སེང་གདོང་མའི་སྦྱིན་སྲེག་ཡེ་ཤེས་མེ་ལྕེ།

🚧 This website is under continued development. We appreciate your patience!

Previous Text Back to Volume PageNext Text

Wylie title	seng gdong ma'i sbyin sreg ye shes me lce
Location	chos kyi blo gros bka' 'bum Volume 9, Text 50, Pages 617-622 (Folios 1a to 3b6)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. seng gdong ma'i sbyin sreg ye shes me lce. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: 617-622. Bir, H.P.: Khyentse Labrang, 2012.
Genre	Fire Offerings - sbyin sreg
Deity	seng gdong ma
Colophon	།ཅེས་པའང་འཁྲུལ་ཞིག་ཁྲག་འཐུང་དཔའ་བོ་རྡོ་རྗེས་གསུང་བསྐུལ་ངོར། པདྨ་ཡེ་ཤེས་རྡོ་རྗེས་བྲིས་པ་དགེ་ལེགས་བཀྲ་ཤིས་པར་ཤོག་ཅིག།
	/ces pa'ang 'khrul zhig khrag 'thung dpa' bo rdo rjes gsung bskul ngor/__pad+ma ye shes rdo rjes bris pa dge legs bkra shis par shog cig/

1 Texts in this Section (sde tshan or chos tshan)

617-622	སེང་གདོང་མའི་སྦྱིན་སྲེག་ཡེ་ཤེས་མེ་ལྕེ། seng gdong ma'i sbyin sreg ye shes me lce Fire Offerings - sbyin sreg	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

༄༅། །སེང་གདོང་མའི་སྦྱིན་སྲེག་ཡེ་ཤེས་མེ་ལྕེ་བཞུགས་སོ། ། ན་མོ་ཌཱ་ཀི་སིདྷ་མུ་ཁཱི་ཡེ། །ཡིད་ལ་དྲན་པ་ཙམ་གྱིས་ནི། །ལས་རྣམས་མྱུར་དུ་འགྲུབ་བྱེད་པ། །རྣོ་མྱུར་མེ་ཡི་ལས་རིམ་ནི། །ཤིན་ཏུ་མདོར་བསྡུས་བྲི་བར་བྱ། དེ་ལ་འདིར་སེང་གདོང་མའི་བསྙེན་སྒྲུབ་སོགས་ལ་བསྙེན་པའི་ཁ་སྐོང་ཞི་བའི་་སྦྱིན་་སྲེག་བྱ་བར་འདོད་པས། ཐབ་སྟེགས་གྲུ་བཞི་པར་ཐིག་ཆེན་བརྒྱད་སྤྱི་ལྟར་གདབ་པའི་དབུས། ཆོས་འབྱུང་གི་དབུས་ཀྱི་མུ་ཁྱུད་པདྨ་འདབ་མ་བཞི་པ་དང་། དེ་རྒྱབ་སོར་དོ་ནས་ཟླུམ་པོར་བསྐོར་བའི་མུ་ཁྱུད། དེ་རྒྱབ་ཐབ་ཀྱི་ཁ་ཁྱེར་མུ་རན་ལ་རྡོ་རྗེ་གྲི་གུག་གི་ཕྲེང་བ་དང་མེ་རི། གྲྭ་བཞིར་ཟླ་ཕྱེད་རྡོ་རྗེས་མཚན་པ། དབུས་ཀྱི་ལྟེ་བ་དང་པད་འདབ། དེ་རྒྱབ་མུ་ཁྱུད་བཅས་ལ་ཚོན་སྤུངས་ལྷ་མདོག་དང་མཐུན་པར་བཀོད། ཁ་ཁྱེར་སྟེང་ནས་ཞི་བའི་བུད་ཤིང་ཟླུམ་པོར་བརྩེགས། ༈རྒྱས་པར་གྲུ་བཞི། དབང་ལ་ཟླ་གམ། དྲག་པོར་ཟུར་གསུམ་དུ་ལས་མཐུན་གྱི་ཤིང་གིས་བརྩེགས། མཆན། མེ་ཚང་དང་ཤར་ལྷོར་ཏིང་ལོ་བཞག །མེ་ཡོལ་དང་དགང་བླུགས་ཀྱང་འདུ་བྱ། རང་གི་གཡས་སུ་མཁའ་འགྲོའི་མཆོད་གཏོར། མེ་ལྷའི་གཏོར་མ་དཀར་ཟླུམ། ༈ལས་གཞན་རྣམས་གྲུ་བཞི་སེར། ཟླ་གམ་དམར། ཟུར་གསུམ་ནག་པོ་བྱ། མཆན། གཡོན་དུ་མར་ཁུ། ཡམ་ཤིང་། སྲེག་རྫས། ཏིལ་དཀར་ནག །ཡུངས་ཀར། གྲོ། སྲན། འབྲས། ཞོ་ཟན། དཱུཪྺའམ་རམ་བུ། ཀུ་ཤ་སོགས་ཞི་རྫས་ཕྱོགས་བསྡུས་རྣམས་ཚན་མང་ཉུང་གཉིས་བྱ། ལྕེ་ལྡེ་དང་། རླུང་གཡབ། སློབ་དཔོན་གྱི་མདུན་དུ་རྡོར་དྲིལ། བསང་ཆུ། ནང་མཆོད། འབྲུ་ཕོར། རང་ཉིད་ཞལ་ཤར་དུ། ༈རྒྱས་པར་ལྷོ། དབང་ནུབ། དྲག་པོ་བྱང་དུ་ཞལ་བལྟ། མཆན། ཕྱོགས་པས་འཁོད་དེ། བདག་བསྐྱེད་སྔོན་དུ་འགྲོ་བས། བསང་ཆུ་ཨ་མྲྀ་ཏ་ཀུཎྜ་ལཱི་ཉེར་གཅིག་ཙམ་བཟླས་པས་བརླབ་ལ། ཐོག་མར། ཨོཾ་མ་ཧཱ་བཛྲ་ཧཱུྃ། ཞེས་རྡོ་རྗེ་ཐུགས་ཀར་བཟུང་། ཨོཾ་བཛྲ་གྷཎྜེ་ཨཱཿཞེས་དྲིལ་བུ་དཀུར་བརྟེན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ན་བཛྲ་སྭ་བྷཱ་ཝ་ཨཱདྨ་ཀོ྅་ཧཾ། འཁྱུད་རྒྱ་བྱ། བསང་ཆུ་གཏོར། ཨ་མྲྀ་ཏས་བསང་། རྃ་ཡྃ་ཁྃ། ཨོཾ་ཨཱཿཧཱུྃ། ལན་གསུམ། མཆོད་གཏོར་དང་བསྲེག་རྫས་རྣམས་དྭངས་ཤིང་ཐོགས་པ་མེད་པར་གྱུར། ཞེས་བརྗོད་ལ་བྱིན་གྱིས་བརླབས། ལྕེ་ལྡེར་མེ་སྦོར་ཏེ། ཨགྣེ་ཛྭ་ལ་རཾ། ཞེས་སྦར། ཧཱུྃ་ཧཱུྃ་ཧཱུྃ་གསུམ་གྱིས་རླུང་གཡབ། ཨོཾ་ཨགྣེ་ཡེ་སྭཱ་ཧཱ། མར་ཁུ་བླུགས་གཟར་གང་ཕུལ། ཐབ་ལ་བསང་ཆུ་འཐོར། ཨ་མྲྀ་ཏས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་ཐབ་ཁུང་ཡངས་ཤིང་རྒྱ་ཆེ་བ་མཚན་ཉིད་ཐམས་ཅད་ཡོངས་སུ་རྫོགས་པར་གསལ་བར་གྱུར། རང་གི་སྙིང་ཁ་ནས་འོད་ཟེར་འཕྲོས་པས་ཤར་ལྷོ་ནས་མེ་ལྷ་སྤྱན་དྲངས། ཨོཾ་ཨགྣེ་དེ་ཝ་རི་ཥི་བཛྲ་ས་མཱ་ཛཿདབྱུ་གུ་རྩེ་གསུམ་པའི་རྒྱ་རྣ་བའི་དྲུང་དུ་གཡབ། པདྨ་ཀཱ་མ་ལཱ་ཡ་སྟྭཾ། མེ་ལྷ་འཛུམ་པའི་ལྗགས་དང་གཟར་བུའི་ཁ་ལ་རཾ་ཡིག་གི་མཚན་པར་གྱུར། དགང་བླུགས་ཐོགས་ནས། ཨོཾ་ཨགྣེ་ཡེ་སྭཱ་ཧཱ། ལན་བདུན་རེའི་མཐར། བདག་ཅག་དཔོན་སློབ་རྣམས་ཀྱི་སྡིག་སྒྲིབ་ཉེས་ལྟུང་ཞི་བ་དང་སྔགས་ཀྱི་ལྷག་ཆད་ཐམས་ཅད་ཤཱནྟིཾ་ཀུ་རུ་སྭཱ་ཧཱ། ཞེས་བཏགས་དེ་འདྲ་ལན་གསུམ་གྱི་མཐར། ཨོཾ་ཨགྣེ་ཡེ་དེ་ཝ་རི་ཥི་ས་པ་རི་ཝཱ་ར་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ། བར་གྱིས་མཆོད། མེ་སྟེ་བསྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག །ཤར་ལྷོ་གདོན་གྱི་ཚོགས་བཅས་ལ། །མཆོད་ཅིང་བསྟོད་དེ་ཕྱག་འཚལ་ལོ། ཞེས་པས་བསྟོད། དེ་ནས་ཡམ་ཤིང་། མར་ཁུ། རྫས་སྤུངས་རྣམས་སྔགས་དེ་ཉིད་ཀྱིས་ཉེར་གཅིག་སོགས་ཕུལ། མཆོད་བསྟོད་བྱ། མེ་ལྷའི་ལྟོ་བ་ཡངས་ཤིང་རྒྱ་ཆེའི་ནང་། །ཁམས་གསུམ་དག་པ་ཨེ་ཡི་དབྱིངས། །སོགས་ནས་བཞུགས་གསོལ་བར་དང་། དཀྱིལ་འཁོར་གྱི་ལྷ་ཅུང་ཟད་འཛུམ་པའི་ལྗགས་དང་། གཟར་བུ་གཉིས་ཀྱི་ཁ་ལ་རཾ་ཡིག་གི་མཚན་པར་གྱུར། ཨོཾ་བཛྲ་སེངྷ་མུ་ཁ་ཧཱུྃ་ཧ་ཧེ་བྷྱོ་ཕཊཿཨོཾ་ཨགྣེ་ཡེ་སྭཱ་ཧཱ། བདུན་ཚན་གསུམ་གྱིས་ཕུལ། སྐབས་སུ་འདོད་གསོལ་གོང་བཞིན། ལས་བྱང་ལྟར་མཆོད་བསྟོད་བྱ། ལྷ་རྣམས་ཞི་ཞིང་འཛུམ་པའི་འོད་ཟེར་དཀར་པོ་འཕྲོས་པས་ཞི་བའི་ལས་མཛད་པར་བསམ། མར་ཁུ། ཡམ་ཤིང་། སྔགས་རྫས་རྣམས་ལྷ་སྔགས་ཁོ་ནས་བརྒྱ་རྩ་དང་། མཚམས་རྣམས་སུ་འདོད་གསོལ་བཏགས། བསྙེན་པའི་ཁ་བསྐོང་ལ། ལྷ་སྔགས་དང་། ཏིལ་ནག་ཀྱང་པ་བསྙེན་པའི་བཅུ་ཆའི་སྦྱིན་བསྲེག་འབུལ། སྐབས་སུ་མར་ཁུ་ཡམས་ཤིང་གི་མེ་གསོ། མཐར་ལས་བྱང་གི་མཆོད་བསྟོད་དང་། གཤེགས་སྐྱེམས་མར་ཁུ་བདུན་ཚན་གསུམ་གོང་བཞིན་ཕུལ། ནོངས་བཤགས་ཡིག་བརྒྱ་ཚར་གསུམ། ཨོཾ་ཁྱེད་ཀྱི་སེམས་ཅན་དོན་ཀུན་མཛད། །རྗེས་སུ་མཐུན་པའི་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །བཛྲ་མུཿཐབ་ཀྱི་ཡེ་ཤེས་པ་གཤེགས། དམ་ཚིག་པ་རང་གི་སྙིང་གར་ཐིམ། མེ་ལྷ་སྔར་བཞིན་གསལ་བར་གྱུར། ཨོཾ་ཨགྣེ་ཡེ་སྭཱ་ཧཱ། ཞེས་མར་ཁུ། ཡམ་ཤིང་། རྫས་སྤུངས་རྣམས་བདུན་རེ་ཙམ་ཕུལ། མཆོད་བསྟོད་བྱ། གཏོར་མ། ཨོཾ་ཨཱཿཧཱུྃ། ལན་གསུམ་གྱིས་བརླབས། ཨོཾ་ཨགྣེ་དེ་ཝ་རི་ཥི་ས་པ་རི་ཝཱ་ར་ཨོཾ་ཨ་ཀ་རོ་སོགས་བཏགས་པ་ལན་གསུམ་གྱིས་དབུལ། མེ་ལྷ་དྲོང་སྲོང་འཁོར་བཅས་ཀྱི། །མཆོད་སྦྱིན་གཏོར་མ་འདི་བཞེས་ལ། སོགས་ཀྱིས་ཕྲིན་ལས་བཅོལ། མེ་ལྷ་ཞལ་ཅུང་ཟད་ཟད་འཛུམ་པའི་ལྗགས་དང་གཟར་བུ་གཉིས་ཀྱི་ཁ་ལ་རཾ་ཡིག་གིས་མཚན་པར་གྱུར། སོགས་གོང་ལྟར་གཤེགས་སྐྱེམས་མར་ཁུ་བདུན་ཚན་གསུམ་ཕུལ། མ་རྙེད་ཡོངས་སུ་མ་ཚང་དང་། སོགས་ཀྱི་མཐར་ཡིག་བརྒྱ་ཚར་གསུམ་དང་། བཛྲ་མུཿམེ་ལྷ་རང་གནས་སུ་གཤེགས། །དམ་ཚིག་པ་འབར་བའི་རྣམ་པར་གྱུར། དགེ་བསྔོ་ཤིས་བརྗོད་དང་། མེ་རང་ཞི་བྱ་བའམ། དྲི་བཟང་གི་ཆུས་ཐལ་བ་ཆུ་ཀླུང་སོགས་སུ་སྦྱང་ངོ་། །དེ་བཞིན་རྒྱས་པ་ལ་ཐབ་ཚོན་སེར་པོ་དང་ནོར་ཕྲེང་། ཡམ་ཤིང་། རྒྱས་པའི་ལས་མཐུན་གྱི་རྫས་ཁ་དོག་སེར་པོ། །ལྷ་རྣམས་སྒེག་ཅིང་རྒྱས་པའི་ཉམས་ལྡན་འོད་ཟེར་སེར་པོ་འཕྲོ་བས་རྒྱས་པའི་ལས་མཛད་པར་བསམ། འདོད་གསོལ། བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཚེ་བསོད་ཡེ་ཤེས་ཐམས་ཅད་པུཥྚིཾ་ཀུ་རུ་ཨོཾ། ཞེས་བཏགས་ཐལ་བ་མཛོད་ཕུག་ཏུ་སྦའོ། །དབང་སྦྱིན་ལ་ཐབ་ཚོན་དམར་པོ་གཙོ་གྱུར། མུ་རན་ལ་པདྨའི་ཕྲེང་བས་བསྐོར། ཡམ་ཤིང་། རྫས་རྣམས་མངར་སྐྱུར་གྱི་ཁ་དོག་དམར་པོ་གཙོ་གྱུར་དང་། ལྷ་རྣམས་རྗེས་སུ་ཆགས་པའི་ཉམས་ལྡན། །འོད་ཟེར་དམར་པོ་འཕྲོས་པས་དབང་གི་ལས་མཛད་པར་བསམ། འདོད་གསོལ་ལ། བདག་ཅག་དཔོན་སློབ་ཡོན་མཆོད་འཁོར་བཅས་ཀྱིས་ཁམས་གསུམ་སྣོད་བཅུད་ཐམས་ཅད་ཝཱ་ཤཾ་ཀུ་རུ་ཧོཿཞེས་གདགས། ཐལ་བ་རི་རྩེར་ཕྱར་བའམ་ཆུ་ཀླུང་དུ་བསྐྱུར། དྲག་སྦྱིན་ལ། ཐབ་ཚོན་སྔོན་པོ་དང་། མུ་རན་ལ་གྲི་གུག་ཕྲེང་བས་བསྐོར། སྐྱེར་པ་དང་། སེང་ལྡེང་སོགས་ཀྱི་ཡམ་ཤིང་དང་རྫས་རྣམས་རོ་ཁ་བ། ཚ་བ། ཁྲག་གི་སྦགས་པའི་གཏོར་ཆུང་། ཡུངས་ཀར་སོགས་དང་། ལྷ་རྣམས་རབ་ཏུ་ཁྲོས་ཤིང་གདུག་ཅིང་རྩུབས་པའི་ཉམས་ལྡན་མེ་ཡི་ཕྲེང་བ་དང་། ཚྭ་ཚྭ་ལྟར་འཕྲོས་པས། ཕྱི་ནང་གསང་བའི་བར་ཆད་དགྲ་གདོན་བྱད་མ་ཚར་བཅད་པར་བསམས་ལ། འདོད་གསོལ། བདག་ཅག་དཔོན་སློབ་ཡོན་མཆོད་ཐམས་ཅད་ལ་གནོད་ཅིང་གདུག་སེམས་འཆང་བའི་འབྱུང་པོ་སརྦ་ཤ་ཏཱུཾ་མཱ་ར་ཡ་རྦད་ཕཊཿཅེས་བཏགས། ཤིན་ཏུ་དྲག་པོ་བྱ་ན། ཤོག་ལིང་ངམ་ཟན་ལིང་མང་དུ་བཅའ། ལྷ་བསྐྱེད་མཆོད་བསྟོད་གྲུབ་ནས། ལིངྒ་ལ་དགུག་གཞུགས་ལན་གསུམ་དང་། གདབ་ལས་བྱས་ནས་ལིང་རོ་སྨན་རཀ་བྲན་ལ་བཞག །རྫས་སྤུངས་འབུལ་རྗེས་སྔགས་འབྲུ་བཅུ་བཞི་པའི་མཐར། དགྲ་བགེགས་གནོད་བགེགས་བྱད་མ་དམ་སྲི་ཐམས་ཅད་ཛྭ་ལ་རཾ་ཁ་ཁ་ཁཱ་ཧི། བཏགས་པ་ལན་དྲུག་ཅུ་རྩ་བཞི་སོགས་དབུལ། ཤོག་ལིང་ཡོད་ན་སླར་ཡང་དགུག་གཞུགས་བྱས་མཐར། ཧོམ་མཆོད་བྱ་གང་ལྟར་ཡང་མེ་དུག་ཁྲག་གི་ཆུས་གཞིལ་བའི་ཐལ་བ་མཆོད་རྟེན་གྱི་འོག་གམ། ལམ་གྱི་གཞི་མདོ་སོགས་སུ་མནན་བར་བྱའོ། །ཡེ་ཤེས་མེ་ཡི་ལས་རྣམས་སྒྲུབ། །ཞི་རྒྱས་དབང་དྲག་འདོད་དོན་སྟེར། །དངོས་གྲུབ་ཐོགས་མེད་རྣོ་མྱུར་འདིས། །བསྟན་པ་རིན་ཆེན་རྒྱས་གྱུར་ཅིག །ཅེས་པའང་འཁྲུལ་ཞིག་ཁྲག་འཐུང་དཔའ་བོ་རྡོ་རྗེས་གསུང་བསྐུལ་ངོར། པདྨ་ཡེ་ཤེས་རྡོ་རྗེས་བྲིས་པ་དགེ་ལེགས་བཀྲ་ཤིས་པར་ཤོག་ཅིག། །།

[edit]

@#/__/seng gdong ma'i sbyin sreg ye shes me lce bzhugs so/__/ na mo DA ki sid+ha mu khI ye/__/yid la dran pa tsam gyis ni/__/las rnams myur du 'grub byed pa/__/rno myur me yi las rim ni/__/shin tu mdor bsdus bri bar bya/__de la 'dir seng gdong ma'i bsnyen sgrub sogs la bsnyen pa'i kha skong zhi ba'i sbyin sreg bya bar 'dod pas/__thab stegs gru bzhi par thig chen brgyad spyi ltar gdab pa'i dbus/__chos 'byung gi dbus kyi mu khyud pad+ma 'dab ma bzhi pa dang /__de rgyab sor do nas zlum por bskor ba'i mu khyud/__de rgyab thab kyi kha khyer mu ran la rdo rje gri gug gi phreng ba dang me ri/__grwa bzhir zla phyed rdo rjes mtshan pa/__dbus kyi lte ba dang pad 'dab/__de rgyab mu khyud bcas la tshon spungs lha mdog dang mthun par bkod/__kha khyer steng nas zhi ba'i bud shing zlum por brtsegs/__!rgyas par gru bzhi/__dbang la zla gam/__drag por zur gsum du las mthun gyi shing gis brtsegs/__mchan/__me tshang dang shar lhor ting lo bzhag__/me yol dang dgang blugs kyang 'du bya/__rang gi g.yas su mkha' 'gro'i mchod gtor/__me lha'i gtor ma dkar zlum/__!las gzhan rnams gru bzhi ser/__zla gam dmar/__zur gsum nag po bya/__mchan/__g.yon du mar khu/__yam shing /__sreg rdzas/__til dkar nag__/yungs kar/__gro/__sran/__'bras/__zho zan/__dUR+Wa'am ram bu/__ku sha sogs zhi rdzas phyogs bsdus rnams tshan mang nyung gnyis bya/__lce lde dang /__rlung g.yab/__slob dpon gyi mdun du rdor dril/__bsang chu/__nang mchod/__'bru phor/__rang nyid zhal shar du/__!rgyas par lho/__dbang nub/__drag po byang du zhal blta/__mchan/__phyogs pas 'khod de/__bdag bskyed sngon du 'gro bas/__bsang chu a mr-i ta kuN+Da lI nyer gcig tsam bzlas pas brlab la/__thog mar/__oM ma hA badz+ra hU~M/__zhes rdo rje thugs kar bzung /__oM badz+ra g+haN+De AHzhes dril bu dkur brten/__oM sarba ta thA ga ta ma hA a nu rA ga na badz+ra swa b+hA wa Ad+ma ko\u0f85 haM/__'khyud rgya bya/__bsang chu gtor/__a mr-i tas bsang /__ra~M ya~M kha~M/__oM AHhU~M/__lan gsum/__mchod gtor dang bsreg rdzas rnams dwangs shing thogs pa med par gyur/__zhes brjod la byin gyis brlabs/__lce lder me sbor te/__ag+ne dz+wa la raM/__zhes sbar/__hU~M hU~M hU~M gsum gyis rlung g.yab/__oM ag+ne ye swA hA/__mar khu blugs gzar gang phul/__thab la bsang chu 'thor/__a mr-i tas bsang /__swa b+hA was sbyangs/__stong pa'i ngang las thab khung yangs shing rgya che ba mtshan nyid thams cad yongs su rdzogs par gsal bar gyur/__rang gi snying kha nas 'od zer 'phros pas shar lho nas me lha spyan drangs/__oM ag+ne de wa ri Shi badz+ra sa mA dzaHdbyu gu rtse gsum pa'i rgya rna ba'i drung du g.yab/__pad+ma kA ma lA ya s+t+waM/__me lha 'dzum pa'i ljags dang gzar bu'i kha la raM yig gi mtshan par gyur/__dgang blugs thogs nas/__oM ag+ne ye swA hA/__lan bdun re'i mthar/__bdag cag dpon slob rnams kyi sdig sgrib nyes ltung zhi ba dang sngags kyi lhag chad thams cad shAn+tiM ku ru swA hA/__zhes btags de 'dra lan gsum gyi mthar/__oM ag+ne ye de wa ri Shi sa pa ri wA ra ar+g+haM nas shab+da pra tIts+tsha swA hA/__bar gyis mchod/__me ste bsreg bya za ba'i lha/__/drang srong rgyal po gdon gyi bdag__/shar lho gdon gyi tshogs bcas la/__/mchod cing bstod de phyag 'tshal lo/__zhes pas bstod/__de nas yam shing /__mar khu/__rdzas spungs rnams sngags de nyid kyis nyer gcig sogs phul/__mchod bstod bya/__me lha'i lto ba yangs shing rgya che'i nang /__/khams gsum dag pa e yi dbyings/__/sogs nas bzhugs gsol bar dang /__dkyil 'khor gyi lha cung zad 'dzum pa'i ljags dang /__gzar bu gnyis kyi kha la raM yig gi mtshan par gyur/__oM badz+ra seng+ha mu kha hU~M ha he b+h+yo phaTaHoM ag+ne ye swA hA/__bdun tshan gsum gyis phul/__skabs su 'dod gsol gong bzhin/__las byang ltar mchod bstod bya/__lha rnams zhi zhing 'dzum pa'i 'od zer dkar po 'phros pas zhi ba'i las mdzad par bsam/__mar khu/__yam shing /__sngags rdzas rnams lha sngags kho nas brgya rtsa dang /__mtshams rnams su 'dod gsol btags/__bsnyen pa'i kha bskong la/__lha sngags dang /__til nag kyang pa bsnyen pa'i bcu cha'i sbyin bsreg 'bul/__skabs su mar khu yams shing gi me gso/__mthar las byang gi mchod bstod dang /__gshegs skyems mar khu bdun tshan gsum gong bzhin phul/__nongs bshags yig brgya tshar gsum/__oM khyed kyi sems can don kun mdzad/__/rjes su mthun pa'i mthun pa'i dngos grub stsol/__/sangs rgyas yul du gshegs nas kyang /__/slar yang 'byon par mdzad du gsol/__/badz+ra muHthab kyi ye shes pa gshegs/__dam tshig pa rang gi snying gar thim/__me lha sngar bzhin gsal bar gyur/__oM ag+ne ye swA hA/__zhes mar khu/__yam shing /__rdzas spungs rnams bdun re tsam phul/__mchod bstod bya/__gtor ma/__oM AHhU~M/__lan gsum gyis brlabs/__oM ag+ne de wa ri Shi sa pa ri wA ra oM a ka ro sogs btags pa lan gsum gyis dbul/__me lha drong srong 'khor bcas kyi/__/mchod sbyin gtor ma 'di bzhes la/__sogs kyis phrin las bcol/__me lha zhal cung zad zad 'dzum pa'i ljags dang gzar bu gnyis kyi kha la raM yig gis mtshan par gyur/__sogs gong ltar gshegs skyems mar khu bdun tshan gsum phul/__ma rnyed yongs su ma tshang dang /__sogs kyi mthar yig brgya tshar gsum dang /__badz+ra muHme lha rang gnas su gshegs/__/dam tshig pa 'bar ba'i rnam par gyur/__dge bsngo shis brjod dang /__me rang zhi bya ba'am/__dri bzang gi chus thal ba chu klung sogs su sbyang ngo /__/de bzhin rgyas pa la thab tshon ser po dang nor phreng /__yam shing /__rgyas pa'i las mthun gyi rdzas kha dog ser po/__/lha rnams sgeg cing rgyas pa'i nyams ldan 'od zer ser po 'phro bas rgyas pa'i las mdzad par bsam/__'dod gsol/__bdag cag dpon slob yon mchod 'khor dang bcas pa'i tshe bsod ye shes thams cad puSh+TiM ku ru oM/__zhes btags thal ba mdzod phug tu sba'o/__/dbang sbyin la thab tshon dmar po gtso gyur/__mu ran la pad+ma'i phreng bas bskor/__yam shing /__rdzas rnams mngar skyur gyi kha dog dmar po gtso gyur dang /__lha rnams rjes su chags pa'i nyams ldan/__/'od zer dmar po 'phros pas dbang gi las mdzad par bsam/__'dod gsol la/__bdag cag dpon slob yon mchod 'khor bcas kyis khams gsum snod bcud thams cad wA shaM ku ru hoHzhes gdags/__thal ba ri rtser phyar ba'am chu klung du bskyur/__drag sbyin la/__thab tshon sngon po dang /__mu ran la gri gug phreng bas bskor/__skyer pa dang /__seng ldeng sogs kyi yam shing dang rdzas rnams ro kha ba/__tsha ba/__khrag gi sbags pa'i gtor chung /__yungs kar sogs dang /__lha rnams rab tu khros shing gdug cing rtsubs pa'i nyams ldan me yi phreng ba dang /__tshwa tshwa ltar 'phros pas/__phyi nang gsang ba'i bar chad dgra gdon byad ma tshar bcad par bsams la/__'dod gsol/__bdag cag dpon slob yon mchod thams cad la gnod cing gdug sems 'chang ba'i 'byung po sarba sha tUM mA ra ya rbad phaTaHces btags/__shin tu drag po bya na/__shog ling ngam zan ling mang du bca'/__lha bskyed mchod bstod grub nas/__ling+ga la dgug gzhugs lan gsum dang /__gdab las byas nas ling ro sman raka bran la bzhag__/rdzas spungs 'bul rjes sngags 'bru bcu bzhi pa'i mthar/__dgra bgegs gnod bgegs byad ma dam sri thams cad dz+wa la raM kha kha khA hi/__btags pa lan drug cu rtsa bzhi sogs dbul/__shog ling yod na slar yang dgug gzhugs byas mthar/__hom mchod bya gang ltar yang me dug khrag gi chus gzhil ba'i thal ba mchod rten gyi 'og gam/__lam gyi gzhi mdo sogs su mnan bar bya'o/__/ye shes me yi las rnams sgrub/__/zhi rgyas dbang drag 'dod don ster/__/dngos grub thogs med rno myur 'dis/__/bstan pa rin chen rgyas gyur cig__/ces pa'ang 'khrul zhig khrag 'thung dpa' bo rdo rjes gsung bskul ngor/__pad+ma ye shes rdo rjes bris pa dge legs bkra shis par shog cig/___//_