JKW-KABUM-03-GA-001-022

Previous Text Back to Volume PageNext Text

རྗེ་བློ་བཟང་གྲགས་པས་ལམ་རིམ་དུ་སོགས།

Wylie title	rje blo bzang grags pas lam rim du sogs
Location	mkhyen brtse'i bka' 'bum Volume 3, sde tshan 1, Text 22, Pages 404-410 (Folios 202b3 to 205b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rje blo bzang grags pas lam rim du sogs. In 'jam dbyangs mkhyen brtse'i dbang po'i bka' 'bum, Vol. 3: 404-410. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris  ·  Stages of the Path - lam rim

Tibetan Text

Wylie

[edit]

རྗེ་བློ་བཟང་གྲགས་པས་ལམ་རིམ་དུ། བསྟན་པ་ཐམས་ཅད་འགལ་མེད་རྟོགས་པ་དང་། །གསུང་རབས་མ་ལུས་གདམས་པར་འཆར་བ་དང་། །རྒྱལ་བའི་དགོངས་པ་བདེ་བླག་རྙེད་བ་དང་། །ཉེས་སྤྱོད་ཆེན་པོའི་གཡང་ས་ལས་ཀྱང་སྲུང་། །ཞེས་དང་། མདུན་ལེགས་མར། རྒྱུད་སྡེ་འོག་མ་རྣམས་ཀྱི་ཚུལ། །མི་ཤེས་དེ་ཡིས་རྣལ་འབྱོར་བླ་མེད་རྒྱུད། །རྒྱུད་སྡེ་ཀུན་གྱི་མཆོག་ཏུ་ཐག་བཅད་ཀྱང་། །དམ་བཅའ་ཙམ་དུ་ཟད་པ་ལེགས་མཐོང་སྟེ། །གསང་བ་སྤྱི་རྒྱུད་ལེགས་པར་གྲུབ་པ་དང་། །དཔུང་བཟང་གིས་ཞུས་སྤྱི་དང་བྱེ་བྲག་གི །རྒྱུད་སྡེ་རྣམས་ལ་རིང་དུ་འདྲིས་པར་བྱས། །རྒྱུད་སྡེ་གཉིས་པ་སྤྱོད་པའི་རྒྱུད་རྣམས་ཀྱི། །གཙོ་བོར་གྱུར་པ་རྣམ་སྣང་མངོན་བྱང་གི །རྒྱུད་ལ་སྦྱངས་བས་སྤྱོད་པའི་རྒྱུད་ཀྱི་ཕྱོགས། །གང་ཡིན་དེ་ཡང་ལེགས་པར་ངེས་པ་བྱས། །རྒྱུད་སྡེ་གསུམ་པ་རྣལ་འབྱོར་རྒྱུད་རྣམས་ཀྱི། །གཙོ་བོ་དཔལ་ལྡན་དེ་ཉིད་འདུས་པའི་རྒྱུད། །གང་ཡིན་དེ་ཡང་ལེགས་པར་ངེས་པ་བྱས། །བཞི་པ་རྣལ་འབྱོར་བླ་ན་མེད་པ་ལ། །འཕགས་ཡུལ་མཁས་པ་རྣམས་ལ་ཉི་ཟླ་ལྟར། །ཡོངས་སུ་གྲགས་པའི་ཕ་རྒྱུད་འདུས་པ་དང་། །རྣལ་འབྱོར་མ་རྒྱུད་ཀྱེ་རྡོར་བདེ་མཆོག་གི །རྩ་རྒྱུད་བཤད་པའི་རྒྱུད་ལ་སོགས་པ་དང་། །བསྡུས་རྒྱུད་གཞན་དང་བཤད་སྲོལ་མི་འདྲ་བའི། །ཤིང་རྟའི་སྲོལ་འབྱེད་དུས་ཀྱི་འཁོར་ལོའི་རྒྱུད། །གསལ་བྱེད་དྲི་མེད་འོད་ལ་སོགས་པར་སྦྱངས། །ཞེས་སོ། །དེ་ཡང་མཁས་དབང་བུ་སྟོན་གྱིས་དུས་འཁོར་དང་། ས་སྐྱ་པ་ཡབ་སྲས་ཀྱིས་ཀྱེ་རྡོར་ཁོ་ན་གཉིས་མེད་རྒྱུད་དུ་འདོད། འཇམ་མགོན་ཙོང་ཁ་པས་བླ་མེད་ཀྱི་རྒྱུད་ཐམས་ཅད་གཉིས་མེད་དུ་བཞེད་པ་སོགས་མང་ངོ་། །ལར་ཙོང་ཁ་པས་བཤེས་གཉེན་དར་ཡུལ་བ་ལ་བརྟེན་ནས་སྔ་འགྱུར། ཐེལ་དང་འབྲི་གུང་གི་སྤྱན་སྔར་ཆོས་དྲུག་ལྔ་ལྡན་སོགས་བཞེད་ཀྱང་། མཚན་ཉིད་ས་ལུགས་དང་། སྔགས་བུ་ལུགས་གཙོར་བཏོན་མཛད་དོ། ། ༈

ཚར་ཆེན་གྱིས། རྒྱལ་ཡུམ་བདག་མེད་མཁའ་འགྲོ་ལ། །པཎ་གྲུབ་དབང་པོ་བཱི་རུ་པས། །ནོས་པ་ནས་བཟུང་ད་ལྟའི་བར། །རྩ་བའི་བླ་མ་ཡན་ཆད་དུ། །དབང་བཞིའི་ཆུ་བོ་མ་ནུབ་པ། །ཚད་མ་བཞི་ལྡན་དབང་བཞིའི་ལམ། །རྡོ་རྗེ་ཐེག་པའི་སྙིང་པོ་ཡིན། །ཞེས་དང་། འཇམ་དབྱངས་མཁྱེན་བརྩེས། རྗེས་འབྲངས་མཁས་དང་གྲུབ་པར་གྲགས་རྣམས་ལ། །ཐུན་མོང་གདམས་པའི་དཔལ་འབྱོར་མཐའ་ཡས་མོད། །གསང་ཆེན་སློབ་བཤད་བདུད་རྩིའི་ཐིགས་པ་འདི། །མཁས་རློམ་ཕལ་གྱི་རྣ་བའི་སྤྱོད་ཡུལ་མིན། །ཞེས་པ་ལྟར་སྙན་བརྒྱུད་ཚད་མ་བཞི་ལྡན་ཏེ། དང་པོ་སྙན་བརྒྱུད་བཞི་ནི། ཚར་ཆེན་གྱིས། དེ་ཡང་ཐོག་མར་ཚོགས་ཀྱི་འཁོར་ལོ་དང་། །རིན་ཆེན་གསེར་གྱི་མཎྜལ་ལ་སོགས་པས། །སྙན་བརྒྱུད་དང་པོའི་རྟེན་འབྲེལ་ཀུན་བསྒྲིགས་ཏེ། །སྙན་བརྒྱུད་གཉིས་པ་བྱིན་རླབས་རྗེས་གནང་བྱིན། །སྙན་བརྒྱུད་གསུམ་པ་གདམས་པའི་དངོས་གཞི་འདི། །བཀླག་ལུང་མིན་པར་ལག་ལེན་དམར་ཁྲིད་དུ། །སྦྱིན་པས་སྙན་བརྒྱུད་བཞི་པ་ཤུགས་ལས་འབྱུང་། །ཞེས་དང་པོ་བླ་མ་དང་ཆོས་སྐྱོང་ཌཱ་ཀི་མཉེས་པར་བྱས་ཏེ་སྙན་བརྒྱུད་དང་པོའི་རྟེན་འབྲེལ་ཀུན་བསྒྲིག །གཉིས་པ་དབང་བྱིན་རླབས་རྗེས་གནང་སོགས་བཀའ་ཆུ་བོའི་རྒྱུན་མ་ནུབ་པ། གསུམ་པ་མཚན་གསེར་འགྱུར་གྱི་རྩི་འདྲ་བར་གདམས་པའི་ས་རྒ་མ་ལོག་པར་བརྟེན། བཞི་པ་མོས་གུས་གཞོན་ནུ་མའི་བདེ་བ་ལྟ་བུ་ཤུགས་ལས་འབྱུང་བའི་གོ་རིམ་མ་ལོག་པར་མཛད་པའང་ཡོད་ཅིང་། གཞན་དུ་ཡོངས་སུ་གྲགས་པའི་ཚད་མ་བཞི་ལྡན་ཏེ། སཾ་བུ་ཊར། བསྟན་བཅོས་ཚད་མ་སློབ་དཔོན་དང་། །ལུང་གི་རྗེས་འབྲངས་དེ་ཉིད་རིག །གསང་སྟོན་དེ་ཉིད་དངོས་པོ་ཡང་། །གཅིག་ནས་གཅིག་བརྒྱུད་ཤེས་པར་བྱ། །ཞེས་ཁོག་དབུབ་ལོ་རྒྱུས་ཀྱིས་དད་པ་བསྐྱེད་པ་བླ་མ་ཚད་མ། ཉམས་ཁྲིད་ལ་ལས་སྦྱོར་སོགས་དམར་ཁྲིད་སྟོན་བཞིན་ལག་ཏུ་ཁེལ་བ་ཉམས་མྱོང་ཚད་མ། རྒྱབ་བརྟེན་མན་ངག་དཔེ་བུམ་རྣམས་ཀྱི་བསྟན་བཅོས་ཚད་མ། བཤད་ཁུངས་རྒྱུད་དང་རྒྱུད་གཞུང་རྣམས་ཀྱི་ལུང་ཚད་མ་སྟེ་བཞིའོ། །དེ་ལྟར་ཡང་ཀུན་མཁྱེན་ལྔ་པས། ཚོགས་ལས་ཁྱད་པར་གྱུར་པ་སློབ་བཤད་ཅེས། །ཟབ་པ་ལས་ཟབ་སྙན་བརྒྱུད་ཡིད་བཞིན་ནོར། །ཁའུ་བྲག་རྫོང་བསྟན་པའི་སྲོལ་འབྱེད་མཁན། །རིགས་རྣམས་ཀུན་གྱི་ཁྱབ་བདག་ཚར་པ་རྗེ། །ཞེས་སོ། ། ༈ ཕ་རྒྱུད་གསང་འདུས་ནི། གསང་བ་འགྲུབ་པར། དཔལ་ལྡན་འདུས་ལས་མཆོག་གཞན་མེད། །འཇིག་རྟེན་གསུམ་གྱི་རིན་ཆེན་འགྱུར། །སྙིང་པོ་ལས་ནི་སྙིང་པོ་མཆོག །རྒྱུད་རྣམས་ཀུན་གྱི་བླ་མའི་བླ། །ཞེས་ཆེས་ཆེར་བསྔགས་པ་ལྟར་དཔལ་གསང་བ་འདུས་པ་རིགས་དྲུག་དང་། རྒྱ་གར་དུ་འཕགས་སྐོར་དང་། ཡེ་ཤེས་ཞབས་ལུགས་གཉིས། དེ་ཉིད་བོད་ཡུལ་འདིར་སྔ་མར་བཀའ་བབས་བདུན་དང་། ཕྱི་མ་དྲུག་ཏུ་གྱུར། གཞན་ཡང་རིགས་དྲུག་ཏུ་གཏོགས་པ་དམར་ནག་འཇིགས་གསུམ་སོགས་ཤིན་ཏུ་མང་སྟེ་དགེ་ལྡན་པར་དར་རྒྱས་ཆེ། ། ༈ མ་རྒྱུད་ལ། ཧེ་རུ་ཀ །རྣམ་སྣང་། རྡོ་རྗེ་ཉི་མ། པདྨ་གར་དབང་། རྟ་མཆོག །རྡོ་རྗེ་འཆང་སྟེ་རིགས་དྲུག །ཆ་མཉམ་སྟེ་རིགས་བདུན་ཡོད་པ། བདེ་མཆོག་ལ་ལོ་ནག་དྲིལ་གསུམ། དགྱེས་རྡོར་ལ་རྡོ་རྗེ་སྙིང་པོ་སོགས་འགྲེལ་མཛད་བཅུ་གཉིས་སོགས་འཕགས་ཡུལ་དུ་བྱུང་བ་ལས་ལམ་ཡོངས་སུ་རྫོགས་པ་དྲུག་ཏུ་ངེས་ལ། བོད་ཡུལ་འདིར་མར་དང་དཔྱལ་ལོ་སོགས་ལ་བྱུང་ཡང་ཚང་བར་མ་བཤད། ཡོངས་སུ་རྫོགས་པ་དཔལ་ས་སྐྱ་པར་བཀའ་བབས་གསུམ་ལ། དང་པོ་བིཪྺ་པ་དང་ཡེ་ཤེས་མཁའ་འགྲོ་མས་དངོས་སུ་བྱིན་རླབས་ཌོམྦི་པས་བཀྲལ་བ་ཌོམྦིའི་ལུགས། སློབ་དཔོན་ཨཾ་ག་ནིའི་རྗེས་སུ་འབྲང་པའི་སློབ་དཔོན་པདྨ་བཛྲ་གྱིས་བཀྲལ་བ་འདི་མཚོ་སྐྱེས་ལུགས། སློབ་དཔོན་དམ་ཚིག་རྡོ་རྗེས་བཀྲལ་བའི་ནག་པོ་ལུགས་དང་གསུམ་ལས། བིཪྺ་པའི་ལུགས་སམ་མན་ངག་གི་ལུགས་ལྷ་དགུ་པ་ནི་གཙོ་བོ་ཉིད་དོ། ། ༈ གཉིས་མེད་དུས་ཀྱི་འཁོར་ལོ་ཞེས་རྒྱུད་སྡེ་གཞན་དང་བཤད་ཚུལ་མི་འདྲ་བ་ནི། གངས་ཅན་འདིར། འཕྲོ་ལུགས། གོ་ལུགས། རྭ་ལུགས། ས་ལུགས། ནག་ལུགས་སོགས་བཀའ་བབས་ཉི་ཤུ་བཅོ་ལྔ་བྱུང་པས། དེང་སང་རྒྱུན་ཡོངས་སུ་གྲགས་པ་ནི་བུ་ལུགས་སོ། ། ༈ མཆོད་པ་ཐམས་ཅད་ཀྱང་བླ་ན་ཡོད་མེད་གཉིས་སུ་འདུ་ལ། དེ་ཡང་ཞིང་ནི་སངས་རྒྱས་སོགས་མཆོད་པ་བླ་མ། ཚང་དབང་སོགས་ལ་མཆོད་པ་བླ་ན་ཡོད་པའོ། །བསམ་པའི་ཁྱད་པར་མཐོ་རིས་ལ་དམིགས་པ་བླ་ན་ཡོད་པ་དང་། ཐར་པ་ལ་དམིགས་པ་བླ་མ། རང་བཞིན་མེད་པའི་ཤེས་རབ་ཀྱིས་ཟིན་པ་བླ་མེད། མ་ཟིན་པ་བླ་ན་ཡོད་པ་སོགས་དབྱེ་བ་མང་ངོ་། །དུས་འཁོར་རྩ་རྒྱུད་ཀྱི་དུམ་བུ་བླ་མའི་དགོངས་པ་ཡོན་ཏན་ཡོངས་སུ་བཟུང་བ་ལས། ཉེ་དུ་འབྲེལ་པ་ཤུལ་ན་གནས་པ་ཡི། །གཤིན་གྱི་དུས་སུ་དགེ་བ་གང་བྱས་པའི། །རྣམ་པར་སྨིན་པ་བས་ཕྱིར་བེའུ་བཞིན། །གང་དུ་སྐྱེས་བ་དེ་ཡི་རྗེས་སུ་འབྲང་། །དེ་བཞིན་མོས་གུས་ལྡན་པའི་སློབ་མ་ཡིས། །བླ་མ་འདས་ནས་གདུང་པས་མཆོད་བྱས་ན། །ཐུགས་ཀྱི་དགོངས་པ་གོང་དུ་ཡོངས་རྫོགས་ཤིང་། །སློབ་མས་བླ་མའི་རྣམ་ཐར་སྙོགས་པར་འགྱུར། །བླ་མ་འདས་པའི་ལོ་ཟླ་ཚེས་གྲངས་དག །ངེས་པར་བཟུང་སྟེ་མཆོད་པ་བྱས་གྱུར་ན། །བསྐལ་པར་བསགས་པའི་སྡིག་པ་རབ་བཅོམ་ནས། །ཤིན་ཏུ་མི་བཟད་གཤིན་རྗེའི་གྲོང་ལས་ཐར། །སྟོང་གསུམ་སྐྱེ་བོ་མིག་བྲལ་སྲོག་ཉམས་ལ། །མིག་སྲོག་བྱིན་ཀྱང་དེ་ཡི་དཔེར་མི་ཕོད། །དེ་རྙེད་སྐྱེ་བོ་དགྲ་བཅོམ་ལ་བཀོད་ནས། །བསྐལ་བར་གྲངས་མེད་བསགས་པའི་སྒྲིབ་པ་ཡང་། །མུན་པར་ཉི་མ་ཇི་བཞིན་མ་ལུས་སེལ། །ཞེས་སོ། །པཎ་ཆེན་ཤཱཀྱ་ཤྲཱིས། མངོན་བྱང་ཆུབ་དང་ཆོས་འཁོར་བསྐོར། །ལྷ་བབས་ཆོ་འཕྲུལ་ཆེན་པོ་སྟེ། །དད་ལྡན་བསོད་ནམས་གསོག་བྱེད་པས། །ཁྱད་པར་ཅན་གྱི་དུས་ཆེན་ཡིན། །ཞེས་ས་ག །ཆུ་སྟོད། མཆུ། དབྱུག་པ་ཟླ་བ་བཞིའོ། ། ༈

དུས་འཁོར་དབང་ལེར། ཟླུམ་པོ་བརྒྱད་གཉིས་སོར་དུ་བརྗོད་དེ་གཉིས་ཀྱིས་བསྒྱུར་བའི་བཅུ་ཡི་དཔངས་དང་སོར་གཉིས་དག་གི་མཆུ། །དུག་གི་མགྲིན་པ་སོར་བརྒྱད་ཁ་དེར་རི་བོང་འཛིན་པ་ལྟར་དཀར་ཞི་རྒྱས་པའོ་གཞན་ལ་མིན། །ཞེས་ཁྲུས་བུམ་དང་རྣམ་བུམ་སོགས་རྒྱར་སོར་བཅུ་དྲུག །དཔངས་ལ་ཉི་ཤུ། མགྲིན་པར་དྲུག །ཁ་སོར་བརྒྱད་དུ་བྱས་པའི་གསུམ་ཆ་གཉིས་པ་ལ་བུག་པ་ཡོད་པ། མཆུ་སོར་གཉིས་པ་འཕྱང་བ་རྒྱས་པ་སོགས་ལས་བཞིའི་མཚན་མ་ཡོད་པ་སྟེ་སྔ་ཐོག་ཏུ་རེ་གཉིས་ཡོད་རུང་། འཕགས་པ་རིན་པོ་ཆེ་རྒྱ་ནག་ཏུ་ཕེབས་སྐབས་བྱ་བ་སླ་ཕྱིར་ལྟོ་བར་ངང་པའི་རྐེ་འདྲ་བའི་མཆུ་དང་། མཛེས་བཅོལ་བའི་ཞབས་ར་སོགས་དར་བ་ཡིན་ནོ། ། ༈

[edit]

rje blo bzang grags pas lam rim du sogs/ rje blo bzang grags pas lam rim du/__bstan pa thams cad 'gal med rtogs pa dang /__/gsung rabs ma lus gdams par 'char ba dang /__/rgyal ba'i dgongs pa bde blag rnyed ba dang /__/nyes spyod chen po'i g.yang sa las kyang srung /__/zhes dang /__mdun legs mar/__rgyud sde 'og ma rnams kyi tshul/__/mi shes de yis rnal 'byor bla med rgyud/__/rgyud sde kun gyi mchog tu thag bcad kyang /__/dam bca' tsam du zad pa legs mthong ste/__/gsang ba spyi rgyud legs par grub pa dang /__/dpung bzang gis zhus spyi dang bye brag gi__/rgyud sde rnams la ring du 'dris par byas/__/rgyud sde gnyis pa spyod pa'i rgyud rnams kyi/__/gtso bor gyur pa rnam snang mngon byang gi__/rgyud la sbyangs bas spyod pa'i rgyud kyi phyogs/__/gang yin de yang legs par nges pa byas/__/rgyud sde gsum pa rnal 'byor rgyud rnams kyi/__/gtso bo dpal ldan de nyid 'dus pa'i rgyud/__/gang yin de yang legs par nges pa byas/__/bzhi pa rnal 'byor bla na med pa la/__/'phags yul mkhas pa rnams la nyi zla ltar/__/yongs su grags pa'i pha rgyud 'dus pa dang /__/rnal 'byor ma rgyud kye rdor bde mchog gi__/rtsa rgyud bshad pa'i rgyud la sogs pa dang /__/bsdus rgyud gzhan dang bshad srol mi 'dra ba'i/__/shing rta'i srol 'byed dus kyi 'khor lo'i rgyud/__/gsal byed dri med 'od la sogs par sbyangs/__/zhes so/__/de yang mkhas dbang bu ston gyis dus 'khor dang /__sa skya pa yab sras kyis kye rdor kho na gnyis med rgyud du 'dod/__'jam mgon tsong kha pas bla med kyi rgyud thams cad gnyis med du bzhed pa sogs mang ngo /__/lar tsong kha pas bshes gnyen dar yul ba la brten nas snga 'gyur/__thel dang 'bri gung gi spyan sngar chos drug lnga ldan sogs bzhed kyang /__mtshan nyid sa lugs dang /__sngags bu lugs gtsor bton mdzad do/___/__!_ tshar chen gyis/__rgyal yum bdag med mkha' 'gro la/__/paN grub dbang po bI ru pas/__/nos pa nas bzung da lta'i bar/__/rtsa ba'i bla ma yan chad du/__/dbang bzhi'i chu bo ma nub pa/__/tshad ma bzhi ldan dbang bzhi'i lam/__/rdo rje theg pa'i snying po yin/__/zhes dang /__'jam dbyangs mkhyen brtses/__rjes 'brangs mkhas dang grub par grags rnams la/__/thun mong gdams pa'i dpal 'byor mtha' yas mod/__/gsang chen slob bshad bdud rtsi'i thigs pa 'di/__/mkhas rlom phal gyi rna ba'i spyod yul min/__/zhes pa ltar snyan brgyud tshad ma bzhi ldan te/__dang po snyan brgyud bzhi ni/__tshar chen gyis/__de yang thog mar tshogs kyi 'khor lo dang /__/rin chen gser gyi maN+Dal la sogs pas/__/snyan brgyud dang po'i rten 'brel kun bsgrigs te/__/snyan brgyud gnyis pa byin rlabs rjes gnang byin/__/snyan brgyud gsum pa gdams pa'i dngos gzhi 'di/__/bklag lung min par lag len dmar khrid du/__/sbyin pas snyan brgyud bzhi pa shugs las 'byung /__/zhes dang po bla ma dang chos skyong DA ki mnyes par byas te snyan brgyud dang po'i rten 'brel kun bsgrig__/gnyis pa dbang byin rlabs rjes gnang sogs bka' chu bo'i rgyun ma nub pa/__gsum pa mtshan gser 'gyur gyi rtsi 'dra bar gdams pa'i sa rga ma log par brten/__bzhi pa mos gus gzhon nu ma'i bde ba lta bu shugs las 'byung ba'i go rim ma log par mdzad pa'ang yod cing /_gzhan du yongs su grags pa'i tshad ma bzhi ldan te/__saM bu Tar/__bstan bcos tshad ma slob dpon dang /__/lung gi rjes 'brangs de nyid rig__/gsang ston de nyid dngos po yang /__/gcig nas gcig brgyud shes par bya/__/zhes khog dbub lo rgyus kyis dad pa bskyed pa bla ma tshad ma/__nyams khrid la las sbyor sogs dmar khrid ston bzhin lag tu khel ba nyams myong tshad ma/__rgyab brten man ngag dpe bum rnams kyi bstan bcos tshad ma/__bshad khungs rgyud dang rgyud gzhung rnams kyi lung tshad ma ste bzhi'o/__/de ltar yang kun mkhyen lnga pas/__tshogs las khyad par gyur pa slob bshad ces/__/zab pa las zab snyan brgyud yid bzhin nor/__/kha'u brag rdzong bstan pa'i srol 'byed mkhan/_/rigs rnams kun gyi khyab bdag tshar pa rje/__/zhes so/___/__!_ pha rgyud gsang 'dus ni/__gsang ba 'grub par/__dpal ldan 'dus las mchog gzhan med/__/'jig rten gsum gyi rin chen 'gyur/__/snying po las ni snying po mchog__/rgyud rnams kun gyi bla ma'i bla/__/zhes ches cher bsngags pa ltar dpal gsang ba 'dus pa rigs drug dang /__rgya gar du 'phags skor dang /__ye shes zhabs lugs gnyis/__de nyid bod yul 'dir snga mar bka' babs bdun dang /__phyi ma drug tu gyur/__gzhan yang rigs drug tu gtogs pa dmar nag 'jigs gsum sogs shin tu mang ste dge ldan par dar rgyas che/___/__!_ ma rgyud la/__he ru ka___/rnam snang /__rdo rje nyi ma/__pad+ma gar dbang /__rta mchog__/rdo rje 'chang ste rigs drug__/cha mnyam ste rigs bdun yod pa/__bde mchog la lo nag dril gsum/__dgyes rdor la rdo rje snying po sogs 'grel mdzad bcu gnyis sogs 'phags yul du byung ba las lam yongs su rdzogs pa drug tu nges la/__bod yul 'dir mar dang dpyal lo sogs la byung yang tshang bar ma bshad/__yongs su rdzogs pa dpal sa skya par bka' babs gsum la/__dang po biR+Wa pa dang ye shes mkha' 'gro mas dngos su byin rlabs Dom+bi pas bkral ba Dom+bi'i lugs/__slob dpon aM ga ni'i rjes su 'brang pa'i slob dpon pad+ma badz+ra gyis bkral ba 'di mtsho skyes lugs/__slob dpon dam tshig rdo rjes bkral ba'i nag po lugs dang gsum las/_biR+Wa pa'i lugs sam man ngag gi lugs lha dgu pa ni gtso bo nyid do/____/__!_ gnyis med dus kyi 'khor lo zhes rgyud sde gzhan dang bshad tshul mi 'dra ba ni/__gangs can 'dir/__'phro lugs/__go lugs/__rwa lugs/__sa lugs/__nag lugs sogs bka' babs nyi shu bco lnga byung pas/__deng sang rgyun yongs su grags pa ni bu lugs so/___/__!_ mchod pa thams cad kyang bla na yod med gnyis su 'du la/__de yang zhing ni sangs rgyas sogs mchod pa bla ma/__tshang dbang sogs la mchod pa bla na yod pa'o/__/bsam pa'i khyad par mtho ris la dmigs pa bla na yod pa dang /__thar pa la dmigs pa bla ma/__rang bzhin med pa'i shes rab kyis zin pa bla med/__ma zin pa bla na yod pa sogs dbye ba mang ngo /__/dus 'khor rtsa rgyud kyi dum bu bla ma'i dgongs pa yon tan yongs su bzung ba las/__nye du 'brel pa shul na gnas pa yi/__/gshin gyi dus su dge ba gang byas pa'i/__/rnam par smin pa bas phyir be'u bzhin/__/gang du skyes ba de yi rjes su 'brang /__/de bzhin mos gus ldan pa'i slob ma yis/__/bla ma 'das nas gdung pas mchod byas na/__/thugs kyi dgongs pa gong du yongs rdzogs shing /__/slob mas bla ma'i rnam thar snyogs par 'gyur/__/bla ma 'das pa'i lo zla tshes grangs dag__/nges par bzung ste mchod pa byas gyur na/__/bskal par bsags pa'i sdig pa rab bcom nas/__/shin tu mi bzad gshin rje'i grong las thar/__/stong gsum skye bo mig bral srog nyams la/__/mig srog byin kyang de yi dper mi phod/__/de rnyed skye bo dgra bcom la bkod nas/__/bskal bar grangs med bsags pa'i sgrib pa yang /__/mun par nyi ma ji bzhin ma lus sel/__/zhes so/__/paN chen shAkya shrIs/__mngon byang chub dang chos 'khor bskor/__/lha babs cho 'phrul chen po ste/__/dad ldan bsod nams gsog byed pas/__/khyad par can gyi dus chen yin/__/zhes sa ga__/chu stod/__mchu/__dbyug pa zla ba bzhi'o/___/__!_ dus 'khor dbang ler/__zlum po brgyad gnyis sor du brjod de gnyis kyis bsgyur ba'i bcu yi dpangs dang sor gnyis dag gi mchu/_/dug gi mgrin pa sor brgyad kha der ri bong 'dzin pa ltar dkar zhi rgyas pa'o gzhan la min/__/zhes khrus bum dang rnam bum sogs rgyar sor bcu drug__/dpangs la nyi shu/__mgrin par drug__/kha sor brgyad du byas pa'i gsum cha gnyis pa la bug pa yod pa/__mchu sor gnyis pa 'phyang ba rgyas pa sogs las bzhi'i mtshan ma yod pa ste snga thog tu re gnyis yod rung /__'phags pa rin po che rgya nag tu phebs skabs bya ba sla phyir lto bar ngang pa'i rke 'dra ba'i mchu dang /__mdzes bcol ba'i zhabs ra sogs dar ba yin no/__/__!