JKCL-KABUM-12-NA-032

Previous Text Back to Volume PageNext Text

སྐྱབས་མགོན་བདག་ཆེན་རྡོ་རྗེ་འཆང་ཆེན་པོའི་མདུན་སར་ཞེས་པ།

Wylie title	skyabs mgon bdag chen rdo rje 'chang chen po'i mdun sar zhes pa
Location	chos kyi blo gros bka' 'bum Volume 12, Text 32, Pages 117-118 (Folios 1a1 to 1b1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. skyabs mgon bdag chen rdo rje 'chang chen po'i mdun sar zhes pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 117-118. Bir, H.P.: Khyentse Labrang, 2012.
Genre	Official Letters - chab shog

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

སྐྱབས་མགོན་བདག་ཆེན་རྡོ་རྗེ་འཆང་ཆེན་པོའི་མདུན་སར། ད་ལམ་ཀུན་མཁྱེན་བླ་མ་འཇམ་དབྱངས་མཁྱེན་བརྩེའི་དབང་པོའི་གདན་ས་འདིའི་དཔལ་ཆེན་རྡོ་རྗེ་གཞོན་ནུའི་སྒྲུབ་མཆོད་ཆེན་པོའི་འཚོགས་དབུར་ཞབས་རྟེན་གྱི་པདྨོ་བཀོད་དེ། སྒྲུབ་ཕྲིན་ཀྱི་ཕྱག་བཞེས་ཆེ་ཕྲ་འཁོན་སྟོན་རིག་འཛིན་བརྒྱུད་པ་རྣམས་ཀྱི་དཀའ་སྲོལ་ལས་བྱུང་བ་བཞིན་རྒྱས་པར་གྲུབ་པའི་བཀའ་དྲིན་ནི་ས་ཆེན་འདིས་ཀྱང་ཐེག་པར་དཀའ་ཞིང་། བྱང་ཆུབ་སྙིང་པོའི་མཐར་ཐུག་པའི་བར་དུ་གཞལ་བྱའི་ཡུལ་ལས་འདས། དད་གུས་དགའ་སྤྲོ་ཆེན་པོའི་དགའ་སྟོན་གཏང་རག་ཚོགས་མཆོད་དང་འབྲེལ་བའི་མཎྜལ་མཚོན་བྱེད་ཙམ་དུ། བཀྲ་ཤིས་པའི་ནང་མཛོད་ཉིན་བདེ་མ། གསང་གསུམ་གཞོམས་བྲལ་རྟག་ཁྱབ་ལྷུན་གྲུབ་ཆེན་པོར་འཕོ་འགྱུར་བྲལ་བར་བཞུགས་མཚོན་སྐུ་གསུང་ཐུགས་རྡོ་རྗེའི་སྣང་བརྙན། གཟི་རེས་སྟག་ཆེན་༡དང་། བྱེ་རུ༢། རིན་ཆེན་དང་པོ་སྲང་གང་། རིན་གཉིས་རྔ་སྒོར་༡༦༠བཅས་ཕུལ་བས། རྗེ་བཙུན་བླ་མ་རྡོ་རྗེ་འཆང་གི་ཞབས་པད་བསྐལ་བརྒྱར་བརྟན་ཅིང་། སླད་ནས་ཀྱང་བཛྲ་ཀྵའི་ལ་ཡའི་ཚོམ་བུ་ཚོགས་ཀྱི་སྒྲུབ་པ་ཆེན་པོའི་དགའ་སྟོན་ལ་ཡང་ཡང་ལོངས་སྤྱོད་པའི་སྐལ་བ་བཟང་པོའི་རྟེན་འབྱུང་ནུབ་མེད་རྟག་པར་འཆར་བའི་གསོལ་འདེབས་སྨོན་ལམ་ཡང་ཡང་ཞུ་བ་ལགས་ན་མཁྱེན་བརྩེ་ཡེ་ཤེས་ཀྱི་གཟིགས་པ་དམ་པར་མངའ་བ་ཞུ་ཞུ་ཞུ། མཁྱེན་མཁྱེན་མཁྱེན། །ཞེས་སོ།། །།

[edit]

skyabs mgon bdag chen rdo rje 'chang chen po'i mdun sar/__da lam kun mkhyen bla ma 'jam dbyangs mkhyen brtse'i dbang po'i gdan sa 'di'i dpal chen rdo rje gzhon nu'i sgrub mchod chen po'i 'tshogs dbur zhabs rten gyi pad+mo bkod de/__sgrub phrin kyi phyag bzhes che phra 'khon ston rig 'dzin brgyud pa rnams kyi dka' srol las byung ba bzhin rgyas par grub pa'i bka' drin ni sa chen 'dis kyang theg par dka' zhing /__byang chub snying po'i mthar thug pa'i bar du gzhal bya'i yul las 'das/__dad gus dga' spro chen po'i dga' ston gtang rag tshogs mchod dang 'brel ba'i maN+Dal mtshon byed tsam du/__bkra shis pa'i nang mdzod nyin bde ma/__gsang gsum gzhoms bral rtag khyab lhun grub chen por 'pho 'gyur bral bar bzhugs mtshon sku gsung thugs rdo rje'i snang brnyan/__gzi res stag chen 1dang /__bye ru2/__rin chen dang po srang gang /__rin gnyis rnga sgor 160bcas phul bas/__rje btsun bla ma rdo rje 'chang gi zhabs pad bskal brgyar brtan cing /__slad nas kyang badz+ra k+Sha'i la ya'i tshom bu tshogs kyi sgrub pa chen po'i dga' ston la yang yang longs spyod pa'i skal ba bzang po'i rten 'byung nub med rtag par 'char ba'i gsol 'debs smon lam yang yang zhu ba lags na mkhyen brtse ye shes kyi gzigs pa dam par mnga' ba zhu zhu zhu/__mkhyen mkhyen mkhyen/__/zhes so//___//