སེང་གདོང་མའི་གཏད་ཁྲོལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	seng gdong ma'i gtad khrol
Location	chos kyi blo gros bka' 'bum Volume 9, Text 52, Pages 627-629 (Folios 1a1 to 2a4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. seng gdong ma'i gtad khrol. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: 627-629. Bir, H.P.: Khyentse Labrang, 2012.
Genre	Activity Practices - las tshogs
Deity	seng gdong ma
Colophon	།ཅེས་པའང་གདོང་སྣ་མཆོག་སྤྲུལ་རིན་པོ་ཆེའི་གསུང་གིས་བསྐུལ་ངོར། པདྨ་ཡེ་ཤེས་རྡོ་རྗེས་ས་ཁྱི་ནག་ཟླའི་ཚེས་༡༨ལ་བྲིས་པ་བསྟན་འཛིན་སྐྱེས་བུ་རྣམས་ཀྱི་འགལ་རྐྱེན་ཉེར་འཚེ་མཐའ་དག་ཞི་བའི་རྒྱུར་གྱུར་ཅིག།
	/ces pa'ang gdong sna mchog sprul rin po che'i gsung gis bskul ngor/__pad+ma ye shes rdo rjes sa khyi nag zla'i tshes 18la bris pa bstan 'dzin skyes bu rnams kyi 'gal rkyen nyer 'tshe mtha' dag zhi ba'i rgyur gyur cig/

Tibetan Text

Wylie

[edit]

སེང་གདོང་མའི་གཏད་ཁྲོལ་བཞུགས། ཉི་མ་རྩུབ་པའི་དུས་དག་ལ། །ནུས་ལྡན་སྔགས་པའི་རྣལ་འབྱོར་པས། །རང་གཞན་བྱད་གཏད་ཉེས་ཚོགས་རྣམས། །ཞི་བར་འདོད་ན་འདི་ཉིད་བཅོས། །ཕུང་ཤུལ་ས་དང་རྒྱ་གྲོགས་ས། །གད་ཆད་ས་ལས་སྟེགས་བུ་བྱ། །ནང་དུ་གྲུ་གསུམ་བྲིས་ནས་ནི། །རུས་སྦལ་ཁོག་པ་དངོས་ཉིད་དམ། །མ་བྱུང་ལ་ཆ་དག་ལས་བཅོས། །ཡང་ན་རི་མོ་བྲིས་ཀྱང་ལེགས། །བྲིས་ལིང་ཡན་ལག་བཞི་མཐིལ་ལ། །གསེར་དངུལ་ཟངས་ལྕགས་འཁོར་ལོ་རྩིབས་བཞི་བྲི། །དེའི་ཁོག་པར་གྲོ་གའམ། །དུག་ཤོག་དག་ལ་གྲི་ཁྲག་དང་། །ར་ཁྱི་ཁྲག་དང་དུག་སྣ་བསྲེས། །རོ་སོལ་སྦྱར་བའི་སྣག་ཚ་ཡི། །འཁོར་ལོ་མུ་ཁྱུད་རིམ་གསུམ་བསྐོར། །ནང་མར་ལིང་ཚེ་དགུར་བཅད་དོ། །ལྟེ་བར་ཨ་དང་ལིང་ཚེ་ལ། །སྔགས་རྒོད་ཡིག་འབྲུ་རེ་རེ་དགོད། །དེ་ཕྱིར་འཁོར་རྩིབས་བརྒྱད་པོ་ལ། །གོང་གི་སྔགས་འཕྲོས་གོང་རྩིབས་ལ། །ཧཱུྃ་སྦྱར་མུ་ཁྱུད་གཉིས་དང་སོ་བ་ལ། །ཀླུ་རིགས་བཞིར་གཏད་ཕྱེ་ཁྲོལ་སྦྱར། །དེ་ཕྱིར་མུ་ཁྱུད་བྱད་ཁྲོལ་སྔགས། །ཅི་རིགས་པ་དང་གསུམ་པ་ལ། །རྟེན་སྙིང་འབྲུ་བཟློག་བྱད་ཁྲོལ་སྤེལ། །ཀླུ་མིང་ཀླུ་སྨན་བྱད་ཁྲོལ་སྔགས་ལ། །བྱད་ཁྲོལ་རྫས་ཀྱི་བྱུགས་པ་དང་། །རྟེན་སྙིང་ཤུ་དག་གྷི་ཝཾ་བྱུགས། །འབྱུང་བཞིའི་ཁྲུས་བྱས་ལྟེབ་དྲིལ་ཏེ། །རུས་སྦལ་ཁོག་ཏུ་འཇུག་པ་དང་། །འབྱུང་བཞིའི་རྫས་དང་གསེར། ཆུ་ཤེལ། མེ་ཤེལ། དར་ཟབ། ལྷན་ཅིག་གཞུག །སེང་གདོང་ཡང་ན་གཤིན་རྗེ་སོགས། །དྲག་པོ་གང་རུང་བསྐྱེད་བཟླས་དང་། །ཆོས་སྐྱོང་བསྐངས་བཤགས་གཏོར་འབུལ་འབད། །དམར་ནག་གྲུ་གསུམ་ཨེ་སྒྲོམ་དུ། །རུས་སྦལ་རྔམ་པ་འཇིགས་རུང་གི །ལྟོ་བ་རྡོ་རྗེ་གཙུག་ཏོར་ནི། །དབུ་སྟོང་ཕྱག་སྟོང་རལ་གྲི་གདེངས། །ཁྲོ་བོའི་ཆས་ཀྱི་རྣམ་པར་བརྒྱན། །ཀླུ་དང་ས་བདག་སྡེ་བརྒྱད་རྣམས། །གདན་དུ་བཏིངས་ཤིང་སྐུ་ལས་ནི། །ཁྲོ་ཚོགས་མཚོན་ཆ་མེ་དཔུང་དང་། །དུག་སྦྲུལ་སྡིག་པ་རྔམ་པའི་ཁྱི། །འཕར་སྤྱང་སྟག་གཟིག་དམ་དྲེད་དང་། །གཡག་རྒོད་ཆུ་གླང་སེར་ཆར་སོགས། །འཇིགས་རུངས་དཔག་མེད་འཕྲོས་པ་ཡི། །རང་ལ་གནོད་བྱེད་མཁན་རྣམས་བཀུག །མི་བཟད་རྔམ་པའི་ཞལ་དུ་རྔུབས། །ལྟོ་བསྐྱིལ་འབྱུང་བཞི་འཁྲུགས་པས་བཅོམ། །འབྱུང་བ་བཞི་ལ་གཏད་པ་དང་། །སྟོང་ཉིད་ནམ་མཁའི་གཏད་སྦྱོར་རྣམས། །རྨིངས་མེད་གཏོར་ཞིང་དབྱིངས་སུ་སྦྱངས། །གཏད་བྱ་གཏད་བྱེད་དང་བཅས་པ། །དམིགས་མེད་རོ་མཉམ་གདིང་བསྐྱེད་ལ། །རྡོ་རྗེ་གཙུག་ཏོར་སྔགས་རིང་དང་། །འཁོར་ལོའི་སྔགས་རྣམས་ཡང་ཡང་བཟླ། །ཨེ་ཧོ་ཤུདྡྷེ་ལ་སོགས་པ། །འབྱུང་ལྔའི་སྔགས་རྣམས་བཟླ་བྱས་ལ། །ཐུན་མཐར་རྟེན་སྙིང་མེ་ཏོག་གཏོར། །ཞག་གསུམ་བདུན་སོགས་གྲུབ་པ་ན། །རང་ལ་གནོད་དམིགས་ཡོད་པའི་སར། །སྲོད་ཀྱི་དུས་སུ་ཕྱིན་བྱས་ཏེ། །ཕྱོགས་སྐྱོངས་གཞི་བདག་བརྟན་མ་ལ། །གཏོར་མ་གསེར་སྐྱེམས་འབུལ་བྱས་ཏེ། །གཙོད་རུས་ཉེས་སེལ་སྔགས་བཟླས་ཤིང་། །ཀླུ་སྨན་འོ་ཆབ་གཏོར་བྱས་ཏེ། །བྱད་མ་ཡོད་པའི་ཕྱོགས་དེ་རུ། །གཏད་ནས་གན་རྐྱལ་སྦ་བྱས་ཏེ། །བདེན་པ་བདར་ཞིང་བཅོལ་ཕྲིན་བྱ། །རོ་གཡམ་རྒྱ་གྲམ་བྲིས་པས་བཏབས། །བཀྲ་ཤིས་བརྗོད་ཅིང་རྒྱལ་དབྱངས་སྒྲོགས། །དེ་ཡི་བྱད་གཏད་ཉེས་ཀུན་འཇོགས། །ཅེས་པའང་གདོང་སྣ་མཆོག་སྤྲུལ་རིན་པོ་ཆེའི་གསུང་གིས་བསྐུལ་ངོར། པདྨ་ཡེ་ཤེས་རྡོ་རྗེས་ས་ཁྱི་ནག་ཟླའི་ཚེས་༡༨ལ་བྲིས་པ་བསྟན་འཛིན་སྐྱེས་བུ་རྣམས་ཀྱི་འགལ་རྐྱེན་ཉེར་འཚེ་མཐའ་དག་ཞི་བའི་རྒྱུར་གྱུར་ཅིག། །།

[edit]

seng gdong ma'i gtad khrol bzhugs/__nyi ma rtsub pa'i dus dag la/__/nus ldan sngags pa'i rnal 'byor pas/__/rang gzhan byad gtad nyes tshogs rnams/__/zhi bar 'dod na 'di nyid bcos/__/phung shul sa dang rgya grogs sa/__/gad chad sa las stegs bu bya/__/nang du gru gsum bris nas ni/__/rus sbal khog pa dngos nyid dam/__/ma byung la cha dag las bcos/__/yang na ri mo bris kyang legs/__/bris ling yan lag bzhi mthil la/__/gser dngul zangs lcags 'khor lo rtsibs bzhi bri/__/de'i khog par gro ga'am/__/dug shog dag la gri khrag dang /__/ra khyi khrag dang dug sna bsres/__/ro sol sbyar ba'i snag tsha yi/__/'khor lo mu khyud rim gsum bskor/__/nang mar ling tshe dgur bcad do/__/lte bar a dang ling tshe la/__/sngags rgod yig 'bru re re dgod/__/de phyir 'khor rtsibs brgyad po la/__/gong gi sngags 'phros gong rtsibs la/__/hU~M sbyar mu khyud gnyis dang so ba la/__/klu rigs bzhir gtad phye khrol sbyar/__/de phyir mu khyud byad khrol sngags/__/ci rigs pa dang gsum pa la/__/rten snying 'bru bzlog byad khrol spel/__/klu ming klu sman byad khrol sngags la/__/byad khrol rdzas kyi byugs pa dang /__/rten snying shu dag g+hi waM byugs/__/'byung bzhi'i khrus byas lteb dril te/__/rus sbal khog tu 'jug pa dang /__/'byung bzhi'i rdzas dang gser/__chu shel/__me shel/__dar zab/__lhan cig gzhug__/seng gdong yang na gshin rje sogs/__/drag po gang rung bskyed bzlas dang /__/chos skyong bskangs bshags gtor 'bul 'bad/__/dmar nag gru gsum e sgrom du/__/rus sbal rngam pa 'jigs rung gi__/lto ba rdo rje gtsug tor ni/__/dbu stong phyag stong ral gri gdengs/__/khro bo'i chas kyi rnam par brgyan/__/klu dang sa bdag sde brgyad rnams/__/gdan du btings shing sku las ni/__/khro tshogs mtshon cha me dpung dang /__/dug sbrul sdig pa rngam pa'i khyi/__/'phar spyang stag gzig dam dred dang /__/g.yag rgod chu glang ser char sogs/__/'jigs rungs dpag med 'phros pa yi/__/rang la gnod byed mkhan rnams bkug__/mi bzad rngam pa'i zhal du rngubs/__/lto bskyil 'byung bzhi 'khrugs pas bcom/__/'byung ba bzhi la gtad pa dang /__/stong nyid nam mkha'i gtad sbyor rnams/__/rmings med gtor zhing dbyings su sbyangs/__/gtad bya gtad byed dang bcas pa/__/dmigs med ro mnyam gding bskyed la/__/rdo rje gtsug tor sngags ring dang /__/'khor lo'i sngags rnams yang yang bzla/__/e ho shud+d+he la sogs pa/__/'byung lnga'i sngags rnams bzla byas la/__/thun mthar rten snying me tog gtor/__/zhag gsum bdun sogs grub pa na/__/rang la gnod dmigs yod pa'i sar/__/srod kyi dus su phyin byas te/__/phyogs skyongs gzhi bdag brtan ma la/__/gtor ma gser skyems 'bul byas te/__/gtsod rus nyes sel sngags bzlas shing /__/klu sman 'o chab gtor byas te/__/byad ma yod pa'i phyogs de ru/__/gtad nas gan rkyal sba byas te/__/bden pa bdar zhing bcol phrin bya/__/ro g.yam rgya gram bris pas btabs/__/bkra shis brjod cing rgyal dbyangs sgrogs/__/de yi byad gtad nyes kun 'jogs/__/ces pa'ang gdong sna mchog sprul rin po che'i gsung gis bskul ngor/__pad+ma ye shes rdo rjes sa khyi nag zla'i tshes 18la bris pa bstan 'dzin skyes bu rnams kyi 'gal rkyen nyer 'tshe mtha' dag zhi ba'i rgyur gyur cig/___//__