སྨན་གྱི་ངོས་འཛིན་སྐོར་ལས་འཕྲོས་པའི་དོགས་སེལ་ཕྲན་བུ།

🚧 This website is under continued development. We appreciate your patience!

Previous Text Back to Volume PageNext Text

Wylie title	sman gyi ngos 'dzin skor las 'phros pa'i dogs sel phran bu
Location	mkhyen brtse'i bka' 'bum Volume 17, sde tshan 2, Text 48, Pages 398-406 (Folios 126b4 to 130b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sman gyi ngos 'dzin skor las 'phros pa'i dogs sel phran bu. In 'jam dbyangs mkhyen brtse'i dbang po'i bka' 'bum, Vol. 17: 398-406. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

48 398-406	སྨན་གྱི་ངོས་འཛིན་སྐོར་ལས་འཕྲོས་པའི་དོགས་སེལ་ཕྲན་བུ། sman gyi ngos 'dzin skor las 'phros pa'i dogs sel phran bu Medicine Texts - gso ba rig pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཨོཾ་ཨ་ཐཱ། སྨན་གྱི་ངོས་འཛིན་སྐོར་ལས་འཕྲོས་པའི་དོགས་སེལ་ཕྲན་བུ་ལ། བདུད་རྩི་ལོ་མ་ནི་རི་ཁ་སྟོད་དུ་ཆིག་སྐྱེས་དང་། འཛིམ་པ་ཀླུངས་སུ་སྐྱེས་པའི་བོང་ངའི་ལོ་མ་ལ་བཞེད། ཟིལ་ཆེ་ཆུང་ཅུང་ཟད་ཡོད་པ་ལས་ཁྱད་ཆེར་མེད། སྟོང་ཟིལ་ཆབ་དང་མ་བྲལ་བ་དགོས། ཆབ་དང་བྲལ་ན་སེངྒེ་ཟིལ་པ་ཡིན། དེ་བ་ཞེས་པ་རིམས་སྐབས་སྔོ། །རླུང་སྐབས་རྒྱ་སྤོས། ཆུ་སེར་སོགས་ཀྱི་སྐབས་སྒྲོན་ཤིང་ལ་ངོས་འཛིན། མིང་ཅན་སེར་པོ་འུག་ལག་དང་། ནག་པོ་ཟུར་ལུགས་ཡོངས་གྲགས། བྱང་ལུགས་རྒྱལ་བའི་སྤྱན་ཅན་ལ་བྱེད། སྔོ་ཅུ་གང་ཟེར་བ་དེ་ཀླུ་སྨན་སྐབས་ཅུ་གང་གི་ཚབ་ཏུ་གཏོང་ཟེར། བདུད་རྩི་གངས་ཤམ་ཀྱིས་འབམ་སྟོད་དུ་འཕྱུར་བ་ལ་འབྱར་བྱེད། །དོན་ཡོད་ཞགས་པ་ཞེས་བྱའི་རྩྭ། །སྡོང་བུ་འབྲས་ཀྱི་ལྗང་བུ་འདྲ། །ལོ་མ་སྔོ་འཐུག་རལ་གྲི་འདྲ། །བསོད་ནམས་ལྡན་པའི་པུ་ཏྲ་ཡིས། །སྨན་ལྗོང་ཉམས་དགར་བཙལ་བ་ན། །རླུང་གི་རྒྱུ་བ་བྲལ་བའི་དུས། །དེ་ཉིད་རང་བཞིན་གཡོ་འགུལ་བྱེད། །འདི་འཕྲད་ཡིད་བཞིན་ནོར་བུ་སྟེ། །བསམ་པ་ཐམས་ཅད་མྱུར་དུ་འགྲུབ། །ཞེས་སྣང་ནའང་ཕལ་གྱིས་མཐོང་བའི་ཡུལ་མིན། འབྲོག་ཟ་ཡུ་མོ་ནི་ས་ཁ་སྟོད་དུ་སྐྱེ་བ། ཟ་འདྲ་བ་ལ་དེ་ལས་སྐྱ་ཤིང་ཚེར་མ་མེད་པ་དེའོ། །སེར་པོ་དགུ་དྲིལ་སྤང་ལ་སྐྱེ། སྟོང་ཟིལ་དང་མཚུངས་ཞིང་རྩ་བ་སེར་པོ་རྟ་ལྕགས་ལྷས་མ་འདྲ་བ་ཞིག་ཡོད། ལུག་ངལ་ནི་བ་མྱོང་། སྐྱི་བའི་མེ་ཏོག་སྔོན་པོ་ཅན།འབྲས་བུ་ངང་པ་གསེར་སྒང་། ཚེར་སྐྱའི་འབྲས་མེ་ཏོག་སེར་པོ་ཅན། བུས་ཐལ་རྡོར་ཚབ་རུང་། རྒྱ་ཟས་བེ་རྣ་ཟེར་བ་འདིས་གྲེ་འགགས་ལ་ཕན། ཁོང་པའི་སྤུ་ཐམས་ཅད་དག་པར་བྱེད་ཅེས་བཤད། ཀླུང་སྐྱེས་གོ་སྙོད་དང་། རི་སྐྱེས་ལྕ་པ། ཁ་སྟོད་དུ་སྐྱེས་པ་ཏོང་ཀུན་ཏེ་རིགས་ཕྱོགས་གཅིག །སེ་རྒོད་ནི་ཡུལ་སྐད་དུ་འཛོ་མོ་ཤིང་དུ་གྲགས་པ་དེ་ཡིན། མཛོ་མོ་ཤིང་ནི་སྤྱང་རྔ་མ་ཞེས་འབོད་པ་ལ་བཞེད། སྤོར་རྡོ་རྗེ་མཆུ་ཞེས་པ་དེ་ཨ་རུའི་ཚབ་རུང་ཟེར། འགའ་ཞིག་གིས་གྲེ་ཐོག་གསང་སྨན་དུ་བཞེད། ཆུ་ནད་ཀྱི་གསང་སྨན་རིགས་ཐམས་ཅད་ཁཎྜ་བྱེད། ཨ་ཙཪྻ་ཛ་ལན་པཱུ་རིའི་རྨ་སྨན་རེ་རལ་འདྲ་ཚད་པ་ཞིག་ཡོད། འདི་རྨ་སྨན་གང་ལའང་ཁ་ཚར་བཏབ་པས་ཕན་ཆེ། རྒྱམ་ཚྭ་གྲུ་བཞི་ཤེལ་འདྲ་བ། གྲུ་བཞིར་ཆག་འགྲོ་བ་དེ་བཟང་། རྒྱ་ཚྭ་དཀར་པོ་བ་ཚྭ་འདྲ་བ་གྲི་ཡིས་བཞོག་ཐུབ་པ་བཟང་། ཁ་རུ་ཚྭ་བཅག་མཚམས་ངང་ཁྲམ་ཁྲམ་བྱེད་པ་རྭ་གཞོབ་གྱི་དྲི་བྲོ་བ་དེ་བཟང་། ཨ་གར་ནག་པོ་ནི་རྭ་འདྲ་བ། མེ་ལ་བསྲེགས་དུས་སྣུམ་ཆིལ་ཆིལ་ཁོལ་བ་དེ་བཟང་། ཐར་ནུ་ཁ་བྱང་བསྟན། ས་གཟར་བ། ཆུ་སྒྲ་དྲག་པོ་ཐོས་པར་སྐྱེས་པ་ཉིད་སྟོན་སྔོ་ལོ་བསྐམ་ནས་བརྐོ། ནང་གི་ཞོ་མ་བོ་བར་རས་ལྟ་བུར་བསྟུམ་ནས་མགོ་མཇུག་བཟློག་ལ་བཏགས། ཁཎྜ་བྱུང་ན་མཆོག །མ་བྱུང་ན་འདུལ་དྲུག་བྱ། ཚགས་ལེགས་པར་བྱས་པ་ཉིད་སྦྱངས་སྨན་གང་ལ་གཏོང་ཡང་བཞི་འགྱུར་བསྡེབས། ཡང་ན་ཁཎྜ་ཆུར་སྦྱངས་པས་རིལ་བུར་དྲིལ། སྐྱུགས་སྨན་རྣམས་ཁ་འབུས་དུས་བཏུ་ཞིང་། གནས་དང་། སྐམ་ཚུལ་སོགས་དེ་ལས་གོ་བཟློག །ཕུར་ནག་གི་ལོ་མ་སྔོ་སིབ་མཁན་པ་འདྲ་ལ་དྲི་དུག་པ། ཕུར་སྔོན་འགའ་ཞིག་གིས་འདི་ཕུར་ནག་ཏུ་བཞེད་སྣང་། ནི་སྔོ་ཨ་ག་རུ། ཕུར་དཀར་ནི་མཁན་དཀར་འདྲ་བ། རྐྱལ་བ་ཆུ་ཐུབ་འབུ་སུ་ཧང་དང་། ལ་ལས་ནཱི་ལའི་མདོག་ཅན་ལ་བྱེད། བོང་སེར་ནི་ལོ་མ་གླང་སྣ་འདྲ་ལ། མེ་ཏོག་སེར་པོ་ཅན་དེ་དང་། ལ་ལས་མེ་ཏོག་སེར་ཆེན་ལ་བྱེད། དེ་གཉིས་གང་ཡིན་ཀྱང་རྩ་ལོ་འདྲེས་མ་དགོས་ཤིང་ནུས་པ་ཕྱོགས་མཚུངས་པ་འདྲ། བོང་དམར་ནི་ཁ་སྟོད་ཀྱི་སུར་ནག་སོགས་ཀྱི་ནང་དུ། ལོ་མ་བོང་དཀར་འདྲ་བ། སྡོང་བུ་མཐོ་རེའམ་ཁྲུ་རེ་ཙམ་གྱི་རྩེར་མེ་ཏོག་དམར་སྨུག་བོང་དཀར་འདྲ་ཚད་པ་ལ། སྤུ་ཐིབ་སེ་འབྱུང་བ་དེ་ཡིན། ཁྱུང་སྡེར་སྨུག་པོའི་ཚབ་ལྡུམ་རྩ་བཀག་དང་། དཀར་པོའི་ཚབ་ནི། ལོ་མ་རེ་རལ་འདྲ་ཞིང་སྤུ་འདིའི་སྤུ་འདི་རྒྱ་ལུགས་རྨ་སྨན་ཐམས་ཅད་ཀྱི་མཆོག་ཏུ་འཛིན། ཡོད་པ། རྩ་བ་ཁྱུང་གི་སྡེར་མོ་འདྲ་བ་དེ་ཡིན། དེ་ཡི་ལོ་མ་ཁ་པཱུ་རའི་རྨ་སྨན། བྱེའུ་ལ་ཕུག་ནི་ཁ་སྟོད་མཐོ་སར་བྱེ་ཤུལ་སོགས་སུ་སྐྱེ་བ། མེ་ཏོག་དཀར་ཁྲ། རྩ་བ་ཉུང་མའི་དྲི་བྲོ་བ་དེ་དང་། ཚབ་རུང་ཙམ་དུ་དེ་དང་ཆ་འདྲ་ཀླུང་གི་གད་ཤུལ་སོགས་སུ་སྐྱེ་བ་དེ་བཏང་། སྲིན་ཤིང་སྣ་མ་ནི་སྟག་ཆུང་མར་འབོད་པ་དེ་ཡིན། འབྲས་བུ་བྱི་ཏང་གའི་ཚབ་རུང་ངེས། ལྕགས་ཀྱུ་ཆེ་ཆུང་གཉིས་ལས། ཆུང་བ་དེ་ཡི་རྩ་བ་ཁྲག་རྐང་དང་། ལོ་མ་ལྕགས་ཀྱུ་བྱེད། ཆེ་བ་དེའི་འབྲས་བུ་ཟི་ར་དཀར་པོའི་ཚབ་རུང་ཟེར། མཁན་དཀར་ནི་གསེར་མགོ་འདྲ་ལ་མེ་ཏོག་མེད་པ་དེ་དང་། མཁན་དམར་ནི་རྩ་སྡོང་ཐམས་ཅད་དམར་བ་དེར་ངོས་འཛིན། གཡའ་ཨ་ཀྲོང་ཡོངས་གྲགས། མཁན་ཨ་ཀྲོང་གསེར་མགོ་དང་། སྤོང་ཨ་ཀྲོང་གོང་མོ་སྤོ་ཐོ་ཞེས་འབོད་པ་དེ་ལ་ཕྱེད། ནིརྨ་ནཱ་ཐའི་རྨ་སྨན་ནི་ལོ་མ་ཁ་གསུམ་པ་རྒྱབ་ལ་རྡུལ་ཞགས་ཡོད་པ་སྡོང་བུ་ཟངས་སྐུད་འདྲ་བ་དེའོ། །བྱ་རོག་ཉུངས་མ་ནི་མེ་ཏོག་སེར་པོ་ཡུངས་དྲི་བྲོ་བ། བྲག་ལྕམ་ནི་སྒ་ཏིག་མེ་ཏོག་འདྲ་ལ་མདོག་དཀར་ཞིང་ལོ་མ་རལ་གྲི་འདྲ་བ་དེའོ། །སྔོ་ཆུ་སྲིན་སྡེར་མོ་ནི་ས་རོང་རྣམས་ལ་ལོ་མ་ལྗང་གུ་རལ་གྲི་འདྲ་བ་ཁྲད་པོར་སྐྱེ་བ་དེ་ཡིན། རི་ཤོ་ལ་ངོས་འཛིན་མང་ཡང་། རྐྱང་ཤོག་ལ་བྱེད་པ་ནུས་པ་རྣོ་ངེས། བྲག་སྐྱ་ཧ་བོ་ནི་ལོ་མ་འདབ་བཞི་སྒོར་མོ་དངུལ་ཞག་འཚེར་བ་སྡོང་བུ་མཁྱིད་རེ་ཙམ་རྩེར་མེ་ཏོག་དཀར་སྔོན་འབྱུང་བ་དེ་ལ་བྱེད་གསུང་། བྱ་ཕོ་ཙི་ཙི་ཤིང་མ་ལྡུམ་མེ་ཏོག་སྔོ་དམར་ཅན་དེ་ལ་བྱེད། བྱང་ལུགས་སྲད་དམར་ལ་བཞེད། སྒ་ཏིག་རྨུ་ཆུའི་སྐབས་རྩ་བ་ཤིང་འདྲ་བ་དེ་དགོས། རྨ་རིགས་དང་སྐྲ་སྐྱེ་བའི་གསང་སྨན་ཐང་དཀར་མེ་ཏོག་དམར་པོ་དེ་ལ་བྱེད། གྲྭ་མ་ནི་ཤིང་ཚེར་མ་ཅན་མེ་ཏོག་སེར་པོ་མདངས་མི་གསལ་བ་འཆར་བ་དེ་ལ་བྱེད། སྔོན་བུ་ཕལ་ཆེར་གྱིས་ཤོག་ཤིང་ལ་ངོས་འཛིན་ཀྱང་། དངོས་ནི་མེ་ཏོག་སྔོན་པོ་སྡོང་བུ་བཅད་འཕྲོ་ནས་འོ་མ་འབབས་པ། དབྱར་གཞུང་ཙམ་སྐྱེ་བ་དེ་ལ་བཞེད། བདུད་རྩི་གངས་ཤམ་ལོ་མ་སྔོ་ལྗང་སྐྱ་འདབས་བཞི་སྤུ་དང་ལྡན་པ། མེ་ཏོག་སྔོན་པོ་འཆར་བ་དེ་ཡིན། སྙི་བ་འགའ་ཞིག་གིས་ཚེར་སྔོན་གྱི་རྩ་བ་ལ་བྱེད། ལ་ལས་ནད་མ་གཡུ་ལོའི་རྩ་བ་ལ་བྱེད། དངོས་ནི་མེ་ཏོག་སྔོན་པོ་དམར་མདངས་ཅུང་ཟད་ཡོད་པ་རྩ་བ་མངར་ཞིང་ཁ་ཉམས་ཅན་དེ་ཡིན། སྲོལ་སྡེམས་པ་ནི་གོང་བུ་དམར་པོའི་ནང་སྐྲ་འདྲ་བ་དྲིལ་ནས་ཡོད་པ་དེ་ཡིན། འབམ་པོ་མེ་ཏོག་སྐྱ་བོ་སྤང་ལ་འབྱར་བ་དེ་དང་། དེ་ལས་རིང་བཙད། སྲད་དཀར་ནི་ལོ་མ་མུ་ཟི་མདོག་མེད་འདྲ། མདོག་ཤིན་ཏུ་སྐྱ་ཞིང་མེ་ཏོག་དཀར་ལ་སྔོ་མདངས་ཡོད་པ། རོ་མངར་ཤས་ཆེ་བ་དེ་དངོས་ཡིན། ལ་ལས་སྲད་དཀར་དུ་འཛིན་པའི་མེ་ཏོག་ཤ་སྒོག་འདྲ་བ་དེ་ཆུ་སྲད་ཡིན། ཆུ་ཤོ་ཆུ་མ་རྩིར་འཛིན་པ་ཡང་ཡོད། དེ་འཁྲུལ་པ་ཁོ་ན་བས་སོ། ལྷང་མཐིལ་ལམ་རྟ་ཚེར་ཟེར་བ་དེ་འབྲས་ཀྱི་གསང་སྨན་ཡིན། རྩ་ཁུ་བྱུག་ནི་ཀོ་ཋ་འཁྲུལ་མེད་ལ་བྱེད། འབྲི་ཀུ་རཏྣ་ནི་མེ་ཏོག་སེར་པོ་ཤེས་རབ་ལོ་མ་འདྲ་བ་མདངས་མི་གསལ་ཞིང་དེ་ལས་ཆེ་བ་དེ་ལ་བྱེད། རྨ་ཡི་གསང་སྨན་ཡིན། སེང་གེ་འཇིགས་མེད་ནི་ལོ་མ་པ་ཡག་འདྲ་བ། མེ་ཏོག་འབུ་སུ་ཧང་འདྲ་ཞིང་སོར་གསུམ་བཞི་ལས་མ་འཕགས་པ་ཟླ་བ་བཞི་པའི་མགོ་ཙམ་དུས་མེ་ཏོག་ཡལ་འགྲོ་བ་དེའོ། །སྤྱིར་རུས་ཆག་སྐབས་ནད་མ་སྒྱིད་མ་དང་། རྨ་སྐབས་སེངྒེ་འཇིགས་མེད། གློ་བའི་སྐབས། ཤ་ལ་ཡུ་རིང་ཟེར་བར་སྣང་། གཟའ་དུག་ཡབ་དྲན་པ་གཡག་སྙིང་དང་། ནི་ལོ་མ་ཁྲག་སྡུམ་སོག་ལེ་ཁ་འདྲ་བ། ལའུ་དཀར་པོ་སོགས་ཟེར། དེ་ལས་ཆེ་ཞིང་དཔངས་མཐོ་བ། འབྲས་བུ་ནག་པོ་མཐེབ་རྡོག་ཙམ་ཡོད་པ་དེ་ལ་བཞེད་སྣང་། ཡུམ་ནི་མེ་ཏོག་ཀླུ་བདུད་འདྲ་བ་སྦྲེལ་ནས་སྐྱེ་བ་དེའོ། །ལ་ལས་ལའུ་དཀར་པོ་སེང་སྦར་ལ་ངོས་འཛིན། པྲི་ཡང་ཀུ་ནི། པྲི་ཡངྐུ་དཀྱུས་མ་དང་འདྲ་ལ་དེ་ལས་རིང་ཞིང་དྲི་དུགས་པ་དེའོ། །གཟའ་བརྒྱད་ལྡུམ་བརྒྱད་ནི་སྟོང་རི་ཟིལ་པ་སོགས་ལ་ངོས་འཛིན་ནའང་ཐུན་མོང་དུ་མི་བཤད། ཇོ་མོ་གློ་ལྡུམ་ནི་ལོ་མ་སྲོ་ལོ་དམར་པོ་འདྲ་བ། མེ་ཏོག་སྔོན་པོ་དམར་མདངས་ཅན་ཟླ་བ་གསུམ་པའི་ནང་སྐོར་སྐྱེ་བ་དེ་ཡིན། སྤྲ་བ་སྟོན་ཟླ་གསུམ་གྱི་དུས་བཟང་བཏུ་ཞེས་པ། རྒྱ་རྩིས་དང་བསྟུན། ཟླ་༧ཚེས་༣། ཟླ་༨ཚེས་༥། ཟླ་༩ཚེས་༧རྣམས་ལ་བཞེད་པའང་སྣང་། མཁྲིས་པ་ཐམས་ཅད་ཁ་བ་སྟེ། །དོམ་གྱི་མཁྲིས་པ་མངར་བ་ཡིན། །ཞེས་དང་། ཙནྡན་བཟང་ངན་ཆུ་ལ་དྲིས། །ཆུར་བྱིངས་བསིལ་ངད་ལྡན་ན་བཟང་། །ཞེས་དང་། ཨ་གར་བཟང་ངན་མེ་ལ་དྲིས། །དྲི་ལྡན་ཆིལ་ཆིལ་ཁོལ་ན་བཟང་། །ཞེས་སོ། །གཡུ་ཐོག་པས་ལོ་མ་བ་ལུ་དང་མེ་ཏོག་ད་ལིར་བཞེད། །སྤྱིར་དཀར་ནག་གཉིས་ལས། དཀར་པོ་ཅུང་བསིལ་ཞིང་། ནག་པོ་དྲོད་ཆེ། གསེར་མེའི་མེ་ཏོག་གསེར་མེ་དང་། འབྲས་བུ་པ་ཏོ་ལར་བཞེད་མཁན་སྣང་ནའང་ཁྱབ་པ་ཡོད་མ་འདྲ། རྡོག་པོ་ཆེ་ཤོས་ཀ་རཉྫ་དང་། ཆུང་བ་འཇམ་འབྲས་སུ་བཞེད་པའང་སྣང་། ཤྲཱི་ཁཎྜ་ནི་བསེ་ཤིང་གི་ཞོ་ཡིན། དེ་ཡང་འབྲས་ཕྱེས་སྦྲུས་པ་ཕབས་རྡོག་འདྲ་བ་དང་། མ་སྦྲུས་པ་ཐང་ཆུ་འདྲ་བ་གཉིས་ཡོད་སྣང་། ཟེ་ཚྭ་ཆུ་ནང་ཡང་ཡང་བསྐོལ་ནས་ཤེལ་ལྟར་དྭང་བ་མ་གཏོགས་སྨན་དུ་མི་གཏོང་། དེ་སླར་ཡང་བསྐོལ་བས་གྲུ་བཞིར་ཆགས་པ་ལ་ན་གུ་ཚྭ་ཟེར་གསུངས། ཚར་བོང་དབྱིབས་ཧ་ལམ་ཐ་རམ་འདྲ་བ་འཕྲེད་དུ་ཁྲད་པོར་སྐྱེ་བ། དེ་འདྲ་གྱེན་དུ་སྐྱེ་བ་སྡོང་བུ་མཐོ་རེ་ཙམ་ཡོད་པ་ཡོག་མོ། ཤོ་རྩ་ནི་ཁག་མར་འབོད་པའི་རྩ་བ། ཤོ་མང་རྨ་ཡི་ཚ་བ་སེལ་བྱེད་ནི་ཡུལ་སྐད་དུ་ཨ་ཤོ་ཆུ་ཤོར་འབོད་པ་དེ་ཡིན། ཕུར་ནག །མཁན་རིགས་ཤིང་མ་ལྡུམ་ལོ་མ་སྔོ་སིབས་དྲི་དུགས་པ་དེ་དང་། གླ་རྐང་ཆུང་བའི་རིགས་དེ་གཉིས་ཕྱེད་མར་གཏོང་ཞེས་གསུངས། ༈ །ཏལ་ཞེས་པ་དཀར་པོ་གཟི་ཡི་དབྱིབས། ཞུམ་མིག་ཞེས་པ་མདོག་ལྗང་ལ་སྐྱ་ཞད་ཡོད་ཅིང་ལུང་མི་སྒྲིབས་པ་ཉི་མ་ལ་བསྟན་ན་ཞུམ་བུའི་མིག་ལྟ་བུའི་འོད་འབྱུང་བ། ཨིནྡྲ་ནཱི་ལ་མདོག་སྔོན་པོ་དཀར་འོད་འཕྲོ་བ་ཟུར་ལྡན་ཞིག་ཡོད། དམན་པ་སྔོན་པོ་འོད་དེ་ལས་ཞན་པ། པདྨ་རཱ་ག་དམར་པོ་རྒྱ་སྐྱེགས་མདངས་ཅུང་ཡོད་ཅིང་ཁ་དོག་མཆོག་ཏུ་གསལ་བ། ན་ལ་ཞེས་དེ་དང་ཆ་འདྲ་ཡང་མདོག་མི་གསལ་བ། ཤེལ་ཉི་འོད་ལ་བསྟན་པས། འཇའ་ཚོན་འཕྲོ་བ། དབང་རིལ་མདོག་སྣ་ཚོགས་འབྱུང་ཞིང་། ཤུན་པ་རིམ་པ་མང་བ། གཡུ་སྤྲུག་མདོག་དཀར་ལྗང་ཡུང་བ་དང་ལྷན་དུ་བརྡར་ན་དམར་ཁམ་དུ་འགྲོ་བ། མུ་ཏིག་དཀར་པོ་མདོག་དམར་ཉམས་ཅན། སྦུར་ལེན་མདོག་སེར་ལ་དྭངས་པ་དང་། དམར་སེར་ཤིན་ཏུ་དྭངས་པ། རྡོ་རྗེ་ཕ་ལམ་དཀར་པོ་ཟུར་བརྒྱད་ལ་མདངས་གྲིབ་སོ་གུག་པ་ལྟ་བུ། འདི་སྲན་ཙམ་ལ་དངུལ། ༣༠༠༠ ཨིནྡྲ་ནཱི་ལ་སྲན་ཙམ་ལ། ༠༡༠༠ སྤྲད་ཟེར་སྤུར་ལེན་གྱི་ཚབ་སྤོས་ཤེལ་དཀྱུས་མ་ལས་དྭངས་ཤིང་མདངས་གསལ་བ་དང་། མུ་ཏིག་ཚབ་དོན་ཤུལ་ཡོད་པའི་ཉ་ཕྱིས་ཀྱིས་རུང་ཟེར་སྣང་། ། ༈

[edit]

sman gyi ngos 'dzin skor las 'phros pa'i dogs sel phran bu/ oM a thA/__sman gyi ngos 'dzin skor las 'phros pa'i dogs sel phran bu la/__bdud rtsi lo ma ni ri kha stod du chig skyes dang /__'dzim pa klungs su skyes pa'i bong nga'i lo ma la bzhed/__zil che chung cung zad yod pa las khyad cher med/__stong zil chab dang ma bral ba dgos/__chab dang bral na seng+ge zil pa yin/__de ba zhes pa rims skabs sngo/__/rlung skabs rgya spos/__chu ser sogs kyi skabs sgron shing la ngos 'dzin/__ming can ser po 'ug lag dang /__nag po zur lugs yongs grags/__byang lugs rgyal ba'i spyan can la byed/__sngo cu gang zer ba de klu sman skabs cu gang gi tshab tu gtong zer/__bdud rtsi gangs sham kyis 'bam stod du 'phyur ba la 'byar byed/__/don yod zhags pa zhes bya'i rtswa/__/sdong bu 'bras kyi ljang bu 'dra/__/lo ma sngo 'thug ral gri 'dra/__/bsod nams ldan pa'i pu tra yis/__/sman ljong nyams dgar btsal ba na/__/rlung gi rgyu ba bral ba'i dus/__/de nyid rang bzhin g.yo 'gul byed/__/'di 'phrad yid bzhin nor bu ste/__/bsam pa thams cad myur du 'grub/__/zhes snang na'ang phal gyis mthong ba'i yul min/__'brog za yu mo ni sa kha stod du skye ba/__za 'dra ba la de las skya shing tsher ma med pa de'o/__/ser po dgu dril spang la skye/__stong zil dang mtshungs zhing rtsa ba ser po rta lcags lhas ma 'dra ba zhig yod/__lug ngal ni ba myong /__skyi ba'i me tog sngon po can/'bras bu ngang pa gser sgang /__tsher skya'i 'bras me tog ser po can/__bus thal rdor tshab rung /__rgya zas be rna zer ba 'dis gre 'gags la phan/__khong pa'i spu thams cad dag par byed ces bshad/__klung skyes go snyod dang /__ri skyes lca pa/__kha stod du skyes pa tong kun te rigs phyogs gcig__/se rgod ni yul skad du 'dzo mo shing du grags pa de yin/__mdzo mo shing ni spyang rnga ma zhes 'bod pa la bzhed/__spor rdo rje mchu zhes pa de a ru'i tshab rung zer/__'ga' zhig gis gre thog gsang sman du bzhed/__chu nad kyi gsang sman rigs thams cad khaN+Da byed/__a tsaR+Ya dza lan pU ri'i rma sman re ral 'dra tshad pa zhig yod/__'di rma sman gang la'ang kha tshar btab pas phan che/__rgyam tshwa gru bzhi shel 'dra ba/__gru bzhir chag 'gro ba de bzang /__rgya tshwa dkar po ba tshwa 'dra ba gri yis bzhog thub pa bzang /__kha ru tshwa bcag mtshams ngang khram khram byed pa rwa gzhob gyi dri bro ba de bzang /__a gar nag po ni rwa 'dra ba/__me la bsregs dus snum chil chil khol ba de bzang /__thar nu kha byang bstan/__sa gzar ba/__chu sgra drag po thos par skyes pa nyid ston sngo lo bskam nas brko/__nang gi zho ma bo bar ras lta bur bstum nas mgo mjug bzlog la btags/__khaN+Da byung na mchog__/ma byung na 'dul drug bya/__tshags legs par byas pa nyid sbyangs sman gang la gtong yang bzhi 'gyur bsdebs/__yang na khaN+Da chur sbyangs pas ril bur dril/__skyugs sman rnams kha 'bus dus btu zhing /__gnas dang /__skam tshul sogs de las go bzlog__/phur nag gi lo ma sngo sib mkhan pa 'dra la dri dug pa/__phur sngon 'ga' zhig gis 'di phur nag tu bzhed snang /__ni sngo a ga ru/__phur dkar ni mkhan dkar 'dra ba/__rkyal ba chu thub 'bu su hang dang /__la las nI la'i mdog can la byed/__bong ser ni lo ma glang sna 'dra la/__me tog ser po can de dang /__la las me tog ser chen la byed/__de gnyis gang yin kyang rtsa lo 'dres ma dgos shing nus pa phyogs mtshungs pa 'dra/__bong dmar ni kha stod kyi sur nag sogs kyi nang du/__lo ma bong dkar 'dra ba/__sdong bu mtho re'am khru re tsam gyi rtser me tog dmar smug bong dkar 'dra tshad pa la/__spu thib se 'byung ba de yin/__khyung sder smug po'i tshab ldum rtsa bkag dang /__dkar po'i tshab ni/__lo ma re ral 'dra zhing spu 'di'i spu 'di rgya lugs rma sman thams cad kyi mchog tu 'dzin/__yod pa/__rtsa ba khyung gi sder mo 'dra ba de yin/__de yi lo ma kha pU ra'i rma sman/__bye'u la phug ni kha stod mtho sar bye shul sogs su skye ba/__me tog dkar khra/__rtsa ba nyung ma'i dri bro ba de dang /__tshab rung tsam du de dang cha 'dra klung gi gad shul sogs su skye ba de btang /__srin shing sna ma ni stag chung mar 'bod pa de yin/__'bras bu byi tang ga'i tshab rung nges/__lcags kyu che chung gnyis las/__chung ba de yi rtsa ba khrag rkang dang /__lo ma lcags kyu byed/__che ba de'i 'bras bu zi ra dkar po'i tshab rung zer/__mkhan dkar ni gser mgo 'dra la me tog med pa de dang /__mkhan dmar ni rtsa sdong thams cad dmar ba der ngos 'dzin/__g.ya' a krong yongs grags/__mkhan a krong gser mgo dang /__spong a krong gong mo spo tho zhes 'bod pa de la phyed/__nirma nA tha'i rma sman ni lo ma kha gsum pa rgyab la rdul zhags yod pa sdong bu zangs skud 'dra ba de'o/__/bya rog nyungs ma ni me tog ser po yungs dri bro ba/__brag lcam ni sga tig me tog 'dra la mdog dkar zhing lo ma ral gri 'dra ba de'o/__/sngo chu srin sder mo ni sa rong rnams la lo ma ljang gu ral gri 'dra ba khrad por skye ba de yin/__ri sho la ngos 'dzin mang yang /__rkyang shog la byed pa nus pa rno nges/__brag skya ha bo ni lo ma 'dab bzhi sgor mo dngul zhag 'tsher ba sdong bu mkhyid re tsam rtser me tog dkar sngon 'byung ba de la byed gsung /__bya pho tsi tsi shing ma ldum me tog sngo dmar can de la byed/__byang lugs srad dmar la bzhed/__sga tig rmu chu'i skabs rtsa ba shing 'dra ba de dgos/__rma rigs dang skra skye ba'i gsang sman thang dkar me tog dmar po de la byed/__grwa ma ni shing tsher ma can me tog ser po mdangs mi gsal ba 'char ba de la byed/__sngon bu phal cher gyis shog shing la ngos 'dzin kyang /__dngos ni me tog sngon po sdong bu bcad 'phro nas 'o ma 'babs pa/__dbyar gzhung tsam skye ba de la bzhed/__bdud rtsi gangs sham lo ma sngo ljang skya 'dabs bzhi spu dang ldan pa/__me tog sngon po 'char ba de yin/__snyi ba 'ga' zhig gis tsher sngon gyi rtsa ba la byed/__la las nad ma g.yu lo'i rtsa ba la byed/__dngos ni me tog sngon po dmar mdangs cung zad yod pa rtsa ba mngar zhing kha nyams can de yin/__srol sdems pa ni gong bu dmar po'i nang skra 'dra ba dril nas yod pa de yin/__'bam po me tog skya bo spang la 'byar ba de dang /__de las ring btsad/__srad dkar ni lo ma mu zi mdog med 'dra/__mdog shin tu skya zhing me tog dkar la sngo mdangs yod pa/__ro mngar shas che ba de dngos yin/__la las srad dkar du 'dzin pa'i me tog sha sgog 'dra ba de chu srad yin/__chu sho chu ma rtsir 'dzin pa yang yod/__de 'khrul pa kho na bas so/__lhang mthil lam rta tsher zer ba de 'bras kyi gsang sman yin/__rtsa khu byug ni ko Tha 'khrul med la byed/__'bri ku rat+na ni me tog ser po shes rab lo ma 'dra ba mdangs mi gsal zhing de las che ba de la byed/__rma yi gsang sman yin/__seng ge 'jigs med ni lo ma pa yag 'dra ba/__me tog 'bu su hang 'dra zhing sor gsum bzhi las ma 'phags pa zla ba bzhi pa'i mgo tsam dus me tog yal 'gro ba de'o/__/spyir rus chag skabs nad ma sgyid ma dang /__rma skabs seng+ge 'jigs med/__glo ba'i skabs/__sha la yu ring zer bar snang /__gza' dug yab dran pa g.yag snying dang /_ni lo ma khrag sdum sog le kha 'dra ba/_la'u dkar po sogs zer/__de las che zhing dpangs mtho ba/__'bras bu nag po mtheb rdog tsam yod pa de la bzhed snang /__yum ni me tog klu bdud 'dra ba sbrel nas skye ba de'o/__/la las la'u dkar po seng sbar la ngos 'dzin/__pri yang ku ni/__pri yang+ku dkyus ma dang 'dra la de las ring zhing dri dugs pa de'o/__/gza' brgyad ldum brgyad ni stong ri zil pa sogs la ngos 'dzin na'ang thun mong du mi bshad/__jo mo glo ldum ni lo ma sro lo dmar po 'dra ba/__me tog sngon po dmar mdangs can zla ba gsum pa'i nang skor skye ba de yin/__spra ba ston zla gsum gyi dus bzang btu zhes pa/__rgya rtsis dang bstun/__zla 7tshes 3/__zla 8tshes 5/__zla 9tshes 7rnams la bzhed pa'ang snang /__mkhris pa thams cad kha ba ste/__/dom gyi mkhris pa mngar ba yin/__/zhes dang /__tsan+dan bzang ngan chu la dris/__/chur byings bsil ngad ldan na bzang /__/zhes dang /__a gar bzang ngan me la dris/__/dri ldan chil chil khol na bzang /__/zhes so/__/g.yu thog pas lo ma ba lu dang me tog da lir bzhed/__/spyir dkar nag gnyis las/__dkar po cung bsil zhing /__nag po drod che/__gser me'i me tog gser me dang /__'bras bu pa to lar bzhed mkhan snang na'ang khyab pa yod ma 'dra/__rdog po che shos ka rany+dza dang /__chung ba 'jam 'bras su bzhed pa'ang snang /__shrI khaN+Da ni bse shing gi zho yin/__de yang 'bras phyes sbrus pa phabs rdog 'dra ba dang /__ma sbrus pa thang chu 'dra ba gnyis yod snang /__ze tshwa chu nang yang yang bskol nas shel ltar dwang ba ma gtogs sman du mi gtong /__de slar yang bskol bas gru bzhir chags pa la na gu tshwa zer gsungs/__tshar bong dbyibs ha lam tha ram 'dra ba 'phred du khrad por skye ba/__de 'dra gyen du skye ba sdong bu mtho re tsam yod pa yog mo/__sho rtsa ni khag mar 'bod pa'i rtsa ba/__sho mang rma yi tsha ba sel byed ni yul skad du a sho chu shor 'bod pa de yin/__phur nag__/mkhan rigs shing ma ldum lo ma sngo sibs dri dugs pa de dang /__gla rkang chung ba'i rigs de gnyis phyed mar gtong zhes gsungs/__!_/tal zhes pa dkar po gzi yi dbyibs/__zhum mig zhes pa mdog ljang la skya zhad yod cing lung mi sgribs pa nyi ma la bstan na zhum bu'i mig lta bu'i 'od 'byung ba/__in+d+ra nI la mdog sngon po dkar 'od 'phro ba zur ldan zhig yod/__dman pa sngon po 'od de las zhan pa/__pad+ma rA ga dmar po rgya skyegs mdangs cung yod cing kha dog mchog tu gsal ba/__na la zhes de dang cha 'dra yang mdog mi gsal ba/__shel nyi 'od la bstan pas/__'ja' tshon 'phro ba/__dbang ril mdog sna tshogs 'byung zhing /__shun pa rim pa mang ba/__g.yu sprug mdog dkar ljang yung ba dang lhan du brdar na dmar kham du 'gro ba/__mu tig dkar po mdog dmar nyams can/__sbur len mdog ser la dwangs pa dang /__dmar ser shin tu dwangs pa/__rdo rje pha lam dkar po zur brgyad la mdangs grib so gug pa lta bu/__'di sran tsam la dngul/__3000_in+d+ra nI la sran tsam la/__0100_sprad zer spur len gyi tshab spos shel dkyus ma las dwangs shing mdangs gsal ba dang /__mu tig tshab don shul yod pa'i nya phyis kyis rung zer snang /__/_!_