བྱིན་རླབས་བླ་མའི་རྣལ་འབྱོར་ཡེ་ཤེས་ཆར་འབེབས།

🚧 This website is under continued development. We appreciate your patience!

Previous Text Back to Volume PageNext Text

Wylie title	byin rlabs bla ma'i rnal 'byor ye shes char 'bebs
Location	mkhyen brtse'i bka' 'bum Volume 22, sde tshan 7, Text 15, Pages 229-234 (Folios 23a6 to 25b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. byin rlabs bla ma'i rnal 'byor ye shes char 'bebs. In 'jam dbyangs mkhyen brtse'i dbang po'i bka' 'bum, Vol. 22: 229-234. Khams sde dge rdzong sar dgon: Rdzong sar blo gros phun tshogs, 2020.
Genre	Guru Yoga Texts - bla ma'i rnal 'byor
Colophon	།ཞེས་པའང་ཀར་རྙིང་བསྟན་པའི་སྣང་བྱེད་མཚུངས་ཟླ་དང་བྲལ་བ་ཆགས་མེད་མཆོག་སྤྲུལ་རིན་པོ་ཆེས་བཀྲ་ཤིས་པའི་ལྷ་རྫས་དང་། རིན་ཆེན་གཉིས་པའི་གནང་སྐྱེས་བཅས་རྒྱང་རིང་མོ་ནས་བཀའ་སྩལ་སྤྱི་བོར་ཕེབས་པ་གུས་པས་མཆོད་དེ། བྱ་བྲལ་བ་ཀརྨ་བསྟན་པའི་ཉི་མ་བཤད་སྒྲུབ་ཆོས་ཀྱི་སེང་གེ་ཀློང་ཆེན་དྲི་མེད་འོད་ཟེར་ཕྱོགས་ཐམས་ཅད་ལས་རྣམ་པར་རྒྱལ་བའི་སྡེས་ཆུ་སྤྲེལ་ས་ཟླ་བའི་དཀར་ཕྱོགས་ཀྱི་རྒྱལ་བ་དང་པོར་པོར་སྨྲས་རིམ་བཞིན་ཐུབ་བསྟན་ཨེ་ཝཾ་ཆོས་སྒར་གྱི་མཁན་པོ་བླ་མ་སྡོམ་བརྩོན་མདོ་རྒྱུད་འཛིན་པ་ཆེན་པོ་ཀརྨ་སངས་རྒྱས་ཆོས་འཕེལ་གྱིས་བྲིས་པའི་དགེ་བས་བླ་མའི་བྱིན་རླབས་སྙིང་ལ་འཇུག་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།།
	zhes pa'ang kar rnying bstan pa'i snang byed mtshungs zla dang bral ba chags med mchog sprul rin po ches bkra shis pa'i lha rdzas dang /__rin chen gnyis pa'i gnang skyes bcas rgyang ring mo nas bka' stsal spyi bor phebs pa gus pas mchod de/__bya bral ba karma bstan pa'i nyi ma bshad sgrub chos kyi seng ge klong chen dri med 'od zer phyogs thams cad las rnam par rgyal ba'i sdes chu sprel sa zla ba'i dkar phyogs kyi rgyal ba dang por por smras rim bzhin thub bstan e waM chos sgar gyi mkhan po bla ma sdom brtson mdo rgyud 'dzin pa chen po karma sangs rgyas chos 'phel gyis bris pa'i dge bas bla ma'i byin rlabs snying la 'jug pa'i rgyur gyur cig__/sarba dA ka l+yA NaM b+ha ba tu/

1 Texts in this Section (sde tshan or chos tshan)

15 229-234	བྱིན་རླབས་བླ་མའི་རྣལ་འབྱོར་ཡེ་ཤེས་ཆར་འབེབས། byin rlabs bla ma'i rnal 'byor ye shes char 'bebs Guru Yoga Texts - bla ma'i rnal 'byor	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །བྱིན་རླབས་བླ་མའི་རྣལ་འབྱོར་ཡེ་ཤེས་ཆར་འབེབས་ཞེས་བྱ་བ། ན་མོ་གུ་རུ་བྷྱཿ འདིར་རྟོགས་པའི་ཡེ་ཤེས་བཙན་ཐབས་སུ་འབེབས་པར་བྱེད་པའི་ཐབས་བླ་ན་མེད་པ་ལམ་ཟབ་མོ་བླ་མའི་རྣལ་འབྱོར་མདོར་བསྡུས་ཏེ་བསྒོམ་པའི་ཚུལ་ལ་གསུམ། སྔོན་འགྲོ། དངོས་གཞི། རྗེས་སོ། །དང་པོ་ལ་གསུམ། ངེས་འབྱུང་གིས་བློ་བཅོས་པ། ཐེག་པ་སྤྱིའི་འཇུག་སྒོ་སྐྱབས་སུ་འགྲོ་བ། ཐེག་ཆེན་གྱི་རྩ་བ་སེམས་བསྐྱེད་པའོ། །དང་པོ་ནི། གནས་དབེན་པར་སྟན་བདེ་བ་ལ་འདུག་སྟེ། དལ་འབྱོར་རྙེད་དཀའ་ཞིང་འཇིག་སླ་བ་དང་། ལས་འབྲས་སྨིན་ཚུལ་དང་རིགས་དྲུག་སྤྱི་དང་བྱེ་བྲག་གི་ཉེས་དམིགས་རྣམས་སྒོ་དུ་མ་ནས་བསམ་པས་ངེས་འབྱུང་གི་ཤུགས་དྲག་ཏུ་བསྐྱེད་ལ། རང་གཞན་སེམས་ཅན་ཐམས་ཅད་འཁོར་བ་ལས་སྒྲོལ་བར་འདོད་པའི་སྐྱེས་བུ་ཆེན་པོའི་བློས་སྐྱབས་འགྲོ་ལ་འཇུག་གོ། །གཉིས་པ་ནི། སྐྱབས་ཡུལ་གསལ་བཏབ་ལ། སྐྱབས་གསུམ་འདུས་ཞལ་དྲིན་ཅན་བླ་མ་ལ། །མི་ཕྱེད་སྙིང་ནས་གུས་པས་སྐྱབས་སུ་མཆི། །ཞེས་དང་། གསུམ་པ་ནི། འགྲོ་ཀུན་སངས་རྒྱས་གོ་འཕང་ཐོབ་བྱའི་ཕྱིར། །ཟབ་མོའི་རྣལ་འབྱོར་བསྒོམ་པར་སེམས་བསྐྱེད་དོ། །ཞེས་དོན་དྲན་བཞིན་པས་ལན་གསུམ་སོགས་ཅི་ནུས་སུ་བྱ། གཉིས་པ་དངོས་གཞི་ལ་གསུམ། ཚོགས་རྟེན་གསལ་གདབ་པ། བསགས་སྦྱོང་སྤེལ་གསུམ་གྱི་གནད་བསྡུས་པ་ཡན་ལག་བདུན་པ་བྱ་བ། ཕུར་ཚུགས་སུ་གསོལ་བ་གདབ་པའོ། །དང་པོ་ནི། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཆོས་ཀུན་གདོད་ནས་འོད་གསལ་སྟོང་ཉིད་ངང་། །རྟེན་ཅིང་འབྲེལ་འབྱུང་སྒྱུ་མའི་སྣང་ཆ་ལས། །ཕྱི་སྣོད་འོག་མིན་པདྨ་འོད་ཀྱི་ཞིང་། །ངོ་མཚར་བཀོད་པ་ཕུན་ཚོགས་གཞལ་མེད་ཁང་། །ཡངས་ཤིང་རྒྱ་ཆེ་ཡེ་ཤེས་འོད་ལྔའི་ཀློང་། །མདུན་གྱི་ནམ་མཁར་ཆུ་སྐྱེས་ཉི་ཟླའི་སྟེང་། །ངོ་བོ་རིགས་དང་དཀྱིལ་འཁོར་ཀུན་གྱི་བདག །བཀའ་དྲིན་མཉམ་མེད་རྩ་བའི་བླ་མ་དང་། །ཐུགས་རྗེའི་དབང་ཕྱུག་ཀརྨ་ཆགས་མེད་ཞབས། །ཐ་དད་མ་དམིགས་ཡེ་ཤེས་སྒྱུ་མའི་སྐུ། །རྣམ་པ་བདེ་བ་ཆེན་པོ་པདྨ་འབྱུང་། །ཞལ་གཅིག་ཕྱག་གཉིས་དཀར་དམར་གཞོན་ནུའི་ཚུལ། །བདེ་སྟོང་ཟུང་འཇུག་ཞི་འཛུམ་སྒེག་པའི་ཉམས། །ཕྱག་གཉིས་མཉམ་གཞག་བདུད་རྩིའི་བྷནྡྷ་བསྣམས། །སྐུ་ལ་རྡོ་རྗེའི་གསང་གོས་དཀར་པོ་དང་། །ཕོད་ཆེན་མཐིང་ག་ཆོས་གོས་ངུར་སྨིག་མདངས། །ཟ་བེར་སྨུག་པོའི་ན་བཟའ་བརྩེགས་མར་གསོལ། །དབུ་ལ་པདྨའི་སྙན་ཞུ་བརྗིད་ལྡན་མཛེས། །ཞབས་གཉིས་རྡོ་རྗེའི་སྐྱིལ་ཀྲུང་དྲང་པོར་བཞུགས། །སྣང་སྟོང་ཟུང་འཇུག་ཡེ་ཤེས་འོད་ཀྱི་སྐུ། །སྐྱབས་ཀུན་འདུས་པའི་ངོ་བོར་ལྷམ་མེར་གསལ། །གཉིས་པ་ནི། བདག་དང་མཐའ་ཡས་སེམས་ཅན་མ་ལུས་ཀུན། །ཞིང་རྡུལ་མཉམ་པའི་ལུས་སུ་རབ་སྤྲུལ་ནས། །དང་འདོད་ཡིད་ཆེས་དད་པས་ཀུན་བསླངས་ཏེ། །སྒོ་གསུམ་གུས་པ་ཆེན་པོས་ཕྱག་འཚལ་ལོ། །མི་ཟད་ནམ་མཁའ་མཛོད་ཀྱི་རྗེས་འགྲོ་བའི། །ལུས་དང་ལོངས་སྤྱོད་ཀུན་བཟང་མཆོད་སྤྲིན་འབུལ། །རང་བཞིན་བཅས་པའི་སྡིག་ལྟུང་སྙིང་ནས་བཤགས། །བསོད་ནམས་མཛད་པ་རྒྱ་མཚོར་ཡི་རང་ངོ་། །ཞི་བསིལ་བདུད་རྩིའི་ཆོས་འཁོར་བསྐོར་བར་བསྐུལ། །རྟག་པར་མྱ་ངན་མི་འདའ་བཞུགས་གསོལ་འདེབས། །དགེ་བ་འདིས་མཚོན་དུས་གསུམ་དགེ་ཚོགས་ཀུན། །བྱང་ཆུབ་སྙིང་པོར་ཡོངས་སུ་བསྔོས་པའི་མཐུས། །བདག་དང་མཐའ་ཡས་འགྲོ་བ་མ་ལུས་ཀུན། །དཔལ་ལྡན་བླ་མའི་གོ་འཕང་མྱུར་ཐོབ་ཤོག །ཅེས་དང་། སྤྲོ་ན་མཎྜལ་རྒྱས་བསྡུས་ཅི་ནུས་དབུལ། །གསུམ་པ་ནི། སྐྱབས་གནས་དཀོན་མཆོག་གསུམ་གྱི་ངོ་བོ་ཉིད། །རྩ་གསུམ་དཀྱིལ་འཁོར་རྒྱ་མཚོའི་ཁྱབ་བདག་ཆེ། །སྐུ་གསུམ་རིགས་འདུས་དཔལ་ལྡན་བླ་མ་དང་། །ཐུགས་རྗེ་ཆེ་དངོས་ཀརྨ་ཆགས་མེད་ཞབས། །ཟུང་འཇུག་བདེ་ཆེན་པདྨ་སཾ་བྷ་ཝ། །དགོངས་ཀློང་འདུ་འབྲལ་མེད་པའི་ངང་ཉིད་ལས། །སྐུ་གསུང་ཐུགས་དང་ཡོན་ཏན་ཕྲིན་ལས་ཀྱི། །རྣམ་འཕྲུལ་བསམ་མི་ཁྱབ་པའི་ཚུལ་སྟོན་པ། །འདི་ཕྱིའི་རེ་ལྟོས་གཅིག་གྱུར་ཁྱེད་ཉིད་ལ། །བཟོད་མེད་གདུང་ཤུགས་དྲག་པོས་གསོལ་འདེབས་ན། །དབང་སྐུར་བྱིན་རླབས་ཆར་ཆེན་དབབ་ཏུ་གསོལ། །བདག་བློ་ཆོས་སུ་འགྲོ་བར་བྱིན་གྱིས་རློབས། །དམ་ཆོས་ལམ་དུ་ལོངས་པར་བྱིན༴ ལམ་གྱི་འཁྲུལ་པ་སེལ་བར༴ འཁྲུལ་སྣང་ཆོས་སྐུར་འཆར་བར༴ རྩེ་གཅིག་ཏིང་འཛིན་བརྟན་པར༴ སྤྲོས་བྲལ་ལྟ་བ་རྟོགས་པར༴ རོ་གཅིག་མངོན་དུ་འགྱུར་བར༴ སྒོམ་མེད་ཟད་སར་འཁྱོལ་བར༴ ཕྱི་ནང་བར་ཆད་ཞི་བར༴ རྟོགས་པས་བདག་རྒྱུད་གྲོལ་བར༴ ཐུགས་རྗེས་གཞན་རྒྱུད་སྨིན་པར༴ རང་གཞན་དོན་གཉིས་འགྲུབ་པར་བྱིན་གྱིས་རློབས། །ཞེས་མོས་གུས་རྩེ་གཅིག་པས་གསོལ་བ་གདབ་ཅིང་། གསོལ་འདེབས་ཀྱི་བསྙེན་པ། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ཞེས་པའི་བཟླས་པ་དང་། གཞན་ཡང་གསོལ་འདེབས་གང་འོས་བྱ། མཚན་སྔགས་བཟླ་བར་སྤྲོ་ན། ཨོཾ་ཨཱཿམ་ཧཱ་གུ་རུ་བཛྲ་དྷཱ་ར་སརྦ་སིདྡྷི་ཧཱུྃ། བླ་མ་རྡོ་རྗེ་འཆང་ཆེན་པོས་དངོས་གྲུབ་ཐམས་ཅད་སྩོལ། ཞེས་ཅི་ནུས་སུ་བཟླའོ། །གསུམ་པ་རྗེས་ལ་གསུམ། ལམ་གྱི་དབང་བླང་བ། ཐུགས་ཡིད་བསྲེས་ཏེ་མཉམ་པར་གཞག་པ། བསྔོ་སྨོན་ཤིས་བརྗོད་ཀྱིས་མཇུག་བསྡུ་བའོ། །དང་པོ་ནི། རྩེ་གཅིག་གུས་པའི་ཡིད་ཀྱིས་གསོལ་བཏབ་མཐུས། །བླ་མའི་གནས་བཞིའི་རྡོ་རྗེའི་འོད་ཟེར་སྤྲིན། །རང་གི་གནས་བཞིར་ཞུགས་ཤིང་གཉིས་མེད་ཐིམ། །སྒྲིབ་དག་དབང་བསྐུར་བྱིན་གྱིས་བརླབས་པར་གྱུར། །ཅེས་བརྗོད་ཅིང་བསམ། གཉིས་པ་ནི། མཐར་ནི་བླ་མ་འོད་ཞུ་རང་ལ་ཐིམ། །བླ་མའི་ཐུགས་དང་རང་སེམས་རོ་གཅིག་འདྲེས། །དབྱེར་མེད་མ་བཅོས་བརྗོད་བྲལ་གཉུག་མའི་ངང་། །དུས་གསུམ་སྤྲོ་བསྡུ་བྲལ་བའི་ངང་དུ་བཞག །ཅེས་བརྗོད་ཅིང་མཉམ་པར་བཞག །གསུམ་པ་ནི། ཐུན་ལས་ལྡང་བར་བརྩམས་པ་ན། དགེ་བ་འདི་ཡིས་མཐའ་ཡས་སེམས་ཅན་ཀུན། །འཁོར་ལོའི་མགོན་པོའི་གོ་འཕང་མྱུར་ཐོབ་ནས། །སྲིད་དང་ཞི་བའི་ཕན་བདེའི་འབྱོར་པ་ཡིས། །ས་གསུམ་བཀྲ་ཤིས་སྣང་བ་རྒྱས་གྱུར་ཅིག །ཅེས་པས་མཚམས་སྦྱར་ཏེ་སྤྱོད་ལམ་ལ་འཇུག་གོ། །ཞེས་པའང་ཀར་རྙིང་བསྟན་པའི་སྣང་བྱེད་མཚུངས་ཟླ་དང་བྲལ་བ་ཆགས་མེད་མཆོག་སྤྲུལ་རིན་པོ་ཆེས་བཀྲ་ཤིས་པའི་ལྷ་རྫས་དང་། རིན་ཆེན་གཉིས་པའི་གནང་སྐྱེས་བཅས་རྒྱང་རིང་མོ་ནས་བཀའ་སྩལ་སྤྱི་བོར་ཕེབས་པ་གུས་པས་མཆོད་དེ། བྱ་བྲལ་བ་ཀརྨ་བསྟན་པའི་ཉི་མ་བཤད་སྒྲུབ་ཆོས་ཀྱི་སེང་གེ་ཀློང་ཆེན་དྲི་མེད་འོད་ཟེར་ཕྱོགས་ཐམས་ཅད་ལས་རྣམ་པར་རྒྱལ་བའི་སྡེས་ཆུ་སྤྲེལ་ས་ཟླ་བའི་དཀར་ཕྱོགས་ཀྱི་རྒྱལ་བ་དང་པོར་པོར་སྨྲས་རིམ་བཞིན་ཐུབ་བསྟན་ཨེ་ཝཾ་ཆོས་སྒར་གྱི་མཁན་པོ་བླ་མ་སྡོམ་བརྩོན་མདོ་རྒྱུད་འཛིན་པ་ཆེན་པོ་ཀརྨ་སངས་རྒྱས་ཆོས་འཕེལ་གྱིས་བྲིས་པའི་དགེ་བས་བླ་མའི་བྱིན་རླབས་སྙིང་ལ་འཇུག་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

byin rlabs bla ma'i rnal 'byor ye shes char 'bebs/ @#/_/byin rlabs bla ma'i rnal 'byor ye shes char 'bebs zhes bya ba/__na mo gu ru b+h+yaH__'dir rtogs pa'i ye shes btsan thabs su 'bebs par byed pa'i thabs bla na med pa lam zab mo bla ma'i rnal 'byor mdor bsdus te bsgom pa'i tshul la gsum/__sngon 'gro/__dngos gzhi/__rjes so/__/dang po la gsum/__nges 'byung gis blo bcos pa/__theg pa spyi'i 'jug sgo skyabs su 'gro ba/__theg chen gyi rtsa ba sems bskyed pa'o/__/dang po ni/__gnas dben par stan bde ba la 'dug ste/__dal 'byor rnyed dka' zhing 'jig sla ba dang /__las 'bras smin tshul dang rigs drug spyi dang bye brag gi nyes dmigs rnams sgo du ma nas bsam pas nges 'byung gi shugs drag tu bskyed la/__rang gzhan sems can thams cad 'khor ba las sgrol bar 'dod pa'i skyes bu chen po'i blos skyabs 'gro la 'jug go/__/gnyis pa ni/__skyabs yul gsal btab la/__skyabs gsum 'dus zhal drin can bla ma la/__/mi phyed snying nas gus pas skyabs su mchi/__/zhes dang /__gsum pa ni/__'gro kun sangs rgyas go 'phang thob bya'i phyir/__/zab mo'i rnal 'byor bsgom par sems bskyed do/__/zhes don dran bzhin pas lan gsum sogs ci nus su bya/__gnyis pa dngos gzhi la gsum/__tshogs rten gsal gdab pa/__bsags sbyong spel gsum gyi gnad bsdus pa yan lag bdun pa bya ba/__phur tshugs su gsol ba gdab pa'o/__/dang po ni/__oM ma hA shU n+ya tA dz+nyA na badz+ra swa b+hA wa At+ma ko\u0f85haM/__chos kun gdod nas 'od gsal stong nyid ngang /__/rten cing 'brel 'byung sgyu ma'i snang cha las/__/phyi snod 'og min pad+ma 'od kyi zhing /__/ngo mtshar bkod pa phun tshogs gzhal med khang /__/yangs shing rgya che ye shes 'od lnga'i klong /__/mdun gyi nam mkhar chu skyes nyi zla'i steng /__/ngo bo rigs dang dkyil 'khor kun gyi bdag__/bka' drin mnyam med rtsa ba'i bla ma dang /__/thugs rje'i dbang phyug karma chags med zhabs/__/tha dad ma dmigs ye shes sgyu ma'i sku/__/rnam pa bde ba chen po pad+ma 'byung /__/zhal gcig phyag gnyis dkar dmar gzhon nu'i tshul/__/bde stong zung 'jug zhi 'dzum sgeg pa'i nyams/__/phyag gnyis mnyam gzhag bdud rtsi'i b+han+d+ha bsnams/__/sku la rdo rje'i gsang gos dkar po dang /__/phod chen mthing ga chos gos ngur smig mdangs/__/za ber smug po'i na bza' brtsegs mar gsol/__/dbu la pad+ma'i snyan zhu brjid ldan mdzes/__/zhabs gnyis rdo rje'i skyil krung drang por bzhugs/__/snang stong zung 'jug ye shes 'od kyi sku/__/skyabs kun 'dus pa'i ngo bor lham mer gsal/__/gnyis pa ni/__bdag dang mtha' yas sems can ma lus kun/__/zhing rdul mnyam pa'i lus su rab sprul nas/__/dang 'dod yid ches dad pas kun bslangs te/__/sgo gsum gus pa chen pos phyag 'tshal lo/__/mi zad nam mkha' mdzod kyi rjes 'gro ba'i/_/lus dang longs spyod kun bzang mchod sprin 'bul/__/rang bzhin bcas pa'i sdig ltung snying nas bshags/__/bsod nams mdzad pa rgya mtshor yi rang ngo /__/zhi bsil bdud rtsi'i chos 'khor bskor bar bskul/__/rtag par mya ngan mi 'da' bzhugs gsol 'debs/_/dge ba 'dis mtshon dus gsum dge tshogs kun/__/byang chub snying por yongs su bsngos pa'i mthus/__/bdag dang mtha' yas 'gro ba ma lus kun/__/dpal ldan bla ma'i go 'phang myur thob shog__/ces dang /__spro na maN+Dal rgyas bsdus ci nus dbul/__/gsum pa ni/__skyabs gnas dkon mchog gsum gyi ngo bo nyid/__/rtsa gsum dkyil 'khor rgya mtsho'i khyab bdag che/__/sku gsum rigs 'dus dpal ldan bla ma dang /__/thugs rje che dngos karma chags med zhabs/__/zung 'jug bde chen pad+ma saM b+ha wa/__/dgongs klong 'du 'bral med pa'i ngang nyid las/__/sku gsung thugs dang yon tan phrin las kyi/__/rnam 'phrul bsam mi khyab pa'i tshul ston pa/__/'di phyi'i re ltos gcig gyur khyed nyid la/__/bzod med gdung shugs drag pos gsol 'debs na/__/dbang skur byin rlabs char chen dbab tu gsol/__/bdag blo chos su 'gro bar byin gyis rlobs/__/dam chos lam du longs par byin=__lam gyi 'khrul pa sel bar=__'khrul snang chos skur 'char bar=__rtse gcig ting 'dzin brtan par=__spros bral lta ba rtogs par=__ro gcig mngon du 'gyur bar=__sgom med zad sar 'khyol bar=__phyi nang bar chad zhi bar=__rtogs pas bdag rgyud grol bar=__thugs rjes gzhan rgyud smin par=__rang gzhan don gnyis 'grub par byin gyis rlobs/__/zhes mos gus rtse gcig pas gsol ba gdab cing /__gsol 'debs kyi bsnyen pa/__oM AHhU~M badz+ra gu ru pad+ma sid+d+hi hU~M/__zhes pa'i bzlas pa dang /__gzhan yang gsol 'debs gang 'os bya/__mtshan sngags bzla bar spro na/__oM AHma hA gu ru badz+ra d+hA ra sarba sid+d+hi hU~M/__bla ma rdo rje 'chang chen pos dngos grub thams cad stsol/__zhes ci nus su bzla'o/__/gsum pa rjes la gsum/__lam gyi dbang blang ba/__thugs yid bsres te mnyam par gzhag pa/__bsngo smon shis brjod kyis mjug bsdu ba'o/__/dang po ni/__rtse gcig gus pa'i yid kyis gsol btab mthus/__/bla ma'i gnas bzhi'i rdo rje'i 'od zer sprin/__/rang gi gnas bzhir zhugs shing gnyis med thim/__/sgrib dag dbang bskur byin gyis brlabs par gyur/__/ces brjod cing bsam/__gnyis pa ni/__mthar ni bla ma 'od zhu rang la thim/__/bla ma'i thugs dang rang sems ro gcig 'dres/__/dbyer med ma bcos brjod bral gnyug ma'i ngang /__/dus gsum spro bsdu bral ba'i ngang du bzhag__/ces brjod cing mnyam par bzhag__/gsum pa ni/__thun las ldang bar brtsams pa na/__dge ba 'di yis mtha' yas sems can kun/__/'khor lo'i mgon po'i go 'phang myur thob nas/__/srid dang zhi ba'i phan bde'i 'byor pa yis/__/sa gsum bkra shis snang ba rgyas gyur cig__/ces pas mtshams sbyar te spyod lam la 'jug go/__/zhes pa'ang kar rnying bstan pa'i snang byed mtshungs zla dang bral ba chags med mchog sprul rin po ches bkra shis pa'i lha rdzas dang /__rin chen gnyis pa'i gnang skyes bcas rgyang ring mo nas bka' stsal spyi bor phebs pa gus pas mchod de/__bya bral ba karma bstan pa'i nyi ma bshad sgrub chos kyi seng ge klong chen dri med 'od zer phyogs thams cad las rnam par rgyal ba'i sdes chu sprel sa zla ba'i dkar phyogs kyi rgyal ba dang por por smras rim bzhin thub bstan e waM chos sgar gyi mkhan po bla ma sdom brtson mdo rgyud 'dzin pa chen po karma sangs rgyas chos 'phel gyis bris pa'i dge bas bla ma'i byin rlabs snying la 'jug pa'i rgyur gyur cig__/sarba dA ka l+yA NaM b+ha ba tu//____//__!