སྨོན་གསོལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	smon gsol
Location	'phags mchog bka' 'bum Volume 2, Text 25, Pages 533-534 (Folios 1a1 to 1b2)
Author	འཕགས་མཆོག་རྡོ་རྗེ་
Less details More details
Citation	'phags mchog rdo rje. Smon gsol. In Mtshungs med grub sras 'phags mchog rdo rje mchog gi gsung 'bum rin po che , Vol. 2: 533-534. Kathmandu: Khenpo Shedup Tenzin & Lama Thinley Namgyal, 2004.
Genre	Prayers - smon lam  ·  Supplications - gsol 'debs
Colophon	།ཅེས་པའང་མེ་སྟག་ཟླ་བ་དང་པོའི་ཚེས་ཉེར་ལྔ་ལ་ཨཱརྻ་ཏིཥྛ་བཛྲས་གསོལ་བ་བཏབ་པའོ། །དགེའོ།།
	/ces pa'ang me stag zla ba dang po'i tshes nyer lnga la Ar+Ya tiSh+Tha badz+ras gsol ba btab pa'o/_/dge'o//

Tibetan Text

[edit]

༄༅། །སྨོན་གསོལ་བཞུགས། ཨོཾ་སྭ་སྟི། ཆོས་དབྱིངས་རྣམ་པར་དག་པའི་མཁའ་ཀློང་ནས། །རྒྱལ་བ་སྲས་བཅས་རྒྱ་མཚོའི་ཐུགས་རྗེ་དང་། །ལྷ་དང་དྲང་སྲོང་བདེན་ཚིག་གྲུབ་དག་གིས། །སྨོན་པའི་གནས་ལ་བྱིན་རླབས་ཆར་ཆེན་ཕོབས། །གྲུབ་པའི་རིགས་སྐྱེས་རྣམས་ཀྱི་ཐུ་བོ་པ། །སྔོན་གོམས་ཐུགས་བསྐྱེད་བཟང་པོའི་སྐྱེས་སྟོབས་ལས། །བསླབ་སྦྱངས་གོམས་པའི་གནས་ལ་མ་ལྟོས་པར། །གཟུངས་སྤོབས་བློ་གྲོས་སྟོང་གི་འདབ་མ་གྲོལ། །བཤད་དང་སྒྲུབ་པའི་གེ་སར་འབུམ་གྱི་མཛོད། །སྐལ་ལྡན་གདུལ་བྱ་རྒྱ་མཚོའི་རྒྱན་གྱུར་ནས། །རེ་ཞིག་དུས་ཀྱིས་བསྐུལ་བས་མི་མངོན་ཀྱང་། །དམ་པའི་ཐུགས་བསྐྱེད་རྩ་བ་མི་འདའ་བཞིན། །གསང་ཆེན་བསྟན་པ་རྒྱས་ཕྱིར་མགྲོན་དུ་འབོད། །ཟླ་བྲལ་ཆུ་སྐྱེས་གཞོན་ནུ་མངོན་གྱུར་ཅིང་། །འགྱུར་མེད་ཚེ་ཡི་སྡོང་པོ་རིང་དུ་བརྟན། །མི་མཐུན་ཉེས་སྐྱོན་དྲི་མའི་གཡུལ་ལས་རྒྱལ། །ཐོས་བསམ་སྒོམ་པའི་འདབ་བརྒྱ་ཡོངས་སུ་གྲོལ། །རྡོ་རྗེ་ཐེག་པའི་སྨིན་གྲོལ་འབྲས་བུས་ཕྱུག །རིས་མེད་བུང་བའི་དགའ་སྟོན་རབ་འགྱེད་དེ། །གྲུབ་པའི་རི་སུལ་འགེངས་པའི་བཀྲ་ཤིས་སྩོལ། །ཅེས་པའང་མེ་སྟག་ཟླ་བ་དང་པོའི་ཚེས་ཉེར་ལྔ་ལ་ཨཱརྻ་ཏིཥྛ་བཛྲས་གསོལ་བ་བཏབ་པའོ། །དགེའོ།། །།