མགོན་དཀར་ཡིད་བཞིན་ནོར་བུའི་བུམ་གཏེར།

🚧 This website is under continued development. We appreciate your patience!

Previous Text Back to Volume PageNext Text

Wylie title	mgon dkar yid bzhin nor bu'i bum gter
Location	mkhyen brtse'i bka' 'bum Volume 21, sde tshan 2, Text 45, Pages 248-250 (Folios 65b6 to 66b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mgon dkar yid bzhin nor bu'i bum gter. In 'jam dbyangs mkhyen brtse'i dbang po'i bka' 'bum, Vol. 21: 248-250. Khams sde dge rdzong sar dgon: Rdzong sar blo gros phun tshogs, 2020.
Genre	Vase Preparations - bum bca'

1 Texts in this Section (sde tshan or chos tshan)

45 248-250	མགོན་དཀར་ཡིད་བཞིན་ནོར་བུའི་བུམ་གཏེར། mgon dkar yid bzhin nor bu'i bum gter Vase Preparations - bum bca'	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །མགོན་དཀར་ཡིད་བཞིན་ནོར་བུའི་བུམ་གཏེར་ལ། བུམ་པ་ཆེ་ཆུང་སོགས་སྙིང་གཏེར་དང་འདྲ་རི་མོ་བཀྲ་ཤིས་རྟགས་བརྒྱད་སོགས་བྲིས་ཀྱང་ལེགས་མོད། མདུན་དུ་གཏེར་བུམ་གྱི་ཁར་ནོར་བུ་མིག་གསུམ་གྱིས་མཚན་པ་ཙམ་བྲིས་པས་ཀྱང་རུང་། རྫས་ལ། ཐོག་མར་ཐིལ་དུ་སྙིང་གཏེར་ལྟར་ས་སྣ་སོགས་དགྲམ། དེ་ནས་ནས་དཀར་འབྱོར་ན་རབ། དེ་མིན་ནས་དཔུས་ལེགས་གཙང་མ་ལ་ཕྱུགས་པོ་ཆེན་པོ་དགུའི་ལག་ནས་བྱུང་བ་ལྟ་བུའི་འབྲུ་དཀར་སྣ་ཚོགས་བསྲེས་པ་བླུགས། དབུས་སུ་སྐུ་གཟུགས་བཞག་དགོས་ཤིང་། དེ་ཡང་སྤར་སྐུ་བྱུང་ན་ལེགས་པས། སྨན་སྣ། འབྲུ་སྣ། རིན་པོ་ཆེ་སྣ་ཚོགས་སོགས་གཡང་རྫས་གང་འབྱོར་དང་དཔལ་ཅན་གྱི་ས་ལས་སྐུ་ཚོན་གང་བ་ལས་མི་ཆུང་བར་ནང་དུ་གཟུངས་གཞུག་ཤོག་དྲིལ་རེ་བཞག །ཚོན་གྱིས་ཕྱེ་བའམ། དངུལ་འདུར་རམ། དཀར་རྩི་ལྟ་བུས་ལེགས་པར་བྱུགས། དེ་ལྟར་མ་འབྱོར་ན་ཤོག་བུ་ལ་སྤར་བཏབ། གང་ལྟར་ཡང་མགོ་གཞུག་མི་ལྡོག་པའི་ཕྱིར་ཤིང་ལེབ་ལ་སྦྱར། རབ་གནས་མདོར་བསྡུས་བྱས་ལ་སྐུ་དངོས་བུམ་པའི་སྟོད་ཀྱི་ཆར་ཁེལ་བ་བྱས་ལ་བཙུགས། དེའི་ཕྱོགས་བཞིའམ། མ་འབྱོར་ན་མདུན་རྒྱབ་གང་བདེར་གཟུངས་གཞུང་གསལ་གྱི་ཤོག་དྲིལ་ལ། ག་བུར། གུར་གུམ། ཙནྡན་དམར་པོ། སིནྡྷཱུ་ར། གི་ཝཾ་རྣམས་བྱུགས་པ་བཞག །འདི་ལའང་སྲོག་ཤིང་བྱུང་ན་ལེགས། སྐུ་དང་གཟུངས་ལ་ན་བཟའ་གསོལ་ན་དར་རས་སེར་པོས་བྱ། སྐུའི་མདུན་ཐད་ཀྱི་འོག་ཙམ་དུ་རིན་པོ་ཆེ་སྣ་ཚོགས། ཨ་རུ་གསེར་མདོག །བཟང་སྨན་སྣ་ཚོགས་བུམ་རྫས་ཉེར་ལྔ། གོས་དར་རས་སོགས་སྣ་ཚོགས། རྟ་ཕྱུགས་གཡང་ཅན་གྱི་སྤུ་སྣ་རྣམས་བཅུག །གཡང་རྫས་སྣ་ཚོགས་བསྡུས་པའི་རིགས་ཡོད་ན་ཤོག་རྒྱ་བྱ་བའམ། རིལ་བུར་བྱས་ཏེ་བཞག །དེ་ནས་འབྲུ་སྣ། རྒྱ་ཇའི་རིགས། ཤ་མར། མངར་གསུམ། མེ་ཏོག །ཤིང་ཏོག །སྤོས་སྣ་སོགས་ཀྱིས་འཐས་པར་བཀང་། ལུག་དར་མའི་སོག་པ་གཡས་པའི་བལ་རྩི་མེད་པས་ཁ་བཀག །རས་དཀར་གྱི་ངོས་རྡོ་རྗེ་རྒྱ་གྲམ་གྱི་སྤར་བཏབ་པའི་ཁ་འགེབ་དང་། ཚོན་སྣ་ལྔའི་སྐུད་པས་མགྲིན་པ་བཅིངས་པའི་ལྷག་མ་ཁ་འགེབ་ཀྱི་སྟེང་ནས་རྒྱ་གྲམ་དུ་སྡོམས་ལ་རྒྱབ་ཏུ་རྒྱབ་བཏབ་བོ། །དབང་གི་འཁོར་ལོ་ཡོད་ན། དམིགས་བསལ་དགེ་འདུན་འདུ་བ་སོགས་དབང་སྡུད་ཀྱི་སླད་དུ་བྱེད་ན། བུམ་པ་མདོག་དམར་རྒྱ་སྐྱེགས་ལྟ་བུ་དང་། མདུན་དུ་ལྕགས་ཀྱུ་བྲིས་ན་ལེགས། རབ་གནས་བྱས་ཏེ་སྐུད་པ་དམར་པོས་དཀྲིས་པ་བུམ་པའི་མགུལ་དུ་གདགས་པའམ། བུམ་པ་དང་མཉམ་དུ་བཞག་ཚེ་བུམ་པའི་ནང་ན་བཟའ་དམར་པོ་དང་བཅས། སྐུ་གཟུགས་ཀྱི་མདུན་དུ་བཞག་པ་ལེགས་སོ། །ཤུབྷཾ། ། ༈

[edit]

mgon dkar yid bzhin nor bu'i bum gter/ @#/_/mgon dkar yid bzhin nor bu'i bum gter la/__bum pa che chung sogs snying gter dang 'dra ri mo bkra shis rtags brgyad sogs bris kyang legs mod/__mdun du gter bum gyi khar nor bu mig gsum gyis mtshan pa tsam bris pas kyang rung /__rdzas la/__thog mar thil du snying gter ltar sa sna sogs dgram/__de nas nas dkar 'byor na rab/__de min nas dpus legs gtsang ma la phyugs po chen po dgu'i lag nas byung ba lta bu'i 'bru dkar sna tshogs bsres pa blugs/__dbus su sku gzugs bzhag dgos shing /__de yang spar sku byung na legs pas/__sman sna/__'bru sna/__rin po che sna tshogs sogs g.yang rdzas gang 'byor dang dpal can gyi sa las sku tshon gang ba las mi chung bar nang du gzungs gzhug shog dril re bzhag__/tshon gyis phye ba'am/__dngul 'dur ram/__dkar rtsi lta bus legs par byugs/__de ltar ma 'byor na shog bu la spar btab/__gang ltar yang mgo gzhug mi ldog pa'i phyir shing leb la sbyar/__rab gnas mdor bsdus byas la sku dngos bum pa'i stod kyi char khel ba byas la btsugs/__de'i phyogs bzhi'am/__ma 'byor na mdun rgyab gang bder gzungs gzhung gsal gyi shog dril la/__ga bur/__gur gum/__tsan+dan dmar po/__sin+d+hU ra/__gi waM rnams byugs pa bzhag__/'di la'ang srog shing byung na legs/__sku dang gzungs la na bza' gsol na dar ras ser pos bya/__sku'i mdun thad kyi 'og tsam du rin po che sna tshogs/__a ru gser mdog__/bzang sman sna tshogs bum rdzas nyer lnga/__gos dar ras sogs sna tshogs/__rta phyugs g.yang can gyi spu sna rnams bcug__/g.yang rdzas sna tshogs bsdus pa'i rigs yod na shog rgya bya ba'am/__ril bur byas te bzhag__/de nas 'bru sna/__rgya ja'i rigs/__sha mar/__mngar gsum/__me tog__/shing tog__/spos sna sogs kyis 'thas par bkang /__lug dar ma'i sog pa g.yas pa'i bal rtsi med pas kha bkag__/ras dkar gyi ngos rdo rje rgya gram gyi spar btab pa'i kha 'geb dang /__tshon sna lnga'i skud pas mgrin pa bcings pa'i lhag ma kha 'geb kyi steng nas rgya gram du sdoms la rgyab tu rgyab btab bo/__/dbang gi 'khor lo yod na/__dmigs bsal dge 'dun 'du ba sogs dbang sdud kyi slad du byed na/__bum pa mdog dmar rgya skyegs lta bu dang /__mdun du lcags kyu bris na legs/__rab gnas byas te skud pa dmar pos dkris pa bum pa'i mgul du gdags pa'am/__bum pa dang mnyam du bzhag tshe bum pa'i nang na bza' dmar po dang bcas/__sku gzugs kyi mdun du bzhag pa legs so/__/shub+haM/___/___!_