JKW-KABUM-02-KHA-001-042

Previous Text Back to Volume PageNext Text

ཤིས་པར་བརྗོད་པའི་ཚིགས་སུ་བཅད་པ་གཞན་གསོས་བདུད་རྩིའི་དབྱངས་སྙན།

Wylie title	shis par brjod pa'i tshigs su bcad pa gzhan gsos bdud rtsi'i dbyangs snyan
Location	mkhyen brtse'i bka' 'bum Volume 2, sde tshan 1, Text 42, Pages 233-234 (Folios 117a4 to 117b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. shis par brjod pa'i tshigs su bcad pa gzhan gsos bdud rtsi'i dbyangs snyan. In 'jam dbyangs mkhyen brtse'i dbang po'i bka' 'bum, Vol. 2: 233-234. Khams sde dge rdzong sar dgon: Rdzong sar blo gros phun tshogs, 2020.
Genre	Discourses - gtam  ·  Invocation of Auspiciousness - bkra shis brjod pa
Colophon	།ཅེས་པའི་ལེ་ཚན་རྣམས་ཀྱང་རིག་པར་སྨྲ་བ་མཉྫུ་གྷོ་ཥས་སྐབས་སུ་བབས་པ་ན་ངེས་པར་བརྗོད་པ་སུ་ཤྲེ་ཡསྶིདྡྷི་རསྟུ།།
	ces pa'i le tshan rnams kyang rig par smra ba many+dzu g+ho Shas skabs su babs pa na nges par brjod pa su shre yas+sid+d+hi rastu

Tibetan Text

Wylie

[edit]

ཤིས་པ་བརྗོད་པའི་ཚིགས་སུ་བཅད་པ་གཞན་གསོས་བདུད་རྩིའི་དབྱངས་སྙན་ཅེས་བྱ་བ། འཆི་མེད་གྲུབ་པའི་ཆུ་གཏེར་བསྲུབས་པ་ལས། །ལེགས་འོང་ཡིད་བཞིན་འཁོར་ལོའི་ཟླ་བ་ནི། །བློ་གྲོས་དྭངས་པའི་མཁའ་ལ་འཆར་བའི་མོད། །ཚེ་དཔལ་འབྱོར་པའི་ཀུ་མུཏ་རྒྱས་གྱུར་ཅིག །རྣམ་འབྱེད་དཔྱིད་ཀྱི་དུས་སྟོན་ཚུགས་པ་ན། །ཉིན་བཞིན་འཕེལ་བའི་རིག་ཚུལ་མྱུ་གུ་ནི། །བསླབ་གྲོལ་མེ་ཏོག་གཞོན་ནུས་འཁྱུད་པ་ལས། །སྲིད་པ་གསུམ་ན་ཀུན་ཏུ་མཛེས་པར་ཤོག །དབྱངས་ཅན་པིར་གྱིས་བླངས་ལས་ངག་ཚིག་ནི། །དྲི་མེད་ཚོན་བརྒྱའི་སྦྱོར་བ་མ་སྨད་པ། །གཟུར་གནས་ཡིད་ཀྱི་ཐང་ཀར་འགོད་མཁས་པས། །བློ་ལྡན་བྱེ་བའི་ངལ་འཚོ་ཉིད་གྱུར་ཅིག །དགའ་ལྡན་བདུད་རྩིའི་ཚལ་ན་གྲགས་འབར་བ། །གཉིས་པ་ས་འདིར་འོང་སྙམ་ཆོས་སྨྲ་བའི། །རྒྱུད་མང་གང་དུ་ལྷུང་བའི་འབབས་སྟེགས་ཀྱིས། །བསྟན་པའི་དགའ་ཚལ་གསར་དུ་རྫོགས་པར་ཤོག །མི་མཁས་སྨྲ་བའི་རྡུལ་གྱིས་གང་བ་ན། །ཚད་མ་གསུམ་གྱི་དག་བྱེད་བླ་མེད་པ། །ཨེ་མ་ཕྱོགས་ཀྱི་གླང་པོའི་རྣམ་དཔྱོད་ཀྱང་། །ལྷན་སྐྱེས་བཞིན་དུ་སྙིང་ལ་འཁྱུད་གྱུར་ཅིག །ཇི་ལྟར་དག་པའི་མཐོན་ཀ་ལང་ཚོའི་དཔྱིད། །འཛིན་བཟོད་ག་བུར་རྣ་ཆ་གཡོ་ལྡན་པ། །གཟུགས་སུ་མ་གྱུར་དེ་སྲིད་ཕན་དང་བདེའི། །ངལ་འཚོ་ལྷན་ཅིག་ཉིད་དུ་འཕེལ་བར་ཤོག །ལྷག་པར་མཐོང་བ་ཆེན་པོའི་སྐབས་དབྱེ་ཞིང་། །གཞོན་ནུའི་མངོན་བརྗོད་འཆང་བས་དགེ་བྱས་པས། །སྔོན་མེད་དགའ་བ་རྒྱས་པའི་བཀྲ་ཤིས་ཀྱི། །སྣང་བས་འཇིག་རྟེན་གསུམ་ན་མཛེས་གྱུར་ཅིག །སརྦ་དཱ་ཤྲེ་ཡོ་བྷ་བ་ཏུ།། །། ༈ འཇམ་མགོན་བླ་མའི་ཐུགས་རྗེའི་གཞན་དབང་གིས། །རྟག་པར་ངལ་གསོས་གཞོན་ནུའི་མགྲིན་པ་ནས། །བྱུང་བའི་ཚིགས་སུ་བཅད་པའི་ཟིལ་དངར་ནི། །དཔྱོད་ལྡན་ཡིད་ཀྱི་པདྨོ་རྒྱས་ཕྱིར་སྦྱིན། །ཅེས་པའི་ལེ་ཚན་རྣམས་ཀྱང་རིག་པར་སྨྲ་བ་མཉྫུ་གྷོ་ཥས་སྐབས་སུ་བབས་པ་ན་ངེས་པར་བརྗོད་པ་སུ་ཤྲེ་ཡསྶིདྡྷི་རསྟུ།། །། ༈

[edit]

shis par brjod pa'i tshigs su bcad pa gzhan gsos bdud rtsi'i dbyangs snyan/__ shis pa brjod pa'i tshigs su bcad pa gzhan gsos bdud rtsi'i dbyangs snyan ces bya ba/_'chi med grub pa'i chu gter bsrubs pa las/_/legs 'ong yid bzhin 'khor lo'i zla ba ni/_/blo gros dwangs pa'i mkha' la 'char ba'i mod/_/tshe dpal 'byor pa'i ku muta rgyas gyur cig__/rnam 'byed dpyid kyi dus ston tshugs pa na/_/nyin bzhin 'phel ba'i rig tshul myu gu ni/_/bslab grol me tog gzhon nus 'khyud pa las/_/srid pa gsum na kun tu mdzes par shog__/dbyangs can pir gyis blangs las ngag tshig ni/_/dri med tshon brgya'i sbyor ba ma smad pa/_/gzur gnas yid kyi thang kar 'god mkhas pas/_/blo ldan bye ba'i ngal 'tsho nyid gyur cig__/dga' ldan bdud rtsi'i tshal na grags 'bar ba/_/gnyis pa sa 'dir 'ong snyam chos smra ba'i/_/rgyud mang gang du lhung ba'i 'babs stegs kyis/_/bstan pa'i dga' tshal gsar du rdzogs par shog__/mi mkhas smra ba'i rdul gyis gang ba na/_/tshad ma gsum gyi dag byed bla med pa/_/e ma phyogs kyi glang po'i rnam dpyod kyang /_/lhan skyes bzhin du snying la 'khyud gyur cig__/ji ltar dag pa'i mthon ka lang tsho'i dpyid/_/'dzin bzod ga bur rna cha g.yo ldan pa/_/gzugs su ma gyur de srid phan dang bde'i/_/ngal 'tsho lhan cig nyid du 'phel bar shog__/lhag par mthong ba chen po'i skabs dbye zhing /_/gzhon nu'i mngon brjod 'chang bas dge byas pas/_/sngon med dga' ba rgyas pa'i bkra shis kyi/_/snang bas 'jig rten gsum na mdzes gyur cig__/sarba dA shre yo b+ha ba tu//___//_!_'jam mgon bla ma'i thugs rje'i gzhan dbang gis/_/rtag par ngal gsos gzhon nu'i mgrin pa nas/_/byung ba'i tshigs su bcad pa'i zil dngar ni/_/dpyod ldan yid kyi pad+mo rgyas phyir sbyin/_/ces pa'i le tshan rnams kyang rig par smra ba many+dzu g+ho Shas skabs su babs pa na nges par brjod pa su shre yas+sid+d+hi rastu//___//_!