གཉིས་པ་ས་ངོར་ཚར་གསུམ་གྱི་བྲིས་ཐང་ཤིན་ཏུ་སྒྲོས་ལེགས་དཔེར་འོས་པ་ཞིག་བཞེངས་རྒྱུར།

🚧 This website is under continued development. We appreciate your patience!

Previous Text Back to Volume PageNext Text

Wylie title	gnyis pa sa ngor tshar gsum gyi bris thang shin tu sgros legs dper 'os pa zhig bzhengs rgyur
Location	mkhyen brtse'i bka' 'bum Volume 17, sde tshan 3, Text 2, Pages 451-455 (Folios 5a4 to 7a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gnyis pa sa ngor tshar gsum gyi bris thang shin tu sgros legs dper 'os pa zhig bzhengs rgyur. In 'jam dbyangs mkhyen brtse'i dbang po'i bka' 'bum, Vol. 17: 451-455. Khams sde dge rdzong sar dgon: Rdzong sar blo gros phun tshogs, 2020.
Genre	Art - rtsom rig / ri mo / bris cha  ·  Guides to Paintings - bri yig

1 Texts in this Section (sde tshan or chos tshan)

2 451-455	གཉིས་པ་ས་ངོར་ཚར་གསུམ་གྱི་བྲིས་ཐང་ཤིན་ཏུ་སྒྲོས་ལེགས་དཔེར་འོས་པ་ཞིག་བཞེངས་རྒྱུར། gnyis pa sa ngor tshar gsum gyi bris thang shin tu sgros legs dper 'os pa zhig bzhengs rgyur Art - rtsom rig / ri mo / bris cha   ·   Guides to Paintings - bri yig	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༅། །ཨོཾ་སྭ་སྟི། ས་ངོར་ཚར་གསུམ་གྱི་བྲིས་ཐང་ཤིན་ཏུ་སྒྲོས་ལེགས་དཔེར་འོས་པ་ཞིག་བཞེངས་རྒྱུར། རས་གཞི་དཔངས་སུ་ངེད་རང་གི་མཐོ་གསུམ་ལྷག །ཞིང་དུ་མཐོ་དོ་སོ་སོར་གང་ལྷག་ཡོད་པ་དཀར་བྱུགས་ལུགས་སོགས་བཟོ་དཔྱད་གང་ལེགས་ཀྱིས་དབུས་སུ་བླ་མ་ས་སྐྱ་པ་ཆེན་པོ་ཀུན་དགའ་སྙིང་པོ་སྐུ་པད་གདན་བཅས། མཐོ་གང་པ་རིན་པོ་ཆེའི་ཁྲི་ལ་བཞུགས་པའི་མདུན་དུ་རྡོ་རྗེ་དྲིལ་བུ་ཌཱ་མ་རུ་ནང་མཆོད་འབྲུ་ཕོར་ཙམ་གྱི་མདུན་རྒྱན་གང་འོས། །སྐུ་དངོས་སྐུ་ཤ་རྒྱས་ཤིང་དཀར་མདངས་ཆེ། འགྲེས་ཉམས་ཆེར་མེད་པ་དབུ་སྤྱི་ཐེར་ཅན། སྤྱན་ཞི་ཉམས། ཕྱག་གཡས་མཆོག་སྦྱིན། གཡོན་སྐྱབས་སྦྱིན་པད་དཀར། ཞབས་སྐྱིལ་ཀྲུང་། ན་བཟའ་དཀར་པོ་ནང་ཤ་སྐག་ཁ། སྐུ་བེར་དཀར་པོ་ནང་ཤ་དམར། སྐུ་རེག་ལྗང་། ཞབས་ལྷྭམ་ནག །དེ་རྣམས་ལ་གསེར་རིས་ཤིན་ཏུ་གང་ལེགས། ས་ཆེན་གྱི་སྐུ་གཡོན་གྱི་འཁྲིས་སུ་ངོར་ཆེན་རྡོ་རྗེ་འཆང་སྐུ་མཁྱིད་གང་ཙམ། ཕྱག་ཆོས་འཆད་ཨུཏྤལ་གཡས་རྡོ་རྗེ། གཡོན་དྲིལ་བུས་མཚན་པ། ཞབས་རྡོར་སྐྱིལ། དབུ་ས་ཞུ་རྣ་ཕབས། ན་བཟའ་ཆོས་གོས་རྣམ་གསུམ་ངུར་སྨྲིག །གདན་པད་ཟླ། ཞལ་རས་ཆེ་ཞིང་སྐུ་ཤ་སྐེམས་པ་དང་། མཁུར་ཚོས་སོགས་འབུར་ཉམས། སྙན་ཞི་བ། གཡོན་དུ་ཚར་ཆེན་རིན་པོ་ཆེ་སྐུ་མདོག་དམར་སྨུག །ཞལ་ཁྲོ་འཛུམ། ཟིལ་ཤིན་ཏུ་ཆེ་བ། ཕྱག་གཉིས་པུས་མོ་ལང་ཀབ་པ་ཞེས་གསུངས་པ་ལྟར་རམ། བྲིས་རྒྱུན་ཕལ་ཆེར་ལས་གཡས་རྡོ་རྗེ་ཐུགས་ཀར་གཏོད། གཡོན་དྲིལ་བུ་དཀུར་བརྟེན། སྐུ་ཤིན་ཏུ་ཆེ་བ་གདན་ཁར་ཤོང་ཚད་ལྟ་བུ། ས་ཞུ་རྣ་ཕབས། ན་བཟའ་ཆོས་གོས་རྣམ་གསུམ་ངུར་སྨྲིག །ཟླ་གམ་དམར་པོ། ཞབས་སྐྱིལ་ཀྲུང་གདན་པད་ཟླ། མདུན་དུ་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་སྐུ་སོར་བདུན་ཙམ་སྐུ་ཤ་རྒྱས་ཤིང་དཀར་མདངས་ཆེ་བ། སྤྱན་ཟིམ་བུ། ཞལ་རྒྱན་ཤིན་ཏུ་རྒྱས་པ། ཕྱག་གཡས་ཆོས་འཆད་པད་དཀར། གཡོན་མཉམ་གཞག་ཚེ་བུམ། ན་བཟའ་ཆོས་གོས་རྣམ་གསུམ་དང་། ཟ་འོག་གི་བེར། དབུ་ས་ཞུ། ཞབས་རྡོར་སྐྱིལ། གདན་རིན་པོ་ཆེའི་ཁྲི་དང་དར་ཟབ་ཀྱི་འབོལ། མདུན་དུ་རྡོར་དྲིལ། ཞལ་དཀར་ལྷུང་བཟེད་སྤྱི་བླུགས་སོགས། ས་ཆེན་གྱི་དབུ་གཙུག་ཏུ་ཀྱེ་རྡོ་རྗེ་ཞལ་ཕྱག་ཡོངས་རྫོགས་སོར་དྲུག་ཙམ། གདན་གྱི་འོག་ཏུ་འཇའ་སྤྲིན་ལས་མེ་ཏོག་གི་ཆར་བབས་པ། ས་ཆེན་གྱི་དབུ་གཙུག་གི་བར་དུ་འཇའ་མདུང་ཚད་དུ་ཟུག་པའི་བཀོད་པ་གང་མཛེས། དེའི་གཡས་སུ་གསེར་ཆོས་ལུགས་ཀྱི་ཚེ་དཔག་མེད་སྤྲུལ་སྐུ། སྐུ་མདོག་དམར་པོ་ན་བཟའ་ཆོས་གོས་རྣམ་གསུམ་གསོལ་བ། ཕྱག་མཉམ་བཞག་གི་སྟེང་དུ་བདུད་རྩིའི་ལྷུང་བཟེད། ཞབས་རྡོར་སྐྱིལ། གདན་པད་ཟླ་རེ་རེའི་ཁྲི་འཇའ་སྤྲིན་རྒྱས་པའི་དབུས་སུ་བཞུགས་ཤིང་བདུད་རྩིའི་ཆར་འབེབས་པ། གཡོན་དུ་བིརཱུ་པ་ཆོས་འཁོར་གྱི་ཕྱག་རྒྱ་ཅན། མེ་ཏོག་གི་ཐོད་བཅིངས་སོགས་སྤྱི་ལྟར། ཞབས་ཕྱེད་སྐྱིལ། གདན་པད་ཟླ་དང་། ཨ་གར་ནག་པོའི་བཞུགས་ཁྲི། ཀྲྀཥྞ་སཱ་རའི་པགས་པས་བཀབ་པ། །འཇའ་སྤྲིན་ཅུང་ཟད་ལ་ནོར་བུའི་རིགས་སྣ་ཚོགས་པའི་ཆར་འབེབས་པ། ས་ཆེན་གྱི་པདྨའི་ཟེའུ་འབྲུ་ལས་ཤར་བའི་འཇའ་ཚོན་དང་འདྲེས་པ། ངོར་ཆེན་གྱི་ཕྱག་གཡས་རྡོ་རྗེའི་རྩེ་ལས་འཇའ་ཚོན་ཤར་གྱིས་ཟུག་པའི་རྩེར། ས་ཆེན་གྱི་སྐུའི་གཡས་སུ་འཇའ་སྤྲིན་ནང་། རྗེ་བཙུན་གྲགས་པ་སོར་གསུམ་ཙམ། སྐུ་ཤ་ཅུང་ཟད་རྒྱས་པ། སྤྱན་ཟླུམ་པོ། དབུ་སྐྲ་འཁྱིལ་བ། ཕྱག་གཡས་རྡོ་རྗེ་ཐུགས་ཀར་དང་གཡོན་དྲིལ་བུ་དཀུར་བརྟེན་པའི་འགྱིང་ཉམས། ཞབས་ཕྱེད་སྐྱིལ། ན་བཟའ་ས་ཆེན་དང་འདྲ་བ་ལ། སྐུ་བེར་རྒྱ་ཁ། ཚར་ཆེན་གྱི་ཕྱག་གཡོན་པའི་དྲིལ་བུའི་རྩེ་ལ་འཇའ་ཚོན་འཕྲོས་པའི་རྩེ་མོར་གྲགས་པའི་ཐད་དུ་རྡོ་རིང་པ་སེང་གེ་ལ་ཕྱེད་སྐྱིལ་གྱིས་བཞུགས་པ། ན་བཟའ་ཆོས་གོས་རྣམ་གསུམ། ཞལ་ཁྲོ་འཛུམ། སྤྱན་ཧྲིག་གེར་ཕྱིར་ལོག་གཟིགས་པ། གཡས་རྡོ་རྗེ་འཕྱར་ནས། གཡོན་དྲིལ་བུ་དཀུར་བརྟེན་པ། ངོར་ཆེན་གྱི་གཡས་ལོགས་གང་བདེར་བདེ་ཅན་ཞིང་བཀོད་ཀྱི་ཞིང་ཕྲན་ལྟ་བུའི་གཙུག་ལག་ཁང་བཀོད་ལེགས་ཀྱི་དཀྱིལ་དུ་དགེ་སློང་ཆོས་འཆད་པ། ཆོས་ཉན་པ། རྩོད་པའི་ཐལ་མོ་རྡེབ་པ། ས་གཞོང་དུ་ཡི་གེ་འབྲི་བ་སྟེ་འཆད་རྩོད་རྩོམ་པའི་ཚུལ་ཅན་བཞི་ལྔ་གང་ཤོངས། ཚར་ཆེན་གྱི་གཡོན་ལོགས་གང་བདེར་བྲག་རི་དཀར་པོ་ཤིན་ཏུ་མཛེས་པའི་ནང་དུ་ཕུག་པ་གསུམ་ཙམ་ལ། དགེ་སློང་གཅེར་ཤམ་ཅན་དབང་པོ་དུལ་བའི་ཚུལ་གྱིས་བསམ་གཏན་ལ་བཞུགས་པ། ངོར་ཆེན་གྱི་འོག་ཏུ་མགོན་པོ་གུར་སོར་ལྔ་ཙམ་སྤྱི་ལྟར་ལ་ཕོ་ཉ་ལྔ་བསྐོར་ཕྲ་མོ་རྣམ་འགྱུར་ཤིན་ཏུ་རྔམས་པ། དེའི་གཡོན་དུ་ཞལ་བྲམ་གཟུགས་སྔོ་སྐྱ་སྤྱི་ལྟར་ལ་སྲིང་མོ་བཞི་སྐུ་ཕྲ་མོ་གར་གྱི་ཉམས་འགྱུར་མི་འདྲ་བའི་བཀོད་མཛེས། གཞན་ཡུལ་ལྟར་རི་རྩེ་རྣམས་གངས་ལས་འཇའ་སྤྲིན་འཕྲོ་བ། གངས་ཀྱི་ངོས་ལས་སེང་གེའི་ཕྲུ་གུ་འོངས་པ། རི་སྐེད་རྣམས་སྤང་རི་མེ་ཏོག་དང་། རིན་པོ་ཆེའི་ཤིང་ལྗོན་པ་ལས་རིན་པོ་ཆེའི་ཆར་འབེབས་པ། དར་ཁ་དོག་སྣ་ཚོགས། རི་དྭགས་ཕོ་མོ་ཕྲུ་གུ་དང་བཅས་པ་སོགས་རྩེ་འཇོལ་རོལ་པ། འོག་གཞིར་རིན་པོ་ཆེའི་བྲག་རི་ཅུང་ཟད་དང་། མ་རྨོས་པའི་ལོ་ཏོག་གི་ཚལ། འདོད་འཇོའི་བ་གསེར་མདོག །མེ་ཏོག་གི་མཚོ་གླིང་གླང་པོ་ཆེ་ཐལ་དཀར་འཕྱང་བ་དང་། ངང་པ་དཀར་དམར། མཚོ་ནང་གསེར་ཉ། དུང་། ཉ། རུ་སྦལ་སོགས་ཡོད་པ། བྱམས་པ་ཀུན་དགའ་བསྟན་འཛིན་གྱི་མདུན་འཇའ་གོར་ནང་བཀྲ་ཤིས་རྟགས་བརྒྱད་དང་མཆོད་པའི་རྣམ་གྲངས་བཀོད་མཛེས་སུ་བྲིའོ། །དེའང་སྐུ་རྣམས་གཙོ་ཆེར་སྒར་ལུགས་འདྲེས་མ་དང་། ཡུལ་བཀོད་ཀྱི་རི་མོ་སྒར་ལུགས་ལ་ཚོན་སྟུག་ཤས་ཅུང་ཆེ་བ་བྲིས་ན་ལེགས། ས་ཆེན་གྱི་སྐུ་རྒྱབ་དྲང་པོར་སྐུ་ཚད་དང་མཉམ་པའི་མཆོད་རྟེན་ཆ་བརྒྱད་ནང་ཚན་ཆོས་འཁོར་མཆོད་རྟེན་ཐིག་ཚད་ཡོད་ངེས་གསེར་བྱིབས་བྱུགས་བྱས་པ་བཅས་བྲིའོ། ། ༈

[edit]

gnyis pa sa ngor tshar gsum gyi bris thang shin tu sgros legs dper 'os pa zhig bzhengs rgyur/

1. /__/oM swa sti/__sa ngor tshar gsum gyi bris thang shin tu sgros legs dper 'os pa zhig bzhengs rgyur/__ras gzhi dpangs su nged rang gi mtho gsum lhag__/zhing du mtho do so sor gang lhag yod pa dkar byugs lugs sogs bzo dpyad gang legs kyis dbus su bla ma sa skya pa chen po kun dga' snying po sku pad gdan bcas/__mtho gang pa rin po che'i khri la bzhugs pa'i mdun du rdo rje dril bu DA ma ru nang mchod 'bru phor tsam gyi mdun rgyan gang 'os/__/sku dngos sku sha rgyas shing dkar mdangs che/__'gres nyams cher med pa dbu spyi ther can/__spyan zhi nyams/__phyag g.yas mchog sbyin/__g.yon skyabs sbyin pad dkar/__zhabs skyil krung /__na bza' dkar po nang sha skag kha/__sku ber dkar po nang sha dmar/__sku reg ljang /__zhabs l+h+wam nag__/de rnams la gser ris shin tu gang legs/__sa chen gyi sku g.yon gyi 'khris su ngor chen rdo rje 'chang sku mkhyid gang tsam/__phyag chos 'chad ut+pal g.yas rdo rje/__g.yon dril bus mtshan pa/__zhabs rdor skyil/__dbu sa zhu rna phabs/__na bza' chos gos rnam gsum ngur smrig__/gdan pad zla/__zhal ras che zhing sku sha skems pa dang /__mkhur tshos sogs 'bur nyams/__snyan zhi ba/__g.yon du tshar chen rin po che sku mdog dmar smug__/zhal khro 'dzum/__zil shin tu che ba/__phyag gnyis pus mo lang kab pa zhes gsungs pa ltar ram/__bris rgyun phal cher las g.yas rdo rje thugs kar gtod/__g.yon dril bu dkur brten/__sku shin tu che ba gdan khar shong tshad lta bu/__sa zhu rna phabs/__na bza' chos gos rnam gsum ngur smrig__/zla gam dmar po/__zhabs skyil krung gdan pad zla/__mdun du rdo rje 'chang byams pa kun dga' bstan 'dzin sku sor bdun tsam sku sha rgyas shing dkar mdangs che ba/__spyan zim bu/__zhal rgyan shin tu rgyas pa/__phyag g.yas chos 'chad pad dkar/__g.yon mnyam gzhag tshe bum/__na bza' chos gos rnam gsum dang /__za 'og gi ber/__dbu sa zhu/__zhabs rdor skyil/__gdan rin po che'i khri dang dar zab kyi 'bol/__mdun du rdor dril/__zhal dkar lhung bzed spyi blugs sogs/__sa chen gyi dbu gtsug tu kye rdo rje zhal phyag yongs rdzogs sor drug tsam/__gdan gyi 'og tu 'ja' sprin las me tog gi char babs pa/__sa chen gyi dbu gtsug gi bar du 'ja' mdung tshad du zug pa'i bkod pa gang mdzes/__de'i g.yas su gser chos lugs kyi tshe dpag med sprul sku/__sku mdog dmar po na bza' chos gos rnam gsum gsol ba/__phyag mnyam bzhag gi steng du bdud rtsi'i lhung bzed/__zhabs rdor skyil/__gdan pad zla re re'i khri 'ja' sprin rgyas pa'i dbus su bzhugs shing bdud rtsi'i char 'bebs pa/__g.yon du birU pa chos 'khor gyi phyag rgya can/__me tog gi thod bcings sogs spyi ltar/__zhabs phyed skyil/__gdan pad zla dang /__a gar nag po'i bzhugs khri/__kr-iSh+Na sA ra'i pags pas bkab pa/__/'ja' sprin cung zad la nor bu'i rigs sna tshogs pa'i char 'bebs pa/__sa chen gyi pad+ma'i ze'u 'bru las shar ba'i 'ja' tshon dang 'dres pa/__ngor chen gyi phyag g.yas rdo rje'i rtse las 'ja' tshon shar gyis zug pa'i rtser/__sa chen gyi sku'i g.yas su 'ja' sprin nang /__rje btsun grags pa sor gsum tsam/__sku sha cung zad rgyas pa/__spyan zlum po/__dbu skra 'khyil ba/__phyag g.yas rdo rje thugs kar dang g.yon dril bu dkur brten pa'i 'gying nyams/__zhabs phyed skyil/__na bza' sa chen dang 'dra ba la/__sku ber rgya kha/__tshar chen gyi phyag g.yon pa'i dril bu'i rtse la 'ja' tshon 'phros pa'i rtse mor grags pa'i thad du rdo ring pa seng ge la phyed skyil gyis bzhugs pa/__na bza' chos gos rnam gsum/__zhal khro 'dzum/__spyan hrig ger phyir log gzigs pa/__g.yas rdo rje 'phyar nas/__g.yon dril bu dkur brten pa/__ngor chen gyi g.yas logs gang bder bde can zhing bkod kyi zhing phran lta bu'i gtsug lag khang bkod legs kyi dkyil du dge slong chos 'chad pa/__chos nyan pa/__rtsod pa'i thal mo rdeb pa/__sa gzhong du yi ge 'bri ba ste 'chad rtsod rtsom pa'i tshul can bzhi lnga gang shongs/__tshar chen gyi g.yon logs gang bder brag ri dkar po shin tu mdzes pa'i nang du phug pa gsum tsam la/__dge slong gcer sham can dbang po dul ba'i tshul gyis bsam gtan la bzhugs pa/__ngor chen gyi 'og tu mgon po gur sor lnga tsam spyi ltar la pho nya lnga bskor phra mo rnam 'gyur shin tu rngams pa/__de'i g.yon du zhal bram gzugs sngo skya spyi ltar la sring mo bzhi sku phra mo gar gyi nyams 'gyur mi 'dra ba'i bkod mdzes/__gzhan yul ltar ri rtse rnams gangs las 'ja' sprin 'phro ba/__gangs kyi ngos las seng ge'i phru gu 'ongs pa/__ri sked rnams spang ri me tog dang /__rin po che'i shing ljon pa las rin po che'i char 'bebs pa/__dar kha dog sna tshogs/__ri dwags pho mo phru gu dang bcas pa sogs rtse 'jol rol pa/__'og gzhir rin po che'i brag ri cung zad dang /__ma rmos pa'i lo tog gi tshal/__'dod 'jo'i ba gser mdog__/me tog gi mtsho gling glang po che thal dkar 'phyang ba dang /__ngang pa dkar dmar/__mtsho nang gser nya/__dung /__nya/__ru sbal sogs yod pa/__byams pa kun dga' bstan 'dzin gyi mdun 'ja' gor nang bkra shis rtags brgyad dang mchod pa'i rnam grangs bkod mdzes su bri'o/__/de'ang sku rnams gtso cher sgar lugs 'dres ma dang /__yul bkod kyi ri mo sgar lugs la tshon stug shas cung che ba bris na legs/__sa chen gyi sku rgyab drang por sku tshad dang mnyam pa'i mchod rten cha brgyad nang tshan chos 'khor mchod rten thig tshad yod nges gser byibs byugs byas pa bcas bri'o/____/__!__