རྟོགས་པ་བརྗོད་པའི་ཚིགས་སུ་བཅད་པ་གཞན་གསོས་མགྲིན་གླུ།

🚧 This website is under continued development. We appreciate your patience!

Previous Text Back to Volume PageNext Text

Wylie title	rtogs pa brjod pa'i tshigs su bcad pa gzhan gsos mgrin glu
Location	mkhyen brtse'i bka' 'bum Volume 2, sde tshan 1, Text 41, Pages 232-233 (Folios 116b2 to 117a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rtogs pa brjod pa'i tshigs su bcad pa gzhan gsos mgrin glu. In 'jam dbyangs mkhyen brtse'i dbang po'i bka' 'bum, Vol. 2: 232-233. Khams sde dge rdzong sar dgon: Rdzong sar blo gros phun tshogs, 2020.
Genre	Autobiographies - Expressions of Realization - rtogs brjod  ·  Discourses - gtam

1 Texts in this Section (sde tshan or chos tshan)

41 232-233	རྟོགས་པ་བརྗོད་པའི་ཚིགས་སུ་བཅད་པ་གཞན་གསོས་མགྲིན་གླུ། rtogs pa brjod pa'i tshigs su bcad pa gzhan gsos mgrin glu Autobiographies - Expressions of Realization - rtogs brjod   ·   Discourses - gtam	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

རྟོགས་པ་བརྗོད་པའི་ཚིགས་སུ་བཅད་པ་གཞན་གསོས་མགྲིན་གླུ་ཞེས་བྱ་བ། ཤྲཱི་བཱི་ཛ་ཡནྟུ། རིང་མོ་ཉིད་ནས་བསོད་ནམས་དཔག་ཡས་ཡེ་ཤེས་དམ་པའི་མཐུས་བཟུང་ནས། །འཇམ་མགོན་བླ་མའི་བྱིན་རླབས་དཔྱིད་ཀ་གཟུགས་ཅན་བཞིན་དུ་དར་བ་ན། །མཁས་པས་བསྔགས་འོས་གང་གི་རྒྱུད་མང་རྣམ་དཔྱོད་འགྱུར་ཁུག་སྟོང་ལྡན་པས། །ཆོས་ཀྱི་མདུན་ས་ལྷག་པར་མཛེས་སྟེར་ཚུལ་འདི་སུ་ཡིས་ཕྱག་འོས་མིན། །དྲི་མེད་འོ་མཚོ་བསྲུབས་པའི་ཟླ་བ་ཡང་། །ཤིང་རྟའི་ཕྱི་བཞིན་འགྲོ་བ་གཞན་ཡིན་ཏེ། །ཞི་བས་མི་འཕྲོག་སྙིང་རྗེས་བརླན་པའི་ཡིད། །སྲིད་ན་འཇུག་འདི་སུ་ཡིས་ཕྱག་འོས་མིན། །བསླབ་གཞིའི་ས་ཧཱ་ཀ་རའི་ནགས་ཀླུང་དང་། །འགྲོགས་པའི་ཐོས་མང་ག་བུར་འདབ་མའི་རྡུལ། །གང་དུ་འབབས་པས་གདུང་བ་ཀུན་འཕྲོག་པའི། །སྨན་མཛད་མཆོག་འདི་སུ་ཡིས་ཕྱག་འོས་མིན། །ཕྱི་ནང་གཙུག་ལག་རྒྱ་མཚོ་གང་དང་གང་། །དེ་དེར་རིག་ཚུལ་དྲི་མེད་བཏུང་བ་ན། །ཚིག་དང་དོན་བཅས་འཁྲུལ་མེད་དཔྱད་པའི་མཐའ། །བདེ་བླག་རྫོགས་འདི་སུ་ཡིས་ཕྱག་འོས་མིན། །ནང་གི་ལམ་ནས་སྲིད་པའི་ཕྲ་རྒྱས་ཀུན། །ཏིང་འཛིན་མཐུ་ཡིས་ཟིལ་མནན་ཉིན་མོར་བྱེད། །ཟག་མེད་ཆོས་ཁམས་རྒྱ་མཚོ་འདུ་བྱེད་པའི། །སྣང་སྟེར་མཆོག་འདི་སུ་ཡིས་ཕྱག་འོས་མིན། །གང་ཡང་ཚངས་པའི་བུ་མོའི་ཏམྦུར། །མགྲིན་པའི་པདྨོར་ལྷན་སྐྱེས་ཉིད་གྱུར་པས། །སྙན་འགྱུར་མཐའ་དག་རྫོགས་པའི་ལེགས་བཤད་གཏམ། །འཛད་མེད་འཇོ་འདི་སུ་ཡིས་ཕྱག་འོས་མིན། །ཨེ་མ་ཚིག་གི་ཟེག་མ་རེར། །དོན་བཟང་ཟིལ་དངར་འབུམ་འཇོ་བས། །འདི་ཡང་ཉེ་བའི་ཨུཏྤ་ལ། །གདུང་སེལ་དམ་པའི་དཔྱིད་དུ་སྤྲོས། །སརྦ་དཱ་མངྒ་ལཾ་བྷཱུ་ཡེ་ཏ།། །། ༈

[edit]

rtogs pa brjod pa'i tshigs su bcad pa gzhan gsos mgrin glu/__ rtogs pa brjod pa'i tshigs su bcad pa gzhan gsos mgrin glu zhes bya ba/_shrI bI dza yan+tu/_ring mo nyid nas bsod nams dpag yas ye shes dam pa'i mthus bzung nas/_/'jam mgon bla ma'i byin rlabs dpyid ka gzugs can bzhin du dar ba na/_/mkhas pas bsngags 'os gang gi rgyud mang rnam dpyod 'gyur khug stong ldan pas/_/chos kyi mdun sa lhag par mdzes ster tshul 'di su yis phyag 'os min/_/dri med 'o mtsho bsrubs pa'i zla ba yang /_/shing rta'i phyi bzhin 'gro ba gzhan yin te/_/zhi bas mi 'phrog snying rjes brlan pa'i yid/_/srid na 'jug 'di su yis phyag 'os min/_/bslab gzhi'i sa hA ka ra'i nags klung dang /_/'grogs pa'i thos mang ga bur 'dab ma'i rdul/_/gang du 'babs pas gdung ba kun 'phrog pa'i/_/sman mdzad mchog 'di su yis phyag 'os min/_/phyi nang gtsug lag rgya mtsho gang dang gang /_/de der rig tshul dri med btung ba na/_/tshig dang don bcas 'khrul med dpyad pa'i mtha'/_/bde blag rdzogs 'di su yis phyag 'os min/_/nang gi lam nas srid pa'i phra rgyas kun/_/ting 'dzin mthu yis zil mnan nyin mor byed/_/zag med chos khams rgya mtsho 'du byed pa'i/_/snang ster mchog 'di su yis phyag 'os min/_/gang yang tshangs pa'i bu mo'i tam+bur/_/mgrin pa'i pad+mor lhan skyes nyid gyur pas/_/snyan 'gyur mtha' dag rdzogs pa'i legs bshad gtam/_/'dzad med 'jo 'di su yis phyag 'os min/_/e ma tshig gi zeg ma rer/_/don bzang zil dngar 'bum 'jo bas/_/'di yang nye ba'i ut+pa la/_/gdung sel dam pa'i dpyid du spros/_/sarba dA mang+ga laM b+hU ye ta//___//_!_