དཔལ་ནག་པོ་ཆེན་པོའི་ཉེ་སྙིང་གི་བཤད་པ་ནག་པོ་སྲོག་གི་ཐུགས་ཏིག།

🚧 This website is under continued development. We appreciate your patience!

Previous Text Back to Volume PageLast text in volume.

Wylie title	dpal nag po chen po'i nye snying gi bshad pa nag po srog gi thugs tig
Location	chos kyi blo gros bka' 'bum Volume 8, Text 20, Pages 621-647 (Folios 1a1 to 14a5)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. dpal nag po chen po'i nye snying gi bshad pa nag po srog gi thugs tig. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 8: 621-647. Bir, H.P.: Khyentse Labrang, 2012.
Genre	Meaning of the Mantra - sngags don
Deity	nag po chen po
Colophon	།ཅེས་པའང་ནག་པོ་ཆེན་པོའི་རྣལ་འབྱོར་ལ་མོས་པ་ལམ་དུ་བྱེད་པ་དྷརྨ་མ་ཏིས་མེ་གླང་ཟླ་༥བའི་ཚེས་༦ལ་རྗེ་བཙུན་གོང་མའི་གསུང་གི་སྣང་བ་ལ་བརྟེན་ནས་སྦྱར་བ་དགེའོ། །མངྒ་ལཾ།།
	/ces pa'ang nag po chen po'i rnal 'byor la mos pa lam du byed pa d+harma ma tis me glang zla 5ba'i tshes 6la rje btsun gong ma'i gsung gi snang ba la brten nas sbyar ba dge'o/__/mang+ga laM//

1 Texts in this Section (sde tshan or chos tshan)

621-647	དཔལ་ནག་པོ་ཆེན་པོའི་ཉེ་སྙིང་གི་བཤད་པ་ནག་པོ་སྲོག་གི་ཐུགས་ཏིག། dpal nag po chen po'i nye snying gi bshad pa nag po srog gi thugs tig Meaning of the Mantra - sngags don	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

༄༅། །དཔལ་ནག་པོ་ཆེན་པོའི་ཉེ་སྙིང་གི་བཤད་པ་ནག་པོ་སྲོག་གི་ཐུགས་ཏིག་བཞུགས་སོ། ། གུ་ཧྱ། །མགོན་པོའི་སྙིང་པོ་ཡི་གེ་བདུན་མའི་བཤད་པ་ནག་པོ་སྲོག་གི་ཐུགས་ཏིག་བཞུགས་སོ། །དཔལ་རྡོ་རྗེ་འཛིན་ལ་ཕྱག་འཚལ་ལོ། །ཆོས་དབྱིངས་དག་པའི་ཐུགས་ནི་ནམ་མཁའ་ལྟར་ཡངས་ཤིང་། །རྔམས་ཤིང་བརྗིད་པའི་གསུང་ནི་འབྲུག་སྟོང་དུས་ཅིག་ལྡིར། །འཇིགས་རུང་སྒེག་པའི་སྐུ་ནི་སྲིན་པོ་ཁྲོས་པའི་གཟུགས། །བླ་མ་རྡོ་རྗེ་ནག་པོ་ཆེན་པོ་ཚངས་གནས་རྒྱབ་དུ་མཆོད། །ནག་པོའི་སྲོག་གི་སྙིང་པོ་ལ། །འཆད་ཐབས་མན་ངག་གིས་བཤད་པ། །རྒྱུད་ཀྱི་སྙིང་པོ་རྣམས་འགྲེལ་བ། །ཉུང་ངུའི་ཚིག་གི་དབྱེ་བར་བྱ། །དེ་ལ་འདིར་གསང་སྔགས་ཟབ་མོའི་རྒྱུད་ཀྱི་སྲུང་མ་རྡོ་རྗེ་ནག་པོ་ཆེན་པོའི་སྲོག་སྔགས་སྙིང་པོ་འདི་འཆད་པ་ལ་གསུམ། རྒྱུ་རྒྱུད། ཐབས་རྒྱུད། འབྲས་རྒྱུད་གསུམ་ལ་སྦྱར་བའོ། །དང་པོ་རྒྱུ་རྒྱུད་ནི། །ཨོ༵ཾ་ཡིག་རྡོ་རྗེ་གསུམ་དང་ཡེ་ཤེས་ལྔ་ལྡན་གྱི་དོན་གྱི་རང་བཞིན་ཏེ། མགོན་པོ་དངོས་གྲུབ་འབྱུང་བའི་རྒྱུད་ལས། །ཕུང་པོ་ཁམས་དང་སྐྱེ་མཆེད་དང་། །འབྱུང་བ་བཞི་ལ་སོགས་པ་རྣམས། །ཐམས་ཅད་གདོད་ནས་དག་པ་ཡིས། །ཡེ་ཤེས་ཆེན་པོས་བྱིན་བརླབས་ཀྱིས། །དངོས་པོ་དུ་མ་གསལ་བར་སྣང་། །ཡེ་ཤེས་མེད་པར་སྐྱེ་མི་འགྱུར། །ཞེས་པ་ལྟར། སྣང་སྲིད་ཐམས་ཅད་ཡེ་ཤེས་ཆེན་པོའི་བྱིན་བརླབས་ལས་རང་བྱུང་རང་ཤར་བའི་དོན་ལས་མི་འདའ་ཡང་། དེ་ལྟར་མ་རྟོགས་པས་དུག་ལྔའི་དབང་གིས་ཉོན་མོངས་པར་གྱུར་པས་འཁོར་བ་བསྐྱེད་ཅིང་། དེའི་རྩ་བ་མ་རིག་པ་ཆེན་པོ་དང་། དེའི་རྩལ་རྒྱས་པས་ཉོན་མོངས་པའི་ཚོགས་ཇི་སྙེད་ཀྱིས་བསྐྱེད་པའི་རྣམ་ཤེས་ཚོགས་བརྒྱད་ཕུང་ཁམས་སྐྱེ་མཆེད་དབང་ཡུལ་དང་བཅས་པ་བྱུང་བ་ལ་བདག་ཏུ་རྟོག་པས་གཟུང་འཛིན་གྱིས་ལས་བསགས་པའི་བག་ཆགས་སེམས་ཀྱི་སྣང་བས་འགྲོ་བ་དྲུག་གི་འཁོར་བའི་འཁོར་ལོ་རྟེན་འབྲེལ་ལུགས་འབྱུང་འདི་འབྱུང་ཞིང་། མ༵་ཧཱ༵་ཞེས་པས་ཆེན་པོ་སྟེ། དེའི་རྩ་བ་ཁུ་རྡུལ་རླུང་གསུམ་གྱི་སྒྲིབ་པ་ལྷན་སྐྱེས་མ་རིག་པ་ནི་འཁོར་གཞིའི་སྲིད་རྩ་ཆེན་པོ་དང་། ཀཱ༵་ལ༵་ནག་པོ་སྟེ་ཡེ་ཤེས་ཀྱི་དོན་རྟོགས་སུ་་མི་སྟེར་བའི་མུན་པ་ལས་ཀྱང་མུན་ནག་ཆེན་པོ་གནས་ལུགས་ཡེ་ཤེས་དང་གཤེད་དུ་གྱུར་པ། སྤངས་བར་དཀའ་བའི་རང་བཞིན་དེའི་རྩ་བར་གྱུར་པ་ནི། ཀུན་གཞི་སྟེ། དེ་ནི་མ་བསྒྲིབ་ལུང་མ་བསྟན་འཁོར་འདས་གཉིས་ཀྱི་ཕྱོགས་སུ་མ་ལྟུང་བ་དང་། དེའི་གསལ་ཆའི་རིག་པ་ནི་ཀུན་གཞིའི་རྣམ་ཤེས་ཏེ་ཐབས་ཀྱི་ཟིན་མ་ཟིན་གྱིས་འཁོར་འདས་གང་རུང་གི་ཕྱོགས་སུ་གཅོད་པར་བྱེད་པས་ཕཊ྄་ཅེས་པའོ། །ཇི་སྐད་དུ། བརྟག་གཉིས་ལས། སེམས་ཅན་རྣམས་ནི་སངས་རྒྱས་ཉིད། །འོན་ཀྱང་གློ་བུར་དྲི་མས་བསྒྲིབས། །དེ་བསལ་ན་ནི་སངས་རྒྱས་ཉིད། །ཅེས་སོ། །གཉིས་པ་ལུས་ཐབས་རྒྱུད་ལ། དབང་དང་ལམ་གཉིས། ཨོ༵ཾ་ནི་ཨ་ཨུ་མཱ་གསུམ་འདུས་པས་སྐུ་གསུམ་ཐུགས་གསུམ་དྲིལ་གྱི་ས་བོན་སྟེ། དེའི་རྡོ་རྗེས་ལུས་དང་ངག་དང་དཀྱིལ་འཁོར་གྱི་རང་བཞིན་ངོ་བོ་ཉིད་ཀྱི་རྫོགས་པ་སྟེ། དངོས་གྲུབ་འབྱུང་རྒྱུད་ལས། དཀྱིལ་འཁོར་ལ་འདི་ལུས་ཉིད་ཡིན། །གཞན་དུ་ལྷ་དང་དཀྱིལ་འཁོར་ནི། །བཙལ་ཡང་རྙེད་པར་མི་འགྱུར་ཞེས། །འདྲེན་པ་དཔའ་བོས་རབ་ཏུ་གསུངས། །ཞེས་རང་གི་རྡོ་རྗེའི་ལུས་སྐྱོན་མེད་པའི་རྟེན་དཀྱིལ་འཁོར་བཞི་ཡེ་ནས་དག་པ་ལ། མ་དག་གློ་བུར༵་གྱི་དྲི་མ་གཏོར་ཞིང་འཁྲུད་པའི་ཆེད་དུ་དཀྱིལ་འཁོར་ལ་བརྟེན་པའི་སྨིན་བྱེད་དབང་བཞིའི་རིམ་པ་དང་། རྗེས་གནང་གི་རིམ་པ་སྟེ། ཨོ༵ཾ་ནི་བརྡ་སོར་མོ་ལྔ་མནན་གྱིས་མཚོན་པའི་བུམ་དབང་། གསང་དབང་ནི་མ༵་ཧཱ༵་ཞེས་ཡབ་ཡུམ་གྱི་བདུད་རྩི་ཆེན་པོ། ཀཱ༵་ལ༵་ནི་ཤེར་དབང་གིས་རྟོག་པ་ཐམས་ཅད་དབྱིངས་སུ་སྡུད་པའི་ཐུགས་ཟབ་ཅིང་གཏིང་དཔག་དཀའ་བའི་དལ་ལ་ཤེས་རབ་སྟོང་ཆེན་ཕྱག་རྒྱའི་ལམ། ཡེ་ཤེས་དེས་ཤིན་ཏུ་གནག་པའི་མུན་ཀློང་དེར་དངོས་པོ་གང་ཡང་མི་སྣང་བ་ལྟར་བདེ་བ་ཆེན་པོ་དང་། དེའི་ཡེ་ཤེས་ཀྱི་སྣང་བ་དེར་འཛིན་བཅས་སྡུད་པ་དང་། ཧཱུྃ་ནི༵་ཡེ་ཤེས་རྡོ་རྗེ་ཀུན་ལ་ཁྱབ་པའི་བཞི་པའི་དབང་། གཟུང་འཛིན་གཉིས་མེད་ཀྱི་འོད་གསལ་ཡེ་ཤེས་ཤིན་ཏུ་རྣམ་པར་དག་པ་དང་། ཕ྄༷ཊ་ཅེས་དེར་ཐག་གཅོད་ལ་བཟླ་བར་བྱེད་པའི་དབང་སྟེ། དེ་ལྟར་དབང་བཞི་པོ་དཀྱིལ་འཁོར་བཞི་ལ་བསྐུར་བས། རྩ་རླུང་ཡི་གེ་ཐིག་ལེའི་འགྲོས་བཞི་ཐིམ། སྒྲིབ་བཞི་བྱང་། སྐུ་བཞི་མངོན་དུ་གྱུར་པའི་ས་བོན་ཐེབས་ཏེ། ཇི་སྐད་དུ། གུར་ལེའུ་བདུན་པ་ལས། བུམ་པའི་དབང་ནི་དང་པོ་སྟེ། གཉིས་པ་ལ་ནི་གསང་བའི་དབང་། །གསུམ་པ་ཤེས་རབ་ཡེ་ཤེས་ཏེ། །ཇི་ལྟར་ལུས་ནི་དེ་བཞིན་གཤེགས། །ཞེས་སོ། །གཉིས་པ་ལ། བསྐྱེད་དང་རྫོགས་པའོ། །དང་པོ་ནི། ཨོ༵ཾ་ནི་སྐུ་རྡོ་རྗེའི་རྣལ་འབྱོར། གསུང་བཟླས་པ། ཐུགས་རྡོ་རྗེ་ནང་དང་གསང་བའི་རྫོགས་རིམ་སྟེ། སྐུ་རྡོ་རྗེའི་སྔོན་འགྲོ་ཚོགས་བསགས་པ། དངོས་གཞི་ཕྱི་ནང་གི་སྲུང་འཁོར་བསྒོམ་པའི་ནང་ཡན་ལག་བཞིའི་ལྷ་རྫོགས་པ། བསྲུང་བྱ་སྦ་བ། སྐུ་གསུང་ཐུགས་མི་འགྱུར་བ། སླར་ཡང་བསྲུང་བའི་མདེལ་ཁ་བསྒོམ་པ་རྣམས་སོ། །ཇི་སྐད་དུ། བརྟག་གཉིས་ལས། །བསྐྱེད་པའི་རིམ་པའི་རྣལ་འབྱོར་གྱིས། །བརྟུལ་ཞུགས་ཅན་གྱི་སྤྲོས་པ་བསྒོམ། །ཞེས་སོ། །དེའང་འདི་སྐབས་སུ་སྦྱངས་གཞི་སྦྱོངས་བྱེད་ཀྱི་ཟབ་གནད་ཐུན་མོང་མ་ཡིན་པ་ཅུང་ཟད་བཀྲོལ་ན་འདོད་ཆགས་ནི་རྟོག་པ་ཕྲ་ཞིབ་མང་བས་ཐུན་མིན་སྤྲོ་བསྡུའི་མཁར་དུ་བཞུགས་པ་དང་། ཞེས་སྡང་ནི་ཤིན་ཏུ་སྲ་བརྟན་བར་ཆོད་པར་དཀའ་བས་སྟོང་ཉིད་རྡོ་རྗེའི་མཁར་གཞུག། གཏི་མུག་ནི་སྣང་མཆེད་ཀྱི་མཐའ་རུ་མཚན་ཉིད་ཇི་བཞིན་འབྱུང་བས་ཐོད་པ་ཉི་ཟླའི་མཁར་དུ་གཞུག། རླུང་ཡང་དར་འདུས་ཤིང་རྩ་ཡིག་རྣམས་ཀྱང་རེ་ཞིག་ཐིམ་པ་དང་མཚུངས་ཤིང་མི་གཡོ་བས་དབྱངས་གསལ་གྱིས་སྡོམ་པ་དང་། ཆོས་ཉིད་ཀྱིས་བཅད་པས་ནི་ང་རྒྱལ་སྦྱངས། དྲེགས་པ་ཐམས་ཅད་ཀྱིས་སྲོག་དབང་དུ་བྱ་ཞིང་འགྲན་ཟླ་མེད་པའི་ཆེ་བའི་ང་རྒྱལ་བརྟེན་པ་དང་། ང་རྒྱལ་དེའང་གསལ་ངར་དང་ལྡན་ཀྱང་སྣང་བ་དང་ཡལ་བ་ཕྱོགས་མཚུངས་པས་ཆོས་ཉིད་ཀྱི་ངང་དུ་ཐིམ་ཞིང་ཉོན་མོངས་གཞན་ལས་མྱུར་བའོ། །ཕྲག་དོག་ནི་འཁོར་འདས་ལམ་གསུམ་གྱི་ལེགས་བྱས་ལ་ཕྲག་པ་དོགས་ཤིང་། དུག་གསུམ་དང་འབྲེལ་བ་དེ་རྒྱུ་ཁུ་རྡུལ་རླུང་གསུམ་སྟེ། དེ་བཅད་པས། ཁམས་གསུམ་གཡུལ་དུ་བཅད་པ་དང་། ལོག་ལྟ་ནི་ལྟ་བ་ངན་པའི་ཚེར་མ་རྣོ་བ་གཟིངས་པ་དེ་བཅད་པ་ལ་མཚོན་ཆའི་གུར་ཁང་དང་། ཐེ་ཚོམ་ནི་ཀུན་ཏུ་རྟོག་པའི་དྲྭ་བ་སྣ་ཚོགས་པས་ཆོས་ཉིད་ཀྱི་དོན་ལ་ངེས་ཤེས་མ་འདྲོངས་ཤིང་ཐག་མ་ཆོད་པ་དེ་ལ་སྔགས་ཀྱི་གུར་ཁང་ནི་སྣ་ཚོགས་མ་ངེས་པ་འཕྲོ་ཡང་དོན་གཅིག་ཏུ་ཟླུམ་ཞིང་སྤྲོས་པའི་དྲྭ་ཟུར་མེད་པའོ། །དེ་དག་གི་ལྷན་སྐྱེས་ཕྲ་བལྟར་མི་མངོན་པ་ནི་བསྒོམ་པ་དང་བྲིས་པའི་འཁོར་ལོ་ཇག་པར་བཀྱེ་བས་འཇོམས་པ་སྟེ། ཆོས་ཀྱི་འཁོར་ལོས་དེ་དག་འཇོམས་པའོ། །འདི་དག་ནི་རྗེ་བཙུན་རིན་པོ་ཆེས། བསྐྱེད་པ་སྔོན་འགྲོ་རྟེན་དང་བསྐྱེད་ཆོག་དང་། ཁ་དོག་ཕྱག་མཚན་རྣམ་འགྱུར་ཡན་ལག་བཅས། །རེ་རེའང་འཁོར་འདས་དབྱེར་མེད་རང་བཞིན་དུ། །ལེགས་པར་བརྩེ་བའི་བསམ་པས་བཤད་པར་བྱ། །ཞེས་དང་། བརྟག་གཉིས་ལས། ཇི་ལྟར་ཕྱི་རོལ་དེ་བཞིན་ནང་། ཞེས་དང་། གང་ཕྱིར་ཡིད་ཀྱི་རྣམ་བསྒོམ་པ། །འགྲོ་བ་ཐམས་ཅད་བསྒོམ་པར་བྱ། །བསྒོམ་པ་ཉིད་ནི་སྒོམ་པ་མིན། །བརྟན་དང་གཡོ་བའི་དངོས་པོ་གང་། །རྩ་ལྕུགས་འཁྲི་ཤིང་ལ་སོགས་པ། །བདག་གི་བསྒོམ་པའི་རང་བཞིན་ལས། །དམ་པའི་ཞེས་སོགས་གསུངས་པ་ལྟར། ལུས་ལ་ཚང་ཞིང་། དེའང་རྩ་བ་སེམས་ལ་ཚང་བའི་ཕྱིར་སྣང་བའི་སྲུང་བའི་འཁོར་ལོ་སོགས་ཇི་སྙེད་སྒོམ་པ་ཐམས་ཅད་གཞི་ལམ་འབྲས་གསུམ་དབྱེར་མེད་དུ་དེ་ཉིད་ངེས་བསྒོམ་བྱ། ལྟོ་སྦྱོར་བའི་གནད་དོ། །གཞན་ཕྱི་ཡི་སྲུང་འཁོར། དུར་ཁྲོད། ལྷ་སྔགས་ཀྱི་སྦྱངས་གཞི་སྦྱོང་བྱེད་སྦྱངས་འབྲས་རྣམས་རྒྱུད་གཞུང་ལྟར་རོ། །གསུང་བཟླས་པ་ལ། ཁྲག་མཚོ་ཁོལ་མའི་རྒྱུད་ལས། །སྙིང་དབུས་སྲོག་གནས་མི་ཤིགས་པ། །རྩེ་མོར་གྱུར་པ་ཀུན་བསྐྱེད་གཞི། །མཚན་ནས་བརྗོད་པ་ཐུན་མོངས་བ། །དེ་ནི་བདེ་བ་མིང་ཙམ་ཡིན། །གསང་བ་ཐུན་མོངས་མ་ཡིན་པ། །མྱུར་དུ་བསྐུལ་པ་ལས་བྱེད་འགྱུར། །ཡང་སྙིང་གསང་ཆེན་རང་དབང་མེད། །ལེན་ཞིང་འཛིན་པས་དོན་གྲུབ་པའོ། །ཕྲིན་ལས་བསྐུལ་བྱེད་དྲག་སྔགས་ནི། །བརྗོད་པས་ཐོག་དང་གླང་ཆེན་བཞིན། །གར་གཏད་རྒྱུགས་ཅིང་འཇོམ་པར་བྱེད། །བསྙེན་སྒྲུབ་ལས་སྦྱོར་གྱི་སྔགས་དང་། ཁྱད་པར་དུ་དངོས་འབྱུང་རྒྱུད་ལས། །གཅིག་ལས་དུ་མའི་ངོ་བོ་ཅན། །འཇིག་རྟེན་པ་དང་ཡེ་ཤེས་ཆེ། །མི་འགྱུར་བ་དང་དཀྲུགས་པ་དང་། །ལས་རྣམས་བྱེད་པའི་སྲོག་གྱུར་པའོ། །གསང་སྔགས་འཁོར་ལོ་འདི་དག་ནི། །བྱེ་བྲག་རྣལ་འབྱོར་པས་བཤད་བྱ། །ཅེས་གསུངས་པའི། མི་འགྱུར་བའི་སྲོག། གནས་པའི་སྲོག། གདགས་པའམ་མིང་སྲོག་ནི་དགུག་པའི་སྲོག། འདྲེན་སྲོག་གམ་སྲོག་སྔགས་ནི་ལས་བྱེད་ཀྱི་སྲོག་རྣམས་བསྙེན་པ་ཉེ་བསྙེན་རྦོད་རྦད་བསད་སྔགས་སོགས་སོ་སོར་ཡོད་ཀྱང་། ཡང་སྙིང་རྩ་བའི་སྔགས་ཡི་གེ་བདུན་པ་འདིར་འདུས་ཤིང་། དེ་ཡང་ཡི་གེ་བདུན་མ། བཅུ་གཅིག་མ། རྩ་སྔགས་དང་གསུམ་ཕྱི་ནང་ཐམས་ཅད་ཀྱིས་བཟླས་པས་གདོན་བགེགས་ལོག་པར་འདྲེན་པ་སྔགས་དང་འཁོར་ལོས་བསྲེགས་ཤིང་སྦྱངས་བ་ཐུགས་ཀྱི་རྫོགས་རིམ་བསྐྱེད་པ་ལ་ལྟོས་ན་བསྐྱེད་པས་བསྡུས་པའི་རྫོགས་པ་དང་། ཟབ་མོའི་རྫོགས་པ་ལ་ལྟོས་ན་རྫོགས་པས་བསྡུས་པའི་བསྐྱེད་པར་འགྲོ་ཞིང་། དྲེགས་པ་རྒྱུད་གསུམ། སྙིང་གར་ཞེ་སྡང་གི་གཞི་ཐབས་ཕོ་རྒྱུད་ཀྱི་ངོ་བོ་བྲག་རྫོང་དང་། ལྟེ་བ་ནི་སྲིད་པ་བསྐྱེད་པ་དང་ཁུ་ཁྲག་འཛིན་པའི་གཞིར་ཤེས་རབ་མོ་རྒྱུད་ཆོས་འབྱུང་ཁྲག་མཚོ་བཅས། ཐབས་ཤེས་སྦྱོར་བས་གཉིས་མེད་རྒྱུད། སྣོད་བཅུད་སྦྱངས་གཞི་རྟེན་རྒྱ་གྲམ། བརྟེན་པ་ཡེ་ཤེས་མགོན་པོ་ཐབས་ཤེས་གཉིས་མེད་ཧཱུྃ་གི་རྣམ་པར་ཤར་བའི་དྲག་པོའི་མེས་ཕྱི་ནང་གི་ཕུང་ཁམས་རྟོག་པ་དབང་ཡུལ་འཛིན་པ་དང་བཅས་སྦྱོང་ཞིང་། མཐར་སྣང་བ་ཐམས་ཅད་ནཱ་ད་ཕྲ་བའི་དབྱིངས་སུ་སྡུད་པ་སྟེ། རྩ་རྒྱུད་ལེའུ་དང་པོར། ལྟེ་བར་གཏུམ་མོ་འབར་བ་ཡིས། །དེ་བཞིན་གཤེགས་པ་ལྔ་བསྲེགས་ཤིང་། །ཞེས་སོགས་རྫོགས་རིམ་སྟོན་པའི་གཞུང་རྣམས་ཀྱི་ཟབ་གནད་གཅིག་ཏུ་བསྡུས་པའོ། །བསྐྱེད་པའི་རིམ་པ་གཙོ་བོར་གྱུར་པའི་ཟབ་མོ་འདི་དག་གིས་སྐྱེ་གནས་བཞི་གཅིག་ཆར་སྦྱང་བ་དང་། ཆོས་ཀྱི་ཕུང་པོ་བརྒྱད་ཁྲི་དང་། །བཞི་སྟོང་གི་ནི་ཆོ་ག་ཡང་། །ལུས་ཀྱི་དེ་ཉིད་མི་ཤེས་པས། །དེ་དག་ཐམས་ཅད་འབྲས་མེད་གསུངས། །ཞེས་རྡོ་རྗེའི་ལུས་ཀྱི་རྩ་ཐིག་རླུང་གསུམ་ལ་གནད་དུ་བསྣུན་ཚུལ་མ་ཤེས་ན་དལ་བ་དོན་མེད་དུ་འགྱུར་བར་གསུངས་པ་སྟེ། དེའང་ལྷ་བསྐྱེད་པས་ཡན་ལག་བཞི་རྫོགས་ཀྱི་བར་མངལ་སྐྱེས་ཏེ། དང་པོའི་གཞི་ཨེ་ཡིག་ཆོས་འབྱུང་ལས་སྐྱེ་བའོ། །དེ་ནས་བསྲུང་བྱ་སྦ་བ། གོ་ཆ་བཀོད་པས་ནི་སྒོང་སྐྱེས། ནང་གི་བྲག་རྫོང་མས་དྲོད་གཤེར་སྐྱེས། གསང་བ་སེམས་ཉིད་ཡེ་ཤེས་ཀྱི་རྩལ་འདོན་པས་ནི་བརྫུས་སྐྱེས། བསྲུང་བཟློག་ནི་དེ་ཐམས་ཅད་ཀྱི་ཡན་ལག། ཡང་། དང་པོ་ལྷར་བསྐྱེད་པ་སོགས་ནི་སད་པ། བསྲུང་སྦ་སོགས་ནི་རྨི་ལམ། ནང་གི་བྲག་རྫོངས་ནི་གཉིད་འཐུག། གསང་བ་ནི་སྙོམས་འཇུག་གི་སྒྲིབ་པ་སྦྱོང་བ་དང་། ཡང་དང་པོ་ལྷར་བསྐྱེད་པས་རྩ་སྐུ། བསྲུང་སྦ་སོགས་ཀྱི་ངག་ཡི་གེནང་གིས་ཐིག་ལེ། བཞི་པས་ནི་རླུང་གི་འགྲོས་ཐིམ་ནས་སྐུ་བཞི་ཐོབ་པ་སོགས་དང་། མདོར་ན་སྒོ་གསུམ་དག་པར་བྱ་ཞིང་ཁམས་གསུམ་སྦྱངས་པ་སྐུ་གསུམ་གྱི་གཞི་སྨིན་ཅིང་གྲོལ་བ་བྱེད་པའོ། །མ༷་ཧཱ༷་ནི་ཆེན་པོ་སྟེ་གསང་བ་སེམས་ཉིད་རྡོ་རྗེ་སྔོན་པོའི་ལྟེ་བར་ཆོས་ཀྱི་འཁོར་ལོ་ཆེན་པོ་ཤིན་ཏུ་གསལ་ཞིང་། དེ་ལས་ཐམས་ཅད་རྒྱས་པས་གསེར་འཁོར་ལྟེ་བ། ཀཱ༷་ལ༷་ཧཱུྃ་ན༷ག་པོ་ཆ་ལྔ་པའི་རང་བཞིན་དེས། དུག་ལྔའི་ས་བོན་དང་བདུད་བཞི་གཏོར་ཞིང་། ཡང་ཧཱུྃ་ནི༷་ཡེ་ཤེས་ལྔ་ཡི་བྱིན་བསྡུ་བས་རྩལ་འདོན་ཏེ། ཕ྄༷ཊ་ཅེས་དེ་ལས་གདོད་ནས་རྣམ་པར་དག་པའི་ཡེ་ཤེས་སྒྲིབ་བྲལ་དེར་འཁོར་འདས་ཀྱི་རྟོགས་ཚོགས་གཅོད་པ་ཡིན་ཏེ། བརྟག་གཉིས་ལས། །དེ་ཉིད་ལྷན་ཅིག་སྐྱེས་པའི་གཟུགས། །བདེ་བ་ཆེན་པོའི་རྣལ་འབྱོར་མ། །དེ་ཉིད་དཀྱིལ་འཁོར་འཁོར་ལོ་དང་། །ཡེ་ཤེས་ལྔ་ཡི་རང་བཞིན་ཅན། ཞེས་སོགས་ཀྱི་ཉམས་སུ་ལེན་པའོ། །འདི་ལའང་ཕྱི་ནང་གསང་བའི་བར་ཆད་ཞི་བ། ཤེས་རབ་དང་ཚེ་རྒྱས་པ། མཆོག་སྒྲུབ་པའི་ཟབ་གནད་ཤིན་ཏུ་མང་ངོ་། །གཉིས་པ་ནི། ཨོ༷ཾ་ནི་འཁོར་ལོ་ལྔ་ལ་བརྟན་ཀྱང་དེར་རླུང་སེམས་འདུ་ཞིང་ཡེ་ཤེས་སྐྱེ་རུང་བའོ། །མ༷་ཧཱ༷་ནི་ཆེན་པོ་སྟེ་རྩ་ཡི་ཆེན་མོ་གསུམ་དང་རླུང་ཐིག་དབྱེར་མེད་པ་དེར་ཐབས་མཆོག་རི་བོང་འཛིན་པའི་བླ་མ་ཡི་དམ་དབྱེར་མེད་པ་དང་། ལྟེ་འོག་ཙཎྜ་ལཱི་ནི་ཡུམ་ཆེན་ཨེ་ཀ་ཛ་ཊིའི་རྣམ་པར་བཞུགས་པ་དང་། རྩ་སོ་སོར་དྲེགས་པ་རྒྱུད་གསུམ་བསྐྱེད་ནས། དེ་རྣམས་ཀྱི་སྲོག་གི་ཡང་ཏིག་བླངས་བ་དང་། དབང་སྡུད་དང་བྱིན་དབབ་ཅིང་ཕན་ཚུན་གཟིགས་རེས་དང་། སྔགས་ཀྱི་འོད་ཟེར་བདེ་བ་ཆེན་པོས་བསྐུལ་བས་དཔྱིད་ཐིག་ཞལ་སྦྱོར་གྱིས་བདེ་བ་ཆེན་པོའི་ཡེ་ཤེས་སྒྲུབ་པས་ཕྱི་ནང་གཞན་གསུམ་དབྱེར་མེད་བདེ་བ་ཆེན་པོར་ཤར་བ་དང་། མཐར་ལས་རླུང་དང་དཀར་དམར་ཐིག་ལེའི་འཕྲོ་འདུ་ཕོ་རྒྱུད་མོ་རྒྱུད་གཉིས་མེད་རྒྱུད་ཀྱི་གཟུགས་སུ་ཤར་བ་རྣམས་ལས་མཁན་ནས་རིམ་གྱིས་བསྡུས་ནས། བླ་མ་ཧེ་རུ་ཀ་རྒྱུད་གསུམ་ཐམས་ཅད་འདུས་པའི་ངོ་བོ་ལས། ཐབས་ཀྱི་ཡེ་ཤེས་ཧཱུྃ་མ༷ཐིང་ནག་གིས་ཤེས་རབ་སྟོང་ཆེན་གྱི་ཕྱག་རྒྱ་ཆེན་མོ་ཡུམ་ཆེན་གྱི་སྤྱི་གཙུག་འབིགས་ནས་ཀཀྐོ་ལའི་ཟེའུ་འབྲུར་ཞུགས་པས་ནི་དྲེགས་པའི་གསང་བའི་རྟེན་ཆེན་པོ་དཔེར་ན་ཤ་རུལ་ལ་སྦྲང་མ་འདུ་བ་བཞིན་རྒྱུད་གསུམ་ཐམས་ཅད་དེར་ངང་གིས་འདུ་ཞིང་བསྟིམ་པས། ཀཱ༷་ལ༷་སྟེ་ཡུམ་ཆེན་ཕྱག་རྒྱ་རལ་གཅིག་ནག་མོ། ཤྲཱི༷་ར༷ང་བྱུང་བླ་མ་ཧེ་རུ་ཀ་ནག་པོའི་ཐུགས་རྒྱུད་གསུམ་འདུས་པའི་ངོ་བོ་ཡུམ་ཆེན་སྐུ་ཡི་མུན་པ་ནག་པོ་ནས་བྷ་ག་ཤིན་ཏུ་ཟབ་པའི་སྟོང་ཆེན་དེར་ཞུགས་པའོ། །རྩ་རྒྱུད་དང་པོའི་བརྒྱད་པ། ང་ལས་འགྲོ་བ་ཐམས་ཅད་འབྱུང་། །ང་ལས་གནས་གསུམ་པོའང་བྱུང་། །ང་ཡིས་འདི་ཀུན་ཁྱབ་པ་སྟེ། །འགྲོ་བའི་རང་བཞིན་གཞན་མ་མཐོང་། །ཞེས་དང་། དངོས་འབྱུང་རྒྱུད་ལས། གངས་ཀྱི་ཐིག་པ་བདུད་རྩིའི་ཆུ། །མེ་ཏོག་མདངས་གསལ་སྙིང་པོ་ཡི། །གེ་སར་ཟེའུ་འབྲུ་ལྡན་པ་ལ། །འདབས་རྒྱས་ཡེ་ཤེས་ཉི་ཤར་བས། །རང་གྲོལ་མདངས་འབར་རབ་ཏུ་རྒྱུས། །ཞེས་དང་། རྟག་ཏུ་སྙིང་ལ་གནས་པ་ཡི། །ཐིག་ལེ་གཅིག་ལ་འགྱུར་མེད་པ། །དེ་སྒོམ་བྱེད་པའི་སྐྱེ་བོ་ལ། །ངེས་པར་ཡེ་ཤེས་སྐྱེ་བར་འགྱུར། །ཞེས་སོགས་ཀྱི་དོན་ནོ། །ཧཱུྃ་ནི༷་དེ་ལྟའི་ལམ་མངོན་དུ་བྱས་པས། ངེས་པར་གསལ་སྟོང་ཟུང་འཇུག་སྤྲོས་བྲལ་བློ་འདས་གདོད་མའི་གཤིས་ལུགས་གཉུག་མ་དོན་གྱི་མགོན་པོ་དངོས་སུ་སྣང་བ་ལ། དེའང་དཔེ་དང་། མཐར་དོན་གྱི་ཡེ་ཤེས་སྐྱེའོ། །ཕ྄༷ཊ་ཅེས་པས་ཡེ་ཤེས་རྫོགས་པའི་རིམ་པས་སྣང་གསུམ་འཕོ་བའི་མཚན་རྟོག་བག་ཆགས་དང་བཅས་པ་སླར་མི་སྐྱེ་བའི་རང་བཞིན་ཅན་དུ་བྱས་པ་དང་། རྡོ་རྗེ་གུར་གྱི་རྒྱུད་ལས། དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོ་ཉིད་ཀྱི་སྐུ་དང་གསུང་ཐུགས་རྡོ་རྗེ་ལས་འདི་རབ་ཏུ་བྱུང་ངོ་། །ཞེས་གསུངས་པ་སྤྱི་དོན་ལྟར་བཤད་ན། རྒྱུ་རྡོ་རྗེ་འཛིན་པའི་སྐུ་གསུང་ཐུགས་ལས་ནག་པོ་ཆེན་པོ་ཕྱུང་བ་དངོས་བསྟན་དང་། གསང་བའི་སྦས་དོན་ལྟར་ན་བཅོམ་ལྡན་འདས་རྡོ་རྗེ་འཛིན་པ་ནི་ཁམས་དྲུག་ལྡན་གྱི་རྐྱང་མ་སྐུ། རོ་མ་གསུང་། དབུ་མ་ཐུགས་ཀྱི་རྡོ་རྗེ། དེའི་ནང་ན་གནས་པའི་དཀར་ཆ་སྐུ། དམར་ཆ་གསུང་། ཁུ་ཁྲག་འདྲེས་པ་ཐུགས། རླུང་འབྱུང་འཇུག་གནས་གསུམ་སྐུ་གསུང་ཐུགས། དེ་དག་དྲེགས་པ་རྒྱུད་གསུམ་གྱི་ངོ་བོ་ཡིན་པར་ཤེས་པས་གནད་དུ་བསྣུན་ན་ནང་གི་རྒྱུད་གསུམ་དབང་དུ་འདུ་ཞིང་། མཐར་ཐུག་ལྟར་བཤད་ན། བཅོམ་ལྡན་རྡོ་རྗེ་འཛིན་ནི། རང་སེམས་གསལ་གདངས་འགགས་མེད་འཆར་བ་སྐུ། དེ་ཡི་རང་བཞིན་གང་དུའང་མ་གྲུབ་པའི་སྟོང་ཉིད་གསུང་། དབྱེར་མེད་ཟུང་འཇུག་བརྗོད་བྲལ་བློ་འདས་ཐུགས་རྡོ་རྗེ་སྟེ། དེ་ལ་གནད་དུ་བསྣུན་པས་ཆོས་ཉིད་བདེ་ཆེན་གྱི་མགོན་པོ་འགྲུབ་པའོ། །དེའང་མཚོན་པར་བྱ་བ་ངེས་དོན་དོན་དམ་གྱི་མགོན་པོ་སྐྱེ་འགྲོ་ཐམས་ཅད་ལ་ཁྱབ་པར་བཞུགས་ཤིང་། དེའང་དབྱིངས་རང་བཞིན་གྱིས་རྣམ་པར་དག་པ་མཚན་རྟོག་གི་སྤྲོས་པ་ཉེ་བར་ཞི་བའི་བདག་ཉིད་གཟུང་འཛིན་གྱི་རྡུལ་ཐམས་ཅད་ཟད་པ་ཤིན་ཏུ་རྣམ་པར་དག་པ་རང་བཞིན་འོད་གསལ་ཆོས་ཀྱི་སྐུ་སྐྱེ་འགགས་གནས་པ་འགྲོ་འོང་ཐམས་ཅད་ཀྱིས་གདོད་ནས་སྟོང་པ་ཆེན་པོ་སྟེ། མགོན་པོ་མངོན་འབྱུང་གི་རྒྱུད་ལས། དེ་ཁོ་ན་གསང་བའི་བྲག་རྫོང་ཞེས་པ་ནི་མཚུངས་པ་རྒྱུན་དུ་འགྲོ་བའི་སེམས་རྗེས་སུ་གནས་པའི་རང་བཞིན་ཡིད་ལ་མི་བྱེད་པ་གང་ལ་འཕེལ་བ་དེ་དངོས་པོ་མེད་པའོ་ཞེས་ཡིད་དཔྱོད་ལས་འདས་པར་བསྟན་པའོ། །མགོན་པོ་མངོན་འབྱུང་ལས། གཞན་ཡང་མཉམ་པར་སྦྱོར་བས་རྗེ་བཙུན་རྟོགས་ཏེ་མཆོག་ཏུ་ཟབ་པ་ལ་མཉམ་པར་སྦྱོར་ན་རང་བཞིན་བདེ་བ་མཆོག་ཏུ་འགྱུར་བ་སྐྱེ་བོས། བདེ་བ་ཐོབ་པར་བྱེད་པ་ནི་སེམས་མ་ཡིན་ཞིང་། སེམས་ལས་བྱུང་བའང་མ་ཡིན་ན་དངོས་པོ་མེད་པ་ཡང་རྟོགས་པ་དང་མི་ལྡན་པ་བླུན་པོ་ཅོལ་ཆུང་མཆོག་ཏུ་ཟབ་པ་གང་གིས་མ་ཤེས་པའི་མི་དེས། གཉིས་སུ་མེད་པའི་ཡེ་ཤེས་ཚིག་ཙམ་དུ་ཡང་དྲན་པར་མི་བྱའོ། །ཞེས་བློ་འདས་ཀྱི་ཡེ་ཤེས་དང་། མཚོན་བྱེད་རྟགས་ཀྱི་མགོན་པོ་ལམ་དུས་སུ་སྨིན་བྱེད་ཀྱིས་གཞིར་གནས་ཀྱི་ལྷན་སྐྱེས་མགོན་པོ་ངོ་སྤྲད་པ་དེ་ཉིད་ལམ་དུས་སུ་བཞིན་ལག་ཁྲོ་བོའི་རྣམ་པ་ཅན་གྱི་སྐུར་ཤར་བ་བསྐྱེད་པ་དང་། རྫོགས་པའི་རིམ་པ་ཁྱད་པར་ཅན་གྱིས་རྩ་རླུང་ཐིག་ལེ་ཤིན་ཏུ་དག་པར་བྱེད་པའི་ཐབས་ཀྱི་དབྱིངས་སྟོང་ཆེན་གྱི་རང་གདངས་བདེ་བ་ཆེན་པོ་མཆོག་ཏུ་རྫོགས་པར་བྱེད་པ་སྟེ། བདེ་སྟོང་ཟུང་འཇུག་གི་ཡེ་ཤེས་ཀྱི་མགོན་པོ་ནག་པོ་ཆེན་པོའི་སྐུ་བསྒྲུབས་པས་རིང་པོར་མི་ཐོགས་པ་གཞི་འབྲས་དབྱེར་མེད་ཀྱི་བཅུ་གསུམ་རྡོ་རྗེ་འཛིན་པའི་མགོན་པོ་ནག་པོ་ཆེན་པོ་མངོན་དུ་གྱུར་པ་སྟེ། མགོན་པོ་མེ་ལྕེ་ཕྲེང་བའི་རྒྱུད་ལས། གཞན་ཡང་ལྟ་བའི་རིམ་པ་ནི། །ཕྱི་ནང་ཆོས་ཀུན་ངོས་བཟུང་བྲལ། །ཡོད་དང་མེད་པའི་ཕྱོགས་བྲལ་ཅིང་། །གཉིས་ཀ་གཉིས་མེད་མཐའ་དང་བྲལ། །དབུས་ཆེན་བྱ་བར་མི་རྟོག་ཕྱེད། །ཀུན་བྱང་བླ་དྭགས་དངོས་མེད་ལ། །མཚན་མ་མེད་པ་གདོད་ནས་སྟོང་། །སྤང་མེད་ཀུན་ཆུབ་ཡེ་དག་པ། །སྤྲོས་པ་མེད་པ་འདུས་མ་བྱས། །ཕྱོགས་ཆ་ཀུན་དང་ཡེ་ནས་བྲལ། །དེ་ལྟར་ཡེ་ནས་ལྟ་བ་ཡིན། །ཡེ་ནས་དེ་ལྟར་གནས་བཞིན་དུ། །དེ་ལྟར་མ་རྟོགས་ལོགས་བརྟགས་པས། །གཉིས་པ་ཟུང་མཐར་རྟག་ལོགས་ཤེས། །བསྟན་པ་རྣམ་གསུམ་རྒྱས་མཛད་ནས། །འགྲོ་བ་འདུལ་ཞིང་དོན་བྱེད་ལ། །བསྟན་པ་འཇིག་པར་བྱེད་པ་ཡི། །བགེགས་དང་འབྱུང་པོ་དགྲ་ཡི་རིགས། །འདུལ་ཕྱིར་སྤྲུལ་པ་ཁྲོ་ཚུལ་ཅན། །སངས་རྒྱས་བསྟན་པའི་མགོན་མཛད་ཅིང་། །བདུད་ཀྱི་རིགས་ལ་སྡང་བས་ནག། དེས་ཕྱིར་བསྟན་པ་བསྲུང་བས་ལེགས། །བསྲུང་ཚུལ་ལེགས་པར་ལྡན་པས་ལྡན། །ཉོན་མོངས་རིས་ལ་གནོད་པས་ནག། དེ་ཕྱིར་མགོན་ནག་ལེགས་ལྡན་ནག། ཅེས་གསུངས་ཤིང་། དེའང་མན་ངག་ཟབ་མོ་ནང་རྡོ་རྗེའི་ལུས་ཀྱི་རྩ་རླུང་ལ་གནད་དུ་བསྣུན་པས་ངེས་དོན་གྱི་མགོན་པོ་མངོན་དུ་བྱེད་པའི་ཐབས་ཁྱད་པར་འཕགས་པ་འདི་རྣམས་བླ་མེད་ཀྱི་རྒྱུད་སྡེ་གཞན་གྱི་རྫོགས་རིམ་གྱིས་རྒྱས་འགེབ་མ་ཡིན་ཅིང་། རྡོ་རྗེ་འཆང་ནས་རྩ་བའི་བླ་མའི་བར་སྙན་ནས་སྙན་དུ་བརྒྱུད་བ་ཁོ་ན་དང་། མགོན་པོའི་རྒྱུད་ལས་ཀྱང་དངོས་དང་ཤུགས་ཀྱིས་བསྟན་པས་གྲུབ་ཐོབ་བརྒྱུད་པའི་མན་ངག་གིས་ཕྱེ་བ་ཡིན་ཏེ། མགོན་པོ་མངོན་འབྱུང་ལས། རྩ་རྣམས་ཐམས་ཅད་ཀྱི་ནང་ནས་ནི་རྒྱལ་པོ་ཨ་ཝ་དྷཱུ་ཏིའི་རྩའོ། །གང་གི་གསང་བའི་བྲག་རྫོང་སེམས་མཉམ་པར་བཞག་པ་ལས་དེ་ལ་བདེ་བ་སྟེར་བར་འགྱུར་རོ། །ཞེས་དང་། གསུམ་འདྲེས་པ་རྣལ་འབྱོར་དང་ལྡན་པའི་སློབ་དཔོན་བྱང་ཆུབ་སེམས་དཔའ་ཆེན་པོ་གནས་པ་སྟེ་རང་འདོད་སྤངས་པ་ལ་ཡང་དག་པར་སྤྱོད་པ་ནི་ཨ་ཝ་དྷཱ་ཏི་དང་། ལ་ལ་ནཱ་དང་། ར་ས་ནཱ་རྣམས་འདུས་པར་བྱའོ། །རྩ་དྲུག་ཅུ་རྩ་བཞི་བསྟན་པར་གྱུར་པའི་ནུས་བ་རྩིས་པ་ནི། ལ་ལ་ནཱ་ཤེས་རབ་ཀྱི་རང་བཞིན་ཅན་དུ་ཤེས་པའོ། །ར་ས་ནཱ་ཁམས་བདེ་བའི་རང་བཞིན་ཅན་ཚོད་ཤེས་པའོ། །ཨ་ཝ་དྷཱུ་ཏི་ནི་བདེ་བ་ཆེན་པོའི་རང་བཞིན་ཅན་ཤེས་པའོ། །ཞེས་དང་། སྟེང་འོག་ཡང་དག་པར་མནན་ཏེ། ལྟེ་བའི་དབུས་སུ་ཟླ་བ་བསྒོམས་ན། ཟླ་བ་དྲུག་གིས་ངེས་པར་འགྲུབ་པར་འགྱུར་རོ། །སྣའི་བུག་པ་བཀག་སྟེ་ཐིག་ལེ་བསྒོམ་ན་ཉིན་ཞག་ཉི་ཤུ་རྩ་གཅིག་གིས་འགྲུབ་པར་འགྱུར་རོ། །ལྕེ་སྟེང་དུ་བཀུག་ན་རྒས་པ་དང་ཤི་བ་ལས་གྲོལ་བར་འགྱུར་རོ། །དགང་བ་དང་། དབྱུང་བ་དང་། བུམ་པ་ཅན་རིམ་པ་ཇི་ལྟ་བར་དྲན་པར་བྱས་ན་ཟླ་བ་ཕྱེད་ཀྱིས་མཁའ་སྤྱོད་འགྲུབ་པར་འགྱུར་རོ། །རླུང་གིས་ཡིད་བསད་པ་ལ་ཟླ་བའི་སྦྱོར་བ་བྱ་བ་ནི། སྔགས་ཀྱི་སྦྱོར་བ་རྣམ་པར་བྱེད་པས་སྐད་ཅིག་ཙམ་གྱིས་ཀྱང་འཕྲོག་སྟེ་ལག་པ་རབ་ཏུ་བཅག་པར་བྱའོ། །ཞེས་དང་། གཞན་ཡང་ནམ་ཡིད་ཆེས་པའི་དུས་སུ། མཁས་པས་རྒྱུ་བའི་རྩ་གཉིས་མནན་པར་བྱ་ཞིང་། ཤིན་ཏུ་དགའ་བ་ལ་སོགས་པ་ལ་ཉེ་བར་གནས་ནས། ཤེས་བྱ་ཐམས་ཅད་ལྟེ་བའི་དཀྱིལ་འཁོར་དུ་མནན་ན་འགྲོ་བ་རྣམས་ཀྱི་བདེ་བར་ཐེ་ཚོམ་མེད་པར་ཐོབ་པ་ནི་ནང་གི་བྲག་རྫོང་ཡུལ་རྣམས་ཡེ་ཤེས་ཀྱི་མེས་བསྲེགས་ནས་སྒྱུ་མ་སྣང་བའོ། །མ་འོངས་པའི་དུས་ན་འང་འགྲོ་བ་རྣམས་ཀྱི་ཤིན་ཏུ་ཡོངས་སུ་དག་པ་དྲི་མ་མེད་པ་བསམ་དུ་མེད་པའི་ཞིང་བཟང་པོར་སྐྱེ་བར་འགྱུར་རོ། །རྣལ་འབྱོར་འདིས་འོ་མ་འཐུངས་ན་ལྦུ་བ་ལྟར་དྲི་མ་མེད་པར་འགྱུར་རོ། རླུང་ཕྱིར་འདོན་ཅིང་དག་པར་བྱས་ན་དགེ་བ་བསམ་པ་འགྲུབ་པར་འགྱུར་རོ། །ཞེས་སོགས་ཀྱིས་ནང་ཁྲིད་དང་། གསང་ཁྲིད་ཀྱི་རྫོགས་རིམ་རྣམས་ཤིན་ཏུ་གསལ་བར་བསྟན་ཅིང་རྒྱུད་འདི་རྣམས་དང་ཞིབ་ཏུ་སྦྱར་བར་བཏུབ་ཀྱང་རེ་ཞིག་དབུ་མའི་དབྱིངས་སུ་བཞག་གོ །ཁྱད་པར་དུ་རྫོགས་རིམ་གྱི་མཐར་ཐུག་གསང་རྟེན་ལུས་སྦ་ཡང་། མེ་ལྕེ་འབར་བའི་རྒྱུད་ལས། དཔལ་དང་ལྡན་པའི་མཁའ་འགྲོ་མ། །གདོད་ནས་མ་སྐྱེས་གཟུང་འཛིན་ཡུལ་དང་བྲལ། །ང་དང་བདག་འཛིན་མཚན་མའི་རྟོག་པ་བཅོམ། །དོན་དམ་ཀུན་རྫོབ་དབྱེ་བ་མེད་པ་ཡི། །གཉིས་མེད་ཆོས་ཀྱི་དབྱིངས་སུ་དབྱེར་མེད་པའི། །སྟོང་ཉིད་ཆོས་སྐུ་ནམ་མཁའི་ཡེ་ཤེས་ལྔ། །སྤྲུལ་པའི་མཚན་མ་ལྷ་མོའི་ཕྱག་རྒྱར་སྣང་། །མཁའ་ལ་འཇའ་འདྲ་རང་བཞིན་ག་ལ་ཡོད། །ཅེས་ལྟེ་བའི་དབྱིངས་ཕྱུག་ཡུམ་ཆེན་ཉིད་འདིའི་རྫོགས་རིམ་གྱི་སྤྲོ་གཞིར་གྱུར་པ་དང་། ཡང་དེ་ཉིད་ལས། རང་རིག་རྩལ་གྱི་རླུང་གཡོས་ཏེ། །རླུང་གི་ཐིག་ལེ་ཡེ་ཤེས་མེས། །རྡོ་རྗེ་གསང་བས་ས་བོན་བསྐུལ། །རྟོག་མེད་གསང་བའི་ཐིག་ལེ་རྩལ། །མི་བསྐྱོད་མཉམ་པའི་སེམས་གཏད་ན། །མར་མེའི་རྩེ་མོ་ལྟ་བུར་བརྟན། །གནས་པའི་རྩ་ཡི་ནམ་མཁའ་ལ། །སྲོག་འདྲེན་ཐིག་ལེ་གོམས་པའི་ཚེ། །བརྟན་དང་གཡོ་བའི་དངོས་པོ་ཀུན། །བདེན་གཉིས་བྱང་ཆུབ་དོན་གསལ་ནས། །དྭངས་བའི་ཆུ་ལ་གཟུགས་བརྙན་བཞིན། །རྒྱལ་བའི་དགོངས་པ་རང་ལ་འཆར། །ཞེས་སྙིང་གའི་སྟོད་གྱི་བླ་མ་མི་བསྐྱོད་པ་ཆོས་འཁོར་དབུས་སུ་བྱོན་པ་ལ་སེམས་མི་གཡོ་མཉམ་པར་བཞག་པ་སོགས་བསྟན་ཅིང་། མཐར་ཡུམ་ཆེན་གྱི་པདྨའི་ཟེའུ་འབྲུར་བབ་པ་ནི་རྒྱུད་དེ་ཉིད་ལས། བར་དུ་དྷཱུ་ཏའི་རྡོ་རྗེ་པདྨ་ཡི། །གསང་བ་ག་བུར་རྩལ་ལ་ལུས་ལ་བསྲེལ། །གསང་བའི་རྟེན་ནི་ལྷན་ཅིག་བསྒྲུབ་པའི་ལྷ། །གསང་བའི་ཡེ་ཤེས་ཐིག་ལེ་ནག་པོར་བལྟ། །ཞེས་སོགས་ཀྱིས་བསྟན་པ་འཆད་དུ་ཡོད་ཅིང་། གཞན་ཡང་མགོན་པོའི་རྒྱུད་དུར་ཁྲོད་མཚོན་ཆ་འཁོར་ལོ་ལས། འཁོར་ལོ་རྣམ་པ་གསུམ་ཡིན་ཏེ། །གནས་པ་རྩ་ཡི་ཙཀྲ་དང་། །རྟེན་འབྲེལ་སྲིད་པའི་འཁོར་ལོ་དང་། །ལས་གྲུབ་སྔགས་ཀྱི་འཁོར་ལོའོ། །དང་པོ་བདེ་ཆེན་ལོངས་སྤྱོད་དང་། །ཆོས་དང་སྤྲུལ་པ་སྐྱེ་གནས་ལྔ། །གནས་ལུགས་ཆོས་སྐུའི་འཁོར་ལོའོ། །སེམས་ཀྱིས་དེ་རྟོགས་དེ་ཉིད་གྲོལ། །ཞེས་དང་། དངོས་གྲུབ་འབྱུང་རྒྱུད་ལས། །རྣམ་རྟོག་ཡེ་ཤེས་ལྔར་གྱུར་པར། །རྟག་ཏུ་བརྟེན་ཅིང་སྤྱད་པར་བྱ། །རྣམ་རྟོག་བག་ཆགས་ཀྱིས་བཅིངས་པ། །རྟོག་པ་དག་པའི་ཐབས་མཆོག་ལྡན། །རྣམ་རྟོག་རང་བཞིན་ཡོངས་ཤེས་ནི། །དེ་ཉིད་རྟག་ཏུ་མེད་པ་སྟེ། །བདེ་བ་ཆེན་པོ་ཡང་དག་འབྱུང་། །ཞེས་སོགས་ཀྱིས་སྣང་སྲིད་ཀྱི་ཆོས་ཐམས་ཅད་འཁོར་ལོ་གསུམ་དུ་དྲིལ་ནས་སྦྱངས་གཞི་སྦྱོང་བྱེད་ཀྱི་ལམ་གྱི་རིམ་པས་སྦྱངས་འབྲས་མངོན་དུ་གྱུར་པ་ཡང་དག་པར་བསྟན་པའོ། །གསུམ་པ་འབྲས་རྒྱུད་ནི། དེའང་རྩ་རླུང་ཐིག་ལེའི་གཙོ་བོ་རྣམས་དབང་དུ་བྱས་པས་འཁོར་ལོ་སོ་སོར་རླུང་སེམས་དྭངས་མ་སྟོབས་སུ་གྱུར་པས་རྩ་ཡི་མདུད་པ་འགྲོལ། །ཕྱི་ཡི་གནས་དང་ནང་གི་ས་ལམ་བསྒྲོད། མཐར་སྙིང་དབུས་སྦས་པའི་རྩ་ལྔ་སྤྱི་གཙུག་ཏུ་ཐིམ་པ་ལས་མཆོག་གི་རྡོ་རྗེ་འཛིན་པའི་ས་མངོན་དུ་གྱུར་ཏེ། ཨོ༷ཾ་ནི་སྐུ་ལྔ་ཡེ་ཤེས་ལྔ་དང་། མ༷་ཧཱ༷་གཟུགས་སྐུའི་མཐར་ཐུག་མཚན་དཔེས་བརྒྱན་པའི་ལོངས་སྐུ་ཆེན་པོ། ཀཱ༷་ལ༷་ནི་ཆོས་སྐུ་མི་འགྱུར་བ་ནག་པོ་ཆེན་པོ། ཧཱུ༷ྃ་ནི་སྤྲུལ་པའི་སྐུས་མཐའ་གཉིས་ལ་མ་ཆགས་ཤིང་རྟོག་པ་དང་བྲལ་བ། ཕ྄༷ཊ་ཀྱིས་ནི་ཕྲིན་ལས་ཆེན་པོས་སྲིད་པའི་འཁོར་ལོ་དང་ཞི་བའི་འཁོར་ལོ་བཅད་ནས་བྱང་ཆུབ་ཆེན་པོ་མངོན་པར་མཐར་ཕྱིན་པ་སྟེ། སྐུ་གསུམ་དབྱེར་མེད་པའི་རྡོ་རྗེའི་སྐུར་མངོན་པར་བྱང་ཆུབ་པ་ཁ་སྦྱོར་ཡན་ལག་བདུན་ལྡན་གྱི་འབྲས་བུའི་རྩེ་མོར་སོན་པའོ། །གུར་ལས། ཕྱག་རྒྱའི་དངོས་གྲུབ་དངོས་གྲུབ་ཆེ། དངོས་གྲུབ་ཀུན་གྱི་སྤྱོད་ཡུལ་མིན། །ཞེས་སོགས་མང་དུ་གསུངས་པའོ། །ཡང་རྒྱུད་བཤད་ཐབས་ཀྱི་མན་ངག་ལས་སྤྱི་ཡི་དོན་ལྟར་ན། ལུས་ངག་ཡིད་གསུམ་འདི་མ་རིག་བག་ཆགས་ཀྱི་རྒྱུས་བསྐྱེད་པས་ན། དེ་སྤང་བསྒྱུར་ལམ་ཁྱེར་གྱིས་གཉེན་པོ་བསྟེན་པའི་མཆོག་བླ་ན་མེད་པའི་བྱང་ཆུབ་ཀྱི་སེམས་ཆེན་པོ་ཀུན་རྫོབ་དང་དོན་དམ་པའི་བདག་ཉིད་ཅན་དེ་ངེས་པར་བརྟེན་པས་ལས་ཉོན་ནག་པོའི་དྲི་མ་ཐམས་ཅད་ཟད་པར་བྱེད་ཅིང་དཀར་པོའི་ཡོན་ཏན་ཐམས་ཅད་རྫོགས་པ་དང་། ཁྱད་པར་ཆོས་ཀྱི་དབྱིངས་རང་བཞིན་བརྗོད་བྲལ་དེ་ལ་རྟག་ཏུ་འཇོག་ཅིང་གོམས་པ་བརྟན་པས་གནས་གྱུར་གྱི་ཡེ་ཤེས་ཡོན་ཏན་ཐམས་ཅད་རྫོགས་ནས་མི་སློབ་པའི་ས་མངོན་དུ་བྱའོ། །དོན་འདི་ནི། ཐེག་པ་ཆེན་པོའི་མདོ་དང་། ཤིང་རྟ་ཆེན་པོ་ཀླུ་སྒྲུབ་དང་། ཐོགས་མེད་སོགས་ཀྱི་གཞུང་ལྟར་ཤེས་པར་བྱ་ཞིང་། དངོས་གྲུབ་འབྱུང་རྒྱུད་ལས་ཀྱང་། །སྙིང་པོའི་འབྲས་བུ་མཐར་ཐུག་དེ། །གང་དུ་ཐོགས་མེད་རྡོ་རྗེ་ཡི། །སྙིང་པོ་ཟག་པ་མེད་པའི་དོན། །ཡང་དག་ཡེ་ཤེས་སྣང་བའོ། །ཞེས་དང་། སྟོབས་ནི་ཆོས་རྣམས་ཐམས་ཅད་ལ། །སྒྱུ་མ་ལྟ་བུ་ཤེས་པ་དང་། །ཡང་དག་བདེན་པའི་སྟོབས་ཀྱིས་ནི། །རང་བཞིན་མེད་པར་རྟོགས་པས་འབྱུང་། །ཞེས་ཟབ་མོ་བརྒྱད་ལྡན་གྱིས་ཆོས་དབྱིངས་སྐྱེ་མེད་དོན་གྱི་མགོན་པོ་རང་རིག་པའི་ཡེ་ཤེས་ཀྱིས་མངོན་སུམ་དུ་རྟོགས་པ་ལས་འབྱུང་བ་ཡིན་པའི་ཚུལ་ཁོང་དུ་ཆུད་པར་བྱའོ། །སྦས་དོན་ནི་གོང་དུ་ཅི་རིགས་བཤད་པའོ། །འཆད་བྱེད་ཡན་ལག་གི་དོན་ནི། ཨོ༷ཾ་སྐུ་ཡི་མགོན་པོ། མ༷་ཧཱ༷་ཆོས་ཀྱི་དུང་སྟེ་སྒྲ་ཆེན་ལྡན་ཞེས་པས་གསུང་གི་མགོན་པོ། ཀཱ༷་ལ༷་ཐུགས་ཀྱི་མགོན་པོ། ཧཱུྃ་ཡོ༷ན་ཏན་གྱི་མགོན་པོ། ཕ྄༷ཊ྄་ཕྲིན་ལས་ཀྱི་མགོན་པོ། དེ་ཐམས་ཅད་ཐུགས་རིག་ལ་འདུ་བས་གྲི་གུག་ཅན་གུར་གྱི་མགོན་པོ་ཤིན་ཏུ་ཟབ་བརྒྱུད་དང་མན་ངག་གི་ངེས་པས་ཚད་མ་བཞི་ལྡན་དུ་བཤད་པའོ། །གཞན་ཡང་ལས་བཞིའི་མགོན་པོ་ནས་ལས་དེ་དང་དེ་སྒྲུབ་པས་ཨོ༷ཾ་གྱིས་ཞི་བ། མ༷་ཧཱ༷ས་རྒྱས་པ། ཀཱ༷་ལ༷ས་དབང་། ཧཱུ༷ྃ་ཕ྄༷ཊ་ཀྱིས་དྲག་པོའི་ལས་སྒྲུབ་པ་བསྟེན་ཏོ། །ཡི་གེའི་དོན་ནི། ཨོ༷ཾ་ནི་བཀྲ་ཤིས་དང་དཔལ་སོགས་ལ་འཇུག་སྟེ། རྡོ་རྗེ་རྩེ་མོ་ལས། ཨོཾ་ནི་ཅི་ཞིག་ཡིན་པར་བཤད། །མཆོག་དང་ནོར་སྟེར་དཔལ་དང་གཡང་། །སྐལ་བཟང་རྣམ་པ་དང་ལྡན་ཞིང་། །དམ་བཅའ་བ་དང་བཀྲ་ཤིས་དོན། །ནོར་བུ་འཛིན་པའི་སྙིང་པོ་ཡིན། །ཞེས་སོ། །མ༷་ཧཱ༷་ནི་ཆེན་པོ། ཀཱ༷་ལ༷་ནི་ནག་པོ། ཧཱུྃ་ནི༷་སྡུག་བསྔལ་འཆོས་པ་སོགས་ཀྱི་དོན་ཏེ། རྩེ་མོར། ཧཱུྃ་ནི་ཅི་ཞིག་ཡིན་པར་བརྗོད། །དུཿཁ་འཆོས་ཤིང་འཇིགས་བྱེད་དང་། །སྲིད་པའི་ཞགས་པ་འཇོམས་པར་བྱེད། །གདུག་པ་སྡངས་ཞིང་གསོད་བྱེད་པ། །ཧཱུྃ་ནི་མཆོག་ཏུ་དྲན་པར་བྱ། །ཞེས་སོ། །ཕཊྲ་ནི་གཅོད་པ་སོགས་ཀྱི་དོན་ཏེ། །སྡིག་དང་དུཿཁ་འཇོམས་པར་བྱེད། །བདེ་བ་དག་ནི་འགུགས་པར་བྱེད། །ཕཊྲ་ནི་འཇོམས་བྱེད་སྒྲ་ཡིན་ཏེ། །གྲོགས་དང་བཅས་པ་འཇོམས་པར་བྱེད། །ཅེས་སོ། །མཐར་ཐུག་གི་དོན་ནི་འབྲས་བུའི་སྐབས་སུ་བཤད་ཟིན་ཏོ། །དེའང་སྤྱིར་རྒྱུད་ཀྱི་དོན་འཆད་པ་ལ། ཚིག་ཟིན་ཙམ་བཤད་པ་ཐད་སོའི་བཤད་པ་དང་། ཚིག་གཅིག་ཀྱང་བཤད་བྱ་སྤྱི་སྦས་མཐར་ཐུག་གསུམ་དུ། འཆད་བྱེད་ཡན་ལག་ཡི་གེ་བསྡུས་དོན་གྱིས་འཆད་པ་ཡིད་བཞིན་གྱི་ནོར་བུ་ལྟ་བུར་བཤད་པ་གཉིས་ལས། སྔ་མ་ནི་རྒྱ་གར་གྱི་པཎྜི་ཏ་ཕལ་ཆེར་བཞེད་ལ། ཕྱི་མ་ནི་ཡེ་ཤེས་ཀྱི་མཁའ་འགྲོ་བདག་མེད་མས་རྗེས་སུ་བཟུང་བའི་གྲུབ་པའི་དབང་ཕྱུག་འཇིགས་བྲལ་དཔལ་ལྡན་ཆོས་སྐྱོང་གིས། དཔལ་བརྩེ་བ་ཆེན་པོ་ལ་སྩལ་བའི་མན་ངག་ཐུན་མོང་མ་ཡིན་པ་སྟེ། རྗེ་བཙུན་གོང་མའི་རྒྱུད་འགྲེལ་གྱི་གསུང་རབ་སྤྱི་དང་། འཇམ་པའི་དབྱངས་ས་སྐྱ་པཎྜི་ཏའི་ཨཥྚའི་བཞི་བཤད་སོགས་ལས་རྒྱ་ཆེར་འབྱུང་བའི་ཟབ་དོན་གྱི་བཤད་པ་འདིའི་ཁུངས་ཡིན་ནོ། །དཔལ་རྡོ་རྗེ་ནག་པོའི་ཟབ་མོའི་སྔགས་ཀྱི་དོན་བཤད་པ་རེ་ཞིག་རྫོགས་སོ། །དེ་ལྟར་རྡོ་རྗེ་ནག་པོ་ཆེན་པོ་གུར་གྱི་མགོན་པོ་མལ་ལུགས་རྗེ་བཙུན་ས་སྐྱ་པའི་སྙན་བརྒྱུད་གདུང་བརྒྱུད་རིམ་པར་ཆིག་བརྒྱུད་དུ་བྱོན་པའི་ཟབ་ཁྲིད་འདི་རྣམས་མགོན་པོ་འདི་ཉིད་དངོས་སུ་བསྟན་པའི་འཕགས་པ་མཁའ་འགྲོ་མ་རྡོ་རྗེ་གུར་གྱི་རྒྱུད་ལས། དེ་ནས་རྡོ་རྗེ་འཛིན་པ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ནག་པོ་ཆེན་པོ་འདི་ཉིད་རབ་ཏུ་ཕྱུང་ངོ་། །ཞེས་པ་སྤྱི་དོན་ལྟར་ན། རྡོ་རྗེ་འཛིན་པའི་རྒྱུད་གསུངས་པའི་སྟོན་པ། དེའི་སྐུ་གསུང་ཐུགས་ལས་བསྟན་པ་སྤྱི་དང་། བྱེ་བྲག་རྒྱུད་འདི་གསུངས་པའི་ཕྱིར་ནག་པོ་ཆེན་པོ་འཇིགས་རུང་ཞལ་ཕྱག་གི་རྣམ་པ་ཅན་སྤྲོས་ཏེ། ཕྱི་སྒྲུབ་རྣམས་བསྟན། །སྦས་དོན་རྡོ་རྗེ་འཛིན་པ་ནི་ཁམས་དྲུག་ལྡན་གྱི་སྒྲུབ་པ་པོ། རྩ་གསུམ་ཁམས་དཀར་དམར་དང་དེ་གཉིས་འདྲེས་པ། རླུང་ལྡང་འཇུག་གནས་གསུམ་དང་བཅས་པ་སྐུ་གསུང་ཐུགས་རྡོ་རྗེ། དེར་གནད་དུ་བསྣུན་པས་ཕྱི་ནང་གི་དྲེགས་པ་རྒྱུད་གསུམ་དབང་དུ་བྱེད་པ་ནང་སྒྲུབ། མཐར་ཐུག་གི་དོན་དུ། རྡོ་རྗེ་འཛིན་པ་ཁམས་དྲུག་ལྡན་གྱི་སྒྲུབ་བོ། །སེམས་གསལ་སྟོང་ཟུང་འཇུག་རྡོ་རྗེ་གསུམ། དེར་གནད་དུ་བསྣུན་པ་ལ་གསང་སྒྲུབ་བསྟན་པ་ཡིན་ཅེས་རྒྱུད་དོན་གཟིགས་པ་ཆེན་པོ་རྣམས་ཀྱིས་གསུངས་སོ། །གཞན་སྡེའི་མཁས་པ་འགའ་ཞིག་གི་གཎྜི་ཕྱག་གཉིས་ཀྱི་དབུས་ན་འཛིན་པ་ཁུངས་མེད་ཅེས་སྨྲ་བ་ནི། དངོས་གྲུབ་འབྱུང་བའི་རྒྱུད་ཨ་བྷ་ཡ་ཀ་ར་དང་། ཁེའུ་སྒང་འཁོར་ལོ་ཀྲགས་ཀྱིས་འགྱུར་ལས། གཎྜི་འཛིན་པའི་ཁྲོ་བོ་ཆེ། །མ་རུང་ཀླད་པ་འགེམ་པར་བྱེད། །ཅེས་གསལ་བར་བསྟན་པ་དང་། དེ་ལྟར་མགོན་པོ་ནག་པོ་ཆེན་པོ་འདི་ཡི་ལས་ཐམས་ཅད་ཀྱང་དམ་ཚིག་རྣམ་པར་དག་པ་དང་། བསྟན་པ་དང་སེམས་ཅན་གྱི་དོན་འབའ་ཞིག་ལས། རང་འདོད་ཀྱི་འཁྲི་བ་མེད་པས་སྒྲུབ་པར་བྱས་ན་འགྲུབ་པར་འགྱུར་ཏེ། དངོས་འབྱུང་རྒྱུད་ལས། དུས་རྣམ་ཀུན་ཏུ་ཞེ་སྡང་གི །རྣམ་པ་ཀུན་ཏུ་གཞས་མི་བྱ། །ཡུལ་མིན་པ་ནི་བསད་བྱ་ན། །རྣལ་འབྱོར་དམ་ཚིག་ལས་ཉམས་ཕྱིར། །གྲུབ་པ་ནམ་ཡང་ཡོད་མི་སྲིད། ཁྱད་པར་ཡེ་ཤེས་བླ་མེད་པ། །དམ་ཚིག་མགོན་པོའི་སྒྲུབ་པ་ཡི། །དམ་ཚིག་འདི་ནི་རྨད་པོ་ཆེ། །བདེ་བར་གཤེགས་པས་མཐར་ཕྱིན་མཛད། ཅེས་བཀའ་སྩལ་བ་ལྟར་དམ་ཚིག་རྣམས་མིག་གི་འབྲས་བུ་ལྟར་བཙའ་བས་སྒྲུབ་ན། ད་ལྟ་སྙིགས་མ་རྩོད་པ་རྒྱས་པའི་དུས་འདིར་ནག་པོ་ཆེན་པོ་སྒྲུབ་པའི་དུས་ཡིན་པའང་། དངོས་གྲུབ་འབྱུང་བའི་རྒྱུད་ལས། རྩོད་པའི་དུས་ཀྱི་རིམ་པ་ལ། །བཅོམ་ལྡན་ཚེ་ལོ་བརྒྱ་པའི་དུས། །དེ་ཡི་བསྟན་པའི་སྙིགས་མ་ཡི། །ལྔ་བརྒྱ་ཐ་མའི་དུས་ཀྱི་མཐར། །ཤིན་ཏུ་གདུག་ཅིང་རྩུབ་པ་ཡི། །མི་བསྲུན་པ་ཡི་དུས་ཀྱི་ཚེ། །དེ་ཚེ་མགོན་པོས་བསྟན་པ་འབྱུང་། །ཞེས་དང་། ཤེས་རབ་སྙིང་རྗེ་ཟུང་འཇུག་པ། །ཏིང་འཛིན་གང་དུ་སྒོམ་གྱུར་པ། །བླ་མེད་དཀོན་མཆོག་བསྟན་པ་སྟེ། །རྒོལ་བ་ངན་བ་བཟློག་པར་མཛད། །སྐུ་གསུམ་ཡེ་ཤེས་ལྔ་ལྡན་པ། །གསང་བ་གཅིག་པུ་སྒྲུབ་པར་བྱ། །ཞེས་འབྱུང་བས་བསྟན་པ་རིན་པོ་ཆེ་ཐུགས་དབུས་འཆངས་བ་དང་། བྱང་ཆུབ་ཀྱི་གོ་འཕང་དོན་དུ་གཉེར་བ་རྣམས་ཀྱི་རྡོ་རྗེ་ནག་པོ་ཆེན་པོའི་བསྐྱེད་རྫོགས་ལ་བརྩོན་པར་བྱ་བར་རིགས་སོ། །སླར་སྨྲས་པ། རྡོ་རྗེ་འཛིན་པའི་དྲིན་གྱི་ལེགས་མྱོངས་ཤིང་། །ངོ་མཚར་བཤད་ཐབས་སྲོག་གི་ཏི་ཀའི་འགྲེལ། །རྡོ་རྗེའི་ཚིག་གི་མདུད་གྲོལ་ཉུང་ངུ་འདི། །རང་གི་རྟོགས་དོན་གོམ་པར་བྱ་ཕྱིར་བྲིས། །ཉེས་འགལ་མཆིས་ན་བླ་མ་ནག་པོར་བཤགས། །དགེ་བ་ཀུནྡ་ལྟར་དཀར་གང་ཐོབ་པ། །བསྟན་དང་འགྲོ་ལ་ཡོངས་སུ་བསྔོས་པ་ཡི། །རྡོ་རྗེ་འཛིན་པའི་གོ་འཕང་ཐོབ་པར་ཤོག། །ཅེས་པའང་ནག་པོ་ཆེན་པོའི་རྣལ་འབྱོར་ལ་མོས་པ་ལམ་དུ་བྱེད་པ་དྷརྨ་མ་ཏིས་མེ་གླང་ཟླ་༥བའི་ཚེས་༦ལ་རྗེ་བཙུན་གོང་མའི་གསུང་གི་སྣང་བ་ལ་བརྟེན་ནས་སྦྱར་བ་དགེའོ། །མངྒ་ལཾ།། །།

[edit]

@#/__/dpal nag po chen po'i nye snying gi bshad pa nag po srog gi thugs tig bzhugs so/__/ gu h+ya/__/mgon po'i snying po yi ge bdun ma'i bshad pa nag po srog gi thugs tig bzhugs so/__/dpal rdo rje 'dzin la phyag 'tshal lo/__/chos dbyings dag pa'i thugs ni nam mkha' ltar yangs shing /__/rngams shing brjid pa'i gsung ni 'brug stong dus cig ldir/__/'jigs rung sgeg pa'i sku ni srin po khros pa'i gzugs/__/bla ma rdo rje nag po chen po tshangs gnas rgyab du mchod/__/nag po'i srog gi snying po la/__/'chad thabs man ngag gis bshad pa/__/rgyud kyi snying po rnams 'grel ba/__/nyung ngu'i tshig gi dbye bar bya/__/de la 'dir gsang sngags zab mo'i rgyud kyi srung ma rdo rje nag po chen po'i srog sngags snying po 'di 'chad pa la gsum/__rgyu rgyud/__thabs rgyud/__'bras rgyud gsum la sbyar ba'o/__/dang po rgyu rgyud ni/__/o~XM yig rdo rje gsum dang ye shes lnga ldan gyi don gyi rang bzhin te/__mgon po dngos grub 'byung ba'i rgyud las/__/phung po khams dang skye mched dang /__/'byung ba bzhi la sogs pa rnams/__/thams cad gdod nas dag pa yis/__/ye shes chen pos byin brlabs kyis/__/dngos po du ma gsal bar snang /__/ye shes med par skye mi 'gyur/__/zhes pa ltar/__snang srid thams cad ye shes chen po'i byin brlabs las rang byung rang shar ba'i don las mi 'da' yang /__de ltar ma rtogs pas dug lnga'i dbang gis nyon mongs par gyur pas 'khor ba bskyed cing /__de'i rtsa ba ma rig pa chen po dang /__de'i rtsal rgyas pas nyon mongs pa'i tshogs ji snyed kyis bskyed pa'i rnam shes tshogs brgyad phung khams skye mched dbang yul dang bcas pa byung ba la bdag tu rtog pas gzung 'dzin gyis las bsags pa'i bag chags sems kyi snang bas 'gro ba drug gi 'khor ba'i 'khor lo rten 'brel lugs 'byung 'di 'byung zhing /__ma~X hA~X zhes pas chen po ste/__de'i rtsa ba khu rdul rlung gsum gyi sgrib pa lhan skyes ma rig pa ni 'khor gzhi'i srid rtsa chen po dang /__kA~X la~X nag po ste ye shes kyi don rtogs su mi ster ba'i mun pa las kyang mun nag chen po gnas lugs ye shes dang gshed du gyur pa/__spangs bar dka' ba'i rang bzhin de'i rtsa bar gyur pa ni/__kun gzhi ste/__de ni ma bsgrib lung ma bstan 'khor 'das gnyis kyi phyogs su ma ltung ba dang /__de'i gsal cha'i rig pa ni kun gzhi'i rnam shes te thabs kyi zin ma zin gyis 'khor 'das gang rung gi phyogs su gcod par byed pas phaTa? ces pa'o/__/ji skad du/__brtag gnyis las/__sems can rnams ni sangs rgyas nyid/__/'on kyang glo bur dri mas bsgribs/__/de bsal na ni sangs rgyas nyid/__/ces so/__/gnyis pa lus thabs rgyud la/__dbang dang lam gnyis/__o~XM ni a u mA gsum 'dus pas sku gsum thugs gsum dril gyi sa bon ste/__de'i rdo rjes lus dang ngag dang dkyil 'khor gyi rang bzhin ngo bo nyid kyi rdzogs pa ste/__dngos grub 'byung rgyud las/__dkyil 'khor la 'di lus nyid yin/__/gzhan du lha dang dkyil 'khor ni/__/btsal yang rnyed par mi 'gyur zhes/__/'dren pa dpa' bos rab tu gsungs/__/zhes rang gi rdo rje'i lus skyon med pa'i rten dkyil 'khor bzhi ye nas dag pa la/__ma dag glo bura~X gyi dri ma gtor zhing 'khrud pa'i ched du dkyil 'khor la brten pa'i smin byed dbang bzhi'i rim pa dang /__rjes gnang gi rim pa ste/__o~XM ni brda sor mo lnga mnan gyis mtshon pa'i bum dbang /__gsang dbang ni ma~X hA~X zhes yab yum gyi bdud rtsi chen po/__kA~X la~X ni sher dbang gis rtog pa thams cad dbyings su sdud pa'i thugs zab cing gting dpag dka' ba'i dal la shes rab stong chen phyag rgya'i lam/__ye shes des shin tu gnag pa'i mun klong der dngos po gang yang mi snang ba ltar bde ba chen po dang /__de'i ye shes kyi snang ba der 'dzin bcas sdud pa dang /__hU~M ni~X ye shes rdo rje kun la khyab pa'i bzhi pa'i dbang /__gzung 'dzin gnyis med kyi 'od gsal ye shes shin tu rnam par dag pa dang /__pha?XT ces der thag gcod la bzla bar byed pa'i dbang ste/__de ltar dbang bzhi po dkyil 'khor bzhi la bskur bas/__rtsa rlung yi ge thig le'i 'gros bzhi thim/__sgrib bzhi byang /__sku bzhi mngon du gyur pa'i sa bon thebs te/__ji skad du/__gur le'u bdun pa las/__bum pa'i dbang ni dang po ste/__gnyis pa la ni gsang ba'i dbang /__/gsum pa shes rab ye shes te/__/ji ltar lus ni de bzhin gshegs/__/zhes so/__/gnyis pa la/__bskyed dang rdzogs pa'o/__/dang po ni/__o~XM ni sku rdo rje'i rnal 'byor/__gsung bzlas pa/__thugs rdo rje nang dang gsang ba'i rdzogs rim ste/__sku rdo rje'i sngon 'gro tshogs bsags pa/__dngos gzhi phyi nang gi srung 'khor bsgom pa'i nang yan lag bzhi'i lha rdzogs pa/__bsrung bya sba ba/__sku gsung thugs mi 'gyur ba/__slar yang bsrung ba'i mdel kha bsgom pa rnams so/__/ji skad du/__brtag gnyis las/__/bskyed pa'i rim pa'i rnal 'byor gyis/__/brtul zhugs can gyi spros pa bsgom/__/zhes so/__/de'ang 'di skabs su sbyangs gzhi sbyongs byed kyi zab gnad thun mong ma yin pa cung zad bkrol na 'dod chags ni rtog pa phra zhib mang bas thun min spro bsdu'i mkhar du bzhugs pa dang /__zhes sdang ni shin tu sra brtan bar chod par dka' bas stong nyid rdo rje'i mkhar gzhug/__gti mug ni snang mched kyi mtha' ru mtshan nyid ji bzhin 'byung bas thod pa nyi zla'i mkhar du gzhug/__rlung yang dar 'dus shing rtsa yig rnams kyang re zhig thim pa dang mtshungs shing mi g.yo bas dbyangs gsal gyis sdom pa dang /__chos nyid kyis bcad pas ni nga rgyal sbyangs/__dregs pa thams cad kyis srog dbang du bya zhing 'gran zla med pa'i che ba'i nga rgyal brten pa dang /__nga rgyal de'ang gsal ngar dang ldan kyang snang ba dang yal ba phyogs mtshungs pas chos nyid kyi ngang du thim zhing nyon mongs gzhan las myur ba'o/__/phrag dog ni 'khor 'das lam gsum gyi legs byas la phrag pa dogs shing /__dug gsum dang 'brel ba de rgyu khu rdul rlung gsum ste/__de bcad pas/__khams gsum g.yul du bcad pa dang /__log lta ni lta ba ngan pa'i tsher ma rno ba gzings pa de bcad pa la mtshon cha'i gur khang dang /__the tshom ni kun tu rtog pa'i drwa ba sna tshogs pas chos nyid kyi don la nges shes ma 'drongs shing thag ma chod pa de la sngags kyi gur khang ni sna tshogs ma nges pa 'phro yang don gcig tu zlum zhing spros pa'i drwa zur med pa'o/__/de dag gi lhan skyes phra bltar mi mngon pa ni bsgom pa dang bris pa'i 'khor lo jag par bkye bas 'joms pa ste/__chos kyi 'khor los de dag 'joms pa'o/__/'di dag ni rje btsun rin po ches/__bskyed pa sngon 'gro rten dang bskyed chog dang /__kha dog phyag mtshan rnam 'gyur yan lag bcas/__/re re'ang 'khor 'das dbyer med rang bzhin du/__/legs par brtse ba'i bsam pas bshad par bya/__/zhes dang /__brtag gnyis las/__ji ltar phyi rol de bzhin nang /__zhes dang /__gang phyir yid kyi rnam bsgom pa/__/'gro ba thams cad bsgom par bya/__/bsgom pa nyid ni sgom pa min/__/brtan dang g.yo ba'i dngos po gang /__/rtsa lcugs 'khri shing la sogs pa/__/bdag gi bsgom pa'i rang bzhin las/__/dam pa'i zhes sogs gsungs pa ltar/__lus la tshang zhing /__de'ang rtsa ba sems la tshang ba'i phyir snang ba'i srung ba'i 'khor lo sogs ji snyed sgom pa thams cad gzhi lam 'bras gsum dbyer med du de nyid nges bsgom bya/__lto sbyor ba'i gnad do/__/gzhan phyi yi srung 'khor/__dur khrod/__lha sngags kyi sbyangs gzhi sbyong byed sbyangs 'bras rnams rgyud gzhung ltar ro/__/gsung bzlas pa la/__khrag mtsho khol ma'i rgyud las/__/snying dbus srog gnas mi shigs pa/__/rtse mor gyur pa kun bskyed gzhi/__/mtshan nas brjod pa thun mongs ba/__/de ni bde ba ming tsam yin/__/gsang ba thun mongs ma yin pa/__/myur du bskul pa las byed 'gyur/__/yang snying gsang chen rang dbang med/__/len zhing 'dzin pas don grub pa'o/__/phrin las bskul byed drag sngags ni/__/brjod pas thog dang glang chen bzhin/__/gar gtad rgyugs cing 'jom par byed/__/bsnyen sgrub las sbyor gyi sngags dang /__khyad par du dngos 'byung rgyud las/__/gcig las du ma'i ngo bo can/__/'jig rten pa dang ye shes che/__/mi 'gyur ba dang dkrugs pa dang /__/las rnams byed pa'i srog gyur pa'o/__/gsang sngags 'khor lo 'di dag ni/__/bye brag rnal 'byor pas bshad bya/__/ces gsungs pa'i/__mi 'gyur ba'i srog/__gnas pa'i srog/__gdags pa'am ming srog ni dgug pa'i srog/__'dren srog gam srog sngags ni las byed kyi srog rnams bsnyen pa nye bsnyen rbod rbad bsad sngags sogs so sor yod kyang /__yang snying rtsa ba'i sngags yi ge bdun pa 'dir 'dus shing /__de yang yi ge bdun ma/__bcu gcig ma/__rtsa sngags dang gsum phyi nang thams cad kyis bzlas pas gdon bgegs log par 'dren pa sngags dang 'khor los bsregs shing sbyangs ba thugs kyi rdzogs rim bskyed pa la ltos na bskyed pas bsdus pa'i rdzogs pa dang /__zab mo'i rdzogs pa la ltos na rdzogs pas bsdus pa'i bskyed par 'gro zhing /__dregs pa rgyud gsum/__snying gar zhe sdang gi gzhi thabs pho rgyud kyi ngo bo brag rdzong dang /__lte ba ni srid pa bskyed pa dang khu khrag 'dzin pa'i gzhir shes rab mo rgyud chos 'byung khrag mtsho bcas/__thabs shes sbyor bas gnyis med rgyud/__snod bcud sbyangs gzhi rten rgya gram/__brten pa ye shes mgon po thabs shes gnyis med hU~M gi rnam par shar ba'i drag po'i mes phyi nang gi phung khams rtog pa dbang yul 'dzin pa dang bcas sbyong zhing /__mthar snang ba thams cad nA da phra ba'i dbyings su sdud pa ste/__rtsa rgyud le'u dang por/__lte bar gtum mo 'bar ba yis/__/de bzhin gshegs pa lnga bsregs shing /__/zhes sogs rdzogs rim ston pa'i gzhung rnams kyi zab gnad gcig tu bsdus pa'o/__/bskyed pa'i rim pa gtso bor gyur pa'i zab mo 'di dag gis skye gnas bzhi gcig char sbyang ba dang /__chos kyi phung po brgyad khri dang /__/bzhi stong gi ni cho ga yang /__/lus kyi de nyid mi shes pas/__/de dag thams cad 'bras med gsungs/__/zhes rdo rje'i lus kyi rtsa thig rlung gsum la gnad du bsnun tshul ma shes na dal ba don med du 'gyur bar gsungs pa ste/__de'ang lha bskyed pas yan lag bzhi rdzogs kyi bar mngal skyes te/__dang po'i gzhi e yig chos 'byung las skye ba'o/__/de nas bsrung bya sba ba/__go cha bkod pas ni sgong skyes/__nang gi brag rdzong mas drod gsher skyes/__gsang ba sems nyid ye shes kyi rtsal 'don pas ni brdzus skyes/__bsrung bzlog ni de thams cad kyi yan lag/__yang /__dang po lhar bskyed pa sogs ni sad pa/__bsrung sba sogs ni rmi lam/__nang gi brag rdzongs ni gnyid 'thug/__gsang ba ni snyoms 'jug gi sgrib pa sbyong ba dang /__yang dang po lhar bskyed pas rtsa sku/__bsrung sba sogs kyi ngag yi genang gis thig le/__bzhi pas ni rlung gi 'gros thim nas sku bzhi thob pa sogs dang /__mdor na sgo gsum dag par bya zhing khams gsum sbyangs pa sku gsum gyi gzhi smin cing grol ba byed pa'o/__/maX hAX ni chen po ste gsang ba sems nyid rdo rje sngon po'i lte bar chos kyi 'khor lo chen po shin tu gsal zhing /__de las thams cad rgyas pas gser 'khor lte ba/__kAX laX hU~M naXg po cha lnga pa'i rang bzhin des/__dug lnga'i sa bon dang bdud bzhi gtor zhing /__yang hU~M niX ye shes lnga yi byin bsdu bas rtsal 'don te/__pha?XT ces de las gdod nas rnam par dag pa'i ye shes sgrib bral der 'khor 'das kyi rtogs tshogs gcod pa yin te/__brtag gnyis las/__/de nyid lhan cig skyes pa'i gzugs/__/bde ba chen po'i rnal 'byor ma/__/de nyid dkyil 'khor 'khor lo dang /__/ye shes lnga yi rang bzhin can/__zhes sogs kyi nyams su len pa'o/__/'di la'ang phyi nang gsang ba'i bar chad zhi ba/__shes rab dang tshe rgyas pa/__mchog sgrub pa'i zab gnad shin tu mang ngo /__/gnyis pa ni/__oXM ni 'khor lo lnga la brtan kyang der rlung sems 'du zhing ye shes skye rung ba'o/__/maX hAX ni chen po ste rtsa yi chen mo gsum dang rlung thig dbyer med pa der thabs mchog ri bong 'dzin pa'i bla ma yi dam dbyer med pa dang /__lte 'og tsaN+Da lI ni yum chen e ka dza Ti'i rnam par bzhugs pa dang /__rtsa so sor dregs pa rgyud gsum bskyed nas/__de rnams kyi srog gi yang tig blangs ba dang /__dbang sdud dang byin dbab cing phan tshun gzigs res dang /__sngags kyi 'od zer bde ba chen pos bskul bas dpyid thig zhal sbyor gyis bde ba chen po'i ye shes sgrub pas phyi nang gzhan gsum dbyer med bde ba chen por shar ba dang /__mthar las rlung dang dkar dmar thig le'i 'phro 'du pho rgyud mo rgyud gnyis med rgyud kyi gzugs su shar ba rnams las mkhan nas rim gyis bsdus nas/__bla ma he ru ka rgyud gsum thams cad 'dus pa'i ngo bo las/__thabs kyi ye shes hU~M maXthing nag gis shes rab stong chen gyi phyag rgya chen mo yum chen gyi spyi gtsug 'bigs nas kak+ko la'i ze'u 'brur zhugs pas ni dregs pa'i gsang ba'i rten chen po dper na sha rul la sbrang ma 'du ba bzhin rgyud gsum thams cad der ngang gis 'du zhing bstim pas/__kAX laX ste yum chen phyag rgya ral gcig nag mo/__shrIX raXng byung bla ma he ru ka nag po'i thugs rgyud gsum 'dus pa'i ngo bo yum chen sku yi mun pa nag po nas b+ha ga shin tu zab pa'i stong chen der zhugs pa'o/__/rtsa rgyud dang po'i brgyad pa/__nga las 'gro ba thams cad 'byung /__/nga las gnas gsum po'ang byung /__/nga yis 'di kun khyab pa ste/__/'gro ba'i rang bzhin gzhan ma mthong /__/zhes dang /__dngos 'byung rgyud las/__gangs kyi thig pa bdud rtsi'i chu/__/me tog mdangs gsal snying po yi/__/ge sar ze'u 'bru ldan pa la/__/'dabs rgyas ye shes nyi shar bas/__/rang grol mdangs 'bar rab tu rgyus/__/zhes dang /__rtag tu snying la gnas pa yi/__/thig le gcig la 'gyur med pa/__/de sgom byed pa'i skye bo la/__/nges par ye shes skye bar 'gyur/__/zhes sogs kyi don no/__/hU~M niX de lta'i lam mngon du byas pas/__nges par gsal stong zung 'jug spros bral blo 'das gdod ma'i gshis lugs gnyug ma don gyi mgon po dngos su snang ba la/__de'ang dpe dang /__mthar don gyi ye shes skye'o/__/pha?XT ces pas ye shes rdzogs pa'i rim pas snang gsum 'pho ba'i mtshan rtog bag chags dang bcas pa slar mi skye ba'i rang bzhin can du byas pa dang /__rdo rje gur gyi rgyud las/__de nas bcom ldan 'das rdo rje 'dzin pa chen po nyid kyi sku dang gsung thugs rdo rje las 'di rab tu byung ngo /__/zhes gsungs pa spyi don ltar bshad na/__rgyu rdo rje 'dzin pa'i sku gsung thugs las nag po chen po phyung ba dngos bstan dang /__gsang ba'i sbas don ltar na bcom ldan 'das rdo rje 'dzin pa ni khams drug ldan gyi rkyang ma sku/__ro ma gsung /__dbu ma thugs kyi rdo rje/__de'i nang na gnas pa'i dkar cha sku/__dmar cha gsung /__khu khrag 'dres pa thugs/__rlung 'byung 'jug gnas gsum sku gsung thugs/__de dag dregs pa rgyud gsum gyi ngo bo yin par shes pas gnad du bsnun na nang gi rgyud gsum dbang du 'du zhing /__mthar thug ltar bshad na/__bcom ldan rdo rje 'dzin ni/__rang sems gsal gdangs 'gags med 'char ba sku/__de yi rang bzhin gang du'ang ma grub pa'i stong nyid gsung /__dbyer med zung 'jug brjod bral blo 'das thugs rdo rje ste/__de la gnad du bsnun pas chos nyid bde chen gyi mgon po 'grub pa'o/__/de'ang mtshon par bya ba nges don don dam gyi mgon po skye 'gro thams cad la khyab par bzhugs shing /__de'ang dbyings rang bzhin gyis rnam par dag pa mtshan rtog gi spros pa nye bar zhi ba'i bdag nyid gzung 'dzin gyi rdul thams cad zad pa shin tu rnam par dag pa rang bzhin 'od gsal chos kyi sku skye 'gags gnas pa 'gro 'ong thams cad kyis gdod nas stong pa chen po ste/__mgon po mngon 'byung gi rgyud las/__de kho na gsang ba'i brag rdzong zhes pa ni mtshungs pa rgyun du 'gro ba'i sems rjes su gnas pa'i rang bzhin yid la mi byed pa gang la 'phel ba de dngos po med pa'o zhes yid dpyod las 'das par bstan pa'o/__/mgon po mngon 'byung las/__gzhan yang mnyam par sbyor bas rje btsun rtogs te mchog tu zab pa la mnyam par sbyor na rang bzhin bde ba mchog tu 'gyur ba skye bos/__bde ba thob par byed pa ni sems ma yin zhing /__sems las byung ba'ang ma yin na dngos po med pa yang rtogs pa dang mi ldan pa blun po col chung mchog tu zab pa gang gis ma shes pa'i mi des/__gnyis su med pa'i ye shes tshig tsam du yang dran par mi bya'o/__/zhes blo 'das kyi ye shes dang /__mtshon byed rtags kyi mgon po lam dus su smin byed kyis gzhir gnas kyi lhan skyes mgon po ngo sprad pa de nyid lam dus su bzhin lag khro bo'i rnam pa can gyi skur shar ba bskyed pa dang /__rdzogs pa'i rim pa khyad par can gyis rtsa rlung thig le shin tu dag par byed pa'i thabs kyi dbyings stong chen gyi rang gdangs bde ba chen po mchog tu rdzogs par byed pa ste/__bde stong zung 'jug gi ye shes kyi mgon po nag po chen po'i sku bsgrubs pas ring por mi thogs pa gzhi 'bras dbyer med kyi bcu gsum rdo rje 'dzin pa'i mgon po nag po chen po mngon du gyur pa ste/__mgon po me lce phreng ba'i rgyud las/__gzhan yang lta ba'i rim pa ni/__/phyi nang chos kun ngos bzung bral/__/yod dang med pa'i phyogs bral cing /__/gnyis ka gnyis med mtha' dang bral/__/dbus chen bya bar mi rtog phyed/__/kun byang bla dwags dngos med la/__/mtshan ma med pa gdod nas stong /__/spang med kun chub ye dag pa/__/spros pa med pa 'dus ma byas/__/phyogs cha kun dang ye nas bral/__/de ltar ye nas lta ba yin/__/ye nas de ltar gnas bzhin du/__/de ltar ma rtogs logs brtags pas/__/gnyis pa zung mthar rtag logs shes/__/bstan pa rnam gsum rgyas mdzad nas/__/'gro ba 'dul zhing don byed la/__/bstan pa 'jig par byed pa yi/__/bgegs dang 'byung po dgra yi rigs/__/'dul phyir sprul pa khro tshul can/__/sangs rgyas bstan pa'i mgon mdzad cing /__/bdud kyi rigs la sdang bas nag/__des phyir bstan pa bsrung bas legs/__/bsrung tshul legs par ldan pas ldan/__/nyon mongs ris la gnod pas nag/__de phyir mgon nag legs ldan nag/__ces gsungs shing /__de'ang man ngag zab mo nang rdo rje'i lus kyi rtsa rlung la gnad du bsnun pas nges don gyi mgon po mngon du byed pa'i thabs khyad par 'phags pa 'di rnams bla med kyi rgyud sde gzhan gyi rdzogs rim gyis rgyas 'geb ma yin cing /__rdo rje 'chang nas rtsa ba'i bla ma'i bar snyan nas snyan du brgyud ba kho na dang /__mgon po'i rgyud las kyang dngos dang shugs kyis bstan pas grub thob brgyud pa'i man ngag gis phye ba yin te/__mgon po mngon 'byung las/__rtsa rnams thams cad kyi nang nas ni rgyal po a wa d+hU ti'i rtsa'o/__/gang gi gsang ba'i brag rdzong sems mnyam par bzhag pa las de la bde ba ster bar 'gyur ro/__/zhes dang /__gsum 'dres pa rnal 'byor dang ldan pa'i slob dpon byang chub sems dpa' chen po gnas pa ste rang 'dod spangs pa la yang dag par spyod pa ni a wa d+hA ti dang /__la la nA dang /__ra sa nA rnams 'dus par bya'o/__/rtsa drug cu rtsa bzhi bstan par gyur pa'i nus ba rtsis pa ni/__la la nA shes rab kyi rang bzhin can du shes pa'o/__/ra sa nA khams bde ba'i rang bzhin can tshod shes pa'o/__/a wa d+hU ti ni bde ba chen po'i rang bzhin can shes pa'o/__/zhes dang /__steng 'og yang dag par mnan te/__lte ba'i dbus su zla ba bsgoms na/__zla ba drug gis nges par 'grub par 'gyur ro/__/sna'i bug pa bkag ste thig le bsgom na nyin zhag nyi shu rtsa gcig gis 'grub par 'gyur ro/__/lce steng du bkug na rgas pa dang shi ba las grol bar 'gyur ro/__/dgang ba dang /__dbyung ba dang /__bum pa can rim pa ji lta bar dran par byas na zla ba phyed kyis mkha' spyod 'grub par 'gyur ro/__/rlung gis yid bsad pa la zla ba'i sbyor ba bya ba ni/__sngags kyi sbyor ba rnam par byed pas skad cig tsam gyis kyang 'phrog ste lag pa rab tu bcag par bya'o/__/zhes dang /__gzhan yang nam yid ches pa'i dus su/__mkhas pas rgyu ba'i rtsa gnyis mnan par bya zhing /__shin tu dga' ba la sogs pa la nye bar gnas nas/__shes bya thams cad lte ba'i dkyil 'khor du mnan na 'gro ba rnams kyi bde bar the tshom med par thob pa ni nang gi brag rdzong yul rnams ye shes kyi mes bsregs nas sgyu ma snang ba'o/__/ma 'ongs pa'i dus na 'ang 'gro ba rnams kyi shin tu yongs su dag pa dri ma med pa bsam du med pa'i zhing bzang por skye bar 'gyur ro/__/rnal 'byor 'dis 'o ma 'thungs na lbu ba ltar dri ma med par 'gyur ro/__rlung phyir 'don cing dag par byas na dge ba bsam pa 'grub par 'gyur ro/__/zhes sogs kyis nang khrid dang /__gsang khrid kyi rdzogs rim rnams shin tu gsal bar bstan cing rgyud 'di rnams dang zhib tu sbyar bar btub kyang re zhig dbu ma'i dbyings su bzhag go__/khyad par du rdzogs rim gyi mthar thug gsang rten lus sba yang /__me lce 'bar ba'i rgyud las/__dpal dang ldan pa'i mkha' 'gro ma/__/gdod nas ma skyes gzung 'dzin yul dang bral/__/nga dang bdag 'dzin mtshan ma'i rtog pa bcom/__/don dam kun rdzob dbye ba med pa yi/__/gnyis med chos kyi dbyings su dbyer med pa'i/__/stong nyid chos sku nam mkha'i ye shes lnga/__/sprul pa'i mtshan ma lha mo'i phyag rgyar snang /__/mkha' la 'ja' 'dra rang bzhin ga la yod/__/ces lte ba'i dbyings phyug yum chen nyid 'di'i rdzogs rim gyi spro gzhir gyur pa dang /__yang de nyid las/__rang rig rtsal gyi rlung g.yos te/__/rlung gi thig le ye shes mes/__/rdo rje gsang bas sa bon bskul/__/rtog med gsang ba'i thig le rtsal/__/mi bskyod mnyam pa'i sems gtad na/__/mar me'i rtse mo lta bur brtan/__/gnas pa'i rtsa yi nam mkha' la/__/srog 'dren thig le goms pa'i tshe/__/brtan dang g.yo ba'i dngos po kun/__/bden gnyis byang chub don gsal nas/__/dwangs ba'i chu la gzugs brnyan bzhin/__/rgyal ba'i dgongs pa rang la 'char/__/zhes snying ga'i stod gyi bla ma mi bskyod pa chos 'khor dbus su byon pa la sems mi g.yo mnyam par bzhag pa sogs bstan cing /__mthar yum chen gyi pad+ma'i ze'u 'brur bab pa ni rgyud de nyid las/__bar du d+hU ta'i rdo rje pad+ma yi/__/gsang ba ga bur rtsal la lus la bsrel/__/gsang ba'i rten ni lhan cig bsgrub pa'i lha/__/gsang ba'i ye shes thig le nag por blta/__/zhes sogs kyis bstan pa 'chad du yod cing /__gzhan yang mgon po'i rgyud dur khrod mtshon cha 'khor lo las/__'khor lo rnam pa gsum yin te/__/gnas pa rtsa yi tsakra dang /__/rten 'brel srid pa'i 'khor lo dang /__/las grub sngags kyi 'khor lo'o/__/dang po bde chen longs spyod dang /__/chos dang sprul pa skye gnas lnga/__/gnas lugs chos sku'i 'khor lo'o/__/sems kyis de rtogs de nyid grol/__/zhes dang /__dngos grub 'byung rgyud las/__/rnam rtog ye shes lngar gyur par/__/rtag tu brten cing spyad par bya/__/rnam rtog bag chags kyis bcings pa/__/rtog pa dag pa'i thabs mchog ldan/__/rnam rtog rang bzhin yongs shes ni/__/de nyid rtag tu med pa ste/__/bde ba chen po yang dag 'byung /__/zhes sogs kyis snang srid kyi chos thams cad 'khor lo gsum du dril nas sbyangs gzhi sbyong byed kyi lam gyi rim pas sbyangs 'bras mngon du gyur pa yang dag par bstan pa'o/__/gsum pa 'bras rgyud ni/__de'ang rtsa rlung thig le'i gtso bo rnams dbang du byas pas 'khor lo so sor rlung sems dwangs ma stobs su gyur pas rtsa yi mdud pa 'grol/__/phyi yi gnas dang nang gi sa lam bsgrod/__mthar snying dbus sbas pa'i rtsa lnga spyi gtsug tu thim pa las mchog gi rdo rje 'dzin pa'i sa mngon du gyur te/__oXM ni sku lnga ye shes lnga dang /__maX hAX gzugs sku'i mthar thug mtshan dpes brgyan pa'i longs sku chen po/__kAX laX ni chos sku mi 'gyur ba nag po chen po/__hUX~M ni sprul pa'i skus mtha' gnyis la ma chags shing rtog pa dang bral ba/__pha?XT kyis ni phrin las chen pos srid pa'i 'khor lo dang zhi ba'i 'khor lo bcad nas byang chub chen po mngon par mthar phyin pa ste/__sku gsum dbyer med pa'i rdo rje'i skur mngon par byang chub pa kha sbyor yan lag bdun ldan gyi 'bras bu'i rtse mor son pa'o/__/gur las/__phyag rgya'i dngos grub dngos grub che/__dngos grub kun gyi spyod yul min/__/zhes sogs mang du gsungs pa'o/__/yang rgyud bshad thabs kyi man ngag las spyi yi don ltar na/__lus ngag yid gsum 'di ma rig bag chags kyi rgyus bskyed pas na/__de spang bsgyur lam khyer gyis gnyen po bsten pa'i mchog bla na med pa'i byang chub kyi sems chen po kun rdzob dang don dam pa'i bdag nyid can de nges par brten pas las nyon nag po'i dri ma thams cad zad par byed cing dkar po'i yon tan thams cad rdzogs pa dang /__khyad par chos kyi dbyings rang bzhin brjod bral de la rtag tu 'jog cing goms pa brtan pas gnas gyur gyi ye shes yon tan thams cad rdzogs nas mi slob pa'i sa mngon du bya'o/__/don 'di ni/__theg pa chen po'i mdo dang /__shing rta chen po klu sgrub dang /__thogs med sogs kyi gzhung ltar shes par bya zhing /__dngos grub 'byung rgyud las kyang /__/snying po'i 'bras bu mthar thug de/__/gang du thogs med rdo rje yi/__/snying po zag pa med pa'i don/__/yang dag ye shes snang ba'o/__/zhes dang /__stobs ni chos rnams thams cad la/__/sgyu ma lta bu shes pa dang /__/yang dag bden pa'i stobs kyis ni/__/rang bzhin med par rtogs pas 'byung /__/zhes zab mo brgyad ldan gyis chos dbyings skye med don gyi mgon po rang rig pa'i ye shes kyis mngon sum du rtogs pa las 'byung ba yin pa'i tshul khong du chud par bya'o/__/sbas don ni gong du ci rigs bshad pa'o/__/'chad byed yan lag gi don ni/__oXM sku yi mgon po/__maX hAX chos kyi dung ste sgra chen ldan zhes pas gsung gi mgon po/__kAX laX thugs kyi mgon po/__hU~M yoXn tan gyi mgon po/__pha?XTa? phrin las kyi mgon po/__de thams cad thugs rig la 'du bas gri gug can gur gyi mgon po shin tu zab brgyud dang man ngag gi nges pas tshad ma bzhi ldan du bshad pa'o/__/gzhan yang las bzhi'i mgon po nas las de dang de sgrub pas oXM gyis zhi ba/__maX hAXs rgyas pa/__kAX laXs dbang /__hUX~M pha?XT kyis drag po'i las sgrub pa bsten to/__/yi ge'i don ni/__oXM ni bkra shis dang dpal sogs la 'jug ste/__rdo rje rtse mo las/__oM ni ci zhig yin par bshad/__/mchog dang nor ster dpal dang g.yang /__/skal bzang rnam pa dang ldan zhing /__/dam bca' ba dang bkra shis don/__/nor bu 'dzin pa'i snying po yin/__/zhes so/__/maX hAX ni chen po/__kAX laX ni nag po/__hU~M niX sdug bsngal 'chos pa sogs kyi don te/__rtse mor/__hU~M ni ci zhig yin par brjod/__/duHkha 'chos shing 'jigs byed dang /__/srid pa'i zhags pa 'joms par byed/__/gdug pa sdangs zhing gsod byed pa/__/hU~M ni mchog tu dran par bya/__/zhes so/__/phaT+ra ni gcod pa sogs kyi don te/__/sdig dang duHkha 'joms par byed/__/bde ba dag ni 'gugs par byed/__/phaT+ra ni 'joms byed sgra yin te/__/grogs dang bcas pa 'joms par byed/__/ces so/__/mthar thug gi don ni 'bras bu'i skabs su bshad zin to/__/de'ang spyir rgyud kyi don 'chad pa la/__tshig zin tsam bshad pa thad so'i bshad pa dang /__tshig gcig kyang bshad bya spyi sbas mthar thug gsum du/__'chad byed yan lag yi ge bsdus don gyis 'chad pa yid bzhin gyi nor bu lta bur bshad pa gnyis las/__snga ma ni rgya gar gyi paN+Di ta phal cher bzhed la/__phyi ma ni ye shes kyi mkha' 'gro bdag med mas rjes su bzung ba'i grub pa'i dbang phyug 'jigs bral dpal ldan chos skyong gis/__dpal brtse ba chen po la stsal ba'i man ngag thun mong ma yin pa ste/__rje btsun gong ma'i rgyud 'grel gyi gsung rab spyi dang /__'jam pa'i dbyangs sa skya paN+Di ta'i aSh+Ta'i bzhi bshad sogs las rgya cher 'byung ba'i zab don gyi bshad pa 'di'i khungs yin no/__/dpal rdo rje nag po'i zab mo'i sngags kyi don bshad pa re zhig rdzogs so/__/de ltar rdo rje nag po chen po gur gyi mgon po mal lugs rje btsun sa skya pa'i snyan brgyud gdung brgyud rim par chig brgyud du byon pa'i zab khrid 'di rnams mgon po 'di nyid dngos su bstan pa'i 'phags pa mkha' 'gro ma rdo rje gur gyi rgyud las/__de nas rdo rje 'dzin pa nyid kyi sku dang gsung dang thugs rdo rje las nag po chen po 'di nyid rab tu phyung ngo /__/zhes pa spyi don ltar na/__rdo rje 'dzin pa'i rgyud gsungs pa'i ston pa/__de'i sku gsung thugs las bstan pa spyi dang /__bye brag rgyud 'di gsungs pa'i phyir nag po chen po 'jigs rung zhal phyag gi rnam pa can spros te/__phyi sgrub rnams bstan/__/sbas don rdo rje 'dzin pa ni khams drug ldan gyi sgrub pa po/__rtsa gsum khams dkar dmar dang de gnyis 'dres pa/__rlung ldang 'jug gnas gsum dang bcas pa sku gsung thugs rdo rje/__der gnad du bsnun pas phyi nang gi dregs pa rgyud gsum dbang du byed pa nang sgrub/__mthar thug gi don du/__rdo rje 'dzin pa khams drug ldan gyi sgrub bo/__/sems gsal stong zung 'jug rdo rje gsum/__der gnad du bsnun pa la gsang sgrub bstan pa yin ces rgyud don gzigs pa chen po rnams kyis gsungs so/__/gzhan sde'i mkhas pa 'ga' zhig gi gaN+Di phyag gnyis kyi dbus na 'dzin pa khungs med ces smra ba ni/__dngos grub 'byung ba'i rgyud a b+ha ya ka ra dang /__khe'u sgang 'khor lo krags kyis 'gyur las/__gaN+Di 'dzin pa'i khro bo che/__/ma rung klad pa 'gem par byed/__/ces gsal bar bstan pa dang /__de ltar mgon po nag po chen po 'di yi las thams cad kyang dam tshig rnam par dag pa dang /__bstan pa dang sems can gyi don 'ba' zhig las/__rang 'dod kyi 'khri ba med pas sgrub par byas na 'grub par 'gyur te/__dngos 'byung rgyud las/__dus rnam kun tu zhe sdang gi__/rnam pa kun tu gzhas mi bya/__/yul min pa ni bsad bya na/__/rnal 'byor dam tshig las nyams phyir/__/grub pa nam yang yod mi srid/__khyad par ye shes bla med pa/__/dam tshig mgon po'i sgrub pa yi/__/dam tshig 'di ni rmad po che/__/bde bar gshegs pas mthar phyin mdzad/__ces bka' stsal ba ltar dam tshig rnams mig gi 'bras bu ltar btsa' bas sgrub na/__da lta snyigs ma rtsod pa rgyas pa'i dus 'dir nag po chen po sgrub pa'i dus yin pa'ang /__dngos grub 'byung ba'i rgyud las/__rtsod pa'i dus kyi rim pa la/__/bcom ldan tshe lo brgya pa'i dus/__/de yi bstan pa'i snyigs ma yi/__/lnga brgya tha ma'i dus kyi mthar/__/shin tu gdug cing rtsub pa yi/__/mi bsrun pa yi dus kyi tshe/__/de tshe mgon pos bstan pa 'byung /__/zhes dang /__shes rab snying rje zung 'jug pa/__/ting 'dzin gang du sgom gyur pa/__/bla med dkon mchog bstan pa ste/__/rgol ba ngan ba bzlog par mdzad/__/sku gsum ye shes lnga ldan pa/__/gsang ba gcig pu sgrub par bya/__/zhes 'byung bas bstan pa rin po che thugs dbus 'changs ba dang /__byang chub kyi go 'phang don du gnyer ba rnams kyi rdo rje nag po chen po'i bskyed rdzogs la brtson par bya bar rigs so/__/slar smras pa/__rdo rje 'dzin pa'i drin gyi legs myongs shing /__/ngo mtshar bshad thabs srog gi ti ka'i 'grel/__/rdo rje'i tshig gi mdud grol nyung ngu 'di/__/rang gi rtogs don gom par bya phyir bris/__/nyes 'gal mchis na bla ma nag por bshags/__/dge ba kun+da ltar dkar gang thob pa/__/bstan dang 'gro la yongs su bsngos pa yi/__/rdo rje 'dzin pa'i go 'phang thob par shog/__/ces pa'ang nag po chen po'i rnal 'byor la mos pa lam du byed pa d+harma ma tis me glang zla 5ba'i tshes 6la rje btsun gong ma'i gsung gi snang ba la brten nas sbyar ba dge'o/__/mang+ga laM//___//