JKW-KABUM-19-DZA-001-064

Previous Text Back to Volume PageNext Text

མཁན་ཆེན་དཔལ་ལྡན་ཆོས་སྐྱོང་རྣམ་ཐར་རྟོགས་བརྗོད་སྣ་ཚོགས་ལྗོན་པ་སྟུག་པོའི་འཁྲི་ཤིང་ལས།

Wylie title	mkhan chen dpal ldan chos skyong rnam thar rtogs brjod sna tshogs ljon pa stug po'i 'khri shing las
Location	mkhyen brtse'i bka' 'bum Volume 19, sde tshan 1, Text 64, Pages 443-457 (Folios 222a5 to 229a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mkhan chen dpal ldan chos skyong rnam thar rtogs brjod sna tshogs ljon pa stug po'i 'khri shing las. In 'jam dbyangs mkhyen brtse'i dbang po'i bka' 'bum, Vol. 19: 443-457. Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

Tibetan Text

Wylie

[edit]

མཁན་ཆེན་དཔལ་ལྡན་ཆོས་སྐྱོང་རྣམ་ཐར་རྟོགས་བརྗོད་སྣ་ཚོགས་ལྗོན་པ་སྟུག་པོའི་འཁྲི་ཤིང་། ཨེ། པ་ལས། སྐྱེ་རྒུ་དོན་གྲུབ་གླིང་བདག་ཆེན་རྒྱ་གར་པ་ཤེས་རབ་རྒྱལ་མཚན་གྱིས་བཏབ། ། ༈ རྒྱམ་རྒྱལ་རྡོ་ཏི་མཆེད་བརྒྱད་དང་པོ་འཕགས་ཡུལ། དེ་ནས་ཏི་སེ། དེ་ནས་མདོ་ཁམས་སུ་འཕོས། དཀར་ཕྱོགས་སྐྱོང་བ་སྟོབས་ཆེན་ཡིན། ཉིད་ཀྱི་མནལ་ལམ་དུའང་གཟིགས། མོན་པ་ཆེན་པོ་གཟུགས་མཛེས་པ་བཞི། མི་མཛེས་པ་བཞི། སྣམ་སྔོན་དང་། སྣམ་ལྗང་གྱོན་པར་སྣང་ཚུལ། ། ༈ ཀེ་ཆུ་རྒྱུད་སྐྱོ་གེ་དགོན། ། ༈ གདན་ས་དཀར་དགོན་འཇམ་དབྱངས་རིན་ཆེན་རྒྱལ་མཚན་དང་། ཀུན་དགའ་ལེགས་པ། མཐུ་སྟོབས་དབང་ཕྱུག་སོགས་ཀྱི་གདན་ས་ཡིན། ། ༈ དྲན་ཐང་གྲུབ་ཐོབ་སྨྀ་ཏི་འདས་སྐབས། ཁོང་སྐུ་དངོས་བཞུགས་པའི་སྐབས་བསྟན་པ་ལ་ཕན་ཆེར་མ་བྱུང་བས་མྱ་ངན་ལས་འདས་པའི་གདུང་འདིས་སེམས་ཅན་གྱི་དོན་བྱེད་པར་ཤོག་ཅེས་གསུངས་ནས་སྨོན་ལམ་བཏབ་པའི་གདུང་རིལ་པོར་བཞུགས་པའི་མཆོད་རྟེན་གྱིས་གཙོས་རྟེན་གསུམ་བྱིན་ཅན་མང་། ། ༈ འདམ་ཐོག་དགོན་སྔོན་ལྡན་མ་བཀའ་བཅུ་ཀུན་དགའ་བཟང་པོས་བཏབ། ཕྱིས་འཇམ་དབྱངས་རིན་ཆེན་རྒྱལ་མཚན་དང་མཐུ་སྟོབས་དབང་ཕྱུག་གི་གདན་སར་གྱུར། རྟེན་བྱིན་ཅན་མང་། ཁྱད་པར་གསེར་གདུང་གཉིས་དང། གུར་མགོན་སྐུ་བྱིན་ལྡན་ཐོག་ཚད། མདུན་དུ་པུ་ཏྲ་བྷ་ཏྲ་ཡིན་ཟེར་བའི་ཕ་བོང་ཉམས་དོད་ལྔ་དྲུག་ཙམ་ཡོད། ། ༈ འཛོམ་སྟག་བསམ་འགྲུབ་དགོན་དུ་སྨྲྀ་ཏིས་མདོ་སྨད་བསྟན་འགྲོའི་བཙས་སུ་བཞེངས་པའི་མཆོད་རྟེན་ཐོག་སོ་ལྔ་ཡོད། ། ༈ ས་སྐྱར་ལྷ་ཁང་བརྒྱ་དང་ཉི་ཤུ་ལ་སྤོས་མར་མེ་སྙན་དར་ཕུལ་ཚུལ། ། ༈ སྐྱོ་མདའ་བསོད་ནམས་དབང་ཕྱུག་ལས་ཉི་སྦས་ལུགས་ཀྱི་སྒྲོལ་མ་ཉེར་གཅིག་གི་རྗེ་གནང་གསན། མ་ཎི་བཀའ་འབུམ་གསན་ཐོའི་མཇུག་ཏུ་དཀར་ཆག་བཀའ་ཁོལ་མ་དང་། ཡེར་པའི་དཀར་ཆག་ཀྱང་ལུང་གསན་ཚུལ་སྣང་། ། ༈ ངོར་པའི་གདན་རབས་ཁ་སྐོང་མཛད་སྐབས། མཁན་སངས་ཕུག་རྣམ་ཐར་དུ་རྗེ་དེ་ཉིད་ཇོ་བོ་རྗེའི་སྤྲུལ་པ་ཡིན་སྙམ་པ་ཐུགས་ལ་ཡོད་པ་ལྟར། མནལ་ལམ་དུ་མཇལ་ཞིང་ཇོ་བོའི་རྣམ་ཐར་རེ་གཉིས་གསུངས་ཤིང་ཁྱོད་དང་ང་ཚེ་རབས་མང་པོར་འབྲེལ་ཆེ་ཚུལ་གསུངས་པ་དང་། བཀྲས་ལྷུན་རྣམ་ཐར་དུ་གླང་ཐང་པའི་སྤྱན་སྔར་མཁན་ཆེན་དེ་ཉིད་བཞུགས་པར་རྨིས་པས་གླང་ཐང་པའམ་དེའི་སློབ་མའི་མཆོག་གཅིག་ཡིན་ངེས་པར་བྱུང། ནམ་མཁའ་བསམ་འགྲུབ་རྣམ་ཐར་སྐབས་མནལ་ལམ་དུ་མཁན་ཆེན་དེ་ཉིད་མཇལ་བར་ཤར་བའི་རྣམ་ཐར་ཞིག་བསྣམས་ཏེ་གྲྭ་སློབ་མང་པོར་གསུངས་པས་ཤར་བ་དངོས་ཡིན་སྙམ་པ་དང་། གྲྭ་པ་གཞན་ཞིག་གིས་དེ་ལྟར་ཡིན་ཅེས་ཟེར་ཚུལ་གསུངས། ། ༈ ངོར་གྱི་གདན་ས་སྐབས་དབང་ཁང་གི་གཏོར་མ་ལས་སྤུ་ཁ་དོག་སྣ་ཚོགས་མུ་ཏིག་ལྟ་བུའི་ཟེའུ་འབྲུ་ཡོད་པ་སྐྱེས་ཤིང་། གཏོར་མའང་སྲ་མཁྲེགས་ལྕགས་ལྟ་བུར་གྱུར། ཞལ་གྱི་བེ་བུམ་ལས་ལས་བཞིའི་རྟགས་ལ་དེ་འདྲ་འོང་གསུངས་པར་སྣང་། དེ་རྗེས་ཀྱང་འགའ་རེ་བྱུང་། བཟང་པོ་མ་གཏོགས་ངན་པ་ནི་མ་བྱུང་བ་ཅི་ཡིན་མ་ཤེས་ཚུལ་སྣང་། ། ༈ འོ་ཡུག་གོས་སྔོན་ལྷ་ཁང་ཁྲི་སྲོང་སྐབས་བོད་ཁམས་བདེ་ཐབས་སུ་བཞེངས། དམ་ཅན་གྱི་ཞོན་པ་རྡོ་ལ་རང་བྱོན་དང་། སྐུ་སློབ་དཔོན་ཆེན་པོའི་ཕྱག་བཟོ། དེའི་གོང་གནོན་དུ་ཕྱག་རྡོར་གོས་སྔོན་ཅན། དེ་གཉིས་དབུ་དང་དཔྲལ་བ་ཐུག་མི་ཐུག་པའི་མཐོང་སྣང་སྣ་ཚོགས་འོང་སྐད། སྐུ་དེ་རྣམས་བཟོ་དབྱིབས་ལེགས་ཤིང་སྣུམ་བག་ཆེ་བ་སོགས་སྣང་། ། ༈ སྒ་མཆོད་རྟེན་དཀར་པོ་སློབ་དཔོན་རིན་པོ་ཆེས་ཡང་འདུལ་གྱི་ས་གནད་དུ་བཞེངས། ། ༈ ཁྲི་འདུ་སྐལ་བཟང་དགོན་ཐོག་མར་ཨ་གཉན་དམ་པས་བཞེངས། ཀོང་ཇོས་ཇོ་བོ་ཡིད་བཞིན་ནོར་བུ་བོད་ལ་གདན་དྲངས་པའི་སྐུ་ཚབ་ཏུ་བཞེངས་པའི་ཇོ་བོའི་སྐུ་ཚད་ངོ་མཚར་མཐོང་བ་དོན་ལྡན་འཕགས་པ་རིན་པོ་ཆེར་ཕུལ་བ་ཨ་གཉན་དམ་པར་གནང་ བ་ཉིད་རྟེན་གཙོར་བཞུགས་པ་སོགས་རྟེན་གསུམ་ངོ་མཚར་རྒྱ་ཆེར་ཡོད། ། ༈ དགོན་གསར་དགོན་དུ་དྲུང་ཆོས་རྗེའི་དབུ་ཐོད་ཡོད། འདི་དྭགས་པོ་ལྷ་རྗེའི་སྤྲུལ་པར་གྲགས། དགུང་ལོ་དོན་དྲུག་བཞུགས། རྣམ་ཐར་རྒྱས་པ་ཡོད། དབུ་ཐོད་དེ་ལ་བིཪྺ་པ་དང་། བཅུ་གཅིག་ཞལ་སོགས་རང་བྱོན་བཞུགས་ཚུལ་མི་འགྱུར་རྒྱལ་མཚན་བཀའ་འབུམ་ལྡེབ། ༡༠༥ ། མཚམས་སུ་འདིའི་དཀར་ཆག་ཡོད་དོ། ། ༈ ལྡན་རག་ཅོ་དགོན་གྲུབ་ཐོབ་ནམ་མཁའ་ལེགས་པ་ཞེས་འཕགས་པས་ལུང་བསྟན་ཅིང་གསེར་དགོན་ཁྱད་པར་ཅན་སྩལ་བའི་དབོན་བརྒྱུད་ཀྱིས་བཟུང་། ། ༈ ཆོས་འཁོར་དགོན་གྲུབ་ཐོབ་སྟག་སེས་བཏབ། རྗེ་བསོད་ནམས་རྒྱ་མཚོའི་རྟེན་གཏོར་སོགས་བཞུགས། གྲུབ་ཐོབ་སྟག་སེའི་དབུ་ཐོད་ལ་ཚེ་དཔག་ལྷ་དགུ་རང་བྱོན་ཡོད་པ་སོགས་བཞུགས། ། ༈ སྒ་ལེན་སྟེང་གྲུབ་ཐོབ་སྟག་སེས་བཏབ་ཀྱང་ཟེར། ཨ་གཉན་དམ་པས་བཏབ་ཀྱང་ཟེར། ། ༈ ལྷུན་གྲུབ་སྟེང་དུ་ཆོས་ཁྲིར་མངའ་གསོལ་སྐབས་སྐུ་རྟེན་གསུམ། གསུང་རྟེན་བསྟན་འགྱུར་རིན་པོ་ཆེ་གླེགས་བམ། ༢༡༥ གཙོས་རྣམ་གྲངས་ཆིག་སྟོང་ལྔ་བརྒྱ་སུམ་ཅུ་ཕུལ་ཚུལ་སོགས་སྣང་། ། ༈ བླ་མ་སངས་རྒྱས་རྡོ་རྗེས་ཐོག་མར་ཡིག་དྲུག་སོགས་དགེ་བསྐུལ་བཟང་ཡང་། ཕྱིས་ཐལ་ཆེས་པས་རྟོགས་ལྡན་མ་བསྒོམ་པར་སངས་རྒྱས་པའི་སློབ་ཚོགས་མང་ཚུལ། ། ༈ ལྷུན་གྲུབ་སྟེང་སྒྲུབ་མཆོད་དབུས་སུ་ཀྱེ་རྡོར་ལ་དགེ་འདུན་བརྒྱད་བརྒྱ་སྐོར་དང་། བྱང་དུ་སམ་ཏྲ། གསང་འདུས་ལུགས་གཉིས། ལྷོར་གུར། བདེ་མཆོག་ལུགས་གཉིས་བཅས་ལའང་དགེ་འདུན་སུམ་ཅུ་ནས་བཞི་བཅུའི་བར་ཚོགས་ཚུལ། ། ༈ ལོ་གསར་སྟོན་མོ་ཉིན་གཉིས་ལ་གཟབ་རྒྱས་གནང་ཚུལ། ། ༈ སྒ་ཇོ་བོར་བུམ་གཏེར་ཕུལ་སྐབས་ཕྲིན་ལས་སྒྲུབ་པའི་མནལ་ལམ་ངོ་མཚར་ཅན་བྱུང་། ། ༈ ཟེལ་དཀར་དགོན་དུ་ས་པཎ་གྱི་གདུང་རུས་ལས་གྲུབ་པའི་རྟེན་ངོ་མཚར་ཅན་ཡོད་སྐད། འདི་མི་འགྱུར་རྒྱལ་མཚན་རྣམ་ཐར་དུ་ས་པཎ་གདུང་རིང་བསྲེལ་བཅུ་གཅིག་ཞལ་མཐེ་བོང་ཙམ་ཤིན་ཏུ་ངོ་མཚར་ཅན་ལོ་རྒྱུས་དང་བཅས་བཞུགས་པར་གསུངས་པ་དེ་ཡིན་སྣང་། ། ༈ གནམ་ལུང་རྣམ་རྒྱལ་གླིང་འཕགས་པའི་གདན་ས་ཡིན། གསེར་སྐུ་འགངས་ཆེ་བ་དང་། འཕགས་པའི་ཕྱར་དར་མགོན་པོ་སྟག་ཞོན་འཁོར་ངེས་པ་ཅན་ཡོད། བར་སྐབས་ཉམ་ཆག་ཆེ་བར་སྣང་། ། ༈ བཀྲ་ཤིས་སྒང་སྔར་འཕགས་པའི་གདན་ས། ཕྱིས་འབྲི་གུང་པས་བདག །རྟེན་གཙོ་འཕགས་པས་རྒྱ་ནག་ནས་དྲངས་པའི་བཀའ་གདམས་གདུང་རྟེན་བཀྲ་ཤིས་འོད་འབར་ཞེས་མི་ཚད་ལྷག་མཇལ་བ་ཙམ་གྱིས་འཇའ་འོད་འཕྲོ་བཞིན་འགྲན་ཟླ་དང་བྲལ་བ་ཡོད། ། ༈ དགོན་གསར་བསམ་འགྲུབ་དགོན་དུ་ཉིད་ནས་གུར་ལྷ་བརྒྱད་བཞེངས། ། ༈ ཁམས་ཇོ་ར་སྟག་དགོན་འབྲི་གུང་པའི་གདན་ས། ལྷ་ཁང་སྒྲོས་ལེགས། ཐུབ་ཆེན་ཟངས་གསེར་ལས་གྲུབ་པ་ཐོག་ཚད་དང་། བདེ་མཆོག་ཐོག་ཚད་སོགས་རྟེན་གསུམ་རྒྱ་ཆེ། ། ༈ སྨན་འཆང་རི་ཁྲོད་མཐོ་དབེན་ཉམས་དགའ་བར་ཡོད། ། ༈ རི་ཐུང་ཐུབ་བསྟན་དར་རྒྱས་གླིང་དུ་འཕགས་པའི་ཐུགས་དམ་རྟེན་པུ་ཊ་ནག་པོའི་ཞལ་འབག་བྱིན་ཅན་བཀའ་རྒྱ་མ་ཡོད། ། ༈ འཛི་ཕུར་དུང་འབུད་བླ་མ་བསོད་ནམས་མཆོག་ལྡན་འདས་པས་སྒར་གཞིས་ཕུལ་ནས་བདག་གིར་མཛད་ཚུལ། ། ༈ ལྡེབ་༡༧༨ནས། ༡༩༣ བར་དབོན་རིན་ཆེན་མཆོག་གྲུབ་གདོང་དབུས་གཙང་དུ་འབུལ་སྐྱེལ་རྒྱ་ཆེར་མཛད་ཚུལ། ། ༈ ལྡེབ། ༢༠༠ ཕྱི་ནས། ༢༢༠ བར་རྡེ་ལོ་ལྷ་ཁང་ལྕང་ལོ་ཅན་གྱི་དཀར་ཆག་མཐོང་བ་དོན་ལྡན་ཅེས་ཡོད། འདི་ནང་ལྷུན་གྲུབ་སྟེང་སྤར་མའི་གཟུངས་གཞུག་དཀར་ཆག་ཞིབ་པར་སྣང་། ། ༈ དཔོན་བསོད་ནམས་མགོན་པོའི་སྲས། རྒྱལ་བ་སྐལ་བཟང་རྒྱ་མཚོའི་ལྕམ་སྲིང་ཚེ་རིང་ལགས། དེའི་སྲས་ཆོས་སྐྱོང་མགོན་པོ། དེའི་ལྕམ་སྐལ་རྒྱ་མ། སྐུ་ཚ་མ་བཀྲ་ཤིས་དབང་མོ། སྲས་ཆང་རག་སོགས་བཞེས་ཆེས་པས་སྐུ་ཚེ་རིང་པོ་མ་བྱུང་། ལྕམ་བློ་གྲོས་རྒྱ་མཚོས་བདག་གིར་མཛད་དེ་སྲས་ས་དབང་བཟང་པོ་འཁྲུངས་པ་དང་གཤེགས། ། ༈ དམད་ཤོད་དང་སྤོ་ལུ་སྐོར་ས་ཆ་ལེགས་ཚུལ། ། ༈ ལྡེབ། ༢༤༢ ནས། ༢༤༧ བར་ཧོར་ཁོག་སྡེའི་མགོན་ཁང་ངམ་ཏྲེའི་མགོན་ཁང་གི་ལོ་རྒྱུས་དཀར་ཆག་ཧོར་ཆོས་རྗེ་ངག་དབང་ཕུན་ཚོགས་པས་མཛད་པ་ཞལ་བཤུས་པ་བཅས་ཡོད། ། ༈ ཡིད་ལྷུང་ཁྲོ་ཤུལ་ནང་ཞེས་སྐྱེ་འགྲོའི་སྲོག་གཅོད་པ་སྲིན་ཡུལ་ལྟ་བུ་དེར། མཆོད་རྟེན་ཞིག་བཞེངས་ན་དགེ་མཚན་ཆེའང་མ་གྲུབ་ཚུལ། ། ༈ རྫོགས་ཆེན་སྤྲུལ་སྐུ་དང་། ཉིད་ནས་རྫ་ཆུ་ཁ་པ་ལ་བཅའ་བཀོད་གནང་ཚུལ། ། ༈ ཉག་གཤིས་ཁྲི་ཚོ་དགོན་དང་ཝམ་པ་དགོན་བླ་ཆེན་འཕགས་པས་བཏབ། ། ༈ སྤོ་ལུ་དགོན་རྒྱབ་བྲག་ལ་བིཪྺ་པའི་སྐུ་རང་བྱོན་ཡོད་པས་ཆང་ས་དར་ཆེ་སྐད། སྤྱིར་བསྒྲིགས་ལམ་བཟང་། སངས་རྒྱས་སེང་གེས་ལུང་བསྟན་ནས་དེའི་སློབ་མ་སྤོ་ལུ་ཤེས་རབ་རྒྱལ་མཚན་གྱིས་བཏབ། བླ་མ་བཟང་པོ་རིམ་པར་བྱོན། ཕྱིས་སུ་བླ་ཆེན་ག་ཟི་སངས་རྒྱས་དཔལ་བཟང་གིས་ཀྱང་ཡང་ཡང་ཕེབས། དབང་ལུང་ཁྲིད་གསུམ་གནང་ཞིང་མགོ་འདྲེན་རྒྱ་ཆེར་མཛད་སྐད། ། ༈ འདམ་ཐོག་ཤོག་དཔེ་ཝར་བྱང་ཆུབ་གླིང་པས་བཏབ། སངས་རྒྱས་སེང་གེའི་སློབ་མ་ཞིག་གིས་ཉམས་གསོ་མཛད། གྲྭ་སྟོབས་དང་ཆོ་ག་ལག་ལེན་ལེགས། དགོན་གྱི་རྒྱབ་རི་གནས་བདག་མོ་དང་། དགོན་ལྟག་ན་ཕ་བོང་ཛམྦྷ། ཉེ་ལོགས་ན་ཞོག་མཚོ་ཟེར་བ་ཆུང་ངུ་ཞིག་ཡོད། ། ༈ ལྡན་འདམ་ཐོག་དགོན་གྱི་འཇམ་དབྱངས་མཐུ་སྟོབས་དབང་ཕྱུག་སྐུ་འབུམ་ཆེན་མོའི་སྟེང་གསེར་ཟངས་ལས་གྲུབ་པའི་གཉྫི་ར་བཞེངས་ཚུལ། ། ༈ ཁྲི་འདུར་དམ་པ་རིན་པོ་ཆེའི་སྒྲུབ་ཆུ་ཡིན་པར་གྲགས་པའི་ཆུ་མིག་ཏུ་ཀླུ་གཏོར་ཕུལ་སྐབས་དགེ་མཚན་ཆེ། ། ༈ དྲུང་ཆོས་རྗེའི་དབེན་རིར་མགོན་པོ་ཁྱད་པར་ཅན་བཞུགས། ། ༈ སྐྱེ་རྒུ་དང་ཉེ་བ་གནས་སྒ་ཁྱིམ་ཞེས་བྲག་དཀར་ཤིན་ཏུ་མཐོ་བའི་ངོས་སྒྲོལ་མ་དཀར་སྔོན་རང་བྱོན་ཡོད་པར་གྲགས། དེའི་སྒྲོལ་དཀར་ཡོད་པའི་བྲག་དེ་ཆད་པ། སྐུ་ཆེ་ཆུང་མཁྱུད་གང་ཙམ་འབུར་དོད་སྒྲོས་ལེགས་ཤིག་བྱུང་བ་མཚམས་པ་རིན་ཆེན་བཟང་པོའི་གྲྭ་གཤག་ཏུ་གདན་དྲངས། དེ་འདས་དུས་ཉིད་ཀྱི་ལྷ་ཁང་གསར་བཞེངས་ཀྱི་ཐུབ་པའི་མདུན་བཞུགས་སུ་གསོལ་ཅེས་འབྱུང་། ། ༈ ལྡེབ་༣༡༤ ནས། ༢༡༨ བར་སྐྱེ་རྒུ་དགོན་དུ་ལྷ་ཁང་གསར་བཞེངས་ཀྱི་དཀར་ཆག་རགས་རིམ་ཙམ་ཡོད། ། ༈ ལྡེབ་༣༢༣ ནས། ༣༢༦ བར་སྡེ་དགེའི་སྐུ་རིམ་དགོན་ཁག་རྣམས་སུ་བཀྲམ་ཚུལ་ཞིབ་མོ་ཞིག་སྣང་། ། ༈ ལྕང་རེའི་སྟག་སེའི་སྐུའི་དབུ་ཞྭ་ཕུད་པ་བྱུང་ན་སྡེ་དགེའི་སྐུ་ངོ་ལ་ངན་ཚུལ་ཟེར་རྒྱུན་འདུག་པས་བདེན་ཆ་ཡོད་ཚུལ་སྣང་། ། ༈ སྒ་སྟོད་སྟག་མགོའི་རིང་བསྲེལ་ཐུབ་པའི་དབང་པོའི་རིང་བསྲེལ་མ་སྐྱེས་དགྲའི་རྟེན་སྐལ་རྡོ་རྗེ་གདན་གྱི་གནྡྷོ་ལར་མར་མེ་མཛད་བཞུགས་པའི་མདུན་གྱི་ཀ་པ་ལ་སྦས་པ། རྟེན་དེའི་དགོང་གཉེར་པཎྜི་ཏ་ཤཱནྟི་ནག་པོས་བོད་དུ་དྲངས། ཆོས་སྐྱོང་གི་ལུང་བསྟན་ལྟར་སྟག་མགོར་བཞུགས༣༦༧། པཎྜི་ཏའང་གནས་དེར་ཐིམ་ནས་ད་ལྟའི་བར་སྲུང་མ་མཛད། དེ་ལ་རྗེ་བཙུན་གྲགས་པས་ཤེལ་གྱི་པར་བུ། ས་པཎ་གྱིས་གདུགས། འཕགས་པས་སྣམ་སྦྱར་དང་དངུལ་གྱི་པར་བུ་སོགས་ས་ཀར་གྱི་བླ་ཆེན་དུ་མས་མངའ་གསོལ་ཕུལ་བའི་ལོ་རྒྱུས་ཡོད། འདིའི་དཀར་ཆག་སྐལ་བཟང་དགའ་སྐྱེད་ཅེས་པ་ཞིག་མཛད་ཚུལ་སྣང་། ། ༈ རྫོགས་ཆེན་དུ་གཏེར་སྟོན་ཡིན་སྐད་ཞིག་བྱུང་བ་ཚར་བཅད་ནས་སླར་སི་ཏུ་རིན་པོ་ཆེར་བསྙེན་རྫོགས་བསྒྲུབ་བཅུག་ཚུལ། ༈ ལྷོ་ཁོག་ནས་རྒྱལ་དབང་སྤྲུལ་སྐུ་ཟེར་བ་ཆོས་བརྒྱད་ཅན་ཞིག་གིས་རྒྱམ་རྡོ་ཏིར་ཙཱ་རི་ལྟ་བུའི་གནས་བསྐོར་གྱི་ལམ་བཏོད་ཚུལ་གླེང་མོ་འུར་སྒྲ་ཆེ་བ། དེ་ལྟར་གྲུབ་སླར་ཡུལ་དེ་སྟོང་ཞིང་མདོ་ཁམས་སུ་མི་རུང་བ་འོང་སྙམ་ནའང་སྒྲ་རང་ཡལ་དུ་སོང་སྐད་གདའ། ། ༈ སི་ཏུ་རིན་པོ་ཆེ་ཞྭ་དམར་བཅུ་པ་ཁྲི་འདོན་ཕེབས་ཁ་དགོན་ཆེན་དུ་བྱོན་པར། བདེ་མཆོག་དཀར་པོའི་བྱིན་རླབས་ཤིག་ཕུལ་བས་རྟེན་འབྲེལ་ལེགས་ལམ་ཆེ་བར་གྱུར་ཅེས་གསུང་ནའང་། རྗེ་ཉིད་ཀྱིས་རྨོར་ཆེན། སངས་རྒྱས་བསྟན་པ། དཔལ་བཟང་། བསོད་ནམས་དབང་ཕྱུག་རྣམས་གང་རིགས་ཞིག་ལས་གསན་འདྲ་སྟེ་སྔ་མ་ཆོས་གསན་ཚུལ་སྐབས་མ་ཐེབས་འདུག་པ་སླར་དཔྱད། རྨོར་ཆེན་ལས་གསན་སྐབས་སོགས་རྗེས་གནང་གི་རིགས་དུ་མ་གསུངས་པའི་ཁོངས་སུ་བསྡུས་པ་འདྲ་ཡིན་ནམ། ལྕགས་ཟམ་བསྟན་འཛིན་ཉི་ཟླ་འོད་འབར་ཀྱང་དེ་མཉམ་ཡོད་འདུག་པ་དེའི་གསན་ཐོ་ཡོད། ། ༈ གླེགས་བམ་ཕྱི་མ། ཝྃ་རྟགས་ཅན་གྱི་ནང་རབ་བྱུང་བཅུ་གསུམ་པའི་ཆུ་མོ་བྱ་ལོ་ནས་བཟུང་གཤེགས་རྗེས་ཀྱི་བར་རྣམ་ཐར་ཤིན་ཏུ་རྒྱས་པ་ཡོད། དགུང་ལོ་ང་གསུམ་པ་ཤིང་ཁྱི་ལོར་ཟླ་༥ཚེས་༢༣ལ་བོད་དུ་ཕེབས་སྐབས་ལག་དོ། ༨༢༠ མཛོ་ཁལ། ༡༢༣༠ སྐོར། རྟ། ༢༠༠༠ལྷག །དྲེལ། ༡༠༥༠ སྐོར་གྱིས་མཚོན་སྒར་ཆེན་འཕགས་པ་རིན་པོ་ཆེ་རྒྱ་ནག་ནས་ཆིབས་བསྒྱུར་གནང་བ་ལྟ་བུ་ཞིག་ཡོད་སྐད་གདའ། ཟླ་༩ཚེས་༡༡ལ་ལྷ་གདན་དུ་རྒྱལ་བ་སྐལ་བཟང་རྒྱ་མཚོའི་མདུན་མཚོ་སྐར་ཆེན་སྒར་ནས་ལམ་ཡིག་ཞུ་བར་བཏང་ཚུལ་གྱི་ཡི་གེ། ༈ ཟླ་༩ཚེས་༢༤ལ་ནག་ཆུ་ཁ་སྤ་རུ་ཐང་དུ་ཕེབས། ཟླ་༡༠ཚེས་༡༠ལ་ལྷ་ལྡན་དུ་འབྱོར། ། ༈ ལྡེབ། ༡༠༠ནས། ༢༢༥བར་གཏོང་སྒོ་འབྱམས་ཀླས་མཛད་ཚུལ་ཡོད། ལྡེབ། ༡༠༤ བར་སྟོང་མཆོད་ཀྱི་དཔྱད་ཁྲ་ཞིབ་པར་སྣང་། ། ༈ གཉགས་ཨ་མོ་གྷས་བཏབ་པའི་མུས་གློ་ལུང་ཆོས་སྡེའི་མཚན་ལྡན་ནམ་མཁའི་རྣལ་འབྱོར་གྱི་སྐུ་བརྙན་མདུན་མར་མེའི་བརྟག་པ་གསལ་པོ་ཡོད་སྐད་སྣང་། ། ༈ ཤིང་ཕག་ལོའི་དབྱར་དབུས་ཕྱོགས་དང་། དགུན་ལྷ་རྩེ་མན་མུས་ཕྱོགས་ཚུན་བྱོན་ཚུལ་ཞིབ་ཆ་སྣང་། ། ༈ ལྷ་རྩེའི་ག་ཡ་དྷ་རའི་སྒྲུབ་ཕུག་དེ་ཁྱད་མཚར་ཞིག་ཡོད་སྐད་གདའ། ། ༈ མེ་བྱི་ལོར་ངོར་དུ་ཚོགས་ཁྲོ་གཉིས་བླུགས་པར་དངུལ་སྲང་དྲུག་བརྒྱ་སྐོར་གྱི་རྒྱུ་རྩ་སོང་། སྒོ་ཁང་གསར་བཟོ་མཛད། ། ༈ འདི་ལོ་ཟླ་༢ཚེས་༣ལ་རྒྱལ་བ་སྐལ་བཟང་རྒྱ་མཚོ་ཞིང་གཤེགས། ། ༈ མེ་གླང་ཟླ་༦ཚེས་༤ལ་ས་སྐྱ་པ་གཅུང་མཐུ་སྟོབས་དབང་ཕྱུག་ཞིང་གཤེགས། ། ༈ ཟླ་བ་དགུ་པ་ནང་ས་སྐྱར་ཀུན་དགའ་བློ་གྲོས་མདུན་གདུང་སྤེལ་གྱི་སྙན་སྐུལ་ཞུས་པར་ཞལ་བཞེས་གནང་། ། ༈ ས་སྟག་ཟླ་༤ཚེས་༡༩ལ་སླར་ཡང་ངོར་ནས་ཁམས་སུ་ཕེབས། དེ་སྐབས་གཞུང་ནས་གཞིས་རྩེ་ཤངས་འུ་ཡུག་བརྒྱུད་ཡངས་ཅན་ནས་ནག་ཆུ་ཁ་བར་ཁལ་མ་བརྒྱ་ལྔ་བཅུ། རྟ་འུལ་ལྔ། མེ་ཁག་བཞིའི་ཐབ་ཤིང་། རྟ་ཐབ་ཀྱི་གཡོག་བཞི། རྟ་དྲེལ་ངོ་ཡོད་ལ་བརྔ་མིན་ཁ་རྩྭ་བཀག་མེད། བཏང་མཚམས་ནས་གཟན་པ་བསྡུ་གཏོང་། ཀོ་གྲུའི་སྒྲོལ་འདོན་བཅས། གཞིས་རྩེགས་པ་རྣམས། རོང་གང་རུང་ནས་ལྷ་ས་ནས་རྫོང་སྐྱེལ་གྱི་ཁལ་མ་བརྒྱ། རྟ་འུལ་བདུན། ཞོན་པ་བརྒྱད། མེ་ཁག་དྲུག་གི་ཐབ་ཤིང་སོགས་གནང་། ། ༈ ཤོང་ཐོ་དགོན་པས་ཁང་པ་སངས་རྡོར་གྱི་དགོན་གསར་ནང་དུ་མཉམ་ཚོགས་མི་དགོས་པའི་མགོ་འདྲེན་ཞུས་སྐད། ༈ ཟླ་༨ཚེས༡༣་ལ་སྡེ་དགེ་དགོན་ཆེན་དུ་ཕེབས། དགུན་ཚེ་དགོན་ཆེན་དུ་བཞུགས། དགུང་ལོ་ང་བརྒྱད་པ་ས་ཡོས་ཟླ་༡ཚེས་༡༧སྲོད་ཡོལ་གྱི་དུས་དགའ་ལྡན་བྱམས་པའི་མདུན་སར་གཤེགས་སོ། ། ༈ ལྡེབ། ༢༥༤ནས། ༢༥༨བར་ཀུན་རིག་དང་འབྱུང་འདུལ་གྱི་བསྙེན་ཐབས་ཉུང་ཙམ་རེ་ཡོད། ༈ ། ལྡེབ། ༣༧༩ནས། ༣༩༩བར་འདའ་ཀའི་ཞལ་ཆེམས་སྐོར་ཞིབ་པར་སྣང་། ། ༈ ལྡེབ། ༤༥༥ནས། ༤༨༦ བར་མཆོད་རྟེན་གྱི་དཀར་ཆག་སྐོར་ཞིབ་པར་ཡོད་དོ། ། ༈ དཔལ་ཆོས་ནི་ངོར་འདབས་སྤེལ་གྲོང་གི་ཇ་དཔོན་ཟུར་ཁང་པའི་ཁྱིམ་དུ། ཡབ་ཀུན་དགའ་རྡོ་རྗེ་དང་། ཡུམ་དཔོན་རུ་པ་དཔལ་བུ་ཁྲིད་ཀྱི་སྲས་སུ་ཆུ་རྟ་ལོར་འཁྲུངས། ལོ་གཉིས་གསུམ་དུས་བྱང་ཆུབ་གླིང་རས་ཆུང་སྤྲུལ་པའི་སྐུས་སྐྱེས་བུ་དམ་པར་ལུང་བསྟན། ས་སྐྱ་པ་ཀུན་དགའ་བཀྲ་ཤིས་ལས་ཚེ་དབང་ཐོབ། ལོ་བདུན་པར་ངོར་དུ་ཚུལ་ཁྲིམས་དཔལ་བཟང་ལས་རབ་ཏུ་བྱུང་། བཅོ་བརྒྱད་པ་ས་ཕག་ལོར་བྱམས་པ་བསོད་ནམས་བཟང་པོ་ལས་བསྙེན་པར་རྫོགས། བཅུ་དགུ་པ་ལྕགས་བྱི་ལོར་ཀུན་རིག་སོགས་བསྙེན་མཚམས་བཞུགས། ཉེར་གཉིས་པ་ཆུ་ཡོས་ལོར་ལྷ་སར་གནས་བསྐོར་བྱོན། རྨོར་ཆེན་ལས་ཆོས་མང་ཞིག་གསན། ཉེར་ལྔ་པ་མེ་རྟ་ལོར་ཁུ་བོ་བླ་མ་བསྟན་འཛིན་ལྷུན་གྲུབ་ཞིང་གཤེགས་པའི་དགོངས་རྫོགས་རྒྱ་ཆེར་བསྒྲུབས། ཉེར་བརྒྱད་པ་ས་བྱ་ལོར་སྒ་སྟོད་སྐྱུ་རའི་ཡུལ་དུ་གཏོགས་པ་དྭའུ་དང་སྒའི་མཚམས་ཐར་སེ་སྨོན་སྐྱིད་སྐར་དུ་ཀླུ་སྡིང་པས་ཆོས་རྗེར་གཏོང་བ་ལྟར་འབུལ་སྡུད་རྒྱ་ཆེར་མཛད། སུམ་ཅུ་པ་ལྕགས་ཕག་ལོར་སྡེ་དགེ་དགོན་ཆེན་དུ་བྱོན། བཀྲ་ཤིས་ལྷུན་གྲུབ་དང་བསྟན་པ་ཚེ་རིང་མཆོད་ཡོན་མཇལ། སངས་རྒྱས་བསྟན་པ་ལས་རྡོར་ཕྲེང་སོགས་གསན། སོ་གཅིག་པ་ཆུ་བྱི་ལོར་གྲྭ་དཔོན་སེར་སྐྱ་འདྲེས་པ་བདུན་ཅུ་སྐོར་དང་བཅས་ཟླ་༨ཚེས་༢༥ལ་ངོར་དུ་ཕེབས། ཀླུ་སྡིང་གཙོར་གྱུར་ས་ངོར་དུ་འབུལ་བསྙེན་རྒྱ་ཆེར་མཛད་ཚུལ། ལྡེབ་༧༣མཚམས་སུ་ཡོད། སོ་གཉིས་པ་ཆུ་གླང་ཟླ་༨ཚེས་ལ་ཐར་རྩེ་ནམ་མཁའ་བསམ་འགྲུབ་ཀྱིས་མཁན་ས་དགོངས་པ་ཞུས་པའི་སྐབས་རྡོ་རྗེ་འཆང་གི་ཁྲི་ལ་ཕེབས། སོ་གསུམ་པ་ཤིང་སྟག་ཟླ་བ་དགུ་པར་ལྷ་སར་ཕེབས། རྒྱལ་བ་སྐལ་བཟང་རྒྱ་མཚོ་མཇལ། གསང་འདུས་རྩ་རྒྱུད་སོགས་ཀྱི་འབྲེལ་གསན། མི་དབང་མཇལ་བ་སོགས་མཛད། ལོ་འདི་ཕྱིའི་སྐབས་མཁན་སངས་རྒྱས་དཔལ་བཟང་དང་། སྐྱོ་མདའ་བསོད་ནམས་དབང་ཕྱུག་སོགས་ལས་བཀའ་ཆོས་མང་ཙམ་གསན། སོ་བཞི་པ་ཤིང་ཡོས་ལོར་རྒྱལ་བ་སྐལ་བཟང་རྒྱ་མཚོ་བཀྲ་ཤིས་ལྷུན་པོར་ཕེབས་པ་མཇལ། ས་སྐྱ་པ་བསོད་ནམས་རིན་ཆེན་ཀྱང་རྒྱལ་བ་མཇལ་བར་ཕེབས་པ་ཡར་ལམ་ངོར་དུ་གདན་དྲངས། སོ་ལྔ་པ་མེ་འབྲུག་ལོར་སྡེ་དགེ་ནས་ཆོས་རྒྱལ་བསྟན་པ་ཚེ་རིང་གིས་ས་ངོར་དུ་འབུལ་འགྱེད་བསམ་ལས་འདས་པ་ཕུལ། སོ་དྲུག་པ་མེ་སྦྲུལ་ལོར་པཎ་ཆེན་བློ་བཟང་ཡེ་ཤེས་གཤེགས། སོ་བདུན་པ་ས་རྟ་ལོར་སྡེ་དགེ་བསྟན་པ་ཚེ་རིང་གཤེགས་ཤིང་། ཕུན་ཚོགས་བསྟན་པ་དབུས་སུ་ཕེབས། ལམ་འབྲས་སོགས་སྩལ། སོ་བརྒྱད་པ་ས་ལུག་ལོར་སྡེ་དགེར་མཁན་ཆེན་བཀྲ་ཤིས་ལྷུན་གྲུབ་ཞིང་གཤེགས་པའི་གདན་ཚབ་ཏུ་སྤྱན་དྲངས་པ་ལྟར་མཁན་སར་བྱམས་པ་བསོད་ནམས་བཟང་པོ་བསྐྱར་བཞུགས་གནང་། སོ་དགུ་པ་ལྕགས་སྤྲེལ་ཟླ་༥ཚེས་༧ལ་ངོར་ནས་ཆིབས་བཏེགས། སྒ་སྟོད་བརྒྱུད་ཟླ་༩ཚེས་༥ལ་ལྷུན་གྲུབ་སྟེང་དུ་ཕེབས། ཚེས་༨ལ་ཆོས་ཁྲིར་མངའ་གསོལ་ལོ། །ང་གསུམ་པ་ཤིང་ཁྱི་ལོར་བོད་དུ་ཕེབས། ང་བདུན་པ་ས་སྟག་ལོར་སླར་ཁམས་སུ་བྱོན། ང་བརྒྱད་པ་ས་ཡོས་ཟླ་༡ཚེས་༡༧ལ་དགའ་ལྡན་དུ་གཤེགས་སོ།། །། ༈

[edit]

mkhan chen dpal ldan chos skyong rnam thar rtogs brjod sna tshogs ljon pa stug po'i 'khri shing las/_ mkhan chen dpal ldan chos skyong rnam thar rtogs brjod sna tshogs ljon pa stug po'i 'khri shing /__e/__pa las/__skye rgu don grub gling bdag chen rgya gar pa shes rab rgyal mtshan gyis btab/___/__!_rgyam rgyal rdo ti mched brgyad dang po 'phags yul/__de nas ti se/__de nas mdo khams su 'phos/__dkar phyogs skyong ba stobs chen yin/__nyid kyi mnal lam du'ang gzigs/__mon pa chen po gzugs mdzes pa bzhi/__mi mdzes pa bzhi/__snam sngon dang /__snam ljang gyon par snang tshul/___/__!_ke chu rgyud skyo ge dgon/___/__!_gdan sa dkar dgon 'jam dbyangs rin chen rgyal mtshan dang /__kun dga' legs pa/__mthu stobs dbang phyug sogs kyi gdan sa yin/___/__!_dran thang grub thob sm-i ti 'das skabs/__khong sku dngos bzhugs pa'i skabs bstan pa la phan cher ma byung bas mya ngan las 'das pa'i gdung 'dis sems can gyi don byed par shog ces gsungs nas smon lam btab pa'i gdung ril por bzhugs pa'i mchod rten gyis gtsos rten gsum byin can mang /___/__!_'dam thog dgon sngon ldan ma bka' bcu kun dga' bzang pos btab/__phyis 'jam dbyangs rin chen rgyal mtshan dang mthu stobs dbang phyug gi gdan sar gyur/__rten byin can mang /__khyad par gser gdung gnyis dang/__gur mgon sku byin ldan thog tshad/__mdun du pu tra b+ha tra yin zer ba'i pha bong nyams dod lnga drug tsam yod/___/__!_'dzom stag bsam 'grub dgon du smr-i tis mdo smad bstan 'gro'i btsas su bzhengs pa'i mchod rten thog so lnga yod/___/__!_sa skyar lha khang brgya dang nyi shu la spos mar me snyan dar phul tshul/___/__!_skyo mda' bsod nams dbang phyug las nyi sbas lugs kyi sgrol ma nyer gcig gi rje gnang gsan/__ma Ni bka' 'bum gsan tho'i mjug tu dkar chag bka' khol ma dang /__yer pa'i dkar chag kyang lung gsan tshul snang /___/__!_ngor pa'i gdan rabs kha skong mdzad skabs/__mkhan sangs phug rnam thar du rje de nyid jo bo rje'i sprul pa yin snyam pa thugs la yod pa ltar/__mnal lam du mjal zhing jo bo'i rnam thar re gnyis gsungs shing khyod dang nga tshe rabs mang por 'brel che tshul gsungs pa dang /__bkras lhun rnam thar du glang thang pa'i spyan sngar mkhan chen de nyid bzhugs par rmis pas glang thang pa'am de'i slob ma'i mchog gcig yin nges par byung/__nam mkha' bsam 'grub rnam thar skabs mnal lam du mkhan chen de nyid mjal bar shar ba'i rnam thar zhig bsnams te grwa slob mang por gsungs pas shar ba dngos yin snyam pa dang /__grwa pa gzhan zhig gis de ltar yin ces zer tshul gsungs/______/__!_ngor gyi gdan sa skabs dbang khang gi gtor ma las spu kha dog sna tshogs mu tig lta bu'i ze'u 'bru yod pa skyes shing /__gtor ma'ang sra mkhregs lcags lta bur gyur/__zhal gyi be bum las las bzhi'i rtags la de 'dra 'ong gsungs par snang /__de rjes kyang 'ga' re byung /__bzang po ma gtogs ngan pa ni ma byung ba ci yin ma shes tshul snang /___/__!_'o yug gos sngon lha khang khri srong skabs bod khams bde thabs su bzhengs/__dam can gyi zhon pa rdo la rang byon dang /__sku slob dpon chen po'i phyag bzo/__de'i gong gnon du phyag rdor gos sngon can/__de gnyis dbu dang dpral ba thug mi thug pa'i mthong snang sna tshogs 'ong skad/__sku de rnams bzo dbyibs legs shing snum bag che ba sogs snang /___/__!_sga mchod rten dkar po slob dpon rin po ches yang 'dul gyi sa gnad du bzhengs/___/__!_khri 'du skal bzang dgon thog mar a gnyan dam pas bzhengs/__kong jos jo bo yid bzhin nor bu bod la gdan drangs pa'i sku tshab tu bzhengs pa'i jo bo'i sku tshad ngo mtshar mthong ba don ldan 'phags pa rin po cher phul ba a gnyan dam par gnang _ba nyid rten gtsor bzhugs pa sogs rten gsum ngo mtshar rgya cher yod/___/__!_dgon gsar dgon du drung chos rje'i dbu thod yod/__'di dwags po lha rje'i sprul par grags/__dgung lo don drug bzhugs/__rnam thar rgyas pa yod/__dbu thod de la biR+Wa pa dang /__bcu gcig zhal sogs rang byon bzhugs tshul mi 'gyur rgyal mtshan bka' 'bum ldeb/__105__/_mtshams su 'di'i dkar chag yod do/___/__!_ldan rag co dgon grub thob nam mkha' legs pa zhes 'phags pas lung bstan cing gser dgon khyad par can stsal ba'i dbon brgyud kyis bzung /___/__!_chos 'khor dgon grub thob stag ses btab/__rje bsod nams rgya mtsho'i rten gtor sogs bzhugs/__grub thob stag se'i dbu thod la tshe dpag lha dgu rang byon yod pa sogs bzhugs/___/__!_sga len steng grub thob stag ses btab kyang zer/__a gnyan dam pas btab kyang zer/___/__!_lhun grub steng du chos khrir mnga' gsol skabs sku rten gsum/__gsung rten bstan 'gyur rin po che glegs bam/__215__gtsos rnam grangs chig stong lnga brgya sum cu phul tshul sogs snang /___/__!_bla ma sangs rgyas rdo rjes thog mar yig drug sogs dge bskul bzang yang /__phyis thal ches pas rtogs ldan ma bsgom par sangs rgyas pa'i slob tshogs mang tshul/___/__!_lhun grub steng sgrub mchod dbus su kye rdor la dge 'dun brgyad brgya skor dang /__byang du sam tra/__gsang 'dus lugs gnyis/__lhor gur/__bde mchog lugs gnyis bcas la'ang dge 'dun sum cu nas bzhi bcu'i bar tshogs tshul/___/__!_lo gsar ston mo nyin gnyis la gzab rgyas gnang tshul/___/__!_sga jo bor bum gter phul skabs phrin las sgrub pa'i mnal lam ngo mtshar can byung /___/__!_zel dkar dgon du sa paN gyi gdung rus las grub pa'i rten ngo mtshar can yod skad/__'di mi 'gyur rgyal mtshan rnam thar du sa paN gdung ring bsrel bcu gcig zhal mthe bong tsam shin tu ngo mtshar can lo rgyus dang bcas bzhugs par gsungs pa de yin snang /___/__!_gnam lung rnam rgyal gling 'phags pa'i gdan sa yin/__gser sku 'gangs che ba dang /__'phags pa'i phyar dar mgon po stag zhon 'khor nges pa can yod/__bar skabs nyam chag che bar snang /___/__!_bkra shis sgang sngar 'phags pa'i gdan sa/__phyis 'bri gung pas bdag__/rten gtso 'phags pas rgya nag nas drangs pa'i bka' gdams gdung rten bkra shis 'od 'bar zhes mi tshad lhag mjal ba tsam gyis 'ja' 'od 'phro bzhin 'gran zla dang bral ba yod/___/__!_dgon gsar bsam 'grub dgon du nyid nas gur lha brgyad bzhengs/___/__!_khams jo ra stag dgon 'bri gung pa'i gdan sa/__lha khang sgros legs/__thub chen zangs gser las grub pa thog tshad dang /__bde mchog thog tshad sogs rten gsum rgya che/___/__!_sman 'chang ri khrod mtho dben nyams dga' bar yod/___/__!_ri thung thub bstan dar rgyas gling du 'phags pa'i thugs dam rten pu Ta nag po'i zhal 'bag byin can bka' rgya ma yod/___/__!_'dzi phur dung 'bud bla ma bsod nams mchog ldan 'das pas sgar gzhis phul nas bdag gir mdzad tshul/___/__!_ldeb 178nas/__193__bar dbon rin chen mchog grub gdong dbus gtsang du 'bul skyel rgya cher mdzad tshul/___/__!_ldeb/__200__phyi nas/__220__bar rde lo lha khang lcang lo can gyi dkar chag mthong ba don ldan ces yod/__'di nang lhun grub steng spar ma'i gzungs gzhug dkar chag zhib par snang /_/_!_dpon bsod nams mgon po'i sras/__rgyal ba skal bzang rgya mtsho'i lcam sring tshe ring lags/__de'i sras chos skyong mgon po/__de'i lcam skal rgya ma/__sku tsha ma bkra shis dbang mo/__sras chang rag sogs bzhes ches pas sku tshe ring po ma byung /__lcam blo gros rgya mtshos bdag gir mdzad de sras sa dbang bzang po 'khrungs pa dang gshegs/___/__!_dmad shod dang spo lu skor sa cha legs tshul/___/__!_ldeb/__242__nas/__247__bar hor khog sde'i mgon khang ngam tre'i mgon khang gi lo rgyus dkar chag hor chos rje ngag dbang phun tshogs pas mdzad pa zhal bshus pa bcas yod/___/__!_yid lhung khro shul nang zhes skye 'gro'i srog gcod pa srin yul lta bu der/__mchod rten zhig bzhengs na dge mtshan che'ang ma grub tshul/___/__!_rdzogs chen sprul sku dang /__nyid nas rdza chu kha pa la bca' bkod gnang tshul/___/__!_nyag gshis khri tsho dgon dang wam pa dgon bla chen 'phags pas btab/_/_!_spo lu dgon rgyab brag la biR+Wa pa'i sku rang byon yod pas chang sa dar che skad/__spyir bsgrigs lam bzang /__sangs rgyas seng ges lung bstan nas de'i slob ma spo lu shes rab rgyal mtshan gyis btab/__bla ma bzang po rim par byon/__phyis su bla chen ga zi sangs rgyas dpal bzang gis kyang yang yang phebs/__dbang lung khrid gsum gnang zhing mgo 'dren rgya cher mdzad skad/___/__!_'dam thog shog dpe war byang chub gling pas btab/__sangs rgyas seng ge'i slob ma zhig gis nyams gso mdzad/__grwa stobs dang cho ga lag len legs/__dgon gyi rgyab ri gnas bdag mo dang /__dgon ltag na pha bong dzam+b+ha/__nye logs na zhog mtsho zer ba chung ngu zhig yod/___/__!_ldan 'dam thog dgon gyi 'jam dbyangs mthu stobs dbang phyug sku 'bum chen mo'i steng gser zangs las grub pa'i gany+dzi ra bzhengs tshul/___/__!_khri 'dur dam pa rin po che'i sgrub chu yin par grags pa'i chu mig tu klu gtor phul skabs dge mtshan che/___/__!_drung chos rje'i dben rir mgon po khyad par can bzhugs/___/__!_skye rgu dang nye ba gnas sga khyim zhes brag dkar shin tu mtho ba'i ngos sgrol ma dkar sngon rang byon yod par grags/__de'i sgrol dkar yod pa'i brag de chad pa/__sku che chung mkhyud gang tsam 'bur dod sgros legs shig byung ba mtshams pa rin chen bzang po'i grwa gshag tu gdan drangs/__de 'das dus nyid kyi lha khang gsar bzhengs kyi thub pa'i mdun bzhugs su gsol ces 'byung /___/__!_ldeb 314__nas/__218__bar skye rgu dgon du lha khang gsar bzhengs kyi dkar chag rags rim tsam yod/___/__!_ldeb 323__nas/__326__bar sde dge'i sku rim dgon khag rnams su bkram tshul zhib mo zhig snang /___/__!_lcang re'i stag se'i sku'i dbu zhwa phud pa byung na sde dge'i sku ngo la ngan tshul zer rgyun 'dug pas bden cha yod tshul snang /___/__!_sga stod stag mgo'i ring bsrel thub pa'i dbang po'i ring bsrel ma skyes dgra'i rten skal rdo rje gdan gyi gan+d+ho lar mar me mdzad bzhugs pa'i mdun gyi ka pa la sbas pa/__rten de'i dgong gnyer paN+Di ta shAn+ti nag pos bod du drangs/__chos skyong gi lung bstan ltar stag mgor bzhugs367/__paN+Di ta'ang gnas der thim nas da lta'i bar srung ma mdzad/__de la rje btsun grags pas shel gyi par bu/__sa paN gyis gdugs/__'phags pas snam sbyar dang dngul gyi par bu sogs sa kar gyi bla chen du mas mnga' gsol phul ba'i lo rgyus yod/__'di'i dkar chag skal bzang dga' skyed ces pa zhig mdzad tshul snang /_/_!_rdzogs chen du gter ston yin skad zhig byung ba tshar bcad nas slar si tu rin po cher bsnyen rdzogs bsgrub bcug tshul/__!__lho khog nas rgyal dbang sprul sku zer ba chos brgyad can zhig gis rgyam rdo tir tsA ri lta bu'i gnas bskor gyi lam btod tshul gleng mo 'ur sgra che ba/__de ltar grub slar yul de stong zhing mdo khams su mi rung ba 'ong snyam na'ang sgra rang yal du song skad gda'/__/___!_si tu rin po che zhwa dmar bcu pa khri 'don phebs kha dgon chen du byon par/__bde mchog dkar po'i byin rlabs shig phul bas rten 'brel legs lam che bar gyur ces gsung na'ang /__rje nyid kyis rmor chen/__sangs rgyas bstan pa/__dpal bzang /__bsod nams dbang phyug rnams gang rigs zhig las gsan 'dra ste snga ma chos gsan tshul skabs ma thebs 'dug pa slar dpyad/__rmor chen las gsan skabs sogs rjes gnang gi rigs du ma gsungs pa'i khongs su bsdus pa 'dra yin nam/__lcags zam bstan 'dzin nyi zla 'od 'bar kyang de mnyam yod 'dug pa de'i gsan tho yod/_/_!_glegs bam phyi ma/__wa~M rtags can gyi nang rab byung bcu gsum pa'i chu mo bya lo nas bzung gshegs rjes kyi bar rnam thar shin tu rgyas pa yod/__dgung lo nga gsum pa shing khyi lor zla 5tshes 23la bod du phebs skabs lag do/__820__mdzo khal/__1230__skor/__rta/__2000lhag__/drel/__1050__skor gyis mtshon sgar chen 'phags pa rin po che rgya nag nas chibs bsgyur gnang ba lta bu zhig yod skad gda'/__zla 9tshes 11la lha gdan du rgyal ba skal bzang rgya mtsho'i mdun mtsho skar chen sgar nas lam yig zhu bar btang tshul gyi yi ge/__!__zla 9tshes 24la nag chu kha spa ru thang du phebs/__zla 10tshes 10la lha ldan du 'byor/___/__!_ldeb/__100nas/__225bar gtong sgo 'byams klas mdzad tshul yod/__ldeb/__104__bar stong mchod kyi dpyad khra zhib par snang /___/__!_gnyags a mo g+has btab pa'i mus glo lung chos sde'i mtshan ldan nam mkha'i rnal 'byor gyi sku brnyan mdun mar me'i brtag pa gsal po yod skad snang /___/__!_shing phag lo'i dbyar dbus phyogs dang /__dgun lha rtse man mus phyogs tshun byon tshul zhib cha snang /___/__!_lha rtse'i ga ya d+ha ra'i sgrub phug de khyad mtshar zhig yod skad gda'/___/__!_me byi lor ngor du tshogs khro gnyis blugs par dngul srang drug brgya skor gyi rgyu rtsa song /__sgo khang gsar bzo mdzad/___/__!_'di lo zla 2tshes 3la rgyal ba skal bzang rgya mtsho zhing gshegs/___/__!_me glang zla 6tshes 4la sa skya pa gcung mthu stobs dbang phyug zhing gshegs/___/__!_zla ba dgu pa nang sa skyar kun dga' blo gros mdun gdung spel gyi snyan skul zhus par zhal bzhes gnang /___/__!_sa stag zla 4tshes 19la slar yang ngor nas khams su phebs/__de skabs gzhung nas gzhis rtse shangs 'u yug brgyud yangs can nas nag chu kha bar khal ma brgya lnga bcu/__rta 'ul lnga/__me khag bzhi'i thab shing /__rta thab kyi g.yog bzhi/__rta drel ngo yod la brnga min kha rtswa bkag med/__btang mtshams nas gzan pa bsdu gtong /__ko gru'i sgrol 'don bcas/__gzhis rtsegs pa rnams/__rong gang rung nas lha sa nas rdzong skyel gyi khal ma brgya/__rta 'ul bdun/__zhon pa brgyad/__me khag drug gi thab shing sogs gnang /___/__!_shong tho dgon pas khang pa sangs rdor gyi dgon gsar nang du mnyam tshogs mi dgos pa'i mgo 'dren zhus skad/__!__zla 8tshes13 la sde dge dgon chen du phebs/__dgun tshe dgon chen du bzhugs/__dgung lo nga brgyad pa sa yos zla 1tshes 17srod yol gyi dus dga' ldan byams pa'i mdun sar gshegs so/___/__!_ldeb/__254nas/__258bar kun rig dang 'byung 'dul gyi bsnyen thabs nyung tsam re yod/__!_/_ldeb/__379nas/__399bar 'da' ka'i zhal chems skor zhib par snang /___/__!_ldeb/__455nas/__486__bar mchod rten gyi dkar chag skor zhib par yod do/___/__!_dpal chos ni ngor 'dabs spel grong gi ja dpon zur khang pa'i khyim du/__yab kun dga' rdo rje dang /__yum dpon ru pa dpal bu khrid kyi sras su chu rta lor 'khrungs/__lo gnyis gsum dus byang chub gling ras chung sprul pa'i skus skyes bu dam par lung bstan/__sa skya pa kun dga' bkra shis las tshe dbang thob/__lo bdun par ngor du tshul khrims dpal bzang las rab tu byung /__bco brgyad pa sa phag lor byams pa bsod nams bzang po las bsnyen par rdzogs/__bcu dgu pa lcags byi lor kun rig sogs bsnyen mtshams bzhugs/__nyer gnyis pa chu yos lor lha sar gnas bskor byon/__rmor chen las chos mang zhig gsan/__nyer lnga pa me rta lor khu bo bla ma bstan 'dzin lhun grub zhing gshegs pa'i dgongs rdzogs rgya cher bsgrubs/__nyer brgyad pa sa bya lor sga stod skyu ra'i yul du gtogs pa dwa'u dang sga'i mtshams thar se smon skyid skar du klu sding pas chos rjer gtong ba ltar 'bul sdud rgya cher mdzad/__sum cu pa lcags phag lor sde dge dgon chen du byon/__bkra shis lhun grub dang bstan pa tshe ring mchod yon mjal/__sangs rgyas bstan pa las rdor phreng sogs gsan/__so gcig pa chu byi lor grwa dpon ser skya 'dres pa bdun cu skor dang bcas zla 8tshes 25la ngor du phebs/__klu sding gtsor gyur sa ngor du 'bul bsnyen rgya cher mdzad tshul/__ldeb 73mtshams su yod/__so gnyis pa chu glang zla 8tshes la thar rtse nam mkha' bsam 'grub kyis mkhan sa dgongs pa zhus pa'i skabs rdo rje 'chang gi khri la phebs/_so gsum pa shing stag zla ba dgu par lha sar phebs/__rgyal ba skal bzang rgya mtsho mjal/__gsang 'dus rtsa rgyud sogs kyi 'brel gsan/__mi dbang mjal ba sogs mdzad/__lo 'di phyi'i skabs mkhan sangs rgyas dpal bzang dang /__skyo mda' bsod nams dbang phyug sogs las bka' chos mang tsam gsan/__so bzhi pa shing yos lor rgyal ba skal bzang rgya mtsho bkra shis lhun por phebs pa mjal/__sa skya pa bsod nams rin chen kyang rgyal ba mjal bar phebs pa yar lam ngor du gdan drangs/__so lnga pa me 'brug lor sde dge nas chos rgyal bstan pa tshe ring gis sa ngor du 'bul 'gyed bsam las 'das pa phul/__so drug pa me sbrul lor paN chen blo bzang ye shes gshegs/__so bdun pa sa rta lor sde dge bstan pa tshe ring gshegs shing /__phun tshogs bstan pa dbus su phebs/__lam 'bras sogs stsal/__so brgyad pa sa lug lor sde dger mkhan chen bkra shis lhun grub zhing gshegs pa'i gdan tshab tu spyan drangs pa ltar mkhan sar byams pa bsod nams bzang po bskyar bzhugs gnang /__so dgu pa lcags sprel zla 5tshes 7la ngor nas chibs btegs/__sga stod brgyud zla 9tshes 5la lhun grub steng du phebs/__tshes 8la chos khrir mnga' gsol lo/__/nga gsum pa shing khyi lor bod du phebs/__nga bdun pa sa stag lor slar khams su byon/__nga brgyad pa sa yos zla 1tshes 17la dga' ldan du gshegs so//____//_!