བསྐྱེད་རྫོགས་ཟིན་བྲིས་དེ་ཉིད་གསལ་བའི་འགྲེལ་པར་སོགས།

🚧 This website is under continued development. We appreciate your patience!

Previous Text Back to Volume Page Next Text

Wylie title	bskyed rdzogs zin bris de nyid gsal ba'i 'grel par sogs
Location	mkhyen brtse'i bka' 'bum Volume 3, sde tshan 1, Text 35, Pages 645-701 (Folios 323a6 to 351a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bskyed rdzogs zin bris de nyid gsal ba'i 'grel par sogs. In 'jam dbyangs mkhyen brtse'i dbang po'i bka' 'bum, Vol. 3: 645-701. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris · Generation Stage - bskyed rim · Completion Stage - rdzogs rim

1 Texts in this Section (sde tshan or chos tshan)

35 645-701	བསྐྱེད་རྫོགས་ཟིན་བྲིས་དེ་ཉིད་གསལ་བའི་འགྲེལ་པར་སོགས། bskyed rdzogs zin bris de nyid gsal ba'i 'grel par sogs Notes - zin bris · Generation Stage - bskyed rim · Completion Stage - rdzogs rim	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

[edit]

བསྐྱེད་རྫོགས་ཟིན་བྲིས་དེ་ཉིད་གསལ་བའི་འགྲེལ་པར། གང་ཞེས་པ་སུ། དེ་ཞེས་པ་འདི། ཞེས་དང་། དུས་ཀྱི་བརྟུལ་ཞུགས་ནི་འདུལ་ཁྲིམས་ཉིས་བརྒྱ་ལྔ་བཅུ། ། ༈

དགེ་སློང་དང་སྔགས་རྒན་གཉིས་ཀྱང་ཁོར་རང་གི་ཉམས་དང་རྟོགས་པ་གཉིས་དེ་དང་དེའི་ཚུལ་དུ་བཀོད་པས་གཞན་གཤེད་ནས་འོང་བ་མ་ཡིན། ན་རེ་ཞེས་པ་བོད་ཀྱི་དོན། ས་སྐྱ་དབུ་མ་རང་རྒྱུད། འབྲི་གུང་རང་སྟོང་། དགེ་ལུགས་ཐལ་འགྱུར། ཇོ་ནང་གཞན་སྟོང་ཡིན་ཟེར་འདུག །འདས་རྗེས་ཐོབ་པའི་པཎ་གྲུབ་རྣམ་གསུམ་ནི། དགའ་རབ། ཤྲཱི་སེང་། འཇམ་དཔལ་ལོ། ། ༈ གཞུང་ཆེན་སྡེ་ལྔ་ནི། དབུ་ཕར་འདུལ་མཛོད་རྒྱུད་སྡེ་ལྔར་ཟེར་སྲོལ་ཡོད། ། ༈ ཡང་དག་པ་ནི་ཉོན་མོངས་ཀྱི་དྲི་མ་བྲལ་བས་ཟེར། ལས་མཐའ་ལས་དག་པ། རྟོག་པ་སེམས་ཉོན་མ་མོངས་པ། འཚོ་བ་ཟས་གོས་དཀོར་མ་འདྲེས་པ། ཏིང་འཛིན་བསྐྱེད་རིམ། ལྟ་བ་སེམས་ཉིད། རྩོལ་བ་བརྩོན་འགྲུས། ། ༈ དབང་སྒྲུབ་གཞི་ལས། བསྐྱེད་རིམ་སྒྲུབ་ཐབས་ཆོས། རྫོགས་རིམ་སྒྲུབ་བྱེད་དམ་རྒྱུད། སྒྲུབ་འབྲས་ཕྱག་ཆེན་དང་སྦྱར་ཟེར་བ་སྣང་། ། ༈ དེ་བཞིན་ཉིད་ནི་རང་གི་སེམས་ཉིད་བསམ་གྱིས་མི་ཁྱབ་པ་ལ་ལྟ་བ། ཀུན་སྣང་ནི་དེ་ལྟར་མ་རྟོགས་པ་ལ་སྒྱུ་མ་ལྟ་བུའི་སྙིང་རྗེ་བསྐྱེད་པ། རྒྱུ་ཡི་ཏིང་འཛིན་ནི་དེ་གཉིས་ཡ་མ་བྲལ་བའི་ངང་ཡི་གེ་ཧཱུྃ་ཧྲཱིཿལ་སོགས་པ་བསྒོམ་པ། ། ༈ བསྐྱེད་རིམ་རྒྱས་པའི་ཕྱོགས་ལ་སྦྱང་བྱ་སྒང་སྐྱེས། སྦྱོང་བྱེད་བདག་སྲས་ལྔ་ནི། རྒྱུ་ཡི་ས་བོན་ཧཱུྃ་ཧྲཱིཿསོགས་ལས་གཙོ་བོ་ཡབ་ཡུམ་བསྐྱེད་པ། ཕྱོགས་བཅུའི་སངས་རྒྱས་སྲས་བཅས་ཡུམ་མཁར་བཀུག་པ། སེམས་ཅན་རྣམས་བཀུག་ནས་སྒྲིབ་པ་སྦྱོང་བ། འཁོར་འདས་གཉིས་སུ་མེད་པར་ཆེ་བ་བསྐྱེད་པ། དཀྱིལ་འཁོར་ལྷ་ཚོགས་མཁའ་ནས་བཏོན་ཏེ་གདན་ལ་འགོད་པ་ལྔའོ། །གཞན་སྲས་བརྒྱད་ནི། གཙོ་བོ་ཡབ་ཡུམ་འོད་དུ་ཞུ་ནས་ས་བོན་དུ་གྱུར་པ། དེ་ཉིད་འབྲས་བུའི་རྡོ་རྗེ་འཛིན་པ་ཡབ་ཡུམ་གྱི་སྐུར་བཞེངས་པ། ཡབ་ཀྱི་རྟོག་ཚོགས་ཡི་གེའི་རྣམ་པར་འགོད་པ། ཡུམ་གྱིས་ཡབ་ལ་ཐུགས་རྗེའི་དཀྱིལ་འཁོར་སྤྲོ་བར་གསོལ་བ་གདབ་པ། སྔ་མ་དཀྱིལ་འཁོར་གྱི་འཁོར་ལོ་བསྒོམས་པ་རྣམས་སྐབས་འདིར་རང་ལ་བསྟིམ་ཞིང་གཉིས་སུ་མེད་པའི་ཡེ་ཤེས་ཀྱི་ང་རྒྱལ་ལ་གནས་པ། དེ་མ་ཐག་ཡབ་ཡུམ་གཉིས་བདེ་སྟོང་གཉིས་སུ་མེད་པར་སྦྱོར་བ་བྱས་པས་ཡུམ་མཁར་དཀྱིལ་འཁོར་བསྐྱེད་པ། རྟོག་ཚོགས་ལྷར་གྱུར་ཡུམ་མཁའ་ནས་ཕྱིར་འདོན་ཅིང་ཕྱི་རོལ་གྱི་གདན་ལ་འགོད་པ། ཡེ་ཤེས་པ་སྤྱན་དྲངས་ཤིང་དབང་བསྐུར་རྒྱས་གདབ་པ་རྣམས་སོ། ། ༈ འབྲིང་པོར་མངལ་སྐྱེས་ཀྱི་བག་ཆགས་སྦྱང་བྱ། སྦྱོང་བྱེད་མངོན་བྱང་ལྔ་ནི། མངོན་བྱང་དང་པོ་ཟླ་བ། གཉིས་པ་ཉི་མ། གསུམ་པ་ས་བོན་ཕྱག་མཚན། བཞི་པ་འོད་ཀྱི་གོང་བུར་གྱུར་པ། ལྔ་པ་སྐུ་ཡོངས་རྫོགས་སོ། །ཡང་བཞི་ནི། དང་པོ་སྟོང་པ་བྱང་ཆུབ་སེམས། །གཉིས་པ་ས་བོན་འབྱུང་བ་སྟེ། །གསུམ་པ་ལ་ནི་གཟུགས་རྫོགས་པ། །བཞི་པ་ལ་ནི་ཡི་གེ་དགོད། །ཅེས་སོ། །ཆོ་ག་གསུམ་ནི། ཐུགས་རྡོ་རྗེའི་ངོ་བོ་ཕྱག་མཚན་བསྒོམ་པའི་ཆོ་གས་རང་སེམས་ཐུགས་རྡོ་རྗེར་དག །དེ་གནས་འགྱུར་ནས་ཧཱུྃ་ཡིག་སོགས་སུ་བསྒོམས་པས་གསུང་རྡོ་རྗེར་རྫོགས། དེ་ལས་འོད་འཕྲོས་དོན་གཉིས་བྱས་ནས་ལྷ་སྐུར་བསྒོམས་པས་ལུས་ལྷ་སྐུ་རྡོ་རྗེར་སྨིན་པའོ། ། ༈ སྦྱང་བྱ་དྲོད་གཤེར་སྐྱེས་མ་བསྡུས་པ་དང་། རྫུས་སྐྱེས་ལ་ཤིན་ཏུ་བསྡུས་པ་རྣམས་ནི་གཞུང་ནས་བཤད་མ་ཐག་པའོ། ། ༈ དངོས་གཞི་བདུན་ཡང་ལྔ་པ་ཡན་ཆད་ཏིང་འཛིན་ཉམས་ལྔ་སྐྱེ་ཐབས་ཡིན་པས་སྔོན་དུ་འགྲོ་བ་ཡིན། གསལ་བརྟན་ཚད་བརྒྱད་ལས། དང་པོ་བཞི་ནི། ལྷར་སྣང་འགག་པ་མེད་པའི་སལ་ལེ། སྣང་དུས་དམིགས་པ་མཚན་མས་མ་བཅིངས་པའི་སང་ངེ་། སྣང་སྟོང་དབྱེར་མེད་ཀྱི་ཡིན་ལུགས་རང་བབས་སུ་ཤར་བའི་ལྷག་གེ །སོ་སོར་རྟོག་པའི་རིག་པའི་ཡེ་ཤེས་ཀྱི་ངོ་ན་མངོན་སུམ་པས་ལྷང་ངེའོ། །གཉིས་པ་བཞི་ནི། གང་ལྟར་བསྒྱུར་ཡང་དེ་ལྟར་བསྒོམ་དུ་བཏུབ་པས་ཅིར་ཡང་བསྒྱུར་དུ་བཏུབ་པའོ། །ཞེས་སྣང་ངོ་།། །། ༈ བཤགས་རྒྱུད་ལས། གཞི་དངོས་པོ་གཤིས་ཀྱི་གནས་ལུགས་སྟོན་པར་བྱེད་པ་དང་། ལམ་ཉམས་སུ་ལེན་པའི་གདམས་ངག་སྟོན་པར་བྱེད་པ་དང་། འབྲས་བུ་མངོན་དུ་གྱུར་པའི་དོན་སྟོན་པར་བྱེད་པའོ། །ཞེས་དང་། ཀུན་གཞི་རྒྱུའི་རྒྱུད་དང་། ལམ་ཐབས་ཀྱི་རྒྱུད་དང་། ཕྱག་རྒྱ་ཆེན་པོ་འབྲས་བུའི་རྒྱུད། ཅེས་དང་། གྲོལ་ལམ་ལྟ་བའི་བཤགས་པ་དང་། ཐབས་ལམ་དབང་གི་བཤགས་པར་དབང་བཞིའི་ལམ་རྒྱས་པར་བསྟན། སྒྱུ་འཕྲུལ་དྲྭ་བའི་བཤད་སྲོལ་གྱི་ཐབས་གྲོལ་དང་། གཞན་གྱི་ཐབས་གྲོལ་བཤད་སྲོལ་མི་མཚུངས།། །། ༈ ཨོཾ་སྭ་སྟི། རྒྱུད་རིག་པ་རང་ཤར་ལས། འཇུག་པའི་སྒོ་ནི་བདེན་པ་རྣམ་པ་བཞི། །ཉན་ཐོས་སྤྱི་ཡི་འཇུག་སྒོའོ། །ཞེས་དང་། རང་རྒྱལ་མདོ་སྡེའི་གྲུབ་མཐའ་ནི། འཇུག་པའི་སྒོ་ནི་རྟེན་འབྲེལ་བཅུ་གཉིས་སོ། །རྟོགས་པའི་ལྟ་བ་གང་ཟག་བདག་མེད་ཆོས་ལ་བདག་ཡོད་ལྟ། །ཞེས་དང་། བྱང་ཆུབ་སེམས་དཔའི་ཐེག་པ་ནི། །འཇུག་པའི་སྒོ་ནི་རྣམ་པ་གཉིས། །དོན་དམ་དང་ནི་ཀུན་རྫོབ་བོ། །ཞེས་དང་།། །། ༈ ཀུན་རྫོབ་རྣམ་པ་གཉིས་སུ་འདོད། །ལོག་པ་དང་ནི་ཡང་དག་གོ །ཞེས་དང་། དོན་དམ་ལ་ཡང་རྣམ་པ་གཉིས། །མཚན་མ་ཚིག་གི་དོན་དམ་དང་། །ཡང་དག་སེམས་ཀྱི་དོན་དམ་མོ། །ཞེས་དང་། ཀྲྀ་ཡའི་ཐེག་པའི་གྲུབ་མཐའ་ནི། །འཇུག་པའི་སྒོ་ནི་རྣམ་པ་གསུམ། །ཁྲུས་དང་གཙང་སྦྲས་འཇུག་པའོ། །ཞེས་དང་། དག་པ་རྣམ་གསུམ་གང་ཞེ་ན། །ལྷ་དང་དཀྱིལ་འཁོར་དག་པ་དང་། །རྫས་དང་ཡོ་བྱད་དག་པ་དང་། །སྔགས་དང་ཏིང་འཛིན་དག་པའོ། །ཞེས་དང་། བྱང་ཆུབ་ལྔ་པོ་འདི་ལྟ་སྟེ། །གདན་གྱི་སྒོ་ནས་བྱང་ཆུབ་དང་། །སྐུ་ཡི་སྒོ་ནས་བྱང་ཆུབ་དང་། །ཕྱག་མཚན་སྒོ་ནས་བྱང་ཆུབ་དང་། །བསྐྱེད་པའི་སྒོ་ནས་བྱང་ཆུབ་དང་། །ཡིག་འབྲུའི་སྒོ་ནས་བྱང་ཆུབ་བོ། །དེ་ལྟར་བྱང་ཆུབ་རྣམ་ལྔ་སྤྱོད། །ཅེས་དང་། ལྟ་དང་རྣལ་འབྱོར་དག་པ་གཉིས། །རྗེ་དང་འབངས་ཀྱི་ཚུལ་དུ་བལྟ། །ཞེས་དང་། ཨུ་པ་ལ་ཡི་ལྟ་བ་ནི། །ལྟ་བ་ཡོ་གར་ལྟ་བ་ལ། །སྤྱོད་པ་ཀྲྀ་ཡར་སྤྱོད་པའོ། །དེ་ཕྱིར་གཉིས་ཀའི་རྒྱུད་ཅེས་གྲགས། །ཞེས་དང་། མ་ཧཱ་ཡོ་གའི་གྲུབ་མཐའ་འདི་ལྟ་སྟེ། །འཇུག་པའི་སྒོ་ནི་ཏིང་འཛིན་རྣམ་པ་གསུམ། །ཞེས་སོགས་དང་། ལུང་ཆེན་ཨ་ནུའི་ཐེག་པ་ནི། །དབྱིངས་དང་ཡེ་ཤེས་རྣམ་པ་གཉིས། །འདུ་འབྲལ་མེད་པའི་རྡོ་རྗེར་འདོད། །ཅེས་དང་། རྫོགས་ཆེན་ཨ་ཏི་ཡོ་ག་ལ། །གཅིག་རྫོགས་ལྟ་བ་ཕྱིན་ཅི་མ་ལོག་པ། མ་རིག་པ་མེད། གཉིས་རྫོགས་རིག་པའི་སྐུ། ཐམས་ཅད་རྫོགས། དབྱིབས། །གཅིག་སྒྲོན་མ། འབྱུང་གཉིས་ཤེས་རབ། འབྱུང་ཐམས་ཅད་ཡེ་ཤེས། འབྱུང་། །གཅིག་སྐྱེ་སྟོང་ཉིད། གཉིས་སྐྱེ་དབྱིངས་ཡེ་ཤེས། ཐམས་ཅད་སྐྱེ། །འོད་ཀྱི་སྐུ་རྣམ་པར་དག་པ། གཅིག་མེད་མ་རིག་པ ་གཉིས་མེད་སེམས་དང་ཡིད་ཐམས་ཅད་ཉོན་མོངས་པ། མེད། །ཞེས་གསུངས་སོ། ། ༈ རང་ཤར་ལས་ རྫོགས་ཆེན་ཨ་ཏི་ཡོ་ག་ལ། །ལྟ་བ་ཉིད་ལ་ལྟ་རྒྱུ་མེད། །ལྟ་བ་སེམས་ཀྱི་དྲི་མ་ཡིན། དྲི་མེད་དག་པའི་ཆོས་ཉིད་ལ། །བལྟ་བྱ་ལྟ་བྱེད་གཉིས་དང་བྲལ། །ཞེས་དང་། རྫོགས་ཆེན་ཨ་ཏི་ཡོ་ག་ལ། །བསྒོམ་པའི་ཆོས་ཉིད་དག་ལ་ཡོད། །བཏང་དང་བཞག་པ་མེད་པའི་ཆོས། །བསྒོམ་དང་མ་བསྒོམ་མཐའ་ལས་གྲོལ། །འཛིན་མེད་སེམས་ཀྱི་དྲི་མས་བཅིངས། །ཡང་དག་རིག་ལ་དྲི་མ་མེད། །དྲི་མེད་དག་པའི་ཆོས་སྐུ་ལ། །བསྒོམ་དང་བསྒོམ་པར་བྱ་བ་མེད། །ཅེས་དང་། རྫོགས་ཆེན་ཨ་ཏི་ཡོ་ག་ལ། །འབྲས་བུ་བསྒྲུབ་ཏུ་མེད་པར་གསུངས། །འབྲས་བུར་བྱར་མེད་རང་བྱུང་ཉིད། །རྟོགས་མེད་པ་ལ་དེ་བཞིན་གཤེགས། །ཞེས་གསུངས་འབྱུང་བ་ལྔ་༡༩ལས་མ་གྲུབ་པའི། །སྐྱེ་འགྲོ་སེམས་ཅན་གཅིག་ཀྱང་མེད། །ཅེས་དང་། ཁམས་གསུམ་སེམས་ཅན་ཐམས་ཅད་ནི། །འབྱུང་བ་ལྔ་ཡི་དབྱིངས་སུ་བསྐྱོད། །ཅེས་དང་། རླུང་རྣམ་པ་ལྔ་ཡིས་ལེའུ༢༠བར། ཡེ་ཤེས་ཀྱི་མདངས་བྱེད་དོ། །མེ་རྣམ་པ་ལྔ་ཡིས་ཡེ་ཤེས་ཀྱི་རྩལ་བྱེད་དོ། །ས་རྣམ་པ་ལྔ་ཡིས་ཡེ་ཤེས་ཀྱི་ངོ་བོ་བྱེད་དོ། །ཆུ་རྣམ་པ་ལྔ་ཡིས་ཡེ་ཤེས་ཀྱི་ཡུལ་བྱེད་དོ། །ནམ་མཁའ་རྣམ་ལྔ་ཡིས་ཡེ་ཤེས་ཀྱི་གནས་བྱེད་དོ། །ཞེས་སོགས་ནང་གི་འབྱུང་བ་ཉི་ཤུ་རྩ་ལྔ་རྒྱས་པར་བཤད་དོ། །དེས་ན་འདི་ནས་ཤར་གྱི་ཕྱོགས་ན་མངོན་པར་དགའ་བ་ཞེས་བྱ་བའི་ཞིང་ཁམས་ཡོད་དོ། །དེ་ནི་ས་རྣམ་པར་དག་པར། གསང་སྙིང་གི་ལེའུ་དང་པོར། བཙུན་མོ་དམ་པ་སྣང་བའི་དབྱིངས་དང་། སྲ་བའི་དབྱིངས་དང་། མཉེན་པའི་དབྱིངས་དང་། དྲོ་བའི་དབྱིངས་དང་། བསྐྱོད་པའི་དབྱིངས་ལ་སོགས་པ། གཉིས་པར། སངས་རྒྱས་སྤྱན་དང་མ་མ་ཀཱི། །སོགས་སོ།། །། ༈ ཀུན་བྱེད་རྒྱལ་པོ་ལས། སེམས་ཉིད་ཆེན་པོ་རང་སེམས་གྲུབ་འདོད་ན། །འདོད་པ་མེད་པས་གྲུབ་པ་ཡིན་པའི་ཕྱིར། །རྟོག་མེད་མཉམ་པ་ཉིད་ལ་གནས་མི་བྱེད། །བླང་དང་དོར་མེད་ཡུལ་ལ་རང་བཞིན་གནས། །གཡོས་པ་མེད་པའི་ངང་ལ་ངང་གིས་གནས། །སེམས་ནི་ཇི་བཞིན་པ་ཡི་ངོ་བོ་སྟེ། །ཆོས་རྣམས་ཐམས་ཅད་དེ་བཞིན་ཉིད་དུ་འགྲུབ། །ཇི་བཞིན་པ་ལ་འཆོས་པར་མ་བྱེད་ཅིག །ཅེས་སོགས་གསུངས། ཀུན་འདུས་རིག་པའི་མདོ་ལས། འཁོར་བ་རྒྱ་མཚོའི་ཡོ་བྱད་རྣམས། །མཆོད་པ་རྒྱ་མཚོའི་རང་བཞིན་ཏེ། །སྲིད་པ་རྒྱ་མཚོ་མཐའ་ཡས་ཀུན། །ཀུན་བཟང་མཆོད་སྤྲིན་རྒྱུན་མི་འཆད། །ཅེས་དང་། དངོས་པོ་བརྟན་གཡོ་ལ་སོགས་པའི། །སྒྲ་སྐད་བསམ་གྱིས་མི་ཁྱབ་པ། །ཀུན་ཀྱང་གསང་སྔགས་གསང་བའི་ཚིག །བཟླས་བརྗོད་རྒྱ་མཚོ་རྒྱུན་མི་འཆད། །ཅེས་དང་། རྔམས་གློག་ལས། གནས་དེར་བསོད་ནམས་གཏེར་ལྡན་ཕྱིར། །རིན་ཆེན་ལྔ་དང་སྨན་ལྔ་དང་། །སྤོས་ལྔ་འབྲུ་ལྔ་སྙིང་པོ་ལྔ། །གྭའུའི་ནང་དུ་བླུགས་ནས་སུ། །ས་གཞི་གཏེར་དང་ལྡན་པར་བྱ། །ཞེས་དང་། ནམ་མཁའི་དབྱིངས་ཀྱི་དབུས་སུ་ནི། །པདྨ་འདབ་མ་བརྒྱད་པ་བསྒོམ། །དབུས་སུ་ཁྲོ་བོ་སྟོབས་པོ་ཆེ། །འདབ་མ་ལ་ནི་ཀླུ་བརྒྱད་པོ། །བསྒོམ་མམ་ཡང་ན་བྲིས་ཀྱང་རུང་། །ཁྲོ་བོའི་ཞབས་ཀྱི་མཐིལ་གྱིས་ནི། །ཀླུ་རྣམས་རབ་ཏུ་མནན་ནས་སུ། །ཧཱུྃ་གཉིས་བར་དུ་ཀླུ་རྣམས་ཀྱི། །སྙིང་པོ་སྤེལ་ཞིང་གཟིར་ནས་སུ། །ཀླུ་རྣམས་གནས་པའི་ས་ཕྱོགས་སུ། །ཧཱུྃ་ཞེས་བྱ་བ་བཟླས་བརྗོད་བྱ། །ཁྲོ་བོས་མནན་པའི་ཀླུ་རྣམས་ཀྱི། །ཁ་ནས་ཆར་པ་སྐྱུགས་པར་བསམ། །འཇིགས་དུས་ལྟ་བུའི་ཆར་པའང་འབབ། །ཅེས་སོ། ། ༈ རྡོ་རྗེ་བཀོད་པ་ཀུན་འདུས་རིག་པའི་རྒྱུད་ལས། །བསོད་ནམས་མཆོག་ལྡན་གཟུགས་ཀྱི་སྐུ། །རྣམ་སྨིན་ཚུལ་གྱིས་འགྲུབ་མི་བལྟ། །བཙལ་ནས་ཐོབ་པར་མི་བྱེད་དེ། །རྒྱུ་ཡི་དུས་ཉིད་འབྲས་བུའི་མཆོག །ཅེས་དང་། །བཀྲ་ཤིས་ལྷ་ཡི་ཉི་མ་དང་། །འབྱོར་དང་དུས་ཚིགས་བཟང་པོ་རྣམས། །འཇིག་རྟེན་མཚན་མའི་རྟོག་པ་སྟེ། །བརྟགས་ན་བཀྲ་ཤིས་མཚན་མ་འབྱུང་། །ཞེས་དང་། དེར་ནི་བསོད་ནམས་གཏེར་ལྡན་ཕྱིར། །རིན་ཆེན་ལྔ་ལ་སོགས་པའི་རྫས། །ས་གཞི་གཏེར་ཆེན་རྒྱས་པར་བྱ། །བཀྲ་ཤིས་མཆོག་ཏུ་བསྔགས་པ་ཡིན། །ཅེས་དང་། བཀྲ་ཤིས་ཆེན་པོའི་བུམ་པ་ནི། །བདེ་གཤེགས་བཞུགས་པའི་ཕོ་བྲང་སྟེ། །དཀྱིལ་འཁོར་རྫོགས་པར་གྱུར་པ་ཡི། །དབང་ཆེན་དེ་ལ་སྦྱིན་པར་བྱ། །ཞེས་དང་། དགའ་བ་བྱང་ཆུབ་སེམས་ཆེན་པོ། །ཀུན་ཏུ་ཚིམ་པར་བྱེད་པ་ཡི། །དཀར་དམར་ལྷག་པའི་བྱང་ཆུབ་སེམས། །དབང་ཐོབ་དེ་ཡི་ལྕེ་ལ་བཞག །ཅེས་དང་། བཙལ་མེད་བྱང་ཆུབ་སེམས་ཆེན་པོ། །ཤེས་རབ་ཆེན་པོའི་རྩལ་གྱིས་ནི། །ཆོས་ཀུན་སྒྱུ་མར་དབང་བསྒྱུར་ནས། །རྩལ་ཆེན་རྫོགས་པའི་དབང་ཡིན་པས། །ཞེས་དང་། ། ༈ རྡོ་རྗེ་བཀོད་པའི་རྒྱུད་རྣལ་འབྱོར་གྲུབ་པའི་ལུང་ཀུན་འདུས་རིག་པའི་མདོ་ལས། །རྒྱལ་བ་ཀུན་གྱི་ཆོས་སྐུ་པདྨའི་གསུང་། །ཆོས་རྗེ་འོད་དཔག་མེད་པ་རྡོ་རྗེ་ཆོས། །སྤྱན་རས་གཟིགས་སྤྲུལ་ཧྲཱིཿལས་རྔམས་ཆེན་སྟོན། །ངག་གི་དབང་ཕྱུག་རྟ་གདོང་ཞལ་གྱིས་གནོན། །ཅེས་དང་། མྱ་ངན་འདས་པར་གྱུར་པ། །མེད་པ་ལས་བྱུང་སྐུ་གདུང་ནི། །སྐུ་ཡི་གདུང་དང་རིང་བསྲེལ་ཞེས། །འགྲོ་བའི་བསོད་ནམས་རྟེན་དུ་གྲགས། །ཞེས་དང་། ཙ་ན་ཀ་ཡི་འབྲུ་ལྟ་བུ། །དཀར་ལ་ཙན་དམར་ཁ་དོག་གསལ། །ཟོས་པ་ཡོན་ཏན་བསམ་མི་ཁྱབ། །བདུད་རྩི་སྨན་གྱི་མཆོག་ཏུ་གྲགས། །ཞེས་དང་། དེ་བཞིན་རིག་འཛིན་སེམས་དཔའ་དང་། །མི་ཡི་ལུས་སུ་སྤྲུལ་པ་དང་། །གང་ཟག་ས་པ་ཆོས་མིག་ལྡན། །བསོད་ནམས་དཔལ་ཞིང་དག་པ་དག །སྡོང་བུ་སྙིང་པོར་སྦྱངས་ཕྱི་ན། །སྐལ་བ་ཅན་ལ་སྣང་བ་ནི། །ལ་ལ་དག་ལ་ཤཱ་རི་རམ། །ལ་ལ་དག་ལ་རིང་བསྲེལ་སྐུ། །ཞེས་སོགས་དང་། སེམས་ཅན་རྣམ་པ་ཐམས་ཅད་ལ། །བྱང་ཆུབ་སྙིང་པོ་ཡོད་པའི་ཕྱིར། །མེ་ཡི་ལས་ཀྱི་བྱ་བ་ཡིས། །ལྔ་ཕུང་སྦྱངས་ན་མེད་མི་སྲིད། །འདི་དག་བསྒྲུབ་པར་བྱ་བ་ཡང་། །ཤེལ་ཀྱི་ཟ་མ་ཏོག་ནང་དུ། །བསྡུས་ཏེ་ཕྱག་རྒྱའི་རྒྱས་བཏབ་ནས། །ཤེལ་གྱི་གྭའུའི་ནང་དུ་བཅའ། །བསྒྲུབས་པས་དེ་ལ་སྨོན་ལམ་དང་། །སྒྲིབ་སྦྱངས་གསོ་ལ་འཕྲོ་འ དུ་བྱ། །འཕྲོ་འདུ་བྱ་བའི་ཆོ་ག་ཡང་། །ནམ་མཁར་གང་བའི་ཤཱ་རི་རམ། །ཞིང་ཁམས་གང་བའི་རྒྱལ་བ་ལས། །ཆར་གྱི་རྒྱུན་བཞིན་དེ་ལ་བབས། །རྩེ་གཅིག་བཟླས་པ་གསུང་གི་རྒྱུན། །མ་ཧཱ་ཤཱ་རི་རཾ་བིདྱཱ་ཡེ་ཧཱུྃ། གྲངས་མེད་བར་ཆད་མེད་པར་བཟླས། །མཆོག་ཏུ་གསལ་ཞིང་འཚེར་བ་དང་། །འོད་ཀྱི་ཟེར་ཕྲེང་ཉི་ཟེར་བཞིན། །ཟང་ཟིང་བྲ་ཕྲེང་སྣང་བར་འགྱུར། །ཟ་མ་ཏོག་གི་ཕྱི་རོལ་ན། །གསལ་བ་དེ་ལ་འབྱུང་བར་འགྱུར། །འགུལ་ཞིང་མང་པོར་འཕེལ་བ་དང་། །རྒྱལ་བ་སེམས་དཔའ་རིག་འཛིན་གྱི། །གཟུགས་བརྙན་ཤེས་དང་དེ་ལས་ནི། །གསལ་བར་བདག་ལ་སྟོན་པར་འགྱུར། །དང་པོ་སྣོད་དེ་ཁེངས་པ་ཡིན། །གཉིས་པ་ཕྱེད་དམ་བརྒྱ་རྩ་བརྒྱད། །ཐ་མའང་གྲངས་འགས་འཕེལ་བར་འགྱུར། །དེ་དག་གྲུབ་པ་རྟགས་ཆེན་ཏེ། །དེ་ཚེ་དངོས་གྲུབ་བླང་བར་བྱ། །ཐོབ་པའི་ཡོན་ཏན་བསམ་མི་ཁྱབ། །ཚེ་འདིར་རིག་འཛིན་ས་ལ་གནས། །རྒྱལ་བ་དག་དང་མཉམ་པར་འགྱུར། །ཞེས་སོ། །གཞན་ཡང་དེས་གཞན་དོན་བྱེད་ཚུལ་དང་། དེ་ལ་མཆོད་ཚུལ་སོགས་རྒྱ་ཆེར་གསུངས་སོ། །ཞར་ལས་བྱུང་བའི་ཡོན་ཏན་ཡང་། །འགྲོ་བ་ཀུན་གྱི་དོན་སྤྱོད་པ། །སེམས་དཔའ་ཆེ་ལྟར་འགྲུབ་པར་འགྱུར། །ཞེས་དང་། དེ་ལ་ཀུན་གྱི་རང་བཞིན་དེ་ཉིད་འདུས། །དེ་ལ་བསམ་མེད་དམིགས་མེད་དེར་བཞག་ན། །ཅིར་སྣང་ཅིར་སྲིད་མཚན་མེད་དེ་གཅིག་པས། །སྐྱེ་འགག་མེད་པའི་དེ་ཉིད་ཡེ་སངས་རྒྱས། །ཞེས་དང་། དེ་ལ་ཚིག་ཏུ་གང་བརྗོད་པ། །ནམ་མཁའ་དག་ལ་རྩོད་པ་འདྲ། །ཚིག་ཏུ་སྨན་དང་དཔྱད་བཤད་ཀྱང་། །ནད་པའི་ཚོགས་ལ་མི་སྨན་ནོ། །ཞེས་དང་། རང་བྱུང་གདོད་ནས་དག་པ་སྟེ། །རྩ་བརྒྱད་སྟོང་ལ་སྦྱར་བའི་སྨན། །རིགས་ལྔ་ཡེ་ཤེས་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རྫས། །རྒྱུད་ལྔའི་སེམས་ཅན་ཀུན་སྒྲོལ་ཕྱིར། །དུག་ལྔ་སེལ་པའི་བདུད་རྩིའི་མཆོག །ཅེས་དང་། དབུས་སུ་མཆི་སྐལ་མི་ལྡན་གྱི། །འབར་བའི་དཀྱིལ་འཁོར་མཐའ་ལ་ཞོག །ཕུད་ལ་འཚལ་སྐལ་མི་ལྡན་གྱི། །ལྷག་མ་ཞལ་ཆབ་སྦྲོན་ལ་ཞུ།། །། ༈ ཀུན་བཟང་དགོངས་པ་ཟང་ཐལ་གྱི་སྐོར་ནས་ལུང་དྲངས་འགའ་ཞིག་བཞུགས། །རྫོགས་ཆེན་དགོངས་པ་ཟང་ཐལ་གྱི་ཆོས་སྡེ་གསང་སྔགས་ཀྱི་བསྟན་པ་གསུམ་གྱི་ཆོས་འབྱུང་ཞུས་ལན་ལས། དེའི་ཚེ་མཁའ་འགྲོ་ཡེ་ཤེས་མཚོ་རྒྱལ། སྣ་ནམ་རྡོ་རྗེ་བདུད་འཇོམས། ལྷ་སྲས་མུ་ཁྲི་བཙད་པོ་གསུམ་གྱིས་འདི་སྐད་ཅེས་ཞུས་སོ༔ ཀྱཻ༔ སློབ་དཔོན་ཆེན་པོ་སྤྲུལ་པའི་སྐུ༔ སངས་རྒྱས་ཀུན་གྱིས་གདུང་འཛིན་པའི༔ དུས་གསུམ་མ་འགགས་ས་ལེར་གཟིགས༔ ཐུགས་རྗེའི་སྤྲུལ་པ་ཁྱེད་ལ་བསྟོད༔ ཞེས་གདུང་བའི་ཤུགས་ཀྱིས་གསོལ་བ་བཏབ་སྟེ་ཞུས་པ༔ ཀྱཻ་རིག་འཛིན་ཆེན་པོ༔ སངས་རྒྱས་ཤཱཀྱ་ཐུབ་པའི་ཐུགས་ཀྱི་གདུལ་བྱ༔ གསང་སྔགས་ཀྱི་བསྟན་པ་རིན་པོ་ཆེ་འདི་ལ༔ བཀའ་དྲང་པོར་ལམ་དུ་གནས༔ བཀའ་ཉམས་པར་བྱེད་པའི་གང་ཟག་ཅི་ལྟ་བུ་གཅིག་འབྱུང་༔ ཐོག་མའི་གསང་སྔགས་འདི་ལམ་ཉེ་རིང་ཇི་ལྟར་ལགས༔ གསང་སྔགས་ཀྱི་བཀའ་བསླད་པའི་སེམས་ཅན་མཐར་ཅི་ལྟ་བུར་འགྱུར་ལགས༔ ཞེས་ཞུས་སོ༔ བཀའ་སྩལ་པ༔ གསང་སྔགས་ཀྱི་བསྟན་པ་འདི་བོད་ཁ་བ་ཅན་གྱི་ཡུལ་དུ་བཀའ་དྲང་པོར་མི་ལོ་ལྔ་བརྒྱ་དང་བདུན་གནས་སོ༔ དེ་ནས་བདུད་ཀྱི་དམོད་པ་དར་བའི་ལས་དབང་གིས༔ རྒྱུའི་ཆོས་སྤྱོད་པའི་དགེ་སློང་དང་༔ དགེ་ཚུལ་གྱི་ཆས་སུ་ཞུགས་ཏེ༔ གསང་སྔགས་ཀྱི་ཆོས་བསྟན་པ་ལ་སྨད་པར་འགྱུར་རོ༔ གཞོག་འཕྱས་དང་། ལྐོག་ཆོས་དང་༔ དངོས་སུ་རྩོད་པར་འགྱུར་རོ༔ དེ་ནས་རིམ་གྱིས་འཕེལ་ནས་རྒྱལ་ཁམས་ཀུན་ཏུ་ཁྱབ་པ་དང་༔ བོད་སྤྲེའུ་གདོང་དམར་གྱི་བུ་ཡིན་ཏེ༔ ཁོང་ཅོལ་ཆུང་བས༔ བཀའ་རྒྱུད་ལུང་གསུམ་དཀྲུགས་ཏེ༔ གོང་གི་འོག་ཏུ་བཅུག༔ འོག་གི་གོང་དུ་བཏོན༔ ཐེག་པ་གོང་འོག་བསྲེས༔ བཀའ་བབས་འཆོལ་དུ་བཅུག༔ གསང་སྔགས་ཀྱི་བཀའི་བྱིན་རླབས་ཉམས་ཏེ༔ བསྟན་པ་ཉམས་དམའ་བར་འགྱུར་རོ༔ གསང་སྔགས་ཀྱི་བསྟན་པ་འདིའི་མཚན་ཉིད་ནི༔ ཀུན་ཏུ་བཟང་པོའི་དགོངས་པ་ཡོངས་སུ་བརྡོལ་བ༔ རྒྱུད་ལུང་མན་ངག་གསུམ་ཞེས་བྱའོ༔ འདིའི་རྒྱུད་ཀྱི་ཆོས་ཐམས་ཅད་བཀའ་དྲང་པོར་ཉམས་སུ་བླངས་ན་མི་ཚེ་གཅིག་གིས་སངས་རྒྱས་པར་འགྱུར་རོ༔ ལུང་གི་ཆོས་བཀའ་དྲང་པོར་ཉམས་སུ་བླངས་ན༔ ཟླ་བ་དྲུག་གིས་སངས་རྒྱས་པར་འགྱུར་རོ༔ མན་ངག་གི་ཆོས་དྲང་པོར་ཉམས་སུ་བླངས་ན༔ ནང་རྟོགས་ན་ནང་སངས་རྒྱས༔ ནུབ་རྟོགས་ན་ནུབ་སངས་རྒྱས་སོ༔ གསང་སྔགས་ཀྱི་བཀའ་སྨོད་པའི་སེམས་ཅན་ནི༔ རྒྱུད་མ་ཧཱ་ཡོ་གའི་ཆོས་ལ་སྨོད་ན༔ བསྐལ་པ་གསུམ་ལྕེ་ལ་ཞིང་རྨོ་བའི་སེམས་ཅན་དམྱལ་བར་སྐྱེའོ༔ ལུང་ཨ་ནུ་ཡོ་གའི་ཆོས་ལ་སྨོད་ན༔ བསྐལ་པ་ཆེན་པོ་བདུན་ཁོག་པ་ཁྲོ་ཆུ་ཁོལ་མས་བསྲེགས་པའི་དམྱལ་བར་སྐྱེའོ༔ མན་ངག་རྫོགས་པ་ཆེན་པོའི་ཆོས་ལ་སྨོད་ན༔ ཚ་བའི་དམྱལ་བར་སྐྱེ༔ བསྐལ་པ་བཅུ་དྲུག་ཏུ་ལས་མྱོང་བས༔ དེ་འཁོར་བ་ཁ་བརྒྱུད་པ་ལས༔ འབྲས་བུ་ཐར་པ་ཐོབ་པའི་སྐལ་པ་གཏན་ནས་བརླག་ནས་མེད་དོ༔ ཞེས་གསུངས་སོ༔ ཡང་ཞུས་བ༔ ཀྱཻ༔ རིག་འཛིན་ཆེན་པོ་སྤྲུལ་པའི་སྐུ༔ གསང་སྔགས་ཀྱི་བསྟན་པ་བར་མ་དེ༔ བོད་ཁ་བ་ཅན་གྱི་ཡུལ་དུ་བཀའ་དྲང་པོར་ལོ་དུ་ཙམ་གནས༔ དེ་ནས་གང་ཟག་ཅི་ལྟ་བུས་བསླད་པར་འགྱུར༔ གསང་སྔགས་དེའི་མཚན་ཇི་ལྟར་གྲགས༔ དེའི་ཡོན་ཏན་ཅི་ལྟ་བུ་མཆིས༔ སྨོད་པའི་སེམས་ཅན་དེ་མཐར་ཇི་ལྟར་འགྱུར་བ་ལགས༔ ཞེས་ཞུས་པས༔ བཀའ་སྩལ་པ༔ ཉོན་ཅིག༔ གསང་སྔགས་ཀྱི་བསྟན་པ་བར་མ་དེ༔ བོད་ཁ་བ་ཅན་གྱི་ཡུལ་དུ་བཀའ་དྲང་པོར་མི་ལོ་དྲུག་ཅུ་གནས་པར་འགྱུར་རོ༔ དེ་ནས་ཐེག་པ་འོག་མའི་སྒོར་ཞུགས་པའི་གང་ཟག༔ རྒྱལ་པོ་བེ་ཧར་སྙིང་ལ་ཞུགས་པའི་རིགས༔ བློ་རྩེ་རྣོལ་ཅོལ་ཆུང་བ་འགའ་ཞིག་གིས་གསང་སྔགས་སྨོད༔ ལྟ་བ་ལ་ཤན་མ་ཕྱེད༔ སྤྱོད་པ་ལ་བླང་དོར་མ་ཕྱེད༔ གོང་འོག་འཁྲུལ་པར་སྤྱོད་པས་གསང་སྔགས་ཀྱི་བཀའ་ལས་འདས་ཏེ་ཉམས་པར་འགྱུར་རོ༔ གསང་སྔགས་བསྟན་པ་བར་མ་དེ་ནི༔ རྡོ་རྗེ་འཆང་གིས་ལུང་བསྟན་པའི་གང་ཟག་རྒྱུད་སྡེ་བཞིའི་དགོངས་པ་ཞེས་བྱ་བ་འདི་ཉམས་སུ་བླང་བའི་འབྲས་བུ་ནི༔ བསྐྱེད་པ་ལྷ་བསྒོམས་པས་མི་ཚེ་གསུམ་ནས་སངས་རྒྱས༔ འབྲས་བུ་ཕྱག་རྒྱ་ཆེན་པོ་བསྒོམས་པས་ཚེ་གཅིག་གིས་སངས་རྒྱས༔ གསང་སྔགས་ཀྱི་བསྟན་པ་དེ་ལ༔ བཀའ་ལ་བསླད་འཇུག་བ་དང་༔ སྨོད་པའི་སེམས་ཅན་རྣམས་ནི༔ བྱོལ་སོང་གི་གནས་སུ་བསྐལ་བ་གཅིག་སྐྱེ༔ དེ་ནས་ཚ་བའི་དམྱལ་བར་བསྐལ་པ་གཅིག་ཏུ་ལས་མྱོང་བར་འགྱུར་རོ༔ ཞེས་གསུངས་སོ༔ ཡང་ཞུས་པ༔ ཀྱཻ༔ རིག་འཛིན་ཆེན་པོ་སྤྲུལ་པའི་སྐུ༔ གསང་སྔགས་བསྟན་པ་ཕྱི་མ་ལ་ཟབ་མོའི་གཏེར་དུ་སྦས་པ་འདི་རྣམས༔ བཀའ་དྲང་པོར་ཡུན་ཅི་ཙམ་གནས་པར་འགྱུར༔ མཐར་དེའི་བསྟན་པ་ཅི་ལྟ་བུས་བསྣུབ་པར་འགྱུར༔ ཇི་ལྟར་དུ་གྲགས་པ་ལགས༔ དེའི་ཡོན་ཏན་འབྲས་བུ་ཅི་ཙམ་ཞིག་ཐོབ་པ་ལགས༔ དེ་ལ་སྨོད་པའི་སེམས་ཅན་མཐར་ཅི་ལྟར་འགྱུར་བ་ལགས༔ ཞེས་ཞུས་པས༔ བཀའ་སྩལ་པ༔ ཉོན་ཅིག་བོད་ཀྱི་དད་པ་ཅན༔ རིན་ཆེན་ཟབ་མོའི་སྣོད་དུ་སྦས་པའི་ཆོས་འདི༔ སྤྱིར་བསྟན་པ་མི་ལོ་བརྒྱ་དང་བཅུ་འབྱུང་༔ དེ་ཡང་གཏེར་ཆེན་རེ་རེ་ལ་བསྟན་པ་ལོ་དྲུག་བརྒྱ་དང་དྲུག་ཅུ་འབྱུང་བ་ཡང་ཡོད༔ ཉིས་བརྒྱ་དང་རྩ་གཅིག་འབྱུང་བའང་ཡོད༔ བརྒྱ་དང་ཉི་ཤུ་འབྱུང་བའང་ཡོད༔ ངེས་པ་མེད་དོ༔ ཐུན་མོང་གི་གཏེར་ཕྲན་བུ་རྣམས་ལ་གདུལ་བྱ་ལོ་ལྔ་བཅུ་ཡོད་པ་ཡང་ཡོད༔ ཉེར་གཅིག་པ་དང་༔ བཅུ་གསུམ་པ་སྣ་ཚོགས་ཡོད་དོ༔ དེ་ཡང་བོད་ཁ་བ་ཅན་གྱི་རྒྱལ་ཁམས་ན༔ ཁྱད་པར་འཕགས་པའི་གཏེར་ལྔ་ཡོད༔ གཏེར་ཆེན་བརྒྱ་དང་རྩ་གཅིག་གནས་པ་ལས༔ གདུལ་བྱ་ལོ་ལྔ་བརྒྱ་བཅུ་གསུམ་ཡོད་པའང་ཡོད༔ དེ་རྣམས་ལ་ཉམས་སྨོད་པའི་བདུད་བགེགས་ནི༔ འགོང་པོ་སྤུན་དགུ༔ དམ་སྲི་སྤུན་དགུ༔ ཐེའུ་རང་སྤུན་དགུ་སྙིང་ལ་ཞུགས་པའི་བན་བཙུན་དམ་ཉམས་མང་པོས༔ གཏེར་གྱི་ཆོས་ཟབ་མོ་ལ་ཡ་གདང་སྐུར་པ་བཏབ་སྟེ༔ བཀའ་བྱིན་རླབས་མ་ཉམས་པར་སྤྱོད་པའི་གང་ཟག་རྣམས་ལ༔ རུ་ང་དང་ཕྲག་དོག་སྣ་ཚོགས་བྱེད༔ ཆོས་ལ་ང་བདག་གི་འགོང་པོ་ཞུགས་པས༔ གཏེར་ཆོས་སྤྱོད་པ་རྣམས་ཀྱང་ཡིད་གཉིས་སུ་འགྱུར་ཏེ༔ ཕ་རོལ་དང་རྩོད་པའི་ཕྱིར་སྣ་ཚོགས་མགོ་བསྡུས༔ ཉམས་སུ་མི་ལོན་པའི་ཤེས་བྱ་མཐའ་ཡས་སུ་སྤྱོད་པས༔ བྱིན་རླབས་དང་ནུས་པ་ཡལ་ཏེ༔ ཟབ་མོའི་བསྟན་པ་ཉམས་པར་འགྱུར་རོ༔ འདིའི་མཚན་ནི༔ གསང་སྔགས་བསྟན་པ་ཕྱི་མ་དེ་ནི་སྙིང་པོ་ཐུགས་ཀྱི་བསྟན་པ་ཞེས་བྱའོ༔ འདི་ཉམས་སུ་བླང་བའི་ཡོན་ཏན་ནི༔ སྨོན་ལམ་དང་ཐུགས་རྗེའི་ཁྱད་པར་གྱིས༔ བསྐྱེད་པའི་རིམ་པ་ལྷ་བསྒྲུབ་པ་རྣམས་ཀྱང་༔ གསང་སྔགས་ཀྱི་བསྟན་པ་གོང་མ་རྣམས་ལས་ཀྱང་བདུན་འགྱུར་གྱི་བྱིན་རླབས་མཐུ་རྩལ་ཆེའོ༔ འབྲས་བུ་རྫོགས་པ་ཆེན་པོའི་ཆོས་རྣམས་ནི༔ ཚེ་འདི་ལ་ངེས་པའི་དོན་མངོན་དུ་གྱུར་ཏེ༔ གང་ཟག་རབ་རྣམས་ཀྱིས་མན་ངག་མཐོང་བ་ཙམ་གྱིས་སངས་རྒྱ་བ་འབྱུང་ངོ་༔ འབྲས་བུ་གཏེར་གྱི་བསྟན་པ་རིན་པོ་ཆེ་ལ་སྨོད་པའི་བདུད་དང་འགོང་པོས་ཁ་བསྒྱུར་བས༔ འབོལ་འཆོལ་བདུད་ཀྱི་རིགས་རྣམས་ནི༔ ཚེ་འདི་ལས་འཕོས་མ་ཐག༔ ལྕགས་ཀྱི་ངོ་བོ་དཔག་ཚད་སྟོང་དང་ལྔ་བཅུ་ཡོད་པའི་འོག་ཏུ༔ བསྐལ་པ་ཆེན་པོ་དྲུག་ཅུ་བརྗེས་ནས༔ དེ་ནས་འཁོར་བའི་གཡང་ས་ཆེན་པོར་འདྲིལ་ཞིང་༔ བྱང་ཆུབ་ཀྱི་ས་བོན་རྩད་ནས་བསྐམ་པར་འགྱུར་རོ༔ ཞེས་སོགས་དང་། ཡང་དེ་འཕྲོས། ཀྱཻ༔ རིག་འཛིན་ཆེན་པོ་སྤྲུལ་པའི་སྐུ༔ སངས་རྒྱས་ཀྱི་བསྟན་པ་དུས་དེར་རྫོགས་པ་ལགས་སམ༔ རྫུ་འཕྲུལ་གྱིས་གཏེར་རྣམས་འབྱུང་བའི་དུས་གང་ལགས༔ དེ་ནས་བོད་ཀྱི་སེམས་ཅན་མཐར་ཇི་ལྟར་འགྱུར་བ་ལགས༔ ཞེས་ཞུས་སོ༔ བཀའ་སྩལ་པ༔ ཉོན་ཅིག་བོད་ཀྱི་དད་པ་ཅན༔ གསང་སྔགས་ཀྱི་བསྟན་པ་དང་པོ་དེ༔ རྒྱ་གར་ཡུལ་དུ་བསྟན་པའི་སྙིང་པོ་ལ་འབྱུང་༔ བོད་ཀྱི་ཡུལ་དུ་བདེ་སྐྱིད་ལྡན་པའི་དུས་སུ་འབྱུང་༔ གསང་སྔགས་བར་བ་དེ༔ རྒྱ་གར་ཡུལ་དུ་བསྟན་པའི་མཐའ་ལ་འབྱུང་༔ བོད་ཀྱི་ཡུལ་དུ་ལྔ་བརྒྱ་ཕྲག་བཅུའི་བརྒྱད་པ་ལ་འབྱུང་༔ གསང་སྔགས་ཀྱི་བསྟན་པ་ཕྱི་མ་དེ༔ བོད་དུ་ལྔ་བརྒྱ་ཕྲག་དགུའི་རྐེད་པ་ལ་འབྱུང་༔ དེ་ནུབ་ཁ་རུ་ཤཱཀྱ་ཐུབ་པའི་བསྟན་པ་རྫོགས་སོ༔ རྒྱ་གར་མཐའ་དབུས་ཀྱི་དྷརྨ་ཐམས་ཅད་རིན་པོ་ཆེའི་སྦུབས་སུ་ཐིམ༔ དེ་དུས་བོད་ན་སྡེ་སྣོད་གསུམ་གྱི་ཆོས་རྟགས་ཙམ་འཛིན༔ གསང་སྔགས་ཀྱི་ཆོས་འཆོལ་པ་རུ་སྤྱོད༔ ངའི་ཕྲིན་ལས་ཀྱི་ལྷག་མ་ལོ་བརྒྱ་ཙམ་གཅིག་འོང་༔ དེ་ནས་རྫུ་འཕྲུལ་གྱི་གཏེར་རང་བརྡོལ་དུ་བྱུང་ནས༔ བོད་ཁོལ་བུར་ཕན་པར་འགྱུར་རོ༔ དམན་ཆད་ལས་ལ་སྤྱོད་པའི་སེམས་ཅན་ལ༔ སངས་རྒྱས་དང་བྱང་ཆུབ་སེམས་དཔའི་ཕྲིན་ལས་ཀྱི་ཡུལ་མ་རྙེད་ནས༔ མཐའ་ལ་ཐུག་པའི་སེམས་ཅན་སྡུག་བསྔལ་གྱི་མཚོ་ལ་སྤྱོད་དོ༔ ཞེས་གསུངས། འདིའི་གསང་སྔགས་བསྟན་པ་དང་པོ་དེ་རྙིང་མ་སྔ་དར། བར་བ་དེ་གསང་སྔགས་གསར་མ་ཕྱི་དང་། ཕྱི་མ་དེ་ཟབ་གཏེར་རིམ་པར་འབྱུང་བ་རྣམས་ཡིན་འདུག །རྫུ་འཕྲུལ་གྱི་གཏེར་ཡང་། རྫུ་འཕྲུལ་དྲག་པོའི་གཏེར་དགུ། མཚོན་ཆ། འཁྲུལ་འཁོར། རེག་དུག །རྩི་དུག །སྤུ་གྲི། ནང་འཁྲུག་སྦྱོར་བ། ཡུལ་ཁམས་བསྲེག་པ། ཐན་ངན་འགྱེད་པ། མཐའ་ལ་བསྐྲད་པ་རྣམས་ཀྱི་གཏེར་ཁ་ཡོད་པ་རང་བརྡོལ་ནས༔ བདུད་ཀྱི་དཔུང་བཟློག་ཅིང་ཅུང་ཟད་ཕན་པར་བཤད༔ ཡང་དེའི་སྤྲོས་མེད་གསང་བའི་དབང་ལས། རྩ་གསུམ་འཁོར་ལོ་ལྔ་གསལ་གདབ་པ་ནི༔ རིགས་ཀྱི་བུ་ཁྱོད་ཉོན་ཅིག༔ ཁྱོད་ཀྱི་ལུས་ཀྱི་དབུས་ཁོག་པའི་ནང་ན་ཡར་འཁོར་བ་དང་༔ མྱ་ངན་ལས་འདས་པའི་རྩ་མང་པོ་ཡོད་དེ༔ དེ་རྣམས་ཀྱི་དབུས་ན་མི་འགྱུར་བ་རྡོ་རྗེའི་རྩ་ཞེས་བྱ་བ༔ རྩ་བ་ལྟེ་བའི་འོག་ཏུ་ཟུག་པ༔ རྩེ་མོ་སྤྱི་གཙུག་ཚངས་པའི་བུ་ག་ལ་ཟུག་པ༔ འཁོར་ལོ་ལྔའི་དབུས་ན་ཡར་སྲོག་ཤིང་གི་ཚུལ་དུ་ཡོད་པ༔ དབྱིབས་གྲོ་སོག་གི་སྦུ་གུ་ཙམ་ཡོད་པ༔ ཁ་དོག་ཟ་འོག་གི་སྐུད་པ་ལྟར་ལྔ་སྒྲིལ་དུ་ཡོད་པ༔ སྲོག་ཆགས་ནས་མ་ཤིའི་བར་དུ་གནས༔ དབུགས་ཆད་པ་དང་ཡལ་འགྲོ་སྟེ་རོ་ལ་མི་མངོན་ནོ༔ དེ་ལ་མིང་ནི་རྡོ་རྗེའི་རྩ་ཞེས་བྱ༔ རྩ་དབུ་མ་ཞེས་བྱ༔ ཞེས་གསུངས། ཡང་དེའི་རིག་པ་རྩལ་དབང་གི་འགྲེལ་པ་ལས། ཡང་ཞུས་པ། ཀྱཻ༔ སློབ་དཔོན་ཆེན་པོ་ལགས༔ སེམས་དང་རིག་པ་དེ་ལྟ་བུའི་ཁྱད་པར་ཆེ་བ་ལ༔ བློ་དམན་པའི་གང་ཟག་གིས་ཉམས་སུ་བླང་ཚུལ་ཅི་ལྟར་བགྱི༔ ཞེས་ཞུས་སོ༔ བཀའ་སྩལ་པ༔ རྒྱལ་པོ་དང་མཚོ་རྒྱལ་གསོན་ཅིག༔ ལམ་ལ་འཇུག་པའི་རྣལ་འབྱོར་པས་ཉམས་སུ་བླང་བའི་དུས་ན་ལུས་གནད་དྲང་པོར་བཅའ༔ མིག་བར་སྣང་ལ་ཧུར་ཐག་བཅད་དེ་བཞག༔ རླུང་དལ་བུར་བྱས་པས་བཅའ་བ་ལུས་ཀྱི་གནད་ཚང་པའོ༔ བཞག་ཐབས་སེམས་ཀྱི་གནད༔ འདས་པ་སྔར་ཞེན་གྱི་བག་ཆགས་རྗེས་མི་འབྲང་༔ མ་འོངས་པ་ཉོན་མོངས་པའི་སྔོན་མི་བསུ༔ བྱིང་བ་དང་༔ རྨུགས་པ་དང་༔ ཡེང་བ༔ ལྟེང་བ༔ གཡོ་བ༔ འཕྲོ་བ༔ བསམ་གཏན་གྱི་སྐྱོན་ཀུན་སྤངས་ཏེ༔ སལ་ལེ༔ སིང་ངེ་༔ ཧྲིག་གེ༔ ཧུར་རེ༔ རྗེན་ནེ་བཞག་པས༔ རིག་པ་རང་གསལ་གྱི་ཏིང་ངེ་འཛིན་ཡིན་ཏེ༔ དེའི་ངང་ལ་གནས་པ་ལ་ཡོན་ཏན་བསམ་གྱིས་མི་ཁྱབ་སྟེ༔ ཡང་དག་པར་རྫོགས་པའི་སངས་རྒྱས་ལ་བདུད་ཀྱི་དམག་བྱེ་བ་དུང་ཕྱུར་གྱི་མཚོན་ཆའི་ཆར་ཕབ་ཀྱང་༔ ཏིང་ངེ་འཛིན་དེའི་ངང་ལ་གནས་པས་བདུད་ཐུལ་བ་ཡིན་ནོ༔ དེ་བཞིན་དུ་ཏིང་ངེ་འཛིན་དེ་ལས་མ་ཡེངས་ན༔ ལམ་གྱི་རྣལ་འབྱོར་པ་ལ་དགྲ་བགེགས་ཀྱིས་ཚུགས་པར་མི་འགྱུར་རོ༔ ཨོ་རྒྱན་པདྨ་འབྱུང་གནས་ལ་རིག་པ་རང་གསལ་གྱི་ཏིང་ངེ་འཛིན་དེ་ལ་འགྱུར་བ་མེད་པས༔ འཆི་བ་མེད་པ་ཚེའི་དངོས་གྲུབ་ཐོབ་པ་ཡིན་ནོ༔ དེ་བཞིན་དུ་རྣལ་འབྱོར་པ་ལ་ཚེ་བསྲིང་བའི་ཉམས་ལེན་ཀྱང་དེ་ཀ་ཡིན༔ རྒས་པ་དང་༔ རྒུད་པ་མི་འོང་༔ རྒྱལ་པོ་ཨིནྡྲ་བྷཱུ་ཏི་ལ་རིག་པ་རང་གསལ་གྱི་ཏིང་ངེ་འཛིན་ལ་འགྱུར་བ་མེད་པས༔ འདོད་ཡོན་ཐམས་ཅད་དབང་དུ་འདུ་བ་ཡིན༔ དེ་བཞིན་དུ་ལམ་གྱི་རྣལ་འབྱོར་པ་ལ་དངོས་གྲུབ་ཀྱི་ཆར་ཀྱང་དེའི་དུས་ལ་འབབ་པོ༔ ནད་ཐམས་ཅད་དེས་སེལ༔ དེའི་ཕྱིར་ཉམས་ལེན་དེ་ལ་འབད་རྩོལ་སྐྱེད་ཅིག༔ སངས་རྒྱས་ཀྱི་དགོངས་པ་དེའི་ངང་ལ་གཡོ་བ་མེད་པས༔ སྐྱེ་མེད་ཆོས་སྐུའི་དགོངས་པ་ཟེར་བ་ཡིན༔ སེམས་ཅན་གྱི་རྟོག་པ་དུམ་བུར་ཡོད་པས་སྡུག་བསྔལ་སྣ་ཚོགས་འབྱུང་བ་ཡིན༔ ལམ་ཉམས་སུ་ལེན་པའི་རྣལ་འབྱོར་པས་འཇིག་རྟེན་གྱི་ཆགས་སྡང་སྣ་ཚོགས་འཆར་བ་ལ༔ སེམས་ཀྱི་འཁྲུལ་པ་བུན་ལངས་འཕྲོ༔ དེ་ལ་དྲན་པས་ཙིར་བཟུང་༔ རིག་པ་སོ་ལ་ཡེར་ཞོག༔ ཡང་གཟུང་འཛིན་གྱི་སྣང་བ་འཁྲུགས་རུམ་འོང་༔ དྲན་པའི་ལྕགས་ཀྱུས་ཙིར་ཟུང་༔ ནང་གི་ཤེས་པ་གློད་པས་རིག་པ་གསལ་ཧྲིག་འོང་༔ དེའི་ངང་ལ་ཡུན་རིང་གོམས་པས་ཏིང་ངེ་འཛིན་ཇེ་བརྟན་ལ་འགྲོ༔ ལས་དང་པོའི་དུས་ན་སེམས་རྟོག་བཅས་ཀྱི་འཚུབ་མ་འཚུབས་ནས༔ རིག་པ་སྤྲིན་གྱི་ཉི་མ་ལྟ་བུ་ལས་མི་འཆར་ཏེ༔ ཉོན་མོངས་པ་དུག་གསུམ་ལས་དུག་ལྔར་གྱུར༔ དེ་ལས་ཉོན་མོངས་པ་བརྒྱད་ཁྲི་བཞི་སྟོང་ལས་འཕེལ་ཏེ༔ དེའི་ལས་ཀྱི་སྣང་བ་གློ་བུར་གྱི་རྟོག་པས་མཚམས་སྦྱར་ནས་བརྒྱ་སྐྱེ་བརྒྱ་འགག༔ རྟོག་པ་གཅིག་སངས་པ་དང་གཅིག་སྐྱེ༔ དེ་ལྟ་བུའི་གསེབ་ན་རང་བྱུང་གི་རིག་པ་ངོས་འཛིན་པ་ལ་ཉམ་ཆུང་རྟ་རྒོད་འདུལ་བ་བཞིན་དུ་ཤིན་ཏུ་གྲིམ་པར་བྱ་དགོས་ཏེ༔ ཉོན་མོངས་པ་དུག་ལྔ་ལས་གྱུར་པ་ཆགས་སྡང་གཟུང་འཛིན་གྱི་བྱིངས་འཐིབ༔ ཡེང་བ་ལ་སོགས་ཟི་ཧྲང་བྱུང་མ་ཐག༔ སེམས་འཁྲུལ་པའི་སྣང་བ་ཡིན་བསམ་པ་དང་༔ དྲན་པས་ཙིར་བཟུང་༔ ལུས་གནད་བཅའ༔ སྟེང་འོག་གི་རླུང་ཁ་སྦྱོར༔ ཤེས་པ་ལྷོད་གློད་པས་རིག་པ་གསལ་སྟོང་དེའི་ངང་ལ་ཡུན་ཇེ་རིང་སྦྱང་ངོ་༔ དེའང་སྐད་ཅིག་མ་དང་པོ་ལ་འཁྲུལ་རྟོག་སྐྱེས་ནས༔ རབ་ཀྱི་སྐད་ཅིག་མ་གཉིས་པ༔ འབྲིང་གིས་གསུམ་པ༔ ཐ་མས་སྐད་ཅིག་མ་བཞི་ལ་དྲན་པས་ཟིན་དགོས༔ དེ་མ་ཟིན་ན་འཁྲུལ་སྣང་ལ་འབྱམ་འགྲོ༔ རྟོག་པ་སྐྱེ་བ་དེ་རང་གྲོལ་དུ་སོང་བ་དང་༔ རིག་པའི་ངོ་བོ་མཐོང་བ་དུས་མཉམ་ལ་འབྱུང་ངོ་༔ གཞན་ཡང་དབང་རབ་གནས༔ གནས་སྤོར་སྲུང་འཁོར་དགེ་བའི་བྱ་བ་ཅི་བྱེད་ཐམས་ཅད་ལ་ཡང་༔ རང་ཡེ་ཤེས་ལྷ་རུ་བསྐྱེད་པའི་དུས་ན༔ ལྷ་རུ་ལམ་གསལ་བ་དེ་ཀ༔ རིག་པ་རང་གསལ་གྱི་ངོ་བོ་ལ་གནས་པ་ཡིན་པས༔ བྱིན་རླབས་དང་ནུས་པ་དཔག་ཏུ་མེད་པ་འབྱུང་ངོ་༔ ཉིན་པར་དྲན་འཛིན་གྲིམ་དུ་བྱས་པས༔ ནུབ་མོ་རྨི་ལམ་དུའང་རིག་པ་གསལ་ཐེབས་པ་འབྱུང་༔ དེས་འཁྲུལ་པ་ཀ་ནས་དག་འགྲོ༔ རབ་བར་དོའི་སེམས་ཅན་གྱི་དོན་བྱེད་ན༔ རིག་པ་ཧུར་རེ་ཧྲིག་གེ་བ་དེའི་ངང་ལས་རྣམ་ཤེས་བཀུག་པས་གཤེད་དང་ཕྲལ་ནས་ངོ་སྤྲོད་པ་གང་བྱས་ཀྱང་འཁྲུལ་སྣང་ལས་བཟློག་ནུས་སོ༔ རང་སྲིད་པའི་བར་དོར་འཁྱམས་སྲིད་ན་བར་དོའི་སྣང་བ་དེ་ལས་ཀྱི་རླུང་སྟོབས་ཆེ་བས་བསྡད་པའི་དབང་མེད་པར་ཆོ་ལོང་ལོང་འགྲོ་སྟེ༔ དེའི་དུས་སུ་རླུང་བཟུང་དྲན་པས་གསལ་གདབ༔ རིག་པ་སལ་ལེ་ཧྲིག་གེ༔ ཧུར་རེ༔ རྗེན་ནེ༔ འདི་ལ་སྐད་ཅིག་མ་གསུམ་ལ་གནས་ནུས་ན༔ དེའི་རྗེས་སུ་འདུན་པ་བཏང་པས་བདེ་བ་ཅན་ལ་སོགས་པའི་ཞིང་ཁམས་རྣམ་པར་དག་པ་སྐད་ཅིག་མ་ཐང་གཅིག་ཏུ་ཡུད་ཙམ་ལ་སྐྱེ་བར་འགྱུར་རོ༔ དེ་བཞིན་དུ་བྱོལ་སོང་དང་༔ ཡི་དྭགས༔ དམྱལ་བའི་གནས་སུ་སོང་ན་ཡང་༔ རིག་པ་སྐད་ཅིག་མ་གཉིས་དང་གསུམ་དང་༔ བཅུ་གསུམ་དང་༔ ཉེར་གཅིག་དང་༔ བརྒྱའི་བར་དུ་རིག་པ་རང་སོ་ཟིན་ན་ངན་སོང་གི་སྡུག་བསྔལ་ལས་གྲོལ་བར་འགྱུར་རོ༔ རིག་པ་ལ་ཡོན་ཏན་དཔག་ཏུ་མེད་པའི་ཕྱིར་རོ༔ ཡང་རང་བཞིན་དུ་རིག་པ་གསལ་ཐེབས་པའི་དུས་ཡོད་དེ༔ སྐྱེས་བུ་རིམས་ནད་ཀྱིས་ཡུན་རིང་འབྱོངས་པའི་དུས་དང་༔ ཐང་ཆད་པ་ལ་ངལ་བསོ་བའི་དུས་དང་༔ ཕུང་པོ་འཇིག་པའི་དུས་དང་༔ རྒྱུའི་ཐིག་ལེ་དཀར་དམར་འཕྲད་པའི་དུས་འཆར་བས་ངོ་ཤེས་པར་གྱིས་ཤིག༔ གྲོགས་ཀྱི་རིགས་པ་གསལ་ཐེབས་པའང་ཡོད་དེ༔ གནས་དང་ཁང་ཁྱིམ་བཟང་པོ་དང་༔ ནོར་བུ་རིན་པོ་ཆེ་དང་༔ ཟ་འོག་ཟིམ་གྱི་གོས་དང་༔ གདུང་ཤཱ་རཱི་རཾ་བཅང་ན༔ རིག་པ་གསལ་ཐེབས་པའི་གྲོགས་བྱེད༔ དེ་ལ་ངོ་ཤེས་པས་ཡུན་ཇེ་རིང་ཇེ་བརྟན་ལ་འགྲོ༔ སྐད་ཅིག་མ་ཉེར་གཅིག་དེ་ལ་གནས་ན་འཆི་བ་བསླུ་ནུས༔ ཆུ་ཚོད་གསུམ་གྱི་ཡུན་གནས་ན༔ བར་དོ་དང་པོ་ལ་སངས་རྒྱས་ནུས༔ གྲོ་སྐད་ཅིག་གནས་ནུས་ན༔ ནམ་མཁའི་ཐོག་གིས་མི་ཚུགས་སོ༔ མཐར་འཁྲུལ་པའི་རྒྱུན་ཆད་ནས༔ རིག་པ་རང་བྱུང་གི་ཏིང་ངེ་འཛིན་ལ་རྒྱུན་དུ་གནས་ཏེ༔ རྡོ་རྗེ་འཆང་གི་སྲས་སུ་འགྱུར་རོ༔ ཞེས་གསུངས༔ འདིའི་སེམས་རིག་གཉིས་སོ་སོར་ཕྱེ་ནས་སེམས་རྣམ་རྟོག་དག་པའི་ངོ་བོ་རིག་པ་ཐོད་རྒལ་དང་ཀ་དག་གཉིས་ལས་བློ་དམན་ཀ་དག་ཉམས་སུ་ལེན་པའི་ཐབས་ཡིན་འདུག་ཀྱང་། དེའི་ཆོས་སྡེ་རྩ་བའི་དམ་ཚིག་རྣམ་བཤད་ལས། ལྷའི་བསྐྱེད་རིམ་གསལ་བ་རབ་སྙིང་པོ་རྒྱུན་ཆད་མེད་པ༔ འབྲིང་སྟོང་ཕྲག་རེ༔ ཐ་མ་བརྒྱ་རྩ་ཉེར་གཅིག༔ བདུན་བདུན་ཞག་ལ་མི་ཆགས་པར་བཟླ༔ ཞེས་དང་། དུས་ཐ་མ་ལ་སེམས་ཅན་ཤ་ཁྲག་ལ་གཅན་གཟན་ལྟ་བུར་རྔམ༔ སྲོག་སྲིན་པོ་ལྟ་བུར་འཕྲོག༔ ཆོས་བྱེད་མིང་བཏགས་པ་རྣམས་ཀྱང་༔ ཤ་ཁྲག་དཔག་མེད་ཟ་པའི་དུས་འོང་༔ གསང་སྔགས་པ་རྣམས་ཀྱང་གསང་སྔགས་ཀྱི་དམ་རྫས་ཤ་མེད་པར་མི་འོང་ཟེར༔ ཐ་སྙད་བཏགས་ཏེ་ཤ་ཁྲག་དམར་པོ་བསྐྱིལ་ནས་སྲིན་པོའི་ཆ་བྱད། ཤ་ཁྲག་དམར་ལ་བག་མེད་དུ་སྤྱོད་ནས༔ མཐར་ལས་ཀྱི་ཤ་ཟ་ནག་པོར་སྐྱེ་བར་འགྱུར་རོ༔ དེའི་དུས་སུ་གསང་སྔགས་སྤྱོད་པའི་རྣལ་འབྱོར་པ་ལམ་ལ་གནས་པ་རྣམས་འདི་ལྟ་བུར་གྱིས་ཤིག༔ གསང་སྔགས་དམ་ཚིག་རྫས་ཤ་ལྔ་དང་བདུད་རྩི་ལྔ་ནི་སྒྲུབ་ཆེན་གྱི་སྨན་ལ་འདུས༔ ནང་རང་གི་ལུས་ལ་ཚང་བའོ༔ བསད་པ་དང་མི་གཙང་བའི་ལག་ནས་བྱུང་བ་ནི་ཉམས་པ་ཡིན་པས༔ རྫས་སུ་མི་རུང་སྟེ༔ སོ་སོ་སྐྱེ་བོས་མཐོང་བའམ་ཚོར་བའི་གནས་སུ་ཤ་ཁྲག་གིས་མ་མོ་མཁའ་འགྲོ་མཆོད་ན༔ ཡ་ག་ངན་པ་ཕོག་ནས་གསང་བའི་དམ་ཚིག་ཉམས་པར་འགྱུར་རོ༔ དེའི་ཕྱིར་ཤ་ཁྲག་དྲི་ཚོར་ཙམ་གྱིས་བྱིན་གྱིས་བརླབས་ཏེ་སྤྱད་དུ་རུང་༔ མངོན་པར་ཚོལ་བའི་ཤ་ཁྲག་མ་བསྟེན་ཅིག༔ ཟང་ཐལ་ཆོས་སྡེ་རྩ་གསུམ་རིན་པོ་ཆེའི་སྒྲོན་མ་ལས། གླིང་བཞི་མིའི་ཡུལ་ཡན་ཆད་རང་ལ་བདེ་བ་བྱ་བའི་རྒྱུ་ཡོད་དེ༔ ཉོན་མོངས་པ་ལྔ་འཇོལ་ཉོག་ཏུ་སྤྱོད་ནས་དམར་འགྲོ་བའི་རིགས་མང་ངོ་༔ བདེ་འགྲོའི་གནས་སུ་སངས་རྒྱ་བར་འདོད་ན༔ ངས་བསྟན་པའི་སྒོ་འདིར་མ་ཞུགས་ན༔ ས་བོན་མེད་པ་བཞིན་དུ་བདེ་བའི་རྒྱུ་མེད་དོ༔ དེ་ཅིའི་ཕྱིར་ཞེ་ན༔ སེམས་ཅན་ཐམས་ཅད་ལ་རང་གི་ལུས་ལ་རིགས་དྲུག་གི་ས་བོན་དྲུག༔ ལས་ཀྱི་རླུང་དྲུག་རང་ཆས་སུ་ཡོད་དེ༔ དེའི་ནང་ནས་ཤིན་ཏུ་འཇིགས་པའི་ས་བོན་དུཿནག་པོ་དང་༔ ལས་ཀྱི་རླུང་ནག་པོ་ཐོད་རྒལ་ཞེས་བྱ་བ་གཅིག་མིའི་རྐང་མཐིལ་ན་ཡོད་པས་དེ་ནི་མཐོ་རུ་མི་རུང་སྟེ༔ སུམ་མདོར་སླེབས་ན་དུད་འགྲོར་ངེས་པར་སྐྱེ༔ ལྟེ་བར་སླེབས་ན་ཡི་དྭགས་སུ་སྐྱེ༔ སྙིང་གར་སླེབས་ན་གྲང་བའི་དམྱལ་བར་སྐྱེ༔ མགྲིན་པར་སླེབས་ན་ཚ་བའི་དམྱལ་བར་སྐྱེ༔ སྤྱི་བོར་སླེབས་ན་མནར་མེད་པའི་དམྱལ་བ་ཆེན་པོར་སྐྱེའོ༔ གནས་པ་ཡང་དེ་ལྟར་དུ་ཡོད་དེ༔ མིའི་ལུས་དེའི་རྐང་མཐིལ་ན་ཡོད་པས་བདེ་བ་འགྲུབ་པའི་སྐབས་ཡོད་པའོ༔ ཞེས་སོགས་གསུངས། སྲོག་གཅོད་སོགས་མི་དགེ་བ་སྤྱོད་ན་རླུང་དང་དུཿཡིག་སྟོབས་རྒྱས་ཤིང་། དགེ་བའི་ལས་ཀྱིས་རིམ་པར་མནན་པ་དང་། སྡོམ་པ་སོགས་ཚུལ་ལྡན་བསྲུངས་ན་ལྡང་མི་ནུས་པར་བཤད། འདི་སངས་རྒྱས་ཐུབ་པ་ཆེན་པོས་རྒྱལ་པོ་ཨིནྡྲ་བྷཱུ་ཏི་ལ་གསུང་བ་ཡིན་པར་གསུངས། ཡང་དེའི་ཆོས་སྡེ་ཚོགས་ཀྱི་མཆོད་པ་བསྟན་པ་ལས། ཚོགས་ཀྱི་འཁོར་ལོ་བྱ་བ་དང་༔ ཚོགས་མཆོད་བྱ་བ་གཉིས་ལས༔ དང་པོ་ཚོགས་ཀྱི་འཁོར་ལོ་ལ༔ རོ་དྲུག་ཚང་བའི་ཟས་བརྒྱད་དང་ཡོ་བྱད་ཕུན་སུམ་ཚོགས་པ་བཤམ༔ དེ་ཡང་མཆོག་ཏུ་གཅེས་པ་ཤ་ཆང་གཉིས་ཡིན་ཏེ༔ ཤ་ནི་ནད་ཡུན་རིང་གི་ཤ་མ་ཡིན་པ་དང་༔ མི་འམ་གཅན་གཟན་གྱིས་བསད་པའི་ཤ་མ་ཡིན་པ་དང་༔ གྲི་ཐབས་རྨད་གུ་རྨེ་དང་བཅས་པ་བླང་བར་མི་བྱའོ༔ རུང་ཅན་ཚེ་ཟད་པ་ཁོ་ན་བསྔགས་སོ༔ དེ་ཡང་དབང་པོ་ཚང་དགོས་སོ༔ གྲིར་ཤི་བའི་ཤ་ཁྲག་ནི་གནོད་སྦྱིན་མཆོད་པའི་རྫས་ཡིན་པས་དམ་རྫས་སུ་མི་རུང་ངོ་༔ རྨིག་ཟླུམ་དང་༔ མཛེ་ཅན༔ རྨེ་ཤ༔ ནད་ངན་པས་ཤི་བ༔ རྒྱུ་ངན་དངོས་པོ་རུལ་པ་ནི་མཁའ་འགྲོ་མི་མཉེས་པས་དམ་རྫས་སུ་མི་རུང་ངོ་༔ ཆང་ནི་བཟང་ཞིང་མང་པོ་མཆོག་ཏུ་བསྔགས་ཏེ༔ རྣལ་འབྱོར་པས་བྲེ་ལ་མི་གཞལ་ནན་གྱིས་མི་བཏང་༔ ཅ་ཅོ་དང་གཡེང་བ་འདྲེས་པའི་དུས་སུ་མི་བཏང་༔ བྱིན་གྱིས་མ་བརླབ་པར་ལོངས་མི་སྤྱད༔ ཅེས་གསུངས། ཡང་དེའི་མཁའ་འགྲོའི་མངོན་རྟོགས་ཡིད་བཞིན་ནོར་བུ་ལས། རང་ལུས་རྡོ་རྗེ་ཕག་མོ་བསྒོམ་པ་ཡང་༔ ཕྱི་ལྟར་ན་ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་མ༔ ནང་ལྟར་ན་རྡོ་རྗེ་ཕག་མོ་ཡིན༔ གསང་བ་ལྟར་ན་ཨེ་ཀ་ཛཱ་ཊི་ཡིན་ནོ༔ ཞེས་དང་། དེའི་མཁའ་འགྲོའི་ལས་རིམ་གསང་བའི་མན་ངག་ལས༔ སྐྱ་རེངས་དང་པོ་ཤར་ནས་གདང་ཆེན་བར༔ བདག་གི་ཚེ་དང་དབང་ཐང་རྒྱས་པའི་དུས༔ མགོན་པོ་ཚེ་དཔག་མེད་པའི་སྒྲུབ་པ་བྱ༔ དེ་ཡི་ཕྲིན་ལས་ཏིང་འཛིན་བསྙེན་པ་བཟླས༔ སྐྱེ་འཆི་མེད་པའི་ཚེ་ཡི་དོན་ལ་ལྟོས༔ གསལ་བྱེད་ནམ་ལངས་ཉི་མ་དྲོས་ཀྱི་བར༔ བདག་གི་རྐྱེན་དང་བར་ཆད་ཞི་བའི་དུས༔ སྒྲིབ་སྦྱང་མན་ངག་གཅེས་པས་ཉམས་སུ་བླང་༔ དེ་ཡི་ཆོ་ག་ཏིང་འཛིན་བསྙེན་པ་བཟླ༔ ཡུལ་གསུམ་དབྱེར་མེད་བཤགས་པའི་དོན་ལ་ལྟོས༔ ཉིན་ཕྱེད་ཡོལ་ནས་དམར་ཐག་བྱུང་གི་བར༔ བདག་གི་སྣང་བ་དབང་དུ་འདུ་བའི་དུས༔ ཡིད་བཞིན་ནོར་བུ་བླ་མའི་སྒྲུབ་པ་བྱ༔ དེ་ཡི་གསོལ་འདེབས་མཆོད་འབུལ་སྙིང་པོ་བཟླ༔ རང་རིག་རང་གསལ་བླ་མའི་དོན་ལ་ལྟོས༔ ས་ནག་དགོང་ལ་གཟའ་སྐར་ཚོགས་ཀྱི་བར༔ བདག་གི་དགྲ་བགེགས་བར་ཆད་འདུལ་བའི་དུས༔ དམ་ཅན་བཀའ་སྲུང་རྣམས་ཀྱི་སྒྲུབ་པ་བྱ༔ དེ་ཡི་ཕྲིན་ལས་ཏིང་འཛིན་སྲོག་སྙིང་བཟླ༔ བདག་གཞན་མེད་པ་དྲག་པོའི་དོན་ལ་ལྟོས༔ ཞེས་སོགས་དང་། ཕྲིན་ལས་གཏོར་མ་བསྙེན་པ་གང་བྱེད་ཀྱང་༔ མ་ཡེངས་དེ་ཡི་ཏིང་འཛིན་བརྟན་པར་གྱིས༔ གསང་སྔགས་བོན་གྱེར་མི་བྱ་ཚིག་དོན་བསྡེབ༔ ཏིང་འཛིན་མེད་པའི་བསྙེན་སྒྲུབ་ཁྱི་སྐད་འདྲ༔ ཞེས་གསུངས། དེའི་སྙན་བརྒྱུད་ཀྱི་གཏད་རྒྱ་བསྟན་པ་ལས། དེ་ནས་རིག་འཛིན་རྣམ་པ་གསུམ་གྱིས༔ བཀའ་སྲུང་དམ་ཚིག་གི་རྒྱ་གསུངས་པ༔ རྒྱལ་བ་དགོངས་པའི་བརྒྱུད་པ་ཡི༔ དམ་ཅན་ཁྲོས་མ་ནག་མོ་ཁྱོད༔ རྫོགས་པ་ཆེན་པོའི་སྲུང་མར་བསྐོས༔ རིག་འཛིན་རིག་པའི་བརྒྱུད་པ་ཡི༔ དུར་ཁྲོད་མ་མོ་རྣམ་པ་གསུམ༔ རྫོགས་པ་ཆེན་པོའི་སྲུང་མར་བསྐོས༔ གང་ཟག་སྙན་ཁུང་བརྒྱུད་པ་ལ༔ བོད་ཡུལ་བརྟན་མ་བཅུ་གཉིས་ཀྱིས༔ རྫོགས་པ་ཆེན་པོའི་བཀའ་སྲུང་གྱིས༔ དེ་ཕྱིར་བཀའ་སྲུང་སྡེ་གསུམ་པོ༔ གཏད་རྒྱ་ཐུབ་པའི་གང་ཟག་ལ༔ རྒྱལ་པོའི་བྲན་ལྟར་ལེགས་པར་ཉོན༔ དམ་མེད་ལུང་མེད་ཤོག་འཁྱམས་གྱིས༔ གསང་ཆེན་གསང་བ་སྒྲོག་པ་ལ༔ བཀྲ་མི་ཤིས་དང་ཚེ་ཐུང་གྱིས༔ ལོག་པའི་རྫོགས་ཆེན་སྤྱོད་པ་སྲུངས༔ བསྟན་པའི་མཐའ་ལ་རྫོགས་ཆེན་གྱི༔ ཡི་གེ་ཚིག་བཞི་ལེའུ་གཅིག༔ ཐ་ན་ཆོས་སྐུའི་དོན་མཚོན་པ༔ ཡི་གེ་འབྲུ་གཅིག་མ་ལུས་ལ༔ བཀའ་སྲུང་སྡེ་གསུམ་མ་མོས་སྲུངས༔ ལས་ཅན་ཕྱི་མས་གཏེར་དུ་སྦོས༔ བཀའ་དེ་ལེགས་པར་བསྲུང་གྱུར་ན༔ འོག་མིན་ཆོས་ཀྱི་དབྱིངས་སུ་བྱོན༔ ཞེས་གསུངས། དེའི་ཆོས་སྡེ་སྙིང་གི་དགོངས་པའི་རྒྱུད་ཀྱི་དོན་ཨོ་རྒྱན་ཆེན་པོས་ཞལ་གདམས་སུ་བཀོད་པ་པདྨའི་བཀའ་ཡིག་དང་པོ་ལས། འདི་ལ་དོན་གསུམ་སྟེ༔ གནས་ལུགས་སངས་རྒྱས་ཀྱི་དགོངས་པའི་བཞུགས་ཚུལ་བཅའ་བ་དང་གཅིག༔ བཞག་ཚུལ་གྱི་གང་ཟག་གི་ཉམས་ལེན་བསྟན་པ་དང་གཉིས༔ འཆར་ཚུལ་གྱི་གང་ཟག་གི་བོགས་དབྱུང་བ་བསྟན་པ་དང་གསུམ༔ དེའི་དང་པོ་གནས་ཚུལ་ནི༔ འདི་ནས་སྟེང་གི་ཕྱོགས་འོག་མིན་བརྡལ་བ་ཆེན་པོའི་ཕོ་བྲང་ན༔ ཆོས་སྐུའི་སངས་རྒྱས་རང་བྱུང་གི་གཞལ་ཡས་ཁང་༔ ཕྱི་ནང་མ་བསྒྲིབ་པར་གསལ་ལ༔ རིན་པོ་ཆེའི་སྒྲུབས་ན་ཡེ་ཤེས་ལྔའི་འོད་ལྔའི་སྐུ་ཞལ་ཕྱོགས་བཅུར་གཟིགས་ནས༔ གསུང་འགག་པ་མེད་པར་ཆོས་ཉིད་ཀྱི་རང་སྒྲ་སྒྲོག་པ༔ ཐུགས་གསལ་ལ་དྭངས་པ་འཕོ་འགྱུར་མེད་པར་བཞུགས་སོ༔ ཐོག་མའི་སངས་རྒྱས་ཀུན་ཏུ་བཟང་པོ་དེ་ན་བཞུགས་སོ༔ སྔར་འདས་པའི་སངས་རྒྱས་རྣམས་ཀྱང་དེ་ན་བཞུགས་སོ༔ མ་འོངས་པའི་སངས་རྒྱས་རྣམས་ཀྱང་དེར་འབྱོན་པར་འགྱུར་རོ༔ དེ་ཤེས་པས་ཀྱང་སངས་རྒྱས་ཀྱི་ཕ་ཡུལ་ཤེས་པའོ༔ གཉིས་པ་བཞག་ཚུལ་གྱི་གང་ཟག་གི་ཉམས་ལེན་བསྟན་པ་ནི༔ དབྱིངས་དང་ཞིང་ཁམས་སྐུ་དང་ཡེ་ཤེས་ཡིད་ལ་བྱས་ན་འོད་གསལ་གྱི་ལྷར་གོལ༔ ཅི་ཡང་མ་བྱས་པར་སྟོང་བ་ཉིད་ལ་བློ་གཏད་ན་གཟུགས་མེད་པའི་ལྷར་གོལ༔ རྟོག་པ་མ་བཅོས་པའི་རིག་པ་ངར་དང་བཅས་ཏེ་ཞོག༔ ད་ལྟར་གྱི་ཤེས་པ་ལ་གདངས་མེད་པར་ཐིམ་བཞག་ན༔ བྱོལ་སོང་གི་གནས་སུ་གོལ་བས༔ གང་ཟག་སྐལ་བ་ཅན་སངས་རྒྱ་བར་འདོད་ན༔ ཤེས་པ་མ་བཅོས་པར་ལྷོད་ཞོག༔ རྟོག་པ་མ་བཅོས་པའི་རིག་པ་གསལ་བའི་ངར་དང་བཅས་ཏེ་བཞག་གོ༔ ཞེས་སོགས་གསུངས། དེའི་ཆོས་སྡེ་བི་མ་ལའི་སྙན་བརྒྱུད་རྫོགས་པ་ཆེན་པོའི་འགྲེལ་པ་ཡེ་ཤེས་རང་གསལ་ལས་གཞི་གནས་ངོ་བོ་རང་བཞིན་ཐུགས་རྗེ་གསུམ་གྱི་སྐབས་ལས། དེ་ལྟར་བཞུགས་པའི་ཡེ་ཤེས་དེ༔ རང་གི་མཚན་ཉིད་ནི་ངོ་བོ་ཆོས་སྐུར་བཞུགས༔ རང་བཞིན་འོད་དུ་བཞུགས༔ ཐུགས་རྗེ་རིག་པའི་ཡེ་ཤེས་སུ་བཞུགས་ཏེ༔ དེ་ལ་ངོ་བོ་སྐུར་གནས་ཀྱང་༔ སྐུ་གསུམ་གྱི་གཞི་ཙམ་ལས་ཞལ་ཕྱག་ཏུ་གྲུབ་པ་ནི་མེད་དོ༔ འདི་ཁ་ཅིག་གི་ཤེས་རབ་དང་འོད་ཀྱི་ཁ་མིག་རྣ་བ་ཅན་ལ་སོགས་བྱས་ནས་འདུག་སྟེ༔ མ་ཧཱ་ཡོ་གའི་གོལ་ས་སྤང་བར་མི་ནུས་སོ༔ གལ་ཏེ་ཁ་མིག་རྣ་བ་ཅན་ཡོད་ན་ནི་གཟུགས་ཅན་དུ་ཡོད་དམ༔ ཡིད་ཙམ་དུ་ཡོད༔ གཟུགས་ཅན་དུ་ཡོད་ན་འགྲོ་དྲུག་ཕལ་བ་དང་ཁྱད་མེད༔ ཡིད་ཙམ་དུ་ཡོད་ན༔ སྐྱེ་མཆེད་མུ་བཞི་དང་༔ ཡི་དྭགས་རྣམས་ཀྱང་ཁྱད་པར་མི་རྙེད་དོ༔ ཞེས་སོགས་རང་ཤར་གྱི་ལུང་དང་། ཡང་། རང་བཞིན་གྱི་ངོས་ནས་འོད་དུ་གནས་ཏེ༔ ཁ་དོག་དབྱིབས་ཅན་དུ་གྲུབ་པ་ནི་མེད་དེ༔ འདི་ལ་ཁ་ཅིག་གིས་འོད་ལྔའི་མཚན་ཉིད་ཁ་དོག་བཤད་པར་འདུག་སྟེ༔ འདི་རབ་ཏུ་མི་འཐད་དེ༔ ཆོས་སྐུ་དང་གཟུགས་སྐུ་གཉིས་ཁྱད་པར་མེད་པའི་སྐྱོན་སྤང་བར་མི་ནུས་སོ༔ ཞེས་དང་། ལུང་དྲངས། ཡང་། ཆོས་ཐམས་ཅད་ཀྱི་ནང་ན་སྟོང་པ་ཉིད་དོ་ཞེས་བྱ་བ་བཤད་པ་རྣམས་དང་འགལ་ལོ༔ ཐུགས་རྗེའི་ཆ་ནས་འཆར་བའི་གཞི་འགག་མེད་དུ་གནས་པས་ཀུན་ལ་ཁྱབ་པའི་ཡེ་ཤེས་སོ༔ འདི་ལ་ལ་ནས་ཡེ་ཤེས་རྒྱུན་ཆད་ཡིན་པར་བྱས་ནས་འདུག་སྟེ༔ ཡེ་ཤེས་ཀྱི་འཆར་གཞི་མེད་ན་སངས་རྒྱས་ཀྱི་མཁྱེན་པའི་ཆ་མེད་པས༔ ཡང་ན་ཕྱང་ཆད་པའམ༔ བེམ་པོ་ལ་སོགས་པའི་སྐྱོན་སྤང་བར་མི་ནུས་སོ༔ དེ་ལྟར་ཕར་ཕྱིན་ལས༔ ཡེ་ཤེས་མེད་ན་ཡོན་ཏན་འཕེལ་མེད་བྱང་ཆུབ་མེད༔ རྒྱ་མཚོ་འདྲ་བའི་སངས་རྒྱས་ཆོས་ཀྱང་མེད་པར་འགྱུར༔ ཞེས་གསུངས་སོ༔ ཞེས་སོགས་དང་། དེའི་ལུས་ལ་ཡེ་ཤེས་གནས་ཚུལ་སྐབས་ལས། སྐུ་ཡུངས་འབྲུ་སྤྱན་ཕུལ་ཐག་ཙམ་ཟེར་བ་ནི༔ རྒྱུ་དང་འབྲས་བུའི་ཁྱད་པར་ལ་དགོངས་པའོ༔ ཞེས་སོགས་གསུངས། ཡང་འདིའི་ཆོས་སྡེ་ཡང་དག་དོན་གྱི་སྙན་བརྒྱུད་འདའ་ཁ་འཆི་བྲོད་སྒྱུ་ལུས་བོར་ཆོག་ལས། གཞི་ལ་སངས་རྒྱས་ཀྱི་དགོངས་པ་ངོས་བཟུང་བ་དང་༔ དེ་གང་ཟག་གི་རྒྱུད་ལ་ཅི་ལྟར་བཞུགས་ཚུལ་བསྟན་པའོ༔ དང་པོ་སངས་རྒྱས་ཀྱི་དགོངས་པ་ངོས་བཟུང་བ་ནི༔ ཡང་དག་པར་རྫོགས་པའི་སངས་རྒྱས་རང་ཅི་ཙམ་ལ་ཟེར༔ སངས་རྒྱས་ཀྱི་ངོ་བོ་རང་གང་ཡིན་སྙམ་ན༔ སྐུ་ལྔ་ཡེ་ཤེས་ལྔ་དང་ལྡན་པ་སངས་རྒྱས་ཀྱི་ངོ་བོ་ཡིན་ཏེ༔ ཆོས་སྐུ་ལོངས་སྐུ་སྤྲུལ་སྐུ་གསུམ་ལས༔ དེ་ཡང་སངས་རྒྱས་ཆོས་ཀྱི་སྐུ་རང་གང་ཡིན་སྙམ་ན༔ ལོག་ན་མེད༔ རང་རིག་པ་ཅིའི་ངོ་བོ་ཡང་མ་གྲུབ་པ་སྟོང་སང་ངེ་༔ ཟང་ཐལ་ལེ་གནས་པ་འདི་ཀ་ཆོས་ཀྱི་སྐུ་ཉིད་ཀུན་ཏུ་བཟང་མོ་ཡིན་ནོ༔ རིག་པའི་རང་བཞིན་མ་འགག་པར་སལ་ལེ༔ ཧྲིག་གེ༔ སིང་ངེ་༔ ཡེ་རེ་གནས་པ་འདི་ཀ་རིག་པ་ཀུན་ཏུ་བཟང་པོ་ཡིན་ནོ༔ ཆོས་ཉིད་སྟོང་པ་དང་རིག་པ་གསལ་བ་གཉིས་དབྱེར་མི་ཕྱེད་པར་ཝལ་ལེ༔ ཁྱུག་གེ༔ བུན་ནེ༔ ལོང་ངེ་འདུག་པ་འདི་ཀ་ཆོས་སྐུ་ཐིག་ལེ་ཉག་གཅིག་ཡིན་ལ༔ དོན་གནས་ལུགས་སྟོང་གསལ་ཆེན་པོ༔ རིག་པའི་རང་གདངས་འོད་ལྔར་སྣང་༔ འོད་ཀྱི་གདངས་སྐུ་རུ་ཤར་ནས་རང་གི་སྙིང་ག་ཆོས་ཉིད་ཀྱི་འཁོར་ལོ་ན༔ སྐུ་ཚོམ་བུའི་དཀྱིལ་འཁོར་དང་བཅས་པ་རང་གསལ་གྱི་མདངས་དང་ལྡན་པ༔ གཏིང་གསལ་གྱི་བཀྲག་དང་ལྡན་པར་བཞུགས་ཏེ༔ ལོངས་སྤྱོད་རྫོགས་པའི་སྐུའོ༔ དེའི་གདངས་མ་འགག་པར་འོད་ལྔ༔ རྩ་དར་དཀར་གྱི་སྐུད་པ་ལྟ་བུའི་ལམ་ལ་ཞུགས་ཏེ༔ རིག་པའི་གསང་སྒོར་འཆར་བ་ནི༔ ཐུགས་རྗེ་སྤྲུལ་པའི་སྐུའོ༔ ཞེས་གསུངས། ། ༈ ཡང་དེའི་ཆོས་སྡེ་གང་གི་ཕག་མོ་ཟབ་རྒྱའི་དམ་བཅའ་ལས་ཀྱི་རིམ་པའི་འགྲེལ་བ་ཡང་ཟེར། རིན་ཆེན་ཁང་བུའི་འགྲེལ་པ་ལས། རྙོག་པ་མེད་པའི་རྒྱུད་ལས། མི་རྨུགས་པ་ཤེས་རབ་མེད་པ་ཁ་ཅིག་ནི༔ དགེ་བའི་ལས་མི་བྱེད་པར་གཉིད་གཅིག་པུར་རྨུགས་ཤིང་༔ གཞན་ལ་ཡང་གཏམ་མ་ཟེར༔ གཉིད་ལོག་ཅེས་ཟེར་བའི་རྨུགས་པ་དེ་ནི༔ མཐོ་རིས་ཐོབ་མི་སྲིད་པར་གླིང་བར་གྱི་མུན་པར་གནས་པར་འགྱུར་རོ༔ ཞེས་གསུངས་པས༔ ངལ་དུབ་དྲག་པོ་དང་༔ ཟས་གཉིད་ཀྱི་རྒྱུར་འགྲོ་པ་མི་ཟའོ༔ གཉིད་ཆུང་བར་འདོད་པ་ལ༔ སླེ་ཏྲེས་དང་༔ མེ་ཏོག་ལུག་རྨིག་པ་ཞིབ་པར་བཏགས་ཏེ༔ དཔུང་པ་ལ་བསྐུས་ན་གཉིད་མི་འོང་ངོ་༔ གཉིད་བཙན་ཐབས་སུ་སྤང་བར་འདོད་ན༔ རྟ་དཀར་པོའི་སྤྱི་གཙུག་གི་རུས་པ་དང་༔ སྤང་རྒྱན་དཀར་པོ་དང་༔ མར་དཀར་དང་གསུམ་བསྲེས་ལ་ཉལ་དུས་སྣ་བུག་གཡོན་བཀག༔ གཡས་ན་ཡར་རྫས་གསུམ་པོ་བསྲེགས་པའི་དུད་པས་བདུག་པས་གཉིད་མེད་པར་འགྱུར་རོ༔ ཡང་ཙནྡན་དཀར་པོ་བཟང་པོ་ཆུ་ལ་བདར་བས་མིག་ལ་བསྐུས་ན༔ མིག་གྲང་དྲགས་ནས་ཉིན་ཞག་མང་པོར་གཉིད་མི་འོང་ངོ་༔ ཡང་མེ་ཏོག་ལུག་རུ་བ་སེར་པོ་དང་༔ རྟ་དཀར་པོའི་སྤྱི་གཙུག་གི་རུས་པ་བརྡུངས་ཏེ་མར་དཀར་བསྲེས་པའི་དུད་པས་སྣ་བུག་གཡས་སུ་བདུག་ན་གཉིད་མི་འོང་༔ གཡོན་དུ་བདུག་ན་འོང་ངོ་༔ འོ་མ་དང་༔ ཚྭ་དང་༔ མར་དང་༔ ཏིལ་དང་༔ བུ་རམ་རྣམས་སྦྱར་ཏེ་འོ་མ་བཀོལ་བ་ལ་བཏབ་སྟེ་འཐུང་ན་གཉིད་མི་འོང་ངོ་༔ ཞེས་སོགས་གསུངས། ཞུས་སོ༔ ཡང་དེའི་སྙིགས་མ་དྭངས་མའི་མན་ངག་དྲུག་ལས༔ ཚེ་སྒྲུབ་བཅུད་ལེན་བྱེད་པའི་ཚེ༔ རླུང་དང་རིག་པའི་བཅུད་ལེན་འདི༔ ཡིད་ཀྱིས་འཛིན་ཕུར་བཏབ་ཕྱིར་བསྒོམ༔ ལུས་ངག་ཡིད་གསུམ་བཅུད་ལ་བོར༔ རྐེད་པ་ཐང་ཤིང་ལྟ་བུར་བསྲང་༔ རྐང་པ་རེའུ་མིག་ལྟ་བུར་བསྣོལ༔ མགྲིན་པ་ལྕགས་ཀྱུ་ལྟ་བུར་དགུག༔ རོ་སྟོད་སེང་གེ་ལྟ་བུར་གསེང་། ལག་པ་ཞགས་པ་ལྟ་བུར་བསམ༔ ལྕེ་རྩེ་ཡ་རྐན་མཐིལ་ལ་སྦྱར༔ སོ་གཉིས་མ་བསྡམ་མ་རེག་ཙམ༔ དེ་ནས་ལྟ་སྟངས་བཞི་ལ་གཏད༔ ཆོས་ཉིད་ཞི་བ་སྣ་རྩེར་གཏད༔ བྱང་ཆུབ་སེམས་དཔའ་ཐད་ཀར་བལྟ༔ བདུད་རྩི་འཁྱིལ་བའི་སྨིན་ཕྲག་ཏུ༔ བུདྡྷའི་གཙུག་ཏོར་ནམ་མཁའ་ལ༔ དེ་ལྟར་བཞི་ལ་མ་ཡེངས་གཏད༔ སྟེང་རླུང་མནན་ལ་འོག་རླུང་བསྡམ༔ མ་ཐུབ་དུས་སུ་སྣ་ནས་བཏང་༔ འཛིན་དང་བཏང་དང་དལ་བུས་བྱ༔ སེམས་ནི་གཏད་མེད་རང་སོར་བཞག༔ འཇིག་རྟེན་བྱ་བ་བཏང་ལ་བསྒོམ༔ ལྟོ་བ་གང་ན་རླུང་མི་བདེ༔ ངལ་དུབ་དྲག་ཤུལ་བྱས་པ་ན༔ རླུང་སྲོག་ནད་འཇུག་དེ་ཕྱིར་སྤང་༔ རླུང་འཇམ་མཁས་པའི་གོམས་སུ་གཞུག༔ ཡང་ནས་ཡང་དུ་གོམས་པ་དང་༔ གྲོ་སྐད་ཅིག་ཏུ་རླུང་ཐུབ་ན༔ ཚེ་རིང་གྲུབ་རྟགས་སྣ་རེ་ཐུབ༔ ཉིན་ཕྱེད་སྐད་ཅིག་རླུང་ཐུབ་ན༔ ཚེ་ལོ་བརྒྱ་ཐུབ་གྲུབ་རྟགས་ཐོན༔ ཉིན་གཅིག་ཐུབ་ན་མངོན་ཤེས་ཤར༔ འཆི་མེད་ཚེ་ཡི་རིག་འཛིན་འགྲུབ༔ རྫུ་འཕྲུལ་ཡ་མ་ཟུང་དུ་སྟོན༔ ཆུ་ལ་མི་བྱིང་མཁའ་ལ་འཕུར༔ ཉིན་ཞག་ཕྲུགས་གཅིག་རླུང་ཐུབ་ན༔ འཇིག་རྟེན་ཁམས་འདི་ཐམས་ཅད་ཀུན༔ རྫུ་འཕྲུལ་སྟོན་ཅིང་ལྟ་བར་ནུས༔ དབང་བཅུ་ངེས་པར་ཐོབ་པ་ཡིན༔ ལུས་འདི་ལྷག་མེད་སངས་རྒྱས་འགྱུར༔ རླུང་རིག་འབྱོངས་པའི་ཡོན་ཏན་ཡིན༔ ཞེས་རླུང་བསྒོམ་པའི་ཡོན་ཏན་གསུངས༔ ཡང་དེའི་བཻ་རོའི་སྙན་བརྒྱུད་བར་པ་ལས༔ ད་ཆོས་སྤྱིའི་ལུགས་ཀྱི་སེམས་ལ་དང་པོ་བྱུང་ས་མེད༔ བར་དུ་གནས་ས་མེད༔ ཐ་མ་འགྲོ་ས་མེད་པར་འདོད་དེ༔ རྫོགས་པ་ཆེན་པོ་ལས་དང་པོ་བྱུང་ས་མ་ཆོད་ན་འཁྲུལ་པའི་རྩད་མི་ཆོད༔ བར་དུ་གནས་ས་མེད་ན་ཡེ་ཤེས་ངོས་མི་ཟིན༔ ཐ་མ་འགྲོ་ས་མེད་པར་རྟོགས་ཀྱང་སངས་མི་རྒྱ་བས༔ དང་པོ་བྱུང་ས་ཡོད༔ བར་དུ་གནས་ས་ཡོད༔ ཐ་མ་འགྲོ་ས་ཡོད༔ དེ་ཡང་དང་པོ་འཁོར་འདས་གཉིས་རྒྱབ་མ་གྱེས་པའི་དུས་ན༔ འཁོར་འདས་བར་མདོ་བྱ་བ༔ སངས་རྒྱས་མེད་པ་རྟོགས་པ་མངོན་དུ་མ་གྱུར༔ སེམས་ཅན་མེད་པར་འཁྲུལ་སྣང་དངོས་འཛིན་མ་བྱུང་༔ རྡུལ་ཕྲ་རབ་དང་ཕྱིའི་འབྱུང་བ་ལྔ་ལ་མ་བརྟེན༔ འགྲོ་དྲུག་གི་སེམས་ཅན་སྒྲིབ་པོས་མ་བྱས་པས༔ འཁོར་འདས་གཉིས་ཀ་མ་གྲུབ་པའི་ངོ་བོ་ཉིད་ཀྱི་སྐུ་ཞེས་བྱ་བ༔ འདུས་མ་བྱས་ཞེས་བྱ་བ༔ རང་བྱུང་གཉུག་མ་ཞེས་བྱ་བ༔ ངོ་མ་ཤེས་ཀྱི་བར་དོ་ཆེན་པོ༔ འཁོར་འདས་གཉིས་ཀ་མ་ཡིན་ཞེས་བྱ་བ་གཅིག་འབྱུང་སྟེ༔ དེའི་ངོ་བོ་སྟོང་པ༔ རྒྱུ་ནི་རང་བྱུང་༔ དཔེ་ནི་ནམ་མཁའ་ལྟ་བུ་ལ་གདངས་ཅིར་ཡང་སྣང་བ་གཅིག་ཡིན་ཏེ༔ དུས་ནམ་བྱུང་ན་བསྐལ་པ་བགྲང་དུ་མེད༔ ཚད་གྲངས་མེད༔ དཔག་ཅིང་གཞལ་དུ་མེད་པའི་གོང་དུ་བྱུང་༔ ཡུན་ཅི་ཙམ་གནས་ན༔ བསྐལ་པ་གྲངས་ཚད་མེད༔ དཔག་ཏུ་མེད་པ་གཅིག་བྱུང་ངོ་༔ དེ་ནི་འཁོར་འདས་གཉིས་ཀའི་གཞི་ཡིན་ཏེ༔ བྱུང་ས་ཡིན་ནོ༔ ཞེས་སོགས། ཀུན་ཏུ་བཟང་པོའི་གྲོལ་ཚུལ་དང་འགྲོ་དྲུག་འཁྲུལ་ཚུལ་གསུངས༔ སེམས་གནས་པ་འགྲོ་དྲུག་གི་ལུས་ཀྱི་བློ་ངན་རླུང་དང་བསྡོངས་ནས་རྣམ་རྟོག་འཕྲོ༔ སེམས་འགྲོ་བ་རིགས་དྲུག་འཁོར་བར་འཁྱམས་པར་བཤད༔ བཻ་རོའི་སྙན་བརྒྱུད་ཕྱི་མ་ལས། ད་ཐག་མ་ཆོད་པ་ཆོད་པར་བྱེད་པ་དོན་གྱི་ངོ་སྤྲད་པ་ནི༔ ཙིཏྟ་རིན་པོ་ཆེའི་གཞལ་ཡས་ན་དྭངས་མ་ལྔ་འདུས་ཀྱི་བདག་ཉིད་སྲོག་མི་ཤིགས་པའི་ཐིག་ལེ༔ ཆོས་མཁྱེན་པ་མ་འགག༔ ཉ་ཆུ་ནང་མའི་མིག་གམ༔ མན་ཤེལ་དག་པ་ལྟ་བུ་ས་ལེར་གནས་སོ༔ དེ་ལྟར་སྣང་བ་གཟུགས་སུ་གྲུབ་པས་ཆད་པའི་མཐའ་དང་བྲལ༔ རེག་པ་རྫས་སུ་མ་གྲུབ་པས་རྟག་པའི་མཐའ་དང་བྲལ༔ དོན་རྟག་ཆད་ཀྱི་མཐའ་ལས་ཡེ་ནས་གྲོལ་བས༔ བྱས་པའི་ལྷུན་གྲུབ་མ་ཡིན༔ བྱུང་བའི་ལྷུན་གྲུབ་ནམ་མཁའ་ལྟར་སྟོང་པ་ཕྱལ་བར་ཡང་མ་སོང་༔ ས་རྡོ་སྟར་བེམ་པོར་ཡང་མ་སོང་༔ ངོ་བོ་རང་བཞིན་ཐུགས་རྗེའི་བདག་ཉིད་དུ་ས་ལེར་གནས་སོ༔ མཁས་པ་ཤྲཱི་སིཾ་ཧའི་དགོངས་པ་ལས༔ ཆོས་སྐུ་སྙིང་ལ་གནས་པའི་དཔེ་དང་དོན་བསྟན་པའི་ལེའུ་སྟེ་དང་པོའོ༔ བཻ་རོ་ཙ་ན་ཉོན་ཅིག༔ གནས་པ་དེ་ལྟ་བུ་གནས་ཏེ༔ སྒོམ་པ་ནི་དེ་ལྟ་བུ་མི་བསྒོམ་མོ༔ དེ་ལྟར་བསྒོམ་ན་སྐྱོན་རྣམ་པ་གསུམ་འབྱུང་༔ རང་གི་ལུས་ལ་ཞེན་པ་སྐྱེ༔ རྟག་པའི་མཐའ་རུ་ལྷུང་༔ རྟོག་པ་ཉིང་འཁྲུལ་གྱི་སྒོམ་དུ་གོལ་ལོ༔ དེའི་འབྲས་བུ་ལུས་ཀྱི་འཁྲུལ་པ་མི་ཆོད༔ སེམས་གནད་པས་ལུས་གནད་ཆེ༔ དུཿཁ་ལུས་ཀྱིས་བསྒྱུར༔ སྙམ་བྱེད་ཀྱི་ལུས་བཙོ་སྲེག་འོང་༔ དགྲ་འདྲེ་འོང་༔ བར་དོ་འོང་སྙམ་བྱེད་པ་ལུས་ལ་འབྱུང་སྟེ་འཇིགས་སྐྲག་དངངས༔ དེའི་དུཿཁས་སྐྱབས་ཚོལ་བའི་བསམ་པ་འབྱུང་བ་དང་༔ རིགས་དྲུག་གི་མངལ་སྒོ་རུ་ཐུམ་འགྲོ༔ དེའི་ཕྱིར་དཔེ་དོན་གྱི་ཆོས་ཉམས་སུ་ལེན་པ་ལ་ལུས་ཀྱི་འཁྲི་བ་ཆོད་དགོས༔ འཁྲི་བ་ཇི་ལྟར་གཅོད་ཇི་ལྟར་བསྒོམ་སྙམ་ན་སྙམ་བྱེད་ལུས་དང་སྒོམ་བློའི་ཤེས་པ་གཉིས་ཀ་ཕྱལ་གྱིས་བཏང་ནས༔ ཆོས་སྐུ་གཏིང་གསལ་བའི་ངང་ནས་ཤེས་པ་འཛིན་མེད་དུ་ཙན་གྱིས་ཞོག་ཅིག༔ དཔེ་རིན་པོ་ཆེ་མན་ཤེལ་ལྟ་བུ༔ དོན་རང་ལུས་ཆོས་ཀྱི་སྐུ་རུ་ཡོད་པས༔ ལུས་གདོས་པ་ཅན་མ་ཡིན་ནོ༔ སྟོང་པ་ཟང་ཐལ་དུ་བསྒོམ༔ ཆོས་སྐུ་གསལ་བའི་སྦུབས་སུ་བསྒོམ༔ མན་ངག་གི་རྒྱུད་ལས། ལུས་ཀྱི་རང་བཞིན་མན་ངག་གསལ་བའི་སྦུབས༔ རྟོག་མེད་མཉམ་པའི་ངང་ནས་ཡེ་ཤེས་གསལ༔ མ་བཙལ་རང་བྱུང་འོད་ཀྱི་ཕུང་པོར་གནས༔ ཞེས་གསུངས། དེ་གནས་ལུགས་ལམ་དུ་ཁྱེར་བ་ཞེས་བྱའོ༔ རང་བཞིན་གསལ་བའི་སྦུབས་གཏན་ལ་མ་ཕེབས་ན༔ ལྟ་བ་རང་བྱུང་གི་རྒྱལ་པོ་དཔངས་མཐོ་ཡང་༔ བྱེ་མའི་རི་ལ་མཁར་བརྩིགས་པ་འདྲ༔ མན་ངག་གི་རྒྱུད་ལས། འགག་མེད་སྐུ་ནི་སྟོན་པར་ཆེ༔ རང་རིག་ཡེ་ཤེས་སྟོན་པར་ཆེ༔ སྲོག་མེད་སྐུ་ལྔ་འཁོར་དུ་ཆེ༔ མ་སྒྲིབ་དཀྱིལ་འཁོར་གནས་སུ་ཆེ༔ ཡེ་ནས་ལྷུན་གྲུབ་དུས་སུ་ཆེ༔ ཆེ་བ་ལྔ་ཡི་ཁྱད་པར་བསྟན༔ ཅེས་གསུངས། དེ་ལུས་གདོས་པའི་ཕུང་པོ་སྟོང་པ་ཟང་ཐལ་དུ་བསྒོམས་ན༔ ནད་ཀྱིས་ན་རྒྱུ་མེད༔ གདོན་གྱིས་གདོན་རྒྱུ་མེད༔ ཆུས་ཁྱེར་དུ་མེད༔ སས་མནན་དུ་མེད༔ མེས་བསྲེག་ཏུ་མེད༔ རླུང་གིས་གཏོར་དུ་མེད༔ དཔེ་བར་སྣང་སྟོང་པའི་འཇའ་ཚོན་དང་འདྲའོ༔ ད་སྐུ་གསུང་ཐུགས་ཡུལ་དང་བཞིའི་ངོ་སྤྲོད་ནི༔ དང་པོ་གནས་པའི་ཡུལ་གཏན་ལ་མ་ཕེབས་ན༔ ཡེ་ཤེས་རྐྱང་པར་བལྟ་སྟེ༔ བྱ་ལོང་ནམ་མཁའི་མཐའ་ཚོལ་བ་དང་འདྲ་བས༔ ཡུལ་གྱི་ངོ་སྤྲོད་ནི༔ ཡུལ་ཆོས་ཀྱི་དབྱིངས་ཀྱི་རང་བཞིན་རྣམ་པར་དག་པའི་ཞིང་ཁམས་མཆོག་གི་འོད་གསལ་ཆེན་པོ༔ རྒྱ་གང་དུའང་མ་ཆད་པ༔ ཕྱོགས་གང་དུ་ཡང་མ་ལྷུང་༔ རྒྱ་ཆད་ཕྱོགས་ལྷུང་མེད་པ་ནམ་མཁའ་སྤྲིན་དང་བྲལ་བའམ༔ རྒྱ་མཚོ་རླབས་དང་བྲལ་བའམ༔ མེ་ལོང་ཕྱིས་པ་ལྟ་བུའམ༔ མར་མེ་དྭངས་པ་ལྟ་བུ་དེ༔ བླ་མའི་ཕྱག་ལེན་གྱི་ངོ་སྤྲོད་ཙམ་ན༔ དཀར་ལམ་ལམ་བྱུང་བ་དེ་བྱང་ཆུབ་སེམས་དཔའི་སྣང་བ་ཡིན༔ འོད་དུ་ཤིག་གེ་བ་དེ་ལོངས་སྤྱོད་རྫོགས་པའི་སྣང་བ༔ མར་མེ་དྭངས་བ་དེ་ཡུལ་ཆོས་ཀྱི་དབྱིངས་ཞེས་བྱ་བ༔ ཆོས་སྐུ་བཞུགས་པའི་གནས་ཡིན་ནོ༔ ད་ནི་གཞི་ལ་ཆོས་སྐུ་མི་བཞུགས་ན༔ གཞི་ཕྱལ་པ་རུ་སོང་སྟེ༔ མི་མེད་པའི་ཡུལ་སྟོང་པ་དང་འདྲ་བས༔ ཆོས་སྐུའི་ངོ་སྤྲོད་ནི་ཤེལ་ལྟ་བུ༔ རང་ལུས་ཆོས་སྐུར་ངོ་སྤྲོད་པའོ༔ ཆོས་ཀྱི་སྐུ་ལ་ཡེ་ཤེས་མི་བཞུགས་ན༔ ཐུགས་རྗེ་དང་མཁྱེན་བ་མི་འཆར་བས་འདག་པའི་འདེར་སོ་དང་འདྲ་བས༔ ཐུགས་ཀྱི་ངོ་སྤྲོད་ནི༔ དཔེས་མཚོན་ན་ཤེལ་ལྟ་བུ་ནི་ཆོས་ཀྱི་སྐུ་ཡི ན་ནོ༔ ཤེལ་གྱི་ནང་གི་འོད་ལྔ་ནི་གཞི་གནས་ཀྱི་ཡེ་ཤེས་ལྔའོ༔ ཤེལ་ཕྱར་བས་འོད་ལྔ་ཕྱིར་ཤར་བ་དེ་མཚན་ཉིད་འཛིན་པའི་ཡེ་ཤེས་ལྔའོ༔ ཆོས་ཀྱི་དབྱིངས་ཀྱི་ཡེ་ཤེས་ཡེ་ནས་རང་བྱུང་ཆེན་པོ་སྟེ༔ མན་ངག་གི་ཕྱོགས་ཆ་དག་ནས་གཏན་ལ་མ་ཕེབས་ན༔ ཕྱོགས་གཅིག་གིས་གཏན་ལ་མི་ཕེབས་པས༔ དཔེར་ན་ངང་ངུར་མཚོ་ལ་གཏད་པས་དུས་ཀྱི་ད ར་འཁྱགས་པས་སྡུག་བསྔལ་དུ་གྱུར་བ་ལྟ་བུའོ༔ གསུང་གི་ངོ་སྤྲོད་ནི༔ བླ་མའི་ཕྱག་ལེན་གྱིས་ངོ་སྤྲད་ཙམ་ན༔ སངས་རྒྱས་ཀྱི་གསུང་འགག་པ་མེད་པ་དེའོ༔ དེ་ཧྲིལ་གྱིས་དྲིལ་ན་མཐོ་དམན་མེད་པའི་ཡུལ༔ གདོས་པ་མེད་པའི་སྐུ༔ སེམས་མེད་པའི་ཏིང་ངེ་འཛིན་དང་གསུམ་དུ་ཤེས་པར་བྱའོ༔ དེ་ལ་མཐོ་དམན་མེད་པའི་ཡུལ་ནི་ཆོས་ཀྱི་དབྱིངས་སོ༔ གདོས་པ་མེད་པའི་སྐུ་ནི་ཆོས་སྐུ་གཏིང་གསལ་ཆེན་པོའོ༔ སེམས་མེད་པའི་ཏིང་ངེ་འཛིན་ནི༔ ཡིད་འཛིན་པའི་བློ་དང་བྲལ་ནས་ཡེ་ཤེས་བློ་བྲལ་དུ་ཤིག་གེ་བ་དེ་ཡིན་ཏེ༔ ཡང་རྒྱ་ཆེ་བ་ལྟར་བཤད་ན༔ ཕྱི་སྟོང་ནང་སྟོང་རྒྱ་ཆེ་བ་ནི་ཡུལ་ཆོས་ཀྱི་དབྱིངས་སོ༔ ཕྱི་གསལ་ནང་གསལ་འོད་གསལ་ནི་ཆོས་ཀྱི་སྐུའོ༔ ཕྱི་རིག་ནང་རིག་ཐམས་ཅད་རིག་པ་ནི༔ རྒྱུན་མི་འཆད་པའི་ཡེ་ཤེས་སོ༔ ད་ཆོས་ཀྱི་སྐུ་སྟོང་བར་མི་འདོད༔ ཐམས་ཅད་མཁྱེན་པའི་དོན་བཤད་དོ༔ མན་ངག་གི་རྒྱུད་ལས། རང་རིག་ཡེ་ཤེས་ཆོས་སྐུ་ལ༔ སྒོ་ལྔའི་རྣམ་ཤེས་ཀུན་ཚང་པས༔ དེ་ཡི་གཟུགས་བརྙན་ལོངས་སྤྱོད་རྫོགས༔ མཐོང་གདངས་སོ་སོ་སྤྲུལ་པའི་སྐུ༔ ཞེས་གསུངས། ཞེས་པ་དང་། ཡང་དེ་ལས་ད་ནི་ཆོས་སྐུ་ཇི་ལྟར་བཞུགས་པའི་ཚུལ་བསྟན་པ་ལ་བཞི་སྟེ༔ འདྲ་བས་འདྲ་བ་དང་གཅིག༔ འདྲེས་པས་འདྲེས་པ་དང་གཉིས༔ ཕྱེ་བས་ཕྱེ་བ་དང་གསུམ༔ ཁྱབ་པས་ཁྱབ་པ་དང་བཞིའོ༔ དང་པོ་འདྲ་བས་འདྲ་བ་ནི༔ སངས་རྒྱས་ཐམས་ཅད་དགོངས་པ་གཅིག་པའོ༔ འདྲེས་པས་འདྲེས་པ་ནི༔ སངས་རྒྱས་ཐམས་ཅད་ཞིང་ཁམས་གཅིག་འདྲེས་པའོ༔ ཆོས་ཀྱི་དབྱིངས་ཐམས་ཅད་གཅིག་པའོ༔ ཕྱེ་བས་ཕྱེ་བ་ནི༔ སངས་རྒྱས་ཐམས་ཅད་ཀྱི་ངོ་བོ་མ་འདྲེས་ཏེ༔ རང་གདངས་ལས་བཞུགས་པའོ༔ ཁྱབ་པས་ཁྱབ་པ་ནི༔ ཆོས་ཉིད་མའི་ཐ་མི་དད་དུ་ཁྱབ་ལ༔ ཆོས་སྐུ་བུའི་ཐ་དད་དུ་ཁྱབ་པའོ༔ གཞི་ཆོས་ཀྱི་དབྱིངས་ན་ཆོས་སྐུའི་སངས་རྒྱས་ཐམས་ཅད་ཨུ་བེའི་སྡོང་བུན་སྤོས་ཀྱི་རེངས་བུ་བལྟམས་པ་ལྟ་བུར་བཞུགས་སོ༔ དཔེར་ན་ལྷ་ཁང་དུ་མར་མེ་བརྒྱའམ་སྟོང་སྦར་ན་སྙིང་པོ་མ་འདྲེས་ལ་འོད་འདྲེས་པ་ལྟ་བུའོ༔ གསང་བ་བརྡ་རྒྱུད་ལས། ནམ་མཁའ་སྟོང་པ་དག་ལ་མར་མེ་བརྒྱ་སྟོང་སྦར་ན་སྙིང་པོ་མ་འདྲེས་པ་ལ་འོད་འདྲེས་པ་ལ་བསྙད་དོ༔ ཞེས་གསུངས། འོ་ན་སངས་རྒྱས་དེ་རྣམས་གཅིག་གིས་གཅིག་ལ་གཟིགས་ནས་འགྲོ་བ་དང་༔ གླེང་བ་ལ་སོགས་པ་ཡོད་དམ་མེད་ན༔ བགྲོ་གླེང་མེད་དེ༔ ཅིའི་ཕྱིར་ན་ཆོས་སྐུ་ལ་གཟུང་འཛིན་གྱི་རྟོག་པ་མེད༔ གཉིས་སྣང་གི་རྟོག་པ་ཐིམ་གྱིས་ནུབ་ནས༔ རང་སྣང་བདེ་བ་ཆེན་པོའི་ལམ་གྱིས་གནས་སོ༔ དེ་ཆོས་ཀྱི་དབྱིངས་ན་སངས་རྒྱས་ཐམས་ཅད་བཞུགས་ཚུལ་བསྟན་པའོ༔ ཞེས་གསུངས། ཡང་བཻ་རོའི་ཐུགས་རྒྱུད་ལས། ད་སྤྱི་དོན་དྲུག་པ་ཐེག་པ་དགུའི་ཆོས་ཐམས་ཅད་ཆོས་ཀྱི་སྐུ་བྱ་བ་སྟོང་ཞིང་བདག་མེད་པ་སྤྲོས་པའི་མཐའ་ཐམས་ཅད་དང་བྲལ་བར་འདོད་དེ༔ ཀུན་ཏུ་བཟང་པོའི་དགོངས་པ་ཟང་ཐལ་དུ་བསྟན་ན༔ ཆོས་ཀྱི་སྐུ་ནི་མཚན་དང་དཔེ་བྱད་དང་ལྡན་པ༔ རྣམ་པར་ཤེས་པའི་སྒོ་མ་འགག་པར་འདོད་དོ༔ དེའང་ཆོས་སྐུ་སྟོང་ཞིང་བདག་མེད་པ་ན༔ ཀུན་གཞི་མ་ཐོག་ཏུ་གོལ་བ་ཡིན༔ ཆོས་སྐུ་སྟོང་པར་འདོད་པ་དེ༔ མུ་སྟེགས་ཆད་པའི་ལྟ་བར་གོལ་བ་ཡིན༔ ཅི་ཡང་ཡིད་ལ་མེད་པར་བསྒོམ་པ་དེ་ཉོན་མོངས་སངས་པ་ཡོད་དེ༔ ཡེ་ཤེས་རྒྱས་པ་མེད་དོ༔ མཉམ་ཉིད་སེམས་ཀྱི་འཇོག་ཚུལ་ཙམ་ཡིན༔ སངས་རྒྱས་ཐོབ་པའི་སྐལ་བ་མེད་དོ༔ རྡོ་རྗེ་སེམས་དཔའི་ཞལ་ནས༔ ཐེག་པ་མང་པོའི་ཆོས་རྣམས་ཀྱི༔ ཆོས་སྐུ་སྟོང་པ་བདག་མེད་སྟོན༔ སེམས་ཀྱི་བཞག་ཚུལ་བསྟན་པ་ཙམ༔ སངས་རྒྱས་ཐོབ་པའི་སྐལ་བ་མེད༔ ངེས་པར་སངས་རྒྱས་ཐོབ་འདོད་ན༔ ཐོག་མའི་སངས་རྒྱས་ཀུན་ཏུ་བཟང་༔ མཚན་དང་དཔེ་བྱད་ལྡན་པར་ཡོད༔ སྟོན་པ་འོད་མི་འགྱུར་པ་དེ༔ ཡེ་ཤེས་ལྔ་ཡི་ཕུང་པོར་ཡོད༔ ཐུགས་ཀྱི་མཁྱེན་པ་མ་འགག་པ༔ སྤྲུལ་པ་བྱེ་བ་ཕྲག་བརྒྱ་འགྱེད༔ ཅེས་གསུངས། ཅེས་སོགས་གསུངས་ཏེ་བཻ་རོའི་སྙན་བརྒྱུད་འདི་རྣམས་རྫོགས་ཆེན་སྙིང་ཏིག་གི་གཞི་ལམ་འབྲས་བུའི་གོ་དོན་ཟབ་ཅིང་གསལ་བ་ཡོད༔ ཀུན་ཏུ་རྒྱལ་བ་ཐམས་ཅད་ཀྱི་དགོངས་པའི་ཡེ་ཤེས་རང་ཆས་རིག་པ་འོད་དུ་འབར་བའི་རྒྱུད་ཀྱང་ཟེར། །བཟང་པོའི་དགོངས་པ་ཟང་ཐལ་གྱི་རྒྱུད་ལེའུ་ཉི་ཤུ་པ་ལས། ཉོན་ཅིག་རྒྱལ་བ་རྡོ་རྗེ་འཆང་ཆེན་པོ༔ ང་ཆོས་སྐུའི་བཞུགས་གནས་བཤད་ཀྱི༔ སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཀྱི་སྟེང་གི་ཕྱོགས་རི་རབ་ལྷུན་པོའི་རྩེ་མོ་དཔག་བསམ་ཤིང་ཡོངས་སུ་བརྡལ་བའི་རྩེ་ནས་དཔག་ཚད་བཅུ་གསུམ་འདས་པ་ཐམས་ཅད་ངའི་ཞིང་ཁམས་ཡིན༔ རྒྱ་ནི་ནམ་མཁས་ཅི་ལྟར་ཁྱབ་པ་ངའི་ཞིང་ཁམས་ཀྱིས་ཁྱབ་བོ༔ དཔངས་ནི་འཇིག་རྟེན་གྱི་ཁམས་དང་མཉམ༔ དཔག་ཚད་བརྒྱད་ཁྲི་འདས་སོ༔ འོག་ཕྱོགས་ནས་རྡོ་མེད་དེ་རིན་པོ་ཆེ་སྣ་ལྔ་བརྡལ་བ་ཆེན་པོ༔ ཕྱོགས་མཚམས་ཐམས་ཅད་རིན་པོ་ཆེ་བརྩེགས་པ༔ སྟེང་ཐམས་ཅད་རིན་པོ་ཆེ་སྣ་ལྔའི་གུར་ཕུབ་པ༔ རིན་པོ་ཆེ་ལྔ་ཡང་གདོས་པའི་གཟུགས་མ་ཡིན་པས༔ རང་བྱུང་ཡེ་ཤེས་ཀྱི་འོད་ལས་བྱུང་བའི་རིན་པོ་ཆེ༔ བཏེག་ན་འཕར་བྱེད་པ༔ མནན་ན་ནེམ་བྱེད་པ༔ བཀྲག་དང་འོད་འཚེར་བ༔ ཕྱི་ནས་བལྟས་ན་ནང་གསལ་བ༔ ནང་ནས་བལྟས་ན་ཕྱི་གསལ་བ༔ ཡེ་ཤེས་རང་སྣང་གི་གཞལ་ཡས་ཁང་ཆེན་པོའི་སྦུབས༔ ངོ་བོ་ཉིད་ཀྱི་སྣང་བ་ཆོས་དབྱིངས་མའི་ཁྱབ་ཚུལ་ཞེས་བྱ་བ༔ ཆོས་སྐུ་ཀུན་ཏུ་བཟང་པོ་ངས་གཙོ་བྱས་པའི་ཆོས་སྐུ་ཐོག་མ་མེད་པའི་སངས་རྒྱས་ཐམས་ཅད་དེ་ན་བཞུགས༔ མ་འོངས་པའི་ཆོས་སྐུ་ཐོབ་པ་ཐམས་ཅད་ཀྱང་དེར་འབྱུང་བར་འགྱུར་རོ༔ ཞེས་དང་། ཉོན་ཅིག་རྡོ་རྗེ་འཆང་ཆེན་པོ༔ འོག་མིན་ཆོས་ཀྱི་དབྱིངས་ཀྱི་ཕོ་བྲང་ཞེས་བྱ་བ་དེའི་སྒྲ་དོན་བཤད་ཀྱི། འོག་མིན་ཞེས་བྱ་བ་ནི་སྟེང་གི་ཕྱོགས་ཐམས་ཅད་ཁྱབ་པ་འོག་མ་ཡིན་པས་ན་འོག་མིན་ཞེས་བྱའོ༔ ཆོས་ཀྱི་དབྱིངས་ཞེས་བྱ་བ་ནི༔ དེའི་ནང་ཆོས་སྐུ་ཐོབ་པའི་སངས་རྒྱས་མ་ཡིན་པ་གཞན་གང་གིས་ཀྱང་མི་མཐོང་བའི་ཕྱིར་རོ༔ ཕོ་བྲང་ཞེས་བྱ་བ་ནི་རྒྱལ་པོ་འོད་མི་འགྱུར་བ་ལ་རང་སྣང་རྟོགས་པའི་འཁོར་གྱིས་བསྐོར་ནས༔ དབྱིངས་ཀྱི་ཁྱབ་ཚད་ཆོས་སྐུའི་སངས་རྒྱས་ཀྱིས་ཁྱབ་པར་བཞུགས་པའི་ཕྱིར་རོ༔ ཡེ་ཤེས་རང་སྣང་གཞལ་ཡས་ཁང་ཞེས་བྱ་བ་ནི༔ ཡེ་ཤེས་དེ་ཡོད་པ་སེམས་ཅན་ཀུན་གྱི་སྙིང་ན་ཡོད༔ སངས་རྒྱས་ཐམས་ཅད་ཀྱི་ཐུགས་ཀ་ན་གནས་པའོ༔ ཡེ་ཤེས་ཤར་བས་སངས་རྒྱས་ཐམས་ཅད་ཀྱི་ཞིང་ཁམས་བྱུང་༔ དེ་ཡང་རྒྱུད་ལ་རང་བྱུང་དུ་བྱུང་༔ རང་ངོ་ཤེས་པ་ཡེ་ཤེས་ཆེན་པོའི་སྣང་བ་ཤར༔ ཡེ་ཤེས་ཀྱི་སྣང་བ་རྒྱ་མ་ཆད༔ ཕྱོགས་སུ་མ་ལྷུང་༔ བཀྲག་དང་གཟི་མདངས་དཔག་ཏུ་མེད༔ དེ་ལ་གསལ་བ་རྒྱ་མ་ཆད་པ་ཞེས་བྱའོ༔ ཆེན་པོ་ཞེས་བྱ་བ་ནི༔ ནམ་མཁས་ཁྱབ་ཚད་ཡེ་ཤེས་རང་རིག་གཞལ་ཡས་ཁང་དེས་ཁྱབ་པའི་ཕྱིར་རོ༔ སྦུབས་ཞེས་བྱ་བ་ནི༔ སྟེང་འོག་ཕྱོགས་མཚམས་ཐམས་ཅད་ཡེ་ཤེས་འོད་ལྔ་ལམ་མེའི་དབུས་ན་ཡོད་པའི་ཕྱིར་རོ༔ ཛྙཱ་ན་པཉྩ་རཏྣ༔ དེ་ལྟ་བུའི་གནས་དེ་ཆོས་སྐུ་བཞུགས་པའི་གནས་ཡིན༔ ཆོས་དབྱིངས་མའི་ཁྱབ་ཚུལ་ཞེས་བྱ་བ་ཡིན༔ དེ་འཛིན་པའི་བདག་པོ་ནི་དཔེར་ན༔ ནམ་མཁས་ཁྱབ་ཚད་ཉི་ཟླ་གཟའ་སྐར་གྱིས་ཁྱབ་པ་ལྟར༔ དབྱིངས་དེའི་ཁྱབ་ཚད་ཆོས་སྐུས་ཁྱབ་པར་བཞུགས་སོ༔ ཆོས་སྐུ་ཅི་ལྟ་བུ་ཞེ་ན༔ སྐུ་ལ་རེག་བྱའི་ཐོགས་པ་མེད་པས༔ ཆོས་དབྱིངས་དང་འདྲ་བ་ལ༔ མཚན་དང་དཔེ་བྱད་དུ་ལྡན་པས་ཡེ་ཤེས་ལྔའི་བདག་ཉིད་དུ་བཞུགས་སོ༔ དེའི་ངོ་བོ་སྟོང་པར་བཞུགས༔ མཚན་ཉིད་དབྱེར་མེད་པའི་སྐུར་བཞུགས༔ ཡོན་ཏན་བདེ་བའི་སྐུར་བཞུགས༔ དེའི་ཐུགས་རིག་པའི་ཡེ་ཤེས་ཟང་ཐལ་ལེ་ཡོད་དོ༔ ལུས་རྣམ་པར་དག་པ་ཆོས་སྐུའི་བཀྲག་དང་གཟི་མདངས་མཚན་དང་དཔེ་བྱད་ལྡན་ནོ༔ དེ་ཉིད་ཆོས་སྐུ་ཡིན་པའི་ཕྱིར་སྐུ་མདོག་མཐིང་ག༔ མི་གཡོ་བའི་མཉམ་གཞག་གི་ཕྱག་རྒྱ་ཅན༔ ཡེ་ཤེས་ཆེན་པོའི་འོད་འཆར་བའི་ཕྱིར་འོད་ལྔའི་རྒྱབ་ཡོལ་ཅན༔ སྟོང་གསལ་གྱི་བཀྲག་འཚེར་བའི་ཕྱིར་རིན་པོ་ཆེའི་རྒྱན་གྱིས་སྤྲས་པས༔ དེ་ལ་ཆོས་སྐུ་མཉམ་པ་ཉིད་ཟེར་རོ༔ དེ་གཉིས་ཀ་ལས་དང་པོ་དྲན་པ་ཅི་ཡང་མ་བྱུང་བས༔ དངངས་སྐྲག་གི་འཇིགས་པ་མེད༔ རིག་པ་རང་ངོ་ཤེས་པ་གསལ་ལ་དེར་འཛིན་མེད༔ རིག་པ་ཡེ་ཤེས་ཤར་བ་ཆོས་སྐུ་རྒྱུ་ལྷུན་གྱིས་གྲུབ་པའོ༔ དེ་ལ་ཡེ་ཤེས་ཀྱི་རྩལ་ཕྱོགས་བཅུར་ཤར་བ་ལོངས་སྤྱོད་རྫོགས་པའི་སྐུར་བྱུང་སྟེ༔ ཆོས་སྐུ་དེ་ལ་ཐམས་ཅད་གསལ་ཞིང་སྣང་བའི་ཕྱིར་རྣམ་པར་སྣང་མཛད་ཤར་རོ༔ རང་རིག་པའི་ཡོན་ཏན་མ་འགག་པས་རིན་ཆེན་འབྱུང་ལྡན་ཤར་རོ༔ ཐུགས་རྗེ་སྟོབས་དང་ལྡན་པས་སྣང་བ་མཐའ་ཡས་ཤར་རོ༔ ཤེས་བྱ་ལ་ཐོགས་པ་མེད་པས་དོན་ཡོད་གྲུབ་པ་ཤར་རོ༔ གནས་ལུགས་ལ་འགྱུར་བ་མེད་པས་རྡོ་རྗེ་སེམས་དཔའ་ཤར་རོ༔ དེ་ལྟར་རྒྱལ་བ་རིགས་ལྔ་པོ་དེ་སྐུ་མདོག་དང་ཕྱག་མཚན་རྒྱན་དང་ཆ་ལུགས༔ མགུར་ཆུ་དང་༔ སེ་མོ་དོ༔ འོད་ཟེར་ལྔའི་རྒྱབ་ཡོལ་ཐམས་ཅད་རྫོགས་ཤིང་གསལ་བ༔ ཞལ་ནང་དུ་གཟིགས་ཏེ་ས་ལེར་བཞུགས་སོ༔ གདོས་པའི་གཟུགས་མ་ཡིན་པར་རང་བྱུང་ཡེ་ཤེས་ཀྱི་སྐུ་གཟུང་འཛིན་མེད་པས༔ ཐུགས་ཀྱི་མཁྱེན་པ་མ་འགག་པ༔ ཞལ་ནང་དུ་གཟིགས་པས་ཤེས་བྱའི་རྩལ་ཝལ་ལེར་སྣང་བའོ༔ དཔེར་ན་རིན་པོ་ཆེའི་བུམ་པའི་ནང་ན་རིགས་ལྔ་ཆོས་སྐུ་ལ་ཞལ་བསྟན་ཏེ་བཞུགས་པ་ལྟ་བུའོ༔ དེ་ཡང་ཆོས་སྐུ་དེ་གཞི་གནས་པའི་ཆོས་སྐུ་ཞེས་བྱའོ༔ ཞེས་སོགས་ཆོས་སྐུ་ནང་གསལ་དེ་ལས་རིགས་ལྔ་ཕྱིར་གསལ་ལོངས་སྐུ་དང་། དེ་ནས་སྤྲུལ་སྐུ་འཆར་ཚུལ་སོགས་དང་། ཡང་དེ་འཕྲོས་ལས། དེའང་ཆོས་ཀྱི་དབྱིངས་དང་གཅིག༔ ཆོས་སྐུ་དང་གཉིས༔ ཡེ་ཤེས་དང་གསུམ༔ དེ་གསུམ་སོ་སོར་བཤད་ཀྱང་དོན་དབྱེར་མེད་དུ་གནས་སོ༔ དཔེར་ན་ནམ་མཁའི་གཟའ་སྐར་དང་༔ རྒྱ་མཚོའི་ནང་གི་གཟའ་སྐར་གྱི་འོད་དང་༔ རྒྱ་མཚོའི་ཆུ་གསུམ་གཅིག་མདངས་གཅིག་ལ་ཕོག་སྟེ་དབྱེར་མེད་དུ་གནས་སོ༔ ཆོས་སྐུ་དང་ཡེ་ཤེས་དབྱེར་མེད་པའི་དཔེ་ཆུ་དང་ལན་ཚྭ་ལྟ་བུ་གཅིག་ལ་གཅིག་གིས་བརྒྱན་ཏེ་གནས་སོ༔ ཆོས་ཀྱི་སྐུ་དང་གཅིག༔ ལོངས་སྤྱོད་རྫོགས་པའི་སྐུ་དང་གཉིས༔ སྤྲུལ་པའི་སྐུ་དང་གསུམ་སོ་སོར་སྣང་སྟེ་དབྱེར་མེད་དུ་གནས༔ ཡེ་ཤེས་ཀྱི་འོད་རྣམ་པ་ལྔ་ཡང་གཟུགས་སྐུ་གཉིས་ཀྱི་རྒྱན་དུ་འཆར༔ དཔེར་ན་ཆོས་ཀྱི་དབྱིངས་ཆོས་སྐུས་བརྒྱན་པའི་དཔེ་གཡུའི་མཎྜལ་ལ་གསེར་གྱི་ཚོམ་བུ་བཀོད་པ་འདྲ༔ ཆོས་སྐུ་ལ་ཡེ་ཤེས་ཤར་བའི་དཔེ་ཤེལ་ལ་འོད་ལྔ་འཆར་བ་དང་༔ ཡེ་ཤེས་ལྔ་ལ་ཐུགས་རྗེ་སྤྲུལ་པ་འབྱུང་བའི་དཔེ་ཉི་མའི་སྙིང་པོ་ལ་འོད་ཟེར་དྲོ་བ་འཇམ་པ་བྱུང་ནས་སེམས་ཅན་གྱི་དོན་བྱེད་པ་དང་འདྲ༔ ཞེས་སོགས་གསུངས། ཆོས་སྐུའི་ཡེ་ཤེས་ནི་ཆོས་དབྱིངས་ཡེ་ཤེས་སོགས་ཡེ་ཤེས་ལྔ་ཡིན། ཡང་དེ་ལས། ངའི་ཀུན་ཏུ་བཟང་པོ་དགོངས་པ་ཟང་ཐལ་གྱི་རྒྱུད་འདི༔ སེམས་ཅན་འཇིག་རྟེན་པའི་བློ་ཅན་དང་༔ ཐེག་པ་འོག་མ་རྣམས་ཀྱི་རྣ་བར་ཟུར་ཙམ་ཡང་སྨྲ་བར་མ་བྱེད་ཅིག༔ གལ་ཏེ་སྨྲས་ན་ཁ་ནས་ཁྲག་ཏུ་སྐྱུགས༔ མིག་འབྲས་ཐང་ལ་ལྷུང་༔ ཚེའི་དུས་བྱེད་ནས་དམྱལ་བར་བསྐལ་པ་བརྒྱའི་བར་དུ་སྐྱེ་བར་འགྱུར་རོ༔ དེ་ཅིའི་ཕྱིར་ཞེ་ན༔ འདི་ནི་དུས་གསུམ་གྱི་རྒྱལ་བ་ཐམས་ཅད་ཀྱི་ཐུགས་ཡིན༔ ཉམས་སུ་ལེན་པའི་རྣལ་འབྱོར་པའི་སྲོག་ཡིན༔ སྐལ་དམན་ཉོན་མོངས་ཅན་དང་༔ ཐེག་པ་དམན་པ་ལ་འདིའི་སྣོད་མེད་པས༔ སྣོད་མེད་ཀྱིས་མཐོང་དུ་མི་རུང་བའི་ཕྱིར༔ ཀུན་ཏུ་བཟང་པོའི་ཐུགས་ཀ་ནས་དམ་ཚིག་གི་མཁའ་འགྲོ་མ་སྨུག་ནག་རཀྴའི་གདོང་པ་ཞེས་བྱ་བ་བྱུང་སྟེ༔ ཆོས་འདིའི་བཀའི་སྲུང་མ་བྱེད་པར་འགྱུར་རོ༔ ཞེས་གསུངས་སོ༔ ཀུན་བཟང་གི་སྨོན་ལམ་སྟོབས་ཆེན་མ་ཡང་རྒྱུད་འདིའི་ལེའུ་བཅུ་དགུ་པ་ལས་འབྱུང་། ཟང་ཐལ་གྱི་རྒྱུད་ཆུང་ལེའུ་བརྒྱད་པ་དང་། འདི་གཉིས་རྩ་བ་ཡིན། བྱང་གཏེར་བ་རྣམས་ཟང་ཐལ་གྱི་ངོ་སྤྲོད་ཚེ་འདིར་རྣམ་བཅས་མི་སྣང་བ་ཞེས་ཟེར་བ་ནི་རྒྱུད་འདི་ལས་ལུས་གནད་འདྲ་མིན་དགུ་ཙམ་བཤད་པ་དེ་ཡིན་འདུག །སྙིང་ཏིག་གཞན་ལ་མེད་པའི་ཟབ་གནད་འདི་ལ་སྒེར་དུ། རྫོགས་ཆེན་བཀའ་གཏེར་གཞན་ལ་མེད་པའི་ཟབ་ཁྱད་ཡོད། མུན་ཁྲིད་སོགས་ཤིན་ཏུ་ཟབ་པའི་གནད་འགའ་འདིར་མི་འདུག །རྫོགས་ཆེན་ལྟ་སྒོམ་གྱི་གོ་དོན་གནད་ཆེན་ཡོད༔ ཉམས་ལེན་མཁའ་འགྲོ་སྙིང་ཏིག་སོགས་འདྲིལ་བ་ཡོད། ཡང་རྡོ་རྗེ་ཕག་མོའི་ཟབ་རྒྱ་དྲུག་གི་རྩ་རླུང་གི་མན་ངག་ལས། དེ་ཡང་ཨ་ཝ་དྷཱུ་ཏི་ལ༔ ཕྱི་ནང་གསང་བ་གསུམ་དུ་ཡོད༔ ཐབས་ཀྱི་དྷཱུ་ཏི་གཞུངས་པ་ཡིན༔ དེ་ནས་བྱང་སེམས་དཀར་པོ་འབབ༔ ཤེས་རབ་དྷཱུ་ཏི་སྲོག་རྩ་ཡིན༔ དེ་ནས་བྱང་སེམས་དམར་པོ་འབབ༔ གསང་བའི་དྷཱུ་ཏི་འཁོར་ལོ་བཞི༔ དབུས་ན་རྒྱུས་ཏེ་སྲོག་ཤིང་ཚུལ༔ དེ་ནས་ཡེ་ཤེས་རླུང་རྒྱུའོ༔ གསང་བ་ཨ་ཝ་དྷཱུ་ཏི་དེའི༔ གཡས་ན་ལ་ལ་ན་ཡི་རྩ༔ སྒོ་ནི་སྣ་བུག་གཡས་ནས་ཟུག༔ ཡར་འཁྱོགས་མིག་གཡས་དབྱིབས་ལ་སླེབས༔ མར་བརྒྱུད་ལྟག་པའི་ཨན་དང་ག༔ རྒྱུས་པའི་དྷཱུ་ཏི་རང་ལ་འཁྲིལ༔ དེ་ནས་དྷཱུ་ཏིའི་གཡས་ནས་བརྒྱུད༔ ལྟེ་བའི་འོག་སྤུའི་མཚམས་སུ་སླེབས༔ གཡོན་ན་རཏྣ་བ་ཡི་རྩ༔ སྒོ་ནི་སྣ་བུག་གཡོན་ན་ཟུག༔ ཡར་འཁྱོགས་མིག་གཡོན་དབྱིབས་ལ་སླེབས༔ མར་བརྒྱུད་ལྟག་པའི་ཨན་དང་གི༔ དྷཱུ་ཏིའི་རྒྱུས་པའི་མཚམས་ལ་འཁྲིལ༔ དེ་ནས་དྷཱུ་ཏིའི་གཡོན་ནས་བརྒྱུད༔ ལྟེ་འོག་སྤུ་ཡི་མཚམས་སུ་སླེབས༔ ལྟེ་འོག་དྷཱུ་ཏི་སོར་བཞི་དང་༔ ལ་ལ་རཱ་ས་གསུམ་འཛོམ་པ༔ གཡས་གཡོན་རླུང་གཉིས་དྷཱུ་ཏིར་ཚུད༔ ཚུད་པའི་དུས་ན་རྟོག་པ་འགག༔ བུ་ཆུང་མ་ལ་སྐྱེས་ནས་ཀྱང་༔ ཞག་ལྔ་ལོན་ཚེ་རླུང་སེམས་གཉིས༔ དྷཱུ་ཏིར་ཚུད་ནས་ཅི་མི་དྲན༔ སྦྲིད་པ་དྲག་པོ་བྱུང་བ་དང་༔ ཕོ་མོའི་ཆགས་པ་རྫོགས་རྗེས་དང་༔ ཧད་ཀྱིས་བརྒྱལ་བའི་དུས་ན་ནི༔ སྐད་ཅིག་ཙམ་ལ་དྷཱུ་ཏིར་ཚུད༔ འཆི་ལ་ཁད་ལ་དྷུ་ཏིར་ཚུད༔ རྩ་རླུང་འབྱོངས་པའི་རྣལ་འབྱོར་པ༔ ལྟ་བ་རྟོགས་ཚེ་དྷཱུ་ཏིར་ཚུད༔ རླུང་སེམས་དྷཱུ་ཏིར་ཚུད་པའི་རྟགས༔ རྟོག་པ་འགགས་ནས་མི་རྟོག་པ༔ སྤྲོས་དང་བྲལ་བའི་ཉམས་མྱོང་སྐྱེ༔ མི་རྟོག་ཆོས་ཀྱི་དབྱིངས་ཞེས་བྱ༔ འབྲས་བུ་ཆོས་ཀྱི་ཕྱག་ཆེན་ཐོབ༔ ཅེས་དང་། བརྒྱད་པ་རླུང་གི་ལས་བྱེད་ནི༔ སོ་སོ་སྐྱེ་བོ་ཐ་མལ་པ༔ ཚེ་ཡི་འདས་དུས་བྱུང་བའི་ཚེ༔ རླུང་སེམས་རིག་པ་རྣམ་པ་གསུམ༔ སྙིང་རྗེ་མེད་པའི་རླུང་ལ་ཞོན༔ གསང་བའི་གནས་ནས་ཐོན་པ་ན༔ རོ་ལ་དྲི་ཆུ་རྒྱངས་ཀྱིས་འོང་༔ དེ་ནི་ལས་ཀྱི་དམྱལ་བར་སྐྱེ༔ སེམས་དང་རིག་པ་རྣམ་པ་གསུམ༔ མཐུར་དུ་འགྲོ་བའི་རླུང་ལ་ཞོན༔ བཤང་བའི་ལམ་ནས་ཐོན་པ་ན༔ རོ་ལ་དྲི་ཆེན་ལྷུག་གིས་འོང་༔ ཡི་དྭགས་གནས་སུ་སྐྱེ་བར་བྱེད༔ སེམས་རིག་མེད་མཉམ་རླུང་ལ་ཞོན༔ ལྟེ་བའི་གནས་ནས་ཐོན་པ་ན༔ ལྟེ་བར་ཟིལ་བ་ཕྲུམ་མེ་འབྱུང་༔ བྱོལ་སོང་གནས་སུ་སྐྱེ་བར་བྱེད༔ སེམས་དང་རིག་པ་རྣམ་པ་གསུམ༔ བཀྲག་དང་གཟི་བརྗིད་མདངས་བསྐྱེད་པའི༔ རླུང་ལ་ཞོན་ནས་མིག་ལ་ཐོན༔ མིག་གཡས་ཅེ་རེ་བལྟས་ཏེ་སྡོད༔ ལྷ་ཡི་གནས་སུ་སྐྱེ་བར་བྱེད༔ སེམས་རིག་དྭངས་སྙིགས་འབྱེད་པ་ཡི༔ རླུང་ལ་ཞོན་ནས་ཁ་ལ་ཐོན༔ འཆི་ཁར་མ་སླེབས་དབུགས་དང་བྲལ༔ མི་རུ་སྐྱེ་བའི་ལས་བྱེད་དོ༔ སེམས་རིག་དྭངས་སྙིགས་འབྱེད་པ་ཡི༔ རླུང་ལ་ཞོན་ནས་སྣ་ལ་ཐོན༔ སྣ་བུག་གཡས་པ་ཀྱོག་ལ་ཆེ༔ ལྷ་མིན་གནས་སུ་སྐྱེ་བར་བྱེད༔ སེམས་རིག་གྱེན་རྒྱུའི་རླུང་ལ་ཞོན༔ ཚངས་བུག་གཡས་ནས་ཐོན་པ་ན༔ སྤྱི་གཙུག་འཕར་དང་རླུངས་ཟིལ་འབྱུང་༔ ས་ལམ་བཅུ་གསུམ་མན་ཆད་ནོན༔ དེ་ཉིད་རྣལ་འབྱོར་སྒོམ་པའི་རྟགས༔ ཡང་དག་རྫོགས་པའི་སངས་རྒྱས་ཐོབ༔ སེམས་བྲལ་ཡེ་ཤེས་རིག་པ་དེ༔ ཤེས་རབ་ཡེ་ཤེས་རླུང་ལ་ཞོན༔ སྙིང་གི་དབུས་ནས་གནས་བསྐྱེད་དེ༔ ཡེ་ཤེས་གསང་ལམ་ཤེལ་སྦུག་ཅན༔ སྦོམ་དུས་གྲོ་སོག་སྦུ་གུ་ཙམ༔ ཕྲ་དུས་དར་དཀར་སྐུད་པ་ཙམ༔ མིག་ལ་ཟུག་པའི་ནང་ནས་ཐོན༔ མིག་གཡོན་འབྲས་བུ་འབྱུང་བ་ན༔ མིག་གཡོན་མདངས་བཅས་ཅེ་རེ་འོང་༔ རང་བྱུང་ཡེ་ཤེས་ཆེན་པོ་འཆར༔ མངོན་སུམ་མཐོང་བའི་རྣལ་འབྱོར་རྟགས༔ མངོན་པར་རྫོགས་པའི་སངས་རྒྱས་ཐོབ༔ ཅེས་གསུངས། ཡང་ཟང་ཐལ་ཆོས་སྡེ་ཟབ་རྒྱའི་རྩ་བ་རྡོ་རྗེ་ཕག་མོ་དགྱེས་པ་ཕྲིན་ལས་ཀྱི་རྒྱུད་ལས། ཨོ་རྒྱན་ཆེན་པོ་ལ་རྡོ་རྗེ་ཕག་མོས་གསུངས་པ་ཡིན། རྡོ་རྗེ་ཕག་མོས་བཀའ་སྩལ་པ༔ ལྟ་བའི་བཤད་པ་མང་གྱུར་ཡང་༔ རྗེས་དཔག་རིམ་གྱིས་འཇལ་བ་དང་༔ དཔེ་རྟགས་བརྡ་ཡིས་བསྟན་པ་ལ༔ དོན་ལ་ཕེབས་བ་ཤིན་ཏུ་ཉུང་༔ མཁའ་འགྲོའི་ཐུགས་ཀྱི་དགོངས་པ་ཡི༔ ལྟ་བ་ཟབ་མོ་བསྟན་པར་བྱ༔ ལྟ་བ་དངོས་ནི་འདི་ལྟ་སྟེ༔ རང་རིག་བཅོས་བསླད་མེད་པ་ནི༔ རྒྱལ་བའི་དགོངས་པ་མཐར་ཐུག་ཡིན༔ དེ་ལ་སྐྱོན་མེད་ཡོན་ཏན་རྫོགས༔ དེ་ལ་འཕོ་དང་འགྱུར་བ་མེད༔ ལྟ་བའི་སྙིང་པོ་དེ་ཡིན་ནོ༔ དེ་ལ་མན་ངག་རྣམ་པ་གཉིས༔ སྟོང་པ་དང་ནི་གསལ་བའོ༔ སྟོང་པའི་ཕྱོགས་ནས་བརྟགས་པ་ན༔ སྐྱེ་མེད་འགག་མེད་གྲོལ་བ་མེད༔ འོང་མེད་བཅིང་མེད་གྲོལ་བ་མེད༔ རྟེན་མེད་གནས་མེད་འཁོར་བ་མེད༔ འདས་དང་བླང་དང་དོར་བ་མེད༔ སྟོང་དང་མི་སྟོང་དངོས་པོ་མེད༔ རྟག་ཅིང་མིང་མེད་ཡི་གེ་མེད༔ སྒྲ་དང་ཐ་སྙད་མཐའ་དབུས་མེད༔ སྨྲ་བསམ་བརྗོད་པའི་ཡུལ་ལས་འདས༔ གསལ་བའི་ཕྱོགས་ནས་བརྟགས་པ་ན༔ རིག་པ་དང་ནི་གསལ་བ་ཡོད༔ སྐུ་དང་ཡེ་ཤེས་ཡོན་ཏན་ཡོད༔ ཕྲིན་ལས་ཞིང་ཁམས་གཞལ་ཡས་ཡོད༔ གཙོ་འཁོར་ཕུན་སུམ་ཚོགས་པ་ཡོད༔ རྩོལ་སྒྲུབ་མེད་ཅིང་འདུས་མ་བྱས༔ ལྷུན་གྲུབ་ཆེན་པོར་ངང་གིས་གནས༔ རང་རིག་ལྟ་བའི་རྒྱལ་པོ་ཡིན༔ དཔེར་ན་ནམ་མཁའ་ལྟ་བུའོ༔ ཞེས་ནམ་མཁའ་ལྟ་བུ་ལྟ་བའི་སྐབས་སུ་གསུངས། ཡང་དེའི་ཉི་ཟླ་ལྟ་བུ་བསྒོམ་པའི་རྒྱའི་སྐབས་ལས། རྡོ་རྗེ་ཕག་མོས་བཀའ་སྩལ་པ༔ སྒོམ་པའི་མན་ངག་འདི་ལྟ་སྟེ༔ ཡོད་པར་བསྒོམ་པས་རྟག་པར་གོལ༔ མེད་པར་བསྒོམ་པས་ཆད་པར་གོལ༔ ཡོད་མིན་མེད་མིན་བཞག་པ་ན༔ གཏི་མུག་བྱིང་བའི་གནས་སུ་གོལ༔ ངེས་པའི་སྒོམ་པ་འདི་ལྟ་སྟེ༔ རིག་པའི་ངོ་བོ་བཅོས་བསླད་མེད༔ ཡིན་པའི་ཐོག་ཏུ་གནས་པར་ཞོག༔ དེ་ལ་མཁས་པའི་དཔེ་གསུམ་སྟེ༔ ལུས་ནི་རྣམ་སྣང་ཆོས་བདུན་བྱ༔ ངག་ནི་མི་སྨྲ་དལ་བར་བཞག༔ སེམས་གནད་ཐ་མལ་ཤེས་པ་འདི༔ བཅོས་བསླད་མེད་པར་རང་སོར་གློད༔ དེ་ལ་མན་ངག་རྣམ་པ་བདུན༔ དང་པོ་གནས་ལུགས་ཤེས་པ་དང་༔ གཉིས་པ་ངང་ལ་གནས་པ་དང་༔ གསུམ་པ་ཐད་ཀར་ཆོད་པ་དང་༔ བཞི་པ་རང་ས་ཟིན་པ་དང་༔ ལྔ་པ་འགྱུར་བ་མེད་པ་དང་༔ དྲུག་པ་གདོས་པར་མ་གྱུར་དང་༔ བདུན་པ་མངོན་དུ་གྱུར་པའོ༔ འདི་ལ་རྒྱུན་ཆད་མེད་པ་རུ༔ བརྩོན་པས་ཉམས་སུ་བླངས་པ་ན༔ ཆོས་ཉིད་ཟབ་མོའི་རྟགས་རྣམས་ཤར༔ དེ་ཚེ་འབྲས་བུ་རིམ་གྱིས་ཐོབ༔ ཅེས་གསུངས། ། ༈

ཡང་གོང་དུ་དྲངས་པའི་ཡང་དག་དོན་གྱི་སྙན་བརྒྱུད་ཡི་གེ་མེད་པ་ནམ་ཤི་སངས་རྒྱས་སྒྱུ་ལུས་བོར་ཆོག་ཅེས་པ་འདིའི་འབྲས་བུའི་སྐབས་ལས། གསུམ་པ་མཐར་ཐུག་འབྲས་བུའི་གྲུབ་ཚུལ་བསྟན་པ་ལ་གསུམ་སྟེ༔ དབང་པོ་རབ་རྡོ་རྗེ་སེམས་དཔའི་གསང་ལམ་འདི་དང་འཕྲད་ནས་ཚེ་གཅིག་ལུས་གཅིག་ལ་སངས་རྒྱས༔ ངོ་སྤྲོད་པ་དང་རྟོགས་པ་དུས་མཉམ༔ དབུགས་ཆད་པ་དང་སངས་རྒྱས་པ་དུས་མཉམ༔ སངས་རྒྱས་པ་དང་ཐུགས་རྗེ་འབྱུང་བ་དུས་མཉམ༔ བར་དོའི་སྐད་ཅིག་མའི་གྲོལ་ལུགས་བརྩི་མི་དགོས་པར༔ ལུས་རྒྱ་ནམ་གྲོལ་བའི་དུས་སུ༔ རིན་པོ་ཆེ་གསང་བའི་སྦུ་གུ་ནས་ཟང་ཐལ་ཆོས་ཀྱི་སྐུ་རུ་སངས་རྒྱའོ༔ རྒྱུད་ལས། སེང་གེ་མཆོང་བས་ས་ཆོད་ལྟར༔ གོམ་པ་གཅིག་གིས་ཕ་རོལ་ཕྱིན༔ ཅེས་གསུངས་སོ༔ དབང་པོ་འབྲིང་བར་དོའི་ཡེ་ཤེས་ངོས་ཟིན་པས་ལྔ་ལྡན་དང་རྫོགས་ལྡན་གྱི་དགོངས་པ་མཐར་ཕྱིན་ཏེ་སངས་རྒྱའོ༔ རྒྱུད་ལས༔ སྔ་མ་ལས་ཀྱི་འཕྲོ་ལྡན་པས༔ བར་དོར་རྟགས་མཐོང་རང་ས་ཟིན༔ ཞེས་གསུངས་སོ༔ དབང་པོ་ཐ་མ་ནི་སྐྱེ་བ་གཅིག་ཐོག་པར་བཤད་དེ༔ བླ་མ་ལ་མོས་གུས་མ་ལོག་པ་དང་གཅིག༔ མཆེད་གྲོགས་ལ་དམ་ཚིག་མ་ཉམས་པ་དང་གཉིས༔ ཆོས་ལ་ལོག་ལྟ་མ་སྐྱེས་པ་དང་གསུམ་འཛོམ་ན༔ ཚེ་འདིར་སྣང་བ་བདེན་མེད་དུ་མ་རྟོགས་ཤིང་༔ བར་དོར་ཡེ་ཤེས་ངོས་མ་ཟིན་ཀྱང་༔ སྐྱེ་བ་གཅིག་ནས་ལས་ཀྱི་འཕྲོ་མཐུད་ནས་སངས་མི་རྒྱ་མི་སྲིད་དོ༔ རྒྱུད་ལས། སྐྱེ་གནས་མི་འགྱུར་བླ་མ་དང་༔ དེ་ནས་དེ་ཉིད་འཕྲད་པར་འགྱུར༔ ཅེས་གསུངས་པས། རང་གི་བླ་མའི་གདུང་རྒྱུད་དམ༔ ཆོས་འདི་སྤྱོད་པའི་སྐྱེས་བུ་དམ་པ་གཅིག་གི་དྲུང་དུ་སྐྱེས་ནས༔ ལས་འཕྲོའི་དབང་གིས་སངས་རྒྱས་པ་ལ་ཐེ་ཚོམ་མེད་དོ༔ ཞེས་གསུངས་སོ། །ལན་གཅིག་མཐོང་བས་གྲོལ་བའི་སྙན་བརྒྱུད་ཅེས་པ་དེའོ། །འདི་གཙོ་བོ་ཀ་དག་དང་བར་དོའི་ངོ་སྤྲོད་ཉམས་ལེན་ཡིན་པས། ཀ་དག་གི་འབྲས་བུའི་གྲོལ་ཚད་ཡིན་འདུག །ཡང་ཟང་ཐལ་གྱི་ཆོས་ཉིད་མངོན་སུམ་གྱི་ཁྲིད་ཡིག་ལས། རིག་པ་ཡེ་ཤེས་ཀྱི་ལུས་ངག་ཡིད་གསུམ་ཁྱབ་པར་གནས་ཀྱང་༔ ལུས་ཀྱི་དབུས་རྩའི་གཙོ་བོ༔ དྭངས་མ་བཅུད་ཀྱི་ཐིག་ལེ་གནས་པའི་ཟུར་ན་སེམས་བརྟེན་ནས་ཡོད༔ དེའི་དབུས་ཀྱི་སྙིང་པོ་ལ་རིག་པའི་མཛོད་གནས་ཏེ༔ དེ་ཡང་སེམས་བྱ་བ་འཛིན་པ་ཡོད་པ་གཅིག་ཡིན༔ སེམས་ཀྱི་དྭངས་མའི་རྩལ་འཛིན་མེད་དུ་སལ་ལེ་བ་དེ་རིག་པ་ཡིན༔ བདག་འཛིན་ལུས་ཀྱི་འཛིན་པ་ཡོད་པས་སེམས་ཞེས་བྱ་བ་དེ༔ སྙིང་ལ་མི་གནས་སྙིང་གི་ཕྱི་ཟུར་ན་གནས་སོ༔ འཛིན་མེད་རང་གསལ་གྱི་རིག་པ་དེ་སྙིང་ལ་གནས་པས༔ སྙིང་པོའི་དོན་ཞེས་ཟེར་བ་ཡིན༔ སེམས་ཅན་ཐམས་ཅད་སངས་རྒྱས་ཉིད༔ འོན་ཀྱང་གློ་བུར་དྲི་མས་བསྒྲིབ༔ ཅེས་གསུངས་པས། སངས་རྒྱས་ཀྱི་སའང་རིག་པ་ཡིན་ཏེ༔ གློ་བུར་དྲི་མ་ཞེས་བྱ་བ་སེམས་ཡིན་ནོ༔ རིག་པ་ཐིག་ལེ་ཉག་གཅིག་ཏུ་འདུས་པས༔ ཐིག་ལེ་ཉག་གཅིག་ཅེས་བྱ་བ༔ གཟུང་འཛིན་མ་རིག་པ་ལས་བྱུང་བས་འཁྲུལ་པའི་སེམས་ཞེས་བྱ༔ མདོར་ན་བདག་ཏུ་འཛིན་པའི་སེམས་དེས་རྣམ་པ་ཐམས་ཅད་མཁྱེན་པའི་ཡེ་ཤེས་སྒྲིབ་པ་ཡིན༔ བདེ་གཤེགས་སྙིང་པོས་འགྲོ་ཀུན་ཡོངས་ལ་ཁྱབ༔ ཅེས་པའི་དོན་དེ་རིག་པ་ལ་ཟེར་བ་ཡིན༔ དེ་མངོན་སུམ་དུ་རྟོགས་པའི་ཐབས་ནི༔ ལུས་ཆུན་པས་རྩ་ཆུན༔ རྩ་ཆུན་པས་རླུང་ཆུན༔ རླུང་ཆུན་པས་ཐིག་ལེ་ཆུན༔ དེས་རིག་པ་ཡེ་ཤེས་གཡོས་པ་མེད་པར་གནད་དུ་ཚུད་ནས་སངས་རྒྱས་ཀྱི་དགོངས་པ་གཏན་ལ་འབེབས་པའི་དགོས་པ་ཡོད་དོ༔ གཉིས་པ་གནད་གསུམ་ལ་བརྟེན་ནས་རིག་པ་མངོན་སུམ་དུ་བལྟ་བ་ནི༔ གང་གི་རིག་པ་ཡེ་ཤེས་བཤད་པ་དེ་ཉིད༔ དཔེར་ན་ལྷ་ཁང་ན་ལྷ་ཡོད་ཀྱང་མ་མཐོང་ན་ལྷ་ཡོད་པར་འདུག་གམ་སྙམ་པ་ཙམ་ལས༔ མངོན་སུམ་དུ་གསལ་བར་མི་མཐོང་བ་བཞིན༔ རིག་པའི་ཡེ་ཤེས་མངོན་སུམ་དུ་ལྟ་རྒྱུ་ཡོད་སྙམ་པ་ཙམ་ལས༔ ཡིད་དཔྱོད་འཛིན་པའི་གཡུལ་དུ་ཤོར་ཏེ༔ བལྟ་བར་མ་ནུས་ནས་ཚེ་གཅིག་གིས་སངས་རྒྱས་ཐོབ་པར་མི་ནུས་པས༔ ཆོས་སྤྱིའི་ལུགས་ཕལ་ཆེར་ནི༔ དྲང་དོན་དང་ལྡེམ་དགོངས་ཡིན༔ ངེས་དོན་གྱི་ཆོས་རྣམས་ཀྱང་ཤེས་རབ་ཡུམ་གྱི་དགོངས་པ་ཞེས་བྱ༔ སྟོང་པ་ཉིད་ཀྱི་དགོངས་པ་གཏན་ལ་འབེབས་པ་ཡིན་ཏེ༔ ལ་ལ་ནི་གོམ་པར་ཆུང་༔ ལ་ལ་ནི་ཡུན་རིང་ཉམས་ལེན་མ་ནུས་པས་མཐར་མ་ཕྱིན༔ འགའ་ཞིག་རིག་པ་ཡེ་ཤེས་ཀྱི་དགོངས་པ་ཀློང་དུ་གྱུར་ནས་བྱང་ཆུབ་ཀྱི་ལམ་སྣ་ཟིན་པའང་འབྱུང་ངོ་༔ ཡི་དམ་གྱི་ལྷ་བསྒྲུབས་ནས་སངས་རྒྱས་པར་འདོད་པས་ཀྱང་༔ འཇུག་ཏུ་མི་རྟོག་པའི་རྒྱས་བཏབ་ནས༔ རྫོགས་རིམ་ཞེས་བྱང་ཆུབ་ཐོབ་པར་འདོད་དེ་སངས་རྒྱས་ལ་བགྱང་བ་ཡིན་ནོ༔ ཞེས་གསུངས། སུམ་ཅུ་རྩ་གསུམ་ནི༔ ཉེ་དབང་སོ་གཉིས༔ ལྷ་དབང་དང་སོ་གསུམ་གྱི་གནས་སོ༔ ༈ ༔ཧོར་ཏྲེ་པོ་བླ་མ་འགྱུར་མེད་སྐལ་བཟང་འཕེལ་རྒྱས་བཟང་པོའི་བསྐྱུད་བྱང་ཕྱག་བྲིས་མ་པུསྟི་ལས་ཞལ་བཤུས་པའི་ཉེར་མཁོ་སྦྲང་རྩིའི་ཐིགས་པ་ཞེས་བྱ་བ་བཞུགས་སོ། །ན་མོ་གུ་ར་ཝེ། ཨོ་རྒྱན་ཆེན་པོས། སེམས་དང་སེམས་ཉིད་ཀྱི་སོ་མཚམས་ནི༔ སེམས་ཞེས་བྱ་བ་མངོན་པར་འདུ་བྱེད་ཅིང་དྲན་པའོ༔ ཉིད་ཅེས་བྱ་བ་དྲན་པ་མེད་ཅིང་ཡིད་ལ་མི་བྱེད་པའོ༔ ཞེས་དང་། བླ་མ་དགོངས་པ་འདུས་པའི་ཁྲིད་གཞུང་ལས། ཁྲེགས་ཆོད་ཀྱི་གདམས་པ་ནི༔ གང་ཤར་ལྟོས་མེད་རང་ཤར་གྱི་སྟེང་ནས་གཉེན་པོ་དང་ཕྲལ་ནས་འཇོག་པ་ལ་ངོས་འཛིན་ཏེ༔ ཞེས་སོ།། །། ༈

[edit]

bskyed rdzogs zin bris de nyid gsal ba'i 'grel par sogs/ bskyed rdzogs zin bris de nyid gsal ba'i 'grel par/__gang zhes pa su/__de zhes pa 'di/__zhes dang /__dus kyi brtul zhugs ni 'dul khrims nyis brgya lnga bcu/___/__!_ dge slong dang sngags rgan gnyis kyang khor rang gi nyams dang rtogs pa gnyis de dang de'i tshul du bkod pas gzhan gshed nas 'ong ba ma yin/__na re zhes pa bod kyi don/__sa skya dbu ma rang rgyud/__'bri gung rang stong /__dge lugs thal 'gyur/__jo nang gzhan stong yin zer 'dug__/'das rjes thob pa'i paN grub rnam gsum ni/__dga' rab/__shrI seng /__'jam dpal lo/___/__!_ gzhung chen sde lnga ni/__dbu phar 'dul mdzod rgyud sde lngar zer srol yod/___/__!_ yang dag pa ni nyon mongs kyi dri ma bral bas zer/__las mtha' las dag pa/__rtog pa sems nyon ma mongs pa/__'tsho ba zas gos dkor ma 'dres pa/__ting 'dzin bskyed rim/__lta ba sems nyid/__rtsol ba brtson 'grus/___/__!_ dbang sgrub gzhi las/__bskyed rim sgrub thabs chos/__rdzogs rim sgrub byed dam rgyud/__sgrub 'bras phyag chen dang sbyar zer ba snang /___/__!_ de bzhin nyid ni rang gi sems nyid bsam gyis mi khyab pa la lta ba/__kun snang ni de ltar ma rtogs pa la sgyu ma lta bu'i snying rje bskyed pa/_rgyu yi ting 'dzin ni de gnyis ya ma bral ba'i ngang yi ge hU~M hrIHla sogs pa bsgom pa/___/__!_ bskyed rim rgyas pa'i phyogs la sbyang bya sgang skyes/__sbyong byed bdag sras lnga ni/__rgyu yi sa bon hU~M hrIHsogs las gtso bo yab yum bskyed pa/__phyogs bcu'i sangs rgyas sras bcas yum mkhar bkug pa/__sems can rnams bkug nas sgrib pa sbyong ba/__'khor 'das gnyis su med par che ba bskyed pa/__dkyil 'khor lha tshogs mkha' nas bton te gdan la 'god pa lnga'o/__/gzhan sras brgyad ni/__gtso bo yab yum 'od du zhu nas sa bon du gyur pa/__de nyid 'bras bu'i rdo rje 'dzin pa yab yum gyi skur bzhengs pa/__yab kyi rtog tshogs yi ge'i rnam par 'god pa/__yum gyis yab la thugs rje'i dkyil 'khor spro bar gsol ba gdab pa/__snga ma dkyil 'khor gyi 'khor lo bsgoms pa rnams skabs 'dir rang la bstim zhing gnyis su med pa'i ye shes kyi nga rgyal la gnas pa/__de ma thag yab yum gnyis bde stong gnyis su med par sbyor ba byas pas yum mkhar dkyil 'khor bskyed pa/__rtog tshogs lhar gyur yum mkha' nas phyir 'don cing phyi rol gyi gdan la 'god pa/__ye shes pa spyan drangs shing dbang bskur rgyas gdab pa rnams so/___/__!_ 'bring por mngal skyes kyi bag chags sbyang bya/__sbyong byed mngon byang lnga ni/__mngon byang dang po zla ba/__gnyis pa nyi ma/__gsum pa sa bon phyag mtshan/__bzhi pa 'od kyi gong bur gyur pa/__lnga pa sku yongs rdzogs so/__/yang bzhi ni/__dang po stong pa byang chub sems/__/gnyis pa sa bon 'byung ba ste/__/gsum pa la ni gzugs rdzogs pa/__/bzhi pa la ni yi ge dgod/__/ces so/__/cho ga gsum ni/__thugs rdo rje'i ngo bo phyag mtshan bsgom pa'i cho gas rang sems thugs rdo rjer dag__/de gnas 'gyur nas hU~M yig sogs su bsgoms pas gsung rdo rjer rdzogs/__de las 'od 'phros don gnyis byas nas lha skur bsgoms pas lus lha sku rdo rjer smin pa'o/___/__!_ sbyang bya drod gsher skyes ma bsdus pa dang /__rdzus skyes la shin tu bsdus pa rnams ni gzhung nas bshad ma thag pa'o/___/__!_ dngos gzhi bdun yang lnga pa yan chad ting 'dzin nyams lnga skye thabs yin pas sngon du 'gro ba yin/__gsal brtan tshad brgyad las/__dang po bzhi ni/__lhar snang 'gag pa med pa'i sal le/__snang dus dmigs pa mtshan mas ma bcings pa'i sang nge /__snang stong dbyer med kyi yin lugs rang babs su shar ba'i lhag ge__/so sor rtog pa'i rig pa'i ye shes kyi ngo na mngon sum pas lhang nge'o/__/gnyis pa bzhi ni/__gang ltar bsgyur yang de ltar bsgom du btub pas cir yang bsgyur du btub pa'o/__/zhes snang ngo //___//__!_ bshags rgyud las/__gzhi dngos po gshis kyi gnas lugs ston par byed pa dang /__lam nyams su len pa'i gdams ngag ston par byed pa dang /__'bras bu mngon du gyur pa'i don ston par byed pa'o/__/zhes dang /__kun gzhi rgyu'i rgyud dang /__lam thabs kyi rgyud dang /__phyag rgya chen po 'bras bu'i rgyud/__ces dang /__grol lam lta ba'i bshags pa dang /__thabs lam dbang gi bshags par dbang bzhi'i lam rgyas par bstan/__sgyu 'phrul drwa ba'i bshad srol gyi thabs grol dang /__gzhan gyi thabs grol bshad srol mi mtshungs//___//__!__ oM swa sti/__rgyud rig pa rang shar las/__'jug pa'i sgo ni bden pa rnam pa bzhi/__/nyan thos spyi yi 'jug sgo'o/__/zhes dang /__rang rgyal mdo sde'i grub mtha' ni/__'jug pa'i sgo ni rten 'brel bcu gnyis so/__/rtogs pa'i lta ba gang zag bdag med chos la bdag yod lta/__/zhes dang /__byang chub sems dpa'i theg pa ni/__/'jug pa'i sgo ni rnam pa gnyis/__/don dam dang ni kun rdzob bo/__/zhes dang //___//_! kun rdzob rnam pa gnyis su 'dod/__/log pa dang ni yang dag go__/zhes dang /__don dam la yang rnam pa gnyis/__/mtshan ma tshig gi don dam dang /__/yang dag sems kyi don dam mo/__/zhes dang /__kr-i ya'i theg pa'i grub mtha' ni/__/'jug pa'i sgo ni rnam pa gsum/__/khrus dang gtsang sbras 'jug pa'o/__/zhes dang /__dag pa rnam gsum gang zhe na/__/lha dang dkyil 'khor dag pa dang /__/rdzas dang yo byad dag pa dang /__/sngags dang ting 'dzin dag pa'o/__/zhes dang /__byang chub lnga po 'di lta ste/__/gdan gyi sgo nas byang chub dang /__/sku yi sgo nas byang chub dang /__/phyag mtshan sgo nas byang chub dang /__/bskyed pa'i sgo nas byang chub dang /__/yig 'bru'i sgo nas byang chub bo/__/de ltar byang chub rnam lnga spyod/__/ces dang /__lta dang rnal 'byor dag pa gnyis/__/rje dang 'bangs kyi tshul du blta/__/zhes dang /__u pa la yi lta ba ni/__/lta ba yo gar lta ba la/__/spyod pa kr-i yar spyod pa'o/__/de phyir gnyis ka'i rgyud ces grags/__/zhes dang /__ma hA yo ga'i grub mtha' 'di lta ste/__/'jug pa'i sgo ni ting 'dzin rnam pa gsum/__/zhes sogs dang /__lung chen a nu'i theg pa ni/__/dbyings dang ye shes rnam pa gnyis/__/'du 'bral med pa'i rdo rjer 'dod/__/ces dang /__rdzogs chen a ti yo ga la/__/gcig rdzogs lta ba phyin ci ma log pa/__ma rig pa med/__gnyis rdzogs rig pa'i sku/__thams cad rdzogs/__dbyibs/__/gcig sgron ma/__'byung gnyis shes rab/__'byung thams cad ye shes/__'byung /__/gcig skye stong nyid/__gnyis skye dbyings ye shes/__thams cad skye/__/'od kyi sku rnam par dag pa/__gcig med ma rig pa_ gnyis med sems dang yid thams cad nyon mongs pa/__med/__/zhes gsungs so/___/__!_ rang shar las _rdzogs chen a ti yo ga la/__/lta ba nyid la lta rgyu med/__/lta ba sems kyi dri ma yin/__dri med dag pa'i chos nyid la/__/blta bya lta byed gnyis dang bral/__/zhes dang /__rdzogs chen a ti yo ga la/_/bsgom pa'i chos nyid dag la yod/__/btang dang bzhag pa med pa'i chos/__/bsgom dang ma bsgom mtha' las grol/__/'dzin med sems kyi dri mas bcings/__/yang dag rig la dri ma med/__/dri med dag pa'i chos sku la/__/bsgom dang bsgom par bya ba med/__/ces dang /__rdzogs chen a ti yo ga la/__/'bras bu bsgrub tu med par gsungs/__/'bras bur byar med rang byung nyid/__/rtogs med pa la de bzhin gshegs/__/zhes gsungs 'byung ba lnga 19las ma grub pa'i/__/skye 'gro sems can gcig kyang med/__/ces dang /__khams gsum sems can thams cad ni/__/'byung ba lnga yi dbyings su bskyod/__/ces dang /__rlung rnam pa lnga yis le'u20bar/__ye shes kyi mdangs byed do/__/me rnam pa lnga yis ye shes kyi rtsal byed do/__/sa rnam pa lnga yis ye shes kyi ngo bo byed do/__/chu rnam pa lnga yis ye shes kyi yul byed do/__/nam mkha' rnam lnga yis ye shes kyi gnas byed do/__/zhes sogs nang gi 'byung ba nyi shu rtsa lnga rgyas par bshad do/__/des na 'di nas shar gyi phyogs na mngon par dga' ba zhes bya ba'i zhing khams yod do/__/de ni sa rnam par dag par/__gsang snying gi le'u dang por/__btsun mo dam pa snang ba'i dbyings dang /__sra ba'i dbyings dang /__mnyen pa'i dbyings dang /__dro ba'i dbyings dang /__bskyod pa'i dbyings la sogs pa/__gnyis par/__sangs rgyas spyan dang ma ma kI/__/sogs so//___//_! kun byed rgyal po las/__sems nyid chen po rang sems grub 'dod na/__/'dod pa med pas grub pa yin pa'i phyir/__/rtog med mnyam pa nyid la gnas mi byed/__/blang dang dor med yul la rang bzhin gnas/__/g.yos pa med pa'i ngang la ngang gis gnas/__/sems ni ji bzhin pa yi ngo bo ste/__/chos rnams thams cad de bzhin nyid du 'grub/__/ji bzhin pa la 'chos par ma byed cig__/ces sogs gsungs/__kun 'dus rig pa'i mdo las/__'khor ba rgya mtsho'i yo byad rnams/__/mchod pa rgya mtsho'i rang bzhin te/__/srid pa rgya mtsho mtha' yas kun/__/kun bzang mchod sprin rgyun mi 'chad/__/ces dang /__dngos po brtan g.yo la sogs pa'i/__/sgra skad bsam gyis mi khyab pa/__/kun kyang gsang sngags gsang ba'i tshig__/bzlas brjod rgya mtsho rgyun mi 'chad/__/ces dang /__rngams glog las/__gnas der bsod nams gter ldan phyir/__/rin chen lnga dang sman lnga dang /__/spos lnga 'bru lnga snying po lnga/__/gwa'u'i nang du blugs nas su/__/sa gzhi gter dang ldan par bya/__/zhes dang /__nam mkha'i dbyings kyi dbus su ni/__/pad+ma 'dab ma brgyad pa bsgom/__/dbus su khro bo stobs po che/__/'dab ma la ni klu brgyad po/__/bsgom mam yang na bris kyang rung /__/khro bo'i zhabs kyi mthil gyis ni/__/klu rnams rab tu mnan nas su/__/hU~M gnyis bar du klu rnams kyi/__/snying po spel zhing gzir nas su/__/klu rnams gnas pa'i sa phyogs su/__/hU~M zhes bya ba bzlas brjod bya/__/khro bos mnan pa'i klu rnams kyi/__/kha nas char pa skyugs par bsam/__/'jigs dus lta bu'i char pa'ang 'bab/__/ces so/___/__!_ rdo rje bkod pa kun 'dus rig pa'i rgyud las/__/bsod nams mchog ldan gzugs kyi sku/__/rnam smin tshul gyis 'grub mi blta/__/btsal nas thob par mi byed de/__/rgyu yi dus nyid 'bras bu'i mchog__/ces dang /__/bkra shis lha yi nyi ma dang /__/'byor dang dus tshigs bzang po rnams/__/'jig rten mtshan ma'i rtog pa ste/__/brtags na bkra shis mtshan ma 'byung /__/zhes dang /__der ni bsod nams gter ldan phyir/__/rin chen lnga la sogs pa'i rdzas/__/sa gzhi gter chen rgyas par bya/__/bkra shis mchog tu bsngags pa yin/__/ces dang /__bkra shis chen po'i bum pa ni/__/bde gshegs bzhugs pa'i pho brang ste/__/dkyil 'khor rdzogs par gyur pa yi/__/dbang chen de la sbyin par bya/__/zhes dang /__dga' ba byang chub sems chen po/__/kun tu tshim par byed pa yi/__/dkar dmar lhag pa'i byang chub sems/__/dbang thob de yi lce la bzhag__/ces dang /__btsal med byang chub sems chen po/__/shes rab chen po'i rtsal gyis ni/__/chos kun sgyu mar dbang bsgyur nas/__/rtsal chen rdzogs pa'i dbang yin pas/__/zhes dang /___/_! rdo rje bkod pa'i rgyud rnal 'byor grub pa'i lung kun 'dus rig pa'i mdo las/__/rgyal ba kun gyi chos sku pad+ma'i gsung /__/chos rje 'od dpag med pa rdo rje chos/__/spyan ras gzigs sprul hrIHlas rngams chen ston/__/ngag gi dbang phyug rta gdong zhal gyis gnon/__/ces dang /__mya ngan 'das par gyur pa/__/med pa las byung sku gdung ni/__/sku yi gdung dang ring bsrel zhes/__/'gro ba'i bsod nams rten du grags/__/zhes dang /__tsa na ka yi 'bru lta bu/__/dkar la tsan dmar kha dog gsal/__/zos pa yon tan bsam mi khyab/__/bdud rtsi sman gyi mchog tu grags/__/zhes dang /__de bzhin rig 'dzin sems dpa' dang /__/mi yi lus su sprul pa dang /__/gang zag sa pa chos mig ldan/__/bsod nams dpal zhing dag pa dag__/sdong bu snying por sbyangs phyi na/__/skal ba can la snang ba ni/__/la la dag la shA ri ram/__/la la dag la ring bsrel sku/__/zhes sogs dang /__sems can rnam pa thams cad la/__/byang chub snying po yod pa'i phyir/__/me yi las kyi bya ba yis/__/lnga phung sbyangs na med mi srid/__/'di dag bsgrub par bya ba yang /__/shel kyi za ma tog nang du/__/bsdus te phyag rgya'i rgyas btab nas/__/shel gyi gwa'u'i nang du bca'/_/bsgrubs pas de la smon lam dang /__/sgrib sbyangs gso la 'phro 'a_du bya/__/'phro 'du bya ba'i cho ga yang /__/nam mkhar gang ba'i shA ri ram/__/zhing khams gang ba'i rgyal ba las/_/char gyi rgyun bzhin de la babs/__/rtse gcig bzlas pa gsung gi rgyun/__/ma hA shA ri raM bid+yA ye hU~M/__grangs med bar chad med par bzlas/__/mchog tu gsal zhing 'tsher ba dang /_/'od kyi zer phreng nyi zer bzhin/__/zang zing bra phreng snang bar 'gyur/__/za ma tog gi phyi rol na/__/gsal ba de la 'byung bar 'gyur/__/'gul zhing mang por 'phel ba dang /__/rgyal ba sems dpa' rig 'dzin gyi/__/gzugs brnyan shes dang de las ni/__/gsal bar bdag la ston par 'gyur/__/dang po snod de khengs pa yin/__/gnyis pa phyed dam brgya rtsa brgyad/__/tha ma'ang grangs 'gas 'phel bar 'gyur/__/de dag grub pa rtags chen te/__/de tshe dngos grub blang bar bya/__/thob pa'i yon tan bsam mi khyab/__/tshe 'dir rig 'dzin sa la gnas/__/rgyal ba dag dang mnyam par 'gyur/__/zhes so/__/gzhan yang des gzhan don byed tshul dang /__de la mchod tshul sogs rgya cher gsungs so/__/zhar las byung ba'i yon tan yang /__/'gro ba kun gyi don spyod pa/__/sems dpa' che ltar 'grub par 'gyur/__/zhes dang /__de la kun gyi rang bzhin de nyid 'dus/__/de la bsam med dmigs med der bzhag na/__/cir snang cir srid mtshan med de gcig pas/__/skye 'gag med pa'i de nyid ye sangs rgyas/__/zhes dang /__de la tshig tu gang brjod pa/__/nam mkha' dag la rtsod pa 'dra/__/tshig tu sman dang dpyad bshad kyang /__/nad pa'i tshogs la mi sman no/__/zhes dang /__rang byung gdod nas dag pa ste/__/rtsa brgyad stong la sbyar ba'i sman/__/rigs lnga ye shes lnga yi dngos/__/ye shes lnga rdzogs grub pa'i rdzas/__/rgyud lnga'i sems can kun sgrol phyir/__/dug lnga sel pa'i bdud rtsi'i mchog__/ces dang /__dbus su mchi skal mi ldan gyi/__/'bar ba'i dkyil 'khor mtha' la zhog__/phud la 'tshal skal mi ldan gyi/__/lhag ma zhal chab sbron la zhu//___//__!_ kun bzang dgongs pa zang thal gyi skor nas lung drangs 'ga' zhig bzhugs/__/rdzogs chen dgongs pa zang thal gyi chos sde gsang sngags kyi bstan pa gsum gyi chos 'byung zhus lan las/__de'i tshe mkha' 'gro ye shes mtsho rgyal/__sna nam rdo rje bdud 'joms/__lha sras mu khri btsad po gsum gyis 'di skad ces zhus so:__kyai:__slob dpon chen po sprul pa'i sku:__sangs rgyas kun gyis gdung 'dzin pa'i:__dus gsum ma 'gags sa ler gzigs:__thugs rje'i sprul pa khyed la bstod:__zhes gdung ba'i shugs kyis gsol ba btab ste zhus pa:__kyai rig 'dzin chen po:__sangs rgyas shAkya thub pa'i thugs kyi gdul bya:__gsang sngags kyi bstan pa rin po che 'di la:__bka' drang por lam du gnas:__bka' nyams par byed pa'i gang zag ci lta bu gcig 'byung :__thog ma'i gsang sngags 'di lam nye ring ji ltar lags:__gsang sngags kyi bka' bslad pa'i sems can mthar ci lta bur 'gyur lags:__zhes zhus so:__bka' stsal pa:__gsang sngags kyi bstan pa 'di bod kha ba can gyi yul du bka' drang por mi lo lnga brgya dang bdun gnas so:__de nas bdud kyi dmod pa dar ba'i las dbang gis:__rgyu'i chos spyod pa'i dge slong dang :__dge tshul gyi chas su zhugs te:__gsang sngags kyi chos bstan pa la smad par 'gyur ro:__gzhog 'phyas dang /__lkog chos dang :__dngos su rtsod par 'gyur ro:__de nas rim gyis 'phel nas rgyal khams kun tu khyab pa dang :__bod spre'u gdong dmar gyi bu yin te:__khong col chung bas:__bka' rgyud lung gsum dkrugs te:__gong gi 'og tu bcug:__'og gi gong du bton:__theg pa gong 'og bsres:__bka' babs 'chol du bcug:__gsang sngags kyi bka'i byin rlabs nyams te:__bstan pa nyams dma' bar 'gyur ro:__gsang sngags kyi bstan pa 'di'i mtshan nyid ni:__kun tu bzang po'i dgongs pa yongs su brdol ba:__rgyud lung man ngag gsum zhes bya'o:__'di'i rgyud kyi chos thams cad bka' drang por nyams su blangs na mi tshe gcig gis sangs rgyas par 'gyur ro:__lung gi chos bka' drang por nyams su blangs na:__zla ba drug gis sangs rgyas par 'gyur ro:__man ngag gi chos drang por nyams su blangs na:__nang rtogs na nang sangs rgyas:__nub rtogs na nub sangs rgyas so:__gsang sngags kyi bka' smod pa'i sems can ni:__rgyud ma hA yo ga'i chos la smod na:__bskal pa gsum lce la zhing rmo ba'i sems can dmyal bar skye'o:__lung a nu yo ga'i chos la smod na:__bskal pa chen po bdun khog pa khro chu khol mas bsregs pa'i dmyal bar skye'o:__man ngag rdzogs pa chen po'i chos la smod na:__tsha ba'i dmyal bar skye:__bskal pa bcu drug tu las myong bas:__de 'khor ba kha brgyud pa las:__'bras bu thar pa thob pa'i skal pa gtan nas brlag nas med do:__zhes gsungs so:__yang zhus ba:__kyai:__rig 'dzin chen po sprul pa'i sku:__gsang sngags kyi bstan pa bar ma de:__bod kha ba can gyi yul du bka' drang por lo du tsam gnas:__de nas gang zag ci lta bus bslad par 'gyur:__gsang sngags de'i mtshan ji ltar grags:__de'i yon tan ci lta bu mchis:__smod pa'i sems can de mthar ji ltar 'gyur ba lags:__zhes zhus pas:__bka' stsal pa:__nyon cig:__gsang sngags kyi bstan pa bar ma de:__bod kha ba can gyi yul du bka' drang por mi lo drug cu gnas par 'gyur ro:__de nas theg pa 'og ma'i sgor zhugs pa'i gang zag:__rgyal po be har snying la zhugs pa'i rigs:__blo rtse rnol col chung ba 'ga' zhig gis gsang sngags smod:__lta ba la shan ma phyed:__spyod pa la blang dor ma phyed:__gong 'og 'khrul par spyod pas gsang sngags kyi bka' las 'das te nyams par 'gyur ro:__gsang sngags bstan pa bar ma de ni:__rdo rje 'chang gis lung bstan pa'i gang zag rgyud sde bzhi'i dgongs pa zhes bya ba 'di nyams su blang ba'i 'bras bu ni:__bskyed pa lha bsgoms pas mi tshe gsum nas sangs rgyas:__'bras bu phyag rgya chen po bsgoms pas tshe gcig gis sangs rgyas:__gsang sngags kyi bstan pa de la:__bka' la bslad 'jug ba dang :__smod pa'i sems can rnams ni:__byol song gi gnas su bskal ba gcig skye:__de nas tsha ba'i dmyal bar bskal pa gcig tu las myong bar 'gyur ro:__zhes gsungs so:__yang zhus pa:__kyai:__rig 'dzin chen po sprul pa'i sku:__gsang sngags bstan pa phyi ma la zab mo'i gter du sbas pa 'di rnams:__bka' drang por yun ci tsam gnas par 'gyur:__mthar de'i bstan pa ci lta bus bsnub par 'gyur:__ji ltar du grags pa lags:__de'i yon tan 'bras bu ci tsam zhig thob pa lags:__de la smod pa'i sems can mthar ci ltar 'gyur ba lags:__zhes zhus pas:__bka' stsal pa:__nyon cig bod kyi dad pa can:__rin chen zab mo'i snod du sbas pa'i chos 'di:__spyir bstan pa mi lo brgya dang bcu 'byung :__de yang gter chen re re la bstan pa lo drug brgya dang drug cu 'byung ba yang yod:__nyis brgya dang rtsa gcig 'byung ba'ang yod:__brgya dang nyi shu 'byung ba'ang yod:__nges pa med do:__thun mong gi gter phran bu rnams la gdul bya lo lnga bcu yod pa yang yod:__nyer gcig pa dang :__bcu gsum pa sna tshogs yod do:__de yang bod kha ba can gyi rgyal khams na:__khyad par 'phags pa'i gter lnga yod:__gter chen brgya dang rtsa gcig gnas pa las:__gdul bya lo lnga brgya bcu gsum yod pa'ang yod:__de rnams la nyams smod pa'i bdud bgegs ni:__'gong po spun dgu:__dam sri spun dgu:__the'u rang spun dgu snying la zhugs pa'i ban btsun dam nyams mang pos:__gter gyi chos zab mo la ya gdang skur pa btab ste:__bka' byin rlabs ma nyams par spyod pa'i gang zag rnams la:__ru nga dang phrag dog sna tshogs byed:__chos la nga bdag gi 'gong po zhugs pas:__gter chos spyod pa rnams kyang yid gnyis su 'gyur te:__pha rol dang rtsod pa'i phyir sna tshogs mgo bsdus:__nyams su mi lon pa'i shes bya mtha' yas su spyod pas:__byin rlabs dang nus pa yal te:__zab mo'i bstan pa nyams par 'gyur ro:__'di'i mtshan ni:__gsang sngags bstan pa phyi ma de ni snying po thugs kyi bstan pa zhes bya'o:__'di nyams su blang ba'i yon tan ni:__smon lam dang thugs rje'i khyad par gyis:__bskyed pa'i rim pa lha bsgrub pa rnams kyang :__gsang sngags kyi bstan pa gong ma rnams las kyang bdun 'gyur gyi byin rlabs mthu rtsal che'o:__'bras bu rdzogs pa chen po'i chos rnams ni:__tshe 'di la nges pa'i don mngon du gyur te:__gang zag rab rnams kyis man ngag mthong ba tsam gyis sangs rgya ba 'byung ngo :__'bras bu gter gyi bstan pa rin po che la smod pa'i bdud dang 'gong pos kha bsgyur bas:__'bol 'chol bdud kyi rigs rnams ni:__tshe 'di las 'phos ma thag:__lcags kyi ngo bo dpag tshad stong dang lnga bcu yod pa'i 'og tu:__bskal pa chen po drug cu brjes nas:__de nas 'khor ba'i g.yang sa chen por 'dril zhing :__byang chub kyi sa bon rtsad nas bskam par 'gyur ro:__zhes sogs dang /__yang de 'phros/__kyai:__rig 'dzin chen po sprul pa'i sku:__sangs rgyas kyi bstan pa dus der rdzogs pa lags sam:__rdzu 'phrul gyis gter rnams 'byung ba'i dus gang lags:__de nas bod kyi sems can mthar ji ltar 'gyur ba lags:__zhes zhus so:__bka' stsal pa:__nyon cig bod kyi dad pa can:__gsang sngags kyi bstan pa dang po de:__rgya gar yul du bstan pa'i snying po la 'byung :__bod kyi yul du bde skyid ldan pa'i dus su 'byung :__gsang sngags bar ba de:__rgya gar yul du bstan pa'i mtha' la 'byung :__bod kyi yul du lnga brgya phrag bcu'i brgyad pa la 'byung :__gsang sngags kyi bstan pa phyi ma de:__bod du lnga brgya phrag dgu'i rked pa la 'byung :__de nub kha ru shAkya thub pa'i bstan pa rdzogs so:__rgya gar mtha' dbus kyi d+harma thams cad rin po che'i sbubs su thim:__de dus bod na sde snod gsum gyi chos rtags tsam 'dzin:__gsang sngags kyi chos 'chol pa ru spyod:__nga'i phrin las kyi lhag ma lo brgya tsam gcig 'ong :__de nas rdzu 'phrul gyi gter rang brdol du byung nas:__bod khol bur phan par 'gyur ro:__dman chad las la spyod pa'i sems can la:__sangs rgyas dang byang chub sems dpa'i phrin las kyi yul ma rnyed nas:__mtha' la thug pa'i sems can sdug bsngal gyi mtsho la spyod do:__zhes gsungs/__'di'i gsang sngags bstan pa dang po de rnying ma snga dar/__bar ba de gsang sngags gsar ma phyi dang /__phyi ma de zab gter rim par 'byung ba rnams yin 'dug__/rdzu 'phrul gyi gter yang /__rdzu 'phrul drag po'i gter dgu/__mtshon cha/__'khrul 'khor/__reg dug__/rtsi dug__/spu gri/__nang 'khrug sbyor ba/__yul khams bsreg pa/__than ngan 'gyed pa/__mtha' la bskrad pa rnams kyi gter kha yod pa rang brdol nas:__bdud kyi dpung bzlog cing cung zad phan par bshad:__yang de'i spros med gsang ba'i dbang las/__rtsa gsum 'khor lo lnga gsal gdab pa ni:__rigs kyi bu khyod nyon cig:__khyod kyi lus kyi dbus khog pa'i nang na yar 'khor ba dang :__mya ngan las 'das pa'i rtsa mang po yod de:__de rnams kyi dbus na mi 'gyur ba rdo rje'i rtsa zhes bya ba:__rtsa ba lte ba'i 'og tu zug pa:__rtse mo spyi gtsug tshangs pa'i bu ga la zug pa:__'khor lo lnga'i dbus na yar srog shing gi tshul du yod pa:__dbyibs gro sog gi sbu gu tsam yod pa:__kha dog za 'og gi skud pa ltar lnga sgril du yod pa:__srog chags nas ma shi'i bar du gnas:__dbugs chad pa dang yal 'gro ste ro la mi mngon no:__de la ming ni rdo rje'i rtsa zhes bya:__rtsa dbu ma zhes bya:__zhes gsungs/__yang de'i rig pa rtsal dbang gi 'grel pa las/__yang zhus pa/__kyai:__slob dpon chen po lags:__sems dang rig pa de lta bu'i khyad par che ba la:__blo dman pa'i gang zag gis nyams su blang tshul ci ltar bgyi:__zhes zhus so:__bka' stsal pa:__rgyal po dang mtsho rgyal gson cig:__lam la 'jug pa'i rnal 'byor pas nyams su blang ba'i dus na lus gnad drang por bca':__mig bar snang la hur thag bcad de bzhag:__rlung dal bur byas pas bca' ba lus kyi gnad tshang pa'o:__bzhag thabs sems kyi gnad:__'das pa sngar zhen gyi bag chags rjes mi 'brang :__ma 'ongs pa nyon mongs pa'i sngon mi bsu:__bying ba dang :__rmugs pa dang :__yeng ba:__lteng ba:__g.yo ba:__'phro ba:__bsam gtan gyi skyon kun spangs te:__sal le:__sing nge :__hrig ge:__hur re:__rjen ne bzhag pas:__rig pa rang gsal gyi ting nge 'dzin yin te:__de'i ngang la gnas pa la yon tan bsam gyis mi khyab ste:__yang dag par rdzogs pa'i sangs rgyas la bdud kyi dmag bye ba dung phyur gyi mtshon cha'i char phab kyang :__ting nge 'dzin de'i ngang la gnas pas bdud thul ba yin no:__de bzhin du ting nge 'dzin de las ma yengs na:__lam gyi rnal 'byor pa la dgra bgegs kyis tshugs par mi 'gyur ro:__o rgyan pad+ma 'byung gnas la rig pa rang gsal gyi ting nge 'dzin de la 'gyur ba med pas:__'chi ba med pa tshe'i dngos grub thob pa yin no:__de bzhin du rnal 'byor pa la tshe bsring ba'i nyams len kyang de ka yin:__rgas pa dang :__rgud pa mi 'ong :__rgyal po in+d+ra b+hU ti la rig pa rang gsal gyi ting nge 'dzin la 'gyur ba med pas:__'dod yon thams cad dbang du 'du ba yin:__de bzhin du lam gyi rnal 'byor pa la dngos grub kyi char kyang de'i dus la 'bab po:__nad thams cad des sel:__de'i phyir nyams len de la 'bad rtsol skyed cig:__sangs rgyas kyi dgongs pa de'i ngang la g.yo ba med pas:__skye med chos sku'i dgongs pa zer ba yin:__sems can gyi rtog pa dum bur yod pas sdug bsngal sna tshogs 'byung ba yin:__lam nyams su len pa'i rnal 'byor pas 'jig rten gyi chags sdang sna tshogs 'char ba la:__sems kyi 'khrul pa bun langs 'phro:__de la dran pas tsir bzung :__rig pa so la yer zhog:__yang gzung 'dzin gyi snang ba 'khrugs rum 'ong :__dran pa'i lcags kyus tsir zung :__nang gi shes pa glod pas rig pa gsal hrig 'ong :__de'i ngang la yun ring goms pas ting nge 'dzin je brtan la 'gro:__las dang po'i dus na sems rtog bcas kyi 'tshub ma 'tshubs nas:__rig pa sprin gyi nyi ma lta bu las mi 'char te:__nyon mongs pa dug gsum las dug lngar gyur:__de las nyon mongs pa brgyad khri bzhi stong las 'phel te:__de'i las kyi snang ba glo bur gyi rtog pas mtshams sbyar nas brgya skye brgya 'gag:__rtog pa gcig sangs pa dang gcig skye:__de lta bu'i gseb na rang byung gi rig pa ngos 'dzin pa la nyam chung rta rgod 'dul ba bzhin du shin tu grim par bya dgos te:__nyon mongs pa dug lnga las gyur pa chags sdang gzung 'dzin gyi byings 'thib:__yeng ba la sogs zi hrang byung ma thag:__sems 'khrul pa'i snang ba yin bsam pa dang :__dran pas tsir bzung :__lus gnad bca':__steng 'og gi rlung kha sbyor:__shes pa lhod glod pas rig pa gsal stong de'i ngang la yun je ring sbyang ngo :__de'ang skad cig ma dang po la 'khrul rtog skyes nas:__rab kyi skad cig ma gnyis pa:__'bring gis gsum pa:__tha mas skad cig ma bzhi la dran pas zin dgos:__de ma zin na 'khrul snang la 'byam 'gro:__rtog pa skye ba de rang grol du song ba dang :__rig pa'i ngo bo mthong ba dus mnyam la 'byung ngo :__gzhan yang dbang rab gnas:__gnas spor srung 'khor dge ba'i bya ba ci byed thams cad la yang :__rang ye shes lha ru bskyed pa'i dus na:__lha ru lam gsal ba de ka:__rig pa rang gsal gyi ngo bo la gnas pa yin pas:__byin rlabs dang nus pa dpag tu med pa 'byung ngo :__nyin par dran 'dzin grim du byas pas:__nub mo rmi lam du'ang rig pa gsal thebs pa 'byung :__des 'khrul pa ka nas dag 'gro:__rab bar do'i sems can gyi don byed na:__rig pa hur re hrig ge ba de'i ngang las rnam shes bkug pas gshed dang phral nas ngo sprod pa gang byas kyang 'khrul snang las bzlog nus so:__rang srid pa'i bar dor 'khyams srid na bar do'i snang ba de las kyi rlung stobs che bas bsdad pa'i dbang med par cho long long 'gro ste:__de'i dus su rlung bzung dran pas gsal gdab:__rig pa sal le hrig ge:__hur re:__rjen ne:__'di la skad cig ma gsum la gnas nus na:__de'i rjes su 'dun pa btang pas bde ba can la sogs pa'i zhing khams rnam par dag pa skad cig ma thang gcig tu yud tsam la skye bar 'gyur ro:__de bzhin du byol song dang :__yi dwags:__dmyal ba'i gnas su song na yang :__rig pa skad cig ma gnyis dang gsum dang :__bcu gsum dang :__nyer gcig dang :__brgya'i bar du rig pa rang so zin na ngan song gi sdug bsngal las grol bar 'gyur ro:__rig pa la yon tan dpag tu med pa'i phyir ro:__yang rang bzhin du rig pa gsal thebs pa'i dus yod de:__skyes bu rims nad kyis yun ring 'byongs pa'i dus dang :__thang chad pa la ngal bso ba'i dus dang :__phung po 'jig pa'i dus dang :__rgyu'i thig le dkar dmar 'phrad pa'i dus 'char bas ngo shes par gyis shig:__grogs kyi rigs pa gsal thebs pa'ang yod de:__gnas dang khang khyim bzang po dang :__nor bu rin po che dang :__za 'og zim gyi gos dang :__gdung shA rI raM bcang na:__rig pa gsal thebs pa'i grogs byed:__de la ngo shes pas yun je ring je brtan la 'gro:__skad cig ma nyer gcig de la gnas na 'chi ba bslu nus:__chu tshod gsum gyi yun gnas na:__bar do dang po la sangs rgyas nus:__gro skad cig gnas nus na:__nam mkha'i thog gis mi tshugs so:__mthar 'khrul pa'i rgyun chad nas:__rig pa rang byung gi ting nge 'dzin la rgyun du gnas te:__rdo rje 'chang gi sras su 'gyur ro:__zhes gsungs:__'di'i sems rig gnyis so sor phye nas sems rnam rtog dag pa'i ngo bo rig pa thod rgal dang ka dag gnyis las blo dman ka dag nyams su len pa'i thabs yin 'dug kyang /__de'i chos sde rtsa ba'i dam tshig rnam bshad las/__lha'i bskyed rim gsal ba rab snying po rgyun chad med pa:__'bring stong phrag re:__tha ma brgya rtsa nyer gcig:__bdun bdun zhag la mi chags par bzla:__zhes dang /__dus tha ma la sems can sha khrag la gcan gzan lta bur rngam:__srog srin po lta bur 'phrog:__chos byed ming btags pa rnams kyang :__sha khrag dpag med za pa'i dus 'ong :__gsang sngags pa rnams kyang gsang sngags kyi dam rdzas sha med par mi 'ong zer:__tha snyad btags te sha khrag dmar po bskyil nas srin po'i cha byad/__sha khrag dmar la bag med du spyod nas:__mthar las kyi sha za nag por skye bar 'gyur ro:__de'i dus su gsang sngags spyod pa'i rnal 'byor pa lam la gnas pa rnams 'di lta bur gyis shig:__gsang sngags dam tshig rdzas sha lnga dang bdud rtsi lnga ni sgrub chen gyi sman la 'dus:__nang rang gi lus la tshang ba'o:__bsad pa dang mi gtsang ba'i lag nas byung ba ni nyams pa yin pas:__rdzas su mi rung ste:__so so skye bos mthong ba'am tshor ba'i gnas su sha khrag gis ma mo mkha' 'gro mchod na:__ya ga ngan pa phog nas gsang ba'i dam tshig nyams par 'gyur ro:__de'i phyir sha khrag dri tshor tsam gyis byin gyis brlabs te spyad du rung :__mngon par tshol ba'i sha khrag ma bsten cig:__zang thal chos sde rtsa gsum rin po che'i sgron ma las/__gling bzhi mi'i yul yan chad rang la bde ba bya ba'i rgyu yod de:__nyon mongs pa lnga 'jol nyog tu spyod nas dmar 'gro ba'i rigs mang ngo :__bde 'gro'i gnas su sangs rgya bar 'dod na:__ngas bstan pa'i sgo 'dir ma zhugs na:__sa bon med pa bzhin du bde ba'i rgyu med do:__de ci'i phyir zhe na:__sems can thams cad la rang gi lus la rigs drug gi sa bon drug:__las kyi rlung drug rang chas su yod de:__de'i nang nas shin tu 'jigs pa'i sa bon duHnag po dang :__las kyi rlung nag po thod rgal zhes bya ba gcig mi'i rkang mthil na yod pas de ni mtho ru mi rung ste:__sum mdor slebs na dud 'gror nges par skye:__lte bar slebs na yi dwags su skye:__snying gar slebs na grang ba'i dmyal bar skye:__mgrin par slebs na tsha ba'i dmyal bar skye:__spyi bor slebs na mnar med pa'i dmyal ba chen por skye'o:__gnas pa yang de ltar du yod de:__mi'i lus de'i rkang mthil na yod pas bde ba 'grub pa'i skabs yod pa'o:__zhes sogs gsungs/__srog gcod sogs mi dge ba spyod na rlung dang duHyig stobs rgyas shing /__dge ba'i las kyis rim par mnan pa dang /__sdom pa sogs tshul ldan bsrungs na ldang mi nus par bshad/__'di sangs rgyas thub pa chen pos rgyal po in+d+ra b+hU ti la gsung ba yin par gsungs/__yang de'i chos sde tshogs kyi mchod pa bstan pa las/__tshogs kyi 'khor lo bya ba dang :__tshogs mchod bya ba gnyis las:__dang po tshogs kyi 'khor lo la:__ro drug tshang ba'i zas brgyad dang yo byad phun sum tshogs pa bsham:__de yang mchog tu gces pa sha chang gnyis yin te:__sha ni nad yun ring gi sha ma yin pa dang :__mi 'am gcan gzan gyis bsad pa'i sha ma yin pa dang :__gri thabs rmad gu rme dang bcas pa blang bar mi bya'o:__rung can tshe zad pa kho na bsngags so:__de yang dbang po tshang dgos so:__grir shi ba'i sha khrag ni gnod sbyin mchod pa'i rdzas yin pas dam rdzas su mi rung ngo :__rmig zlum dang :__mdze can:__rme sha:__nad ngan pas shi ba:__rgyu ngan dngos po rul pa ni mkha' 'gro mi mnyes pas dam rdzas su mi rung ngo :__chang ni bzang zhing mang po mchog tu bsngags te:__rnal 'byor pas bre la mi gzhal nan gyis mi btang :__ca co dang g.yeng ba 'dres pa'i dus su mi btang :__byin gyis ma brlab par longs mi spyad:__ces gsungs/__yang de'i mkha' 'gro'i mngon rtogs yid bzhin nor bu las/__rang lus rdo rje phag mo bsgom pa yang :__phyi ltar na yum chen mo shes rab kyi pha rol tu phyin ma:__nang ltar na rdo rje phag mo yin:__gsang ba ltar na e ka dzA Ti yin no:__zhes dang /__de'i mkha' 'gro'i las rim gsang ba'i man ngag las:__skya rengs dang po shar nas gdang chen bar:__bdag gi tshe dang dbang thang rgyas pa'i dus:__mgon po tshe dpag med pa'i sgrub pa bya:__de yi phrin las ting 'dzin bsnyen pa bzlas:__skye 'chi med pa'i tshe yi don la ltos:__gsal byed nam langs nyi ma dros kyi bar:__bdag gi rkyen dang bar chad zhi ba'i dus:__sgrib sbyang man ngag gces pas nyams su blang :__de yi cho ga ting 'dzin bsnyen pa bzla:__yul gsum dbyer med bshags pa'i don la ltos:__nyin phyed yol nas dmar thag byung gi bar:__bdag gi snang ba dbang du 'du ba'i dus:__yid bzhin nor bu bla ma'i sgrub pa bya:__de yi gsol 'debs mchod 'bul snying po bzla:__rang rig rang gsal bla ma'i don la ltos:__sa nag dgong la gza' skar tshogs kyi bar:__bdag gi dgra bgegs bar chad 'dul ba'i dus:__dam can bka' srung rnams kyi sgrub pa bya:__de yi phrin las ting 'dzin srog snying bzla:__bdag gzhan med pa drag po'i don la ltos:__zhes sogs dang /__phrin las gtor ma bsnyen pa gang byed kyang :__ma yengs de yi ting 'dzin brtan par gyis:__gsang sngags bon gyer mi bya tshig don bsdeb:__ting 'dzin med pa'i bsnyen sgrub khyi skad 'dra:__zhes gsungs/__de'i snyan brgyud kyi gtad rgya bstan pa las/__de nas rig 'dzin rnam pa gsum gyis:__bka' srung dam tshig gi rgya gsungs pa:__rgyal ba dgongs pa'i brgyud pa yi:__dam can khros ma nag mo khyod:__rdzogs pa chen po'i srung mar bskos:__rig 'dzin rig pa'i brgyud pa yi:__dur khrod ma mo rnam pa gsum:__rdzogs pa chen po'i srung mar bskos:__gang zag snyan khung brgyud pa la:__bod yul brtan ma bcu gnyis kyis:__rdzogs pa chen po'i bka' srung gyis:__de phyir bka' srung sde gsum po:__gtad rgya thub pa'i gang zag la:__rgyal po'i bran ltar legs par nyon:__dam med lung med shog 'khyams gyis:__gsang chen gsang ba sgrog pa la:__bkra mi shis dang tshe thung gyis:__log pa'i rdzogs chen spyod pa srungs:__bstan pa'i mtha' la rdzogs chen gyi:__yi ge tshig bzhi le'u gcig:__tha na chos sku'i don mtshon pa:__yi ge 'bru gcig ma lus la:__bka' srung sde gsum ma mos srungs:__las can phyi mas gter du sbos:__bka' de legs par bsrung gyur na:__'og min chos kyi dbyings su byon:__zhes gsungs/__de'i chos sde snying gi dgongs pa'i rgyud kyi don o rgyan chen pos zhal gdams su bkod pa pad+ma'i bka' yig dang po las/__'di la don gsum ste:__gnas lugs sangs rgyas kyi dgongs pa'i bzhugs tshul bca' ba dang gcig:__bzhag tshul gyi gang zag gi nyams len bstan pa dang gnyis:__'char tshul gyi gang zag gi bogs dbyung ba bstan pa dang gsum:__de'i dang po gnas tshul ni:__'di nas steng gi phyogs 'og min brdal ba chen po'i pho brang na:__chos sku'i sangs rgyas rang byung gi gzhal yas khang :__phyi nang ma bsgrib par gsal la:__rin po che'i sgrubs na ye shes lnga'i 'od lnga'i sku zhal phyogs bcur gzigs nas:__gsung 'gag pa med par chos nyid kyi rang sgra sgrog pa:__thugs gsal la dwangs pa 'pho 'gyur med par bzhugs so:__thog ma'i sangs rgyas kun tu bzang po de na bzhugs so:__sngar 'das pa'i sangs rgyas rnams kyang de na bzhugs so:__ma 'ongs pa'i sangs rgyas rnams kyang der 'byon par 'gyur ro:__de shes pas kyang sangs rgyas kyi pha yul shes pa'o:__gnyis pa bzhag tshul gyi gang zag gi nyams len bstan pa ni:__dbyings dang zhing khams sku dang ye shes yid la byas na 'od gsal gyi lhar gol:__ci yang ma byas par stong ba nyid la blo gtad na gzugs med pa'i lhar gol:__rtog pa ma bcos pa'i rig pa ngar dang bcas te zhog:__da ltar gyi shes pa la gdangs med par thim bzhag na:__byol song gi gnas su gol bas:__gang zag skal ba can sangs rgya bar 'dod na:__shes pa ma bcos par lhod zhog:__rtog pa ma bcos pa'i rig pa gsal ba'i ngar dang bcas te bzhag go:__zhes sogs gsungs/_de'i chos sde bi ma la'i snyan brgyud rdzogs pa chen po'i 'grel pa ye shes rang gsal las gzhi gnas ngo bo rang bzhin thugs rje gsum gyi skabs las/__de ltar bzhugs pa'i ye shes de:__rang gi mtshan nyid ni ngo bo chos skur bzhugs:__rang bzhin 'od du bzhugs:__thugs rje rig pa'i ye shes su bzhugs te:__de la ngo bo skur gnas kyang :__sku gsum gyi gzhi tsam las zhal phyag tu grub pa ni med do:__'di kha cig gi shes rab dang 'od kyi kha mig rna ba can la sogs byas nas 'dug ste:__ma hA yo ga'i gol sa spang bar mi nus so:__gal te kha mig rna ba can yod na ni gzugs can du yod dam:__yid tsam du yod:__gzugs can du yod na 'gro drug phal ba dang khyad med:__yid tsam du yod na:__skye mched mu bzhi dang :__yi dwags rnams kyang khyad par mi rnyed do:__zhes sogs rang shar gyi lung dang /__yang /__rang bzhin gyi ngos nas 'od du gnas te:__kha dog dbyibs can du grub pa ni med de:__'di la kha cig gis 'od lnga'i mtshan nyid kha dog bshad par 'dug ste:__'di rab tu mi 'thad de:__chos sku dang gzugs sku gnyis khyad par med pa'i skyon spang bar mi nus so:__zhes dang /__lung drangs/__yang /__chos thams cad kyi nang na stong pa nyid do zhes bya ba bshad pa rnams dang 'gal lo:__thugs rje'i cha nas 'char ba'i gzhi 'gag med du gnas pas kun la khyab pa'i ye shes so:__'di la la nas ye shes rgyun chad yin par byas nas 'dug ste:__ye shes kyi 'char gzhi med na sangs rgyas kyi mkhyen pa'i cha med pas:__yang na phyang chad pa'am:__bem po la sogs pa'i skyon spang bar mi nus so:__de ltar phar phyin las:__ye shes med na yon tan 'phel med byang chub med:__rgya mtsho 'dra ba'i sangs rgyas chos kyang med par 'gyur:__zhes gsungs so:__zhes sogs dang /__de'i lus la ye shes gnas tshul skabs las/__sku yungs 'bru spyan phul thag tsam zer ba ni:__rgyu dang 'bras bu'i khyad par la dgongs pa'o:__zhes sogs gsungs/__yang 'di'i chos sde yang dag don gyi snyan brgyud 'da' kha 'chi brod sgyu lus bor chog las/__gzhi la sangs rgyas kyi dgongs pa ngos bzung ba dang :__de gang zag gi rgyud la ci ltar bzhugs tshul bstan pa'o:__dang po sangs rgyas kyi dgongs pa ngos bzung ba ni:__yang dag par rdzogs pa'i sangs rgyas rang ci tsam la zer:__sangs rgyas kyi ngo bo rang gang yin snyam na:__sku lnga ye shes lnga dang ldan pa sangs rgyas kyi ngo bo yin te:__chos sku longs sku sprul sku gsum las:__de yang sangs rgyas chos kyi sku rang gang yin snyam na:__log na med:__rang rig pa ci'i ngo bo yang ma grub pa stong sang nge :__zang thal le gnas pa 'di ka chos kyi sku nyid kun tu bzang mo yin no:__rig pa'i rang bzhin ma 'gag par sal le:__hrig ge:__sing nge :__ye re gnas pa 'di ka rig pa kun tu bzang po yin no:__chos nyid stong pa dang rig pa gsal ba gnyis dbyer mi phyed par wal le:__khyug ge:__bun ne:__long nge 'dug pa 'di ka chos sku thig le nyag gcig yin la:__don gnas lugs stong gsal chen po:__rig pa'i rang gdangs 'od lngar snang :__'od kyi gdangs sku ru shar nas rang gi snying ga chos nyid kyi 'khor lo na:__sku tshom bu'i dkyil 'khor dang bcas pa rang gsal gyi mdangs dang ldan pa:__gting gsal gyi bkrag dang ldan par bzhugs te:__longs spyod rdzogs pa'i sku'o:__de'i gdangs ma 'gag par 'od lnga:__rtsa dar dkar gyi skud pa lta bu'i lam la zhugs te:__rig pa'i gsang sgor 'char ba ni:__thugs rje sprul pa'i sku'o:__zhes gsungs/___/__!_ yang de'i chos sde gang gi phag mo zab rgya'i dam bca' las kyi rim pa'i 'grel ba yang zer/__rin chen khang bu'i 'grel pa las/__rnyog pa med pa'i rgyud las/__mi rmugs pa shes rab med pa kha cig ni:__dge ba'i las mi byed par gnyid gcig pur rmugs shing :__gzhan la yang gtam ma zer:__gnyid log ces zer ba'i rmugs pa de ni:__mtho ris thob mi srid par gling bar gyi mun par gnas par 'gyur ro:__zhes gsungs pas:__ngal dub drag po dang :__zas gnyid kyi rgyur 'gro pa mi za'o:__gnyid chung bar 'dod pa la:__sle tres dang :__me tog lug rmig pa zhib par btags te:__dpung pa la bskus na gnyid mi 'ong ngo :__gnyid btsan thabs su spang bar 'dod na:__rta dkar po'i spyi gtsug gi rus pa dang :__spang rgyan dkar po dang :__mar dkar dang gsum bsres la nyal dus sna bug g.yon bkag:__g.yas na yar rdzas gsum po bsregs pa'i dud pas bdug pas gnyid med par 'gyur ro:__yang tsan+dan dkar po bzang po chu la bdar bas mig la bskus na:__mig grang drags nas nyin zhag mang por gnyid mi 'ong ngo :__yang me tog lug ru ba ser po dang :__rta dkar po'i spyi gtsug gi rus pa brdungs te mar dkar bsres pa'i dud pas sna bug g.yas su bdug na gnyid mi 'ong :__g.yon du bdug na 'ong ngo :__'o ma dang :__tshwa dang :__mar dang :__til dang :__bu ram rnams sbyar te 'o ma bkol ba la btab ste 'thung na gnyid mi 'ong ngo :__zhes sogs gsungs/__zhus so:__yang de'i snyigs ma dwangs ma'i man ngag drug las:__tshe sgrub bcud len byed pa'i tshe:__rlung dang rig pa'i bcud len 'di:__yid kyis 'dzin phur btab phyir bsgom:__lus ngag yid gsum bcud la bor:__rked pa thang shing lta bur bsrang :__rkang pa re'u mig lta bur bsnol:__mgrin pa lcags kyu lta bur dgug:__ro stod seng ge lta bur gseng /__lag pa zhags pa lta bur bsam:__lce rtse ya rkan mthil la sbyar:__so gnyis ma bsdam ma reg tsam:__de nas lta stangs bzhi la gtad:__chos nyid zhi ba sna rtser gtad:__byang chub sems dpa' thad kar blta:__bdud rtsi 'khyil ba'i smin phrag tu:__bud+d+ha'i gtsug tor nam mkha' la:__de ltar bzhi la ma yengs gtad:__steng rlung mnan la 'og rlung bsdam:__ma thub dus su sna nas btang :__'dzin dang btang dang dal bus bya:__sems ni gtad med rang sor bzhag:__'jig rten bya ba btang la bsgom:__lto ba gang na rlung mi bde:__ngal dub drag shul byas pa na:__rlung srog nad 'jug de phyir spang :__rlung 'jam mkhas pa'i goms su gzhug:__yang nas yang du goms pa dang :__gro skad cig tu rlung thub na:__tshe ring grub rtags sna re thub:__nyin phyed skad cig rlung thub na:__tshe lo brgya thub grub rtags thon:__nyin gcig thub na mngon shes shar:__'chi med tshe yi rig 'dzin 'grub:__rdzu 'phrul ya ma zung du ston:__chu la mi bying mkha' la 'phur:__nyin zhag phrugs gcig rlung thub na:__'jig rten khams 'di thams cad kun:__rdzu 'phrul ston cing lta bar nus:__dbang bcu nges par thob pa yin:__lus 'di lhag med sangs rgyas 'gyur:__rlung rig 'byongs pa'i yon tan yin:__zhes rlung bsgom pa'i yon tan gsungs:__yang de'i bai ro'i snyan brgyud bar pa las:__da chos spyi'i lugs kyi sems la dang po byung sa med:__bar du gnas sa med:__tha ma 'gro sa med par 'dod de:__rdzogs pa chen po las dang po byung sa ma chod na 'khrul pa'i rtsad mi chod:__bar du gnas sa med na ye shes ngos mi zin:__tha ma 'gro sa med par rtogs kyang sangs mi rgya bas:__dang po byung sa yod:__bar du gnas sa yod:__tha ma 'gro sa yod:__de yang dang po 'khor 'das gnyis rgyab ma gyes pa'i dus na:__'khor 'das bar mdo bya ba:__sangs rgyas med pa rtogs pa mngon du ma gyur:__sems can med par 'khrul snang dngos 'dzin ma byung :__rdul phra rab dang phyi'i 'byung ba lnga la ma brten:__'gro drug gi sems can sgrib pos ma byas pas:__'khor 'das gnyis ka ma grub pa'i ngo bo nyid kyi sku zhes bya ba:__'dus ma byas zhes bya ba:__rang byung gnyug ma zhes bya ba:__ngo ma shes kyi bar do chen po:__'khor 'das gnyis ka ma yin zhes bya ba gcig 'byung ste:__de'i ngo bo stong pa:__rgyu ni rang byung :__dpe ni nam mkha' lta bu la gdangs cir yang snang ba gcig yin te:__dus nam byung na bskal pa bgrang du med:__tshad grangs med:__dpag cing gzhal du med pa'i gong du byung :__yun ci tsam gnas na:__bskal pa grangs tshad med:__dpag tu med pa gcig byung ngo :__de ni 'khor 'das gnyis ka'i gzhi yin te:__byung sa yin no:__zhes sogs/__kun tu bzang po'i grol tshul dang 'gro drug 'khrul tshul gsungs:__sems gnas pa 'gro drug gi lus kyi blo ngan rlung dang bsdongs nas rnam rtog 'phro:__sems 'gro ba rigs drug 'khor bar 'khyams par bshad:__bai ro'i snyan brgyud phyi ma las/__da thag ma chod pa chod par byed pa don gyi ngo sprad pa ni:__tsit+ta rin po che'i gzhal yas na dwangs ma lnga 'dus kyi bdag nyid srog mi shigs pa'i thig le:__chos mkhyen pa ma 'gag:__nya chu nang ma'i mig gam:__man shel dag pa lta bu sa ler gnas so:__de ltar snang ba gzugs su grub pas chad pa'i mtha' dang bral:__reg pa rdzas su ma grub pas rtag pa'i mtha' dang bral:__don rtag chad kyi mtha' las ye nas grol bas:__byas pa'i lhun grub ma yin:__byung ba'i lhun grub nam mkha' ltar stong pa phyal bar yang ma song :__sa rdo star bem por yang ma song :__ngo bo rang bzhin thugs rje'i bdag nyid du sa ler gnas so:__mkhas pa shrI siM ha'i dgongs pa las:__chos sku snying la gnas pa'i dpe dang don bstan pa'i le'u ste dang po'o:__bai ro tsa na nyon cig:__gnas pa de lta bu gnas te:__sgom pa ni de lta bu mi bsgom mo:__de ltar bsgom na skyon rnam pa gsum 'byung :__rang gi lus la zhen pa skye:__rtag pa'i mtha' ru lhung :__rtog pa nying 'khrul gyi sgom du gol lo:__de'i 'bras bu lus kyi 'khrul pa mi chod:__sems gnad pas lus gnad che:__duHkha lus kyis bsgyur:__snyam byed kyi lus btso sreg 'ong :__dgra 'dre 'ong :__bar do 'ong snyam byed pa lus la 'byung ste 'jigs skrag dngangs:__de'i duHkhas skyabs tshol ba'i bsam pa 'byung ba dang :__rigs drug gi mngal sgo ru thum 'gro:__de'i phyir dpe don gyi chos nyams su len pa la lus kyi 'khri ba chod dgos:__'khri ba ji ltar gcod ji ltar bsgom snyam na snyam byed lus dang sgom blo'i shes pa gnyis ka phyal gyis btang nas:__chos sku gting gsal ba'i ngang nas shes pa 'dzin med du tsan gyis zhog cig:__dpe rin po che man shel lta bu:__don rang lus chos kyi sku ru yod pas:__lus gdos pa can ma yin no:__stong pa zang thal du bsgom:__chos sku gsal ba'i sbubs su bsgom:__man ngag gi rgyud las/__lus kyi rang bzhin man ngag gsal ba'i sbubs:__rtog med mnyam pa'i ngang nas ye shes gsal:__ma btsal rang byung 'od kyi phung por gnas:__zhes gsungs/__de gnas lugs lam du khyer ba zhes bya'o:__rang bzhin gsal ba'i sbubs gtan la ma phebs na:__lta ba rang byung gi rgyal po dpangs mtho yang :__bye ma'i ri la mkhar brtsigs pa 'dra:__man ngag gi rgyud las/__'gag med sku ni ston par che:__rang rig ye shes ston par che:__srog med sku lnga 'khor du che:__ma sgrib dkyil 'khor gnas su che:__ye nas lhun grub dus su che:__che ba lnga yi khyad par bstan:__ces gsungs/__de lus gdos pa'i phung po stong pa zang thal du bsgoms na:__nad kyis na rgyu med:__gdon gyis gdon rgyu med:__chus khyer du med:__sas mnan du med:__mes bsreg tu med:__rlung gis gtor du med:__dpe bar snang stong pa'i 'ja' tshon dang 'dra'o:__da sku gsung thugs yul dang bzhi'i ngo sprod ni:__dang po gnas pa'i yul gtan la ma phebs na:__ye shes rkyang par blta ste:__bya long nam mkha'i mtha' tshol ba dang 'dra bas:__yul gyi ngo sprod ni:__yul chos kyi dbyings kyi rang bzhin rnam par dag pa'i zhing khams mchog gi 'od gsal chen po:__rgya gang du'ang ma chad pa:__phyogs gang du yang ma lhung :__rgya chad phyogs lhung med pa nam mkha' sprin dang bral ba'am:__rgya mtsho rlabs dang bral ba'am:__me long phyis pa lta bu'am:__mar me dwangs pa lta bu de:__bla ma'i phyag len gyi ngo sprod tsam na:__dkar lam lam byung ba de byang chub sems dpa'i snang ba yin:__'od du shig ge ba de longs spyod rdzogs pa'i snang ba:__mar me dwangs ba de yul chos kyi dbyings zhes bya ba:__chos sku bzhugs pa'i gnas yin no:__da ni gzhi la chos sku mi bzhugs na:__gzhi phyal pa ru song ste:__mi med pa'i yul stong pa dang 'dra bas:__chos sku'i ngo sprod ni shel lta bu:__rang lus chos skur ngo sprod pa'o:__chos kyi sku la ye shes mi bzhugs na:__thugs rje dang mkhyen ba mi 'char bas 'dag pa'i 'der so dang 'dra bas:__thugs kyi ngo sprod ni:__dpes mtshon na shel lta bu ni chos kyi sku yi_na no:__shel gyi nang gi 'od lnga ni gzhi gnas kyi ye shes lnga'o:__shel phyar bas 'od lnga phyir shar ba de mtshan nyid 'dzin pa'i ye shes lnga'o:__chos kyi dbyings kyi ye shes ye nas rang byung chen po ste:__man ngag gi phyogs cha dag nas gtan la ma phebs na:__phyogs gcig gis gtan la mi phebs pas:__dper na ngang ngur mtsho la gtad pas dus kyi da_ra 'khyags pas sdug bsngal du gyur ba lta bu'o:__gsung gi ngo sprod ni:__bla ma'i phyag len gyis ngo sprad tsam na:__sangs rgyas kyi gsung 'gag pa med pa de'o:__de hril gyis dril na mtho dman med pa'i yul:__gdos pa med pa'i sku:__sems med pa'i ting nge 'dzin dang gsum du shes par bya'o:__de la mtho dman med pa'i yul ni chos kyi dbyings so:__gdos pa med pa'i sku ni chos sku gting gsal chen po'o:__sems med pa'i ting nge 'dzin ni:__yid 'dzin pa'i blo dang bral nas ye shes blo bral du shig ge ba de yin te:__yang rgya che ba ltar bshad na:__phyi stong nang stong rgya che ba ni yul chos kyi dbyings so:__phyi gsal nang gsal 'od gsal ni chos kyi sku'o:__phyi rig nang rig thams cad rig pa ni:__rgyun mi 'chad pa'i ye shes so:__da chos kyi sku stong bar mi 'dod:__thams cad mkhyen pa'i don bshad do:__man ngag gi rgyud las/__rang rig ye shes chos sku la:__sgo lnga'i rnam shes kun tshang pas:__de yi gzugs brnyan longs spyod rdzogs:__mthong gdangs so so sprul pa'i sku:__zhes gsungs/__zhes pa dang /__yang de las da ni chos sku ji ltar bzhugs pa'i tshul bstan pa la bzhi ste:__'dra bas 'dra ba dang gcig:__'dres pas 'dres pa dang gnyis:__phye bas phye ba dang gsum:__khyab pas khyab pa dang bzhi'o:__dang po 'dra bas 'dra ba ni:__sangs rgyas thams cad dgongs pa gcig pa'o:__'dres pas 'dres pa ni:__sangs rgyas thams cad zhing khams gcig 'dres pa'o:__chos kyi dbyings thams cad gcig pa'o:__phye bas phye ba ni:__sangs rgyas thams cad kyi ngo bo ma 'dres te:__rang gdangs las bzhugs pa'o:__khyab pas khyab pa ni:__chos nyid ma'i tha mi dad du khyab la:__chos sku bu'i tha dad du khyab pa'o:__gzhi chos kyi dbyings na chos sku'i sangs rgyas thams cad u be'i sdong bun spos kyi rengs bu bltams pa lta bur bzhugs so:__dper na lha khang du mar me brgya'am stong sbar na snying po ma 'dres la 'od 'dres pa lta bu'o:__gsang ba brda rgyud las/__nam mkha' stong pa dag la mar me brgya stong sbar na snying po ma 'dres pa la 'od 'dres pa la bsnyad do:__zhes gsungs/__'o na sangs rgyas de rnams gcig gis gcig la gzigs nas 'gro ba dang :__gleng ba la sogs pa yod dam med na:__bgro gleng med de:__ci'i phyir na chos sku la gzung 'dzin gyi rtog pa med:__gnyis snang gi rtog pa thim gyis nub nas:__rang snang bde ba chen po'i lam gyis gnas so:__de chos kyi dbyings na sangs rgyas thams cad bzhugs tshul bstan pa'o:__zhes gsungs/__yang bai ro'i thugs rgyud las/__da spyi don drug pa theg pa dgu'i chos thams cad chos kyi sku bya ba stong zhing bdag med pa spros pa'i mtha' thams cad dang bral bar 'dod de:__kun tu bzang po'i dgongs pa zang thal du bstan na:__chos kyi sku ni mtshan dang dpe byad dang ldan pa:__rnam par shes pa'i sgo ma 'gag par 'dod do:__de'ang chos sku stong zhing bdag med pa na:__kun gzhi ma thog tu gol ba yin:__chos sku stong par 'dod pa de:__mu stegs chad pa'i lta bar gol ba yin:__ci yang yid la med par bsgom pa de nyon mongs sangs pa yod de:__ye shes rgyas pa med do:__mnyam nyid sems kyi 'jog tshul tsam yin:__sangs rgyas thob pa'i skal ba med do:__rdo rje sems dpa'i zhal nas:__theg pa mang po'i chos rnams kyi:__chos sku stong pa bdag med ston:__sems kyi bzhag tshul bstan pa tsam:__sangs rgyas thob pa'i skal ba med:__nges par sangs rgyas thob 'dod na:__thog ma'i sangs rgyas kun tu bzang :__mtshan dang dpe byad ldan par yod:__ston pa 'od mi 'gyur pa de:__ye shes lnga yi phung por yod:__thugs kyi mkhyen pa ma 'gag pa:__sprul pa bye ba phrag brgya 'gyed:__ces gsungs/__ces sogs gsungs te bai ro'i snyan brgyud 'di rnams rdzogs chen snying tig gi gzhi lam 'bras bu'i go don zab cing gsal ba yod:__kun tu rgyal ba thams cad kyi dgongs pa'i ye shes rang chas rig pa 'od du 'bar ba'i rgyud kyang zer/__/bzang po'i dgongs pa zang thal gyi rgyud le'u nyi shu pa las/__nyon cig rgyal ba rdo rje 'chang chen po:__nga chos sku'i bzhugs gnas bshad kyi:__stong gsum gyi stong chen po'i 'jig rten gyi khams thams cad kyi steng gi phyogs ri rab lhun po'i rtse mo dpag bsam shing yongs su brdal ba'i rtse nas dpag tshad bcu gsum 'das pa thams cad nga'i zhing khams yin:__rgya ni nam mkhas ci ltar khyab pa nga'i zhing khams kyis khyab bo:__dpangs ni 'jig rten gyi khams dang mnyam:__dpag tshad brgyad khri 'das so:__'og phyogs nas rdo med de rin po che sna lnga brdal ba chen po:__phyogs mtshams thams cad rin po che brtsegs pa:__steng thams cad rin po che sna lnga'i gur phub pa:__rin po che lnga yang gdos pa'i gzugs ma yin pas:__rang byung ye shes kyi 'od las byung ba'i rin po che:__bteg na 'phar byed pa:__mnan na nem byed pa:__bkrag dang 'od 'tsher ba:__phyi nas bltas na nang gsal ba:__nang nas bltas na phyi gsal ba:__ye shes rang snang gi gzhal yas khang chen po'i sbubs:__ngo bo nyid kyi snang ba chos dbyings ma'i khyab tshul zhes bya ba:__chos sku kun tu bzang po ngas gtso byas pa'i chos sku thog ma med pa'i sangs rgyas thams cad de na bzhugs:__ma 'ongs pa'i chos sku thob pa thams cad kyang der 'byung bar 'gyur ro:__zhes dang /__nyon cig rdo rje 'chang chen po:__'og min chos kyi dbyings kyi pho brang zhes bya ba de'i sgra don bshad kyi/__'og min zhes bya ba ni steng gi phyogs thams cad khyab pa 'og ma yin pas na 'og min zhes bya'o:__chos kyi dbyings zhes bya ba ni:__de'i nang chos sku thob pa'i sangs rgyas ma yin pa gzhan gang gis kyang mi mthong ba'i phyir ro:__pho brang zhes bya ba ni rgyal po 'od mi 'gyur ba la rang snang rtogs pa'i 'khor gyis bskor nas:__dbyings kyi khyab tshad chos sku'i sangs rgyas kyis khyab par bzhugs pa'i phyir ro:__ye shes rang snang gzhal yas khang zhes bya ba ni:__ye shes de yod pa sems can kun gyi snying na yod:__sangs rgyas thams cad kyi thugs ka na gnas pa'o:__ye shes shar bas sangs rgyas thams cad kyi zhing khams byung :__de yang rgyud la rang byung du byung :__rang ngo shes pa ye shes chen po'i snang ba shar:__ye shes kyi snang ba rgya ma chad:__phyogs su ma lhung :__bkrag dang gzi mdangs dpag tu med:__de la gsal ba rgya ma chad pa zhes bya'o:__chen po zhes bya ba ni:__nam mkhas khyab tshad ye shes rang rig gzhal yas khang des khyab pa'i phyir ro:__sbubs zhes bya ba ni:__steng 'og phyogs mtshams thams cad ye shes 'od lnga lam me'i dbus na yod pa'i phyir ro:__dz+nyA na pany+tsa rat+na:__de lta bu'i gnas de chos sku bzhugs pa'i gnas yin:__chos dbyings ma'i khyab tshul zhes bya ba yin:__de 'dzin pa'i bdag po ni dper na:__nam mkhas khyab tshad nyi zla gza' skar gyis khyab pa ltar:__dbyings de'i khyab tshad chos skus khyab par bzhugs so:__chos sku ci lta bu zhe na:__sku la reg bya'i thogs pa med pas:__chos dbyings dang 'dra ba la:__mtshan dang dpe byad du ldan pas ye shes lnga'i bdag nyid du bzhugs so:__de'i ngo bo stong par bzhugs:__mtshan nyid dbyer med pa'i skur bzhugs:__yon tan bde ba'i skur bzhugs:__de'i thugs rig pa'i ye shes zang thal le yod do:__lus rnam par dag pa chos sku'i bkrag dang gzi mdangs mtshan dang dpe byad ldan no:__de nyid chos sku yin pa'i phyir sku mdog mthing ga:__mi g.yo ba'i mnyam gzhag gi phyag rgya can:__ye shes chen po'i 'od 'char ba'i phyir 'od lnga'i rgyab yol can:__stong gsal gyi bkrag 'tsher ba'i phyir rin po che'i rgyan gyis spras pas:__de la chos sku mnyam pa nyid zer ro:__de gnyis ka las dang po dran pa ci yang ma byung bas:__dngangs skrag gi 'jigs pa med:__rig pa rang ngo shes pa gsal la der 'dzin med:__rig pa ye shes shar ba chos sku rgyu lhun gyis grub pa'o:__de la ye shes kyi rtsal phyogs bcur shar ba longs spyod rdzogs pa'i skur byung ste:__chos sku de la thams cad gsal zhing snang ba'i phyir rnam par snang mdzad shar ro:__rang rig pa'i yon tan ma 'gag pas rin chen 'byung ldan shar ro:__thugs rje stobs dang ldan pas snang ba mtha' yas shar ro:__shes bya la thogs pa med pas don yod grub pa shar ro:__gnas lugs la 'gyur ba med pas rdo rje sems dpa' shar ro:__de ltar rgyal ba rigs lnga po de sku mdog dang phyag mtshan rgyan dang cha lugs:__mgur chu dang :__se mo do:__'od zer lnga'i rgyab yol thams cad rdzogs shing gsal ba:__zhal nang du gzigs te sa ler bzhugs so:__gdos pa'i gzugs ma yin par rang byung ye shes kyi sku gzung 'dzin med pas:__thugs kyi mkhyen pa ma 'gag pa:__zhal nang du gzigs pas shes bya'i rtsal wal ler snang ba'o:__dper na rin po che'i bum pa'i nang na rigs lnga chos sku la zhal bstan te bzhugs pa lta bu'o:__de yang chos sku de gzhi gnas pa'i chos sku zhes bya'o:__zhes sogs chos sku nang gsal de las rigs lnga phyir gsal longs sku dang /__de nas sprul sku 'char tshul sogs dang /__yang de 'phros las/__de'ang chos kyi dbyings dang gcig:__chos sku dang gnyis:__ye shes dang gsum:__de gsum so sor bshad kyang don dbyer med du gnas so:__dper na nam mkha'i gza' skar dang :__rgya mtsho'i nang gi gza' skar gyi 'od dang :__rgya mtsho'i chu gsum gcig mdangs gcig la phog ste dbyer med du gnas so:__chos sku dang ye shes dbyer med pa'i dpe chu dang lan tshwa lta bu gcig la gcig gis brgyan te gnas so:__chos kyi sku dang gcig:__longs spyod rdzogs pa'i sku dang gnyis:__sprul pa'i sku dang gsum so sor snang ste dbyer med du gnas:__ye shes kyi 'od rnam pa lnga yang gzugs sku gnyis kyi rgyan du 'char:__dper na chos kyi dbyings chos skus brgyan pa'i dpe g.yu'i maN+Dal la gser gyi tshom bu bkod pa 'dra:__chos sku la ye shes shar ba'i dpe shel la 'od lnga 'char ba dang :__ye shes lnga la thugs rje sprul pa 'byung ba'i dpe nyi ma'i snying po la 'od zer dro ba 'jam pa byung nas sems can gyi don byed pa dang 'dra:__zhes sogs gsungs/__chos sku'i ye shes ni chos dbyings ye shes sogs ye shes lnga yin/__yang de las/__nga'i kun tu bzang po dgongs pa zang thal gyi rgyud 'di:__sems can 'jig rten pa'i blo can dang :__theg pa 'og ma rnams kyi rna bar zur tsam yang smra bar ma byed cig:__gal te smras na kha nas khrag tu skyugs:__mig 'bras thang la lhung :__tshe'i dus byed nas dmyal bar bskal pa brgya'i bar du skye bar 'gyur ro:__de ci'i phyir zhe na:__'di ni dus gsum gyi rgyal ba thams cad kyi thugs yin:__nyams su len pa'i rnal 'byor pa'i srog yin:__skal dman nyon mongs can dang :__theg pa dman pa la 'di'i snod med pas:__snod med kyis mthong du mi rung ba'i phyir:__kun tu bzang po'i thugs ka nas dam tshig gi mkha' 'gro ma smug nag rak+sha'i gdong pa zhes bya ba byung ste:__chos 'di'i bka'i srung ma byed par 'gyur ro:__zhes gsungs so:__kun bzang gi smon lam stobs chen ma yang rgyud 'di'i le'u bcu dgu pa las 'byung /__zang thal gyi rgyud chung le'u brgyad pa dang /__'di gnyis rtsa ba yin/__byang gter ba rnams zang thal gyi ngo sprod tshe 'dir rnam bcas mi snang ba zhes zer ba ni rgyud 'di las lus gnad 'dra min dgu tsam bshad pa de yin 'dug__/snying tig gzhan la med pa'i zab gnad 'di la sger du/__rdzogs chen bka' gter gzhan la med pa'i zab khyad yod/__mun khrid sogs shin tu zab pa'i gnad 'ga' 'dir mi 'dug__/rdzogs chen lta sgom gyi go don gnad chen yod:__nyams len mkha' 'gro snying tig sogs 'dril ba yod/__yang rdo rje phag mo'i zab rgya drug gi rtsa rlung gi man ngag las/__de yang a wa d+hU ti la:__phyi nang gsang ba gsum du yod:__thabs kyi d+hU ti gzhungs pa yin:__de nas byang sems dkar po 'bab:__shes rab d+hU ti srog rtsa yin:__de nas byang sems dmar po 'bab:__gsang ba'i d+hU ti 'khor lo bzhi:__dbus na rgyus te srog shing tshul:__de nas ye shes rlung rgyu'o:__gsang ba a wa d+hU ti de'i:__g.yas na la la na yi rtsa:__sgo ni sna bug g.yas nas zug:__yar 'khyogs mig g.yas dbyibs la slebs:__mar brgyud ltag pa'i an dang ga:__rgyus pa'i d+hU ti rang la 'khril:__de nas d+hU ti'i g.yas nas brgyud:__lte ba'i 'og spu'i mtshams su slebs:__g.yon na rat+na ba yi rtsa:__sgo ni sna bug g.yon na zug:__yar 'khyogs mig g.yon dbyibs la slebs:__mar brgyud ltag pa'i an dang gi:__d+hU ti'i rgyus pa'i mtshams la 'khril:__de nas d+hU ti'i g.yon nas brgyud:__lte 'og spu yi mtshams su slebs:__lte 'og d+hU ti sor bzhi dang :__la la rA sa gsum 'dzom pa:__g.yas g.yon rlung gnyis d+hU tir tshud:__tshud pa'i dus na rtog pa 'gag:__bu chung ma la skyes nas kyang :__zhag lnga lon tshe rlung sems gnyis:__d+hU tir tshud nas ci mi dran:__sbrid pa drag po byung ba dang :__pho mo'i chags pa rdzogs rjes dang :__had kyis brgyal ba'i dus na ni:__skad cig tsam la d+hU tir tshud:__'chi la khad la d+hu tir tshud:__rtsa rlung 'byongs pa'i rnal 'byor pa:__lta ba rtogs tshe d+hU tir tshud:__rlung sems d+hU tir tshud pa'i rtags:__rtog pa 'gags nas mi rtog pa:__spros dang bral ba'i nyams myong skye:__mi rtog chos kyi dbyings zhes bya:__'bras bu chos kyi phyag chen thob:__ces dang /__brgyad pa rlung gi las byed ni:__so so skye bo tha mal pa:__tshe yi 'das dus byung ba'i tshe:__rlung sems rig pa rnam pa gsum:__snying rje med pa'i rlung la zhon:__gsang ba'i gnas nas thon pa na:__ro la dri chu rgyangs kyis 'ong :__de ni las kyi dmyal bar skye:__sems dang rig pa rnam pa gsum:__mthur du 'gro ba'i rlung la zhon:__bshang ba'i lam nas thon pa na:__ro la dri chen lhug gis 'ong :__yi dwags gnas su skye bar byed:__sems rig med mnyam rlung la zhon:__lte ba'i gnas nas thon pa na:__lte bar zil ba phrum me 'byung :__byol song gnas su skye bar byed:__sems dang rig pa rnam pa gsum:__bkrag dang gzi brjid mdangs bskyed pa'i:__rlung la zhon nas mig la thon:__mig g.yas ce re bltas te sdod:__lha yi gnas su skye bar byed:__sems rig dwangs snyigs 'byed pa yi:__rlung la zhon nas kha la thon:__'chi khar ma slebs dbugs dang bral:__mi ru skye ba'i las byed do:__sems rig dwangs snyigs 'byed pa yi:__rlung la zhon nas sna la thon:__sna bug g.yas pa kyog la che:__lha min gnas su skye bar byed:__sems rig gyen rgyu'i rlung la zhon:__tshangs bug g.yas nas thon pa na:__spyi gtsug 'phar dang rlungs zil 'byung :__sa lam bcu gsum man chad non:__de nyid rnal 'byor sgom pa'i rtags:__yang dag rdzogs pa'i sangs rgyas thob:__sems bral ye shes rig pa de:__shes rab ye shes rlung la zhon:__snying gi dbus nas gnas bskyed de:__ye shes gsang lam shel sbug can:__sbom dus gro sog sbu gu tsam:__phra dus dar dkar skud pa tsam:__mig la zug pa'i nang nas thon:__mig g.yon 'bras bu 'byung ba na:__mig g.yon mdangs bcas ce re 'ong :__rang byung ye shes chen po 'char:__mngon sum mthong ba'i rnal 'byor rtags:__mngon par rdzogs pa'i sangs rgyas thob:__ces gsungs/__yang zang thal chos sde zab rgya'i rtsa ba rdo rje phag mo dgyes pa phrin las kyi rgyud las/__o rgyan chen po la rdo rje phag mos gsungs pa yin/__rdo rje phag mos bka' stsal pa:__lta ba'i bshad pa mang gyur yang :__rjes dpag rim gyis 'jal ba dang :__dpe rtags brda yis bstan pa la:__don la phebs ba shin tu nyung :__mkha' 'gro'i thugs kyi dgongs pa yi:__lta ba zab mo bstan par bya:__lta ba dngos ni 'di lta ste:__rang rig bcos bslad med pa ni:__rgyal ba'i dgongs pa mthar thug yin:__de la skyon med yon tan rdzogs:__de la 'pho dang 'gyur ba med:__lta ba'i snying po de yin no:__de la man ngag rnam pa gnyis:__stong pa dang ni gsal ba'o:__stong pa'i phyogs nas brtags pa na:__skye med 'gag med grol ba med:__'ong med bcing med grol ba med:__rten med gnas med 'khor ba med:__'das dang blang dang dor ba med:__stong dang mi stong dngos po med:__rtag cing ming med yi ge med:__sgra dang tha snyad mtha' dbus med:__smra bsam brjod pa'i yul las 'das:__gsal ba'i phyogs nas brtags pa na:__rig pa dang ni gsal ba yod:__sku dang ye shes yon tan yod:__phrin las zhing khams gzhal yas yod:__gtso 'khor phun sum tshogs pa yod:__rtsol sgrub med cing 'dus ma byas:__lhun grub chen por ngang gis gnas:__rang rig lta ba'i rgyal po yin:__dper na nam mkha' lta bu'o:__zhes nam mkha' lta bu lta ba'i skabs su gsungs/__yang de'i nyi zla lta bu bsgom pa'i rgya'i skabs las/__rdo rje phag mos bka' stsal pa:__sgom pa'i man ngag 'di lta ste:__yod par bsgom pas rtag par gol:__med par bsgom pas chad par gol:__yod min med min bzhag pa na:__gti mug bying ba'i gnas su gol:__nges pa'i sgom pa 'di lta ste:__rig pa'i ngo bo bcos bslad med:__yin pa'i thog tu gnas par zhog:__de la mkhas pa'i dpe gsum ste:__lus ni rnam snang chos bdun bya:__ngag ni mi smra dal bar bzhag:__sems gnad tha mal shes pa 'di:__bcos bslad med par rang sor glod:__de la man ngag rnam pa bdun:__dang po gnas lugs shes pa dang :__gnyis pa ngang la gnas pa dang :__gsum pa thad kar chod pa dang :__bzhi pa rang sa zin pa dang :__lnga pa 'gyur ba med pa dang :__drug pa gdos par ma gyur dang :__bdun pa mngon du gyur pa'o:__'di la rgyun chad med pa ru:__brtson pas nyams su blangs pa na:__chos nyid zab mo'i rtags rnams shar:__de tshe 'bras bu rim gyis thob:__ces gsungs/___/__!_ yang gong du drangs pa'i yang dag don gyi snyan brgyud yi ge med pa nam shi sangs rgyas sgyu lus bor chog ces pa 'di'i 'bras bu'i skabs las/__gsum pa mthar thug 'bras bu'i grub tshul bstan pa la gsum ste:__dbang po rab rdo rje sems dpa'i gsang lam 'di dang 'phrad nas tshe gcig lus gcig la sangs rgyas:__ngo sprod pa dang rtogs pa dus mnyam:__dbugs chad pa dang sangs rgyas pa dus mnyam:__sangs rgyas pa dang thugs rje 'byung ba dus mnyam:__bar do'i skad cig ma'i grol lugs brtsi mi dgos par:__lus rgya nam grol ba'i dus su:__rin po che gsang ba'i sbu gu nas zang thal chos kyi sku ru sangs rgya'o:__rgyud las/__seng ge mchong bas sa chod ltar:__gom pa gcig gis pha rol phyin:__ces gsungs so:__dbang po 'bring bar do'i ye shes ngos zin pas lnga ldan dang rdzogs ldan gyi dgongs pa mthar phyin te sangs rgya'o:__rgyud las:__snga ma las kyi 'phro ldan pas:__bar dor rtags mthong rang sa zin:__zhes gsungs so:__dbang po tha ma ni skye ba gcig thog par bshad de:__bla ma la mos gus ma log pa dang gcig:__mched grogs la dam tshig ma nyams pa dang gnyis:__chos la log lta ma skyes pa dang gsum 'dzom na:__tshe 'dir snang ba bden med du ma rtogs shing :__bar dor ye shes ngos ma zin kyang :__skye ba gcig nas las kyi 'phro mthud nas sangs mi rgya mi srid do:__rgyud las/__skye gnas mi 'gyur bla ma dang :__de nas de nyid 'phrad par 'gyur:__ces gsungs pas/__rang gi bla ma'i gdung rgyud dam:__chos 'di spyod pa'i skyes bu dam pa gcig gi drung du skyes nas:__las 'phro'i dbang gis sangs rgyas pa la the tshom med do:__zhes gsungs so/__/lan gcig mthong bas grol ba'i snyan brgyud ces pa de'o/__/'di gtso bo ka dag dang bar do'i ngo sprod nyams len yin pas/__ka dag gi 'bras bu'i grol tshad yin 'dug__/yang zang thal gyi chos nyid mngon sum gyi khrid yig las/__rig pa ye shes kyi lus ngag yid gsum khyab par gnas kyang :__lus kyi dbus rtsa'i gtso bo:__dwangs ma bcud kyi thig le gnas pa'i zur na sems brten nas yod:__de'i dbus kyi snying po la rig pa'i mdzod gnas te:__de yang sems bya ba 'dzin pa yod pa gcig yin:__sems kyi dwangs ma'i rtsal 'dzin med du sal le ba de rig pa yin:__bdag 'dzin lus kyi 'dzin pa yod pas sems zhes bya ba de:__snying la mi gnas snying gi phyi zur na gnas so:__'dzin med rang gsal gyi rig pa de snying la gnas pas:__snying po'i don zhes zer ba yin:__sems can thams cad sangs rgyas nyid:__'on kyang glo bur dri mas bsgrib:__ces gsungs pas/__sangs rgyas kyi sa'ang rig pa yin te:__glo bur dri ma zhes bya ba sems yin no:__rig pa thig le nyag gcig tu 'dus pas:__thig le nyag gcig ces bya ba:__gzung 'dzin ma rig pa las byung bas 'khrul pa'i sems zhes bya:__mdor na bdag tu 'dzin pa'i sems des rnam pa thams cad mkhyen pa'i ye shes sgrib pa yin:__bde gshegs snying pos 'gro kun yongs la khyab:__ces pa'i don de rig pa la zer ba yin:__de mngon sum du rtogs pa'i thabs ni:__lus chun pas rtsa chun:__rtsa chun pas rlung chun:__rlung chun pas thig le chun:__des rig pa ye shes g.yos pa med par gnad du tshud nas sangs rgyas kyi dgongs pa gtan la 'bebs pa'i dgos pa yod do:__gnyis pa gnad gsum la brten nas rig pa mngon sum du blta ba ni:__gang gi rig pa ye shes bshad pa de nyid:__dper na lha khang na lha yod kyang ma mthong na lha yod par 'dug gam snyam pa tsam las:__mngon sum du gsal bar mi mthong ba bzhin:__rig pa'i ye shes mngon sum du lta rgyu yod snyam pa tsam las:__yid dpyod 'dzin pa'i g.yul du shor te:__blta bar ma nus nas tshe gcig gis sangs rgyas thob par mi nus pas:__chos spyi'i lugs phal cher ni:__drang don dang ldem dgongs yin:__nges don gyi chos rnams kyang shes rab yum gyi dgongs pa zhes bya:__stong pa nyid kyi dgongs pa gtan la 'bebs pa yin te:__la la ni gom par chung :__la la ni yun ring nyams len ma nus pas mthar ma phyin:__'ga' zhig rig pa ye shes kyi dgongs pa klong du gyur nas byang chub kyi lam sna zin pa'ang 'byung ngo :__yi dam gyi lha bsgrubs nas sangs rgyas par 'dod pas kyang :__'jug tu mi rtog pa'i rgyas btab nas:__rdzogs rim zhes byang chub thob par 'dod de sangs rgyas la bgyang ba yin no:__zhes gsungs/__sum cu rtsa gsum ni:__nye dbang so gnyis:__lha dbang dang so gsum gyi gnas so:__!__:hor tre po bla ma 'gyur med skal bzang 'phel rgyas bzang po'i bskyud byang phyag bris ma pusti las zhal bshus pa'i nyer mkho sbrang rtsi'i thigs pa zhes bya ba bzhugs so/__/na mo gu ra we/__o rgyan chen pos/__sems dang sems nyid kyi so mtshams ni:__sems zhes bya ba mngon par 'du byed cing dran pa'o:__nyid ces bya ba dran pa med cing yid la mi byed pa'o:__zhes dang /__bla ma dgongs pa 'dus pa'i khrid gzhung las/___khregs chod kyi gdams pa ni:___gang shar ltos med rang shar gyi steng nas gnyen po dang phral nas 'jog pa la ngos 'dzin te:__zhes so//___//__!

Footnotes

Other Information