JKW-KABUM-22-ZA-012-017

Previous Text Back to Volume PageNext Text

འཕགས་མཆོག་ཕྱག་ན་པདྨོ་ལ་གསོལ་བ་འདེབས་པ་ཐུགས་དམ་བསྐུལ་བའི་རྡོ་རྗེའི་ཐོལ་གླུ་དྲང་སྲོང་དགྱེས་པའི་འབབ་སྟེགས།

Wylie title	'phags mchog phyag na pad+mo la gsol ba 'debs pa thugs dam bskul ba'i rdo rje'i thol glu drang srong dgyes pa'i 'bab stegs
Location	mkhyen brtse'i bka' 'bum Volume 22, sde tshan 12, Text 17, Pages 392-395 (Folios 24b4 to 26a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'phags mchog phyag na pad+mo la gsol ba 'debs pa thugs dam bskul ba'i rdo rje'i thol glu drang srong dgyes pa'i 'bab stegs. In 'jam dbyangs mkhyen brtse'i dbang po'i bka' 'bum, Vol. 22: 392-395. Khams sde dge rdzong sar dgon: Rdzong sar blo gros phun tshogs, 2020.
Genre	Supplications - gsol 'debs  ·  Vajra Songs - rdo rje'i glu
Colophon	།ཞེས་པའང་གངས་ཅན་བོད་ཀྱི་རྡོ་རྗེ་གདན་ར་ས་འཕྲུལ་སྣང་གི་གཙུག་ལག་ཁང་ཆེན་པོ་དང་ཉེ་བའི་ཕོ་བྲང་དམར་པོ་རིའི་འདབས་འབྱོར་དུས་ཟླའི་གྲལ་ཚེས་དགེ་བར་གང་ཤར་གླུར་བླངས་པའི་འཆར་གཞིའོ།།
	zhes pa'ang gangs can bod kyi rdo rje gdan ra sa 'phrul snang gi gtsug lag khang chen po dang nye ba'i pho brang dmar po ri'i 'dabs 'byor dus zla'i gral tshes dge bar gang shar glur blangs pa'i 'char gzhi'o

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

འཕགས་མཆོག་ཕྱག་ན་པདྨོ་ལ་གསོལ་བ་འདེབས་པ་ཐུགས་དམ་བསྐུལ་བའི་རྡོ་རྗེའི་ཐོལ་གླུ་དྲང་སྲོང་དགྱེས་པའི་འབབ་སྟེགས་ཞེས་བྱ་བ། ཨ་ཧོ། སྲས་བཅས་རྒྱལ་བ་ཐམས་ཅད་ཀྱི་ཡེ་ཤེས། །ཚད་མེད་སྙིང་རྗེའི་རང་གཟུགས་སུ་སྣང་བས། །འགྲོ་ཀུན་ཐར་པའི་གོ་འཕང་ལ་སྦྱོར་བའི། །འཕགས་མཆོག་ཕྱག་ན་པདྨོ་ལ་འདུད་དོ། །སྤྲིན་བྲལ་ཟླ་བ་གསར་པ་ཡི་ལང་ཚོར། །རབ་མཛེས་མཚན་དཔེའི་མཚར་སྡུག་གིས་འཁྱུད་པས། །ཡིད་ཅན་ཐར་པའི་ངལ་གསོ་ལ་སྦྱར་བའི། །འཕགས་མཆོག་ཕྱག་ན་པདྨོ་ལ་འདུད་དོ། །ཡན་ལག་དྲུག་ཅུའི་རྒྱུད་མངས་ཀྱི་གདངས་སྙན། །ལུང་རྟོགས་ཆོས་ཀྱི་བདུད་རྩི་དང་བསྲེས་ནས། །སྐལ་བཟང་རྣ་བའི་བཅུད་ལེན་དུ་སྩལ་བའི། །འཕགས་མཆོག་ཕྱག་ན་པདྨོ་ལ་འདུད་དོ། །ཐུགས་ནི་སྟོང་ཉིད་སྙིང་རྗེ་ཡི་རོལ་མོ། །དབྱེར་མེད་མཁྱེན་གཉིས་སྣང་བ་དང་འགྲོགས་པས། །སྲིད་དང་ཞི་བའི་མུན་སྟུག་ཀུན་སེལ་བའི། །འཕགས་མཆོག་ཕྱག་ན་པདྨོ་ལ་འདུད་དོ། །ལུས་ཅན་གང་གིས་ཁྱོད་མཚན་ཙམ་ཐོས་པས། །གནས་སྐབས་མཐར་ཐུག་འདོད་པ་ཀུན་འཇོ་བའི། །ཡོན་ཏན་ཟད་མེད་ཡིད་བཞིན་གྱི་ནོར་བུ། །འཕགས་མཆོག་ཕྱག་ན་པདྨོ་ལ་འདུད་དོ། །མཐའ་ཀླས་སེམས་ཅན་ཁམས་རྣམས་ཀུན་མ་ལུས། །མི་ཕྱེད་ཐུགས་རྗེའི་སྤྱན་རས་ཀྱིས་གཟིགས་ནས། །སྒྲོལ་བའི་ཕྲིན་ལས་ཁུར་ཆེན་ལ་འཆེལ་བའི། །འཕགས་མཆོག་ཕྱག་ན་པདྨོ་ལ་འདུད་དོ། །ཀྱེ་མ་ཀྱི་ཧུད་སྙིགས་མ་ཡི་འགྲོ་ཀུན། །ཤིན་ཏུ་བཟོད་དཀའི་དུཿཁ་ལ་སྤྱོད་ཅིང་། །རྒྱལ་བསྟན་ཉི་མ་ནུབ་རི་ཡི་རྩེ་མོར། །རིངས་པར་ཐལ་བའི་ངང་ཚུལ་འདི་སྐྱོ་བ། །ཕན་བདེའི་འབྱུང་གནས་བཤད་སྒྲུབ་ཀྱི་སྙིང་པོ། །སྟོབས་དང་འབྱོར་པའི་གཟུགས་བརྙན་ལ་འཁྲུལ་ཏེ། །ཆོས་བཞིན་བཅོས་པས་ཆོས་མིན་ལ་སྦྱོར་བའི། །དགེ་སྦྱོང་ཀླ་ཀློའི་ཆོས་ལུགས་འདི་སྐྱོ་བ། །གཏན་གྱི་སྐྱབས་གཅིག་བསླུ་མེད་ཀྱི་བདག་ཉིད། །རྒྱལ་དང་དེ་སྲས་རྣམ་འདྲེན་ཀུན་བོར་ནས། །རང་རྒྱུད་དྲེགས་པའི་ཕྱི་བཞིན་དུ་འདུད་པའི། །བློ་གྲོས་གདོན་གྱིས་བཏབ་པ་འདི་སྐྱོ་བ། །གནས་སྐབས་ཕྱག་ལེན་ཕྲ་མོ་ཡི་གནང་བཀག །སྲོག་ལྟར་གཅེས་པའི་བརྫུ་བག་ལ་བརྟེན་ནས། །མཐར་ཐུག་མི་དགེ་འཇོལ་ཉོག་ཏུ་སྤྱོད་པའི། །འདུལ་བ་འཛིན་པའི་གཟུགས་བརྙན་འདི་སྐྱོ་བ། །གཞན་ཕན་འགྲོ་དོན་སྒྲོ་བཏགས་ལ་བསྙད་ནས། །རང་དོན་ཕུགས་སུ་བཅུག་པ་ཡི་སྤྱོད་པས། །མངའ་ཐང་གཟི་བརྗིད་རྒྱལ་ཕམ་ལ་འགྲན་པའི། །བྱང་ཆུབ་སེམས་དཔའི་གྲགས་སྐམ་འདི་སྐྱོ་བ། །དངོས་གྲུབ་རྩ་བ་ཁྱབ་བདག་གི་བླ་མར། །དབང་ལུང་མན་ངག་གདམས་པ་ཀུན་ནོས་ཏེ། །དད་དང་དམ་ཚིག་རྩ་བ་ནས་འདོར་བའི། །རིག་པ་འཛིན་པའི་རྐང་འདྲེན་འདི་སྐྱོ་བ། །གཞུང་ལུགས་མང་པོར་ཐོས་བསམ་ལ་འབད་ཀྱང་། །ང་རྒྱལ་དྲེགས་པའི་སྣོན་མ་རུ་སོང་ནས། །རྒྱལ་བསྟན་ཐ་དད་འགལ་འདུ་རུ་བརྩི་བའི། །ཆོས་སྤངས་སྡིག་པའི་ཁུར་ཆེན་འདི་སྐྱོ་བ། །དབེན་པའི་གནས་སུ་བསམ་གཏན་ལ་འབད་ཀྱང་། །རྒྱུད་ལུང་མན་ངག་རྒྱང་རིང་དུ་དོར་ནས། །བླུན་སྒོམ་གཏི་མུག་ཉམས་ལེན་དུ་འདོད་པའི། །ངལ་བཅས་མི་ཚེ་སྟོང་ཟད་འདི་སྐྱོ་བ། །མདོར་ན་སྙིགས་མའི་འགྱུར་བ་ཡིས་བཏབ་པས། །གང་ལ་བསམས་ཀྱང་སྐྱོ་ཤེས་སུ་གྱུར་ན། །མགོན་ཁྱོད་ཕྲིན་ལས་རྩེ་གཅིག་གིས་བསྐུལ་ན། །ད་ཙམ་ཐུགས་རྗེའི་སྒྱུ་འཕྲུལ་ཞིག་སྟོན་རན། །དུས་གསུམ་གཞན་དོན་ཁོ་ན་ལ་དགྱེས་པའི། །དམ་བཅའི་རི་མོ་བྲིས་པ་དེ་དགོངས་ལ། །གངས་ཅན་བསྟན་འགྲོར་ཕན་བདེ་ཡི་དགའ་སྟོན། །ནུབ་མེད་དད་བའི་དཔྱིད་དཔལ་ལ་སྦྱོར་མཛོད། །དེ་སྐད་བོད་ཡུལ་རུ་བཞི་ཡི་ལྟེ་བ། །གྲུ་འཛིན་གཉིས་པའི་ཕོ་བྲང་གི་འདབས་ཞོལ། །ནི་ཙུ་ལ་ཡི་དགའ་ཚལ་གྱི་དབུས་སུ། །འཁོས་མེད་རྣལ་འབྱོར་སྤྲང་པོ་དེས་བྲིས་སོ། །ཞེས་པའང་གངས་ཅན་བོད་ཀྱི་རྡོ་རྗེ་གདན་ར་ས་འཕྲུལ་སྣང་གི་གཙུག་ལག་ཁང་ཆེན་པོ་དང་ཉེ་བའི་ཕོ་བྲང་དམར་པོ་རིའི་འདབས་འབྱོར་དུས་ཟླའི་གྲལ་ཚེས་དགེ་བར་གང་ཤར་གླུར་བླངས་པའི་འཆར་གཞིའོ།། །། ༈

[edit]

'phags mchog phyag na pad+mo la gsol ba 'debs pa thugs dam bskul ba'i rdo rje'i thol glu drang srong dgyes pa'i 'bab stegs/__ 'phags mchog phyag na pad+mo la gsol ba 'debs pa thugs dam bskul ba'i rdo rje'i thol glu drang srong dgyes pa'i 'bab stegs zhes bya ba/__a ho/__sras bcas rgyal ba thams cad kyi ye shes/__/tshad med snying rje'i rang gzugs su snang bas/__/'gro kun thar pa'i go 'phang la sbyor ba'i/__/'phags mchog phyag na pad+mo la 'dud do/__/sprin bral zla ba gsar pa yi lang tshor/__/rab mdzes mtshan dpe'i mtshar sdug gis 'khyud pas/__/yid can thar pa'i ngal gso la sbyar ba'i/__/'phags mchog phyag na pad+mo la 'dud do/__/yan lag drug cu'i rgyud mangs kyi gdangs snyan/__/lung rtogs chos kyi bdud rtsi dang bsres nas/__/skal bzang rna ba'i bcud len du stsal ba'i/__/'phags mchog phyag na pad+mo la 'dud do/__/thugs ni stong nyid snying rje yi rol mo/__/dbyer med mkhyen gnyis snang ba dang 'grogs pas/__/srid dang zhi ba'i mun stug kun sel ba'i/__/'phags mchog phyag na pad+mo la 'dud do/__/lus can gang gis khyod mtshan tsam thos pas/__/gnas skabs mthar thug 'dod pa kun 'jo ba'i/__/yon tan zad med yid bzhin gyi nor bu/__/'phags mchog phyag na pad+mo la 'dud do/__/mtha' klas sems can khams rnams kun ma lus/__/mi phyed thugs rje'i spyan ras kyis gzigs nas/__/sgrol ba'i phrin las khur chen la 'chel ba'i/__/'phags mchog phyag na pad+mo la 'dud do/__/kye ma kyi hud snyigs ma yi 'gro kun/__/shin tu bzod dka'i duHkha la spyod cing /__/rgyal bstan nyi ma nub ri yi rtse mor/__/rings par thal ba'i ngang tshul 'di skyo ba/__/phan bde'i 'byung gnas bshad sgrub kyi snying po/__/stobs dang 'byor pa'i gzugs brnyan la 'khrul te/__/chos bzhin bcos pas chos min la sbyor ba'i/__/dge sbyong kla klo'i chos lugs 'di skyo ba/__/gtan gyi skyabs gcig bslu med kyi bdag nyid/__/rgyal dang de sras rnam 'dren kun bor nas/__/rang rgyud dregs pa'i phyi bzhin du 'dud pa'i/__/blo gros gdon gyis btab pa 'di skyo ba/__/gnas skabs phyag len phra mo yi gnang bkag__/srog ltar gces pa'i brdzu bag la brten nas/__/mthar thug mi dge 'jol nyog tu spyod pa'i/__/'dul ba 'dzin pa'i gzugs brnyan 'di skyo ba/__/gzhan phan 'gro don sgro btags la bsnyad nas/__/rang don phugs su bcug pa yi spyod pas/__/mnga' thang gzi brjid rgyal pham la 'gran pa'i/__/byang chub sems dpa'i grags skam 'di skyo ba/__/dngos grub rtsa ba khyab bdag gi bla mar/__/dbang lung man ngag gdams pa kun nos te/__/dad dang dam tshig rtsa ba nas 'dor ba'i/__/rig pa 'dzin pa'i rkang 'dren 'di skyo ba/__/gzhung lugs mang por thos bsam la 'bad kyang /__/nga rgyal dregs pa'i snon ma ru song nas/__/rgyal bstan tha dad 'gal 'du ru brtsi ba'i/__/chos spangs sdig pa'i khur chen 'di skyo ba/__/dben pa'i gnas su bsam gtan la 'bad kyang /__/rgyud lung man ngag rgyang ring du dor nas/__/blun sgom gti mug nyams len du 'dod pa'i/__/ngal bcas mi tshe stong zad 'di skyo ba/__/mdor na snyigs ma'i 'gyur ba yis btab pas/__/gang la bsams kyang skyo shes su gyur na/__/mgon khyod phrin las rtse gcig gis bskul na/__/da tsam thugs rje'i sgyu 'phrul zhig ston ran/__/dus gsum gzhan don kho na la dgyes pa'i/__/dam bca'i ri mo bris pa de dgongs la/__/gangs can bstan 'gror phan bde yi dga' ston/__/nub med dad ba'i dpyid dpal la sbyor mdzod/___/de skad bod yul ru bzhi yi lte ba/__/gru 'dzin gnyis pa'i pho brang gi 'dabs zhol/__/ni tsu la yi dga' tshal gyi dbus su/__/'khos med rnal 'byor sprang po des bris so/__/zhes pa'ang gangs can bod kyi rdo rje gdan ra sa 'phrul snang gi gtsug lag khang chen po dang nye ba'i pho brang dmar po ri'i 'dabs 'byor dus zla'i gral tshes dge bar gang shar glur blangs pa'i 'char gzhi'o//__//__!_