ལྷ་བཅས་སྲིད་ཞིའི་གཙུག་རྒྱན་ཁམས་གསུམ་འགྲོ་བའི་བླ་མ་༧རྒྱལ་མཆོག་ཐམས་ཅད་མཁྱེན་པ་ཆེན་པོའི་ཞབས་པད་གསེར་ཁྲིས་བཏེགས་པའི་དྲུང་དུ་ཞེས་པ།

🚧 This website is under continued development. We appreciate your patience!

Previous Text Back to Volume PageNext Text

Wylie title	lha bcas srid zhi'i gtsug rgyan khams gsum 'gro ba'i bla ma rgyal mchog thams cad mkhyen pa chen po'i zhabs pad gser khris btegs pa'i drung du zhes pa
Location	chos kyi blo gros bka' 'bum Volume 11, Text 126, Pages 609-611 (Folios 1a1 to 2a1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. lha bcas srid zhi'i gtsug rgyan khams gsum 'gro ba'i bla ma rgyal mchog thams cad mkhyen pa chen po'i zhabs pad gser khris btegs pa'i drung du zhes pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: 609-611. Bir, H.P.: Khyentse Labrang, 2012.
Genre	Official Letters - chab shog
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/letter-to-dalai-lama-beijing

1 Texts in this Section (sde tshan or chos tshan)

609-611	ལྷ་བཅས་སྲིད་ཞིའི་གཙུག་རྒྱན་ཁམས་གསུམ་འགྲོ་བའི་བླ་མ་༧རྒྱལ་མཆོག་ཐམས་ཅད་མཁྱེན་པ་ཆེན་པོའི་ཞབས་པད་གསེར་ཁྲིས་བཏེགས་པའི་དྲུང་དུ་ཞེས་པ། lha bcas srid zhi'i gtsug rgyan khams gsum 'gro ba'i bla ma rgyal mchog thams cad mkhyen pa chen po'i zhabs pad gser khris btegs pa'i drung du zhes pa Official Letters - chab shog	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

ལྷ་བཅས་སྲིད་ཞིའི་གཙུག་རྒྱན་ཁམས་གསུམ་འགྲོ་བའི་བླ་མ་༧རྒྱལ་མཆོག་ཐམས་ཅད་མཁྱེན་པ་ཆེན་པོའི་ཞབས་པད་གསེར་ཁྲིས་བཏེགས་པའི་དྲུང་དུ། སྒོ་གསུམ་རབ་གུས་སྨན་ཤོད་རྫོང་གསར་བཀྲ་ཤིས་ལྷ་རྩེའི་འཇམ་དབྱངས་མཁྱེན་བརྩེའི་སྤྲུལ་མིང་འཛིན་པ་ཆོས་ཀྱི་བློ་གྲོས་པ་དང་། ཆོས་རྗེ་བླ་མ་ལས་སྣེ་གྲྭ་ཚངས་བཅས་པས་སོར་བཅུའི་གོང་བུ་སྤྱི་བོར་ཟླུམ་པ་དང་བཅས་མགྲིན་གཅིག་ཞུ་གསོལ་བ་འདེབས་སྙིང་། དེང་། ལྷ་མིའི་མཆོད་སྡོང་ཆེན་པོ་རྒྱལ་བསྟན་རིས་སུ་མ་ཆད་པའི་བསྟན་འགྲོའི་ཕན་བདེ་འབྱུང་བའི་རྩ་ལག་དམ་པར་གྱུར་པ་སྐྱབས་མགོན་ཏཱ་ལའི་བླ་མ་མཆོག་ཉིད་གསང་གསུམ་མཚན་དཔེའི་དཀྱིལ་འཁོར་རྟ་བདུན་དབང་པོ་བཞིན་དུ་གསལ་ཞིང་གང་འདུལ་ཕྲིན་ལས་ཀྱི་འོད་སྣང་ཕྱོགས་དུས་ཀུན་ཏུ་ཁྱབ་པར་བརྡལ་བ་དང་། མ་ཧཱ་ཙཱི་ནའི་ལྗོངས་ཀྱི་ས་ཡི་ལྟེ་བར་ཕོ་བྲང་ཆེན་པོ་པེ་ཅིན་དུ། ཛམ་གླིང་སྐྱེ་འགྲོ་མཐའ་དག་གི་ཕ་མ་ལྟ་བུའི་མཛའ་བཤེས་ཚངས་པ་ཆེན་པོ་མོའུ་ཀྲུའུ་ཞིའི་དང་མཆོད་ཡོན་གསེར་ཞལ་རྒྱས་པས་བོད་དང་བོད་ཆེན་ལྗོངས་ཀྱི་ས་ཡི་ཆར་འཁོད་པའི་རིས་མེད་རྒྱལ་བསྟན་མཐའ་དག་འགལ་མེད་གྲུ་བཞི་ལམ་ཁྱེར་གྱི་རང་གནས་སོར་འཇག་དང་ཆོས་སྲིད་རང་སྐྱོང་གི་ཆོས་སྤྱོད་རྣམ་བཅུའི་བྱ་ཆ་སོ་སོའི་འཛིན་ཁོངས་དང་བཅས་པ་ཐམས་ཅད་སྔར་ལམ་ཇི་བཞིན་བདེ་སྐྱོང་ཆོག་པའི་བཀའ་མོལ་རྩ་ཚིག་ཏུ་བཀོད་པ་སོགས་ཀུན་མཁྱེན་རྒྱལ་བ་ཤཱཀྱ་སེངྒེའི་བསྟན་པ་རིན་པོ་ཆེ་སྒྲུབ་བརྒྱུད་ཤིང་རྟ་ཆེན་པོ་བརྒྱད་དང་བཤད་རྒྱུན་འདེགས་པའི་ཀ་ཆེན་རྣམས་ཉམས་མེད་དར་རྒྱས་འབྱུང་བའི་བདག་རྐྱེན་གྱི་བྱེད་པོ་ཐུན་མིན་གྱི་བཀའ་དྲིན་ས་ཆེན་པོ་འདིས་ཀྱང་ཐེག་པར་དཀའ་ན་ཡང་ད་ལམ་ཤིན་ཏུ་དད་གུས་སྤྲོ་དགའ་ཚད་མེད་རབ་དགའི་ཏིང་ངེ་འཛིན་གྱིས་ཀྱང་མཚོན་དུ་མེད་པའི་ཤུགས་ཀྱིས་དྲངས་ཏེ་ལེགས་འབུལ་མཎྜལ་གྱིས་མཆོད་སྤྲིན་མཚོན་བྱེད། བཀྲ་ཤིས་པའི་ལྷ་རེག་ཉིན་མོ་བདེ་ལེགས། མཎྜལ་རྟེན་གསུམ་དོད་དུ་གོར་ལྔ། རིན་གཉིས་དྷ་གོར་བརྒྱ་ཕྲག་བཅུ་ཐམ་པ་བཅས་ཕུལ་བས་དགྱེས་པའི་སྤྱན་ཟུར་གྱི་འབབས་སྟེགས་སུ་ཡུད་ཙམ་གཡོ་བ་དང་། སླད་ནས་ཀྱང་ཛཾ་གླིང་བསྟན་འགྲོའི་སྤྱི་དཔལ་ཆེན་པོར་ཞབས་པད་རྡོ་རྗེའི་ཁྲི་ལ་ནམ་ཡང་གཡོ་མེད་བསྐལ་བརྒྱར་བཞུགས་པ་དང་བོད་ཆེན་ལྗོངས་འཁོད་སྤྱི་དང་བྱེ་བྲག་མདོ་སྨད་སྡེ་དགེའི་རྒྱལ་ཁབ་ཀྱི་བསྟན་འགྲོ་མཐའ་དག་དང་། ཁྱད་པར་གུས་པ་དགོན་ཆུང་གི་བླ་སྤྲུལ་ཐམས་ཅད་ལ་འདི་ཕྱི་ཀུན་ཏུ་སྐྱབས་སྲུངས་ཐུགས་རྗེའི་གཟིགས་པས་ནམ་ཡང་མི་འདོར་བ་དང་། དམིགས་བསལ་ལེགས་སྤེལ་ཉེས་སེལ་གྱི་བཀའ་བསླབ་གནང་འོས་རིགས་ཀྱང་སྤྱི་བོའི་རྒྱན་དུ་སྩོལ་བར་ཞུ་ཞུ་ཞུ། མཁྱཻནེ། མཁྱཻནེ། ཞེས་དད་ཕྱག་གྲངས་མེད་བརྩེགས་ཏེ་གསོལ་བ་འདེབས་པའི་ཞུ་ཆུང་།། །།

[edit]

lha bcas srid zhi'i gtsug rgyan khams gsum 'gro ba'i bla ma 7rgyal mchog thams cad mkhyen pa chen po'i zhabs pad gser khris btegs pa'i drung du/__sgo gsum rab gus sman shod rdzong gsar bkra shis lha rtse'i 'jam dbyangs mkhyen brtse'i sprul ming 'dzin pa chos kyi blo gros pa dang /__chos rje bla ma las sne grwa tshangs bcas pas sor bcu'i gong bu spyi bor zlum pa dang bcas mgrin gcig zhu gsol ba 'debs snying /__deng /__lha mi'i mchod sdong chen po rgyal bstan ris su ma chad pa'i bstan 'gro'i phan bde 'byung ba'i rtsa lag dam par gyur pa skyabs mgon tA la'i bla ma mchog nyid gsang gsum mtshan dpe'i dkyil 'khor rta bdun dbang po bzhin du gsal zhing gang 'dul phrin las kyi 'od snang phyogs dus kun tu khyab par brdal ba dang /__ma hA tsI na'i ljongs kyi sa yi lte bar pho brang chen po pe cin du/__dzam gling skye 'gro mtha' dag gi pha ma lta bu'i mdza' bshes tshangs pa chen po mo'u kru'u zhi'i dang mchod yon gser zhal rgyas pas bod dang bod chen ljongs kyi sa yi char 'khod pa'i ris med rgyal bstan mtha' dag 'gal med gru bzhi lam khyer gyi rang gnas sor 'jag dang chos srid rang skyong gi chos spyod rnam bcu'i bya cha so so'i 'dzin khongs dang bcas pa thams cad sngar lam ji bzhin bde skyong chog pa'i bka' mol rtsa tshig tu bkod pa sogs kun mkhyen rgyal ba shAkya seng+ge'i bstan pa rin po che sgrub brgyud shing rta chen po brgyad dang bshad rgyun 'degs pa'i ka chen rnams nyams med dar rgyas 'byung ba'i bdag rkyen gyi byed po thun min gyi bka' drin sa chen po 'dis kyang theg par dka' na yang da lam shin tu dad gus spro dga' tshad med rab dga'i ting nge 'dzin gyis kyang mtshon du med pa'i shugs kyis drangs te legs 'bul maN+Dal gyis mchod sprin mtshon byed/__bkra shis pa'i lha reg nyin mo bde legs/__maN+Dal rten gsum dod du gor lnga/__rin gnyis d+ha gor brgya phrag bcu tham pa bcas phul bas dgyes pa'i spyan zur gyi 'babs stegs su yud tsam g.yo ba dang /__slad nas kyang dzaM gling bstan 'gro'i spyi dpal chen por zhabs pad rdo rje'i khri la nam yang g.yo med bskal brgyar bzhugs pa dang bod chen ljongs 'khod spyi dang bye brag mdo smad sde dge'i rgyal khab kyi bstan 'gro mtha' dag dang /__khyad par gus pa dgon chung gi bla sprul thams cad la 'di phyi kun tu skyabs srungs thugs rje'i gzigs pas nam yang mi 'dor ba dang /__dmigs bsal legs spel nyes sel gyi bka' bslab gnang 'os rigs kyang spyi bo'i rgyan du stsol bar zhu zhu zhu/__mkhyaine/__mkhyaine/__zhes dad phyag grangs med brtsegs te gsol ba 'debs pa'i zhu chung //__//