བླ་ཆེན་རྣམས་ཞིང་གཤེགས་དུས་ཐུགས་དམ་བཀྲོལ་ཚུལ་སོགས།

🚧 This website is under continued development. We appreciate your patience!

Previous Text Back to Volume PageNext Text

Wylie title	bla chen rnams zhing gshegs dus thugs dam bkrol tshul sogs
Location	mkhyen brtse'i bka' 'bum Volume 4, sde tshan 1, Text 37, Pages 711-713 (Folios 356a5 to 357a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bla chen rnams zhing gshegs dus thugs dam bkrol tshul sogs. In 'jam dbyangs mkhyen brtse'i dbang po'i bka' 'bum, Vol. 4: 711-713. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris

1 Texts in this Section (sde tshan or chos tshan)

37 711-713	བླ་ཆེན་རྣམས་ཞིང་གཤེགས་དུས་ཐུགས་དམ་བཀྲོལ་ཚུལ་སོགས། bla chen rnams zhing gshegs dus thugs dam bkrol tshul sogs Notes - zin bris	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བླ་ཆེན་རྣམས་ཞིང་གཤེགས་དུས། ཐུགས་དམ་སྐུ་གནད་དྲང་པོར་བཞུགས་ཡོད་ན་ཆས་ཞུགས་ཧ་ལམ་དགོས་པ་གཞིར་བཅས་དང་། དེ་མིན་ཀྱང་སྐུ་ཚུགས་ཅུང་བཅོས་ནས་ཆས་ཞུགས་མཚོན་བྱེད། མདུན་དུ་ཉེར་སྤྱོད་སོགས་མཆོད་པའི་བྱེ་བྲག་བཤམ། གནས་ཁང་གཞན་དུ་རྡོར་སེམས་བདེ་ཕག་ལྟ་བུའི་གསར་རྙིང་སོ་སོའི་དཀྱིལ་འཁོར་བདག་མདུན་སྒྲུབ་མཆོད་མདོ་ཚང་དང་། ལས་བུམ་རྣམ་དམེ་གང་རུང་གིས་ཚད་ལྡན་དུ་བསྒྲུབ། དེ་ནས་སྦྱོང་ཁྲུས་ཞིབ་ཆ་སྔོན་དུ་འགྲོ་བས། གསར་མ་ལ་ཀྱེ་རྡོར་ལྟ་བུར་མཚོན་ན། རྗེ་བཙུན་སྙིང་རྗེའི་ཡིད་བཞེངས་ཤིག །ཅེས་པས་མཚོན་བདེ་ཕག་སོགས་གང་འབྲེལ་གྱི་ཞུ་བ་གླུས་བསྐུལ་དབྱངས་རོལ་དང་བཅས་ལན་གསུམ་གྱིས་འོད་གསལ་ལས་ཟུང་འཇུག་གི་སྐུར་བཞེངས་པ་ལས། སླར་ཡང་ཡེ་ཤེས་པ་བསྟིམ་པའི་ཚུལ་གྱིས། མི་བཟད་བདུད་སྡེའི་དཔུང་གིས་ཕྱག་བྱས་པའི། ཞེས་སོགས་སམ། མ་ལུས་སེམས་མགོན་ལྟ་བུས་མཁའ་ཁྱབ་ཀྱི་ཡེ་ཤེས་པ་སྤྱན་དྲངས་ཤིང་བསྟིམས་པའི་སྤྱན་སྔར་མཆོད་ཕྲེང་དང་། སྤྱི་བསྟོད་མདོར་བསྡུས། འདོད་གསོལ་སྤྱི་དང་ཁྱད་པར་སྤྲུལ་སྐུ་མྱུར་འབྱོན་བློ་འཁུལ་བའི་གདངས་ཀྱིས་ལན་གསུམ་སོགས་བརྗོད་པའི་མཐར། ཡི་གེ་བརྒྱ་པ་ལན་མང་དུ་བཟླ་ཞིང་། སྤྲོ་ན་སྤྱི་བཤགས་ཇི་ལྟར་རིགས་པའི་མཐར། ཨོཾ། ཁྱེད་ཀྱིས་སེམས་ཅན་ལྟ་བུས་དམ་ཡེ་དབྱེར་མེད་པའི་ཡེ་ཤེས་ཀྱི་རང་བཞིན་ཆོས་སྐུའི་དབྱིངས་སུ་སླར་གཟུགས་སྐུར་འབྱོན་བཞེད་བཞིན་པས་གཤེགས་པར་བསམས་ལ་བསྟན་པ་རྒྱས་པའི་སྨོན་ལམ་གཙོར་གྱུར་སྨོན་ལམ་དང་བཀྲ་ཤིས་རྒྱས་པར་བརྗོད། དེ་ནས་སྐུ་གདུང་རིལ་བུ་དྲི་བཟང་གི་ཆུ་དང་ཁྲུས་ཆབ་ཀྱིས་དག་པར་བཀྲུས་ཤིང་། བདུད་རྩི་ཆོས་སྨན་དང་རིལ་བུ་སོགས་དྲི་བཟང་ལ་སྦྱར་བ་དང་། ག་བུར་བཟང་སྨན་ཕྱེ་མ་སོགས་ཀྱིས་བྱུགས། ཆས་ཞུགས་ལེགས་པར་བསྒྲུབས་པའི་མདུན་དུ་མཆོད་པ་སོགས་བཤམས་ནས་གདུང་མཇལ་འདྲ་གཏོང་མིན་སྐབས་དང་སྦྱར། དེའི་མདུན་དུ་བླ་མཆོད་སོགས་སྐབས་སུ་གང་བབ་ཞུགས་འབུལ་མ་རན་པར་བསྒྲུབ་སྲོལ་དང་། ལྷག་པར་ཆོས་གསན་པའི་བླ་མ་འདྲ་བཞུགས་ཚེ་ཉིན་རེ་བཞིན་བདག་འཇུག་རྗེས་དབང་བསྡུས་པ་དེ་ཕུལ་སྲོལ། དེའི་སྐབས་ཡེ་ཤེས་པ་སྤྱན་དྲངས་པའི་ཚུལ་གྱིས་ཐུགས་རིག་པ་སྟིམས་ནས་དབང་བསྐུར་བ་སོགས་བྱས། མཐར་གཤེག་སུ་གསོལ་བར་གསུངས་སྣང་། གོང་གི་ཞུ་བ་གླུས་བསྐུལ་རྙིང་མ་ལྟར་ན། ཡོད་མེད་སྟོང་པ་དབྱངས་ཆེན་དང་བཅས་བརྗོད་པ་དང་། ཡེ་ཤེས་སྤྱན་འདྲེན་ཉི་མ་ལྷོ་ནུབ་མའི་བཞེངས་སྐུལ་བཏང་སྲོལ་ཡོད་ཅེས་བཤད།། །། ༈

[edit]

bla chen rnams zhing gshegs dus thugs dam bkrol tshul sogs/ bla chen rnams zhing gshegs dus/__thugs dam sku gnad drang por bzhugs yod na chas zhugs ha lam dgos pa gzhir bcas dang /__de min kyang sku tshugs cung bcos nas chas zhugs mtshon byed/__mdun du nyer spyod sogs mchod pa'i bye brag bsham/__gnas khang gzhan du rdor sems bde phag lta bu'i gsar rnying so so'i dkyil 'khor bdag mdun sgrub mchod mdo tshang dang /__las bum rnam dme gang rung gis tshad ldan du bsgrub/__de nas sbyong khrus zhib cha sngon du 'gro bas/__gsar ma la kye rdor lta bur mtshon na/__rje btsun snying rje'i yid bzhengs shig__/ces pas mtshon bde phag sogs gang 'brel gyi zhu ba glus bskul dbyangs rol dang bcas lan gsum gyis 'od gsal las zung 'jug gi skur bzhengs pa las/__slar yang ye shes pa bstim pa'i tshul gyis/__mi bzad bdud sde'i dpung gis phyag byas pa'i/__zhes sogs sam/__ma lus sems mgon lta bus mkha' khyab kyi ye shes pa spyan drangs shing bstims pa'i spyan sngar mchod phreng dang /__spyi bstod mdor bsdus/__'dod gsol spyi dang khyad par sprul sku myur 'byon blo 'khul ba'i gdangs kyis lan gsum sogs brjod pa'i mthar/__yi ge brgya pa lan mang du bzla zhing /__spro na spyi bshags ji ltar rigs pa'i mthar/__oM/__khyed kyis sems can lta bus dam ye dbyer med pa'i ye shes kyi rang bzhin chos sku'i dbyings su slar gzugs skur 'byon bzhed bzhin pas gshegs par bsams la bstan pa rgyas pa'i smon lam gtsor gyur smon lam dang bkra shis rgyas par brjod/__de nas sku gdung ril bu dri bzang gi chu dang khrus chab kyis dag par bkrus shing /__bdud rtsi chos sman dang ril bu sogs dri bzang la sbyar ba dang /__ga bur bzang sman phye ma sogs kyis byugs/__chas zhugs legs par bsgrubs pa'i mdun du mchod pa sogs bshams nas gdung mjal 'dra gtong min skabs dang sbyar/__de'i mdun du bla mchod sogs skabs su gang bab zhugs 'bul ma ran par bsgrub srol dang /__lhag par chos gsan pa'i bla ma 'dra bzhugs tshe nyin re bzhin bdag 'jug rjes dbang bsdus pa de phul srol/__de'i skabs ye shes pa spyan drangs pa'i tshul gyis thugs rig pa stims nas dbang bskur ba sogs byas/__mthar gsheg su gsol bar gsungs snang /__gong gi zhu ba glus bskul rnying ma ltar na/__yod med stong pa dbyangs chen dang bcas brjod pa dang /_ye shes spyan 'dren nyi ma lho nub ma'i bzhengs skul btang srol yod ces bshad//____//__!