འབྲས་ལྗོངས་ཀྱི་རྒྱལ་རབས།

🚧 This website is under continued development. We appreciate your patience!

Previous Text Back to Volume PageNext Text

Wylie title	'bras ljongs kyi rgyal rabs
Location	chos kyi blo gros bka' 'bum Volume 4, Text 57, Pages 689-693 (Folios 1a1 to 3a4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. 'bras ljongs kyi rgyal rabs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 4: 689-693. Bir, H.P.: Khyentse Labrang, 2012.
Genre	Royal Genealogy - rgyal rabs
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/sikkim-genealogy
Colophon	ཞེས་རྗེ་ཆོས་ཀྱི་བློ་གྲོས་ལྗགས་རྩོམ་ཕྱག་བྲིས་ཕྱག་བསྟར་མ་ལས་ཞལ་བཤུས་པའོ།།
	zhes rje chos kyi blo gros ljags rtsom phyag bris phyag bstar ma las zhal bshus pa'o//_

1 Texts in this Section (sde tshan or chos tshan)

689-693	འབྲས་ལྗོངས་ཀྱི་རྒྱལ་རབས། 'bras ljongs kyi rgyal rabs Royal Genealogy - rgyal rabs	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

འབྲས་ལྗོངས་ཀྱི་རྒྱལ་རབས་ནི། ཤར་ཕྱོགས་ཟ་ཧོར་རྒྱལ་པོ་ཛ་ཞེས་ཨིཎྜ་བྷུ་ཏི་བར་པ་ལ། སྲས་ཤཱཀྱ་པུ་ཏྲི། ནཱ་ག་པུ་ཏྲི། གུ་ཧྱེ་པུ་ཏྲི་གསུམ་གྱི་ཆེ་བ་ཤཱཀྱ་པུ་ཏྲི་ནས་གདུང་རབ་གསུམ་ན་དྷརྨ་པཱ་ལ་ཞེས་པ་བྷངྒ་ལ་ནས་རྒྱ་ནག་ཏུ་བྱོན། ནག་གྲུ་ཕྱོགས་ཀྱི་བྷ་ཏ་ཧོར་གྱི་སྒོམ་གྲར་བཞུགས་པ་ལས་བརྒྱུད་དེ། དྷརྨ་པཱ་ལ་ཕྱི་མ་ཞིག་མཁན་སློབ་ཆོས་གསུམ་གྱི་དུས་མེ་ཉག་ནས་ཁྲིད་དེ་བསམ་ཡས་སུ་འབྱོར། དེ་ཡི་དཀོར་ཆའི་རྗེས་འབྲངས་རྒྱལ་པོ་ཤིང་བྱ་ཅན་བསམ་ཡས་ཀྱི་དཀོར་སྲུང་དུ་བཞག །དེ་ཡི་མི་བརྒྱུད་འཕྱོང་རྒྱས་སུ་ཡོད་པ་རྣམས་ཡིན། དེ་ལྟར་ལྷ་ཡི་གདུང་དེས་མེ་ཉག་ཏུ་རྒྱལ་རབ་ཉེར་ལྔ་བར་རྒྱལ་སྲིད་བསྐྱངས་བཞེས་དང་། རྒྱལ་རབས་ལྔ་ཟེར་བའང་ཡོད། འཇམ་དབྱངས་ས་པཎ་སྐབས་མཆོད་ཡོན་འབྲེལ་ཏེ་ས་པཎྜི་ཏས་གུར་དྲག་བསྒྲུབས་ཏེ་རྒྱལ་པོས་ཕྱག་ཐམ་སྡིག་པ་ཞིག་གཏེར་ནས་བཞེས་ཏེ་རྒྱལ་པོར་གནང་སྐད། དེ་རྗེས་རྒྱལ་པོ་ཞིག་ལ་གུར་དྲག་གིས་ལུང་བསྟན། འབྲས་ལྗོངས་སུ་སོང་གསུངས་པས་རྒྱལ་པོ་ཡབ་སྲས་འབངས་བཅོ་བརྒྱད་བཅས་ལྷ་ལྡན་ཇོ་ཤག་མཇལ། ཇོ་བོས་གསུང་འབྱོན། དེ་ནས་ས་སྐྱར་ཕེབས། ས་སྐྱའི་ལྷ་ཁང་ཆེན་མོའི་ཀ་ཆེན་རྣམས་སྲས་བསྒྲེས་པས་སློངས། ཆོས་འཕགས་ཀྱིས་ཁོངས་ལ་མི་འབུམ་གྱི་དོད་འདུག་འབུམ་བསགས་ཐོགས་གསུངས། ས་སྐྱའི་རྗེ་བཙུན་གུ་རུ་བཙུན་མོར་བཞེས། དེ་ནས་མར་ཕེབས་ཏེ་གམ་པ་རྫོང་གི་བྱང་སྤག་ཤིང་དགོན་བཞེངས། གྲྭ་བཞི་བརྒྱ་ཙམ། སྐུ་མཆེད་གཅིག་རབ་ཏུ་བྱུང་། དེ་ཡི་བླ་མར་བཞག །ཁོ་རང་ཕག་རིར་བཞུགས་ནས་བསམ་འགྲུབ་ལྷ་ཁང་སོགས་བཞེངས། ཡབ་གཤེགས། སྐུ་མཆེད་སེ་ཤིང་མཚན་སྟོང་། དཀར་འཚོགས་རྣམས་ལྷོ་ཕྱོགས་ཧཱ་ཟེར་བར་སོང་། གྱད་ཀྱིས་གྲོ་མོ་ཁར་ཆུང་དང་ཆུ་མོ་གཤོངས་ནས་བཙུན་མོ་ཆུ་འབིས་ཕེབས་ནས་གཟིམ་ཁང་བརྩིགས། འབྲུག་པའི་ངག་དབང་གྱད་པ་དཔལ་འབར་གྱིས་གྱད་འབུམ་ལ་འགྲན་པར་ཆས། གྱད་འབུམ་གྱིས་ཡུངས་དཀར་བྲེ་གསུམ་གྱི་སྣུམ་ལག་པས་བཙིར། གྱད་དཔལ་འབར་གྱིས་ཡུངས་ཀར་དེ་ཙམ་ཁྱེར་ཤོག་ཟེར་ནས་བཙིར་བས་སྣུམ་མ་ཐོན། གྱད་འབུམ་གྱིས་གྱད་རྡོ་ཞིག་གྲོ་མོ་ཆུའི་ཕར་ཀར་འཕངས། གྱད་དཔལ་འབར་གྱིས་གོམ་བདུན་ཙམ་འཕངས། གྱད་འབུམ་གྱི་ལག་གཡས་འབྲུག་གྱད་ཀྱིས་འཛིན་ཏེ་གཡུག་པ་ཁོས་ལག་ཤོར་སྟེ་གན་རྐྱལ་དུ་བརྡབ། འབྲུག་གྱད་ཀྱི་ལག་གཡས་གྱད་འབུམ་ནས་འཛིན་ཏེ་གཡུག་པ་སྤུང་སོག་ནས་བཀོག །གོམ་དྲུག་བདུན་ཙམ་ལ་འཕང་། ཁོའི་ལག་སོག་གྱད་འབུམ་གྱི་ཕྱག་ཏུ་ཡོད་པ་བསྟན། ཁོ་ངུར་སྒྲ་དང་བཅས་ཡུལ་དུ་ལོགས་སོང་། ཁོས་མ་སང་གི་མཐུ་བསྒྲུབ་པའང་། གྱད་འབུམ་ལྷ་འདྲེ་མི་གསུམ་ལ་དབང་བསྒྱུར་སྟབས་མ་སངས་མི་སྔོན། རྟ་སྔོན། ཁྱི་སྔོན་དུ་བྱས་ནས་གྱད་འབུམ་རྩར་བྱུང་། གྲུགས་ལྟ་མ་ནས། ང་ལ་མཆོད་འབུལ་ཞིག་ཞུ་ཞུས་པས། ང་ལ་མཆོད་སྦྱེད་མེད་གསུངས་པས། སྣོད་ཆེན་ཞིག་གི་ནང་དུ་ནས་དང་ཆུ་བླུགས་ནས་མཆོད་ཟེར། གཡག་གྭ་པ་རྙིང་དཀར་བསད་ནས་མཆོད། མ་སངས་གང་གི་མཆོད་མགོ་ཚུགས། ཆུ་འབིར་ལ་སྲས་མེད་པར་མོན་ནས་གུ་རུའི་སྤྲུལ་པ་ཐེ་ཀོང་། ཉོ་ཀོང་གཉིས། ཐེ་ཀོང་ལ་སྲས་གསུམ་འཁྲུངས། སྲས་ཆུང་བས་རྒྱལ་ས་མཛད། ས་སྐྱའི་སྲས་མོ་ཞིག་ཁབ་ཏུ་བཞེས། སྲས་ཞང་མོ་དར་ཚེས་བཅུ་དར། ཉི་མ་རྒྱལ་པོ། གུ་རུ་བཀྲ་ཤིས། གུར་བཀྲའི་སྲས་ཇོ་བོ་ནག་པོ། དེ་སྲས་ལ་ཕག །དེ་སྲས་གུ་རུ་བསྟན་འཛིན། དེ་སྲས་ཆོས་རྒྱལ་ཕུན་ཚོགས་རྣམ་རྒྱལ། ལྷ་བཙུན་ནམ་མཁའ་འཇིགས་མེད། མངའ་བདག་རིག་འཛིན་ཕུན་ཚོགས། ཀཿཐོག་པ་ཀུན་ཏུ་བཟང་པོ་གོང་ས་ལྔ་པ་ཆེན་པོ་རྣམས་བླ་མར་བསྟེན། ལྔ་པ་ཆེན་པོས་རྒྱལ་པོ་ཛའི་པྲོག་ཞུ་སོགས་གནང་། དེ་སྲས་བསྟན་སྲུང་རྣམ་རྒྱལ། དེ་ཡི་བཙུན་མོ་འབྲས་ལྗོངས་ནུབ་བྱང་རྟིང་སྐྱེས་རྫོངས་གི་ཉེ་འདབས་སྡེ་པ་ཟམ་གསར་བའི་སྲས་མོ་པདྨ་བུ་ཁྲིད་ཀྱི་སྲས་ཕྱག་རྡོར་རྣམ་རྒྱལ། ལྷ་བཙུན་གསུམ་པ་འཇིགས་མེད་དཔའ་བོ་སོགས་བསྟེན། ལྷ་ལྕམ་གློ་བོ་རྒྱལ་པོའི་སྲས་མོའི་བུ་ཆོས་རྒྱལ་འགྱུར་མེད་རྣམ་རྒྱལ། འདི་དུས་སྨིན་གླིང་མི་འགྱུར་དཔལ་འབྲས་ལྗོངས་སུ་བྲོས་སྐབས་མཆོད་ཡོན་དུ་གྱུར། སྐུ་མཆེད་མི་འགྱུར་སྒྲོལ་མ་བཙུན་མོར་བླངས་ཀྱང་མཐར་མ་འཁྱོལ་སྨིན་གླིང་དུ་ཕྱིར་ཕེབས། ཟམ་གསར་སྐྱིད་སྡེ་ཕུག་པའི་སྲས་མོ་མིག་བབ་སྐྱི་ལྕམ་དུ་བཞེས་པའི་སྲས། བསྟན་འཛིན་རྣམ་རྒྱལ། མཛོད་པ་གར་དབང་གི་བུ་མོ་ལྷ་ལྕམ་བཞེས་པའི་སྲས་ཆོས་རྒྱལ་གཙུག་ཕུད་རྣམ་རྒྱལ། འདིའི་སྐུ་རིང་གྲུབ་ཐོབ་དཀར་པོ་དང་། ཀརྨ་ཤེས་རབ་ཞེས་པ་བྱུང་འདུག །སྨོན་སྐྱིད་ལྷ་ལྕམ་སྲས་ཆོས་རྒྱལ་མཐུ་སྟོབས་རྣམ་རྒྱལ། ལྷ་མོའི་ལྷ་ལྕམ་དང་པོའི་སྲས་བླ་བྲང་སྐྱབས་མགོན་ཞེས་པ། འདི་སི་ཏུའི་དབོན་ཀརྨ་ངེས་ལེགས་བསྟན་འཛིན་སྐུ་སྐྱེ་ཀརྨ་རིན་ཆེན། དེའི་སྐུ་སྐྱེ་ལ་མོའི་ལྷ་ལྕམ་གཉིས་པའི་སྲས་སྲིད་སྐྱོངས་རྣམ་རྒྱལ། དེ་འོག་ལྷ་སྲུང་སྲིད་གསུམ་རྣམ་རྒྱལ། སྲིད་སྐྱོང་གི་མཚན་གཞན་ཀརྨ་སྒྲུབ་རྒྱུད་བསྟན་འཛིན་དར་རྒྱས་ལྷུན་གྲུབ་ངེས་དོན་དབང་པོ། ཀརྨ་པ་བཅུ་བཞི་པ་ལས་རབ་བྱུང་བསྒྲུབ། ཆོས་རྒྱལ་བརྒྱད་པ་མཐུ་སྟོབས་རྣམ་རྒྱལ། བཀྲས་ལྷུན་དཔལ་ལྡིང་ལྕམ་སྲས་གཙོ་དྲག་རྣམ་རྒྱལ་འཁྲུངས། འདི་ཁྲ་རིང་གཞིས་སུ་ཕེབས། སྐུ་མཆེད་སྲིད་སྐྱོངས་རྣམ་རྒྱལ་འབྲས་ལྗོངས་རྒྱལ་ཁྲི། ལྕམ་ལྷ་ལྡིངས་པའི་སྲས་མོ་ཡེ་ཤེས་སྒྲོན་མར་བཀྲ་ཤིས་རྣམ་རྒྱལ་ད་ལྟ་བཞུགས་པ་དང་། ལྕམ་སྲིང་ཆོས་ཉིད་དབང་མོ་ཀ་ལོན་སྦུག་ཏུ་བཞུགས། འདིའི་ལྕམ་ར་དཀར་གཤག་གི་ས་དབང་ལྕམ་སྲིང་ཀུན་བཟང་བདེ་ཆེན་ལ་སྲས་གསུམ། སྲས་མོ་གསུམ་ལས། སྒྲེས་པ་གནམ་གྲུར་དབུ་ཉེས། ད་ལྟ་འབྲིང་བ་དཔལ་ལྡན་དོན་གྲུབ་རྣམ་རྒྱལ། ཆུང་བ་འཇིགས་བྲལ་ཚེ་དབང་རྣམ་རྒྱལ་རྣམས་བྱོན་པའོ། །སྲས་མོ་ཆེ་བ་ཀོ་ཀོ་ལ་ཕུན་ཁང་དུ་བྱོན། འབྲིང་བ་ཀུའི་ལ་གཡུ་ཐོག་ཏུ་བྱོན། ཆུང་བ་ད་ལྟ་བཞུགས། ཡབ་མི་གཅིག་པའི་སྲས་མོ་ཕྲིན་ལས་དབང་མོ། ཞེས་རྗེ་ཆོས་ཀྱི་བློ་གྲོས་ལྗགས་རྩོམ་ཕྱག་བྲིས་ཕྱག་བསྟར་མ་ལས་ཞལ་བཤུས་པའོ།། །།

[edit]

'bras ljongs kyi rgyal rabs ni/__shar phyogs za hor rgyal po dza zhes iN+Da b+hu ti bar pa la/__sras shAkya pu tri/__nA ga pu tri/__gu h+ye pu tri gsum gyi che ba shAkya pu tri nas gdung rab gsum na d+harma pA la zhes pa b+hang+ga la nas rgya nag tu byon/__nag gru phyogs kyi b+ha ta hor gyi sgom grar bzhugs pa las brgyud de/__d+harma pA la phyi ma zhig mkhan slob chos gsum gyi dus me nyag nas khrid de bsam yas su 'byor/__de yi dkor cha'i rjes 'brangs rgyal po shing bya can bsam yas kyi dkor srung du bzhag__/de yi mi brgyud 'phyong rgyas su yod pa rnams yin/__de ltar lha yi gdung des me nyag tu rgyal rab nyer lnga bar rgyal srid bskyangs bzhes dang /__rgyal rabs lnga zer ba'ang yod/__'jam dbyangs sa paN skabs mchod yon 'brel te sa paN+Di tas gur drag bsgrubs te rgyal pos phyag tham sdig pa zhig gter nas bzhes te rgyal por gnang skad/__de rjes rgyal po zhig la gur drag gis lung bstan/__'bras ljongs su song gsungs pas rgyal po yab sras 'bangs bco brgyad bcas lha ldan jo shag mjal/__jo bos gsung 'byon/__de nas sa skyar phebs/__sa skya'i lha khang chen mo'i ka chen rnams sras bsgres pas slongs/__chos 'phags kyis khongs la mi 'bum gyi dod 'dug 'bum bsags thogs gsungs/__sa skya'i rje btsun gu ru btsun mor bzhes/__de nas mar phebs te gam pa rdzong gi byang spag shing dgon bzhengs/__grwa bzhi brgya tsam/__sku mched gcig rab tu byung /__de yi bla mar bzhag__/kho rang phag rir bzhugs nas bsam 'grub lha khang sogs bzhengs/__yab gshegs/__sku mched se shing mtshan stong /__dkar 'tshogs rnams lho phyogs hA zer bar song /__gyad kyis gro mo khar chung dang chu mo gshongs nas btsun mo chu 'bis phebs nas gzim khang brtsigs/__'brug pa'i ngag dbang gyad pa dpal 'bar gyis gyad 'bum la 'gran par chas/__gyad 'bum gyis yungs dkar bre gsum gyi snum lag pas btsir/__gyad dpal 'bar gyis yungs kar de tsam khyer shog zer nas btsir bas snum ma thon/__gyad 'bum gyis gyad rdo zhig gro mo chu'i phar kar 'phangs/__gyad dpal 'bar gyis gom bdun tsam 'phangs/__gyad 'bum gyi lag g.yas 'brug gyad kyis 'dzin te g.yug pa khos lag shor ste gan rkyal du brdab/__'brug gyad kyi lag g.yas gyad 'bum nas 'dzin te g.yug pa spung sog nas bkog__/gom drug bdun tsam la 'phang /__kho'i lag sog gyad 'bum gyi phyag tu yod pa bstan/__kho ngur sgra dang bcas yul du logs song /__khos ma sang gi mthu bsgrub pa'ang /__gyad 'bum lha 'dre mi gsum la dbang bsgyur stabs ma sangs mi sngon/__rta sngon/__khyi sngon du byas nas gyad 'bum rtsar byung /__grugs lta ma nas/__nga la mchod 'bul zhig zhu zhus pas/__nga la mchod sbyed med gsungs pas/__snod chen zhig gi nang du nas dang chu blugs nas mchod zer/__g.yag gwa pa rnying dkar bsad nas mchod/__ma sangs gang gi mchod mgo tshugs/__chu 'bir la sras med par mon nas gu ru'i sprul pa the kong /__nyo kong gnyis/__the kong la sras gsum 'khrungs/__sras chung bas rgyal sa mdzad/__sa skya'i sras mo zhig khab tu bzhes/__sras zhang mo dar tshes bcu dar/__nyi ma rgyal po/__gu ru bkra shis/__gur bkra'i sras jo bo nag po/__de sras la phag__/de sras gu ru bstan 'dzin/__de sras chos rgyal phun tshogs rnam rgyal/__lha btsun nam mkha' 'jigs med/__mnga' bdag rig 'dzin phun tshogs/__kaHthog pa kun tu bzang po gong sa lnga pa chen po rnams bla mar bsten/__lnga pa chen pos rgyal po dza'i prog zhu sogs gnang /__de sras bstan srung rnam rgyal/__de yi btsun mo 'bras ljongs nub byang rting skyes rdzongs gi nye 'dabs sde pa zam gsar ba'i sras mo pad+ma bu khrid kyi sras phyag rdor rnam rgyal/__lha btsun gsum pa 'jigs med dpa' bo sogs bsten/__lha lcam glo bo rgyal po'i sras mo'i bu chos rgyal 'gyur med rnam rgyal/__'di dus smin gling mi 'gyur dpal 'bras ljongs su bros skabs mchod yon du gyur/__sku mched mi 'gyur sgrol ma btsun mor blangs kyang mthar ma 'khyol smin gling du phyir phebs/__zam gsar skyid sde phug pa'i sras mo mig bab skyi lcam du bzhes pa'i sras/__bstan 'dzin rnam rgyal/__mdzod pa gar dbang gi bu mo lha lcam bzhes pa'i sras chos rgyal gtsug phud rnam rgyal/__'di'i sku ring grub thob dkar po dang /__karma shes rab zhes pa byung 'dug__/smon skyid lha lcam sras chos rgyal mthu stobs rnam rgyal/__lha mo'i lha lcam dang po'i sras bla brang skyabs mgon zhes pa/__'di si tu'i dbon karma nges legs bstan 'dzin sku skye karma rin chen/__de'i sku skye la mo'i lha lcam gnyis pa'i sras srid skyongs rnam rgyal/__de 'og lha srung srid gsum rnam rgyal/__srid skyong gi mtshan gzhan karma sgrub rgyud bstan 'dzin dar rgyas lhun grub nges don dbang po/__karma pa bcu bzhi pa las rab byung bsgrub/__chos rgyal brgyad pa mthu stobs rnam rgyal/__bkras lhun dpal lding lcam sras gtso drag rnam rgyal 'khrungs/__'di khra ring gzhis su phebs/__sku mched srid skyongs rnam rgyal 'bras ljongs rgyal khri/__lcam lha ldings pa'i sras mo ye shes sgron mar bkra shis rnam rgyal da lta bzhugs pa dang /__lcam sring chos nyid dbang mo ka lon sbug tu bzhugs/__'di'i lcam ra dkar gshag gi sa dbang lcam sring kun bzang bde chen la sras gsum/__sras mo gsum las/__sgres pa gnam grur dbu nyes/__da lta 'bring ba dpal ldan don grub rnam rgyal/__chung ba 'jigs bral tshe dbang rnam rgyal rnams byon pa'o/__/sras mo che ba ko ko la phun khang du byon/__'bring ba ku'i la g.yu thog tu byon/__chung ba da lta bzhugs/__yab mi gcig pa'i sras mo phrin las dbang mo/__zhes rje chos kyi blo gros ljags rtsom phyag bris phyag bstar ma las zhal bshus pa'o//____//