བཅོམ་ལྡན་འདས་རྡོ་རྗེ་མི་འཁྲུགས་པའི་སྒྲུབ་ཐབས་ཉུང་གསལ་སྙིང་པོར་དྲིལ་བ་སྒྲིབ་གཉིས་མུན་སེལ།

🚧 This website is under continued development. We appreciate your patience!

First text in section. Back to Volume PageNext Text

Wylie title	bcom ldan 'das rdo rje mi 'khrugs pa'i sgrub thabs nyung gsal snying por dril ba sgrib gnyis mun sel
Location	mkhyen brtse'i bka' 'bum Volume 11, sde tshan 6, Text 1, Pages 237-241 (Folios 1a to 3a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	ཇོ་བོ་རྗེ་ཨ་ཏི་ཤ་ (Atiśa)
Citation	'jam dbyangs mkhyen brtse'i dbang po. bcom ldan 'das rdo rje mi 'khrugs pa'i sgrub thabs nyung gsal snying por dril ba sgrib gnyis mun sel. In 'jam dbyangs mkhyen brtse'i dbang po'i bka' 'bum, Vol. 11: 237-241. Khams sde dge rdzong sar dgon: Rdzong sar blo gros phun tshogs, 2020.
Genre	Sadhanas - Evocation Ritual - sgrub thabs
Cycle	ཇོ་བོ་ལུགས་མི་འཁྲུགས་པ་ (jo bo lugs mi 'khrugs pa)
Deity	rdo rje mi 'khrugs pa
Colophon	།ཅེས་གྲུབ་པའི་སློབ་དཔོན་ཛེ་ཏ་རིས་ལེགས་པར་བཀྲལ་བའི་རྗེས་སུ་འབྲངས་ཏེ། ཉུང་གསལ་སྙིང་པོར་དྲིལ་བའི་ཚུལ་ཤཱཀྱའི་དགེ་སློང་མཉྫཱུ་གྷོ་ཥས་སྦྱར་བའོ།
	ces grub pa'i slob dpon dze ta ris legs par bkral ba'i rjes su 'brangs te/__nyung gsal snying por dril ba'i tshul shAkya'i dge slong many+dzU g+ho Shas sbyar ba'o

1 Texts in this Section (sde tshan or chos tshan)

1 237-241	བཅོམ་ལྡན་འདས་རྡོ་རྗེ་མི་འཁྲུགས་པའི་སྒྲུབ་ཐབས་ཉུང་གསལ་སྙིང་པོར་དྲིལ་བ་སྒྲིབ་གཉིས་མུན་སེལ། bcom ldan 'das rdo rje mi 'khrugs pa'i sgrub thabs nyung gsal snying por dril ba sgrib gnyis mun sel Sadhanas - Evocation Ritual - sgrub thabs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །བཅོམ་ལྡན་འདས་རྡོ་རྗེ་མི་འཁྲུགས་པའི་སྒྲུབ་ཐབས་ཉུང་གསལ་སྙིང་པོར་དྲིལ་བ་སྒྲིབ་གཉིས་མུན་སེལ་ཞེས་བྱ་བ་བཞུགས་སོ།། བླ་མ་རྡོ་རྗེ་མི་འཁྲུགས་པའི། །ཞབས་ཀྱི་པདྨོར་ཕྱག་བྱས་ནས། །གང་དེའི་སྒྲུབ་ཐབས་སྒྲིབ་གཉིས་ཀྱི། །མུན་སེལ་ཟླ་བའི་སྣང་བ་སྦྱིན། །དེ་ལ་སྐྱབས་སེམས་དང་ཚད་མེད་བཞི་བསྒོམ་པས་བསོད་ནམས་ཀྱི་ཚོགས་བསགས་ནས། ཨོཾ་མ་ཧཱ་ཤུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧོ། ཞེས་པས་ཆོས་ཐམས་ཅད་སྤྲོས་བྲལ་དུ་ཤེས་པས་ཡེ་ཤེས་ཀྱི་ཚོགས་བསགས་ཏེ། ཚོགས་གཉིས་ཀྱི་རང་འབྲས་མཚན་བཅས་ལྷའི་རྣལ་འབྱོར་བསྒོམ་ཞིང་བཟླས་པ་བྱ་བ་ནི། སྟོང་པའི་ངང་ལས་པྃ་ལས་པདྨ་དང་། ཨ་ལས་ཟླ་སྟེང་རང་སེམས་ཧཱུྃ་མཐིང་ལས། །རྡོ་རྗེ་རྩེ་ལྔའི་ལྟེ་བར་ཧཱུྃ་གིས་མཚན། །འོད་འཕྲོས་འཕགས་མཆོད་འགྲོ་ཀུན་སྒྲིབ་གཉིས་སྦྱངས། །ཚུར་འདུས་བདག་ཉིད་རྡོ་རྗེ་མི་འཁྲུགས་པ། །དབང་སྔོན་མདོག་ཅན་དྭངས་གསལ་འོད་ཟེར་འཕྲོ། །ཕྱག་གཡས་ས་གནོན་གཡོན་པས་མཉམ་བཞག་སྟེང་། །རྡོ་རྗེ་ལེགས་འཛིན་ཞི་འཛུམ་མཚན་དཔེས་མཛེས། །ལྷ་རྫས་ན་བཟའ་རིན་ཆེན་རྒྱན་གྱིས་སྤྲས། །ཞབས་གཉིས་རྡོ་རྗེའི་སྐྱིལ་མོ་ཀྲུང་གིས་བཞུགས། །གནས་གསུམ་ཨོཾ་དཀར་ཨཱཿདམར་ཧཱུྃ་མཐིང་གིས། །རྡོ་རྗེ་གསུམ་གྱི་ངོ་བོར་བྱིན་གྱིས་བརླབས། །ཅེས་བརྗོད་ཅིང་བསམས་ལ། ལག་གཉིས་ཐལ་མོ་སྦྱར་བའི་སྲིན་ལག་བསྣོལ། མཛུབ་མོ་གུང་མོའི་རྒྱབ་ཏུ་སྦྱར་བའི་དམ་ཚིག་གི་ཕྱག་རྒྱ་གནས་གསུམ་དུ་རེག་ཅིང་། གཟུངས་སྔགས་ཚར་རེ་བརྗོད་པས་བྱིན་གྱིས་བརླབས། སླར་ཡང་སྙིང་ཁའི་ཧཱུྃ་ལས་འོད་འཕྲོས་པས། ཡེ་ཤེས་སེམས་དཔའ་བཛྲ་ས་མཱ་ཛཿ ཨོཾ་ཨརྒྷཾ་སྭཱ་ཧཱ། ཛཿཧཱུྃ་བྃ་ཧོཿས་རང་ཐིམ་འོད་ཞུ་བས། སྙིང་དབུས་པདྨ་ཟླ་བའི་དཀྱིལ་འཁོར་སྟེང་། །ཧཱུྃ་ཨོཾ་ཏྲཱྃ་ཧྲཱིཿཨཱ་ལས་རིགས་མཆོག་ལྔ། །མཚན་དཔེའི་དཔལ་འབར་དར་དང་རིན་ཆེན་རྒྱན། །འོད་ཟེར་སྣ་ཚོགས་འཕྲོ་བཞིན་བཞུགས་པར་གྱུར། །ཨོཾ་སརྦ་ཏ་ཐཱ་ག་ཏ་བཛྲ་ཨཀྵོ་བྷྱ་མཎྜལ་ས་པ་རི་ཝཱ་ར་ཨརྒྷཾ་སོགས་ཀྱིས་མཆོད། བཅོམ་ལྡན་རྒྱལ་བ་སྲས་དང་བཅས་རྣམས་ལ། །གུས་པས་ཕྱག་འཚལ་མཆོད་ཅིང་གསོལ་འདེབས་ན། །བདག་གཞན་སྡིག་སྒྲིབ་བྱང་ཞིང་དག་པ་དང་། །མཆོག་ཐུན་དངོས་གྲུབ་ཐོབ་པར་བྱིན་གྱིས་རློབས། །སྙིང་གའི་གཙོ་བོའི་ཐུགས་ཀར་ཟླ་དཀྱིལ་སྟེང་། །དཀར་གསལ་གཟུངས་སྔགས་ཕྲེང་བའི་སྣང་བ་ཡིས། །འཕགས་པ་མཆོད་ཅིང་འགྲོ་ཀུན་སྡིག་སྒྲིབ་སྦྱངས། །ཚུར་འདུས་བྱིན་རླབས་གཟི་བྱིན་མཆོག་ཏུ་འབར། །ཅེས་གསལ་བཏབ་ལ་གཟུངས་སྔགས་ཇི་ཙམ་ནུས་པ་བཟླ། ཐུན་མཐར་མཚན་མེད་ཀྱི་རྣལ་འབྱོར་ནི། ཀུན་རྫོབ་རང་སྣང་ལྷ་ཡི་སྐུར། །མེད་བཞིན་སྣང་བ་སྒྱུ་མའི་གཟུགས། དོན་དམ་རང་བཞིན་ལས་འདས་པའི། །སྤྲོས་དང་བྲལ་བའི་ཡེ་ཤེས་སོ། །ཞེས་པའི་དོན་ལ་སོ་སོར་རྟོག་པའི་ཤེས་རབ་ཀྱིས་དཔྱད་དེ་མཉམ་པར་བཞག །དེ་ལས་ལྡང་བ་ན། རང་གི་སྙིང་དབུས་ཡེ་ཤེས་པ། །མདུན་གྱི་ནམ་མཁར་བྱོན་པ་ལ། །ཏིང་ངེ་འཛིན་གྱིས་རྣམ་སྤྲུལ་པའི། །མཆོད་པའི་སྤྲིན་ཕུང་རྒྱ་མཚོས་མཆོད། །གོང་བཞིན་མཆོད་ཅིང་བསྟོད་ལ་གསལ་བ་གདབ། ཡི་གེ་བརྒྱ་པ་ལན་གསུམ་གྱི་མཐར། །ནོངས་པ་གང་མཆིས་མཐོལ་བཤགས་ཤིང་། །ཡེ་ཤེས་པ་རྣམས་ཆོས་དབྱིངས་གཤེགས། །རང་ཉིད་དམ་ཚིག་སེམས་དཔའ་ཡི། །གནས་གསུམ་འབྲུ་གསུམ་ཡི་གེས་མཚན། །དགེ་བ་འདི་ཡིས་མྱུར་དུ་བདག །ཅེས་སོགས་བསྔོ་སྨོན་བྱ་ཞིང་ཐུན་མཚམས་ཀྱི་བྱ་བ་ལ་འཇུག །བསྙེན་པ་བྱེད་ན་ཐུན་གསུམ་གྱི་རིམ་པས་གཟུངས་རིང་འབུམ་ཕྲག་བཞིའམ་གཅིག་བཟླ། ཐུན་གཉིས་ཀྱི་མཐར་གཏོར་མ་ཆ་གསུམ་ཡང་བཏང་ངོ་། །བཅོམ་ལྡན་རྡོ་རྗེ་མི་འཁྲུགས་པའི། །མཚན་བཅས་མཚན་མེད་རྣལ་འབྱོར་གྱིས། །སྣང་བས་སྒྲིབ་པའི་མུན་སེལ་བ། །ཐམས་ཅད་མཁྱེན་པ་ཉིད་གྱུར་ཅིག །ཅེས་གྲུབ་པའི་སློབ་དཔོན་ཛེ་ཏ་རིས་ལེགས་པར་བཀྲལ་བའི་རྗེས་སུ་འབྲངས་ཏེ། ཉུང་གསལ་སྙིང་པོར་དྲིལ་བའི་ཚུལ་ཤཱཀྱའི་དགེ་སློང་མཉྫཱུ་གྷོ་ཥས་སྦྱར་བའོ། ། ༈

[edit]

bcom ldan 'das rdo rje mi 'khrugs pa'i sgrub thabs nyung gsal snying por dril ba sgrib gnyis mun sel/ @#/__/bcom ldan 'das rdo rje mi 'khrugs pa'i sgrub thabs nyung gsal snying por dril ba sgrib gnyis mun sel zhes bya ba bzhugs so// bla ma rdo rje mi 'khrugs pa'i/__/zhabs kyi pad+mor phyag byas nas/__/gang de'i sgrub thabs sgrib gnyis kyi/__/mun sel zla ba'i snang ba sbyin/__/de la skyabs sems dang tshad med bzhi bsgom pas bsod nams kyi tshogs bsags nas/__oM ma hA shun+ya tA dz+nyA na badz+ra swa b+hA wa at+ma ko\u0f85 ho/__zhes pas chos thams cad spros bral du shes pas ye shes kyi tshogs bsags te/__tshogs gnyis kyi rang 'bras mtshan bcas lha'i rnal 'byor bsgom zhing bzlas pa bya ba ni/__stong pa'i ngang las pa~M las pad+ma dang /__a las zla steng rang sems hU~M mthing las/__/rdo rje rtse lnga'i lte bar hU~M gis mtshan/__/'od 'phros 'phags mchod 'gro kun sgrib gnyis sbyangs/__/tshur 'dus bdag nyid rdo rje mi 'khrugs pa/__/dbang sngon mdog can dwangs gsal 'od zer 'phro/__/phyag g.yas sa gnon g.yon pas mnyam bzhag steng /__/rdo rje legs 'dzin zhi 'dzum mtshan dpes mdzes/__/lha rdzas na bza' rin chen rgyan gyis spras/__/zhabs gnyis rdo rje'i skyil mo krung gis bzhugs/__/gnas gsum oM dkar AHdmar hU~M mthing gis/__/rdo rje gsum gyi ngo bor byin gyis brlabs/__/ces brjod cing bsams la/__lag gnyis thal mo sbyar ba'i srin lag bsnol/__mdzub mo gung mo'i rgyab tu sbyar ba'i dam tshig gi phyag rgya gnas gsum du reg cing /__gzungs sngags tshar re brjod pas byin gyis brlabs/__slar yang snying kha'i hU~M las 'od 'phros pas/__ye shes sems dpa' badz+ra sa mA dzaH__oM ar+g+haM swA hA/__dzaHhU~M ba~M hoHsa rang thim 'od zhu bas/__snying dbus pad+ma zla ba'i dkyil 'khor steng /__/hU~M oM trA~M hrIHA las rigs mchog lnga/__/mtshan dpe'i dpal 'bar dar dang rin chen rgyan/__/'od zer sna tshogs 'phro bzhin bzhugs par gyur/__/oM sarba ta thA ga ta badz+ra ak+Sho b+h+ya maN+Dal sa pa ri wA ra ar+g+haM sogs kyis mchod/__bcom ldan rgyal ba sras dang bcas rnams la/__/gus pas phyag 'tshal mchod cing gsol 'debs na/__/bdag gzhan sdig sgrib byang zhing dag pa dang /__/mchog thun dngos grub thob par byin gyis rlobs/__/snying ga'i gtso bo'i thugs kar zla dkyil steng /__/dkar gsal gzungs sngags phreng ba'i snang ba yis/__/'phags pa mchod cing 'gro kun sdig sgrib sbyangs/__/tshur 'dus byin rlabs gzi byin mchog tu 'bar/__/ces gsal btab la gzungs sngags ji tsam nus pa bzla/__thun mthar mtshan med kyi rnal 'byor ni/__kun rdzob rang snang lha yi skur/__/med bzhin snang ba sgyu ma'i gzugs/__don dam rang bzhin las 'das pa'i/__/spros dang bral ba'i ye shes so/__/zhes pa'i don la so sor rtog pa'i shes rab kyis dpyad de mnyam par bzhag__/de las ldang ba na/__rang gi snying dbus ye shes pa/__/mdun gyi nam mkhar byon pa la/__/ting nge 'dzin gyis rnam sprul pa'i/__/mchod pa'i sprin phung rgya mtshos mchod/__/gong bzhin mchod cing bstod la gsal ba gdab/__yi ge brgya pa lan gsum gyi mthar/__/nongs pa gang mchis mthol bshags shing /__/ye shes pa rnams chos dbyings gshegs/__/rang nyid dam tshig sems dpa' yi/__/gnas gsum 'bru gsum yi ges mtshan/__/dge ba 'di yis myur du bdag__/ces sogs bsngo smon bya zhing thun mtshams kyi bya ba la 'jug__/bsnyen pa byed na thun gsum gyi rim pas gzungs ring 'bum phrag bzhi'am gcig bzla/__thun gnyis kyi mthar gtor ma cha gsum yang btang ngo /__/bcom ldan rdo rje mi 'khrugs pa'i/__/mtshan bcas mtshan med rnal 'byor gyis/__/snang bas sgrib pa'i mun sel ba/__/thams cad mkhyen pa nyid gyur cig__/ces grub pa'i slob dpon dze ta ris legs par bkral ba'i rjes su 'brangs te/__nyung gsal snying por dril ba'i tshul shAkya'i dge slong many+dzU g+ho Shas sbyar ba'o/____/_!_