JKW-KABUM-07-JA-015-002

Previous Text Back to Volume PageNext Text

རྗེ་བཙུན་རྡོ་རྗེ་རྣལ་འབྱོར་མའི་བྱིན་རླབས་ཀྱི་ཟུར་འདེབས་ཉུང་གསལ།

Wylie title	rje btsun rdo rje rnal 'byor ma'i byin rlabs kyi zur 'debs nyung gsal
Location	mkhyen brtse'i bka' 'bum Volume 7, sde tshan 15, Text 2, Pages 330-350 (Folios 14b3 to 24b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	ནཱ་རོ་པ་ (Nāropa)
Citation	'jam dbyangs mkhyen brtse'i dbang po. rje btsun rdo rje rnal 'byor ma'i byin rlabs kyi zur 'debs nyung gsal. In 'jam dbyangs mkhyen brtse'i dbang po'i bka' 'bum, Vol. 7: 330-350. Khams sde dge rdzong sar dgon: Rdzong sar blo gros phun tshogs, 2020.
Genre	Supplemental Instructions - zur 'debs - zur rgyan
Cycle	ནཱ་རོ་མཁའ་སྤྱོད་མ་ (na ro mkha' spyod ma)
Deity	rdo rje rnal 'byor ma
Colophon	།ཞེས་མཁྱེན་རབ་ཀྱི་དབང་ཕྱུག་ཐར་རྩེ་པཎྜི་ཏ་ཆེན་པོ་ནམ་མཁའ་དཔལ་བཟང་གི་གསུང་བྱིན་རླབས་ཀྱི་ཆོ་གའི་ཞབས་ཏོག་ཏུ་དམིགས་ཏེ། འཕགས་པ་རིན་པོ་ཆེའི་གསུང་རབ་དང་། མཁན་ཆེན་བཀྲ་ཤིས་ལྷུན་གྲུབ་ཀྱི་ཟུར་འདེབས་སོགས་ཀྱི་དགོངས་པ་ཇི་ལྟ་བར་མདོར་བསྡུས་སྙིང་པོར་དྲིལ་བའི་ཚུལ་གྱིས་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་སྦྱར་བའི་དགེ་བས་བདག་དང་མཐའ་ཡས་པའི་སེམས་ཅན་ཐམས་ཅད་རྗེ་བཙུན་རྡོ་རྗེ་རྣལ་འབྱོར་མའི་གོ་འཕང་མཆོག་ལ་མྱུར་དུ་རེག་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།།
	zhes mkhyen rab kyi dbang phyug thar rtse paN+Di ta chen po nam mkha' dpal bzang gi gsung byin rlabs kyi cho ga'i zhabs tog tu dmigs te/__'phags pa rin po che'i gsung rab dang /__mkhan chen bkra shis lhun grub kyi zur 'debs sogs kyi dgongs pa ji lta bar mdor bsdus snying por dril ba'i tshul gyis bya bral ba 'jam dbyangs mkhyen brtse'i dbang pos sbyar ba'i dge bas bdag dang mtha' yas pa'i sems can thams cad rje btsun rdo rje rnal 'byor ma'i go 'phang mchog la myur du reg pa'i rgyur gyur cig__/sarba dA ka l+yA NaM b+ha ba tu

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །རྗེ་བཙུན་རྡོ་རྗེ་རྣལ་འབྱོར་མའི་བྱིན་རླབས་ཀྱི་ཟུར་འདེབས་ཉུང་གསལ་བཞུགས་སོ། །ན་མོ་གུ་རུ་བཛྲ་ཡོ་གི་ནཱི་བཱ་དཱ་ཡ། རྗེ་བཙུན་རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་ཀྱི་བྱིན་རླབས་བྱ་ཚུལ་མཐོང་བ་དོན་ལྡན་གྱི་ཟུར་འདེབས་ཅུང་ཟད་བརྗོད་པ་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། ཚེས་བཅུ་རྣམ་པ་གཉིས་གང་ཡང་རུང་བའི་དུས་ཁྱད་པར་ཅན་གྱི་ཚེ། གནས་དབེན་པར་སྟེགས་བུའི་དབུས་སུ་མཎྜ་ལར་རྡུལ་ཚོན་གྱི་ཆོས་འབྱུང་ཉིས་བརྩེགས་ཀྱི་ནང་ཐམས་ཅད་ཚོན་དམར་པོ། ཕྱི་རོལ་གྱི་བར་ཐམས་ཅད་ལྗང་གུ། བཅད་དཀར་པོ། དབུས་སུ་ཟླ་གདན་ལ་ཚོན་ཕུང་དམར་པོ་བཀོད་པ་ནི་སྐུ་ཚོམ་བུའི་དཀྱིལ་འཁོར། དེའི་སྟེང་དུ་མཉྫིའི་ཁར་ཐོད་པ་བདུད་རྩིས་གང་བ་དར་རམ་རས་དམར་པོས་བཀབ་པ་ནི་གསུང་བདུད་རྩིའི་དཀྱིལ་འཁོར། དེའི་སྟེང་དུ་མེ་ལོང་ལ་སིནྡྷཱུ་ར་བཀྲམ་པར། གསེར་གྱི་ཐུར་མའམ་རྡོ་རྗེའི་རྩེས་ཆོས་འབྱུང་ཉིས་བརྩེགས་ཀྱི་མདུན་རྒྱབ་སྤངས་པའི་གྲྭ་བཞིར་དགའ་བ་འཁྱིལ་པ་བཞི། དབུས་སུ་བྃ། དེའི་མཐར་མདུན་ནས་བརྩམས་ཏེ་གཡོན་སྐོར་གྱིས་ཨོཾ་གསུམ་མའི་སྔགས་ཀྱིས་བསྐོར་བ་བྲིས་ཏེ་བཤམས་པ་ནི་ཐུགས་སིནྡྷུ་རའི་དཀྱིལ་འཁོར་རོ། །དེའི་མདུན་སོགས་གང་བདེར་ཏིང་ལོ་ཆུང་དུ་འབྲི་མོག་གིས་ཁ་བསྒྱུར་བ་དང་། སྟེང་དུ་དར་དམར་རམ་ལྭ་དམར་ལྟ་བུའི་གུར་ཁང་མཛེས་པར་ཕུབ་པའི་མཐར་ཤར་ལྷོར་མཚམས་འཛིན་གྱི་མེ་ཏོག་དང་། ཤར་དུ་མཆོད་ཡོན་སོགས་ཆུ་གཉིས་སྔོན་འགྲོའི་ཉེར་སྤྱོད་གཡོན་སྐོར། ཤར་ལྷོ་ནས་བྱང་ཤར་གྱི་བར་དུ་གཏོར་མ་གཉིས་སམ་གསུམ། རང་གི་མདུན་དུ་ནང་མཆོད། རྡོ་རྗེ་དྲིལ་བུ། ཌ་མ་རུ། བུམ་པ་བཅུད་ལྡན། མཎྜལ། ཉེ་ལོགས་ཅི་བདེ་བར་སྔོན་འགྲོ་གཏོར་མ། སློབ་མ་ལ་དགོས་པའི་མིག་དར། མེ་ཏོག །ཏིང་ལོ་སོགས་ཉེ་བར་མཁོ་བའི་ཡོ་བྱད་ཐམས་ཅད་ལེགས་པར་འདུ་བྱའོ། །གཉིས་པ་དངོས་གཞི་ལ་གཉིས། དང་པོ་སློབ་དཔོན་གྱི་བྱ་བ་ནི། སྔོན་འགྲོ་གཏོར་མ་ལ་ཆབ་ཀྱིས་བྲན། རྡོ་རྗེའི་རྩེས་ནང་མཆོད་འཐོར། སུམྦྷས་བསང་། སྭཱ་བྷཱ་ཝས་སྦྱང་། ལག་པ་གཡས་གཡོན་གཉིས་ཀ་བསྟན་ལ། ཨོཾ་ཨཱཿཧཱུྃ་ཧ་ཧོ་ཧྲཱིཿ ལན་གསུམ་གྱིས་བྱིན་གྱིས་བརླབས་ལ། འབར་བའི་ཕྱག་རྒྱས་བསྐོར་ཞིང་ཕཻཾ་བཛྲ་ཨཱ་རལླི་ཧོཿསོགས་ཀྱིས་སྤྱན་དྲངས་ལ་མཁའ་འགྲོ་སྤྱི་གཏོར་ལྟར་སྔགས་ལན་གསུམ་གྱིས་གཏོར་མ་ཕུལ། ཨརྒྷཾ་ནས་ཤབྡའི་བར་གྱིས་མཆོད་ནས། ཨོཾ་ཨཱཿཧཱུྃ་ཞེས་བརྗོད་ཅིང་ནང་མཆོད་སྲིན་ལག་གིས་གཏོར་ལ་རྡོ་རྗེ་དྲིལ་བུ་འཛིན་པས། ལྷ་ཡི་ཚོགས་རྣམས་མ་ལུས་དང་སོགས་ནས། ཡིད་ལ་འདོད་པ་ཀུན་འགྲུབ་ཤོག་གི་བར་བརྗོད་པའི་མཐར། དཔལ་ལྡན་བླ་མ་དམ་པ་རྣམས་ཀྱི་ཐུགས་དགོངས་རྫོགས་པ་དང་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་རྗེ་བཙུན་རྡོ་རྗེ་རྣལ་འབྱོར་མའི་གོ་འཕང་ཐོབ་པར་བྱ་བའི་ཕྱིར་དུ། སའི་ཕྱོགས་འདིར་རྗེ་བཙུན་རྡོ་རྗེ་རྣལ་འབྱོར་མའི་སིནྡྷུ་རའི་དཀྱིལ་འཁོར་ཆེན་པོ་སྒྲུབ་ཅིང་མཆོད་པ་དང་བདག་ཉིད་འཇུག་ཅིང་དབང་བླང་བ་དང་། སློབ་མ་གཞུག་ཅིང་དབང་བསྐུར་བར་འཚལ་ན། སྲུང་མའི་དབང་པོ་ཁྱེད་རྣམས་ཀྱིས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ། དཀྱིལ་འཁོར་ཆེན་པོའི་བྱ་བ་མཐར་མ་ཕྱིན་གྱི་བར་དུ་བར་ཆད་ཐམས་ཅད་ཞི་བ་དང་། དེ་ནས་ཀྱང་བྱང་ཆུབ་མ་ཐོབ་ཀྱི་བར་དུ་སྲུང་ཞིང་དངོས་གྲུབ་སྒྲུབ་པའི་སྡོང་གྲོགས་མཛོད། ཅེས་དང་། གང་དག་ནག་པོའི་ཕྱོགས་ལ་མངོན་པར་དགའ་བའི་འབྱུང་པོ་གདུག་པ་ཅན་གསང་སྤྱོད་ལྟ་བར་མི་དབང་བ་དེ་དག་སའི་ཕྱོགས་འདིར་མ་གནས་པར་གཞན་དུ་སོང་ཞིག །སུམྦྷ་སོགས་བརྗོད་ཅིང་རྡོ་རྗེ་གསོར། དྲིལ་བུ་དྲག་ཏུ་དཀྲོལ་ལ་གཏོར་མ་ཕྱི་རོལ་དུ་དོར། གནས་དང་མཆོད་པའི་ཡོ་བྱད་ལ་དམིགས་ཏེ་བསང་སྦྱང་། སྟོང་པའི་ངང་ལས་གནས་ཁང་བྷྲཱུྃ་ལས་རིན་པོ་ཆེ་སྣ་ཚོགས་ལས་གྲུབ་པའི་ཐར་པ་ཆེན་པོའི་གཞལ་ཡས་ཁང་གྲུ་བཞི་པ། སྒོ་བཞི་པ། རྟ་བབས་བཞིས་མཛེས་ཤིང་རྒྱན་ཐམས་ཅད་ཀྱིས་བརྒྱན་པ། མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ། ཨ་བདུན་ལས་ཐོད་པའི་སྣོད་བདུན་སོགས་ནས། རོལ་མོ་རྣམས་དྭངས་ཤིང་ཐོགས་པ་མེད་པ་བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་གྱི་ཕུང་པོ་ལྟ་བུ་བསམ་གྱིས་མི་ཁྱབ་པ་དུས་འཁོར་བ་ཇི་སྲིད་མ་སྟོངས་ཀྱི་བར་དུ་རྒྱུན་མི་ཆད་པར་གྱུར། སོ་སོའི་སྔགས་རྒྱ་སོགས་དཀྱུས་བཞིན་ལས། གྷཎྜེ་ར་ཎི་ལན་གསུམ་རོལ་མོ་དང་བཅས་པས་བྱིན་དབབ། སྐྱབས་ཡུལ་གསལ་བཏབ་ལ། བདག་དང་འགྲོ་བ་སོགས་སྐྱབས་སེམས་ཀྱི་རྗེས། སྤྲོ་ན་རྡོར་སེམས་ཧེ་རུ་ཀའི་སྒོམ་བཟླས་མ་རྒྱུད་སྤྱི་ལྟར་བྱ། རང་གི་མདུན་གྱི་ནམ་མཁར་སོགས་བླ་མའི་རྣལ་འབྱོར་ནས་བརྩམས་ཏེ་བདག་བསྐྱེད་རྗེ་བཙུན་དཀོན་མཆོག་ལྷུན་གྲུབ་ཀྱིས་མཛད་པའི་སྒྲུབ་ཐབས་ལྟར་ཉམས་སུ་བླངས་པའི་མཐར། ནཱ་ད་ཡང་མི་དམིགས་པ་འོད་གསལ་སྟོང་པ་ཉིད་དུ་གྱུར་ཅེས་པའི་རྗེས། སླར་ཡང་རང་སྐད་ཅིག་གིས་རྗེ་བཙུན་རྡོ་རྗེ་རྣལ་འབྱོར་མའི་སྐུར་གྱུར་ཅེས་བརྗོད་ཅིང་བསམས་ལ། རང་གི་མདུན་གྱི་ནང་མཆོད་དང་། གསུང་བདུད་རྩིའི་དཀྱིལ་འཁོར་གཉིས་ཆར་ལ་དམིགས་ཏེ་བསང་སྦྱང་རྒྱས་པར་སྤྲོ་ན་བདེ་མཆོག་གི་ནང་མཆོད་བྱིན་རླབས་ལྟར་བྱ་བའམ། དེ་ཙམ་མ་གྲུབ་ན་སྒྲུབ་ཐབས་ཀྱི་མཇུག་གི་གཏོར་མ་ལྟར་བྱིན་བརླབ། དེ་ནས་རྡོ་རྗེའི་རྩེས་ནང་མཆོད་བླང་། དཀྱིལ་འཁོར་གསུམ་ཆར་ལ་གཏོར་ཏེ་བསང་སྦྱང་། སྟོང་པའི་ངང་ལས་ཡྃ་ལས་རླུང་སོགས་ནས། ཡོ་ག་ཤུདྡྷོ྅་ཧཾ་ཞེས་པའི་བར་བྱིན་རླབས་ཀྱི་དཀྱུས་ལྟར། མཆོད་པ་བསང་སྦྱང་། སྟོང་པའི་ངང་ལས་ཨ་བདུན་སོགས་བྱིན་རླབས་ཀྱི་དབུ་ནས་འབྱུང་བ་ལྟར་བྱིན་བརླབ། གྷཎྜེ་ར་ཎི་ཏ་མི་དགོས། དེ་ནས་མདུན་བསྐྱེད་རྡོ་རྗེ་རྣལ་འབྱོར་མ་དེ་ཉིད་རང་གི་རྩ་བའི་བླ་མ་དང་ཐ་མི་དད་པའི་སྟེང་གི་ཆར་བརྒྱུད་པའི་བླ་མ་རྣམས་དང་། མཐའ་སྐོར་དུ་སྐྱབས་ཡུལ་ཐམས་ཅད་ཀྱིས་བསྐོར་བ་མངོན་སུམ་བཞིན་ཏུ་བཞུགས་པར་བསམས་ལ། དེ་རྣམས་ལ་མཆོད་པའི་བསམ་པས་རྒྱས་པར་སྤྲོ་ན་ཕྱི་མཆོད་ཆུ་གཉིས་སྔོན་འགྲོའི་ཉེར་སྤྱོད། གོས་ཟུང་། རིག་མ་བཅུ་དྲུག །རྒྱལ་སྲིད་བདུན། འདོད་ཡོན་ལྔ་རྣམས་ཚིགས་བཅད་དང་སྔགས་སྤེལ་བས་སྤྱི་ལྟར་འབུལ། བསྡུ་ན་ཉེར་སྤྱོད་དང་། འདོད་ཡོན་ལྔའི་མཆོད་པ་དཀྱུས་སུ་གསལ་བ་ལྟར་གྱིས་འཐུས། ནང་བདུད་རྩིའི་མཆོད་པ་ནི་བྱིན་གྱིས་བརླབས་པའི་ནང་མཆོད་གཡོན་པའི་སྲིན་ལག་གིས་ཐོག་མར་སྤྱི་གཙུག་ནས་འཐོར་ཞིང་། ཕྱོགས་བཅུ་དུས་གསུམ་སོགས་ནས། རྡོ་རྗེ་འཆང་རྣལ་འབྱོར་འཇམ་དཔལ་བཟང་པོའི་ཞལ་དུ་ཨོཾ་ཨཱཿཧཱུྃ། རྡོ་རྗེ་འཆང་ཆེན་སོགས་ནས། སིཾ་ཧའི་ཞལ་དུ་ཨོཾ་ཨཱཿཧཱུྃ། ནམ་མཁའ་དཔལ་བཟང་བསོད་ནམས་ལྷུན་གྲུབ་དང་། །ཀུན་དགའ་བཀྲ་ཤིས་ཤེས་རབ་འབྱུང་གནས་ཞབས། །དཔལ་མཆོག་རྒྱལ་མཚན་དམ་ཆོས་བསམ་འགྲུབ་དང་། །སངས་རྒྱས་ཕུན་ཚོགས་ཞལ་དུ་ཨོཾ་ཨཱཿཧཱུྃ། །བཀྲ་ཤིས་ལྷུན་གྲུབ་བསྟན་འཛིན་ལྷུན་གྲུབ་དང་། །དཔལ་ལྡན་ཆོས་སྐྱོང་རིན་ཆེན་མཆོག་གྲུབ་ཞབས། །ནམ་མཁའ་འཆི་མེད་ཀུན་དགའ་བསྟན་འཛིན་དང་། །འཇམ་དཔལ་བཟང་པོའི་ཞལ་དུ་ཨོཾ་ཨཱཿཧཱུྃ། གཞན་ཡང་དབང་བསྐུར། རྒྱུད་བཤད། མན་ངག་མནོས། ཆོས་ཀྱི་འབྲེལ་བ་ཐོབ་པའི་བླ་མ་དམ་པ་རྣམས་ཀྱི་ཞལ་དུ་ཨོཾ་ཨཱཿཧཱུྃ། སྙིང་གའི་ཐད་ནས་གཏོར་ཏེ་རྗེ་བཙུན་རྡོ་རྗེ་རྣལ་འབྱོར་མའི་ཞལ་དུ༴ གཞན་ཡང་བྱ་བའི་རྒྱུད། སྤྱོད་པའི་རྒྱུད། རྣལ་འབྱོར་གྱི་རྒྱུད། རྣལ་འབྱོར་ཆེན་པོ་བླ་ན་མེད་པའི་རྒྱུད་དེ། རྒྱུད་སྡེ་ཆེན་པོ་བཞི་དང་འབྲེལ་བའི་ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱི་ཞལ་དུ༴ དེ་ནས་རང་གི་ལྕེ་རྩེ་སྨིན་མཚམས་སྤྱི་གཙུག་རྣམས་སུ་ཐིག་ལེ་བྱས་ལ། ཨོཾ་ཨཱཿཧཱུྃ་ཞེས་པས་ལུས་ཀྱི་ལྷ་རྣམས་མཆོད་པར་བསམ། སྐབས་འདིར་གཏོར་མ་ལ་བར་ཕུད་བྲན་ལ་ལྟེ་བའི་ཐད་ནས་གཏོར་ཏེ། དེ་ནས་ཨོཾ་ཤྲཱི་མ་ཧཱ་ཀཱ་ལཱ་ཡ་ཨོཾ་ཨཱཿཧཱུྃ། གཞན་ཡང་ཆོས་འཁོར་བསྲུང་ཞིང་བསྟན་པ་སྐྱོང་བར་ཞལ་གྱིས་བཞེས་པའི་དཔལ་མགོན་དམ་ཚིག་ཅན་རྣམས་ཀྱི་ཞལ་དུ༴ གནས་དང་ཉེ་བའི་གནས། ཞིང་དང་ཉེ་བའི་ཞིང་། ཚནྡོ་དང་ཉེ་བའི་ཚནྡོ། འདུ་བ་དང་ཉེ་བའི་འདུ་བ། འཐུང་གཅོད་དང་ཉེ་བའི་འཐུང་གཅོད། དུར་ཁྲོད་དང་ཉེ་བའི་དུར་ཁྲོད། ཡུལ་སུམ་ཅུ་སོ་གཉིས། གནས་ཉི་ཤུ་རྩ་བཞི། དུར་ཁྲོད་ཆེན་པོ་བརྒྱད་ན་བཞུགས་པའི་དཔའ་བོ་དང་རྣལ་འབྱོར་མ་བསམ་གྱིས་མི་ཁྱབ་པ་སྤྲུལ་པའི་སྐུས་འགྲོ་བ་སེམས་ཅན་གྱི་དོན་མཛད་པ་རྣམས་ཀྱི་ཞལ་དུ༴ ཞིང་སྐྱོང་བཞི་བཅུ་རྩ་བརྒྱད། ཕོ་ཉ་གནས་ལས་སྐྱེས་པ། རིགས་ལས་སྐྱེས་པ། སྔགས་ལས་སྐྱེས་པ། ལས་ལས་སྐྱེས་པའི་མཁའ་འགྲོའི་ཚོགས་དང་། གནས་གསུམ་གྱི་རྡོ་རྗེ་མཁའ་འགྲོ་མ་རྣམས་ཀྱི་ཞལ་དུ༴ གཞན་ཡང་གནོད་སྦྱིན། སྲིན་པོ། འབྱུང་པོ། ཡི་དྭགས། ཤ་ཟ། སྨྱོ་བྱེད། རྗེད་བྱེད། མ་མོ། ཞིང་སྐྱོང་། ཕོ་ཉ། འཕྲོག་མ། གྲུབ་པ་རྣམས་ཀྱི་ཞལ་དུ༴ བོད་ཁམས་སྐྱོང་བར་ཞལ་གྱིས་བཞེས་པའི་བརྟན་མ་བཅུ་གཉིས་འཁོར་དང་བཅས་པ་རྣམས་དང་། གནས་བདག །གཞི་བདག །ཡུལ་བདག །གྲོང་བདག །གཉུག་མར་གནས་པ་རྣམས་དང་། འགྲོ་བ་རིགས་དྲུག །ལམ་རྒྱུད་ལྔ། སྐྱེ་གནས་བཞིས་བསྡུས་པའི་སེམས་ཅན་ཐམས་ཅད་ཚིམ་ཞིང་ཟག་པ་མེད་པའི་བདེ་བས་རྒྱུད་གང་ནས་མྱུར་དུ་བླ་ན་མེད་པའི་སངས་རྒྱས་ཀྱི་གོ་འཕང་ཐོབ་པའི་སྐལ་བ་དང་ལྡན་པར་གྱུར་ཅིག །ཨོཾ་ཨཱཿཧཱུྃ། ཞེས་དང་། རང་གིས་ཀྱང་མྱངས་ལ། ཨོཾ་ཨོཾ་ཨོཾ་སརྦ་སོགས་ལན་གསུམ་བརྗོད་དོ། །དཔྲལ་བར་ནམ་མཁའ་མཛོད་ཀྱི་ཕྱག་རྒྱ་བཅས་ནས། ན་མོ་ཆོས་ཀྱི་དབྱིངས་ཀྱི་བྱིན་རླབས་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྗེ་རྣམ་པར་དག་པའི་བྱིན་རླབས་དང་། གསང་སྔགས་དང་ཕྱག་རྒྱའི་མཐུ་དང་། བདག་གི་མོས་པ་དང་། ཏིང་ངེ་འཛིན་དང་། སྨོན་ལམ་གྱི་དབང་གིས་འཇིག་རྟེན་གྱི་ཁམས་ན་བདག་པོས་ཡོངས་སུ་མ་བཟུང་བའི་མཆོད་པའི་བྱེ་བྲག་ཇི་སྙེད་ཡོད་པ་དང་། གཞན་ཡང་བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་གྱི་ཕུང་པོ་ལྟ་བུ་བསམ་གྱིས་མི་ཁྱབ་པ་ཞིག་བླ་མ་དང་། རྗེ་བཙུན་རྡོ་རྗེ་རྣལ་འབྱོར་མ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱན་ལམ་དུ་འབྱུང་ཞིང་རྒྱས་པར་གྱུར་ཅིག །ཅེས་བརྗོད་ཅིང་སེ་གོལ་བརྡབ། ཡང་ཕྱག་རྒྱ་དང་བཅས་ཏེ། ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨཱ་ཝརྟ་ཡ་ཨཱ་ཝརྟ་ཡ་ཧོཿ ན་མཿས་མནྟ་བུདྡྷཱ་ནཱཾ། ཨ་བྷི་སྨ་ར་ཡེ། སྥ་ར་ཎ་སི་མཾ་ག་ག་ན་ཁཾ། དྷརྨ་དྷཱ་ཏུ་ཨཱ་ཀ་ཤཱ་ཡ་ས་མནྟ་མཱཾ། སརྦ་ཏ་ཐཱ་ག་ཏ་ཨ་པ་རི་ཤོདྷཱ་ཡ། མཎྜ་ལེ་མ་མ་པྲ་ཎི་དྷི། པུཎྱ་ཛྙཱ་ན་བ་ལེ་ན། སརྦ་ཏ་ཐཱ་ག་ཏ་བ་ལེནྟ། བནྡྷ་སྭ་སྠཱ་ན་བ་ལེ་ན་ཙཱ་ཡ་སྭཱ་ཧཱ། ཞེས་བརྗོད་ཅིང་སེ་གོལ་ལན་གཉིས་བརྡབ་པ་ནི་ཡིད་བྱུང་གི་མཆོད་པའོ། །བསྟོད་པ་ནི། ཨོཾ་ན་མོ་བྷ་ག་ཝ་ཏེ་བཛྲ་ཝཱ་རཱ་ཧཱི་བྃ་ཧུྃ་ཧཱུྃ་ཕཊ། ཨོཾ་ན་མ་ཨཱཪྻ་ཨ་པ་རཱ་ཛི་ཏེ་ཏྲཻ་ལོ་ཀྱ་མཱ་ཏེ་མ་ཧཱ་བིདྱེ་ཤྭ་རི་ཧུཾ་ཧཱུྃ་ཕཊ། ཨོཾ་ན་མོ་སརྦ་བྷཱུ་ཏ་བྷ་ཡ་བ་ཧེ་མ་ཧཱ་བཛྲེ་ཧུཾ་ཧཱུྃ་ཕཊ། ཨོཾ་ན་མོ་བཛྲ་ཨཱ་ས་ནེ་ཨ་ཛི་ཏེ་ཨ་པ་རཱ་ཛི་ཏེ་ཝ་ཤྱཾ་ཀ་རི་ནེ་ཏྲ་བྷྲ་མ་ཎཱི་ཡེ་ཧུཾ་ཧཱུྃ་ཕཊ། ཨོཾ་ན་མོ་བི་ཥ་ནི་ཤོ་ཥ་ནི་རོ་ཥ་ནི་ཀྲོ་དྷི་ཀ་རཱ་ལི་ནཱི་ཧུཾ་ཧཱུྃ་ཕཊ། ཨོཾ་ན་མོ་སྟྲ་ས་ནི་མཱ་ར་ཎི་སུ་པྲ་བྷཻ་ད་ནི་ཨ་པ་རཱ་ཛཱ་ཡཻ་ཧུཾ་ཧཱུྃ་ཕཊ། ཨོཾ་ན་མོ་བི་ཛ་ཡེ་ཛམྦྷ་ནི་སྟམྦྷ་ནི་མོ་ཧ་ནི་ཧུཾ་ཧཱུྃ་ཕཊ། ཨོཾ་ན་མོ་བཛྲ་ཝཱ་རཱ་ཧཱི་བཾ་མ་ཧཱ་ཡོ་གི་ནཱི་ཀཱ་མེ་ཤྭ་རི་ཁ་གེ་ཧུཾ་ཧཱུྃ་ཕཊ། ཅེས་ཡུམ་གྱི་རྐང་བརྒྱད་དང་། དཔལ་ལྡན་རྡོ་རྗེ་མཁའ་འགྲོ་མ་སོགས་ཤློ་ཀ་གཉིས་ཀྱིས་བསྟོད། རྒྱས་པར་སྤྲོ་ན། ཡེ་ཤེས་ཆེན་པོའི་མཛོད་འཛིན་སོགས་ངོར་ཆེན་རྡོ་རྗེ་འཆང་ཆེན་པོས་མཛད་པའང་བྱ། བསྡུ་ན། དཔལ་ལྡན་རྡོ་རྗེ་མཁའ་འགྲོ་སོགས་དང་། བཅོམ་ལྡན་འདས་མས་སོགས་ཀྱིས་གསོལ་བ་གདབ། གཏོར་མ་དཀྱུས་སུ་འདིར་འབུལ་བར་གསུངས་ཀྱང་བདག་འཇུག་གི་རྗེས་སུ་འབུལ་བ་སྟབས་བདེ་བས་ཕྱག་ལེན་ལ་དེ་ལྟར་མཛད། བུམ་པ་དཀྱུས་ལྟར་བསྒྲུབ། །བདག་འཇུག་ནི། རང་གི་མདུན་དུ་མཎྜལ་དང་མེ་ཏོག་སོགས་བཤམ། ཇི་ལྟར་བལྟམས་པ་སོགས་ནས། ཤྲི་ཡེ་ཧཱུྃ་ཞེས་བརྗོད་ཅིང་བུམ་ཆུས་ཁྲུས་བྱ། ཨོཾ་བཛྲ་བྷཱུ་མི་སོགས་མཎྜལ་ཚོམ་བུ་བདུན་མའི་མཐར། མ་ཚང་བ་མེད་པ་འདི་ཉིད་བླ་མ་དང་རྗེ་བཙུན་རྡོ་རྗེ་རྣལ་འབྱོར་མ་ཐ་མི་དད་པ་ལ་འཇུག་པའི་ཆོས་རྣམས་ཞུ་བའི་ཡོན་དུ་སོགས་མེ་ཏོག་དང་བཅས་པས་ཐལ་མོ་སྦྱར་ཏེ། གང་གི་དྲིན་གྱིས་སོགས་ནས། བརླབ་ཏུ་གསོལ། ལན་གསུམ། ཨཱ་ཁཾ་བཱི་ར་ཧཱུྃ་ལན་གཉིས་ཀྱིས་གདོང་བཅིངས་ཤིང་། མེ་ཏོག་གི་ཕྲེང་བ་བླང་བར་མོས། མདུན་བསྐྱེད་ཀྱི་རྣལ་འབྱོར་མའི་ཐུགས་ཀ་ནས་ཁྲོ་མོ་ཁཎྜ་རོ་ཧཱིའི་ཚོགས་དཔག་ཏུ་མེད་པ་སྤྲོས་ཏེ་རང་ཉིད་ལ་བར་དུ་གཅོད་པའི་བགེགས་དང་ལོག་པར་འདྲེན་པ་ཐམས་ཅད་རྒྱང་རིང་དུ་བསྐྲད་པར་གྱུར། སུམྦྷ་སོགས་བརྗོད་ཅིང་བུམ་ཆུ་གཏོར། ཨོཾ་ཨཱཿཧཱུྃ་གིས་བདུད་རྩི་མྱོང་བས་ནང་ཁམས་ཀྱི་བར་ཆད་ཐམས་ཅད་སྦྱངས་ཤིང་བདེ་བ་ཆེན་པོས་བྱིན་གྱིས་བརླབས་པར་བསམ། རང་གི་སྙིང་གར་ཟླ་བའི་དཀྱིལ་འཁོར་གྱི་སྟེང་དུ་རྡོ་རྗེ་དཀར་པོ་རྩེ་ལྔ་པ་འོད་ཟེར་འཕྲོ་བ་དང་བཅས་པར་གྱུར། ཨོཾ་སརྦ་སོགས། སྙིང་གར་རྡོ་རྗེ་བཞག་ལ། སུ་ར་ཏི་སོགས་ཀྱིས་བདེན་གཉིས་དབྱེར་མེད་དུ་སེམས་བསྐྱེད་ཅིང་བརྟན་པར་མོས། སྤྱི་བོར་རྡོ་རྗེ་བཞག་ལ། དེང་ཁྱོད་སོགས། མེ་ཏོག་དང་བཅས་པས་ཐལ་མོ་སྦྱར་ཏེ་དཀྱིལ་འཁོར་གྱི་ཕྱོགས་ལ་མགོ་དུད་ཙམ་དང་བཅས། ཛཿཧཱུྃ་བྃ་ཧོཿཞེས་བརྗོད་པས་རང་ཉིད་སིནྡྷཱུ་རའི་དཀྱིལ་འཁོར་གྱི་ཤར་ཕྱོགས་སུ་འཁོད་པར་མོས་ཏེ། མདུན་བསྐྱེད་ཚོགས་ཞིང་རྒྱ་མཚོས་བསྐོར་བའི་སྤྱན་སྔར་རྒྱུན་བཤགས། སྡོམ་བཟུང་། ཁྱད་པར་གྱི་དམ་ཚིག་བཟུང་བ་རྣམས་སོ་སོར་ལན་གསུམ་རེ་བྱ། དཀྱིལ་འཁོར་གྱི་གཙོ་མོ་བཅོམ་ལྡན་འདས་མའི་ཐུགས་ཀ་ནས་འོད་ཟེར་བསམ་གྱིས་མི་ཁྱབ་པ་འཕྲོས། རང་གི་ལུས་ཀྱི་ཕྱི་ནང་ཐམས་ཅད་ལ་ཕོག་པས་ཚེ་ཐོག་མ་མེད་པ་ནས་བསགས་པའི་ནད་གདོན་སྡིག་སྒྲིབ་ཐམས་ཅད་བསྲེགས་སྦྱངས། འོད་ཟེར་རྣམས་ཚུར་འདུས་ཏེ་རང་གི་ལྟེ་བའི་ནང་དུ་ཨེ་ལས་ཆོས་ཀྱི་འབྱུང་གནས་གྲུ་གསུམ་ཉིས་བརྩེགས་ཀྱི་ནང་དུ། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་བྃ་ཡིག་སོགས་ནས་ཞེས་པས་དམར་ཁྱིལ་གྱིས་བསྐོར་བར་གྱུར། དེ་ལས་འོད་ཟེར་འཕྲོས་པས་སྣོད་ཀྱི་འཇིག་རྟེན་ཐམས་ཅད་གཞལ་ཡས་ཁང་དང་། བཅུད་ཀྱི་སེམས་ཅན་ཐམས་ཅད་རྗེ་བཙུན་རྡོ་རྗེ་རྣལ་འབྱོར་མའི་སྐུར་གྱུར་འོད་ཟེར་རྣམས་ཚུར་འདུས་ཏེ་ལྟེ་བའི་བྃ་ཡིག་སྔགས་ཕྲེང་དང་བཅས་པ་ལ་ཐིམ། དེ་ཡོངས་སུ་གྱུར་པ་ལས་རང་ཉིད་རྗེ་བཙུན་རྡོ་རྗེ་རྣལ་འབྱོར་མ་པདྨ་དང་ཉི་མའི་གདན་ཞེས་སོགས་ནས་ཙཎྜི་ཀཱའི་ངོ་བོ་ཞེས་བརྗོད་ནས་སློབ་དཔོན་ཁྱོད་ཀྱིས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དངོས་གྲུབ་དང་། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་རྣམས་སྩལ་ཞིང་བརྟན་པར་མཛད་དུ་གསོལ། །ཞེས་ལན་གསུམ། མདུན་བསྐྱེད་ཀྱི་ཐུགས་ཀ་ནས་རྗེ་བཙུན་མའི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་གཅིག་ཏུ་བསྡུས་པའི་ངོ་བོ་རྗེ་བཙུན་མའི་སྐུ་མཐེ་བོང་གི་ཚད་ཙམ་པ་མར་མེ་གཅིག་ལས་གཉིས་ཆད་ཀྱི་ཚུལ་གྱིས་བྱུང་སྟེ་རང་གི་ཞར་དུ་ཞུགས། མགྲིན་པ་དང་སྙིང་ག་ནས་དམར་ཧྲིལ་གྱིས་སོང་བ་ལྟེ་བའི་ཆོས་འབྱུང་ཉིས་བརྩེགས་ཀྱི་དབུས་ཀྱི་བྃ་ཡིག་ལ་ཐིམ་པ་དེ་ཡོངས་སུ་གྱུར་པ་ལས་རྗེ་བཙུན་རྡོ་རྗེ་རྣལ་འབྱོར་མའི་སྐུ་རུ་གྱུར། དེས་ལུས་ཀྱི་གནས་ཉི་ཤུ་རྩ་བཞིར་བདེ་བའི་གར་སྟབས་བསམ་གྱིས་མི་ཁྱབ་པ་བསྒྱུར་བ་དང་། ནང་གི་ཆོས་འབྱུང་གི་གྲྭ་བཞི་དང་། ཕྱིའི་སྨིན་མཚམས་ཀྱི་ཐད་རྣམས་སུ་དགའ་བ་འཁྱིལ་བ་གཡོན་ཕྱོགས་སུ་འཁོར་བ་ལ་སེམས་གཏད་པས། དེའི་ཚེ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་བསམ་གྱིས་མི་ཁྱབ་པ་སྤྱན་དྲངས་ཏེ་རང་གི་ལུས་ལ་ཐིམ་པས་རྒྱུད་བྱིན་གྱིས་བརླབས་པར་གྱུར། ཨོཾ་གསུམ་མ་བརྗོད་ཅིང་། གུ་གུལ་གྱིས་བདུག །རོལ་མོའི་སྒྲ་སྦྱར། སྤྱི་བོར་རྡོ་རྗེ་རྒྱ་གྲམ་གྱི་ཚུལ་དུ་བཞག་ཅིང་། ཏིཥྛ་བཛྲས་བརྟན་པར་བྱ། མེ་ཏོག་གི་ཕྲེང་བ་རྗེ་བཙུན་མར་ཕུལ་བའི་མོས་པས། ཨོཾ་པྲ་ཏཱིཙྪ་བཛྲ་ཧོཿ ཞེས་བརྗོད་ཅིང་དོར་བའི་ཚུལ་བྱ། སླར་ཡང་སྤྱི་བོར་བཞག་པར་མོས་ཏེ། ཨོཾ་པྲ་ཏཱི་གྲྀཧྞ་སོགས་བརྗོད། ཨོཾ་བཛྲ་ནཻ་ཏྲ་སོགས་བརྗོད་ལ་མིག་དར་དབྱེ་བའི་ཚུལ་བྱ། སིནྡྷཱུ་རའི་དཀྱིལ་འཁོར་རྟེན་དང་བརྟེན་པར་བཅས་པ་མངོན་སུམ་བཞིན་དུ་མཐོང་བར་གྱུར་ཅེས་བརྗོད་ཅིང་བསམས་པ་རྣམས་ནི་འཇུག་པའི་ཆོས་འཁོར་དང་བཅས་པའོ། །དངོས་གཞིའི་དབང་གི་སླད་དུ། མཎྜལ་གླིང་བཞི་རི་རབ་ཉི་ཟླ་ཟུང་གཅིག་ལྷ་མིའི་དཔལ་འབྱོར་ཕུན་སུམ་ཚོགས་པ་མ་ཚང་བ་མེད་པ་འདི་ཉིད་བླ་མ་དང་རྡོ་རྗེ་རྣལ་འབྱོར་མ་ཐ་མི་དད་པ་ལ་དངོས་གཞིའི་ཆོས་རྣམས་སོགས། ཐལ་མོ་སྦྱར་ཏེ། རྣལ་འབྱོར་མ་དཔལ་སོགས་ལན་གསུམ་གྱིས་གསོལ་བ་གདབ། སིནྡྷུ་རའི་དཀྱིལ་འཁོར་གྱི་ཤར་ཕྱོགས་སུ་དབང་སྟེགས་རིན་པོ་ཆེའི་ཁྲི་པདྨ་དང་ཉི་མའི་གདན་གྱི་སྟེང་དུ། རང་ཉིད་རྗེ་བཙུན་རྡོ་རྗེ་རྣལ་འབྱོར་མའི་སྐུ་ཅན་དུ་གསལ་བའི་སྟེང་དུ་བླ་བྲེ། གཡས་སུ་གདུགས། གཡོན་དུ་རྒྱལ་མཚན། མཐའ་སྐོར་དུ་མཆོད་པའི་ཚོགས་བསམ་གྱིས་མི་ཁྱབ་པས་བསྐོར་བ། ཕཻཾ་ཐུགས་ཀའི་ས་བོན་ལས་འོད་ཟེར་འཕྲོས་པས་དབང་གི་ལྷ་འཁོར་ལོ་བདེ་མཆོག་ལྷ་དྲུག་ཅུ་རྩ་གཉིས་མདུན་གྱི་ནམ་མཁར་བྱོན། རྡོར་དྲིལ་འཛིན་པས་མེ་ཏོག་གཏོར་ཞིང་། བཀྲ་ཤིས་གང་ཞིག་སོགས་ནས། འདྲེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །ཅེས་བརྗོད་ནས། བུམ་པ་སྤྱི་བོར་བཞག་ཅིང་། ཇི་ལྟར་བལྟམས་པ་སོགས་ནས་ཨ་བྷི་ཥིཉྩ་ཧཱུྃ། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར་བས་སྤྱི་གཙུག་ནས་རྐང་མཐིལ་ཡན་ཆད་གང་། དྲི་མ་ཐམས་ཅད་དག །དབང་ཐམས་ཅད་ཐོབ། ཆུའི་ལྷག་མ་ཡར་ལུད་པ་ལས་རྣམ་པར་སྣང་མཛད་ཀྱིས་དབུར་བརྒྱན། དབང་གི་ལྷས། ཨོཾ་སུ་པྲ་ཏིཥྛ་བཛྲཱ་ཡ་སྭཱ་ཧཱས་སྤྱི་བོར་མེ་ཏོག་བཞག་པར་བསམ། རྗེ་བཙུན་མའི་ཐུགས་ཀའི་སྔགས་ཕྲེང་ལས་སྔགས་ཀྱི་ཕྲེང་བ་བསམ་གྱིས་མི་ཁྱབ་པ་བྱུང་སྟེ་ཞལ་ནས་འཐོན། རང་གི་ཞལ་དུ་ཞུགས་ས་བོན་གྱི་མཐར་གཡོན་སྐོར་དུ་འཁོད་པར་གྱུར། ཨོཾ་གསུམ་མ་ལན་གསུམ་བཟླ། བཅོམ་ལྡན་བདག་ལ་སོགས་ལན་གསུམ་བརྗོད་ཅིང་མེ་ཏོག་གཏོར། བཅོམ་ལྡན་འདི་ལ་སོགས་ལན་གསུམ་བརྗོད་ཅིང་མེ་ཏོག་རང་གི་སྤྱི་བོར་བཞག །སིནྡྷུ་རའི་རྡུལ་ཚོན་གནས་གསུམ་དུ་རེག་པས་བྱིན་རླབས་ཀྱི་རྒྱུན་བརྟན་པར་མོས་ཏེ་ཨོཾ་གསུམ་མ་ལན་གསུམ་བརྗོད། དེ་ལྟར་ན་བུམ་པའི་དབང་སོགས་ནས། རྒྱུད་ལ་བཞག་པ་ཡིན་ནོ། །གསང་དབང་གི་སླད་དུ། མདུན་གྱི་རྗེ་བཙུན་མའི་མཁའ་གསང་ནས་བྱང་སེམས་དཀར་དམར་བསམ་གྱིས་མི་ཁྱབ་པ་བྱུང་བ་ཐོད་པའི་བདུད་རྩི་དང་འདྲེས་པ་དེ་ཉིད་རང་གི་ལྕེ་ཐོག་ཏུ་བཞག་པར་བསམས་ལ། ཨོཾ་གསུམ་མ་དང་། ཨོཾ་ཨཱཿཧཱུྃ་ཞེས་བརྗོད་ཅིང་བདུད་རྩི་མྱངས་པས་རང་བཞིན་བརྒྱད་ཅུའི་རྣམ་རྟོག་རགས་རིམ་དབྱིངས་སུ་འགགས་པའི་གསལ་སྟོང་བདེ་བས་བརྒྱན་པའི་ཏིང་ངེ་འཛིན་རྒྱུད་ལ་སྐྱེས་པར་མོས། དེ་ལྟར་ན་གསང་བའི་དབང་སོགས་ནས། བཞག་པ་ཡིན་ནོ། །ཤེས་རབ་ཡེ་ཤེས་ཀྱི་དབང་གི་སླད་དུ། སིནྡྷཱུ་རའི་དཀྱིལ་འཁོར་ནས་བླངས་པའི་རྡུལ་ཚོན་གྱིས་རང་གི་གནས་བཞིར་རེག་པས་ནམ་མཁར་བཞུགས་པའི་འཁོར་ལོ་བདེ་མཆོག་ཡབ་ཡུམ་སྙོམས་པར་ཞུགས་པའི་སྦྱོར་མཚམས་ནས་བྱང་སེམས་དཀར་དམར་དཔག་ཏུ་མེད་པ་བྱུང་། རང་རྗེ་བཙུན་མར་གསལ་བའི་མཁའ་གསང་ནས་ཞུགས་ཏེ། གནས་བཞིར་དྲངས་པས་དགའ་བཞིའི་ཡེ་ཤེས་རྒྱུད་ལ་སྐྱེས་པར་མོས་ཏེ་འཁྱུད་རྒྱ་དང་བཅས་པས། ཨོཾ་སརྦ་སོགས་བརྗོད། དེ་ལྟར་ན་ཤེས་རབ་ཡེ་ཤེས་ཀྱི་སོགས་ནས། བཞག་པ་ཡིན་ནོ། །དབང་བཞི་པའི་སླད་དུ། མདུན་གྱི་རྗེ་བཙུན་མས་གསུངས་པར་བསམས་ལ། དངོས་པོ་མེད་པའི་ནས། བསྒོམ་ཞེས་བརྗོད་ཅིང་དེའི་དོན་བདེ་སྟོང་ནམ་མཁའ་ལྟ་བུའི་ངང་དུ་ཅུང་ཟད་རེ་མཉམ་པར་གཞག །དེ་ལྟར་ན་དབང་བཞི་པ་སོགས་ནས། བཞག་པ་ཡིན་ནོ། །གཙོ་བོས་ཇི་ལྟར་སོགས། ཨོཾ་བཛྲ་བྷཱུ་མི་ནས། དབང་ཡོངས་སུ་རྫོགས་པར་ཐོབ་པའི་བཀའ་དྲིན་གཏང་རག་ཏུ་དབུལ་བར་སོགས་དང་། དེང་ནས་བརྩམས་ཏེ་སོགས་བརྗོད། གཏོར་མ་བསང་སྦྱང་བྱིན་བརླབས་ལ། སྒྲུབ་ཐབས་ལྟར་འབུལ་ཞིང་འདོད་དོན་གསོལ། གཏོར་མ་གཉིས་པ་ཆོས་སྐྱོང་གི་གཏོར་བསྔོ་རྒྱས་བསྡུས་གང་རིགས་དང་། གསུམ་པ་མཁའ་འགྲོ་སྤྱི་གཏོར་གྱི་ཚོགས་འབུལ། བསྡུ་ན་ཆོས་སྲུང་ལ་ལོགས་སུ་མ་ཕུལ་ཀྱང་རུང་། དེ་ནས་སློབ་མ་ལ་བྱ་བའི་རིམ་པ་ནི་བྱིན་རླབས་ཀྱི་དཀྱུས་སུ་གསལ་བ་ལྟར་མ་འཁྲུལ་བར་བགྱིས་བས་གྲུབ། གསུམ་པ་རྗེས་ནི། བྱིན་རླབས་ཀྱི་ཆོ་གའི་དཀྱུས་ལྟར་ལ། བཀྲ་ཤིས་ནི་ཚིགས་བཅད་ཀྱི་མཚམས་སུ་དྲིལ་བུ་གསིལ་ཞིང་མེ་ཏོག་འཐོར་བ་དང་བཅས། བཀྲ་ཤིས་གང་ཞིག་ཆོས་ཀྱི་དབྱིངས་ལས་ལེགས་བྱུང་བ། །ཧེ་རུ་ཀ་དཔལ་འཇིགས་བྱེད་རྒྱལ་པོ་འབར་བའི་སྐུ། །ཤེས་རབ་ཕག་མོའི་པདྨར་རྡོ་རྗེ་རོལ་མཛད་པའི། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །ཧེ་རུ་ཀ་དཔལ་འབར་བའི་སྐུ་མངའ་བ། །ཧ་ཧའི་གད་རྒྱངས་ས་གསུམ་གཡོ་བར་བྱེད། །ཧཱུྃ་ཧཱུྃ་ཕཊ་ཕཊ་བདུད་ཀྱི་ཀླད་འགེམས་པའི། །བདེ་མཆོག་འཁོར་ལོའི་བཀྲ་ཤིས་དེང་འདིར་སྩོལ། །ཨེ་ཝྃ་མཉམ་པར་སྦྱོར་བ་སྔགས་ཀྱི་སྐུ། །ཨཱ་ལི་ཀཱ་ལི་གཉིས་མེད་རོལ་པའི་གསུང་། །ཨོཾ་གྱི་ངོ་བོར་སོན་པའི་ཐུགས་མངའ་བ། །རྡོ་རྗེ་ཕག་མོའི་བཀྲ་ཤིས་དེང་འདིར་སྩོལ། །ཞེས་དང་། གཞན་ཡང་ཤིས་བརྗོད་ཇི་ལྟར་རིགས་པས་བདེ་ལེགས་སུ་བྱ་ཞིང་། ལས་ཀྱི་རྗེས་མི་མངོན་པར་བསྡུའོ། སྐབས་གཞན་ཏུ་སྒྲུབ་མཆོད་རྒྱས་པར་བྱ་བར་འདོད་ནའང་ཆོ་གའི་འགྲོས་སྤྱིར་གོང་ལྟར་ལ། མཆོད་ཕྲེང་དང་། བསྟོད་པ་སོགས་ཁ་འཕངས་སུ་བྱས་པ་རྣམས་སྦྱར་བ་ཙམ་གྱིས་ལེགས་པར་གྲུབ་པ་ཡིན་ནོ། །ཚོགས་ཀྱི་མཆོད་པ་མདོར་བསྡུས་བྱེད་ན། ཚོགས་བསགས་པར་འདོད་ན་ཡར་ངོའི་ཚེས་བཅུ་དང་། སྒྲིབ་པ་སྦྱོང་བ་ལ་མར་ངོའི་ཚེས་བཅུར། སྦྱོར་བའི་སྐབས་གཞན་འདྲ་བ་ལ། དཀྱིལ་འཁོར་གྱི་ཉེ་ལོགས་གང་བདེ་རམ་ད་ན་དང་ཆང་བཱ་ཤ་ལ་གཙོ་བོར་གྱུར་པའི་བཟའ་བཅའ་བཏུང་བའི་ཡོ་བྱད་ཅི་འབྱོར་པ་གཙང་ཞིང་བཀོད་པས་མཛེས་པར་བཤམས། དངོས་གཞི་བདག་འཇུག་གཏོར་བསྔོ་ཡན་ལེགས་པར་གྲུབ་ནས། ཚོགས་ཀྱི་ཡོ་བྱད་རྣམས་ལ་ནང་མཆོད་ཆུ་ཆང་གིས་སྦྱང་། སློབ་དཔོན་གྱིས་རྡོ་རྗེའི་རྩེས་ནང་མཆོད་གཏོར། བསང་སྦྱང་བྱིན་རླབས་གཏོར་མ་ལྟར་བྱ་ཞིང་། ཨོཾ་ཨཱཿཧཱུྃ་དང་ཧ་ཧོཿཧྲཱིཿལན་མང་དུ་བརྗོད་པས་བདུད་རྩིར་བསྒྱུར་བའི་དམིགས་པ་ནན་ཏན་ཏུ་བྱ། དེ་ནས་ཕུད་སྣོད་གཙང་མར་བླུགས་ལ་དཀྱིལ་འཁོར་གྱི་མདུན་ཏུ་བཞག །གཏོར་མ་རྣམས་ལའང་ཕུལ། སླར་ཡང་བདུད་རྩིས་བྲན། གང་གི་དྲིན་གྱིས་སོགས་བླ་མ་ལ་ཕྱག་འཚལ་བ་སྔོན་ཏུ་འགྲོ་བས། ཨོཾ་གསུམ་མའི་སྔགས་ཀྱི་མཐར་ཨ་ཀཱ་རོ་བཏགས་པ་ལན་གསུམ་མམ་ལྔས་ཡི་དམ་དང་། ཆོས་སྐྱོང་ལ་སོ་སོའི་གཏོར་སྔགས་སམ། བསྡུ་ན། ཨོཾ་ཤྲཱི་བཛྲ་དྷརྨ་པཱ་ལ་ས་པ་རི་ཝཱ་ར་ཨ་ཀཱ་རོ་སོགས་ལན་གསུམ་དང་། མཁའ་འགྲོ་སྤྱི་གཏོར་གྱི་སྔགས་ཀྱིས་ཕུལ། ཚོགས་པ་ཡོད་ན་ཞུ་འབུལ་སྤྱི་ལྟར་དང་བཅས་བཟའ་བཏུང་གི་ཚོགས་རྣམས་རྣལ་འབྱོར་པ་རྣམས་ཀྱི་མདུན་དུ་བསྟར། སྤྲོ་ན་མ་ད་ན་བདུད་རྩིར་བསམ་པའི་ཕུད། རྡོ་རྗེ་འཆང་ཆེན་སོགས་ཀྱིས་ནང་མཆོད་ཀྱི་སྐབས་ལྟར་འབུལ། གང་ལྟར་ཡང་སྙིང་གའི་བྃ་ཡིག་སངས་རྒྱས་ཐམས་ཅད་འདུས་པའི་ངོ་བོར་མཆོད་པར་བསམས་ལ། ཨ་ཧོ་སུ་ཁ་ཞེས་བརྗོད་ཅིང་ལག་གཡོན་པས་བླངས་ཏེ་ཞེན་པ་མེད་པར་ལོངས་སྤྱོད། ལྷག་མ་རྣམས་བསྡུས་ལ་ལག་པ་འབར་བའི་ཕྱག་རྒྱ་བྱས་པའི་བར་ནས། ཕཻཾ། ཞེས་བརྗོད་པ་དང་བསྟུན། མ་ད་ནའི་ཁ་ཕྲུ་གདབ། སླར་ཡང་ནང་མཆོད་ཆུ་ཆང་གིས་བྲན། ཨོཾ་ཨཱཿཧཱུྃ་གིས་བདུད་རྩིའི་རྒྱ་མཚོར་བྱིན་གྱིས་བརླབ། ཨོཾ་ཁ་ཁ་ཁཱ་ཧི་ཁཱ་ཧི་ཨུཙྪི་ཥྟ་བ་ལིནྟ་བྷཀྵ་སཱི་སྭཱ་ཧཱ། ཞེས་ལན་གསུམ་མམ་བདུན་གྱིས་བྱིན་པས་འབྱུང་པོ་ཐམས་ཅད་ཚིམས་པར་བསམས་ལ། མཚན་མོ་ཡིན་ན་དཔལ་འབར་དང་བཅས་ལམ་གྱི་གཞི་མདོར་དོར། ཤེས་ན་བརྟག་གཉིས་ལས་འབྱུང་བའི་ཀོལླ་ཨི་རེ་སོགས་ཀྱི་རྡོ་རྗེའི་གླུའམ། བདེ་མཆོག་ལས་གསུངས་པའི་དཔྱིད་ཀྱི་རྒྱལ་མོའི་གླུ་བླང་། གང་ལྟར་ཡང་རོལ་མོའི་སྒྲ་དང་བཅས། བཀྲ་ཤིས་གང་ཞིག་སོགས་ཀྱི་མཐར། འཆི་ཚེ་མགོན་དང་སོགས་སྨོན་ལམ་གང་ཤེས་གདབ། དེ་ནས་རྗེས་ཆོག་དཀྱུས་ལྟར་བྱའོ། །སྦྱིན་སྲེག་གི་ཆོ་ག་ནི་པཎ་ཆེན་ནམ་མཁའ་དཔལ་བཟང་གི་གསུང་རབ་ལྟར་ལ། སྡིག་སྒྲིབ་སྦྱོང་བའི་སླད་དུ་མར་མེའི་སྦྱིན་སྲེག་བྱེད་པར་འདོད་ན། ཀོང་བུ་ཡངས་པར་རས་དམར་གྱི་ལྡོང་བུ་སྦོམ་པོ་བཙུགས། མར་དཀར་གྱི་ཁུ་བས་དགང་། དེའི་མདུན་ཏུ་འབྱོར་ན་ཟླུམ་གཏོར་གཅིག་དང་། མཆོད་པ་ལྔ་བཤམ། བདག་བསྐྱེད་བཟླས་པ་དང་བཅས་པ་བྱ་བའམ། ཐུན་མཚམས་ཀྱི་ལྷ་རྡོ་རྗེ་རྣལ་འབྱོར་མར་དྲན་པ་ཙམ་གྱིས་ཀྱང་རུང་སྟེ། གང་ལྟར་ཡང་མར་མེ་སྦར་ལ། སུམྦྷས་བསང་། སྭ་བྷཱ་བས་སྦྱང་། སྟོང་པའི་ངང་ལས་བྃ་ཡིག་དམར་པོ་ཡོངས་སུ་གྱུར་པ་ལས་སྐད་ཅིག་གིས་རྗེ་བཙུན་རྡོ་རྗེ་རྣལ་འབྱོར་མ་སོགས་ནས། ཙཎྜི་ཀཱའི་ངོ་བོ། ཕཻཾ། ཐུགས་ཀའི་ནས། ཛཿཧཱུྃ་བྃ་ཧོཿ མདུན་བསྐྱེད་ལ་གཉིས་སུ་མེད་པར་ཐིམ་ཞེས་པའི་བར་གྱིས་གསལ་གདབ། དེ་ནས་མདུན་དུ་བསྲེག་རྫས་ཏིལ་ནག་པོ་བཞག་ལ། བདག་གིས་ཚེ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་སྣ་སྒོ་ནས་སྡིག་པ་རྭ་ཅན་གྱི་རྣམ་པས་ཐོན་ཏེ་མདུན་གྱི་ཏིལ་ལ་ཐིམ། ཨོཾ་ཨཱཿཧཱུྃ་གིས་བདུད་རྩིར་བསྒྱུར་བ་དེ་ཉིད་རྗེ་བཙུན་མའི་ཞལ་དུ་ཕུལ་བས་སྡིག་སྒྲིབ་ཐམས་ཅད་སྦྱངས་པར་བསམས་ལ་མཐེབ་སྲིན་གྱིས་བླངས་ཏེ། ཨོཾ་བཛྲ་ཌཱ་ཀི་ཁ་ཁ་ཁཱ་ཧི་ཁཱ་ཧི་སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། ཞེས་སམ། ཨོཾ་གསུམ་མའི་མཐར། སརྦ་པཱ་པཾ་སོགས་བཏགས་པ་གང་ཡང་རུང་བས་མར་མེ་མ་ཟད་བར་དུ་ཕུལ། མར་མེ་ཟད་པར་བརྩམས་པ་ན་མཆོད་གཏོར་ཡོད་ན་ཨོཾ་ཨཱཿཧཱུྃ་གིས་བྱིན་གྱིས་བརླབ། ཨོཾ་བཛྲ་པུཥྤེ་ཨཱཿཧཱུྃ་སོགས་ཀྱིས་ཕྱི་མཆོད་དང་། ཨོཾ་ཨཱཿཧཱུྃ་གིས་ནང་མཆོད་ཕུལ། དཔལ་ལྡན་རྡོ་རྗེ་མཁའ་འགྲོ་སོགས་ཀྱིས་བསྟོད། གཏོར་མ་བསང་སྦྱང་བྱིན་རླབས་སྒྲུབ་ཐབས་ལྟར་ཕུལ། གང་ལྟར་ཡང་། བཅོམ་ལྡན་འདས་མས་བདག་གི་སྡིག་པ་དང་སྒྲིབ་པ་ཐམས་ཅད་བྱང་ཞིང་དག་པར་མཛད་དུ་གསོལ། །ཞེས་གསོལ་བ་གདབ། ཡི་གེ་བརྒྱ་པ་ལན་གསུམ་གྱི་མཐར། མ་འབྱོར་བ་དང་སོགས་ཀྱིས་བཟོད་པར་གསོལ། བཛྲ་མུཿས་ཡེ་ཤེས་པ་གཤེགས། དམ་ཚིག་པ་རང་ལ་ཐིམ། བསྔོ་སྨོན་ཤིས་བརྗོད་དཀྱུས་ལྟར་བྱས་ལ། མར་མེའི་རོ་མ་ཆུ་བོ་ཆེན་པོའམ་གཙང་སར་དོར་རོ། །འདི་ནི་སྡིག་སྒྲིབ་ཐམས་ཅད་འདག་པ་དང་། རྗེ་བཙུན་མའི་བྱིན་རླབས་འཇུག་པའི་ཐབས་ཁྱད་པར་ཅན་ཡིན་པར་གསུངས་སོ། །གཞན་ཡང་ལམ་གྱི་ཆ་རྐྱེན་པྲ་སེ་ནཱ་དབབ་པ་སོགས་ལས་ཚོགས་ཕྲ་མོ་རྣམས་ནི་དེང་སང་ལག་ལེན་ཏུ་འདེབས་མཁན་ཉུང་བས་འདིར་མ་བྲིས་ཏེ། རྟོགས་པར་འདོད་ན་ཡིག་རྙིང་སོགས་ལས་ཤེས་པར་བྱའོ། །ཞེས་མཁྱེན་རབ་ཀྱི་དབང་ཕྱུག་ཐར་རྩེ་པཎྜི་ཏ་ཆེན་པོ་ནམ་མཁའ་དཔལ་བཟང་གི་གསུང་བྱིན་རླབས་ཀྱི་ཆོ་གའི་ཞབས་ཏོག་ཏུ་དམིགས་ཏེ། འཕགས་པ་རིན་པོ་ཆེའི་གསུང་རབ་དང་། མཁན་ཆེན་བཀྲ་ཤིས་ལྷུན་གྲུབ་ཀྱི་ཟུར་འདེབས་སོགས་ཀྱི་དགོངས་པ་ཇི་ལྟ་བར་མདོར་བསྡུས་སྙིང་པོར་དྲིལ་བའི་ཚུལ་གྱིས་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་སྦྱར་བའི་དགེ་བས་བདག་དང་མཐའ་ཡས་པའི་སེམས་ཅན་ཐམས་ཅད་རྗེ་བཙུན་རྡོ་རྗེ་རྣལ་འབྱོར་མའི་གོ་འཕང་མཆོག་ལ་མྱུར་དུ་རེག་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

rje btsun rdo rje rnal 'byor ma'i byin rlabs kyi zur 'debs nyung gsal/ @#/_/rje btsun rdo rje rnal 'byor ma'i byin rlabs kyi zur 'debs nyung gsal bzhugs so/__/na mo gu ru badz+ra yo gi nI bA dA ya/__rje btsun rdo rje rnal 'byor ma nA ro mkha' spyod kyi byin rlabs bya tshul mthong ba don ldan gyi zur 'debs cung zad brjod pa la gsum/__sbyor ba/__dngos gzhi/__rjes so/__/dang po ni/__tshes bcu rnam pa gnyis gang yang rung ba'i dus khyad par can gyi tshe/__gnas dben par stegs bu'i dbus su maN+Da lar rdul tshon gyi chos 'byung nyis brtsegs kyi nang thams cad tshon dmar po/__phyi rol gyi bar thams cad ljang gu/__bcad dkar po/__dbus su zla gdan la tshon phung dmar po bkod pa ni sku tshom bu'i dkyil 'khor/__de'i steng du many+dzi'i khar thod pa bdud rtsis gang ba dar ram ras dmar pos bkab pa ni gsung bdud rtsi'i dkyil 'khor/__de'i steng du me long la sin+d+hU ra bkram par/__gser gyi thur ma'am rdo rje'i rtses chos 'byung nyis brtsegs kyi mdun rgyab spangs pa'i grwa bzhir dga' ba 'khyil pa bzhi/__dbus su ba~M/__de'i mthar mdun nas brtsams te g.yon skor gyis oM gsum ma'i sngags kyis bskor ba bris te bshams pa ni thugs sin+d+hu ra'i dkyil 'khor ro/__/de'i mdun sogs gang bder ting lo chung du 'bri mog gis kha bsgyur ba dang /__steng du dar dmar ram l+wa dmar lta bu'i gur khang mdzes par phub pa'i mthar shar lhor mtshams 'dzin gyi me tog dang /__shar du mchod yon sogs chu gnyis sngon 'gro'i nyer spyod g.yon skor/__shar lho nas byang shar gyi bar du gtor ma gnyis sam gsum/__rang gi mdun du nang mchod/__rdo rje dril bu/__Da ma ru/__bum pa bcud ldan/__maN+Dal/__nye logs ci bde bar sngon 'gro gtor ma/__slob ma la dgos pa'i mig dar/__me tog__/ting lo sogs nye bar mkho ba'i yo byad thams cad legs par 'du bya'o/__/gnyis pa dngos gzhi la gnyis/__dang po slob dpon gyi bya ba ni/__sngon 'gro gtor ma la chab kyis bran/__rdo rje'i rtses nang mchod 'thor/__sum+b+has bsang /__swA b+hA was sbyang /__lag pa g.yas g.yon gnyis ka bstan la/__oM AHhU~M ha ho hrIH__lan gsum gyis byin gyis brlabs la/__'bar ba'i phyag rgyas bskor zhing phaiM badz+ra A ral+li hoHsogs kyis spyan drangs la mkha' 'gro spyi gtor ltar sngags lan gsum gyis gtor ma phul/__ar+g+haM nas shab+da'i bar gyis mchod nas/__oM AHhU~M zhes brjod cing nang mchod srin lag gis gtor la rdo rje dril bu 'dzin pas/__lha yi tshogs rnams ma lus dang sogs nas/__yid la 'dod pa kun 'grub shog gi bar brjod pa'i mthar/__dpal ldan bla ma dam pa rnams kyi thugs dgongs rdzogs pa dang nam mkha' dang mnyam pa'i sems can thams cad kyi don du phyag rgya chen po mchog gi dngos grub rje btsun rdo rje rnal 'byor ma'i go 'phang thob par bya ba'i phyir du/__sa'i phyogs 'dir rje btsun rdo rje rnal 'byor ma'i sin+d+hu ra'i dkyil 'khor chen po sgrub cing mchod pa dang bdag nyid 'jug cing dbang blang ba dang /__slob ma gzhug cing dbang bskur bar 'tshal na/__srung ma'i dbang po khyed rnams kyis mchod sbyin gyi gtor ma rgya chen po 'di bzhes la/__dkyil 'khor chen po'i bya ba mthar ma phyin gyi bar du bar chad thams cad zhi ba dang /__de nas kyang byang chub ma thob kyi bar du srung zhing dngos grub sgrub pa'i sdong grogs mdzod/__ces dang /__gang dag nag po'i phyogs la mngon par dga' ba'i 'byung po gdug pa can gsang spyod lta bar mi dbang ba de dag sa'i phyogs 'dir ma gnas par gzhan du song zhig__/sum+b+ha sogs brjod cing rdo rje gsor/__dril bu drag tu dkrol la gtor ma phyi rol du dor/__gnas dang mchod pa'i yo byad la dmigs te bsang sbyang /__stong pa'i ngang las gnas khang b+h+rU~M las rin po che sna tshogs las grub pa'i thar pa chen po'i gzhal yas khang gru bzhi pa/__sgo bzhi pa/__rta babs bzhis mdzes shing rgyan thams cad kyis brgyan pa/__mtshan nyid thams cad yongs su rdzogs pa'i nang du/__a bdun las thod pa'i snod bdun sogs nas/__rol mo rnams dwangs shing thogs pa med pa byang chub sems dpa' kun tu bzang po'i rnam par thar pa las byung ba'i mchod pa'i sprin gyi phung po lta bu bsam gyis mi khyab pa dus 'khor ba ji srid ma stongs kyi bar du rgyun mi chad par gyur/__so so'i sngags rgya sogs dkyus bzhin las/__g+haN+De ra Ni lan gsum rol mo dang bcas pas byin dbab/__skyabs yul gsal btab la/__bdag dang 'gro ba sogs skyabs sems kyi rjes/__spro na rdor sems he ru ka'i sgom bzlas ma rgyud spyi ltar bya/__rang gi mdun gyi nam mkhar sogs bla ma'i rnal 'byor nas brtsams te bdag bskyed rje btsun dkon mchog lhun grub kyis mdzad pa'i sgrub thabs ltar nyams su blangs pa'i mthar/__nA da yang mi dmigs pa 'od gsal stong pa nyid du gyur ces pa'i rjes/__slar yang rang skad cig gis rje btsun rdo rje rnal 'byor ma'i skur gyur ces brjod cing bsams la/__rang gi mdun gyi nang mchod dang /__gsung bdud rtsi'i dkyil 'khor gnyis char la dmigs te bsang sbyang rgyas par spro na bde mchog gi nang mchod byin rlabs ltar bya ba'am/__de tsam ma grub na sgrub thabs kyi mjug gi gtor ma ltar byin brlab/__de nas rdo rje'i rtses nang mchod blang /__dkyil 'khor gsum char la gtor te bsang sbyang /__stong pa'i ngang las ya~M las rlung sogs nas/__yo ga shud+d+ho\u0f85 haM zhes pa'i bar byin rlabs kyi dkyus ltar/__mchod pa bsang sbyang /__stong pa'i ngang las a bdun sogs byin rlabs kyi dbu nas 'byung ba ltar byin brlab/__g+haN+De ra Ni ta mi dgos/__de nas mdun bskyed rdo rje rnal 'byor ma de nyid rang gi rtsa ba'i bla ma dang tha mi dad pa'i steng gi char brgyud pa'i bla ma rnams dang /__mtha' skor du skyabs yul thams cad kyis bskor ba mngon sum bzhin tu bzhugs par bsams la/__de rnams la mchod pa'i bsam pas rgyas par spro na phyi mchod chu gnyis sngon 'gro'i nyer spyod/__gos zung /__rig ma bcu drug__/rgyal srid bdun/__'dod yon lnga rnams tshigs bcad dang sngags spel bas spyi ltar 'bul/__bsdu na nyer spyod dang /__'dod yon lnga'i mchod pa dkyus su gsal ba ltar gyis 'thus/__nang bdud rtsi'i mchod pa ni byin gyis brlabs pa'i nang mchod g.yon pa'i srin lag gis thog mar spyi gtsug nas 'thor zhing /__phyogs bcu dus gsum sogs nas/__rdo rje 'chang rnal 'byor 'jam dpal bzang po'i zhal du oM AHhU~M/__rdo rje 'chang chen sogs nas/__siM ha'i zhal du oM AHhU~M/__nam mkha' dpal bzang bsod nams lhun grub dang /__/kun dga' bkra shis shes rab 'byung gnas zhabs/__/dpal mchog rgyal mtshan dam chos bsam 'grub dang /__/sangs rgyas phun tshogs zhal du oM AHhU~M/__/bkra shis lhun grub bstan 'dzin lhun grub dang /__/dpal ldan chos skyong rin chen mchog grub zhabs/__/nam mkha' 'chi med kun dga' bstan 'dzin dang /__/'jam dpal bzang po'i zhal du oM AHhU~M/__gzhan yang dbang bskur/__rgyud bshad/__man ngag mnos/__chos kyi 'brel ba thob pa'i bla ma dam pa rnams kyi zhal du oM AHhU~M/__snying ga'i thad nas gtor te rje btsun rdo rje rnal 'byor ma'i zhal du=__gzhan yang bya ba'i rgyud/__spyod pa'i rgyud/__rnal 'byor gyi rgyud/__rnal 'byor chen po bla na med pa'i rgyud de/__rgyud sde chen po bzhi dang 'brel ba'i yi dam dkyil 'khor gyi lha tshogs rnams kyi zhal du=__de nas rang gi lce rtse smin mtshams spyi gtsug rnams su thig le byas la/__oM AHhU~M zhes pas lus kyi lha rnams mchod par bsam/__skabs 'dir gtor ma la bar phud bran la lte ba'i thad nas gtor te/__de nas oM shrI ma hA kA lA ya oM AHhU~M/__gzhan yang chos 'khor bsrung zhing bstan pa skyong bar zhal gyis bzhes pa'i dpal mgon dam tshig can rnams kyi zhal du=__gnas dang nye ba'i gnas/__zhing dang nye ba'i zhing /__tshan+do dang nye ba'i tshan+do/__'du ba dang nye ba'i 'du ba/__'thung gcod dang nye ba'i 'thung gcod/__dur khrod dang nye ba'i dur khrod/__yul sum cu so gnyis/__gnas nyi shu rtsa bzhi/__dur khrod chen po brgyad na bzhugs pa'i dpa' bo dang rnal 'byor ma bsam gyis mi khyab pa sprul pa'i skus 'gro ba sems can gyi don mdzad pa rnams kyi zhal du=__zhing skyong bzhi bcu rtsa brgyad/__pho nya gnas las skyes pa/__rigs las skyes pa/__sngags las skyes pa/__las las skyes pa'i mkha' 'gro'i tshogs dang /__gnas gsum gyi rdo rje mkha' 'gro ma rnams kyi zhal du=__gzhan yang gnod sbyin/__srin po/__'byung po/__yi dwags/__sha za/__smyo byed/__rjed byed/__ma mo/__zhing skyong /__pho nya/__'phrog ma/__grub pa rnams kyi zhal du=__bod khams skyong bar zhal gyis bzhes pa'i brtan ma bcu gnyis 'khor dang bcas pa rnams dang /__gnas bdag__/gzhi bdag__/yul bdag__/grong bdag__/gnyug mar gnas pa rnams dang /__'gro ba rigs drug__/lam rgyud lnga/__skye gnas bzhis bsdus pa'i sems can thams cad tshim zhing zag pa med pa'i bde bas rgyud gang nas myur du bla na med pa'i sangs rgyas kyi go 'phang thob pa'i skal ba dang ldan par gyur cig__/oM AHhU~M/__zhes dang /__rang gis kyang myangs la/__oM oM oM sarba sogs lan gsum brjod do/__/dpral bar nam mkha' mdzod kyi phyag rgya bcas nas/__na mo chos kyi dbyings kyi byin rlabs dang /__sangs rgyas dang byang chub sems dpa' thams cad kyi thugs rje rnam par dag pa'i byin rlabs dang /__gsang sngags dang phyag rgya'i mthu dang /__bdag gi mos pa dang /__ting nge 'dzin dang /__smon lam gyi dbang gis 'jig rten gyi khams na bdag pos yongs su ma bzung ba'i mchod pa'i bye brag ji snyed yod pa dang /__gzhan yang byang chub sems dpa' kun tu bzang po'i rnam par thar pa las byung ba'i mchod pa'i sprin gyi phung po lta bu bsam gyis mi khyab pa zhig bla ma dang /__rje btsun rdo rje rnal 'byor ma dang /__sangs rgyas dang byang chub sems dpa' thams cad kyi spyan lam du 'byung zhing rgyas par gyur cig__/ces brjod cing se gol brdab/__yang phyag rgya dang bcas te/__oM sarba bid pU ra pU ra/__su ra su ra/__A warta ya A warta ya hoH__na maHsa man+ta bud+d+hA nAM/__a b+hi sma ra ye/__s+pha ra Na si maM ga ga na khaM/__d+harma d+hA tu A ka shA ya sa man+ta mAM/__sarba ta thA ga ta a pa ri shod+hA ya/__maN+Da le ma ma pra Ni d+hi/__puN+ya dz+nyA na ba le na/__sarba ta thA ga ta ba len+ta/__ban+d+ha swa s+thA na ba le na tsA ya swA hA/__zhes brjod cing se gol lan gnyis brdab pa ni yid byung gi mchod pa'o/__/bstod pa ni/__oM na mo b+ha ga wa te badz+ra wA rA hI ba~M hu~M hU~M phaT/__oM na ma AR+Ya a pa rA dzi te trai lo kya mA te ma hA bid+ye shwa ri huM hU~M phaT/__oM na mo sarba b+hU ta b+ha ya ba he ma hA badz+re huM hU~M phaT/__oM na mo badz+ra A sa ne a dzi te a pa rA dzi te wa sh+yaM ka ri ne tra b+h+ra ma NI ye huM hU~M phaT/__oM na mo bi Sha ni sho Sha ni ro Sha ni kro d+hi ka rA li nI huM hU~M phaT/__oM na mo s+t+ra sa ni mA ra Ni su pra b+hai da ni a pa rA dzA yai huM hU~M phaT/__oM na mo bi dza ye dzam+b+ha ni stam+b+ha ni mo ha ni huM hU~M phaT/__oM na mo badz+ra wA rA hI baM ma hA yo gi nI kA me shwa ri kha ge huM hU~M phaT/__ces yum gyi rkang brgyad dang /__dpal ldan rdo rje mkha' 'gro ma sogs sh+lo ka gnyis kyis bstod/__rgyas par spro na/__ye shes chen po'i mdzod 'dzin sogs ngor chen rdo rje 'chang chen pos mdzad pa'ang bya/__bsdu na/__dpal ldan rdo rje mkha' 'gro sogs dang /__bcom ldan 'das mas sogs kyis gsol ba gdab/__gtor ma dkyus su 'dir 'bul bar gsungs kyang bdag 'jug gi rjes su 'bul ba stabs bde bas phyag len la de ltar mdzad/__bum pa dkyus ltar bsgrub/__/bdag 'jug ni/__rang gi mdun du maN+Dal dang me tog sogs bsham/__ji ltar bltams pa sogs nas/__shri ye hU~M zhes brjod cing bum chus khrus bya/__oM badz+ra b+hU mi sogs maN+Dal tshom bu bdun ma'i mthar/__ma tshang ba med pa 'di nyid bla ma dang rje btsun rdo rje rnal 'byor ma tha mi dad pa la 'jug pa'i chos rnams zhu ba'i yon du sogs me tog dang bcas pas thal mo sbyar te/__gang gi drin gyis sogs nas/__brlab tu gsol/__lan gsum/__A khaM bI ra hU~M lan gnyis kyis gdong bcings shing /__me tog gi phreng ba blang bar mos/__mdun bskyed kyi rnal 'byor ma'i thugs ka nas khro mo khaN+Da ro hI'i tshogs dpag tu med pa spros te rang nyid la bar du gcod pa'i bgegs dang log par 'dren pa thams cad rgyang ring du bskrad par gyur/__sum+b+ha sogs brjod cing bum chu gtor/__oM AHhU~M gis bdud rtsi myong bas nang khams kyi bar chad thams cad sbyangs shing bde ba chen pos byin gyis brlabs par bsam/__rang gi snying gar zla ba'i dkyil 'khor gyi steng du rdo rje dkar po rtse lnga pa 'od zer 'phro ba dang bcas par gyur/__oM sarba sogs/__snying gar rdo rje bzhag la/__su ra ti sogs kyis bden gnyis dbyer med du sems bskyed cing brtan par mos/__spyi bor rdo rje bzhag la/__deng khyod sogs/__me tog dang bcas pas thal mo sbyar te dkyil 'khor gyi phyogs la mgo dud tsam dang bcas/__dzaHhU~M ba~M hoHzhes brjod pas rang nyid sin+d+hU ra'i dkyil 'khor gyi shar phyogs su 'khod par mos te/__mdun bskyed tshogs zhing rgya mtshos bskor ba'i spyan sngar rgyun bshags/__sdom bzung /__khyad par gyi dam tshig bzung ba rnams so sor lan gsum re bya/__dkyil 'khor gyi gtso mo bcom ldan 'das ma'i thugs ka nas 'od zer bsam gyis mi khyab pa 'phros/__rang gi lus kyi phyi nang thams cad la phog pas tshe thog ma med pa nas bsags pa'i nad gdon sdig sgrib thams cad bsregs sbyangs/__'od zer rnams tshur 'dus te rang gi lte ba'i nang du e las chos kyi 'byung gnas gru gsum nyis brtsegs kyi nang du/__a las zla ba'i dkyil 'khor gyi steng du ba~M yig sogs nas zhes pas dmar khyil gyis bskor bar gyur/__de las 'od zer 'phros pas snod kyi 'jig rten thams cad gzhal yas khang dang /__bcud kyi sems can thams cad rje btsun rdo rje rnal 'byor ma'i skur gyur 'od zer rnams tshur 'dus te lte ba'i ba~M yig sngags phreng dang bcas pa la thim/__de yongs su gyur pa las rang nyid rje btsun rdo rje rnal 'byor ma pad+ma dang nyi ma'i gdan zhes sogs nas tsaN+Di kA'i ngo bo zhes brjod nas slob dpon khyod kyis de bzhin gshegs pa thams cad kyi sku gsung thugs yon tan phrin las kyi dngos grub dang /__'jig rten dang 'jig rten las 'das pa'i dngos grub rnams stsal zhing brtan par mdzad du gsol/__/zhes lan gsum/__mdun bskyed kyi thugs ka nas rje btsun ma'i sku gsung thugs yon tan phrin las thams cad gcig tu bsdus pa'i ngo bo rje btsun ma'i sku mthe bong gi tshad tsam pa mar me gcig las gnyis chad kyi tshul gyis byung ste rang gi zhar du zhugs/__mgrin pa dang snying ga nas dmar hril gyis song ba lte ba'i chos 'byung nyis brtsegs kyi dbus kyi ba~M yig la thim pa de yongs su gyur pa las rje btsun rdo rje rnal 'byor ma'i sku ru gyur/__des lus kyi gnas nyi shu rtsa bzhir bde ba'i gar stabs bsam gyis mi khyab pa bsgyur ba dang /__nang gi chos 'byung gi grwa bzhi dang /__phyi'i smin mtshams kyi thad rnams su dga' ba 'khyil ba g.yon phyogs su 'khor ba la sems gtad pas/__de'i tshe phyogs bcu'i sangs rgyas dang byang chub sems dpa' bsam gyis mi khyab pa spyan drangs te rang gi lus la thim pas rgyud byin gyis brlabs par gyur/__oM gsum ma brjod cing /__gu gul gyis bdug__/rol mo'i sgra sbyar/__spyi bor rdo rje rgya gram gyi tshul du bzhag cing /__tiSh+Tha badz+ras brtan par bya/__me tog gi phreng ba rje btsun mar phul ba'i mos pas/__oM pra tIts+tsha badz+ra hoH__zhes brjod cing dor ba'i tshul bya/__slar yang spyi bor bzhag par mos te/__oM pra tI gr-ih+Na sogs brjod/__oM badz+ra nai tra sogs brjod la mig dar dbye ba'i tshul bya/__sin+d+hU ra'i dkyil 'khor rten dang brten par bcas pa mngon sum bzhin du mthong bar gyur ces brjod cing bsams pa rnams ni 'jug pa'i chos 'khor dang bcas pa'o/__/dngos gzhi'i dbang gi slad du/__maN+Dal gling bzhi ri rab nyi zla zung gcig lha mi'i dpal 'byor phun sum tshogs pa ma tshang ba med pa 'di nyid bla ma dang rdo rje rnal 'byor ma tha mi dad pa la dngos gzhi'i chos rnams sogs/__thal mo sbyar te/__rnal 'byor ma dpal sogs lan gsum gyis gsol ba gdab/__sin+d+hu ra'i dkyil 'khor gyi shar phyogs su dbang stegs rin po che'i khri pad+ma dang nyi ma'i gdan gyi steng du/__rang nyid rje btsun rdo rje rnal 'byor ma'i sku can du gsal ba'i steng du bla bre/__g.yas su gdugs/__g.yon du rgyal mtshan/__mtha' skor du mchod pa'i tshogs bsam gyis mi khyab pas bskor ba/__phaiM thugs ka'i sa bon las 'od zer 'phros pas dbang gi lha 'khor lo bde mchog lha drug cu rtsa gnyis mdun gyi nam mkhar byon/__rdor dril 'dzin pas me tog gtor zhing /__bkra shis gang zhig sogs nas/__'dren pa des kyang bde mchog la gnas bkra shis shog__/ces brjod nas/__bum pa spyi bor bzhag cing /__ji ltar bltams pa sogs nas a b+hi Shiny+tsa hU~M/__zhes gsung zhing bum pa'i chus spyi bo nas dbang bskur bas spyi gtsug nas rkang mthil yan chad gang /__dri ma thams cad dag__/dbang thams cad thob/__chu'i lhag ma yar lud pa las rnam par snang mdzad kyis dbur brgyan/__dbang gi lhas/__oM su pra tiSh+Tha badz+rA ya swA hAs spyi bor me tog bzhag par bsam/__rje btsun ma'i thugs ka'i sngags phreng las sngags kyi phreng ba bsam gyis mi khyab pa byung ste zhal nas 'thon/__rang gi zhal du zhugs sa bon gyi mthar g.yon skor du 'khod par gyur/__oM gsum ma lan gsum bzla/__bcom ldan bdag la sogs lan gsum brjod cing me tog gtor/__bcom ldan 'di la sogs lan gsum brjod cing me tog rang gi spyi bor bzhag__/sin+d+hu ra'i rdul tshon gnas gsum du reg pas byin rlabs kyi rgyun brtan par mos te oM gsum ma lan gsum brjod/__de ltar na bum pa'i dbang sogs nas/__rgyud la bzhag pa yin no/__/gsang dbang gi slad du/__mdun gyi rje btsun ma'i mkha' gsang nas byang sems dkar dmar bsam gyis mi khyab pa byung ba thod pa'i bdud rtsi dang 'dres pa de nyid rang gi lce thog tu bzhag par bsams la/__oM gsum ma dang /__oM AHhU~M zhes brjod cing bdud rtsi myangs pas rang bzhin brgyad cu'i rnam rtog rags rim dbyings su 'gags pa'i gsal stong bde bas brgyan pa'i ting nge 'dzin rgyud la skyes par mos/__de ltar na gsang ba'i dbang sogs nas/__bzhag pa yin no/__/shes rab ye shes kyi dbang gi slad du/__sin+d+hU ra'i dkyil 'khor nas blangs pa'i rdul tshon gyis rang gi gnas bzhir reg pas nam mkhar bzhugs pa'i 'khor lo bde mchog yab yum snyoms par zhugs pa'i sbyor mtshams nas byang sems dkar dmar dpag tu med pa byung /__rang rje btsun mar gsal ba'i mkha' gsang nas zhugs te/__gnas bzhir drangs pas dga' bzhi'i ye shes rgyud la skyes par mos te 'khyud rgya dang bcas pas/__oM sarba sogs brjod/__de ltar na shes rab ye shes kyi sogs nas/__bzhag pa yin no/__/dbang bzhi pa'i slad du/__mdun gyi rje btsun mas gsungs par bsams la/__dngos po med pa'i nas/__bsgom zhes brjod cing de'i don bde stong nam mkha' lta bu'i ngang du cung zad re mnyam par gzhag__/de ltar na dbang bzhi pa sogs nas/__bzhag pa yin no/__/gtso bos ji ltar sogs/__oM badz+ra b+hU mi nas/__dbang yongs su rdzogs par thob pa'i bka' drin gtang rag tu dbul bar sogs dang /__deng nas brtsams te sogs brjod/__gtor ma bsang sbyang byin brlabs la/__sgrub thabs ltar 'bul zhing 'dod don gsol/__gtor ma gnyis pa chos skyong gi gtor bsngo rgyas bsdus gang rigs dang /__gsum pa mkha' 'gro spyi gtor gyi tshogs 'bul/__bsdu na chos srung la logs su ma phul kyang rung /__de nas slob ma la bya ba'i rim pa ni byin rlabs kyi dkyus su gsal ba ltar ma 'khrul bar bgyis bas grub/__gsum pa rjes ni/__byin rlabs kyi cho ga'i dkyus ltar la/__bkra shis ni tshigs bcad kyi mtshams su dril bu gsil zhing me tog 'thor ba dang bcas/__bkra shis gang zhig chos kyi dbyings las legs byung ba/__/he ru ka dpal 'jigs byed rgyal po 'bar ba'i sku/__/shes rab phag mo'i pad+mar rdo rje rol mdzad pa'i/__/bden pa des kyang bde mchog la gnas bkra shis shog__/he ru ka dpal 'bar ba'i sku mnga' ba/__/ha ha'i gad rgyangs sa gsum g.yo bar byed/__/hU~M hU~M phaT phaT bdud kyi klad 'gems pa'i/__/bde mchog 'khor lo'i bkra shis deng 'dir stsol/__/e wa~M mnyam par sbyor ba sngags kyi sku/__/A li kA li gnyis med rol pa'i gsung /__/oM gyi ngo bor son pa'i thugs mnga' ba/__/rdo rje phag mo'i bkra shis deng 'dir stsol/__/zhes dang /__gzhan yang shis brjod ji ltar rigs pas bde legs su bya zhing /__las kyi rjes mi mngon par bsdu'o/__skabs gzhan tu sgrub mchod rgyas par bya bar 'dod na'ang cho ga'i 'gros spyir gong ltar la/__mchod phreng dang /__bstod pa sogs kha 'phangs su byas pa rnams sbyar ba tsam gyis legs par grub pa yin no/__/tshogs kyi mchod pa mdor bsdus byed na/__tshogs bsags par 'dod na yar ngo'i tshes bcu dang /__sgrib pa sbyong ba la mar ngo'i tshes bcur/__sbyor ba'i skabs gzhan 'dra ba la/__dkyil 'khor gyi nye logs gang bde ram da na dang chang bA sha la gtso bor gyur pa'i bza' bca' btung ba'i yo byad ci 'byor pa gtsang zhing bkod pas mdzes par bshams/__dngos gzhi bdag 'jug gtor bsngo yan legs par grub nas/__tshogs kyi yo byad rnams la nang mchod chu chang gis sbyang /__slob dpon gyis rdo rje'i rtses nang mchod gtor/__bsang sbyang byin rlabs gtor ma ltar bya zhing /__oM AHhU~M dang ha hoHhrIHlan mang du brjod pas bdud rtsir bsgyur ba'i dmigs pa nan tan tu bya/__de nas phud snod gtsang mar blugs la dkyil 'khor gyi mdun tu bzhag__/gtor ma rnams la'ang phul/__slar yang bdud rtsis bran/__gang gi drin gyis sogs bla ma la phyag 'tshal ba sngon tu 'gro bas/__oM gsum ma'i sngags kyi mthar a kA ro btags pa lan gsum mam lngas yi dam dang /__chos skyong la so so'i gtor sngags sam/__bsdu na/__oM shrI badz+ra d+harma pA la sa pa ri wA ra a kA ro sogs lan gsum dang /__mkha' 'gro spyi gtor gyi sngags kyis phul/__tshogs pa yod na zhu 'bul spyi ltar dang bcas bza' btung gi tshogs rnams rnal 'byor pa rnams kyi mdun du bstar/__spro na ma da na bdud rtsir bsam pa'i phud/__rdo rje 'chang chen sogs kyis nang mchod kyi skabs ltar 'bul/__gang ltar yang snying ga'i ba~M yig sangs rgyas thams cad 'dus pa'i ngo bor mchod par bsams la/__a ho su kha zhes brjod cing lag g.yon pas blangs te zhen pa med par longs spyod/__lhag ma rnams bsdus la lag pa 'bar ba'i phyag rgya byas pa'i bar nas/__phaiM/__zhes brjod pa dang bstun/__ma da na'i kha phru gdab/__slar yang nang mchod chu chang gis bran/__oM AHhU~M gis bdud rtsi'i rgya mtshor byin gyis brlab/__oM kha kha khA hi khA hi uts+tshi Sh+ta ba lin+ta b+hak+Sha sI swA hA/__zhes lan gsum mam bdun gyis byin pas 'byung po thams cad tshims par bsams la/__mtshan mo yin na dpal 'bar dang bcas lam gyi gzhi mdor dor/__shes na brtag gnyis las 'byung ba'i kol+la i re sogs kyi rdo rje'i glu'am/__bde mchog las gsungs pa'i dpyid kyi rgyal mo'i glu blang /__gang ltar yang rol mo'i sgra dang bcas/__bkra shis gang zhig sogs kyi mthar/__'chi tshe mgon dang sogs smon lam gang shes gdab/__de nas rjes chog dkyus ltar bya'o/__/sbyin sreg gi cho ga ni paN chen nam mkha' dpal bzang gi gsung rab ltar la/__sdig sgrib sbyong ba'i slad du mar me'i sbyin sreg byed par 'dod na/__kong bu yangs par ras dmar gyi ldong bu sbom po btsugs/__mar dkar gyi khu bas dgang /__de'i mdun tu 'byor na zlum gtor gcig dang /__mchod pa lnga bsham/__bdag bskyed bzlas pa dang bcas pa bya ba'am/__thun mtshams kyi lha rdo rje rnal 'byor mar dran pa tsam gyis kyang rung ste/__gang ltar yang mar me sbar la/__sum+b+has bsang /__swa b+hA bas sbyang /__stong pa'i ngang las ba~M yig dmar po yongs su gyur pa las skad cig gis rje btsun rdo rje rnal 'byor ma sogs nas/__tsaN+Di kA'i ngo bo/__phaiM/__thugs ka'i nas/__dzaHhU~M ba~M hoH__mdun bskyed la gnyis su med par thim zhes pa'i bar gyis gsal gdab/__de nas mdun du bsreg rdzas til nag po bzhag la/__bdag gis tshe thog ma med pa nas bsags pa'i sdig sgrib thams cad sna sgo nas sdig pa rwa can gyi rnam pas thon te mdun gyi til la thim/__oM AHhU~M gis bdud rtsir bsgyur ba de nyid rje btsun ma'i zhal du phul bas sdig sgrib thams cad sbyangs par bsams la mtheb srin gyis blangs te/__oM badz+ra DA ki kha kha khA hi khA hi sarba pA paM shAn+tiM ku ru swA hA/__zhes sam/__oM gsum ma'i mthar/__sarba pA paM sogs btags pa gang yang rung bas mar me ma zad bar du phul/__mar me zad par brtsams pa na mchod gtor yod na oM AHhU~M gis byin gyis brlab/__oM badz+ra puSh+pe AHhU~M sogs kyis phyi mchod dang /__oM AHhU~M gis nang mchod phul/__dpal ldan rdo rje mkha' 'gro sogs kyis bstod/__gtor ma bsang sbyang byin rlabs sgrub thabs ltar phul/__gang ltar yang /__bcom ldan 'das mas bdag gi sdig pa dang sgrib pa thams cad byang zhing dag par mdzad du gsol/__/zhes gsol ba gdab/__yi ge brgya pa lan gsum gyi mthar/__ma 'byor ba dang sogs kyis bzod par gsol/__badz+ra muHsa ye shes pa gshegs/__dam tshig pa rang la thim/__bsngo smon shis brjod dkyus ltar byas la/__mar me'i ro ma chu bo chen po'am gtsang sar dor ro/__/'di ni sdig sgrib thams cad 'dag pa dang /__rje btsun ma'i byin rlabs 'jug pa'i thabs khyad par can yin par gsungs so/__/gzhan yang lam gyi cha rkyen pra se nA dbab pa sogs las tshogs phra mo rnams ni deng sang lag len tu 'debs mkhan nyung bas 'dir ma bris te/__rtogs par 'dod na yig rnying sogs las shes par bya'o/__/zhes mkhyen rab kyi dbang phyug thar rtse paN+Di ta chen po nam mkha' dpal bzang gi gsung byin rlabs kyi cho ga'i zhabs tog tu dmigs te/__'phags pa rin po che'i gsung rab dang /__mkhan chen bkra shis lhun grub kyi zur 'debs sogs kyi dgongs pa ji lta bar mdor bsdus snying por dril ba'i tshul gyis bya bral ba 'jam dbyangs mkhyen brtse'i dbang pos sbyar ba'i dge bas bdag dang mtha' yas pa'i sems can thams cad rje btsun rdo rje rnal 'byor ma'i go 'phang mchog la myur du reg pa'i rgyur gyur cig__/sarba dA ka l+yA NaM b+ha ba tu//___//__!_