གཏེར་སྲུང་མཆོད་པཿ

🚧 This website is under continued development. We appreciate your patience!

Previous Text Back to Volume Page Next Text

Wylie title	gter srung mchod pa
Location	mdo mkhyen brtse bka' 'bum Volume 7, Text 52, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Protector Rituals - gsol mchod

[edit]

༄༅། །གཏེར་སྲུང་མཆོད་པ་ནིཿ ཧཱུཾ། །དགེ་བསྙེན་ཤིའུ་མཁའ་རི་དང༌། །ཇོ་བོ་ཀླུ་བདུད་མགོ་དགུ་དང༌། །བསྙོ་ཁ་ནག་པོ་ཏི་པ་ཙ། །གཏེར་སྲུང་ཚོགས་རྣམས་གནས་འདིར་སྤྱོན། །ཉེར་སྤྱོད་འདོད་ཡོན་གཏོར་མ་དང༌། །མཐུན་པའི་དམ་རྫས་ཚོགས་ཀྱིས་མཆོད། །ཉམ་ཆགས་འགལ་འཁྲུལ་ཅི་མཆིས་བཤགས། །ཐུགས་དམ་བསྐང་ངོ་དངོས་གྲུབ་སྩོལ། །ཨོཾ་ཨཱ་ཀོ་རོ༴ ལན་གསུམ་གྱིས་གཏོར་མ་བསྔོ། ཨོཾ་དེ་ཝ་ནཱ་ག་ཨརྒྷཾ་ནས་ཤཔྟ་པྲ་ཏིཙྪ་སྭཱ་ཧཱ། ཧཱུྃ་མཁོ་མཐིང་གཏེར་སྲུང་ཤེལ་གིང་དཀར། །ཚུར་བྱོན་དགྱེས་པའི་གདན་ལ་བཞུགས། །སྨན་རཀ་གཏོར་གསུམ་ཕྱི་ནང་གི། །འདོད་ཡོན་མཆོད་པ་རྒྱ་མཚོ་འབུལ། །བསམ་པ་སྒྲུབས་ལ་རེ་བ་སྐོངས། །ཟབ་ཆོས་འཆད་ཉན་སྒོམ་སྒྲུབ་ལ། །ཕྲག་དོག་ཉེར་འཚེ་མེད་པ་ཡིས། །བཅོལ་བའི་ཕྲིན་ལས་འགྲུབ་པར་མཛོད། །ཨོཾ་མ་ཧཱ་རཱ་ཛ་གིང་ཀ་ར་ས་པཱ་རི་ཝ་ར་མ་ཧཱ་པཉྩ་མ་ཧཱ་རཀྟ། མ་ཧཱ་བཱ་ལིངྟ་ཁཱ་ཧི། སྔགས་མཇུག་ཏུ་ཨ་རྒྷཾ་ནས་ཤཔྟའིབར་གྱིས་མཆོད། ཧཱུཾ། གཏེར་གྱི་སྲུང་མ་འཁོར་དང་བཅས། །དམ་རྫས་མཆོད་གཏོར་འདི་བཞེས་ལ། །ཟབ་གཏེར་གཉན་གྱི་བསྟན་པ་སྲུངས། །ཞི་རྒྱས་དབང་དང་དྲག་པོའི་ལས། །ཐོགས་མེད་མྱུར་དུ་འགྲུབ་པར་མཛོད། །ཅེས་གཏོར་མ་གཤེགས་སོ། བཅའ་ཐབ་ནི། དགེ་བསྙེན་ཤིའུ་ལ་ཟླུམ་གཏོར་གཅིག ཇོ་བོ་ཀླུ་བདུད་དང་བསྙོ་ཁ་གཉིས་ལ་ཟླུམ་གཏོར་སྦྲུལ་འཁྱུད་ཅན་གཉིས། གཏེར་སྲུང་ཤེལ་གིང་ལ་གསང་བྱི་ཕྱེད་བཤོས་དང༌། སོ་སོའི་མཐུན་རྫས་ཟས་སྣ་སྐྱེམས་ཕུད་བཅས་བཤམ་མོ། །ཕྲིན་ལས་མྱུར་རོ། །