JKW-KABUM-19-DZA-001-014

From Khyentse Lineage - A Tsadra Foundation Project

‎‎

ཐུགས་སྒྲུབ་ཡིད་བཞིན་ནོར་བུ་བསམ་པ་ལྷུན་གྲུབ་མའི་བཀའ་བབས་ཚུལ་གྱི་ལོ་རྒྱུས་མདོ་ཙམ།
Wylie title thugs sgrub yid bzhin nor bu bsam pa lhun grub ma'i bka' babs tshul gyi lo rgyus mdo tsam JKW-KABUM-19-DZA-001.pdf
Location mkhyen brtse'i bka' 'bum
Volume 19, sde tshan 1, Text 14, Pages 137-143 (Folios 69a2 to 72a6)
Author འཇམ་དབྱངས་མཁྱེན་བརྩེའི་དབང་པོ་
Less details More details
Tertön མཆོག་གྱུར་གླིང་པ་ (mchog gyur gling pa)
Citation 'jam dbyangs mkhyen brtse'i dbang po. thugs sgrub yid bzhin nor bu bsam pa lhun grub ma'i bka' babs tshul gyi lo rgyus mdo tsam. In 'jam dbyangs mkhyen brtse'i dbang po'i bka' 'bum, Vol. 19: 137-143. Khams sde dge rdzong sar dgon: Rdzong sar blo gros phun tshogs, 2020.
Genre History Texts - lo rgyus  ·  Religious History Texts - chos 'byung
Cycle བླ་མའི་ཐུགས་སྒྲུབ་ཡིད་བཞིན་ནོར་བུ་ (bla ma'i thugs sgrub yid bzhin nor bu)
[edit]
༄༅། །ཐུགས་སྒྲུབ་ཡིད་བཞིན་ནོར་བུ་བསམ་པ་ལྷུན་གྲུབ་མའི་བཀའ་བབས་ཚུལ་གྱི་ལོ་རྒྱུས་མདོ་ཙམ་ནི། ཐོག་མར་རང་ལོ་བཅོ་ལྔ་པ་ཤིང་ཕོ་རྟའི་ལོའི་སྟོན་འབྲིང་ཁྲུམས་ཟླའི་ཚེས་བཅུའི་ཐོ་རེངས་ཁར་རྨི་ལམ་དུ་བྲག་དམར་མགྲིན་བཟང་ཡིན་རྒྱུའི་ལྷ་ཁང་ཞིག་གི་སྟེང་ངོས་སུ་སླེབས་པ་ན། བུད་མེད་དམར་མོ་དར་དང་རིན་པོ་ཆེའི་རྒྱན་ཅན་ལྷ་མོའི་ཆ་བྱད་ཀྱིས་མཛེས་པ་ཞིག་གི་ལག་གཡས་ན་མེ་ཏོག་དམར་པོ་ཁ་མ་བྱེ་བ་ཞིག་ཐོགས་འདུག་པ་རང་གི་ལག་ཏུ་བྱིན་མ་ཐག་ཁ་བྱེ་བའི་ནང་ནས་གླེགས་བམ་དམར་པོ་ཆུང་ངུ་ཞིག་བྱུང་བ་ཞལ་ཕྱེ་ནས་ཀློག་པར་བརྩམས་པ་ན་བརྡ་ཡིག་ཁོ་ནར་སོང་ནས་ཀློག་མ་ཤེས་པ། སླར་ཕྱག་གཡོན་ན་ཀ་པཱ་ལ་བདུད་རྩིས་གང་བ་ཞིག་བདག་ལ་གཏད་པ་འཐུང་བའི་མོད་ཤེས་པ་སྤྱི་བུན་པ་བཞིན་དུ་སོང་། བརྡ་ཡིག་ཐམས་ཅད་ཀྱང་ཐོགས་མེད་དུ་ཀློག་ཤེས་པས་གུ་རུའི་ཐུགས་སྒྲུབ་བདེ་གཤེགས་འདུས་པ་ཕྱི་ནང་གསང་བ་ཡང་གསང་དང་བཅས་པའི་སྐོར་ཚོ་ཤིན་ཏུ་མང་བ་ཞིག་འདུག་པ་སྤྲོ་བ་ཚད་ལས་འདས་པ་སྐྱེས་པའི་མོད། བུད་མེད་དེས་ལུང་བསྟན་གྱི་རྣམ་པ་མང་ཞིག་ཟེར་ནའང་། མ་འོངས་གཙུག་ལག་འདི་ཡི་འགྲམ༔ ཡིད་བཞིན་རིན་ཆེན་དངོས་སུ་འབྱུང་༔ ཞེས་སོགས་ཚིག་རྣམས་འགའ་རེ་མ་གཏོགས་བརྗེད། དེ་ནས་གླེགས་བམ་དེ་ཉིད་འོད་དམར་པོ་ཞུ་ནས་རང་ལ་ཐིམ་པས་ཚིག་དོན་ཐམས་ཅད་བཀྲ་ལམ་མེར་གསལ་བ་སྙམ་བྱེད་པའི་ངང་ནས་གཉིད་སད། དེ་མ་ཐག་ཕྱི་སྒྲུབ་ཀྱི་ལས་བྱང་རྒྱས་པ་ཞིག་བྲིས་པ་ཐུགས་སྒྲུབ་བར་ཆད་ཀུན་སེལ་དང་དབྱིབས་མཚུངས་པ་ལ། སྒྲུབ་སྡེ་བརྒྱད་ཀྱང་ཚང་བ་ཞིག་དང་། ནང་སྒྲུབ་ཀྱི་རྒྱུན་ཁྱེར་ཙམ་བྲིས་པ་ནི་ད་ལྟའི་བསམ་པ་ལྷུན་གྲུབ་མ་འདི་ཇི་ལྟ་བ་གཙོ་རྐྱང་གི་རྣམ་པ་ལ། གུ་རུ་བཅུ་གསུམ་ལུས་དཀྱིལ་ལ་བཀོད་པ་ཞིག་སྣང་ནའང་། དེ་དག་སྤེལ་བར་སྐབས་སུ་མ་བབས་པས་རང་ཉིད་ཀྱིས་ཅུང་ཟད་ཉམས་སུ་བླངས་ཤིང་། ཕྱིས་དཔེ་ཡང་གཏེར་དུ་བསྡམས། གསང་སྒྲུབ་ནི་ཐུགས་རྗེ་ཆེན་པོ་ཞི་དྲག་དང་། ཡང་གསང་ཕག་མོའི་སྐོར་སོགས་སྣང་ནའང་ཡིད་ངོར་གསལ་བ་ལས་ཡི་གེར་མ་བྲིས། དེ་ནས་རང་ལོ་སོ་གཅིག་པ་ལྕགས་ཕོ་ཁྱིའི་ལོའི་སྣྲོན་ཟླ་བའི་དཀར་ཕྱོགས་ཀྱི་ཚེས་བཅུར་ལྕགས་ཟམ་ཆུ་བོ་རིའི་བླ་བྲང་ནས་ཀྱང་ཡོན་སྦྱར་ཞིང། རང་ཉིད་ཀྱིས་ཀྱང་ཁྲ་འབྲུག་ནས་ལུང་བསྟན་གྱི་རྣམ་པ་རྙེད་པ་བཞིན་བོད་ཁམས་བདེ་ཐབས་སུ་དམིགས་པས། གུ་རུའི་སྒྲུབ་གནས་ནམ་མཁའ་ལྡིང་དུ་ཚོགས་ཀྱི་མཆོད་པ་བརྒྱ་ཕྲག་ཐལ་བ་དང་། གནས་གྱི་དབུ་རྩེར་ཕྱིན་ཏེ་བསང་དང་། གསེར་སྐྱེམས་དང། ལྷ་སྲིན་དམ་བསྒྲགས་སོགས་བགྱིས་པའི་ཚེ། ཇོ་མོ་ཁ་རག་གི་ཕྱོགས་ནས་གཙོ་བོར་མཆོད་པའི་འཇའ་སྤྲིན་ཡ་མཚན་པ་ནམ་མཁའ་ཁེངས་ཤིང་གསལ་སྣང་ལའང་གུ་རུ་བདེ་བ་ཆེན་པོ་གཙོ་འཁོར་གྲངས་མེད་པ་ནམ་མཁའི་ཁམས་གང་སྟེ་སྤྲུལ་པའི་སྒྱུ་འཕྲུལ་མཐའ་ཡས་པས་བོད་ཁམས་དབུགས་འབྱིན་སྩོལ་བའི་ཉམས་དང་། ལོ་བསྐོར་གཅིག་གི་བར་དུ་བོད་ཡུལ་དབུས་སུ་མཐའ་དམག་གི་འཇིགས་པ་མི་འབྱུང་བའི་མཚན་མ་ཁྱད་པར་ཅན་ཐོབ། དེའི་ཕྱི་ལོ་ལྕགས་མོ་ཕག་གི་སྣྲོན་ཟླའི་ཚེས་བཅུར་རྒྱངས་ཡོན་པོ་ལུང་གི་གུ་རུའི་སྒྲུབ་ཕུག་ཏུ་སླེབ། ཚོགས་ཀྱི་མཆོད་པ་རྒྱ་ཆེར་བགྱིས་ཤིང་དེ་ནུབ་ཕུག་པ་ནང་དུ་གནས་པའི་ཚེ། སྒྲུབ་ཕུག་གི་སྒོ་གོང་དེར་འོད་འཁྱིལ་ལེ་འདུག་པ་གཏེར་མཚན་དུ་ངེས་ཤིང་འདུན་པ་གཏད་པས། གུ་རུའི་སྐུ་ཚབ། བསམ་པ་ལྷུན་གྲུབ་མའི་སྒྲུབ་ཐབས་མན་ངག་དང་བཅས་པ་སོགས་བཞུགས་པར་མཐོང་ཞིང་། ཆོས་ཀྱི་རྣམ་གྲངས་དང་མངོན་རྟོགས་སོགས་ཡིད་ངོར་ཤིན་ཏུ་གསལ་བ་ཞིག་བྱུང་། སླར་རང་ལོ་སོ་དགུ་པ་ས་ཕོ་རྟའི་ལོའི་ནག་པ་ཟླ་བའི་ཚེས་བཅུར་སྒྲུབ་ཐབས་ཡོན་ཏན་གཏེར་མཛོད་ཀྱི་ཚོགས་མཆོད་བགྱིས་པའི་ཐོ་རངས་ནམ་མཁའ་ནས་ཐོད་ཕྲེང་རྩལ་གྱི་ཛཔ྄་དབྱངས་ཤིག་གྲགས་པའི་རྐྱེན་གྱིས་གཉིད་ཧར་རེ་སད་པ་དང་། ལུས་རྡུལ་ཞུམ་མེ་བའི་ངང་མི་གནས་འོད་ཟེར་གྱི་སྦུ་གུ་རྩ་བ་ཕྲ་ལ་ཁ་གཡེལ་བ་ཞིག་ལྷོ་རྒྱུད་ཀྱི་གནས་འདི་ཡིན་ངོ་མི་འཚལ་བ། ཆུ་བོ་ཆེན་པོ་འབབ་ཅིང། བྲག་རི་སུལ་མང་ཞིག་གི་རྩ་འདབས་སུ་ཟུག་པས། དེ་ན་གུ་རུ་རིན་པོ་ཆེའི་སྐུ་ཚབ་ཁྲུ་གང་བའི་ཚད་བདེ་བ་ཆེན་པོའི་རྣམ་པ་མངོན་རྟོགས་ཇི་ལྟ་བ་དང་། ཆོས་སྐོར་རྣམས་ཤོག་སེར་གླེགས་བམ་ཆེན་པོ་ཞིག་གི་རྣམ་པར་མངོན་སུམ་ལྟ་བུར་མཐོང་ཞིང་། རྟོག་པ་བཅུག་པ་ན་སྐུ་དང་ཤོག་སེར་སོགས་ད་ལྟའི་ཚད་ཇི་ལྟ་བུ་དང་། དེའི་ནང་དུ་གང་བཞུགས་པའང་ཡིད་ངོར་ལམ་ལམ་གསལ་བ་ཞིག་བྱུང་བས་རྐྱེན་བྱས། རྣམ་པ་ཀུན་ཏུ་དེ་ཁོ་ན་དྲན་ཞིང། དེའི་རྒྱུ་མཚན་ཞིབ་པར་གཏེར་ཆེན་རིན་པོ་ཆེའི་མདུན་སྔ་ཕྱིར་སྙན་འབུལ་དང། གུ་རུ་བདེ་བ་ཆེན་པོའི་སྐུ་ཐོག་མར་ཙཀླི་ཞིག་ལ་བྱས། དེ་ཞལ་ཐང་དུ་བཤུས། སླད་ནས་ལོ་དེའི་སྨིན་དྲུག་ཟླ་བའི་ཡར་ཚེས་ལ་ད་ལྟ་པདྨ་ཤེལ་ཕུག་ཏུ་བཞུགས་པའི་གསེར་ཟངས་ཀྱི་སྐུ་རང་གི་ལུས་ཚད་དང་མཉམ་པ་འདིའང་བཞེངས་པ་ཡིན་ལ། གཏེར་ཆེན་རིན་པོ་ཆེར་རྒྱུ་མཚན་ཕུལ་བ་དེ་ཁོ་ན་ཁ་བྱང་གི་ཚུལ་དུ་གྱུར་ནས། རྗེ་ཉིད་ལའང་གསལ་སྣང་ལུང་བསྟན་ཁྱད་པར་ཅན་གྱིས་མཚམས་སྦྱར་ཏེ། ས་རྟ་སྨིན་དྲུག་ཟླ་བའི་ཚེས་བཅུ་ལ་ཙི་རྐེའི་ཆུ་བོ་འདུས་པའི་ནོར་བུ་སྤུན་གསུམ་བྲག་ནས་ཚེགས་མེད་པར་དངོས་གྲུབ་ཏུ་བཞེས་ཤིང། མགོ་ཟླའི་ཡར་ཚེས་ནས་བརྩམས་ཏེ་བདག་ཅག་དཔོན་སློབ་རྣམས་ཀྱིས་གཏེར་སྒྲུབ་ཀྱི་རྣམ་པ་ཞག་བདུན་དུ་བགྱིས། དེའང་ཐོག་མར་ཤོག་བུ་ལ་བརྡ་ཡིག་སོགས་ཅིའང་མི་འདུག་པ། བདུད་རྩི་ལྔའི་རིལ་བུའི་ཆུ་ལ་སྦང་ཞིང་དཀྱིལ་འཁོར་གྱི་དབུས་སུ་བཞག་སྟེ་བསྒྲུབས་པས། ཞག་ལྔ་ན་བརྡ་ཡིག་གྲོང་ཁྱེར་བདུན་བཀྲ་ལམ་གྱིས་ཤར་བའི་ངོ་མཚར་དང་བཅས། ཟླ་བ་དེའི་ཚེས་བཅུར་ལས་བྱང་ནས་བརྩམས་ཏེ་གཏེར་སྟོན་རིན་པོ་ཆེས་གསུང་རིམ་བཞིན་དུ་ཡི་གེར་བྱས། ཇི་ལྟར་གསུངས་པ་དང་རྗེས་སུ་མཐུན་པར་བདག་ངེས་པ་ཅན་ཤར་བས་གཅིག་ལ་གཅིག་ཡིད་ཆེས་པས་འཁྲུལ་པ་བྲལ་བར་གཏན་ལ་ཕེབས། དབང་ལུང་མན་ངག་རྣམས་ཀྱང་ཆིག་རྫོགས་སུ་བསྩལ། ཕྱི་ལོ་དོན་གྲུབ་ཅེས་པ་ས་མོ་ལུག་གི་ལོའི་དབོ་ཟླའི་དཀར་ཕྱོགས་ནས་དབུ་བརྩམས་སྒྲུབ་ཁང་བླ་བྲང་ཕན་བདེ་ཀུན་ཁྱབ་གླིང་དུ། ཞབས་དྲུང་རིན་པོ་ཆེ་འཇམ་དབྱངས་ནམ་མཁའ་རྒྱལ་མཚན་དཔལ་བཟང་པོ་སོགས་བདག་ཅག་འདུས་པ་རྣམས་ཀྱིས་ཐུགས་སྒྲུབ་རྣམ་གཉིས་ཟུང་འབྲེལ་གྱི་ཚོམ་བུ་ཚོགས་སྒྲུབ་ཞག་བཅུའི་བར་དུ་སྒྲུབ་པའི་ཚེའང་། རྨི་ལམ་གྱི་སྣང་ཆར། གཞལ་མེད་ཁང་རྒྱ་ཁྱོན་བཀོད་པ་བསམ་གྱིས་མི་ཁྱབ་པའི་དབུས་སུ། ཐུགས་སྒྲུབ་གཉིས་ཀྱི་ལྷ་ཚོགས་རྣམས་མངོན་སུམ་བཞིན་དུ་བཞུགས་པའི་གཙོ་བོའི་ཞལ་ནས་གདམས་ངག་དང། རྗེས་སུ་བསྟན་པ་གསུང་བ་སྙམ་བྱེད་པ་སོགས་དང་། གསོལ་འདེབས་ཚུལ་བཞིའི་སྒོ་ནས་འཆད་པའི་མན་ངག་དང་། གཏེར་སྲུང་སོ་སོས་ཀྱང་ཕྲིན་ལས་བསྒྲུབ་པའི་ཉམས་སོགས་བྱིན་གྱིས་བརླབས་པའི་མཚན་མ་མང་དུ་བྱུང་ཞིང་། དེ་ལྟར་རང་ལོ་བཅོ་ལྔ་པ་ནས་བརྩམས་སྔ་ཕྱིར་ཤར་བའི་གསལ་སྣང་ཐམས་ཅད་ལ། ལྷའི་ངོ་བོ་གཅིག་པ་ཙམ་ལས། སྐུའི་རྣམ་འགྱུར་དང་། སྒྲུབ་པའི་ཐབས་དང་། སྔགས་ཀྱི་བྱེ་བྲག་ཕལ་ཆེར་ཐ་དད་པ་ལ། གཙོ་བོ་ནི་གཅིག་པ་ཁོ་ན་ཤར་ཞིང་། ས་རྟ་ལོར་ཤར་བའི་གསལ་སྣང་དང་། ཕྱིས་གཏེར་ཆེན་རིན་པོ་ཆེས་ཤོག་སེར་འབེབས་པའི་སྐབས་གསལ་སྣང་བྱུང་བ་ཐམས་ཅད་ནི་ཚིག་སྣ་རིང་ཐུང་དང་རྒྱས་བསྡུས་ཅུང་ཟད་ལས་གཅིག་པ་ཁོ་ནར་སྣང་། དེ་ལ་སྤྱིར་གོ་སྟོད་འོད་འབར་བྲག་གི་གཏེར་བྱོན་ལུང་བྱང་སྙིང་གི་མེ་ལོང་ལས། དེ་ནས་ཡང་དག་བཤད་བྱ་བ༔ བྱང་རྒྱུད་ཕྱོགས་ཀྱི་དམག་དཔུང་ཞིག༔ བོད་ཡུལ་དབུས་འདིར་སླེབས་པ་ན༔ བོད་ཁམས་བསྟན་པ་ཉམས་ལ་ཐུག༔ དེ་ཚེ་པདྨའི་ཐུགས་བསྐྱེད་མཐུས༔ ཟ་ཧོར་རྒྱལ་པོའི་གདུང་མཐར་རུ༔ ཡབ་གཅིག་ཁྲི་སྲོང་སྤྲུལ་པ་འབྱུང་༔ པཎ་གྲུབ་ཁ་ཡར་འགའ་ཚོགས་ཏེ༔ ད་ལྟའི་བསྒྱུར་བཤད་ཆོས་རྣམས་ཀུན༔ དེ་དུས་ཅུང་ཟད་འཆད་ཉན་བྱེད༔ དེ་ནས་ཕལ་ཆེར་ནུབ་ཉེའི་དུས༔ བི་མ་མི་ཏྲས་བྱིན་བརླབས་པ༔ ཁྲི་སྲོང་སྤྲུལ་པ་དགེ་སྦྱོང་ཚུལ༔ ལྕགས་ཁམས་འབྲུག་གི་ལོ་པ་ནི༔ སྐྱེས་བུ་བློ་རྩལ་ལྡན་པ་འབྱུང་༔ སྙིང་པོའི་བསྟན་པ་གསལ་བར་བྱེད༔ བོད་ཁམས་བདེ་ཐབས་སྣ་ཚོགས་སྤེལ༔ ཁྱད་པར་བདག་གིས་དངོས་ཉམས་དང་༔ རྨི་ལམ་ཚུལ་དུ་བྱིན་བརླབས་པས༔ འཇམ་དཔལ་སྤྲུལ་པའི་རྒྱལ་པོ་ཉིད༔ གྲུབ་པ་མཆོག་གི་ཚུལ་བཟུང་སྟེ༔ མཐར་ཐུག་ནོར་བུ་སྐོར་ལྔ་སོགས༔ ཟབ་མོའི་གཏེར་སྒོ་འགའ་ཞིག་འབྱེད༔ ཡང་ན་བཀའ་རྙིང་བསྟན་པ་སྐྱོང་༔ འབྲེལ་ཚད་སྨིན་གྲོལ་ལམ་ལ་བཀོད༔ མདོ་སྔགས་སྤྱི་དང་སྙིང་པོའི་སྲོལ༔ གྲུབ་པ་བརྙེས་པའི་རིང་ལུགས་རྣམས༔ དབུས་གཙང་མདོ་སྨད་ཀུན་ཏུ་དར༔ ཞེས་སོགས་དང་། བྱེ་བྲག་བླ་མའི་ཐུགས་སྒྲུབ་ཡིད་བཞིན་ནོར་བུའི་ལོ་རྒྱུས་ཤེལ་གྱི་ཕྲེང་བ་ལས། བཀའ་བསྡུ་འཆད་ཉན་བསྒོམ་སྒྲུབ་ཀྱིས༔ དབུས་གཙང་མདོ་སྨད་ཀུན་ཏུ་དར༔ འདི་ནས་འཕྲོ་ལུས།། །།
[edit]

thugs sgrub yid bzhin nor bu bsam pa lhun grub ma'i bka' babs tshul gyi lo rgyus mdo tsam/ @#/_/thugs sgrub yid bzhin nor bu bsam pa lhun grub ma'i bka' babs tshul gyi lo rgyus mdo tsam ni/__thog mar rang lo bco lnga pa shing pho rta'i lo'i ston 'bring khrums zla'i tshes bcu'i tho rengs khar rmi lam du brag dmar mgrin bzang yin rgyu'i lha khang zhig gi steng ngos su slebs pa na/__bud med dmar mo dar dang rin po che'i rgyan can lha mo'i cha byad kyis mdzes pa zhig gi lag g.yas na me tog dmar po kha ma bye ba zhig thogs 'dug pa rang gi lag tu byin ma thag kha bye ba'i nang nas glegs bam dmar po chung ngu zhig byung ba zhal phye nas klog par brtsams pa na brda yig kho nar song nas klog ma shes pa/__slar phyag g.yon na ka pA la bdud rtsis gang ba zhig bdag la gtad pa 'thung ba'i mod shes pa spyi bun pa bzhin du song /__brda yig thams cad kyang thogs med du klog shes pas gu ru'i thugs sgrub bde gshegs 'dus pa phyi nang gsang ba yang gsang dang bcas pa'i skor tsho shin tu mang ba zhig 'dug pa spro ba tshad las 'das pa skyes pa'i mod/__bud med des lung bstan gyi rnam pa mang zhig zer na'ang /__ma 'ongs gtsug lag 'di yi 'gram:__yid bzhin rin chen dngos su 'byung :__zhes sogs tshig rnams 'ga' re ma gtogs brjed/__de nas glegs bam de nyid 'od dmar po zhu nas rang la thim pas tshig don thams cad bkra lam mer gsal ba snyam byed pa'i ngang nas gnyid sad/__de ma thag phyi sgrub kyi las byang rgyas pa zhig bris pa thugs sgrub bar chad kun sel dang dbyibs mtshungs pa la/__sgrub sde brgyad kyang tshang ba zhig dang /__nang sgrub kyi rgyun khyer tsam bris pa ni da lta'i bsam pa lhun grub ma 'di ji lta ba gtso rkyang gi rnam pa la/__gu ru bcu gsum lus dkyil la bkod pa zhig snang na'ang /__de dag spel bar skabs su ma babs pas rang nyid kyis cung zad nyams su blangs shing /__phyis dpe yang gter du bsdams/__gsang sgrub ni thugs rje chen po zhi drag dang /__yang gsang phag mo'i skor sogs snang na'ang yid ngor gsal ba las yi ger ma bris/__de nas rang lo so gcig pa lcags pho khyi'i lo'i snron zla ba'i dkar phyogs kyi tshes bcur lcags zam chu bo ri'i bla brang nas kyang yon sbyar zhing/__rang nyid kyis kyang khra 'brug nas lung bstan gyi rnam pa rnyed pa bzhin bod khams bde thabs su dmigs pas/__gu ru'i sgrub gnas nam mkha' lding du tshogs kyi mchod pa brgya phrag thal ba dang /__gnas gyi dbu rtser phyin te bsang dang /__gser skyems dang/__lha srin dam bsgrags sogs bgyis pa'i tshe/__jo mo kha rag gi phyogs nas gtso bor mchod pa'i 'ja' sprin ya mtshan pa nam mkha' khengs shing gsal snang la'ang gu ru bde ba chen po gtso 'khor grangs med pa nam mkha'i khams gang ste sprul pa'i sgyu 'phrul mtha' yas pas bod khams dbugs 'byin stsol ba'i nyams dang /__lo bskor gcig gi bar du bod yul dbus su mtha' dmag gi 'jigs pa mi 'byung ba'i mtshan ma khyad par can thob/__de'i phyi lo lcags mo phag gi snron zla'i tshes bcur rgyangs yon po lung gi gu ru'i sgrub phug tu sleb/__tshogs kyi mchod pa rgya cher bgyis shing de nub phug pa nang du gnas pa'i tshe/__sgrub phug gi sgo gong der 'od 'khyil le 'dug pa gter mtshan du nges shing 'dun pa gtad pas/__gu ru'i sku tshab/__bsam pa lhun grub ma'i sgrub thabs man ngag dang bcas pa sogs bzhugs par mthong zhing /__chos kyi rnam grangs dang mngon rtogs sogs yid ngor shin tu gsal ba zhig byung /__slar rang lo so dgu pa sa pho rta'i lo'i nag pa zla ba'i tshes bcur sgrub thabs yon tan gter mdzod kyi tshogs mchod bgyis pa'i tho rangs nam mkha' nas thod phreng rtsal gyi dzapa? dbyangs shig grags pa'i rkyen gyis gnyid har re sad pa dang /__lus rdul zhum me ba'i ngang mi gnas 'od zer gyi sbu gu rtsa ba phra la kha g.yel ba zhig lho rgyud kyi gnas 'di yin ngo mi 'tshal ba/__chu bo chen po 'bab cing/__brag ri sul mang zhig gi rtsa 'dabs su zug pas/__de na gu ru rin po che'i sku tshab khru gang ba'i tshad bde ba chen po'i rnam pa mngon rtogs ji lta ba dang /__chos skor rnams shog ser glegs bam chen po zhig gi rnam par mngon sum lta bur mthong zhing /__rtog pa bcug pa na sku dang shog ser sogs da lta'i tshad ji lta bu dang /__de'i nang du gang bzhugs pa'ang yid ngor lam lam gsal ba zhig byung bas rkyen byas/__rnam pa kun tu de kho na dran zhing/__de'i rgyu mtshan zhib par gter chen rin po che'i mdun snga phyir snyan 'bul dang/__gu ru bde ba chen po'i sku thog mar tsakli zhig la byas/__de zhal thang du bshus/__slad nas lo de'i smin drug zla ba'i yar tshes la da lta pad+ma shel phug tu bzhugs pa'i gser zangs kyi sku rang gi lus tshad dang mnyam pa 'di'ang bzhengs pa yin la/__gter chen rin po cher rgyu mtshan phul ba de kho na kha byang gi tshul du gyur nas/__rje nyid la'ang gsal snang lung bstan khyad par can gyis mtshams sbyar te/__sa rta smin drug zla ba'i tshes bcu la tsi rke'i chu bo 'dus pa'i nor bu spun gsum brag nas tshegs med par dngos grub tu bzhes shing/__mgo zla'i yar tshes nas brtsams te bdag cag dpon slob rnams kyis gter sgrub kyi rnam pa zhag bdun du bgyis/__de'ang thog mar shog bu la brda yig sogs ci'ang mi 'dug pa/__bdud rtsi lnga'i ril bu'i chu la sbang zhing dkyil 'khor gyi dbus su bzhag ste bsgrubs pas/__zhag lnga na brda yig grong khyer bdun bkra lam gyis shar ba'i ngo mtshar dang bcas/__zla ba de'i tshes bcur las byang nas brtsams te gter ston rin po ches gsung rim bzhin du yi ger byas/__ji ltar gsungs pa dang rjes su mthun par bdag nges pa can shar bas gcig la gcig yid ches pas 'khrul pa bral bar gtan la phebs/__dbang lung man ngag rnams kyang chig rdzogs su bstsal/__phyi lo don grub ces pa sa mo lug gi lo'i dbo zla'i dkar phyogs nas dbu brtsams sgrub khang bla brang phan bde kun khyab gling du/__zhabs drung rin po che 'jam dbyangs nam mkha' rgyal mtshan dpal bzang po sogs bdag cag 'dus pa rnams kyis thugs sgrub rnam gnyis zung 'brel gyi tshom bu tshogs sgrub zhag bcu'i bar du sgrub pa'i tshe'ang /__rmi lam gyi snang char/__gzhal med khang rgya khyon bkod pa bsam gyis mi khyab pa'i dbus su/__thugs sgrub gnyis kyi lha tshogs rnams mngon sum bzhin du bzhugs pa'i gtso bo'i zhal nas gdams ngag dang/__rjes su bstan pa gsung ba snyam byed pa sogs dang /__gsol 'debs tshul bzhi'i sgo nas 'chad pa'i man ngag dang /__gter srung so sos kyang phrin las bsgrub pa'i nyams sogs byin gyis brlabs pa'i mtshan ma mang du byung zhing /__de ltar rang lo bco lnga pa nas brtsams snga phyir shar ba'i gsal snang thams cad la/__lha'i ngo bo gcig pa tsam las/__sku'i rnam 'gyur dang /__sgrub pa'i thabs dang /__sngags kyi bye brag phal cher tha dad pa la/__gtso bo ni gcig pa kho na shar zhing /__sa rta lor shar ba'i gsal snang dang /__phyis gter chen rin po ches shog ser 'bebs pa'i skabs gsal snang byung ba thams cad ni tshig sna ring thung dang rgyas bsdus cung zad las gcig pa kho nar snang /__de la spyir go stod 'od 'bar brag gi gter byon lung byang snying gi me long las/__de nas yang dag bshad bya ba:__byang rgyud phyogs kyi dmag dpung zhig:__bod yul dbus 'dir slebs pa na:__bod khams bstan pa nyams la thug:__de tshe pad+ma'i thugs bskyed mthus:__za hor rgyal po'i gdung mthar ru:__yab gcig khri srong sprul pa 'byung :__paN grub kha yar 'ga' tshogs te:__da lta'i bsgyur bshad chos rnams kun:__de dus cung zad 'chad nyan byed:__de nas phal cher nub nye'i dus:__bi ma mi tras byin brlabs pa:__khri srong sprul pa dge sbyong tshul:__lcags khams 'brug gi lo pa ni:__skyes bu blo rtsal ldan pa 'byung :__snying po'i bstan pa gsal bar byed:__bod khams bde thabs sna tshogs spel:__khyad par bdag gis dngos nyams dang :__rmi lam tshul du byin brlabs pas:__'jam dpal sprul pa'i rgyal po nyid:__grub pa mchog gi tshul bzung ste:__mthar thug nor bu skor lnga sogs:__zab mo'i gter sgo 'ga' zhig 'byed:__yang na bka' rnying bstan pa skyong :__'brel tshad smin grol lam la bkod:__mdo sngags spyi dang snying po'i srol:__grub pa brnyes pa'i ring lugs rnams:__dbus gtsang mdo smad kun tu dar:__zhes sogs dang /__bye brag bla ma'i thugs sgrub yid bzhin nor bu'i lo rgyus shel gyi phreng ba las/__bka' bsdu 'chad nyan bsgom sgrub kyis:__dbus gtsang mdo smad kun tu dar:__'di nas 'phro lus//__//

Footnotes[edit]

Other Information[edit]