བློ་གྲོས་གསར་བུ་ལ་ཕན་པའི་རྣམ་གྲངས་ཉུང་ངུ་།

🚧 This website is under continued development. We appreciate your patience!

Previous Text Back to Volume PageNext Text

Wylie title	blo gros gsar bu la phan pa'i rnam grangs nyung ngu
Location	mkhyen brtse'i bka' 'bum Volume 5, sde tshan 4, Text 3, Pages 583-587 (Folios 6a3 to 8a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. blo gros gsar bu la phan pa'i rnam grangs nyung ngu. In 'jam dbyangs mkhyen brtse'i dbang po'i bka' 'bum, Vol. 5: 583-587. Khams sde dge rdzong sar dgon: Rdzong sar blo gros phun tshogs, 2020.
Genre	Enumerated Lists - rnam grangs

1 Texts in this Section (sde tshan or chos tshan)

3 583-587	བློ་གྲོས་གསར་བུ་ལ་ཕན་པའི་རྣམ་གྲངས་ཉུང་ངུ་། blo gros gsar bu la phan pa'i rnam grangs nyung ngu Enumerated Lists - rnam grangs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བློ་གྲོས་གསར་བུ་ལ་ཕན་པའི་རྣམ་གྲངས་ཉུང་ངུ་བཞུགས། །ན་མོ་བུདྡྷཱ་ཡ། ཕྱི་ནང་གི་ཁྱད་པར་ནི། འདུས་བྱས་མི་རྟག །ཟག་བཅས་སྡུག་བསྔལ། མྱང་འདས་ཞི་བར་ཁས་མི་ལེན་པ་ཕྱི་པ། ལེན་པ་ནང་པའོ། །དེ་ལས་ཀྱང་གཙོ་བོར་དཀོན་མཆོག་གསུམ་ལ་སྐྱབས་སུ་འགྲོ་བ་ནང་པ། མི་འགྲོ་བ་ཕྱི་པའོ། །ནང་པའི་གྲུབ་མཐའ་སྨྲ་བ་ལ་ཐེག་དམན་དང་། ཐེག་ཆེན་གཉིས་ཏེ། དེ་ཡང་ཕྱི་དོན་བདེན་གྲུབ་ཏུ་འདོད་པ་ཐེག་དམན། མི་འདོད་པ་ཐེག་ཆེན་ནོ། །ཐེག་དམན་ལའང་བྱེ་མདོ་གཉིས་ལས། དོན་ཤེས་ཐུག་ཕྲད་ཅེར་མཐོང་དུ་འཛིན་པར་འདོད་པ་བྱེ་སྨྲ། དོན་ཤེས་པའི་ལྐོག་གྱུར་དུ་འདོད་པ་མདོ་སྡེ་པའོ། །ཐེག་ཆེན་ལའང་དབུ་སེམས་གཉིས་ལས། སེམས་བདེན་པར་རྟོགས་པ་སེམས་ཙམ་དང་། སེམས་ཀྱང་བདེན་མེད་དུ་རྟོགས་པ་དབུ་མ་པའོ། །སེམས་ཙམ་ལའང་རྣམ་བདེན་རྫུན་གཉིས་ལས། སྣང་བ་སེམས་ཡིན་པ་གང་ཞིག །རྣམ་པ་ཙམ་དུ་བདེན་པར་འདོད་པ་རྣམ་བདེན་དང་། རྣམ་པ་དེ་ཡང་རྫུན་པར་འདོད་པ་རྣམ་རྫུན་པའོ། །དབུ་མ་ལའང་ཐལ་རང་གཉིས་ལས། རང་རྒྱུད་ཀྱི་གཏན་ཚིགས་འགོད་ཅིང་སྟོང་ཉིད་སོགས་སུ་ཁས་ལེན་པ་རང་རྒྱུད་པ་དང་། ཁས་ལེན་གྱི་སྤྲོས་པ་ཉེ་བར་ཞི་བ་ཐལ་འགྱུར་བའོ། །མདོ་སྔགས་ཀྱི་ཁྱད་པར་ནི། མ་རྨོངས་པ་དང་། ཐབས་མང་བ་དང་། དཀའ་བ་མེད་པ་དང་། དབང་པོ་རྣོན་པོའི་དབང་དུ་བྱས་པ་སྟེ་ཁྱད་ཆོས་བཞིས་སྔགས་ཀྱི་ཐེག་པ་ཁྱད་པར་འཕགས་སོ། །སྔགས་ལའང་རྒྱུད་སྡེ་བཞི་ལས། བདག་ཐ་མལ་པའི་མདུན་དུ་ལྷ་བསྐྱེད་ནས་རྗེ་དཔོན་ལྟ་བུའི་ཚུལ་གྱིས་དངོས་གྲུབ་དོན་དུ་གཉེར་བ་བྱ་རྒྱུད། བདག་མདུན་གཉིས་ཀ་ལྷར་བལྟས་ནས་གྲོགས་པོ་ལྟ་བུའི་ཚུལ་གྱིས་དངོས་གྲུབ་ལེན་པ་སྤྱོད་རྒྱུད། བདག་དམ་ཚིག་པར་ལྷ་ཡེ་ཤེས་པ་བཅུག་ནས་ཕྱག་རྒྱ་བཞིས་རྒྱས་བཏབ་སྟེ་ཐུན་མཚམས་སུ་ཕྱག་རྒྱ་དཀྲོལ་བས་ཡེ་ཤེས་པ་གཤེགས་ཏེ་རང་ཐ་མལ་པར་གནས་པ་རྣལ་འབྱོར། ཐུན་དང་ཐུན་མཚམས་ཐམས་ཅད་དུ་དམ་ཡེ་དབྱེར་མེད་པའི་ལྷ་དང་བདེ་བ་ཆེན་པོའི་ཡེ་ཤེས་ཀྱི་ཁྱད་པར་བྱས་པ་ནི་བླ་མེད་དོ། །སྔགས་ལམ་གྱི་ངོ་བོ་སྨིན་བྱེད་ནི་ཡེ་ཤེས་སྐྱེ་བའི་སྣོད་དང་། གྲོལ་བྱེད་ནི་ཡེ་ཤེས་དངོས་སུ་བསྐྱེད་པའི་ཐབས་ཏེ་དེའང་གཙོ་བོའི་སྒོ་ནས་སོ། །གྲོལ་བྱེད་བསྐྱེད་རིམ་ལ། དྲོད་གཤེར་སྐྱེས་སྦྱོང་བ་མངོན་བྱང་ལྔ་བསྐྱེད། སྒོང་སྐྱེས་སྦྱོང་བ་ས་བོན་ཐིག་ལེ་ལས་བསྐྱེད་པ། མངལ་སྐྱེས་སྦྱོང་པ་མངལ་འབྱིན། རྫུས་སྐྱེས་སྦྱོང་བ་སྐད་ཅིག་དྲན་རྫོགས་ཏེ་བཞི་ལས། དེ་རེ་རེས་ཀྱང་ཤུགས་ཀྱིས་ཐམས་ཅད་སྦྱོང་ངོ་། །རྫོགས་རིམ་ལ། དབང་བར་བ་གཉིས་ཀྱི་ལམ་མཚན་བཅས་དང་། ཕྱི་མའི་ལམ་མཚན་མེད་དེ། འོན་ཀྱང་སོ་སོ་ལའང་མཚན་བཅས་དང་མཚན་མེད་རགས་ཕྲའི་དབང་གིས་དབྱེ་བ་མཐའ་ཡས་སོ། །རྟོགས་པའི་འོད་གསལ་མཐར་ཐུག་པ་ནི་སངས་རྒྱས་ཆོས་ཀྱི་སྐུ་སྟེ། དེ་ལ་ལྟོས་ན་སློབ་པའི་འོད་གསལ་ཐམས་ཅད་ཉམས་ཀྱི་འོད་གསལ་ལོ། །སློབ་པ་ལའང་ཉིན་པར་ཉམས་དང་། མཚན་མོ་རྟོགས་པ། ཉིན་པར་འོད་གསལ་གྱི་ཚོགས་དྲུག་གི་སྣང་བ་མ་ནུབ་པ་ཉམས། ནུབ་པ་རྟོགས་པ། མཚན་མོ་སྣང་གསུམ་རྫོགས་པར་མ་ཐིམ་པ་ཉམས། ཐིམ་པ་རྟོགས་པ་སོགས་ནང་གསེས་ཀྱི་དབྱེ་བ་མང་ངོ་། །གཞི་ལམ་འབྲས་བུའི་ཕྱག་ཆེན་ནི། སེམས་མ་བཅོས་པའི་གནས་ལུགས་གཞི། དེ་རང་ངོ་འཕྲོད་པ་ལམ། མངོན་དུ་གྱུར་པ་འབྲས་བུའོ། །ཆེན་པོ་གསུམ་ནི། སྣང་བ་གཙོར་བཏོན་རྫོགས་ཆེན། སྟོང་པ་གཙོར་བཏོན་དབུ་མ། ཟུང་འཇུག་གཙོར་བཏོན་ཕྱག་ཆེན་ནོ། །ཕྱག་རྒྱ་ཆེན་པོའི་རྣལ་འབྱོར་བཞི་ནི། སེམས་སྟོང་གསལ་དུ་གནས་པ་རྩེ་གཅིག །རང་ངོ་ཇི་བཞིན་མཐོང་བ་སྤྲོས་བྲལ། སྣང་སེམས་ཟུང་དུ་ཆུད་པ་རོ་གཅིག །མཚན་མ་ཐམས་ཅད་ཟད་པ་བསྒོམ་མེད་དོ། །དེས་ལམ་ལ་སྦྱོར་ལུགས་རེ་ཞིག་རྩེ་གཅིག་ཚོགས་སྦྱོར། སྤྲོས་བྲལ་མཐོང་ལམ། རོ་གཅིག་མ་དག་ས་བདུན། སྒོམ་མེད་དག་ས་ལ་སྦྱོར་བར་སྣང་ངོ་། །སྡོམ་པ་གསུམ་ནི། གཞན་གནོད་གཞིར་བཅས་སྤང་བ་སོ་ཐར། གཞན་ཕན་ཅི་ནུས་བསྒྲུབ་པ་བྱང་སེམས། གཉིས་ཀ་ལྷ་དང་ཡེ་ཤེས་ཀྱི་རྩིས་ཟིན་པ་གསང་སྔགས་བླ་མེད་ཀྱི་སྡོམ་པའོ། །ཕ་རོལ་ཏུ་ཕྱིན་པ་ལས་གོ་ཆས་སྒྲུབ་པའི་སྐབས་སུ་དྲུག་ཀ་རེ་རེར་བསྡུས་ཏེ་ཉམས་སུ་ལེན་པའི་ཚུལ་ཡོད་པ་ལྟར། སྔགས་སུ་ཡི་དམ་ལྷའི་སྒོམ་བཟླས་བསྡུས་པ་རེ་རེའང་ལམ་ལྔ་དང་སྦྱར་ཏེ་བསྒོམ་པའི་ཚུལ། དང་པོ་སྐྱབས་སེམས་དང་ཚོགས་ཞིང་ལ་ཡན་ལག་བདུན་པས་ཚོགས་བསགས་པ་ཚོགས་ལམ་དང་། སྦྱོར་ལམ། སྭ་བྷཱ་ཝ་སོགས་ཀྱིས་སྔགས་ཀྱིས་གཟུང་འཛིན་ལྟར་སྣང་བ་ཐམས་ཅད་སྦྱངས་བའི་སྟོང་ཉིད་ནི་མཐོང་ལམ། དེ་ལས་གཟུགས་ཀྱི་སྐུར་བལྟ་བ་ནི་སྒོམ་ལམ་ས་བརྒྱད། གནས་གསུམ་བྱིན་རླབས་དང་ཡེ་ཤེས་པ་གཞུག་པ་ནི་དག་པ་ས་གསུམ། དབང་བསྐུར་ནས་རིགས་བདག་གིས་རྒྱས་འདེབས་པ་ནི་སངས་རྒྱས་པ། བཟླས་པ་ཆོས་འཁོར་བསྐོར་བ། མཐར་འོད་གསལ་དུ་བསྡུ་བ་ནི་མྱ་ངན་ལས་འདས་པ། དེ་ལས་ཟུང་འཇུག་གི་སྐུར་ལྡང་ནས་སྤྱོད་ལམ་ལ་འཇུག་པ་ནི་མཛད་པ་རྒྱུན་མི་འཆད་པ་མཚོན་པ་ཡིན་ནོ། །དེ་ལྟར་འབྲས་བུའི་རྣམ་པ་ལམ་དུ་བྱས་པས་འབྲས་བུ་ཉིད་མྱུར་དུ་འགྲུབ་པ་ནི་སྔགས་ཀྱི་ཁྱད་ཆོས་བླ་ན་མེད་པའོ།། །། ༈

[edit]

blo gros gsar bu la phan pa'i rnam grangs nyung ngu / blo gros gsar bu la phan pa'i rnam grangs nyung ngu bzhugs/__/na mo bud+d+hA ya/__phyi nang gi khyad par ni/__'dus byas mi rtag__/zag bcas sdug bsngal/__myang 'das zhi bar khas mi len pa phyi pa/__len pa nang pa'o/__/de las kyang gtso bor dkon mchog gsum la skyabs su 'gro ba nang pa/__mi 'gro ba phyi pa'o/__/nang pa'i grub mtha' smra ba la theg dman dang /__theg chen gnyis te/__de yang phyi don bden grub tu 'dod pa theg dman/__mi 'dod pa theg chen no/__/theg dman la'ang bye mdo gnyis las/__don shes thug phrad cer mthong du 'dzin par 'dod pa bye smra/__don shes pa'i lkog gyur du 'dod pa mdo sde pa'o/__/theg chen la'ang dbu sems gnyis las/__sems bden par rtogs pa sems tsam dang /__sems kyang bden med du rtogs pa dbu ma pa'o/__/sems tsam la'ang rnam bden rdzun gnyis las/__snang ba sems yin pa gang zhig__/rnam pa tsam du bden par 'dod pa rnam bden dang /__rnam pa de yang rdzun par 'dod pa rnam rdzun pa'o/__/dbu ma la'ang thal rang gnyis las/__rang rgyud kyi gtan tshigs 'god cing stong nyid sogs su khas len pa rang rgyud pa dang /__khas len gyi spros pa nye bar zhi ba thal 'gyur ba'o/__/mdo sngags kyi khyad par ni/__ma rmongs pa dang /__thabs mang ba dang /__dka' ba med pa dang /__dbang po rnon po'i dbang du byas pa ste khyad chos bzhis sngags kyi theg pa khyad par 'phags so/__/sngags la'ang rgyud sde bzhi las/__bdag tha mal pa'i mdun du lha bskyed nas rje dpon lta bu'i tshul gyis dngos grub don du gnyer ba bya rgyud/__bdag mdun gnyis ka lhar bltas nas grogs po lta bu'i tshul gyis dngos grub len pa spyod rgyud/__bdag dam tshig par lha ye shes pa bcug nas phyag rgya bzhis rgyas btab ste thun mtshams su phyag rgya dkrol bas ye shes pa gshegs te rang tha mal par gnas pa rnal 'byor/__thun dang thun mtshams thams cad du dam ye dbyer med pa'i lha dang bde ba chen po'i ye shes kyi khyad par byas pa ni bla med do/__/sngags lam gyi ngo bo smin byed ni ye shes skye ba'i snod dang /__grol byed ni ye shes dngos su bskyed pa'i thabs te de'ang gtso bo'i sgo nas so/__/grol byed bskyed rim la/__drod gsher skyes sbyong ba mngon byang lnga bskyed/__sgong skyes sbyong ba sa bon thig le las bskyed pa/__mngal skyes sbyong pa mngal 'byin/__rdzus skyes sbyong ba skad cig dran rdzogs te bzhi las/__de re res kyang shugs kyis thams cad sbyong ngo /__/rdzogs rim la/__dbang bar ba gnyis kyi lam mtshan bcas dang /__phyi ma'i lam mtshan med de/__'on kyang so so la'ang mtshan bcas dang mtshan med rags phra'i dbang gis dbye ba mtha' yas so/__/rtogs pa'i 'od gsal mthar thug pa ni sangs rgyas chos kyi sku ste/__de la ltos na slob pa'i 'od gsal thams cad nyams kyi 'od gsal lo/__/slob pa la'ang nyin par nyams dang /__mtshan mo rtogs pa/__nyin par 'od gsal gyi tshogs drug gi snang ba ma nub pa nyams/__nub pa rtogs pa/__mtshan mo snang gsum rdzogs par ma thim pa nyams/__thim pa rtogs pa sogs nang gses kyi dbye ba mang ngo /__/gzhi lam 'bras bu'i phyag chen ni/__sems ma bcos pa'i gnas lugs gzhi/__de rang ngo 'phrod pa lam/__mngon du gyur pa 'bras bu'o/__/chen po gsum ni/__snang ba gtsor bton rdzogs chen/__stong pa gtsor bton dbu ma/__zung 'jug gtsor bton phyag chen no/__/phyag rgya chen po'i rnal 'byor bzhi ni/__sems stong gsal du gnas pa rtse gcig__/rang ngo ji bzhin mthong ba spros bral/__snang sems zung du chud pa ro gcig__/mtshan ma thams cad zad pa bsgom med do/__/des lam la sbyor lugs re zhig rtse gcig tshogs sbyor/__spros bral mthong lam/__ro gcig ma dag sa bdun/__sgom med dag sa la sbyor bar snang ngo /__/sdom pa gsum ni/__gzhan gnod gzhir bcas spang ba so thar/__gzhan phan ci nus bsgrub pa byang sems/__gnyis ka lha dang ye shes kyi rtsis zin pa gsang sngags bla med kyi sdom pa'o/__/pha rol tu phyin pa las go chas sgrub pa'i skabs su drug ka re rer bsdus te nyams su len pa'i tshul yod pa ltar/__sngags su yi dam lha'i sgom bzlas bsdus pa re re'ang lam lnga dang sbyar te bsgom pa'i tshul/__dang po skyabs sems dang tshogs zhing la yan lag bdun pas tshogs bsags pa tshogs lam dang /__sbyor lam/__swa b+hA wa sogs kyis sngags kyis gzung 'dzin ltar snang ba thams cad sbyangs ba'i stong nyid ni mthong lam/__de las gzugs kyi skur blta ba ni sgom lam sa brgyad/__gnas gsum byin rlabs dang ye shes pa gzhug pa ni dag pa sa gsum/__dbang bskur nas rigs bdag gis rgyas 'debs pa ni sangs rgyas pa/__bzlas pa chos 'khor bskor ba/__mthar 'od gsal du bsdu ba ni mya ngan las 'das pa/__de las zung 'jug gi skur ldang nas spyod lam la 'jug pa ni mdzad pa rgyun mi 'chad pa mtshon pa yin no/__/de ltar 'bras bu'i rnam pa lam du byas pas 'bras bu nyid myur du 'grub pa ni sngags kyi khyad chos bla na med pa'o//___//__!_