JKCL-KABUM-01-KA-003
| Wylie title | rigs dang dkyil 'khor rgya mtsho'i khyab bdag rje btsun bla ma 'jam dbyangs chos kyi blo gros ris med bstan pa'i rgyal mtshan gtsug lag lung rigs nyi ma smra ba'i seng+ge dpal bzang po'i rnam thar cha shas tsam brjod pa ngo mtshar yongs 'du'i dga' tshal |  |
|---|---|---|
| Location | chos kyi blo gros bka' 'bum Volume 1, Text 3, Pages 341-728 (Folios 1a to 194b4) | |
| Author | དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ | |
| Less details More details | ||
| Citation | Khyentse, Dilgo. rigs dang dkyil 'khor rgya mtsho'i khyab bdag rje btsun bla ma 'jam dbyangs chos kyi blo gros ris med bstan pa'i rgyal mtshan gtsug lag lung rigs nyi ma smra ba'i seng+ge dpal bzang po'i rnam thar cha shas tsam brjod pa ngo mtshar yongs 'du'i dga' tshal. In Rdzong sar mkhyen brtse 'jam dbyangs chos kyi blo gros kyi gsung 'bum, Vol 1: 341-728. Bir, H.P.: Khyentse Labrang, 2012. | |
| Genre | Biographies - Hagiography - rnam thar | |
| Colophon |
།ཅེས་ཕྱོགས་དུས་རྒྱལ་བ་སྲས་དང་བཅས་པ་རྣམས་ཀྱི་མཁྱེན་ནུས་བརྩེ་བའི་ཡེ་ཤེས་གཅིག་ཏུ་བསྡུས་པའིརང་གཟུགས་རྗེ་བཙུན་བརྟན་པའི་འཁོར་ལོ་ཉིད་གདོད་ནས་མངོན་སངས་རྒྱས་སུ་ཟིན་ཀྱང་། གདུལ་བྱའི་དོན་དུ་བྱང་སེམས་ས་བཅུའི་རྒྱུན་མཐའ་ལ་གནས་པའི་ཚུལ་གྱིས་འགྲོ་བའི་དོན་མཐའ་ཀླས་པར་རྟག་ཁྱབ་ལྷུན་གྲུབ་ཏུ་མཛད་ཅིང་། རྩོད་ལྡན་སྙིགས་མ་ལྔ་བདོའི་འགྲོ་ལ་ལྷག་པར་བརྩེ་བས་འཕགས་བོད་ཀྱི་ལྗོངས་རིས་བྲལ་བསྟན་འགྲོའི་མགོན་དུ་པཎ་གྲུབ་ཆོས་རྒྱལ་སྤྲུལ་པའི་གཏེར་སྟོན་མཁས་གྲུབ་དགེ་བའི་བཤེས་གཉེན་སོགས་བསྒྲང་ལས་འདས་པ་དུས་གསུམ་དུ་བྱོན་དང་འབྱོན་འགྱུར་ཇི་སྙེད་ཀྱི་ནང་གསེས་བདག་ཅག་གི་དཔལ་མགོན་བླ་མ་དམ་པ་རིགས་དཀྱིལ་རྒྱ་མཚོའི་ཁྱབ་བདག །ངེས་པ་དོན་གྱི་རྡོ་རྗེ་འཆང་བཀའ་དྲིན་སུམ་ལྡན་མཚན་བརྗོད་པར་དཀའ་བ་དོན་གྱི་སླད་དུ་མཚན་ནས་སྨོས་ན་༧འཇམ་དབྱངས་ཆོས་ཀྱི་བློ་གྲོས་རིས་མེད་བསྟན་པའི་རྒྱལ་མཚན་དཔལ་བཟང་པོའི་ཕྱི་ནང་གསང་བའི་རྣམ་ཐར་འདས་རྗེས་དང་བཅས་པ་འདི་ནི། ༧སྐྱབས་རྗེ་འཇམ་མགོན་རྡོ་རྗེ་འཆང་དེ་ཉིད་ཀྱི་ཞབས་པད་མཉེས་པ་གསུམ་གྱིས་ཞབས་ཏོག་ཕུལ་དུ་སོན་པས་བསྒྲངས་བྱ་བཅུ་ཕྲག་དུ་མར་བརྟེན་ནས་གྲུབ་མཐའ་རིས་མེད་ཀྱི་ཟབ་རྒྱས་གདམས་པའི་བཅུད་མཐའ་དག་ཡོངས་སུ་རྫོགས་པ་དང་གསང་བ་གསུམ་གྱི་ཡོན་ཏན་བུམ་པ་གང་བྱོའི་ཚུལ་དུ་བཞེས་ཤིང་། དོན་ལ་རྗེ་ཉིད་དང་ཐུགས་རྒྱུད་དགོངས་ཀློང་གཅིག་ཅིང་ཐུགས་ཡིད་དབྱེར་མེད་དུ་འདྲེས་པའི་ཐུན་མིན་ཐུགས་ཀྱི་སྲས་༧མཁྱེན་སྤྲུལ་རིན་པོ་ཆེ་བཀྲ་ཤིས་དཔལ་འབྱོར་མཆོག་གིས་མཛད་པའི་ལེགས་གསུངས་རྨད་དུ་བྱུང་བ་ཉིད། ༧གོང་ས་ལྷ་མིའི་རྣམ་འདྲེན་སྐྱབས་མགོན་རྒྱལ་དབང་ཐམས་ཅད་མཁྱེན་གཟིགས་༧རྗེ་བཙུན་བློ་བཟང་བསྟན་འཛིན་རྒྱ་མཚོ་སྲིད་གསུམ་དབང་བསྒྱུར་མཚུངས་པ་མེད་པའི་སྡེའི་ཐུགས་རྗེ་ཕྲིན་ལས་ཀྱི་ཉི་གཞོན་གསར་པས་འཛམ་གླིང་སྤྱི་དང་ཁྱད་པར་བོད་དང་བོད་ཆེན་པོའི་ལྗོངས་ཀྱི་བསྟན་འགྲོ་མ་ལུས་པའི་ཕན་བདེའི་པད་ཚལ་བཞད་པའི་སྐལ་བཟང་གི་དུས་སྟོན་དབུ་བརྙེས་པའི་རབ་རྒྱལ་དོན་གྲུབ་ལོར་རྒྱང་རིང་མོ་ནས་གསོལ་བ་བཏབ་བཞིན་དེ་འཕྲལ་ཉིད་དུ་ལྷོ་འབྲུག་བདེ་ཆེན་ཆོས་གླིང་གི་རྒྱལ་ས་ནས་མཛད་པ་པོ་ཉིད་ཀྱིས་གུས་འབངས་སྐྱབས་འོག་པའི་དད་བརྒྱའི་གཙུག་ཏུ་གནང་བ་གུས་པས་མཇལ་ཞིང་དད་གདུང་བཟོད་མེད་འབར་བས་ཉེ་བར་ལེན་པའི་རྒྱུ་དང་། རྡོ་རྗེའི་མཆེད་པོ་ཆོས་སྤྱན་རབ་ཡངས་བླ་སྨན་མ་ཏི་སཱ་ག་ར་མཆོག་དང་། ལྷག་བསམ་སྙིང་སྟོབས་ལྷ་ལམ་ལྟར་ཡངས་པའི་དགེ་བསྙེན་རྡོ་རྗེ་འཛིན་པ་ཨཱ་ནནྡ་ཀརྨ་སཱ་ར། ཆོས་གྲོགས་དགེ་སློང་པྲ་ཛྙཱ་བྷ་དྲ། དགེ་བའི་བཤེས་གཉེན་མ་ཎི་བྷ་དྲ། དད་ལྡན་མངྒ་ལའི་མིང་ཅན་སོགས་ཀྱིས་མཐུན་རྐྱེན་ཅི་རིགས་སྦྱོར་བས་ལྷན་ཅིག་བྱེད་རྐྱེན་གྱིས་མཚམས་སྦྱར་ཏེ་རབ་རྒྱལ་ལྕགས་བྱ་ལོའི་རྒྱལ་བ་ལྷ་ལས་བབས་པའི་དུས་ཚེས༨་བཟང་པོར་སྡེ་བཞི་དགེ་བཅུའི་དཔལ་གྱིས་མངོན་པར་མཐོ་བའི་ཆོས་རྒྱལ་རིམ་བྱོན་གྱི་གདན་ས་ཆེན་པོ་མཁས་གྲུབ་སྐྱེས་ཆེན་དམ་པ་མང་པོས་ཞབས་ཀྱིས་བཅགས་ཤིང་བྱིན་གྱིས་བརླབས་ཏེ་ཆོས་ཀྱི་འཁོར་ལོ་བསྐོར་བའི་གནས། རྒྱབ་རི་སེང་གེ་གནམ་དུ་འཕྱོ་འདྲ། གཡས་རི་གཡུ་འབྲུག་གྱེན་དུ་བརྒྱུགས་འདྲ། གཡོན་རི་གླང་ཆེན་དཀར་པོ་འགྱིང་འདྲ། མདུན་རི་གཏེར་བུམ་ནོར་བུས་བཀང་འདྲ་སོགས། བཀྲ་ཤིས་པའི་རེ་ཁས་ཕྱོགས་མཚམས་ཀུན་ཁྱབ་པར་དཀྲིགས་པའི་མདོ་སྨད་ས་ཡི་ཐིག་ལེ་དཔལ་ལྡན་ལྷུན་གྲུབ་སྟེང་གི་དབང་ལྡན་མཚམས་དངུལ་ཕུ་བཀྲ་ཤིས་ཆོས་ལུང་གི་རང་གནས་སུ་ལེགས་པར་འདུ་བགྱིས་པའི་སྐབས། ཡོན་སྦྱོར་ཞུས་དག་སྤར་བྱང་སྨོན་ཚིག་བཅས་རྗེ་བླ་མ་བཀའ་དྲིན་མཚུངས་མེད་༧རྡོ་རྗེ་འཆང་གང་དེའི་བཀའ་འབངས་ཀྱི་གྲལ་མཐར་འཁོད་ཅིང་། ལུགས་གཉིས་ཀྱི་བཀའ་དྲིན་ཁོ་ནའི་ཞོ་ཤས་འཚོ་བའི་རྨོངས་བརྟུལ་གདོལ་སྤྱོད་པ་དཔེ་ཝར་སྤྲུལ་མིང་འཇམ་དབྱངས་བསོད་ནམས་དབང་པོའམ་བརྡ་སྤྲོད་ཀུན་བཤད་བཏགས་མིང་འཇམ་དཔལ་དགྱེས་པའི་མཁྱེན་རབ་རྨད་བྱུང་ལུང་རིགས་སྨྲ་བའི་སེང་གེ་ཞེས་ཡོངས་སུ་འབོད་པས་རྗེ་བླ་མ་དྲན་པའི་གདུང་ཤུགས་གུས་པ་ཆེན་པོས་དགའ་སྐྱོ་འདྲེས་མའི་ངང་བྲིས་པ་འདིས་ཀྱང་བསྟན་འགྲོའི་ཕན་བདེ་རྫོགས་ལྡན་གསར་པའི་དགེ་མཚན་ཕྱོགས་དུས་གནས་སྐབས་ཡུལ་དུས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པ་དང་། མཁའ་ཁྱབ་ཡིད་ཅན་རྒྱ་མཚོ་རང་རིག་བླ་མའི་རང་ཞལ་མྱུར་དུ་མཇལ་བའི་རྒྱུར་འགྱུར་བར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །སརྦ་དཱ་མངྒ་ལཾ་ཤུ་བྷཾ། | |
|
ces phyogs dus rgyal ba sras dang bcas pa rnams kyi mkhyen nus brtse ba'i ye shes gcig tu bsdus pa'irang gzugs rje btsun brtan pa'i 'khor lo nyid gdod nas mngon sangs rgyas su zin kyang /____gdul bya'i don du byang sems sa bcu'i rgyun mtha' la gnas pa'i tshul gyis 'gro ba'i don mtha' klas par rtag khyab lhun grub tu mdzad cing /____rtsod ldan snyigs ma lnga bdo'i 'gro la lhag par brtse bas 'phags bod kyi ljongs ris bral bstan 'gro'i mgon du paN grub chos rgyal sprul pa'i gter ston mkhas grub dge ba'i bshes gnyen sogs bsgrang las 'das pa dus gsum du byon dang 'byon 'gyur ji snyed kyi nang gses bdag cag gi dpal mgon bla ma dam pa rigs dkyil rgya mtsho'i khyab bdag_/nges pa don gyi rdo rje 'chang bka' drin sum ldan mtshan brjod par dka' ba don gyi slad du mtshan nas smos na 7'jam dbyangs chos kyi blo gros ris med bstan pa'i rgyal mtshan dpal bzang po'i phyi nang gsang ba'i rnam thar 'das rjes dang bcas pa 'di ni/__7skyabs rje 'jam mgon rdo rje 'chang de nyid kyi zhabs pad mnyes pa gsum gyis zhabs tog phul du son pas bsgrangs bya bcu phrag du mar brten nas grub mtha' ris med kyi zab rgyas gdams pa'i bcud mtha' dag yongs su rdzogs pa dang gsang ba gsum gyi yon tan bum pa gang byo'i tshul du bzhes shing /____don la rje nyid dang thugs rgyud dgongs klong gcig cing thugs yid dbyer med du 'dres pa'i thun min thugs kyi sras 7mkhyen sprul rin po che bkra shis dpal 'byor mchog gis mdzad pa'i legs gsungs rmad du byung ba nyid/__7gong sa lha mi'i rnam 'dren skyabs mgon rgyal dbang thams cad mkhyen gzigs 7rje btsun blo bzang bstan 'dzin rgya mtsho srid gsum dbang bsgyur mtshungs pa med pa'i sde'i thugs rje phrin las kyi nyi gzhon gsar pas 'dzam gling spyi dang khyad par bod dang bod chen po'i ljongs kyi bstan 'gro ma lus pa'i phan bde'i pad tshal bzhad pa'i skal bzang gi dus ston dbu brnyes pa'i rab rgyal don grub lor rgyang ring mo nas gsol ba btab bzhin de 'phral nyid du lho 'brug bde chen chos gling gi rgyal sa nas mdzad pa po nyid kyis gus 'bangs skyabs 'og pa'i dad brgya'i gtsug tu gnang ba gus pas mjal zhing dad gdung bzod med 'bar bas nye bar len pa'i rgyu dang /____rdo rje'i mched po chos spyan rab yangs bla sman ma ti sA ga ra mchog dang /____lhag bsam snying stobs lha lam ltar yangs pa'i dge bsnyen rdo rje 'dzin pa A nan+da karma sA ra/__chos grogs dge slong pra dz+nyA b+ha dra/__dge ba'i bshes gnyen ma Ni b+ha dra/__dad ldan mang+ga la'i ming can sogs kyis mthun rkyen ci rigs sbyor bas lhan cig byed rkyen gyis mtshams sbyar te rab rgyal lcags bya lo'i rgyal ba lha las babs pa'i dus tshes8 bzang por sde bzhi dge bcu'i dpal gyis mngon par mtho ba'i chos rgyal rim byon gyi gdan sa chen po mkhas grub skyes chen dam pa mang pos zhabs kyis bcags shing byin gyis brlabs te chos kyi 'khor lo bskor ba'i gnas/__rgyab ri seng ge gnam du 'phyo 'dra/__g.yas ri g.yu 'brug gyen du brgyugs 'dra/__g.yon ri glang chen dkar po 'gying 'dra/__mdun ri gter bum nor bus bkang 'dra sogs/__bkra shis pa'i re khas phyogs mtshams kun khyab par dkrigs pa'i mdo smad sa yi thig le dpal ldan lhun grub steng gi dbang ldan mtshams dngul phu bkra shis chos lung gi rang gnas su legs par 'du bgyis pa'i skabs/__yon sbyor zhus dag spar byang smon tshig bcas rje bla ma bka' drin mtshungs med 7rdo rje 'chang gang de'i bka' 'bangs kyi gral mthar 'khod cing /____lugs gnyis kyi bka' drin kho na'i zho shas 'tsho ba'i rmongs brtul gdol spyod pa dpe war sprul ming 'jam dbyangs bsod nams dbang po'am brda sprod kun bshad btags ming 'jam dpal dgyes pa'i mkhyen rab rmad byung lung rigs smra ba'i seng ge zhes yongs su 'bod pas rje bla ma dran pa'i gdung shugs gus pa chen pos dga' skyo 'dres ma'i ngang bris pa 'dis kyang bstan 'gro'i phan bde rdzogs ldan gsar pa'i dge mtshan phyogs dus gnas skabs yul dus thams cad du dar zhing rgyas la yun ring du gnas pa dang /____mkha' khyab yid can rgya mtsho rang rig bla ma'i rang zhal myur du mjal ba'i rgyur 'gyur bar bla ma rgyal ba sras dang bcas pas byin gyis brlab tu gsol/____/sarba dA mang+ga laM shu b+haM/ | ||
":Property:textsubnumber|textsubnumber" can not be assigned to a declared number type with value 1.
