JKW-KABUM-24-YA-018

🚧 This website is under continued development. We appreciate your patience!

Previous Section Back to Volume PageLast section in volume.

བྲག་ཡབ་དམ་ཅན་རྡོ་རྗེ་ལེགས་པ་ལ་བསང་གསོལ་བདུད་རྩིའི་དགའ་སྟོན།

Wylie title	brag yab dam can rdo rje legs pa la bsang gsol bdud rtsi'i dga' ston	page=1
Location	mkhyen brtse'i bka' 'bum Volume 24, sde tshan 18, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. brag yab dam can rdo rje legs pa la bsang gsol bdud rtsi'i dga' ston. In 'jam dbyangs mkhyen brtse'i dbang po'i bka' 'bum, Vol. 24: ???. Khams sde dge rdzong sar dgon: Rdzong sar blo gros phun tshogs, 2020.
Genre	Protector Rituals - gsol mchod  ·  Smoke Offerings - bsangs mchod - lha bsang
Deity	dam can
Colophon	འཇམ་དབྱངས་མཁྱེན་བརྩེའི་དབང་པོས་རི་བསྐོར་དུས་ལམ་ཞོར་མཛད་པའོ།
	'jam dbyangs mkhyen brtse'i dbang pos ri bskor dus lam zhor mdzad pa'o
Notes	We only have the unicode version of this text, so there is no corresponding printed pecha version at the moment. Hence, we don't know the page numbers.

1 Texts in this Section (sde tshan or chos tshan)

	བྲག་ཡབ་དམ་ཅན་རྡོ་རྗེ་ལེགས་པ་ལ་བསང་གསོལ་བདུད་རྩིའི་དགའ་སྟོན། brag yab dam can rdo rje legs pa la bsang gsol bdud rtsi'i dga' ston Protector Rituals - gsol mchod   ·   Smoke Offerings - bsangs mchod - lha bsang	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །བྲག་ཡབ་དམ་ཅན་རྡོ་རྗེ་ལེགས་པ་ལ་བསང་གསོལ་བདུད་རྩིའི་དགའ་སྟོན་བཞུགས། ལས་ཀྱི་རྡོ་རྗེ་ལེགས་པ་ལ་བསང་གསོལ་བྱ་བར་འདོད་ན། དམར་གཏོར་ཤ་ཁྲག་གིས་བརྒྱན་པའི་གཡས་དང་གཡོན་མདུན་རྒྱབ་རྣམས་ལ་དམར་གཏོར་རེ་རེ། གཡོན་དུ་སྨན་གཏོར་ཟླུམ་པོ་དཀར་བྱུག་ཅན་མཐའ་བསྐོར་དུ་ཐེབས་ཀྱུ་གྲངས་མེད་སྲོག་ཆགས་གཟུགས་འགྲོས་ཟན་ལ་བཏབ་པས་བསྐོར་བ་རྩ་གཏོར་ར་མགོས་མཚན་པ་ཕྱེ་མར་གསེར་སྐྱེམས་ཤིང་རྩིའི་དུད་པ་བཏང་ལ། རྃ་ཡྃ་ཁྃ། ལན་གསུམ། ཨོཾ་གྱིས་མ་དག་ཉེས་སྐྱོན་ཐམས་ཅད་སྦྱངས། ཨཱཿཡིས་དངོས་འཛིན་དྲི་མ་ཐམམས་ཅད་གཏོར། ཧཱུྃ་གིས་ཡེ་ཤེས་ལྔ་ལྡན་བདུད་རྩིར་བསྒྱུར། ཧ་ཧོ་ཧྲཱིཿཡིས་མི་ཟད་མཛོད་དུ་སྤེལ། ཨོཾ་ཨཱཿཧཱུྃ་ཧ་ཧོ་ཧྲཱིཿལན་གསུམ། ན་མཿསརྦ་ཏ་ཐ་ག་ཏ་བྷྱོ་བི་ཤྭ་མི་ཥེ་བྷྱེཿསརྦ་ཐ་ཁཾ་ཨུརྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ཞེས་ནམ་མཛོད་ཀྱི་སྔགས་ལན་གསུམ་གྱིས་བྱིན་གྱིས་རླབས་ལ། ཧཱུྃ་ཧྲཱིཿརྩ་གསུམ་ཀུན་འདུས་པདྨ་ཐོད་ཕྲེང་གི། །སྤྱན་སྔར་རྡོ་རྗེའི་ཐ་ཚིག་ཞལ་བཞེས་པའི། །ལས་ཀྱི་རྡོ་རྗེ་བཛྲ་ས་དྷུ་ལེགས། སྡེ་བརྒྱད་དྲེགས་པ་ཡོངས་ཀྱི་འཁོར་ལོས་བསྒྱུར། །མཆེད་འཁོར་སྤྲུལ་པ་བཅས་པ་ད་ཚུར་བྱོན། །ཞི་བའི་ལས་མཛད་སྐུ་མདོར་དཀར་ལ་འཚེར། །ཕྱག་གཡས་སྦ་ལྕགས་གཡོན་པས་ཤེལ་ཕྲེང་བསྣམས། །ཞི་བའི་ཆས་ལྡན་སེང་གེ་སྔོན་པོ་ཆིབས། །དྲག་པོའི་ལས་ལ་མྱུར་དུ་ཆས་པ་ན། །བུང་བ་ལྟར་གནག་རབ་ཁྲོས་གཏུམ་པོའི་ཞལ། །དབུ་ལ་སྤག་ཞུ་ཞབས་ལ་སྤག་ལྷྭམ་གསོལ། །ཕྱག་གཉིས་ཐོ་བ་སྦུད་པ་བསྣམས་ནས་ནི། །ར་སྐྱེས་ཁམས་པའི་སྟེང་ན་འགྱིང་ཤིང་རོལ། །ཡུམ་གཅིག་རྡོ་རྗེ་མ་སང་སྤྱན་གཅིག་མ། །སྐུ་མདོག་སྔོ་སང་ཕྱག་གཡས་རྡོ་རྗེ་འཛིན། །གཡོན་པས་ལྕགས་ཀྱི་སྤར་བུ་ཐུགས་དཀར་བསྣམས། །སྲས་གཅིག་རྡོ་རྗེ་གཡུ་ཡི་ཁྱེའུ་ཆུང་། །བློན་པོ་ཆེན་ཕོ་རྡོ་རྗེ་དགྲ་འདུལ་རྩལ། །དམག་དཔོན་ཆེན་པོ་མིག་དམར་ཁྲོས་པ་སོགས། །འཁོར་དང་ཡང་འཁོར་སྡེ་རྒྱད་བྱེ་བའི་ཚོགས། །ད་ལྟ་ཉིད་དུ་གནས་འདིར་གཤེགས་ནས་ཀྱང་། །བཅོལ་བའི་ལས་རྣམས་མ་ལུས་མྱུར་འགྲུབ་མཛོད། །ཧཱུྃ་བྷྱོཿ སྔོན་ཚེ་ཁྲག་འཐུང་ཆེན་པོ་དང་། །སློབ་དཔོན་པདྨ་ཐོད་ཕྲེང་གི། །དམ་གནས་དྲེགས་པ་ཡོངས་ཀྱི་རྗེ། །བཛྲ་ས་རྡྷུ་ཐིག་ལེ་རྩལ། །གཙོ་འཁོར་སྤྲུལ་པར་བཅས་པ་ལ། །དགྱེས་མཆོད་དངོས་སུ་འབུལ་བ་ནི། །རིན་ཆེན་གཞལ་ཡས་ཁང་ཆེན་དང་། །བ་དན་དར་གདུག་ལྷབས་སེ་ལྷབ། །ཡིད་འོང་ལྷ་མོས་གླུ་དབྱངས་ལེན། །མཆོད་པའི་སྤྲིན་ཕུང་ཐིབས་སེ་ཐིབ། །གིང་གི་ཚོགས་རྣམས་ཤ་ར་ར། །དཔའ་བོས་གད་རྒྱང་རྔམས་པར་སྒྲོག། །ཇ་ཆང་ཁྲག་བརླུང་མཚོ་ལྟར་བསྐྱིལ། །ཕྱེ་མར་ཤིང་རྩིའི་དུད་པ་ལ། །འདོད་ཡོན་དྲུག་གི་ལྷ་མོས་འཁྱུད། །ཆོས་ཀྱི་དབྱིངས་དང་མཉམ་པར་ཁྱབ། །སྟག་གཟིགས་གོ་མཚོན་གོས་དར་ཁྲབ། །རྟ་གཡག་ར་ལུག་རྐང་འགྲོས་སོགས། །སྟོང་གསུམ་རྡུལ་དང་མཉམ་པས་མཆོད། །རི་རབ་གླིང་བཞི་བཀོད་ལེགས་བརྒྱན། །ཉི་མ་ཟླ་བའི་འགྲོས་རེ་ལེགས། །རྒྱལ་སྲིད་བཀྲ་ཤིས་རྫས་རྟགས་སོགས། །ཞི་བའི་དངོས་འབྱོར་ཡིད་མཆོད་དང་། །ཉམས་པ་བསྒྲལ་བ་ལས་བྱུང་བའི། །ཤ་ཁྲག་རུས་པའི་གྲམས་ཁྲོད་བརྡལ། །དོན་སྙིང་དབང་པོ་རྣམ་ལྔ་སོགས། །ཅིག་ཏུ་སྤྲུལ་པ་ལས་བྱུང་བའི། །གཏོར་མ་རི་དང་མཉམ་པ་འདི། །འདིས་ཁ་བསྒྱུར། བསང་མཆོད་ཕུན་སུམ་ཚོགས་པ་འདི། །འབུལ་ལོ་རོལ་གཅིག་ཁ་རཾ་ཁཱ་ཧི། །དགྱེས་པར་བཞེས་ལ་ཕྲིན་ལས་མཛོད། །ཁྱེད་ལ་འདོད་དོན་ཞུ་བ་ནི། །དཀོན་མཆོག་གདུང་འཛིན་མི་བཅད་ཅིང་། །བཛྲ་ཡ་ནའི་བསྟན་པ་སྤེལ། །སྦྱིན་བདག་མངའ་ཐང་དར་ཞིང་རྒྱས། །མི་ནད་ཕྱུག་ནད་འཁྲུག་རྩོད་ཞི། །ཆར་ཆུ་དུས་བབ་ལོ་ཕྱུག་ལེགས། །ཕས་རྒོལ་ཟིལ་གནོན་ཚེ་བསོད་རྒྱས། །ཉམས་དང་རྟོགས་པ་འཕེལ་བ་དང་། །ས་ལམ་བསྒྲོད་པའི་བར་ཆད་ཞི། །ཁྱེད་ལ་མཆོད་པའི་སྡེ་རིས་རྣམས། །གཏད་དོ་གཉེར་རོ་ས་མ་ཡཱ། །དམ་ལས་མ་འདའ་སྲུང་སྐྱོབས་དང་། །ཁ་འཛིན་སྡོང་གྲོགས་གཡེལ་མེད་མཛོད། །བཀྲ་ཤིས་ཉི་མས་འཛམ་གླིང་ཀུན་ལ་ཁྱབ། །ཆོས་ཀྱི་རྔ་ཆེན་ཕྱོགས་རྣམས་ཀུན་ཏུ་སྒྲོགས། །བསྟན་པའི་རྒྱལ་མཚན་སྲིད་རྩིའི་བར་དུ་མཐོ། །རྫོགས་ལྡན་གསར་པའི་དུས་སྟོན་རྒྱས་གྱུར་ཅིག། །།གཏོར་མ་སྨན་གཏོར་གསེར་སྐྱེམས་རྣམས་མཆོད། འཇམ་དབྱངས་མཁྱེན་བརྩེའི་དབང་པོས་རི་བསྐོར་དུས་ལམ་ཞོར་མཛད་པའོ། །

[edit]

brag yab dam can rdo rje legs pa la bsang gsol bdud rtsi'i dga' ston/ @#/__/brag yab dam can rdo rje legs pa la bsang gsol bdud rtsi'i dga' ston bzhugs/_ las kyi rdo rje legs pa la bsang gsol bya bar 'dod na/__dmar gtor sha khrag gis brgyan pa'i g.yas dang g.yon mdun rgyab rnams la dmar gtor re re/__g.yon du sman gtor zlum po dkar byug can mtha' bskor du thebs kyu grangs med srog chags gzugs 'gros zan la btab pas bskor ba rtsa gtor ra mgos mtshan pa phye mar gser skyems shing rtsi'i dud pa btang la/__ra~M ya~M kha~M/__lan gsum/__oM gyis ma dag nyes skyon thams cad sbyangs/__AHyis dngos 'dzin dri ma thamams cad gtor/__hU~M gis ye shes lnga ldan bdud rtsir bsgyur/__ha ho hrIHyis mi zad mdzod du spel/__oM AHhU~M ha ho hrIHlan gsum/__na maHsarba ta tha ga ta b+h+yo bi shwa mi She b+h+yeHsarba tha khaM urga te s+pha ra Na i maM ga ga na khaM swA hA/__zhes nam mdzod kyi sngags lan gsum gyis byin gyis rlabs la/__hU~M hrIHrtsa gsum kun 'dus pad+ma thod phreng gi/____/spyan sngar rdo rje'i tha tshig zhal bzhes pa'i/____/las kyi rdo rje badz+ra sa d+hu legs/__sde brgyad dregs pa yongs kyi 'khor los bsgyur/____/mched 'khor sprul pa bcas pa da tshur byon/____/zhi ba'i las mdzad sku mdor dkar la 'tsher/____/phyag g.yas sba lcags g.yon pas shel phreng bsnams/____/zhi ba'i chas ldan seng ge sngon po chibs/____/drag po'i las la myur du chas pa na/____/bung ba ltar gnag rab khros gtum po'i zhal/____/dbu la spag zhu zhabs la spag l+h+wam gsol/____/phyag gnyis tho ba sbud pa bsnams nas ni/____/ra skyes khams pa'i steng na 'gying shing rol/____/yum gcig rdo rje ma sang spyan gcig ma/____/sku mdog sngo sang phyag g.yas rdo rje 'dzin/____/g.yon pas lcags kyi spar bu thugs dkar bsnams/____/sras gcig rdo rje g.yu yi khye'u chung /____/blon po chen pho rdo rje dgra 'dul rtsal/____/dmag dpon chen po mig dmar khros pa sogs/____/'khor dang yang 'khor sde rgyad bye ba'i tshogs/____/da lta nyid du gnas 'dir gshegs nas kyang /____/bcol ba'i las rnams ma lus myur 'grub mdzod/____/hU~M b+h+yoH__sngon tshe khrag 'thung chen po dang /____/slob dpon pad+ma thod phreng gi/____/dam gnas dregs pa yongs kyi rje/____/badz+ra sa r+d+hu thig le rtsal/____/gtso 'khor sprul par bcas pa la/____/dgyes mchod dngos su 'bul ba ni/____/rin chen gzhal yas khang chen dang /____/ba dan dar gdug lhabs se lhab/____/yid 'ong lha mos glu dbyangs len/____/mchod pa'i sprin phung thibs se thib/____/ging gi tshogs rnams sha ra ra/____/dpa' bos gad rgyang rngams par sgrog/____/ja chang khrag brlung mtsho ltar bskyil/____/phye mar shing rtsi'i dud pa la/____/'dod yon drug gi lha mos 'khyud/____/chos kyi dbyings dang mnyam par khyab/____/stag gzigs go mtshon gos dar khrab/____/rta g.yag ra lug rkang 'gros sogs/____/stong gsum rdul dang mnyam pas mchod/____/ri rab gling bzhi bkod legs brgyan/____/nyi ma zla ba'i 'gros re legs/____/rgyal srid bkra shis rdzas rtags sogs/____/zhi ba'i dngos 'byor yid mchod dang /____/nyams pa bsgral ba las byung ba'i/____/sha khrag rus pa'i grams khrod brdal/____/don snying dbang po rnam lnga sogs/____/cig tu sprul pa las byung ba'i/____/gtor ma ri dang mnyam pa 'di/____/'dis kha bsgyur/__bsang mchod phun sum tshogs pa 'di/____/'bul lo rol gcig kha raM khA hi/____/dgyes par bzhes la phrin las mdzod/____/khyed la 'dod don zhu ba ni/____/dkon mchog gdung 'dzin mi bcad cing /____/badz+ra ya na'i bstan pa spel/____/sbyin bdag mnga' thang dar zhing rgyas/____/mi nad phyug nad 'khrug rtsod zhi/____/char chu dus bab lo phyug legs/____/phas rgol zil gnon tshe bsod rgyas/____/nyams dang rtogs pa 'phel ba dang /____/sa lam bsgrod pa'i bar chad zhi/____/khyed la mchod pa'i sde ris rnams/____/gtad do gnyer ro sa ma yA/____/dam las ma 'da' srung skyobs dang /____/kha 'dzin sdong grogs g.yel med mdzod/____/bkra shis nyi mas 'dzam gling kun la khyab/____/chos kyi rnga chen phyogs rnams kun tu sgrogs/____/bstan pa'i rgyal mtshan srid rtsi'i bar du mtho/____/rdzogs ldan gsar pa'i dus ston rgyas gyur cig/____//gtor ma sman gtor gser skyems rnams mchod/__'jam dbyangs mkhyen brtse'i dbang pos ri bskor dus lam zhor mdzad pa'o/____/

shes rab nas zhu bcug thengs gsum byas/