JKW-KABUM-04-NGA-001-038

Previous Text Back to Volume PageLast text in section.

འཆི་མེད་འཕགས་མའི་སྙིང་ཏིག་གི་བསྙེན་པའི་སྐབས་སོགས།

Wylie title	'chi med 'phags ma'i snying tig gi bsnyen pa'i skabs sogs
Location	mkhyen brtse'i bka' 'bum Volume 4, sde tshan 1, Text 38, Pages 713-717 (Folios 357a4 to 359a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. chi med 'phags ma'i snying tig gi bsnyen pa'i skabs sogs. In jam dbyangs mkhyen brtse'i dbang po'i bka' 'bum, Vol. 4: 713-717. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris

Tibetan Text

Wylie

[edit]

ཨོཾ་སྭ་སྟི། འཆི་མེད་འཕགས་མའི་སྙིང་ཏིག་གི་བསྙེན་པའི་སྐབས་ལམ་མོས་བསྒོམ་གཙོ་བོར་བཏོན་པའི་དབང་དུ་བྱས་ན་བསྙེན་སྒྲུབ་ལས་གསུམ་དང་སྦྱར་བའི་བསྙེན་པ་དཀྱུས་མ་དང་། ངེས་རྫོགས་ཁྱད་པར་ཅན་གྱི་དབང་དུ་བྱས་ན་བསྙེན་སྒྲུབ་ཡན་ལག་བཞིའི་སྒྲོམ་ནས་འདོན་པ་སོགས་རྣམ་གཞག་མང་པོ་མཆིས་ཀྱང་། སྐབས་དོན་ལས་བྱང་རང་གི་དངོས་བསྟན་ཙམ་གྱི་བསྙེན་སྒྲུབ་ལས་གསུམ་ལ། དུས་གྲངས་རྟགས་གསུམ་ལས། དུས་དབང་པོ་རབ་ཀྱི་དབང་དུ་བྱས་ཏེ་བསྙེན་པ་ལ་བདུན་གསུམ། སྒྲུབ་པ་ལ་བདུན་གཅིག །ལས་སྦྱོར་ལ་ཞག་གཅིག །དངོས་གྲུབ་བླང་བ་དང་བཅས་ཟླ་བ་གཅིག་ཏུ་གསུངས། འབྲིང་ལ་དེ་སུམ་འགྱུར་བྱས་པའི་ཟླ་བ་གསུམ། ཐ་མལ་ཟླ་བ་དྲུག་ཤུགས་ཀྱིས་ཐོབ། གྲངས་བསྙེན་ཀྱང་རབ་འབྲིང་ཐ་མའི་དབང་པོའི་ངོ་སྐལ་དུ་བྱས་ན། དེ་དང་དེའི་དུས་ཀྱི་ཡུན་ཚད་ལ་ཇི་ཙམ་གྲུབ་པ་ཡིན་མོད། སྤྱིར་བཏང་གྲངས་གཙོ་ཆེ་བའི་དབང་དུ་བྱས་ན། གཙོ་མོའི་ཡིག་བཅུ་འབྲུ་འབུམ། དྲིལ་སྒྲུབ་ཀྱི་བསྙེན་སྔགས་འབྲུ་བཅུ་དགུ་པ་འབུམ་ཕྲག་བདུན། ཡེ་ཤེས་སེམས་དཔའ་དང་། སྤྲུལ་པའི་སེམས་མའི་སྔགས་འབུམ་ཕྲག་བཞི་རེ། སྒྲོལ་མ་རིགས་བཞིའི་སྒྲུབ་སྔགས་འབུམ་ཕྲག་རེ་རེ། ལས་སྦྱོར་སྒྲོལ་མ་བཞིའི་སྔགས་ཁྲི་ཕྲག་བཞི་རེ་ཉུང་མཐའ་བྱས་པ་བཟླས་ན་གྲངས་བསྙེན་འབྲིང་པོ་དང། དུས་བསྙེན་དབང་པོ་འབྲིང་གི་ཟླ་བ་གསུམ་བཞི་མཐུན་པར་འགྱུར་བས་ཤིན་ཏུ་ལེགས། ལས་རུང་ཙམ་པ་ནི། གཙོ་མོའི་ཡིག་བཅུ་འབུམ་ཕྲག་བཞི། དྲིལ་སྒྲུབ་འབུམ་ཕྲག །ཡེ་སེམས་དང་སྤྲུལ་པའི་སྔགས་ཁྲི་བཞི། སྒྲུབ་སྔགས་ཁྲི་རེ། ལས་སྦྱོར་ཉིན་གཅིག་ཅི་འགྲུབ་བྱས་པས་དབང་པོ་རབ་ཀྱི་དུས་བསྙེན་དང་གཞི་མཐུན། རྟགས་བསྙེན་རབ་འབྲིང་ཐ་གསུམ་ནི་སྤྱི་ལྟར། ། ༈

དངོས་གྲུབ་ལེན་ལུགས་ནི་ཁྱད་པར་བ་ལ་སྒྲུབ་ཆེན་ཁོག་ཕུབ་དང་སྦྱར་བའི་ཚུལ་ཡོད་ཀྱང་། དཀྱུས་ཙམ་ལ་ལས་སྦྱོར་གྱི་སྔགས་གྲངས་དེ་རིང་ཐེམ་པའི་ནངས་པར་སྔ་བར་མཆོད་གཏོར་སོགས་གསར་པ་བཤམ། དངོས་གྲུབ་ཀྱི་རྫས་འདུ་བྱ། བཟླས་པ་རྫོགས་ནས་སྟོང་ཚིག་གིས་མཆོད་བསྟོད་རྗེས། དངོས་གྲུབ་བསྐུལ་བའི་ཛབྲ། དྲིལ་སྒྲུབ་མཐར། ཀཱ་ཡ་ཝཱ་ཀ྄་ཙིཏྟ་སོགས་བཏགས་པ་ཅི་རིགས་པ་བཟླ། དེ་ནས་ཡེ་ཤེས་སྐུ་མཆོག་གི་བཤགས་པ་དང་། གཞུང་གི་བྱིན་འབེབས་བཅས་སྔོན་དུ་འགྲོ་བས། མཆོད་བསྟོད་བྱས་པའི་མཐར། ཨོཾ༔ རྗེ་བཙུན་འཕགས་མ་སོགས་ཀྱིས་དངོས་གྲུབ་གསོལ་ཏེ། དམིགས་པ་སྤྱི་ལྟར་དང་བཅས་བུམ་པ་མགོ་བོར་བཞག་ཅིང་བུམ་ཆུ་མྱང་། བདུད་རྩི་མགྲིན་པར་བཞག་ཅིང་རོལ། ཚེ་འབྲང་སྙིང་གར་བཞག །ཐོད་པའི་རྫས་མྱོང་ཞིང་ལྷག་མ་ཡུན་དུ་བསྟེན་པ་སོགས་སྤྱི་ལྟར། དེ་ནས་ཚོགས་མཆོད་རྒྱས་པས་མཚོན་ལས་མཇུག་བསྡུ་བར་བྱ་བ་ཡིན་ནོ། ། ༈ ཡབ་གར་དབང་གི་སྐུ་མདོག་གཞུང་དུ། རང་འོད་ཐབས་མཆོག་གར་གྱི་དབང་༔ ཞེས་རང་གི་འོད་ལས་སྐྱེས་པའི་ཐབས་ཀྱི་སྣང་ཆ་ཡིན་པས་དཀར་པོ་ཡིན་པ་གཞིར་བཞག་ལ། ཡབ་ཡུམ་གོ་ལྡོག་ལྷན་སྐྱེས་འདི་རིགས་ཡུམ་ལས་ཡབ་ཆགས་ཉམས་ཆེ་བར་བཤད་པས་དམར་མདངས་ཆགས་པ་ཞིག་བསྒོམ་པ་དང་། བྲི་བའི་སྐབས་སུའང་འདི་ཁོ་ན་ལེགས། ། ༈ སྔགས་ཕྲེང་འཁོར་ལུགས། བསྙེན་པ་ལ་བཀོད་པ། ཉེ་བསྙེན་ལ་འཁོར་བ། སྒྲུབ་པ་ལ་དོ་ལི། སྒྲུབ་ཆེན་ལ་སྤྲོ་བསྡུ་གཙོ་བོར་གསུངས་མོད། དཀྱུས་ཙམ་ལ་བཀོད་པའི་དམིགས་པ་ཁོ་ནས་འཐུས། དེའི་ཚེ་ལྷ་མོའི་རིགས་དང་། མ་རྒྱུད་སྐོར་ཕལ་ཆེར་ལ་གཡོན་དུ་བཀོད་པ་ཤས་ཆེ་མོད། འདིར་ནི་གསར་མའི་རྒྱུད་སྒྲུབ་ཐབས་རྣམས་ལས་ཀྱང་གཡས་སྐོར་དུ་བཀོད་པ་ཤ་སྟག་བཤད་པས། རྩ་སྔགས་དྲིལ་སྒྲུབ། ཡེ་སེམས་དང་སྤྲུལ་པའི་སྔགས་བཅས་གཡས་སྐོར་དུ་དགོད་ཅིང་། དེ་ལ་སེམས་བཟུང་ནས། ཟིན་པ་ན་འོད་ཟེར་སྤྲོ་བསྡུ་དང་བཅས་བཟླས་པ་བྱས་པས་འཐུས། བཀོད་པའི་དམིགས་པ་ཤིན་ཏུ་གསལ་ན་འཁོར་བའི་དམིགས་པ་གསལ་གདབ་ཀྱང་རུང་། དེ་ཡང་རྩ་སྔགས་བཟླ་སྐབས་དེ་རྐྱང་པ་དང་། དྲིལ་སྒྲུབ་སྐབས་དེའི་མཇུག་ཏུ་སྔགས་དེ་མཐུད་ནས་གསལ་གདབ། ཡེ་ཤེས་སེམས་དཔའི་སྐབས་དེའི་དམིགས་པ་བཞག་ནས་ཐུགས་སྲོག་ཏཱྃ་ཧྲཱིཿརུ་བསྒྱུར་བའི་མཐར་རང་སྔགས་བཀོད། སྤྲུལ་པར་ཐུགས་ཀར་ཉི་ཟླའི་གཱའུའི་དབུས་སུ་བྷྲཱུྃ་མཐར་སྔགས་ཕྲེང་བཀོད་པའོ། །སྒྲུབ་པའི་སྔགས་སོགས་ལའང་རང་རང་གི་ཐུགས་ཀར་པད་ཟླའི་སྟེང་དུ་ཐུགས་སྲོག་ཏཱྃ་བྷྲཱུ་ཧྲཱིཿཧཱུྃ་ཛཿཧཱུྃ་བྃ་ཧོཿ བཅས་རང་མདོག་གི་མཐར་སྔགས་ཕྲེང་བཀོད་པ་སོགས་བྱས་པས་འཐུས། ། ༈ སྒྲུབ་གཏོར་ཆེན་མོ་ནི། འདིའི་སྒྲུབ་ཁོག་མཆོག་གྱུར་གླིང་པའི་ས་གཏེར་ལས་བྱོན་པའི་ཤོག་སེར་མ་ལས་རྒྱས་པར་བཤད་ཀྱང་། སྒྲུབ་ཆེན་དུས་ཡིན་ན་ལས་དཀྱུས་སུ་མི་དགོས་ཤིང་། དཔེའུ་རིས་ལྟ་བུ་ཞིབ་ཆ་ཞིག་བྱས་ན་མ་གཏོགས་བཅའ་བཟོ་དཀའ་བ་ཞིག་ཡིན། དཀྱུས་སུ་དཀྱིལ་ཐང་ཡོད་ན་དགྲམ་པའམ། མེད་ན་མཎྜལ་ཚོམ་བུ་ཙམ་དང་། གཙོ་བོར་ཐོད་པ་རིལ་བུ་བཅས་སྒྲུབ་རྟེན་ཁྱད་པར་བ་ཡིན་པས་སྒྲུབ་གཏོར་ལོགས་སུ་མ་དགོས། མཆོད་གཏོར་ནི་རིན་ཆེན་འབར་བ་སྤྱི་འགྲེས་འཐུས། དེ་ལས་ཤེས་པ་བཞི་ལྡན་སོགས་ཀྱི་ཐ་སྙད་སྦྱར་ན་སྒྲུབ་གཏོར་དང་མཆོད་གཏོར་གཞི་མཐུན་པ་ཡིན། ཚེ་འབྲང་ནི། ཚེ་ཞེས་ནས་རྗེན་འཐག །གལ་ཞེས་ཆང་གིས་སྦྲུས་པའི་ཟན་བུམ་དབྱིབས་སྤྱི་འགྲེ་མཐར་རིལ་བུས་བསྐོར་བ་ཁ་དོག་དམར་པོར་བྱས་པའོ།། །།

ཞེས་པའང་ཀཿཐོག་སི་སྤྲུལ་པའི་མཆིད་ལན་དུ་པདྨ་འོད་གསལ་མདོ་སྔགས་གླིང་པས་ཟིན་ཐོར་སྨྲས་པ་ཀཱ་ཡཱ་ཡུ་ཥོ་དྷྭ་ཛ་ཏིཥྛནྟུ།། །།

[edit]

'chi med 'phags ma'i snying tig gi bsnyen pa'i skabs sogs/ oM swa sti/__'chi med 'phags ma'i snying tig gi bsnyen pa'i skabs lam mos bsgom gtso bor bton pa'i dbang du byas na bsnyen sgrub las gsum dang sbyar ba'i bsnyen pa dkyus ma dang /__nges rdzogs khyad par can gyi dbang du byas na bsnyen sgrub yan lag bzhi'i sgrom nas 'don pa sogs rnam gzhag mang po mchis kyang /__skabs don las byang rang gi dngos bstan tsam gyi bsnyen sgrub las gsum la/__dus grangs rtags gsum las/__dus dbang po rab kyi dbang du byas te bsnyen pa la bdun gsum/__sgrub pa la bdun gcig__/las sbyor la zhag gcig__/dngos grub blang ba dang bcas zla ba gcig tu gsungs/__'bring la de sum 'gyur byas pa'i zla ba gsum/__tha mal zla ba drug shugs kyis thob/__grangs bsnyen kyang rab 'bring tha ma'i dbang po'i ngo skal du byas na/__de dang de'i dus kyi yun tshad la ji tsam grub pa yin mod/__spyir btang grangs gtso che ba'i dbang du byas na/__gtso mo'i yig bcu 'bru 'bum/__dril sgrub kyi bsnyen sngags 'bru bcu dgu pa 'bum phrag bdun/__ye shes sems dpa' dang /__sprul pa'i sems ma'i sngags 'bum phrag bzhi re/__sgrol ma rigs bzhi'i sgrub sngags 'bum phrag re re/__las sbyor sgrol ma bzhi'i sngags khri phrag bzhi re nyung mtha' byas pa bzlas na grangs bsnyen 'bring po dang/__dus bsnyen dbang po 'bring gi zla ba gsum bzhi mthun par 'gyur bas shin tu legs/__las rung tsam pa ni/__gtso mo'i yig bcu 'bum phrag bzhi/__dril sgrub 'bum phrag__/ye sems dang sprul pa'i sngags khri bzhi/__sgrub sngags khri re/__las sbyor nyin gcig ci 'grub byas pas dbang po rab kyi dus bsnyen dang gzhi mthun/__rtags bsnyen rab 'bring tha gsum ni spyi ltar/____/_! dngos grub len lugs ni khyad par ba la sgrub chen khog phub dang sbyar ba'i tshul yod kyang /__dkyus tsam la las sbyor gyi sngags grangs de ring them pa'i nangs par snga bar mchod gtor sogs gsar pa bsham/__dngos grub kyi rdzas 'du bya/__bzlas pa rdzogs nas stong tshig gis mchod bstod rjes/__dngos grub bskul ba'i dzabra/__dril sgrub mthar/__kA ya wA ka? tsit+ta sogs btags pa ci rigs pa bzla/__de nas ye shes sku mchog gi bshags pa dang /__gzhung gi byin 'bebs bcas sngon du 'gro bas/__mchod bstod byas pa'i mthar/__ oM:__rje btsun 'phags ma sogs kyis dngos grub gsol te/__dmigs pa spyi ltar dang bcas bum pa mgo bor bzhag cing bum chu myang /__bdud rtsi mgrin par bzhag cing rol/__tshe 'brang snying gar bzhag__/thod pa'i rdzas myong zhing lhag ma yun du bsten pa sogs spyi ltar/__de nas tshogs mchod rgyas pas mtshon las mjug bsdu bar bya ba yin no/____/_! yab gar dbang gi sku mdog gzhung du/__rang 'od thabs mchog gar gyi dbang :__zhes rang gi 'od las skyes pa'i thabs kyi snang cha yin pas dkar po yin pa gzhir bzhag la/__yab yum go ldog lhan skyes 'di rigs yum las yab chags nyams che bar bshad pas dmar mdangs chags pa zhig bsgom pa dang /__bri ba'i skabs su'ang 'di kho na legs/___/__! sngags phreng 'khor lugs/__bsnyen pa la bkod pa/__nye bsnyen la 'khor ba/__sgrub pa la do li/__sgrub chen la spro bsdu gtso bor gsungs mod/__dkyus tsam la bkod pa'i dmigs pa kho nas 'thus/__de'i tshe lha mo'i rigs dang /__ma rgyud skor phal cher la g.yon du bkod pa shas che mod/__'dir ni gsar ma'i rgyud sgrub thabs rnams las kyang g.yas skor du bkod pa sha stag bshad pas/__rtsa sngags dril sgrub/__ye sems dang sprul pa'i sngags bcas g.yas skor du dgod cing /__de la sems bzung nas/__zin pa na 'od zer spro bsdu dang bcas bzlas pa byas pas 'thus/__bkod pa'i dmigs pa shin tu gsal na 'khor ba'i dmigs pa gsal gdab kyang rung /__de yang rtsa sngags bzla skabs de rkyang pa dang /__dril sgrub skabs de'i mjug tu sngags de mthud nas gsal gdab/__ye shes sems dpa'i skabs de'i dmigs pa bzhag nas thugs srog tA~M hrIHru bsgyur ba'i mthar rang sngags bkod/__sprul par thugs kar nyi zla'i gA'u'i dbus su b+h+rU~M mthar sngags phreng bkod pa'o/__/sgrub pa'i sngags sogs la'ang rang rang gi thugs kar pad zla'i steng du thugs srog tA~M b+h+rU hrIHhU~M dzaHhU~M ba~M hoH__bcas rang mdog gi mthar sngags phreng bkod pa sogs byas pas 'thus/____/_!_sgrub gtor chen mo ni/__'di'i sgrub khog mchog gyur gling pa'i sa gter las byon pa'i shog ser ma las rgyas par bshad kyang /__sgrub chen dus yin na las dkyus su mi dgos shing /__dpe'u ris lta bu zhib cha zhig byas na ma gtogs bca' bzo dka' ba zhig yin/__dkyus su dkyil thang yod na dgram pa'am/__med na maN+Dal tshom bu tsam dang /__gtso bor thod pa ril bu bcas sgrub rten khyad par ba yin pas sgrub gtor logs su ma dgos/__mchod gtor ni rin chen 'bar ba spyi 'gres 'thus/__de las shes pa bzhi ldan sogs kyi tha snyad sbyar na sgrub gtor dang mchod gtor gzhi mthun pa yin/__tshe 'brang ni/__tshe zhes nas rjen 'thag__/gal zhes chang gis sbrus pa'i zan bum dbyibs spyi 'gre mthar ril bus bskor ba kha dog dmar por byas pa'o//__//_ zhes pa'ang kaHthog si sprul pa'i mchid lan du pad+ma 'od gsal mdo sngags gling pas zin thor smras pa kA yA yu Sho d+h+wa dza tiSh+Than+tu//__//