JKW-KABUM-17-TSA-002-046

Previous Text Back to Volume PageNext Text

སྲིན་ནད་ཀུན་འཇོམས་མ་རུ་ཙེའི་སྦྱོར་བ་བརྒྱད་པ།

Wylie title	srin nad kun 'joms ma ru tse'i sbyor ba brgyad pa
Location	mkhyen brtse'i bka' 'bum Volume 17, sde tshan 2, Text 46, Pages 386-388 (Folios 120b6 to 121b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. srin nad kun 'joms ma ru tse'i sbyor ba brgyad pa. In 'jam dbyangs mkhyen brtse'i dbang po'i bka' 'bum, Vol. 17: 386-388. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa
Colophon	ཞེས་པའང་གུ་ཎ་ནཱ་ཐ་དགྱེས་པའི་འབངས་གྱི་བློ་མཚོ་ལས་བྱུང་བ་དགེ
	zhes pa'ang gu Na nA tha dgyes pa'i 'bangs gyi blo mtsho las byung ba dge

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

སྲིན་ནད་ཀུན་འཇོམས་མ་རུ་ཙེའི་སྦྱོར་བ་བརྒྱད་པ་དགེ། ན་མོ་མ་ཧཱ་གུ་ཎཱ་ཡ། མགོ་སྲིན་སེལ་བའི་མ་རུ་རྩེ་སུམ་སྦྱོར་ནི། མ་རུ་ཙེ། མི་ཐོད་རྙིང་པ། བདུད་རྩི་ལོ་མ་རྣམས་སྦྱར་བའི་ཐང་སྨན་ནད་ལྡང་ཙམ་ལན་ཁ་ཡར་བཏང་བས། མགོ་བོ་ལ་སྲིན་ཞུགས་ནས་ལྕི་ཞིང་འཐིབ་པ་དང་། གཟེར་ཞིང་འཁྱུགས་པ་ཐམས་ཅད་སེལ་བར་བྱེད་དོ། ། ༈ མིག་སྲིན་སེལ་བའི་མ་རུ་ཙེ་སུམ་སྦྱོར་ནི། མ་རུ་ཙེ། གོ་སྙོད་ཀྱི་འབྲས་བུ། དྭ་བའི་རྩ་བ་རྣམས་ཀྱི་ཕྱེ་མ་ཟན་དྲོན་ལ་སྦྱར་ཏེ། ཐོ་རངས་སྔ་བའི་དུས་སུ་རླངས་པས་བདུག་ན་མིག་ལ་སྲིན་ཞུགས་ནས་ཚ་ཞིང་སྐམ་པ་དང་། མཆི་མ་འཛག་པ་ཐམས་ཅད་སེལ་བར་བྱེད་དོ། །རྣ་སྲིན་སེལ་བའི་མ་རུ་ཙེ་སུམ་སྦྱོར་ནི། མ་རུ་ཙེ། རུ་རྟ། ལ་ཕུག་གི་ས་བོན་རྣམས་ཞིབ་པར་བཏགས་པའི་ཕྱེ་མ་ར་ཐུག་གི་ཆུའམ། མར་ནག་ལ་སྦྱར་བ་བླུགས་པས་རྣ་བ་ལ་སྲིན་ཞུགས་ནས་གཟེར་ཞིང་འཁྱུགས་པ་དང་། འོན་ཅིང་རྣག་ཁྲག་འཛག་པ་རྣམས་སེལ་བར་བྱེད་དོ། །སྣ་སྲིན་སེལ་བའི་མ་རུ་ཙེ་སུམ་སྦྱོར་ནི། མ་རུ་ཙེ། ཤིང་ཀུན། ནཱ་གི་གླ་རྩིས་བཏུལ་བ་རྣམས་ཞིབ་པར་བཏགས་པའི་ཕྱེ་མ་རྔུབས་པས། གདོང་པ་ལ་སྲིན་ཞུགས་ནས་འཚང་ཞིང་གཟེར་བ་དང་། རྣག་ཁྲག་འཛགས་པ་སོགས་སེལ་བར་བྱེད་ཅིང་། དབང་པོ་དྭངས་པར་འགྱུར་རོ། །སོ་སྲིན་སེལ་བའི། མ་རུ་ཙེ་སུམ་སྦྱོར་ནི། མ་རུ་ཙེ། སྒོག་སྐྱའམ་ཤིང་ཀུན། བོང་ང་ནག་པོ་རྣམས་སྦྱར་བའི་རིལ་བུ་སོ་བར་དུ་བཟུང་བས། སོ་ལ་སྲིན་ཞུགས་ནས་གཟེར་ཞིང་འཁྲུགས་པ་ཐམས་ཅད་སེལ་བར་བྱེད་དོ། །ཁོང་སྲི ན་སེལ་བའི་མ་རུ་ཙེ་སུམ་སྦྱོར་ནི། མ་རུ་ཙེ། ཐང་ཁྲོམ་དཀར་པོའི་རྩ་བ། གླ་རྩི་རྣམས་སྦྱར་བའི་ཕྱེ་མའམ། རིལ་བུ་སྨན་ནད་ལྡང་ཙམ་ལན་ཁ་ཡར་བཏང་བས་ཁོང་པ་ལ་སྲིན་ཞུགས་པའི་གླང་ཐབས་དང་། ཁོང་ལྷོག་ཀྱང་སེལ་བར་བྱེད་དོ། །ལྤགས་སྲིན་སེལ་བའི་མ་རུ་ཙེ་སུམ་སྦྱོར་ནི། མ་རུ་ཙེ། དྲེས་ཐག་རྙིང་པ་དང་། བོང་ང་ནག་པོའི་ཐལ་བ་བཅས་ཕག་ཚིལ་དུ་སྦྱར་བ་བྱུགས་ཤིང་། ཚབས་ཆེ་ན་ཉི་མར་བདུག་པས་ལྤགས་པ་ལ་སྲིན་ཞུགས་པའི་ཤུ་ཐོར་གྱི་རིགས་ཐམས་ཅད་སེལ་བར་བྱེད་དོ། །མཇུག་སྲིན་སེལ་བའི་མ་རུ་ཙེ་སུམ་སྦྱོར་ནི། མ་རུ་ཙེ། རུ་རྟ། ནཱ་གི་རྣམས་སྦྱར་བའི་ཕྱེ་མ་མར་དཀར་གྱི་རེང་བུ་དང་སྦྱར་ནས་བཅུག་ན། འཕངས་སུ་སྲིན་ཞུགས་པས་ཚ་ཞིང་འབྲབ་པ་དང་། གཡའ་ཞིང་ཟ་བ་ཐམས་ཅད་སེལ་བར་བྱེད་དོ། །དེ་རྣམས་གང་ལའང་ཟབ་མོའི་སྔགས་ཀྱིས་བཏབ་ན་རྣོ་ལ་ངར་བཏགས་པ་བཞིན་མཆོག་ཏུ་འགྱུར་རོ། །ཞེས་པའང་གུ་ཎ་ནཱ་ཐ་དགྱེས་པའི་འབངས་གྱི་བློ་མཚོ་ལས་བྱུང་བ་དགེ ༈ །

[edit]

srin nad kun 'joms ma ru tse'i sbyor ba brgyad pa/ srin nad kun 'joms ma ru tse'i sbyor ba brgyad pa dge/__na mo ma hA gu NA ya/__mgo srin sel ba'i ma ru rtse sum sbyor ni/__ma ru tse/__mi thod rnying pa/__bdud rtsi lo ma rnams sbyar ba'i thang sman nad ldang tsam lan kha yar btang bas/__mgo bo la srin zhugs nas lci zhing 'thib pa dang /__gzer zhing 'khyugs pa thams cad sel bar byed do/__/_!_mig srin sel ba'i ma ru tse sum sbyor ni/__ma ru tse/__go snyod kyi 'bras bu/__dwa ba'i rtsa ba rnams kyi phye ma zan dron la sbyar te/__tho rangs snga ba'i dus su rlangs pas bdug na mig la srin zhugs nas tsha zhing skam pa dang /__mchi ma 'dzag pa thams cad sel bar byed do/__/rna srin sel ba'i ma ru tse sum sbyor ni/__ma ru tse/__ru rta/__la phug gi sa bon rnams zhib par btags pa'i phye ma ra thug gi chu'am/__mar nag la sbyar ba blugs pas rna ba la srin zhugs nas gzer zhing 'khyugs pa dang /__'on cing rnag khrag 'dzag pa rnams sel bar byed do/__/sna srin sel ba'i ma ru tse sum sbyor ni/__ma ru tse/__shing kun/__nA gi gla rtsis btul ba rnams zhib par btags pa'i phye ma rngubs pas/__gdong pa la srin zhugs nas 'tshang zhing gzer ba dang /__rnag khrag 'dzags pa sogs sel bar byed cing /__dbang po dwangs par 'gyur ro/__/so srin sel ba'i/__ma ru tse sum sbyor ni/__ma ru tse/__sgog skya'am shing kun/__bong nga nag po rnams sbyar ba'i ril bu so bar du bzung bas/__so la srin zhugs nas gzer zhing 'khrugs pa thams cad sel bar byed do/__/khong sri_na sel ba'i ma ru tse sum sbyor ni/__ma ru tse/__thang khrom dkar po'i rtsa ba/__gla rtsi rnams sbyar ba'i phye ma'am/__ril bu sman nad ldang tsam lan kha yar btang bas khong pa la srin zhugs pa'i glang thabs dang /__khong lhog kyang sel bar byed do/__/lpags srin sel ba'i ma ru tse sum sbyor ni/__ma ru tse/__dres thag rnying pa dang /__bong nga nag po'i thal ba bcas phag tshil du sbyar ba byugs shing /__tshabs che na nyi mar bdug pas lpags pa la srin zhugs pa'i shu thor gyi rigs thams cad sel bar byed do/__/mjug srin sel ba'i ma ru tse sum sbyor ni/__ma ru tse/__ru rta/__nA gi rnams sbyar ba'i phye ma mar dkar gyi reng bu dang sbyar nas bcug na/__'phangs su srin zhugs pas tsha zhing 'brab pa dang /__g.ya' zhing za ba thams cad sel bar byed do/__/de rnams gang la'ang zab mo'i sngags kyis btab na rno la ngar btags pa bzhin mchog tu 'gyur ro/__/zhes pa'ang gu Na nA tha dgyes pa'i 'bangs gyi blo mtsho las byung ba dge__!__/