View source for JKW-KABUM-01-KA-002-033

{{Khyentse Metadata
|classification=Tibetan Publications
|subclass=Tibetan Texts
|pagename=JKW-KABUM-01-KA-002-033
|fulltitletib=བླ་མ་འཇམ་པའི་དབྱངས་ལ་བྱ་དཀའ་བའི་རྒྱན་དང་ཡི་གེའི་མ་མོ་སྤེལ་བའི་བསྟོད་པ་རབ་བསྔགས་ནོར་བུའི་རྒྱུད་མང་།
|fulltitle=bla ma 'jam pa'i dbyangs la bya dka' ba'i rgyan dang yi ge'i ma mo spel ba'i bstod pa rab bsngags nor bu'i rgyud mang
|citation=[['jam dbyangs mkhyen brtse'i dbang po]]. ''bla ma 'jam pa'i dbyangs la bya dka' ba'i rgyan dang yi ge'i ma mo spel ba'i bstod pa rab bsngags nor bu'i rgyud mang''. In '''jam dbyangs mkhyen brtse'i dbang po'i bka' 'bum'', Vol. 1: 148-150. Khams sde dge rdzong sar dgon: Rdzong sar blo gros phun tshogs, 2020.
|collectiontitle=mkhyen brtse'i bka' 'bum
|collectiontitletib=མཁྱེན་བརྩེའི་བཀའ་འབུམ་
|author='jam dbyangs mkhyen brtse'i dbang po
|editor=
|authortib=འཇམ་དབྱངས་མཁྱེན་བརྩེའི་དབང་པོ་
|editortib=
|tibgenre=Verses of Praise - bstod pa
|terma=No
|sabcadcategory=One
|deity=bla ma 'jam pa'i dbyangs
|language=Tibetan
|volumenumber=001
|volnumtib=༡
|volyigtib=ཀ་
|totalvolumes=25
|textnuminvol=002
|textsubnumber=033
|pagenumbers=148-150
|totalpages=3
|beginfolioline=45b5
|endfolioline=46b3
|totalfolios=2
|multivolumework=No
|rectonotes=sde tshan 2
|versonotes=mkhyen brtse'i bka' 'bum
|colophontib=།ཅེས་པའང་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གསོལ་བ་བཏབ་པ་དགེ་ལེགས་སུ་གྱུར་ཅིག།
|colophonwylie=ces pa'ang 'jam dbyangs bla ma dgyes pa'i 'bangs mkhyen brtse'i dbang pos gsol ba btab pa dge legs su gyur cig
|pdflink=File:JKW-KABUM-01-KA-002.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|བླ་མ་འཇམ་པའི་དབྱངས་ལ་བྱ་དཀའ་བའི་རྒྱན་དང་ཡི་གེའི་མ་མོ་སྤེལ་བའི་བསྟོད་པ་རབ་བསྔགས་ནོར་བུའི་རྒྱུད་མང་ཞེས་བྱ་བ་བཞུགས་སོ།  །ན་མོ་གུ་རུ་མཉྫུ་གྷོ་ཥཱ་ཡ།  ཀ༷་མ་ལ་དང་ཟླ་བ་རྒྱས་པ་དང་།  །ཁ༷་བ་ལྟར་དཀར་མཚན་བཟང་དཔལ་འབར་བ།  །ག༷་ནས་བསམས་ཀྱང་རྒྱལ་སྲས་གཞན་ལས་འཕགས།  །ང༷་ཅག་སྐྱབས་གནས་འཇམ་དབྱངས་བླ་མར་བསྔགས།  ༡  །ཅ༷་ག་རབ་མཚར་ལྷར་བཅས་དྭང་བས་དད།  །ཆ༷་ཤས་དབྱངས་ལས་ཟབ་རྒྱས་སྣང་མཛད་པས།  །ཇ༷་ཆང་ལས་འདས་ཐར་ལམ་རབ་མངར་བ།  །ཉ༷་ཟླ་ལྟར་གསལ་འཇམ་དབྱངས་བླ་མར་བསྔགས།  ༢ །ཏ་ཐཱ་ག་ཏ་སྲས་བཅས་ཐམས་ཅད་དང་།  །ཐ༷་དད་མ་འཚལ་གཞན་ཕན་མཛད་པ་ཅན།  །ད༷་ལྟ་བདག་ཅག་རྣམས་ལ་ལྷག་པར་ཡང་།  །ན༷་མར་སྨན་མཛད་འཇམ་དབྱངས་བླ་མར་བསྔགས།  ༣  །པ༷་སངས་ལྟར་དཀར་དམ་བཅའ་རྩ་བ་བརྟན།  །ཕ༷་མཐའ་མཁའ་ཁྱབ་ཐར་ལམ་ཡང་དག་བཞག  །བ༷་ལང་དང་མཉམ་དམན་ལ་ཁྱད་པར་བཅས།  །མ༷་ལྟར་བྱམས་མཛད་འཇམ་དབྱངས་བླ་མར་བསྔགས།  ༤ །ཙ༷་ཀྲས་མཚན་པ་གང་ཞབས་དྲན་ཙམ་ནས།  །ཚ༷་གྲང་དམྱལ་བར་གནས་ཀྱང་ལམ་བཟང་དྲངས།  །ཛ༷་ཡ་ལ་སྡང་རྟག་ཆད་སྨྲ་བ་དག  །ཝ༷་ལྟར་ཕམ་མཛད་འཇམ་དབྱངས་བླ་མར་བསྔགས།  ༥  །ཞྭ༷་ལྟར་བླ་ན་འཕགས་པ་མན་ཆད་ནས།  །ཟ༷་ཐང་དམན་པར་ཆགས་པ་ཡན་ཆད་བཅས།  །འ༷་ཅག་ཕ་དང་མ་ལྟར་བསྐྱབ་མཛད་པ།  །ཡ༷་མཚན་བསམ་འདས་འཇམ་དབྱངས་བླ་མར་བསྔགས།  ༦  །ར༷་བ་ཁ་བས་མཚན་པ་ཐམས་ཅད་ན།  །ལ༷་ལ་མ་ལགས་དམ་པ་མཐའ་དག་ཀྱང་།  །ཤ༷་ཤ་དྷ་རས་ཁྱབ་ལྟར་མཁས་པ་དང་།  །ས༷་ལམ་རྒྱས་མཛད་འཇམ་དབྱངས་བླ་མར་བསྔགས།  ༧  །ཧ༷་ལ་དང་མཉམ་སྤང་བྱ་ཆ་བཅས་བསལ།  །འཕགས་པས་མཐར་མཛད་བླང་བྱ་མཐའ་ཡས་ལྡན།  །ཨ༷་ར་པ་ཙ་གསང་སྔགས་དབྱངས་སྙན་པས།  །མཁའ་ཁྱབ་སད་མཛད་འཇམ་དབྱངས་བླ་མར་བསྔགས།  ༨  །སྲིད་ཞིའི་མིག་གཅིག་རིག་པའི་གཟི་བརྗིད་ཀྱིས།  །ཕུལ་བྱུང་ནུས་མཐུས་བདུད་བཏུལ་སྐུ་གསུམ་གྲུབ།  །མཁྱེན་བརྩེ་ཡེ་ཤེས་དཔེ་མེད་ཆེས་ཆེར་བརྙེས།  །མགོན་ཁྱོད་བསྟོད་དོ་བློ་གྲོས་མཆོག་སྩོལ་མཛོད།  །ཅེས་པའང་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གསོལ་བ་བཏབ་པ་དགེ་ལེགས་སུ་གྱུར་ཅིག།   །། ༈}}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKW-KABUM-01-KA-002]]
[[Category:Khyentse Lineage Project]]
[[Category:JKW-KABUM-Volume-01-KA]]