ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ དབང་ཆོག་བྱིན་རླབས་ཆུན་པོཿ

Previous Text Back to Volume Page Next Text

Wylie title	yum ka'i gsang sgrub seng ge'i gdong can las: dbang chog byin rlabs chun po:
Location	'jigs gling bka' 'bum Volume 10, Text 40, Pages 503-505 (Folios 1a1 to 2a3)
Author	འཇིགས་མེད་གླིང་པ་
Less details More details
Tertön	འཇིགས་མེད་གླིང་པ་ ('jigs med gling pa)
Citation	'jigs med gling pa. Yum ka'i gsang sgrub seng ge'i gdong can las dbang chog byin rlabs chun po. In Kun mkhyen rig 'dzin 'jigs med gling pa'i gsung 'bum, Vol. 10: 503-505. New Delhi: Shechen Publications, 2025.
Genre	Empowerment Ritual - dbang chog - dbang skur
Cycle	ཡུམ་ཀའི་གསང་སྒྲུབ་སེང་གེའི་གདོང་ཅན་ (yum ka'i gsang sgrub seng ge'i gdong can)
Parent Cycle	ཀློང་ཆེན་སྙིང་གི་ཐིག་ལེ་ (klong chen snying gi thig le)
Deity	seng gdong ma

[edit]

༼ཁེ༽ ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ དབང་ཆོག་བྱིན་རླབས་ཆུན་པོ་བཞུགསཿ འུྃཿ བདུད་འདུལ་དྲག་མོའི་སྐུ་ལ་འདུདཿ གསང་སྒྲུབ་སེང་གེའི་གདོང་ཅན་གྱིཿ དབང་བསྐུར་གུད་དུ་ཕྱུང་བ་ནིཿ དཀྱིལ་འཁོར་གཞུང་བཞིན་མཉྫིའི་སྟེངཿ དབང་གཏོར་ཙཀ་ལི་དར་གདུགས་ཅནཿ ཕྱག་མཚན་མཆོད་ཚོགས་འདུ་བྱས་ལཿ གཞུང་བཞིན་བདག་མདུན་རོ་གཅིག་སྒྲུབསཿ དབང་གི་སྔོན་རྗེས་བྱ་བ་རྣམསཿ ཡུམ་ཀའི་དབང་གིས་ཁོག་ཕུབ་ལཿ ལོ་རྒྱུས་མཚམས་སྦྱོར་ཅི་རིགས་པ་ལསཿ འདིར་རིག་འཛིན་འཇིགས་མེད་གླིང་པ་ལ་དུས་གསུམ་མཁྱེན་པ་ཨོ་རྒྱན་ཆེན་པོས་མངོན་སུམ་པར་དགོངས་པ་གཏད་ཅིངཿ བརྡ་བརྒྱུད་ཤོག་སེར་བྱ་ཁྲའི་གཟུགས་ཀྱི་ལྟོ་བ་ལ་སྙན་བརྒྱུད་མཁའ་འགྲོའི་བརྡ་ཡིག་ཏུ་ཤར་བ་ལས་བསྒྱུར་བའི་མཁའ་འགྲོ་མ་སེང་གེའི་གདོང་ཅན་གྱི་དབང་བསྐུར་བགྱི་བ་ལ་ཁྱེད་རང་གཞི་ལུས་སུ་གནས་པའི་མིག་གཉིས་ལ་ལཾ་ལཾཿ རྣ་བ་གཉིས་ལ་ཀཾ་ཀཾཿ སྣ་བུག་གཉིས་ལ་ངཾ་ངཾཿ ལྕེ་ལ་མཾཿ ལྟེ་བར་སཾཿ སྙིང་གར་གཾཿ ཡིག་འབྲུ་དེ་རྣམས་ལས་འབར་བའི་འོད་ཟེར་གྱིས་རྣམ་སྨིན་གྱི་ལུས་རྟེན་དབང་ཡུལ་ཚོགས་བརྒྱད་རྣམས་བསྲེགས་ཤིང་སྦྱངསཿ སྟོང་པའི་ངང་ལས་པད་ཉི་བདུད་བཞིའི་གདན་ལ་ཡེ་ཤེས་ཀྱི་མཁའ་འགྲོ་མ་སེང་གེའི་གདོང་ཅན་སྐུ་མདོག་མཐིང་ནག་རྒྱན་དང་ཆ་ལུགས་རྫོགས་པར་གསལ་བའི་གནས་གསུམ་དུ་ཨོཾ་ཨཱཿཧཱུྃ་གིས་མཚན་པ་ལས་འོད་ཟེར་འཕྲོས་པས་རང་བཞིན་ཆོས་ཉིད་ཀྱི་གནས་ནས་ཡེ་ཤེས་སེམས་དཔའ་སྤྱན་དྲངས་ནས་སློབ་མ་དང་གཉིས་སུ་མེད་པར་གྱུརཿ ཅེས་བརྗོད་ལ་རྩ་སྔགས་དང་རོལ་མོས་བྱིན་དབབཿ ཏིཥྛ་བཛྲས་བརྟན་པར་བྱཿ དེ་ནས་གཏོར་མ་སྤྱི་བོར་བཞག་ལཿ གཏོར་མ་འདི་ཉིད་མཁའ་འགྲོ་མ་སེང་གེའི་གདོང་པ་ཅན་དངོས་སུ་གསལ་བ་ཁྱེད་རང་གི་སྤྱི་བོ་ནས་ཞུགས་པས་ཕུང་ཁམས་སྐྱེ་མཆེད་གདན་གསུམ་ཚང་བའི་ངོ་བོར་སྨིནཿ སེང་གེའི་གདོང་ཅན་དངོས་སུ་གྱུར་པའི་མོས་པ་མཛོདཿ ཧོཿ སྐྱེ་བ་མེད་ལས་གཟུགས་སུ་སྐྱེསཿ སྣང་སྟོང་དབྱེར་མེད་ལྷ་ཡི་སྐུཿ བུམ་པའི་དབང་གི་ངོ་བོ་ཉིདཿ སྐུ་ལྔ་ཡེ་ཤེས་ལྔ་རྫོགས་ཤོགཿ རྩ་སྔགས་མཐརཿ ཀ་ལ་ཤ་ཨ་བྷི་ཥིཉྩ་ཧཱུྃཿ བགྲང་ཕྲེང་མགྲིན་པར་བཞག་ལཿ ཨཱ་ལི་ཐབས་ཀྱི་ངོ་བོ་ཉིདཿ ཀཱ་ལི་ཤེས་རབ་རང་བཞིན་ལསཿ ཟུང་འཇུག་ཡིག་འབྲུ་བཅུ་གཉིས་བྱུངཿ རྟེན་འབྲེལ་དུས་སྦྱོར་ལས་སྐྱེས་པའིཿ ལས་རླུང་སྔགས་སུ་སྨིན་པར་ཤོགཿ བསྙེན་སྒྲུབ་སྔགས་ཀྱི་རྗེས་གནང་བྱིནཿ ཁ་ཊྭཱཾ་ཀ་སྙིང་གར་བཞག་ལ། ཧཱུྃཿ ཕྱག་མཚན་ཐབས་མཆོག་བདེ་བ་ཆེཿ གསུམ་པའི་དབང་གི་ངོ་བོ་ཉིདཿ དགའ་བཞིས་སྦྱངས་པའི་དཔེའི་ཡེ་ཤེསཿ རྣམ་ཐར་གསུམ་ལྡན་ལ་གནས་ཤོགཿ རྩ་སྔགས་མཐརཿ ཛཿཧཱུྃ་བྃ་ཧོཿ དྷརྨ་དྷཱརྟུ་ཨཿ གྲི་ཐོད་གཏད་ལཿ ཧཱུྃཿ གྲི་གུག་གཟུང་འཛིན་རྩ་བ་གཅོདཿ ཐོད་ཁྲག་ཞི་རྒྱས་ཆགས་པའི་ཉམསཿ ལས་བཞི་ལྷུན་གྲུབ་ཕྱག་མཚན་འདིསཿ ཕྲིན་ལས་རྣམ་བཞི་འགྲུབ་པར་ཤོགཿ རྩ་སྔགས་མཐརཿ ཤཱནྟིཾ་པུཥྚིཾ་པཱ་ཤང་མཱ་ར་ཡ་ཕཊཿ རྗེས་ཆོག་ཡུམ་ཀའི་དབང་བཞིན་ནོཿ ས་མ་ཡཿ རྒྱ་རྒྱ་རྒྱཿ ཿ