དུག་ཁྲག་བུམ་ཐང་མའི་ལག་ལེན་སྤར་བཅངས་སུ་བསྟན་པ།

🚧 This website is under continued development. We appreciate your patience!

Previous Text Back to Volume PageNext Text

Wylie title	dug khrag bum thang ma'i lag len spar bcangs su bstan pa
Location	mkhyen brtse'i bka' 'bum Volume 21, sde tshan 2, Text 48, Pages 253-259 (Folios 68a4 to 71a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dug khrag bum thang ma'i lag len spar bcangs su bstan pa. In 'jam dbyangs mkhyen brtse'i dbang po'i bka' 'bum, Vol. 21: 253-259. Khams sde dge rdzong sar dgon: Rdzong sar blo gros phun tshogs, 2020.
Genre	Ritual Substances - rdzas

1 Texts in this Section (sde tshan or chos tshan)

48 253-259	དུག་ཁྲག་བུམ་ཐང་མའི་ལག་ལེན་སྤར་བཅངས་སུ་བསྟན་པ། dug khrag bum thang ma'i lag len spar bcangs su bstan pa Ritual Substances - rdzas	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །དུག་ཁྲག་བུམ་ཐང་མའི་ལག་ལེན་སྤར་བཅང་དུ་བསྟན་པ་བཞུགས་སོ། ། ༈ ན་མཿཔདྨཱ་ཀཱ་རཱ་ཡ། དུག་ཁྲག་བུམ་ཐང་མའི་ལག་ལེན་སྤར་བཅང་དུ་བསྟན་པ་ལ། བཙན་དུག །བོང་དུག །རེ་ལྕགས། ཐར་ནུ། ཐང་ཕྲོམ། ཀ་ཤོ་ཀནྡྷ། ཀྱི་ཀྱེ། ར་དུག་སྤྱང་ཚེར་བ་སྟེ་དུག་སྣ་བཅུ་དང་། གཞན་ཡང་སྦྱར་དུག་དང་། དབྱིག་དུག་མ་གཏོགས་པའི་དུག་སྣ་གང་འཛོམས་དང་། ཁྱད་པར་བོང་ང་། བོང་དུག །ར་དུག་གསུམ་ནི་མེད་དུ་མི་རུང་ངོ་། །ཀྱི་ཀྱེ་བ་ཁྱད་པར་གྱི་རྫས་སོ། །མི་ཁྱི་ར་དང་ཕག་པ་གཅན་གཟན་རྣམས་ཀྱི་ཁྲག་དང་། ཡུག་སའི་མངལ་ཁྲག །དཔའ་བོ་གྲིར་ཤི་བའི་ཁྲག །བྱ་ཤ་ཟན་གྱི་ཁྲག་སོགས། མདོར་ན་ཕུག་རོན། འཕྱི་བ་དང་། མཛེ་ཅན་གྱི་ཁྲག་གསུམ་མ་གཏོགས་པའི་ཁྲག་སྣ་གང་འཛོམས་དང་། གཞན་ཡང་། གླ་རྩི། ཚིལ་ཆེན། མུ་ཟི་ནག་པོ་ལ་སོགས་པ་དྲི་མི་ཞིམ་པའི་རྫས་ཐམས་ཅད་བསགས་ཏེ་གླང་རུའི་ནང་དུ་བླུགས་ལ་རུལ་དུ་བཅུག །ལེགས་པར་བསྲེས། ལན་ཚྭ་དང་མུ་ཟི་སེར་པོས་དུག་ཁྲག་གི་ནུས་པ་བསད་པས་གཞུག་ཏུ་མི་རུང་། དེ་ནས་ཐོག་མར་ཆོས་ཐམས་ཅད་ཀྱི་རང་བཞིན་སྟོང་པ་ཉིད་དུ་བསྒོམ་པ་ནི་ལྟ་བ་གྱད་ཀྱི་ལྷ་ཞེས་བྱའོ། །དེའི་ངང་ནས་ཐུན་སྣོད་བསྐལ་པའི་མེ་དཔུང་དུ་བསྒོམས་ཤིང་། མེ་ཡི་ཚྭ་ཚྭས་གནོད་བྱེད་ཐམས་ཅད་བསྲེག་པར་བསམ། རང་ཡི་དམ་གྱི་ང་རྒྱལ་བསྐྱེད་ལ་སྔགས་འདི་བཟླའོ། །ཨོཾ་ན་མོ་བུདྡྷཱ་ཡ། བཛྲ་ཀཱི་ལི་ཀཱི་ལ་ཡ། ནཱ་ག་དུ། ཙནྡྷེ་ཙནྡྷེ། མི་ལི་མི་ལི། བནྡྷ་བནྡྷ། ནཱ་ག་ནཾ་སྭཱ་ཧཱ། ཞེས་བཟླས་ཤིང་ངར་བཏགས་པས་མེ་ལ་སྦུད་པ་བཏང་བ་ལྟར་ཆེར་འབར་ནས་གནོད་བྱེད་ཐམས་ཅད་བསྲེགས་ཤིང་། རང་ཉིད་སྲིད་པ་གསུམ་ན་ཆེ་བཙན་འགྲན་ཟླ་དང་བྲལ་བའི་སྙེམས་པ་བཟུང་ངོ་། །དེ་ནི་རྩ་བའི་སྒྲུབ་པའི་ཐབས་སོ། །དེ་ནས་ལས་སོ་སོའི་ཁ་བསྒྱུར་བ་ནི། ཕོ་གདོན་ལ་སྔགས་ཀྱི་ཤམ་བུར། རཱ་ཙ་མཱ་ར་ཡ་ནི་རྦདཿ རཱ་ཙ་ཙིཏྟ་མཱ་ར་ཡ་གཏུབ༔ རཱ་ཙ་ཙིཏྟ་མཱ་ར་ཡ་ཛཿ ཞེས་བཏགས། དེ་བཞིན་དུ་མོ་གདོན་ལ། མ་མ་ཞུ་ཏྲི་མཱ་ར་ཡ་ཛཿ མ་མ་ཏྲི་ཛ་མཱ་ར་ཡ་ཛཿ མ་མ་རུ་ཏྲི་མཱ་ར་མ་རྦད༔ འགོང་པོ་ལ། ཏྲིའུ་ཏྲིའུ་མཱ་ར་ཡ་ཛཿ ཏྲི་ཤོ་མཱ་ར་ཡ་ཛཿ ཏྲིའུ་མཱ་ར་ཡ་ཛཿརྦད༔ ཞོ་ཆང་བསྲུངས་ན། ཨོཾ་ས་ར་ས་ར་བྱི་སར་སར་ཧཱུྃ་ཕཊ༔ རྦོད་གཏོང་བཟློག་ན། ཧཱུྃ་སྟྭཾ་བྷ་ཡ། སྟཱཾ་བྷ་ཡེ། ལོ་ཀ་བྷ་ཏ་ཡ། ཏ་ཧཱུྃ་བཟློག༔ སེར་བ་བཟློག་ན། ཨོཾ་ཏདྱ་ཐཱ། ཏི་གི་ཏི་གུ་ལི། ཨུ་མི་ཤུ་ཤུ་གྷུ་གྷུ་ཏི་ཏི་བྷི་རི། ཧུ་ཡ་ཧུ་ཡ། ཧི་རི་ཧི་རི་སྭཱ་ཧཱ༔ ཁྱད་པར་གྱི་རྫས་ཐལ་ཆེན་ཉུངས་ཀར་ལ་བསྔགས། །ནད་རིམས་བསྲུངས་ན། ཨོཾ་ཀ་ཤ་ཕྲལ་ཤག །ནད་ཀྱི་སྙིང་གོང་དཀར་པོ་ཆོད་སྭཱ་ཧཱ། ཞེས་པ་རྣམས་གདགས། ལས་ཀྱི་མཐའ་སྡུད་པ་ནི། ཕོ་གདོན་གནོད་ན་ཁྱི་དཀར་པོའི་ཐོད་པར་གང་གནོད་པའི་ལིངྒ་བཅུག་སྟེ། ཉུངས་དཀར་ནག་གུ་གུལ་གྱི་ཐུན་གྱིས་བྲབ་སྟེ་ལམ་རྒྱ་གྲམ་དུ་མནན། མོ་གདོན་ལ། ཁྱི་ནག་པོའི་ཐོད་པར་ལིངྒ་བཅུག་སྟེ་ཡུགས་མོའི་དོར་རྟས་དྲིལ་ཏེ་ཉུངས་དཀར་ནག་ཏིལ་ནག་ཟིར་ནག་པོའི་ཐུན་རྣམས་ཀྱིས་བྲབ་ལ་ཐེམ་པའི་འོག་ཏུ་མནན་འགོང་པོ་ལ། རི་བོང་ཐོད་པར་ལིངྒ་བཅུག་སྟེ་ཉུངས་དཀར་ནག་སྐྱི་ཚེར་བའི་ཐུན་གྱིས་བྲབ། རང་གི་མལ་འོག་ཏུ་མནན། དེ་དག་ཐམས་ཅད་ཀྱང་སྔགས་བཟླས་པའི་ཐུན་གྱིས་ཞག་གསུམ་དུ་བྲབ་ཅིང་མཐར་མནན་པར་བྱའོ། །ཞོ་ཆང་བསྲུངས་ན་སྔགས་རྫས་ཀྱིས་སྣོད་ལ་བྱུགས། རྦོད་གཏོང་བཟློག་ན་གཏོར་ཟོར་ལ་བསྔགས་ཏེ་གང་འདོད་པའི་ཕྱོགས་སུ་འཕང་། སེར་བ་བསྲུངས་ན། སེང་ལྡེང་གི་ཕུར་བུ་བཅུར་བསྔགས་ལ་དབུས་ཕྱོགས་མཚམས་སུ་བཙུག །ཉུངས་དཀར་ནག་ཐལ་ཆེན་ལ་བཟླས་ཏེ་བྱུང་བའི་གདོངས་སུ་བརྡེག །སེང་ལྡེང་ཕུར་པ་སོར་བཞི་པ་དྲིལ་ཞིང་གཞན་དུ་བསྒྱུར་བའི་དམིགས་པ་བྱ། ནད་རིམས་བསྲུངས་ན། ཚོན་སྐུད་སྣ་ལྔ་ལ་སྔགས་བཏབ་ཅིང་དུག་ཁྲག་དང་། གླ་རྩི། ཤུ་དག་བཅས་ཀྱི་ཐུམ་བུ་དང་སྦྲགས་ཏེ་གང་བསྲུང་བ་ལ་གདགས་སོ། །གལ་ཏེ་དེ་ལྟ་བུའི་དྲག་པོའི་རྫས་སྦྱོར་འདོགས་པ་དང་བདུག་པ་སོགས་ཀྱིས་འགོ་བའི་ལྷ་སྲུང་བྱེར་བར་དོགས་ན། བྱ་རྒོད་དང་གཡག་གི་ཚིལ་བུ། གླ་རྩི། རིན་ཆེན་སྣ་ལྔ་རྣམས་སྤྲ་ཚིལ་གྱིས་བསྟུམས་ལ་ཐུན་དོང་དུ་གཞུག །ཕྱི་རུ་རྟེན་འབྲེལ་སྙིང་པོ་བྲིས་པས་ཐུབ་བོ། །འདིའི་འཁོར་ལོ་བྲི་བར་འདོད་ན། ཙཀྲ་རིམ་པ་ལྔར་བསྐོར་བའི་དབུས་སུ་ཡི་དམ་གྱི་སྙིང་པོ་དང་། དེའི་ཕྱི་རིམ་ལ་རྩིབས་དྲུག་ཏུ་སྔགས་ཀྱི་གྲོང་ཁྱེར་རེ་རེ་བཀོད། དེའི་ཕྱིར་རིམ་ལ་ལས་ཀྱི་བསྒྱུར་བའི་སྔགས་སོ་སོ་དང་། དེའི་ཕྱི་རིམ་ལ་རྡོ་རྭ་དང་། དེ་རྒྱབ་མེ་རིས་བསྐོར། ཕོ་འཁོར་ཡིག་མགོ་ནང་དུ་བསྟན་ཞིང་མདོག་སེར་པོ་བྱ། མོ་འཁོར་ཕྱིར་བསྟན་ནས་མདོག་དམར་པོར་བསྒྱུར། དེ་གཉིས་ལག་པ་གཡས་གཡོན་དུ་ཐོགས་ནས་བདག་ལ་བསྐོར་ཞིང་བར་དུ་གནོད་བྱེད་ཀྱི་ལིངྒ་བཅུག་སྟེ་རྡུལ་དུ་བརླག་བར་བསམ། དེ་ནས་བསྲུང་བྱའི་མིང་སྤེལ་དང་འདོད་གསོལ་བཅུག་ལ་རྟེན་སྙིང་གིས་རབ་གནས་བྱས་ནས་དཔུང་པ་གཡས་གཡོན་དུ་བཏགས་ན་རྡོ་རྗེའི་གོ་ཁྲབ་ཏུ་འགྱུར་རོ། །ཐུན་གྱི་རྫས་དེ་ཉིད་འཆང་བའི་སྣོད་ནི། རང་གནས་སུ་སྡོད་ན་པར་བུ་དང་། འགྲོ་ན་རྐང་གི་དོང་བར་བླུགས། དྲག་ལས་བྱེད་ན་གཡག་རུར་བཅང་། རྭ་ལ་བྱ་ཤ་ཟན་གྱི་སྒོ་ང་དང་སྤྲ་ཚིལ་བྱུགས་ན་མཁྲེག་ཅིང་ནུས་པ་ཆེའོ། །དེ་ལྟར་ལེགས་པར་སྦྱར་བའི་རྫས་འདི་ནི་བསྲུང་བ་ལ་རྡོ་རྗེའི་མཁར་རྫོང་ལྟ་བུ། བཟློག་པ་ལ་མཚོན་ཆའི་འཁོར་ལོ་ལྟ་བུ། མནན་པ་ལ་རི་རབ་ནག་པོ་ལྟ་བུ་ཡིན་པས་སྙིང་ལས་གཅེས་པའི་གདམས་པ་ཤིན་ཏུ་ཟབ་མོའོ། །དུས་གསུམ་མཁྱེན་པ་ཨོ་རྒྱན་ཆེན་པོས་མ་འོངས་པའི་འགྲོ་བ་ལ་ཐུགས་བརྩེ་བས་དགོངས་ཏེ་གནམ་ལྕགས་ཀླུ་འདུལ་གྱི་རྒྱུད་གཏུམ་པོ་ཐུགས་ཀྱི་རྒྱུད་ནས་ཕྱུངས་ཏེ་མངའ་བདག་ཚངས་པ་ལྷའི་མེ་ཏོག་ལ་གནང་ཞིང་ལྷོ་མོན་ཤིང་ལོའི་ཚལ་གྱི་གནས་མཆོག་བུམ་ཐང་བྲག་ཏུ་སྦས་པའི་དུག་ཁྲག་གི་སྦྱོར་བ་སྦར་བཅང་དུ་བསྟན་པ་སྣོད་མིན་རྣམས་ལ་ཤིན་ཏུ་གསང་བའི་རྒྱས་གདབ་བོ། །ས་མ་ཡ། རྒྱ་རྒྱ་རྒྱ། ཨྠིྀ། རྟག་ཏུ་ལུས་ལ་བཅངས་པའམ་སྔས་དང་མ་བྲལ་བར་བྱ། སྐབས་སུ་སྔགས་བརྒྱ་རྩ་བཟླས་པས་ནུས་པ་གསོ། རང་ཉིད་ཀྱི་འཁོར་གཡོག་རྣམས་ལ་བསྲུང་བའི་ཐུམ་བུ་གདགས་སོ། །མངྒ་ལཾ། ། ༈ དུག་ཁྲག་སྐབས། མིའི་གྲི་ཁྲག་གཙོ་བོ་ཡིན། གཞན་མི་རྟ་ཁྱི་གསུམ་གྱི་གྲི་ཁྲག་གཙོར་གྱུར་ཁྲག་སྣ་རྣམས་རྭ་ནང་བླུགས། མཐིལ་པྲ་ཚིལ་གྱིས་བཅད། ལུད་ཚན་ནང་དུ་རུལ་བཅུག །རྫས་ཀྱི་སྦྱོར་བ་ནི། བུམ་ཐང་རྩ་བར། བཙན་དུག་བོང་དུག་བོང་ང་རེ་ལྕགས་པ། སོགས་རྫས་དེ་རྣམས་དངོས་བསྟན་རྣམས་དང་། གཞན་ཡང་དུག་དང་། ཕུག་རོན་ཁྲག་སོགས་དམིགས་བསལ་མ་གཏོགས་གཞན་རྣམས་བཏང་། དེ་ཡང་བདག་བསྐྱེད་ཕྱག་རྡོར་གཏུམ་པོ་ལྟ་བུ་དང་། རྭ་སྲུང་ནང་དུ་བླུགས། དུག་གི་ནུས་པ་སོ་མཆེ་བ་ཡིན་པས་སོ་མའི་ཕྱི་མ་བླུགས། ཞོ་ཙམ་བྱ། སྔགས་ཕུས་བཏབ། ཞག་བདུན་ཙམ་བསྒྲུབ། དེ་ནས་གཅེས་སྤྲས་ཆེ་བས་དྲོད་དང་མ་བྲལ་བར་བཅང་། སྐབས་སུ་སྐོམ་གྲབ་བྱས་ནས་ཆང་རྒོད་རྫ་དང་དཀར་ཡོལ་སོགས་ལས་རིན་པོ་ཆེའི་སྣོད་དུ་གཏན་ནས་མ་རེག་པས་ཁ་ས་བཅིང་དུག་ཁྲག་སྐམ་པོའང་ཅི་རིགས་འདེབས། འདི་འཆང་བས་བསྲུངས་བའི་ཕན་ཡོན་བསམ་གྱིས་མི་ཁྱབ་བོ། ། ༈

[edit]

dug khrag bum thang ma'i lag len spar bcangs su bstan pa/__ @#/_/dug khrag bum thang ma'i lag len spar bcang du bstan pa bzhugs so/___/___!_na maHpad+mA kA rA ya/__dug khrag bum thang ma'i lag len spar bcang du bstan pa la/__btsan dug__/bong dug__/re lcags/__thar nu/__thang phrom/__ka sho kan+d+ha/__kyi kye/__ra dug spyang tsher ba ste dug sna bcu dang /__gzhan yang sbyar dug dang /__dbyig dug ma gtogs pa'i dug sna gang 'dzoms dang /__khyad par bong nga /__bong dug__/ra dug gsum ni med du mi rung ngo /__/kyi kye ba khyad par gyi rdzas so/__/mi khyi ra dang phag pa gcan gzan rnams kyi khrag dang /__yug sa'i mngal khrag__/dpa' bo grir shi ba'i khrag__/bya sha zan gyi khrag sogs/__mdor na phug ron/__'phyi ba dang /__mdze can gyi khrag gsum ma gtogs pa'i khrag sna gang 'dzoms dang /__gzhan yang /__gla rtsi/__tshil chen/__mu zi nag po la sogs pa dri mi zhim pa'i rdzas thams cad bsags te glang ru'i nang du blugs la rul du bcug__/legs par bsres/__lan tshwa dang mu zi ser pos dug khrag gi nus pa bsad pas gzhug tu mi rung /__de nas thog mar chos thams cad kyi rang bzhin stong pa nyid du bsgom pa ni lta ba gyad kyi lha zhes bya'o/_/de'i ngang nas thun snod bskal pa'i me dpung du bsgoms shing /__me yi tshwa tshwas gnod byed thams cad bsreg par bsam/__rang yi dam gyi nga rgyal bskyed la sngags 'di bzla'o/__/oM na mo bud+d+hA ya/__badz+ra kI li kI la ya/__nA ga du/__tsan+d+he tsan+d+he/__mi li mi li/__ban+d+ha ban+d+ha/__nA ga naM swA hA/__zhes bzlas shing ngar btags pas me la sbud pa btang ba ltar cher 'bar nas gnod byed thams cad bsregs shing /__rang nyid srid pa gsum na che btsan 'gran zla dang bral ba'i snyems pa bzung ngo /__/de ni rtsa ba'i sgrub pa'i thabs so/__/de nas las so so'i kha bsgyur ba ni/__pho gdon la sngags kyi sham bur/__rA tsa mA ra ya ni rbadaH__rA tsa tsit+ta mA ra ya gtub:__rA tsa tsit+ta mA ra ya dzaH__zhes btags/__de bzhin du mo gdon la/__ma ma zhu tri mA ra ya dzaH__ma ma tri dza mA ra ya dzaH__ma ma ru tri mA ra ma rbad:__'gong po la/__tri'u tri'u mA ra ya dzaH__tri sho mA ra ya dzaH__tri'u mA ra ya dzaHrbad:__zho chang bsrungs na/__oM sa ra sa ra byi sar sar hU~M phaT:__rbod gtong bzlog na/__hU~M s+t+waM b+ha ya/__stAM b+ha ye/__lo ka b+ha ta ya/__ta hU~M bzlog:__ser ba bzlog na/__oM tad+ya thA/__ti gi ti gu li/__u mi shu shu g+hu g+hu ti ti b+hi ri/__hu ya hu ya/__hi ri hi ri swA hA:__khyad par gyi rdzas thal chen nyungs kar la bsngags/__/nad rims bsrungs na/__oM ka sha phral shag__/nad kyi snying gong dkar po chod swA hA/__zhes pa rnams gdags/__las kyi mtha' sdud pa ni/__pho gdon gnod na khyi dkar po'i thod par gang gnod pa'i ling+ga bcug ste/__nyungs dkar nag gu gul gyi thun gyis brab ste lam rgya gram du mnan/__mo gdon la/__khyi nag po'i thod par ling+ga bcug ste yugs mo'i dor rtas dril te nyungs dkar nag til nag zir nag po'i thun rnams kyis brab la them pa'i 'og tu mnan 'gong po la/__ri bong thod par ling+ga bcug ste nyungs dkar nag skyi tsher ba'i thun gyis brab/__rang gi mal 'og tu mnan/__de dag thams cad kyang sngags bzlas pa'i thun gyis zhag gsum du brab cing mthar mnan par bya'o/__/zho chang bsrungs na sngags rdzas kyis snod la byugs/__rbod gtong bzlog na gtor zor la bsngags te gang 'dod pa'i phyogs su 'phang /__ser ba bsrungs na/__seng ldeng gi phur bu bcur bsngags la dbus phyogs mtshams su btsug__/nyungs dkar nag thal chen la bzlas te byung ba'i gdongs su brdeg__/seng ldeng phur pa sor bzhi pa dril zhing gzhan du bsgyur ba'i dmigs pa bya/__nad rims bsrungs na/__tshon skud sna lnga la sngags btab cing dug khrag dang /__gla rtsi/__shu dag bcas kyi thum bu dang sbrags te gang bsrung ba la gdags so/__/gal te de lta bu'i drag po'i rdzas sbyor 'dogs pa dang bdug pa sogs kyis 'go ba'i lha srung byer bar dogs na/__bya rgod dang g.yag gi tshil bu/__gla rtsi/__rin chen sna lnga rnams spra tshil gyis bstums la thun dong du gzhug__/phyi ru rten 'brel snying po bris pas thub bo/__/'di'i 'khor lo bri bar 'dod na/__tsakra rim pa lngar bskor ba'i dbus su yi dam gyi snying po dang /__de'i phyi rim la rtsibs drug tu sngags kyi grong khyer re re bkod/__de'i phyir rim la las kyi bsgyur ba'i sngags so so dang /__de'i phyi rim la rdo rwa dang /__de rgyab me ris bskor/__pho 'khor yig mgo nang du bstan zhing mdog ser po bya/__mo 'khor phyir bstan nas mdog dmar por bsgyur/__de gnyis lag pa g.yas g.yon du thogs nas bdag la bskor zhing bar du gnod byed kyi ling+ga bcug ste rdul du brlag bar bsam/__de nas bsrung bya'i ming spel dang 'dod gsol bcug la rten snying gis rab gnas byas nas dpung pa g.yas g.yon du btags na rdo rje'i go khrab tu 'gyur ro/__/thun gyi rdzas de nyid 'chang ba'i snod ni/__rang gnas su sdod na par bu dang /__'gro na rkang gi dong bar blugs/__drag las byed na g.yag rur bcang /__rwa la bya sha zan gyi sgo nga dang spra tshil byugs na mkhreg cing nus pa che'o/__/de ltar legs par sbyar ba'i rdzas 'di ni bsrung ba la rdo rje'i mkhar rdzong lta bu/__bzlog pa la mtshon cha'i 'khor lo lta bu/__mnan pa la ri rab nag po lta bu yin pas snying las gces pa'i gdams pa shin tu zab mo'o/__/dus gsum mkhyen pa o rgyan chen pos ma 'ongs pa'i 'gro ba la thugs brtse bas dgongs te gnam lcags klu 'dul gyi rgyud gtum po thugs kyi rgyud nas phyungs te mnga' bdag tshangs pa lha'i me tog la gnang zhing lho mon shing lo'i tshal gyi gnas mchog bum thang brag tu sbas pa'i dug khrag gi sbyor ba sbar bcang du bstan pa snod min rnams la shin tu gsang ba'i rgyas gdab bo/__/sa ma ya/__rgya rgya rgya/__a+thi+-i/__rtag tu lus la bcangs pa'am sngas dang ma bral bar bya/__skabs su sngags brgya rtsa bzlas pas nus pa gso/__rang nyid kyi 'khor g.yog rnams la bsrung ba'i thum bu gdags so/__/mang+ga laM/___/___!_ dug khrag skabs/__mi'i gri khrag gtso bo yin/__gzhan mi rta khyi gsum gyi gri khrag gtsor gyur khrag sna rnams rwa nang blugs/__mthil pra tshil gyis bcad/__lud tshan nang du rul bcug__/rdzas kyi sbyor ba ni/__bum thang rtsa bar/__btsan dug bong dug bong nga re lcags pa/__sogs rdzas de rnams dngos bstan rnams dang /__gzhan yang dug dang /__phug ron khrag sogs dmigs bsal ma gtogs gzhan rnams btang /__de yang bdag bskyed phyag rdor gtum po lta bu dang /__rwa srung nang du blugs/__dug gi nus pa so mche ba yin pas so ma'i phyi ma blugs/__zho tsam bya/__sngags phus btab/__zhag bdun tsam bsgrub/__de nas gces spras che bas drod dang ma bral bar bcang /__skabs su skom grab byas nas chang rgod rdza dang dkar yol sogs las rin po che'i snod du gtan nas ma reg pas kha sa bcing dug khrag skam po'ang ci rigs 'debs/__'di 'chang bas bsrungs ba'i phan yon bsam gyis mi khyab bo/___/___!