སྙན་བརྒྱུད་ཕུར་པའི་གནད་ཏིག་གི་ལས་བཞིའི་སྦྱིན་སྲེག་མདོར་བསྡུས་ཕྲིན་ལས་མྱུར་འགྲུབ།

🚧 This website is under continued development. We appreciate your patience!

Previous Text Back to Volume PageNext Text

Wylie title	snyan brgyud phur pa'i gnad tig gi las bzhi'i sbyin sreg mdor bsdus phrin las myur 'grub
Location	mkhyen brtse'i bka' babs Volume 20, Text 18, Pages 249-279 (Folios 1a to 16a4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Associated People	པྲ་བྷ་ཧསྟི་ (Prabhahasti)
Citation	'jam dbyangs mkhyen brtse chos kyi blo gros. snyan brgyud phur pa'i gnad tig gi las bzhi'i sbyin sreg mdor bsdus phrin las myur 'grub. In Rdzong sar 'jam dbyangs mkhyen brtse'i dbang po'i bka' babs, Vol. 20: 249-279. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Fire Offerings - sbyin sreg
Cycle	ཕྲིན་ལས་ཕུར་པའི་གནད་ཏིག་ (phrin las phur pa'i gnad tig)
Deity	rdo rje phur pa
Karchag page	JKW-KABAB-Volume-20-WA-Karchag
Recension Link	Other Versions on this site: སྙན་བརྒྱུད་ཕུར་པའི་གནད་ཏིག་གི་ལས་བཞིའི་སྦྱིན་སྲེག་མདོར་བསྡུས་ཕྲིན་ལས་མྱུར་འགྲུབ།
RTZ	In the Rinchen Terdzö: https://rtz.tsadra.org/index.php/Terdzo-KHI-023
Colophon	Author colophon: །ཅེས་པའང་ནང་ཆེན་ཚེས་བཅུ་བླ་མ་བློ་གྲོས་མཆོག་ལྡན་གྱིས་བསྐུལ་ངོར་ཆོས་ཀྱི་བློ་གྲོས་དང༌། བཀྲ་ཤིས་དཔལ་འབྱོར་ཟུང་གིས་ལེགས་པར་དཔྱད་ནས་ཤིན་ཏུ་མདོར་བསྡུས་སུ་བྲིས་པ་དགེ་ལེགས་མཆོག་ཏུ་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ། Editor colophon: །དྲག་སྲེག་ནག་འགྲོས་སུ་བཀོད་པ་པོ་ནི་ཕུན་ཚོགས་རྣམ་རྒྱལ་ལོ།
	Author colophon: ces pa'ang nang chen tshes bcu bla ma blo gros mchog ldan gyis bskul ngor chos kyi blo gros dang/__bkra shis dpal 'byor zung gis legs par dpyad nas shin tu mdor bsdus su bris pa dge legs mchog tu gyur cig__/sarba dA ka l+yA NaM b+ha ba tu/ Editor colophon: drag sreg nag 'gros su bkod pa po ni phun tshogs rnam rgyal lo

Tibetan Text

Wylie

[edit]

༄༅། །སྙན་བརྒྱུད་ཕུར་པའི་གནད་ཏིག་གི་ལས་བཞིའི་སྦྱིན་སྲེག་མདོར་བསྡུས་ཕྲིན་ལས་མྱུར་འགྲུབ་ཅེས་བྱ་བ་བཞུགས་སོ།།

༄༅༅། ཨོཾ་སྭ་སྟི། །འཇིགས་རུང་ཞལ་གདངས་མི་བཟད་མཆེ་བ་གཙིགས། །གཏུམ་ཆེན་རབ་འབར་རྔམས་པའི་གད་རྒྱང་སྒྲོགས། །བཅོམ་ལྡན་སྲིད་གསུམ་སྒྲོལ་བྱེད་ཀུ་མཱ་རར། །བཏུད་དེ་ལས་བཞིའི་སྲེག་བླུགས་ཆོ་ག་སྤེལ། དེ་ལ་འདིར་རྡོ་རྗེ་ཕུར་པའི་བསྙེན་སྒྲུབ་མཐར་སོན་པའི་རྣལ་འབྱོར་པས་ཕྲིན་ལས་མྱུར་དུ་འགྲུབ་པའི་སླད་དུ་རྣོ་མྱུར་མེ་ཡི་ཆོ་ག་བྱ་བར་འདོད་པས་འདི་ལྟར་འཇུག་པར་བྱ་སྟེ། དེ་ལའང་ཞི་རྒྱས་དབང་དྲག་གི་ལས་ཀྱི་དབྱེ་བས་བཞི་ཡི། དང་པོ་ལ་སྦྱོར་དངོས་རྗེས་གསུམ་ལས། དང་པོ་ནི། སྒྲུབ་མཆོད་སོགས་ཀྱི་སྐབས་ཐུན་མཚམས་གང་བདེར་ལྷ་ཡི་ང་རྒྱལ་ལ་གནས་པ་དང༌། སྦྱིན་སྲེག་ཁོ་ནའི་སྐབས་བདག་བསྐྱེད་ཀྱི་རྣལ་འབྱོར་བསྡུ་ལྡངས་བཅས་སྔོན་དུ་འགྲོ་བས། གང་དུ་བྱ་བའི་གཞི་དེར་དཀར་གཏོར་བཤམས་ལ། བྱིན་བརླབ་བསྔོ་བ་བཅས་ལས་བྱང་ཕྲིན་ལས་རྣམ་པར་རོལ་པའི་དགའ་སྟོན་ལྟར་བྱ། རྩ་སྔགས་ཀཱི་ལ་ཡ་བརྒྱ་རྩ་དང༌། ཤཱུ་ནྱ་ཏཱའི་སྔགས་བརྗོད་དེ་ཆོས་ཉིད་ཀྱི་དོན་དྲན་པར་བྱས་པས་ས་གཞི་ལས་རུང་དུ་བྱའོ། །དེར་བཀྲ་ཤིས་པའི་ས་ལས་སྟེགས་བུ་བཅོས་ཏེ་ཐབ་ཁུང་ཟླུམ་པོ་པདྨ་འདབ་བརྒྱད་ཀྱི་ལྟེ་བར་རྡོ་རྗེ། ཁ་ཁྱེར་ལ་རྡོ་རྗེའི་ཕྲེང་བ། གྲྭ་བཞིར་ཟླ་ཕྱེད་རྡོ་རྗེས་མཚན་པ། ཁ་དོག་དཀར་པོ་བཅད་ཚོན་དམར་སྐྱས་བྲིས་པ་ལ་བལ་བུ་དང་ལྕང་མ་སོགས་འོ་མ་ཅན་གྱི་ཤིང་གིས་ཁྲུ་གང་ཙམ་ཟླུམ་པོར་བརྩིགས། ཤར་ལྷོར་མེ་ཚང་བཅའ། སློབ་དཔོན་གྱི་གཡས་སུ་སྟེགས་བུ་ཁེབས་དཀར་པོས་དགབ་པའི་སྟེང་བདུད་རྩི་ཅན་གྱི་ཡམ་ཤིང་སོར་བཅུ་གཉིས་པ་མར་ཁུས་ཉུག་པ། མངར་གསུམ་དང་སྦྱར་བའི་མར་ཁུ། ཏིལ། ཟས་མཆོག །སོ་བ། འབྲས། ནས། སྲན་མ། གྲོ། དཱུརྦ། ཀུ་ཤ །གཞན་ཡང་སྨན་སྣ་འབྲུ་སྣ་རིན་པོ་ཆེ་སྣ་ཚོགས་མེ་ཏོག་དཀར་པོ་དར་ཟབ་སོགས་ཅི་འབྱོར་པའི་བསྲེག་རྫས་རྫས་སྤུངས་ཅན་དང༌། གོས་ཟུང༌། སོ་རྩི་བཅས། འདས་མ་འདས་གཉིས་རིམ་དུ་དགོད། གཡོན་དུ་སྟེགས་ལ་གཏོར་མ་དཀར་ཟླུམ་ཆེ་ཆུང་གཉིས། སྨན་རག་བཅས་དང༌། ཉེར་སྤྱོད་ཆ་གཉིས་སོགས་བཤམས། མདུན་དུ་མེ་ཡོལ་ལ་གངས་རི་དང་ཝྃ་ཡིག་བྲིས་པ། རྡོར་དྲིལ། དགང་བླུགས། ལས་བུམ། ལས་མཐུན་གྱི་མེ་དར། ཀུ་ཤའི་ཆུན་པོ་བརྒྱད། རླུང་གཡབ་སོགས་འོག་ཏུ་དགོས་པའི་ཡོ་བྱད་རིགས་འདུ་བྱ། དེ་ཐམས་ཅད་ཀྱང་སྣོད་དང་ཁ་དོག་ཐམས་ཅད་དཀར་པོ་འབའ་ཞིག་བྱ། དུས་ར་བ་བཞི་དང་ནམ་ལངས་ལ་སློབ་དཔོན་ཆས་གོས་རྒྱན་དཀར་པོ་དང་བཅས་ཁ་ཤར་དུ་ཕྱོགས་པས་འཇམ་པའི་སྟན་ལ་སེམས་དཔའི་སྐྱིལ་ཀྲུང་གིས་འཁོད་ལ། །གཉིས་པ་དངོས་གཞི་ལ་གསུམ། འཇིག་རྟེན་པའི་མེ་ལྷ་མཆོད་པ། དཀྱིལ་འཁོར་གྱི་འཁོར་ལོ་མཆོད་པ། མེ་ལྷར་གཏང་རག་འབུལ་བའོ། །དང་པོ་ནི། རབ་གནས་དང་སྒྲུབ་མཆོད་སོགས་ལ་དཀྱིལ་འཁོར་གྱི་གཙོ་བོ་ལས་རང་མར་མེ་གཅིག་ལས་གཉིས་མཆེད་དུ་ཞལ་གཅིག་ཕྱག་གཉིས་པའི་རྣམ་པར་ལྡང་བ་དང༌། སྦྱིན་སྲེག་ཁོ་ནའི་སྐབས་བདག་ཉིད་ལྷ་ཡི་རྣལ་འབྱོར་བཟླས་པ་བཅས་གྲུབ་པའི་རྗེས་འདི་ལ་འཇུག །བདུད་རྩི་འཁྱིལ་བའི་སྔགས་ཀྱིས་ལས་བུམ་གྱི་ཆུ་བྱིན་གྱིས་བརླབས། རྡོ་དྲིལ་བསང་སྦྱང༌། ཧཱུྃ། ཐབས་ཤེས་ཟུང་འཇུག་ཆོས་ཉིད་མཚོན། །འདས་དུས་འགྲོ་རྣམས་སད་པ་དང༌། །འགྲོ་རྣམས་སྨིན་པར་བྱ་བའི་ཕྱིར། །རྡོ་རྗེ་གསོར་ཞིང་དྲིལ་བུ་དཀྲོལ། ཨོཾ་བཛྲ་གཎྜེ་ཧཱུྃ་ཨཱཿ ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་ལ་རྡོ་རྗེ་གསོར། དྲིལ་བུ་དཀྲོལ། འཁྱུད་རྒྱ་བྱ། ཡོ་བྱད་རྣམས་ལ་དམིགས་ཏེ། བསང་སྦྱང༌། སྟོང་པའི་ངང་ལས་མཆོད་རྫས་དང་བསྲེག་རྫས་རྣམས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་འོད་དུ་ཞུ་བ་ལས་བྱུང་བའི་རྫས་སོ་སོའི་དངོས་པོ་བདུད་རྩིའི་རང་བཞིན་ཅན་ཟད་མི་ཤེས་པར་གྱུར། ཨོཾ་བཛྲ་ཨརྒྷཾ་སོགས་དང༌། ཨོཾ་ཧཱུྃ་ཏྲཱྃ་ཧྲཱིཿཨཱཿ མཱུྃ་ལཱྃ་མཱྃ་པཱྃ་ཏཱྃ༔ སརྦ་ཛྙཱ་ན་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་བྷོ་དྷི་ཙིཏྟ་ཨཱཿཧཱུྃ༔ ཞེས་བརྗོད། དེ་ནས་ཐབ་བསང་སྦྱང༌། ཆོས་རྣམས་སྐྱེ་མེད་རྣམ་ཀུན་མཆོག་ལྡན་དབྱིངས། །སྣ་ཚོགས་སྒྱུ་འཕྲུལ་འགགས་མེད་རྡོ་རྗེའི་སྤྲིན། །ཞི་བའི་་་་རྒྱས་པའི། དབང་གི །དྲག་པོའི། ཞེས་བསྒྱུར། ཕྲིན་ལས་ཡོངས་རྫོགས་ཐབ་ཀྱི་དབུས། །གོས་དཀར་ཌཱ་ཀིའི་ངོ་བོར་རོ་གཅིག་པའི། །ཆགས་བྲལ་བདེ་བ་ཆེན་པོའི་མེ་དཔུང་འབར། །ཨོཾ་སརྦ་ཛྙཱ་ན་ཛྭ་ལ་རཾ། ཞེས་དགེ་འདུན་གྱི་ཐབ་ལས་བྱུང་བའི་མེ་སྦར། ལས་བུམ་གྱི་ཆུས་བསང་ལ། ཨོཾ། །ཀུ་ཤ་འདི་ནི་གཙང་ཞིང་དགེ །ས་ལས་སྐྱེས་པའི་སྙིང་པོ་མཆོག །དཀོན་མཆོག་གསུམ་གྱི་དག་བྱེད་ཡིན། །ཚངས་པའི་ཡང་དག་བྱེད་པ་སྟེ། །དེ་ཡིས་བདག་ཅག་ཐམས་ཅད་ལ། །བགེགས་རྣམས་ཐམས་ཅད་ཞི་བར་མཛོད། སྭཱ་ཧཱ། ཞེས་ལན་བརྒྱད་བརྗོད་ལ་ཤར་ནས་བརྩམས་ཕྱོགས་མཚམས་རྣམས་སུ་བཀྲམས། དེ་དབུས་རྃ་ཡིག་ཡོངས་གྱུར་མེ་ལྷ་ནི། །ཞི་བའི་་་་་་རྒྱས་པའི། དབང་གི །དྲག་པོའི་ཞེས་བསྒྱུར། རྒྱན་རྫོགས་འོད་ཟེར་ཕྲེང་བས་དཀྲིགས། །ཞལ་གཅིག་ཕྱག་གཉིས་བགྲང་ཕྲེང་གུནྡྷེ་བསྣམས། །སྐུ་གསུང་ཐུགས་ལ་རྡོ་རྗེ་འབྲུ་གསུམ་མཚན། །དེ་ལས་འོད་འཕྲོས་དམ་ཚིག་སྤྱན་དྲངས་བསྟིམ། སྤྱན་འདྲེན་པ་ནི། དབྱུ་གུ་རྩེ་གསུམ་པའི་རྒྱས་མེ་དར་གཡབ་ལ། ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་འབྱུང་པོ་ཆེ། །མེ་ལྷ་དྲང་སྲོང་བྲམ་ཟེ་མཆོག །འདི་ཉིད་དུ་ནི་གཤེགས་སུ་གསོལ། ཨགྣི་རཱ་ཛ་རྀ་ཥི་བཛྲ་ས་མ་ཡ་ཛཿ ཛཿཧཱུྃ་བྃ་ཧོཿ ཨརྒྷཾ་སོགས་ཀྱིས་ཉེར་སྤྱོད་ཕུལ། བསྟོད་པ་ནི། ཧཱུྃ། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་སྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། བྱོན་སྐྱེམས་ནི། མེ་ལྷ་ཞལ་གདངས་པའི་ལྗགས་རྡོ་རྗེའི་སྦུ་གུས་སྲེག་བླུག་གི་རྒྱུན་དྲངས་ཏེ་གསོལ་བར་བསམས་ལ། ཨོཾ་ཨགྣ་ཡེ་སྭཱ་ཧཱ། ཞེས་མར་ཁུ་བླུགས་གཟར་བདུན་གྱིས་བཀང་བའི་དགང་བླུགས་ཁ་སྦྱར་ལ། ཨོཾ་ཨགྣ་ཡེ་བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་ཉེས་ལྟུང་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་འདོད་གསོལ་སྦྱར་བ་ཚན་གསུམ་གྱིས་ཕུལ། དེ་ནས་རྫས་གཞན་ལག་གིས་བཟུང་དུ་བཏུབ་པ་རྣམས་མཐེབ་སྲིན་གྱིས་དབུལ། གཞན་རྣམས་བླུགས་གཟར་གྱིས་ཕུལ་ཏེ་སྔགས་ནི། ཡམ་ཤིང་ལ། ཨོཾ་བྷོ་དྷི་བྷྲྀཀྵ་ཡ་སྭཱ་ཧཱ། མར་ཁུ། ཨོཾ་ཨགྣ་ཡེ་སྭཱ་ཧཱ། རྫས་སྤུངས། ཨོཾ་ཨགྣི་དེ་ཝ་རྀ་ཥི་ཧ་བྱ་ཀ་བྱ་ཤཱནྟིཾ་ཀུ་རུ་ཡེ་སྭཱ་ཧཱ། དེ་ལྟར་བདུན་ལ་སོགས་པའི་རྗེས་འདོད་གསོལ་སྦྱར་བས་ཕུལ། རྫས་རྫོགས་པ་དང་ཨརྒྷཾ་སོགས་ཀྱིས་ཉེར་སྤྱོད་ཕུལ། བསྟོད་པ་ནི། ཧཱུྃ། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་སྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། ཡུངས་ཀར་ཐབ་ཏུ་ཕུལ་ལ། ན་མོ། རིག་པའི་རྒྱལ་པོ་ཁྱོད་ཀྱིས་སྲེག་བླུག་གི་རྫས་རྣམས་ལྷ་ཡི་ཞལ་དུ་དབུལ་བ་དང༌། ཡེ་ཤེས་ཀྱི་མེར་བྱིན་གྱིས་བརླབས་ནས་ཞི་བའི་ཕྲིན་ལས་ཐམས་ཅད་འགྲུབ་པར་མཛད་དུ་གསོལ། བཛྲ་མུཿ ཡེ་ཤེས་པ་ཐབ་ཀྱི་ཤར་ལྷོར་གཤེགས། དམ་ཚིག་པ་འབར་བའི་རྣམ་པར་གྱུར། གཉིས་པ་ནི། ཐབས་ལ་ལས་ཆུས་བྲན། བསང་སྦྱང༌། ཨ༔ སྐྱེ་མེད་དབྱིངས་ཀྱི་ཆོ་འཕྲུལ་ལས༔ འགགས་མེད་སྒྱུ་འཕྲུལ་རྡོ་རྗེའི་གར༔ ཞི༵་བའི་་་་་རྒྱས་དབང་དྲག་སྦྱར། ཐབས་ཁུང་མཚན་རྫོགས་པ༔ ཡེ་ཤེས་མེ་ལྕེ་འབར་བའི་དབུས༔ ཀློང་ལྔའི་དྭངས་མ་འབྱུང་རིམ་སྟེང་༔ ཡེ་ཤེས་ལྔ་རྫོགས་གཞལ་མེད་ཁང་༔ དུར་ཁྲོད་དྲག་པོའི་བཀོད་པ་ཅན༔ འཇིགས་ཤིང་སྐྱི་གཡའི་ནང་ཁོངས་སུ༔ གནམ་ལྕགས་ཙཀྲ་རྩིབས་བཅུའི་དབུས༔ བདག་ཉིད་མ་བཅོས་རྩ་བའི་ལྷ༔ རྡོ་རྗེ་གཞོན་ནུ་སྐུ་མདོག་མཐིང་༔ ཞལ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་རྔམས་བཞད་གཤེ༔ ཕྱག་དྲུག་ཡེ་ཤེས་རོལ་པའི་རྟགས༔ གཡས་གཉིས་རྡོ་རྗེ་རྩེ་དགུ་ལྔ༔ གཡོན་གཉིས་མེ་ཕུང་ཁ་ཊྭཱཾ་དང་༔ ཐ་མས་རི་རབ་ཕུར་བུ་འདྲིལ༔ ཡུམ་ཆེན་འཁོར་ལོའི་རྒྱས་འདེབས་མ༔ མཐིང་སྐྱ་ཨུཏྤལ་དུང་ཁྲག་བསྣམས༔ དཔལ་དང་དུར་ཁྲོད་རོལ་པའི་ཆས༔ པད་ཉི་ལྷ་ཆེན་ཁྱོ་ཤུགས་སྟེང་༔ ཁམས་གསུམ་ཟིལ་གནོན་ཆེན་པོར་བཞེངས༔ ཧཱུྃ་ཧཱུྃ་ཧཱུྃ༔ རྡོ་རྗེ་ཧཱུྃ་གི་གླུས་བསྐུལ་བས༔ ཡབ་ཡུམ་བཟོད་མེད་བདེ་བ་འབར༔ རྗེས་ཆགས་སྙོམས་ཞུགས་མཁའ་གསང་ནས༔ ཨ་ཧྃ་སྔགས་ཀྱི་སྒྲ་ཆེན་པོས༔ སངས་རྒྱས་སྲས་བཅས་སྤྱན་དྲངས་ཏེ༔ ཞལ་ཞུགས་བྱང་སེམས་ཐིག་ལེར་ཞུ༔ འོད་ཀྱི་གོང་བུ་མཁའ་ནས་སྤྲོས༔ རྩིབས་སྟེང་དཔལ་ཆེན་ཁྲོ་རྒྱལ་བཅུ༔ མཐིང་ནག་ཕུར་འདྲིལ་ཡུམ་དང་འཁྱུད༔ ཟ་གསོད་ཕོ་ཉའི་སྤྲིན་ཕུང་འཕྲོ༔ སྒོ་བཞིར་ཕྲིན་ལས་སྒོ་མ་བཞི༔ མུ་རན་འཇིག་རྟེན་སྐྱོང་བས་བསྐོར༔ གཙོ་བོ་ཡབ་ཡུམ་གནས་ལྔ་རུ༔ སངས་རྒྱས་པདྨ་རྡོ་རྗེ་དང་༔ རིན་ཆེན་ལས་ཀྱི་ཀཱི་ལ་ཡ༔ དཀར་དམར་མཐིང་སེར་ལྗང་གུའི་མདོག༔ ལྷན་སྐྱེས་ཡུམ་དང་བཅས་པར་གསལ༔ གནས་གསུམ་ཨོཾ་ཨཱཿཧཱུྃ་གིས་མཚན༔ རྡོ་རྗེ་གསུམ་དུ་བྱིན་གྱིས་བརླབས༔ བདེ་གཤེགས་དབང་བསྐུར་ཡེ་ཤེས་ལྔ༔ ཁྲག་འཐུང་རིགས་ལྔའི་ཕྱག་རྒྱར་རྫོགས༔ ཨོཾ་ཨཱཿཧཱུྃ༔ ཧཱུྃ་ཨོཾ་ཏྲཱྃ་ཧྲཱིཿཨཱཿ སྤོས་དང་གཡབ་དར་དབྱངས་རོལ་དང་བཅས། ཧཱུྃ༔ སྲིད་པའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་བླང་བྱའི་ཕྱིར༔ ཡེ་ཤེས་ཁྲོ་བོ་གཤེགས་སུ་གསོལ༔ ཁྲོ་རྒྱལ་འཁོར་བཅས་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ བཛྲ་ས་མ་ཡ་ཛ་ཛ༔ བཞུགས་གསོལ་ནི། ཧཱུྃ༔ རྡོ་རྗེ་གཞོན་ནུའི་ལྷ་ཚོགས་རྣམས༔ སྲིད་པ་རྡོ་རྗེར་གྲུབ་མཛོད་ཅིག༔ སྲིད་པ་རྡོ་རྗེ་ཕུར་པའི་ལྷ༔ ཡེ་ཤེས་ཁྲོ་བོ་གྲུབ་པར་མཛོད༔ ཛཿཧཱུྃ་བྃ་ཧོཿ ས་མ་ཡ་ཏིཥྛ་ལྷན༔ ཕྱག་འཚལ་བ་ནི། ཧཱུྃ༔ ཐབས་ཀྱི་སྤྱོད་པས་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་པའི༔ ཁྲག་འཐུང་ཆེན་པོར་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏཱིཙྪ་ཧོཿ མཆོད་པ་འབུལ་བ་ནི། ཧཱུྃཿ བླ་མེད་མཆོག་གི་མཆོད་པ་ནི༔ ཡེ་ཤེས་ལྔ་ཡི་འོད་ཟེར་འཕྲོ༔ ཡུལ་དང་དབང་པོ་གཉིས་མེད་པ༔ བདེ་ཆེན་ལོངས་སྤྱོད་ཆེན་པོར་རོལ༔ ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བི་དྱ་ཤཔྟ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་པཱུ་ཛ་ཧོཿ ཁྱད་པར་དུ་རཀྟ་ཚར་གསུམ་གྱི་མཆོད་པ་ནི། ཕུད་དང་རཀྟ་བསྲེས་ལ་དང་པོ་བཀའ་བསྒོ་བའི་ཕྱིར་ཕུལ་ལ། ཧཱུྃ༔ དངོས་གྲུབ་བར་ཆད་བྱེད་པའི་བགེགས༔ གདུག་ཅིང་སྡང་སེམས་ལྡན་པ་རྣམས༔ ཟུངས་ཤིག་རྒྱོབ་ཅིག་རྣམ་པར་ཆིངས༔ གཏོགས་ཤིག་གྲོགས་དང་བྲལ་བར་གྱིས༔ རེངས་པར་ཁུག་ལ་སྨྲར་ཆུག་ཅིག༔ ཕོབ་ཅིག་རྣམ་པར་གཟིར་བར་གྱིས༔ ང་ཡི་དབང་དུ་གྱུར་ནས་ཀྱང་༔ བསྒོ་བའི་བཀའ་ལ་ཉན་པར་བྱོས༔ མ་ཧཱ་རཀྟ་ཁཱ་ཧི༔ གཉིས་པ་དམ་ཅན་གནད་དུ་དབབ་པའི་ཕྱིར་འབུལ་བ་ནི། ཧཱུྃ༔ བྲན་དང་བཀའ་ཉན་ཕོ་ཉའི་ཚོགས༔ ཁྱེད་ཀྱི་དམ་ཚིག་དུས་ལ་བབ༔ སྔོན་ཆད་ཇི་བཞིན་བཅས་པ་ཡི༔ མངོན་སྤྱོད་ཕྲིན་ལས་མྱུར་དུ་མཛོད༔ མ་ཧཱ་རཀྟ་ཁཱ་ཧིཿ གསུམ་པ་མཐུ་དང་རྫུ་འཕྲུལ་འཕྲོག་པའི་ཕྱིར་འབུལ་བ་ནི། ཧཱུྃ༔ དངོས་གྲུབ་བར་ཆད་བྱེད་པའི་བགེགས༔ གདུག་ཅིང་སྡང་སེམས་ལྡན་པ་རྣམས༔ ལྷའམ་འོན་ཏེ་བདུད་ཀྱང་རུང་༔ ང་ལ་བར་ཆད་བྱེད་པ་རྣམས༔ མཐུ་དང་རྫུ་འཕྲུལ་མེད་པར་གྱིས༔ མ་ཧཱ་རཀྟ་ཁཱ་ཧི༔ བསྟོད་པ་ནི། ཧཱུྃ༔ སྒེག་པ་དཔའ་བ་མི་སྡུག་རྡོ་རྗེའི་སྐུ༔ རྒོད་གཤེ་དྲག་ཤུལ་སྔགས་ཀྱི་སྒྲ་གདངས་ཅན༔ སྙིང་རྗེ་རྔམས་ཞི་ཡེ་ཤེས་སྲོག་ལྡན་པའི༔ ཕྲིན་ལས་འདུས་པའི་ལྷ་ལ་ཕྱག་འཚལ་བསྟོད༔ སྒྲུབ་མཆོད་ལ་སོགས་པའི་སྐབས། གནམ་ལྕགས་ཙཀྲ་རྩིབས་བཅུའི་དབུས༔ ཞེས་པའི་མཚམས་ལས་བྱང་གི་སྤྱན་འདྲེན་བརྗོད་ལ་ལས་རྡོར་གྱིས་ཚོམ་བུ་སྤྱན་དྲངས། སློབ་དཔོན་ལ་གཡས་སུ་བསྐོར་ཏེ་གཡོན་ནས་ཕུལ་བས་རྩ་སྔགས་བརྗོད་ལ་མེ་ཏོག་ཐབ་ཏུ་དོར་བ་ལས། དབུས་སུ་མ་བཅོས་རྩ་བའི་ལྷ། །སོགས་ཀྱིས་ལྷ་ཚོགས་ཡོངས་རྫོགས་བསྐྱེད་ནས་ལས་རིམ་རྣམས་བྱ་དགོས་སོ། །གང་ལྟར་ཡང་བསྟོད་པ་གྲུབ་པ་དང་དགང་བླུགས་ཁ་སྦྱར་ལ། དཀྱིལ་འཁོར་པའི་ལྷ་ཚོགས་རྣམས་ཀྱི་ལྗགས་རྡོ་རྗེའི་སྦུ་གུ་ཅན་གྱིས་སྲེག་བླུགས་ཀྱི་བདུད་རྩིའི་རྒྱུན་དྲངས་ནས་གསོལ་བར་བསམ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ༔ལན་བདུན་དང་བཅས་མར་ཁུ་བླུགས་གཟར་བདུན་གྱིས་བཀང་བ་ཕུལ་རྗེས། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ རྣལ་འབྱོར་པ་བདག་དང་ཡོན་གྱི་བདག་པོའི་དམ་ཚིག་ཉམས་ཆག་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་འདོད་གསོལ་སྦྱར་བ་ཚན་གསུམ་གྱིས་བྱོན་སྐྱེམས་ཕུལ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ ཤཱནྟིཾ་ཀུ་རུ་ཡེ་སྭཱ་ཧཱ། ཞེས་བཏགས་པས་ཡམ་ཤིང༌། མར་ཁུ། རྫས་སྤུངས་རྣམས་བརྒྱ་རྩ་སོགས་དང༌། བསྙེན་སྒྲུབ་ཀྱི་ཁ་སྐོང་ལ་ཏིལ་ཁོ་ན་བསྙེན་གྲངས་གང་ཐེམ་དེའི་བཅུ་ཆ་ཕུལ། སོ་སོར་གྲངས་ཇི་ལྟར་རིགས་པའི་མཚམས་སུ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ རྣལ་འབྱོར་པ་བདག་དང་ཡོན་གྱི་བདག་པོའི་དམ་ཚིག་ཉམས་ཆག་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་འདོད་གསོལ་སྦྱར། དེ་དག་གི་ཚེ་དམིགས་པ་ནི། དཀྱིལ་འཁོར་གྱི་ལྷ་ཚོགས་ཐམས་ཅད་ལ་སྲེག་བླུག་གི་མཆོད་པ་ཕུལ་བས་ཐུགས་དགྱེས་པ་ཆེན་པོའི་རང་བཞིན་ལས་བྱུང་བའི་འོད་ཟེར་དཀར་པོས་འཇིག་རྟེན་གྱི་ཁམས་ཐམས་ཅད་ཁྱབ། སངས་རྒྱས་ཐམས་ཅད་ལ་མཉེས་པའི་མཆོད་པ་ཕུལ། སེམས་ཅན་མ་ལུས་པའི་སྒྲིབ་གཉིས་རྒྱུ་དང་བཅས་པ་ཞི་བར་མཛད་པར་བསམ། མཐར་རྫས་ཐམས་ཅད་རྫོགས་པ་དང༌། མེ་ཏོག་དཀར་པོ་ཐབ་ཏུ་ཕུལ་ལ། །ཡེ་ཤེས་མེ་དང་གཉིས་མེད་འབར་བ་ཡི། །ཕྱག་རྒྱ་ཆེན་པོ་བསྲེག་བྱ་ཟ་བའི་ཞལ། །སྲེག་རྫས་བདུད་རྩིའི་མཆོད་པས་མཉེས་གྱུར་ནས། །ཞི་བའི་་་་་་་་་་རྒྱས་པའི། དབང་གི །མངོན་སྤྱོད་ཕྲིན་ལས་ཞེས་བསྒྱུར། ཕྲིན་ལས་ལྷུན་གྱིས་གྲུབ་པར་མཛོད། །ཅེས་ལན་གསུམ་གྱིས་ཕྲིན་ལས་གསོལ། གང་ལ་རེག་ན་འཇམ་པའི་ལྷ་རྫས་ཀྱང༌། །དབང་པོའི་ཚོན་གྱིས་བསྒྱུར་བའི་སྨིག་རྒྱུ་ཡིས། །བར་སྣང་ཟ་འོག་བཅལ་དུ་བཀྲམས་པ་ལྟར། །འབར་བས་འགྲོ་ཀུན་བཟོད་པའི་གོས་ཐོབ་ཤོག །ཨོཾ་བཛྲ་ཝསྟྲ་ཡེ་སྭཱ་ཧཱ། ཞེས་དང༌། ཨོཾ་བཛྲ་ཏཾ་བུ་ལ་ཡེ་སྭཱ་ཧཱ། ཞེས་པས་རྡོ་ཐལ་མེད་པའི་སོ་རྩི་འཇམ་པོ་ཕུལ། གཏང་རག་གི་མཆོད་བསྟོད་ནི། ཧཱུྃཿ བླ་མེད་མཆོག་གི་མཆོད་པ་ནི༔ ཡེ་ཤེས་ལྔ་ཡི་འོད་ཟེར་འཕྲོ༔ ཡུལ་དང་དབང་པོ་གཉིས་མེད་པ༔ བདེ་ཆེན་ལོངས་སྤྱོད་ཆེན་པོར་རོལ༔ ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བི་དྱ་ཤཔྟ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་པཱུ་ཛ་ཧོཿ བསྟོད་པ་ནི། ཧཱུྃ༔ སྒེག་པ་དཔའ་བ་མི་སྡུག་རྡོ་རྗེའི་སྐུ༔ རྒོད་གཤེ་དྲག་ཤུལ་སྔགས་ཀྱི་སྒྲ་གདངས་ཅན༔ སྙིང་རྗེ་རྔམས་ཞི་ཡེ་ཤེས་སྲོག་ལྡན་པའི༔ ཕྲིན་ལས་འདུས་པའི་ལྷ་ལ་ཕྱག་འཚལ་བསྟོད༔ དངོས་གྲུབ་བསྐུལ་བ་ནི། འཇིགས་པ་བརྒྱད་སོགས་ཞི་བའི་དངོས་གྲུབ་སྩོལ། །འབྱོར་པ་དྲུག་ལྡན་རྒྱས་པའི་དངོས་གྲུབ་སྩོལ། །མོས་པ་རྣམ་བཞི་དབང་གི་དངོས་གྲུབ་སྩོལ། །དགྲ་བགེགས་ཚར་གཅོད་དྲག་པོའི་དངོས་གྲུབ་སྩོལ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཧོཿ ཞེས་དངོས་གྲུབ་ཀྱང་བླངས། དཀྱིལ་འཁོར་པའི་ལྷ་ཚོགས་རྣམས་ཀྱི་ལྗགས་རྡོ་རྗེའི་སྦུ་གུ་ཅན་གྱིས་སྲེག་བླུགས་ཀྱི་བདུད་རྩིའི་རྒྱུན་དྲངས་ནས་གསོལ་བར་བསམ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ༔ལན་བདུན་དང་བཅས་མར་ཁུ་བླུགས་གཟར་བདུན་གྱིས་བཀང་བ་ཕུལ་རྗེས། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ རྣལ་འབྱོར་པ་བདག་དང་ཡོན་གྱི་བདག་པོའི་དམ་ཚིག་ཉམས་ཆག་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་གཤེགས་སྐྱེམས་དགང་བླུག་ཚན་གསུམ་ཕུལ། མ་འབྱོར་པ་དང་ཉམས་པ་དང༌། སོགས་ཀྱི་མཐར་ཡིག་བརྒྱས་ནོངས་པ་བཤགས། ཨོཾ། ཁྱེད་ཀྱིས་སེམས་ཅན་སོགས་མཐར། བཛྲ་མུཿས་ཡེ་ཤེས་པ་གཤེགས་སུ་གསོལ། སྒྲུབ་མཆོད་སྐབས། དཀྱིལ་འཁོར་པའི་ལྷ་ཚོགས་དགྱེས་པ་ཆེན་པོས་སྒྲུབ་པའི་དཀྱིལ་འཁོར་དང་གཉིས་སུ་མེད་པར་གཤེགས་པར་བསམས་ལ་ཚོམ་བུའི་མཎྜལ་སྒྲུབ་ཁང་དུ་སྤྱན་དྲངས། གསུམ་པ་ནི། བསང་སྦྱངས། དམ་ཚིག་མེ་ལྷ་རང་བཞིན་ཡོངས་སུ་རྫོགས་པར་གསལ་བའི་གནས་གསུམ་ལས་འོད་ཟེར་འཕྲོས་པས་ཡེ་ཤེས་པ་བཛྲ་ས་མཱ་ཡ་ཛཿ ཛཿཧཱུྃ་བྃ་ཧོཿ མེ་ལྷ་ཞལ་གདངས་པའི་ལྗགས་རྡོ་རྗེའི་སྦུ་གུས་སྲེག་བླུག་གི་རྒྱུན་དྲངས་ཏེ་གསོལ་བར་བསམས་ལ། ཨོཾ་ཨགྣ་ཡེ་སྭཱ་ཧཱ། ཞེས་མར་ཁུ་བླུགས་གཟར་བདུན་གྱིས་བཀང་བའི་དགང་བླུགས་ཁ་སྦྱར་ལ། ཨོཾ་ཨགྣ་ཡེ་བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་ཉེས་ལྟུང་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། བྱོན་སྐྱེམས་དགང་བླུགས་གསུམ་ཕུལ། ཨོཾ་བི་མ་ལ་ཨགྣ་ཡེ་སྭཱ་ཧཱ། ལན་གསུམ་གྱིས་གོས་ཟུང་དང་སོ་རྩི་ཕུལ། མེ་གསོས་ཏེ་གཏང་རག་གི་ཚུལ་དུ་རྫས་ལྷག་མ། ཡམ་ཤིང༌། ཨོཾ་བྷོ་དྷི་བྷྲྀཀྵ་ཡ་སྭཱ་ཧཱ། མར་ཁུ། ཨོཾ་ཨགྣ་ཡེ་སྭཱ་ཧཱ། རྫས་སྤུངས། ཨོཾ་ཨགྣི་དེ་ཝ་རྀ་ཥི་ཧ་བྱ་ཀ་བྱ་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་ལན་གསུམ་སོགས་ཕུལ་ལ་སོ་སོའི་འཇུག་ཏུ། ཨོཾ་ཨགྣ་ཡེ་རྀ་ཥི་རཱ་ཛཱ་ཡ། བདག་ཅག་དཔོན་སློབ་ཡོན་མཆོད་ཐམས་ཅད་ཀྱི་ཆོ་ག་ལྷག་ཆད་འགལ་འཁྲུལ་ཉམས་ཆགས་ཉེས་ལྟུང་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་སྦྱར་བས་ཕུལ། ཨརྒྷཾ་སོགས་ཀྱིས་ཉེར་སྤྱོད་ཕུལ། བསྟོད་པ་ནི། ཧཱུྃ། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་སྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། ཨ་ཀཱ་རོས་གཏོར་མ་བསྔོས་ལ། མཆོད་སྦྱིན་གཏོར་མ་སོགས་ཀྱིས་ཕྲིན་ལས་བཅོལ། ནོངས་པ་བཤགས། གཤེགས་སུ་གསོལ་བ་ནི། དོན་གཉིས་སྒྲུབ་པའི་མེ་ཡི་ལྷ། །རང་རང་ཡུལ་དུ་གཤེགས་ནས་ཀྱང༌། །སླར་ཡང་ཕྲིན་ལས་བསྒྲུབ་པའི་ཕྱིར། །དུས་སུ་འབྱོན་པར་མཛད་དུ་གསོལ། །བཛྲ་མུཿས་ཡེ་ཤེས་པ་གཤེགས། དམ་ཚིག་པ་ལྟེ་བའི་ཨ་ཐུང་ལ་ཐིམ། དགེ་བ་བསྔོ་ཞིང་སྨོན་ལམ་གདབ་པ་ཤིས་བརྗོད་བཅས་ལས་བྱང་ལྟར་བྱས་པས་གྲུབ་པའོ། །ཞི་བ་ལ་མེ་རང་ཞིར་འཇོག །ལོང་ཁྱབ་ཀྱིས་མ་ཁོམས་ན་འོ་མའི་ཆུས་བཏུལ་ལ། ཨ་ཀཱ་རོ་བརྗོད་ལ་ཐལ་སོལ་རྒྱ་མཚོ་ཆེན་པོར་བསྐྱལ་བར་བྱའོ། །དེ་དག་ནི་ཕྱི་དོན་དུ་གཙོ་བོར་སྨོས་པའི་སྦྱིན་སྲེག་གི་ཆོ་ག་སྙིང་པོ་སྟེ། གཞན་དུ་ན་ཚིམ་པ་དྲུག་ལྡན་གྱི་ཚོགས་ཀྱི་འཁོར་ལོ་དང༌། རྡོ་རྗེའི་ལུས་ལ་གདོད་ནས་གྲུབ་པའི་ཉེ་བའི་འདུ་བ་ལྷན་སྐྱེས་བདེ་སྟོང་བདུད་རྩིའི་མཆོད་པ་གསང་བའི་སྲེག་བླུག་གི་ཆོ་ག་རྣམས་ཀྱང་སྐབས་སུ་གང་བབས་ཉམས་སུ་ལེན་པར་གཅེས་སོ། ༈ །གཉིས་པ་རྒྱས་པའི་སྦྱིན་སྲེག་ནི། སྔོན་དངོས་རྗེས་ཀྱི་ཆིངས་ཞི་བའི་སྐབས་ལྟར་ལ། རྒྱལ་པོའི་བང་མཛོད་ཀྱི་ས་ལས་ཐབ་སྟེགས་སེར་པོ་གྲུ་བཞི་ལ་དབུས་དང་ཁ་ཁྱེར་གྲྭ་བཞི་བཅས་ལ་ནོར་བུ་འབར་བས་མཚན་པའི་ཐབ་སེར་པོ་ཚོན་དམར་པོས་བཅད་པར་འབྲས་བུ་ཅན་གྱི་ཤིང་གིས་གྲུ་བཞི་པར་བརྩིགས། ཡམ་ཤིང་ཡང་དེ་མཚུངས་མར་ཁུ་དྲི་བཟང་གིས་སེར་པོར་བསྒྱུར། གཏོར་མ་གྲུ་བཞི་སེར་པོ། ལྟར་ཁ་དང་གུར་གུམ་སོགས་མེ་ཏོག་སེར་པོ། དཱུརྺ་དང་དར་ཟབ་གཙོ་བོར་གྱུར་པའི་རྫས་རྣམས་དང༌། སྣོད་གསེར་ལ་སོགས་པའི་སེར་པོ་འབའ་ཞིག་བྱ། དུས་སྟོན་ར་དང་ཉིན་གུང་ལ་བསྔགས། སློབ་དཔོན་ཆས་གོས་སེར་པོ་རིན་པོ་ཆེའི་རྒྱན་དང་བཅས་ཁྲིའུ་སེར་པོའི་སྟེང་བཟང་པོའི་སྟབས་ཀྱིས་ཞལ་བྱང་དུ་ཕྱོགས་པར་བཞུགས། རྒྱལ་པོའི་ཕོ་བྲང་ལས་བྱུང་བའི་མེ་སྦར། འདོད་གསོལ། བདག་དང་སེམས་ཅན་ཐམས་ཅད་ཀྱི་ཚེ་བསོད་དཔལ་འབྱོར་ཐམས་ཅད་པུཥྟིཾ་ཀུ་རུ་ཡེ་སྭཱ་ཧཱ། གྲངས་བསགས་ཀྱི་རྩ་སྔགས་ལ། པུཥྟིཾ་ཀུ་རུ་ཨོཾ། དམིགས་པའི་སྐབས་འོད་ཟེར་སྤྲོ་བསྡུའི་རྗེས། འོད་ཟེར་སེར་པོའི་ཚོགས་གསེར་ཞུན་འཁྱིལ་བ་ལྟ་བུས་རང་དང་བསྲུང་བྱ་ལ་ཕོག་པས་ཚེ་བསོད་བཀྲག་མདངས་ཉམས་རྟོགས་ཡེ་ཤེས་ཡོན་ཏན་ཕྲིན་ལས་ཐམས་ཅད་རྒྱས་པར་བསམས། རྗེས་མེ་རང་ཞིའམ་དྲི་སེར་པོའི་ཆུས་བཏུལ། ཐལ་བ་མཛོད་དུ་གཏེར་བུམ་ལ་བཙལ་ཏེ་སྦ་བར་གསུངས་སོ། ༈ །གསུམ་པ་དབང་གིས་སྦྱིན་སྲེག་ནི། ཡིད་མཐུན་པའི་མཛའ་བཤེས་སམ་སྨད་ཚོང་མ་ཉལ་པོ་བྱས་པའི་མལ་འོག་གི་ས་ལ་སྟེགས་བུ་དམར་པོ་ཟླ་གམ་ལ་དབུས་དང་ཁ་ཁྱེར་གྲྭ་བཞི་བཅས་ལ་ལྕགས་ཀྱུ་ཁ་ཕྱིར་བསྟན་དང་པདྨའི་ཕྲེང་བས་བསྐོར་བ་ཚོན་སེར་པོས་བཅད། ཙནྡན་དམར་པོ་དང་མཛོ་མོ་ཤིང་སོགས་རོ་སྐྱུར་མདོག་དམར་བའི་བུད་ཤིང་ཟླ་གམ་དུ་བརྩིགས། ཡམ་ཤིང་དེ་མཚུངས་དང་མར་ཁུ་ཡང་དམར་པོ་བྱ། གཏོར་མ་ཟླ་གམ་དམར་པོ། ཙནྡན་དམར་པོ་དང༌། མཛོ་མོ་ཤིང་སོགས་རོ་སྐྱུར་བ་དང་སྣུམ་པའི་བཟའ་བཅའ་གཙོར་གྱུར་གྱི་རྫས་སྤུངས། སྣོད་དང་རྫས་རྣམས་ཟངས་སོགས་ཁ་དོག་དམར་པོའི་རིགས་བྱ། སློབ་དཔོན་ཆས་གོས་དམར་པོ་བྱེ་རུ་ལ་སོགས་པའི་རྒྱན་དང་བཅས་ཆགས་པའི་སེམས་ཀྱིས་པདྨའི་སྐྱིལ་ཀྲུང་གིས་ཁ་ནུབ་ཏུ་ཕྱོགས་པར་འཁོད་དུས་དཔྱིད་རའམ་ཉི་མྱུར་ལ་བསྔགས། སྨད་ཚོང་མའི་ཁྱིམ་ལས་བྱུང་བའི་མེ་སྦར། འདོད་གསོལ། བདག་སྒྲུབ་པ་པོས་ཁམས་གསུམ་སྣོད་བཅུད་ཐམས་ཅད་ཝ་ཤཾ་ཀུ་རུ་ཡེ་སྭཱ་ཧཱ། གྲངས་བསགས་རྩ་སྔགས་ལ་ཝ་ཤཾ་ཀུ་རུ་ཧྲཱིཿ དམིགས་པའི་སྐབས། ཐུགས་བདེ་སྟོང་ཆགས་པ་ཆེན་པོའི་རང་བཞིན་ལས་བྱུང་བའི་འོད་ཟེར་དམར་པོ་ལྕགས་ཀྱུའི་རྡུལ་ཅན་ཉི་ཟེར་ལྟར་འཕྲོས་པས་ཁམས་གསུམ་སྲིད་གསུམ་འཇིག་རྟེན་དང་འཇིག་རྟེན་ལས་འདས་པའི་དཔལ་འབྱོར་དངོས་གྲུབ་རྣམ་ཤེས་ཡེ་ཤེས་ཐམས་ཅད་དབང་དུ་བསྡུས་པར་བསམས། མེ་རང་ཞིའམ་ཆང་དང་ཙནྡན་གྱི་ཆུས་བསད། ཐལ་བ་རི་རྩེར་རླུང་ལ་ཕྱར་བའོ། ༈ །བཞི་པ་དྲག་པོའི་སྦྱིན་སྲེག་ནི། རྡོ་རྗེ་ཐབ་ཀྱི་ཁུང་བུ་རུ༔ ཞལ་དུ་གྱུར་པའི་མེ་སྦར་ལ༔ ལྷར་བསྐྱེད་དགྲ་བགེགས་དགུག་ཅིང་གཟིར༔ རྡོ་རྗེ་མེ་ཡི་དབལ་གྱིས་བསྲེགས༔ ཞེས་གསུངས་པ་ལྟར་གཏེར་གཞུང་རྩ་བའི་དངོས་བསྟན་ཏེ། ཕུང་སའི་སྟེགས་བུ་གྲུ་གསུམ་པར་རོ་སོལ་བྱུགས་པའི་སྟེང་མ་ཊཾ་གཟུགས་ཀྱི་ལྟོ་བར་གྲུ་གསུམ་གྱི་ལྟེ་བར་འཁོར་ལོ་རྩིབས་བཅུའི་དབུས་ཆོས་འབྱུང་རཾ་གྱིས་མཚན་པ་ལ་ཚེར་མ་ཅན་གྱི་ཤིང་ངམ་དུག་ཤིང་དུག་ཁྲག་གིས་སྦགས་པ་གྲུ་གསུམ་བརྩིགས། ཐབ་ཀྱི་ཟུར་གསུམ་དུ་ཤིང་གསུམ་མཆེ་བའི་ཚུལ་དུ་བསླང༌། དྲག་པོའི་ཤིང་གི་ཡམ་ཤིང་དུག་ཁྲག་གིས་ཉུག་པ། ཚ་བ་གསུམ་དང་ཁྲག་སྣ་སྦྱར་བའི་མར་ནག་གི་ཁུ་བ། གཏོར་མ་གྲུ་གསུམ་ནག་པོ། དྲག་པོ་ལ་ཁྱད་པར་གྱི་རྫས་དུག་ཤོག་ལ་དགྲ་བགེགས་ཀྱི་རཱུ་པ་མིང་རུས་བླ་དྭགས་གནས་ཡིག་དང་བཅས་པ། ཤ་སྣ་བག་ཕྱེ་དང་བསྲེས་པའི་རིལ་བུ་མིང་རུས་ཅན། སྦལ་སྦྲུལ་ཉ་ཁྱི་ལ་སོགས་པའི་ཤ་དུག་སྣ་དང་བསྲེས་པའི་རིལ་བུ། ལྕགས་ཟངས་རྡོའི་ཕྱེ་མ། ཏིལ་དང་ཡུངས་དཀར་ཚ་བ་གསུམ་སོགས་ཕྱོགས་གཅིག་ཏུ་བསྡུས་པ་རྣམས་བསགས། སྣོད་དང་རྫས་སོགས་ཀྱང་ཁ་དོག་ནག་པོ་དབྱིབས་གྲུ་གསུམ་པ་ཤ་སྟག་བྱ། གཞན་ཡང་གོས་ཟུང་སོ་རྩི་སོགས་འོག་ཏུ་དགོས་པའི་ཡོ་བྱད་ཐམས་ཅད་ཞི་བའི་སྐབས་ལྟར་ཚོགས་པར་བྱའོ། །སློབ་དཔོན་ཆས་གོས་ནག་པོ་རུས་པའི་རྒྱན་དང་ལྡན་པས་དུར་ཁྲོད་ཀྱི་རས་ལ་ཞིང་ཆེན་བྲིས་པའི་སྟེང་ཁ་ལྷོར་བལྟ་བས་འཁོད། ཁྲོས་པའི་སེམས་དང་ལྡན་པས་ཙོག་པུར་འདུག །གཉིས་པ་དངོས་གཞི་ལ་གསུམ། འཇིག་རྟེན་པའི་མེ་ལྷ་མཆོད་པ། དཀྱིལ་འཁོར་གྱི་འཁོར་ལོ་མཆོད་པ། མེ་ལྷར་གཏང་རག་འབུལ་བའོ། །དང་པོ་ནི། རབ་གནས་དང་སྒྲུབ་མཆོད་སོགས་ལ་དཀྱིལ་འཁོར་གྱི་གཙོ་བོ་ལས་རང་མར་མེ་གཅིག་ལས་གཉིས་མཆེད་དུ་ཞལ་གཅིག་ཕྱག་གཉིས་པའི་རྣམ་པར་ལྡང་བ་དང༌། སྦྱིན་སྲེག་ཁོ་ནའི་སྐབས་བདག་ཉིད་ལྷ་ཡི་རྣལ་འབྱོར་བཟླས་པ་བཅས་གྲུབ་པའི་རྗེས་འདི་ལ་འཇུག །བདུད་རྩི་འཁྱིལ་བའི་སྔགས་ཀྱིས་ལས་བུམ་གྱི་ཆུ་བྱིན་གྱིས་བརླབས། རྡོ་དྲིལ་བསང་སྦྱང༌། ཧཱུྃ། ཐབས་ཤེས་ཟུང་འཇུག་ཆོས་ཉིད་མཚོན། །འདས་དུས་འགྲོ་རྣམས་སད་པ་དང༌། །འགྲོ་རྣམས་སྨིན་པར་བྱ་བའི་ཕྱིར། །རྡོ་རྗེ་གསོར་ཞིང་དྲིལ་བུ་དཀྲོལ། ཨོཾ་བཛྲ་གཎྜེ་ཧཱུྃ་ཨཱཿ ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་ལ་རྡོ་རྗེ་གསོར། དྲིལ་བུ་དཀྲོལ། འཁྱུད་རྒྱ་བྱ། ཡོ་བྱད་རྣམས་ལ་དམིགས་ཏེ། བསང་སྦྱང༌། སྟོང་པའི་ངང་ལས་མཆོད་རྫས་དང་བསྲེག་རྫས་རྣམས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་འོད་དུ་ཞུ་བ་ལས་བྱུང་བའི་རྫས་སོ་སོའི་དངོས་པོ་བདུད་རྩིའི་རང་བཞིན་ཅན་ཟད་མི་ཤེས་པར་གྱུར། ཨོཾ་བཛྲ་ཨརྒྷཾ་སོགས་དང༌། ཨོཾ་ཧཱུྃ་ཏྲཱྃ་ཧྲཱིཿཨཱཿ མཱུྃ་ལཱྃ་མཱྃ་པཱྃ་ཏཱྃ༔ སརྦ་ཛྙཱ་ན་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་བྷོ་དྷི་ཙིཏྟ་ཨཱཿཧཱུྃ། ཞེས་བརྗོད། དེ་ནས་ཐབ་བསང་སྦྱང༌། ཆོས་རྣམས་སྐྱེ་མེད་རྣམ་ཀུན་མཆོག་ལྡན་དབྱིངས། །སྣ་ཚོགས་སྒྱུ་འཕྲུལ་འགགས་མེད་རྡོ་རྗེའི་སྤྲིན། །དྲག་པོའི་ཕྲིན་ལས་ཡོངས་རྫོགས་ཐབ་ཀྱི་དབུས། །གོས་དཀར་ཌཱ་ཀིའི་ངོ་བོར་རོ་གཅིག་པའི། །ཆགས་བྲལ་བདེ་བ་ཆེན་པོའི་མེ་དཔུང་འབར། ཨོཾ་སརྦ་ཛྙཱ་ན་ཛྭ་ལ་རཾ། གདོལ་བཤན་དམེ་ཡུགས་ཀྱི་ལག་ནས་བྱུང་བའི་མེ་སྦར། ལས་བུམ་གྱི་ཆུས་བསང་ལ། ཨོཾ། །ཀུ་ཤ་འདི་ནི་གཙང་ཞིང་དགེ །ས་ལས་སྐྱེས་པའི་སྙིང་པོ་མཆོག །དཀོན་མཆོག་གསུམ་གྱི་དག་བྱེད་ཡིན། །ཚངས་པའི་ཡང་དག་བྱེད་པ་སྟེ། །དེ་ཡིས་བདག་ཅག་ཐམས་ཅད་ལ། །བགེགས་རྣམས་ཐམས་ཅད་ཞི་བར་མཛོད། སྭཱ་ཧཱ། ཞེས་ལན་བརྒྱད་བརྗོད་ལ་ཤར་ནས་བརྩམས་ཕྱོགས་མཚམས་རྣམས་སུ་བཀྲམས། དེ་དབུས་རྃ་ཡིག་ཡོངས་གྱུར་མེ་ལྷ་ནི། །དྲག་པོའི་རྒྱན་རྫོགས་འོད་ཟེར་ཕྲེང་བས་དཀྲིགས། །ཞལ་གཅིག་ཕྱག་གཉིས་བགྲང་ཕྲེང་གུནྡྷེ་བསྣམས། །སྐུ་གསུང་ཐུགས་ལ་རྡོ་རྗེ་འབྲུ་གསུམ་མཚན། །དེ་ལས་འོད་འཕྲོས་དམ་ཚིག་སྤྱན་དྲངས་བསྟིམ། སྤྱན་འདྲེན་པ་ནི། དབྱུ་གུ་རྩེ་གསུམ་པའི་རྒྱས་མེ་དར་གཡབ་ལ། ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་འབྱུང་པོ་ཆེ། །མེ་ལྷ་དྲང་སྲོང་བྲམ་ཟེ་མཆོག །འདི་ཉིད་དུ་ནི་གཤེགས་སུ་གསོལ། ཨགྣི་རཱ་ཛ་རྀ་ཥི་བཛྲ་ས་མ་ཡ་ཛཿ ཛཿཧཱུྃ་བྃ་ཧོཿ ཨརྒྷཾ་སོགས་ཀྱིས་ཉེར་སྤྱོད་ཕུལ། བསྟོད་པ་ནི། ཧཱུྃ། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་སྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། བྱོན་སྐྱེམས་ནི། མེ་ལྷ་ཞལ་གདངས་པའི་ལྗགས་རྡོ་རྗེའི་སྦུ་གུས་སྲེག་བླུག་གི་རྒྱུན་དྲངས་ཏེ་གསོལ་བར་བསམས་ལ། ཨོཾ་ཨགྣ་ཡེ་སྭཱ་ཧཱ། ཞེས་མར་ཁུ་བླུགས་གཟར་བདུན་གྱིས་བཀང་བའི་དགང་བླུགས་ཁ་སྦྱར་ལ། ཨོཾ་ཨགྣ་ཡེ་བདག་དང་ཡོན་གྱི་བདག་པོའི་གནོད་བྱེད་དགྲ་བགེགས་བྱད་མ་རྦོད་གཏོང་དང་བཅས་པ་ཐམས་ཅད་མཱ་ར་ཡ་ཕཊ། ཞེས་འདོད་གསོལ་སྦྱར་བ་ཚན་གསུམ་གྱིས་ཕུལ། དེ་ནས་རྫས་གཞན་ལག་གིས་བཟུང་དུ་བཏུབ་པ་རྣམས་མཐེབ་སྲིན་གྱིས་དབུལ། གཞན་རྣམས་བླུགས་གཟར་གྱིས་ཕུལ་ཏེ་སྔགས་ནི། ཡམ་ཤིང་ལ། ཨོཾ་བྷོ་དྷི་བྷྲྀཀྵ་ཡ་སྭཱ་ཧཱ། མར་ཁུ། ཨོཾ་ཨགྣ་ཡེ་སྭཱ་ཧཱ། རྫས་སྤུངས། ཨོཾ་ཨགྣི་དེ་ཝ་རྀ་ཥི་ཧ་བྱ་ཀ་བྱ་སརྦ་དུཥྟཱན་མཱ་ར་ཡ་ཕཊ། དེ་ལྟར་བདུན་ལ་སོགས་པའི་རྗེས། ཨོཾ་ཨགྣ་ཡེ་བདག་དང་ཡོན་གྱི་བདག་པོའི་གནོད་བྱེད་དགྲ་བགེགས་བྱད་མ་རྦོད་གཏོང་དང་བཅས་པ་ཐམས་ཅད་མཱ་ར་ཡ་ཕཊ། ཞེས་འདོད་གསོལ་སྦྱར་བས་ཕུལ། རྫས་རྫོགས་པ་དང་ཨརྒྷཾ་སོགས་ཀྱིས་ཉེར་སྤྱོད་ཕུལ། བསྟོད་པ་ནི། ཧཱུྃ། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་སྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། ཡུངས་ཀར་ཐབ་ཏུ་ཕུལ་ལ། ན་མོ། རིག་པའི་རྒྱལ་པོ་ཁྱོད་ཀྱིས་སྲེག་བླུག་གི་རྫས་རྣམས་ལྷ་ཡི་ཞལ་དུ་དབུལ་བ་དང༌། ཡེ་ཤེས་ཀྱི་མེར་བྱིན་གྱིས་བརླབས་ནས་དྲག་པོ་མངོན་སྤྱོད་ཀྱི་ཕྲིན་ལས་ཐམས་ཅད་འགྲུབ་པར་མཛད་དུ་གསོལ། བཛྲ་མུཿ ཡེ་ཤེས་པ་ཐབ་ཀྱི་ཤར་ལྷོར་གཤེགས། དམ་ཚིག་པ་འབར་བའི་རྣམ་པར་གྱུར། གཉིས་པ་ནི། ཐབས་ལ་ལས་ཆུས་བྲན། བསང་སྦྱང༌། ཨ༔ སྐྱེ་མེད་དབྱིངས་ཀྱི་ཆོ་འཕྲུལ་ལས༔ འགགས་མེད་སྒྱུ་འཕྲུལ་རྡོ་རྗེའི་གར༔ དྲག་པོའི་ཐབས་ཁུང་མཚན་རྫོགས་པ༔ ཡེ་ཤེས་མེ་ལྕེ་འབར་བའི་དབུས༔ ཀློང་ལྔའི་དྭངས་མ་འབྱུང་རིམ་སྟེང་༔ ཡེ་ཤེས་ལྔ་རྫོགས་གཞལ་མེད་ཁང་༔ དུར་ཁྲོད་དྲག་པོའི་བཀོད་པ་ཅན༔ འཇིགས་ཤིང་སྐྱི་གཡའི་ནང་ཁོངས་སུ༔ གནམ་ལྕགས་ཙཀྲ་རྩིབས་བཅུའི་དབུས༔ བདག་ཉིད་མ་བཅོས་རྩ་བའི་ལྷ༔ རྡོ་རྗེ་གཞོན་ནུ་སྐུ་མདོག་མཐིང་༔ ཞལ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་རྔམས་བཞད་གཤེ༔ ཕྱག་དྲུག་ཡེ་ཤེས་རོལ་པའི་རྟགས༔ གཡས་གཉིས་རྡོ་རྗེ་རྩེ་དགུ་ལྔ༔ གཡོན་གཉིས་མེ་ཕུང་ཁ་ཊྭཱཾ་དང་༔ ཐ་མས་རི་རབ་ཕུར་བུ་འདྲིལ༔ ཡུམ་ཆེན་འཁོར་ལོའི་རྒྱས་འདེབས་མ༔ མཐིང་སྐྱ་ཨུཏྤལ་དུང་ཁྲག་བསྣམས༔ དཔལ་དང་དུར་ཁྲོད་རོལ་པའི་ཆས༔ པད་ཉི་ལྷ་ཆེན་ཁྱོ་ཤུགས་སྟེང་༔ ཁམས་གསུམ་ཟིལ་གནོན་ཆེན་པོར་བཞེངས༔ ཧཱུྃ་ཧཱུྃ་ཧཱུྃ༔ རྡོ་རྗེ་ཧཱུྃ་གི་གླུས་བསྐུལ་བས༔ ཡབ་ཡུམ་བཟོད་མེད་བདེ་བ་འབར༔ རྗེས་ཆགས་སྙོམས་ཞུགས་མཁའ་གསང་ནས༔ ཨ་ཧྃ་སྔགས་ཀྱི་སྒྲ་ཆེན་པོས༔ སངས་རྒྱས་སྲས་བཅས་སྤྱན་དྲངས་ཏེ༔ ཞལ་ཞུགས་བྱང་སེམས་ཐིག་ལེར་ཞུ༔ འོད་ཀྱི་གོང་བུ་མཁའ་ནས་སྤྲོས༔ རྩིབས་སྟེང་དཔལ་ཆེན་ཁྲོ་རྒྱལ་བཅུ༔ མཐིང་ནག་ཕུར་འདྲིལ་ཡུམ་དང་འཁྱུད༔ ཟ་གསོད་ཕོ་ཉའི་སྤྲིན་ཕུང་འཕྲོ༔ སྒོ་བཞིར་ཕྲིན་ལས་སྒོ་མ་བཞི༔ མུ་རན་འཇིག་རྟེན་སྐྱོང་བས་བསྐོར༔ གཙོ་བོ་ཡབ་ཡུམ་གནས་ལྔ་རུ༔ སངས་རྒྱས་པདྨ་རྡོ་རྗེ་དང་༔ རིན་ཆེན་ལས་ཀྱི་ཀཱི་ལ་ཡ༔ དཀར་དམར་མཐིང་སེར་ལྗང་གུའི་མདོག༔ ལྷན་སྐྱེས་ཡུམ་དང་བཅས་པར་གསལ༔ གནས་གསུམ་ཨོཾ་ཨཱཿཧཱུྃ་གིས་མཚན༔ རྡོ་རྗེ་གསུམ་དུ་བྱིན་གྱིས་བརླབས༔ བདེ་གཤེགས་དབང་བསྐུར་ཡེ་ཤེས་ལྔ༔ ཁྲག་འཐུང་རིགས་ལྔའི་ཕྱག་རྒྱར་རྫོགས༔ ཨོཾ་ཨཱཿཧཱུྃ༔ ཧཱུྃ་ཨོཾ་ཏྲཱྃ་ཧྲཱིཿཨཱཿ སྤོས་དང་གཡབ་དར་དབྱངས་རོལ་དང་བཅས། ཧཱུྃ༔ སྲིད་པའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་བླང་བྱའི་ཕྱིར༔ ཡེ་ཤེས་ཁྲོ་བོ་གཤེགས་སུ་གསོལ༔ ཁྲོ་རྒྱལ་འཁོར་བཅས་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ བཛྲ་ས་མ་ཡ་ཛ་ཛ༔ བཞུགས་གསོལ་ནི། ཧཱུྃ༔ རྡོ་རྗེ་གཞོན་ནུའི་ལྷ་ཚོགས་རྣམས༔ སྲིད་པ་རྡོ་རྗེར་གྲུབ་མཛོད་ཅིག༔ སྲིད་པ་རྡོ་རྗེ་ཕུར་པའི་ལྷ༔ ཡེ་ཤེས་ཁྲོ་བོ་གྲུབ་པར་མཛོད༔ ཛཿཧཱུྃ་བྃ་ཧོཿ ས་མ་ཡ་ཏིཥྛ་ལྷན༔ ཕྱག་འཚལ་བ་ནི། ཧཱུྃ༔ ཐབས་ཀྱི་སྤྱོད་པས་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་པའི༔ ཁྲག་འཐུང་ཆེན་པོར་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏཱིཙྪ་ཧོཿ མཆོད་པ་འབུལ་བ་ནི། ཧཱུྃཿ བླ་མེད་མཆོག་གི་མཆོད་པ་ནི༔ ཡེ་ཤེས་ལྔ་ཡི་འོད་ཟེར་འཕྲོ༔ ཡུལ་དང་དབང་པོ་གཉིས་མེད་པ༔ བདེ་ཆེན་ལོངས་སྤྱོད་ཆེན་པོར་རོལ༔ ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བི་དྱ་ཤཔྟ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་པཱུ་ཛ་ཧོཿ ཁྱད་པར་དུ་རཀྟ་ཚར་གསུམ་གྱི་མཆོད་པ་ནི། ཕུད་དང་རཀྟ་བསྲེས་ལ་དང་པོ་བཀའ་བསྒོ་བའི་ཕྱིར་ཕུལ་ལ། ཧཱུྃ༔ དངོས་གྲུབ་བར་ཆད་བྱེད་པའི་བགེགས༔ གདུག་ཅིང་སྡང་སེམས་ལྡན་པ་རྣམས༔ ཟུངས་ཤིག་རྒྱོབ་ཅིག་རྣམ་པར་ཆིངས༔ གཏོགས་ཤིག་གྲོགས་དང་བྲལ་བར་གྱིས༔ རེངས་པར་ཁུག་ལ་སྨྲར་ཆུག་ཅིག༔ ཕོབ་ཅིག་རྣམ་པར་གཟིར་བར་གྱིས༔ ང་ཡི་དབང་དུ་གྱུར་ནས་ཀྱང་༔ བསྒོ་བའི་བཀའ་ལ་ཉན་པར་བྱོས༔ མ་ཧཱ་རཀྟ་ཁཱ་ཧི༔ གཉིས་པ་དམ་ཅན་གནད་དུ་དབབ་པའི་ཕྱིར་འབུལ་བ་ནི། ཧཱུྃ༔ བྲན་དང་བཀའ་ཉན་ཕོ་ཉའི་ཚོགས༔ ཁྱེད་ཀྱི་དམ་ཚིག་དུས་ལ་བབ༔ སྔོན་ཆད་ཇི་བཞིན་བཅས་པ་ཡི༔ མངོན་སྤྱོད་ཕྲིན་ལས་མྱུར་དུ་མཛོད༔ མ་ཧཱ་རཀྟ་ཁཱ་ཧིཿ གསུམ་པ་མཐུ་དང་རྫུ་འཕྲུལ་འཕྲོག་པའི་ཕྱིར་འབུལ་བ་ནི། ཧཱུྃ༔ དངོས་གྲུབ་བར་ཆད་བྱེད་པའི་བགེགས༔ གདུག་ཅིང་སྡང་སེམས་ལྡན་པ་རྣམས༔ ལྷའམ་འོན་ཏེ་བདུད་ཀྱང་རུང་༔ ང་ལ་བར་ཆད་བྱེད་པ་རྣམས༔ མཐུ་དང་རྫུ་འཕྲུལ་མེད་པར་གྱིས༔ མ་ཧཱ་རཀྟ་ཁཱ་ཧི༔ བསྟོད་པ་ནི། ཧཱུྃ༔ སྒེག་པ་དཔའ་བ་མི་སྡུག་རྡོ་རྗེའི་སྐུ༔ རྒོད་གཤེ་དྲག་ཤུལ་སྔགས་ཀྱི་སྒྲ་གདངས་ཅན༔ སྙིང་རྗེ་རྔམས་ཞི་ཡེ་ཤེས་སྲོག་ལྡན་པའི༔ ཕྲིན་ལས་འདུས་པའི་ལྷ་ལ་ཕྱག་འཚལ་བསྟོད༔ སྒྲུབ་མཆོད་ལ་སོགས་པའི་སྐབས། གནམ་ལྕགས་ཙཀྲ་རྩིབས་བཅུའི་དབུས༔ ཞེས་པའི་མཚམས་ལས་བྱང་གི་སྤྱན་འདྲེན་བརྗོད་ལ་ལས་རྡོར་གྱིས་ཚོམ་བུ་སྤྱན་དྲངས། སློབ་དཔོན་ལ་གཡས་སུ་བསྐོར་ཏེ་གཡོན་ནས་ཕུལ་བས་རྩ་སྔགས་བརྗོད་ལ་མེ་ཏོག་ཐབ་ཏུ་དོར་བ་ལས། དབུས་སུ་མ་བཅོས་རྩ་བའི་ལྷ། །སོགས་ཀྱིས་ལྷ་ཚོགས་ཡོངས་རྫོགས་བསྐྱེད་ནས་ལས་རིམ་རྣམས་བྱ་དགོས་སོ། །གང་ལྟར་ཡང་བསྟོད་པ་གྲུབ་པ་དང་དགང་བླུགས་ཁ་སྦྱར་ལ། དཀྱིལ་འཁོར་པའི་ལྷ་ཚོགས་རྣམས་ཀྱི་ལྗགས་རྡོ་རྗེའི་སྦུ་གུ་ཅན་གྱིས་སྲེག་བླུགས་ཀྱི་བདུད་རྩིའི་རྒྱུན་དྲངས་ནས་གསོལ་བར་བསམ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ༔ལན་བདུན་དང་བཅས་མར་ཁུ་བླུགས་གཟར་བདུན་གྱིས་བཀང་བ་ཕུལ་རྗེས། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ རྣལ་འབྱོར་པ་བདག་དང་ཡོན་གྱི་བདག་པོའི་གནོད་བྱེད་དགྲ་བགེགས་བྱད་མ་རྦོད་གཏོང་དང་བཅས་པ་ཐམས་ཅད་མཱ་ར་ཡ་ཕཊ། ཞེས་འདོད་གསོལ་སྦྱར་བ་ཚན་གསུམ་གྱིས་བྱོན་སྐྱེམས་ཕུལ། ཡམ་ཤིང༌། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ སརྦ་དུཥྟཱན་མཱ་ར་ཡ་ཕཊ། བརྒྱ་རྩ་སོགས། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ རྣལ་འབྱོར་པ་བདག་དང་ཡོན་གྱི་བདག་པོའི་གནོད་བྱེད་དགྲ་བགེགས་བྱད་མ་རྦོད་གཏོང་དང་བཅས་པ་ཐམས་ཅད་མཱ་ར་ཡ་ཕཊ། མར་ཁུ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ སརྦ་དུཥྟཱན་མཱ་ར་ཡ་ཕཊ། ཞེས་བརྒྱ་རྩ་སོགས་ཕུལ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ རྣལ་འབྱོར་པ་བདག་དང་ཡོན་གྱི་བདག་པོའི་གནོད་བྱེད་དགྲ་བགེགས་བྱད་མ་རྦོད་གཏོང་དང་བཅས་པ་ཐམས་ཅད་མཱ་ར་ཡ་ཕཊ། ཞེས་སྦྱར། དེ་ནས་ལིངྒ་རྣམས་མདུན་དུ་བཞག་ལ། ཨེ་ཡཾ་ཛྭ་ལ་རཾ། རང་གི་མདུན་དུ་གནམ་ལྕགས་ཀྱི་བྲུབ་ཁུང་བང་རིམ་དགུ་པ། ཁ་ཁྱེར་དོག་ཅིང་གཏིང་ཟབ་པ། འོག་གཞི་གསེར་གྱི་ས་གཞི་ལ་ཐུག་པ། མཚོན་ཆ་སྣ་ཚོགས་ཀྱི་ཆར་འབེབས་པའི་ཕྱི་རོལ་དུ་ཕུར་སྲུང་དམ་ཅན་རྣམས་ལས་ལ་རྔམས་པ་དེའི་ནང་དུ་ནྲྀ་ཏྲི་ལས་གནོད་བྱེད་དགྲ་བགེགས་འདུས་པའི་ངོ་བོ་ནག་ལ་ཧམ་པ། རྐང་ལག་ལྕགས་སྒྲོག་གིས་བསྡམས་པ། བུ་ག་དགུ་ནས་ཁྲག་འཛག་པ། མིག་ཤི་མིག་འོ་དོད་ལྷང་ལྷང་འབོད་པ་ཞིག་ཏུ་གྱུར། གཡབ་དྲིལ་འགུགས་རྒྱ་བཅས། ན་མོ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང༌། སངས་རྒྱས་ཀྱི་བཀའ༴ ཆོས་ཀྱི་བཀའ༴ དགེ་འདུན་གྱི་བཀའ༴ གསང་སྔགས་དང་རིག་སྔགས་དང༌། གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན་པ་དང༌། ཆོས་ཉིད་གདོད་ནས་སྟོངས་ཀྱང་ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༌། ཁྱད་པར་དུ་བཅོམ་ལྡན་འདས་དཔལ་ཆེན་རྡོ་རྗེ་གཞོན་ནུ་ཕྲིན་ལས་ཕུར་པ་རོལ་པའི་དཀྱིལ་འཁོར་གྱི་ལྷ་ཚོགས་བཀའ་སྡོད་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་མཐུ་ལ་བརྟེན་ནས་བསྟན་དང་འགྲོ་བའི་སྤྱི་དགྲ། ཁྱད་པར་རིག་པ་འཛིན་པ་བདག་ཅག་ཡོན་མཆོད་འཁོར་དང་བཅས་པ་རྣམས་ལ་སྔ་དགྲ་ལག་གིས་བདར་བ། ཕྱི་དགྲ་ཡིད་ལ་སེམས་པ། ད་དགྲ་ཐད་དུ་འཛུགས་པའི་གཟུགས་ཅན་སྡང་བའི་དགྲ་དང༌། གཟུགས་མེད་གནོད་བྱེད་བགེགས་ཀྱི་ཚོགས་དང་བཅས་པ་སྲིད་པ་གསུམ་གར་གནས་གར་གྲོས་ཀྱང་སྐད་ཅིག་ཡུད་ཙམ་གྱིས་དམིགས་པའི་རྟེན་འདི་ལ་ཁུག་ཅིག །ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་ཛཿཧཱུྃ་བྃ་ཧོཿ ཤྲཱི་གྷྲཾ་ཨཱ་ན་ཡ་ཧཱུྃ་ཕཊཿ ལན་གསུམ་གྱིས་བཀུག་སྟེ། བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུྃ༔ བཛྲ་སྥོ་ཊ་བྃཿ བཛྲ་གྷནྜེ་ཧོཿ པྲ་བེ་ཤ་ཡ་ཕཊ༔ ཨཱ་བེ་ཤ་ཡ་ཨཱཿ ཞེས་ཕྱག་རྒྱ་བཞིའི་དགུག་གཞུག་བཅིངས་མྱོས་དབྱེ་དབབ་རྣམས་བྱ། དངོས་གཞིའི་བསྒྲལ་བ་ནི་ཕུར་བུ་འདྲིལ་ལ། ཧཱུྃ་བྷྱོཿ བསྟན་དང་འགྲོ་ལ་འཚེ་བ་ཡི༔ དགྲ་བགེགས་ཀླ་ཀློ་དགུག་ཅིང་བསྟིམ༔ ཐེ་ཚོམ་རྟོག་པའི་བྱུར་འདྲེ་ཀུན༔ ཛཿཧཱུྃ་བྃ་ཧོཿའི་ཕྱག་རྒྱས་གདབ༔ གཟུང་དང་འཛིན་པའི་གཉིས་འཛིན་བདུད༔ ཐམས་ཅད་ཆོས་ཀྱི་དབྱིངས་སུ་བསྒྲལ༔ ཀུན་ནས་ཀུན་ཏུ་འོད་གསལ་བ༔ གདོད་མའི་སྟོང་ཆེན་དབྱིངས་སུ་ཐིམ༔ ཧཱུྃ་ཧཱུྃ་ཧོ་ཧཾ་མཱ་ར་ཡ་ཕཊ༔ ཨོཾ་བཛྲ་ཀཱི་ལི་ཀཱི་ལ་ཡཿ མ་རཀྨོ་ཡཀྨོ་ཀཱ་ལ་རཱུ་པ༔ ཆེ་གེ་མཱ་ར་ཡ་སོད༔ སྙིང་རྩ་ལ་ཡཾ་ཡཾ༔ ཆེ་གེ་མཱ་ར་ཡ་སོད༔ སྲོག་ལ་ཡཾ་ཡཾ༔ སྙིང་ཡ་ཕྲིལ་ཕྲིལ༔ ཆེ་གེ་མཱ་ར་ཡ་སོད༔ སྲོག་ལ་ཆུཾ་ཆུཾ༔ ཙིཏྟ་སྲོག་ལ་ཏུང་ཏུང་༔ སྙིང་ཁྲག་སྲོག་ལ་ཤད་ཤད༔ ཆེ་གེ་མཱ་ར་ཡ་སོད༔ ཐུཾ་རི་ལི་ལི༔ ཙེག་ཙེག༔ འུར་འུར༔ ཤིག་ཤིག༔ གུལ་གུལ༔ མྱག་མྱག༔ ཆེ་གེ་མཱ་ར་ཡ་སོད་༔ སོད་སོད་དྷཱ་དྷི་མ་མ་ཀརྨ་ཤྲཱི་གྷྲཾ་ཀཱ་ར་ཡེ་མཱ་ར་སེ་ན་པྲ་མརྡྷ་ནི་ཡེ་ཧཱུྃ༔ ཆེ་གེ་མཱ་ར་ཡ་སོད་ཕཊ༔ཞེས་ཕུར་བུས་བསྒྲལ་རལ་གྲིས་གཏུབ་ལ། ཞལ་བསྟབ་ནི། ཧཱུྃ་བྷྱོཿ གནམ་ས་ཙམ་གྱི་ཞལ་གདངས་ལ༔ གངས་རི་ཙམ་གྱི་མཆེ་བ་གཙིགས༔ གློག་དམར་འགྱུ་འདྲའི་ལྗགས་རྐྱོངས་ཏེ༔ ཉམས་པ་བདུན་ལྡན་དགྲ་བོ་རོལ༔ ཡེ་ཤེས་ཆེན་པོའི་གཟི་བྱིན་བསྐྱེད༔ བདེ་བ་ཆེན་པོའི་རྩལ་དང་བཅས༔ དབྱིངས་རིག་གཉིས་སུ་མེད་པའི་ངང་༔ མངོན་སྤྱོད་ཕྲིན་ལས་མཐར་ཕྱིན་མཛོད༔ ས་མ་ཡ་ཧོ་ཧོ་ཧོ༔ ཨ་ཧཾ་མ་ཧཱ་སུ་ཁ་ཧོཿ ལིང་རོ་དྲག་པོའི་རྫས་སྤུངས་ལ་བསྲེས་ཏེ། བསང་སྦྱངས། ཐོད་སྣོད་ཡངས་ཤིང་རྒྱ་ཆེ་བར་ངོ་བོ་ཡེ་ཤེས་ཀྱི་བདུད་རྩི། རྣམ་པ་དྲག་པོའི་མཆོད་རྫས་བསམ་མི་ཁྱབ་པར་གྱུར། ཞེས་བྱིན་གྱིས་བརླབས་པ་སློབ་དཔོན་གྱི་ལག་གཡས་པར་བཟུང༌། གཡོན་པས་སྡིག་མཛུབ་ཁ་ཕྱིར་བསྟན་གྱིས་ཕུལ་ལ། ཧཱུྃ། སངས་རྒྱས་བསྟན་པ་བཤིགས་པ་དང༌། །དཀོན་མཆོག་སྐུ་དགྲ་དབེན་རྩ་འཇོམས། །ཆོས་ཁྲིམས་འདྲལ་དང་སློབ་དཔོན་དགྲ། །རྣལ་འབྱོར་འཇོམས་པ་ལ་སོགས་པ། །བསད་དང་དབབ་དང་ནད་ངན་གྱིས། །ཅྀ་ནས་བརླག་པར་ཁྱེད་ཀྱིས་གྱིས། ཞེས་དང༌། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ སརྦ་དུཥྟཱན་མཱ་ར་ཡ་ཕཊ་ལ་གྲངས་བཟུང༌། གྲངས་ཅི་རིགས་པའི་མཚམས་སུ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ རྣལ་འབྱོར་པ་བདག་དང་ཡོན་གྱི་བདག་པོའི་གནོད་བྱེད་དགྲ་བགེགས་བྱད་མ་རྦོད་གཏོང་དང་བཅས་པ་ཐམས་ཅད་མཱ་ར་ཡ་ཕཊ། ཞེས་འདོད་གསོལ་སྦྱར། དེ་དག་གི་ཚེ་དམིགས་པ། དགྱེས་པ་ཆེན་པོའི་རང་བཞིན་ལས་བྱུང་བའི་འོད་ཟེར་མེ་དཔུང་ཁྲོ་ཚོགས་མཚོན་ཆའི་ཚྭ་ཚྭ་དུས་མཐའི་མེ་རླུང་ལྟར་འབར་ཞིང་འཕྲོ་བས་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ་གནོད་ཅིང་འཚེ་བའི་དགྲ་བགེགས་བྱད་མ་དམ་སྲིའི་སྡེ་དང་བཅས་པ་ཐལ་བའི་རྡུལ་བཞིན་དུ་མིང་གི་ལྷག་མ་མེད་པར་བརླག་པའི་དྲག་པོ་མངོན་སྤྱོད་ཀྱི་ཕྲིན་ལས་མཛད་པར་བསམས། མཐར་རྫས་ཐམས་ཅད་རྫོགས་པ་དང༌། མེ་ཏོག་དཀར་པོ་ཐབ་ཏུ་ཕུལ་ལ། །ཡེ་ཤེས་མེ་དང་གཉིས་མེད་འབར་བ་ཡི། །ཕྱག་རྒྱ་ཆེན་པོ་བསྲེག་བྱ་ཟ་བའི་ཞལ། །སྲེག་རྫས་བདུད་རྩིའི་མཆོད་པས་མཉེས་གྱུར་ནས། །མངོན་སྤྱོད་ཕྲིན་ལས་ལྷུན་གྱིས་གྲུབ་པར་མཛོད། །ཅེས་ལན་གསུམ་གྱིས་ཕྲིན་ལས་གསོལ། གང་ལ་རེག་ན་འཇམ་པའི་ལྷ་རྫས་ཀྱང༌། །དབང་པོའི་ཚོན་གྱིས་བསྒྱུར་བའི་སྨིག་རྒྱུ་ཡིས། །བར་སྣང་ཟ་འོག་བཅལ་དུ་བཀྲམས་པ་ལྟར། །འབར་བས་འགྲོ་ཀུན་བཟོད་པའི་གོས་ཐོབ་ཤོག །ཨོཾ་བཛྲ་ཝསྟྲ་ཡེ་སྭཱ་ཧཱ། ཞེས་དང༌། ཨོཾ་བཛྲ་ཏཾ་བུ་ལ་ཡེ་སྭཱ་ཧཱ། ཞེས་པས་རྡོ་ཐལ་མེད་པའི་སོ་རྩི་འཇམ་པོ་ཕུལ། གཏང་རག་གི་མཆོད་པ་ནི། ཧཱུྃཿ བླ་མེད་མཆོག་གི་མཆོད་པ་ནི༔ ཡེ་ཤེས་ལྔ་ཡི་འོད་ཟེར་འཕྲོ༔ ཡུལ་དང་དབང་པོ་གཉིས་མེད་པ༔ བདེ་ཆེན་ལོངས་སྤྱོད་ཆེན་པོར་རོལ༔ ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བི་དྱ་ཤཔྟ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་པཱུ་ཛ་ཧོཿ བསྟོད་པ་ནི། ཧཱུྃ༔ སྒེག་པ་དཔའ་བ་མི་སྡུག་རྡོ་རྗེའི་སྐུ༔ རྒོད་གཤེ་དྲག་ཤུལ་སྔགས་ཀྱི་སྒྲ་གདངས་ཅན༔ སྙིང་རྗེ་རྔམས་ཞི་ཡེ་ཤེས་སྲོག་ལྡན་པའི༔ ཕྲིན་ལས་འདུས་པའི་ལྷ་ལ་ཕྱག་འཚལ་བསྟོད༔ དངོས་གྲུབ་བསྐུལ་བ་ནི། འཇིགས་པ་བརྒྱད་སོགས་ཞི་བའི་དངོས་གྲུབ་སྩོལ། །འབྱོར་པ་དྲུག་ལྡན་རྒྱས་པའི་དངོས་གྲུབ་སྩོལ། །མོས་པ་རྣམ་བཞི་དབང་གི་དངོས་གྲུབ་སྩོལ། །དགྲ་བགེགས་ཚར་གཅོད་དྲག་པོའི་དངོས་གྲུབ་སྩོལ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཧོཿ ཞེས་དངོས་གྲུབ་ཀྱང་བླངས། དཀྱིལ་འཁོར་པའི་ལྷ་ཚོགས་རྣམས་ཀྱི་ལྗགས་རྡོ་རྗེའི་སྦུ་གུ་ཅན་གྱིས་སྲེག་བླུགས་ཀྱི་བདུད་རྩིའི་རྒྱུན་དྲངས་ནས་གསོལ་བར་བསམ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ༔ལན་བདུན་དང་བཅས་མར་ཁུ་བླུགས་གཟར་བདུན་གྱིས་བཀང་བ་ཕུལ་རྗེས། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ རྣལ་འབྱོར་པ་བདག་དང་ཡོན་གྱི་བདག་པོའི་གནོད་བྱེད་དགྲ་བགེགས་བྱད་མ་རྦོད་གཏོང་དང་བཅས་པ་ཐམས་ཅད་མཱ་ར་ཡ་ཕཊ། ཞེས་གཤེགས་སྐྱེམས་དགང་བླུག་ཚན་གསུམ་ཕུལ། མ་འབྱོར་པ་དང་ཉམས་པ་དང༌། སོགས་ཀྱི་མཐར་ཡིག་བརྒྱས་ནོངས་པ་བཤགས། ཨོཾ། ཁྱེད་ཀྱིས་སེམས་ཅན་སོགས་མཐར། བཛྲ་མུཿས་ཡེ་ཤེས་པ་གཤེགས་སུ་གསོལ། སྒྲུབ་མཆོད་སྐབས། དཀྱིལ་འཁོར་པའི་ལྷ་ཚོགས་དགྱེས་པ་ཆེན་པོས་སྒྲུབ་པའི་དཀྱིལ་འཁོར་དང་གཉིས་སུ་མེད་པར་གཤེགས་པར་བསམས་ལ་ཚོམ་བུའི་མཎྜལ་སྒྲུབ་ཁང་དུ་སྤྱན་དྲངས། གསུམ་པ་ནི། བསང་སྦྱངས། དམ་ཚིག་མེ་ལྷ་རང་བཞིན་ཡོངས་སུ་རྫོགས་པར་གསལ་བའི་གནས་གསུམ་ལས་འོད་ཟེར་འཕྲོས་པས་ཡེ་ཤེས་པ་བཛྲ་ས་མཱ་ཡ་ཛཿ ཛཿཧཱུྃ་བྃ་ཧོཿ མེ་ལྷ་ཞལ་གདངས་པའི་ལྗགས་རྡོ་རྗེའི་སྦུ་གུས་སྲེག་བླུག་གི་རྒྱུན་དྲངས་ཏེ་གསོལ་བར་བསམས་ལ། ཨོཾ་ཨགྣ་ཡེ་སྭཱ་ཧཱ། ཞེས་མར་ཁུ་བླུགས་གཟར་བདུན་གྱིས་བཀང་བའི་དགང་བླུགས་ཁ་སྦྱར་ལ། ཨོཾ་ཨགྣ་ཡེ་བདག་དང་ཡོན་གྱི་བདག་པོའི་གནོད་བྱེད་དགྲ་བགེགས་བྱད་མ་རྦོད་གཏོང་དང་བཅས་པ་ཐམས་ཅད་མཱ་ར་ཡ་ཕཊ། བྱོན་སྐྱེམས་དགང་བླུགས་གསུམ་ཕུལ། ཨོཾ་བི་མ་ལ་ཨགྣ་ཡེ་སྭཱ་ཧཱ། ལན་གསུམ་གྱིས་གོས་ཟུང་དང་སོ་རྩི་ཕུལ། མེ་གསོས་ཏེ་གཏང་རག་གི་ཚུལ་དུ་རྫས་ལྷག་མ། ཡམ་ཤིང༌། ཨོཾ་བྷོ་དྷི་བྷྲྀཀྵ་ཡ་སྭཱ་ཧཱ། མར་ཁུ། ཨོཾ་ཨགྣ་ཡེ་སྭཱ་ཧཱ། རྫས་སྤུངས། ཨོཾ་ཨགྣི་དེ་ཝ་རྀ་ཥི་ཧ་བྱ་ཀ་བྱ་སརྦ་དུཥྟཱན་མཱ་ར་ཡ་ཕཊ། ཞེས་སོ་སོར་ལན་གསུམ་སོགས་ཀྱི་མཐར། ཨོཾ་ཨགྣ་ཡེ་རྀ་ཥི་རཱ་ཛཱ་ཡ། བདག་ཅག་དཔོན་སློབ་ཡོན་མཆོད་ཐམས་ཅད་ཀྱི་ཆོ་ག་ལྷག་ཆད་འགལ་འཁྲུལ་ཉམས་ཆགས་ཉེས་ལྟུང་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་སྦྱར་བས་ཕུལ། ཨརྒྷཾ་སོགས་ཀྱིས་ཉེར་སྤྱོད་ཕུལ། བསྟོད་པ་ནི། ཧཱུྃ། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་སྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། ཨ་ཀཱ་རོས་གཏོར་མ་བསྔོས་ལ། མཆོད་སྦྱིན་གཏོར་མ་སོགས་ཀྱིས་ཕྲིན་ལས་བཅོལ། ནོངས་པ་བཤགས། གཤེགས་སུ་གསོལ་བ་ནི། དོན་གཉིས་སྒྲུབ་པའི་མེ་ཡི་ལྷ། །རང་རང་ཡུལ་དུ་གཤེགས་ནས་ཀྱང༌། །སླར་ཡང་ཕྲིན་ལས་བསྒྲུབ་པའི་ཕྱིར། །དུས་སུ་འབྱོན་པར་མཛད་དུ་གསོལ། །བཛྲ་མུཿས་ཡེ་ཤེས་པ་གཤེགས། དམ་ཚིག་པ་ལྟེ་བའི་ཨ་ཐུང་ལ་ཐིམ། དགེ་བ་བསྔོ་ཞིང་སྨོན་ལམ་གདབ་པ་ཤིས་བརྗོད་བཅས་ལས་བྱང་ལྟར་བྱས་པས་གྲུབ་པའོ། མེ་དུག་ཁྲག་གི་ཆུས་བསད། ཐལ་བ་ལམ་གྱི་བཞི་མདོར་མནན་ལ་རྟ་བྲོ་བྱ། ལས་ཐམས་ཅད་ལ་ལས་རྗེས་མི་མངོན་པར་བསྡུའོ། །དེ་ལྟར་སྐབས་སུ་གང་བབས་ཀྱི་འདོད་ཚིག་བསྒྱུར་འོས་ཅན་རྣམས་མཆན་གྱིས་གསལ་བ་ལྟར་བྱས་པས་གྲུབ། ཚུལ་འདིས་ནི་ལས་ཐམས་ཅད་ཐོགས་མེད་དུ་འགྲུབ་པར་བྱེད་པ་རྣོ་ལ་ངར་གྱིས་བཏགས་པ་དང་འདྲ་བར་གསུངས་པས་བསྙེན་སྒྲུབ་ཀྱི་ཁ་སྐོང་སོགས་ལ་གཅེས་ཤིང༌། དེར་མ་ཟད་སྤྱིའི་ཁོག་དབུབ་འདི་ལྟར་ལ་སྐབས་སུ་བབས་པའི་ལྷ་སྔགས་ཁ་བསྒྱུར་བྱས་པས་གཤིན་རྗེ་སོགས་སྙན་བརྒྱུད་ཀྱི་རིགས་སྤྱི་ལའང་སྦྱར་བས་དོན་གྲུབ་པའོ། །སླར་སྨྲས་པ། མཐུ་སྟོབས་དུས་མཐའི་ཞུགས་ལྕེ་རབ་རྣོ་བས། །མ་རུངས་བདུད་དགྲའི་ཚོགས་རྣམས་སྐད་ཅིག་བསྲེགས། །མཆོག་གི་ཡེ་ཤེས་མེ་ཡི་འོད་ཟེར་གྱིས། །ཞི་དང་རྒྱས་མཛད་དབང་གི་ལས་ལ་མྱུར། །དེ་ལྟའི་སྲེག་བླུགས་ཆོ་གའི་ལས་རིམ་འདི། །སྤེལ་བས་བདག་རྟོག་ཡེ་ཤེས་མེས་བསྲེགས་ནས། །བདག་མེད་རིག་སྟོང་བཛྲ་ཀུ་མ་རའི། །གོ་འཕང་ཚེ་འདི་ཉིད་ལ་མངོན་བྱེད་ཤོག །ཅེས་པའང་ནང་ཆེན་ཚེས་བཅུ་བླ་མ་བློ་གྲོས་མཆོག་ལྡན་གྱིས་བསྐུལ་ངོར་ཆོས་ཀྱི་བློ་གྲོས་དང༌། བཀྲ་ཤིས་དཔལ་འབྱོར་ཟུང་གིས་ལེགས་པར་དཔྱད་ནས་ཤིན་ཏུ་མདོར་བསྡུས་སུ་བྲིས་པ་དགེ་ལེགས་མཆོག་ཏུ་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ། །དྲག་སྲེག་ནག་འགྲོས་སུ་བཀོད་པ་པོ་ནི་ཕུན་ཚོགས་རྣམ་རྒྱལ་ལོ། །ཨོཾ་སྭ་སྟི། ལས་རྣམས་མྱུར་དུ་འགྲུབ་བྱེད་པའི། །རྡོ་རྗེ་ཡེ་ཤེས་མེ་བོ་ཆེས། །ཀུན་ཏུ་རྟོག་པའི་ཚང་ཚིང་བསྲེག །དངོས་གྲུབ་དཔལ་སྟེར་འདི་ལོངས་ཤིག །བཀྲ་ཤིས་ཞལ་དྲོའོ། །དགེའོ། དགེའོ། །དགེའོ།། །།

[edit]

@#/__/snyan brgyud phur pa'i gnad tig gi las bzhi'i sbyin sreg mdor bsdus phrin las myur 'grub ces bya ba bzhugs so//__@##/__oM swa sti/__/'jigs rung zhal gdangs mi bzad mche ba gtsigs/__/gtum chen rab 'bar rngams pa'i gad rgyang sgrogs/__/bcom ldan srid gsum sgrol byed ku mA rar/__/btud de las bzhi'i sreg blugs cho ga spel/__de la 'dir rdo rje phur pa'i bsnyen sgrub mthar son pa'i rnal 'byor pas phrin las myur du 'grub pa'i slad du rno myur me yi cho ga bya bar 'dod pas 'di ltar 'jug par bya ste/__de la'ang zhi rgyas dbang drag gi las kyi dbye bas bzhi yi/__dang po la sbyor dngos rjes gsum las/__dang po ni/__sgrub mchod sogs kyi skabs thun mtshams gang bder lha yi nga rgyal la gnas pa dang*/__sbyin sreg kho na'i skabs bdag bskyed kyi rnal 'byor bsdu ldangs bcas sngon du 'gro bas/__gang du bya ba'i gzhi der dkar gtor bshams la/__byin brlab bsngo ba bcas las byang phrin las rnam par rol pa'i dga' ston ltar bya/__rtsa sngags kI la ya brgya rtsa dang*/__shU n+ya tA'i sngags brjod de chos nyid kyi don dran par byas pas sa gzhi las rung du bya'o/__/der bkra shis pa'i sa las stegs bu bcos te thab khung zlum po pad+ma 'dab brgyad kyi lte bar rdo rje/__kha khyer la rdo rje'i phreng ba/__grwa bzhir zla phyed rdo rjes mtshan pa/__kha dog dkar po bcad tshon dmar skyas bris pa la bal bu dang lcang ma sogs 'o ma can gyi shing gis khru gang tsam zlum por brtsigs/__shar lhor me tshang bca'/__slob dpon gyi g.yas su stegs bu khebs dkar pos dgab pa'i steng bdud rtsi can gyi yam shing sor bcu gnyis pa mar khus nyug pa/__mngar gsum dang sbyar ba'i mar khu/__til/__zas mchog__/so ba/__'bras/__nas/__sran ma/__gro/__dUrba/__ku sha__/gzhan yang sman sna 'bru sna rin po che sna tshogs me tog dkar po dar zab sogs ci 'byor pa'i bsreg rdzas rdzas spungs can dang*/__gos zung*/__so rtsi bcas/__'das ma 'das gnyis rim du dgod/__g.yon du stegs la gtor ma dkar zlum che chung gnyis/__sman rag bcas dang*/__nyer spyod cha gnyis sogs bshams/__mdun du me yol la gangs ri dang wa~M yig bris pa/__rdor dril/__dgang blugs/__las bum/__las mthun gyi me dar/__ku sha'i chun po brgyad/__rlung g.yab sogs 'og tu dgos pa'i yo byad rigs 'du bya/__de thams cad kyang snod dang kha dog thams cad dkar po 'ba' zhig bya/__dus ra ba bzhi dang nam langs la slob dpon chas gos rgyan dkar po dang bcas kha shar du phyogs pas 'jam pa'i stan la sems dpa'i skyil krung gis 'khod la/__/gnyis pa dngos gzhi la gsum/__'jig rten pa'i me lha mchod pa/__dkyil 'khor gyi 'khor lo mchod pa/__me lhar gtang rag 'bul ba'o/__/dang po ni/__rab gnas dang sgrub mchod sogs la dkyil 'khor gyi gtso bo las rang mar me gcig las gnyis mched du zhal gcig phyag gnyis pa'i rnam par ldang ba dang*/__sbyin sreg kho na'i skabs bdag nyid lha yi rnal 'byor bzlas pa bcas grub pa'i rjes 'di la 'jug__/bdud rtsi 'khyil ba'i sngags kyis las bum gyi chu byin gyis brlabs/__rdo dril bsang sbyang*/__hU~M/__thabs shes zung 'jug chos nyid mtshon/__/'das dus 'gro rnams sad pa dang*/__/'gro rnams smin par bya ba'i phyir/__/rdo rje gsor zhing dril bu dkrol/__oM badz+ra gaN+De hU~M AH__oM sarba ta thA ga ta a nu rA ga Na dz+nyA na badz+ra swa b+hA wa At+ma ko\u0f85haM/__zhes brjod la rdo rje gsor/__dril bu dkrol/__'khyud rgya bya/__yo byad rnams la dmigs te/__bsang sbyang*/__stong pa'i ngang las mchod rdzas dang bsreg rdzas rnams rang rang gi ming yig dang po thig les brgyan pa 'od du zhu ba las byung ba'i rdzas so so'i dngos po bdud rtsi'i rang bzhin can zad mi shes par gyur/__oM badz+ra ar+g+haM sogs dang*/__oM hU~M trA~M hrIHAH__mU~M lA~M mA~M pA~M tA~M:__sarba dz+nyA na pany+tsa a mr-i ta rak+ta ba liM ta ga Na tsakra b+ho d+hi tsit+ta AHhU~M:__zhes brjod/__de nas thab bsang sbyang*/__chos rnams skye med rnam kun mchog ldan dbyings/__/sna tshogs sgyu 'phrul 'gags med rdo rje'i sprin/__/zhi ba'i rgyas pa'i/__dbang gi__/drag po'i/__zhes bsgyur/__phrin las yongs rdzogs thab kyi dbus/__/gos dkar DA ki'i ngo bor ro gcig pa'i/__/chags bral bde ba chen po'i me dpung 'bar/__/oM sarba dz+nyA na dz+wa la raM/__zhes dge 'dun gyi thab las byung ba'i me sbar/__las bum gyi chus bsang la/__oM/__/ku sha 'di ni gtsang zhing dge__/sa las skyes pa'i snying po mchog__/dkon mchog gsum gyi dag byed yin/__/tshangs pa'i yang dag byed pa ste/__/de yis bdag cag thams cad la/__/bgegs rnams thams cad zhi bar mdzod/__swA hA/__zhes lan brgyad brjod la shar nas brtsams phyogs mtshams rnams su bkrams/__de dbus ra~M yig yongs gyur me lha ni/__/zhi ba'i rgyas pa'i/__dbang gi__/drag po'i zhes bsgyur/__rgyan rdzogs 'od zer phreng bas dkrigs/__/zhal gcig phyag gnyis bgrang phreng gun+d+he bsnams/__/sku gsung thugs la rdo rje 'bru gsum mtshan/__/de las 'od 'phros dam tshig spyan drangs bstim/__spyan 'dren pa ni/__dbyu gu rtse gsum pa'i rgyas me dar g.yab la/__hU~M/__dad pa dang ni dam tshig gis/__/tshur gshegs tshur gshegs 'byung po che/__/me lha drang srong bram ze mchog__/'di nyid du ni gshegs su gsol/__ag+ni rA dza r-i Shi badz+ra sa ma ya dzaH__dzaHhU~M ba~M hoH__ar+g+haM sogs kyis nyer spyod phul/__bstod pa ni/__hU~M/__'jig rten dbang phyug tshangs dbang mgon gyi sras/__/me lha'i rgyal po DAk+kis dbang bskur ba/__/shes rab mchog gis nyon mongs thams cad sreg__/'dzin byed me lha nyid la rnam par 'dud/__byon skyems ni/__me lha zhal gdangs pa'i ljags rdo rje'i sbu gus sreg blug gi rgyun drangs te gsol bar bsams la/__oM ag+na ye swA hA/__zhes mar khu blugs gzar bdun gyis bkang ba'i dgang blugs kha sbyar la/__oM ag+na ye bdag dang sems can thams cad kyi sdig sgrib nyes ltung thams cad shAn+tiM ku ru ye swA hA/__zhes 'dod gsol sbyar ba tshan gsum gyis phul/__de nas rdzas gzhan lag gis bzung du btub pa rnams mtheb srin gyis dbul/__gzhan rnams blugs gzar gyis phul te sngags ni/__yam shing la/__oM b+ho d+hi b+hr-ik+Sha ya swA hA/__mar khu/__oM ag+na ye swA hA/__rdzas spungs/__oM ag+ni de wa r-i Shi ha bya ka bya shAn+tiM ku ru ye swA hA/__de ltar bdun la sogs pa'i rjes 'dod gsol sbyar bas phul/__rdzas rdzogs pa dang ar+g+haM sogs kyis nyer spyod phul/__bstod pa ni/__hU~M/__'jig rten dbang phyug tshangs dbang mgon gyi sras/__/me lha'i rgyal po DAk+kis dbang bskur ba/__/shes rab mchog gis nyon mongs thams cad sreg__/'dzin byed me lha nyid la rnam par 'dud/__yungs kar thab tu phul la/__na mo/__rig pa'i rgyal po khyod kyis sreg blug gi rdzas rnams lha yi zhal du dbul ba dang*/__ye shes kyi mer byin gyis brlabs nas zhi ba'i phrin las thams cad 'grub par mdzad du gsol/__badz+ra muH__ye shes pa thab kyi shar lhor gshegs/__dam tshig pa 'bar ba'i rnam par gyur/__gnyis pa ni/__thabs la las chus bran/__bsang sbyang*/__a:__skye med dbyings kyi cho 'phrul las:__'gags med sgyu 'phrul rdo rje'i gar:__zhi~X ba'i rgyas dbang drag sbyar/__thabs khung mtshan rdzogs pa:__ye shes me lce 'bar ba'i dbus:__klong lnga'i dwangs ma 'byung rim steng :__ye shes lnga rdzogs gzhal med khang :__dur khrod drag po'i bkod pa can:__'jigs shing skyi g.ya'i nang khongs su:__gnam lcags tsakra rtsibs bcu'i dbus:__bdag nyid ma bcos rtsa ba'i lha:__rdo rje gzhon nu sku mdog mthing :__zhal gsum phyag drug zhabs bzhi bgrad:__g.yas dkar g.yon dmar rngams bzhad gshe:__phyag drug ye shes rol pa'i rtags:__g.yas gnyis rdo rje rtse dgu lnga:__g.yon gnyis me phung kha T+wAM dang :__tha mas ri rab phur bu 'dril:__yum chen 'khor lo'i rgyas 'debs ma:__mthing skya ut+pal dung khrag bsnams:__dpal dang dur khrod rol pa'i chas:__pad nyi lha chen khyo shugs steng :__khams gsum zil gnon chen por bzhengs:__hU~M hU~M hU~M:__rdo rje hU~M gi glus bskul bas:__yab yum bzod med bde ba 'bar:__rjes chags snyoms zhugs mkha' gsang nas:__a ha~M sngags kyi sgra chen pos:__sangs rgyas sras bcas spyan drangs te:__zhal zhugs byang sems thig ler zhu:__'od kyi gong bu mkha' nas spros:__rtsibs steng dpal chen khro rgyal bcu:__mthing nag phur 'dril yum dang 'khyud:__za gsod pho nya'i sprin phung 'phro:__sgo bzhir phrin las sgo ma bzhi:__mu ran 'jig rten skyong bas bskor:__gtso bo yab yum gnas lnga ru:__sangs rgyas pad+ma rdo rje dang :__rin chen las kyi kI la ya:__dkar dmar mthing ser ljang gu'i mdog:__lhan skyes yum dang bcas par gsal:__gnas gsum oM AHhU~M gis mtshan:__rdo rje gsum du byin gyis brlabs:__bde gshegs dbang bskur ye shes lnga:__khrag 'thung rigs lnga'i phyag rgyar rdzogs:__oM AHhU~M:__hU~M oM trA~M hrIHAH__spos dang g.yab dar dbyangs rol dang bcas/__hU~M:__srid pa'i phur bu sgrub pa dang :__dbang dang dngos grub blang bya'i phyir:__ye shes khro bo gshegs su gsol:__khro rgyal 'khor bcas gshegs nas kyang :__rtags dang mtshan ma bstan pa dang :__kI la ya yi dngos grub stsol:__oM badz+ra kI li kI la ya hU~M:__badz+ra sa ma ya dza dza:__bzhugs gsol ni/__hU~M:__rdo rje gzhon nu'i lha tshogs rnams:__srid pa rdo rjer grub mdzod cig:__srid pa rdo rje phur pa'i lha:__ye shes khro bo grub par mdzod:__dzaHhU~M ba~M hoH__sa ma ya tiSh+Tha lhan:__phyag 'tshal ba ni/__hU~M:__thabs kyi spyod pas 'gro don du:__byams dang snying rjes gang 'dul ba:__sangs rgyas phrin las rdzogs mdzad pa'i:__khrag 'thung chen por phyag 'tshal lo:__a ti pU ho:__pra tIts+tsha hoH__mchod pa 'bul ba ni/__hU~MH__bla med mchog gi mchod pa ni:__ye shes lnga yi 'od zer 'phro:__yul dang dbang po gnyis med pa:__bde chen longs spyod chen por rol:__oM shrI badz+ra ku mA ra sa pa ri wA ra ar+g+haM pA d+yaM puSh+pe d+hU pe A lo ke gan+d+he nai bi d+ya shap+ta sarba pany+tsa a mr-i ta rak+ta ba liM ta ma hA su kha pU dza hoH__khyad par du rak+ta tshar gsum gyi mchod pa ni/__phud dang rak+ta bsres la dang po bka' bsgo ba'i phyir phul la/__hU~M:__dngos grub bar chad byed pa'i bgegs:__gdug cing sdang sems ldan pa rnams:__zungs shig rgyob cig rnam par chings:__gtogs shig grogs dang bral bar gyis:__rengs par khug la smrar chug cig:__phob cig rnam par gzir bar gyis:__nga yi dbang du gyur nas kyang :__bsgo ba'i bka' la nyan par byos:__ma hA rak+ta khA hi:__gnyis pa dam can gnad du dbab pa'i phyir 'bul ba ni/__hU~M:__bran dang bka' nyan pho nya'i tshogs:__khyed kyi dam tshig dus la bab:__sngon chad ji bzhin bcas pa yi:__mngon spyod phrin las myur du mdzod:__ma hA rak+ta khA hiH__gsum pa mthu dang rdzu 'phrul 'phrog pa'i phyir 'bul ba ni/__hU~M:__dngos grub bar chad byed pa'i bgegs:__gdug cing sdang sems ldan pa rnams:__lha'am 'on te bdud kyang rung :__nga la bar chad byed pa rnams:__mthu dang rdzu 'phrul med par gyis:__ma hA rak+ta khA hi:__bstod pa ni/__hU~M:__sgeg pa dpa' ba mi sdug rdo rje'i sku:__rgod gshe drag shul sngags kyi sgra gdangs can:__snying rje rngams zhi ye shes srog ldan pa'i:__phrin las 'dus pa'i lha la phyag 'tshal bstod:__sgrub mchod la sogs pa'i skabs/_gnam lcags tsakra rtsibs bcu'i dbus:___zhes pa'i mtshams las byang gi spyan 'dren brjod la las rdor gyis tshom bu spyan drangs/__slob dpon la g.yas su bskor te g.yon nas phul bas rtsa sngags brjod la me tog thab tu dor ba las/__dbus su ma bcos rtsa ba'i lha/__/sogs kyis lha tshogs yongs rdzogs bskyed nas las rim rnams bya dgos so/__/gang ltar yang bstod pa grub pa dang dgang blugs kha sbyar la/__dkyil 'khor pa'i lha tshogs rnams kyi ljags rdo rje'i sbu gu can gyis sreg blugs kyi bdud rtsi'i rgyun drangs nas gsol bar bsam/__oM badz+ra kI li kI la ya sarba big+h+nAn baM hU~M phaT:lan bdun dang bcas mar khu blugs gzar bdun gyis bkang ba phul rjes/__oM badz+ra kI li kI la ya hU~M:__rnal 'byor pa bdag dang yon gyi bdag po'i dam tshig nyams chag thams cad shAn+tiM ku ru ye swA hA/__zhes 'dod gsol sbyar ba tshan gsum gyis byon skyems phul/__oM badz+ra kI li kI la ya hU~M:__shAn+tiM ku ru ye swA hA/__zhes btags pas yam shing*/__mar khu/__rdzas spungs rnams brgya rtsa sogs dang*/__bsnyen sgrub kyi kha skong la til kho na bsnyen grangs gang them de'i bcu cha phul/__so sor grangs ji ltar rigs pa'i mtshams su/_oM badz+ra kI li kI la ya hU~M:__rnal 'byor pa bdag dang yon gyi bdag po'i dam tshig nyams chag thams cad shAn+tiM ku ru ye swA hA/__zhes 'dod gsol sbyar/__de dag gi tshe dmigs pa ni/__dkyil 'khor gyi lha tshogs thams cad la sreg blug gi mchod pa phul bas thugs dgyes pa chen po'i rang bzhin las byung ba'i 'od zer dkar pos 'jig rten gyi khams thams cad khyab/__sangs rgyas thams cad la mnyes pa'i mchod pa phul/__sems can ma lus pa'i sgrib gnyis rgyu dang bcas pa zhi bar mdzad par bsam/__mthar rdzas thams cad rdzogs pa dang*/__me tog dkar po thab tu phul la/__/ye shes me dang gnyis med 'bar ba yi/__/phyag rgya chen po bsreg bya za ba'i zhal/__/sreg rdzas bdud rtsi'i mchod pas mnyes gyur nas/__/zhi ba'i rgyas pa'i/__dbang gi__/mngon spyod phrin las zhes bsgyur/__phrin las lhun gyis grub par mdzod/__/ces lan gsum gyis phrin las gsol/__gang la reg na 'jam pa'i lha rdzas kyang*/__/dbang po'i tshon gyis bsgyur ba'i smig rgyu yis/__/bar snang za 'og bcal du bkrams pa ltar/__/'bar bas 'gro kun bzod pa'i gos thob shog__/oM badz+ra was+t+ra ye swA hA/__zhes dang*/__oM badz+ra taM bu la ye swA hA/__zhes pas rdo thal med pa'i so rtsi 'jam po phul/__gtang rag gi mchod bstod ni/__hU~MH__bla med mchog gi mchod pa ni:__ye shes lnga yi 'od zer 'phro:__yul dang dbang po gnyis med pa:__bde chen longs spyod chen por rol:__oM shrI badz+ra ku mA ra sa pa ri wA ra ar+g+haM pA d+yaM puSh+pe d+hU pe A lo ke gan+d+he nai bi d+ya shap+ta sarba pany+tsa a mr-i ta rak+ta ba liM ta ma hA su kha pU dza hoH__bstod pa ni/__hU~M:__sgeg pa dpa' ba mi sdug rdo rje'i sku:__rgod gshe drag shul sngags kyi sgra gdangs can:__snying rje rngams zhi ye shes srog ldan pa'i:__phrin las 'dus pa'i lha la phyag 'tshal bstod:__dngos grub bskul ba ni/__'jigs pa brgyad sogs zhi ba'i dngos grub stsol/__/'byor pa drug ldan rgyas pa'i dngos grub stsol/__/mos pa rnam bzhi dbang gi dngos grub stsol/__/dgra bgegs tshar gcod drag po'i dngos grub stsol/__oM badz+ra kI li kI la ya hU~M:__kA ya wAk+ka tsit+ta sarba sid+d+hi pha la hoH__zhes dngos grub kyang blangs/__dkyil 'khor pa'i lha tshogs rnams kyi ljags rdo rje'i sbu gu can gyis sreg blugs kyi bdud rtsi'i rgyun drangs nas gsol bar bsam/__oM badz+ra kI li kI la ya sarba big+h+nAn baM hU~M phaT:lan bdun dang bcas mar khu blugs gzar bdun gyis bkang ba phul rjes/__oM badz+ra kI li kI la ya hU~M:__rnal 'byor pa bdag dang yon gyi bdag po'i dam tshig nyams chag thams cad shAn+tiM ku ru ye swA hA/__zhes gshegs skyems dgang blug tshan gsum phul/__ma 'byor pa dang nyams pa dang*/__sogs kyi mthar yig brgyas nongs pa bshags/__oM/__khyed kyis sems can sogs mthar/__badz+ra muHsa ye shes pa gshegs su gsol/__sgrub mchod skabs/__dkyil 'khor pa'i lha tshogs dgyes pa chen pos sgrub pa'i dkyil 'khor dang gnyis su med par gshegs par bsams la tshom bu'i maN+Dal sgrub khang du spyan drangs/__gsum pa ni/__bsang sbyangs/__dam tshig me lha rang bzhin yongs su rdzogs par gsal ba'i gnas gsum las 'od zer 'phros pas ye shes pa badz+ra sa mA ya dzaH__dzaHhU~M ba~M hoH__me lha zhal gdangs pa'i ljags rdo rje'i sbu gus sreg blug gi rgyun drangs te gsol bar bsams la/__oM ag+na ye swA hA/__zhes mar khu blugs gzar bdun gyis bkang ba'i dgang blugs kha sbyar la/__oM ag+na ye bdag dang sems can thams cad kyi sdig sgrib nyes ltung thams cad shAn+tiM ku ru ye swA hA/__byon skyems dgang blugs gsum phul/__oM bi ma la ag+na ye swA hA/__lan gsum gyis gos zung dang so rtsi phul/__me gsos te gtang rag gi tshul du rdzas lhag ma/__yam shing*/__oM b+ho d+hi b+hr-ik+Sha ya swA hA/__mar khu/__oM ag+na ye swA hA/__rdzas spungs/__oM ag+ni de wa r-i Shi ha bya ka bya shAn+tiM ku ru ye swA hA/__zhes lan gsum sogs phul la so so'i 'jug tu/__oM ag+na ye r-i Shi rA dzA ya/__bdag cag dpon slob yon mchod thams cad kyi cho ga lhag chad 'gal 'khrul nyams chags nyes ltung thams cad shAn+tiM ku ru ye swA hA/__zhes sbyar bas phul/__ar+g+haM sogs kyis nyer spyod phul/__bstod pa ni/__hU~M/__'jig rten dbang phyug tshangs dbang mgon gyi sras/__/me lha'i rgyal po DAk+kis dbang bskur ba/__/shes rab mchog gis nyon mongs thams cad sreg__/'dzin byed me lha nyid la rnam par 'dud/__a kA ros gtor ma bsngos la/__mchod sbyin gtor ma sogs kyis phrin las bcol/__nongs pa bshags/__gshegs su gsol ba ni/__don gnyis sgrub pa'i me yi lha/__/rang rang yul du gshegs nas kyang*/__/slar yang phrin las bsgrub pa'i phyir/__/dus su 'byon par mdzad du gsol/__/badz+ra muHsa ye shes pa gshegs/__dam tshig pa lte ba'i a thung la thim/__dge ba bsngo zhing smon lam gdab pa shis brjod bcas las byang ltar byas pas grub pa'o/__/zhi ba la me rang zhir 'jog__/long khyab kyis ma khoms na 'o ma'i chus btul la/__a kA ro brjod la thal sol rgya mtsho chen por bskyal bar bya'o/__/de dag ni phyi don du gtso bor smos pa'i sbyin sreg gi cho ga snying po ste/__gzhan du na tshim pa drug ldan gyi tshogs kyi 'khor lo dang*/__rdo rje'i lus la gdod nas grub pa'i nye ba'i 'du ba lhan skyes bde stong bdud rtsi'i mchod pa gsang ba'i sreg blug gi cho ga rnams kyang skabs su gang babs nyams su len par gces so/__!__/gnyis pa rgyas pa'i sbyin sreg ni/__sngon dngos rjes kyi chings zhi ba'i skabs ltar la/__rgyal po'i bang mdzod kyi sa las thab stegs ser po gru bzhi la dbus dang kha khyer grwa bzhi bcas la nor bu 'bar bas mtshan pa'i thab ser po tshon dmar pos bcad par 'bras bu can gyi shing gis gru bzhi par brtsigs/__yam shing yang de mtshungs mar khu dri bzang gis ser por bsgyur/__gtor ma gru bzhi ser po/__ltar kha dang gur gum sogs me tog ser po/__dUr+Wa dang dar zab gtso bor gyur pa'i rdzas rnams dang*/__snod gser la sogs pa'i ser po 'ba' zhig bya/__dus ston ra dang nyin gung la bsngags/__slob dpon chas gos ser po rin po che'i rgyan dang bcas khri'u ser po'i steng bzang po'i stabs kyis zhal byang du phyogs par bzhugs/__rgyal po'i pho brang las byung ba'i me sbar/__'dod gsol/__bdag dang sems can thams cad kyi tshe bsod dpal 'byor thams cad puSh+tiM ku ru ye swA hA/__grangs bsags kyi rtsa sngags la/__puSh+tiM ku ru oM/__dmigs pa'i skabs 'od zer spro bsdu'i rjes/__'od zer ser po'i tshogs gser zhun 'khyil ba lta bus rang dang bsrung bya la phog pas tshe bsod bkrag mdangs nyams rtogs ye shes yon tan phrin las thams cad rgyas par bsams/__rjes me rang zhi'am dri ser po'i chus btul/__thal ba mdzod du gter bum la btsal te sba bar gsungs so/__!__/gsum pa dbang gis sbyin sreg ni/__yid mthun pa'i mdza' bshes sam smad tshong ma nyal po byas pa'i mal 'og gi sa la stegs bu dmar po zla gam la dbus dang kha khyer grwa bzhi bcas la lcags kyu kha phyir bstan dang pad+ma'i phreng bas bskor ba tshon ser pos bcad/__tsan+dan dmar po dang mdzo mo shing sogs ro skyur mdog dmar ba'i bud shing zla gam du brtsigs/__yam shing de mtshungs dang mar khu yang dmar po bya/__gtor ma zla gam dmar po/__tsan+dan dmar po dang*/__mdzo mo shing sogs ro skyur ba dang snum pa'i bza' bca' gtsor gyur gyi rdzas spungs/__snod dang rdzas rnams zangs sogs kha dog dmar po'i rigs bya/__slob dpon chas gos dmar po bye ru la sogs pa'i rgyan dang bcas chags pa'i sems kyis pad+ma'i skyil krung gis kha nub tu phyogs par 'khod dus dpyid ra'am nyi myur la bsngags/__smad tshong ma'i khyim las byung ba'i me sbar/__'dod gsol/__bdag sgrub pa pos khams gsum snod bcud thams cad wa shaM ku ru ye swA hA/__grangs bsags rtsa sngags la wa shaM ku ru hrIH__dmigs pa'i skabs/__thugs bde stong chags pa chen po'i rang bzhin las byung ba'i 'od zer dmar po lcags kyu'i rdul can nyi zer ltar 'phros pas khams gsum srid gsum 'jig rten dang 'jig rten las 'das pa'i dpal 'byor dngos grub rnam shes ye shes thams cad dbang du bsdus par bsams/__me rang zhi'am chang dang tsan+dan gyi chus bsad/__thal ba ri rtser rlung la phyar ba'o/__!__/bzhi pa drag po'i sbyin sreg ni/__rdo rje thab kyi khung bu ru:__zhal du gyur pa'i me sbar la:__lhar bskyed dgra bgegs dgug cing gzir:__rdo rje me yi dbal gyis bsregs:__zhes gsungs pa ltar gter gzhung rtsa ba'i dngos bstan te/__phung sa'i stegs bu gru gsum par ro sol byugs pa'i steng ma TaM gzugs kyi lto bar gru gsum gyi lte bar 'khor lo rtsibs bcu'i dbus chos 'byung raM gyis mtshan pa la tsher ma can gyi shing ngam dug shing dug khrag gis sbags pa gru gsum brtsigs/__thab kyi zur gsum du shing gsum mche ba'i tshul du bslang*/__drag po'i shing gi yam shing dug khrag gis nyug pa/__tsha ba gsum dang khrag sna sbyar ba'i mar nag gi khu ba/__gtor ma gru gsum nag po/__drag po la khyad par gyi rdzas dug shog la dgra bgegs kyi rU pa ming rus bla dwags gnas yig dang bcas pa/__sha sna bag phye dang bsres pa'i ril bu ming rus can/__sbal sbrul nya khyi la sogs pa'i sha dug sna dang bsres pa'i ril bu/__lcags zangs rdo'i phye ma/__til dang yungs dkar tsha ba gsum sogs phyogs gcig tu bsdus pa rnams bsags/__snod dang rdzas sogs kyang kha dog nag po dbyibs gru gsum pa sha stag bya/__gzhan yang gos zung so rtsi sogs 'og tu dgos pa'i yo byad thams cad zhi ba'i skabs ltar tshogs par bya'o/__/slob dpon chas gos nag po rus pa'i rgyan dang ldan pas dur khrod kyi ras la zhing chen bris pa'i steng kha lhor blta bas 'khod/__khros pa'i sems dang ldan pas tsog pur 'dug__/gnyis pa dngos gzhi la gsum/__'jig rten pa'i me lha mchod pa/__dkyil 'khor gyi 'khor lo mchod pa/__me lhar gtang rag 'bul ba'o/__/dang po ni/__rab gnas dang sgrub mchod sogs la dkyil 'khor gyi gtso bo las rang mar me gcig las gnyis mched du zhal gcig phyag gnyis pa'i rnam par ldang ba dang*/__sbyin sreg kho na'i skabs bdag nyid lha yi rnal 'byor bzlas pa bcas grub pa'i rjes 'di la 'jug__/bdud rtsi 'khyil ba'i sngags kyis las bum gyi chu byin gyis brlabs/__rdo dril bsang sbyang*/__hU~M/__thabs shes zung 'jug chos nyid mtshon/__/'das dus 'gro rnams sad pa dang*/__/'gro rnams smin par bya ba'i phyir/__/rdo rje gsor zhing dril bu dkrol/__oM badz+ra gaN+De hU~M AH__oM sarba ta thA ga ta a nu rA ga Na dz+nyA na badz+ra swa b+hA wa At+ma ko\u0f85haM/__zhes brjod la rdo rje gsor/__dril bu dkrol/__'khyud rgya bya/__yo byad rnams la dmigs te/__bsang sbyang*/__stong pa'i ngang las mchod rdzas dang bsreg rdzas rnams rang rang gi ming yig dang po thig les brgyan pa 'od du zhu ba las byung ba'i rdzas so so'i dngos po bdud rtsi'i rang bzhin can zad mi shes par gyur/__oM badz+ra ar+g+haM sogs dang*/__oM hU~M trA~M hrIHAH__mU~M lA~M mA~M pA~M tA~M:__sarba dz+nyA na pany+tsa a mr-i ta rak+ta ba liM ta ga Na tsakra b+ho d+hi tsit+ta AHhU~M/__zhes brjod/__de nas thab bsang sbyang*/__chos rnams skye med rnam kun mchog ldan dbyings/__/sna tshogs sgyu 'phrul 'gags med rdo rje'i sprin/__/drag po'i phrin las yongs rdzogs thab kyi dbus/__/gos dkar DA ki'i ngo bor ro gcig pa'i/__/chags bral bde ba chen po'i me dpung 'bar/__oM sarba dz+nyA na dz+wa la raM/__gdol bshan dme yugs kyi lag nas byung ba'i me sbar/__las bum gyi chus bsang la/__oM/__/ku sha 'di ni gtsang zhing dge__/sa las skyes pa'i snying po mchog__/dkon mchog gsum gyi dag byed yin/__/tshangs pa'i yang dag byed pa ste/__/de yis bdag cag thams cad la/__/bgegs rnams thams cad zhi bar mdzod/__swA hA/__zhes lan brgyad brjod la shar nas brtsams phyogs mtshams rnams su bkrams/__de dbus ra~M yig yongs gyur me lha ni/__/drag po'i rgyan rdzogs 'od zer phreng bas dkrigs/__/zhal gcig phyag gnyis bgrang phreng gun+d+he bsnams/__/sku gsung thugs la rdo rje 'bru gsum mtshan/__/de las 'od 'phros dam tshig spyan drangs bstim/__spyan 'dren pa ni/__dbyu gu rtse gsum pa'i rgyas me dar g.yab la/__hU~M/__dad pa dang ni dam tshig gis/__/tshur gshegs tshur gshegs 'byung po che/__/me lha drang srong bram ze mchog__/'di nyid du ni gshegs su gsol/__ag+ni rA dza r-i Shi badz+ra sa ma ya dzaH__dzaHhU~M ba~M hoH__ar+g+haM sogs kyis nyer spyod phul/__bstod pa ni/__hU~M/__'jig rten dbang phyug tshangs dbang mgon gyi sras/__/me lha'i rgyal po DAk+kis dbang bskur ba/__/shes rab mchog gis nyon mongs thams cad sreg__/'dzin byed me lha nyid la rnam par 'dud/__byon skyems ni/__me lha zhal gdangs pa'i ljags rdo rje'i sbu gus sreg blug gi rgyun drangs te gsol bar bsams la/__oM ag+na ye swA hA/__zhes mar khu blugs gzar bdun gyis bkang ba'i dgang blugs kha sbyar la/__oM ag+na ye bdag dang yon gyi bdag po'i gnod byed dgra bgegs byad ma rbod gtong dang bcas pa thams cad mA ra ya phaT/__zhes 'dod gsol sbyar ba tshan gsum gyis phul/__de nas rdzas gzhan lag gis bzung du btub pa rnams mtheb srin gyis dbul/__gzhan rnams blugs gzar gyis phul te sngags ni/__yam shing la/__oM b+ho d+hi b+hr-ik+Sha ya swA hA/__mar khu/__oM ag+na ye swA hA/__rdzas spungs/__oM ag+ni de wa r-i Shi ha bya ka bya sarba duSh+tAn mA ra ya phaT/__de ltar bdun la sogs pa'i rjes/__oM ag+na ye bdag dang yon gyi bdag po'i gnod byed dgra bgegs byad ma rbod gtong dang bcas pa thams cad mA ra ya phaT/__zhes 'dod gsol sbyar bas phul/__rdzas rdzogs pa dang ar+g+haM sogs kyis nyer spyod phul/__bstod pa ni/__hU~M/__'jig rten dbang phyug tshangs dbang mgon gyi sras/__/me lha'i rgyal po DAk+kis dbang bskur ba/__/shes rab mchog gis nyon mongs thams cad sreg__/'dzin byed me lha nyid la rnam par 'dud/__yungs kar thab tu phul la/__na mo/__rig pa'i rgyal po khyod kyis sreg blug gi rdzas rnams lha yi zhal du dbul ba dang*/__ye shes kyi mer byin gyis brlabs nas drag po mngon spyod kyi phrin las thams cad 'grub par mdzad du gsol/__badz+ra muH__ye shes pa thab kyi shar lhor gshegs/__dam tshig pa 'bar ba'i rnam par gyur/__gnyis pa ni/__thabs la las chus bran/__bsang sbyang*/__a:__skye med dbyings kyi cho 'phrul las:__'gags med sgyu 'phrul rdo rje'i gar:__drag po'i thabs khung mtshan rdzogs pa:__ye shes me lce 'bar ba'i dbus:__klong lnga'i dwangs ma 'byung rim steng :__ye shes lnga rdzogs gzhal med khang :__dur khrod drag po'i bkod pa can:__'jigs shing skyi g.ya'i nang khongs su:__gnam lcags tsakra rtsibs bcu'i dbus:__bdag nyid ma bcos rtsa ba'i lha:__rdo rje gzhon nu sku mdog mthing :__zhal gsum phyag drug zhabs bzhi bgrad:__g.yas dkar g.yon dmar rngams bzhad gshe:__phyag drug ye shes rol pa'i rtags:__g.yas gnyis rdo rje rtse dgu lnga:__g.yon gnyis me phung kha T+wAM dang :__tha mas ri rab phur bu 'dril:__yum chen 'khor lo'i rgyas 'debs ma:__mthing skya ut+pal dung khrag bsnams:__dpal dang dur khrod rol pa'i chas:__pad nyi lha chen khyo shugs steng :__khams gsum zil gnon chen por bzhengs:__hU~M hU~M hU~M:__rdo rje hU~M gi glus bskul bas:__yab yum bzod med bde ba 'bar:__rjes chags snyoms zhugs mkha' gsang nas:__a ha~M sngags kyi sgra chen pos:__sangs rgyas sras bcas spyan drangs te:__zhal zhugs byang sems thig ler zhu:__'od kyi gong bu mkha' nas spros:__rtsibs steng dpal chen khro rgyal bcu:__mthing nag phur 'dril yum dang 'khyud:__za gsod pho nya'i sprin phung 'phro:__sgo bzhir phrin las sgo ma bzhi:__mu ran 'jig rten skyong bas bskor:__gtso bo yab yum gnas lnga ru:__sangs rgyas pad+ma rdo rje dang :__rin chen las kyi kI la ya:__dkar dmar mthing ser ljang gu'i mdog:__lhan skyes yum dang bcas par gsal:__gnas gsum oM AHhU~M gis mtshan:__rdo rje gsum du byin gyis brlabs:__bde gshegs dbang bskur ye shes lnga:__khrag 'thung rigs lnga'i phyag rgyar rdzogs:__oM AHhU~M:__hU~M oM trA~M hrIHAH__spos dang g.yab dar dbyangs rol dang bcas/__hU~M:__srid pa'i phur bu sgrub pa dang :__dbang dang dngos grub blang bya'i phyir:__ye shes khro bo gshegs su gsol:__khro rgyal 'khor bcas gshegs nas kyang :__rtags dang mtshan ma bstan pa dang :__kI la ya yi dngos grub stsol:__oM badz+ra kI li kI la ya hU~M:__badz+ra sa ma ya dza dza:__bzhugs gsol ni/__hU~M:__rdo rje gzhon nu'i lha tshogs rnams:__srid pa rdo rjer grub mdzod cig:__srid pa rdo rje phur pa'i lha:__ye shes khro bo grub par mdzod:__dzaHhU~M ba~M hoH__sa ma ya tiSh+Tha lhan:__phyag 'tshal ba ni/__hU~M:__thabs kyi spyod pas 'gro don du:__byams dang snying rjes gang 'dul ba:__sangs rgyas phrin las rdzogs mdzad pa'i:__khrag 'thung chen por phyag 'tshal lo:__a ti pU ho:__pra tIts+tsha hoH__mchod pa 'bul ba ni/__hU~MH__bla med mchog gi mchod pa ni:__ye shes lnga yi 'od zer 'phro:__yul dang dbang po gnyis med pa:__bde chen longs spyod chen por rol:__oM shrI badz+ra ku mA ra sa pa ri wA ra ar+g+haM pA d+yaM puSh+pe d+hU pe A lo ke gan+d+he nai bi d+ya shap+ta sarba pany+tsa a mr-i ta rak+ta ba liM ta ma hA su kha pU dza hoH__khyad par du rak+ta tshar gsum gyi mchod pa ni/__phud dang rak+ta bsres la dang po bka' bsgo ba'i phyir phul la/__hU~M:__dngos grub bar chad byed pa'i bgegs:__gdug cing sdang sems ldan pa rnams:__zungs shig rgyob cig rnam par chings:__gtogs shig grogs dang bral bar gyis:__rengs par khug la smrar chug cig:__phob cig rnam par gzir bar gyis:__nga yi dbang du gyur nas kyang :__bsgo ba'i bka' la nyan par byos:__ma hA rak+ta khA hi:__gnyis pa dam can gnad du dbab pa'i phyir 'bul ba ni/__hU~M:__bran dang bka' nyan pho nya'i tshogs:__khyed kyi dam tshig dus la bab:__sngon chad ji bzhin bcas pa yi:__mngon spyod phrin las myur du mdzod:__ma hA rak+ta khA hiH__gsum pa mthu dang rdzu 'phrul 'phrog pa'i phyir 'bul ba ni/__hU~M:__dngos grub bar chad byed pa'i bgegs:__gdug cing sdang sems ldan pa rnams:__lha'am 'on te bdud kyang rung :__nga la bar chad byed pa rnams:__mthu dang rdzu 'phrul med par gyis:__ma hA rak+ta khA hi:__bstod pa ni/__hU~M:__sgeg pa dpa' ba mi sdug rdo rje'i sku:__rgod gshe drag shul sngags kyi sgra gdangs can:__snying rje rngams zhi ye shes srog ldan pa'i:__phrin las 'dus pa'i lha la phyag 'tshal bstod:__sgrub mchod la sogs pa'i skabs/_gnam lcags tsakra rtsibs bcu'i dbus:___zhes pa'i mtshams las byang gi spyan 'dren brjod la las rdor gyis tshom bu spyan drangs/__slob dpon la g.yas su bskor te g.yon nas phul bas rtsa sngags brjod la me tog thab tu dor ba las/__dbus su ma bcos rtsa ba'i lha/__/sogs kyis lha tshogs yongs rdzogs bskyed nas las rim rnams bya dgos so/__/gang ltar yang bstod pa grub pa dang dgang blugs kha sbyar la/__dkyil 'khor pa'i lha tshogs rnams kyi ljags rdo rje'i sbu gu can gyis sreg blugs kyi bdud rtsi'i rgyun drangs nas gsol bar bsam/__oM badz+ra kI li kI la ya sarba big+h+nAn baM hU~M phaT:lan bdun dang bcas mar khu blugs gzar bdun gyis bkang ba phul rjes/__oM badz+ra kI li kI la ya hU~M:__rnal 'byor pa bdag dang yon gyi bdag po'i gnod byed dgra bgegs byad ma rbod gtong dang bcas pa thams cad mA ra ya phaT/__zhes 'dod gsol sbyar ba tshan gsum gyis byon skyems phul/__yam shing*/__oM badz+ra kI li kI la ya hU~M:__sarba duSh+tAn mA ra ya phaT/__brgya rtsa sogs/__oM badz+ra kI li kI la ya hU~M:__rnal 'byor pa bdag dang yon gyi bdag po'i gnod byed dgra bgegs byad ma rbod gtong dang bcas pa thams cad mA ra ya phaT/__mar khu/__oM badz+ra kI li kI la ya hU~M:__sarba duSh+tAn mA ra ya phaT/__zhes brgya rtsa sogs phul la/__oM badz+ra kI li kI la ya hU~M:__rnal 'byor pa bdag dang yon gyi bdag po'i gnod byed dgra bgegs byad ma rbod gtong dang bcas pa thams cad mA ra ya phaT/__zhes sbyar/__de nas ling+ga rnams mdun du bzhag la/__e yaM dz+wa la raM/__rang gi mdun du gnam lcags kyi brub khung bang rim dgu pa/__kha khyer dog cing gting zab pa/__'og gzhi gser gyi sa gzhi la thug pa/__mtshon cha sna tshogs kyi char 'bebs pa'i phyi rol du phur srung dam can rnams las la rngams pa de'i nang du nr-i tri las gnod byed dgra bgegs 'dus pa'i ngo bo nag la ham pa/__rkang lag lcags sgrog gis bsdams pa/__bu ga dgu nas khrag 'dzag pa/__mig shi mig 'o dod lhang lhang 'bod pa zhig tu gyur/__g.yab dril 'gugs rgya bcas/__na mo/__rig 'dzin rtsa brgyud kyi dpal ldan bla ma dam pa rnams kyi bka' bden pa dang*/__sangs rgyas kyi bka'=__chos kyi bka'=__dge 'dun gyi bka'=__gsang sngags dang rig sngags dang*/__gzungs sngags dang snying po dang phyag rgya dang ting nge 'dzin gyi bden pa dang*/__chos nyid gdod nas stongs kyang chos can rgyu 'bras bslu ba med pa'i bden pa dang*/__khyad par du bcom ldan 'das dpal chen rdo rje gzhon nu phrin las phur pa rol pa'i dkyil 'khor gyi lha tshogs bka' sdod dam can rgya mtsho'i tshogs dang bcas pa rnams kyi bka' bden pa dang*/__bden pa chen po'i mthu la brten nas bstan dang 'gro ba'i spyi dgra/__khyad par rig pa 'dzin pa bdag cag yon mchod 'khor dang bcas pa rnams la snga dgra lag gis bdar ba/__phyi dgra yid la sems pa/__da dgra thad du 'dzugs pa'i gzugs can sdang ba'i dgra dang*/__gzugs med gnod byed bgegs kyi tshogs dang bcas pa srid pa gsum gar gnas gar gros kyang skad cig yud tsam gyis dmigs pa'i rten 'di la khug cig__/oM badz+ra kI li kI la ya dgra bgegs gnod byed dzaHhU~M ba~M hoH__shrI g+h+raM A na ya hU~M phaTaH__lan gsum gyis bkug ste/__badz+ra aM ku sha dzaH__badz+ra pA sha hU~M:__badz+ra s+pho Ta ba~MH__badz+ra g+han+De hoH__pra be sha ya phaT:__A be sha ya AH__zhes phyag rgya bzhi'i dgug gzhug bcings myos dbye dbab rnams bya/__dngos gzhi'i bsgral ba ni phur bu 'dril la/__hU~M b+h+yoH__bstan dang 'gro la 'tshe ba yi:__dgra bgegs kla klo dgug cing bstim:__the tshom rtog pa'i byur 'dre kun:__dzaHhU~M ba~M hoH'i phyag rgyas gdab:__gzung dang 'dzin pa'i gnyis 'dzin bdud:__thams cad chos kyi dbyings su bsgral:__kun nas kun tu 'od gsal ba:__gdod ma'i stong chen dbyings su thim:__hU~M hU~M ho haM mA ra ya phaT:__oM badz+ra kI li kI la yaH__ma rak+mo yak+mo kA la rU pa:__che ge mA ra ya sod:__snying rtsa la yaM yaM:__che ge mA ra ya sod:__srog la yaM yaM:__snying ya phril phril:__che ge mA ra ya sod:__srog la chuM chuM:__tsit+ta srog la tung tung :__snying khrag srog la shad shad:__che ge mA ra ya sod:__thuM ri li li:__tseg tseg:__'ur 'ur:__shig shig:__gul gul:__myag myag:__che ge mA ra ya sod :__sod sod d+hA d+hi ma ma karma shrI g+h+raM kA ra ye mA ra se na pra mar+d+ha ni ye hU~M:__che ge mA ra ya sod phaT:zhes phur bus bsgral ral gris gtub la/__zhal bstab ni/__hU~M b+h+yoH__gnam sa tsam gyi zhal gdangs la:__gangs ri tsam gyi mche ba gtsigs:__glog dmar 'gyu 'dra'i ljags rkyongs te:__nyams pa bdun ldan dgra bo rol:__ye shes chen po'i gzi byin bskyed:__bde ba chen po'i rtsal dang bcas:__dbyings rig gnyis su med pa'i ngang :__mngon spyod phrin las mthar phyin mdzod:__sa ma ya ho ho ho:__a haM ma hA su kha hoH__ling ro drag po'i rdzas spungs la bsres te/__bsang sbyangs/__thod snod yangs shing rgya che bar ngo bo ye shes kyi bdud rtsi/__rnam pa drag po'i mchod rdzas bsam mi khyab par gyur/__zhes byin gyis brlabs pa slob dpon gyi lag g.yas par bzung*/__g.yon pas sdig mdzub kha phyir bstan gyis phul la/__hU~M/__sangs rgyas bstan pa bshigs pa dang*/__/dkon mchog sku dgra dben rtsa 'joms/__/chos khrims 'dral dang slob dpon dgra/__/rnal 'byor 'joms pa la sogs pa/__/bsad dang dbab dang nad ngan gyis/__/c-i nas brlag par khyed kyis gyis/__zhes dang*/__oM badz+ra kI li kI la ya hU~M:__sarba duSh+tAn mA ra ya phaT la grangs bzung*/__grangs ci rigs pa'i mtshams su/__oM badz+ra kI li kI la ya hU~M:__rnal 'byor pa bdag dang yon gyi bdag po'i gnod byed dgra bgegs byad ma rbod gtong dang bcas pa thams cad mA ra ya phaT/__zhes 'dod gsol sbyar/__de dag gi tshe dmigs pa/__dgyes pa chen po'i rang bzhin las byung ba'i 'od zer me dpung khro tshogs mtshon cha'i tshwa tshwa dus mtha'i me rlung ltar 'bar zhing 'phro bas bdag cag dpon slob yon mchod 'khor dang bcas pa la gnod cing 'tshe ba'i dgra bgegs byad ma dam sri'i sde dang bcas pa thal ba'i rdul bzhin du ming gi lhag ma med par brlag pa'i drag po mngon spyod kyi phrin las mdzad par bsams/__mthar rdzas thams cad rdzogs pa dang*/__me tog dkar po thab tu phul la/__/ye shes me dang gnyis med 'bar ba yi/__/phyag rgya chen po bsreg bya za ba'i zhal/__/sreg rdzas bdud rtsi'i mchod pas mnyes gyur nas/__/mngon spyod phrin las lhun gyis grub par mdzod/__/ces lan gsum gyis phrin las gsol/__gang la reg na 'jam pa'i lha rdzas kyang*/__/dbang po'i tshon gyis bsgyur ba'i smig rgyu yis/__/bar snang za 'og bcal du bkrams pa ltar/__/'bar bas 'gro kun bzod pa'i gos thob shog__/oM badz+ra was+t+ra ye swA hA/__zhes dang*/__oM badz+ra taM bu la ye swA hA/__zhes pas rdo thal med pa'i so rtsi 'jam po phul/__gtang rag gi mchod pa ni/__hU~MH__bla med mchog gi mchod pa ni:__ye shes lnga yi 'od zer 'phro:__yul dang dbang po gnyis med pa:__bde chen longs spyod chen por rol:__oM shrI badz+ra ku mA ra sa pa ri wA ra ar+g+haM pA d+yaM puSh+pe d+hU pe A lo ke gan+d+he nai bi d+ya shap+ta sarba pany+tsa a mr-i ta rak+ta ba liM ta ma hA su kha pU dza hoH__bstod pa ni/__hU~M:__sgeg pa dpa' ba mi sdug rdo rje'i sku:__rgod gshe drag shul sngags kyi sgra gdangs can:__snying rje rngams zhi ye shes srog ldan pa'i:__phrin las 'dus pa'i lha la phyag 'tshal bstod:__dngos grub bskul ba ni/__'jigs pa brgyad sogs zhi ba'i dngos grub stsol/__/'byor pa drug ldan rgyas pa'i dngos grub stsol/__/mos pa rnam bzhi dbang gi dngos grub stsol/__/dgra bgegs tshar gcod drag po'i dngos grub stsol/__oM badz+ra kI li kI la ya hU~M:__kA ya wAk+ka tsit+ta sarba sid+d+hi pha la hoH__zhes dngos grub kyang blangs/__dkyil 'khor pa'i lha tshogs rnams kyi ljags rdo rje'i sbu gu can gyis sreg blugs kyi bdud rtsi'i rgyun drangs nas gsol bar bsam/__oM badz+ra kI li kI la ya sarba big+h+nAn baM hU~M phaT:lan bdun dang bcas mar khu blugs gzar bdun gyis bkang ba phul rjes/__oM badz+ra kI li kI la ya hU~M:__rnal 'byor pa bdag dang yon gyi bdag po'i gnod byed dgra bgegs byad ma rbod gtong dang bcas pa thams cad mA ra ya phaT/__zhes gshegs skyems dgang blug tshan gsum phul/__ma 'byor pa dang nyams pa dang*/__sogs kyi mthar yig brgyas nongs pa bshags/__oM/__khyed kyis sems can sogs mthar/__badz+ra muHsa ye shes pa gshegs su gsol/__sgrub mchod skabs/__dkyil 'khor pa'i lha tshogs dgyes pa chen pos sgrub pa'i dkyil 'khor dang gnyis su med par gshegs par bsams la tshom bu'i maN+Dal sgrub khang du spyan drangs/__gsum pa ni/__bsang sbyangs/__dam tshig me lha rang bzhin yongs su rdzogs par gsal ba'i gnas gsum las 'od zer 'phros pas ye shes pa badz+ra sa mA ya dzaH__dzaHhU~M ba~M hoH__me lha zhal gdangs pa'i ljags rdo rje'i sbu gus sreg blug gi rgyun drangs te gsol bar bsams la/__oM ag+na ye swA hA/__zhes mar khu blugs gzar bdun gyis bkang ba'i dgang blugs kha sbyar la/__oM ag+na ye bdag dang yon gyi bdag po'i gnod byed dgra bgegs byad ma rbod gtong dang bcas pa thams cad mA ra ya phaT/__byon skyems dgang blugs gsum phul/__oM bi ma la ag+na ye swA hA/__lan gsum gyis gos zung dang so rtsi phul/__me gsos te gtang rag gi tshul du rdzas lhag ma/__yam shing*/__oM b+ho d+hi b+hr-ik+Sha ya swA hA/__mar khu/__oM ag+na ye swA hA/__rdzas spungs/__oM ag+ni de wa r-i Shi ha bya ka bya sarba duSh+tAn mA ra ya phaT/__zhes so sor lan gsum sogs kyi mthar/__oM ag+na ye r-i Shi rA dzA ya/__bdag cag dpon slob yon mchod thams cad kyi cho ga lhag chad 'gal 'khrul nyams chags nyes ltung thams cad shAn+tiM ku ru ye swA hA/__zhes sbyar bas phul/__ar+g+haM sogs kyis nyer spyod phul/__bstod pa ni/__hU~M/__'jig rten dbang phyug tshangs dbang mgon gyi sras/__/me lha'i rgyal po DAk+kis dbang bskur ba/__/shes rab mchog gis nyon mongs thams cad sreg__/'dzin byed me lha nyid la rnam par 'dud/__a kA ros gtor ma bsngos la/__mchod sbyin gtor ma sogs kyis phrin las bcol/__nongs pa bshags/__gshegs su gsol ba ni/__don gnyis sgrub pa'i me yi lha/__/rang rang yul du gshegs nas kyang*/__/slar yang phrin las bsgrub pa'i phyir/__/dus su 'byon par mdzad du gsol/__/badz+ra muHsa ye shes pa gshegs/__dam tshig pa lte ba'i a thung la thim/__dge ba bsngo zhing smon lam gdab pa shis brjod bcas las byang ltar byas pas grub pa'o/__me dug khrag gi chus bsad/__thal ba lam gyi bzhi mdor mnan la rta bro bya/__las thams cad la las rjes mi mngon par bsdu'o/__/de ltar skabs su gang babs kyi 'dod tshig bsgyur 'os can rnams mchan gyis gsal ba ltar byas pas grub/__tshul 'dis ni las thams cad thogs med du 'grub par byed pa rno la ngar gyis btags pa dang 'dra bar gsungs pas bsnyen sgrub kyi kha skong sogs la gces shing*/__der ma zad spyi'i khog dbub 'di ltar la skabs su babs pa'i lha sngags kha bsgyur byas pas gshin rje sogs snyan brgyud kyi rigs spyi la'ang sbyar bas don grub pa'o/__/slar smras pa/__mthu stobs dus mtha'i zhugs lce rab rno bas/__/ma rungs bdud dgra'i tshogs rnams skad cig bsregs/__/mchog gi ye shes me yi 'od zer gyis/__/zhi dang rgyas mdzad dbang gi las la myur/__/de lta'i sreg blugs cho ga'i las rim 'di/__/spel bas bdag rtog ye shes mes bsregs nas/__/bdag med rig stong badz+ra ku ma ra'i/__/go 'phang tshe 'di nyid la mngon byed shog__/ces pa'ang nang chen tshes bcu bla ma blo gros mchog ldan gyis bskul ngor chos kyi blo gros dang*/__bkra shis dpal 'byor zung gis legs par dpyad nas shin tu mdor bsdus su bris pa dge legs mchog tu gyur cig__/sarba dA ka l+yA NaM b+ha ba tu/__/drag sreg nag 'gros su bkod pa po ni phun tshogs rnam rgyal lo/__/oM swa sti/__las rnams myur du 'grub byed pa'i/__/rdo rje ye shes me bo ches/__/kun tu rtog pa'i tshang tshing bsreg__/dngos grub dpal ster 'di longs shig__/bkra shis zhal dro'o/__/dge'o/__dge'o/__/dge'o//__//