JKW-KABUM-21-ZHA-002-047

From Khyentse Lineage - A Tsadra Foundation Project

ཁྱད་པར་ཀླུ་དབང་རྒྱལ་པོའི་སྒོ་ནས་བསྒྲུབ་ན།
Wylie title khyad par klu dbang rgyal po'i sgo nas bsgrub na JKW-KABUM-21-ZHA-002.pdf
Location mkhyen brtse'i bka' 'bum
Volume 21, sde tshan 2, Text 47, Pages 251-253 (Folios 67a6 to 68a4)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. khyad par klu dbang rgyal po'i sgo nas bsgrub na. In 'jam dbyangs mkhyen brtse'i dbang po'i bka' 'bum, Vol. 21: 251-253. Khams sde dge rdzong sar dgon: Rdzong sar blo gros phun tshogs, 2020.
Genre Offering Rituals - mchod sbyin

":Property:textsubnumber|textsubnumber" can not be assigned to a declared number type with value 1.

[edit]
ཁྱད་པར་ཀླུ་དབང་རྒྱལ་པོའི་སྒོ་ནས་བསྒྲུབ་ན། ནཱྃ་སྟེང་མའི་སྟེང་དུ། ཀླུ་དབང་རྒྱལ་པོའི་སྐུ་ཁམས་ས་གཙང་མ་ལ་རིན་པོ་ཆེ་དང་ཀླུ་སྨན་བསྲེས་པས་སྤར་བཏབ་པའི་ནང་དུ་གཟུངས་སྔགས་འདོད་གསོལ་དང་བཅས་པའི་ཤོག་དྲིལ་རེ་བཅུག །ཕྱོགས་བཞིར་འཁོར་བཞི་འབྱོར་ན་སྐུ་བརྙན་དང་། མ་འབྱོར་ན་ཤར་ནས་གཡས་བསྐོར་གྱིས། སྐཾ་མཻཾ་དྷཱི་ཧྲཱིཿ བྲིས་པ་ཞལ་ནང་བསྟན་དུ་དྲིལ་ལོ། །དེ་ཙམ་སྟབས་བདེའི་དབང་དུ་བྱས་ཀྱི། གཞུང་གི་དངོས་བསྟན་ལྟར་ན་བུམ་པ་གཉིས་སོ་སོར་བྱས་ཏེ། འོག་ཏུ་ཀླུ་བུམ་དང་སྟེང་དུ་ཀླུ་དབང་རྒྱལ་པོའི་བུམ་པ་བཞག་པར་གསུངས་ཤིང་། རྒྱས་པར་ན་ཀླུ་ཆེན་དགུ་ལ་བུམ་པ་སོ་སོར་བྱ་བར་བཤད་དོ། །གང་ལྟར་ཡང་ཀླུའི་སྲོག་ཡིག་གི་མདུན་ཐད་ཙམ་དུ་ཁམ་ས་གཙང་མ་ཀླུ་སྨན་དང་སྦྱར་བ་བ་དམར་མོའི་འོ་མས་རིལ་བུ་སྟར་ག་ཙམ་བྱས་ཏེ་མན་ངག་ལས་འབྱུང་བ་ལྟར་ཀླུའི་ནོར་བུར་བྱིན་གྱིས་བརླབས་པ་ཡོད་ན་བཞག །གཞན་ཡང་ཀླུ་སྨན་གྱི་རིལ་བུ་དང་ཕྱེ་མ། དར་སྣ། རས་སྣ། ཀླུ་ལ་མི་གནོད་པའི་རིན་པོ་ཆེ་སྣ་ཚོགས། ག་བུར་དང་། སྤོས་དཀར་སོགས་ཀླུའི་སྤོས་སྣ་ཚོགས། བ་གསར་དམར་ཟལ་ལས་བྱུང་བའི་ཞོ། འོ་མ། མར་ཏེ་དཀར་གསུམ་ལ། བལ་པོའི་ཤེལ་ཀར། བུ་རམ་མར་གྱིས་བཞུས་པ། སྦྲང་སྦྲང་རོ་སོགས་ཀྱི་སླད་མེད་པའི་དྭངས་མ་བཅས་མངར་གསུམ་སྦྱར་བའི་རིལ་བུ་རྣམས་བཅུག །ཁར་ཀླུ་ལ་མི་གནོད་པའི་སྨན་དང་། མེ་ཏོག་དང་། སྤོས་དང་། འབྲས་བུ་སོགས་ཀྱིས་བཀང་ནས་འཇིམ་པས་བཅད། རས་དཀར་གྱི་ཁ་གཅོད་དང་མགུལ་ཆིངས་དཀར་པོ་བྱའོ། །གོང་གི་གཟུངས་སོགས་འབྲི་རྫས་མཚལ་དཀར་དང་། རྒྱ་སྣག་ལ་བལ་པོའི་ཤེལ་དཀར་གྱི་དམ་རྩི་སྦྱར་བ་ལས་སྤྱིན་སོགས་མ་འདྲེས་པའི་ཤིན་ཏུ་གཙང་སྦྲ་ཐོན་ངེས་གལ་ཆེ། དེ་བཞིན་དུ་ཀླུ་མཆོད་པའི་ཡོ་བྱད་ཀྱི་སྣོད་ཀྱང་། དངུལ་དང་ཟངས་དང་རྫ་མ་སོགས་ལས། ལྕགས་མཁར་བ་ར་གན་གཤའ་སོགས་མ་འདྲེས་པར་བྱ། ལས་བྱེད་པ་དང་། དེའི་ཉེ་འཁོར་ཐམས་ཅད་དུ་ཤ་ཆང་སྒོག་བཙོང་གླ་རྩི་སོགས་ཀྱི་དྲི་ཙམ་ཡང་མི་བྲོ་བར་ལག་ལེན་མཁན་རྣམས་ཀྱིས་ངེས་པར་བྱའོ། །མངྒ་ལཾ་བྷ་བ་ཏུ། ། ༈
[edit]

khyad par klu dbang rgyal po'i sgo nas bsgrub na/ khyad par klu dbang rgyal po'i sgo nas bsgrub na/__nA~M steng ma'i steng du/__klu dbang rgyal po'i sku khams sa gtsang ma la rin po che dang klu sman bsres pas spar btab pa'i nang du gzungs sngags 'dod gsol dang bcas pa'i shog dril re bcug__/phyogs bzhir 'khor bzhi 'byor na sku brnyan dang /__ma 'byor na shar nas g.yas bskor gyis/__skaM maiM d+hI hrIH__bris pa zhal nang bstan du dril lo/__/de tsam stabs bde'i dbang du byas kyi/___gzhung gi dngos bstan ltar na bum pa gnyis so sor byas te/__'og tu klu bum dang steng du klu dbang rgyal po'i bum pa bzhag par gsungs shing /__rgyas par na klu chen dgu la bum pa so sor bya bar bshad do/__/gang ltar yang klu'i srog yig gi mdun thad tsam du kham sa gtsang ma klu sman dang sbyar ba ba dmar mo'i 'o mas ril bu star ga tsam byas te man ngag las 'byung ba ltar klu'i nor bur byin gyis brlabs pa yod na bzhag__/gzhan yang klu sman gyi ril bu dang phye ma/__dar sna/__ras sna/__klu la mi gnod pa'i rin po che sna tshogs/__ga bur dang /__spos dkar sogs klu'i spos sna tshogs/__ba gsar dmar zal las byung ba'i zho/__'o ma/__mar te dkar gsum la/__bal po'i shel kar/__bu ram mar gyis bzhus pa/__sbrang sbrang ro sogs kyi slad med pa'i dwangs ma bcas mngar gsum sbyar ba'i ril bu rnams bcug__/khar klu la mi gnod pa'i sman dang /__me tog dang /__spos dang /__'bras bu sogs kyis bkang nas 'jim pas bcad/__ras dkar gyi kha gcod dang mgul chings dkar po bya'o/__/gong gi gzungs sogs 'bri rdzas mtshal dkar dang /__rgya snag la bal po'i shel dkar gyi dam rtsi sbyar ba las spyin sogs ma 'dres pa'i shin tu gtsang sbra thon nges gal che/__de bzhin du klu mchod pa'i yo byad kyi snod kyang /__dngul dang zangs dang rdza ma sogs las/__lcags mkhar ba ra gan gsha' sogs ma 'dres par bya/__las byed pa dang /__de'i nye 'khor thams cad du sha chang sgog btsong gla rtsi sogs kyi dri tsam yang mi bro bar lag len mkhan rnams kyis nges par bya'o/__/mang+ga laM b+ha ba tu/___/___!

Footnotes

Other Information