JKW-KABUM-24-YA-002

🚧 This website is under continued development. We appreciate your patience!

Previous Section Back to Volume PageNext Section

དབུས་གཙང་གནས་རྟེན་དཀར་ཆག་མདོར་བསྡུས་དད་པའི་ས་བོན།

Wylie title	dbus gtsang gnas rten dkar chag mdor bsdus dad pa'i sa bon
Location	mkhyen brtse'i bka' 'bum Volume 24, sde tshan 2, Pages 163-200 (Folios 1a to 19b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dbus gtsang gnas rten dkar chag mdor bsdus dad pa'i sa bon. In 'jam dbyangs mkhyen brtse'i dbang po'i bka' 'bum, Vol. 24: 163-200. Khams sde dge rdzong sar dgon: Rdzong sar blo gros phun tshogs, 2020.
Genre	Catalogue of Contents - dkar chag
Colophon	།ཅེས་པའང་བྱ་བྲལ་བ་མཉྫུ་གྷོ་ཥས་སོ།
	ces pa'ang bya bral ba many+dzu g+ho Shas so

1 Texts in this Section (sde tshan or chos tshan)

163-200	དབུས་གཙང་གནས་རྟེན་དཀར་ཆག་མདོར་བསྡུས་དད་པའི་ས་བོན། dbus gtsang gnas rten dkar chag mdor bsdus dad pa'i sa bon Catalogue of Contents - dkar chag	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །དབུས་གཙང་གི་གནས་རྟེན་རགས་རིམ་གྱི་མཚན་བྱང་མདོར་བསྡུས་དད་པའི་ས་བོན་ཞེས་བྱ་བ་བཞུགས་སོ།། །།ཨོཾ་སྭསྟི་སིདྡྷཾ། །གྲགས་པའི་དཔལ་ནི་སྲིད་ཞིའི་བླ་ན་མཐོ། །ཐུགས་རྗེའི་གྲིབ་མས་ལུས་ཅན་གདུང་བ་སེལ། །ཡིད་བཞིན་འདོད་པ་འཇོ་བའི་གདུགས་དཀར་པོ། །དཀོན་མཆོག་གསུམ་གྱིས་ཤིས་པའི་མེ་ཏོག་སྩོལ། །དེ་ལ་འཕགས་མཆོག་ཕྱག་ན་པདྨོས་སངས་རྒྱས་ཀྱི་ཞིང་ཡོངས་སུ་སྦྱོང་བར་མཛད་པའི་ཡུལ། གངས་རི་དཔལ་དང་ལྡན་པས་བསྐོར་བའི་ལྗོངས། བོད་ཆོལ་ཁ་གསུམ་ཞེས་གྲགས་པའི་ཡ་གྱལ། དབུས་གཙང་དམ་པ་ཆོས་ཀྱི་ཆོལ་ཁ་ཞེས་གངས་ཅན་འཛིན་མའི་རྒྱན་གཅིག་པུར་གདོད་ནས་གྲུབ་པའི་གནས་རྟེན་རགས་རིམ་གྱི་མཚན་བྱང་ཙམ་བཀོད་པ་འདི་ལྟ་སྟེ། ཐོག་མར་དབུས་ལ་དབུ་རུ་དང་། གཡོ་རུ་གཉིས་ཞེས་གྲགས་པའི་དབུ་རུ་བྱང་རྒྱུད་དུ་བྱང་རྭ་སྒྲེང་རྒྱལ་བའི་དབེན་གནས་ཞེས་འབྲོམ་སྟོན་པ་རྒྱལ་བའི་འབྱུང་གནས་ཀྱི་གདན་ས་ཆེན་པོ་ལྷ་ཤིང་ལྗོན་པའི་དགའ་ཚལ་དུ་མཆོད་ཁང་ཁག་ཤིན་ཏུ་མང་བར་བཞུགས་པའི་རྟེན་གྱི་གཙོ་བོ་རྡོ་རྗེ་འཆང་ཡབ་ཡུམ་གྱི་ཡེ་ཤེས་ཆེན་པོའི་ཐིག་ལེ་ལས་བསྐྲུན་པ་ཇོ་བོ་འཇམ་པའི་རྡོ་རྗེ་འདི་ཕྱིའི་གསོལ་བ་བཏབ་ཚད་འགྲུབ་པའི་ཡིད་བཞིན་གྱི་ནོར་བུ། བླ་མ་གསེར་གླིང་པ། ཇོ་བོ། འབྲོམ་སྟོན་རྣམས་ཀྱི་གདུང་རྟེན་སོགས་སུས་ཀྱང་མཇལ་དུ་ཡོད་ཅིང་། ཇོ་བོའི་སྐུ་འདྲ་དབུ་ཡོན་མ་སོགས་ནང་རྟེན་རྩ་བ་ཆེ་བ་རྣམས་བླ་བྲང་ལ་ཞུས་ན་མཇལ་ཁ་འོང་། གཞན་འབྲོམ་སྟོན་བླ་ཤིང་བདུད་རྩིའི་ཆུ་མིག་རིང་མོ་སོགས་དགོན་པའི་ཉེ་སྐོར་ལའང་མཇལ་རྒྱུ་མང་དུ་ཡོད། དེའི་ལྟག་བྲག་སེང་གེ་འདྲ་བའི་ཞོལ་དུ་ཡང་དགོན་ཞེས་པར་རྗེ་རིན་པོ་ཆེས་ལམ་རིམ་བརྩམས་པའི་ཆོས་ཁྲི་སོགས་ངོ་མཚར་བ་མང་། དགོན་པའི་མདོར་ཕ་བོང་ཐང་དུ་མཁའ་འགྲོ་མ་གསང་བ་ཡེ་ཤེས་ཀྱི་ཕོ་བྲང་ལ་བདེ་མཆོག་གི་སྔགས་བཟླ་བ་དང་བཅས་གཡོན་བསྐོར་དུ་བསྐོར་ན་ཕྱི་མ་ཨོ་རྒྱན་གྱི་ཡུལ་དུ་སྐྱེ་བ་སོགས་ལུང་བསྟན་པ་ཡོད། བཅོམ་ལྷ་ཁང་གདོང་ཟེར་བ་དེ་དཔོན་པོ་མི་དབང་གིས་ས་གནད་ཀྱི་མེ་བཙར་བཞེངས་པར་གྲགས། དེ་ནས་གསེར་གླིང་རྒོད་ཚང་དུ་སྟག་ལུང་པ་སངས་རྒྱས་ཡར་བྱོན་གྱི་བཞུགས་གནས་སྒྲུབ་ཁང་སོགས་ཡོད། དཔལ་སྟག་ལུང་ཐང་དུ་རྟེན་གསུམ་རབ་འབྱམས་བསམ་གྱིས་མི་ཁྱབ་པ་རྟེན་གྱི་གཙོ་བོ་སྟག་ལུང་ཐང་པ་རིན་པོ་ཆེའི་གཟིམ་སྐྱིལ་དུ་འདྲ་སྐུ་གསུང་བྱོན་མ། གཙུག་ལག་གི་སྟེང་དུ་འབྲོམ་སྟོན་པའི་སྐུ་དབུ་སྐྲ་འཕེལ་བ་སོགས་ངོ་མཚར་བ་མང་དུ་བཞུགས། ། ༈ དེ་ནས་ཆག་ལ་བརྒལ་ནས་དབུ་རུ་འཕན་ཡུལ་ཅེས་བཀའ་གདམས་ཀྱི་བསྟན་པའི་འབྱུང་གནས་ཆེན་པོ་དེར་སྣེའུ་ཟུར་བ། པོ་ཏོ་བ། ཕུ་ཆུང་བ་སོགས་དགེ་བའི་བཤེས་གཉེན་རྣམས་ཀྱི་གདན་ས་མཐའ་ཀླས་པ་ཡོད་ནའང་འགའ་ཞིག་རི་སྦུག་ཏུ་སོང་བས་རྩད་ཆོད་དཀའ། ཕལ་ཆེར་ཤུལ་ཙམ་མ་གཏོགས་མེད། ཡོངས་གྲགས་དགེ་བའི་བཤེས་གཉེན་ཤ་ར་བའི་གདན་ས་ཤ་ར་འབུམ་པར་མཆོད་རྟེན་བྱིན་ཅན་མང་པོ་དང་། གླང་ཐང་པ་རྡོ་རྗེ་སེང་གེའི་གདན་ས་གླང་ཐང་དུ་སྒྲོལ་མ་གསུང་བྱོན་མ་སོགས་རྟེན་བྱིན་རླབས་ཅན་ཡོད། ཀུན་མཁྱེན་རོང་སྟོན་ཆེན་པོའི་གདན་ས་དཔལ་ནཱ་ལེནྡྲར་རོང་སྟོན་གྱི་སྐུ་གདུང་ནོར་བུ་དབྱིག་ཏུ་གྱུར་པས་མཚོན་ཚོགས་ཆེན། བཅོ་བརྒྱད་བླ་བྲང་། གཟིམ་ཁང་སོགས་རྟེན་གསུམ་བྱིན་ཅན་མང་པོ་དང་། རོང་སྟོན་ཆེན་པོས་ཆོས་ཁྲི་སོགས་བཞུགས། དེ་ནས་སྒོ་ལ་བརྒྱུད་ལྷ་ལྡན་སྤྲུལ་པའི་གཙུག་ལག་ཁང་དུ་ཇོ་བོ་ཡིད་བཞིན་ནོར་བུ། ཐུགས་རྗེ་ཆེན་པོ་རང་བྱོན་ལྔ་ལྡན། བྱམས་པ་ཆོས་འཁོར། སྒྲོལ་མ་དར་ལེན་མ། འོད་ཟེར་འཕྲོས་པའི་ལྷ་བཞི་སོགས་སྟེང་ཤོད་བར་གསུམ། ཁོར་ཡུག་དང་བཅས་པར་རྟེན་གསུམ་རབ་འབྱམས་ཇི་སྙེད་ཅིག་བཞུགས་པའི་དཀར་ཆག་རྒྱལ་དབང་ལྔ་པ་རིན་པོ་ཆེས་མཛད་པ་ལྟར། རྒྱུད་སྟོད་པ། ར་མོ་ཆེའི་ཇོ་བོ་མི་བསྐྱོད་རྡོ་རྗེ། སྤྱན་རས་གཟིགས་ཀྱི་ཕོ་བྲང་པོ་ཏ་ལར་རྒྱལ་དབང་ལྔ་པ་རིན་པོ་ཆེའི་གསེར་གདུང་འཛམ་གླིང་རྒྱན་གཅིག་སྟེང་འོག་བར་གསུམ་ནས་མཇལ་རྒྱུ་ཡོད། ཁྱད་པར་དུ་བུམ་སྒོའི་ཐད་སྟོན་པ་གླང་པོའི་སྐྱེ་བ་བཞེས་པའི་ཚེམས་སོགས་ངོ་མཚར་ཅན་དང་། བསྐལ་བཟང་རྒྱ་མཚོ། འཇམ་དཔལ་རྒྱ་མཚོ། ལུང་རྟོགས་རྒྱ་མཚོ། ཚུལ་ཁྲིམས་རྒྱ་མཚོ། མཁས་གྲུབ་རྒྱ་མཚོའི་བར་གྱི་གསེར་གདུང་། ཇོ་བོ་ལོ་ཀེ་ཤྭ་ར་བཞུགས་པའི་ཁང་དུ་རྗེ་བཙུན་གྲགས་པའི་སྐུ་འདྲ་མཛེ་ཐོད་མ། ཁ་ཆེ་པཎ་ཆེན་རྫ་སྐུ། ཐང་རྒྱལ་སྐུ་འཇའ་ཚོན་མ། ཨོ་རྒྱན་རིན་པོ་ཆེའི་གུང་ཐང་ལ་ཁའི་ཞབས་རྗེས་སོགས་ནང་རྟེན་ཁྱད་པར་ཅན་མང་པོ། ཤོད་དུ་ཆོས་རྒྱལ་སྲོང་བཙན་གཟིམ་ཕུག །གཞན་ཡང་དུས་འཁོར་དང་། གསང་འདུས་ཀྱི་བློས་སློང་ཁང་སོགས་ལྷ་ཁང་རབ་འབྱམས་མཐའ་ཡས་པ་བཞུགས། ཕལ་ཆེར་རྒྱུན་དུ་ཞལ་མི་ཕྱེད། ཕྱག་ན་རྡོ་རྗེའི་བླ་རི་ལྕགས་པོ་རིར་གྲུབ་ཆེན་ཐང་སྟོང་རྒྱལ་པོས་བཞེངས་པའི་བྱེ་རུའི་ཚེ་དཔག་མེད། དུང་གི་ཐུགས་རྗེ་ཆེན་པོ། གཡུ་ཡི་སྒྲོལ་མ་སོགས་རྟེན་བྱིན་ཅན་མང་དུ་ཡོད། བྲག་ལྷ་ཀླུ་ཕུག་ཅེས་ཆོས་རྒྱལ་སྲོང་བཙན་སྒམ་པོའི་གཟིམ་ཕུག །ཕྱིས་འཕགས་པ་ལྕེ་སྒོམ་གྱིས་ཐུགས་རྗེ་ཆེན་པོའི་གྲུབ་པ་ཐོབ་པའི་གནས་དེར་ཡང་རྟེན་གསུམ་ཅི་རིགས་པ་ཡོད། པོ་ཏ་ལའི་རྒྱབ་ཕྱོགས་འཇམ་དབྱངས་ཀྱི་བླ་རི་བོང་བ་རི་ཞེས་གྲགས་པ་དེ་ཡིན་ཀྱང་། རྩེར་ལྷ་ཁང་ཞིག་ཡོད་པ་ནི་གེ་སར་ལྷ་ཁང་ཡིན་གཞན་ཀུན་བདེ་གླིང་། རྟ་ཚགས། བསྟན་རྒྱས་གླིང་། དེ་མོ། ཚེ་སྨོན་གླིང་། ནོ་མི་ཧན། གཞི་སྡེ། རྭ་སྒྲེང་། དམར་རུ་རྒྱུད་སྨ་དང་གསར་རྙིང་སོགས་སུ་རྟེན་གསུམ་རབ་འབྱམས་དང་། ཕྱོགས་བཞིར་ཆོས་རྒྱལ་དུས་སུ་བཞེངས་པར་གྲགས་པའི་རིགས་གསུམ་མགོན་པོའི་རྡོ་ལྷ། ལྷ་སའི་ཕ་རིར་ཀ་ཆེན་ཡེ་ཤེས་རྒྱ་མཚོའི་གདན་ས་གྲིབ་ཚེ་མཆོག་གླིང་། ། ༈ ལྷ་ས་དང་ཉེ་བར་ཆོས་སྡེ་ཆེན་པོ་འབྲས་སྤུངས་གྲྭ་ཚང་ཁག་བཞི། ཚོགས་ཆེན་དང་བཅས་པར་རྟེན་གསུམ་ཤིན་ཏུ་མང་། གཙོ་བོར་ངོ་མཚར་ཆེ་བ་རྭ་ལོ་ཆེན་པོའི་སྐུ་གདུང་བཞུགས་པར་གྲགས་པའི་འཇིགས་བྱེད་སྐུ། དགའ་ལྡན་ཕོ་བྲང་དུ་ཇོ་བོ་རྗེའི་ཐུགས་དམ་སྒྲོལ་མ་གསུང་འབྱོན་མ་སོགས་ནང་རྟེན་ཁྱད་འཕགས། འབྲས་སྤུངས་འཇམ་དབྱངས་ཆོས་རྗེའི་གཟིམ་ཆུང་། སྤར་ཁང་དུ་རྗེ་རིན་པོ་ཆེ་དང་། རྒྱལ་བ་གོང་འོག་གིས་གསུང་འབུམ་སོགས་སྤར་མང་དུ་བཞུགས། ། ༈ ལྷ་སའི་བྱང་དུ་སེ་ར་གྲྭ་ཚང་ཁག་གཉིས། ཚོགས་ཆེན་བཅས་ཀྱི་རྟེན་གསུམ་མཐའ་ཡས་པའི་གཙོ་བོ། བྱེས་པ་གྲྭ་ཚང་གི་རྟེན་གཙོ་གྲུབ་ཐོབ་འདར་འཕྱར་གྱི་ཕུར་པ། རྟ་མགྲིན་ཡང་གསང་ཁྲོས་པའི་སྐུ་གསུང་བྱོན་མ་སོགས་བཞུགས། སྤྱིར་སེ་འབྲས་དགའ་གསུམ། བཀྲ་ཤིས་ལྷུན་པོ་བཅས་གྲྭ་ས་ཆེན་པོ་བཞི། རྒྱུད་སྟོད་སྨད་བཅས་ཀྱི་དཀར་ཆག་རྒྱས་པ་ཕུར་བུ་ལྕོག་བྱམས་པས་མཛད་པར་ཤིན་ཏུ་གསལ། སེ་ར་དང་ཉེ་བའི་ལུང་པའི་གཤམ་དུ་ཆོས་རྒྱལ་སྲོང་བཙན་སྒམ་པོའི་སྒྲུབ་གནས་ཕ་བོང་ཁར་སྒྲུབ་ཕུག་དང་རྟེན་གསུམ་བྱིན་ཅན་མང་དུ་བཞུགས། འདི་ཡུལ་ཉེར་བཞིའི་ནང་ཚན་དེ་ཝཱི་ཀོ་ཊ་གཉིས་པ་ཡིན་པར་གྲགས། གཞན་ཡང་འབྲས་སྤུངས་དགེ་འཕེལ་རི་ཁྲོད། སེ་ར་སྒྲུབ་ཁང་རྩེ། ཕུར་བུ་ལྕོག །མཁར་རྡོ་རི་ཁྲོད། ཆུ་བཟང་རི་ཁྲོད། བྲག་རི་གསར་རྙིང་སོགས་རི་ཁྲོད་ཤིན་ཏུ་མང་བར་ཡོད། ། ༈ ལྷ་ས་ནས་གཙང་པོ་བྱང་དུ་གྱེན་བརྒྱུད། བྲག་ཡེར་ཟླ་ཕུག་ཏུ་ཨོ་རྒྱན་རིན་པོ་ཆེའི་སྐུ་ཚབ་དང་། རང་བྱོན་མང་པོ། རྡོ་རྗེ་ཕུག །དྲིལ་བུ་ཕུག །ཡེར་བའི་གྲུབ་ཐོབ་བརྒྱད་ཅུའི་ཕུག་པ། གཙུག་ལག་ཁང་དུ་ཇོ་བོའི་གསོལ་སྡེར་ལ་ཇོ་བོ་རྗེའི་ཤངས་མཚལ་གྱིས་སྐུ་བྲིས་པ། གནས་བརྟན་བཅུ་དྲུག་གི་ལྷ་ཁང་ཞེས་བྱིན་ཅན་སོགས། འབྲོམ་སྟོད་དུ་གཉན་ལོ་ཙཱ་བའི་གཟིམ་ཕུག་ཏུ་མགོན་པོ་ཞལ་གྱི་སྐུ་ཁྱད་པར་ཅན་ཡོད། གཙང་པོ་ལྷོ་རྒྱུད་ཚལ་གུང་ཐང་ཞེས་གྲགས་པ་བླ་མ་ཞང་གི་གདན་ས་ཡིན། མཆོད་རྟེན་ཆེན་པོ་དང་། མགོན་པོ་ཕྱག་བཞི་པའི་མགོན་ཁང་སོགས་རྟེན་གསུམ་མང་། དེ་ནས་ཡར་ཕྱིན་པ་ན་འབྲོག་དགེ་ལྡན་རྣམ་པར་རྒྱལ་བའི་གླིང་དུ་རྗེ་རིན་པོ་ཆེའི་སྐུ་གདུང་ཧྲིལ་པོས་གཙོས་རྟེན་གསུམ་མཐའ་ཡས་པ་དང་། ཕྱི་ཡི་སྐོར་ལམ་དུའང་རང་བྱོན་མང་དུ་ངོ་བསྟན་རྒྱུ་ཡོད། འདི་ནས་ཡར་ཕྱིན་པ་ན་ལ་མོ་ཆོས་སྐྱོང་ཚངས་པ་དུང་ཐོད་ཅན། རྒྱ་མ་ཁྲི་ཁང་། མལ་གྲོ་སྐ་ཚལ། དབུ་རུ་ཞྭའི་ལྷ་ཁང་། འབྲི་གུང་རྫོང་སར། ཡང་རི་དགོན། འབྲི་གུང་ཐིལ། གཞོ་སྟོད་ཏི་སྒྲོམ་གྱི་བར་གནས་རྟེན་མང་དུ་ཡོད། བསྐོར་ན་ཞག་ལྔ་དྲུག་དགོས། དགའ་ལྡན་གྱི་ཕར་ཕྱོགས་གཙང་པོ་བྱང་ཁར་ལོ་སེམས་དཔའ་ཆེན་པོའི་གདན་ས་སོགས་ཡོད། ། ༈ དགའ་ལྡན་ནས་ལ་བརྒྱབས་ནས་ཕྱིན་ན་ལོ་ཆེན་བཻ་རོའི་སྒྲུབ་གནས་བསམ་ཡས་གཡའ་མ་ལུང་དུ་སླེབ། དེར་སྒྲུབ་ཕུག་དང་ཨོ་རྒྱན་སྐུ་ཚབ་ཚེ་ཆུ་སོགས་ཡོད། དེ་ནས་སྔས་མགོ་བརྒྱུད་མར་ཕྱིན་པ་ན་བསམ་ཡས་ཀྱི་ལྟག་ཏུ་ཆོས་རྒྱལ་ཁྲི་སྲོང་སྐུ་འཁྲུངས་ས་བྲག་དམར་མགྲིན་བཟང་དུ་ལྷ་ཁང་དང་རྟེན་གསར་བཞེངས་དངོས་གཙང་བཞུགས། བསམ་ཡས་ཆོས་འཁོར་ཆེན་པོར་དབུ་རྩེ་རིམ་གསུམ་གླིང་བཞི་གླིང་ཕྲན། ཡཀྵ་ལྟག་འོག །དཔེ་ཧར་ལྕོག །མཆོད་རྟེན་བཞི། རྒྱབ་ཏུ་ཇོ་མོ་གླིང་གསུམ་སོགས་ཕལ་ཆེར་གྱི་དཀར་ཆག་རགས་རིམ་པདྨ་བཀའ་ཐང་དུ་གསལ་ལྟར་རྟེན་གྱི་གཙོ་བོ་དབུ་རྩེའི་འོག་ཁང་ཇོ་བོ་བྱང་ཆུབ་ཆེན་པོ། དེའི་ཀ་གདོང་གཡས་གཡོན་དུ་ཆོས་རྒྱལ་མེས་ཨག་ཚོམ་ཅན་གྱི་ཐུགས་དམ་རྟེན་ཐུབ་པ། མཁན་ཆེན་བོ་དྷི་སཏྭའི་དབུ་ཐོད་བུམ་རིལ། བསམ་ཡས་རྫོང་དུ་མངའ་བདག་ཉང་རིན་པོ་ཆེའི་གཏེར་བྱོན་གུ་རུ་མཚོ་སྐྱེས་རྡོ་རྗེ་ཞེས་སློབ་དཔོན་གྱི་སྐུ་ཚབ་ཐམས་ཅད་ཀྱི་མཆོག་ཏུ་གྱུར་པ་དེ་དང་། གུང་ཐང་ལ་ཁའི་ཞབས་རྗེས་ངོ་མཚར་ཅན་སོགས་ཡོད། ཧས་པོ་རི་རྩེར་ལྷ་བསང་ཁང་། བསམ་ཡས་ཀྱི་གླིང་གི་ནང་ནས་གཙོ་བོ་རྟ་མགྲིན་གླིང་དེ་ཡིན། དེར་རྟེན་གྱི་གཙོ་བོ་འཕགས་པ་སེམས་ཉིད་ངལ་བསོ། ཇོ་མོ་སྒྲོལ་མ། སྒྱུ་འཕྲུལ་དྲྭ་བའི་ལུགས་ཀྱི་རྟ་མགྲིན་གྱི་སྐུ་གསུང་མང་དུ་འབྱོན་པ་སོགས་ཡོད། ། ༈ བསམ་ཡས་མཆིམས་ཕུར་གནས་ཀྱི་ལྟེ་བར་བྲག་དམར་ཀེའུ་ཚང་དུ་བཻ་རོ་ཙ་ན་དང་། ཐ་མི་མགོན་བརྩོན་གྱི་ཕྱག་བཟོ་ཨོ་རྒྱན་རིན་པོ་ཆེའི་སྐུ་བྱེ་མ་ཨ་ཀྲོང་། ཁྲི་སྲོང་ལྡེའུ་བཙན་གྱི་ཐུགས་དམ་འབུམ་སོགས་རྟེན་གསུམ་བྱིན་ཅན་དང་། སྒྲུབ་ཕུག་གི་ཐོད་དུ་བཀའ་བརྒྱད་ཀྱི་དཀྱིལ་འཁོར་སོགས་རང་བྱོན་གྱི་རྣམ་པ། མདུན་དུ་ལྷ་ལྕམ་པདྨ་གསལ་གྱི་སྐུ་གདུང་བཞག་པའི་རྗེས། སྟེང་དུ་བཻ་རོའི་སྒྲུབ་ཕུག་བཅས་ཡོད། དེའི་གནས་ཀྱི་དབུ་རྩེར་བློན་ཆེན་གུར་དཀར་ཕུག་ཅེས་ཨོ་རྒྱན་རིན་པོ་ཆེ་རྗེ་འབངས་ཉེར་ལྔ་དང་བཅས་པའི་སྒྲུབ་ཕུག་ཡོད་ཀྱང་ཉིན་གཅིག་ལ་འཁོར་ཙམ་ཡིན། བྲག་དམར་ཀེའུ་ཚང་གཤམ་དུ་མཚོ་རྒྱལ་གཟིམ་ཕུག །ཆོས་རྒྱལ་གྱི་སྒྲུབ་ཕུག་ཉང་ཕུག་གོང་འོག་ཏུ་གྲགས་པ། ཀླུ་འདུལ་ཁྱུང་ཆེན་ཕུག །ཀུན་མཁྱེན་ཀློང་ཆེན་པའི་གདུང་འབུམ། དབེན་རྩར་རྒྱལ་བ་མཆོག་དབྱངས་ཀྱི་རྟ་མགྲིན་སྒྲུབ་ཕུག་སོགས་ཡོད། ། ༈ སྤྱིར་བསམ་ཡས་ཕྱོགས་འདིར་གཡོ་རུ་བྱང་རྒྱུད་ཅེས་གྲགས། གཙང་པོ་གྱེན་དེད་དུ་ཕྱིན་པ་ན་ཟུར་མཁར་རྡོའི་མཆོད་རྟེན་རིགས་ལྔ་ངོ་མཚར་ཆེ་བ། དེ་ནས་སྒྲགས་ཀྱི་མདར་ཡེ་ཤེས་མཚོ་རྒྱལ་སྐུ་འཁྲུངས་ས་བླ་མཚོ། སྒྲགས་ཀྱི་ནང་གནས་ཀྱི་གཙོ་བོ་ཡོངས་རྫོང་གཤིན་རྗེ་རོལ་པའི་ཕོ་བྲང་དུ་སྒྲུབ་ཕུག་ཆེན་པོ་སྟེང་ཤོད། གནས་སྒོ་གསར་པ་རྣམས་ཡིན་ཅིང་། གཞན་ཡང་གྲུབ་ཆེན་མེ་ལོང་རྡོ་རྗེའི་སྒྲུབ་གནས་ངར་ཕུག །ཨོ་རྒྱན་རིན་པོ་ཆེའི་སྒྲུབ་ཕུག་རྫོང་ཁམ་ཕུག །མཁར་ཆེན་གྲགས་སོགས་མང་དུ་ཡོད། སྒྲགས་ཀྱི་མདའ་སྒྲགས་གྲོང་མོ་ཆེ་ཞེས་པ་དེ་གནུབས་ཆེན་སངས་རྒྱས་ཡེ་ཤེས་འཁྲུངས་ས་ཡིན། སྒྲགས་མདའ་ནས་གཙང་པོ་གྱེན་བརྒྱུད་དུ་རིམ་པར་ཐུབ་བསྟན་རྡོ་རྗེ་བྲག །དེ་དང་ཉེ་བར་གླིང་རས་ཀྱི་སྒྲུབ་གནས་སྣ་ཕུ་ཆོས་ལུང་། རྡོ་རྗེ་བྲག་ནས་ཡར་ཕྱིན་པའི་ཡར་སྟོད་བྲག་ལའི་འོག་ཙམ་ལུང་པ་ཞིག་གི་ནང་དུ་རྨོར་ཆེན་གྱི་གདན་ས་རྨོར་དགོན་པ། ཡར་སྟོད་བྲག་ལའི་སྟོད་དུ་པཎྜི་ཏ་བི་བྷཱུ་ཏིའི་གདན་ས་དྲང་སྲོང་སྲིན་པོ་རི་ཞེས་གྲགས་པ་དེང་སང་གྲོང་ནག་ཡིན་ཀྱང་། ལྷ་ཁང་ཞིག་གི་ཕུག་ཏུ་བདེ་མཆོག་གི་སྐུ་སྔར་བར་སྣང་དུ་བཞུགས་པ་གསུང་ཡང་ཡང་འབྱོན་པ་ཤིན་ཏུ་བྱིན་རླབས་ཆེ་བ་བཞུགས། ། ༈ བསམ་ཡས་མཆིམས་ཕུའི་རྒྱབ་ཀྱི་ལུང་པ་གློ་བོ་དོན་སྟེང་གི་ཕུར་མཆོད་རྟེན་བཀྲ་ཤིས་འོད་འབར་དུ་གྲགས་པའི་བྱིན་རླབས་ཅན་དེ་ཡོད། དེ་ནས་མར་ཕྱིན་པ་ན་རྡོ་ལུང་པ་དང་འོན་ལུང་པ་སོགས་སུ་རྗེ་རིན་པོ་ཆེའི་བཞུགས་གནས་བཀྲ་ཤིས་རྡོ་ཁ་དང་། འོན་གྱི་ལྷ་ཁང་ཀེ་རུ་ཞེས་ཁྲི་སྲོང་གི་དུས་སུ་བཞེངས་པ། མཆོད་རྟེན་དཀར་ཆུང་། འོན་རྒྱལ་སྲས་རིན་པོ་ཆེའི་གདན་ས་ཆོས་སྡིངས། འོན་ཕུ་སྟག་ཚང་སོགས་ཡོད་ཀྱང་བསྐོར་ན་ཞག་གཉིས་གསུམ་དགོས། དེ་ནས་མར་ཕྱིན་པ་ན་ལམ་བར་དུ་མངའ་རིས་དྭགས་པོ་གྲྭ་ཚང་དང་། ཡོངས་གྲགས་ཀྱི་གནས་ཆེན་འགྲོ་མགོན་ཕག་མོ་གྲུ་པའི་གདན་ས་མཐིལ་ཞེས་གྲགས་པ་དེ་ཡོད་ཅིང་། སྤྱིར་རྟེན་གསུམ་བསམ་གྱིས་མི་ཁྱབ་པ་དང་། ཁྱད་པར་རྟེན་གྱི་གཙོ་བོ་ཕག་གྲུའི་འཇགས་སྤྱིལ་དུ་སྐུ་འདྲ་བྱིས་དྲོད་མ་ཞེས་གསུང་འབྱོན་བྱིན་རླབས་ཅན་དེ་ཡོད། དེའི་འོག་ཏུ་ཟངས་རི་མཁར་དམར་ཞེས་མ་གཅིག་ལབ་སྒྲོན་གྱི་གདན་ས་མ་གཅིག་ཡུམ་སྲས་ཀྱི་སྐུ་གསུང་བྱོན་མ་སོགས་བཞུགས་ཤིང་། འདི་ནས་ཤར་དུ་ཞག་གཉིས་གསུམ་གྱི་སར་འོལ་ཁ་སྟག་རྩེའི་ཕྱོགས་སུ་རྫིང་ཕྱིའི་བྱམས་པ། ཨོ་རྒྱན་རིན་པོ་ཆེའི་སྒྲུབ་གནས་འགལ་ཕུག །རྗེ་རིན་པོ་ཆེའི་སྒྲུབ་གནས་ཤིན་ཏུ་མང་བ། དེ་ནས་དྭགས་པོའི་ཕྱོགས་སུ་དྭགས་ལ་སྒམ་པོ་དང་། ཁྲ་མོ་བྲག་སོགས་གནས་ཁྱད་པར་ཅན་མང་། འོལ་དྭགས་གཉིས་ཀྱི་མཚམས་སུ་རྒྱལ་མེ་ཏོག་ཐང་ཞེས་རྒྱལ་བ་དགེ་འདུན་རྒྱ་མཚོའི་གདན་ས་དང་། རྩེར་དམག་ཟོར་མའི་བླ་མཚོ་མཐོང་སྣང་སྣ་ཚོགས་ཡོད་ཚུལ་སོགས་མང་དུ་ཡོད། དྭགས་པོའི་ས་ཆ་ཟད་མཚམས་ཉང་ལོང་ཀོང་གསུམ། དེ་ནས་སྤོ་བོ་བཅས་རིམ་པར་ཡོད་ཅིང་། སྤོ་བོའི་ཟད་མཚམས་གློ་དང་ཐུག་སྐད། སྤུ་ཀོང་གི་ཤར་དུ་ཁྱུང་པོ་དང་། དེ་ནས་རིམ་པར་རི་བོ་ཆེ་དང་། ནང་ཆེན་སོགས་ཡིན། ། ༈ ཟངས་རི་མཁར་དམར་ནས་ཕར་ཀོ་བ་ལས་དོན་ནས་རྩེ་ཐང་དུ་ཐོན། འདིར་དགོན་པ་འགའ་རེ་ཡོད་ཀྱང་ལྔ་མཆོད་པའི་འདུ་ཁང་ཕུག་ཐུབ་པ་གསེར་གླིང་མ་སོགས་རྟེན་ཁྱད་པར་ཅན་མཇལ་རྒྱུ་དང་། རྩེ་ཐང་གི་རི་སྒོང་ཞིག་ཏུ་བསམ་གཏན་གླིང་ཞེས་གྲགས་པ་སྔོན་བླ་མ་དམ་པ་བསོད་ནམས་རྒྱལ་མཚན། ཡར་ལུང་པ་སེང་གེ་རྒྱལ་མཚན། མཁན་ཆེན་བསོད་ནམས་རྒྱལ་མཆོག་སོགས་ས་སྐྱའི་སྙན་བརྒྱུད་འཛིན་པ་རྣམས་ཀྱི་སྒྲུབ་གནས་དེར་མགོན་པོ་བྱིན་རླབས་ཅན་སོགས་བཞུགས། རྩེ་ཐང་གི་རྒྱབ་རི་དེ་ཟོ་དང་གངས་པོ་རི་ཞེས་སྤྱན་རས་གཟིགས་ཀྱི་སྤྲུལ་པ་སྤེལ་སྒོམ་བྱང་ཆུབ་སེམས་དཔའི་སྒྲུབ་གནས་དེ་ཡིན་པར་གྲགས་ཤིང་བསྐོར་བ་བྱེད་མཁན་ཡང་མང་། རྩེ་ཐང་གི་ལྟག་ཙམ་དུ་སྣེ་གདོང་ཀུན་བཟང་རྩེ་ཞེས་པ་དེ་སྔར་བོད་ཁྲི་སྐོར་ཕལ་ཆེར་གྱི་བདག་པོ་སྡེ་སྲིད་ཕག་མོ་གྲུ་པའི་རྫོང་ཤུལ་ཡིན་ཅིང་། འདིའི་ཞོལ་སྣེ་གདོང་རྩེ་ཚོགས་པར་ཁ་ཆེ་པཎ་ཆེན་གྱི་རྫ་སྐུ་གསུང་བྱོན་མ། སྒྲོལ་དཀར་བྲིས་སྐུ་མེ་རྡུག་མ། འབུམ་གྱི་རྒྱ་དཔེ་སོགས་ནང་རྟེན་ཁྱད་པར་ཅན་མང་པོ་ཡོད། སྤྱིར་ཁ་ཆེ་པཎ་ཆེན་གྱི་ཚོགས་སྡེ་བཞི་ཞེས་པ་ནི་སྣེའུ་གདོང་རྩེ་ཚོགས་པ། གྲྭ་ཕྱི་ཚོང་འདུས་ཚོགས་པ། གྲྭ་ནང་རྒྱལ་གླིང་ཚོགས་པ། གཙང་ཆོས་ལུང་ཚོགས་པ་རྣམས་ཡིན་པས་དེ་ཐམས་ཅད་ཀྱི་ནང་རྟེན་དུ་པཎ་ཆེན་གྱི་རྫ་སྐུ་དང་། ལྷུང་བཟེད་སོགས་རྟེན་ཁྱད་པར་ཅན་ཡོད་སྐད། ། ༈ ཡར་ཀླུང་རྟེན་གསུམ་གནས་གསུམ་དུ་གྲགས་པའི་གནས་གསུམ་ནི་ཁྲ་འབྲུག །ཤེལ་བྲག །འགའ་ཞིག་གིས་རས་ཆུང་ཕུག་ཡིན་ཟེར་ནའང་ཡུམ་བུ་གླ་སྒང་ལ་ངོས་བཟུང་བ་འཐད་པ་བཅས་དང་། རྟེན་གསུམ་ནི་རྟག་སྤྱན་འབུམ་པ། དགོན་ཐང་འབུམ་པ། ཚེ་ཆུ་འབུམ་པ་བཅས་སུ་གྲགས་པ་ལས། རྩེས་ཐང་ནས་ཡར་ཀླུང་ཁོག་གྱེན་དེད་དུ་ཕྱིན་པ་ན་དཔལ་གཡུ་རུ་ཁྲ་འབྲུག་བཀྲ་ཤིས་བྱམས་སྙོམས་ཀྱི་གཙུག་ལག་ཁང་དུ་རྟེན་གྱི་གཙོ་བོ་ཆོས་རྒྱལ་སྲོང་བཙན་སྒམ་པོས་ཟོ་དང་གངས་པོ་རི་ནས་སྤྱན་དྲངས་པའི་རྒྱལ་བ་རིགས་ལྔའི་རྡོ་སྐུ། སྒྲོལ་མ་ཞལ་ཟས་མ། མ་ཎི་འབྲུ་དྲུག་སོགས་ཀྱིས་མཚོན། ལྷ་ཁང་ཁག་མང་བ་དང་། ཕྱི་རོལ་དུ་སྡིག་སྦྱོང་མཆོད་རྟེན་དབུ་ལྔ་མ་སོགས་བྱིན་རླབས་ཅན་ཡོད། ཁྲ་འབྲུག་ལྷ་ཁང་དང་ཉེ་བར་རྣམ་རྒྱལ་ལྷ་ཁང་ཞེས་པ་རྗེ་རིན་པོ་ཆེའི་བསྙེན་རྫོགས་བསྒྲུབ་ས་དེ་ཡིན། ཁྲ་འབྲུག་ནས་གྱེན་དུ་ཕྱིན་པ་ན་ས་སྐྱ་པཎྜི་ཏའི་གཏམ་སྙན་བཞུགས་ཁྲི་ཞེས་པ་དང་། ཆོས་རྒྱལ་ཐོ་ཐོ་རི་གཉན་བཙན་གྱི་ཕོ་བྲང་ཡུམ་བུ་བླ་མཁར་དུ་ཇོ་བོ་ནོར་བུ་བསམ་འཕེལ། ཐུགས་དམ་གཉན་པོ་གསང་བ་སོགས་བཞུགས། དེ་ནས་ལྷ་ཁང་གཉན་རུར་སྨན་པའི་རྒྱལ་པོའི་སྐུ་གཏེར་བྱོན་ཁྱད་འཕགས། བཀའ་གདམས་པའི་དགེ་བཤེས་སྐོར་ཆེན་པོས་བཞེངས་པ། བྱང་ཆུབ་སེམས་དཔའ་རྟག་ཏུ་ངུའི་སྤྱན་གཡོན་པ་བཞུགས་པར་གྲགས་པའི་རྟག་སྤྱན་འབུམ་པ། འདིའི་ཕུར་ཡར་ལྷ་ཤམ་པོ་གངས་ཀྱིས་ར་བ་ཞེས་འབྲོག་མི་དཔལ་གྱི་ཡེ་ཤེས་ཀྱིས་མ་མོ་སྒྲུབ་པའི་གནས་སོགས་ཡོད། སྤྱིར་ཡར་ཀླུང་གི་རྒྱབ་ཕྱོགས་ལྷོ་ཁ་སྟོད་སྨད་དུ་ཨེ་ཡུལ་རིག་པའི་འབྱུང་གནས། གཉལ། ལོ་རོ། གྲོ་ཤུལ། བྱར། དེ་ནས་རིམ་པར་ཙཱ་རི་སོགས་ཀོང་པོར་འབྲེལ། གོང་གི་རྟག་སྤྱན་འབུམ་པ་ནས་མར་འོང་སར་མཐུ་སྟོབས་ཀྱི་དབང་ཕྱུག་གཞོན་ནུ་བློ་གྲོས་ཀྱི་གདན་ས་བཀྲ་ཤིས་ཆོས་སྡེ། རས་ཆུང་པའི་རྣམ་འཕྲུལ་གཙང་སྨྱོན་ཧེ་རུ་ཀའི་གདན་ས་རས་ཆུང་ཕུག་སོགས་སུ་རྟེན་གསུམ་རབ་འབྱམས། དགུན་ཐང་འབུམ་མོ་ཆེའམ་སྲི་གཅོད་འབུམ་པའམ་ནེ་ཙོ་འབུམ་པ་ཞེས་གྲགས་པ་རྣམས་དང་། བྱང་ཕྱོགས་ཀྱི་རི་རྒྱུད་དུ་ཡར་ཀླུང་ཤེལ་གྱི་བྲག་ཕུག་ཏུ་གྲགས་པའི་སྒྲུབ་གནས་ཆེན་པོར་སྒྲུབ་ཕུག་ལྟེ་བར་ཨོ་རྒྱན་གྱི་སྐུ་ཚབ་གསུང་བྱོན་མར། རང་བྱོན་གྱི་རྣམ་པ་མང་པོ། དེའི་འོག་ཏུ་མཚན་བརྒྱད་ལྷ་ཁང་། གནས་མཐིལ་བླ་བྲང་དུ་ཨོ་རྒྱན་རིན་པོ་ཆེའི་སྐུ་ཚབ། ཆོས་གོས་ཉི་ཟེར་མ། ཕྱག་འཁར་སོགས་ནང་རྟེན་འགའ་ཞིག་ཡོད། ཕྱག་འཚལ་ལ་ཁར་དུར་ཁྲོད་ཁྱད་པར་ཅན་མཆོད་རྟེན་དང་བཅས་པ་བཞུགས། གཞན་ཉེ་ཕྱོགས་སུ་མཚོ་རྒྱལ་གསང་ཕུག་དང་། གཡོན་གྱི་རྒྱབ་ཕྱོགས་སུ་ཨོ་རྒྱན་གླིང་པའི་གཏེར་གནས་པདྨ་ཤེལ་ཕུག་ཏུ་གྲགས་པ་སོགས་ཡོད་ཀྱང་ཐག་རིང་། ཤེལ་བྲག་ནས་མར་བབ་སར་བཙན་ཐང་གཡུ་ཡི་ལྷ་ཁང་ཁྲི་སྲོང་གི་ཡུམ་ངང་ཚུལ་བྱང་ཆུབ་རྒྱལ་མོས་བཞེངས་པ་དང་། དེ་དང་ཉེ་བར་ཅོག་རོ་ཚེ་ཆུ་འབུམ་པ་ཞེས་ཚེས་བཅོ་ལྔའི་སྐབས་ཚེ་ཆུ་དངོས་སུ་འབབ་པ་ཡོད། འདིའི་རྒྱབ་རི་བཙན་ཐང་ལྷ་རི་སྒོ་བཞི་ཞེས་པའི་རྩེ་མོར་བོད་ཆོས་རྒྱལ་གཉའ་ཁྲི་བཙན་པོ་དང་པོ་བབ་ས་དེ་ཡིན། ། ༈ གོང་གི་གུང་ཐང་འབུམ་པ་ནས་འཕྱོངས་རྒྱས་ཕྱོགས་སུ་ཕྱིན་པ་ན་བཻ་རོ་ཙ་ན་བཞུགས་ས་སྤ་གོར་དགོན་དང་། སྒྲུབ་ཕུག་རོག་པ་རྩ་སོགས་ལམ་ཁར་ཡོད་ཀྱང་སུས་རྒྱུས་མེད་པས་མཇལ་མཁན་དཀོན་འདུག །དེ་ནས་ཡར་ཕྱིན་པའི་ལམ་ཁར་དགེ་བའི་བཤེས་གཉེན་ཁུ་སྟོན་བརྩོན་འགྲུས་གཡུང་དྲུང་གི་གདན་ས་སོལ་ནག་ཐང་པོ་ཆེར་འབུམ་ནག་ཟིལ་པ་ཅན་སོགས་རྟེན་རྙིང་མང་ཙམ་དང་། ཇོ་བོ་རྗེའི་གཟིམ་ཕུག་འདྲ་སྐུ་བྱིན་ཅན། མཁས་གྲུབ་དགེ་ལེགས་དཔལ་བཟང་གི་སློབ་མ་ཉི་ཁྲི་འཛིན་པ་བློ་གྲོས་དཔལ་བཟང་གིས་བཏབ་པའི་འཕྱོངས་རྒྱས་རི་བོ་བདེ་ཆེན་གྱི་ཆོས་གྲྭར་རྟེན་གསུམ་བྱིན་ཅན་མང་དུ་བཞུགས། འདི་དང་ཉེ་བའི་འཕྱིང་བར་སྟག་རྩེ་ཞེས་པའི་རྫོང་དེ་སྔོན་ཟ་ཧོར་གྱི་གདུང་རིགས་རིམ་བྱོན་འཕྱོངས་རྒྱས་སྡེ་པར་གྲགས་པའི་ཕོ་བྲང་། ཕྱིས་རྒྱལ་དབང་ལྔ་པ་རིན་པོ་ཆེའི་སྐུ་འཁྲུངས་ས་ཡིན། འདིའི་ལྟག་ཙམ་དུ་ཆོས་རྒྱལ་སྲོང་བཙན་སྒམ་པོའི་སྐུ་སྤུར་གྱི་འདྲ་བརྙན་བཞུགས་པ་བང་སོ་དམར་པོར་གྲགས་པ་དེ་ཡོད། བང་སོ་དངོས་ནི་ས་འབུར་གྱི་རྣམ་པ་དེ་ཡིན། དེའི་སྟེང་དུ་ཉང་སྨན་ལུང་པས་བཞེངས་པའི་མཆོད་ཁང་དང་རྟེན་གསུམ་བྱིན་ཆེན་ཡོད། དེ་དང་ཉེ་བའི་དོན་མཁར་ལུང་པའི་ཕུར་ཀུན་མཁྱེན་འཇིགས་མེད་གླིང་པའི་གདན་ས་ཚེ་རིང་ལྗོངས་སུ་ཀུན་མཁྱེན་གྱི་སྐུ་གདུང་རིལ་པོར་བཞུགས་པའི་མཆོད་རྟེན་དང་རྟེན་གསུམ་ཁྱད་པར་ཅན་ཡོད། འཕྱོངས་རྒྱས་སྲོང་བཙན་བང་སོའི་ལྟག་ཙམ་དུ་བཻ་རོའི་རྣམ་འཕྲུལ་འཕྲེང་པོ་གཏེར་ཆེན་ཤེས་རབ་འོད་ཟེར་གྱི་གདན་ས་འཕྱོངས་རྒྱས་དཔལ་རི་ཞེས་པ་དེ་ཡོད། སྔར་རྡོར་སྨིན་དཔལ་རི་ཞེས་རྙིང་མའི་གྲྭ་ས་ཆེ་ཤོས་ཡིན་ཀྱང་དེང་སང་དཔལ་རི་དགོན་མིང་མ་སྟོང་ཙམ་ལས་མེད། གུ་རུ་རིན་པོ་ཆེའི་སྐུ་ཚབ་སོགས་རྟེན་གསུམ་བྱིན་རླབས་ཆེ་བ་ཡོད། སྤྱིར་འདི་ཕྱོགས་སུ་འགོས་ལོ་གཞོན་ནུ་དཔལ་གྲྭ་སར་ཞུགས་པ་སྤྱན་གཡས་ལྷ་ཁང་ཡོད་པའི་ལུང་པ་སྤྱན་གཡས་དང་། གཞན་ཡང་འཕྱོངས་དང་ཕུ་ལུང་སོགས་ལུང་ལག་མང་དུ་ཡོད། གོང་གསལ་བསམ་ཡས། རྟ་མགྲིན་གླིང་། སྐུ་ཚབ་མཚོ་སྐྱེས་རྡོ་རྗེ་ཞབས་རྗེས་དང་བཅས་པ། མཆིམས་ཕུ། མཆོད་རྟེན་བཀྲ་ཤིས་འོད་འབར། འཕྱོངས་རྒྱས་སྲོང་བཙན་བང་སོ། དཔལ་རི། ཚེ་རིང་ལྗོངས་རྣམས་ཀྱི་གནས་བཤད་ཞིབ་ཆ་མཁྱེན་བརྩེ་རིན་པོ་ཆེའི་གཏམ་ཚོགས་སུ་ཡོད། གཞན་ཡང་གཏམ་ཚོགས་སུ་གཞོ་སྟོད་ཏི་སྒྲོ། དབུ་རུའི་ཞྭའི་ལྷ་ཁང་། ལྷོ་མོན་དཀར་པོ་ཟངས་སོགས་ཀྱི་གནས་བཤད་ཀྱང་སྣང་། ། ༈ རྩེ་ཐང་ནས་གཙང་པོ་ལྷོ་རྒྱུད་སྐོར་ལ་སྤྱིར་དབུ་རུ་ལྷོ་རྒྱུད་ཅེས་གྲགས། དེའང་གཙང་པོ་གྱེན་དེད་དུ་ཕྱིན་པ་ན་བྱ་ས་ལྷ་ཁང་ཞེས་གྲགས་པ་ཆོས་རྒྱལ་དཔལ་འཁོར་བཙན་གྱིས་བཞེངས་པའི་རྣམ་སྣང་སྐུ་ཆེན་པོ། དེ་ནས་རིམ་པར་བྱིང་གི་ཕུར་ཨོ་རྒྱན་རིན་པོ་ཆེའི་སྒྲུབ་གནས་བྱིང་མདའ་ཨོ་དཀར་བྲག །གྲྭ་ཕྱིའི་མདོར་ཚོང་དུས་ཚོགས་པ་ཞེས་ས་དགོན་ཞིག་ཏུ་པཎ་ཆེན་གྱི་རྫ་སྐུ་དང་། མཁས་གྲུབ་ཁྱུང་པོ་རྣལ་འབྱོར་གྱི་ཐུགས་རིང་བསྲེལ་གྱི་ཕུང་པོར་སོང་བ་སོགས་ནང་རྟེན་ཁྱད་པར་ཅན་ཡོད། དེའི་ཕུར་ཨོ་རྒྱན་སྨིན་གྲོལ་གླིང་གྲྭ་ཚང་དང་བླ་བྲང་གཉིས་སུ་ལྷ་ཁང་དང་རྟེན་གསུམ་དངོས་གཙང་བྱིན་ཅན་མང་པོ་དང་། གཙོ་བོར་གཏེར་ཆེན་རིན་པོ་ཆེའི་སྐུ་གདུང་སོགས་བཞུགས། ཚོང་དུས་ཚོགས་པ་ནས་གཙང་པོའི་རྒྱུད་གྱེན་དེད་དུ་ཕྱིན་པའི་སར་གྲྭ་ནང་ལུང་པའི་མདའ་གཏེར་སྟོན་གྲྭ་པ་མངོན་ཤེས་ཀྱི་གདན་ས་གྲྭ་ནང་། དེ་ནས་རིམ་པར་པཎ་ཆེན་བྱམས་པ་གླིང་པའི་གདན་ས་སྐུ་འབུམ་མཐོང་གྲོལ་ཆེན་མོའི་ནང་ལྷ་ཁང་ཤིན་ཏུ་དངོས་གཙང་ཅན། འདི་དང་ཉེ་བར་ཀུན་མཁྱེན་ཀློང་ཆེན་པ་འཁྲུངས་ས་དང་། ཨུ་རྒྱན་གླིང་པའི་གདན་ས་ཡར་རྗེ་ལྷ་ཁང་། གྲྭ་ནང་བརྒྱད་གླིང་ཚོགས་པ། གྲྭ་གཡུ་སྒང་བྲག །སྨིན་གླིང་གདན་ས་རྙིང་པ་དར་རྒྱས་ཆོས་གླིང་། འབྲུག་པའི་ཆོས་ལུགས། གྲྭ་སྡིངས་པོ་ཆེ་སོགས་ཡོད། དེ་ནས་གཙང་པོ་གྱེན་དེད་དུ་ཕྱིན་པ་ན་རྣམ་རབ་ཀྱི་ཕུར་ས་ལུགས་དྭགས་པོ་གྲྭ་ཚང་། དེ་དང་ཉེ་བར་རྔོག་ཆོས་སྐུ་རྡོ་རྗེའི་གདན་ས་གཞུང་སྦྲེ་ཞིང་དུ་མར་པ་ལོ་ཙཱའི་སྐུ་གདུང་བཞུགས་པའི་མཆོད་རྟེན། ལྷ་མོ་དུད་སོལ་མ་གསུང་བྱོན། མི་ལ་དང་རྔོག་སྟོན་མཇལ་ས། རྔོག་སྟོན་མཁའ་སྤྱོད་དུ་གཤེགས་ས་སོགས་ཡོད། དེ་ནས་རིམ་པར་གཙང་པོ་གྱེན་བརྒྱུད་ན་ཐུབ་བསྟན་ར་བ་སྨད། གདུང་ཕུད་ཆོས་འཁོར་ཞེས་ས་ལུགས་ཀྱི་དགོན་ཆུང་དང་། རྡོ་རྗེ་གདན་པ་ཀུན་དགའ་རྣམ་རྒྱལ་གྱི་གདན་ས། གོང་དཀར་ཆོས་གྲྭ་དགོན་སྡེ་བཀོད་པ་ཕུན་སུམ་ཚོགས་པ། འདུ་ཁང་ཆེན་མོའི་ཕུགས་ཀྱི་གཙོ་ཁང་དུ་པཎ་ཆེན་ག་ཡ་དྷ་རའི་དབུ་ཐོད་བཞུགས་པའི་ཐུབ་སྐུ་སོགས་ཁྱད་པར་ཅན་ཡོད། དགོན་འདིར་རྒྱུད་སྡེ་བཞིའི་དཀྱིལ་འཁོར་ཞེ་ལྔ་ཙམ་གྱི་སྒྲུབ་མཆོད་བཞུགས། འདིའི་ཕུ་ན་འབྲུག་བདེ་ཆེན་ཆོས་འཁོར་སོགས་ཡོད། ། ༈ ཡར་ཀླུང་ཕྱོགས་བརྒྱུད་ནས་ལྷོ་བྲག་ཏུ་འགྲོ་ན། འཕྱོངས་རྒྱས་རི་བོ་བདེ་ཆེན་ཕུ་ནས་བརྒྱུད་ལྕགས་རྩེ་གྲི་གུ་ཞེས་གྲོང་པ་ཆེན་པོར་ལྷ་ཁང་རྙིང་པ་ཞིག་གི་ནང་དུ་ཇོ་བོ་བྱིན་རླབས་ཅན་ཞིག་ཡོད། དེ་ནས་རིམ་པར་བྱང་ཐང་བརྒྱུད་ལྷོ་བྲག་ཤར་དུ་ཐོག་མར་སླེབ། དེར་མངའ་བདག་ཉང་གི་གདན་ས་སྨྲ་བོ་ལྕོག་ཏུ་རིགས་གསུམ་མགོན་པོའི་སྐུ་བྱིན་རླབས་ཅན་སོགས་བཞུགས། དེའི་གཤམ་དུ་བླ་མ་མངའ་བདག་པའི་གཞིས་ཀར་བཀའ་བརྒྱད་བདེ་གཤེགས་འདུས་པའི་སྐོར་ཆོས་རྒྱལ་གྱི་བླ་དཔེ་ངོ་མ་སོགས་ནང་རྟེན་མང་དུ་བཞུགས་སྐད། དེ་ནས་རིམ་པར་སྒྲོ་བ་དགོན་གུ་རུ་ཆོས་དབང་གི་གདུང་རྒྱུད་རྣམས་ཀྱི་གདན་ས་གནས་གཞི་ཞི་ཁྲོ་ལྷ་ཁང་། མངའ་བདག་ཉང་གི་གཏེར་གནས་བྲག་སྲིན་མོ་སྦར་རྗེས། ལྷོ་བྲག་ཕྱག་རྡོར་པ་ནམ་མཁའ་རྗེ་རིན་པོ་ཆེའི་བླ་མ་རྒྱལ་མཚན་གྱི་གདན་ས་བན་པ་ཐིག་ཕྱི་དང་། གཏེར་སྟོན་མཆོག་ལྡན་མགོན་པོས་བཞེངས་པའི་ཕན་པ་དྲུག་རལ་ལྷ་ཁང་དུ་སློབ་དཔོན་རིན་པོ་ཆེའི་སྐུ་ཤིན་ཏུ་ཆེ་བ། ཕན་པ། མཁར་ཆུ་གཉིས་ཀྱི་བར་ལུང་པ་ཞིག་ནས་གངས་ལ་བརྒལ་ནས་སོང་ན་མོན་ཀུ་རུ་ལུང་པའི་མགོར་ཨོ་རྒྱན་རིན་པོ་ཆེའི་ཕུར་པ་ཕྲིན་ལས་ཀྱི་སྒྲུབ་གནས་ཁྱད་པར་ཅན་མོན་ཁ་ནེ་རིང་སེང་གེ་རྫོང་གསུམ་ཞེས་གྲགས་པ་དེ་ཡོད་ནའང་དབྱར་གཞུང་མ་གཏོགས་མི་ཐར། སེང་གེ་རྫོང་ནས་མར་ཕྱིན་ན་སྦས་ཡུལ་རོལ་མོ་སྡིངས་སོགས་བརྒྱུད་ནས་མོན་གྱི་མཐིལ་དུ་སླེབ་པ་ཡིན། ལྷོ་བྲག་མཁར་ཆུའི་གཤམ་ལྷོ་བྲག་ལྷ་ཁང་ཞེས་མཐའ་འདུལ་གྱི་གཙུག་ལག་ཁང་དུ་རྣམ་པར་སྣང་མཛད་ཀྱིས་གཙོས་རྟེན་བྱིན་ཅན་ཡོད། འདི་ནས་མངའ་བདག་ཉང་གིས་བཀའ་བརྒྱད་བདེ་གཤེགས་འདུས་པ་གཏེར་ནས་བཞེས་ས་ཡིན། དེ་ནས་མཁར་ཆུ་དངོས་སུ་དཔལ་གྱི་ཕུག་རིང་ཞེས་གནུབས་ནམ་མཁའི་སྙིང་པོས་ཡང་དག་སྒྲུབ་གནས། མཁར་ཆུ་ལྕགས་ཕུར་ཅན་ཞེས་ཨོ་རྒྱན་རིན་པོ་ཆེའི་སྒྲུབ་ཕུག་ཁྱད་པར་ཅན་འདི་གུ་རུ་ཆོས་དབང་གི་གཏེར་གནས་ཡིན། འདི་དང་ཉེ་བར་ལྷ་མོ་མཁར་ཆེན་ཞེས་ཡུལ་ཉེར་བཞིའི་དེ་བཱི་ཀོ་ཊ་ཡིན་པར་བཞེད་ཅིང་། བདེ་མཆོག་གི་གནས་ཁྱད་པར་ཅན། ལྷོ་བྲག་ལྷ་ཁང་གི་གཤམ་ཟོམ་པའི་ཕ་རིར་ཚེ་ལམ་དཔལ་གྱི་རི་ཞེས་ཨོ་རྒྱན་གྱི་སྒྲུབ་ཕུག་དང་། ཚེ་ཆུ་སོགས་ཡོད། དེ་ནས་ཞག་གཉིས་ཙམ་གྱི་མཚམས་རྗེ་མར་པའི་གདན་ས་སྲས་མཁར་དགུ་ཐོག །ལྷོ་གྲོ་བོ་ལུང་། འདིར་མར་པ་དང་། བདག་མེད་མ་སོ་སོའི་གཟིམ་ཁང་། མི་ལའི་སྒྲུབ་གནས་ལྟག་གཉའ་ལུང་བསྟན་ཕུག་སོགས་སྒྲུབ་གནས་ཁྱད་པར་ཅན་བཞུགས། དེ་ནས་རིམ་པར་སྒྲུབ་མཚོ་པདྨ་གླིང་དུ་ཕྱག་རྡོར་སྐུ་གཏེར་བྱོན་སོགས་ནང་རྟེན་ཁྱད་འཕགས་ཡོད། མཚོ་འདིའང་འགའ་ཞིག་གིས་གྲགས་པའི་མཚོ་ཆེན་བཞིའི་གྲས་སུ་བརྩི་ཞིང་སློབ་དཔོན་རིན་པོ་ཆེའི་ཕྱག་རྗེས་ཀྱང་བཞུགས་སྐད། སྒྲུབ་ལ་བརྒྱུད་ནས་ལྷོ་བྲག་ནུབ་ལྷ་ལུང་དུ་སླེབ། འདི་དང་པོ་བཀའ་བརྒྱུད་པའི་གདན་ས་དེང་སང་པད་གླིང་གི་བརྒྱུད་འཛིན་གསུང་སྤྲུལ་རིམ་བྱོན་གྱིས་བསྐྱངས། རྟེན་གསུམ་མང་པོ་དང་། ཁྱད་པར་ནང་རྟེན་དུ་ཀུན་མཁྱེན་ཀློང་ཆེན་པའི་དབུ་ཀླད་རིང་བསྲེལ་གྱི་ཕུང་པོ་ཤིན་ཏུ་ངོ་མཚར་ཆེ་བ་སོགས་ཡོད། དེ་ནས་གུ་རུ་ཆོས་དབང་གི་གདན་ས་ལ་ཡག་གུ་རུ་ལྷ་ཁང་དུ་རྟེན་གཙོ་ཆོས་དབང་གཏེར་བྱོན་ཇོ་བོ་ངོ་མཚར་ཅན་ཡོངས་གྲགས་ཀྱིས་གཙོས་མང་དུ་ཡོད། དེ་ནས་དགོན་པ་ལྷ་ས་ལྟག་ཟེར་བའི་གྲོང་པ་འདྲ་བ་ཞིག་ཏུ་འགྲོ་མགོན་གཙང་པ་རྒྱ་རས་ཀྱི་གདུང་རུས་ལས་བྱོན་པའི་རྟེན་ངོ་མཚར་ཅན་ཤིན་ཏུ་མང་བར་ཡོད། སྐྱི་ཆུ་ལྷ་ཁང་ཞེས་ཆོས་རྒྱལ་གྱིས་བཞེངས་པའི་མཐའ་འདུལ་གྱི་གཙུག་ལག་ཁང་དུ་རྣམ་སྣང་སྐུ་སོགས་བཞུགས། ། ༈ དེ་ནས་ལ་བརྒལ་ཏེ་ཕུ་མ་བྱང་ཐང་བརྒྱུད་གཙང་ལ་རུ་གཉིས་སུ་གྲགས་པའི་གཡས་རུ་ཤེལ་མཁར་རྒྱལ་རྩེའི་ལྷོ་ཕྱོགས་ཉེ་རོ་ལུང་ནས་སྒོ་བཞི་རེ་ཐང་ཞེས་པར་སླེབ། འདི་སྐོར་གཡུ་ཐོག་ཡོན་ཏན་མགོན་པོ་འཁྲུངས་ས་ཡིན། འདིའི་ཆུ་གྱེན་དེད་ཀྱི་ཕུར་འགྲོ་མགོན་གཙང་པ་རྒྱ་རས་ཀྱི་གདན་ས་འབྲུག་ར་ལུང་ཞེས་གྲགས་པ་དེ་ཡོད། རྟེན་གྱི་གཙོ་བོར་གཙང་པ་རྒྱ་རས་ཀྱི་སྐུ་འབག་ཁམས་གསུམ་ཟིལ་གནོན་སོགས་རྟེན་གསུམ་མཐའ་ཀླས་པ་བཞུགས། སྒོ་བཞི་ནས་ཐུར་དུ་ཉིན་གཅིག་གི་སར་སངས་རྒྱས་ཀྱིས་ལུང་བསྟན་པར་གྲགས་པའི་རྒྱལ་རྩེ་ཆོས་རྒྱལ་རབ་བརྟན་ཀུན་བཟང་འཕགས་ཀྱིས་བཞེངས་པའི་དཔལ་འཁོར་ཆོས་སྡེ་ཡོད། ས་བུ་དགེ་གསུམ་གྱི་གྲྭ་ཚང་ཁག་བཅུ་དྲུག །རྟེན་གསུམ་མང་པོ། རྟེན་གྱི་གཙོ་བོ་འདུ་ཁང་དུ་ཐུབ་ཆེན་སོགས་དང་། མཆོད་རྟེན་ཆེན་མོའི་ནང་དུ་སྒྲུབ་ཐབས་བརྒྱ་རྩའི་ལྷ་ཕལ་ཆེར་བཞུགས་པའི་ལྷ་ཁང་བཅས། འདིར་རྒྱུད་སྡེ་བཞིའི་སྒྲུབ་མཆོད་མང་པོ་ཡོད། ཆོས་སྡེའི་ཕར་ཕྱོགས་སུ་རྩེ་ཆེན་ཆོས་སྡེ་ཞེས་བུ་སྟོན་རིན་པོ་ཆེའི་རྣམ་འཕྲུལ་གྲུབ་ཆེན་ཀུན་དགའ་བློ་གྲོས་སོགས་ཀྱི་བཞུགས་གནས་དེ་ཡོད། རྒྱལ་རྩེ་ཁོག་འདི་ལ་ཉང་གསེར་གཞུང་རིང་མོ་ཞེས་གྲགས། ཉང་ཆུ་ལྷོ་ ཕྱོགས་སུ་མཐའ་འདུལ་གྱི་གཙུག་ལག་ཁང་གི་གྲས་སུ་གྲགས་པ་རྩིས་གནས་གསར་ལྷ་ཁང་དུ་ཡུམ་ཆེན་མོའི་སྐུ་བཞུགས་པ། བྱང་ཁར་དགེ་ལྡན་པའི་དགོན་པ་ཚོགས་སྡེ་བཞིའི་གྲས་སུ་རྩི་བའི་ཉང་སྟོད་སྤོས་ཁང་། འདི་ལ་ཁ་ཆེ་པཎ་ཆེན་དུས་ཀྱི་ནང་རྟེན་མང་དུ་ཡོད་སྐད། པ་རྣམ་ནས་ཆུ་ཕར་ཕྱོགས་བརྒྱུད་ན་བུ་སྟོན་རིན་པོ་ཆེའི་གདན་ས་ཞྭ་ལུར་སླེབ། ཞྭ་ལུ་མཐིལ་དུ་རང་བྱོན་ཐུགས་རྗེ་ཆེན་པོ་སོགས་རྟེན་གསུམ་མང་། རི་སྦུག་ཏུ་བུ་སྟོན་རིན་པོ་ཆེ་ང་འདྲ་མ་དང་། ཡུམ་གྱི་དགོངས་རྫོགས་ལ་བཞེངས་པའི་མཆོད་རྟེན་མཐོང་གྲོལ་ཆེན་མོ་སོགས་དང་། ཁྱད་པར་བིཪྺ་པའི་དབང་བུམ་བུམ་ཆུ་བཅས། བུ་སྟོན་རིན་པོ་ཆེའི་སྐུའི་ཉེར་སྤྱོད་སོགས་ནང་རྟེན་འགའ་ཡོད་ནའང་གཞིས་ཀ་རྩེའི་དམ་འབྱར་ཡིན། ཞྭ་ལུ་མཐིལ་གྱི་འོག་ཏུ་ཉང་སྨད་རྒྱན་གོང་དུ་ལྷ་མོ་རབ་བརྟན་མའི་མགོན་ཁང་བྱིན་ཅན་ཡོད། འདིར་ཆོས་རྗེ་ས་པཎ་བསྙེན་རྫོགས་སྒྲུབ་ས་ཡིན་པས། དབུ་སྐྲ་འཁྲུ་སྣོད་རྡོ་གཞོང་བྱིན་ཅན་ཡོད་པའི་ཁྲུས་ཆུ་འཐུངས་ན་ཤེས་རབ་ཆེན་པོ་འོང་སྐད། ཞྭ་ལུ་དང་ཉེ་བའི་ལ་རྒྱབ་ཏུ་ཐར་པ་ལོ་ཙཱ་བའི་གདན་ས་ཐར་པ་དགོན་ཡོད། ཁ་ཆེ་པཎ་ཆེན་རིན་པོ་ཆེའི་གསོལ་ལྷུང་སོགས་སྔར་ནང་རྟེན་མང་དུ་ཡོད་སྐད། ། ༈ བ་རྣམ་ནས་གཞུང་ལམ་བརྒྱུད་ཕྱིན་ན་ཉིན་གཅིག་ཙམ་གྱིས་གཞིས་ཀ་རྩེར་སླེབ། འདིའི་བར་དུ་ཟུར་གསང་སྔགས་གླིང་ཞེས་གྲོང་པ་ཞིག་ཡོད། སྔར་རྙིང་མ་བཀའ་མའི་དགོན་པ་ཆེ་ཤོས་ཡིན། དེང་སང་ཟུར་གྱི་གདུང་རྒྱུད་བཞུགས་པའི་བླ་བྲང་འདྲ་བ་དེར་ཟུར་པའི་བླ་མ་གྲུབ་ཆེན་གོང་མ་རྣམས་ཀྱི་ཐུགས་དམ་རྟེན་ཕུར་པ་ཤིན་ཏུ་བྱིན་རླབས་ཆེ་བ་ཡོད། གཞིས་ཀ་རྩེའི་གྲོང་པའི་འདབས་དེར་འུ་ཡུག་པ་རིག་པའི་སེང་གེའི་སྐུ་གདུངས་འབུམ་ཆེན་པོ་ཞིག་ཡོད། དེ་ལ་བསྐོར་བ་བྱས་གསོལ་བ་བཏབ་ན་རྩོད་པ་ལ་མཁས་པ་འོང་ཟེར། བཀྲ་ཤིས་ལྷུན་པོར་རྟེན་གྱི་གཙོ་བོ་བྱམས་ཆེན། པཎ་ཆེན་བློ་བཟང་ཆོས་རྒྱན། བློ་བཟང་ཡེ་ཤེས། དཔལ་ལྡན་ཡེ་ཤེས། བསྟན་པའི་ཉི་མ་རྣམས་ཀྱི་སྐུ་གདུང་། ཁྱད་པར་དགའ་གདོང་བྱམས་པ་དང་། ངུར་སྨྲིག་སྒྲོལ་མ་སོགས་རྟེན་རྙིང་བྱིན་རླབས་ཆེ་བ་མང་དུ་བཞུགས། ནང་རྟེན་རྗེ་བཙུན་མི་ལའི་ཕྱག་ཤན། བཀའ་གདམས་གོང་མ་མང་པོའི་ན་བཟའ་སོགས་རྟེན་ཅི་རིགས། རྡོ་མ་མོའི་བྲོད་པ་ཞེས་གྲགས་ནོར་བུ་ཡིན་ཟེར་བ་སོགས་ཡོད་ཀྱང་མཇལ་ཁ་ཞུ་ན་བརྒྱ་མཆོད་དང་གཏོང་སྒོ་སོགས་དགོས། བཀྲ་ཤིས་ལྷུན་པོ་ནས་གྱེན་དུ་ཕྱིན་པ་ན་གཏུམ་སྟོན་བློ་གྲོས་གྲགས་པས་བཏབ། མཆིམས་སྟོན་རིམ་བྱོན་སོགས་ཀྱི་གདན་ས་བཀའ་གདམས་བསྟན་པའི་འབྱུང་གནས་སྣར་ཐང་ཞེས་གྲགས་པ་དེར་སྤྱིར་རྟེན་གསུམ་བྱིན་ཅན་མང་པོ་དང་། ཁྱད་པར་ཆུ་མིག་སྒྲོལ་མར་གྲགས་པའི་སྐུ་བྱིན་ཅན། དཔོན་པོ་ཕོ་ལྷ་ཐའི་ཇའི་དུས་སུ་བརྐོས་པའི་བཀའ་བསྟན་འགྱུར་གྱི་སྤར། ཐུབ་པའི་སྐྱེས་རབས་དང་། གནས་བརྟན་བཅུ་དྲུག་གི་ཐང་ཀའི་སྤར་སོགས་ཡོད། ནང་རྟེན་འབྲོམ་སྟོན་པའི་ཤེལ་གྱི་ཕྱག་འཁར། བཀའ་གདམས་པའི་བླ་མ་གོང་མ་མང་པོ་དང་། བྱེ་བྲག་སྣར་ཐང་པའི་བླ་མ་འཕགས་པའི་གནས་བརྟན་གྱི་སྤྲུལ་པ་རྣམས་ཀྱི་སྐུའི་ཉེར་སྤྱད་སོགས་རྩ་ཆེན་མང་པོ་བཞུགས། མཇལ་ཁ་ཞུ་ན་བཀྲ་ཤིས་ལྷུན་པོ་ནས་ཡི་གེ་ཞུ་དགོས། འདིའི་ལྟག་ཏུ་བྱང་ཆེན་རི་ཁྲོད་ཅེས་སྣར་ཐང་སངས་རྒྱས་སྒོམ་པ་སོགས་བཀའ་གདམས་པའི་སྒྲུབ་གནས་ཁྱད་འཕགས་དེ་བཞུགས། དཔལ་མགོན་ཞལ་གྱི་གནས་ཁྱད་པར་ཅན་ཡིན། སྣར་ཐང་དང་ཉེ་བར་གཙང་ཆུ་མིག་རིང་མོ་ཞེས་པ། སྔར་བཀའ་གདམས་ཀྱི་ཆོས་སྡེ་ཆེ་གྲས་འཕགས་པ་རིན་པོ་ཆེས་ཆོས་འཁོར་ཆེན་མོ་བསྐོར་བའི་གནས་དེ་ཡིན་ན་ཡང་དེང་སང་གྲོང་ནག་ཡིན། ལྷ་ཁང་དང་རྟེན་གསུམ་ཆ་ཤས་མཇལ་རྒྱུ་ཡོད། ། ༈ སྣར་ཐང་ནས་ཚ་ལམ་ཙམ་དུ་རོང་ཨེ་ཝྃ་ཆོས་སྡེ། བླ་ཁག་ལྔ། ཁང་ཚན་བཅོ་བརྒྱད་སོགས་སུ་སྤྱིར་རྟེན་གསུམ་མང་པོ་དང་། ཁྱད་པར་བླ་བྲང་གཞུང་དུ་ངོར་ཆེན་གཟིམ་ཆུང་། ལམ་ཟབ་ཕུག་ཏུ་ལམ་འབྲས་བླ་བརྒྱུད་དང་། ཕྱག་དཔེ་རིགས་བཀའ་རྒྱ་མ། དེའི་མདོར་དབ ང་ཁང་། ལམ་འབྲས་ལྷ་ཁང་དུ་ངོར་ཆེན་འདྲ་སྐུ་གཙོས་ལམ་འབྲས་བླ་བརྒྱུད་དང་། གདན་རབས་རིམ་བྱོན་གྱི་འདྲ་ཞལ་དང་སྐུ་གདུང་སོགས། འདུ་ཁང་ཕུག་ཏུ་ཐུབ་ཆེན་གྱིས་མཚོན་རྟེན་བྱིན་ཅན་མང་། ཐར་རྩེ་བླ་བྲང་དུ་བིཪྺ་པའི་བཞེས་ཐོད་དུ་གྲགས་པ་དང་། མགོན་པོའི་ཐུག་རྟེན་གནམ་ལྕགས་རྡོ་རྗེ་སོགས་ནང་རྟེན་འགའ་ཞིག་མཇལ་རྒྱུ་ཡོད། དགོན་པའི་གཤམ་དུ་ངོར་ཆེན་གྱིས་བཞེངས་པའི་བདེ་གཤེགས་མཆོད་རྟེན་བརྒྱད་སོགས་སྤྱིར་རྟེན་གསུམ་མང་དུ་བཞུགས་སོ། ། ༈ ངོར་ནས་ཆག་ཆག་ལ་བརྒྱུད་དཔལ་ས་སྐྱར་ཉིན་ཞག་གསུམ་ཙམ་གྱིས་གཙང་ལ་རུ་གཉིས་ཡོད་པའི་རུ་ལག་ཏུ་གཏོགས་པ་དཔལ་ས་སྐྱར་སླེབ། དེར་སྤྱིར་ལྷ་ཁང་དང་རྟེན་གསུམ་མཐའ་ཡས་པའི་དཀར་ཆག་མཁན་ཆེན་ཀུན་དགའ་ཟླ་འོད་ཀྱིས་མཛད་པ་ཡོད་པར་གྲགས་པ་སོགས་ལས་གསལ། རྟེན་གྱི་གཙོ་བོ་ངོ་མཚར་སྤྲུལ་པའི་རྟེན་བཞིར་གྲགས་པ་དབུ་རྩེའི་འཇམ་དབྱངས་གཟི་འོད་འབར་བ། སྒོ་རུམ་གྱི་བསེ་འབག་ནག་པོ་འཕུར་ཤེས། གཡུ་མཁར་མོའི་སྒྲོལ་མ་སེམས་དཔའ་སྲིབ་དགོན་ལྟག་སུམ་བརྩེགས། བ་རི་བའི་ཕྱི་རྟེན་རྣམ་རྒྱལ་མཆོད་རྟེན་རྣམས་ཡིན། གཞན་ཡང་ཉིན་དགོན་བླ་བྲང་ཤར་དུ་ས་ཆེན་གྱིས་འཇམ་དབྱངས་ཞལ་གཟིགས་པའི་སྒྲུབ་ཕུག །ཉིན་དགོན་གྱི་ལྟག་ཏུ་སློབ་དཔོན་བསོད་ནམས་རྩེ་མོ་མཁའ་སྤྱོད་དུ་གཤེགས་ས། ཉིན་དགོན་ཞབས་བརྟན་ལྷ་ཁང་དུ་རྗེ་བཙུན་གྲགས་པའི་སྐུ་རྩ་རིས་མ། སྒོ་རུམ་གྱི་སྟེང་དུ་རྗེ་ས་པཎ་གྱིས་རིག་གཏེར་བརྩམ་སའི་གཞུགས་ཁྲི་བྱིན་རླབས་ཅན། དབུ་རྩེར་ས་པཎ་གྱིས་ཕྱག་བྲིས་འཇམ་དབྱངས་གར་གཟིགས་མ། གཞི་ཐོག་བླ་བྲང་དུ་ཁྱད་འཕགས་ལྷོ་བྱང་སོགས་རྟེན་གསུམ་རབ་འབྱམས། གཤམ་དུ་འཕགས་པ་རིན་པོ་ཆེའི་ཆོས་ཁྲི་ཁམས་གསུམ་ཟིལ་གནོན། སྲིབ་དགོན་སྤྲུལ་པའི་ལྷ་ཁང་ཐུབ་ཆེན་འཛམ་གླིང་གཡས་བཞག་དང་། ཆོས་བརྩིགས་བྲག་རི་བརྩེགས་པ་ལྟ་བུ་སོགས་རྟེན་གསུམ་བློའི་ར་བ་ལས་འདས་པ་དང་། སངས་རྒྱས་ཀྱི་ཆོས་དུང་དཀར་མོ་རྒྱང་གྲགས། ཁའུའི་ཆུ་གྱེན་དེད་དུ་ཕྱིན་པའི་ལམ་བར་ཕྲུ་མ་ཞེས་པ་དེར་ས་ཆེན་སྐུ་འཁྲུངས་ས་ཡིན། སྐུ་འཁྲུངས་པའི་དུས་ཀྱི་མངལ་གྱི་ཕྲུ་མ་སོགས་བཞུགས་པའི་མཆོད་རྟེན་ཡོད། དེ་ནས་རིམ་པར་དཔལ་མགོན་ཞལ་གྱི་བཞུགས་གནས་ཁའུ་བྲག་རྫོང་ནག་པོའི་རི་ཁྲོད། རྗེ་བཙུན་གྲགས་པ་དང་ས་ལོ་འཇམ་པའི་རྡོ་རྗེ་སོགས་ཀྱི་སྒྲུབ་གནས་བྱ་འགྱར་པདྨ་འོད། ས་སྐྱ་དང་ཉེ་བར་བསམ་གླིང་ཞེས་དམག་ཟོར་མའི་མགོན་ཁང་བྱིན་ཆེན་སོགས་ཡོད། ། ༈ ས་སྐྱ་ནས་ནུབ་ཕྱོགས་སུ་ཞག་གཅིག་ཙམ་གྱི་སར་མང་མཁར་ལུང་བ་ཡོད། དེའི་ཕུར་རྗེ་བཙུན་གྲགས་པ་དང་། ཚར་ཆེན་སོགས་ཀྱི་སྒྲུབ་གནས་ཆ་ལུང་རྡོ་རྗེའི་བྲག་རྫོང་ཡོད། དེ་ནས་རིམ་པར་ཚར་ཆེན་གྱི་གདན་ས་མང་མཁར་ཐུབ་བསྟན་དགེ་འཕེལ། འབྲོག་མི་ལོ་ཙཱ་བའི་གདན་ས་མང་མཁར་མུ་གུ་ལུང་། འདི་དེང་སང་གནས་འཛིན་ཙམ་མ་གཏོགས་ཅིའང་མེད་རུང་། འབྲོག་མིའི་གཟིམ་ཕུག་འོད་གསལ་ཟླ་བ་ཕུག །རྒྱ་དཔེ་བསྒྱུར་ས་སྒྲ་བསྒྱུར་ལོ་ཙཱ་ཕུག །ལམ་འབྲས་གནང་ས་གསུང་ངག་ལམ་འབྲས་ཕུག་སོགས་ཕུག་ཆེན་བཅུ་གསུམ་དུ་གྲགས་པ་རྣམས་མཇལ་རྒྱུ་ཡོད། དེ་ཐམས་ཅད་ས་ཕུག་ཁོ་ན་ཡིན། དེ་ནས་རིམ་པར་སྔགས་འཆང་བསོད་ནམས་ཆོས་འཕེལ་སོགས་ཀྱི་གདན་སའི་ཤུལ་དང་། མང་མཁར་གྱི་གཞུང་དུ་ལོ་ཙཱ་བ་རྨ་རིན་ཆེན་མཆོག་གི་འཁྲུངས་ཡུལ་ཡིན་སྐད་གྲོང་བ། མང་མཁར་གྱི་མདོར་ཚར་ཆེན་རིན་པོ་ཆེའི་རིང་ལུགས་འཛིན་པའི་འདར་གྲོང་མོ་ཆེ། འདིར་ཚར་ཆེན་རིན་པོ་ཆེའི་གདུང་འབུམ་བྱིན་རླབས་ཅན་བཞུགས། འདི་དང་ཉེ་བར་སེ་མཁར་ཆུང་ཡང་ཡོད། གྲམ་པ་ལྷ་རྩེ་ཞེས་པའི་ཞོལ་དུ་འབྲོག་མི་ལོ་ཙཱ་དང་ག་ཡ་དྷ་ར་ཐོག་མར་མཇལ་བའི་སྒྲུབ་ཕུག་ཡོད། འདི་ནས་ཡར་སྟོད་ཕྱོགས་ལ་གྲུབ་ཆེན་ཐང་སྟོང་རྒྱལ་པོའི་གདན་ས་གཅུང་རི་བོ་ཆེ། གཙང་བོ་ཕ་རིའི་བྱང་བརྒྱུད་དུ་བྱང་ངམ་རིང་། རིག་འཛིན་རྒོད་ལྡེམ་གྱི་གཏེར་གནས་ཟང་ཟང་ལྷ་བྲག །རི་བོ་བཀྲ་བཟང་། རི་ཀུན་ཏུ་གཟིགས། ས་ཆེན་ཞིང་གཤེགས་སའི་གནས་བྱང་ཕྱོགས་སྐྱ་པོ་ཁ་གདོང་སོགས་མང་དུ་ཡོད་ཀྱང་ཐག་རིང་ལ་སྟོད་ཕྱོགས་ནས་རིམ་པར་ཡར་ཕྱིན་ན་ཕ་དམ་པའི་གཞུགས་གནས་དིང་རི། གངས་དཀར། བཀའ་བརྒྱུད་སྤྱི་དང་། ཁྱད་པར་རྒོད་ཚང་པའི་སྒྲུབ་གནས་རྩིབས་རི་རྒོད་ཚང་། རྗེ་བཙུན་མི་ལའི་འཁྲུངས་ཡུལ་མང་ཡུལ་གུང་ཐང་། ཡོལ་མོ་གངས་ཀྱི་ར་བ། མང་ཡུལ་སྐྱིད་གྲོང་ནས་བལ་ཡུལ་སོགས་དང་། ལ་སྟོད་བྱང་གི་ཕྱོགས་ནས་གངས་རི་ཏི་སེའི་བར་གནས་ཆེན་མཐའ་ཡས་པ་ཡོད། ། ༈ གོང་གི་ལྷ་རྩེ་དང་ཉེ་བར་མཐའ་འདུལ་གྱི་གཙུག་ལག་ཁང་དུ་གཏེར་སྟོན་བཟང་པོ་གྲགས་པས་ལེའུ་བདུན་མ་སོགས་ཀྱི་གཏེར་གནས་རུ་ལག་གྲམ་པ་ལྗོངས་ཀྱི་ལྷ་ཁང་། རྒྱངས་འབུམ་མོ་ཆེ། རྒྱངས་ཡོན་པོ་ལུང་དུ་སློབ་དཔོན་སྒྲུབ་ཕུག་ཡོད། དེ་ནས་རིམ་པར་ཞང་སྟོན་ཆོས་འབར་གྱི་གདན་ས་ཞང་པགས་ཐང་དིང་ཞེས་པ་དེ་ཡོད་ཀྱང་ཤུལ་ཙམ་མ་གཏོགས་ཅིའང་མེད། དེ་ནས་རྗེ་བཙུན་ཏཱ་ར་ནཱ་ཐས་གསར་བཏབ་དགའ་ལྡན་ཕུན་ཚོགས་གླིང་ཞེས་དེང་སང་ཆོས་ལུགས་དགེ་ལུགས་པ་ཡིན། རི་མཐིལ་གཉིས་ཀར་གཙུག་ལག་ཁང་དང་། དགོན་གནས་རྟེན་གསུམ་སོགས་ཀྱི་བཀོད་པ་ཤིན་ཏུ་དངོས་གཙང་ཞིང་ངོ་མཚར་བ་བཞུགས། འདིའི་ཕུར་ཀུན་མཁྱེན་དོལ་བུ་པའི་གདན་ས་རི་ཁྲོད་ཇོ་མོ་ནང་ཞེས་གྲགས་པར་སྐུ་འབུམ་མཐོང་གྲོལ་ཆེན་མོས་མཚོན་རྟེན་གསུམ་བྱིན་ཅན་མང་དུ་བཞུགས་ཤིང་། སྤྱིར་སྒྲུབ་ཕུག་སྐོར་མཇལ་རྒྱུ་མང་བ་ཞིབ་ཆ་རྗེ་བཙུན་ཏཱ་ར་ནཱ་ཐས་མཛད་པའི་གནས་བཤད་དུ་གསལ། ཕུན་གླིང་ནས་ཉེ་བར་བྲག་རམ་མགོན་ཁང་ཞེས་བེཀ་རྩེའི་མགོན་ཁང་གྲགས་ཆེ་བ་དེ་ཡོད། ཕུན་ཚོགས་གླིང་ནས་ཉིན་ལམ་ཙམ་དུ་དགེ་བའི་བཤེས་གཉེན་མུ་དྲ་ཆེན་པོས་བཏབ་ཅིང་། དཔང་ལོ་ཆེན་པོ་ཁུ་དབོན་དང་། བོ་དོང་པཎ་ཆེན་སོགས་ཀྱི་གདན་ས་བོ་དོང་ཨེའི་གཙུག་ལག་ཁང་ཞེས་པ་དེ་ཡོད་ཀྱང་དེང་སང་སེར་ཁྱིམ་ཡིན། བོ་དོང་པཎ་ཆེན་གྱི་རིང་བསྲེལ་ལས་གྲུབ་པའི་སྐུ་སོགས་རྟེན་བྱིན་ཅན་འགའ་ཞིག་མཇལ་རྒྱུ་ཡོད། དེ་དང་ཉེ་བར་མཉེན་ཡོད་བྱ་རྒོད་གཤོང་ཞེས་པ་དེ་ཡོད། ཆོས་རྒྱལ་དུས་ཀྱི་མཐའ་འདུལ་གྱི་གཙུག་ལག་ཁང་ཡིན། རྣམ་སྲས་མདུང་དམར་ཅན་གྱི་སྐུ་བྱིན་ཅན་བཞུགས། མང་ཐོས་ཀླུ་སྒྲུབ་རྒྱ་མཚོ་སོགས་ཀྱི་དུས་ས་སྐྱའི་མཚན་ཉིད་གྲྭ་ཚང་ཆེན་པོ་ཡིན་ནའང་དེང་སང་མིང་མ་བོར་ཙམ་ལས་མེད། གྲུབ་ཐོབ་འདར་འཕྱར་གྱི་གདུང་བརྒྱུད་བླ་མ་སྙིང་རི་བ་ཞེས་པ་དེའང་འདི་ཕྱོགས་བཞུགས་ས་ཡིན། བོ་དོང་ནས་ཉིན་ལམ་ཙམ་ན་སྔོན་མོ་ཆོས་རྫོང་དང་། ས་སྐྱ་པའི་བླ་མ་གོང་མའི་གདན་ས་ཤ་བ་དགེ་སྡིངས་རྡོ་རྗེའི་ཕོ་བྲང་ཞེས་པ་དེ་ཡོད། འདི་དང་ཉེ་བར་ཁྲོ་ཕུ་ལོ་ཙཱ་བ་བྱམས་པའི་དཔལ་གྱི་གདན་ས་ཁྲོ་ཕུ་བྱམས་ཆེན་ཆོས་སྡེ་ཞེས་པ་དེ་ཡོད། དེར་བྱམས་པ་དགུང་ལོ་བརྒྱད་པའི་སྐུ་ཚད་ཁྲུ་བརྒྱད་ཅུ་པའི་ལྷ་ཆེན་བོད་ཀྱི་གསེར་སྐུ་ཞིག་ལ་ངོ་མཚར་ཆེ་བ་དེ་དང་། ཁྱད་འཕགས་བཅུ་གསུམ་སོགས་མཇལ་རྒྱུ་ཡོད། མང་མཁར་སོགས་སྟོད་ཀྱི་གནས་རིགས་བསྐོར་མ་གྲུབ་ཀྱང་ས་སྐྱ་ནས་མར་ལན་ཤབ་དགེ་སྡིངས་བརྒྱུད་འོངས་ན་འདིར་སླེབ་པ་ཡིན། ཁྲོ་ཕུ་ནས་གངས་ཅན་ཆོས་འཕེལ་ཞེས་པཎ་ཆེན་བཟང་པོ་བཀྲ་ཤིས་ཀྱི་གདན་ས་དེར་དམག་ཟོར་མའི་སྐུ་བྱིན་ཅན་ཡོད། དེ་ནས་སྟག་ལ་ནུབ་བརྒྱུད་སྣར་ཐང་དུ་སླེབ། ། ༈ གཞིས་ཀ་རྩེ་ནས་གཙང་པོ་ཕ་རིའི་ཕྱོགས་སུ་ཕྱིན་ན་རྟ་ནག་ཕྱོགས་སུ་ཀུན་མཁྱེན་བསོད་ནམས་སེང་གེའི་གདན་ས་ཐུབ་བསྟན་རྣམ་རྒྱལ། འགོས་ལོ་ཙཱ་བ་ཁུག་པ་ལྷས་བཙས་ཀྱི་སྒྲུབ་ཕུག་བྱིན་ཅན། སྒྲོལ་ཆེན་རིམ་བྱོན་གྱི་གདན་ས་སྒྲོལ་མ་ཕུག །དེ་ནས་གཙང་པོ་རྒྱུད་ཡར་ཕྱོགས་རིམ་པར་བཞད་ཐུབ་བསྟན། རྒྱལ་སྲས་ཐོགས་མེད་ཀྱི་གདན་ས་བཞད་དངུལ་ཆུ་ཆོས་རྫོང་། མུས་ལུང་པའི་སྟོད་སྨད་དུ་མུས་ཆེན་སེམས་དཔའ་ཆེན་པོའི་གདན་ས། དབེན་གནས་བསམ་གཏན་ཕུག །གླེ་ལུང་། སྟག་མོ་གླིང་ཁ་སོགས་ཡོད། གཙང་བོ་བྱང་བརྒྱུད་ཐུར་དུ་ཕྱིན་ན་ཤངས་ལུང་པའི་སྟོད་སྨད་བར་གསུམ་དུ་སྤྱིར་གནས་རྟེན་མང་པོ་དང་། ཁྱད་པར་ཤངས་མདར་ཟུར་ཆེ་ཆུང་གི་སྒྲུབ་གནས་ཤངས་མདའ་དཔལ་ཆེན། ཤངས་གཞུང་དུ་གྲུབ་ཆེན་ཁྱུང་པོ་རྣལ་འབྱོར་གྱི་གདན་ས་ཤངས་ནང་ཞང་རྡོ་རྗེ་གདན། གྲུབ་ཆེན་རྨོག་ལྕོག་པའི་གདན་ས་རྨོག་ལྕོག །གྲུབ་ཆེན་འབའ་ར་བའི་གདན་ས་འབའ་ར་བྲག་དཀར། ཤངས་ཀྱི་ཕུར་གཙང་གི་སྒྲུབ་གནས་ཀུན་གྱི་གཙོ་བོ་ཤངས་ཟམ་བུ་ལུང་བདེ་གཤེགས་འདུས་པའི་ཕོ་བྲང་། དེ་དང་འགོ་འབྲེལ་དུ་གནས་ཆེན་སོག་པོ་འཛུལ་ཁུང་སོགས་ཁྱད་པར་ཅན་ཡོད། ཤངས་ནས་ཕར་ལ་བརྒལ་ནས་ཕྱིན་ན་འུ་ཡུག་ཏུ་སླེབ། འདིའི་སྟོད་སྨད་དུ་བཀའ་གདམས་པ་རམ་ལྡིང་མ་བདེ་གཤེགས་འབྱུང་གནས་གདན་ས། འུ་ཡུག་ལྡིང་མ་དགོན་དུ་རྟེན་གསུམ་བྱིན་ཅན་དང་། ཁྱད་པར་ཆུ་མྱོང་གྲོལ་སོགས་ཡོད། མདར་འུག་གདོང་དུ་སློབ་དཔོན་རིན་པོ་ཆེའི་སྒྲུབ་ཕུག །འུ་ཡུག་མདར་དམ་ཅན་གྱི་སྐུ་མཁར་དང་། གོས་སྔོན་ལྷ་ཁང་སོགས་ཡོད། འུ་ཡུག་སྟོད་ནས་ལ་བརྒལ་ནས་ཕྱིན་ན་རིམ་པར་ཀརྨ་ཞྭ་དམར་པའི་གདན་ས་ཐུབ་བསྟན་ཡངས་པ་ཅན་དང་། བྱང་གནམ་མཚོ་སོགས་དང་འབྲེལ་བ་ཡིན། འུ་ཡུག་སྨད་ནས་རིམ་པར་གཞུ་སྙེ་མོར་སླེབ། སྙེ་མོར་བཻ་རོ་ཙ་ནའི་འཁྲུངས་ཡུལ་དང་། དགུང་ལོ་བརྒྱད་པའི་ཞབས་རྗེས་སོགས་ཡོད་སྐད། འུ་ཡུག་ནས་མཚུར་ཕུ་ལ་རྒན་བརྒྱུད་སྟོད་ལུང་མཚུར་ཕུར་སླེབ་པ་ཡིན། ། ༈ གོང་གི་གཞིས་ཀ་རྩེ་ནས་གཙང་པོ་ལྷོ་རྒྱུད་ནས་མར་ཕྱིན་པས་རིམ་པར་པཎ་ཆེན་ཤཱཀྱ་མཆོག་ལྡན་གྱི་གདན་ས་ཐུབ་བསྟན་གསེར་མདོག་ཅན། འདི་སྔར་མཚན་ཉིད་ཀྱི་གྲྭ་ཚང་ཆེན་པོ་ཡིན་ཡང་དེང་སང་མིང་མ་སྟོང་ཙམ་ལས་མེད། འོན་ཀྱང་རྟེན་གསུམ་བྱིན་ཅན་ཡོད། འདིའི་སྤན་ཐག་མའི་ཕུར་སྔ་འགྱུར་རྙིང་མའི་གདན་ས་ཆེན་པོ་ཟུར་འུག་པ་ལུང་ཞེས་གྲགས་པ་དེ་ཡོད། དེང་སང་གྲོང་པ་ཡིན་ཀྱང་ལྷ་ཁང་དང་རྟེན་བྱིན་ཅན་འགའ་ཞིག་ཡོད། ཕུང་པོ་རི་བོ་ཆེར་ཨོ་རྒྱན་གྱི་སྒྲུབ་གནས་དང་། རྒྱ་ཞང་ཁྲོམ་གྱི་གཏེར་གནས། ལྔ་པ་རིན་པོ་ཆེའི་དུས་བཏབ་པའི་གྲྭ་ཚང་ཞིག་ཀྱང་ཡོད། གཙང་རོང་ཆེན་དུ་སེམས་དཔའ་ཆེན་པོ་གཞོན་ནུ་རྒྱལ་མཆོག་གིས་བཏབ་པའི་བྱམས་ཆེན་ཆོས་སྡེར། བྱམས་པའི་སྐུ་ཁྲོ་ཕུ་བྱམས་པ་དང་མཚུངས་པ་སོགས་རྟེན་གསུམ་མང་དུ་ཡོད། གཙང་རོང་ཆུང་དུ་འབྲས་ཡུལ་སྐྱེད་ཚལ་བ་གོང་འོག་དང་། བྱང་བདག་བཀྲ་ཤིས་སྟོབས་རྒྱལ་གྱི་གཏེར་གནས་ཁམས་ཕུ་ལུང་ཨོ་རྒྱན་སྒྲུབ་ཕུག་སོགས་ཡོད། རོང་ཆེན་གྱི་གཞུང་ནང་དུ་ངུར་སྨྲིག་གི་སྒྲོལ་མ་ཁང་དང་། རྙིང་མའི་གདན་ས་གངས་ར་ངེས་གསང་རྡོ་རྗེ་གླིང་། གཏེར་སྟོན་རྒྱ་ཞང་ཁྲོམ་འཁྲུངས་ས་དུམ་པ་ཆུ་ཚན་ཁ། རོང་གི་ཕུར་སྣ་ནམ་རྡོ་རྗེ་བདུད་འཇོམས་ཀྱི་སྒྲུབ་གནས། དེ་ནས་ལ་བརྒལ་ནས་ཡར་འབྲོག་མཚོ་ཁ་དང་། གམ་པ་ལ་བརྒྱུད་དཔལ་ཆུ་བོ་རིར་སླེབ་པ་ཡིན། ཆུ་བོ་རི་འདི་བོད་ལ་བདེ་སྐྱིད་འབྱུང་བའི་རི་ཆུ་མིག་བརྒྱ་རྩ། སྒྲུབ་གནས་བརྒྱ་རྩ་སོགས་ཡོད་པར་གྲགས། དེང་སང་གྲགས་ཆེ་བ་ལྕགས་ཟམ་ཁར་ལྕགས་ཟམ་བླ་བྲང་། མཆོད་རྟེན། གཟིམ་ཕུག་བླ་བྲང་སོགས་སུ་གྲུབ་ཆེན་ཐང་སྟོང་རྒྱལ་པོའི་སྐུ་གསུང་ཐུགས་རྟེན་བྱིན་ཆེན་ཅི་རིགས་པ་དང་། ལྕགས་ཟམ་རྩེར་རིག་འཛིན་ལེགས་ལྡན་རྗེའི་གཟིམ་ཕུག་གོང་དཀར་ཕྱོགས་སུ་ཁ་བལྟ་བའི་སར་ཚེས་བཅུ་བཀོད་པའི་བླ་བྲང་། དེ་དང་ཉེ་བར་ཚེ་ཆུ་ཁྱད་འཕགས། ནུབ་ཕྱོགས་པདྨ་དབང་ཕྱུག །རྩེར་སློབ་དཔོན་ཆེན་པོའི་སྒྲུབ་གནས་བྲག་ཕུག་ཆེན་པོ་བརྒྱད་ཀྱི་ནང་ཚན་དབེན་གནས་ནམ་མཁའ་ལྡིང་ཞེས་པའི་སྒྲུབ་ཕུག་བྱིན་ཅན། ཆུ་བོ་རིའི་བྱང་ཕྱོགས་སུ་བྲག་ཐོག་ཅེས་པ་གོང་དཀར་རྡོ་རྗེ་གདན་གྱི་བླ་མ་བྲག་ཐོག་པ་བསོད་ནམས་བཟང་པོའི་གདན་ས་ཡིན། སོ་སོའི་འདྲ་སྐུ་སོགས་ཡོད། ལྕགས་ཟམ་ཕ་རིའི་ཕྱོགས་སུ་ཡོལ་རི་གོང་ཞེས་པ་ཤངས་པ་བཀའ་བརྒྱུད་ཀྱི་གྲུབ་ཆེན་རི་གོང་པ་སངས་རྒྱས་གཉེན་སྟོན་གྱི་སྒྲུབ་གནས་མགོན་པོ་བྱིན་ཅན་སོགས་ཡོད། ། ༈ དེ་ནས་གཙང་པོ་བྱང་ཆུ་ཤུལ་སོགས་བརྒྱུད་ཆུ་གྱེན་དེད་རིམ་པར་ཕྱིན་པས་སྣམ་ཞེས་པའི་ཕུར་འབྲུག་སེ་བ་བྱང་ཆུབ་ཆོས་གླིང་ཡོད། འདི་འབྲུག་པ་ཞེས་མཚན་དང་པོར་ཐོགས་ས་ཡིན། གཞུང་ལམ་ནས་ཡར་ཕྱིན་པའི་ལམ་ཁ་རང་དུ་ཇོ་བོ་རྗེའི་གདན་ས་སྙེ་ཐང་ཞེས་པ་དེ་ཡོད། དེའང་སྙེ་ཐང་འོར་དུ་མཆོད་ཁང་ནང་ཇོ་བོ་རྗེའི་གདུང་རྟེན་སོགས་རྟེན་བྱིན་རླབས་ཅན་སྣང་། དེའི་འོག་ཏུ་ཇོ་བོ་རྗེའི་འདྲ་སྐུ་ང་འདྲ་མ་ཇོ་བོ་རང་གི་མཛུབ་རྗེས་ཅན་དང་། བླ་མ་དམ་པ་བསོད་ནམས་རྒྱལ་མཚན་གྱི་གདུང་འབུམ་ཆེན་པོ་སོགས། འདིའི་གཙང་པོ་ཕ་རིར་རི་ཕུག་ཏུ་རྔོག་ལེགས་པའི་ཤེས་རབ་དང་། བློ་ལྡན་ཤེས་རབ་ཀྱི་གདན་ས་བོད་ཡུལ་རིག་པའི་འབྱུང་གནས་གསང་ཕུ་ནེའུ་ཐོག་ཅེས་པའི་ཆོས་གྲྭ་ཡོད་ཀྱང་དེང་སང་གྲོང་ནག་ཡིན། འོན་ཀྱང་གཙུག་ལག་ཁང་དང་། རྟེན་བྱིན་ཅན་འགའ་ཞིག །གཡག་རོང་གཉིས་ཀྱི་གཟིམ་སྐྱིལ། བསེ་ཁྲབ་པའི་མགོན་ཁང་། ཕྱྭ་པའི་གདུང་འབུམ་སོགས་མཇལ་རྒྱུ་དང་། གསང་མདར་ལོ་ཙཱ་བ་བློ་ལྡན་ཤེས་རབ་ཀྱི་སྐུ་གདུང་བཞུགས་སའི་ཁང་ཆུང་ཞིག་ཡོད། དེ་ནས་གཙང་པོ་མར་བརྒྱུད་ཕྱིན་ན་ཉིན་ལམ་ཙམ་གྱི་སར་མངའ་བདག་ཁྲི་རལ་པ་ཅན་གྱིས་བཞེངས་པའི་འུ་ཤངས་རྡོ་དཔེ་མེད་དགེ་འཕེལ་གྱི་ལྷ་ཁང་ཤུལ་དུ་གསར་བཞེངས་ལྷ་ཁང་དང་ཇོ་བོ་སོགས་སྤུས་གཙང་བ་བཞུགས། འདིའི་ཕུར་ཀུན་མཁྱེན་ཀློང་ཆེན་པའི་བཞུགས་གནས་གངས་རི་ཐོད་དཀར་གྱི་གཟིམས་ཁང་། ཉེ་ལོགས་སུ་བོད་ཀྱི་རི་བོ་རྩེ་ལྔ། དེའི་མདུན་རྒྱབ་ཏུ་ལྷ་རིང་ཀློང་ཆེན་བྲག་ཅེས་པའི་གུ་རུའི་སྒྲུབ་ཕུག་དང་། སློབ་དཔོན་རིན་པོ་ཆེའི་སྒྲུབ་གནས་བྲག་དམར་ཟང་ཡག་ནམ་མཁའ་རྫོངས་ཞེས་གུ་རུ་ཇོ་རྩེའི་གཏེར་གནས་དེ་ཡོད། སྙེ་ཐང་ནས་གཙང་པོ་གྱེན་དེད་ཕྱིན་པས་སྟོད་ལུང་མདའ་བརྒྱུད་ནས་ལྷ་སར་ཕྱིན་པ་ཡིན། ། ༈ སྟོད་ལུང་མདར་སློབ་དཔོན་རིན་པོ་ཆེས་རྫུ་འཕྲུལ་གྱིས་བཏོན་པའི་གཞོང་པ་ལྷ་ཆུ་དེ་དང་ཉེ་བར་སྔར་མཚན་ཉིད་ཀྱི་གྲྭ་ཚང་ཆེ་བ་སྐྱོར་མོ་ལུང་དང་། ཆུ་ཕ་རིར་དགའ་བ་གདོང་ཞེས་པ་ཡོད། དགའ་བ་གདོང་དུ་བླ་མ་དབུ་མ་པ་ལ་ཞུ་སྣ་བརྒྱུད་ནས་རྗེ་རིན་པོ་ཆེས་འཇམ་པའི་དབྱངས་ལ་དྲི་བ་མཛད་ས་སྒྲུབ་ཕུག་དེའང་སྣང་འདི་དང་ཉེ་བ་ནས་ཕྱིན་པར་ར་ཚག་ཅེས་པར་ནཱ་རོ་པའི་ཐུགས་དམ་རྟེན་ནཱ་རོ་མཁའ་སྤྱོད་མའི་སྐུ་བཞུགས་ས་ཞིག་ཡོད་སྐད་པ་རྩད་དཔྱད། དགའ་གདོང་ནས་མར་ཕྱིན་པའི་སྟོད་ལུང་མདར་རི་སྒང་ཞིག་ཏུ་དངོས་གྲུབ་སྡིངས་ཞེས་སེར་སྲུང་འདུག་སའི་སྒྲུབ་ཁང་ཆུང་ངུ་ཡོད། འདི་བལ་པོ་སྨོན་ལམ་སེང་གེ་ཞེས་པས་བཏབ་པར་གྲགས། སློབ་དཔོན་རིན་པོ་ཆེས་བསམ་ཡས་ས་འདུལ་མཛད་པའི་ཕུར་ཆ་རགས་རིམ་དང་། གངས་དཀར་ཤ་མེད་བཏུལ་བའི་ཕྱག་མཚན་རྡོ་རྗེ། ས་ར་ཧའི་སྒོམ་ཐག །ནཱ་རོ་པའི་རུས་རྒྱན་སོགས་ནང་རྟེན་ཁྱད་པར་འཕགས་པ་མང་པོ་མཇལ་རྒྱུ་ཡོད། སྟོད་ལུང་ནང་ནས་ཡར་ཕྱིན་པས་ཞག་གཅིག་གིས་ཀརྨའི་གདན་ས་སྟོད་ལུང་མཚུར་ཕུར་སླེབ། འདི་དང་སྟོད་ལུང་བར་མཚུར་ཕུར་ཉེ་བར་གནས་ནང་དཔའ་བོའི་གདན་སར་ཞྭ་དམར་གྲགས་པ་སེང་གེའི་སྐུ་གདུང་སོགས་ཡོད། མཚུར་ཕུར་ལྷ་ཁང་དང་རྟེན་གསུམ་ཤིན་ཏུ་མང་བར་བཞུགས་ཤིང་། གཙོ་བོ་ཀརྨ་པཀྴིས་བཞེངས་པའི་ཐུབ་ཆེན་འཛམ་གླིང་རྒྱན། རྒྱལ་བའི་དབང་པོ་སྐུ་རབས་ཕལ་ཆེར་གྱི་སྐུ་གདུང་། འདྲ་སྐུ་སོགས་བྱིན་ཅན་མང་དུ་བཞུགས། སྐོར་ལམ་དུ་རྗེ་རང་བྱུང་རྡོ་རྗེའི་སྒྲུབ་གནས་པདྨ་ཁྱུང་རྫོང་སོགས་མང་དུ་མཇལ་རྒྱུ་ཡོད་དོ། །དེ་ལྟར་གྲོལ་བ་བཞི་ལྡན་གནས་རྟེན་མཆོག །ལུས་ཅན་ཀུན་གྱི་རྫོགས་སྨིན་སྦྱངས་པའི་ཞིང་། །ཇི་ལྟར་བཞུགས་པའི་དཀར་ཆག་རགས་རིམ་འདིས། །དད་ལྡན་ཐར་པར་བགྲོད་པའི་ལམ་མཚོན་ཤོག །ཅེས་པའང་བྱ་བྲལ་བ་མཉྫུ་གྷོ་ཥས་སོ།། །།

[edit]

dbus gtsang gnas rten dkar chag mdor bsdus dad pa'i sa bon/ @#/_/dbus gtsang gi gnas rten rags rim gyi mtshan byang mdor bsdus dad pa'i sa bon zhes bya ba bzhugs so//__//oM swasti sid+d+haM/__/grags pa'i dpal ni srid zhi'i bla na mtho/__/thugs rje'i grib mas lus can gdung ba sel/__/yid bzhin 'dod pa 'jo ba'i gdugs dkar po/__/dkon mchog gsum gyis shis pa'i me tog stsol/__/de la 'phags mchog phyag na pad+mos sangs rgyas kyi zhing yongs su sbyong bar mdzad pa'i yul/__gangs ri dpal dang ldan pas bskor ba'i ljongs/__bod chol kha gsum zhes grags pa'i ya gyal/__dbus gtsang dam pa chos kyi chol kha zhes gangs can 'dzin ma'i rgyan gcig pur gdod nas grub pa'i gnas rten rags rim gyi mtshan byang tsam bkod pa 'di lta ste/__thog mar dbus la dbu ru dang /__g.yo ru gnyis zhes grags pa'i dbu ru byang rgyud du byang rwa sgreng rgyal ba'i dben gnas zhes 'brom ston pa rgyal ba'i 'byung gnas kyi gdan sa chen po lha shing ljon pa'i dga' tshal du mchod khang khag shin tu mang bar bzhugs pa'i rten gyi gtso bo rdo rje 'chang yab yum gyi ye shes chen po'i thig le las bskrun pa jo bo 'jam pa'i rdo rje 'di phyi'i gsol ba btab tshad 'grub pa'i yid bzhin gyi nor bu/__bla ma gser gling pa/__jo bo/__'brom ston rnams kyi gdung rten sogs sus kyang mjal du yod cing /__jo bo'i sku 'dra dbu yon ma sogs nang rten rtsa ba che ba rnams bla brang la zhus na mjal kha 'ong /__gzhan 'brom ston bla shing bdud rtsi'i chu mig ring mo sogs dgon pa'i nye skor la'ang mjal rgyu mang du yod/__de'i ltag brag seng ge 'dra ba'i zhol du yang dgon zhes par rje rin po ches lam rim brtsams pa'i chos khri sogs ngo mtshar ba mang /__dgon pa'i mdor pha bong thang du mkha' 'gro ma gsang ba ye shes kyi pho brang la bde mchog gi sngags bzla ba dang bcas g.yon bskor du bskor na phyi ma o rgyan gyi yul du skye ba sogs lung bstan pa yod/__bcom lha khang gdong zer ba de dpon po mi dbang gis sa gnad kyi me btsar bzhengs par grags/__de nas gser gling rgod tshang du stag lung pa sangs rgyas yar byon gyi bzhugs gnas sgrub khang sogs yod/__dpal stag lung thang du rten gsum rab 'byams bsam gyis mi khyab pa rten gyi gtso bo stag lung thang pa rin po che'i gzim skyil du 'dra sku gsung byon ma/__gtsug lag gi steng du 'brom ston pa'i sku dbu skra 'phel ba sogs ngo mtshar ba mang du bzhugs/___/__!_de nas chag la brgal nas dbu ru 'phan yul ces bka' gdams kyi bstan pa'i 'byung gnas chen po der sne'u zur ba/__po to ba/__phu chung ba sogs dge ba'i bshes gnyen rnams kyi gdan sa mtha' klas pa yod na'ang 'ga' zhig ri sbug tu song bas rtsad chod dka'/__phal cher shul tsam ma gtogs med/__yongs grags dge ba'i bshes gnyen sha ra ba'i gdan sa sha ra 'bum par mchod rten byin can mang po dang /__glang thang pa rdo rje seng ge'i gdan sa glang thang du sgrol ma gsung byon ma sogs rten byin rlabs can yod/__kun mkhyen rong ston chen po'i gdan sa dpal nA len+d+rar rong ston gyi sku gdung nor bu dbyig tu gyur pas mtshon tshogs chen/__bco brgyad bla brang /__gzim khang sogs rten gsum byin can mang po dang /__rong ston chen pos chos khri sogs bzhugs/__de nas sgo la brgyud lha ldan sprul pa'i gtsug lag khang du jo bo yid bzhin nor bu/__thugs rje chen po rang byon lnga ldan/__byams pa chos 'khor/__sgrol ma dar len ma/__'od zer 'phros pa'i lha bzhi sogs steng shod bar gsum/__khor yug dang bcas par rten gsum rab 'byams ji snyed cig bzhugs pa'i dkar chag rgyal dbang lnga pa rin po ches mdzad pa ltar/__rgyud stod pa/__ra mo che'i jo bo mi bskyod rdo rje/__spyan ras gzigs kyi pho brang po ta lar rgyal dbang lnga pa rin po che'i gser gdung 'dzam gling rgyan gcig steng 'og bar gsum nas mjal rgyu yod/__khyad par du bum sgo'i thad ston pa glang po'i skye ba bzhes pa'i tshems sogs ngo mtshar can dang /__bskal bzang rgya mtsho/__'jam dpal rgya mtsho/__lung rtogs rgya mtsho/__tshul khrims rgya mtsho/__mkhas grub rgya mtsho'i bar gyi gser gdung /__jo bo lo ke shwa ra bzhugs pa'i khang du rje btsun grags pa'i sku 'dra mdze thod ma/__kha che paN chen rdza sku/__thang rgyal sku 'ja' tshon ma/__o rgyan rin po che'i gung thang la kha'i zhabs rjes sogs nang rten khyad par can mang po/__shod du chos rgyal srong btsan gzim phug__/gzhan yang dus 'khor dang /__gsang 'dus kyi blos slong khang sogs lha khang rab 'byams mtha' yas pa bzhugs/__phal cher rgyun du zhal mi phyed/__phyag na rdo rje'i bla ri lcags po rir grub chen thang stong rgyal pos bzhengs pa'i bye ru'i tshe dpag med/__dung gi thugs rje chen po/__g.yu yi sgrol ma sogs rten byin can mang du yod/__brag lha klu phug ces chos rgyal srong btsan sgam po'i gzim phug__/phyis 'phags pa lce sgom gyis thugs rje chen po'i grub pa thob pa'i gnas der yang rten gsum ci rigs pa yod/__po ta la'i rgyab phyogs 'jam dbyangs kyi bla ri bong ba ri zhes grags pa de yin kyang /__rtser lha khang zhig yod pa ni ge sar lha khang yin gzhan kun bde gling /__rta tshags/__bstan rgyas gling /__de mo/__tshe smon gling /__no mi han/__gzhi sde/__rwa sgreng /__dmar ru rgyud sma dang gsar rnying sogs su rten gsum rab 'byams dang /__phyogs bzhir chos rgyal dus su bzhengs par grags pa'i rigs gsum mgon po'i rdo lha/__lha sa'i pha rir ka chen ye shes rgya mtsho'i gdan sa grib tshe mchog gling /___/__!_lha sa dang nye bar chos sde chen po 'bras spungs grwa tshang khag bzhi/__tshogs chen dang bcas par rten gsum shin tu mang /__gtso bor ngo mtshar che ba rwa lo chen po'i sku gdung bzhugs par grags pa'i 'jigs byed sku/__dga' ldan pho brang du jo bo rje'i thugs dam sgrol ma gsung 'byon ma sogs nang rten khyad 'phags/__'bras spungs 'jam dbyangs chos rje'i gzim chung /__spar khang du rje rin po che dang /__rgyal ba gong 'og gis gsung 'bum sogs spar mang du bzhugs/___/__!_lha sa'i byang du se ra grwa tshang khag gnyis/__tshogs chen bcas kyi rten gsum mtha' yas pa'i gtso bo/__byes pa grwa tshang gi rten gtso grub thob 'dar 'phyar gyi phur pa/__rta mgrin yang gsang khros pa'i sku gsung byon ma sogs bzhugs/__spyir se 'bras dga' gsum/__bkra shis lhun po bcas grwa sa chen po bzhi/__rgyud stod smad bcas kyi dkar chag rgyas pa phur bu lcog byams pas mdzad par shin tu gsal/__se ra dang nye ba'i lung pa'i gsham du chos rgyal srong btsan sgam po'i sgrub gnas pha bong khar sgrub phug dang rten gsum byin can mang du bzhugs/__'di yul nyer bzhi'i nang tshan de wI ko Ta gnyis pa yin par grags/__gzhan yang 'bras spungs dge 'phel ri khrod/__se ra sgrub khang rtse/__phur bu lcog__/mkhar rdo ri khrod/__chu bzang ri khrod/__brag ri gsar rnying sogs ri khrod shin tu mang bar yod/___/__!_lha sa nas gtsang po byang du gyen brgyud/__brag yer zla phug tu o rgyan rin po che'i sku tshab dang /__rang byon mang po/__rdo rje phug__/dril bu phug__/yer ba'i grub thob brgyad cu'i phug pa/__gtsug lag khang du jo bo'i gsol sder la jo bo rje'i shangs mtshal gyis sku bris pa/__gnas brtan bcu drug gi lha khang zhes byin can sogs/__'brom stod du gnyan lo tsA ba'i gzim phug tu mgon po zhal gyi sku khyad par can yod/__gtsang po lho rgyud tshal gung thang zhes grags pa bla ma zhang gi gdan sa yin/__mchod rten chen po dang /__mgon po phyag bzhi pa'i mgon khang sogs rten gsum mang /__de nas yar phyin pa na 'brog dge ldan rnam par rgyal ba'i gling du rje rin po che'i sku gdung hril pos gtsos rten gsum mtha' yas pa dang /__phyi yi skor lam du'ang rang byon mang du ngo bstan rgyu yod/__'di nas yar phyin pa na la mo chos skyong tshangs pa dung thod can/__rgya ma khri khang /__mal gro ska tshal/__dbu ru zhwa'i lha khang /__'bri gung rdzong sar/__yang ri dgon/__'bri gung thil/__gzho stod ti sgrom gyi bar gnas rten mang du yod/__bskor na zhag lnga drug dgos/__dga' ldan gyi phar phyogs gtsang po byang khar lo sems dpa' chen po'i gdan sa sogs yod/___/__!_dga' ldan nas la brgyabs nas phyin na lo chen bai ro'i sgrub gnas bsam yas g.ya' ma lung du sleb/__der sgrub phug dang o rgyan sku tshab tshe chu sogs yod/__de nas sngas mgo brgyud mar phyin pa na bsam yas kyi ltag tu chos rgyal khri srong sku 'khrungs sa brag dmar mgrin bzang du lha khang dang rten gsar bzhengs dngos gtsang bzhugs/__bsam yas chos 'khor chen por dbu rtse rim gsum gling bzhi gling phran/__yak+Sha ltag 'og__/dpe har lcog__/mchod rten bzhi/__rgyab tu jo mo gling gsum sogs phal cher gyi dkar chag rags rim pad+ma bka' thang du gsal ltar rten gyi gtso bo dbu rtse'i 'og khang jo bo byang chub chen po/__de'i ka gdong g.yas g.yon du chos rgyal mes ag tshom can gyi thugs dam rten thub pa/__mkhan chen bo d+hi satwa'i dbu thod bum ril/__bsam yas rdzong du mnga' bdag nyang rin po che'i gter byon gu ru mtsho skyes rdo rje zhes slob dpon gyi sku tshab thams cad kyi mchog tu gyur pa de dang /__gung thang la kha'i zhabs rjes ngo mtshar can sogs yod/__has po ri rtser lha bsang khang /__bsam yas kyi gling gi nang nas gtso bo rta mgrin gling de yin/__der rten gyi gtso bo 'phags pa sems nyid ngal bso/__jo mo sgrol ma/__sgyu 'phrul drwa ba'i lugs kyi rta mgrin gyi sku gsung mang du 'byon pa sogs yod/___/__!_bsam yas mchims phur gnas kyi lte bar brag dmar ke'u tshang du bai ro tsa na dang /__tha mi mgon brtson gyi phyag bzo o rgyan rin po che'i sku bye ma a krong /__khri srong lde'u btsan gyi thugs dam 'bum sogs rten gsum byin can dang /__sgrub phug gi thod du bka' brgyad kyi dkyil 'khor sogs rang byon gyi rnam pa/__mdun du lha lcam pad+ma gsal gyi sku gdung bzhag pa'i rjes/__steng du bai ro'i sgrub phug bcas yod/__de'i gnas kyi dbu rtser blon chen gur dkar phug ces o rgyan rin po che rje 'bangs nyer lnga dang bcas pa'i sgrub phug yod kyang nyin gcig la 'khor tsam yin/__brag dmar ke'u tshang gsham du mtsho rgyal gzim phug__/chos rgyal gyi sgrub phug nyang phug gong 'og tu grags pa/__klu 'dul khyung chen phug__/kun mkhyen klong chen pa'i gdung 'bum/__dben rtsar rgyal ba mchog dbyangs kyi rta mgrin sgrub phug sogs yod/___/__!_spyir bsam yas phyogs 'dir g.yo ru byang rgyud ces grags/__gtsang po gyen ded du phyin pa na zur mkhar rdo'i mchod rten rigs lnga ngo mtshar che ba/__de nas sgrags kyi mdar ye shes mtsho rgyal sku 'khrungs sa bla mtsho/__sgrags kyi nang gnas kyi gtso bo yongs rdzong gshin rje rol pa'i pho brang du sgrub phug chen po steng shod/__gnas sgo gsar pa rnams yin cing /__gzhan yang grub chen me long rdo rje'i sgrub gnas ngar phug__/o rgyan rin po che'i sgrub phug rdzong kham phug__/mkhar chen grags sogs mang du yod/__sgrags kyi mda' sgrags grong mo che zhes pa de gnubs chen sangs rgyas ye shes 'khrungs sa yin/__sgrags mda' nas gtsang po gyen brgyud du rim par thub bstan rdo rje brag__/de dang nye bar gling ras kyi sgrub gnas sna phu chos lung /__rdo rje brag nas yar phyin pa'i yar stod brag la'i 'og tsam lung pa zhig gi nang du rmor chen gyi gdan sa rmor dgon pa/__yar stod brag la'i stod du paN+Di ta bi b+hU ti'i gdan sa drang srong srin po ri zhes grags pa deng sang grong nag yin kyang /__lha khang zhig gi phug tu bde mchog gi sku sngar bar snang du bzhugs pa gsung yang yang 'byon pa shin tu byin rlabs che ba bzhugs/___/__!_bsam yas mchims phu'i rgyab kyi lung pa glo bo don steng gi phur mchod rten bkra shis 'od 'bar du grags pa'i byin rlabs can de yod/__de nas mar phyin pa na rdo lung pa dang 'on lung pa sogs su rje rin po che'i bzhugs gnas bkra shis rdo kha dang /__'on gyi lha khang ke ru zhes khri srong gi dus su bzhengs pa/__mchod rten dkar chung /__'on rgyal sras rin po che'i gdan sa chos sdings/__'on phu stag tshang sogs yod kyang bskor na zhag gnyis gsum dgos/__de nas mar phyin pa na lam bar du mnga' ris dwags po grwa tshang dang /__yongs grags kyi gnas chen 'gro mgon phag mo gru pa'i gdan sa mthil zhes grags pa de yod cing /__spyir rten gsum bsam gyis mi khyab pa dang /__khyad par rten gyi gtso bo phag gru'i 'jags spyil du sku 'dra byis drod ma zhes gsung 'byon byin rlabs can de yod/__de'i 'og tu zangs ri mkhar dmar zhes ma gcig lab sgron gyi gdan sa ma gcig yum sras kyi sku gsung byon ma sogs bzhugs shing /__'di nas shar du zhag gnyis gsum gyi sar 'ol kha stag rtse'i phyogs su rdzing phyi'i byams pa/__o rgyan rin po che'i sgrub gnas 'gal phug__/rje rin po che'i sgrub gnas shin tu mang ba/__de nas dwags po'i phyogs su dwags la sgam po dang /__khra mo brag sogs gnas khyad par can mang /__'ol dwags gnyis kyi mtshams su rgyal me tog thang zhes rgyal ba dge 'dun rgya mtsho'i gdan sa dang /__rtser dmag zor ma'i bla mtsho mthong snang sna tshogs yod tshul sogs mang du yod/__dwags po'i sa cha zad mtshams nyang long kong gsum/__de nas spo bo bcas rim par yod cing /__spo bo'i zad mtshams glo dang thug skad/__spu kong gi shar du khyung po dang /__de nas rim par ri bo che dang /__nang chen sogs yin/___/__!_zangs ri mkhar dmar nas phar ko ba las don nas rtse thang du thon/__'dir dgon pa 'ga' re yod kyang lnga mchod pa'i 'du khang phug thub pa gser gling ma sogs rten khyad par can mjal rgyu dang /__rtse thang gi ri sgong zhig tu bsam gtan gling zhes grags pa sngon bla ma dam pa bsod nams rgyal mtshan/__yar lung pa seng ge rgyal mtshan/__mkhan chen bsod nams rgyal mchog sogs sa skya'i snyan brgyud 'dzin pa rnams kyi sgrub gnas der mgon po byin rlabs can sogs bzhugs/__rtse thang gi rgyab ri de zo dang gangs po ri zhes spyan ras gzigs kyi sprul pa spel sgom byang chub sems dpa'i sgrub gnas de yin par grags shing bskor ba byed mkhan yang mang /__rtse thang gi ltag tsam du sne gdong kun bzang rtse zhes pa de sngar bod khri skor phal cher gyi bdag po sde srid phag mo gru pa'i rdzong shul yin cing /__'di'i zhol sne gdong rtse tshogs par kha che paN chen gyi rdza sku gsung byon ma/__sgrol dkar bris sku me rdug ma/__'bum gyi rgya dpe sogs nang rten khyad par can mang po yod/__spyir kha che paN chen gyi tshogs sde bzhi zhes pa ni sne'u gdong rtse tshogs pa/__grwa phyi tshong 'dus tshogs pa/__grwa nang rgyal gling tshogs pa/__gtsang chos lung tshogs pa rnams yin pas de thams cad kyi nang rten du paN chen gyi rdza sku dang /__lhung bzed sogs rten khyad par can yod skad/___/__!_yar klung rten gsum gnas gsum du grags pa'i gnas gsum ni khra 'brug__/shel brag__/'ga' zhig gis ras chung phug yin zer na'ang yum bu gla sgang la ngos bzung ba 'thad pa bcas dang /__rten gsum ni rtag spyan 'bum pa/__dgon thang 'bum pa/__tshe chu 'bum pa bcas su grags pa las/__rtses thang nas yar klung khog gyen ded du phyin pa na dpal g.yu ru khra 'brug bkra shis byams snyoms kyi gtsug lag khang du rten gyi gtso bo chos rgyal srong btsan sgam pos zo dang gangs po ri nas spyan drangs pa'i rgyal ba rigs lnga'i rdo sku/__sgrol ma zhal zas ma/__ma Ni 'bru drug sogs kyis mtshon/__lha khang khag mang ba dang /__phyi rol du sdig sbyong mchod rten dbu lnga ma sogs byin rlabs can yod/__khra 'brug lha khang dang nye bar rnam rgyal lha khang zhes pa rje rin po che'i bsnyen rdzogs bsgrub sa de yin/__khra 'brug nas gyen du phyin pa na sa skya paN+Di ta'i gtam snyan bzhugs khri zhes pa dang /__chos rgyal tho tho ri gnyan btsan gyi pho brang yum bu bla mkhar du jo bo nor bu bsam 'phel/__thugs dam gnyan po gsang ba sogs bzhugs/__de nas lha khang gnyan rur sman pa'i rgyal po'i sku gter byon khyad 'phags/__bka' gdams pa'i dge bshes skor chen pos bzhengs pa/__byang chub sems dpa' rtag tu ngu'i spyan g.yon pa bzhugs par grags pa'i rtag spyan 'bum pa/__'di'i phur yar lha sham po gangs kyis ra ba zhes 'brog mi dpal gyi ye shes kyis ma mo sgrub pa'i gnas sogs yod/__spyir yar klung gi rgyab phyogs lho kha stod smad du e yul rig pa'i 'byung gnas/__gnyal/__lo ro/__gro shul/__byar/__de nas rim par tsA ri sogs kong por 'brel/__gong gi rtag spyan 'bum pa nas mar 'ong sar mthu stobs kyi dbang phyug gzhon nu blo gros kyi gdan sa bkra shis chos sde/__ras chung pa'i rnam 'phrul gtsang smyon he ru ka'i gdan sa ras chung phug sogs su rten gsum rab 'byams/__dgun thang 'bum mo che'am sri gcod 'bum pa'am ne tso 'bum pa zhes grags pa rnams dang /__byang phyogs kyi ri rgyud du yar klung shel gyi brag phug tu grags pa'i sgrub gnas chen por sgrub phug lte bar o rgyan gyi sku tshab gsung byon mar/__rang byon gyi rnam pa mang po/__de'i 'og tu mtshan brgyad lha khang /__gnas mthil bla brang du o rgyan rin po che'i sku tshab/__chos gos nyi zer ma/__phyag 'khar sogs nang rten 'ga' zhig yod/__phyag 'tshal la khar dur khrod khyad par can mchod rten dang bcas pa bzhugs/__gzhan nye phyogs su mtsho rgyal gsang phug dang /__g.yon gyi rgyab phyogs su o rgyan gling pa'i gter gnas pad+ma shel phug tu grags pa sogs yod kyang thag ring /__shel brag nas mar bab sar btsan thang g.yu yi lha khang khri srong gi yum ngang tshul byang chub rgyal mos bzhengs pa dang /_de dang nye bar cog ro tshe chu 'bum pa zhes tshes bco lnga'i skabs tshe chu dngos su 'bab pa yod/__'di'i rgyab ri btsan thang lha ri sgo bzhi zhes pa'i rtse mor bod chos rgyal gnya' khri btsan po dang po bab sa de yin/___/__!_gong gi gung thang 'bum pa nas 'phyongs rgyas phyogs su phyin pa na bai ro tsa na bzhugs sa spa gor dgon dang /__sgrub phug rog pa rtsa sogs lam khar yod kyang sus rgyus med pas mjal mkhan dkon 'dug__/de nas yar phyin pa'i lam khar dge ba'i bshes gnyen khu ston brtson 'grus g.yung drung gi gdan sa sol nag thang po cher 'bum nag zil pa can sogs rten rnying mang tsam dang /__jo bo rje'i gzim phug 'dra sku byin can/__mkhas grub dge legs dpal bzang gi slob ma nyi khri 'dzin pa blo gros dpal bzang gis btab pa'i 'phyongs rgyas ri bo bde chen gyi chos grwar rten gsum byin can mang du bzhugs/__'di dang nye ba'i 'phying bar stag rtse zhes pa'i rdzong de sngon za hor gyi gdung rigs rim byon 'phyongs rgyas sde par grags pa'i pho brang /__phyis rgyal dbang lnga pa rin po che'i sku 'khrungs sa yin/__'di'i ltag tsam du chos rgyal srong btsan sgam po'i sku spur gyi 'dra brnyan bzhugs pa bang so dmar por grags pa de yod/__bang so dngos ni sa 'bur gyi rnam pa de yin/__de'i steng du nyang sman lung pas bzhengs pa'i mchod khang dang rten gsum byin chen yod/__de dang nye ba'i don mkhar lung pa'i phur kun mkhyen 'jigs med gling pa'i gdan sa tshe ring ljongs su kun mkhyen gyi sku gdung ril por bzhugs pa'i mchod rten dang rten gsum khyad par can yod/__'phyongs rgyas srong btsan bang so'i ltag tsam du bai ro'i rnam 'phrul 'phreng po gter chen shes rab 'od zer gyi gdan sa 'phyongs rgyas dpal ri zhes pa de yod/__sngar rdor smin dpal ri zhes rnying ma'i grwa sa che shos yin kyang deng sang dpal ri dgon ming ma stong tsam las med/__gu ru rin po che'i sku tshab sogs rten gsum byin rlabs che ba yod/__spyir 'di phyogs su 'gos lo gzhon nu dpal grwa sar zhugs pa spyan g.yas lha khang yod pa'i lung pa spyan g.yas dang /__gzhan yang 'phyongs dang phu lung sogs lung lag mang du yod/__gong gsal bsam yas/__rta mgrin gling /__sku tshab mtsho skyes rdo rje zhabs rjes dang bcas pa/__mchims phu/__mchod rten bkra shis 'od 'bar/__'phyongs rgyas srong btsan bang so/__dpal ri/__tshe ring ljongs rnams kyi gnas bshad zhib cha mkhyen brtse rin po che'i gtam tshogs su yod/__gzhan yang gtam tshogs su gzho stod ti sgro/__dbu ru'i zhwa'i lha khang /__lho mon dkar po zangs sogs kyi gnas bshad kyang snang /___/__!_rtse thang nas gtsang po lho rgyud skor la spyir dbu ru lho rgyud ces grags/__de'ang gtsang po gyen ded du phyin pa na bya sa lha khang zhes grags pa chos rgyal dpal 'khor btsan gyis bzhengs pa'i rnam snang sku chen po/__de nas rim par bying gi phur o rgyan rin po che'i sgrub gnas bying mda' o dkar brag__/grwa phyi'i mdor tshong dus tshogs pa zhes sa dgon zhig tu paN chen gyi rdza sku dang /__mkhas grub khyung po rnal 'byor gyi thugs ring bsrel gyi phung por song ba sogs nang rten khyad par can yod/__de'i phur o rgyan smin grol gling grwa tshang dang bla brang gnyis su lha khang dang rten gsum dngos gtsang byin can mang po dang /__gtso bor gter chen rin po che'i sku gdung sogs bzhugs/__tshong dus tshogs pa nas gtsang po'i rgyud gyen ded du phyin pa'i sar grwa nang lung pa'i mda' gter ston grwa pa mngon shes kyi gdan sa grwa nang /__de nas rim par paN chen byams pa gling pa'i gdan sa sku 'bum mthong grol chen mo'i nang lha khang shin tu dngos gtsang can/__'di dang nye bar kun mkhyen klong chen pa 'khrungs sa dang /__u rgyan gling pa'i gdan sa yar rje lha khang /__grwa nang brgyad gling tshogs pa/__grwa g.yu sgang brag__/smin gling gdan sa rnying pa dar rgyas chos gling /__'brug pa'i chos lugs/__grwa sdings po che sogs yod/__de nas gtsang po gyen ded du phyin pa na rnam rab kyi phur sa lugs dwags po grwa tshang /__de dang nye bar rngog chos sku rdo rje'i gdan sa gzhung sbre zhing du mar pa lo tsA'i sku gdung bzhugs pa'i mchod rten/__lha mo dud sol ma gsung byon/__mi la dang rngog ston mjal sa/__rngog ston mkha' spyod du gshegs sa sogs yod/__de nas rim par gtsang po gyen brgyud na thub bstan ra ba smad/__gdung phud chos 'khor zhes sa lugs kyi dgon chung dang /__rdo rje gdan pa kun dga' rnam rgyal gyi gdan sa/__gong dkar chos grwa dgon sde bkod pa phun sum tshogs pa/__'du khang chen mo'i phugs kyi gtso khang du paN chen ga ya d+ha ra'i dbu thod bzhugs pa'i thub sku sogs khyad par can yod/__dgon 'dir rgyud sde bzhi'i dkyil 'khor zhe lnga tsam gyi sgrub mchod bzhugs/__'di'i phu na 'brug bde chen chos 'khor sogs yod/___/__!_yar klung phyogs brgyud nas lho brag tu 'gro na/__'phyongs rgyas ri bo bde chen phu nas brgyud lcags rtse gri gu zhes grong pa chen por lha khang rnying pa zhig gi nang du jo bo byin rlabs can zhig yod/__de nas rim par byang thang brgyud lho brag shar du thog mar sleb/__der mnga' bdag nyang gi gdan sa smra bo lcog tu rigs gsum mgon po'i sku byin rlabs can sogs bzhugs/__de'i gsham du bla ma mnga' bdag pa'i gzhis kar bka' brgyad bde gshegs 'dus pa'i skor chos rgyal gyi bla dpe ngo ma sogs nang rten mang du bzhugs skad/__de nas rim par sgro ba dgon gu ru chos dbang gi gdung rgyud rnams kyi gdan sa gnas gzhi zhi khro lha khang /__mnga' bdag nyang gi gter gnas brag srin mo sbar rjes/__lho brag phyag rdor pa nam mkha' rje rin po che'i bla ma rgyal mtshan gyi gdan sa ban pa thig phyi dang /__gter ston mchog ldan mgon pos bzhengs pa'i phan pa drug ral lha khang du slob dpon rin po che'i sku shin tu che ba/__phan pa/__mkhar chu gnyis kyi bar lung pa zhig nas gangs la brgal nas song na mon ku ru lung pa'i mgor o rgyan rin po che'i phur pa phrin las kyi sgrub gnas khyad par can mon kha ne ring seng ge rdzong gsum zhes grags pa de yod na'ang dbyar gzhung ma gtogs mi thar/__seng ge rdzong nas mar phyin na sbas yul rol mo sdings sogs brgyud nas mon gyi mthil du sleb pa yin/__lho brag mkhar chu'i gsham lho brag lha khang zhes mtha' 'dul gyi gtsug lag khang du rnam par snang mdzad kyis gtsos rten byin can yod/__'di nas mnga' bdag nyang gis bka' brgyad bde gshegs 'dus pa gter nas bzhes sa yin/__de nas mkhar chu dngos su dpal gyi phug ring zhes gnubs nam mkha'i snying pos yang dag sgrub gnas/__mkhar chu lcags phur can zhes o rgyan rin po che'i sgrub phug khyad par can 'di gu ru chos dbang gi gter gnas yin/__'di dang nye bar lha mo mkhar chen zhes yul nyer bzhi'i de bI ko Ta yin par bzhed cing /__bde mchog gi gnas khyad par can/__lho brag lha khang gi gsham zom pa'i pha rir tshe lam dpal gyi ri zhes o rgyan gyi sgrub phug dang /__tshe chu sogs yod/__de nas zhag gnyis tsam gyi mtshams rje mar pa'i gdan sa sras mkhar dgu thog__/lho gro bo lung /__'dir mar pa dang /__bdag med ma so so'i gzim khang /__mi la'i sgrub gnas ltag gnya' lung bstan phug sogs sgrub gnas khyad par can bzhugs/__de nas rim par sgrub mtsho pad+ma gling du phyag rdor sku gter byon sogs nang rten khyad 'phags yod/__mtsho 'di'ang 'ga' zhig gis grags pa'i mtsho chen bzhi'i gras su brtsi zhing slob dpon rin po che'i phyag rjes kyang bzhugs skad/__sgrub la brgyud nas lho brag nub lha lung du sleb/__'di dang po bka' brgyud pa'i gdan sa deng sang pad gling gi brgyud 'dzin gsung sprul rim byon gyis bskyangs/__rten gsum mang po dang /__khyad par nang rten du kun mkhyen klong chen pa'i dbu klad ring bsrel gyi phung po shin tu ngo mtshar che ba sogs yod/__de nas gu ru chos dbang gi gdan sa la yag gu ru lha khang du rten gtso chos dbang gter byon jo bo ngo mtshar can yongs grags kyis gtsos mang du yod/__de nas dgon pa lha sa ltag zer ba'i grong pa 'dra ba zhig tu 'gro mgon gtsang pa rgya ras kyi gdung rus las byon pa'i rten ngo mtshar can shin tu mang bar yod/__skyi chu lha khang zhes chos rgyal gyis bzhengs pa'i mtha' 'dul gyi gtsug lag khang du rnam snang sku sogs bzhugs/___/__!_de nas la brgal te phu ma byang thang brgyud gtsang la ru gnyis su grags pa'i g.yas ru shel mkhar rgyal rtse'i lho phyogs nye ro lung nas sgo bzhi re thang zhes par sleb/__'di skor g.yu thog yon tan mgon po 'khrungs sa yin/__'di'i chu gyen ded kyi phur 'gro mgon gtsang pa rgya ras kyi gdan sa 'brug ra lung zhes grags pa de yod/__rten gyi gtso bor gtsang pa rgya ras kyi sku 'bag khams gsum zil gnon sogs rten gsum mtha' klas pa bzhugs/__sgo bzhi nas thur du nyin gcig gi sar sangs rgyas kyis lung bstan par grags pa'i rgyal rtse chos rgyal rab brtan kun bzang 'phags kyis bzhengs pa'i dpal 'khor chos sde yod/__sa bu dge gsum gyi grwa tshang khag bcu drug__/rten gsum mang po/__rten gyi gtso bo 'du khang du thub chen sogs dang /__mchod rten chen mo'i nang du sgrub thabs brgya rtsa'i lha phal cher bzhugs pa'i lha khang bcas/__'dir rgyud sde bzhi'i sgrub mchod mang po yod/__chos sde'i phar phyogs su rtse chen chos sde zhes bu ston rin po che'i rnam 'phrul grub chen kun dga' blo gros sogs kyi bzhugs gnas de yod/__rgyal rtse khog 'di la nyang gser gzhung ring mo zhes grags/__nyang chu lho _phyogs su mtha' 'dul gyi gtsug lag khang gi gras su grags pa rtsis gnas gsar lha khang du yum chen mo'i sku bzhugs pa/__byang khar dge ldan pa'i dgon pa tshogs sde bzhi'i gras su rtsi ba'i nyang stod spos khang /__'di la kha che paN chen dus kyi nang rten mang du yod skad/__pa rnam nas chu phar phyogs brgyud na bu ston rin po che'i gdan sa zhwa lur sleb/__zhwa lu mthil du rang byon thugs rje chen po sogs rten gsum mang /__ri sbug tu bu ston rin po che nga 'dra ma dang /__yum gyi dgongs rdzogs la bzhengs pa'i mchod rten mthong grol chen mo sogs dang /__khyad par biR+Wa pa'i dbang bum bum chu bcas/__bu ston rin po che'i sku'i nyer spyod sogs nang rten 'ga' yod na'ang gzhis ka rtse'i dam 'byar yin/__zhwa lu mthil gyi 'og tu nyang smad rgyan gong du lha mo rab brtan ma'i mgon khang byin can yod/__'dir chos rje sa paN bsnyen rdzogs sgrub sa yin pas/__dbu skra 'khru snod rdo gzhong byin can yod pa'i khrus chu 'thungs na shes rab chen po 'ong skad/__zhwa lu dang nye ba'i la rgyab tu thar pa lo tsA ba'i gdan sa thar pa dgon yod/__kha che paN chen rin po che'i gsol lhung sogs sngar nang rten mang du yod skad/___/__!_ba rnam nas gzhung lam brgyud phyin na nyin gcig tsam gyis gzhis ka rtser sleb/__'di'i bar du zur gsang sngags gling zhes grong pa zhig yod/__sngar rnying ma bka' ma'i dgon pa che shos yin/__deng sang zur gyi gdung rgyud bzhugs pa'i bla brang 'dra ba der zur pa'i bla ma grub chen gong ma rnams kyi thugs dam rten phur pa shin tu byin rlabs che ba yod/__gzhis ka rtse'i grong pa'i 'dabs der 'u yug pa rig pa'i seng ge'i sku gdungs 'bum chen po zhig yod/__de la bskor ba byas gsol ba btab na rtsod pa la mkhas pa 'ong zer/__bkra shis lhun por rten gyi gtso bo byams chen/__paN chen blo bzang chos rgyan/__blo bzang ye shes/__dpal ldan ye shes/__bstan pa'i nyi ma rnams kyi sku gdung /__khyad par dga' gdong byams pa dang /__ngur smrig sgrol ma sogs rten rnying byin rlabs che ba mang du bzhugs/__nang rten rje btsun mi la'i phyag shan/__bka' gdams gong ma mang po'i na bza' sogs rten ci rigs/__rdo ma mo'i brod pa zhes grags nor bu yin zer ba sogs yod kyang mjal kha zhu na brgya mchod dang gtong sgo sogs dgos/__bkra shis lhun po nas gyen du phyin pa na gtum ston blo gros grags pas btab/__mchims ston rim byon sogs kyi gdan sa bka' gdams bstan pa'i 'byung gnas snar thang zhes grags pa der spyir rten gsum byin can mang po dang /__khyad par chu mig sgrol mar grags pa'i sku byin can/__dpon po pho lha tha'i ja'i dus su brkos pa'i bka' bstan 'gyur gyi spar/__thub pa'i skyes rabs dang /__gnas brtan bcu drug gi thang ka'i spar sogs yod/__nang rten 'brom ston pa'i shel gyi phyag 'khar/__bka' gdams pa'i bla ma gong ma mang po dang /__bye brag snar thang pa'i bla ma 'phags pa'i gnas brtan gyi sprul pa rnams kyi sku'i nyer spyad sogs rtsa chen mang po bzhugs/__mjal kha zhu na bkra shis lhun po nas yi ge zhu dgos/__'di'i ltag tu byang chen ri khrod ces snar thang sangs rgyas sgom pa sogs bka' gdams pa'i sgrub gnas khyad 'phags de bzhugs/__dpal mgon zhal gyi gnas khyad par can yin/__snar thang dang nye bar gtsang chu mig ring mo zhes pa/__sngar bka' gdams kyi chos sde che gras 'phags pa rin po ches chos 'khor chen mo bskor ba'i gnas de yin na yang deng sang grong nag yin/__lha khang dang rten gsum cha shas mjal rgyu yod/___/__!_snar thang nas tsha lam tsam du rong e wa~M chos sde/__bla khag lnga/__khang tshan bco brgyad sogs su spyir rten gsum mang po dang /__khyad par bla brang gzhung du ngor chen gzim chung /__lam zab phug tu lam 'bras bla brgyud dang /__phyag dpe rigs bka' rgya ma/__de'i mdor dab_nga khang /__lam 'bras lha khang du ngor chen 'dra sku gtsos lam 'bras bla brgyud dang /__gdan rabs rim byon gyi 'dra zhal dang sku gdung sogs/__'du khang phug tu thub chen gyis mtshon rten byin can mang /__thar rtse bla brang du biR+Wa pa'i bzhes thod du grags pa dang /__mgon po'i thug rten gnam lcags rdo rje sogs nang rten 'ga' zhig mjal rgyu yod/__dgon pa'i gsham du ngor chen gyis bzhengs pa'i bde gshegs mchod rten brgyad sogs spyir rten gsum mang du bzhugs so/___/__!_ngor nas chag chag la brgyud dpal sa skyar nyin zhag gsum tsam gyis gtsang la ru gnyis yod pa'i ru lag tu gtogs pa dpal sa skyar sleb/__der spyir lha khang dang rten gsum mtha' yas pa'i dkar chag mkhan chen kun dga' zla 'od kyis mdzad pa yod par grags pa sogs las gsal/__rten gyi gtso bo ngo mtshar sprul pa'i rten bzhir grags pa dbu rtse'i 'jam dbyangs gzi 'od 'bar ba/__sgo rum gyi bse 'bag nag po 'phur shes/__g.yu mkhar mo'i sgrol ma sems dpa' srib dgon ltag sum brtsegs/__ba ri ba'i phyi rten rnam rgyal mchod rten rnams yin/__gzhan yang nyin dgon bla brang shar du sa chen gyis 'jam dbyangs zhal gzigs pa'i sgrub phug__/nyin dgon gyi ltag tu slob dpon bsod nams rtse mo mkha' spyod du gshegs sa/__nyin dgon zhabs brtan lha khang du rje btsun grags pa'i sku rtsa ris ma/__sgo rum gyi steng du rje sa paN gyis rig gter brtsam sa'i gzhugs khri byin rlabs can/__dbu rtser sa paN gyis phyag bris 'jam dbyangs gar gzigs ma/__gzhi thog bla brang du khyad 'phags lho byang sogs rten gsum rab 'byams/__gsham du 'phags pa rin po che'i chos khri khams gsum zil gnon/__srib dgon sprul pa'i lha khang thub chen 'dzam gling g.yas bzhag dang /__chos brtsigs brag ri brtsegs pa lta bu sogs rten gsum blo'i ra ba las 'das pa dang /__sangs rgyas kyi chos dung dkar mo rgyang grags/__kha'u'i chu gyen ded du phyin pa'i lam bar phru ma zhes pa der sa chen sku 'khrungs sa yin/__sku 'khrungs pa'i dus kyi mngal gyi phru ma sogs bzhugs pa'i mchod rten yod/__de nas rim par dpal mgon zhal gyi bzhugs gnas kha'u brag rdzong nag po'i ri khrod/__rje btsun grags pa dang sa lo 'jam pa'i rdo rje sogs kyi sgrub gnas bya 'gyar pad+ma 'od/__sa skya dang nye bar bsam gling zhes dmag zor ma'i mgon khang byin chen sogs yod/___/__!_sa skya nas nub phyogs su zhag gcig tsam gyi sar mang mkhar lung ba yod/__de'i phur rje btsun grags pa dang /__tshar chen sogs kyi sgrub gnas cha lung rdo rje'i brag rdzong yod/__de nas rim par tshar chen gyi gdan sa mang mkhar thub bstan dge 'phel/__'brog mi lo tsA ba'i gdan sa mang mkhar mu gu lung /__'di deng sang gnas 'dzin tsam ma gtogs ci'ang med rung /__'brog mi'i gzim phug 'od gsal zla ba phug__/rgya dpe bsgyur sa sgra bsgyur lo tsA phug__/lam 'bras gnang sa gsung ngag lam 'bras phug sogs phug chen bcu gsum du grags pa rnams mjal rgyu yod/__de thams cad sa phug kho na yin/__de nas rim par sngags 'chang bsod nams chos 'phel sogs kyi gdan sa'i shul dang /__mang mkhar gyi gzhung du lo tsA ba rma rin chen mchog gi 'khrungs yul yin skad grong ba/__mang mkhar gyi mdor tshar chen rin po che'i ring lugs 'dzin pa'i 'dar grong mo che/__'dir tshar chen rin po che'i gdung 'bum byin rlabs can bzhugs/__'di dang nye bar se mkhar chung yang yod/__gram pa lha rtse zhes pa'i zhol du 'brog mi lo tsA dang ga ya d+ha ra thog mar mjal ba'i sgrub phug yod/__'di nas yar stod phyogs la grub chen thang stong rgyal po'i gdan sa gcung ri bo che/__gtsang bo pha ri'i byang brgyud du byang ngam ring /__rig 'dzin rgod ldem gyi gter gnas zang zang lha brag__/ri bo bkra bzang /__ri kun tu gzigs/__sa chen zhing gshegs sa'i gnas byang phyogs skya po kha gdong sogs mang du yod kyang thag ring la stod phyogs nas rim par yar phyin na pha dam pa'i gzhugs gnas ding ri/__gangs dkar/__bka' brgyud spyi dang /__khyad par rgod tshang pa'i sgrub gnas rtsibs ri rgod tshang /__rje btsun mi la'i 'khrungs yul mang yul gung thang /__yol mo gangs kyi ra ba/__mang yul skyid grong nas bal yul sogs dang /__la stod byang gi phyogs nas gangs ri ti se'i bar gnas chen mtha' yas pa yod/___/__!_gong gi lha rtse dang nye bar mtha' 'dul gyi gtsug lag khang du gter ston bzang po grags pas le'u bdun ma sogs kyi gter gnas ru lag gram pa ljongs kyi lha khang /__rgyangs 'bum mo che/__rgyangs yon po lung du slob dpon sgrub phug yod/__de nas rim par zhang ston chos 'bar gyi gdan sa zhang pags thang ding zhes pa de yod kyang shul tsam ma gtogs ci'ang med/__de nas rje btsun tA ra nA thas gsar btab dga' ldan phun tshogs gling zhes deng sang chos lugs dge lugs pa yin/__ri mthil gnyis kar gtsug lag khang dang /__dgon gnas rten gsum sogs kyi bkod pa shin tu dngos gtsang zhing ngo mtshar ba bzhugs/__'di'i phur kun mkhyen dol bu pa'i gdan sa ri khrod jo mo nang zhes grags par sku 'bum mthong grol chen mos mtshon rten gsum byin can mang du bzhugs shing /__spyir sgrub phug skor mjal rgyu mang ba zhib cha rje btsun tA ra nA thas mdzad pa'i gnas bshad du gsal/__phun gling nas nye bar brag ram mgon khang zhes beka rtse'i mgon khang grags che ba de yod/__phun tshogs gling nas nyin lam tsam du dge ba'i bshes gnyen mu dra chen pos btab cing /__dpang lo chen po khu dbon dang /__bo dong paN chen sogs kyi gdan sa bo dong e'i gtsug lag khang zhes pa de yod kyang deng sang ser khyim yin/__bo dong paN chen gyi ring bsrel las grub pa'i sku sogs rten byin can 'ga' zhig mjal rgyu yod/__de dang nye bar mnyen yod bya rgod gshong zhes pa de yod/__chos rgyal dus kyi mtha' 'dul gyi gtsug lag khang yin/__rnam sras mdung dmar can gyi sku byin can bzhugs/__mang thos klu sgrub rgya mtsho sogs kyi dus sa skya'i mtshan nyid grwa tshang chen po yin na'ang deng sang ming ma bor tsam las med/__grub thob 'dar 'phyar gyi gdung brgyud bla ma snying ri ba zhes pa de'ang 'di phyogs bzhugs sa yin/__bo dong nas nyin lam tsam na sngon mo chos rdzong dang /__sa skya pa'i bla ma gong ma'i gdan sa sha ba dge sdings rdo rje'i pho brang zhes pa de yod/__'di dang nye bar khro phu lo tsA ba byams pa'i dpal gyi gdan sa khro phu byams chen chos sde zhes pa de yod/__der byams pa dgung lo brgyad pa'i sku tshad khru brgyad cu pa'i lha chen bod kyi gser sku zhig la ngo mtshar che ba de dang /__khyad 'phags bcu gsum sogs mjal rgyu yod/__mang mkhar sogs stod kyi gnas rigs bskor ma grub kyang sa skya nas mar lan shab dge sdings brgyud 'ongs na 'dir sleb pa yin/__khro phu nas gangs can chos 'phel zhes paN chen bzang po bkra shis kyi gdan sa der dmag zor ma'i sku byin can yod/__de nas stag la nub brgyud snar thang du sleb/___/__!_gzhis ka rtse nas gtsang po pha ri'i phyogs su phyin na rta nag phyogs su kun mkhyen bsod nams seng ge'i gdan sa thub bstan rnam rgyal/__'gos lo tsA ba khug pa lhas btsas kyi sgrub phug byin can/__sgrol chen rim byon gyi gdan sa sgrol ma phug__/de nas gtsang po rgyud yar phyogs rim par bzhad thub bstan/__rgyal sras thogs med kyi gdan sa bzhad dngul chu chos rdzong /__mus lung pa'i stod smad du mus chen sems dpa' chen po'i gdan sa/__dben gnas bsam gtan phug__/gle lung /__stag mo gling kha sogs yod/__gtsang bo byang brgyud thur du phyin na shangs lung pa'i stod smad bar gsum du spyir gnas rten mang po dang /__khyad par shangs mdar zur che chung gi sgrub gnas shangs mda' dpal chen/__shangs gzhung du grub chen khyung po rnal 'byor gyi gdan sa shangs nang zhang rdo rje gdan/__grub chen rmog lcog pa'i gdan sa rmog lcog__/grub chen 'ba' ra ba'i gdan sa 'ba' ra brag dkar/__shangs kyi phur gtsang gi sgrub gnas kun gyi gtso bo shangs zam bu lung bde gshegs 'dus pa'i pho brang /__de dang 'go 'brel du gnas chen sog po 'dzul khung sogs khyad par can yod/__shangs nas phar la brgal nas phyin na 'u yug tu sleb/__'di'i stod smad du bka' gdams pa ram lding ma bde gshegs 'byung gnas gdan sa/__'u yug lding ma dgon du rten gsum byin can dang /__khyad par chu myong grol sogs yod/__mdar 'ug gdong du slob dpon rin po che'i sgrub phug__/'u yug mdar dam can gyi sku mkhar dang /__gos sngon lha khang sogs yod/__'u yug stod nas la brgal nas phyin na rim par karma zhwa dmar pa'i gdan sa thub bstan yangs pa can dang /__byang gnam mtsho sogs dang 'brel ba yin/__'u yug smad nas rim par gzhu snye mor sleb/__snye mor bai ro tsa na'i 'khrungs yul dang /__dgung lo brgyad pa'i zhabs rjes sogs yod skad/__'u yug nas mtshur phu la rgan brgyud stod lung mtshur phur sleb pa yin/___/__!_gong gi gzhis ka rtse nas gtsang po lho rgyud nas mar phyin pas rim par paN chen shAkya mchog ldan gyi gdan sa thub bstan gser mdog can/__'di sngar mtshan nyid kyi grwa tshang chen po yin yang deng sang ming ma stong tsam las med/__'on kyang rten gsum byin can yod/__'di'i span thag ma'i phur snga 'gyur rnying ma'i gdan sa chen po zur 'ug pa lung zhes grags pa de yod/__deng sang grong pa yin kyang lha khang dang rten byin can 'ga' zhig yod/__phung po ri bo cher o rgyan gyi sgrub gnas dang /__rgya zhang khrom gyi gter gnas/__lnga pa rin po che'i dus btab pa'i grwa tshang zhig kyang yod/__gtsang rong chen du sems dpa' chen po gzhon nu rgyal mchog gis btab pa'i byams chen chos sder/__byams pa'i sku khro phu byams pa dang mtshungs pa sogs rten gsum mang du yod/__gtsang rong chung du 'bras yul skyed tshal ba gong 'og dang /__byang bdag bkra shis stobs rgyal gyi gter gnas khams phu lung o rgyan sgrub phug sogs yod/__rong chen gyi gzhung nang du ngur smrig gi sgrol ma khang dang /__rnying ma'i gdan sa gangs ra nges gsang rdo rje gling /__gter ston rgya zhang khrom 'khrungs sa dum pa chu tshan kha/__rong gi phur sna nam rdo rje bdud 'joms kyi sgrub gnas/__de nas la brgal nas yar 'brog mtsho kha dang /__gam pa la brgyud dpal chu bo rir sleb pa yin/__chu bo ri 'di bod la bde skyid 'byung ba'i ri chu mig brgya rtsa/__sgrub gnas brgya rtsa sogs yod par grags/__deng sang grags che ba lcags zam khar lcags zam bla brang /__mchod rten/__gzim phug bla brang sogs su grub chen thang stong rgyal po'i sku gsung thugs rten byin chen ci rigs pa dang /__lcags zam rtser rig 'dzin legs ldan rje'i gzim phug gong dkar phyogs su kha blta ba'i sar tshes bcu bkod pa'i bla brang /__de dang nye bar tshe chu khyad 'phags/__nub phyogs pad+ma dbang phyug__/rtser slob dpon chen po'i sgrub gnas brag phug chen po brgyad kyi nang tshan dben gnas nam mkha' lding zhes pa'i sgrub phug byin can/__chu bo ri'i byang phyogs su brag thog ces pa gong dkar rdo rje gdan gyi bla ma brag thog pa bsod nams bzang po'i gdan sa yin/__so so'i 'dra sku sogs yod/__lcags zam pha ri'i phyogs su yol ri gong zhes pa shangs pa bka' brgyud kyi grub chen ri gong pa sangs rgyas gnyen ston gyi sgrub gnas mgon po byin can sogs yod/___/__!_de nas gtsang po byang chu shul sogs brgyud chu gyen ded rim par phyin pas snam zhes pa'i phur 'brug se ba byang chub chos gling yod/__'di 'brug pa zhes mtshan dang por thogs sa yin/__gzhung lam nas yar phyin pa'i lam kha rang du jo bo rje'i gdan sa snye thang zhes pa de yod/__de'ang snye thang 'or du mchod khang nang jo bo rje'i gdung rten sogs rten byin rlabs can snang /__de'i 'og tu jo bo rje'i 'dra sku nga 'dra ma jo bo rang gi mdzub rjes can dang /__bla ma dam pa bsod nams rgyal mtshan gyi gdung 'bum chen po sogs/__'di'i gtsang po pha rir ri phug tu rngog legs pa'i shes rab dang /__blo ldan shes rab kyi gdan sa bod yul rig pa'i 'byung gnas gsang phu ne'u thog ces pa'i chos grwa yod kyang deng sang grong nag yin/__'on kyang gtsug lag khang dang /__rten byin can 'ga' zhig__/g.yag rong gnyis kyi gzim skyil/__bse khrab pa'i mgon khang /__phywa pa'i gdung 'bum sogs mjal rgyu dang /__gsang mdar lo tsA ba blo ldan shes rab kyi sku gdung bzhugs sa'i khang chung zhig yod/__de nas gtsang po mar brgyud phyin na nyin lam tsam gyi sar mnga' bdag khri ral pa can gyis bzhengs pa'i 'u shangs rdo dpe med dge 'phel gyi lha khang shul du gsar bzhengs lha khang dang jo bo sogs spus gtsang ba bzhugs/__'di'i phur kun mkhyen klong chen pa'i bzhugs gnas gangs ri thod dkar gyi gzims khang /__nye logs su bod kyi ri bo rtse lnga/__de'i mdun rgyab tu lha ring klong chen brag ces pa'i gu ru'i sgrub phug dang /__slob dpon rin po che'i sgrub gnas brag dmar zang yag nam mkha' rdzongs zhes gu ru jo rtse'i gter gnas de yod/__snye thang nas gtsang po gyen ded phyin pas stod lung mda' brgyud nas lha sar phyin pa yin/___/__!_stod lung mdar slob dpon rin po ches rdzu 'phrul gyis bton pa'i gzhong pa lha chu de dang nye bar sngar mtshan nyid kyi grwa tshang che ba skyor mo lung dang /__chu pha rir dga' ba gdong zhes pa yod/__dga' ba gdong du bla ma dbu ma pa la zhu sna brgyud nas rje rin po ches 'jam pa'i dbyangs la dri ba mdzad sa sgrub phug de'ang snang 'di dang nye ba nas phyin par ra tshag ces par nA ro pa'i thugs dam rten nA ro mkha' spyod ma'i sku bzhugs sa zhig yod skad pa rtsad dpyad/__dga' gdong nas mar phyin pa'i stod lung mdar ri sgang zhig tu dngos grub sdings zhes ser srung 'dug sa'i sgrub khang chung ngu yod/__'di bal po smon lam seng ge zhes pas btab par grags/__slob dpon rin po ches bsam yas sa 'dul mdzad pa'i phur cha rags rim dang /__gangs dkar sha med btul ba'i phyag mtshan rdo rje/__sa ra ha'i sgom thag__/nA ro pa'i rus rgyan sogs nang rten khyad par 'phags pa mang po mjal rgyu yod/__stod lung nang nas yar phyin pas zhag gcig gis karma'i gdan sa stod lung mtshur phur sleb/__'di dang stod lung bar mtshur phur nye bar gnas nang dpa' bo'i gdan sar zhwa dmar grags pa seng ge'i sku gdung sogs yod/__mtshur phur lha khang dang rten gsum shin tu mang bar bzhugs shing /__gtso bo karma pak+shis bzhengs pa'i thub chen 'dzam gling rgyan/__rgyal ba'i dbang po sku rabs phal cher gyi sku gdung /__'dra sku sogs byin can mang du bzhugs/__skor lam du rje rang byung rdo rje'i sgrub gnas pad+ma khyung rdzong sogs mang du mjal rgyu yod do/__/de ltar grol ba bzhi ldan gnas rten mchog__/lus can kun gyi rdzogs smin sbyangs pa'i zhing /__/ji ltar bzhugs pa'i dkar chag rags rim 'dis/__/dad ldan thar par bgrod pa'i lam mtshon shog__/ces pa'ang bya bral ba many+dzu g+ho Shas so//__// [�]