JKCL-KABUM-09-TA-009

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	chos kyi blo gros bka' 'bum Volume 9, Text 9, Pages (Folios 1a1 to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. '. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: . Bir, H.P.: Khyentse Labrang, 2012.
Genre

1 Texts in this Section (sde tshan or chos tshan)

83-84	ཟབ་མོའི་ཆོས་ཉིད་རྣམ་བརྒྱད་ནི། zab mo'i chos nyid rnam brgyad ni	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

ཟབ་མོའི་ཆོས་ཉིད་རྣམ་བརྒྱད་ནི། ཞེས་པ་རྒྱན་ལས། སྐྱེ་བ་དང་ནི་འགགས་པ་དང་། །དེ་བཞིན་ཉིད་དང་ཤེས་བྱ་དང་། །ཤེས་དང་སྤྱོད་དང་གཉིས་མེད་དང་། །ཐབས་ལ་མཁས་པས་ཟབ་པ་ཉིད། །ཞེས་གསུངས་ཏེ། ཟབ་པ་དེ་རྣམས་མ་བརྟེན་པར་ཡང་མངོན་པར་བྱང་ཆུབ་པ་ཐོབ་དཀའ་བས་རྟེན་འབྲེལ་གྱི་ཟབ་པ་དང་། འགགས་པས་ཟབ་པ་ནི། སེམས་སྐྱེས་པ་ཙམ་ཉིད་ནས་འགགས་པ་ལ་མངོན་པར་ཕྱོགས་པ་སྟེ་འགགས་པས་ཟབ་པའི་རང་བཞིན་ཡིན་པས་སོ། །དེ་བཞིན་ཉིད་ཀྱི་ཟབ་པ་ནི། ཆོས་རྣམས་དེ་བཞིན་ཉིད་ཇི་ལྟ་བ་ཡང་དག་པའི་མཐའ་ཡི་ངོ་བོ་ཉིད་དུ་རྣམ་པར་མི་རྟོག་པའི་ཡུལ་ཡིན་པ་དང་། ཤེས་བྱ་ཟབ་པ་ནི། སེམས་དེ་བཞིན་ཉིད་ལས་གཞན་དུ་མ་ཡིན་པ་དང་། ཤེས་པ་ཟབ་པ་ནི། དེ་བཞིན་ཉིད་ཀྱིས་དེ་བཞིན་ཉིད་མི་མཐོང་བ་ཉིད་དང་། སྤྱོད་པ་ཟབ་པ་ནི། ཤེར་ཕྱིན་ལ་གནས་པ་དེ་ནི་གང་ལ་ཡང་མི་སྤྱོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་ལ་སྤྱོད་པ་སྟེ་ཀུན་ཏུ་སྤྱོད་པ་མེད་པ་ཉིད་ཀྱིས་སོ། །གཉིས་སུ་མེད་པ་ཟབ་པ་ནི། དོན་དམ་པའི་སྤྱོད་པ་ལ་གཉིས་སུ་མེད་པར་སྤྱོད་པ་དང་། བྱང་ཆུབ་སེམས་དཔའ་ལ་མཚན་མ་དང་། མཚན་མ་མེད་པའི་འདུ་བྱེད་ཀྱི་སྦྱོར་བ་མེད་པ་ཉིད་དང་། ཐབས་ལ་མཁས་པ་ཟབ་པ་ནི། སྟོབས་བཅུ་ལ་སོགས་པ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ཡོངས་སུ་རྫོགས་པར་མ་བྱས་པ་བླ་ན་མེད་པའི་རྫོགས་བྱང་ཐོབ་པར་བྱ་བ་མེད་པས་ཐབས་ལ་མཁས་པས་ཆོས་གང་ཡང་དངོས་པོ་དང་། དངོས་མེད་དུ་བྱ་བ་བཀག་པ་སྟེ། ཆོས་ཐམས་ཅད་རང་གི་མཚན་ཉིད་སྟོང་པ་ཉིད་དུ་ཤེས་པས། མི་མཐུན་པའི་ཕྱོགས་དང་། དེར་སྤྱོད་པའི་སེམས་ཅན་རྣམས་དེ་ཡི་གཉེན་པོ་ལ་འགོད་ཅིང་། སེམས་ཅན་ཡོངས་སུ་སྨིན་པ་ལ་མཁས་པ་ཉིད་དུ་གསུངས་པ་ཡིན་ནོ།། །།

[edit]

zab mo'i chos nyid rnam brgyad ni/__zhes pa rgyan las/__skye ba dang ni 'gags pa dang /__/de bzhin nyid dang shes bya dang /__/shes dang spyod dang gnyis med dang /__/thabs la mkhas pas zab pa nyid/__/zhes gsungs te/__zab pa de rnams ma brten par yang mngon par byang chub pa thob dka' bas rten 'brel gyi zab pa dang /__'gags pas zab pa ni/__sems skyes pa tsam nyid nas 'gags pa la mngon par phyogs pa ste 'gags pas zab pa'i rang bzhin yin pas so/__/de bzhin nyid kyi zab pa ni/__chos rnams de bzhin nyid ji lta ba yang dag pa'i mtha' yi ngo bo nyid du rnam par mi rtog pa'i yul yin pa dang /__shes bya zab pa ni/__sems de bzhin nyid las gzhan du ma yin pa dang /__shes pa zab pa ni/__de bzhin nyid kyis de bzhin nyid mi mthong ba nyid dang /__spyod pa zab pa ni/__sher phyin la gnas pa de ni gang la yang mi spyod pas shes rab kyi pha rol tu phyin pa zab mo la spyod pa ste kun tu spyod pa med pa nyid kyis so/__/gnyis su med pa zab pa ni/__don dam pa'i spyod pa la gnyis su med par spyod pa dang /__byang chub sems dpa' la mtshan ma dang /__mtshan ma med pa'i 'du byed kyi sbyor ba med pa nyid dang /__thabs la mkhas pa zab pa ni/__stobs bcu la sogs pa nas/__sangs rgyas kyi chos ma 'dres pa bco brgyad kyi bar du yongs su rdzogs par ma byas pa bla na med pa'i rdzogs byang thob par bya ba med pas thabs la mkhas pas chos gang yang dngos po dang /__dngos med du bya ba bkag pa ste/__chos thams cad rang gi mtshan nyid stong pa nyid du shes pas/__mi mthun pa'i phyogs dang /__der spyod pa'i sems can rnams de yi gnyen po la 'god cing /__sems can yongs su smin pa la mkhas pa nyid du gsungs pa yin no//__//