JKCL-KABUM-10-THA-060

Previous Text Back to Volume PageNext Text

རྫོང་གསར་ཕུར་སྒྲུབ་འདོན་འགྲིག་མ་དེབ།

Wylie title	rdzong gsar phur sgrub 'don 'grig ma deb
Location	chos kyi blo gros bka' 'bum Volume 10, Text 60, Pages 441-464 (Folios 1a to 12b3)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. rdzong gsar phur sgrub 'don 'grig ma deb. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 10: 441-464. Bir, H.P.: Khyentse Labrang, 2012.
Genre	Liturgy - ngag 'don
Colophon	།ཅེས་པའང་འཇམ་པའི་རྡོ་རྗེ་མཆོག་གི་སྤྲུལ་པའི་སྐུ་རིན་པོ་ཆེའི་བཀའ་ཕེབས་གནང་དོན་ལྟར་ཤྲཱིཿས་སྐྱ་ཕུན་ཚོགས་ཕོ་བྲང་པའི་འཁོན་གདུང་ངག་དབང་ཀུན་དགའ་བསོད་ནམ་འཇིགས་བྲལ་ཕྱོགས་ལས་རྣམ་རྒྱལ་དཔལ་བཟང་པོས་རྒྱལ་བ་ཞེས་པ་ཤིང་ཕོ་སྟག་ལོ་སྨིན་དྲུག་ཟླ་བའི་ཚེས་ལ་སྦྱར་བ་སརྦ་དཱ་ཀ་ལྱཱ་ཎཾ་བྷ་ཝ་ཏུ།། །།འདི་ཆོས་ཀྱི་བློ་གྲོས་གསུང་མིན་ཡང་དཔེ་དཀོན་པས་ཕུར་སྒྲུབ་ཙ་ལག་སྐོར་དཀྱུས་གཅིག་ཏུ་བཀོད་པའོ།།
	/ces pa'ang 'jam pa'i rdo rje mchog gi sprul pa'i sku rin po che'i bka' phebs gnang don ltar shrIHsa skya phun tshogs pho brang pa'i 'khon gdung ngag dbang kun dga' bsod nam 'jigs bral phyogs las rnam rgyal dpal bzang pos rgyal ba zhes pa shing pho stag lo smin drug zla ba'i tshes la sbyar ba sarba dA ka l+yA NaM b+ha wa tu//___//'di chos kyi blo gros gsung min yang dpe dkon pas phur sgrub tsa lag skor dkyus gcig tu bkod pa'o//

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །རྫོང་གསར་ཕུར་སྒྲུབ་འདོན་འགྲིག་མ་དེབ་བཞུགས། ། ཨོཾ་སྭཱསྟི། དབྱིངས་དང་ཡེ་ཤེས་ཟུང་དུ་འཇུག་པའི་སྒྱུ་འཕྲུལ་དྲྭ་བའི་རོལ་གར་ནི། །སྲིད་དང་ཞི་བའི་ཁྱབ་བདག་ཆེན་པོ་རིགས་དང་དཀྱིལ་འཁོར་ཀུན་གྱི་གཙོ། །སྐྱབས་གནས་ཀུན་འདུས་དཔལ་ལྡན་བླ་མ་དྲན་པས་སྙིང་གི་གདུང་སེལ་དང་། །དབྱེར་མེད་ལྷ་མཆོག་རྡོ་རྗེ་གཞོན་ནུ་བྱང་ཆུབ་བར་དུ་གཙུག་ན་རྒྱལ། ༧རྒྱལ་བའི་ཡབ་གཅིག་འཇམ་དཔལ་གཞོན་ནུ་མི་ཡི་སྲིད་པ་ལ་ཆགས་པས། །ཡོངས་རྫོགས་བསྟན་པའི་རིང་ལུགས་དྲི་མེད་བསིལ་ལྡན་ལྗོངས་འདིར་གསལ་མཛད་པའི། །ས་སྐྱའི་དད་སྒྲོལ་དབང་པོའི་གྲངས་གཙོས་འཁོན་སྟོན་རིག་འཛིན་བརྒྱུད་པའི་ཚོགས། །དད་གུས་མོས་པས་གསོལ་བ་འདེབས་ན་རྣམ་གཉིས་དངོས་གྲུབ་ཆར་དུ་བསྙིལ། །རྡོ་རྗེའི་གཡར་དམ་འགོག་པ་མེད་པས་བསྟན་དང་བསྟན་འཛིན་ལ་བཞུ་བའི། །ཡིད་སྲུབ་དཔུང་བཅས་ཕྱེ་མར་བརླགས་ནས་འདོད་པའི་དོན་ཀུན་བདེ་བླག་ཏུ། །སྟེར་མཛད་མཐུ་ལྡན་བསྟན་སྲུང་རྒྱ་མཚོར་ནོར་ལྷ་གཏེར་བདག་ཚོགས་རྣམས་ཀྱིས། །ལེགས་སྤྱོད་འདི་ལ་སྲིད་མཐའི་བར་དུ་མི་ཉམས་དགེ་བའི་གྲོགས་མཛད་ཅིག །དེ་ལ་འདིར། །འགྲོ་བ་ཡོངས་ཀྱི་ཕན་པ་དང་བདེ་བ་མ་ལུས་པའི་འབྱུང་གནས་གཅིག་པུར་གྱུར་པ་ནི་མཉམ་མེད་བུ་རམ་ཤིང་པའི་མདོ་སྔགས་ཀྱི་བསྟན་པ་རིན་པོ་ཆེ་འདི་ཡིན་ལ། འདི་ཉིད་ཕྱོགས་དུས་ཀུན་ཏུ་འཕེལ་ཞིང་རྒྱས་པ་དང་། དེ་ལ་བར་ཆད་བགེགས་ཀྱི་འཚེ་བ་ཞི་བའི་ཐབས་ཚུལ་དུ་མ་ཡོད་པ་ལས། མཆོག་ཏུ་ཟབ་པ་རྒྱལ་ཀུན་ཕྲིན་ལས་གཅིག་བསྡུས་ལྷ་མཆོག་བཛྲ་ཀཱི་ལ་ཡ་འདི་ཡིན་ལ། དོན་གྱི་དབང་འདི་གཟིགས་ནས། གངས་ལྗོངས་མདོ་སྔགས་བསྟན་པའི་ཤིང་རྟ་ཆེན་པོ་ཀུན་གཟིགས་འཇམ་དབྱངས་མཁྱེན་བརྩེའི་དབང་པོའི་གདན་ས་རྫོང་གསར་བཀྲ་ཤིས་ལྷ་རྩེའི་ཆོས་གྲྭ་ཆེན་པོར་འདིར། འཇམ་དབྱངས་བླ་མའི་ཕྲིན་ལས་མི་ཟད་པ་རྒྱན་གྱི་འཁོར་ལོའི་རང་གཟུགས། སྙིགས་དུས་བསྟན་པའི་ཉི་མ། བདག་ཅག་གི་རྩ་བའི་བླ་མ་མཆོག་སྤྲུལ་རྡོ་རྗེ་འཆང་འཇམ་དབྱངས་ཆོས་ཀྱི་བློ་གྲོས་རིས་མེད་བསྟན་པའི་རྒྱལ་མཚན་དཔལ་བཟང་པོའི་ཐུགས་བསྐྱེད་རླབས་པོ་ཆེའི་མཐུ་ལས་མཁོན་ལུགས་རྡོ་རྗེ་ཕུར་པའི་སྒྲུབ་མཆོད་སྤྲོས་བཅས་ཀྱི་ལུགས་གསར་འཛུགས་གནང་བ་ལ། ཤིང་རྟ་ལོར་ངོས་འཁོར་གདན་ས་འདིར་ཡུན་རིང་གདན་འཇགས་ནས་རྗེ་བཙུན་ས་སྐྱ་པའི་ཟབ་ཆོས་སྙན་བརྒྱུད་བུམ་པ་གང་འདོད་བགྱིད་སྐབས། གདན་ས་ཆེན་པོ་དཔལ་ལྡན་ས་སྐྱའི་ཕྱག་བཞེས་ལྟར་ནོར་འཁྲུལ་མེད་པའི་དག་ཐེར་གཏན་འབེབ་དགོས་པའི་བཀའ་རྩལ་ཕེབས་དོན་ལྷུར་བླངས་དོན་སྨིན་བྱུང་འཕྲལ། སླད་ནས་ཀྱང་རྒྱུན་མི་ནུབ་ཅིང་མི་འཆོལ་བའི་ཆེད་དུ་ཕྱག་དེབས་ཞིབ་ཏུ་འགོད་པ་ལ། ཧོར་ཟླ་དགུ་ཚེས་༡༥ཉིན་འདུ་ཁང་སྟེང་མཁར་རྔ་བརྡུང་འཕྲལ་འཚོགས་པ་རྣམས་འདུས་འབུམ་བསྐྱོར། དེ་ནས་ཕུར་ཁང་དུ་ཕེབས་ནས་ཚོགས་དཔོན་གྱིས། འོ། དེ་ལ་འདིར། ལོ་ཚེས་གང་ཡིན་གྱི་མིང་འཇུག །ཕུར་སྒྲུབ་ཆེན་མོའི་ཆོས་བསྒྲིག་གི་སྐབས། འདིར་ས་ཆོག་ནས་བསྒྲིག་དགོས་པས། ཐོག་མར་སྔོན་འགྲོ་གཏོར་མ་ནས་བརྩམ་ཏེ། ས་སྦྱང་བ། ལྷ་སྟ་གོན་གྱི་བར་དང་། དངོས་གཞི་ཇི་ལྟར་བལྟོམས་པ་ནས་མཇུག་བཀྲ་ཤིས་ཀྱི་བར་མཛད་པར། ཕྱག་ལེན་དུ་གདའ་བས། ད་ལམ་ཡང་མཛད་པར་ཞུ་ཞེས་དང་། དེ་ནས་བསྐུལ་ཏེ། སུ་ཡིན་གྱིས་སྔོན་འགྲོ་གཏོར་མ། དེ་ནས་རང་གི་མིག་སོགས་ནས་དཀྱིལ་འཁོར་བྲིས་ཞེས་པའི་བར་གཞུང་བཞིན་ལ། ཧཱུྃ་ཆོས་དབྱིངས་ནས་རུ་རྟི་ར་མཎྜ་ལ་སོགས་བར་གདངས་རིང་། མཎྜ་ལ་བར་གདངས་ཐུང་། ཞལ་ནས་དཀྱིལ་འཁོར་བྲིས་བར་སྔགས་བཅས་གདངས་རིང་ཇ་གཅིག་ཡོང་བས་དེའི་མཚམས་སུ་མཆོད། དེ་ནས་ཨོཾ་བཛྲ་ཀྲོ་དྷ་སོགས། ཤུ་ནྱ་ཏཱ་སོགས། དྷརྨ་དྷཱ་ཏུ་སོགས་ནས། དམ་ཚིག་ལ་དགོངས། འཁོད་པར་གྱུར་ཞེས་པའི་བར། དེ་ནས་ཇི་ལྟར་བལྟམས་པ་སོགས་ནས། དད་མོས་ཆེ་བས་དངོས་གྲུབ་ཐོབ་ཀྱི་བར་དབྱངས་གདོངས་སོགས་རྒྱུན་བཞིན་ལ་གྲངས་གསོག་གི་རིགས་མི་མཛད། ཞྭ་གྱོན། སྐྱེ་མེད་ཆོས་སྐུ་ནས། དངོས་གྲུབ་རྣམ་གཉིས་རྩོལ་བའི་བཀྲ་ཤིས་ཤོག་བར་གདངས། འདིར་ཞྭ་ཕུད། ཚོགས་དཔོན་གྱིས། འོ། འདི་ལོ་ཕུར་སྒྲུབ་ཆེན་མོའི་ཆོ་ག །ཕྱག་ལེན། དབྱངས་རོལ། གར་འཆམས། དུང་ཆེན་སྐབས་ན་བཟའ་གཟབ་སྤྲོས་མཛད་དགོས་སོགས་སོ་སོ་ནས་ཐུགས་ཁུར་བསྐྱེད་པའི། བླ་མ་གང་མའི་དགོངས་རྫོགས་དང་། ཆོས་སྡེ་བསྟན་པའི་ཞབས་ཏོག་ཏུ་འགྱུར་ངེས་རང་དགོས་རྒྱུ་ཡིན་པས་དེ་བཞིན་དང་། འཆམས་སྦྱོང་དངོས་གཞིའི་སྐབས་ཐམས་ཅད་དུ་པད་སྐོར་དང་འཆམས་སྣ་སོགས་དུ་མཛད། ཐམས་ཅད་ཀྱིས་འཆམས་དཔོན་ལ་གཟིགས་ནས་ཟང་ཟིང་དུ་མ་སོང་བ་ཞིག་དང་། ད་ལྟ་ཀ་འཆམས་སྦྱོང་ལ་ཧྲུབ་སྟེ་ཕེབས་པ་ཞུ། གསུང་གྲུབ་པ་དང་སོ་སོར་གྱིས། ཕུར་ཆུང་འཆམས་དངོས་གཞི་སྐབས། སྔོན་དུ་དགེ་སྐོས་དཔོན་གཡོག་དཀར་བདུད་རུ་དར། དེ་རྗེས་ཧ་ཤང་འཁོར་བཅས། དེ་རྗེས་སྤོས་སྣ་རྒྱ་གླིང་སློབ་དཔོན་གྲལ་ལ་བཞུགས། འཆམས་པ་རྣམས་སོགས་བྱོན་བཞུགས་གོང་མ་བཞིན་ལ། གསེར་ཕྲེང་། རོལ་ཁང་སུ་ཕེབས་གྲུབ་ནས་བསངས་ཀྱི་བཅོམ་རོལ་ནང་བཞིན། དེ་ནས་ཇེ་མྱུར་གྱིས་ཆེམས་བརྡུངས་ལ་འཆམས་པ་རྣམས་རིམ་གྱིས་ཐོན་ནས་འཆམས་དངོས་གཞི་ལ་འཇུག །འདི་སྐབས་འཆམས་ཇ་གསུམ་ཡང་བ་ལ་རྐྱང་འགྲོས་རྫོགས་ནས་གསོལ་ཇ། གཞལ་ཡས་ཁང་རྫོགས་ནས་གུང་སེང་། ཡུམ་ཆེན་རྫོགས་ནས་གསོལ་ཇ། ཕྱེད་འགྲོས་ནས་རྐང་རུས་བར་ཚར་གཉིས་རེ་དང་། རྒྱ་གྲམ་གཅིགགཞལ་ཡས་ཁང་ལ་སྒོ་བཞི། བསྟན་སྐྱོང་དབྱངས་སྐོར་གཉིས། རྗེས་མ་ལ་བྷྱོ་འདྲེན་མི་འཇུག །བྲན་དང་གཡོག་འཁོར་ནས་གྲུབ་པར་མཛོད་བར་ཤུར་མ། དམ་ཚིག་འདི་ལས་ལ། ཧཱུྃ། ངང་སོགས་རང་དབྱངས་འདི་ཚུགས་ནས་ཕྱི་ལ་གྱེལ་དེའི་མཇུག་ཏུ་ཆེམས་བརྡུང་། དེ་ནས་འཆམ་དཔོན་གྱི་ཛམ་བླང་ལ་ལོག་འཆམ་གྲུབ་ནས་རོལ་བསྐོར་འབེབ་བཅས། གསེར་ཕྲེང་གང་བཞིན་གྲོལ་ནས་སྒྲུབ་ཁང་དུ་ཧཱུྃ་ཆེན་ཀ་ར་སྔགས་དབྱངས་བཅས་ཚང་མ་གཅིག །རྣམ་པར་རྒྱལ་བ་མན་མི་དགོས། སྟེང་ཕྱོགས་ཚངས་པ་ཡས་བསྡུ། མ་བསྡུ་དབྱངས་བཅས་གཅིག །ཀི་ལ་ཡའི་འགྲོས་གཅིག །ཚེས་༡༦ལ་ས་ཆོག་མགོར་དཀར་ཆབ། གསོལ་ཇ། གཏོར་སྐད་དགོས། སྔོན་འགྲོ་གཏོར་མ། གནས་ཡོ་བྱིན་རླབས། བྱིན་དབབ་བསྡུས་པའི་རྒྱས་པ། གསོལ་ཇ། ཕུར་ཆུང་སྨན་རག་ལ་གཏོར་སྐད་དབྱངས་མི་དགོས། བཅོམ་རོལ་བསངས་བཞིན། ཧཱུྃ་འདྲེན་མེད་པའི་གདན་སྟེང་བདག་ཉིད་ཤོ་ལོ་ཀ་གཅིག་ལ་སྒེག་ཅིང་མའི་དབྱངས་ཐུང་རོལ་མོ། །བཅོམ་ལྡན་རྡོ་རྗེ་གཞོན་ནུའི་སོགས་ལ་སྒེག་ཅིང་མའི་དབྱངས་རོལ་ཆེམས་མཇུག་སྦྲམ་༡༢བདེ་བར་གཤེགས་སོགས་མཇུག་ཆེམས་བརྡུང་། གསུམ་བརྡེག་ལེན་ཅན། སྒེག་ཕྲེང་བདུད་རྩི་འབུལ་བ་བསྙེན་སྒྲུབ་གསལ་བྱེད་བཞིན། དམ་ཚིག་ཆེན་མོ། །ཧེ་རུ་ཀ །བླ་མེད་མ་རྣམས་བསྙེན་སྒྲུབ་གསལ་བྱེད་བཞིན་རྔ་བརྡུང་རོལ་མོ་རྒྱུན་བཞིན། སྒེག་ཅིང་མ་ཚིག་རྐང་ལྔ་ལ་སྒེག་ཅིང་མའི་དབྱངས་ཐུང་རོལ་མོ། །ཧཱུྃ་མཛད་ནས་ཤུར། བགེགས་འདུལ་ཡན་བསྙེན་སྒྲུབ་གསལ་བྱེད་བཞིན་ལ་མཇུག་གསུམ་བརྡེག་ལེན་ཅན་བསྡུས་པ་ཆེམས་བརྡུང་སྦྲམ། ༡༢ཧཱུྃ་བཛྲ་ནས་དངོས་གྲུབ་སྩོལ། གསོལ་ཇ། བསྙེན་བསྒྲུབ་གསལ་བྱེད་བཞིན་ལ་དུང་སོགས་རྒྱུན་བཞིན། དེ་ནས་སློབ་དཔོན་གྱིས། གཏོར་མ་བྱིན་རླབས་མཛད་པ་ཞུ་གསུང་དགོས། གཏོར་བསྔོ་བཤགས་པ་གཅིག །བསྐང་རྫས་བྱིན་རླབས། བཅོམ་རོལ། སྤྱན་འདྲེན་རྒྱལ་བ་ཀུན་གྱི་གང་གི་རང་བཞིན་བྱང་ཤར་ཧ་ཧ་གསུམ་ལ་དབྱངས་རོལ་དུར་བདག་སྤྱན་འདྲེན། དཀར་མོ་སྤྱན་འདྲེན་མཇུག །ཆེམ་བརྡུངས། མཇུག་སྦྲམ། ༡༢བྱོན་སྐྱེམས་མཇུག་ཆེམ་བརྡུང་སྦྲམ། ༡༢རོལ་བསྐོར་འབེབ་བཅས། འདུལ་སྔགས་མཆོད་སྤྲིན་ཡོངས་རྫོགས། ཕྱི་མཆོད། ནང་མཆོད། ཕྲིན་བཅོལ་སོགས་རྒྱུན་བཞིན། བསྟན་སྲུང་རྒྱ་མཚོ། ཁྱད་པར་བསྟན་པའི། བྱིན་རླབས་ཐུགས་རྗེ་གསུམ་ལ་དབྱངས་རོལ། འཕྲིན་བཅོལ་དབྱངས་བཅས་བདུན། བསྐང་གསོལ་གྱི་ཕྲིན་བཅོལ་དང་བཟློག་པ། སྔགས་དབྱངས། བསྟོད་པ་ནམ་མཁའ་མ། མདོ་ལུགས་བཀྲ་ཤིས་སྨོན་ལམ་ཚོགས་བྱིན་རླབས། ཚོགས་བསྡུས་པ། མཇུག་ཏུ་གསུམ་བརྡེག་ལེན་ཅན། གསོལ་ཇ། རང་གི་མིག་སོགས་ནས་བདག་གིས་དོན་ཡོད་དཀྱིལ་འཁོར་བྲིས་བར་ཆོག་བསྒྲིག་བཞིན། གུང་སེང་། འདུས་ནས་ཕྱོགས་བཞི་གསོལ་གདབ། དེ་ནས་དབུ་མཛད་པས་བསྐུལ་ནས་བཛྲ་ཀཱི་ལ་ཡ་ནས་ཀྲོ་དྷ་ཏིཥྛ་མ་ལེ་ཨཱཿ ཞེས་པའི་མཇུག་རོལ་མོ་ཏོད་བླངས་ཀྱི་སྦྲམ་སྦྲམ་སོགས་ཆེམ་བརྡུང་། དེ་ནས་སྦྲམ་སྦྲམ། ༡བྱས། ༢བྱས། ༣བྱས། གསུམ་༩བགེགས་བསྐྲད་ལ། ཧཱུྃ། ངང་སོགས་ལ་དམ་ཚིག་ཆེན་མོའི་ཕྱ་གཡང་ལུགས་ཚར་གསུམ་ཆར་ལ་ཆེམས་བརྡུངས། སྔགས་གཞུང་བཞིན། དང་པོ་གཉིས་ལ་ཆེམ་བརྡུང་རྫོགས་ནས་སྦྲམ་སྦྲམ། ༡བྱས། ༢བྱས། ༣བྱས། ༡ནས། ༩བྱས་གསུམ། ༩དབྱངས་མཇུག་ལ་སྦྲམ་གཉིས་ནན་ལེན་གྱི་གོ་ཆོད། གཞན་རོལ་མོ་གོང་བཞིན། གསུམ་པའི་མཇུག་རུ་གསུམ་བརྡེག་ལེན་ཅན་གནང་ནས་གྲོལ། དེ་ནས་ལྷ་ཁང་རྡོ་བཅགས་ཕེབས་པ་དང་གསེར་སྐྱེམས། རིག་འཛིན་འགུགས། ཕུར་ཁ་བསྒྱུར་བ་རྣམས་ཕུར་ཟློག་ནང་བཞིན་ལ་ཆེམ་བརྡུང་ལ་ཕུར་པ་ཕྱིར་བསྒྲིལ། མཇུག་གསུམ་བརྡེག་ལེན་ཅན། གསེར་ཕྲེང་གོང་བཞིན་རོལ་པ་འདུ་ཕེབས་ནས་བཅོམ་རོལ་གོང་བཞིན། འཆམས་པ་རྣམས་རིམ་བཞིན་ཐོན། ཐོན་འཚམས་གྲུབ་འཚམས། སློབ་དཔོན་གྱི་འཆམས་བཤད་རྫོགས་ནས་པད་ཀོར་གཅིག །རོལ་འགྲོས། ས་གཞི་ཁོད་སོགས། གསོལ་ཇ་བཞི་ཡོད་པ། དང་པོ་མགོ་གུགས་རྫོགས་ནས། གཉིས་པ་རྒྱ་གྲམ་རྫོགས་ནས། གཞལ་ཡས་ཁོང་རྫོགས་ནས་གུང་སེང་། ཡུམ་ཆེན་རྫོགས་ནས་གསོལ་ཇ་གསུམ་པ། བྱང་སྒོ་རྫོགས་ནས་གསོལ་ཇ་བཞི་པ། ཞལ་ལྷོར་གཟིགས་ནས་ལིང་རོ་སྒོ་ཕྱིར་འཐོར། སྐུ་འཆམས་རྣམས་ཚར་གསུམ་རེ་སྤོར། རྒྱ་གྲམ་གཉིས། གཞལ་ཡས་ཁང་སྒོ་བཞི་ཆར། ལོག་འཆམས་གྲུབ་ནས་རོལ་བསྐོར་འབེབ་བཅས་གསེར་ཕྲེང་འཆམས་པ་རྣམས་གོང་བཞིན། སྒྲུབ་ཁང་དུ་ཕེབས་ནས། ཧཱུྃ་ཆེན་ཀ་ར་ནས། སྟོབས་ཆེན་ཡན་འཆམ་ཡིག་དང་བདག་མཇུག་བཞིན། ཕུར་བསྒྲིལ་ལ་ཀཱི་ལ་ཡ་ཚར་གསུམ་རེ་སྤོར། དེ་ནས་ཐོ་ཕུར་བསྣོམ་ནས་སྟེང་ཕྱོགས་ཚངས་པ་ལ་དབྱངས། ཀཱི་ལ་ཡ་འགྲོས་གཉིས་ལ་བཞུགས། གསུམ་པ་ལ་དབུ་བྱེད་རྣམས་ཕེབས་ནས། རྔ་རོལ་བཞེས་ནས་རྫོགས་ནས་ཆེམ་བརྡུང་། ཨོཾ་བཛྲ་ཀྲོ་ཏ་སོགས་ནས་ཕུར་བཏབ་མཛད་ནས། དེ་ནས་རོལ་མོ་སྦྲམ་སྦྲམ། ༡བྱས། ༢བྱས། ༣བྱས། གཅིག་ནས། ༩བྱས། ༩བྱས། ༩བྱས། ༩ཤར་ཕྱོགས་མན་ཚིག་ལ་གནས་པའི་དགུ་བརྡུང་། ཆེམས་བརྡུང་ལ་རྔ་གཞུང་བཞིན་སྦྲམ་སྦྲམ་ནས། ༩བྱས། ༩བར་གོང་བཞིན། འོག་ཕྱོགས་རྫོགས་ནས་གསུམ་བརྡེག་ལེན་ཅན། སྟེང་ཡོང་སོང་ནས་བྷཎྜ་ར་ཎ་ཧཱུྃ་ཕཊ། མེ་རིས་སྔགས་ཀྱི་བར་ཕྱག་རྒྱ་དབྱངས་དང་བཅས་ཕྱག་ལེན་བཞིན། དེ་ནས་ཕྱག་རྒྱའི་གར་འཆམ་གྱི་སྒོ་ནས་ཞེས་གསོལ་ནས་ཀ་ཝ་ཙི་ཧཱུྃ་ཕཊ་བར་སྣང་བ་འགྱུར་ཐུབ་ནང་བཞིན། དེ་ནས་གྱེས། རོལ་ཕོད། འཆམས་ཆས་རྣམས་བསྡུས། འདུས་ནས་གཏོར་འབུལ། དཔལ་མགོན་མ་ཧཱ་ཀཱ་ལ་རྣམས་དང་པོ་ཇ། བཀྲ་ཤིས་བསྡུས་པ། གྲོལ་དུང་། འགྲོ་བདེ་བཅས་སོ། །ཆེས་༡༧ཉིན་དཀར་ཆབ། གསོལ་ཇ། སྔོན་འགྲོ་གཏོར་མ། གནས་ཡོ་བྱིན་རླབས། བྱིན་འབེབས། བསྡུས་པའི་བསྡུས་པ། ཕུར་འབྲིང་ལུགས། སྐྱབས་འགྲོ་ནས་བཟུང་། ཙིཏ་ཨ་བྷི་ཁནྩ་ཡན་ཕུར་ཆེན་ལུགས་ལ་ཡེ་ཤེས་སྐུ་མཆོག་ལ་མི་དགོས། སྡོམ་གསུམ་སྐུ་གསུམ་གྱི་མཇུག་ཏུ་བཅོམ་རོལ་ཆུང་གསུམ་ཡན་བསང་བཞིན་ལ་སྦྲམ། ༡དོར་བས། ཉིས་བརྡེག་ལེན་ཅན་འཕགས་མཆོག་མ་ལ་དབྱངས། གསོལ་ཇ། གཏོར་སྐད་དགོས། སྨན་རེག་ལ་དབྱངས་མེད། བཅོམ་ལྡན་རྡོ་རྗེ་གཞོན་ནུ་ལ་སྒེད་ཅིང་མའི་དབྱངས་རོལ། མཇུག་ཆེམས་བརྡུང་སྦྲམ། ༡༢ཡང་དག་དོན་དུ་དབྱངས་མེད་རོལ་མོ་མཇུག་ཆེམ་བརྡུང་། སྦྲམ་༡༢བདེ་བར་གཤེགས་སོགས་མཇུག་ཆེམ་བརྡུང་། དེའི་ཆེམ་བརྡུང་ལ་དཀར་དུང་ངེས་པར་མི་འབུད། སྦྲམ་༡༢བདེ་བར་གཤེགས་པ་སོགས་ནས། ཀརྨ་ཀྲོ་དྷི་ཤྭ་རི་ཨཱཿ ཞེས་པའི་མཇུག་རོལ་མོ་གསུམ་བརྡེག་ལེན་ཅན། གསོལ་ཇ། དེ་ནས་སྟ་གོན། ཨོཾ་བཛྲ་ཀྲོ་དྷཱ་ནས། སྙན་གསན་དབབ་པ་ཡན། གསོལ་ཇ། བདག་མཇུག་ནང་བཞིན། འཁོར་བ་ཕུར་བུ་དབྱངས། སྙན་གསན་དབབ་པ་རྫོགས་ནས་གུང་སེང་། འདུས་ནས་སློབ་དཔོན་གྱི་བུམ་བསྐྱེད་མཛད་པ་ཞུ་གསུང་དགོས། བུམ་བསྐྱེད་ཚར་ནས་གཏོར་མ་བྱིན་རླབས་མཛད་པ་ཞུ་གསུང་དགོས། ཐུག་པ། གཏོར་བསྔོ་ནས། སྔགས་དབྱངས་བར་ས་ཆོག་བཞིན། བསྟོད་པ་རབ་འབར་མ། མདོ་ལུགས་བཀྲ་ཤིས་སྨོན་ལམ། ཚོགས་བསྡུས་པ། གཏོར་འབུལ། མཇུག་ཆོག་མཆོད་པ་བྱིན་རླབས་བདག་མཇུག་བཞིན། རང་གི་སྙིང་ཁ་ནས་སོགས་རང་བཞིན་སེམས་ཀྱི་སོགས་དགོས། བཀྲ་ཤིས་རྒྱས་པ། གྲོལ་དུང་གོང་བཞིན། དགོང་མོ་ཕུར་འགོད་ལ་སངས་རྒྱས་ཆོས་དང་ནས། ཨ་པ་ན་ཏིཥྛནྟུ་བར་བདག་མཇུག་བཞིན། གསོལ་ཇ། རྒྱལ་ཆེན་འཐོ་འཛུག་ནི། ཐོག་མར། ཨོཾ་བཛྲ་ཀྲོ་དྷ་ཨ་མྲྀ་ཏ་ནས་ཆེན་པོར་གྱུར་བར། དེ་ནས་མཆོད་རོལ་སྡུག་བསྔགས་འདོན། སྒང་དུང་། ༡དེ་ནས་སངས་རྒྱས་ཆོས་སོགས་རྫོགས་ནས། ས་མ་ཛཿབར་དེ་ནས། དྲི་ཟང་གང་གི་བདག་པོ་ཤྭ་ལོ་ཀ་གཅིག་ལ་ཡང་དག་དོན་དུ་མའི་དབྱངས་རོལ། ཆེམ་བརྡུང་སྡུག་བསྔགས། སྒང་དུང་། ༡གསུམ་བརྡེག་ལེན་ཅན། གཙང་ཞིང་གཙང་མ་ཤོ་ལོ་ཀ་༡ལ་དབྱངས་རོལ་གོང་བཞིན། ཆེམས་བརྡུང་། ཐུགས་སྔགས། སྒང་དུང་༡། སྦྲམ། ༡༢ཞེས་བཞག །དེ་ནས་གཏོར་མ་འབུལ། དེ་ནས་ཤར་ཕྱོགས་ན་ནི་ཤྭ་ལོ་ཀ་གཉིས་ལ་དབྱངས་རོལ་གོང་བཞིན། དེ་ནས་ན་མོ་སོགས་ནས། ཏིཥྛ་བཛྲ་བར། དེ་བཞིན་དུ་འོག་མ་རྣམས་ལའང་རིགས་འགྲེ། དེ་ནས་གཞན་རྣམས་ཀྱི་རྔ་རོལ་སོགས་དང་། བུམ་པ་འབུལ་བ་ལ་སློབ་དཔོན་དང་མཆོད་དཔོན་གྱིས་ཞབས་བསྐོར་ལན་གསུམ། ལས་བུམ་ལ་གཅིག །དེ་ནས་སློབ་དཔོན་རོལ་སིལ་བ་སོགས་ཀྱིས་ཞབས་དབུ་ཞྭ་ཕུད་ནས་བསྐོར་ལན་གསུམ་ཆར་བ་དང་འདུས་ཚོགས་ཀྱིས་དཀྱིལ་འཁོར་གསོལ་བཏབ་མཛད། འགྲོ་བདེ། ཚེས་༡༨ལ་དཀར་ཆབ། བྱིན་འབེབས་རྒྱས་པའི་རྒྱས་པ། གསོལ་ཇ། ཕུར་ཆེན་དབྱངས་ཉིན་གཉིས་ལ་བཀྲལ། སྟེང་པད་མ། ནམ་མཁའ་འཕགས་མཆོག །རྩི་མེད། སྨན་རག་དབྱངས། གཙོ་བོ་རྡོ་རྗེ་རྩེ་དགུ་ཤོ་ལོ་ཀ༡འདུལ་གདོང་རོལ་མོ། ཧཱུྃ་མཛད། སྒོ་མ། དིབྟ། འཕོར་བ། ཕུར་བུ་རྣམས་གྲོལ་བར་དགོས། རྩི་མེད། ཁྲོ་རྒྱལ་བསྡུས་པ། གུང་སེང་། སྒེག་ཅིང་། རྡོར་སྒེག །ཐབས་མཁས། ཕྲིན་ཆེད། རྩི་མེད། དབྱངས་གསར། ཧེ་རུ། གྲུ་གསུམ། དེ་དང་གཉིས་མེད། ཛཿསྤྲུལ། གུང་སེང་། དཔལ་ཐུང་། བདག་ཉིད། རྩི་མེད། ཤྭ་ཐུང་། ས་བདག །རྩི་མེད། ཀཾ་ཀ་དྷ་ར། འདོད་ཆགས་ཁྲོས་པ་རང་དབྱངས། བྱང་ཆེན་རྣམས་ཡིན། དེ་ནས་ཕྱིར་རོལ་གཏོར་མ་བདག་འཇུག་བཞིན། འདིའི་ཉིན་དཀྱིལ་འཁོར་གསོལ་གདབ་མི་དགོས། གུང་སེང་། དངོས་གཞི་ལ་ཇ། ༡༡དཀར་ཆབ་ལ་ཇ། ཟབས་འགྲོ་ལ་ཇ། དབུས་སུ་མགོ་ཐུག་པ། འཕོས་བུ་ལ་ཇ། སྤྲུ་མཐིང་ལ་གསོལ་བ། བདག་ཉིད་མགོ་ཇ། བསྙེན་པ་ཇ། བུམ་བསྐྱེད་ཇ། རིགས་ལྔའི་མགོ་ཇ། གཏོར་ཆོག་ཐུག་པ། གསོལ་ཀ་མགོ་ཇ། ནག་པོ་གནོད་སྦྱིན་རྫོགས་ནས་ཇ། ཚོགས་མགོར་ཇ། གུང་སེང་བསྡུས་ནས། ཇི་ལྟར་བལྟམས་པ་ནས། བདག་འཇུག་བཞིན། གཏོར་བསྔོ། བཤགས་པ་༣གུང་སེང་། བསྡུས་ནས་བསྐང་རྫས་བྱིན་རླབས། སྤྱན་འདྲེན་ཤྭ་ལོ་ཀ་༣། དབྱངས་རོལ། དུར་བདག །དཀར་མོ་བ་། ན་འདྲེན། ཆེམས་བརྡུངས་སྦྲམ། ༡༢བྱོན་སྐྱེམས་མཇུག་ཆེམས་བརྡུང་། སྦྲམ། ༡༢རོལ་འབེབས་བཅས། ཐུགས་སྔགས་མཆོད་སྤྲིན་ཡོངས་རྫོགས། ཕྱི་མཆོད། ནང་མཆོད། ཕྲིན་བཅོལ་རྒྱུན་བཞིན། བསྟན་སྲུང་། ཁྱད་པར། བྱིན་རླབས་ཐུགས་རྗེ། དབྱངས་རོལ། གཞན་ཡང་མ་དབྱངས་བཅས༣། ལྷ་མཆོག་མ་དབྱངས་དང་པོ། རཀྟ་དམར་ཆེན། དམ་རྫས། ཞལ་བཞི་དྲིང་པ་བཅས་བྱང་རོ། ཨོཾ་ཨཱཿཧཱུྃ། ཆོས་དབྱིངས་སྤྲོས་བྲལ་བདེ་ཆེན་སྒྲུབ་མ། ནག་པོ་གནོད་སྦྱིན་མ་དབྱངས་བཅས། ༡དཀར་ཆུང་། གཏུམ་ཆེན་མ་དབྱངས་བཅས། ༣སྐུ་དང་གསུང་ཐུགས་དབྱངས་བཅས། ༣བྱིན་རླབས་ཐུགས་རྗེ་མ་དབྱངས་བཅས། ༡འཕྲིན་བཅོལ་དབྱངས་བཅས། ༧བསྐང་གསར་འཕྲིན་བཅོལ་དང་། བཟློག་པ། བསྟོད་པ་ནམ་མཁའ་མ། ཚོགས་རྒྱས་པ། མཇུག་ཆག་རང་བཞིན་སེམས་ཀྱི་སོགས་གོང་བཞིན། ཚེས། ༡༩ཉིན་བྱིན་འབེབ་རྒྱས་པའི་བསྡུས་པ། ཕུར་དབྱངས་ཡེ་ཤེས་སྐུ་མཆོག །ནམ་མཁའི་འདུར་གདངས་གོང་བཞིན་ལྷུན་གྲུབ་སྲིན་པོ། ཨེ་ལས། དབུས་སུ་བདག་ཉིད་ཤྭ་ལོ་ཀ་གཉིས་ལ་འདུར་གདངས་རོལ་མོ། །ཡུམ་རྟ་མགྲིན་བསྐྱེད་མེད་མ། ཡང་དག །བདེ་བ། གུང་སེང་། ཧཱུྃ་མཛད། རང་བྱུང་མ། དྲིན་ཅན། འཆམ་དབྱངས། བླ་མེད། སྐྱེ་འགྲོ། ཐམས་ཅད་དབང་ལུས། གུང་སེང་། དཔལ་རིང་། དཀྱིལ་འཁོར་ཕྱི་རིམ། ཤྭ་རིང་། དེའི་ལས་མཁན། རྩི་མེད། འདོད་ཤྭ་ཛམ་དབྱངས། །ཕུར་སྒྲུབ་སྐབས་རིག་འཛིན་བསྐུལ་ལ་བི་མ་ལའི་དབྱངས་རོལ། བལ་བོ་ནས་ཤུར། འཇམ་དབྱངས་ཀུན་དགའ་བསོད་ནམས་ནས་དབྱངས་མཛད། བྱང་ཆོག་ཡོད་ཚེ་རྒྱ་གར་ཤར་བསངས་དབྱངས་མཛད། དེའི་ཉིན་ནས་བཟུང་དཀྱིལ་འཁོར་གསོལ་གདབ་དང་། བུམ་བསྐྱེད་བཅས་དགོས། འདི་ནས་བཟུང་བྱིང་རྣམས་ཚེས་༡༨དང་འདྲ། ཚེས་༢༠ལ་བྱིན་འབེབ་འབྲིང་པོའི་རྒྱས་པ། དབྱངས་ཚེས་༡༨དང་འདྲ། ཚེས་༢༡ལ་བྱིན་འབེབས་འབྲིང་པོའི་བསྡུས་པ། ཚེས་༢༢ལ་རྒྱས་པའི་བསྡུས་པ། ཚེས་༢༣ལ་བྱིན་འབེབ་འབྲིང་པོའི་རྒྱས་པ། ཚེས་༢༤ལ་བྱིན་དབབས་བསྡུས་པའི་རྒྱས་པ། ཚེས་༢༥ལ་བྱིན་དབབ་བསྡུས་པའི་བསྡུས་པ། ཚེས་༢༦ལ་བསྡུས་པའི་རྒྱས་པ། ཚེས་༢༤༢༥༢༦གསུམ་ལ་ཕུར་བུར། ནམ་མཁའི་ཤྭ་ལོ་ཀ་འདུར་གདངས་རོལ་མོ། །དབུས་སུ་བདག་ཉིད་ཤྭ་ལོ་ཀ་ཀ་འདུར་གདང་། རོལ་མོ་སྒེད་ཅིང་མ་ཤོ་ལོ་ཀ་འདུར་གདངས་རོལ་མོ། གྲུབ་མཐིང་ཤོ་ལོ་ཀ་གཅིག་ལ་འདུར་གདངས་རོལ་མོ། འདོད་ཆགས་ཁྲོས་པའི་འདུར་གདངས། ཚེས་༢༥ཉིན་གྲལ་མཆོད་གདབ་ཁ་དང་པོ། རིག་འཛིན་བསྐུལ་མི་དགོས། ཚེས་༢༤ནས་ཚེས་༢༦བར། ཆེ་བའི་སྟོས་གདངས་མི་དགོས། གྲོལ་ཉིན་བཟང་བ་ས་ཆོག་བཞིན། ཚེས་༢༤ལ་གསེར་ཕྲེང་ཚེས་༡༥དང་འདྲ། ཚེས་༢༤ལ་འཆམས་སྦྱོང་སྐབས་ཕྱའི་དབྱངས་རྔ་འཆམས་རྣམ་ཚར་གཉིས་རེ་སྤོ། རྒྱ་གྲམ་གཅིག །འདིའི་ཕྱའི་དབྱངས་ནི། བླ་མ་རིག་འཛིན་ནས། ཐུགས་རྗེ་ཡི་བར་ཚིག་བཞི་ལ་དབྱངས་འཁོར། ༢ཕུར་ཁ་བསྒྱུར་བ་སྟེང་བར་གཉིས་ཡིན། ང་རྒྱལ་བསྐྱེད་པ་ནི། ང་ནི་རྡོ་རྗེ་ནས། བདག་ཉིད་གནས་ལ་ཚིག་བཞི་ལ་དབྱངས་འཁོར། ༢གསོལ་ཇ། བརྒྱུད་གསུམ་མ་ནི། མཛད་དུ་གསོལ་བར་ཚིག་བཞི་ལས་དབྱངས་འཁོར་གཉིས། ལོག་མཆམས་གྲུབ་མཆམ་རོལ་བསྐོར་འབེབ་བཅས་གུང་སེང་། དེ་ནས་གསལ་ཕེབས་བྱུང་བ་དང་། རོལ་མོ་ཧོད་བླངས་ཀྱིས་སྦྲམ་སྦྲམ་སོགས་ཆེམ་བརྡུང་། དེ་ནས་འཕར་མེད་ཀྱི་སྦྲམ་ཆུང་། ༣སྦྲམ། ༡༢༣བྱས། ༡༢༣བྱས། ཆེ་གཅིག །ཛམ་ཉུག་དང་པོའི་བསྐུལ་བ་ནི། ཧཱུྃ། རབ་འཇིག་རྔམ་པའི་ཞལ་གདངས་མཆེ་བ་གཙིགས། དམར་སེར་སྐྲ་མཛེས་ཐོད་པའི་ཕྲེང་བས་བརྒྱན། འཇིགས་པའི་གཟུགས་འཛིན་ཡང་སྤྲུལ་ཉི་ཤུ་པོ། དམ་ཉམས་སྒྲོལ་བའི་སླད་དུ་གནས་འདིར་སྤེལ། གཉིས་པའི་སྐུ་ནི། ཧཱུྃ་དུར་ཁྲོད་ཤ་ཟ་ཀུན་གྱི་གཙོ། རབ་དཀར་ཀེང་རུས་འཇིག་པའི་གཟུགས། །དམ་ཚིག་ཅན་ལ་བརྩེར་དགོངས་ཏེ། །ནོར་གྱི་བདག་པོ་ཡབ་ཡུམ་ཡང་། །འཁོར་དང་བཅས་པ་ཐམས་ཅད་ཀྱང་། །དངོས་གྲུབ་རྩོལ་ཕྱིར་གཤེགས་སུ་གསོལ། །དཀར་མོ་བའི་སྤྱན་འདྲེན་དབྱངས། ཧཱུྃ། དཔལ་ཆེན་ཐུགས་ལས་སྤྲུལ་པའི་ཕོ་ཉ་མོ། །གནོད་སྦྱིན་མཇིགས་མ་བདུད་རྩི་གསོད་བྱེད་མ། །དགྲ་བགེགས་སྒྲོལ་བའི་སླད་དུ་སྤྱན་འདྲེན་ན། །གློག་ལྟར་མྱུར་བའི་ཐུགས་རྗེས་འདིར་གཤེགས་ཤིག །གསུམ་པའི་བསྐུལ་ནི། ཧཱུྃ། །འཇིགས་རུང་དམར་ནག་མེ་རླུངས་འཁྲུགས་པའི་དབུས། །ཤིན་ཏུ་ཕྲོས་པའི་དམ་ཉམས་ཚར་གཅོད་ཅིང་། །སྒྲུབ་པོ་སྐྱོང་མཛད་དམ་ཅན་བཅུ་གཉིས་པོ། །མ་རུང་འདུལ་ཕྱིར་གནས་འདིར་གཤེགས་སུ་གསོལ། །བསྐུལ་གསུམ་ཧཱུྃ་མཛད་སྒྲ་འབྱིན་ཤྭ་ལོ་ཀ་གཅིག་ལ་དབྱངས་རོལ་མཇུག་ཇེ་མྱུར་གྱི་འཆེམས་བརྡུང་། ལོག་ནས་རོལ་བསྐོར་འབེབས་བཅས། དེ་ནས་ཧཱུྃ་མཛད་སྒྲ་འབྱིན་ཤྭ་ལོ་ཀ་གཅིག་ལ་དབྱངས་རོལ་མཇུག་ཇེ་མྱུར་གྱི་འཆེམས་བརྡུངས་འཆམས་རྣམས་ཐོན་ནས། འཆམས་དཔོན་གྱིས་དབུས་སུ་བསྐོར་བ་གཅིག་རྫོགས་ནས། འགུག་གཞུག་ཚར་གཅིག་པད་བསྐོར་ཛཾ་སོགས་འཆམས་ཡིག་ནང་བཞིན་ལ། སེང་གེའི་བརྗིད་འཆམས་ནས་དྲེད་མོང་ཡན་ཚར་གཉིས་རེ་སྤོར། དམ་ཚིག་ཆེན་མོའི་རིང་མས་བརྡུང་། མས་བརྡུང་ཡིན། ཕྱི་ནང་གསང་བ་ཡས་བརྡུང་། མས་བརྡུང་། དེའི་ཉིན་གསོལ་ཇ། གཅིག་ཡོངས་བ། སྤྱང་ཀུ་རྫོགས་ནས་གསོལ་ཇ། འགུག་གཞུག་རྗེས་མ་ཆེམས་བརྡུང་ཞིག་དགོས། འགུག་གཞུག་ངོ་མ་མི་དགོས། འཆམས་སྦྱོང་དངོས་གཞི་གཉིས་ཆར་ལ་གདབ་ཚུལ་མ་ཡིན་པའི་གསོལ་ཇ་མཆོད་གྲུབ་འཕྲལ་ཆེམ་བརྡུང་རེ་གནང་ནས། གཅིག་གེ་གཉིས་གསུམ་བྱས་སོགས་ཀྱིས་འཆམས་ཚུལ་མཛད་པ་ཕྱག་ལེན་ཡིན། ཚེས་༢༥ལ་ཚོགས་ཡན་གོང་བཞིན། ཚོགས་མཇུག་གསུམ་བརྡེག་ལེན་ཅན། གྲོལ་ཕྲལ་གསུམ་བརྡེག་ལེན་ཅན་གུང་སེང་། རྔ་བྱ་ལྟར་གཡས་གཡོན་རེ་མེད། གསེར་ཕྲེང་གོང་བཞིན། དེའི་ཉིན་སྐུ་མཆམས་རྣམས་ཚར་གསུམ་རེ་སྤོར། ཕྱི་དབྱངས་ནི་དབྱངས་འཁོར་སྔོན་མ་གཉིས་འཆམས་སྦྱོང་ལུགས། །གསེར་སྐྱེམས་ལ་ཕྱི་ནང་བར་ཆད་ཚིག་གཉིས་གསོལ་ཇ། ཕུར་ཁ་བསྒྱུར་བ་འོག་ང་རྒྱལ་བསྐྱེད་པ་སྣང་ཞིང་། སྲིད་པའི་ཚིག་གཉིས། དཔན་གཟུགས་ལ་མཐུ་དང་རྫུ་འཕྲུལ་ཚིག་གཉིས་དེ་རྣམས་འཕར། རྒྱུད་གསུམ་མ་གཉིས་རྫོགས་ནས་གསོལ་ཇ། རྒྱ་གྲམ་གཉིས། ལོག་འཆམས་རོལ་བསྐོར་འབེབ་བཅས། གུང་སེང་འདུས་ནས། གསེར་ཕྲེང་། གསུམ་གདན་སྟེང་ཕྱག་ཆ་བན་ཕུར་བསྣམས་ནས་ཞལ་བྱང་གཟིགས་ལ་མཆོད་དཔོན་པས་ཕུད་ཕོར་ཐོགས་ནས། གསེར་སྐྱེམས་བླ་མ་རིག་འཛིན་ཕུར་ཟློག་བཞིན། དུས་ཕྱིས་སློབ་དཔོན་གྱི་གནང་། རིག་འཛིན་བསྐུལ་ཕུར་བཟློག་བཞིན། ཕུར་ཁ་བསྒྱུར་བ་ཕུར་བཟློག་བཞིན། འཆམས་དཔོན་ལྷོར་གཟིགས། དགུག་གཞུག་འོག་ཏུ་མཛད་པས་འདིར་མི་དགོས། ལྷ་སྲུངས་སྤྱན་འདྲེན་ཕུར་བཟློག་བཞིན་ལ་བྱང་གཟིགས། དེའི་སྔགས་ཕྱག་ལ་ལྷོར་གཟིགས། །ང་རྒྱལ་བསྐྱེད་པ་ཕུར་བཟློག་བཞིན་བྱང་གཟིགས། དེའི་སྔགས་ཕྱག་ལ་ལྷོར་གཟིགས། དཱིཔྟ་ཙཀྲ་ཕུར་བཟློག་བཞིན་ལྷོར་གཟིགས། རྒྱུད་གསུམ་ལ་ཕུར་བཟློག་བཞིན་བྱང་གཟིགས། རྒྱུད་གསུམ་མའི་མཐའི་དགུ་བརྡུང་མཐར་གསུམ་བརྡེག་ལེན་ཅན། དེ་ནས་སློབ་དཔོན་རོལ་སིལ་རྔ་གྲལ་རྣམས་ཕེབས་ནས་ཤར་གཟིགས། ཛཾ་ཉུག་རྣམས་ཀྱི་བཅམ་རོལ་འཆམས་སྦྱོང་ནང་བཞིན་དད་པའི་བསྐུར་རྫོགས་ནས་ཐོན། ལོག་གྲུབ་ནས་འདི་རྣམས་ལ་འཆམས་སྦྱོང་དངོས་གཞི་གཉིས་ཆར་ལ་རོལ་བསྐོར་འབེབས་བཅས་དགོས། །དེ་ནས་ནོར་སྐྱོངས་ཡབ་ཡུམ་གཉིས་ཀྱི་བསྐུལ། དུར་ཁྲོད་ཤ་ཟ་ཤྭ་ལོ་ཀ་གཅིག་གི་མཇུག་ཏུ། འཁོར་དང་བཅས་པ་ཐམས་ཅད་ཀྱང་། དངོས་གྲུབ་རྩོལ་ཕྱིར་གཤེགས་སུ་གསོལ། ཞེས་ཚིག་རྐང་དྲུག་ལ་དཀར་མོ་བའི་། ན་འདྲེན་གྱི་དབྱངས་རོལ་མོ་འཕར་མེད་ཉིས་བརྡེག་ལེན་ཅན་ཇེ་མྱུར་གྱི་ཆེམས་བརྡུང་། ཕེབས་གྲུབ་ནས་ནས་ཛཾ་ཉུལ་ཚོ་གཉིས་འཆམས་སྦྱོང་ནང་བཞིན། གུང་སེང་། འདུས་ནས་བཅམ་རོལ་མི་དགོས། ཧཱུྃ་མཛད་དགྲ་འབྱིན་ཤྭ་ལོ་ཀ་གསུམ་དང་ཁ་བསྐངས། གནོད་སྦྱིན་འཇིགས་མ་བདུད་རྩི་གསོད་བྱེད་མ། །དམ་ཉམས་དགྲ་བགེགས་སྒྲོལ་ཕྱིར་གནས་འདིར་གཤེགས། །ཞེས་སོགས་དབྱངས་འཁོར་གསུམ་རྫོགས་ནས་ཇེ་མྱུར་གྱི་ཆེམས་བརྡུངས་ལ་འཆམས་སྣ་བ་ཐོན་སོང་བ་དང་། འཆམས་པ་རྣམས་རིམ་བཞིན་ཐོན། སློབ་དཔོན་གྱི་རྐྱང་འགྲོས་ལིངྒའི་མཐར་འཁོར་བ་དང་རྔ་རོལ་སྒྲ་བཞགས། དགུག་གཞུག་ཚར་གསུམ་སོགས་ཕུར་བཟློག་བཞིན། དེ་ནས་བསྐུལ་མཆམས་དངོས་གཞི་མཇུག་འདིའི་ཉིན་སྐུ་འཆམས་ཚར་གསུམ་རེ་སྤོར། དེ་ནས་དགུགས་གཞུག་ཚར་གཅིག་ལ་ཚེ་སྲོག་ཡེ་ཤེས་སུ་བསྒྱུར་བ་མི་དགོས། དམ་ཚིག་ཆེན་མོ་དང་ཕྱི་ནང་གསང་བ་སོགས་ཚིག་ཀུན་ཚངས་མ། གྲུབ་མཆམས། སེང་སྟག་སྤྱང་གསུམ་རྫོགས་ནས་གསོལ་ཇ། ཕོ་ཉ་དྲན་གདངས་རྫོགས་ནས་སྐུ་སེང་། འདུས་ནས་རྡོ་རྗེ་གསང་བ་ནས་ལོག་འཆམས་བར་སྣང་བ་འགྱུར་ཐུབ་ནང་བཞིན། ལོག་འཆམས་གྲུབ་ནས་རོལ་བསྐོར་འབེབ་བཅས། གསེར་ཕྲེང་། སྒྲུབ་ཁང་ཕེབས་ནས་གཏོར་འབུལ་མཇུག་ཆོག་རྣམས་གོང་བཞིན། གྲོལ་ཉིན་གཞན་གང་བཞིན་ལ་ལྷག་མ་རྒྱས་པ། གཏོར་འབུལ་ཕྱི་འབུལ། ལྷ་ལྔ་ཞབས་སུ་ཊ་བསྐྲལ། དེ་ནས་ཐོག་ཁར་ཕེབས་ནས་རོལ་མོ་བཅུ་བཞི་བརྡེག་རྫོགས་ནས་རོལ་བསྐོར་འབེབས་བཅས། གསོལ་ཇ། དེ་ནས་གཏོར་འབུལ་བསྟན་སྐྱོངས་རྣམས་རྒྱས་པ། སྲིད་ཞིའི་དཔལ་འབྱོར་མ། དེ་ནས་ཕྱི་རོལ་གཏོར་མ། གཤེགས་གསོལ་ལ་བཛྲ་མུ། ཆོས་སྐྱོངས་རྣམས་རང་བཞིན་གྱི་གནས་སུ་གཤེགས་ཞལ་བསྒྱུར་དགོས། དེ་ནས་སྒྲུབ་ཁང་དུ་ཕེབས་ནས་སློབ་དཔོན་དང་། རོལ་སིལ་བཅས་པའི་དཀྱིལ་འཁོར་ལ་བསྐོར་བ་ལན་གསུམ། ཡིག་བརྒྱ་འདོན། དེ་ནས་དཀྱིལ་འཁོར་གྱི་མཐར་བསྐོར་བསྐོར་བ་འཁོར་བ་དང་རོལ་མོ་བཞག །མཆོད་པ་བྱིན་རླབས་རྒྱས་པ་བྱ། སྒེག་ཕྲེང་སོགས་ཀྱི་ཕྱི་མཆོད། རང་བྱུང་གདོད་ནས་སོགས་ཤྭ་ལོ་ཀ་གཅིག་གི་ནང་མཆོད། སྒེག་ཅིང་དཔའ་དང་སོགས་ཀྱི་བསྲེད་པ་བྱ། ཐལ་སྦྱར་ཡེ་ཤེས་ལྔ་ལྡན་སོགས་ལན་གསུམ་གྱི་དང་པོ་ལ་གདངས་རིང་། གཉིས་པར་དེ་ལས་ཐུང་ཙམ། གསུམ་པར་དེ་བས་ཀྱང་ཐུང་ཙམ། དེ་ནས་སློབ་དཔོན་གྱིས་གསུར་བསྔོ། དེ་ནས་ཡིག་བརྒྱ་ལན་གསུམ། མ་འབྱོར་པ་དང་སོགས། ཕྱོགས་བཅུ་ནས་སྭ་ཧཱ་བར་རྒྱུན་བཞིན། བརྟེན་པ་ལྷའི་ཚོགས་རྣམས་ཞེས་གསུང་དགོས། རྟེན་གྱི་དཀྱིལ་འཁོར་ནས་ཡེ་ཤེས་པ་རྣམས་དེ་ནས་ཨོཾ་ཁྱེད་ཀྱི་སོགས་གདོངས་རིང་བ་གཉིས། ཐུང་བ། ༡དེ་ནས་རོལ་མོ་དང་བཅས་དཀྱིལ་འཁོར་གྱི་ཡོ་བྱད་རྣམས་བསྡུ་ཚར་ནས་སློབ་དཔོན་གྲལ་ལ་བྱོན་ནས་དུང་གསལ། རོལ་མོ་བཞག །ཨོཾ་ཤྲཱི་བཛྲ་ཀུ་མཱ་ར་དང་། ཨོཾ་བཛྲ་ཀ་བ་ཙི་སོགས། རང་བཞིན་སེམས་ཀྱི་སོགས། དགེ་བ་འདི་ཡིས་མཐའ་ཡས་སོགས། དགེ་བ་འདི་ཡིས་ནམ་མཁའི་སོགས། བཀྲ་ཤིས་རྒྱས་པར་བརྗོད་ལ་མཐར་རོལ་ཆེན། གྲོལ་དུང་བཅས། སླར་སྨྲས་པ། །འདིར་འབོད་རྣམ་དཀར་དགེ་བའི་ཉིན་མོར་བྱེད། །ཕན་བདེའི་འོད་སྟོང་འབར་བའི་གཟི་བྱིན་གྱིས། །འགལ་རྐྱེན་མུན་པའི་ཚོགས་ཀུན་དབྱིངས་སུ་ཞི། །དོན་གཉིས་པདྨོའི་འདབ་བརྒྱད་འཛུམ་གྱུར་ཅིག །འཇམ་དབྱངས་ཡེ་ཤེས་དག་པའི་ནོར་འཛིན་ལས། །ལུང་རྟོགས་ཆོས་ཀྱི་བསྡོང་པོ་རབ་ཏུ་བརླིངས། །བློ་གྲོས་འབྲས་བུའི་དཔལ་གྱི་ཕྱུགས་པ་གང་། །བསྐལ་པ་རྒྱ་མཚོར་ཞབས་པད་བསྟན་གྱུར་ཅིག །དེ་མཐུས་ཐུབ་བསྟན་སྤྱི་དང་བྱེ་བྲག་ཏུ། །འཁྲུལ་བྲལ་ས་སྐྱའི་མདོ་སྔགས་བསྟན་པའི་རྒྱུན། །བཤད་བསྒྲུབ་ཕྲིན་ལས་བཟང་པོ་མི་ཉམས་པས། །ཡིད་ཅན་ཡོངས་ལ་ཕན་པ་སྦྱིན་གྱུར་ཅིག །བཀྲ་ཤིས་གང་ཞིག་དད་དང་འདུན་པ་ཡིས། །སྐྱབས་སུ་བཟུང་བས་འདོད་རྒུའི་དཔལ་འཇོ་ཞིང་། །རྣམ་གྲོལ་བདེ་བའི་ནོར་བུ་སྦྱིན་མཛད་པའི། །མཆོག་གསུམ་བཀྲ་ཤིས་སྣང་བས་སྲུབས་གྱུར་ཅིག །ཅེས་པའང་འཇམ་པའི་རྡོ་རྗེ་མཆོག་གི་སྤྲུལ་པའི་སྐུ་རིན་པོ་ཆེའི་བཀའ་ཕེབས་གནང་དོན་ལྟར་ཤྲཱིཿས་སྐྱ་ཕུན་ཚོགས་ཕོ་བྲང་པའི་འཁོན་གདུང་ངག་དབང་ཀུན་དགའ་བསོད་ནམ་འཇིགས་བྲལ་ཕྱོགས་ལས་རྣམ་རྒྱལ་དཔལ་བཟང་པོས་རྒྱལ་བ་ཞེས་པ་ཤིང་ཕོ་སྟག་ལོ་སྨིན་དྲུག་ཟླ་བའི་ཚེས་ལ་སྦྱར་བ་སརྦ་དཱ་ཀ་ལྱཱ་ཎཾ་བྷ་ཝ་ཏུ།། །།འདི་ཆོས་ཀྱི་བློ་གྲོས་གསུང་མིན་ཡང་དཔེ་དཀོན་པས་ཕུར་སྒྲུབ་ཙ་ལག་སྐོར་དཀྱུས་གཅིག་ཏུ་བཀོད་པའོ།། །།

[edit]

@#/__/rdzong gsar phur sgrub 'don 'grig ma deb bzhugs/__/ oM swAsti/__dbyings dang ye shes zung du 'jug pa'i sgyu 'phrul drwa ba'i rol gar ni/__/srid dang zhi ba'i khyab bdag chen po rigs dang dkyil 'khor kun gyi gtso/__/skyabs gnas kun 'dus dpal ldan bla ma dran pas snying gi gdung sel dang /__/dbyer med lha mchog rdo rje gzhon nu byang chub bar du gtsug na rgyal/__7rgyal ba'i yab gcig 'jam dpal gzhon nu mi yi srid pa la chags pas/__/yongs rdzogs bstan pa'i ring lugs dri med bsil ldan ljongs 'dir gsal mdzad pa'i/__/sa skya'i dad sgrol dbang po'i grangs gtsos 'khon ston rig 'dzin brgyud pa'i tshogs/__/dad gus mos pas gsol ba 'debs na rnam gnyis dngos grub char du bsnyil/__/rdo rje'i g.yar dam 'gog pa med pas bstan dang bstan 'dzin la bzhu ba'i/__/yid srub dpung bcas phye mar brlags nas 'dod pa'i don kun bde blag tu/__/ster mdzad mthu ldan bstan srung rgya mtshor nor lha gter bdag tshogs rnams kyis/__/legs spyod 'di la srid mtha'i bar du mi nyams dge ba'i grogs mdzad cig__/de la 'dir/__/'gro ba yongs kyi phan pa dang bde ba ma lus pa'i 'byung gnas gcig pur gyur pa ni mnyam med bu ram shing pa'i mdo sngags kyi bstan pa rin po che 'di yin la/__'di nyid phyogs dus kun tu 'phel zhing rgyas pa dang /__de la bar chad bgegs kyi 'tshe ba zhi ba'i thabs tshul du ma yod pa las/__mchog tu zab pa rgyal kun phrin las gcig bsdus lha mchog badz+ra kI la ya 'di yin la/__don gyi dbang 'di gzigs nas/__gangs ljongs mdo sngags bstan pa'i shing rta chen po kun gzigs 'jam dbyangs mkhyen brtse'i dbang po'i gdan sa rdzong gsar bkra shis lha rtse'i chos grwa chen por 'dir/__'jam dbyangs bla ma'i phrin las mi zad pa rgyan gyi 'khor lo'i rang gzugs/__snyigs dus bstan pa'i nyi ma/__bdag cag gi rtsa ba'i bla ma mchog sprul rdo rje 'chang 'jam dbyangs chos kyi blo gros ris med bstan pa'i rgyal mtshan dpal bzang po'i thugs bskyed rlabs po che'i mthu las mkhon lugs rdo rje phur pa'i sgrub mchod spros bcas kyi lugs gsar 'dzugs gnang ba la/__shing rta lor ngos 'khor gdan sa 'dir yun ring gdan 'jags nas rje btsun sa skya pa'i zab chos snyan brgyud bum pa gang 'dod bgyid skabs/__gdan sa chen po dpal ldan sa skya'i phyag bzhes ltar nor 'khrul med pa'i dag ther gtan 'beb dgos pa'i bka' rtsal phebs don lhur blangs don smin byung 'phral/__slad nas kyang rgyun mi nub cing mi 'chol ba'i ched du phyag debs zhib tu 'god pa la/__hor zla dgu tshes 15nyin 'du khang steng mkhar rnga brdung 'phral 'tshogs pa rnams 'dus 'bum bskyor/__de nas phur khang du phebs nas tshogs dpon gyis/__'o/__de la 'dir/__lo tshes gang yin gyi ming 'jug__/phur sgrub chen mo'i chos bsgrig gi skabs/__'dir sa chog nas bsgrig dgos pas/__thog mar sngon 'gro gtor ma nas brtsam te/__sa sbyang ba/__lha sta gon gyi bar dang /__dngos gzhi ji ltar bltoms pa nas mjug bkra shis kyi bar mdzad par/__phyag len du gda' bas/__da lam yang mdzad par zhu zhes dang /__de nas bskul te/__su yin gyis sngon 'gro gtor ma/__de nas rang gi mig sogs nas dkyil 'khor bris zhes pa'i bar gzhung bzhin la/__hU~M chos dbyings nas ru rti ra maN+Da la sogs bar gdangs ring /__maN+Da la bar gdangs thung /__zhal nas dkyil 'khor bris bar sngags bcas gdangs ring ja gcig yong bas de'i mtshams su mchod/__de nas oM badz+ra kro d+ha sogs/__shu n+ya tA sogs/__d+harma d+hA tu sogs nas/__dam tshig la dgongs/__'khod par gyur zhes pa'i bar/__de nas ji ltar bltams pa sogs nas/__dad mos che bas dngos grub thob kyi bar dbyangs gdongs sogs rgyun bzhin la grangs gsog gi rigs mi mdzad/__zhwa gyon/__skye med chos sku nas/__dngos grub rnam gnyis rtsol ba'i bkra shis shog bar gdangs/__'dir zhwa phud/__tshogs dpon gyis/__'o/__'di lo phur sgrub chen mo'i cho ga__/phyag len/__dbyangs rol/__gar 'chams/__dung chen skabs na bza' gzab spros mdzad dgos sogs so so nas thugs khur bskyed pa'i/__bla ma gang ma'i dgongs rdzogs dang /__chos sde bstan pa'i zhabs tog tu 'gyur nges rang dgos rgyu yin pas de bzhin dang /__'chams sbyong dngos gzhi'i skabs thams cad du pad skor dang 'chams sna sogs du mdzad/__thams cad kyis 'chams dpon la gzigs nas zang zing du ma song ba zhig dang /__da lta ka 'chams sbyong la hrub ste phebs pa zhu/__gsung grub pa dang so sor gyis/__phur chung 'chams dngos gzhi skabs/__sngon du dge skos dpon g.yog dkar bdud ru dar/__de rjes ha shang 'khor bcas/__de rjes spos sna rgya gling slob dpon gral la bzhugs/__'chams pa rnams sogs byon bzhugs gong ma bzhin la/__gser phreng /__rol khang su phebs grub nas bsangs kyi bcom rol nang bzhin/__de nas je myur gyis chems brdungs la 'chams pa rnams rim gyis thon nas 'chams dngos gzhi la 'jug__/'di skabs 'chams ja gsum yang ba la rkyang 'gros rdzogs nas gsol ja/__gzhal yas khang rdzogs nas gung seng /__yum chen rdzogs nas gsol ja/__phyed 'gros nas rkang rus bar tshar gnyis re dang /__rgya gram gcigagazhal yas khang la sgo bzhi/__bstan skyong dbyangs skor gnyis/__rjes ma la b+h+yo 'dren mi 'jug__/bran dang g.yog 'khor nas grub par mdzod bar shur ma/__dam tshig 'di las la/__hU~M/__ngang sogs rang dbyangs 'di tshugs nas phyi la gyel de'i mjug tu chems brdung /__de nas 'cham dpon gyi dzam blang la log 'cham grub nas rol bskor 'beb bcas/__gser phreng gang bzhin grol nas sgrub khang du hU~M chen ka ra sngags dbyangs bcas tshang ma gcig__/rnam par rgyal ba man mi dgos/__steng phyogs tshangs pa yas bsdu/__ma bsdu dbyangs bcas gcig__/ki la ya'i 'gros gcig__/tshes 16la sa chog mgor dkar chab/__gsol ja/__gtor skad dgos/__sngon 'gro gtor ma/__gnas yo byin rlabs/__byin dbab bsdus pa'i rgyas pa/__gsol ja/__phur chung sman rag la gtor skad dbyangs mi dgos/__bcom rol bsangs bzhin/__hU~M 'dren med pa'i gdan steng bdag nyid sho lo ka gcig la sgeg cing ma'i dbyangs thung rol mo/__/bcom ldan rdo rje gzhon nu'i sogs la sgeg cing ma'i dbyangs rol chems mjug sbram 12bde bar gshegs sogs mjug chems brdung /__gsum brdeg len can/__sgeg phreng bdud rtsi 'bul ba bsnyen sgrub gsal byed bzhin/__dam tshig chen mo/__/he ru ka__/bla med ma rnams bsnyen sgrub gsal byed bzhin rnga brdung rol mo rgyun bzhin/__sgeg cing ma tshig rkang lnga la sgeg cing ma'i dbyangs thung rol mo/__/hU~M mdzad nas shur/__bgegs 'dul yan bsnyen sgrub gsal byed bzhin la mjug gsum brdeg len can bsdus pa chems brdung sbram/__12hU~M badz+ra nas dngos grub stsol/__gsol ja/__bsnyen bsgrub gsal byed bzhin la dung sogs rgyun bzhin/__de nas slob dpon gyis/__gtor ma byin rlabs mdzad pa zhu gsung dgos/__gtor bsngo bshags pa gcig__/bskang rdzas byin rlabs/__bcom rol/__spyan 'dren rgyal ba kun gyi gang gi rang bzhin byang shar ha ha gsum la dbyangs rol dur bdag spyan 'dren/__dkar mo spyan 'dren mjug__/chem brdungs/__mjug sbram/__12byon skyems mjug chem brdung sbram/__12rol bskor 'beb bcas/__'dul sngags mchod sprin yongs rdzogs/__phyi mchod/__nang mchod/__phrin bcol sogs rgyun bzhin/__bstan srung rgya mtsho/__khyad par bstan pa'i/__byin rlabs thugs rje gsum la dbyangs rol/__'phrin bcol dbyangs bcas bdun/__bskang gsol gyi phrin bcol dang bzlog pa/__sngags dbyangs/__bstod pa nam mkha' ma/__mdo lugs bkra shis smon lam tshogs byin rlabs/__tshogs bsdus pa/__mjug tu gsum brdeg len can/__gsol ja/__rang gi mig sogs nas bdag gis don yod dkyil 'khor bris bar chog bsgrig bzhin/__gung seng /__'dus nas phyogs bzhi gsol gdab/__de nas dbu mdzad pas bskul nas badz+ra kI la ya nas kro d+ha tiSh+Tha ma le AH__zhes pa'i mjug rol mo tod blangs kyi sbram sbram sogs chem brdung /__de nas sbram sbram/__1byas/__2byas/__3byas/__gsum 9bgegs bskrad la/__hU~M/__ngang sogs la dam tshig chen mo'i phya g.yang lugs tshar gsum char la chems brdungs/__sngags gzhung bzhin/__dang po gnyis la chem brdung rdzogs nas sbram sbram/__1byas/__2byas/__3byas/__1nas/__9byas gsum/__9dbyangs mjug la sbram gnyis nan len gyi go chod/__gzhan rol mo gong bzhin/__gsum pa'i mjug ru gsum brdeg len can gnang nas grol/__de nas lha khang rdo bcags phebs pa dang gser skyems/__rig 'dzin 'gugs/__phur kha bsgyur ba rnams phur zlog nang bzhin la chem brdung la phur pa phyir bsgril/__mjug gsum brdeg len can/__gser phreng gong bzhin rol pa 'du phebs nas bcom rol gong bzhin/__'chams pa rnams rim bzhin thon/__thon 'tshams grub 'tshams/__slob dpon gyi 'chams bshad rdzogs nas pad kor gcig_/rol 'gros/__sa gzhi khod sogs/__gsol ja bzhi yod pa/__dang po mgo gugs rdzogs nas/__gnyis pa rgya gram rdzogs nas/__gzhal yas khong rdzogs nas gung seng /__yum chen rdzogs nas gsol ja gsum pa/__byang sgo rdzogs nas gsol ja bzhi pa/__zhal lhor gzigs nas ling ro sgo phyir 'thor/__sku 'chams rnams tshar gsum re spor/__rgya gram gnyis/__gzhal yas khang sgo bzhi char/__log 'chams grub nas rol bskor 'beb bcas gser phreng 'chams pa rnams gong bzhin/__sgrub khang du phebs nas/__hU~M chen ka ra nas/__stobs chen yan 'cham yig dang bdag mjug bzhin/__phur bsgril la kI la ya tshar gsum re spor/__de nas tho phur bsnom nas steng phyogs tshangs pa la dbyangs/__kI la ya 'gros gnyis la bzhugs/__gsum pa la dbu byed rnams phebs nas/__rnga rol bzhes nas rdzogs nas chem brdung /__oM badz+ra kro ta sogs nas phur btab mdzad nas/__de nas rol mo sbram sbram/__1byas/__2byas/__3byas/__gcig nas/__9byas/__9byas/__9byas/__9shar phyogs man tshig la gnas pa'i dgu brdung /__chems brdung la rnga gzhung bzhin sbram sbram nas/__9byas/__9bar gong bzhin/__'og phyogs rdzogs nas gsum brdeg len can/__steng yong song nas b+haN+Da ra Na hU~M phaT/__me ris sngags kyi bar phyag rgya dbyangs dang bcas phyag len bzhin/__de nas phyag rgya'i gar 'cham gyi sgo nas zhes gsol nas ka wa tsi hU~M phaT bar snang ba 'gyur thub nang bzhin/__de nas gyes/__rol phod/__'chams chas rnams bsdus/__'dus nas gtor 'bul/__dpal mgon ma hA kA la rnams dang po ja/__bkra shis bsdus pa/__grol dung /__'gro bde bcas so/__/ches 17nyin dkar chab/__gsol ja/__sngon 'gro gtor ma/__gnas yo byin rlabs/__byin 'bebs/__bsdus pa'i bsdus pa/__phur 'bring lugs/__skyabs 'gro nas bzung /__tsita a b+hi khan+tsa yan phur chen lugs la ye shes sku mchog la mi dgos/__sdom gsum sku gsum gyi mjug tu bcom rol chung gsum yan bsang bzhin la sbram/__1dor bas/__nyis brdeg len can 'phags mchog ma la dbyangs/__gsol ja/__gtor skad dgos/__sman reg la dbyangs med/__bcom ldan rdo rje gzhon nu la sged cing ma'i dbyangs rol/__mjug chems brdung sbram/__12yang dag don du dbyangs med rol mo mjug chem brdung /__sbram 12bde bar gshegs sogs mjug chem brdung /__de'i chem brdung la dkar dung nges par mi 'bud/__sbram 12bde bar gshegs pa sogs nas/__karma kro d+hi shwa ri AH__zhes pa'i mjug rol mo gsum brdeg len can/__gsol ja/__de nas sta gon/__oM badz+ra kro d+hA nas/__snyan gsan dbab pa yan/__gsol ja/__bdag mjug nang bzhin/__'khor ba phur bu dbyangs/__snyan gsan dbab pa rdzogs nas gung seng /__'dus nas slob dpon gyi bum bskyed mdzad pa zhu gsung dgos/__bum bskyed tshar nas gtor ma byin rlabs mdzad pa zhu gsung dgos/__thug pa/__gtor bsngo nas/__sngags dbyangs bar sa chog bzhin/__bstod pa rab 'bar ma/__mdo lugs bkra shis smon lam/__tshogs bsdus pa/__gtor 'bul/__mjug chog mchod pa byin rlabs bdag mjug bzhin/__rang gi snying kha nas sogs rang bzhin sems kyi sogs dgos/__bkra shis rgyas pa/__grol dung gong bzhin/__dgong mo phur 'god la sangs rgyas chos dang nas/__a pa na tiSh+Than+tu bar bdag mjug bzhin/__gsol ja/__rgyal chen 'tho 'dzug ni/__thog mar/__oM badz+ra kro d+ha a mr-i ta nas chen por gyur bar/__de nas mchod rol sdug bsngags 'don/__sgang dung /__1de nas sangs rgyas chos sogs rdzogs nas/__sa ma dzaHbar de nas/__dri zang gang gi bdag po shwa lo ka gcig la yang dag don du ma'i dbyangs rol/__chem brdung sdug bsngags/__sgang dung /__1gsum brdeg len can/__gtsang zhing gtsang ma sho lo ka 1la dbyangs rol gong bzhin/__chems brdung /__thugs sngags/__sgang dung 1/__sbram/__12zhes bzhag__/de nas gtor ma 'bul/__de nas shar phyogs na ni shwa lo ka gnyis la dbyangs rol gong bzhin/__de nas na mo sogs nas/__tiSh+Tha badz+ra bar/__de bzhin du 'og ma rnams la'ang rigs 'gre/__de nas gzhan rnams kyi rnga rol sogs dang /__bum pa 'bul ba la slob dpon dang mchod dpon gyis zhabs bskor lan gsum/__las bum la gcig__/de nas slob dpon rol sil ba sogs kyis zhabs dbu zhwa phud nas bskor lan gsum char ba dang 'dus tshogs kyis dkyil 'khor gsol btab mdzad/__'gro bde/__tshes 18la dkar chab/__byin 'bebs rgyas pa'i rgyas pa/__gsol ja/__phur chen dbyangs nyin gnyis la bkral/__steng pad ma/__nam mkha' 'phags mchog__/rtsi med/__sman rag dbyangs/__gtso bo rdo rje rtse dgu sho lo ka1'dul gdong rol mo/__hU~M mdzad/__sgo ma/__dib+ta/__'phor ba/__phur bu rnams grol bar dgos/__rtsi med/__khro rgyal bsdus pa/__gung seng /__sgeg cing /__rdor sgeg__/thabs mkhas/__phrin ched/__rtsi med/__dbyangs gsar/__he ru/__gru gsum/__de dang gnyis med/__dzaHsprul/__gung seng /__dpal thung /__bdag nyid/__rtsi med/__shwa thung /__sa bdag__/rtsi med/__kaM ka d+ha ra/__'dod chags khros pa rang dbyangs/__byang chen rnams yin/__de nas phyir rol gtor ma bdag 'jug bzhin/__'di'i nyin dkyil 'khor gsol gdab mi dgos/__gung seng /__dngos gzhi la ja/__11dkar chab la ja/__zabs 'gro la ja/__dbus su mgo thug pa/__'phos bu la ja/__spru mthing la gsol ba/__bdag nyid mgo ja/__bsnyen pa ja/__bum bskyed ja/__rigs lnga'i mgo ja/__gtor chog thug pa/__gsol ka mgo ja/__nag po gnod sbyin rdzogs nas ja/__tshogs mgor ja/__gung seng bsdus nas/__ji ltar bltams pa nas/__bdag 'jug bzhin/__gtor bsngo/__bshags pa 3gung seng /__bsdus nas bskang rdzas byin rlabs/__spyan 'dren shwa lo ka 3/__dbyangs rol/__dur bdag__/dkar mo ba /__na 'dren/__chems brdungs sbram/__12byon skyems mjug chems brdung /__sbram/__12rol 'bebs bcas/__thugs sngags mchod sprin yongs rdzogs/__phyi mchod/__nang mchod/__phrin bcol rgyun bzhin/__bstan srung /__khyad par/__byin rlabs thugs rje/__dbyangs rol/__gzhan yang ma dbyangs bcas3/__lha mchog ma dbyangs dang po/__rak+ta dmar chen/__dam rdzas/__zhal bzhi dring pa bcas byang ro/__oM AHhU~M/__chos dbyings spros bral bde chen sgrub ma/__nag po gnod sbyin ma dbyangs bcas/__1dkar chung /__gtum chen ma dbyangs bcas/__3sku dang gsung thugs dbyangs bcas/__3byin rlabs thugs rje ma dbyangs bcas/__1'phrin bcol dbyangs bcas/__7bskang gsar 'phrin bcol dang /__bzlog pa/__bstod pa nam mkha' ma/__tshogs rgyas pa/__mjug chag rang bzhin sems kyi sogs gong bzhin/__tshes/__19nyin byin 'beb rgyas pa'i bsdus pa/__phur dbyangs ye shes sku mchog__/nam mkha'i 'dur gdangs gong bzhin lhun grub srin po/__e las/__dbus su bdag nyid shwa lo ka gnyis la 'dur gdangs rol mo/__/yum rta mgrin bskyed med ma/__yang dag__/bde ba/__gung seng /__hU~M mdzad/__rang byung ma/__drin can/__'cham dbyangs/__bla med/__skye 'gro/__thams cad dbang lus/__gung seng /__dpal ring /__dkyil 'khor phyi rim/__shwa ring /__de'i las mkhan/__rtsi med/__'dod shwa dzam dbyangs/__/phur sgrub skabs rig 'dzin bskul la bi ma la'i dbyangs rol/__bal bo nas shur/__'jam dbyangs kun dga' bsod nams nas dbyangs mdzad/__byang chog yod tshe rgya gar shar bsangs dbyangs mdzad/__de'i nyin nas bzung dkyil 'khor gsol gdab dang /__bum bskyed bcas dgos/__'di nas bzung bying rnams tshes 18dang 'dra/__tshes 20la byin 'beb 'bring po'i rgyas pa/__dbyangs tshes 18dang 'dra/__tshes 21la byin 'bebs 'bring po'i bsdus pa/__tshes 22la rgyas pa'i bsdus pa/__tshes 23la byin 'beb 'bring po'i rgyas pa/__tshes 24la byin dbabs bsdus pa'i rgyas pa/__tshes 25la byin dbab bsdus pa'i bsdus pa/__tshes 26la bsdus pa'i rgyas pa/__tshes 242526gsum la phur bur/__nam mkha'i shwa lo ka 'dur gdangs rol mo/__/dbus su bdag nyid shwa lo ka ka 'dur gdang /__rol mo sged cing ma sho lo ka 'dur gdangs rol mo/__grub mthing sho lo ka gcig la 'dur gdangs rol mo/__'dod chags khros pa'i 'dur gdangs/__tshes 25nyin gral mchod gdab kha dang po/__rig 'dzin bskul mi dgos/__tshes 24nas tshes 26bar/__che ba'i stos gdangs mi dgos/__grol nyin bzang ba sa chog bzhin/__tshes 24la gser phreng tshes 15dang 'dra/__tshes 24la 'chams sbyong skabs phya'i dbyangs rnga 'chams rnam tshar gnyis re spo/__rgya gram gcig__/'di'i phya'i dbyangs ni/__bla ma rig 'dzin nas/__thugs rje yi bar tshig bzhi la dbyangs 'khor/__2phur kha bsgyur ba steng bar gnyis yin/__nga rgyal bskyed pa ni/__nga ni rdo rje nas/__bdag nyid gnas la tshig bzhi la dbyangs 'khor/__2gsol ja/__brgyud gsum ma ni/__mdzad du gsol bar tshig bzhi las dbyangs 'khor gnyis/__log mchams grub mcham rol bskor 'beb bcas gung seng /__de nas gsal phebs byung ba dang /__rol mo hod blangs kyis sbram sbram sogs chem brdung /__de nas 'phar med kyi sbram chung /__3sbram/__123byas/__123byas/__che gcig__/dzam nyug dang po'i bskul ba ni/__hU~M/__rab 'jig rngam pa'i zhal gdangs mche ba gtsigs/__dmar ser skra mdzes thod pa'i phreng bas brgyan/__'jigs pa'i gzugs 'dzin yang sprul nyi shu po/__dam nyams sgrol ba'i slad du gnas 'dir spel/__gnyis pa'i sku ni/__hU~M dur khrod sha za kun gyi gtso/__rab dkar keng rus 'jig pa'i gzugs/__/dam tshig can la brtser dgongs te/__/nor gyi bdag po yab yum yang /__/'khor dang bcas pa thams cad kyang /__/dngos grub rtsol phyir gshegs su gsol/__/dkar mo ba'i spyan 'dren dbyangs/__hU~M/__dpal chen thugs las sprul pa'i pho nya mo/__/gnod sbyin mjigs ma bdud rtsi gsod byed ma/__/dgra bgegs sgrol ba'i slad du spyan 'dren na/__/glog ltar myur ba'i thugs rjes 'dir gshegs shig__/gsum pa'i bskul ni/__hU~M/__/'jigs rung dmar nag me rlungs 'khrugs pa'i dbus/__/shin tu phros pa'i dam nyams tshar gcod cing /__/sgrub po skyong mdzad dam can bcu gnyis po/__/ma rung 'dul phyir gnas 'dir gshegs su gsol/__/bskul gsum hU~M mdzad sgra 'byin shwa lo ka gcig la dbyangs rol mjug je myur gyi 'chems brdung /__log nas rol bskor 'bebs bcas/__de nas hU~M mdzad sgra 'byin shwa lo ka gcig la dbyangs rol mjug je myur gyi 'chems brdungs 'chams rnams thon nas/__'chams dpon gyis dbus su bskor ba gcig rdzogs nas/__'gug gzhug tshar gcig pad bskor dzaM sogs 'chams yig nang bzhin la/__seng ge'i brjid 'chams nas dred mong yan tshar gnyis re spor/__dam tshig chen mo'i ring mas brdung /__mas brdung yin/__phyi nang gsang ba yas brdung /__mas brdung /__de'i nyin gsol ja/__gcig yongs ba/__spyang ku rdzogs nas gsol ja/__'gug gzhug rjes ma chems brdung zhig dgos/__'gug gzhug ngo ma mi dgos/__'chams sbyong dngos gzhi gnyis char la gdab tshul ma yin pa'i gsol ja mchod grub 'phral chem brdung re gnang nas/__gcig ge gnyis gsum byas sogs kyis 'chams tshul mdzad pa phyag len yin/__tshes 25la tshogs yan gong bzhin/__tshogs mjug gsum brdeg len can/__grol phral gsum brdeg len can gung seng /__rnga bya ltar g.yas g.yon re med/__gser phreng gong bzhin/__de'i nyin sku mchams rnams tshar gsum re spor/__phyi dbyangs ni dbyangs 'khor sngon ma gnyis 'chams sbyong lugs/__/gser skyems la phyi nang bar chad tshig gnyis gsol ja/__phur kha bsgyur ba 'og nga rgyal bskyed pa snang zhing /__srid pa'i tshig gnyis/__dpan gzugs la mthu dang rdzu 'phrul tshig gnyis de rnams 'phar/__rgyud gsum ma gnyis rdzogs nas gsol ja/__rgya gram gnyis/__log 'chams rol bskor 'beb bcas/__gung seng 'dus nas/__gser phreng /__gsum gdan steng phyag cha ban phur bsnams nas zhal byang gzigs la mchod dpon pas phud phor thogs nas/__gser skyems bla ma rig 'dzin phur zlog bzhin/__dus phyis slob dpon gyi gnang /__rig 'dzin bskul phur bzlog bzhin/__phur kha bsgyur ba phur bzlog bzhin/__'chams dpon lhor gzigs/__dgug gzhug 'og tu mdzad pas 'dir mi dgos/__lha srungs spyan 'dren phur bzlog bzhin la byang gzigs/__de'i sngags phyag la lhor gzigs/__/nga rgyal bskyed pa phur bzlog bzhin byang gzigs/__de'i sngags phyag la lhor gzigs/__dIp+ta tsakra phur bzlog bzhin lhor gzigs/__rgyud gsum la phur bzlog bzhin byang gzigs/__rgyud gsum ma'i mtha'i dgu brdung mthar gsum brdeg len can/__de nas slob dpon rol sil rnga gral rnams phebs nas shar gzigs/__dzaM nyug rnams kyi bcam rol 'chams sbyong nang bzhin dad pa'i bskur rdzogs nas thon/__log grub nas 'di rnams la 'chams sbyong dngos gzhi gnyis char la rol bskor 'bebs bcas dgos/__/de nas nor skyongs yab yum gnyis kyi bskul/__dur khrod sha za shwa lo ka gcig gi mjug tu/__'khor dang bcas pa thams cad kyang /__dngos grub rtsol phyir gshegs su gsol/__zhes tshig rkang drug la dkar mo ba'i /__na 'dren gyi dbyangs rol mo 'phar med nyis brdeg len can je myur gyi chems brdung /__phebs grub nas nas dzaM nyul tsho gnyis 'chams sbyong nang bzhin/__gung seng /__'dus nas bcam rol mi dgos/__hU~M mdzad dgra 'byin shwa lo ka gsum dang kha bskangs/__gnod sbyin 'jigs ma bdud rtsi gsod byed ma/__/dam nyams dgra bgegs sgrol phyir gnas 'dir gshegs/__/zhes sogs dbyangs 'khor gsum rdzogs nas je myur gyi chems brdungs la 'chams sna ba thon song ba dang /__'chams pa rnams rim bzhin thon/__slob dpon gyi rkyang 'gros ling+ga'i mthar 'khor ba dang rnga rol sgra bzhags/__dgug gzhug tshar gsum sogs phur bzlog bzhin/__de nas bskul mchams dngos gzhi mjug 'di'i nyin sku 'chams tshar gsum re spor/__de nas dgugs gzhug tshar gcig la tshe srog ye shes su bsgyur ba mi dgos/__dam tshig chen mo dang phyi nang gsang ba sogs tshig kun tshangs ma/__grub mchams/__seng stag spyang gsum rdzogs nas gsol ja/__pho nya dran gdangs rdzogs nas sku seng /__'dus nas rdo rje gsang ba nas log 'chams bar snang ba 'gyur thub nang bzhin/__log 'chams grub nas rol bskor 'beb bcas/__gser phreng /__sgrub khang phebs nas gtor 'bul mjug chog rnams gong bzhin/__grol nyin gzhan gang bzhin la lhag ma rgyas pa/__gtor 'bul phyi 'bul/__lha lnga zhabs su Ta bskral/__de nas thog khar phebs nas rol mo bcu bzhi brdeg rdzogs nas rol bskor 'bebs bcas/__gsol ja/__de nas gtor 'bul bstan skyongs rnams rgyas pa/__srid zhi'i dpal 'byor ma/__de nas phyi rol gtor ma/__gshegs gsol la badz+ra mu/__chos skyongs rnams rang bzhin gyi gnas su gshegs zhal bsgyur dgos/__de nas sgrub khang du phebs nas slob dpon dang /__rol sil bcas pa'i dkyil 'khor la bskor ba lan gsum/__yig brgya 'don/__de nas dkyil 'khor gyi mthar bskor bskor ba 'khor ba dang rol mo bzhag__/mchod pa byin rlabs rgyas pa bya/__sgeg phreng sogs kyi phyi mchod/__rang byung gdod nas sogs shwa lo ka gcig gi nang mchod/__sgeg cing dpa' dang sogs kyi bsred pa bya/__thal sbyar ye shes lnga ldan sogs lan gsum gyi dang po la gdangs ring /__gnyis par de las thung tsam/__gsum par de bas kyang thung tsam/__de nas slob dpon gyis gsur bsngo/__de nas yig brgya lan gsum/__ma 'byor pa dang sogs/__phyogs bcu nas swa hA bar rgyun bzhin/__brten pa lha'i tshogs rnams zhes gsung dgos/__rten gyi dkyil 'khor nas ye shes pa rnams de nas oM khyed kyi sogs gdongs ring ba gnyis/__thung ba/__1de nas rol mo dang bcas dkyil 'khor gyi yo byad rnams bsdu tshar nas slob dpon gral la byon nas dung gsal/__rol mo bzhag__/oM shrI badz+ra ku mA ra dang /__oM badz+ra ka ba tsi sogs/__rang bzhin sems kyi sogs/__dge ba 'di yis mtha' yas sogs/__dge ba 'di yis nam mkha'i sogs/__bkra shis rgyas par brjod la mthar rol chen/__grol dung bcas/__slar smras pa/__/'dir 'bod rnam dkar dge ba'i nyin mor byed/__/phan bde'i 'od stong 'bar ba'i gzi byin gyis/__/'gal rkyen mun pa'i tshogs kun dbyings su zhi/__/don gnyis pad+mo'i 'dab brgyad 'dzum gyur cig__/'jam dbyangs ye shes dag pa'i nor 'dzin las/__/lung rtogs chos kyi bsdong po rab tu brlings/__/blo gros 'bras bu'i dpal gyi phyugs pa gang /__/bskal pa rgya mtshor zhabs pad bstan gyur cig__/de mthus thub bstan spyi dang bye brag tu/__/'khrul bral sa skya'i mdo sngags bstan pa'i rgyun/__/bshad bsgrub phrin las bzang po mi nyams pas/__/yid can yongs la phan pa sbyin gyur cig__/bkra shis gang zhig dad dang 'dun pa yis/__/skyabs su bzung bas 'dod rgu'i dpal 'jo zhing /__/rnam grol bde ba'i nor bu sbyin mdzad pa'i/__/mchog gsum bkra shis snang bas srubs gyur cig__/ces pa'ang 'jam pa'i rdo rje mchog gi sprul pa'i sku rin po che'i bka' phebs gnang don ltar shrIHsa skya phun tshogs pho brang pa'i 'khon gdung ngag dbang kun dga' bsod nam 'jigs bral phyogs las rnam rgyal dpal bzang pos rgyal ba zhes pa shing pho stag lo smin drug zla ba'i tshes la sbyar ba sarba dA ka l+yA NaM b+ha wa tu//___//'di chos kyi blo gros gsung min yang dpe dkon pas phur sgrub tsa lag skor dkyus gcig tu bkod pa'o//___//