སྒྲུབ་ཁང་དཔལ་གྲུབ་པས་མཛད་པའི་ལྗོན་ཤིང་མཛེས་རྒྱན་གྱི་སྔོན་འགྲོ་རྒྱ་ཆེར་བཤད་པ་བློ་གསལ་རབ་དགའ་ལས།

🚧 This website is under continued development. We appreciate your patience!

Previous Text Back to Volume PageNext Text

Wylie title	sgrub khang dpal grub pas mdzad pa'i ljon shing mdzes rgyan gyi sngon 'gro rgya cher bshad pa blo gsal rab dga' las
Location	mkhyen brtse'i bka' 'bum Volume 3, sde tshan 1, Text 17, Pages 306-310 (Folios 153b5 to 155b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sgrub khang dpal grub pas mdzad pa'i ljon shing mdzes rgyan gyi sngon 'gro rgya cher bshad pa blo gsal rab dga' las. In 'jam dbyangs mkhyen brtse'i dbang po'i bka' 'bum, Vol. 3: 306-310. Khams sde dge rdzong sar dgon: Rdzong sar blo gros phun tshogs, 2020.
Genre	Preliminary Practices - sngon 'gro

1 Texts in this Section (sde tshan or chos tshan)

17 306-310	སྒྲུབ་ཁང་དཔལ་གྲུབ་པས་མཛད་པའི་ལྗོན་ཤིང་མཛེས་རྒྱན་གྱི་སྔོན་འགྲོ་རྒྱ་ཆེར་བཤད་པ་བློ་གསལ་རབ་དགའ་ལས། sgrub khang dpal grub pas mdzad pa'i ljon shing mdzes rgyan gyi sngon 'gro rgya cher bshad pa blo gsal rab dga' las Preliminary Practices - sngon 'gro	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

སྒྲུབ་ཁང་དཔལ་གྲུབ་པས་མཛད་པའི་ལྗོན་ཤིང་མཛེས་རྒྱན་གྱི་སྔོན་འགྲོ་རྒྱ་ཆེར་བཤད་པ་བློ་གསལ་རབ་དགའ་ལས། སེང་གེའི་ལྟ་སྟངས་ཀྱིས་ཁྱད་གཞི་བླང་བ། སྦལ་པའི་འཕར་བས་སྐབས་དོན་སོ་སོར་ཕྱེ་བ། རུས་སྦལ་གྱི་འགྲོས་ཀྱིས་ཚིག་དོན་འཇེབ་པར་བཤད་པ་དང་གསུམ་ལས། དང་པོ་ནི། སེང་གེ་གཟེངས་བསྟོད་པའི་ལྟ་སྟངས་ཀྱིས་འོག་གཞི་ཐམས་ཅད་ངེས་པར་བྱེད་པ་བཞིན་མཆོད་བརྗོད་ཀྱི་ཕྱག་འཚལ་ལོ་ཞེས་པ་ལྟ་བུ་ཞིག་བཤད་པའི་གཞིར་བླངས་ནས་ཐོག་མར་བཀོད། གཉིས་པ་ནི། སྦལ་པ་འཕར་བས་ས་གཞི་དུམ་བུ་དུམ་བུར་གཅོད་པ་ལྟར། མཆོད་བརྗོད་ཀྱི་དོན་རྣམས་སྐབས་སོ་སོར་ཕྱེ་ནས་ངེས་པར་བྱེད་པའོ། །གསུམ་པ་ནི། རུས་སྦལ་གྱི་འགྲོས་ཞིབ་མོས་རང་གི་ཇི་ལྟར་བགྲོད་པའི་ས་ལ་དུམ་བུ་ཅུང་ཟད་ཀྱང་མ་ལུས་བར་འགྲོ་བ་བཞིན། མཆོད་བརྗོད་ཀྱི་གཞུང་ཚིག་གཅིག་ཀྱང་མ་ལུས་པ་ཞིབ་ཏུ་འཆད་པའོ། །ཞེས་དང་། ཕྱག་བགྱིའོ་ཞེས་བཤད་པའི་གཞི་བཟུང་སྟེ། ཡུལ་གང་ལ་ཞེ་ན། གཉིས་སུ་མེད་པའི་ཆོས་ལྔའི་བདག་ཉིད་ཅན་འཁོར་ལོའི་མགོན་པོ་དང་དབྱེར་མེད་པའི་རྩ་བའི་བླ་མ་ལ་དང་། དེ་ནས་མཐུ་སྟོབས་མགོན་པོ་བརྩེ་བ་སེང་གེའི་ལྟ་སྟངས་ཀྱིས་ཆེན་པོ། རྡོ་རྗེ་འཆང་བཟང་པོའི་མཐའ་ཅན་རྣམས་དངོས་སུ་སྨོས་ནས། དེ་དག་གིས་མཚོན་པའི་བརྒྱུད་པ་རིན་པོ་ཆེའི་ཕྲེང་བ་བར་མ་ཆད་པའི་བླ་མ་དམ་པའོ། །ཞེས་སྦལ་པའི་འཕར་བས་ཕྱག་གི་ཡུལ་རྣམས་སོ་སོར་ངེས་པར་བྱས་ནས། དེ་རུས་སྦལ་གྱི་འགྲོས་ལྟར་ཞིབ་ཏུ་བཤད་པ་ནི། འཁོར་ལོའི་མགོན་པོ་དེའི་ཡོན་ཏན་ཇི་ལྟ་དུ་ཞེ་ན། སོགས་གསུངས། རིགས་བརྒྱ་ནི་རིགས་གང་ལ་གྲངས་ཀྱི་ངེས་པ་བརྒྱ་དང་ལྡན་པའོ། །དེ་ལ་རྒྱུད་སྡེ་རྣམས་ལས་བཤད་ཚུལ་མི་འདྲ་བ་མང་ཡང་རྒྱུད་འདིའི་དགོངས་པ་ནི་གཞི་ལམ་འབྲས་བུའི་རིགས་བརྒྱ་ཕྲག་གསུམ་ལས། འདི་ནི་འབྲས་དུས་ཀྱི་རིགས་བརྒྱའི་དབང་དུ་མཛད་པ་སྟེ། དེ་ལ་ཡེ་ཤེས་ལྔའི་རང་བཞིན་མི་བསྐྱོད་པ་ལ་སོགས་པ་རིགས་ལྔ་ལ། མི་བསྐྱོད་པའི་མི་བསྐྱོད་པ་ནས་མི་བསྐྱོད་པའི་དོན་གྲུབ་ཀྱི་བར་ལྔ་དང་། དེ་བཞིན་དུ་རྣམ་སྣང་ལ་སོགས་ལ་ལྔ་ལྔར་ཕྱེ་པས་ཉེར་ལྔ། དེ་རྣམས་རེ་རེ་ལ་ཚད་མེད་བཞིར་སྦྱར་བས་བྱམས་པ་ཚད་མེད་དང་ལྡན་པ་ཉེར་ལྔ་ནས། བཏང་སྙོམས་ཚད་མེད་དང་ལྡན་པ་ཉེར་ལྔ་སྟེ་བརྒྱའོ། །དེ་ཡང་རྩ་རྒྱུད་ལས། དེ་རྣམས་རིགས་ལ་རིགས་ནི་རྣམ་པ་བརྒྱ། །ཞེས་སོ། །གཙོ་བོ་ནི་དེ་རྣམས་དབྱིངས་ཡེ་ཁྱབ་བྱེད་དུ་གྱུར་པ་ཐུགས་ཀྱི་རིགས་གཅིག་པུ་སྟེ། ཐུགས་ཀྱི་བདག་པོ་རིགས་གཅིག་ཉིད། །ཅེས་དང་། རོ་བརྒྱ་ནི། འདུལ་བར་ཟས་རོ་བརྒྱ་བ་དང་། ཞེས་པའི་རྒྱ་ཆེར་འགྲེལ་དུ། ཟས་གང་ལ་རོའི་རྣམ་པ་བརྒྱ་ཡོད་པ་ནི་ཟས་རོ་བརྒྱ་པའོ། །ཞེས་རོའི་རྣམ་པ་མང་བའི་དཔེ་ཙམ་དུ་བསྟན་ཀྱང་རེ་རེ་ནས་བགྲང་ཚུལ་མ་གསུངས་སོ། །འདིའི་བགྲང་ཚུལ་ནི་གསོ་རིག་ལ་མཁས་པ་དག་འདི་ལྟར་བཞེད་དེ། རང་གི་ངོ་བོའི་སྒོ་ནས་རྩ་བའི་རོ་མངར་སྐྱུར་ལན་ཚྭ་ཁ་ཚྭ་བསྐ་བ་དྲུག་ལ། མངར་གསུམ་དང་མངར་བ་སོགས་དྲུག་ཏུ་དབྱེ་ཞིང་། དེ་བཞིན་དུ་སྐྱུར་བ་ལ་སོགས་པ་ལའང་དྲུག་དྲུག་ཏུ་ཕྱེ་བས་སོ་དྲུག །དེ་དག་སོ་སོའི་ལྕེ་ཡི་ཡུལ་དུ་གསལ་བར་མྱོང་བ་སོ་དྲུག །ལྟོ་བའི་གནས་སུ་ནུས་པ་སྨིན་པ་སོ་དྲུག་སྟེ་བརྒྱ་དང་བརྒྱད་ཡིན་པ་ལ། བརྗོད་པ་བདེ་བའི་ཕྱིར་རོ་བརྒྱ་ཞེས་སྨོས་པའོ། །ཞེས་གསུངས་སོ། །པ་ཞེས་པ་ནི་ལྡན་པའི་དོན་ཅན་དང་། ཞེས་སོགས་གསུངས་སོ། ། ༈ དེས་མཛད་༤༠པའི་ཀྱེ་རྡོར་ལས་བཞིའི་སྦྱིན་སྲེག་གི་རྣམ་བཤད་ཡེ་ཤེས་མེ་དཔུང་ཞེས་རྗེ་བཙུན་རིན་པོ་ཆེའི་ཡིག་ཆའི་འགྲེལ་པར། སྦྱིན་སྲེག་གི་སྐད་དོད་ལ་ཧོམ་ཞེས་འབྱུང་ཞིང་། དེ་ལ་ཡི་གེ་ཕྱིས་བསྣན་གྱི་ངེས་ཚིག་ནི། ཧོ་ནི་ཧོ་ཏ་བྱ་སྟེ་བསྲེག་བྱ། མ་ཡིག་ནར་བྱས་པས་དཱ་ན་སྦྱིན་པ་སྟེ། བསྲེག་བྱའི་རྫས་རྣམས་མེ་ལྷའི་ཁར་སྟེར་བས་སྦྱིན་སྲེག་གོ་གསུངས། དེ་ཡང་ཁ་སྦྱོར་ལས། མེ་ཡི་ལྷ་ནི་ཁ་རུ་གསུངས། །སྦྱིན་སྲེག་དེ་ཉིད་རྣམ་པར་གནས། །ཞེས་དང་། དྲིས་ལན་ལས། པགས་པ་བྱང་ཆུབ་ཡན་ལག་བདུན། །ཞེས་པའི་དོན། ཡན་ལག་བརྒྱད་པར། ཁྲག་སྐྱེས་པགས་པ་རིམ་པ་བདུན། །ཞེས་སོགས་བསྟན་པ་བཞིན་ཁྲག་དང་པོར་བྱས་པའི་ཟུང་བདུན་གྱི་སྣོད་དུ་གྱུར་པའི་པགས་པ་རྣམས་དག་བྱར་གསུངས་སོ། །འགྲོ་དང་མི་འགྲོ་བ་ཞེས་པ་ལུས་སེམས་ལ་སྦྱར་ནས་བཤད་དུ་ཡོད་ཀྱང་། འདིར་ནི་དེ་དག་ལས་གཞན་པའི་འགྲོ་ཚུལ་ཏེ། སེམས་ཅན་གང་ཞིག་སྔོན་བྱས་པའི་ལས་ཀྱི་འབྲས་བུ་ལོངས་སྤྱོད་པའི་གནས་སུ་ཕྱིན་པའམ་སླེབ་པ་ལ་འགྲོ་བ་ཞེས་དང་། མ་སླེབ་པ་ལ་མི་འགྲོ་བ་ཞེས་བྱ་བ་ཡིན་ལ། དེ་ལྟར་ངེས་པར་བྱས་ནས་འདིའི་མི་འགྲོ་བ་ནི་སྲིད་པ་བར་དོ་བ་རྣམས་ཡིན་པ་ཤེས་པར་བྱ་སྟེ། མཛོད་ལས། བགྲོད་པའི་ཡུལ་དུ་མ་ཕྱིན་ཕྱིར། །སྲིད་པ་བར་མ་བྱུང་བ་མིན། །ཞེས་སོ། །ཡང་། ཉན་ཐོས་སནྡྷེ་པ་ལ་སོགས་པས། ཐེག་པ་ཆེན་པོ་ནི་ཀླུ་སྒྲུབ་ཟེར་བའི་མི་རྫུན་མ་ཞིག་གིས་བྱས་སོ་ཞེས་ལས་ངན་སོག་པ་དང་། ཐེག་ཆེན་འཛིན་པ་ཁ་ཅིག་གིས། བསེ་རུ་ལྟ་བུ་རྣམས་ལ་ནི། །ཕ་རོལ་ཕྱིན་དྲུག་མིང་ཡང་མེད། །ཅེས་སོགས་ཀྱིས་སྨད་ནས་ཕྱོགས་འཛིན་ཤིན་ཏུ་ཆེ་བས། གཞུང་ཆེན་མང་པོར་ཐེག་པ་ཆེན་པོ་བཀར་བསྒྲུབ་དགོས་བྱུང་། ཞེས་སོ། ། ༈

[edit]

sgrub khang dpal grub pas mdzad pa'i ljon shing mdzes rgyan gyi sngon 'gro rgya cher bshad pa blo gsal rab dga' las/ sgrub khang dpal grub pas mdzad pa'i ljon shing mdzes rgyan gyi sngon 'gro rgya cher bshad pa blo gsal rab dga' las/__seng ge'i lta stangs kyis khyad gzhi blang ba/__sbal pa'i 'phar bas skabs don so sor phye ba/__rus sbal gyi 'gros kyis tshig don 'jeb par bshad pa dang gsum las/__dang po ni/__seng ge gzengs bstod pa'i lta stangs kyis 'og gzhi thams cad nges par byed pa bzhin mchod brjod kyi phyag 'tshal lo zhes pa lta bu zhig bshad pa'i gzhir blangs nas thog mar bkod/__gnyis pa ni/__sbal pa 'phar bas sa gzhi dum bu dum bur gcod pa ltar/__mchod brjod kyi don rnams skabs so sor phye nas nges par byed pa'o/__/gsum pa ni/__rus sbal gyi 'gros zhib mos rang gi ji ltar bgrod pa'i sa la dum bu cung zad kyang ma lus bar 'gro ba bzhin/__mchod brjod kyi gzhung tshig gcig kyang ma lus pa zhib tu 'chad pa'o/__/zhes dang /__phyag bgyi'o zhes bshad pa'i gzhi bzung ste/__yul gang la zhe na/__gnyis su med pa'i chos lnga'i bdag nyid can 'khor lo'i mgon po dang dbyer med pa'i rtsa ba'i bla ma la dang /__de nas mthu stobs mgon po brtse ba seng ge'i lta stangs kyis chen po/__rdo rje 'chang bzang po'i mtha' can rnams dngos su smos nas/__de dag gis mtshon pa'i brgyud pa rin po che'i phreng ba bar ma chad pa'i bla ma dam pa'o/__/zhes sbal pa'i 'phar bas phyag gi yul rnams so sor nges par byas nas/__de rus sbal gyi 'gros ltar zhib tu bshad pa ni/__'khor lo'i mgon po de'i yon tan ji lta du zhe na/__sogs gsungs/__rigs brgya ni rigs gang la grangs kyi nges pa brgya dang ldan pa'o/__/de la rgyud sde rnams las bshad tshul mi 'dra ba mang yang rgyud 'di'i dgongs pa ni gzhi lam 'bras bu'i rigs brgya phrag gsum las/__'di ni 'bras dus kyi rigs brgya'i dbang du mdzad pa ste/__de la ye shes lnga'i rang bzhin mi bskyod pa la sogs pa rigs lnga la/__mi bskyod pa'i mi bskyod pa nas mi bskyod pa'i don grub kyi bar lnga dang /__de bzhin du rnam snang la sogs la lnga lngar phye pas nyer lnga/__de rnams re re la tshad med bzhir sbyar bas byams pa tshad med dang ldan pa nyer lnga nas/__btang snyoms tshad med dang ldan pa nyer lnga ste brgya'o/__/de yang rtsa rgyud las/__de rnams rigs la rigs ni rnam pa brgya/__/zhes so/__/gtso bo ni de rnams dbyings ye khyab byed du gyur pa thugs kyi rigs gcig pu ste/__thugs kyi bdag po rigs gcig nyid/__/ces dang /__ro brgya ni/__'dul bar zas ro brgya ba dang /__zhes pa'i rgya cher 'grel du/__zas gang la ro'i rnam pa brgya yod pa ni zas ro brgya pa'o/__/zhes ro'i rnam pa mang ba'i dpe tsam du bstan kyang re re nas bgrang tshul ma gsungs so/__/'di'i bgrang tshul ni gso rig la mkhas pa dag 'di ltar bzhed de/__rang gi ngo bo'i sgo nas rtsa ba'i ro mngar skyur lan tshwa kha tshwa bska ba drug la/__mngar gsum dang mngar ba sogs drug tu dbye zhing /__de bzhin du skyur ba la sogs pa la'ang drug drug tu phye bas so drug__/de dag so so'i lce yi yul du gsal bar myong ba so drug__/lto ba'i gnas su nus pa smin pa so drug ste brgya dang brgyad yin pa la/__brjod pa bde ba'i phyir ro brgya zhes smos pa'o/__/zhes gsungs so/__/pa zhes pa ni ldan pa'i don can dang /__zhes sogs gsungs so/___/__!_ des mdzad 40pa'i kye rdor las bzhi'i sbyin sreg gi rnam bshad ye shes me dpung zhes rje btsun rin po che'i yig cha'i 'grel par/__sbyin sreg gi skad dod la hom zhes 'byung zhing /__de la yi ge phyis bsnan gyi nges tshig ni/__ho ni ho ta bya ste bsreg bya/__ma yig nar byas pas dA na sbyin pa ste/__bsreg bya'i rdzas rnams me lha'i khar ster bas sbyin sreg go gsungs/__de yang kha sbyor las/__me yi lha ni kha ru gsungs/__/sbyin sreg de nyid rnam par gnas/__/zhes dang /__dris lan las/__pags pa byang chub yan lag bdun/__/zhes pa'i don/__yan lag brgyad par/__khrag skyes pags pa rim pa bdun/__/zhes sogs bstan pa bzhin khrag dang por byas pa'i zung bdun gyi snod du gyur pa'i pags pa rnams dag byar gsungs so/__/'gro dang mi 'gro ba zhes pa lus sems la sbyar nas bshad du yod kyang /__'dir ni de dag las gzhan pa'i 'gro tshul te/__sems can gang zhig sngon byas pa'i las kyi 'bras bu longs spyod pa'i gnas su phyin pa'am sleb pa la 'gro ba zhes dang /__ma sleb pa la mi 'gro ba zhes bya ba yin la/__de ltar nges par byas nas 'di'i mi 'gro ba ni srid pa bar do ba rnams yin pa shes par bya ste/__mdzod las/__bgrod pa'i yul du ma phyin phyir/__/srid pa bar ma byung ba min/__/zhes so/__/yang /__nyan thos san+d+he pa la sogs pas/__theg pa chen po ni klu sgrub zer ba'i mi rdzun ma zhig gis byas so zhes las ngan sog pa dang /__theg chen 'dzin pa kha cig gis/__bse ru lta bu rnams la ni/__/pha rol phyin drug ming yang med/__/ces sogs kyis smad nas phyogs 'dzin shin tu che bas/__gzhung chen mang por theg pa chen po bkar bsgrub dgos byung /__zhes so/___/__!