ཕུར་པ་རྒྱུད་ལུགས་ལས་ཛཔ་྄བསྐུལ།

Previous Text Back to Volume Page Next Text

Wylie title	phur pa rgyud lugs las dzap bskul
Location	'jigs gling bka' 'bum Volume 9, Text 10, Pages 349-354 (Folios 1a1 to 3b)
Author	འཇིགས་མེད་གླིང་པ་
Less details More details
Citation	'jigs med gling pa. Phur pa rgyud lugs las dzap bskul. In Kun mkhyen rig 'dzin 'jigs med gling pa'i gsung 'bum, Vol. 9: 349-354. New Delhi: Shechen Publications, 2025.
Genre	Mantra Repetition Preparatory Liturgies - dzab khang dbye ba - dzab bskul
Cycle	ཕུར་པ་རྒྱུད་ལུགས་ (phur pa rgyud lugs)
Deity	rdo rje phur pa
Colophon	ཞེས་རྡོ་རྗེ་ཁྲོས་པའི་བཤད་རྒྱུད་ལས་སོ། །མངྒ་ལཾ། དགེའོ།།
Colophon	zhes rdo rje khros pa'i bshad rgyud las so/_/mang+ga laM/_dge'o//

[edit]

༄༅། །ཕུར་པ་རྒྱུད་ལུགས་ལས་ཛཔ་྄བསྐུལ་བཞུགས་སོ། །

༄༅། །ཛཔ་྄བསྐུལ་ནི། ཚིལ་ཆེན་བསྲེགས་ཤིང་རོལ་ཆེན་དབྱངས་དང་བཅས། ཧཱུྃ་སྟོང་གསུམ་སྟོང་གི་འཇིག་རྟེན་ན། །དབུས་ཕྱོགས་སྟོང་གི་འཇིག་རྟེན་ན། །བརྟན་གཡོ་རྩི་ཤིང་ནགས་ཚལ་ཀུན། །ཀུན་ཀྱང་རྡོ་རྗེ་ཕུར་པའི་ལྷ། །ཞལ་གསུམ་ཕྱག་དྲུག་ཞབས་བཞི་བགྲད། །མཐིང་ནག་མེ་ཡི་འོད་འཕྲོ་ཞིང་། །བཞད་དང་གཤེ་དང་ཁྲོ་བའི་ཚུལ། །ཕྱག་དྲུག་འཇིགས་པའི་མཚོན་ཆ་ཡིས། །འགྲོ་དྲུག་བྷ་གའི་དབྱིངས་སུ་སྦྱོར། །ཞབས་བཞིས་བདུད་བཞི་ཟིལ་གྱིས་གནོན། །ཞལ་ནས་ཀཱི་ལའི་སྔགས་ཟློས་ཤིང་། །གནས་འདིར་སྤྱན་འདྲེན་གཤེགས་སུ་གསོལ། །གནས་འདིར་སྤྱན་འདྲེན་གཤེགས་ནས་ཀྱང་། །དཀྱིལ་འཁོར་འདི་ལ་བརྟན་པར་བཞུགས། །ཕུར་པ་འདི་ལ་དབང་ཞིག་བསྐུར། །ཕུར་པ་འདི་ལ་བྱིན་གྱིས་རློབས། །རྟགས་དང་མཚན་མ་དབྱུང་བ་དང་། །རིག་འཛིན་བདག་ལ་དངོས་གྲུབ་སྩོལ། །ཨོཾ་བཛྲ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཧཱུྃ་སྟོང་གསུམ་སྟོང་གི་འཇིག་རྟེན་ན། །ཤར་ཕྱོགས་སྟོང་གི་འཇིག་རྟེན་ན། །བརྟན་གཡོ་རྩི་ཤིང་ནགས་ཚལ་ཀུན། །ཀུན་ཀྱང་བུདྡྷ་ཕུར་པའི་ལྷ། །ཞལ་གསུམ་ཕྱག་དྲུག་ཞབས་བཞི་བགྲད། །དཀར་གསལ་མེ་ཡི་འོད་འཕྲོ་ཞིང་། །བཞད་དང་གཤེ་དང་ཁྲོ་བའི་ཚུལ། །ཕྱག་དྲུག་འཇིགས་པའི་མཚོན་ཆ་ཡིས། །འགྲོ་དྲུག་བྷ་གའི་དབྱིངས་སུ་སྦྱོར། །ཞབས་བཞིས་བདུད་བཞི་ཟིལ་གྱིས་གནོན། །ཞལ་ནས་ཀཱི་ལའི་སྔགས་ཟློས་ཤིང་། །གནས་འདིར་སྤྱན་འདྲེན་གཤེགས་སུ་གསོལ། །གནས་འདིར་སྤྱན་འདྲེན་གཤེགས་ནས་ཀྱང་། །དཀྱིལ་འཁོར་འདི་ལ་བརྟན་པར་བཞུགས། །ཕུར་པ་འདི་ལ་དབང་ཞིག་སྐུར། །ཕུར་པ་འདི་ལ་བྱིན་གྱིས་རློབས། །རྟགས་དང་མཚན་མ་དབྱུང་བ་དང་། །རིག་འཛིན་བདག་ལ་དངོས་གྲུབ་སྩོལ། །ཨོཾ་བུདྡྷ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཧཱུྃ་སྟོང་གསུམ་སྟོང་གི་འཇིག་རྟེན་ན། །ལྷོ་ཕྱོགས་སྟོང་གི་འཇིག་རྟེན་ན། །བརྟན་གཡོ་རྩི་ཤིང་ནགས་ཚལ་ཀུན། །ཀུན་ཀྱང་རཏྣ་ཕུར་པའི་ལྷ། །ཞལ་གསུམ་ཕྱག་དྲུག་ཞབས་བཞི་བགྲད། །སེར་གསལ་མེ་ཡི་འོད་འཕྲོ་ཞིང་། །བཞད་དང་གཤེ་དང་ཁྲོ་བའི་ཚུལ། །ཕྱག་དྲུག་འཇིགས་པའི་མཚོན་ཆ་ཡིས། །འགྲོ་དྲུག་བྷ་གའི་དབྱིངས་སུ་སྦྱོར། །ཞབས་བཞིས་བདུད་བཞི་ཟིལ་གྱིས་གནོན། །ཞལ་ནས་ཀཱི་ལའི་སྔགས་ཟློས་ཤིང་། །གནས་འདིར་སྤྱན་འདྲེན་གཤེགས་སུ་གསོལ། །གནས་འདིར་སྤྱན་འདྲེན་གཤེགས་ནས་ཀྱང་། །དཀྱིལ་འཁོར་འདི་ལ་བརྟན་པར་བཞུགས། །ཕུར་པ་འདི་ལ་དབང་ཞིག་སྐུར། །ཕུར་པ་འདི་ལ་བྱིན་གྱིས་རློབས། །རྟགས་དང་མཚན་མ་དབྱུང་བ་དང་། །རིག་འཛིན་བདག་ལ་དངོས་གྲུབ་སྩོལ། །ཨོཾ་རཏྣ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུྃ་བྷྱོ་ཧཱུྃ། །ཧཱུྃ་སྟོང་གསུམ་སྟོང་གི་འཇིག་རྟེན་ན། །ནུབ་ཕྱོགས་སྟོང་གི་འཇིག་རྟེན་ན། །བརྟན་གཡོ་རྩི་ཤིང་ནགས་ཚལ་ཀུན། །ཀུན་ཀྱང་པདྨ་ཕུར་པའི་ལྷ། །ཞལ་གསུམ་ཕྱག་དྲུག་ཞབས་བཞི་བགྲད། །དམར་གསལ་མེ་ཡི་འོད་འཕྲོ་ཞིང་། །བཞད་དང་གཤེ་དང་ཁྲོ་བའི་ཚུལ། །ཕྱག་དྲུག་འཇིགས་པའི་མཚོན་ཆ་ཡིས། །འགྲོ་དྲུག་བྷ་གའི་དབྱིངས་སུ་སྦྱོར། །ཞབས་བཞིས་བདུད་བཞི་ཟིལ་གྱིས་གནོན། །ཞལ་ནས་ཀཱི་ལའི་སྔགས་ཟློས་ཤིང་། །གནས་འདིར་སྤྱན་འདྲེན་གཤེགས་སུ་གསོལ། །གནས་འདིར་སྤྱན་འདྲེན་གཤེགས་ནས་ཀྱང་། །དཀྱིལ་འཁོར་འདི་ལ་བརྟན་པར་བཞུགས། །ཕུར་པ་འདི་ལ་དབང་ཞིག་བསྐུར། །ཕུར་པ་འདི་ལ་བྱིན་གྱིས་རློབས། །རྟགས་དང་མཚན་མ་དབྱུང་བ་དང་། །རིག་འཛིན་བདག་ལ་དངོས་གྲུབ་སྩོལ། །ཨོཾ་པདྨ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཧཱུྃ་སྟོང་གསུམ་སྟོང་གི་འཇིག་རྟེན་ན། །བྱང་ཕྱོགས་སྟོང་གི་འཇིག་རྟེན་ན། །བརྟན་གཡོ་རྩི་ཤིང་ནགས་ཚལ་ཀུན། །ཀུན་ཀྱང་ལས་ཀྱི་ཕུར་པའི་ལྷ། །ཞལ་གསུམ་ཕྱག་དྲུག་ཞབས་བཞི་བགྲད། །ལྗང་གུ་མེ་ཡི་འོད་འཕྲོ་ཞིང་། །རྔམས་དང་བཞད་དང་ཁྲོ་བོའི་ཚུལ། །ཕྱག་དྲུག་འཇིགས་པའི་མཚོན་ཆ་ཡིས། །འགྲོ་དྲུག་བྷ་གའི་དབྱིངས་སུ་སྦྱོར། །ཞབས་བཞིས་བདུད་བཞི་ཟིལ་གྱིས་གནོན། །ཞལ་ནས་ཀཱི་ལའི་སྔགས་ཟློས་ཤིང་། །གནས་འདིར་སྤྱན་འདྲེན་གཤེགས་སུ་གསོལ། །གནས་འདིར་སྤྱན་འདྲེན་གཤེགས་ནས་ཀྱང་། །དཀྱིལ་འཁོར་འདི་ལ་བརྟན་པར་བཞུགས། །ཕུར་པ་འདི་ལ་དབང་ཞིག་སྐུར། །ཕུར་པ་འདི་ལ་བྱིན་གྱིས་རློབས། །རྟགས་དང་མཚན་མ་དབྱུང་བ་དང་། །རིག་འཛིན་བདག་ལ་དངོས་གྲུབ་སྩོལ། །ཨོཾ་ཀརྨཱ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཞེས་རྡོ་རྗེ་ཁྲོས་པའི་བཤད་རྒྱུད་ལས་སོ། །མངྒ་ལཾ། དགེའོ།། །།