JKW-KABUM-21-ZHA-002-044

Previous Text Back to Volume PageNext Text

སྙིང་གཏེར་ནོར་བུམ། ཀླུ་བུམ་རྣམས་ཀྱི་རྫས་ཐོ།

Wylie title	snying gter nor bum klu bum rnams kyi rdzas tho
Location	mkhyen brtse'i bka' 'bum Volume 21, sde tshan 2, Text 44, Pages 247-248 (Folios 65a3 to 65b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. snying gter nor bum klu bum rnams kyi rdzas tho. In 'jam dbyangs mkhyen brtse'i dbang po'i bka' 'bum, Vol. 21: 247-248. Khams sde dge rdzong sar dgon: Rdzong sar blo gros phun tshogs, 2020.
Genre	Vase Preparations - bum bca'

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །སྙིང་གཏེར། ནོར་བུམ། ཀླུ་བུམ་རྣམས་ཀྱི་རྫས་ཐོ་མཐོང་བས་དོན་གསལ་དབྱེ། སྭསྟི། ས་བདག་སྙིང་གཏེར་དུ་གྲགས་པའི་གཏེར་བུམ་ལ། བུམ་པ་ཡུལ་དེའི་བྲེ་གང་ཤོང་བ་ལས་མི་ཆུང་བ་དཀར་རྩིས་ལེགས་པར་བྱུགས། རྟེན་འབྲེལ་གྱི་རི་མོ་གཞན་བྲིས་ཀྱང་ལེགས་མོད། མདུན་དུ་ས་སྙིང་གི་སྙིང་པོ། ཀྵཱིཾ། ཙམ་བྲིས་ཀྱང་རུང་། རྫས་ལ། མཐིལ་དུ་ཞིང་ས་ཆེན་པོ་དགུའི་ས། ས་དཔལ་ཅན་དང་། གནས་ཆེན་མང་པོའི་ས་སྣ་ཆུ་སྣ། རིན་ཆེན་ཕྱེ་མ་དཀྱིལ་འཁོར་ཆེན་པོའི་རྡུལ་ཚོན། རྒྱས་པའི་སྦྱིན་སྲེག་གི་ཐལ་བ། རབ་གནས་ཀྱི་མེ་ཏོག་སོགས་དགྲམ། དེ་ནས་འབྲུ་ནག་མ་ཡིན་པའི་འབྲུ་སྣ་གཙང་མ་བླུགས། དབུས་སུ་སྲོག་ཤིང་མཚོན་བྱེད་ཤུག་པ་རྩ་རྩེ་མ་ལོག་པར་གཞུང་ནས་འབྱུང་བའི་གཟུངས་ཀྱི་ཤོག་དྲིལ་ལ་དྲི་བཟང་དང་། བྱིན་རྟེན་རིགས་བྱུགས་པ་དྲིལ། འདིའི་ཡི་གེ་ཤར་རྟགས་མ་ནོར་བ་བྱུང་ན་ལེགས། ན་བཟའ་མེད་ཀྱང་ཆོག །དེའི་དབུས་དྲང་པོར་མ་ཎི་རིལ་བུ་ཤོག་རྒྱ་དང་། སྒྲུབ་ཆེན་བྱས་པའི་གཏོར་སྒྲུབ་ཀྱི་དུམ་བུ་ངེས་པར་དགོས་གསུངས། སྙིང་ཞོ་ཤ་རེ་བཅུག །བུམ་རྫས་ཉེར་ལྔའི་རིལ་བུ་ཡོད་ཀྱང་བཞག །དར་སྣས་རྒྱབ་ནས་དྲིལ་བར་གསུངས་ཀྱང་སྟབས་མི་བདེ་བས། ངེས་པར་བཅུག་དགོས་ཚེ་དར་སྣ་རས་སྣ་དྲིལ་ལ་ཤོག་རྒྱ་བྱས་ཏེ་བཞག །དེ་ནས་འབྲུ་སྣ། ཀླུ་དང་ས་བདག་ལ་མི་གནོད་པའི་སྨན་སྣ། ཀླུ་སྨན། བུམ་རྫས་ཉེར་ལྔ། ཟངས་ལྕགས་སོགས་མ་ཡིན་པའི་རིན་ཆེན་སྣ་ཚོགས། ཤིང་རྟོག་སྣ་ཚོགས། གནས་ཆེན་གྱི་བཟང་ཤིང་སྣ་ཚོགས། གླ་རྩི་སོགས་མ་འདྲེས་པའི་སྤོས་སྣ། དུག་རིགས་མ་ཡིན་པའི་མེ་ཏོག་སྣ་ཚོགས་བླུགས། ཁ་ཆོད་ཤིང་ལེབ་བག་ཕྱེ་ལྟ་བུས་དམ་པར་སྦྱར་བའི་སྟེང་མི་འཁྲུལ་བའི་ཕྱིར་རས་སམ་ཤོག་བུ་ལྟ་བུ་སྦྱར། རས་དཀར་པོ་ལ་རིགས་ལྔའི་ཕྱག་མཚན་གྱིས་མཚན་པས་ཁ་བཀབ། རས་དཀར་གྱིས་མགུལ་བ་བཅིངས་པའི་མདུད་པ་རྒྱབ་ཏུ་འོང་བར་བྱས་ལ་རྒྱས་བཏབ་བོ། །མངྒ་ལཾ། ༈ །

[edit]

snying gter nor bum/__klu bum rnams kyi rdzas tho/__ @#/_/snying gter/__nor bum/__klu bum rnams kyi rdzas tho mthong bas don gsal dbye/__swasti/__sa bdag snying gter du grags pa'i gter bum la/__bum pa yul de'i bre gang shong ba las mi chung ba dkar rtsis legs par byugs/__rten 'brel gyi ri mo gzhan bris kyang legs mod/__mdun du sa snying gi snying po/__k+ShIM/__tsam bris kyang rung /__rdzas la/__mthil du zhing sa chen po dgu'i sa/__sa dpal can dang /__gnas chen mang po'i sa sna chu sna/__rin chen phye ma dkyil 'khor chen po'i rdul tshon/__rgyas pa'i sbyin sreg gi thal ba/__rab gnas kyi me tog sogs dgram/__de nas 'bru nag ma yin pa'i 'bru sna gtsang ma blugs/__dbus su srog shing mtshon byed shug pa rtsa rtse ma log par gzhung nas 'byung ba'i gzungs kyi shog dril la dri bzang dang /__byin rten rigs byugs pa dril/__'di'i yi ge shar rtags ma nor ba byung na legs/__na bza' med kyang chog__/de'i dbus drang por ma Ni ril bu shog rgya dang /__sgrub chen byas pa'i gtor sgrub kyi dum bu nges par dgos gsungs/__snying zho sha re bcug__/bum rdzas nyer lnga'i ril bu yod kyang bzhag__/dar snas rgyab nas dril bar gsungs kyang stabs mi bde bas/__nges par bcug dgos tshe dar sna ras sna dril la shog rgya byas te bzhag__/de nas 'bru sna/__klu dang sa bdag la mi gnod pa'i sman sna/__klu sman/__bum rdzas nyer lnga/__zangs lcags sogs ma yin pa'i rin chen sna tshogs/__shing rtog sna tshogs/__gnas chen gyi bzang shing sna tshogs/__gla rtsi sogs ma 'dres pa'i spos sna/__dug rigs ma yin pa'i me tog sna tshogs blugs/__kha chod shing leb bag phye lta bus dam par sbyar ba'i steng mi 'khrul ba'i phyir ras sam shog bu lta bu sbyar/__ras dkar po la rigs lnga'i phyag mtshan gyis mtshan pas kha bkab/__ras dkar gyis mgul ba bcings pa'i mdud pa rgyab tu 'ong bar byas la rgyas btab bo/__/mang+ga laM/_!__/