DKR-KABUM-09-TA-033

🚧 This website is under continued development. We appreciate your patience!

Previous Text"TA" is not a number. Back to Volume Page"TA" is not a number.Next Text "TA" is not a number.

Wylie title
Location	dil mgo mkhyen brtse bka' 'bum Volume , Text 33, Pages (Folios to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation
Genre	"TA" is not a number.

"TA" is not a number.

Tibetan Text

Wylie

[edit]

༄༅། སྡེ་གསུམ་བླ་སྒྲུབ་ལ་ཛཔ་བསྐུལ་སྦྱར་ན། དང་པོ་བླ་མའི་ཛཔ་བསྐུལ་ནི། ཧཱུྃ་ཧྲཱིཿ རིག་འཛིན་ཆེ་མཆོག་ཤྲཱི་སིང་ཧ་ནི། །བརྒྱུད་གསུམ་བླ་མ་འདུས་པའི་ཡེ་ཤེས་སྐུ། །ཐུགས་དམ་གནད་བསྐུལ་ཛཔ་ཀྱིས་གསོལ་འདེབས་ན། །དགོངས་བརྒྱུད་འཕོ་བ་ཆེན་པོའི་བྱིན་ཕོབ་ཅིག །ཛཔ་བཟླ། གཉིས་པ་ཡི་དམ་ཛཔ་བསྐུལ་ནི། ཧཱུྃ་ཧྲཱིཿ དཔལ་ཆེན་ཆེ་མཆོག་ཤྲཱི་སིང་ཧ་ནི། །ཡེ་ཤེས་ཀློང་དགུའི་སྤྱི་གཟུགས་དཔལ་ཆེན་པོ། །བསྙེན་སྒྲུབ་རྣམ་བཞིའི་ཛཔ་ཀྱིས་རྒྱུད་བསྐུལ་ན། །མཆོག་དང་ཐུན་མོང་དངོས་གྲུབ་བསྩལ་དུ་གསོལ། །ཛཔ་བཟླ། གསུམ་པ་མཁའ་འགྲོའི་ཛཔ་བསྐུལ་ནི། ཧཱུྃ་ཧྲཱིཿ བདེ་ཆེན་མཆོག་གྲུབ་ཤྲཱི་སིང་ཧ་ནི། །གནས་གསུམ་མཁའ་འགྲོའི་ཚོགས་རྗེ་ཧེ་རུ་ཀ །རིག་རྩལ་བདེ་ཆེན་ཛཔ་ཀྱིས་རྒྱུད་བསྐུལ་ན། །ལྷན་སྐྱེས་ཡེ་ཤེས་རྟོགས་པའི་དངོས་གྲུབ་སྩོལ། །ཛཔ་བཟླ། བཞི་པ་ཆོས་སྐྱོང་ཛཔ་བསྐུལ་ནི། ཧཱུྃ་ཧྲཱིཿ འཁོར་འདས་རིག་རྩལ་དབང་བསྒྱུར་ཤྲཱི་སིང་ཧ། །རྒྱུད་གསུམ་དྲེགས་པ་མ་ལུས་བྲན་དུ་བཀོལ། །རྡོ་རྗེའི་བཀའ་ནན་ཛཔ་ཀྱི་རྒྱུད་བསྐུལ་ན། །ཚར་གཅོད་རྗེས་འཛིན་ཕྲིན་ལས་ཡོངས་རྫོགས་མཛོད། །ཛཔ་བཟླ། ཞེས་འདི་ཆོས་མཛད་སྒྲུབ་པ་པོ། །ནུབ་རི་ཡེ་ཤེས་ཀློང་གྲོལ་ནས། །དད་མོས་གསུང་གིས་བསྐུལ་བ་ལས། །བླ་མ་རྩ་གསུམ་ཀུན་འདུས་ཀྱི། །ཡེ་ཤེས་ཀློང་དགུའི་ཆོ་འཕྲུལ་ལས། །འགལ་བ་མེད་སྙམ་དད་པས་བྲིས། །ཟབ་གསང་མཁའ་འགྲོའི་སྙིང་ཁྲག་ལ། །གཟུ་ལུམ་གྱུར་ན་བཟོད་པར་གསོལ། །བསམ་སྦྱོར་དག་པའི་དགེ་བ་ཡིས། །རྩ་གསུམ་ཀུན་འདུས་བླ་མ་རྗེའི། །བྱིན་རླབས་དགོངས་པ་ཐོབ་པའི་རྒྱུར། །སྨོན་ནས་རྒྱལ་ཁམས་མུ་ཏོ་བ། །བཀྲ་ཤིས་དཔལ་འབྱོར་འབོད་པ་དེས། །བལ་ཡུལ་རྣ་གྱིས་ཐེག་མཆོག་གླིང༌། །སྙིང་ཐིག་བཀའ་གཏེར་སྨིན་གྲོལ་སྐབས། །བྲིས་འདིས་དོན་དང་ལྡན་གྱུར་ཅིག །

[edit]

@#/_sde gsum bla sgrub la dzapa bskul sbyar na/_dang po bla ma'i dzapa bskul ni/_hU~M hrIH_rig 'dzin che mchog shrI sing ha ni/_/brgyud gsum bla ma 'dus pa'i ye shes sku/_/thugs dam gnad bskul dzapa kyis gsol 'debs na/_/dgongs brgyud 'pho ba chen po'i byin phob cig_/dzapa bzla/_gnyis pa yi dam dzapa bskul ni/_hU~M hrIH_dpal chen che mchog shrI sing ha ni/_/ye shes klong dgu'i spyi gzugs dpal chen po/_/bsnyen sgrub rnam bzhi'i dzapa kyis rgyud bskul na/_/mchog dang thun mong dngos grub bstsal du gsol/_/dzapa bzla/_gsum pa mkha' 'gro'i dzapa bskul ni/_hU~M hrIH_bde chen mchog grub shrI sing ha ni/_/gnas gsum mkha' 'gro'i tshogs rje he ru ka_/rig rtsal bde chen dzapa kyis rgyud bskul na/_/lhan skyes ye shes rtogs pa'i dngos grub stsol/_/dzapa bzla/_bzhi pa chos skyong dzapa bskul ni/_hU~M hrIH_'khor 'das rig rtsal dbang bsgyur shrI sing ha/_/rgyud gsum dregs pa ma lus bran du bkol/_/rdo rje'i bka' nan dzapa kyi rgyud bskul na/_/tshar gcod rjes 'dzin phrin las yongs rdzogs mdzod/_/dzapa bzla/_zhes 'di chos mdzad sgrub pa po/__/nub ri ye shes klong grol nas/_/dad mos gsung gis bskul ba las/_/bla ma rtsa gsum kun 'dus kyi/_/ye shes klong dgu'i cho 'phrul las/_/'gal ba med snyam dad pas bris/_/zab gsang mkha' 'gro'i snying khrag la/_/gzu lum gyur na bzod par gsol/_/bsam sbyor dag pa'i dge ba yis/_/rtsa gsum kun 'dus bla ma rje'i/_/byin rlabs dgongs pa thob pa'i rgyur/_/smon nas rgyal khams mu to ba/_/bkra shis dpal 'byor 'bod pa des/_/bal yul rna gyis theg mchog gling*/_/snying thig bka' gter smin grol skabs/_/bris 'dis don dang ldan gyur cig_/