JKW-KABUM-17-TSA-002-023

Previous Text Back to Volume PageNext Text

ཚེ་ལ་དབང་བའི་མིག་སྨན་གསལ་བྱེད་ཡེ་ཤེས་སྣང་བ།

Wylie title	tshe la dbang ba'i mig sman gsal byed ye shes snang ba
Location	mkhyen brtse'i bka' 'bum Volume 17, sde tshan 2, Text 23, Pages 283-284 (Folios 69a1 to 69b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. tshe la dbang ba'i mig sman gsal byed ye shes snang ba. In 'jam dbyangs mkhyen brtse'i dbang po'i bka' 'bum, Vol. 17: 283-284. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

ཚེ་ལ་དབང་བའི་མིག་སྨན་གསལ་བྱེད་ཡེ་ཤེས་སྣང་བ་བཞུགས། ཨོཾ་སྭསྟི་ཨ་ཐཱ། སྤྱན་དང་མངོན་ཤེས་རྫུ་འཕྲུལ་སྟོབས་ལ་སོགས། །ཐུགས་རྗེ་མངའ་བ་ཀུན་ལ་གུས་བཏུད་ནས། །སྣ་ཚོགས་གཟུགས་དང་ཡེ་ཤེས་འཆར་བའི་སྒོ། །མིག་གི་གསལ་བྱེད་གདམས་པ་བཤད་པར་བྱ། །ཁོང་སྨན་བྱུགས་སྨན་གཉིས་ལས་དང་པོ་ནི། །ཨ་རུ་སྐྱུ་རུ་བ་རུ་འབྲས་བུ་གསུམ། །ཨ་ཝ་གུར་གུམ་རྟག་ངུ་རྩི་སྨན་གསུམ། །ལྕགས་དྲེགས་མདུང་རྩེ་མཚལ་དཀར་རྡོ་སྨན་གསུམ། །གོ་སྙོད་ཤིང་མངར་སྐྱེར་ཤུན་གསང་སྨན་གསུམ། །ལྕགས་སྦྲུལ་དོམ་མཁྲིས་གི་ཝཾ་བཅུད་སྨན་གསུམ། །ཀ་ར་སྦྲང་གི་ལྡེ་གུའམ་རིལ་བུ་བསྟེན། །བྱུགས་སྨན་སྐྱེར་དཀར་བར་ཤུན་དགུན་སྨད་བཏུས། །གྲིབ་སྐམ་གངས་ཆུའི་ཁཎྜ་ངད་ཡལ་དུས། །ག་བུར་གི་ཝཾ་གུར་གུམ་ཨ་རུ་ར། །སྤང་མ་ལྡོང་རོས་ཏི་ཚ་ཚྭ་ལ་མཚལ། །བུལ་ཏོག་ཡུང་བ་དོམ་མཁྲིས་སག་རམ་རྩི། །སྟར་བུ་གླ་རྩི་པི་ལིང་རྒྱ་ཚྭའི་དུད། །གསང་སྨན་བ་རུ་ར་ཡི་ཚིག་གུའི་འབྲུ། །འདི་རྣམས་རྩི་བཞིན་ཞིབ་བཏགས་ཕྱེ་མ་བསྲེ། །ནས་ཙམ་ལྕགས་སྣོད་སྦྱངས་པའི་དྭངས་མ་བྱུགས། །མིག་ཆུ་ཚག་འགྲིབ་ལིང་ཏོག་རབ་རིབ་གསལ། །མིག་གི་སྟོབས་བསྐྱེད་ཕྲ་རགས་གཟུགས་མཐོང་འགྱུར། །གཞན་ཡང་གཉན་དང་ཆུ་སེར་ཤས་ཆེ་ན། །རྩ་ལྟོ་སྦྱངས་དང་ཁོང་སྨན་བསྲེས་ལ་སྦྱངས། །ཁྲག་ཤས་ཆེ་ན་གཏར་དང་ཆུ་ལྕགས་བྱ། །གྲང་རླུང་ཤས་ཆེ་སྨིན་དཀྱིལ་སོགས་པའི་དབུས། །རྟིང་བའི་དྲེགས་མཚམས་མེ་བཙའ་རན་ཙམ་བསྲེགས། །ཚ་སྐྱུར་དྲག་ཤུལ་ཟས་སྤྱོད་བསྲུང་བ་སོགས། །གང་དགོས་ནད་ཀྱི་སྐབས་དང་སྦྱར་ལ་བཅོས། །རྟེན་དང་བརྟེན་པ་འཕེལ་ཟད་འཁྲུགས་པའི་ནད། །ལྡན་འདུས་བླ་གཉན་མ་འདྲེས་འབྱེད་ཅིང་རྟོགས། །དངོས་དང་སྦྱོར་པའི་རོ་ནུས་ཞུ་རྗེས་ཀྱིས། །འབྱུང་བ་ཁམས་སྙོམས་མཁས་པའི་བྱ་བ་ཡིན། །ཕྱོགས་ཙམ་རྟོགས་ནས་འགྲུབ་སླ་གནོད་པ་ཉུང་། །གང་ལའང་ཕན་སྟོབས་བསྐྱེད་པའི་སྤྱི་སྨན་འདི། །སྦྱངས་པ་ཆུང་ཞིང་བློ་གྲོས་དམན་གྱུར་པ། །བདག་དང་བདག་འདྲ་རྣམས་ཀྱི་གཅེས་ནོར་ལགས། །ཚུལ་འདི་གསོ་དཔྱད་རིག་པ་བསྟན་འགྲོའི་དཔལ། །ནུབ་པའི་གདུང་བས་ཅི་བྱ་གཏོལ་མེད་ཀྱང་། །ཚེ་ལ་དབང་བའི་མིང་ཙམ་འཛིན་པ་ཡིས། །རང་གཞན་བསོད་ནམས་འཕེལ་སླད་བྲིས་འདི་དགེས། ཤུ་བྷཾ། ། ༈

[edit]

tshe la dbang ba'i mig sman gsal byed ye shes snang ba/ tshe la dbang ba'i mig sman gsal byed ye shes snang ba bzhugs/__oM swasti a thA/__spyan dang mngon shes rdzu 'phrul stobs la sogs/__/thugs rje mnga' ba kun la gus btud nas/__/sna tshogs gzugs dang ye shes 'char ba'i sgo/__/mig gi gsal byed gdams pa bshad par bya/__/khong sman byugs sman gnyis las dang po ni/__/a ru skyu ru ba ru 'bras bu gsum/__/a wa gur gum rtag ngu rtsi sman gsum/__/lcags dregs mdung rtse mtshal dkar rdo sman gsum/__/go snyod shing mngar skyer shun gsang sman gsum/__/lcags sbrul dom mkhris gi waM bcud sman gsum/__/ka ra sbrang gi lde gu'am ril bu bsten/__/byugs sman skyer dkar bar shun dgun smad btus/__/grib skam gangs chu'i khaN+Da ngad yal dus/__/ga bur gi waM gur gum a ru ra/__/spang ma ldong ros ti tsha tshwa la mtshal/__/bul tog yung ba dom mkhris sag ram rtsi/__/star bu gla rtsi pi ling rgya tshwa'i dud/__/gsang sman ba ru ra yi tshig gu'i 'bru/__/'di rnams rtsi bzhin zhib btags phye ma bsre/__/nas tsam lcags snod sbyangs pa'i dwangs ma byugs/__/mig chu tshag 'grib ling tog rab rib gsal/__/mig gi stobs bskyed phra rags gzugs mthong 'gyur/__/gzhan yang gnyan dang chu ser shas che na/__/rtsa lto sbyangs dang khong sman bsres la sbyangs/__/khrag shas che na gtar dang chu lcags bya/__/grang rlung shas che smin dkyil sogs pa'i dbus/__/rting ba'i dregs mtshams me btsa' ran tsam bsregs/__/tsha skyur drag shul zas spyod bsrung ba sogs/__/gang dgos nad kyi skabs dang sbyar la bcos/__/rten dang brten pa 'phel zad 'khrugs pa'i nad/__/ldan 'dus bla gnyan ma 'dres 'byed cing rtogs/__/dngos dang sbyor pa'i ro nus zhu rjes kyis/__/'byung ba khams snyoms mkhas pa'i bya ba yin/__/phyogs tsam rtogs nas 'grub sla gnod pa nyung /__/gang la'ang phan stobs bskyed pa'i spyi sman 'di/__/sbyangs pa chung zhing blo gros dman gyur pa/__/bdag dang bdag 'dra rnams kyi gces nor lags/__/tshul 'di gso dpyad rig pa bstan 'gro'i dpal/__/nub pa'i gdung bas ci bya gtol med kyang /__/tshe la dbang ba'i ming tsam 'dzin pa yis/__/rang gzhan bsod nams 'phel slad bris 'di dges/__shu b+haM/__/_!_