བླ་མ་སྐུ་བཞིའི་བདག་ཉིད་ལ་གསོལ་འདེབས་རྡོ་རྗེའི་ཐོལ་གླུ་བྱིན་རླབས་ཐིག་ལེ།

🚧 This website is under continued development. We appreciate your patience!

Previous Text Back to Volume PageNext Text

Wylie title	bla ma sku bzhi'i bdag nyid la gsol 'debs rdo rje'i thol glu byin rlabs thig le
Location	mkhyen brtse'i bka' 'bum Volume 22, sde tshan 12, Text 46, Pages 492-493 (Folios 74b1 to 75a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bla ma sku bzhi'i bdag nyid la gsol 'debs rdo rje'i thol glu byin rlabs thig le. In 'jam dbyangs mkhyen brtse'i dbang po'i bka' 'bum, Vol. 22: 492-493. Khams sde dge rdzong sar dgon: Rdzong sar blo gros phun tshogs, 2020.
Genre	Supplications - gsol 'debs  ·  Vajra Songs - rdo rje'i glu

1 Texts in this Section (sde tshan or chos tshan)

46 492-493	བླ་མ་སྐུ་བཞིའི་བདག་ཉིད་ལ་གསོལ་འདེབས་རྡོ་རྗེའི་ཐོལ་གླུ་བྱིན་རླབས་ཐིག་ལེ། bla ma sku bzhi'i bdag nyid la gsol 'debs rdo rje'i thol glu byin rlabs thig le Supplications - gsol 'debs   ·   Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བླ་མ་སྐུ་བཞིའི་བདག་ཉིད་ལ་གསོལ་བ་འདེབས་པའི་རྡོ་རྗེའི་ཐོལ་གླུ་བྱིན་རླབས་ཐིག་ལེ་ཅེས་བྱ་བ། ཨ་ཧོ། གདོད་ནས་སྤྲོས་པ་བྲལ་བའི་ཡེ་ཤེས་ཀྱི་ཀློང་ནས། །ཚོགས་སྦྱོར་མཐོང་སྒོམ་ལམ་ཀུན་མི་སློབ་ཏུ་རྫོགས་པའི། །རིག་སྟོང་ཟུང་འཇུག་ཆོས་སྐུའི་བླ་མ་དེ་མཁྱེན་ནོ། །དག་པ་གཉིས་ལྡན་ཆེན་པོར་བྱིན་གྱིས་རང་རློབས་ཤིག །སྟོང་དང་སྙིང་རྗེ་ཟུང་འཇུག་བདེ་ཆེན་གྱི་ཀློང་ནས། །སྐུ་གསུམ་ཡན་ལག་བདུན་ལྡན་ཁ་སྦྱོར་དུ་རྫོགས་པའི། །གསལ་སྟོང་ཟུང་འཇུག་ལོངས་སྐུའི་བླ་མ་དེ་མཁྱེན་ནོ། །རྟོག་ཚོགས་རང་སར་གྲོལ་བར་བྱིན་གྱིས་རང་རློབས་ཤིག །གང་འདུལ་སྣ་ཚོགས་སྒྱུ་མར་འཕྲུལ་པ་ཡི་ཀློང་ནས། །ཐབས་ཤེས་མཚན་དང་དཔེ་བྱད་ཡོན་ཏན་དུ་རྫོགས་པའི། །སྣང་སྟོང་ཟུང་འཇུག་སྤྲུལ་སྐུའི་བླ་མ་དེ་མཁྱེན་ནོ། །དཀྱིལ་འཁོར་གསུམ་དུ་སྨིན་པར་བྱིན་གྱིས་རང་རློབས་ཤིག །སྐུ་གསུམ་དབྱེར་མེད་ལྷན་སྐྱེས་གཉུག་མ་ཡི་ཀློང་ནས། །ཟབ་ཞི་སྤྲོས་བྲལ་ནང་གསལ་ཆེན་པོ་རུ་རྫོགས་པའི། །བདེ་སྟོང་ཟུང་འཇུག་ཉིད་སྐུའི་བླ་མ་དེ་མཁྱེན་ནོ། །བློ་བྲལ་ངང་བཞག་རྟོགས་པར་བྱིན་གྱིས་རང་རློབས་ཤིག །དེ་སྐད་གསོལ་བ་འདེབས་པའི་རྡོ་རྗེ་ཡི་ཐོལ་གླུ། །མགྲིན་པ་ལོངས་སྤྱོད་འཁོར་ལོའི་དཀོར་མཛོད་ནས་བླངས་པས། །གཟུང་འཛིན་འཁྲུལ་པར་སྤྱོད་པའི་འགྲོ་བ་ཡི་ཚོགས་ཀུན། །རང་རིག་བརྗོད་བྲལ་མཐོང་བར་བྱིན་གྱིས་རང་རློབས་ཤིག ། ༈

[edit]

bla ma sku bzhi'i bdag nyid la gsol 'debs rdo rje'i thol glu byin rlabs thig le/__ bla ma sku bzhi'i bdag nyid la gsol ba 'debs pa'i rdo rje'i thol glu byin rlabs thig le ces bya ba/__a ho/__gdod nas spros pa bral ba'i ye shes kyi klong nas/__/tshogs sbyor mthong sgom lam kun mi slob tu rdzogs pa'i/__/rig stong zung 'jug chos sku'i bla ma de mkhyen no/__/dag pa gnyis ldan chen por byin gyis rang rlobs shig__/stong dang snying rje zung 'jug bde chen gyi klong nas/__/sku gsum yan lag bdun ldan kha sbyor du rdzogs pa'i/__/gsal stong zung 'jug longs sku'i bla ma de mkhyen no/__/rtog tshogs rang sar grol bar byin gyis rang rlobs shig__/gang 'dul sna tshogs sgyu mar 'phrul pa yi klong nas/__/thabs shes mtshan dang dpe byad yon tan du rdzogs pa'i/__/snang stong zung 'jug sprul sku'i bla ma de mkhyen no/__/dkyil 'khor gsum du smin par byin gyis rang rlobs shig__/sku gsum dbyer med lhan skyes gnyug ma yi klong nas/__/zab zhi spros bral nang gsal chen po ru rdzogs pa'i/__/bde stong zung 'jug nyid sku'i bla ma de mkhyen no/__/blo bral ngang bzhag rtogs par byin gyis rang rlobs shig__/de skad gsol ba 'debs pa'i rdo rje yi thol glu/___/mgrin pa longs spyod 'khor lo'i dkor mdzod nas blangs pas/__/gzung 'dzin 'khrul par spyod pa'i 'gro ba yi tshogs kun/__/rang rig brjod bral mthong bar byin gyis rang rlobs shig_/__!