JKW-KABUM-20-WA-001-044

Previous Text Back to Volume PageNext Text

མཆོག་སྤྲུལ་རིན་པོ་ཆེ་ཆོས་ཀྱི་བློ་གྲོས་མདུན་ཕུལ་བ།

Wylie title	mchog sprul rin po che chos kyi blo gros mdun phul ba
Location	mkhyen brtse'i bka' 'bum Volume 20, sde tshan 1, Text 44, Pages 79-80 (Folios 40a4 to 40b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mchog sprul rin po che chos kyi blo gros mdun phul ba. In 'jam dbyangs mkhyen brtse'i dbang po'i bka' 'bum, Vol. 20: 79-80. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

Tibetan Text

Wylie

[edit]

མཆོག་སྤྲུལ་རིན་པོ་ཆེ་ཆོས་ཀྱི་བློ་གྲོས་མདུན་ཕུལ་བའོ། །རྡོ་རྗེ་འཆང་དངོས་བསྟན་པའི་ཉིན་བྱེད་ཆེན་པོའི་ཞབས་སྟེགས་ཀྱི་ཆུ་སྐྱེས་ག་ལ་བར། གང་ན་དྲང་སྲོང་ཀློག་པས་མི་ངལ་བའི་ནགས་ཀླུངས་སུ་དཀྱུ་བའི་ནེ་ཙོ་རིག་བྱེད་མཁན་གཞོན་ནུ་ཞིག་གིས་གདོང་མཆོག་ཏུ་དུད་པས་འདི་སྐད་དུ། རྡུལ་མུན་སྙིང་སྟོབས་ཀྱི་ཕ་རོལ་ཏུ་ནི་སོན། ཤེས་བྱ་ཐམས་ཅད་ལ་ཆགས་པ་དང་ཐོགས་པའི་ནེམ་ནུར་དང་ནི་བྲལ། ཡང་སྲིད་སླར་མི་ལེན་པའི་རྣམ་གྲོལ་གྱི་བཟོད་པ་ནི་ཐོབ་མོད་ཀྱི། སྨོན་ལམ་དང་སྙིང་རྗེའི་འཕེན་པ་ཁོ་ནས་ཚུ་རོལ་མཐོང་བ་རྣམས་དང་སྤྱོད་ཡུལ་མཉམ་པར་སྣང་བའི་མཚན་དཔེའི་དཀྱིལ་འཁོར་འཚོ་ཞིང་གཞེས་ལ་ཆོས་ཀྱང་སྟོན་པ་ནི་ངོ་མཚར་ལས་ཀྱང་ངོ་མཚར་བྱེ་བ་ཕྲག་བརྒྱའི་སྙིང་པོས་ལྕི་བའི་བཀའ་དྲིན་གྱི་ཕུལ་དམ་པ་ཚངས་པའི་བློ་གྲོས་ཀྱིས་བགྲངས་ནའང་སླ་བའི་སྐབས་ཅི་ཞིག །བཀའ་སློབ་སེར་གོས་འཛིན་པའང་ཅང་ཤེས་བཟང་པོའི་གཞན་དབང་གིས་བཤུལ་ལམ་དུ་བསྐྱོད་པ་ཡངས་ཤིང་ཟོ་མདོག་བདེ་བ་ནས་རང་གནས་བསམ་གཏན་གྱི་ཁང་བུར་ཡིབས་པའི་ཟོལ་གྱིས་བག་ཕེབས་པར་མཆིས་ལགས། །འབྱུང་འགྱུར་གྱི་ཆར་ཡང་། འཆིང་བའི་མདུད་པ་རབ་ཏུ་གྲོལ། །ཀོ་ཊ་ཀྵ་སོགས་འགྲོ་ལྡོག་བྲལ། །ཆར་ཡང་སྲོག་གི་ཟུངས་སོང་བའི། །གསང་གསུམ་བསྐལ་བརྒྱར་ཏིཥྛནྟུ། །དེ་སྲིད་དུ་རྡུལ་དང་བྲལ་བའི་ཡེ་ཤེས་ཀྱི་སྤྱན་རས་ཀྱང་ཕྱོགས་འདིར་སྔ་མཁོ་བཞིན་གཟིགས་པའི་གོ་སྐབས་དབྱེ་བར་གསོལ་ན་ཅི་གནང་། བཀྲ་ཤིས་པའི་ལྷ་རྫས་ལ་རྟགས་ཀྱིས་སྤྲས་ཏེ་མཆོག་ཏུ་དགེ་བའི་ཚེས་ལ་ན་བ་ཀ་ཊི་མངྒ་ལ་དེ་བ་གྲཱཏ྄། བནྡ་ནཾ་ས་མཪྤི་ཏམ྄།། །། ༈

[edit]

mchog sprul rin po che chos kyi blo gros mdun phul ba/ mchog sprul rin po che chos kyi blo gros mdun phul ba'o/___/rdo rje 'chang dngos bstan pa'i nyin byed chen po'i zhabs stegs kyi chu skyes ga la bar/__gang na drang srong klog pas mi ngal ba'i nags klungs su dkyu ba'i ne tso rig byed mkhan gzhon nu zhig gis gdong mchog tu dud pas 'di skad du/___rdul mun snying stobs kyi pha rol tu ni son/___shes bya thams cad la chags pa dang thogs pa'i nem nur dang ni bral/_yang srid slar mi len pa'i rnam grol gyi bzod pa ni thob mod kyi/___smon lam dang snying rje'i 'phen pa kho nas tshu rol mthong ba rnams dang spyod yul mnyam par snang ba'i mtshan dpe'i dkyil 'khor 'tsho zhing gzhes la chos kyang ston pa ni ngo mtshar las kyang ngo mtshar bye ba phrag brgya'i snying pos lci ba'i bka' drin gyi phul dam pa tshangs pa'i blo gros kyis bgrangs na'ang sla ba'i skabs ci zhig__/bka' slob ser gos 'dzin pa'ang cang shes bzang po'i gzhan dbang gis bshul lam du bskyod pa yangs shing zo mdog bde ba nas rang gnas bsam gtan gyi khang bur yibs pa'i zol gyis bag phebs par mchis lags/___/'byung 'gyur gyi char yang /__'ching ba'i mdud pa rab tu grol/___/ko Ta k+Sha sogs 'gro ldog bral/___/char yang srog gi zungs song ba'i/___/gsang gsum bskal brgyar tiSh+Than+tu/___/de srid du rdul dang bral ba'i ye shes kyi spyan ras kyang phyogs 'dir snga mkho bzhin gzigs pa'i go skabs dbye bar gsol na ci gnang /___bkra shis pa'i lha rdzas la rtags kyis spras te mchog tu dge ba'i tshes la na ba ka Ti mang+ga la de ba grAta?/__ban+da naM sa maR+pi tama?//__//_!_