མཁའ་འགྲོའི་གཡང་འགུགས་བསེ་རགས་རྫོང་ཐབསཿ

Previous Text Back to Volume Page Next Text

Wylie title	mkha' 'gro'i g.yang 'gugs bse rags rdzong thabs:
Location	'jigs gling bka' 'bum Volume 10, Text 34, Pages 425-426 (Folios 1a1 to 1b2)
Author	འཇིགས་མེད་གླིང་པ་
Less details More details
Tertön	འཇིགས་མེད་གླིང་པ་ ('jigs med gling pa)
Citation	'jigs med gling pa. Mkha' 'gro'i g.yang 'gugs bse rags rdzong thabs. In Kun mkhyen rig 'dzin 'jigs med gling pa'i gsung 'bum, Vol. 10: 425-426. New Delhi: Shechen Publications, 2025.
Genre	Expelling Rites - rdzongs pa
Cycle	ཡུམ་བཀའ་བདེ་ཆེན་རྒྱལ་མོ་ (yum bka' bde chen rgyal mo)
Parent Cycle	ཀློང་ཆེན་སྙིང་གི་ཐིག་ལེ་ (klong chen snying gi thig le)

[edit]

འུྃཿ མཁའ་འགྲོའི་གཡང་འགུགས་བསེ་རགས་རྫོང་ཐབས་བཞུགསཿ ནོར་སྒྲུབ་སྒབ་འདྲེ་མ་ནོན་ནཿ ཞབས་རྡོལ་སྣོད་དུ་བཅུད་བླུགས་འདྲཿ དེ་ཕྱིར་ཐེའུ་བྲང་སྲིས་རྐུན་གཟུགསཿ གཅེར་བུ་ཐལ་མོ་བཟེད་པའི་མདུནཿ འབྲུ་སྣ་ཟས་སྣ་ཆངས་བུ་དངཿ སྦང་མ་ལ་ཕུག་ཐལ་ཟན་དངཿ ཆང་ཆུ་གོས་དུམ་སྔོ་ངད་སོགསཿ ངན་ངོན་ཟས་དང་ཏིང་ལོ་བསགཿ ཨ་ཀཱ་རོས་བརླབ་འདི་ལྟར་གྱེརཿ ཀྱེ་སྲིད་གསུམ་འདི་ན་སུ་ཡང་རུངཿ མ་རིག་འཛིན་པའི་ཉེར་ལེན་ལསཿ དུག་ལྔའི་རང་གཟུགས་ཅན་དུ་འཁོརཿ བརྐུ་དང་སེར་སྣའི་རྒྱུ་མཐུན་ལསཿ ཐེའུ་བྲང་ཡི་དྭགས་བསེ་རགས་ནིཿ ནོར་ལ་གང་སྟོངས་བདག་པོ་སྟེཿ ཁྱོད་ལ་དེ་རིང་བརྔན་བྱིན་གྱིསཿ མི་ཡི་དཔལ་དང་ཕྱུགས་ཀྱི་གཡངཿ ནོར་གྱི་ཕྱྭ་དང་འབྲུ་ཡི་བཅུདཿ བཟའ་བཏུང་སྲིས་ལ་མ་བརྐུ་བརཿ རི་རབ་ཆེན་པོའི་བྱང་གི་ཕྱོགསཿ སྒྲ་མི་སྙན་པའི་གྲོང་ཁྱེར་ནཿ ཟས་ནོར་ལོངས་སྤྱོད་བསམ་མི་ཁྱབཿ ཕོངས་དང་མུ་གེའི་སྡུག་བསྔལ་མེདཿ དེ་རུ་ཁྱོད་ལ་ལམ་བསྟན་གྱིསཿ ཏིང་ལོས་ལམ་སྒྲོན་གྱིས་ལ་སོངཿ ཆངས་བུས་ལམ་རྒྱགས་གྱིས་ལ་སོངཿ འདི་རུ་སྡོད་པའི་གནས་མེད་ཀྱིསཿ ཡི་དམ་ལྷ་ཡི་མཐུ་བྱིན་དངཿ ཁྲོ་བོ་ཁྲོ་མོའི་ཚྭ་ཚྭ་ཡིསཿ ཁྱོད་ཀྱི་མིང་གཟུགས་བརླག་འགྱུར་ནཿ ད་ལྟ་ཉིད་དུ་ཕྱིར་དེངས་ཤིགཿ གཙྪཿ ཞེས་རོལ་མོ་དང་ཐུན་གྱིས་བསྐྲད། སྲུང་འཁོར་བསྒོམ། འདི་ནི་ཤིན་ཏུ་གལ་ཆེ་བར་འདུག་གོ། །འདི་གཡང་འགུགས་བཟླས་པ་ཚར་རྗེས། མ་མགོན་དང་ཚེ་རིང་མའི་བསྐང་གསོའི་མཇུག །གཡང་འགུགས་དངོས་གཞིའི་མགོར་གཏང་ངོ་།། །།