ཡེ་ཤེས་མགོན་པོའི་གཏོར་འབུལཿ

🚧 This website is under continued development. We appreciate your patience!

Previous Text Back to Volume PageNext Text

Wylie title	ye shes mgon po'i gtor 'bul
Location	mdo mkhyen brtse bka' 'bum Volume 7, Text 35, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Protector Rituals - gsol mchod  ·  Torma-offering Rituals - gtor chog
Colophon	འདི་ཡང་མཐའི་ཤུན་བརྡ་རིས་ལསཿ ཁྲག་འཐུང་ལས་ཀྱི་དཔའ་བོས་ཕབ་པའོཿ ས་མ་ཡཱཿ རྒྱ་རྒྱ་རྒྱཿ དགེའོ།། །།
	'di yang mtha'i shun brda ris las:_khrag 'thung las kyi dpa' bos phab pa'o:_sa ma yA:_rgya rgya rgya:_dge'o//_//

Tibetan Text

[edit]

྅྅྅ ཡེ་ཤེས་མགོན་པོའི་གཏོར་འབུལ་བཞུགསཿ ༈ ཁྲག་འཐུང་ཧེ་རུ་ཀ་ལ་འདུདཿ ཡེ་ཤེས་མགོན་པོའི་གཏོར་འབུལ་ནིཿ རཾ་ཡཾ་ཁཾཿ གིས་མ་དག་སྦྱངསཿ ཏིང་ངེ་འཛིན་གྱིས་བྱིན་གྱིས་རླབསཿ ཨོཾ་ཨཱཿཧཱུཾ་ཧ་ཧོ་ཧྲཱིཿ ལན་གསུམཿ ཧཱུྃ་བྷྱོཿ བྱང་ཤར་དུག་མཚོ་ཁོལ་མའི་ནངཿ ལྕགས་མཁར་འབར་བའི་ཕོ་བྲང་ནསཿ ཡེ་ཤེས་མགོན་པོ་བྱ་རོག་གདོངཿ ཡབ་ཡུམ་སྲས་གིང་འཁོར་དང་བཅསཿ མྱུར་དུ་སྤྱན་འདྲེན་གཤེགས་སུ་གསོལཿ མ་ཧཱ་ཀཱ་ལ་ས་མ་ཡ་ཛཿ བདག་དང་འབྲལ་མེད་བརྟན་པར་བཞུགསཿ ཤ་ཁྲག་དམར་གྱི་གཏོར་མ་དངཿ དམ་རྫས་ཡེ་ཤེས་བདུད་རྩྀའི་བཅུདཿ རོ་བརྒྱ་ནུས་པ་སྟོང་དང་ལྡནཿ འདོད་ཡོན་ལྔ་ཡི་རླངས་སྤྲིན་འཁྲིགསཿ མི་ཟད་གཏེར་གྱི་ཆར་འབེབས་པསཿ གསོལ་ལོ་མཆོད་དོ་ཐུགས་དམ་བསྐངཿ དགྱེས་པར་བཞེས་ལ་བཀྲག་མདངས་བསྐྱེདཿ དམ་ཚིག་ཅན་ལ་བདག་བསྟོད་དོཿ མངའ་གསོལ་དབུ་འཕང་གཉན་པོ་བསྟོདཿ སྡང་དགྲ་ལས་ངན་སྡིག་པོ་ཆེཿ སྲུང་མ་ཁྱོད་ཀྱི་ཟས་སྐལ་གཏདཿ ཚེ་སྲོག་སྙིང་ཁྲག་དྲོན་མོར་བཞེསཿ རྣལ་འབྱོར་པ་ཡི་འདོད་པའི་དོནཿ ཐོགས་པ་མེད་པ་མྱུར་འགྲུབ་མཛོདཿ ཅེས་བརྗོད་གཏོར་མ་གཙང་སར་གཤེགསཿ འདི་ཡང་མཐའི་ཤུན་བརྡ་རིས་ལསཿ ཁྲག་འཐུང་ལས་ཀྱི་དཔའ་བོས་ཕབ་པའོཿ ས་མ་ཡཱཿ རྒྱ་རྒྱ་རྒྱཿ དགེའོ།། །།