags sbyang yan lag brgyad pa'i snying po 'di'i rjes zlos mdzod/_rdo rje slob dpon sangs rgyas dpal/_/sogs lan gsum/_de nas sku nyid rnams thabs chen pad+ma he ru ka dbang gi rgyal po'i sku 'di ltar gsal thob mdzod/_snod bcud 'od gsal stong pa'i dbyings su rnam par dag pa'i snang cha/_phyi snod khrag 'thung rol pa'i dur khrod chen po'i dbus su pad nyi bdud bzhi'i steng du khyed rang rnams skad cig gis 'jigs byed pad+ma dbang chen srin po ltar khros pa khro gtum bzod par dka' ba'i nyams 'gyur can/_sku mdog dmar nag dus mtha'i me ltar 'bar ba/_dbu skra dmar ser gyen du brdzes pa'i khrod du rta mgo ljang gu rta skad drag tu 'tsher ba/_phyag g.yas pad+ma'i lcags kyu gdengs stabs su 'dzin cing g.yon tshe bum rgya gram gyis mtshan pa bsnams pa/_dpal dang dur khrod rol pa'i chas thams cad kyis brgyan cing*/_zhabs gnyis brkyang bskum rol pa'i stabs kyis 'gyings pa/_yum pad+ma gzi ldan ma pad phreng dang dung dmar 'dzin pas 'khyud pa/_bskal pa'i me dpung 'bar ba'i klong na che btsan 'gran zla dang bral ba'i gnas gsum oM AHhU~M gis mtshan pa/_thugs srog hrIHdmar nag dang*/_bla ma lhag pa'i lha'i thugs ka nas kyang 'od zer dpag tu med pa 'phros/_phyogs bcu'i rtsa gsum rgyal ba rab 'byams kyi thugs rgyud bskul/_skad cig de nyid la dbang chen rta mchog rol pa'i skur bzhengs te mtsho chen po la kha ba babs pa ltar khyer rang rnams kyi sgo gsum la dbyer med du thim pa'i mos pa mdzod cig_/hrIH_bde chen phyogs lhung bral ba'i zhing:_'od gsal sgyu 'phrul drwa ba'i lha:_rta mchog rol pa'i dkyil 'khor lha:_ye shes dbyings nas gshegs su gsol:_gnas mchog 'di ru byin phob la:_sgrub mchog 'di la dbang bzhi bskur:_bgegs dang log 'dren bar chad sol:_mchog dang thun mong dngos grub stsol:_rtsa sngags mthar/_badz+ra dz+nyA na a be sha ya a a/_hU~M hU~M hU~M/_zhes drag tu brjod/_rol mo 'khrol/_pheM pheM/_zhes yang yang brjod la spos btul/_ye shes pa brtan par gyur/_tiSh+Tha badz+ra hU~M/_zhes rdo rje'i rgyas brtan pa bya/_bka' gtad dngos la mdun gyi gtor ma'i gnas su snod bcud 'chi med DA ki'i zhing khams blta na sdug pa'i skyed mo'i tshal nyams su dga' ba/_dpag bsam gyi shing lo 'bras me tog rgyas pas bskor zhing*/_mdzes sdug me tog gi phreng ba/_bdud rtsi'i chu klung dang rdzing bu'i ngogs su bya dang ri dwags bag phebs pas rtse ba'i dbus su ut+pal dmar po 'dab ma rab tu rgyas pa'i ze'u 'brur nyin byed dbang po'i dkyil 'khor gyi steng hrIHyig dmar gsal yongs su gyur pa las 'chi med DA ki'i dbang phyug nye dbang tsaN+Di ka gzhon nu myos ma'i lang tsho dar la bab pa'i 'jo sgeg can/_dar dang rin chen me tog sna tshogs pa'i rgyan dang na bzas bklubs pa/_mdzes 'dzum chags pa'i nyams kyis sgrub pa por rjes su brtse ba'i spyan zung zim bu'i gzigs pa/_phyag g.yas pad+ma'i dbang gi lcags kyu nam mkhar gdengs pas srid zhi'i dpal yon dwangs bcud dbang med du 'gugs pa/_g.yon pas 'chi med bdud rtsi'i gang ba'i bum pa thugs kar bzung ba'i kha nas dngos grub bdud rtsi'i rgyun gyi zil mngar 'bebs pa/_zhabs g.yon brkyang g.yas bskum ste btsun mo rol pa'i 'gying stabs kyis bzhugs pa'i 'khor du rang 'dra'i DA ki ma gzhon nu mched bdun sogs 'bum phrag yangs pas bskor ba'i gnas gsum dang thugs srog sa bon las byung ba'i 'od kyis nub phyogs u rgyan gyi yul nags tshal drwa ba can pad+mas khebs pa'i rdzing drung nas ye shes DA ki 'khor dang bcas pa spyan drangs par gyur/_hrIH_bde chen 'bar ba dbang gi zhing:_pad+ma drwa bas khebs pa nas:_'chi med nye dbang tsaN+Di ka:_'khor dang bcas pa gshegs su gsol:_badz+ra sa ma ya dzaHsa spyan drangs/_hrIH_bde chen dbang gi mkha' 'gro ma:_dbyings nas spyan drangs ye shes lha:_dam tshig rten la gnyis med du/_/bzhugs nas tshe dbang rgyas par mdzod/_/dzaHhU~M ba~M ho:_tiSh+Than+tu:_hU~M:_dngos su 'byor dang yid las byung:_kun bzang sgyu 'phrul drwa ba'i gter:_bde chen sgyu mar rol pa yi:_dgyes pa'i mchod pa bzhes su gsol:_oM ma hA su kha ar+g+haM nas shab+da pU dza ho:_ma hA ba liM ta rak+ta khA hi:_hrIH_gsung gi rdo rje gar gyi dbang:_rjes chags sin d+hU'i wA ra'i mdangs:_dmar gsal pad+ma'i zhal bzang can:_'chi med lha yi lha la bstod:_yid 'ong lang tsho blta na sdug:_sgeg bzhad zhal gyis gzhan yid 'gugs:_lha rdzas rin chen nor bu'i rgyan:_phun tshogs dpal gyis mdzes la bstod:_phyag g.yas pad+ma'i lcags kyu gdengs:_g.yon pas tshe bum bcud ldan 'dzin:_zhabs gnyis btsun mo'i rol stabs kyis:_pad nyi'i steng na 'gying la bstod:_'khor du dbang mdzad mkha' 'gro ma:_bsam yas sprul pa'i cho 'phrul can:_'dod dgu'i phrin las rtsol med du:_ster mdzad kun la bstod par bgyi:_slob dpon dbang chen du gsal ba'i thugs ka'i 'od zer gyis gtor ma 'chi med ye shes kyi DA kir gsal ba'i thugs rgyud bskul/_de las lha mo'i sku dpag tu med pa nyi zer la rdul 'khrigs pa lta bu/_khyed rang dbang chen du gsal ba'i dpral bar thim pas sku'i byin rlabs dang nus mthu thams cad thob par sgoms shig_/hrIH_gsung gi rdo rje 'jig rten dbang:_rjes chags sin d+hU wA ra'i mdangs:_'chi med DA ki tsaN+Di ka'i:_sku yi dbang mchog thob par shog:_oM a mA ra Ni tsaN+Di ka hU~M:_A be sha ya a a:_zhes drag tu bzla zhing spos rol bya/_slob dpon dbang chen du gsal ba'i thugs ka'i 'od zer gyis gtor ma 'chi med ye shes DA kir gsal ba'i thugs rgyud bskul/_mgrin pa nas sngags kyi phreng ba mgal me lta bu byung*/_khyed rang gi mgrin par thim pas gsung gi byin rlabs dang nus mthu thams cad thob par sgoms shig_/hrIH_gsung gi rdo rje 'jig rten dbang:_rjes chags sin d+hU wA ra'i mdangs:_'chi med DA ki tsaN+Di ka'i:_gsung gi dbang mchog thob par shog:_ces bsgyur nas sngags dang spos rol bya/_sngags kyi bzlas lung gi slad du gsol ba 'debs pa 'di'i rjes zlos/_DA ki bdag gis bzung lags kyis/_/DA kis bdag la byin gyis rlobs/_/lan gsum/_gtor ma lhar gsal ba'i thugs kar nyi ma'i steng hrIHlas sngags phreng bar ma chad du byung zhal nas thon/_khyed rang gi zhal nas snying gar thim par mos la/_slob dpon gyi phreng ba la bzung ste srog sngags kyi rjes zlos lan gsum bya/_me tog gtor la/_'chi med ye shes kyi DA ki'i gsung rigs sngags kyi mthu nus dang byin rlabs thams cad da lta nyid du 'jug par gyur cig_/yang gtor ma lha mo tsaN+Di kar gsal ba'i thugs srog hrIHlas 'ja' tshon lta bu'i 'od zer dang lcags kyu tshe bum rnams byung*/_slob ma'i snying gar thim pas mthar lha mo nyid kyang 'od du zhu nas thug srog la thim/_hrIHyig kyang khyed rang gi thugs kar thim pas thugs kyi byin rlabs dang nus mthu thams cad thob par mos shig_/hrIH_gsung gi rdo rje 'jig rten dbang:_rjes chags sin d+hU wA ra'i mdangs:_'chi med DA ki tsaN+Di ka'i:_thugs kyi dbang mchog thob par shog:_sngags dang spos rol bya/_slar yang gtor ma skad cig gis 'chi med DA ki'i rgyal mo sngar bzhin gsal ba la nang mchod kyi bdud rtsis bran pas dgyes shing chags pa'i mdangs g.yos te sngon gyi tha tshig bzhin bcol ba'i phrin las sgrub pa la dgyes shing ngo thon du bzhugs par mos la/_hrIH_gsung gi rdo rje 'jig rten dbang:_rjes chags sin d+hU wA ra'i mdangs:_dmar gsal pad+ma'i zhal bzang can:_'chi med lha yi lha la bstod:_yid 'ong lang tsho blta na sdug:_sgeg bzhad zhal gyis gzhan yid 'gugs:_lha rdzas rin chen nor bu'i rgyan:_phun tshogs dpal gyis mdzes la bstod:_phyag g.yas pad+ma'i lcags kyu gdengs:_g.yon pas tshe bum bcud ldan 'dzin:_zhabs gnyis btsun mo'i rol stabs kyis:_pad zla'i steng na 'gyings la bstod:_'khor du dbang mdzad mkha' 'gro ma:_bsam yas sprul pa'i cho 'phrul can:_'dod dgu'i phrin las rtsol med du:_ster mdzad kun la bstod par bgyi:_mchod sbyin bzang po 'di bzhes la:_rnal 'byor pa la rtag tu srungs:_nad gdon bar chad zhi ba dang:_tshe dpal bsod nams ye shes spel:_snang sems srid zhi dbang du sdus:_gnod byed byad ma rdul du rlog:_khyad par 'chi med grub pa'i lam:_brtson la sdong grogs g.yel med mdzod:_sa ma ya ho:_'chi med tshe dang bde chen ye shes kyi dpal bskyed pa'i 'chi med DA ki'i dbang phyug tsaN+Di ka 'khor dang bcas pa rnams kyis chos sku tshe 'od mtha' yas/_longs sku gar gyi dbang phyug_/sprul sku 'chi med pad+ma thod phreng*/_las can rje 'bangs grogs lnga/_'od gsal sprul pa'i rdo rje/_gar dbang mdo sngags gling pa/_'jam mgon chos kyi blo gros sogs rtsa ba dang brgyud par bcas pa'i dpal ldan bla ma dam pa rnams kyi bka' dang dam las ma 'da' bar spyir sangs rgyas kyi bstan pa srungs/_dkon mchog gi dbu 'phang bstod/_dge 'dun dang chos kyi rgyal srid skyongs/_snod kyi dge bcu sgrubs/_bcud kyi phan bde spel/_gdug pa can gyi gnya' gnon/_dam tshig can gyi sdong grogs mdzod/_thar 'dod kyi re ba skongs/_phan sems can gyi phrin las sgrubs/_khyad par rdo rje'i slob ma 'di'i tshe dang bsod nams spel/_nad gdon bar chad sol/_mdor na byang chub ma thob bar du lus dang grib ma bzhin du 'grogs te phun sum tshogs pa'i bsam sbyor thams cad yid bzhin du 'grub pa'i phrin las g.yel med du sgrub par mdzod cig_/ces bka' bsgos nas de bzhin zhal gyis bzhes par bsam la/_gtor ma lag tu gtad cing*/_gtor ma'i cha shas cung zad sbyin/_de ltar gtor ma gnas gsum du bzhag nas dbang bskur bas sku gsung thugs kyi byin rlabs dang*/_slar yang bka' bsgos shing rol pas phrin las rnam pa bzhi'i dngos grub thob pa yin no/__/rjes dam tshig bsgrag cing khas blang yon 'bul dang*/_cho ga'i 'jug chog gtor 'bul gtang rag bzod gsol rten bzhugs smon lam shis brjod bcas bya'o/__/bde chen tshe dang ye shes rmad byung gi_/mchog thun dngos grub sgrub pa'i gsang mdzod kyi/_/bka' srung 'chi med DA ki'i srog dbang mchog_/zab gnyan rmad byung dge legs dpal gyi btsas/_/tshe sgrub pad+ma tshe yi snying thig gi bka' srung 'chi med DA ki tsaN+Di ka'i bka' gtad kyi rim pa le'u tshan bdun pa ste 'phags nor rin chen bdun gyi grangs kyi rdzogs so//___//rgyud dang grub pa'i man ngag chu gter mtha'/_/legs brgal bka' gter nor bu'i gling son nas/_/zab rgyas gdams pa'i dbyig mchog mang thob pas/_/rtog bzos chos 'di ri mo'i mar me dngos/_/'on kyang bla ma lhag pa'i lha rnams kyi/_/byin rlabs 'od kyis blo gros 'dabs rgya bkral/_/man ngag sbrang rtsi'i zegs ma yin rloms kyis/_/ras su ma bor cha tsam snang bar byas/_/bsam sbyor nag po'i dri mas ma nongs pa'i/_/rnam dkar ston zla'i mdzes sdug gsar pa las/_/phan bde'i bdud rtsi'i dga' ston 'dod dgu'i skyes/_/ris med bstan 'gro'i dpyid du sim gyur cig_/de skad dus mtha'i mun rum ches brnag sbubs/_/chos bzang klog gi rtse gar gya gyu can/_/las kyis phyogs med rgyal khams rkang 'khyal tshe/_/bung ba'i sug rjes 'di yang bris nas song*/_/bdag kyang gang mtshan sgra yis dus mtha'i mun/_/'joms mdzad mtsho skyes rdo rje tshe mtha' yas/_/'chi med rtsa gsum rgyal ba'i bden mthu yis/_/gzhom med rdo rje'i gsang gsum mngon gyur shog_/lam 'dir 'brel tshad 'od mtshan stong 'bar ba'i/_/mkhyen brtse'i skya rengs dang pos nyer bsus nas/_/dngos grub zad mi shes pa'i nyin byed dang*/_/'grogs te don gnyis lhun grub bkra shis shog_/ces rgyal kun gsung gi rdo rje'i gsang mdzod la mnga' dbang bsgyur ba'i mgon po kun tu gzigs 'jam pa'i dbyangs dngos pad+ma ye shes rdo rjes thun mong ma yin pa'i thugs brtse dang bka' drin gyis rjes su bzung ste/_tshe sgrub pad+ma'i snying thig gi dbang phreng yongs rdzogs chog khrigs su gnang zin gyi dpe bod khams dus kyi 'pho 'jig gis mi snang bar gyur pa/_slar yang lung rtogs kyi bdag nyid ston dang bstan pa tshad ma la yang dag gzigs pa'i chos kyi spyan mnga' mtshungs med dge ba'i bshes gnyen zhwa de'u 'khrul zhig 'gyur med chos kyi blo gros rin po ches sku rten dz+he k+ShiM las grub pa'i 'chi med myur ma dpa' mo'i snang brnyan/_gsung rten byang chub sems kyi mnga' bdag ze chen rgyal tshab rin po che'i gsung blo sbyongs sbrang rtsi'i bum bzang gi glegs bam dang*/_bsngo smon bkra shis skor gyi glegs bam/_thugs rten gnam lcags rdo rje bcas nang mdzod kyis btegs pa'i gnang skyes dang*/_khyad par thugs dam rgyun gyi nyams bzhes dang*/_tshe khrid par du bskrun pa'i zhal bzhes kyis gsung bskul gnang ba dang*/_nges don snying po'i rnal 'byor kun spang mkhyen ldan klong chen ye shes rdo rjes rtsa gsum 'chi med tshe yi phyi nang gsang sgrub kyi las byang rigs par bskrun mdzad pa dang*/_sgrub brtson dam pa kun dga' tshe dbang bstan 'phel/_dad blo ldan pa 'gyur med theg mchog bstan 'dzin/_blo gsal o rgyan gzhan phan sogs rang slob rnams nas bsnyen sgrub nyams len dang 'brel yang yang rten dang bcas te bskul ba'i rkyen dang*/_pad+ma'i rgyal tshab 'jam mgon d+harma ma tis rang gter 'di rigs yal bar ma dor dang bstan 'gror phan pa'i dgos pa yod ces rdo rje'i bka' lung rjes su sgrub pa dang*/_rtsa ba'i chos bdag rje bla ma nyid kyi mchog sprul dang*/_zhe chen rab 'byams sprul pa'i sku rnams kyi sku tshe'i rten 'byung la'ang phan srid snyam pas rnying sngags rgan po pad+ma gar dbang 'od gsal mdo sngags gling pas gsar bsgrigs bgyis skabs yi ge'i mthun sbyor 'od gsal rdo rje snying po'i ston dang bstan pa la rgyu mtshan shes pa'i mkhyen dpyod dang blo gros mtshungs med byang gnam mtsho'i do skya mchog sprul 'gyur med pad+ma dri med dang*/_sngags sgom 'jigs med skal bzang tshe dbang gnyis kyis bgyis te rang lo bcu phrag drug dang gcig gis lhag pa'i steng lho ljongs tsan+dan gyi nags tshal/_bkra shis dga' 'khyil gyi bsam gtan khang bur pad+ma tshe mtha' yas pa'i dkyil 'khor gyi bsnyen sgrub la gzhol ba'i thun gseng rnams su bris pa 'dis kyang mkha' khyab yid can kun gyi tshe dang ye shes 'dod dgu'i dngos grub kyi dpal yon la ci dgar rtsen pa'i rgyur gyur cig_/sarba mang+ga laM/_dge'o//__//