JKW-KABUM-01-KA-002-033-wylie
bla ma 'jam pa'i dbyangs la bya dka' ba'i rgyan dang yi ge'i ma mo spel ba'i bstod pa rab bsngags nor bu'i rgyud mang /_
bla ma 'jam pa'i dbyangs la bya dka' ba'i rgyan dang yi ge'i ma mo spel ba'i bstod pa rab bsngags nor bu'i rgyud mang zhes bya ba bzhugs so/__/na mo gu ru many+dzu g+ho ShA ya/__kaX ma la dang zla ba rgyas pa dang /__/khaX ba ltar dkar mtshan bzang dpal 'bar ba/__/gaX nas bsams kyang rgyal sras gzhan las 'phags/__/ngaX cag skyabs gnas 'jam dbyangs bla mar bsngags/__1__/caX ga rab mtshar lhar bcas dwang bas dad/__/chaX shas dbyangs las zab rgyas snang mdzad pas/__/jaX chang las 'das thar lam rab mngar ba/__/nyaX zla ltar gsal 'jam dbyangs bla mar bsngags/__2_/ta thA ga ta sras bcas thams cad dang /__/thaX dad ma 'tshal gzhan phan mdzad pa can/__/daX lta bdag cag rnams la lhag par yang /__/naX mar sman mdzad 'jam dbyangs bla mar bsngags/__3__/paX sangs ltar dkar dam bca' rtsa ba brtan/__/phaX mtha' mkha' khyab thar lam yang dag bzhag__/baX lang dang mnyam dman la khyad par bcas/__/maX ltar byams mdzad 'jam dbyangs bla mar bsngags/__4_/tsaX kras mtshan pa gang zhabs dran tsam nas/__/tshaX grang dmyal bar gnas kyang lam bzang drangs/__/dzaX ya la sdang rtag chad smra ba dag__/waX ltar pham mdzad 'jam dbyangs bla mar bsngags/__5__/zhwaX ltar bla na 'phags pa man chad nas/__/zaX thang dman par chags pa yan chad bcas/__/'aX cag pha dang ma ltar bskyab mdzad pa/__/yaX mtshan bsam 'das 'jam dbyangs bla mar bsngags/__6__/raX ba kha bas mtshan pa thams cad na/__/laX la ma lags dam pa mtha' dag kyang /__/shaX sha d+ha ras khyab ltar mkhas pa dang /__/saX lam rgyas mdzad 'jam dbyangs bla mar bsngags/__7__/haX la dang mnyam spang bya cha bcas bsal/__/'phags pas mthar mdzad blang bya mtha' yas ldan/__/aX ra pa tsa gsang sngags dbyangs snyan pas/__/mkha' khyab sad mdzad 'jam dbyangs bla mar bsngags/__8__/srid zhi'i mig gcig rig pa'i gzi brjid kyis/__/phul byung nus mthus bdud btul sku gsum grub/__/mkhyen brtse ye shes dpe med ches cher brnyes/__/mgon khyod bstod do blo gros mchog stsol mdzod/__/ces pa'ang 'jam dbyangs bla ma dgyes pa'i 'bangs mkhyen brtse'i dbang pos gsol ba btab pa dge legs su gyur cig/___//_!
