རྐང་འབམ་བཅོས་ཐབས་ཀྱི་ལག་ལེན།

Previous Text Back to Volume Page Next Text

Wylie title	rkang 'bam bcos thabs kyi lag len
Location	dpal sprul bka' 'bum Volume 1, Text 30, Pages 649-651 (Folios 1a1 to 2a6)
Author	དཔལ་སྤྲུལ་རིན་པོ་ཆེ་
Less details More details
Citation	Dpal sprul rin po che. Rkang 'bam bcos thabs kyi lag len. In Dpal sprul 'jigs med chos kyi dbang po'i gsung 'bum, Vol. 1: 649-651. Kathmandu: Tsadra Foundation and Shechen Publications, 2026.
Genre	Medicine Texts - gso ba rig pa
Colophon	འདི་བླུན་པོའི་གོ་བདེར་འཕྲལ་དུ་དཔལ་སྤྲུལ་པས་གསུང་པ་ཡིན་ལེགས་སོ། །དགེའོ།
Colophon	'di blun po'i go bder 'phral du dpal sprul pas gsung pa yin legs so/_/dge'o/

[edit]

༄༅། །རྐང་འབམ་བཅོས་ཐབས་ཀྱི་ལག་ལེན།

༄༅། །དང་པོ་གསེར་ཐང་བཅོ་བརྒྱད་དང་། ནོར་བུ་བདུན་ཐང་གཉིས་གང་མང་འཐུང་དགོས་སྨན་ཨ་ཀར་སོ་ལྔ་ཐོག་མཐའ་བར་གསུམ་ཀུན་ཏུ་འཕྲོད། །འབམ་སྨན་དང་པོ་ནད་སྨད་དུ་འབེབས་པའི་དུས་སུ་གླང་ཆེན་བཅོ་བརྒྱད་ཉི་མ་ཁ་ཡར་གཏོང་དགོས། སྨད་དུ་བབ་ན་སྟོད་ཀྱི་ནད་ཐམས་ཅད་ཞི་ཞིང་རྐང་པ་སྒྱིད་ཁུག་ཁ་དབྱེ་རྒྱུ་མེད་པ་ཞ་ཡག་ཐུབ་ན་རབ་ཞག་ཉེར་གཅིག །ཐ་ན་ཡང་ཞག་བདུན་ཡན་ཆད་ཅིག་ལ། ལ་བཅོས་མི་གཏོང་བར་སྡོད་དགོས། དེ་ནས་ལ་ཕུག་རྙེད་ན་ལ་ཕུག་ཆུ་ནང་དུ་ལེགས་པར་བཀྲུས། ལ་བརྡར་ལ་བརྡར་ནས། རས་དཀར་ཅུང་ཟད་རྐང་ངན་ཞིག་གི་ནང་དུ་བླུགས་ཏེ་ཆུ་བསྐོལ་ཚ་མོ་དཀར་ཡོལ་ཕྱེད་ཙམ་ཞིག་གི་ནང་དུ་རས་དང་བཅས་པ་ཤན་ཏེ་བཙག་ནས་ཁུ་བ་དབྱུང་། ཁུ་བ་དེ་ནང་འདེབས་སྨན་བཏབ་ནས་ཞག་གཅིག་བསྙལ། ཕྱི་ནང་། ནང་དེམ་རྒྱབ་འཐུང་རྒྱུ་ཡིན། ཁང་ཐོག་སྐྱེས་པ་ཡིན་ན་ཆུ་ནང་བཀྲུས་ནས་ཞིབ་མོར་གཏུབ་སྟེ་རླང་པ་མ་ཤོར་བར་བཙོས་ཏེ། ཚོས་འཕྲལ་ནང་དུ་ཤ་སོགས་བཏབ་ནས་འཐུང་རྒྱུ་ཡིན། འབམ་བབ་ནས་སྟོད་ནད་ཞི་སྟེ་རྐང་པ་ཞམ་ཐུབ་པར་སྤྱོད་ལམ་གཡས་གཡོན་དུ་མི་སྔས་པ་དང་། མཚན་མོ་ཡང་གློ་ཕབ་ནས་མི་ཉལ་བ་ཙོག་པུར་སྡོད་ན་རབ། མིན་ན་སྔས་མཐོན་པོ་ལ་རྒྱབ་བརྟེན་ཏེ་གནས་པ་དང་། དུས་རྒྱུན་དུ་ལག་པས་ལས་ཀ་སོགས་མི་བྱེད་པ་དང་། ལུས་སྟོད་སྒུལ་བསྐྱོད་དགོས་པའི་བྱ་བ་རྣམས་གཏན་ནས་སྤངས་པའི་སྤྱོད་ལམ་འདི་ཤིན་ཏུ་གལ་ཆེ། ལ་ཕུག་ནང་འདེབས་སྨན། ཁང་ཕུག་དང་། ཆུ་རུག་གཉིས་ཀྱི་ཕྱེ་ཡིན་ནམ་སྙམ་ཡང་ཞིབ་པར་ཁོ་བོའི་བློ་ལ་མི་ཤེས་འདུག་པས་ཞིབ་པར་ལྷན་ཐབས་ལེའུ་བརྒྱ་དང་གཅིག་པ་དང་ལྡེ་མིག་སོགས་སུ་བལྟ་བར་བྱ། འདི་བླུན་པོའི་གོ་བདེར་འཕྲལ་དུ་དཔལ་སྤྲུལ་པས་གསུང་པ་ཡིན་ལེགས་སོ། །དགེའོ། །