JKW-KABUM-02-KHA-001-029

From Khyentse Lineage - A Tsadra Foundation Project

འཕགས་པ་བྱམས་པ་རྣམས་ཀྱི་རྟོགས་པ་བརྗོད་པ།
Wylie title 'phags pa byams pa rnams kyi rtogs pa brjod pa JKW-KABUM-02-KHA-001.pdf
Location mkhyen brtse'i bka' 'bum
Volume 2, sde tshan 1, Text 29, Pages 114-116 (Folios 57b6 to 58b3)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. 'phags pa byams pa rnams kyi rtogs pa brjod pa. In 'jam dbyangs mkhyen brtse'i dbang po'i bka' 'bum, Vol. 2: 114-116. Khams sde dge rdzong sar dgon: Rdzong sar blo gros phun tshogs, 2020.
Genre Discourses - gtam
[edit]
འཕགས་པ་བྱམས་པ་ནི། སྔོན་ཐོག་མར་བསྐལ་པ་གྲངས་མེད་པའི་སྔ་རོལ་ནས་གླིང་བཞིར་དབང་བའི་འཁོར་ལོས་སྒྱུར་རྒྱལ་གསེར་མདོག་ཅན་ཞེས་བྱ་བར་གྱུར་ཏེ་རྫོགས་པའི་སངས་རྒྱས་གསེར་འོད་བཟང་པོ་ལ་བྱང་ཆུབ་ཀྱི་སེམས་བསྐྱེད། བར་དུ་སྐྱེ་བ་མང་པོར་འཁོར་ལོས་སྒྱུར་བའི་རྒྱལ་པོ་ཁོ་ནར་གྱུར་ཏེ་སངས་རྒྱས་ཁྲི་ཕྲག་གཅིག་མཉེས་པར་བྱས་པའི་མཐར་འོག་མིན་དུ་ལོངས་སྐུའི་གོ་འཕང་བརྙེས། ད་ལྟ་དགའ་ལྡན་དུ་སྟོན་པ་ཐུབ་པའི་དབང་པོའི་རྒྱལ་ཚབ་ཏུ་བཞུགས། མ་འོངས་པར་སྐྱེ་རྒུའི་ཚེ་ལོ་བརྒྱད་ཁྲིའི་དུས་ན་འཁོར་ལོས་སྒྱུར་བའི་རྒྱལ་པོ་དུང་གི་མདུན་ན་འདོན་བྲམ་ཟེ་ཚངས་རབ་ཀྱི་སྲས་སུ་འཁྲུངས་ནས་མངོན་པར་རྫོགས་པར་སངས་རྒྱས། དེའི་ཚེ་ད་ལྟ་ཤཱཀྱ་ཐུབ་པའི་བསྟན་པ་ལ་སངས་རྒྱས་ཀྱི་སྐུ་གཟུགས་བཞེངས་པ། ཐ་ན་ཆག་གྲུམ་གསོས་པ་ཡན་ཆད་འདུས་པ་དང་པོ། གསུང་རབས་ཡི་གེར་འབྲིའམ། ཀློག་པ་སོགས་འདུས་པ་གཉིས་པ། དགེ་འདུན་གཅིག་ལ་ལན་གཅིག་བསྙེན་བཀུར་བ་ཡན་ཆད་འདུས་པ་གསུམ་པར་དགྲ་བཅོམ་པ་འཐོབ་པར་འགྱུར་རོ། །ཡང་། བྱམས་པ་ཞེས་བརྗོད་པའི་རྒྱུ་མཚན་ནི། སྔོན་སྟོན་པ་རིན་ཆེན་གདུགས་ཞེས་བྱ་བའི་བསྟན་པར་དགེ་སློང་བློ་གྲོས་བརྟན་པར་ཞེས་བྱ་བར་གྱུར་ཏེ། ནངས་རེ་བཞིན་དུ་སེམས་ཅན་བརྒྱ་ཕྲག་རེ་བསླབ་པའི་གཞི་ལ་མ་བཀོད་པར་ཟས་མི་ཟ་བར་དམ་བཅས་ཤིང་། སྲོག་ཆགས་གྲངས་མེད་པ་ཐེག་པ་གསུམ་ལ་བཀོད་ཅིང་བྱམས་པ་ཆེན་པོའི་ཏིང་ངེ་འཛིན་བསྐྱེད་པའི་མཐུས། གྲོང་ཁྱེར་དང་ཚོང་དུས་ལ་སོགས་པ་གང་གི་སྒོར་དེའི་ཞབས་བཞག་པ་ཙམ་གྱིས་དེར་གནས་པའི་སེམས་ཅན་ཐམས་ཅད་བྱམས་པ་ཆེན་པོའི་ཏིང་ངེ་འཛིན་རྗེས་མཐུན་ཐོབ་པས། ལྷ་དང་བཅས་པའི་འགྲོ་བ་ཀུན་གྱིས་ཆེད་དུ་བརྗོད་པ་ན་བྱང་ཆུབ་སེམས་དཔའ་བྱམས་པ་ཞེས་མཚན་ཆགས་ཤིང་། སངས་རྒྱས་ནས་ཀྱང་དེ་ཁོ་ནར་བརྗོད་པར་སངས་རྒྱས་རིན་ཆེན་གདུགས་ཀྱིས་ལུང་བསྟན་ཏོ། །འདི་དག་རྒྱས་པར་ཤེས་པར་འདོད་ན་བྱམས་པ་སྔོན་བྱུང་གི་མདོ། བྱམས་པ་ལུང་བསྟན་པའི་མདོ། བྱམས་པ་འཇུག་པའི་མདོ་སོགས་ལས་ཤེས་པར་བྱ་བ་ཉིད་དོ།། །། ༈
[edit]

'phags pa byams pa rnams kyi rtogs pa brjod pa/ 'phags pa byams pa ni/_sngon thog mar bskal pa grangs med pa'i snga rol nas gling bzhir dbang ba'i 'khor los sgyur rgyal gser mdog can zhes bya bar gyur te rdzogs pa'i sangs rgyas gser 'od bzang po la byang chub kyi sems bskyed/_bar du skye ba mang por 'khor los sgyur ba'i rgyal po kho nar gyur te sangs rgyas khri phrag gcig mnyes par byas pa'i mthar 'og min du longs sku'i go 'phang brnyes/_da lta dga' ldan du ston pa thub pa'i dbang po'i rgyal tshab tu bzhugs/_ma 'ongs par skye rgu'i tshe lo brgyad khri'i dus na 'khor los sgyur ba'i rgyal po dung gi mdun na 'don bram ze tshangs rab kyi sras su 'khrungs nas mngon par rdzogs par sangs rgyas/_de'i tshe da lta shAkya thub pa'i bstan pa la sangs rgyas kyi sku gzugs bzhengs pa/_tha na chag grum gsos pa yan chad 'dus pa dang po/_gsung rabs yi ger 'bri'am/_klog pa sogs 'dus pa gnyis pa/_dge 'dun gcig la lan gcig bsnyen bkur ba yan chad 'dus pa gsum par dgra bcom pa 'thob par 'gyur ro/_/yang /_byams pa zhes brjod pa'i rgyu mtshan ni/_sngon ston pa rin chen gdugs zhes bya ba'i bstan par dge slong blo gros brtan par zhes bya bar gyur te/_nangs re bzhin du sems can brgya phrag re bslab pa'i gzhi la ma bkod par zas mi za bar dam bcas shing /_srog chags grangs med pa theg pa gsum la bkod cing byams pa chen po'i ting nge 'dzin bskyed pa'i mthus/_grong khyer dang tshong dus la sogs pa gang gi sgor de'i zhabs bzhag pa tsam gyis der gnas pa'i sems can thams cad byams pa chen po'i ting nge 'dzin rjes mthun thob pas/_lha dang bcas pa'i 'gro ba kun gyis ched du brjod pa na byang chub sems dpa' byams pa zhes mtshan chags shing /_sangs rgyas nas kyang de kho nar brjod par sangs rgyas rin chen gdugs kyis lung bstan to/_/'di dag rgyas par shes par 'dod na byams pa sngon byung gi mdo/_byams pa lung bstan pa'i mdo/_byams pa 'jug pa'i mdo sogs las shes par bya ba nyid do//___//_!_

Footnotes

Other Information