JKCL-KABUM-12-NA-076

From Khyentse Lineage - A Tsadra Foundation Project

གཏེར་གྱི་བསྟན་རྒྱས་སྨོན་ལམ་བཀྲ་ཤིས་ལྷ་ཡི་རྔ་ཆེན།
Wylie title gter gyi bstan rgyas smon lam bkra shis lha yi rnga chen JKCL-KABUM-12-NA-076.pdf
Location chos kyi blo gros bka' 'bum
Volume 12, Text 76, Pages 345-346 (Folios 1a1 to 1b4)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation 'jam dbyangs mkhyen brtse chos kyi blo gros. gter gyi bstan rgyas smon lam bkra shis lha yi rnga chen. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 345-346. Bir, H.P.: Khyentse Labrang, 2012.
Genre Prayers - smon lam
Colophon

།ཅེས་ས་ཕོ་བྱི་བའི་ལོ་རྒྱལ་གྱི་ཟླ་བའི་ཚེས་བཅུ་བཟང་པོར་རིག་འཛིན་བླ་མ་ཉིད་ཀྱི་ཕྱག་བྲིས། སྐུ་གསུང་ཐུགས་རྟེན་འཆི་མེད་ཚེ་སྟོབས་བསྐྱེད་པའི་བཅུད་ལེན་རིལ་བུ་སོགས་གནང་འབྱོར་བྱུང་ཞིང་། ཟབ་གཏེར་གྱི་དཔེ་མཇལ་བ་ན་རབ་ཏུ་དྭངས་བས་མཚམས་སྦྱར་ཏེ། འཇམ་དབྱངས་མཁྱེན་བརྩེའི་སྤྲུལ་མིང་འཛིན་པ་འཇམ་དབྱངས་ཆོས་ཀྱི་བློ་གྲོས་ཀུན་དགའ་ཕྲིན་ལས་རྒྱ་མཚོས་སྨོན་ཚིག་ཏུ་བྲིས་པ་དགེ་ལེགས་སུ་གྱུར་ཅིག །སརྦ་དཱ་མངྒ་ལཾ།།

/ces sa pho byi ba'i lo rgyal gyi zla ba'i tshes bcu bzang por rig 'dzin bla ma nyid kyi phyag bris/__sku gsung thugs rten 'chi med tshe stobs bskyed pa'i bcud len ril bu sogs gnang 'byor byung zhing /__zab gter gyi dpe mjal ba na rab tu dwangs bas mtshams sbyar te/__'jam dbyangs mkhyen brtse'i sprul ming 'dzin pa 'jam dbyangs chos kyi blo gros kun dga' phrin las rgya mtshos smon tshig tu bris pa dge legs su gyur cig__/sarba dA mang+ga laM//

":Property:textsubnumber|textsubnumber" can not be assigned to a declared number type with value 1.

[edit]
གཏེར་གྱི་བསྟན་རྒྱས་སྨོན་ལམ་བཀྲ་ཤིས་ལྷ་ཡི་རྔ་ཆེན་ཞེས་བྱ་བ་བཞུགས་སོ། །ཨོཾ་སྭསྟི། རིག་འཛིན་རྩ་བརྒྱུད་མཁའ་ལ་སྤྲིན་ལྟར་དཀྲིགས། །ཡི་དམ་ལྷ་ཚོགས་ཞི་ཁྲོའི་གར་བསྒྱུར་ཞིང་། །མཁའ་འགྲོ་ཆོས་སྐྱོངས་རྡུལ་གྱི་གྲངས་སྙེད་རྣམས། །ཐུགས་དམ་ཐུགས་རྗེས་དགོངས་པར་མཛད་དུ་གསོལ། །རྩ་གསུམ་ཀུན་འདུས་ཨོ་རྒྱན་རྡོ་རྗེ་འཆང་། །གང་གི་ཡེ་ཤེས་སྒྱུ་མའི་རྣམ་པར་འཕྲུལ། །ལྷ་ཡི་སྲས་པོ་མུ་ཏིག་བཙད་པོ་ཡི། །རྣམ་རོལ་བྱང་ཆུབ་རྡོ་རྗེ་ཞབས་བརྟན་གསོལ། །མ་ཧཱ་གུ་རུའི་ཐུགས་ཀྱི་གསང་བའི་མཛོད། །ཌཱ་ཀི་འབུམ་གྱི་སྙིང་ཁྲག་དྭངས་མའི་བཅུད། །ཐུགས་གཏེར་ཆེན་པོ་བླ་མེད་ཡང་ཏིག་ཅེས། །སྔོན་མེད་ངོ་མཚར་ཟབ་དང་རྒྱ་ཆེ་བ། །ཡི་དམ་བཀའ་འདུས་མཁའ་འགྲོ་རྒྱ་མཚོ་དང་། །དྲག་སྔགས་དགོངས་པ་འདུས་པ་ལ་སོགས་པ། །སྲེད་ལེན་མེད་པའི་བརྡའ་ཡི་རི་མོ་ལས། །འཛད་མེད་ཆོས་ཀྱི་གཏེར་མཛོད་ཆེན་པོ་ཡིས། །དམ་ལྡན་སྐལ་བཟང་སློབ་ཚོགས་སྨིན་ཅིང་གྲོལ། །གདུལ་བྱ་མི་དང་མི་མིན་མཐའ་ཀླས་འདུལ། །ནག་ཕྱོགས་ལྷ་མིན་ཀླ་ཀློའི་གདུག་རྩུབ་ཞི། །རྒྱ་འདྲེ་འགོངས་པོའི་རྒྱུ་བ་རབ་བཅད་དེ། །བོད་ཁམས་མཐའ་དབུས་ཀུན་ཏུ་དགེ་ཞིང་ཤིས། །བསྟན་འཛིན་སྐྱེས་རྣམས་སྐུ་ཚེ་བརྟན་པ་དང་། །ཆོས་སྐྱོང་རྒྱལ་པོའི་མངའ་ཐང་རབ་ཏུ་རྒྱས། །འཇིག་རྟེན་ཀུན་ཏུ་བདེ་དགེས་འབྱོར་པར་ཤོག །ཟབ་གཏེར་བསྟན་པ་མི་ནུབ་ཡུན་དུ་གནས། །ཆོས་ཀྱི་བྱིན་རླབས་གོང་ནས་གོང་དུ་འཕེལ། །འབྲེལ་པ་ཐོབ་ཚད་ཤིན་ཏུ་བཀྲ་ཤིས་ཤིང་། །རང་གཞན་དོན་གཉིས་ལྷུན་གྱིས་གྲུབ་གྱུར་ཅིག །བདུད་འདུལ་བདེ་ཆེན་མཁའ་སྤྱོད་གླིང་པ་ཡི། །ཐུགས་གཏེར་ཆེན་པོ་ནོར་བུའི་མཛོད་ཆེན་རྣམས། །ཕྱོགས་དུས་ཀུན་ཏུ་དར་ཤིང་རྒྱས་པ་དང་། །བསྟན་པ་ཡུན་དུ་གནས་པའི་བཀྲ་ཤིས་ཤོག །ཅེས་ས་ཕོ་བྱི་བའི་ལོ་རྒྱལ་གྱི་ཟླ་བའི་ཚེས་བཅུ་བཟང་པོར་རིག་འཛིན་བླ་མ་ཉིད་ཀྱི་ཕྱག་བྲིས། སྐུ་གསུང་ཐུགས་རྟེན་འཆི་མེད་ཚེ་སྟོབས་བསྐྱེད་པའི་བཅུད་ལེན་རིལ་བུ་སོགས་གནང་འབྱོར་བྱུང་ཞིང་། ཟབ་གཏེར་གྱི་དཔེ་མཇལ་བ་ན་རབ་ཏུ་དྭངས་བས་མཚམས་སྦྱར་ཏེ། འཇམ་དབྱངས་མཁྱེན་བརྩེའི་སྤྲུལ་མིང་འཛིན་པ་འཇམ་དབྱངས་ཆོས་ཀྱི་བློ་གྲོས་ཀུན་དགའ་ཕྲིན་ལས་རྒྱ་མཚོས་སྨོན་ཚིག་ཏུ་བྲིས་པ་དགེ་ལེགས་སུ་གྱུར་ཅིག །སརྦ་དཱ་མངྒ་ལཾ།། །།
[edit]

gter gyi bstan rgyas smon lam bkra shis lha yi rnga chen zhes bya ba bzhugs so/__/oM swasti/__rig 'dzin rtsa brgyud mkha' la sprin ltar dkrigs/__/yi dam lha tshogs zhi khro'i gar bsgyur zhing /__/mkha' 'gro chos skyongs rdul gyi grangs snyed rnams/__/thugs dam thugs rjes dgongs par mdzad du gsol/__/rtsa gsum kun 'dus o rgyan rdo rje 'chang /__/gang gi ye shes sgyu ma'i rnam par 'phrul/__/lha yi sras po mu tig btsad po yi/__/rnam rol byang chub rdo rje zhabs brtan gsol/__/ma hA gu ru'i thugs kyi gsang ba'i mdzod/__/DA ki 'bum gyi snying khrag dwangs ma'i bcud/__/thugs gter chen po bla med yang tig ces/__/sngon med ngo mtshar zab dang rgya che ba/__/yi dam bka' 'dus mkha' 'gro rgya mtsho dang /__/drag sngags dgongs pa 'dus pa la sogs pa/__/sred len med pa'i brda' yi ri mo las/__/'dzad med chos kyi gter mdzod chen po yis/__/dam ldan skal bzang slob tshogs smin cing grol/__/gdul bya mi dang mi min mtha' klas 'dul/__/nag phyogs lha min kla klo'i gdug rtsub zhi/__/rgya 'dre 'gongs po'i rgyu ba rab bcad de/__/bod khams mtha' dbus kun tu dge zhing shis/__/bstan 'dzin skyes rnams sku tshe brtan pa dang /__/chos skyong rgyal po'i mnga' thang rab tu rgyas/__/'jig rten kun tu bde dges 'byor par shog__/zab gter bstan pa mi nub yun du gnas/__/chos kyi byin rlabs gong nas gong du 'phel/__/'brel pa thob tshad shin tu bkra shis shing /__/rang gzhan don gnyis lhun gyis grub gyur cig__/bdud 'dul bde chen mkha' spyod gling pa yi/__/thugs gter chen po nor bu'i mdzod chen rnams/__/phyogs dus kun tu dar shing rgyas pa dang /__/bstan pa yun du gnas pa'i bkra shis shog__/ces sa pho byi ba'i lo rgyal gyi zla ba'i tshes bcu bzang por rig 'dzin bla ma nyid kyi phyag bris/__sku gsung thugs rten 'chi med tshe stobs bskyed pa'i bcud len ril bu sogs gnang 'byor byung zhing /__zab gter gyi dpe mjal ba na rab tu dwangs bas mtshams sbyar te/__'jam dbyangs mkhyen brtse'i sprul ming 'dzin pa 'jam dbyangs chos kyi blo gros kun dga' phrin las rgya mtshos smon tshig tu bris pa dge legs su gyur cig__/sarba dA mang+ga laM//___//

Footnotes

Other Information