དཔལ་མགོན་ཚོགས་ཀྱི་བདག་པོ་ཡིཿ མཆོད་བསྒྲུབ་བཅུད་དྲིལ་ཐིག་ལེཿ

From Khyentse Lineage - A Tsadra Foundation Project
Wylie title dpal mgon tshogs kyi bdag po yi mchod bsgrub bcud dril thig le
Location mdo mkhyen brtse bka' 'bum
Volume 7, Text 66, Pages (Folios to )
Author མདོ་མཁྱེན་བརྩེ་
Less details More details
Tertön མདོ་མཁྱེན་བརྩེ་ (Mdo mkhyen brtse)
Citation
Genre Protector Rituals - gsol mchod
Colophon

ཅེས་ཚོགས་བདག་མཆོད་སྒྲུབ་བཅུད་དྲིལ་ཐིག་ལེ་འདི༔ ལས་ལྡནདབང་མོ་ཨ་ཡུར་དྷེ་ཝ་ཡིས༔ བསྐུལ་ཚེ་ནམ་མཁའ་མཛོད་ཀྱི་ཆོས་སྡེ་ལས༔ ཁྲག་འཐུང་ལས་ཀྱི་དཔའ་བོས་ཕབ་པའོ༔ ས་མ་ཡཱ༔ རྒྱ་རྒྱ་རྒྱ༔ ཡིག་གེ་རིག་པའི་ཡེ་ཤེས་ཀྱིས་བགྱིས་སོ། །

ces tshogs bdag mchod sgrub bcud dril thig le 'di:_las ldanadabang mo a yur d+he wa yis:_bskul tshe nam mkha' mdzod kyi chos sde las:_khrag 'thung las kyi dpa' bos phab pa'o:_sa ma yA:_rgya rgya rgya:_yig ge rig pa'i ye shes kyis bgyis so/_/

[edit]
༁ྃཿ དཔལ་མགོན་ཚོགས་ཀྱི་བདག་པོ་ཡིཿ མཆོད་བསྒྲུབ་བཅུད་དྲིལ་ཐིག་ལེ་བཞུགསཿ ཐུགས་རྗེ་མངའ་བདག་སྤྱན་རས་གཟིགསཿ གདུག་པའི་གཤེད་དུ་རྔམ་པ་ཡིཿ དཔལ་མགོན་ལེགས་ལྡན་ཚོགས་ཀྱི་བདགཿ མཆོད་སྒྲུབ་བཅུད་ཀྱི་ཡང་སྙིང་ནིཿ ཧཱུྃ༔ རི་རབ་རི་ཡིས་བྱང་ཤར་མཚམས༔ རྩུབ་འགྱུར་ཚལ་གྱི་དུར་ཁྲོད་ནས༔ ནག་པོ་ཆེན་པོ་ཚོགས་ཀྱི་བདག༔ དགྲ་ལྷ་འཁོར་བཅས་གཤེགས་སུ་གསོལ༔ མ་ཧཱ་ཀ་ལ་ས་མ་ཡཱ་ཛ༔ ཡིད་སྤྲུལ་པད་ཉི་རོ་གདན་བཞུགས༔ དམ་ཚིག་དབང་གི་གུས་ཕྱག་འཚལ༔ རྒྱལ་བ་རྣམས་ཀྱིས་མངའ་གསོལ་བའི༔ སྔོན་གྱི་ཞལ་བཞེས་དྲན་པར་མཛོད༔ གཟུགས་སྒྲ་དྲི་རོ་རེག་བྱ་དང་༔ མཆོད་ཡོན་ཞབས་བསིལ་མེ་ཏོག་སྤོས༔ མར་མེ་དྲི་ཆབ་ཞལ་ཟས་སྒྲ༔ ཤ་ཁྲག་བརྒྱན་པའི་བ་ལིངྟ་༔ བདུད་རྩི་སྨན་དང་རཀྟའི་མཚོ༔ དགྲ་བོའི་ཤ་རུས་ཁྲག་ནང་རོལཿ སྤྱན་གཟིགས་གོ་མཚོན་བྱ་གཅན་གཟན༔ རི་དྭགས་གཡུང་དག་སྣ་ཚོགས་པ༔ མཆོད་འབུལ་ཐུགས་དམ་གཉན་པོ་བསྐང་༔ སྡང་དགྲ་བསམ་ངན་འཆང་བ་ཡི༔ ཚེ་བསོད་བཀྲག་མདངས་གཟི་བྱིན་དང་༔ ཁ་རྗེ་བསོད་ནམས་དབང་ཐང་རོལ༔ མགོན་པོ་དཔལ་ལྡན་དཔལ་འབར་བ༔ ནག་པོ་ཆེན་པོ་ཚོགས་ཀྱི་བདག༔ ཡུམ་སྲས་སྤྲུལ་པ་ཡང་སྤྲུལ་འཁོར༔ ལྷ་དམག་བཅས་ལ་བདག་བསྟོད་དོ༔ ཨོཾ་ཤྲྀ་མ་ཧཱ་ཀ་ལ་ཡཀྴ་བེ་ཏ་ལི་མ་ཧཱ་ཀ་ལ་སིདྡྷི་ཡཾ་དུ་ཛ༔ བྷྱོ༔ ཁྱོད་ནི་རྒྱལ་བའི་སྤྱན་སྔ་རུ༔ དགྲ་བགེགས་སྒྲོལ་བར་དམ་བཅས་བཞིན༔ སངས་རྒྱས་བསྟན་དགྲ་དཀོན་མཆོག་སྨད༔ བླ་མ་ལ་སྡང་ཆོས་ལ་བརྣག༔ ཉེས་མེད་སྡུག་སྦྱོར་དམ་ལྡན་མནར༔ བདག་ལ་སྡང་བར་བྱེད་པ་ཡི༔ སྡང་བའི་དགྲ་དང་གནོད་པའི་བགེགས༔ ཐལ་བ་རྡུལ་དུ་བརླག་པར་མཛོད༔ ཚེ་བསོད་དཔལ་འབྱོར་སྙན་གྲགས་སྤེལ༔ དབང་ཐང་རླུང་རྟ་གཟི་བྱིན་རྒྱས༔ ཕྱོགས་ལས་རྣམ་པར་རྒྱལ་བ་དང་༔ བསམ་དོན་ཕྲིན་ལས་ལྷུན་འགྲུབ་མཛོད༔ ཅེས་ཚོགས་བདག་མཆོད་སྒྲུབ་བཅུད་དྲིལ་ཐིག་ལེ་འདི༔ ལས་ལྡནདབང་མོ་ཨ་ཡུར་དྷེ་ཝ་ཡིས༔ བསྐུལ་ཚེ་ནམ་མཁའ་མཛོད་ཀྱི་ཆོས་སྡེ་ལས༔ ཁྲག་འཐུང་ལས་ཀྱི་དཔའ་བོས་ཕབ་པའོ༔ ས་མ་ཡཱ༔ རྒྱ་རྒྱ་རྒྱ༔ ཡིག་གེ་རིག་པའི་ཡེ་ཤེས་ཀྱིས་བགྱིས་སོ། །